رواية حين تقع في الحب الجزء الثاني البارت الثالث عشر والرابع عشر بقلم الكاتبه ندي علي حبيب حصريه وجديده
نور :غسان الدبله فين
غسان بتوتر :الدبله اه نسيت اقولك روحت اغيرها علشان مطبقه
نور بشك :متأكد
غسان :ايوا طبعاً
بعد وقت وصلو قدام البيت نور نزلت والولاد وطلعوا علي الشقه بتاعتها ونسمه طلعت شقتها
قاسم :احم ايه الاخبار
غسان :اسكت يا غبي الدبله كانت في جيبي مش عارف اختفت فين ونور اخدت بالها
قاسم :ربنا معاك
غسان :المهم انا رايح اطل علي الجواميس وراجع
قاسم :تمام وانا قاعد مع الحج هنا اهو
 |
في شقة نور
عاصي :ماما الجاكت بتاع اسر احسن مني
اسر :عاصي بطل تبص لكل حاجه ليا
نور :يا عاصي الجاكت كويس المهم يلا روحو اقلعو الهدوم دي في اوضتكم وتعالو
اسر وعاصي :حاضر ومشو
نور مسكت فون اسر وفضلت تقلب فيه كالعاده اشوف اسر بيعمل ايه وفجأة شافت صوره غسان والبنت
نور بصدمه :دا ايه
اسر دخل :ماما انا في ايه بتعيطي ليه
نور بعياط :الصور دي النهارده
اسر :ماما احنا كنا
نور بعياط :ادخل هات اخوك وتعالي علشان هنروح عند تيتا
اسر :ماما بابا مكنش يقصد
نور بصراخ :اسر سمعت قولت ايه اللي قولته يتعمل بسرعه
اسر :حاضر يا ماما
نور بعياط :انا ابقي وحده معنديش كرامه لو فضلت لحظه معاك ولمت هدومها ونزلت ووراها الولاد
غسان:في ايه رايحه فين
نور قلعت الدبله :مره قلعتها ومشيت من وراك بس رجعت لايدي تاني لكن المره دي مفيش راجعه
كانت الصدمه شديده علي غسان :نور في ايه فهميني بس
نور وقفت تاكسي وركبت وع دموعها وعياط الولاد
منير بصوت :غسان في ايه غسااان رد مالك متسمر كدا ليه
غسان مسك الدبله بصدمه :نور مشيت بجد
قاسم :غسان فوق في ايه
غسان بغضب ركب العربيه ومشي وراها
نسمه :قاسم في ايه نور مشيت ليه
قاسم :مش عارف في ايه بس غسان راح ليها المهم اطلعي انتي واعدلي الطرحه علي راسك
................
في الطريق
غسان عمال يظمر كلكس العربيه لحد ما لحظ السواق
السواق :مدام انتي تعرفي العربيه دي
نور بكسره :معرفش حاجه كمل طريقك لو سمحت
عاصي بعياط:ماما انا عاوز بابا
نور بصت ليه وحضنته :احنا ملناش حد يعاصي انت واسر
غسان ايجه بعربيته جنب السواق :اقف علي جنب اخلص
السواق وقف بخوف :في ايه يابيه انا مليش علاقة بحد
نور :معلش استني لو سمحت ونزلت من العربيه وراحت وقفت قدامه
غسان بنهج :نور صدقيني انتي فهمه غلط
نور بصراخ :كفااااااية بقي من يوم ما اتجوزتك وانت بتجرحني مفيش حد بهدلني قدك مفيش حد زلني قدك مفيش حد قدر يضر*بني قدك رغم ان انت الد*م اللي في عروقي بإسمك وحبك وانت مفيش حاجه عملتها ليا غير الكر*ه من نحيتك ليا وكنت بستحمل وبكذب نفسي الف مره لكن توصل بيك انك تخو*ني قدام ولادك بجد انت صدمتني
غسان :نور انا لو مش بحبك عمري ما كنت اتجوزتك انا مخنتش علاقتنا ولا خنت*ك دي كانت ضحك وهزار وحياتك عندي
نور بدموع :وايه حياتي عندك تسوي ايه يا غسان اقولك انت اتجوزتني ليه فاكر ايام زمان لما عمي كان عاوز يجوزني لابنه انت اتجوزتني وقبلت بيا طول السنين دي علشان تحميني وانا كنت حاسه والله
