رواية حين تقع في الحب الجزء الثاني البارت الواحد والثلاثون والثاني والثلاثون والثالث والثلاثون والرابع والثلاثون بقلم الكاتبه ندي علي حبيبي حصريه وجديده
بعد وقت نزل غسان يجيب شوية اكل من السوبر ماركت ونور نزلت وقفة جنب العربيه وغسان دخل السوبر ماركت
عثمان بلهفه :مش معقول نور
نور ببتسامه :عثمان ازيك عامل ايه
عثمان :والله وحشاني في الحظه دي غسان كان ايجة بس وقف بيعيد
عثمان بمشاكسة:فكرة يابت ايام الجامعه بس والله حلوتي اكتر طول عمرك قمر اصلاً
نور بضحك :ياااه دا كانت ايام جميله
غسان بغيره واضحه ايجة عليهم :اسف والله مش قصدي اقطع عليكم الايام الجميله وبص لنور اللي ركبت العربيه في ثانيه
عثمان :وانت تبقي مين بقي يا اخ
غسان برفع حاجب :اخ المهم انا الرائد غسان الالفي واتشرف بيك بس لو تسمح يعني تعدي من قدام العربيه علشان مش عاوز ادوس عليك مع ان اتمني
عثمان بعت بمياعه :اتفضل يا اخويا
غسان برفع حاجب :انت راجل يلا خليك خشن كدا وبعدين كمل بزهق بص ابعد كدا علشان مش نقصك وراح ركب العربيه ومشي بسرعه مريبه
 |
نور بتبص عليه :غسان ممكن الميه
غسان بغضب :امسكي ام الكيس اهو ومش عاوز اسمع صوتك نهائي فاهمه
نور :انا عملت ايه علشان متعصب كدا
غسان بنظرة تحذير :فهمه ولا لاء
نور بصت قدامها وسكت وبعدين فتحت الكيس وطلعت ميه :عاصي خد اشرب يا حبيبي
عاصي بتعب:لسه كنير ونوصل
نور بصت لغسان :لسه كتير
غسان بغضب :احنا ماشين اهو لما نوصل هتعرفي
نور في نفسها :ياتري هيعمل فيا ايه بس مهما كان انا معملتش حاجه بس لو زعق ليا محدش موجود في البيت هروح فين يارب ساعدني
غسان مبقاش قادر يتكلم من الغضب والغيره :مين الولا اللي كنتي واقفه معاه دا يا مدام نور
نور :دا كان زميلي في الكليه
غسان برفع حاجب :عوزاني افهم ان الكائن دا كان كلية الشرطه
نور :هو ايجة سنه وبعدين حول
غسان بغضب :ايوا وافقه معاه بتاع ايه يعني
نور :انا كنت واقفه عادي هو اللي ايجة كلمني مش معقول هقوله متكلمش معايا
غسان بغضب :وتقفي ليه اصلاً يبقي ليكي ايه
عاصي بخوف من صوت ابوه :ماما انا خايف
غسان بهمس :مش هتكلم هنا لينا ام بين نتحاسب فيه وكمل سواقه بغضب ومش طايق حد
نور بحب:متخفش يا عاصي بابا بيتكلم عادي يا حبيبي
عاصي :طيب هاتي عصير ليا
نور عتت العصير لعاصي :خد اشرب يا روحي
نور في نفسها :يارب ساعدني اومال لو عرف ان كان متقدملى هيعمل ايه
تباً اذا تحكمت الغيره من الراجل ، لا يترك اخضر ولا يابس الا وقد دمره !!
....................
في منزل انتصار
سلوي :يا احمد دي مرات اخويا ومينفعش اعمل خطوبة وافرح وارقص وهي في المستشفي
احمد بغضب:انا فاهم كل دا وعارف انه صعب بس انا من حقي افرح انا مستني اليوم دا من زمان
سلوي :احمد انت مش فاهمني ليه انا مش عمله خطوبه غير لما اشوف نورهان بقت كويسه احنا لبسنا الدبل وخلاص كدا انا مبسوطه ليه تزعلني بقي
احمد :انا بعمل كل دا علشان مش عوزك زعلانه ولا تكوني حاسه بنقص
سلوي:يا احمد ومين قالك ان حاسه بنقص انا مبسوطه اهم حاجه عندي ان لبست بدلتك وبقت ليك
احمد :فرحتك عندي بالدنيا كلها ويارب اشوفك في مراتي وفي بيتي كدا
سلوي :الطريق لسه قدمنا كبير اوي يا احمد معقول ها تكمل معايا من غير ما تمل
احمد :كنت مليت في 4 سنين اللي قعدتهم معاكي ليل ونهار في السجن وبقيت اعد فتره العقوبه واليوم اللي هتطلعي فيه حبيتك حتي وانا كنت عارف انك غلطانه
سلوي بحب :بحبك اووي علي فكره
احمد بحب:مش اكتر مني يا بنت قلبي
سلوي :انا هقفل علشان اطلع اشوف اخبار نورهان
احمد :طيب يا حببتي
.........................
في الحديقه
نسمه راحه جايا بقلق علي قاسم
نفين :مالك يا نسمه راحه جايا ليه كدا
نسمه :قاسم يا ماما الساعه بقت 1 وهو لسه مجاش وانا قلقانه اووي
منير وهو داخل من برا:متقلقيش جوزك بركن العربيه برا يابنتي كنا في المستشفي عند عمر
قاسم اول ما ظهر نسمه جريت عليه وحضنته بعياط وقاسم حضنها
نفين :تلمي يابت مش قدمنا كدا
نسمه اخدت بالها من الموقف بعدت عن قاسم وحطت راسها في الارض
قاسم حط ايده علي وسطها بجرائه :في ايه يا جماعه مراتي بقي
منير بضحك :طب خد مراتك وادخل نام علشان ورانا سفر بكرا وكمل بتحذير نام ها
قاسم بضحك :هنام حاضر واخد نسمه ودخل غرفتهم
............
في غرفة قاسم
قاسم اللي حاضن نسمه بتملك وهي بتعيط:طيب بتعيطي ليه
نسمه بعياط:علشان اتأخرت وانا خوفت عليك
قاسم رفع راسها وبص في عينها :طيب وانا جيت اهو زعلانه ليه بقي
نسمه :اوعي تتأخر عليا تاني
قاسم باس خدها وباس راسها وباس رقابتها وقبل شفتيها بعشق
قاسم بصوت مبحوح :احم احم لا لازم ننام علشان كدا منظرنا وحش
نسمه بضحك بخجل راحت علي السرير وراحت شدة الغطا ونامت
قاسم برفع حاجب :انا بقول مش المسك مش تروحي تنامي وتسيبني
نسمه بنوم :لاء عوزه انام تصبح علي خير
قاسم راح حضنها من ضهرها ونام
........................
في المستشفي
نورهان بصوت مبحوح :عمر
عمر كان نايم علي الكرسي وماسك ايدها
نورهان ابتسمت بتلقائيه :فكرت مش هشوفك تاني بس ربنا حس بحبي ليك ورجعني تاني ومسكت ايده بقوه ونامت ببتسامه
ماذا قيل عن الحب ؟قيل ان من يحب تعجز الحياه من جنونه ! ماذا جنونه ؟نعم الجنون لا يأتي غير من الحب ولا لم يكن قيس جن بعد فراق ليلي ما اجمل الحب ان كان الجنون هو المسيطر علي العقل !!!
حين تقع في الحب 2
البارت الثاني والثلاثون
للكاتبه/ندي علي حبيب
غسان طلع البيت وشايل عاصي النايم فتح الباب
غسان بعصبيه:ادخلي واعملي اكل علشان جعان
نور :حاضر ودخلت علي غرفتها غيرت هدومها لتيشرت طويل وشورت وطلعت علي المطبخ
غسان دخل غير بغيظ:عيل *** حر*ق د*مي والدكتوره لازم ترد ايوا ودخل علي المطبخ
غسان بغضب:ها اتكلمي وقفه معاه ليه
نور قربت منه وحطت ايدها علي رقابته بمياعه:ياروحي انا مالي بيه
غسان :انتي مفكره انك كدا تغريني صح وكمل بغضب انتي مراتي يعني ملكي انا بغير عليكي من ولادي وانتي اتجوزتني وانتي عرفه طبعي ممكن اتحول لرائد غسان اللي انتي تعرفيه لو حد قرب منك
نور :وانا ايه اكتر وحده حضرت غضب الرائد غسان
غسان قرب عليها وباسها بشغف :وانتي الوحيده اللي الرائد غسان بيضعف قدامها يا ملازم نور
نور بشهقه :البطاطس اتحرقت يا خرابي
غسان قفل البوتجاز ومسك ايدها :بطاطس ايه بس خدي اقولك كدا و شالها ودفن وشه في رقبتها بعشق
نور بضحك :غسان انا عوزه انام
غسان بضحك:ايوا ما احنا هنام ونزلها علي السرير بحب ولسه هيبوسها
عاصي بيخبط:ماما ماما افتحي عاوز انام
غسان بغضب:ايه اليوم اللي مش باين ليه عنوان دا بقي
نور :غسان ابعد عاصي شكله بيعيط
غسان بعد بغيظ واضح :ادخل يا استاذ عاصي علي اخر الزمن يجي حتة عيل يعلمني الادب
عاصي بنوم :اسكت علشان انا هنام في النص علشان انا خايف من غير اسر
نور حضنته :تعالي يا روحي نام
غسان بغيظ:نام يا اخ انخمد
ونامو التلاته مع بعض
............................
في الصباح في المستشفي
عمر صحي بسبب اشاعة الشمس القويه قام لقي نورهان مسكه ايده بقوه
عمر بلهفه :نورهان وردتي انتي كويسه
نورهان فتحت عينيها بحب:وايه اللي هيجري ليا وانت طول اليل نام جنبي يا عمري
عمر بحب و دموع:انا لو عليا افضل جنبك لاخر نفس بتنفسه ولو كان جري ليكي حاجه كنت جيت وراكي ومش هتاخر
نورهان بتبلع ريقها بتعب:الحياة دي كذبه واختا عايشين عليها لسبب واحد معتقدينه و عرفينه وهو الموت
عمر :انتي معايا ودا الاهم وانا مش عاوز اسمعك بتقولي كلمه تانيه عن الموت حتي لو كان السبب ايه
نورهان :الموت هو الحقيقه الوحيده بس حقيقه مؤلمه
عمر :وانا دا الوحيد اللي ممكن اسمح ليه ان ياخدني منك
نورهان ابتسمت :جعانه
عمر :من عنيا هنزل اجيب اكل وراجع اوعي تتعبي نفسك
نورهان هزت راسها بتعب
.......................
في منزل انتصار
قاسم :كل واحد جاب شنطته
اسر :خلاص كدا كلنا جهزين
منير :خد امك و مراتك واسر وانا و عمتك وسلوي نيجي وراكو علي المستشفي
نفين :ايوا يا حج نشوف نورهان الاول بعد كدا نروح بقي
قاسم :خلاص ماشي يا حج اركبي يا نسوم يلا
اسر :بس انا عاوز اركب جنبك
نسمه بحب:اركب يا حبيبي جنبه وانا اركب ورا
قاسم ابتسم ليها وعرف انها نفسها اسر يتعود علي قاسم اكتر مهما كان اسر حته من قاسم
اسر ركب
نسمه مسكت قاسم :بطل تبص ليا كدا انت حبيبي واسر ابنك وحته منك ودا اقل واجب ان احطه في قلبي
قاسم همس:في ايه يابت عوزاني ابوسك قدامهم يعني
نسمه ركبت بخجل وقاسم ضحك
منير :اطلع يا قاسم يلا
قاسم ركب:يلا ومشو علي المستشفي
.......................
في شقة نور
نور صحت لقت غسان بيلبس بنطلون اسود وتيشرت اسود نص كم باين عضلاته وبيسرح شعره
نور :بتلبس كدا ورايح فين
غسان بص ليها :علي الشغل يا مزتي
نور :هي الاجازه خلصت
غسان :كل سنه وانتي طيبه رجعنا تاني لصحيان بدري
نور :طيب هقوم اعملك فطار
غسان :طيب بس بلاش بطاطس او زيوت
نور قامت باست خده:حفظه الجدول يا حضرت الرائد ودخلت علي المطبخ
نور حست بالم في بطنها حاد وخصوصاً انها بدأت في الشهر التالت وحسة بدوخه في راسها
نور دخلت فتحت التلاجه واخدت زيتونه اكلتها
نور بتعب:يمكن ضغطي وطي ولا حاجه وجهزت الفطار ولكن الم بطنها بدأ يشد عليها وهي موجوعه ولكن متجاهلا وبتكمل الفطار عادي
غسان ايجة المطبخ :نور فين الكوتش الاسود بتاعي
نور :غسان انت لبس كله اسود البس كوتش فتح بيه اللون كدا
غسان برفع حاجب:افتح اللون ازاي انا رايح حفلة انا رايح المدرية يا نور فين الكوتش يا نور الله يسترك
نور :هتلاقيه في الشنطه السوده الكبيره
غسان راح فتح الشنطه وطلعه :الفطار خلص ولا لسه علشان كدا هتاخر
نور :خلاص يا حبيبي خلص اهو الساعه كام دلوقتي
غسان :لسه بدري الساعه 7 وربع
نور حطت الصنيه : يلا كل يا روحي
غسان قعد :يلا اعدي كلي
نور بقرف :لاء مش عوزه اكل حسه ان لو اكلت حاجه هرجع
غسان شدها وقعدها علي رجله واكلها :طب افتحي بؤك كدا يا ماما علشان متزعليش مني انا عارف ان بدام رجعت الشغل مش هتاكلي بس لو عرفت انك مكلتيش هزعل منك
نور بقرف :يا غسان انا في شهور الوحم وعرفه ان هقرف من بعض الاكل
غسان رجع شعره لورا :عارف بس يا روحي لازم تكلي علشان تتغذي والحمل التاني دا زفت
نور مسكت بطنها ببتسامه :غسان انا طول حياتي عوزه اسمي بنتي حبيبه لو كانت بنت هتكون حبيبه
غسان ببتسامه :هتكون حبيبيه ابوها دي
نور :كان عمدي عروسه وانا صغيره كنت مسميها حبيبه ونورهان كانت عروستها اسمها فرحه ونسمه مكنتش بتحب العرايس كانت عندها دكتوره
غسان بحب:طول ما انا معاكي مش بملل بس كدا مش رايح الشغل يا قلبي
نور قامت وباست خده :خد بالك من نفسك ومتتاخرش
غسان نزل :يلا باي وركب عربيته وراح علي الشغل
ونور لسه بتقفل الباب حد خبط الباب برجله وقعها علي الارض
: وحشتيني يا بطوط
نور بصدمه :......
حين تقع في الحب 2
البارت الثالث والثلاثون
للكاتبه /ندي علي حبيب
نور بصدمه ووجع اثر الوقعه :ياسر
ياسر بحقد :ايوا ياسر اللي بقالي سنين محبوس وجي اخلص حق قديم منك
نور حطت ايدها علي بطنها بخوف:اوعي تفكر تقرب مني والله اقت*لك بد*م بارد
ياسر بسخريه :انتي طول حياتك ضعيفة مين قالتك انك تقدري تقتل*يني او غبي مين اللي فهمك كدا
نور بقوة :انا مرات الرائد غسان الالفي اللي انت قدامه بتكون عامل زي الديك المبلول وكملت بقرف جبان ولا تسوي حاجه
ياسر نزل بالقلم علي وشها :انا هعرفك مين فينا هيكون جبان دلوقتي وضر*بها تاني بالقلم
عاصي وافق ورا الباب بصدمه وخوف علي امه وجري علي شنطتها وطلع الفون بتاعها رن علي غسان
غسان :الو ايه يا نور عارف ان نسيت المحفظه انا تحت البيت جي اخدها اهو
عاصي برعشه :ب ا بابا عمو الوحش بيضر*ب ماما برا وهي بتعيط جامد وانا خايف
غسان بخضه وصدمه :عاصي اهدي مين يا حبيبي اللي برا
عاصي :مش عارف واحد لبس عبايه زي العيد وبيضر*بها
غسان :طيب اهدي واوعي تطلع برا انا خلاص قدام البيت اهو وقفل
غسان طلع السلا*ح بتاعه وطلع جري علي السلم كان في الحظه دي ياسر مطلع سكينه علشان يغز نور في بطنها وهي من شدة التعب والضر*ب كانت خلاص مش قادره تقاوم
غسان رفص ياسر وقع علي الارض ونزل ضر*ب فيه بشراسه
غسان :يعني يوم ما تفكر نفسك راجل تيجي تعمل راجل علي مراتي دا انا هخليك انت والحر*يم واحد النهارده وفضل يضر*ب فيه لحد ما الد*م سال من بؤه
غسان اتصل زمايله يجو يخدوه ودا بأمر منه
غسان قرب علي نور وشالها ودخلها غرفتهم
نور وهي نايمه بتعب شديد في حضن غسان ومش قادره تتحرك
نور بتعب :اتاخرت ليه انا كنت عارفه انك هتيجي بس مكنتش عارفه انك هتتاخر
غسان بحزن :وحياة كل قلم معلم علي خدك لخلية عبره للي يسوي واللي ميسواش انه يفكر قرب من حاجه اغلي منه
نور بتعب مسكت ايد غسان :انا عوزه حياة هاديه بعيده عن المشاكل اعيش مع جوزي وولادي بسعاده بس ليه المشاكل بيدور علينا يا غسان وعيطت
غسان مسح دموعها :علشان في مثل بيقول (كمة الغباء ان تفعل نفس الشيئ وتنتظر نتيجه مختلفه ) وانا ديماً بسامح واعدي وبستني الناس تتوب وانا المره دي مش أسكت يا نور
نور بلهفه :فين عاصي
عاصي اللي مش باين من السرير :انا هنا اهو يا ماما
غسان شاله طلعه ليها :خليكو هنا لحد ما ارجع بليل علشان مضطر اروح تمم نور لو تعبانه انا ممكن افضل ويو*لع الشغل
نور :هسيبك تمشي بس توعدني انك هترجع ليا
غسان باس راسها :انا علطول راجع يا نور يلا سلام وطلع والشر والغضب ملين عينه
......................
في المستشفي
نسمه :طب كلي اخر لقمه انتي مأكلتيش اي اكل بقالك يومين
سكينه :خدي الاول اشربي كوبايه اللبن دي علشان تقدري تسندي نفسك
كل دا ونورهان بتاكل
نورهان بضحك :عمر انا لو هعرف ان هاكل الاكل دا كله كنت تعبت من زمان
الاكل ضحك عليها
عمر :بالهنا يا روحي
انتصار :طيب هتطلع امتي يابني من المستشفي
عمر :الدكتور كل ساعتين بيجي يكشف علي الجرح وبيقول لو قدرت تمشي ممكن تطلع لكن طول ما هي مش قادره تمشي موجوده تحت المراقبه
قاسم :الحمد الله انها قدرت تعدي المرحله دي
نورهان بحزن :سلوي عرفه انك زعلانه علشان خطوبتك بس غصب عني والله
سلوي :اهم حاجه صحتك يا نورهان وبعيدين احنا مش عرفين الخير فين يمكن كان يحصل حاجه اكبر في الخطوبه وحمدلله علي سلامتك يارب
نورهان :الله يسلمك يا حببتي
قاسم :طب احنا لازم نمشي يا جماعه وحمدالله علي سلامتها يا معلم وحضن عمر
عمر :والله هتوحشني خلي بالك علي نفسك وشد حيلك كدا عوزين حتة عيل بقي
قاسم:انشاء الله يلا سلام
وبعد السلام ركبت نسمه واسر مع قاسم ونفين مع منير وروحو
نورهان :سوسو انتي هتفضلي معايا مش هتروحي ماشي
سكينه :انا معاكي لما اشوفك مشيتي علي رجلك يا نن عيني
نورهان باست ايدها :ربنا يخليكي ليا يا اغلي واحن ام في الدنيا دي
.......................
في القسم عند غسان
في زنزانه ضلمه
غسان دخل وهو بيشمر ايده :افتح النور يابني النور اتفتح
غسان مسك جردل ميه وحدفه علي ياسر اللي مغمي عليه من كار الضر*ب ياسر شهق
غسان :ازيك يا ياسر وحشك جو السجن والعقاب انت بالله العظيم لو كنت اعرف بس انك في السجن كنت عملت معاك احلي واجب يا ابو نسب
ياسر بتعب:سبني ارجوك خليني امشي وانا عمري ما هفكر اكلمها حتي
غسان :ايوا ما هو انت عمرك ما هتكلمها فعلاً بس بعد ما علمك ازاي تتجرأ وتمد ايدك الوس*خه دي علي حاجه تبع غسان الالفي
ياسر بتعب ووجع :مش هقرب ليها والله ولا عمري ليا دعوة بيها
غسان بغضب:الجملتين دول بسمعهم كل يوم من كل واحد حق*ير ذيك بيتحقق معاه بس العدل بياخد الحق وانا حقاني مع العالم كله وانا دلوقتي من حظي ان اليوم اللي احقق فيه مع واحد يجي نسيبي ومين المجني عليه بقي مراتي يعني مو*ت بمو*ت ونزل ضر*ب فيه
اكرم زميله دخل بعد غسان عنه :وافترض ما*ت
غسان بغضب:ستين الف داهيه
اكرم :محتاجينه لسه انت قولت هخلص معاه مش داخل اخلص عليه
غسان طلع برا وقال بتحذير:انا لو لمحت حد دخل القوضة دي لسبب من الاسباب يدخل اكل ميه هيكون جنبه تمم
العساكر :تمم يافندم
غسان :اسمع بقي يا اكرم عاوز محضر كويس كدا يعلمه الادب طول عمره
اكرم :في دي رقابتي سداده
غسان :طول عمرك يا ابو الكرم
اكرم :فين قاسم مجاش ليه
غسان :حصل كام موضوع كدا هبقي احكيلك عنه بعدين وهيجي بكرا انشاء الله
اكرم :انشاء الله
....................
عند نورهان
عمر :قومي يلا
نورهان بستغراب :اقوم اروح فين
عمر مسك ايدها :هساعدك شويه علشان تمشي علشان قعدتك كدا مش هنروح السنه دي
انتصار :يابني براحه عليها سيبها لما جرحها يجمد شويه
عمر :المفروض كانت مشيت من ساعت ما فاقت المهم احنا هنمشي خطوتين وبعدين اعدي المهم تكوني حولتي يلا ومسك ايد نورهان وبدء يمشها
نورهان بتعب :خلاص خلاص بالله يا عمر مش قادره امشي كفايه كدا
عمر :استني بس انتي لسه مشيتي حاجه دا احنا لسه بنقول ياهادي
نورهان بوجع :لاء والله ما انا متحركه حركه زياده
عمر باستسلام:خلاص اعدي ارتاحي شويه وبعدين نكمل
نورهان :ايوا ايوا عندك حق
سلوي فونها رن :طب انا طلع ارد علي احمد وجايا وطلعت
سلوي :الو ايوا يا احمد
احمد :سلوي انا عاوز اتكلم معاكي ضروري
سلوي :طيب اتكلم يا احمد انا سمعاك اهو
احمد ببرود:لاء انزلي انا تحت المستشفي عوزك في كافيه
سلوي بستغراب :تمم نزله اهو وقفلت
احمد اخد سلوي ومشو وطول الطريق صمت ساد في المكان وصلو الكافيه ونزلو قعدو وسكتو شويه
سلوي :احمد في ايه نزلتني ومش عرفه ليه ومس راضي تتكلم طول الطريق ولا حتي هنا
احمد قلع الدبله وحطها قدمها :كل شئ اسمه ونصيب مش هينفع نكمل مع بعض
سلوي بسخريه:احمد انا مش عوزه هزار علشان بجد راسي مش ناقصه
احمد بجديه :ولا انا قادر اكمل في العلاقه دي
سلوي بصدمه :مش قادر ازاي احنا لسه مخطوبين بقالنا يومين والدموع تكونت في عنيها امال بتحبني ازاي ولما انت مش قادر جيت اتقدمت ليا بيه
احمد قام وفتح محفظته وطلع فلوس حطها حساب :اسف
سلوي راقبته وهو ماشي والدموع بتنزل من عيونها بصدمه وحزن وراحت عليه بغضب
سلوي :مين اللي قالي تتجوزيني مين اللي فضل قاعد معايا 4 سنين مين اللي قالي بحبك يا سلوي مين اللي كذب وخذل مين رد عليا والدموع بتنزل من عيونها لوحده
احمد بغضب :افهمي انا ظابط ومش مستعد ولادي يجو من ام ردت سجون
سلوي بحرج ودموع :عندك حق يا حضرت الظابط وقلعت الدبله ورمتها في وشه لما تلاقي بنت الحلام ابقي عزمني سلام ومشت والدموع والكسره والخذلان والوجه والكسوف متجمعين معاها
مؤلمه تلك الدمعه التي نزل وانت صامت ، لا تدري لماذ تنزل ولا تدري لما لا تريد مسحها ،اتوجع من داخلي وارقب من بعيد ولكن يوجد قلب يحترق من جديد ،خذلني لم يتوقف بل ذاد وكأنني خلقت من جديد ،ماذا جنيت في عمري لاتحمل كل هذا الالم يا امي ✨✨
حين تقع في الحب 2
البارت الرابع والثلاثون
للكاتبه /ندي علي حبيب
سلوي مشيت وهي حسه بعجز رواحت قعدت علي البحر قدام النيل
سلوي ودموعها نازله :مش ذنبي ان انا دخلت السجن دخلت علشان احمي اغلي واحد في قلبي ورغم كدا عرفه انه مش هيكون ليا بس ليه مش قادرة انساه ليه مش قدره اشوف احمد زي غسان وكملت بصراخ هفضل احبه لامتي هفضل افكر انه هيكون ليا وملكي لامتي
عمر من وراها :الحب الاول صعب يطلع من القلب يا سلوي
سلوي بعياط بصت وراها :مش قادره اخبي حبي ليه يا عمر مش قادره ولا هقدر
عمر حضنها :اهدي وفكري في الحلو ان انتي بكرا هتتجوزي وهيكون عندك عيله زيه وهتلاقي حبك
سلوي بصراخ :مستحيل مستحيل يا عمر اقدر اكرهه ورغم كدا نور بتحبه
عمر :وهو بيعشقها وحتي ايه دي ام ولاده انسي يا سلوي غسان مش ليكي
سلوي مسحت دموعها :هحاول بس احمد سابني
عمر :الف داهيه هو اصلا ماستهلش شعره منك وحط ايده علي كتفها يابت دا انا هجوزك واحد احسن من مسي ذات نفسه
سلوي ضحكت:ربنا يخليك ليا
عمر باس راسها:ويخليكي ليا يا لوالوا ركبو عربيته ومشو
..................
في منزل منير الالفي
العيله وصلت كلها
قاسم :ابا انا طالع اناام علشان مش شايف قدامي
منير :اطلع يابني
قاسم :يلا عوزه حاجه ياما
نفين :لاء خد مراتك واطلع انت يابني
قاسم اخد اسر ونسمه وطلعو علي فوق
................
في شقة نسمه
قاسم دخل اسر علي الاوضه بتاعته وفضل جانبه لحد ما نام وبعدين دخل اوضته لقي تسمه قاعده علي لسرير
قاسم راح قلع قميصه ونام جنبها
قاسم :مش قادر حاسس ان عضمي متكسر يابت
نسمه :طب قوم البس لما اعملك كوبايه شاي اخضر واجيلك
قاسم بتعب:هاتي انتي بس ترنج ليا علشان بردان
نسمه جابت ليه ترنج وساعدته في لبسه
نسمه :نام شويه وهتبقي كويس
قاسم شد نسمه بتعب نيمها علي السرير ونام في حضنها ونسمه حصنته
قاسم :تعبان خليكي جنبي
نسمه :انا معاك اهو يا حبيبي
.................
غسان وصل ركن العربيه وطلع علي فوق
غسان :طب كويس ان العيله وصلت الصبح ابقي اشوفهم زمانهم نامو وطلع علي شقته
غسان دخل حط المفتاح علي البار ودخل اوضة
نور كانت قعده علي الفون
غسان راح قلع قميصه وترمي علي السرير
نور قامت :حبيبي لحظه والاكل يكون جاهز
غسان مسك ايدها :مش جعان لسه واكل بس تعالي انتي
نور :عاوز ايه يا روحي
غسان بخبث:هكون عاوز ايه مش كملي التلت شهور
نور بتوتر :ها يعني
غسان قام وشالها وقعدها علي رجله ورجع شعرها لورا :يعني عاوز كام بوسه علي كام حضن علي كام
نور بمقاطعه بكسوف :بس خلاص
غسان باس خدها :عملت ايه انا وباس رقابته وحضنها بتملك
غسان بحب:احيانا بحس ان الدنيا هتكون ازاي لو اناي مش موجوده فيها
نور باستة جنب شفايفه :نور من غير غسان ولا حاجه انت شريان جوا قلبي يا غسان
غسان شالها بحب ورمانسيه وحطها علي السرير براحه :بحبك يا نوري
نور بهمس:بحبك اكتر
وبعدين .......
.........................
في المستشفي
عمر دخل
نورهان بلهفه :كنت فين يا عمر
عمر :كنت بجيب سلوي انتي عمله ايه دلوقتي
نورهان :سوسو اكلتني وراحت الحمام كويسه متقلقش
عمر قرب منها يبوسها
نورهان بقرف:عمر شيل البرفان علشان ريحتك وحشه
عمر بصدمه:رحتي انا
نورهان :ايو انا قرفانه منك بس مش عوزاك تمشي
عمر :انتي في شهر الوحم ايوا المهم احمد ساب سلوي
نورهان بصدمه:ليه كدا
عمر بغموض:انا عارف ليه
نورهان :طيب احكي
عمر :.................
(انتظرو القادم )
انا كنت حاسه ان سلوي واحمد وراهم حاجه والا احمد مستحيل يتخلي عن حب سلوي 4 سنين من لا شئ كدا بس سلوي بتحب غسان يعني مفيش حد مرتاح اه لو القدر في ادينا كان الانسان غير حجات كتيررر بس هنفضل نحلم ونتخيل نفسنا مكان دا ودا واحنا منعرفش انه مرتاح ولا قلقان 🔏🔏
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الروايه كامله من الفصل الأول حتى الفصل الثلاثون من هنا
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق