رواية أسيرة الوحش الفصل الثاني والثلاثون بقلم الكاتبه سجده محمد حصريه وجديده

رواية أسيرة الوحش الفصل الثاني والثلاثون بقلم الكاتبه سجده محمد حصريه وجديده 

سجده بتفوق بتلاقي نفسها في حضن فهد ونايمه شعرها كله علي وشه... بتشهق وبتبعد نفسها عنه بسرعه وبتصحيه بصوت عالي: انت ي استاذ فهد.. قوم كده كلمني

فهد بيقوم هو بيفرك في عينه لان اول مره ينام نون عميق كده من تلت سنين... فهد: ايه في ايه حد يصحي حد كده.. يشيخه 

سجده بزعيق: ايوا ما انت تستاهل.. انت ايه الي خلاك تجبني انام جنبك 

فهد: انا مجبتش حد انتي الي جيتي 

سجده بتفهم انو بيضحك عليها: لا والله.. انت فاكرني هصدق... لا يحبيبي انت عملتها فيا قبل كده فاكر 

فهد: طبعا... فاكر يسجده.. ولا عمري انسي حاجه تخصك.. وايوا انا الي جبتك ونيمتك في حضني 

سجده: يبني انت هتجنني بجد.. يعني.. ايه البرود ده 

فهد: يبت بحبك 

سجده بضحك: بت 

فهد: ضحكت يعني قلبها مال 

سجده: فهد 

فهد: عيونه 

سجده: هو انت بقيت طفل اوي كده ليه 

فهد بحنية: من يوم مرجعتي يسجده وانا حاسس نفسي حياتي رجعتلي من تاني 

سجده بتوه في الموضوع: طب.. طب  .. يلا بقي علشان عايز اروح 

فهد: بشرط 

سجده: ايه هو 

فهد: هفطر انا وانتي وبعدها نروح 

سجده: يفهد 

فهد: ها 

سجده: ماشي ي استاذ فهد... وبيقوموا الاتنين يحضروا الفطار مع بعض.. طبعا فهد بيكون  مبسوط جدا وهو بيشاركها زي زمان وهيا بتحس من جواها انها مبسوطه برضو.. بس بتسيطر علي مشاعرها.. وبيفطروا ويجهزوا علشان يمشوا وبتلاقيةفعد بيطلع المفتاح من جيبه

سجده بصدمه: ايه ده.. يعني انت كان معاك المفتاح.. طب والي رميته... فهد بيضحك: بسيطه نسخه تانيه 

سجده وهيا متغاظه من تصرفاته وبتقول: مستفز

فهد: جداااا

سجده: طب يلا يفهد بدل مهعمل خلحه هتزعلك

فهد: اعملي الي تعمليه مش بزعل منك برضو... سحده بتلاقي انها مش هتكسب النقاش معاه.. فبتطلع وبتركب العربيه... وهو بيركب بعدها وبيتجهوا ناحية القصر

&&&&&&&&&&&&&&&&&&&&&

بيدخل فهد وسجده القصر.... بيلاقوا الجد قاعد في الصالون ومعاه شخص.. فهد وهو داخل بيلاقي الشخص بيقول انا عايزه اطلب ايد الانسه سجده 

فهد بيسمع الكلمه من هنا بيحس ان بركان اتفجر فيه وبيفقد اعصابه وبيتجه نحو وبيمسكه من ياقة قميصه وبيقول بغضب جحيمي: تطلب ايد مين يعسل 

الشاب: في اي ي استاذ فهد.. انا قولت حاجه غلط.. انا عايز اطلب ايد الانسه سجده بنت خالك.. سجده بتبقي واقف هتنفجر من الضحك هيا وحور وحبيبه علي منظر فهد والشاب... وفهد بيقول بصوت عالي: انت عبيط يلا 

الشاب: عيب ي استاذ كده.. مترد يحاج وشوف الي حفيدك بيعمله ده.. والجد بيبقي قاعد محروج من الموقف.. وبيقوله: بس يبني بيقطع كلامه فهد: لا بس ولا مبسش يلا ياض انت اطلع بره.... سجده بتكرر تستفزه وتخليه يشيك اكتر وبتروح تقف جنبه وبتقول: انت بتعمل كده ليه.. هو انتو كنت خدت راي العروسه علشان تتطرده بره 