غسان :نور انتي مراتي وام عيالي مقدرش صدقيني اخو*نك ولا حتي احب غيرك انا لو طايل اجيب نجمه من السما هجيب ومش هتردد
نور بدموع :غسان انا تعبت بما فيه الكفايه والله العظيم تعبت ابعد عني وسبني وهقولك الكلمة اللي طول حياتي خايفه يجي يوم واقوله ليك واتنهدت بتعب وعياط غسان طلقني انا خلاص زهقت بس سيب ولادي ليا ودا طلبي الوحيد ومشيت من قدامه وهي بتمسح دموعها بضهر ايدها ومشيت بتاكسي
غسان كان يشبه الطفل الصغير الذي يبحث عن امه في كل مكان وعيونه والدموع بتنزل علي خده من غير مقدمات والهوا بيرجع شعره لورا
ماذا تقولي يا حببتي ؟
ماذا تريدي انتي تريدي ان تذهبي من حياتي ولكن ماذا افعل في ذالك القلب الذي يتحطم ويعتصر من الالم اريد اجابه منك هل تتركيني وحيداً و انتي لاتعلمين انني بغيابك اصبح مثل الينبوع بين الورد ؟
غسان مسح دموعه بقوة وركب عربيته وراح علي الفيلا بتاعته
................
اما عند نور
نزلت من التاكسي ونزلت الشنط ودفعت الحساب
نور مسكت ايد عاصي وايد اسر وبصت علي البيت بالم وطلعت رنت الجرس
سكينه :حاضر جايا وفتحت الباب وكملت بفرحه نوررر حببتي والغالين معاها كمان وحضنتها
نور بعياط :ماما ماما انا بموو*ت
سكينه بخضه :بعد الشر عنك يا قلب امك في ايه خضتيني عليكي مالك يا روحي
نور مسحت دموعها :اسر عاصي ادخلو جوا في القوضه عوزه اتكلم مع تيته
عاصي واسر دخلو من غير كلام
نور بعياط :انا طلبت الطلاق من غسان
سكينه بخضه :يخرابي ليه يابنتي جوزك عمل ايه دا بيحبك وروحه فيكي
نور بقوه :ماما لو تقبلي تخليني انا وولادي عندك قولي مش قابله عادي
سكينه :وانا اطول لما نن عيني ووالدها تفضل عندي بس ايه اللي حصل
نور بتعب:لما ارتاح هتكلم معاكي وعرفك بس لازم اتكلم مع عاصي واسر علشان مش عوزه ولادي يتأثرو
سكينه :ادخلي يا روحي لما اعمل حاجه نشربها
نور دخلت القوضه ليهم
عاصي بعياط :ماما انا عاوز بابا علشان احنا اللي غلطنا لما صورنا مكنش ينفع اللي احنا عملناه دا اسفين
اسر بعياط :مكنش قصدنا دا يحصل كل اللي كنا عوزينه ان نزل بابا علشان يلعب معانا بس احنا منقدرش نشوفك بتعيطي اسفين بجد
نور اخدتهم في حضنها :بس انت وهو مش انتو رجاله بردو ولا ايه
عاصي واسر :طبعاً
نور :انا لما اتجوزت بابا كنت بحبه جداً ومازالت بحبه ومقدرش ابص لحد مهما كان علشان عيوني مش شايفه غيره وهو كمان كان بيقول انه بيحبني بس ينفع جد يكون بيحب حد ويروح يعاكس البنات مش دا غلط
اسر :غلط كبير ومينفعش
نور :شوفت مينفعش لكن لما يضحك عليا ويقول ان بيحبني وهو مش بيحبني لازم ازعل وبعدين انتو في صفي ولا صف بابا
عاصي :في صفك
نور :يبقي لازم نكون ايد وحده علشان نعدي كل حاجه سوا اتفقنا
عاصي واسر :اتفقنا
نور :يلا يا حلو انت وهو علي النوم علشان تقدرو تقومو بكرا تعيدو
اسر :انا هنام بسرعه علشان اقوم بسرعه
نور :انا هطلع تغسلو اسننكم ورجليكم وتغيرو وتنامو تمام
اسر وعاصي :تمام
..........................
في منزل منير الالفي
منير :يبني اعرف غسان فين لحد دلوقتي
قاسم :ياحج والله بيكنسل وبعدين متقلقش تلاقيه فاعد هنا ولا هنا
نفين :يارب هات المخبي لطيف ونور مشيت ليه
قاسم :موضوع نور انا مش عارف مشت ليه
منير :والله لو العيد كان عدي كنت حسدتكم ازاي غسان مينفعش يعدي العيد علي خير
قاسم في نفسه :يارب نور متكنش عرفت حاجه عن البت والا انا انتهيت انا كمان
نسمه :مالك يا قاسم متوتر كدا ليه
قاسم بتوتر:با يا روحي انا قلقان بس
نسمه :المشكله ان نور فونها صامت ومش بترد
قاسم :خير انشاء الله المهم احنا هنطلع احنا يا حج تصبحو علي خير
نفين ومنير :وانت من اهله
....................
في منزل نورهان
نورهان كانت مولعه شمع وعمله اضائه بسيطه في البيت وقالب جاتو وبيبسي وجو رومانسي جداً ولبسه قميص نورم احمر بروب لحد بعد الركبه بشويه ومنتظره رجوع عمر من برا
نورهان بتفكير :ياتري ناقص حاجه تاني ومسكت بطنها بنتي عرفه انا حسه انك بنت علشان انتي رقيقه خالص ومش بتتعبي ماما ولو انتي بنت اسمك هيكون فرحه علشان انتي اول فرحه في حياتي كلها
عمر فتح الباب واتصدم من روعة البيت وجماله :اوبااااااا ايه الجمال دا
نورهان :عجبك المنظر
عمر قرب منها وباس خدها :عجبني المنظر وصاحبت المنظر بس ايه الحلوه دي
نورهان بخجل :شكراً
عمر بخبث:شكراً والرسميات دي مش عاوز اسمعها دا النهارده ليلة العيد
نورهان بحب :كل سنه وانا عيدي وكل حاجه ليا والسنه الجايا تكون معانا فرحه
عمر بستغراب :فرحه مين
نورهان ببتسامه مسكت بطنها:اصل انا حسه انها بنت فالو كانت بنت هسميها فرحه
عمر :بحب فرحه وباس خدها وام فرحه وباس رقابتها وكل حاجه في ام فرحه وقبل شفتيها بشغف وحب ورمانسيه وزاح عنها الروب وحملها واتجه اللي غرفتهم وانزلها علي السرير
نورهان بخجل :عمر ابعد
عمر بتوهان :اسكتي خالص
نورهان :ياعمر الدكتوره قالت اول 3 شهور وانا لسه في التاني اسبوع
عمر بصدمه خبط ايده في راسه :بقي عمله كيك ولبسه احمر وجو رومانسي علشان تعذبي اهلي ولا علشان ايه
نورهان ببرائه :علشان النهارده الوقفه وانا كنت بشوف المسلسل وانا صغيره كنت بشوف البطله بتعمل كدا يوم الوقفه فعملت زيها
عمر بتمثيل العياط :انا عملت ايه في حياتي علشان يجوزني طفله في شكل بالغه
نورهان :عمر هو المنظر مش عجبك
عمر بغيظ :نورهان اخفي من قدامي الساعه دي
نورهان :هتحرق اليوم اللي فضلت اجهز فيه كل اليوم
عمر :لاء احرق نفسي واكمل السهره مخطوبين وخلاص
نورهان :ايوا كدا شالني طلعني تاني زي ماجبتني بقي
عمر بضحك :لا حول الله وشالها طالعه وسهرو سهرتهم
والله يابنات دا اللي لحقت اكتبه معلش اعذروني مفيش بارت ليوم الخميس اسفه بجد بجد 🙏🏻🙏🏻
معلش ياعمر دا ذنبك انك اتجوزت نورهان 😂
احنا نربي غسان علي مهلنا وبعدين نشوف اس المصايب قاسم وهيتربي بردو بس براحه كدا 😂😂😂
حين تقع في الحب 2
البارت الرابع عشر
للكاتبه /ندي علي حبيب
في فيلا غسان
غسان قاعد قدام المسبح ماسك الدبله بتاعتها :ليه يا نور دا انا مقدرش اعيش من غيرك ولا لحظه ليه بتعملي كدا بس مستحيل تطلب الطلاق علشان قلعت الدبله اكيد شافت حاجه بس فين
وقام قلع قميصه بغضب :والله هتجنن وطلع علي جناح كبير في الدور التاني في الفيلا غير هدومه ومسك فونه ونام علي السرير
....................
في منزل سكينه
كانو في المطبخ بيحشو محشي
سكينه :يعني ازاي يخونك اصل اسمعي الخيا*نه انواع يا نور وموضوع البت دي مش خيانه يمكن كان بهزر متخربيش علي نفسك يا بنتي
نور بدموع :طيب ولما هو بيهزر بيقلع الدبله ليه وسخت عينها بكم ايدها المهم متشغليش بالك
سكينه طبطبت عليها :خير يا حببتي اللي انتي شيفاه اعمليه المهم متمليش الورقه كتير علشان المحشي ميعجنش وشيلي من دماغك الوسواس وفكري في ولادك
نور :حاضر المهم احنا خلصنا اهو والصبح نقوم نولع الفرن علي الرقاق وخلاص
سكينه :وانا عمله مشمشيه وچيلي ومهلبية وايه حاجه حلوه
نور ببتسامه :ياه علي الروقان المهم انا هدخل انام شويه علشان راسي هتتكسر
سكينه :يلا تصبحي علي خير يا روحي
نور دخلت علي غرفتها ونامت جنب الولاد بدموع وقهر
نور بدموع :غلطتي ايه ان حبيتك علشان سلمتك نفسي وقلبي تدوس علي كرامتي بس لهنا وقف بلا حب بلا وجع
...................
في شقة قاسم
قاسم قاعد علي السرير وحاطط ايده علي خده ونسمه وقفه علي الارض بتشوح بيدها
قاسم:يعني هي زعلانه من جوزها انتي زعلانه ليه
نسمه بغضب :نور زعلت منه من ساعت ما جينا من المول وانت كنت معاه يعني عارف اللي حصل ومخبي عني
قاسم :يا روحي هخبي ليه عنك وهخبي ايه
نسمه بغيظ :عارف واكيد بتخبي علي اخوك اه ماهو انت او قلت هيقول وتتفضح
قاسم بغيظ اتغطي ونام :ياشيخه بلا عيد بلا زفت كل حاجه بتعب بتعب اييييه
نسمه بغيظ منه :احسن برضو نام وراحت نامت جنبه بغيظ بتلعب بالفون
قاسم بغضب :وطي يا هانم ام التلفون لقوم اكسره
نسمه وطت :مش عارفه مش طايق حاجه ليا ليه
.....................
في الساعه 3 صباحاً
المساجد كلها بتكبر تكبيرات العيد والفرحه في كل شوارع القاهره
عاصي بفرحه :يا ماما يلا لبسيني بسرعه انزل اشوف العيد قبل ما يمشي
نور بضحك :يمشي فين العيد هيفضل 3 ايام
عاصي :طب يلا علشان عاوز اقوله يجي تاني ميتأخرش
سكينه بضحك :العيد دا مش بني ادام دا يوم يا عاصي
عاصي بعدم بفهم :مليش دعوه انا عاوز اشوفه بقي
اسر بعد ما لبس هدوم العيد :ايه رأيكم
سكينه :جميل خالص ياحضرت الظابط
نور باست خده :مظبوط عليك ياباشا
سكينه شغلت التلفزيون وكان في اغاني العيد تملئ التلفزيون
نور باست راس امها :كل سنه وانتي طيبه يا ست الحبايب
سكينه :وانتي طيبه يا نور عيوني خد يا عاصي مضيوع اهو خد يا اسر
عاصي بص لامه
نور ببتسامه :خدو الفلوس دي عديه
عاصي اخد الفلوس هو واسر وفضلو يتسابقون مين هيلم اكتر
.................
في الجماليه
وصل غسان بعربيته وكان لابس عبايه بيضه تبرز عضلات صدره وريحت برفانه جميله جداً ومشده وجزمه بيضه وشعره الجميل وكان جنتل ووسيم جداً
قاسم :الكبييييير وصل اللي خلاص كان لسه شويه وهنقول انخطف كنت فين يا بوب
غسان بضيق :كنت في الفيلا المهم يلا علشان ندبح
منير :ومراتك وولادك فين
غسان بكذب :نور حبت تعيد عن امها علشان تعبانه وراحت هناك
منير :كل سنه وانتم طيبين يا حبايب قلبي
قاسم وغسان باسو راسو :وانت معانا بخير وصحه يا غالي
وراحو علشان يدبحو الجواميس وادبحو مع فرحه الجماليه كلها
وبعد الد*بح اللي غسان كان ايده قبل ايد الجزار
قاسم :معلممممم عليا النعمه معلمممم
غسان بغرور : علطول ياض اسمع يا صياد عاوز كل الناس تاخد ومتسبش حد
الصياد :تمام يا حضرت الرائد
غسان :يلا احنا نروح نصلي علشان نروح نعيد علي الولاد
قاسم :يلا يا معلم وراحو علي المسجد يقيمو صلاة العيد
..................
في بيت نورهان
نورهان بضحك :شكلك حلو اوووي بجلابية دي يا عمر
عمر بستغراب :جلابية اسمها عبايه يا نورهان المهم خدي يستي وطلع فلوس
نورهان بفرحه :ايه دا مضيوع وحضنت عمر كل سنه وانت طيب
عمر بادلها الحضن :مش عارف هتوضي كام مره النهارده ابعدي خليني اتوضي علشان اروح اصلي زمان غسان هيقلب العالم عليا
نورهان بضحك :ماشي
...............
في بيت سكينه
عاصي بزعل :ملناش دعوه انا عاوز اروح اصلي
اسر بزعل :وانا كمان بابا قال هيخدنا معاه دلوقتي نروح مع مين
نور بحزن :طيب ايه رايكم نخرج بليل
عاصي واسر بفرحه :اتفقنا احنا هنطلع نتفرج علي العيد برا
نور :بس اوعي حد يقف علي السور علشان محدش يقع
عاصي :حاضر حاضر
.................
وبعد صلاة العيد وفرحه الجميع بدخول العيد عليهم والسلام بين غسان واصحابه وعمر اللي انضم ليهم
محمود صاحب غسان وقاسم وعمر :والله لنتصور يلا اقفو
غسان :مش خساره اقف ياعم نتصور ووققو يتصورو
عمر بضحك :بطيييييخ
غسان بغيظ :انشف ياض ايه بطيخ دي
قاسم بضحك :غسان فاكر العيد اللي فات
غسان بضحك :ينهار اسود علي اسكت يابني الواحد لسه مصلي
عمر :هتعملو ايه
غسان :انا هروح اعيد علي الولاد علشان عند امي سكينه وراجع
عمر :خلاص انا وقاسم هنروح نعد في اي كافيه لحد ماترجع
غسان :تمام وركب عربيته ومشي
.................
في منزل سكينه
نور كانت لبسه ميني درس اسود شفاف من الكم ينصع بياضها الشديد وعملة شعرها ضفيره وخصل نازله علي وشها وكانت جميله جداً
كانت في المطبخ بتعمل بتجهز الاكل وبتدندن مع نفسها :اهلاً اهلاً بالعيد مرحب مرحب بالعيد العيد فرحه هيي الجرس رن وقامت سكينه فتحت
سكينه بفرحه :ادخل يا حبيبي ادخل نورت
غسان ببتسامه باس راسها :كل سنه وانتي طيبه يا امي
سكينه :وانت بخير وصحه
عاصي بفرحه :بابي وحضنه هو واسر
غسان حضنهم وشم ريحتهم :حبايب بابي وعقل بابي وحشتوني
عاصي :انا زعلان علشان مصلتش العيد
غسان :ولا يهمك يا بطل المهم خد يعم انت وهو احلي مضيوع وطلع بعض الفلوس الزياده وادا لاسر وعاصي
سكينه :كتير دول عليهم يابني
غسان بثقه :ولاد غسان الالفي مفيش حاجه كتيره عليهم
نور طلعت من المطبخ وفي ايدها اطباق راحه تحطها علي السفره :مين اللي ايجه يا ماما
سكينه ببتسامه :جوزك جي يعيد عليكم
نور فضلت بصه عليه وعلي شياكته وبعدين كملت طريقها وحطت الاطباق علي السفره
سكينه :يلا يا غسان علشان نفطر
غسان :والله يا امي مش هقول لاء وراحو قعدو علي السفره كلهم
سكينه :خد رقاق يا بني
نور وهي بصة في طباقها:بياكل جلاش مش رقاق
غسان في نفسه ببتسامه :حلو حلو انا هخليكي تيجي لوحدك
عاصي :ماما شوفي بابا جاب فلوس قد ايه ليا
نور ببتسامه :هنحوش الفلوس دي علشان نروح الملاهي بيها تمام
اسر :اتفقنا
نور حسه بتعب :تمام بالهنا عليكو انا هدخل ارتاح شويه يا ماما
سكينه :طيب يا عين امك ادخلي
نور دخلت القوضة
غسان بهمس :بقولك ايه يما انا هدخل اتكلم معاها شويه تمام خلي بالك علي الولاد
سكينه :ادخل يابني ادخل
................
في غرفة نور
نور كانت بتحاول تفتح سويته الفستان اللي هي لبساه وفرده شعرها وعطيه ضهرها للباب
نور بضيق :اووووف يعني مش مفتوح ولا ايه
غسان قرب منها ونور شهقت وغسان شال شعرها علي جنب ونور غمضت عنيها وهي شامه ريحة برفانه المشده والجميله وغسان حط ايد علي ضهرها وايد بدء يسحب السحاب بيها وبعد ما فتحه قرب علي رقابتها وباسها برومانسيه
نور بخجل بعدت ووشها في الارض :انت دخلت هنا ليه انت مش جاي تعيد علي ولادك يبقي تعد معاهم مش معايا
غسان ربع ايده ورفع حاجبه وبص ليها :انا لما لدخل مكان بدخل المكان اللي يخصني و الأوضة دي مراتي فيها
نور :بس انت مش جوزي وان كان علي حبي ليك ولادي يستحقوه ولا عمري هرجع تاني ليك روح بقي عاكس الستات برحتك انت حر
غسان قرب منها ونور بترجع بقلق وخوف لحد ما لزقت في الدولاب وبعدت وشها النحيه التانيه وغمضت عنيها
غسان قرب منها وباس خدها وحط ايده علي وسطها
نور بتشيل ايده :بتعمل ايه شيل ايدك
غسان بيحط ايدها الاتنين ورا ضهرها :مش انتي قولتي روح عاكس الستات انتي مش من ضمنهم ولا ايه
نور بتوتر :غسان ابعد
غسان بر*غبه وهو بيبص علي شفايفها :مش قادر ودفن وشه في رقابتها
نور قفلت بؤها وبتحاول تبعد غسان :غسان ابعد بسرعه وجريت علي الحمام
(انتظرو القادم )
مفااااااااجأة صاااااااااادمة
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الروايه كامله من البارت الاول حتى البارت الثلاثون من هنا
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق