رواية حين تقع في الحب الجزء الثاني البارت السابع والثلاثون حتى البارت الأربعون والأخير للكاتبه ندي علي حبيب حصريه وجديده
اذان المغرب اذن ونور ونفين ونسمه قاعدين في البلكونه بضحك ومرح
نور :المغرب اذن يا استاذ انت وهو اطلعو يلا
عاصي راح جنب اسر بخبث:اعمل نفسك مش سامع
نور بذهول :شوفو الحيوانات سمعني ومش بيردو
نسمه بضحك :اقسم بالله يا نور وانتي وعيالك دول حكايه
نور :خليك انت وهو وانا اتصل لابوكم يجي يطلعكم بقي
عاصي :طاااااااالعين خلاص ما بتصدق اسر اخد عاصي وطلعو علي فوق
اسر وعاصي في صوت واحد :جعاااااااااااانين يا بشر
نور بغيظ:لاء كنتو خليكو في الشارع شويه كمان يعني يا حيوان انت وهو جعانين ومش راضين تطلعو تكلو
 |
عاصي قعد علي الكنبه :ماما شنطتي فين ورايا واجب
نور بصت ليه بصدمه :مش خلصتو
عاصي بخوف :مين قال كدا انا محصلش
نور مسكت الشبشب وحذفته فيه :اقسم بالله لعلمك الادب يا شيطان يا صغير يا حيوان انت
عاصي التخبي ورا نسمه :شيلها والنبي يا نسمه انا كنت عاوز العب شويه اعمل ايه يعني
نسمه :خلاص بقي يا نور لما تطلعو هيكتبو
نور بغضب:وانت يا اسر
اسر :اقسم بالله كتبته
نور :شاطر سيب الحيوان دا بقي لما نطلع
بعد وقت دخل الشباب المنزل بتعب واضح دخلو قعدو علي السفره
نفين :نحضر الغدا بقي
قاسم :ايوا علشان خلاص وااااقع
نور ونسمه جهزو الاكل وحطوه علي السفره واكلو كلهم
قاسم بص لاسر :عملت ايه يا بطل في المدرسه النهارده
اسر :كانت حلوه بس لازم اخفف شعري شويه
قاسم :نخفف امه بكرا لما تيجي نروح نخففه المهم عملت الواجب
اسر :ايوا خلصت كل حاجه
نور ملاخظه جمود غسان وانه مش بتكلم خالص
نور بصت لعاصي بغضب :يلا يا دكتور نطلع
عاصي بغيظ :يلا
نور بصت لغسان :غسان انا هطلع تمم
غسان :ماشي شويه وجاي
نور طلعت واخدت عاصي في ايدها
قاسم :نسوم شاي بقي
نسمه :حاضر وقامت تعمل شاي
قاسم :غسان انت عملت مجهود كبير اووي النهارده
غسان :الفريق كان ارتاح ريح علي الاخر والمدربين اللي هناك دول بيلعبو تخيل كنتو بتشيلو حمل 300 دلوقتي 150 مش قادرين دا اسمه قلة اهتمام
قاسم :اقسم بالله يا حج لو شوفته في نص الطابور كان عامل ازاي شبه الفهد بين فريسته
منير :ربنا يقويك ويحميك انت وقاسم يا حبايبي
.......................
في شقة نور
نور وقفه ومسكه معلقه خشب في ايدها لعاصي بغضب :اكتب يا حيوان كويس علشان مكسرش راسك بالمعلقه
عاصي :ما انا بكتب اهو انت عوزه تضربي وخلاص
نور :تحب تشوف الضرب دلوقتي
عاصي :لاء ما انا بكتب اهو
نور قعدت تشوفه ضربته علي ايده :حسن خطك يا زباله
عاصي :بطلي تضربي طيب
نور بغضب:امسح العك دا امسح واكتبه حلو
عاصي :4+7 = وساب القلم وعد علي صبعه 10 ولسه هيكتب
نور نزلت ضرب فيه بالمعلقه :10 ايه يا فاشل يا حيوان
عاصي جري علي الباب فتحه غسان كان في وشه
غسان :في ايه يلا بتجري ليه
عاصي بعياط:عوزه تضربني علشان نسيت 1 بس
نور طلعت بغضب :اقسم بالله لعلمك الادب يا كلب انت
غسان دخل وقفل الباب
نور :هربيك من اول وجديد
غسان بغضب:بس اسكتي انت لسه مكتبتش الواجب لحد دلوقتي ليه يا عاصي
عاصي بخوف :اصل اصل
نور بغضب :اقولك انا بقي الدكتور ايجه من المدرسه رمي شنطته وعاوز يلعب في الشارع قولتلو اكتب الواجب وانزل دخل اسر كتبه والحيوان مكتبش ونزل جري علي الشارع ودلوقتي مش عارف يجمع
غسان بص علي عاصي بغضب :حصل الكلام دا
عاصي بخوف :بابا ....هو .....انا
غسان بزعيق :حصل الكلام دا نزلت لعبت في الشارع من غير ما تكتب واجبك
نور خافت علي عاصي من غسان :ما هو خلاص قرب يخلصه اهو
غسان بغضب:مش انتي قولتي علي اللي حصل يلا ادخلي علي اوضتك و متطلعيش منها وسيبني معاه يلااا
نور دخلت اوضتها ولكن قلبها هيقف من الخوف علي عاصي هي اكتر واحده عرفه غضب غسان
عاصي بخوف:بابا ...انا اسف
غسان :انا مش هتكلم كتير تمم انا عوزك تروح تكتب الواجب وانا مش هعاقبك علي ان انت نزلت الشارع لا العقاب علشان كذبت لو كنت قولت الحقيقه كان ايه حصل انطق
عاصي :مش هتتكرر والله اخر مره الواجب خلص اصلاً
غسان :تمم يلا علي النوم بسرعه
عاصي جري علي قوضته وغسان ضحك عليه علشان المواقف دي كلها عملها وهو صغير واتنهد ودخل علي قوضته
.................
في غرفة نوم غسان
غسان دخل لقي نور لبسه شورت وبلوزه كت
غسان غمض عينه وقال في نفسه :دا انتي لو متفقه مع شيطان مش هتعملي فيا كدا احم
نور بخوف :غسان عاصي فين
غسان بص ليها :نور دا ابني يعني مش هموته بطلي تخافي مني عليهم
نور برتياح :يا حبيبي انا مش خايفه منك انا خايفه من غضبك وخصوصاً ان عاصي لسانه طويل
غسان وهو بيقلع قميصه :عاصي ممكن لسانه يطول علي الكل الا انا
نور :طيب تشرب حاجه
غسان :لاء مش عايز
نور بدموع :غسان انت معاملتك ليا وحشه ليه النهارده انا عملت ايه ضايقك مني ولو انت مضايق مني لدرجه دي انا عادي اروح اعد عن مامتي شويه
غسان شدها من خصرها قربها منه بعنف:وانتي مين هيسمح ليكي تروحي وبعدين انا مش مضايق منك ولا حاجه قل الموضوع ان في مشاكل في الشغل ودا اللي معصبني مش اكتر
نور حطة ايدها علي رقابته بدلع :مهما كان مشكلتك في الشغل تيجي هنا غسان حبيبي مش الرائد غسان
غسان غمض عينه :طب والعمل مع دي ايه دلوقتي
نور بمياعه :العمل ان انا عوزه اتفسح
غسان وهو بيبص لعينها :الايام دي صعب خليها كمان فتره
نور باست خده :تمم كلمت ماما النهارده وقالت ان نورهان طلعت من المستشفي
غسان :الحمد الله
نور :طيب هطلع ابص علي عاصي علشان اجي انام بقي
غسان برفع حاجب :وانا كنت خلصت كلمي معاكي
نور رجعت ومكانها بدلع :عاوز تقول ايه يا روحي
غسان من غير مقدمات التهم شفتيها في قبله يبث فيها مدي اشتياقه وعشقه لها وابتعد عنها لاحتياجها للهواء
نور بتقطيع في الكلام :غسان ....
غسان بهيام :انتي اللي بتجبيه لنفسك وحملها ووضعها علي السرير بهدوء وحب وطفي النور وبعدين .......
..................
في منزل انتصار
انتصار كانت بتكلم عمر :علي بركه الله يابني الحمد الله انها طلعت الصبح هاجي ابص عليها
عمر :تنوري يا ست الكل امي سكينه معانا هنا اصلاً
انتصار :خلاص ماشي يلا سلام
سلوي اللي قاعده قدام شباك الحديقه بحزن في نفسها :ولما انا مش بحبه زي ما قولت ليه قلبي وجعني علي فراقه وحسه ان في حاجه نقصاني بس هو اللي سابني واتخلي عني في اول فرصه ايجت قدامه مش ذنبي انا
انتصار :بت يا سلوي
سلوي بنتباه :نعم يا ماما عاوزه حاجه
أنتصار :بقالي ساعه بنادي عليكي
سلوي :طيب عوزه ايه وانا اعمله
انتصار :اعملي كوبايه شاي وحطي نعماع اصل الصداع هيموتني
سلوي :حاضر وقامت علي المطبخ
احمد اللي قاعد في عربيته قدام بيتها بحزن :عارف ان وجعك وعارف انك بتعيطي وزعلانه بس انتي اغلي شئ في دنيتي يا سلوي ومقدرش اشوفك بتتقذي يا سلوي ومشي بعربيته
...................
في شقة نسمه
نسمه وهي طالعه من قوضه اسر
قاسم اللي قاعد علي الكنبه في الصاله :نام
نسمه :ايوا نام غطيته وطلعت
قاسم ابتسم ومد ايده ليها وشدها قعدها جنبه وحضنها بعشق:انتي نور عيني والله يا نسوم
نسمه باست خده:وانتي حبيبي يا قاسم والله
قاسم بخبث :طب انا بحبك وانتي بتحبيني ايه بقي مفيش اي حاجه كدا ولا كدا
نسمه بصت ليه :عاوز ايه انا عمله رز بلبن في التلاجه جوا اجبلك
قاسم ضحك :احلي حاجه فيكي انك ذكيه ذكاء جبار
نسمه بغيظ:شكراً ليك جداً
قاسم باسها من شفايفها بسرعه وشالها :تعالي ياروحي وانا اصالحك و عمري ما نيمك زعلانه ابداً دا انتي روحي
حين تقع في الحب 2
البارت الثامن والثلاثون
للكاتبه /ندي علي حبيب
في الصباح علي حدود الساعه 10 صباحاً علي رنة فونها
نور قامت بنوم :الو ايو مين
:لو عوزه تشوفي جوزك قبل ما اخلص عليه تعالي علي العنوان دا *** وقفل الفون
نور بصدمه :الو الو انت مين وفقلت ورنت علي غسان ولكن لا رد نور بقت عمله شبه المجنونه من الخوف والقلق ولبست بنطلون وجاكت ونزلت جري ركبت تاكسي وراحت علي العنوان ولكن بقلب ينخلع من الخوف
.............
غسان كان في ارض الطابور بيدرب الفريق علي اجمل وجه وبكل حماس ايجة قاسم ليه
قاسم :غسان فون مهم خد
غسان اخد الفون وهو بيمسح وشه :الو في ايه
اخد الحراس:زوجة حضرت نزلت معيطه وركبت تاكسي واحنا وراها حالاً بس راحه علي مكان شبه الخرابه يا فندم
غسان بصدمه وهو بيجري :اوعي تبعد عن عينك لحظه انا جي حالاً ورمي الفون وجري علي عربيته يسوقها بسرعه رهيبه
غسان :لا لا لا اوعي تدخلي يا نور بلاش بلاش وزود من سرعته اكتر
...................
عند نورهان صحيت من النوم طلعت الصاله
نورهان بنبهار:الله ياسوسو عليكي محشي علي الصبح حراااام عليكي كدا والله
سكينه :دا علشان تعبانه وعوزه غذا مش اكتر وبعدين انتي متعوده تسيبي جوزك ينزل الشغل من غير ما تصحي معاه
نورهان بتوتر:لا لا طبعاً انا بقوم علطول بدري بس الايام دي علشان تعبانه
سكينه بشك :لما نشوف اخرتها معاكي يا ام قردان المهم اعدي كلي يلا
نورهان قعدت :ايوا احبك وانتي بتفكري في الاكل بقي وقعدت تاكل بشراسة
.......................
انا عند نور
نور نزلت علي العنوان بخوف شديد علي غسان كان عباره عن بوابه كبيره في مكان مهجور
نور بعياط :يارب خليك معايا اقدر اطلع غسان وخبطت علي البوابه بقوه
واحد من وراها ايجة بكل حذر وحط ايده علي بؤها :شششش اهدي يا حلوه احنا بس هنخلص امر بينا
نور بصراخ :ابعد عني يا حيو*ان ابعد
الراجل حملها علي ضهره واخدها ودخل علي جوا مع صريخ نور
الراجل :وصلت ياباشا
:ربطها ربطة النهايه
الراجل اخد نور اللي بتصرخ حط علي بؤها لازك مانع الصوت وراح ربط ايدها ورا ضهرها وشال الطرحه من علي راسها مع عياط نور وحط حولين رقابتها حبل وربطه في السقف ووقف نور علي معدن مكور
:عارف ان ملكيش ذنب في اللي انتي فيه دا بس جوزك هو اللي احنا عوزينه وبعدها انتي مش همانا علشان هتكوني في الاخره بإذن الله وقام وقف من خضة نور وخوفها الشديد بحيث لو اتحركتي تختنقي ونخلص بقي من قصه الرائد وعشقته
وبعد فتره غسان دخل علي جوا بغضب وسلاحه في ايده ولكن مفيش حد وفي ثانيه اتخبط في راسه خبطه قويه وقعته علي الارض مغمي عليه
:حلو كدا ربطه في الجنازير دي يلا
الراجل مسك غسان ودخل قدام نور اللي انهارت من منظر غسان وربط غسان من ايده في حديد ملزوق في الجدار وهو مغمي عليه
:منظركم حلو اووي وانت قصاد بعض كدا اهو تلحقو تودعم بعض قبل النهايه وطلع برا
نور انهارت في العياط وهي خايفه تتحرك
...................
في القسم
قاسم بقلق:خروج غسان مش مطمن ومسك الفون ورن علي نفس الرقم الو في ايه
الحارس حكي اللي حصل
قاسم بخوف وصدمه :وانتو فين حالياً انطق بسرعه
الحارس:احنا قدام المخزن بس مختفين
قاسم بغضب:اكيد بدام دخل اكيد عملو حاجه دول مافيا ليه مهجمتوش
الحارس:حضرت الرائد قال ممنوع الهجوم غير بامر منه
قاسم قفل الفون وجمع القوات واتجه اللي المخرن
.................
في منزل منير
نسمه نزلت تحت بستغراب :ماما هي نور راحت فين
نفين :والله يا بنتي معرف مش بعاده تتاخر في النزول كدا
نسمه :لاء هي مش في شقتها اصلاً
نفين :تلاقيها نزلت السوق يمكن ناقصها حاجه
نسمه :يمكن انا هدخل ارتب البيت غلي ماتيجي
نفين :ماشي يابنتي
..................
بعد وقت كبير في المخزن
غسان بدء يفوق بس بالم شديد في راسه اول ما فتح عينه وشاف نور بمنظرها دا قام من علي الارض بخضه وخوف عليها ولكن مقدرش بسبب الجنازير
غسان بخوف :نور اجمدي اهدي انا هطلعك من هنا بس اوعي علشان خطري وخاطر ولادنا تستسلمي
نور ميلت راسها بعياط بمعني مش قادره
غسان بدموع :لا لا لا لا يا نور انتي اقوي من كدا انتي اقوي من كدا فكري فيا فكري في حبنا نور اوعي تفقدي الامل
نور من شدة وجع بطنها رجلها بدأت ترعش ودماغها يلف وعينها تقفل ووقعت من علي الكوره والخبل شد علي رقابتها وبدات تحرك رجلها في الهوا
غسان من الخوف عليها عروقه برزت وشد ايده من الجنازير اللي ايده بدات تنزل دم بغزاره لحد ما الجنازير سابت ايدها وجري علي نور رفعها من رجلها لفوق لحد ما الحبل اتقطع ووقعت نور علي ايد غسان
غسان بدموع وهو بيمشي ايده علي وشها ورقابتها يشوف النبض :نور نور نور اوعي تسبيني نور اصحي نوووووووووووور لاء انتي اقوي من كدا وسابها واتجه لسلكون اللي في جيبه
غسان بغضب:اهجم يا حيوان بسرعه
الحارس :تمم يا فندم وبدات القوات في اقتحام المخزن وبدء ضرب النار من الناحيتين
قاسم بصوت :غسان طلع نور وانا هحمي ضهرك بس بسرعه
غسان حمل نور اللي مغمي عليها وطلع برا
غسان بصوت :قاسم خد بالك اهم حاجه الكبير بتاعهم عوزه حي
قاسم :اعتبره حصل روح انت
غسان ركب عربيته وجري علي المستشفي
حين تقع في الحب 2
البارت التاسع والثلاثون
للكاتبه /ندي علي حبيب
غسان وصل المستشفي وهو شايل نور بخوف اول ما الدكاتره شافوه ايجة ليه وحطو نور علي حماله
الدكتوره :ايه الحادث اللي اتعرضت ليه
غسان بخوف واضح :اختناق بس مراتي حامل
الدكتوره :متقلقش ودخلت علي غرفة العمليات
غسان غمض عينه ورجع راسه لورا سند علي الحيطه بوجع :يارب طلعلها ليا بخير يارب
...............
في منزل منير
نسمه بقلق:يا ماما الساعه دخله علي 2 والاولاد وصلو من المدرسه ونور لسه مجتش انا بدأت اقلق
نفين بخوف:وتلفونها برن بس محدش برد طيب والعمل
نسمه بخوف:طب رني لغسان كدا يمكن تكون معاه
نفين بقلق:رنيت تلفونه مقفول والموضوع مقلق
منير :يعني يمكن مع بعض في فيلة القاهره وقفلين تلفوناتهم يا جامعه
نفين :هو حل برضو بس هيروحو من غير ما حد يعرف خالص كدا
منير:اهدو بس احنا هنستني لبليل لو محدش ظهر هنزل القاهره اشوفهم
نفين:خير انشاء الله خير
.................
في المخزن
قاسم بغضب:امشي قدامي
:صدقني انت بتغلط جامد يا حضرت الظابط غلط هتندم عليه
قاسم ضربه في وشه:انت بين العساكر والقوات يا ديلر ومش هتقدر تطلع لو تقلبت خفاش فا اختفظ بتهدداتك دي لنفسك خدو
العساكر حطو الكلبشات في ايده واخدو عل عربيه البوكس وراحو علي القسم
قاسم راح عمد الاسعاف :نسبه المصابين كام في الميه
الدكتور :قليله جداً الحمد الله كلها حجات بسيطه بس حضرتك دراعك بينزف لازم يتعقم
قاسم قعد والدكتور بدء يعقم الجرح
........................
عند نور في المشفي
بعد ساعتين الدكتوره طلعت
الدكتوره :الحمد الله قدرنا ننقذها هي والجنين بخير ومبروك المدام حامل في بنت
غسان ببتسامه :انا متشكر جداً يا دكتوره بس انا عاوز ادخل ليها
الدكتوره :دا واجبي واتفضل تقدر تشوفها وتاخدها كمان
غسان دخل علي الاوضة بحزن ودموع وراح عندها واترمي في حضنها بدموع
غسان :كنتي عوزه تمشي يا نور كنتي عوزه تبعدي عني دا انا شبه اليتيم من غيرك يا نور انتي نصي انتي ابتسامتي يا نور انتي الحاجه اللي الدم بيمشي في جسمي عشانها يا نور لو كان حصلك حاجه كنت اعمل ايه ساعتها يا نور اتكسرت لما شوفت منظرك وانا داخل المخزن اتكسرت والله مخي اتشل معرفتش افكر يا نور وكمل بانتقام بس اقسم بالله لحقك يجي وقدام عينك يا نور بس اصحي
نور بتعب :ولا ...انا...اقدر... اعيش....من غيرك ...علشان كدا ...روحت المكان دا لما الراجل اتصل ...عليا سامحني
غسان بدموع :انسي بس اوعي تفكري تسبيني يا نور انتي قوتي يا نور لو كنتي روحتي كنتي هتخدي الرائد غسان معاكي يا نور
نور بتعب حطت ايدها علي وشه وشالت الاكسجين من علي وشها :بعد الشر عنك يا حبيبي انا كويسه متقلقش
غسان حط ايدها علي بطنها بحب :وحبيبة ابوها كويسه كمان اناي حامل في بنت
نور ببتسامه وفرحه :حبيبه يا غسان اسمها حبيبه
غسان حضنها وباس راسها :ربنا يخليكي ليا يا نور عيوني
نور اتنهدت في حضنه :ويخليك ليا يا حبيبي
........................
عند نورهان
سكينه يابت بطنك وصلت لحلقك وهتبقي ام ومش عرفه ازاي تنضفي السمك
نورهان بقرف:علشان عمري ما عملت كدا
سكينه :الحق مش عليكي الحق عليا المفروض كنت اسيبك تتعلمي بدال ما انتي مش شاطره غير غي الاكل وخلاص
نورهان :والله يا سوسو كنت باكل 3 طبقات محشي بقيت باكل 2 بس وزعلانه اووي حسه ان كدا بظلم نفسي
سكينه بغضب:انتي عرفه او مش حامل كنت جبتك من شعرك الثانيه دا
نورهان :خلاص بقي يا سوسو الله
سكينه :طب برا بقي احسن ما اكسر المقشه علي دماغك
نورهان طلعت وهي بتضحك
نورهان :بالله يا سوسو مش عرفه من غيرك من كان هيمسخرني كدا
..................
احمد كان فرحان جداً ان قاضيه الديلر اتقفلت علشان يرجع لسلوي ولبس واخد بوكيه ورد وراح علي بيتها رن الجرس
سلوي راحت فتحت واتصدمت :احمد
احمد :من غير مقدمات دي كلها كانت لعبه تبع شغلي وكنت خايف عليكي علشان كدا الفتره اللي فاتت دي كان لازم ابعد عنك
سلوي ببرود:تمم وجي ليه مش فاهمه
اخمد :جي بيت مراتي المستقبليه علشان احدد الفرح واتجوز بقي
سلوي :آسفه يا احمد بس انا مش موافقه ان اتجوزك شوف خد غيري
احمد :سلوي انتي بتقولي ايه انا بحبك وعمري ما حبيت حد قدك
سلوي بدموع :انا رد سجون يا احمد وانت ظابط ومش هننفع لبعض روح شوف حد من مستواك يا تحمد مش عوزه حد يعايرك بيا في يوم
احمد من غير مقدمات قرب منها وباسها من شفايفها بعنف مع صدمة سلوي وانتصار
انتصار بغضب :ايه قلة الادب دي
احمد بعد عن سلوي وسلوي اتكسفت
احمد :بنتك مش عارفه ان انا من غيرها ولا خاجه ومش راضيه تصدق ان انا كنت في مهمه خطر ولازم احميها فا كنت باكد كلامي علشان تعرف انها ملكي ومحدش هيخدها غيري
انتصار :يبقي تدخل تتكلم جوا مش تبوسها في وسط الجيران كدا
احمد دخل وسلوي ورا
احمد :انا عاوز أحدد الفرح يا عالم عاوز اتجوز بقي
انتصار :يبقي تكلم عمر وهو يحدد كلم كبيرها
احمد :ان كان كدا انا موافق وقام لبس الدبله لسلوي وباس ايدها :اسف لو كلامي زعلك بس وانا بقوله كان قلبي بيتقطع ميت حته والله العظيم سامحيني
سلوي بتحذير:لو خبيت عني حاجه تانيه انت الجاني علي نفسك
احمد :انا تحت امرك يا فندم
حين تقع في الحب 2
البارت الاربعين والاخير
للكاتبه /ندي علي حبيب
الحياة بدات تحلو مع الكل نورهان اللي ولدت فرحه من 3 شهور وحياتها جميله وبتحب جوزها وجوزها بيعشقها
ونور اللي حامل في الشهر التاسع وحياتها جميله مع جوزها ووالدها وعيلتها اللي بتحبها وحب غسان واهتمامه بيها
ونسمه اللي حامل في شهر وقاسم وهي فرحانين جداً واسر اللي اتقبل حقيقة قاسم وعاش معاهم في سعاده
واحمد وسلوي اللي عملو فرح من شهر وعايشن احمل حياة ومبسوطين مع بعض جداً
...............
نور كانت قاعده في البلكونه بتاعت شقتها بتاكل عنب وبتقرأ كتاب حب وكبرياء
غسان اتصل عليها :الو نور ساعه وتكوني جاهزه في بوكس هيتبعت دلوقتي افتحي الباب واستلمي وساعه وتكوني جاهزه في عربيه هتكون جايا ليكي وقفل
نور بستغراب :الو غسان بوكس ايه وعربية مين الو والحرس رن قامت نور فتحت واتفجأت ببوكس كبير دخل الشقه والراجل نزل ونور فتحت البوكس واتفجأت بفستان كبير لونه ابيض وجزمه بيضه وتاج جميل ورقيف جداً
نور بندهاش واعجاب:واو ايه الجمال دا حلو اووي بس اشمعنا ساعه واجهز يتري هيوديني فين مليش دعوه بقي المهم لما اقوم اجهز وقامت وبدات في البس
........................
في شقة نسمه
نسمه :قاسم هو انا تخنت
قاسم :يا روحي انتي لسه في الشهر الاول يعني مش هتلحقي تتخني
نسمه بغضب:انت بتجاملني انا تخنت صح
قاسم بزهق:نفس موال كل يوم يا حببتي تخنتي او لاء انا بحبك كدا
نسمه ببتسامه :بجد يا قاسم بتحبني
قاسم ببتسامه :بجد يا قلب وروح قاسم
....................
في شقة نورهان
نورهان قاعدة بتلاعب فرحه
نورهان :انتي بتحبي ماما علشان بتفضل معاكي كتير وبتلعب معاكي بس بابا لاء صح
عمر ايجة جنبها :مين قال كدا فروحه بتحب بابا اكتر صح يا روح البابا من جوا
نورهان بغيره :انا اللي روحك هي بنتك بس
عمر بحب :انتي روحي وعمري كله سيبك منها وباس خدها
نورهان :ايوا كدا
عمر بضحك :انا بموووت فيكي كدا واناي غيرانه وانتي قمر كدا
....................
بعد ساعة بالظبط نور لقت الفون بيتصل
نور :الو
غسان :انزلي يلا وخدي بالك تتكعبلي وانتي نازله
نور :غسان انت جايب الحجات دي ليه وعوزني ووخدني علي فين
غسان :لما توصلي هتعرفي المهم انزلي يلا وقفل
نور وقفت في حيره :ممكن يكون فاكر وانا ظالمته ولا ايه يوووه الفصول هيكولني انا انزل واعرف في ايه ساعتها ونزلت لتحت واتفجأت بعربيه طويله (لموزين ) وانبهرت ولقت راجل بيفتح الباب ليها ونور ركبت كانت شبه الاميرات بجاملها الرائع
وبعد وقت كبير وصل العربيه قدام فيله ونور نزلت ولكن في استغراب ودخلت لقت ورقه مكتوب فيها
عارف ان جمالك هيغطي علي كل حاجه بس كملي وادخلي ابتسمت وكملت واول ما دخلت لقت غسان ماسك ورد ومتشيك وموسيقي رومانسيه شغاله
غسان ببتسامه:زي ما اتوقعت اميره في شكلك وحلوتك
نور ببتسامه :غسان انا مصدومه من الجمال ولفت حولين نفسها ايه الجمال دا بجد
غسان قرب منها ومسك ايدها الاتنين :زي اليوم دا اتخلقت اجمل بنتوته علي الدنيا علشان تحلي دنيتي وتفرحني كل سنه وانتي مراتي و حببتي وروحي وكل حاجه ليا وهمس غمضي العيون الحلو دي كدا
نور بدموع غمضت لقت غسان بيلبسها سلسله علي شكل ما لا نهايه
غسان باس خدها :فتحي
نور مسكت السلسله بفرحه ودموع وحضنته :انا بموت فيك يا غسان
غسان بادلها الحضن:مش اكتر مني ولا هتقدري توصلي لحبي
نور بدموع وهي ماسكه وشه :فكرت ان كل اللي وصلنه ليه دا هيكون حلم بس الحلم معاك واقع يا غسان انا مش مصدقه كل اللي انا فيه دا
غسان بحب:طول ما انتي معايا صدقي يا نور علشان انا اتخلقت علشان افرحك وبس انا وقعت في الحب يا نور
نور :ربنا يخليك ليا المشوار كان طويل اووي يا غسان طويل جداً
غسان :وقدرنا نعديه يا نور قدرنا وعدينا كل الصعب وعملنا عيله كل اللي حلمنا بيه اتحقق يا نور عرفه ايه اللي الجمله اللي تطلع علي حياتنا دي
نور بستغراب:ايه هي
غسان بعشق:حين تقع في الحب !
نور حضنته بهمس:بحبك يا حضرت الرائد
غسان :بعشقك يا حضرت الملازم
(وهنا انتهت بنجاح )
ديماً كنت بكتب في اخر البارت انتظرو القادم النهارده وانا بكتب انتهت عيطت بجد علشان نور وغسان ونسمه وقاسم وكل الشخصيات بجد هيوحشوني انا وانتو كمان هتوحشوني جداً واتمني يكون رمضان سعيد علينا كلنا وكل سنه وانام طيبين ♥️♥️♥️♥️
(((سلام يا غسان انت ونور 👋🏻))
تابعووووووني للروايات الكامله
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹
تعليقات
إرسال تعليق