الشاب بفرحه: اهو الانسه سجده موافقه.. مفيش حجه... وحور وحبيبة بيكونوا واقفين بيدعوا ان فهد ميكسرش الشاب ويمسر سجده معاه

فهد بيبص لسجده بغضب: اقسم بالله يسجده لو ما اتلميتي وطلعتي علي فوق حالا هكسر عضمك ده  

سجده بعند: طب اهدي بس يفهودي وهيا بتضحك 

فهد بصوت جهوري: سجده 

سجده بتخاف منه وبتطلع حري علي السلم وهيا بتضحك 

الجد: في اي يفهد انت مش عملي احترام 

فهد: بعد اذنك يجدي. الموضوع ده سبني وانا هحله.. كل ده والشاب واقف وقاله: هتحله يعني هتوافق بيا والله انا هحطها في عيوني ومش هزعلاها 

فهد: انت اهبل يلا.. هو محدش قالك ان الانسه سجده الي هيا بنت خالي تبقي حرمي ولا ايه 

الشاب بصدمه: ايه... مراتك 

فهد: ايوا يعسل.. اي اوامر 

الشاب بكسوف: انا اسف والله مكنتش اعرف.. وبيستاذن وبيمشي.. وفهد بيطلع جري لسجده وبعد مبيطلع العيله كلهم بيفطسوا ضحك علي منظر فهد 

____________

عند سجده بتكون قاعده في اوضتها بتضحك.. بتلاقي فهد بيفتح الاوضه وداخل بغضب 

سجده: اتت ازاي تدخل كده  

فهد: وانتي ايه الي عملتيه تحت ده 

سجده وهيا بتستفزه: عملت ايه... عريس  ومتقدم ولو مناسب فيها ايه 

فهد بنفاذ صبر: سجده متستفزنيش.. علشان متجننش عليكي 

سجده: طب هو ايه الغلط في كلامي 

فهد: تصدقي انك عايز تتكسري وبيخبط ايده في الحيطه بغيظ 

سجده: في ايه بس يفهود

فهد وهو عارف انها بتستفزه انا هطلع علشان متجننش عليكي وبيطلع وبيرزع.. الباب وراه.. وهيا بتفضل تتنط علي السرير من الفرحه لانها نجحت في استفزازه.. وبتفتكر منظر الشاب وهو بين ايديه وبتفضل تضحك 

___________

في الصباح سجده بتصحي بتصلي وبتقرا الورد بتاعها واذكار الصباح وبتلبس دريس باللون اللافندر وطرحه مشجره بنفس اللون  وبتنزل 

عند فهد بيلبس طقم عباره عن قميص ابيض وبنطلون اسود وبيبقي متشوق ينزل علشان يشوف اميرته وينكش فيها 

سجده بتكون طالعه من الاوضه في نفس الوقت الي فهد بيكون طالع فيه 

فهد: احلي اصطباحه دي ولا ايه 

سجده: يبني انت عايز مني ايه 

فهد: ابنك احلي مامي في الدنيا 

سجده بضحك: هو انت مصر تضحكني 

فهد: خلاص..نخلينا في الي عملتيه امبارح 

سجده:  طب انا هنزل يشاطر علشان اصبح علي جدو 

فهد: لا انا هنزل قبلك 

سجده: لا انا هنزل الاول 

فهد: ايه شغل الاطفال ده 

سجده بعوجه: لا والله انا الي شغل اطفال برضو. بتنزل جري علي السلم وهو بينزل جري وراها الجد بيشوفهم بيقعد يضحك عليهم.. واسر وحور بيبقوا مش قادرين من الضحك وبعدين سجده بتكون هتوصل عند جدها وتحضنه فهد بيشدها فبتبقي قريبه من حضنه اوي وبعدين بتزقه: يعم اوعي بقي 

والاتنين بيقربوا من الجد في نفس الوقت وبيحضنوه 

الجد بضحك: في ايه يولاد هو انا ههرب منكم 

حور بضحك: لا يجدو دا عناد في بعض بس 

سجده بغضب مزيف ومضحك: لا والله اخوكي هو الي بيعاند وببعمل شغل اطفال عيزاني اعمل ايه يست حوري 

حور بطيبه وضحك: انتي تعملي الي انتي عيزاه يقمر 

سجده: روح قلبي تسلميلي 

اسر: مجانين اقسم بالله 

الجد: طب يلا علشان الفطار جاهز يولاد 

بيروحو علشان ياكلو وحبيبة واحمد بيكونوا داخلين 

الجد: ولاد حلال يلا علشان الاكل جاهز 

حبيبه واحمد بحب: طبعا طبعا احنا نطول ناكل مع جدو ومع القمرات دول.. وبيفطروا وسجده بتطلع تركب عربيتها علشان تروح الشركه.. بتلاقي فهد بيمسك باب العربيه 

سجده: في اي 

فهد: خوديني معاكي 

سجده: اوعي يفهد الله يكرمك علشان عايزه ماشي 

فهد: طب مش ناويه تحني عليا.. تعبت والله في بعدك والله بتقطع وانا شايفك قريبه مني وفي نفس الوقت بعيده مش طايل اخدك في حضني... اعصابي تعبت يسجده 

سجده بتلف وشها: متحلمش يفهد عيش حياتك ومتوقفش حياتك عليا 

فهد: انتي حياتي يسجده 

سجده: طيب بعد اذنك وبتقفل باب العربيه وبتمشي... فهد بيروح يركب العربيه وبيطلع وراها وبيقول لنفسه غلطت.. غلطه و هستحمل عواقب اغلاطي 

&&&&&&&&&&&&&&&&&&&&&

سجده بتكون قاعده في مكتبها بتلاقي الي بيفتح الباب وداخل 

سجده: انت ايه الي جابك ورايا 

فهد: قلبي 

سجده: ياربي عليك يفهد 

فهد: طب ايه... انتي قاعده مش المفروض اروح انا وانتي علشات نشوف الموقع الجديده الي هنبني عليها المصنع 

سجده بصدمه: ايه انا هروح معاك 

فهد: طبعا 

سجده: استحاله 

فهد: انتي الي اختاراتي تشتغلي.. ولازم تيجي معايا 

سجده: اروح منك فين بس 

فهد: طب يلا بقي علشان منتاخرش 

سجده: مش هاجي معاك برضو.. وبتاخد مفاتيح العربيه بتاعتها وبتمشي... فهد بينزل وراها وبيقول: انتي هتجريني وراكي شبه العيل الصغير كده 

فهد: انا مطلبتش منك تيجي ورايا وبتشمي.. بيفكرها هتروح تركب عربيتها.. لاكن بتدخل مطعم بيتزا قريب من الشركه.. فهد بيستغرب وبيدخل وراها.. بيلاقيه قعدت علي ترابيزه.. بيروخ وبيسحب كرسي وبيقعد في وشها

سجده: هو انت ورايا ورايا 

فهد: ما انا مش همشي من غيرك يغاليه 

سجده: متحلمش

فهد بكدب: ملازم نكون احنا الاتنين مع بعض.. علشان محدش يفتكر ان في خلافات

سجده: هاجي معاك بس بشرط

فهد: اؤمري                    

سجده: هتعزمني علي اكبر بيتزتين هنا 

فهد بضحك: بس كده وربنا اشتريلك المطعم ده كله لو طلبتي 

سجده: لا انا عايزه البيتزتين بس 

فهد: عيوني  وبالفعل بيطلبلها وبيقولها بعد اذنك ممكن اكل  معاكي بتبصله وبتضحك وبتثول بهزار: قطعه واحده بس بيضحك وبياكلوا مع بعض وبعد كده بيطلعوا مع بعض وبيركبوا عربية فهد.. وبيوصلوا الموقع مع بعض... وسجده بتمون عايزه تشرب وبتقول: فهد 

فهد بحب: نعم يقلب فهد 

سجده: عايزه اشرب 

فهد: من عيوني  يحبيبتي ثواني هروح اجبلك واجي بيروح فهد يشتري ازازة مايه لسجده... وهو راجع بيسمع سجده بتصرخ بصوت عالي حدا.. بيتخض وبيطلع يجري عليها 

ياتري سجده بتصرخ ليه؟؟!!!