رواية خيانة علي ورق البارت الخامس والسادس بقلم نور شريف حصريه وجديده
وعد بنتي فين يا جاسر و ماتت ازاي و كيف ؟!
اتصدم جاسر من دخول ابوها
وجري علي أمه وحضنها و بدأ يعيط بتمثيل .. وعد راحت مني كانت حته مني رجعيلي وعد يا ماما
رفع ابوها حاجبه بغضب .. أحنا ناس بيهمها الشرف وانا اللي هدفن جثة بنتي بإيدي ..
قرب جاسر من ابوها وشده لحضنه وبدأ يبكي ويمسك إيده لحد ما حط إيده في جيب جلبيته وطلع تلفونه حطه في جيبه بعد عنه ومثل أنه أغمي عليه
اخدوه علي الصالون بهدوء وبدأ يفوق اتعصب ابوها و اخد رجالته ومشي وهو طايق حاله
قام جاسر وهو بيبتسم بخبث واخد التلفون وطلع الاوضة عند وعد دخل وهو بيغني بفرحة قفل الباب عليهم وقرب عليها و ضحك بهسترية ... النهاردة هعرف مين فيكوا علي حق هعرف انتي هربتي من فرحك علي قاسم ليه
لمعت عيون وعد بفرحة : بجد يا جاسر عرفت ازاي ..
طلع تلفون ابوها وقال تعرفي الباسورد ولا اشوف حد يفك الشفرات و افتحه بطريقتي ..
أيوة عارفه الباسورد اخدت التلفون و فتحته ليه ساعتها عرف جاسر أن وعد بريئه وان في لعبة بتدور حوليها دخل علي حسباته و مكالمته قعد و سند ظهره علي السرير
فتح الاب بخبث ونقل كل المعلومات عنده وقفل الاب و اخد التلفون و رماه قدام البيت
بحيث لو رجع ابوها يعرف أنه وقع منه !!!
 |
حط التلفون و طلع فتح الاب و شاف سجل المكالمات و اخر مكالمة كانت بينه و بين قاسم ليه دخل علي الوتس عنده بصدمة :-
يبوي شوفي ابوكي هو اللي مصورك و باعت الصور لقاسم مقابل مبلغ ٢٥٠ الف جنية عشان قاسم يتمتع بيهم
مقرف ابوكي ده راجل حق'ير ازاي يبيع شر'فه مقابل الفلوس ..
قرأ الشات وفي صور كتير ل وعد اتبعتت و اتفاقات علي خط'ف وعد عشان قاسم عايزها بص علي تاريخ السنة و الشهر وقال بغضب
ازاي ده يحصل أنا هتجنن انتي كنتي مخطوفة اليوم ده لما كان عندي مأمورية طب ازاي لما أنا رجعت منها انتي مقولتيش أن حصلك حاجة
و ازاي اتصورتي بشكل ده و ازاي انتي مش فاكرة أن قاسم عمل فيكي كدا
السنة دي و الشهر ده انتي كنتي مراتي ومعايا وكنتي سليمة ومفيش اي مشاكل بينا ..
قفل الاب بغضب و نار الغيرة سيطرت عليه ضغط علي إيد وعد بضيق .. انطقي عايز اعرف الحقيقة أنا مش بنام كل ما بتخيل انك كنتي معاه بإرتك وأنه اخد حاجة من حقي
عدا سبع شهور وانا زي المجنون مش بنام يا وعد
ده ابني ولا لاء قوليلي طيب هما عملوا فيكي ايه عشان اقدر اجيب حقك لو عندك حق ..!
عيطت وعد بقهر وزقت إيده بتعب .. إيدي بتوجعني أبعد عني أنا بكرهك .؟
بص علي بطنها اللي ظاهرة رفع التيشرت لانه لمح جرح كبير صرخ بصدمة وقال ايه اللي علي بطنك ده انتي حد حاول يسق'طك قبل كدا
حد عارف إنك حامل غيري ..
صرخت وعد بانهيار و بدأت تشد في أعصابها و تشد شعرها وتصرخ فيه لدرجة البيت كله سمع صوتها وقفت كسرت كل اللي في الاوضة
مسكت فازه مكسورة و قربتها عليها .. إياك تقرب مني ولا تلمسني أنا مرآت جاسر مش بتاعتك متقربش مني
يا بابااا ألحقني يا جاسر صرخت وعد صرخه بصوت مبحوح وفجأة وقعت علي الارض قرب جاسر منها يقيس نبضها وهو قلقان وخايف ممكن مرعوب كمان
حضنها عشان يطمنها و أمه عدلت لها السرير و نامت عليه بهدوء كانت بتتنفض و بترتعش من الخوف
ساعتها قرر جاسر أنه يجبلها دكتورة تكشف عليها وأنه خلاص لازم يعرف الحقيقة سواء منها أو من غيرها ..
سبها و نزل الساعة عدت 6 و جهزت مامته الاكل و قعد جاسر في مكتبه في انتظار قاسم .
دخل قاسم من الباب ومعاه علبة شكولاتة و الفرحة مش سايعه أنه هيرجع علاقته بجاسر وعن طريقه هيوصل أنه يرجع ظابط برتبه تاني ..
قعد جاسر علي الكرسي لما حس بخطوات رجليه حط قطرة في عينه و مثل العياط و الزعل قرب قاسم و خبط
سمحله جاسر بالدخول .. دخل بهدوء شاف جاسر بيعيط قرب منه بتوتر
البقاء لله يا جاسر ربنا يعوضك بالاحسن منها وتقدر تنساها و تعيش يا صحبي ؟!
وقف بحزن .. البقاء لله وحده حقيقي مش قادر اسامحها .
حقك يا جاسر اللي عملته وعد مش سهل علي أي راجل بلذات لو جوزها أو حبيبها ؟
قعد جاسر وقال بهدوء .. وعد اتعرضت علي الطب الشرعي وقالوا إنها اتعرضت لضر'ب و جرو'ح عمقها كبير و قالوا إنها ب سك'ين مستغرب مين عمل فيها كدا ..
مش يمكن اخوك اشرف يا جاسر
البارت السادس
تم تشر'يح الجثمان يا جاسر بيه و تقدر تستلمها النهاردة
كان فاتح جاسر مكبر الصوت و قاسم واقف بيسمع الصوت بصدمة وقع الخبر عليه زي الصاعقة :ـ
يعني خلاص هندفنها بكرة طب و الطفل فين و ازاي عاش كل ده كان بيدور في دماغه
قفل جاسر المكالمة وبص علي وش قاسم
اللي بقا اصفر من الخضة ... مالك يا صحبي خد اشرب مياه ..
أبتسم جاسر بخبث و وقع عليه المياة وعمل أن إيده بترتعش معلش بس من صدمة الموقف مش قادر اتملك اعصابي !!
نفض قاسم هدومه وقال بتنهيدة : يلا هاجي معاك نستلم جثة وعد ؟
لاسف أهلها اللي هيستلموها أنا مش هقدر اشوفها قدامي و ابقى قادر اشيلها و ادفنها بإيدي ..
شده جاسر من إيده و سحبه ونزل علي السفرة بجمود غمز لأمه بغموض .. قاسم صحبي جه عندنا تاني يا ماما وقال إن وحشه الاكل بتاعك
حقيقي جدا يا طنط الاكل بتاعك عمري ما نسيته وما صدقت قبلت جاسر تاني و هو طلب مني أن أكل عندك
قدمت أمه الاكل بهدوء : جاسر دايما كان بيحكيلي انك كنت اقرب حد ليه ؟
هز قاسم دماغه بتوتر :ـ هنرجع أحسن من الاول هي كانت شوية خلافات و اتحلت المشكلة اللي بينا.
كل قاسم واتنهدت بهدوء بعد ما شبع بصله جاسر بخبث وفجأة وقع قاسم علي الارض شده جاسر من إيده وسنده وطلع بيه أوضة فاضية و اخد تلفونه وقفل عليه ورجع لأوضته مع وعد فتح الباب عليها و دخلها بفرحة !!!
معايا تلفون قاسم : فرحت وعد وقربت منه بجد يا جاسر !؟
اه بجد وكدا هعرف الحقيقة .. فتح تلفونه لانه عارف الباسورد ودخل علي الصور المبعوته ليه ل وعد و مسحها و مسح الفديو بتاعها وهو بيرقص في الاوضة
نقل المعلومات عنده علي التاب و اخد حسابه وفجأة عمل ضبط للجهاز و رجع زي ما كان
انتفض من مكانه بخوف .. هجيلك تاني مفعول المخدر بدأ يروح عايز انقله تاني علي السفرة و احط التلفون ده في المكتب عندي
بسرعة كان نزل حط التلفون في المكتب و نقل قاسم علي الكرسي وحاول يفوق بيه بمياة و برفان لحد ما صحي
فتح عيونه باستغراب أنا فين كنت فين أنا .. ايه اللي حصل
بص قاسم علي جسمه اللي بقي احمر لأنه عنده حساسية من البهارات ابتسم جاسر بخبث معلش يبني ماما تقريبا نسيت انك عندك حساسية اغمي عليك و من ساعتها بحاول أفوق فيك وقد ايه كنت فاكر دخلت في غيبوبة
فضل قاسم يهرش في جسمه لدرجة أنه جرح نفسه ونزل د'م عيون جاسر كلها كانت كره ليه لكن بيحاول يخفي ده ب نوع من أنواع القلق
هاتي يا ماما دواء للحساسيه جريت أمه جابت ليه علاج اخده قاسم بسرعة من شده الوجع
ينفع كدا يا طنط تفتكري بعد كدا حطي ملح في الطبق بتاعي بس !!
هزت دماغها بالموافقة قام من مكانه بتعب فين التلفون بتاعي ؟
مش عارف انت جايبه معاك وانت جاي
اه بس مش فاكر سبته فين قعد يدور علي السفرة مش لاقيه لحد ما افتكر أنه كان مع جاسر في المكتب راح عند المكتب لاقه بس كوباية المياه واقعه فوقه
صرخ بغضب وعصبية : ايه اللي حصل ده ؟
طلع جاسر لمصدر الصوت باستغراب .. مالك يا قاسم متعصب ليه ؟
التلفون اتحرق شاشته ولا مش عارف مبقاش بيفتح ليه بضغط عليه بيزن بس ...
مش عارف يا قاسم اتاكد كدا أنا شديتك من ايدك حتي كنت بتكلم ممكن يكون سبته هنا ونزلت معايا وبعد اللي حصلك كنت بفوقك و مفيش غير امي اللي هنا في القصر
مين اللي هيكون عمل كدا غيرك ..
كان بيحاول قاسم يعصر في دماغه عشان يفتكر اللي حصل لكن مش فاكر هز دماغه بزعل كان عليه حاجات مهمة و اسرار شغل دلوقت مش عارف ايه اللي حصله
ولا هرجع ده تاني ازاي !!
خير متقلقش اجبلك تلفون جديد وفكك من ده لو ارقام شغل هترجع متخفش ؟!
سرح قاسم بخياله .. ارقام شغل ايه ده عليه صور المرحومه تشبعني نسوان طول حياتي فاق من تفكيره علي صوت جاسر
ايه سكت ليه هجبلك واحد ريح دمك بكرة لازم تبقى موجود ساعة الدفنه .!
حاضر خرج قاسم وهو مش طايق روحه أن تلفونه ده باظ طلع جاسر عند وعد وهو بيزغرط أنه عرف يعمل حاجة تشفي نا'ره
قرب منها لقى وشها اصفر و ماسكه بطنها بوجع .. بطني بتتقطع يا جاسر
ألحقني ؟!؟!
كشف عنها الهدوم وقاس النبض بيرفعها من علي السرير لقها بتنز'ف قال باستغراب ازاي الجروح دي متعلجتش الدكتور الحمار اللي احنا روحنا ليه عملك ايه
قال الطفل كويس بس
أنا عايزك انتي بخير عايز اعرف مين عمل فيكي كدا ..
سندت نفسها علي كتفه وقالت بهدوء حط ليا مسكن علي الجروح بس براحه وانا هحكيلك بس تصدقني يا جاسر اوعا تبعد عني خليك واثق فيا .؟
هز دماغه بتنهيدة قربها منه وبدأ يحط علي أيدها بهدوء و هي كانت بتعيط
قاسم مقربش مني ولا حصل بيني وبينه حاجة كان بيخاف علي سمعته وخايف اكون أنا لسه علي ذمتك في مرة دخل عندي الشقة بتاعتنا زمان
معرفش دخل ازاي لقيته جاي ومعاه أكل وهدوم ليا بس قال ليا بمقابل دول تقوليلي مشاعرك من نحيتي بتحبيني ولا لاء
ارتعشت من وجوده في الشقة كنت حسه أن مفيش امان وانت مش موجود وازاي كنت بعيد عني بشكل ده قرب منها وقعد وجاب أكل كنت جعانة وتعبانة لأن مبنزلش شغل وكنت حامل جديد ومبقدرش أقف من شدة التعب
قعد وأكلني وقال بتوتر باين علي صوته :ـ هو جاسر بعيد عنك بقاله قد ايه ..
رديت عليه و قولتله كان في هنا أكل في الثلاجة و قرب يخلص حتي الفلوس اللي كانت معايا خلصت كنت تعبانة جدا نزل جاب ليا علاج و أكل و ساب فلوس علي السرير
وقبل ما يمشي قال ليا انتي حامل ولا لاء ..
قولتله اه حامل في الشهر التالت وتعبانة محتاجة اتابع مع دكتورة شعري بيقع وتعبانة !
عدا اسبوع وجه قال البسي هنروح لدكتور وافقت وانا نازلة شوفت بابا كان بيبصلي بغضب وعيون كلها مره كأن مش بنته رفع عليا سلاح بس قاسم اخدني بعيد و روحنا لدكتور
كشف عليا وقال أن ضعيفة و محتاجة اهتم بأكلي كنت مفتقداك كنت عايزة اقولك قد ايه انت وحشتني وعايزه احكيلك ايه اللي حصلي من غيرك مش عارفه مشيت ليه بس كنت عارفه أن مش انا السبب
رجعت بيتي و قاسم كان معايا لحظة ب لحظة لكن عمره ما حتي فكر يتحر'ش بيا
قال ليا قبل كدا انتي أمانة من حد غالي عندي صحيح أنا طمع و نفسي فيكي بس مخدش حاجة مش من حقي كلامه خوفني شوية بس كنت لقيت حد يصرف عليا في غيابك
لحد ما لقيت بابا عندي في مرة في الشقة
و ضربني و بطني كانت ظهرت اتهمني أن متجوزة صحبك عرفي و ضربني بالسك'ين علي جسمي وعلي ابني اللي كنت بحمي كنت ببوس رجليها عشان يبعد عني و يرحمني
لكنه فضل كل يوم يجي يضربني و يجيب سك'ين و يحاول أنه يقت'لني قولتله أنا لسه مرأة جاسر محصلش طلاق هو مسافر بس كام شهر وعشان قاسم صحبه مخليه يطمن عليا ده اللي كنت فاكره أن قاسم بيعمل كدا عشان انت موصيه و انك مسافر لكن كل ده طبعا محصلش ومره تانيه كان جاي مع اخويا
وضربوني و صوروني غصب عني كنت بخبي نفسي من اهلي بس عمري ما كرهتك يا جاسر كنت بنادي عليك في كل وقت و كل لحظة وانت مش سامعني!!
لحد ما في مرة لقيت قاسم صحبك مربوط وجاي و لبسوني فستان و كانوا جايبين مأذون وانا احلف ان مراتك
وقاسم يقول جاسر طلقها و ده القيد العائلي و بابا واقف بيبصلي وقال أمضي مضيت وانا مرعوبة و هددوني أنهم هيقتلو'ك
وسبوني مع قاسم قبلها بكام يوم سمعت حد من أهلك بيكلم بابا في التلفون و بيقوله جاسر رجع بيته وانك اخدت اجازه من شغلك وقاله علي العنوان حاولت أهرب قبل الجواز معرفتش غير يوم ما فتحوا الباب ليا أنا و قاسم و ساعتها جريت
كنت بدور عليك جوا نفسي قبل ما بدور عليك برا معقول موحشتكش تتطمن عليا
لما وصلت لبيتك حسيت أن فزت وان عرفت اوصل لنهاية وانك اول ما تشوفني هتحضني و تتطمني لكن انت كسرت قلبي ومش قادرة اسامحك '
بعدت عن حضنه وهو كان بيعيط و باصص في الارض بصتله وعد بدموع كلها قهر انت يا جاسر شخص عديم المسؤلية عمرك ما حبتني عشان اسلم ليك نفسي تاني
أنا معاك هنا عشان انت امان عن بابا و صحبك اللي اسمه قاسم اول ما حقي يرجع وتعرف أن بريئه مش هعيش معاك ثانية واحده ..
قالت كلامها وفجأة وقعت علي الارض !!!
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق