رواية أحببت أخي الفصل الحادي والعشرين والثاني والعشرون والثالث والعشرون بقلم الكاتبه أروي عادل حصريه وجديده على مدونة النجم المتوهج للروايات والمعلومات

رواية أحببت أخي الفصل الحادي والعشرين والثاني والعشرون والثالث والعشرون بقلم الكاتبه أروي عادل حصريه وجديده على مدونة النجم المتوهج للروايات والمعلومات 

رواية أحببت أخي الفصل الحادي والعشرين والثاني والعشرون والثالث والعشرون بقلم الكاتبه أروي عادل حصريه وجديده على مدونة النجم المتوهج للروايات والمعلومات 

لم بستطيع سيف انا يسمع اكثر من ذلك لذلك خرج من المكان المختبئ به وركض مسرعة فى اتجه شريف وعندما رأته إيلا

كانت تعلم جيدآ أذا امسك سيف بشريف سوف يفتك به . لذلك كان على إيلا ان تتصرف بسرعه قبل يوصل سيف لشريف

لذلك مسكت كأس الوسكى و قذفته فى وجهه شريف احترقت عين شريف من الكحول الممزوج بالوسكى لذلك أغلق شريف عينه ليمسح بقايا الوسكى من عينه وهو بصرخ فى إيلا

شريف ٠٠ انتى مجنونه.. ايه اللى عملتيه ده يا٠٠٠٠٠

حينها بلع باقى جملته عندما أقترب سيف من شريف و رفع يده ليصفع شريف

أستغلت إيلا ان شريف لا يرى شئ وقفت أمام سيف ثم شدته من يده خارج الكازينو

كان الغضب مسيطر عليه لذلك سحب سيف يده من إيلا وقال بغضب

سيف ٠٠ وقفتنى ليه انا كان لازم أقتلو

آيلا ٠٠ و  تضيع كل إللى بنعملوا

سيف ٠٠ مش فارق معايا حاجة .يحصل إللى يحصل   و اسمعى  أوعى تيجى ورايا الكازينو انتى فاهمه

ثم تركها ليدخل الكازينو لشريف

لكن هنا وقفت أمامه  إيلا للمرة الثانيه و قالت

إيلا٠٠  طيب فكر فيا  شويه انا هيحصلى ايه لو جرالك حاجة.. سيف انا هموت لو حصلك حاجة

هنا صرخ سيف وقال

بقلم٠أروى٠عادل 

سيف ٠٠ حرام عليكى انتى بتعجزينى بكلامك ده.. 

هنا بدأت إيلا فى البكاء وهى تقول

إيلا٠٠ انا أسفه .بس معلش .عشان خاطرى أستحمل

كانت دموع أيلا مثل المياه البارده التى أطفأت النار غضب سيف لذلك قال

سيف ٠٠ خلاص بطلى عياط . ويالا نمشى من هنا

------------------ 

فى نفس الوقت عند شريف

بعد ما غسل عينه  ظل يبحث عن إيلا فى جميع اركان المكان

و هو يصرخ و يتوعد لها بالانتقام  لكنه لم يجدها  

¤¤¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎

فى سيارة سيف

ظل سيف صامت بوجه عبث طول الطريق  شارد  لم يتوقف رنين هاتف سيف لكنه كان فى حالة لا تسمح له بأن يتحدث مع أحد أو يرد على الهاتفه

هنا قالت إيلا

إيلا٠٠ انت مش هترد على التليفون 

سيف ٠٠  أنا مش عايز اتكلم مع حد دلوقتى

إيلا ٠٠ طيب على أقل شوف مين يمكن يكون مكالمة مهمه

نظرة سيف فى الهاتف و علم هوية المتصل كانت چودى هنا تذكر ميعاده مع 

چودى . وإيضآ أيلا رأت اسم چودى على الهاتف لذلك قالت

إيلا ٠٠ هى عايزه  أيه

سيف ٠٠  الله  أعلم 

إيلا ٠٠  طيب رد عليها

سيف ٠٠ مش هرد 

إيلا ٠٠ فى ايه يا سيف انت بتتكلم معايا كده ليه

سيف ٠٠ إيلا انا قولتلك مش عايز اتكلم مع أى حد دلوقتى فاهمه 

إيلا ٠٠ حتى انا  

سيف ٠٠ طيب بلاش نتكلم دلوقتى عشان خاطرى

إيلا ٠٠ هو حصل ايه لى ده كله 

هنا فقدة سيف أعصابه وهو يصرخ  

بقلم٠أروى٠عادل 

سيف ٠٠ حصل انى رجولتى اتهانت..

و انا بسمع واحد واطى بيعرض على مراتى انه يعمل معاها علاقة  

و انا مقدرتش اعمله حاجة . 

ثم بدء بضرب يده على عجلة قيادة السيارة (الدركسيون) . كان يشعر بقهر وضيق بالصدر.. وما أصعب انا يشعر الرجل بالقهر و العجز خصوصآ ان كان رجل بمثل شخصية سيف الذى كان يختنق من الداخل 

بدأت دموع إيلا تنهمر على خديها بصمت على حالة سيف هى تشعر بيه و بألمه

بل تشعر بنفس حدة الألم هذا هو الحب

ثم رجع الصمت بينهم من جديد إلى أن وصلوا للفيلا

هنا قال سيف 

¤¤¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎

فى جنينة الفيلا  

سيف ٠٠ اطلعى انتى على أوضتك

إيلا ٠٠ وانت

سيف ٠٠ عايز أقعد  لوحدى شويه فى الهوا 

إيلا٠٠ تمام . تصبح على خير

جلس سيف يلوم نفسه انه ترك شريف عايش بعد ماقاله لإيلا

بينما أيلا ظلت تنظر إلى سيف من شرفة غرفتها وهى تختبئ حتى لا يراها سيف من الجنينه

هنا دخلت عليها أميرة بعد ما طرقت الباب عددة مرات ولم تسمعها إيلا .لانها كانت شارده و هى تنظر لسيف من شرفة غرفتها

ه

وقفت أميرة بجوار أبنتها و قالت

أميرة ٠٠ بتحبيه

اتنفضت إيلا و هى تحط ايدها على صدرها من صوت أميرة  قالت

إيلا ٠٠ ماما خضتينى

أميرة٠٠  انا خبط على الباب بس شكلك كنتى سرحانه ماسمعتنيش 

إيلا ٠٠ صح انا كنت سرحانه شويه 

نظرت أميرة من الشرفة وقالت

أميرة ٠٠ سرحانه فيه

ردت إيلا بأرتباك

إيلا٠٠ تقصدى مين

أميرة ٠٠ هو فى غيرو سيف

إيلا٠٠ مش فاهمة تقصدى ايه

أميرة٠٠ انا عارفه بنتى حبيبتى ذكيه

و فاهمه انا أقصد ايه كويس أوى ...... سكتى يعنى

إيلا ٠٠ هقول آيه . حضرتك أكتر حد عارفنى .. وانا ماينفعش أكدب عليكى

أميرة٠٠ طيب فهمينى ايه إللى بيحصل بينكم ...   و كنتوا فين دلوقتى .و ليه راجعين كل واحد فى مكان شكلكم زعلانين من حاجة.. بعدين انا عايزه افهم انتى بتحبى سيف ازاى ..و وافقتى على شريف

إيلا ٠٠ ماما لو سمحتى بلاش نتكلم دلوقتى انا مش عايزه اتكلم بعد أذنك

أميرة ٠٠ خلاص يا حبيبتى وقت

ما تكونى مستعدة للكلام انا موجوده

هنا اترمت إيلا فى حضن أميرة  

ياااه أد ايه كانت إيلا تحتاج لهذا الحضن لتشعر بأطمئنان .

هنا قالت أميرة

بقلم٠أروى٠عادل 

أميرة ٠٠ تحبى أفضل معاكى النهاردة فى أوضتك

إيلا ٠٠ لأ شكرآ يا ماما و بعدين بابا يزعل منى

أميرة٠٠ ههه ماشى يا لميضه ..على فكرة أحنا سهرنين تحت لو تحبى تنزلى تسهرى معانا تحت

إيلا ٠٠ لأ انا عايزه انام

أميرة ٠٠ تمام تصبحى على خير  

ثم طبعت أميرة قبله على خدها و غادرة الغرفة

رجعت إيلا تنظر من شرفة الغرفة لسيف لكنه اختفى من الجنينة لذلك قالت إيلا لنفسها أكيد ذهب لغرفته .لذلك قامت بالاتصال بسيف لكنه لم يرد

حاولت أيلا انا تاخد قسط من النوم لكنها لم تستطيع كانت تريد أن تطمئن على سيف لذلك قررت تذهب لغرفته لكنها لم تستطيع . خوفآ انا يراها أحد لذلك قررت أن تذهب إليه من شرفة غرفتها

لذلك قفزت إيلا من شرفة غرفتها إلى شرفة غرفة سيف .الذين كانوا بجوار بعض ثم قامت بالطرق على باب الزجاجى للشرفة بسرعة فتح سيف باب الشرفة وقال بأستغراب

سيف ٠٠ أنتى دخلتى البلكونه بتاعتى أوضتى ازاى

دخلت إيلا الغرفة بسرعة وقالت

إيلا ٠٠ نطيت من البلكونة أوضتى لأوضتك 

سيف ٠٠ ليه كل ده أفرض جرالك حاجة دلوقتى . وبعدين انتى بتخافى من الأماكن العليا .. 

إيلا ٠٠ كنت عايز أطمن عليك. و رنيت عليك وانت ماردتش 

سيف ٠٠تقومى تنطى من البلكونه آمال عملوا الأبواب  ليه

إيلا ٠٠ ما انا خوفت اجى من الباب حد يشوفنى 

سيف ٠٠ وايه يعنى لو حد شافك  هو احنا بنسرق

إيلا ٠٠ يا سلام ساعتها بقى  أقولهم جايه أوضتك الساعة ١ بعد نص الليل أعمل ايه

سيف ٠٠ طالما انتى خايفه كده جيتى ليه

إيلا ٠٠ عشان أطمن عليكى . ايه زعلت انى جيت أوضتك

سيف ٠٠ طبعآ لأ  .. و متخافيش أنا كويس 

إيلا ٠٠  بس شكلك لسه زعلان  

سيف ٠٠  طبيعى انى أكون لسه زعلان 

إيلا ٠٠ طيب انا عندى علاج لزعلك  

سيف ٠٠ أيه هو العلاج ده 

إيلا ٠٠ حضن

ثم أترمت أيلا فى أحضان سيف 

نعم كانت إيلا عندها حق . فحضن إيلا كان فعلا هو العلاج الوحيد لجروح سيف 

لم تعرف  إيلا  كام من الوقت مر و هى فى حضن سيف  الذى قال 

سيف ٠٠ أنا فعلآ كنت محتاج للحضن ده . 

ابتعدت أيلا قليلآ وقالت مازحه

إيلا ٠٠ بس متخدش على كده  

سيف٠٠يا ساتر عليكى انتى مبتعرفيش تكملى اللحظه  للأخر

إيلا ٠٠ اه..و كفايه عليك لحد هنا . أرجع بقى لأوضتى 

هنا مسكها سيف من خصرها عندما كانت على وشك المغادرة وقال

بقلم٠أروى٠عادل 

سيف ٠٠ أنتى مجنونه رايحه فين .. انا مستحيل أسيبك ترجعى من البلكونه تانى

إيلا ٠٠ سيف ماما  وبابا سهرنين تحت مش هينفع اخرج من الأوضة  ممكن يشوفونى  

سيف ٠٠ طيب خلاص خليكى هنا 

إيلا ٠٠ يعنى انت عايزنى أفضل معاكى فى أوضتك لوحدنا

سيف ٠٠ ومالك مستغربه اوى كده  ليه ايش حال انك جايه برجلك على أوضتى

إيلا ٠٠ ماشى يا سيف انا غلطانه انى جيت اطمن عليك  ٠٠ انا ماشيه

سيف ٠٠ تعالى هنا رايحه فين هو انا هسيبك

إيلا ٠٠ سيف انت هتخوفنى منك كده

و أخيرآ ابتسم سيف وقال

سيف ٠٠ متخافيش انا بس عايز انام فى حضنك بس

ثم سحبها برفق من يدها و أجلسها على الفراش ثم استلقى بجوارها و حط رأسها على قدميها  وقال

سيف ٠٠ أنا مش عايز غير كده 

ثم بدأت إيلا تداعب خصلات شعر سيف هم يتحدثون إلى ان اغمض عينه و ذهب سيف فى النوم عميق . و براحه وضعت إيلا رأسه على الوسادة و قبلت رأسه ثم ذهبت إلى غرفتها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

فى صباح اليوم التالى

أستيقظ سيف لكنه لم يجد إيلا بجواره

لذلك قامة بالاتصال به

(بداية المكالمة )

سيف ٠٠ الو

إيلا ٠٠ صباح الخير 

سيف ٠٠ صباح الورد على عيونك . انتى قومتى امتى من جانبى

إيلا ٠٠ تقريبآ الفجر

سيف ٠٠ طلعتى بردوا من البلكونه 

إيلا ٠٠ لأ بصراحة ماقدرتش.. وخرجت من الباب 

سيف٠٠ بقولك أيه نتغدا النهاردة مع بعض  ايه رأيك 

إيلا ٠٠ يا سلام طبعآ موافقه .. 

سيف ٠٠ يبقى خلاص أخلص شغل و اتصل عليكى و نتقابل فى نفس المطعم بتاع امبارح 

إيلا ٠٠ اوكى تمام 

سيف٠٠ يلا بقى أشوفك تحت على الفطار

بقلم٠أروى٠عادل 

¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎▪︎

فى المباحث  مكتب الخاص بالتحقيق

جاسر ٠٠ الكل حاضروا بره تحب نبدء بمين 

سيف ٠٠ هاتلى البنات الأول 

بدء التحقيق من بنت لبنت إلى أن جاء دور عزة

سيف ٠٠ قوليلى ايه علاقتك بالقتيل    

عزة٠٠ والله انا ماليش علاقه بيه انا بس كنت بشوفوا مع رامى و شريف 

سيف ٠٠ طيب  ايه نوع علاقتك  برامى و شريف

عزة٠٠ معارف يا باشا 

جاسر ٠٠ يعنى ايه معارف 

عزة ٠٠ صحاب 

سيف ٠٠ صحاب ٠ بردوا يعنى صحاب 

عزة ٠٠ مش فاهمه حضرتك تقصد ايه

سيف ٠٠ أنتى هتستعبطى انتى فاهمه قصدى

عزة٠٠ يا باشا انا توبت والله و بعدت عن السكه دى

سيف ٠٠ خلاص تبقى تقولى أيه حكايتك مع شريف و رامى 

عزة ٠٠ يا باشا انا واحده غلبانه حظها الوحش وقعها فى سكة شريف وبعد ما أخد منى إللى هو عايزو  رمانى لصاحبه رامى

سيف ٠٠ أنا ممكن أساعدك و أقف جانبك لو حكيتى ليا على كل حاجة

عزة ٠٠ يا باشا انا معرفش حاجة

سيف ٠٠ تمام تقدرى تمشى بعد ما تمضى على أقوالك 

بعد ما انصرفت  عزة قال جاسر

جاسر ٠٠ سيبتها تمشى ليه  ممكن كانت تتكلم وتقول أى حاجه تدين شريف

سيف ٠٠ لأ هى مش هتتكلم و واضح خوفها من شريف  يمكن يكون هددها هى كمان..و انا مش عايز اضعط عليها دلوقتي.. لسه وقتها جاى

جاسر٠٠ دلوقتى نبدء بمين شريف ولا رامى ولا ابواب

سيف ٠٠ لا شريف ده خلى للأخر البواب الأول

دخل البواب 

جاسر ٠٠ عم حسين أزيك يا راجل عامل ايه

حسين٠٠ الحمد الله يا باشا

جاسر ٠٠ قولى بقى يا راجل يا طيب فاكر يوم إللى اتقتل فيه معاذ

حسين ٠٠ يعنى يا باشا مش قوى

صرخ فيه سيف وهو بيخبط بيدو أمامه على المكتب

بقلم٠أروى٠عادل 

سيف ٠٠ نعم يعنى ايه مش أوى

حسين ٠٠ لأ يا باشا فاكر .فاكر

جاسر ٠٠ براحة يا سيادة الرائد عم حسين حبيبنا و هيقول على كل حاجة مش كدة ياعم حسين

حسين٠٠ كده يا باشا انا تحت أمركم بس أهم حاجة الباشا مايزعلش 

سيف ٠٠ يبقى تقول على كل حاجة من غير لف ولا دوران

حسين ٠٠ حاضر يا باشا

جاسر ٠٠  عايز أعرف منك مين دخل

و مين خرج من العوامة فى يوم الحادثة

حسين٠٠  انا قولتلكم  يا باشا.. انا مش أخدت بالى يومها

قطع عبارته سيف بصرامه و هو يقول 

سيف ٠٠ انت كداب انت عارف كويس من دخل ومين  خرج من العوامة..انت مرزوع قدام العوامات إللى هناك ومافيش حد بيدخل ولا يخرج غير ما يعدى عليك .. 

حسين ٠٠ يا باشا انا ساعات بروح أجيب طلبات لسكان العوامات او لامؤخدة ادخل الحمام 

سيف ٠٠ أنا لحد دلوقتى مش راضى أضغط عليك بقول انك راجل كبير 

و مايستحملش.  

جاسر ٠٠ ما تتكلم يا عم حسين ولا انت عايز تعصب الباشا منك

حسين ٠٠ طيب أقول ايه

سيف ٠٠ أسمع طالما ماحدش دخل ولا خرج من العوامة يبقى انتى إللى قتلت معاذ.. قولى بقى قتلتو ليه. و ازاى

أترعب حسين بدء يعرق كثير و بتوتر و يتأتأ فى الكلام

بقلم٠أروى٠عادل 

حسين ٠٠ والله العظيم......... ما انا إللى قتلتوا

جاسر ٠٠ أمال مين 

حسين ٠٠ معرفش 

سيف ٠٠ تانى 

حسين٠٠ أنا هقول على إللى شوفتو كله

سيف ٠٠ حمدالله على السلامة يا عم حسين اتفضل قول يا راجل سمعنا

حسين ٠٠ يوم الحادثه دخل رامى بيه  و معاه بنت انا كنت بشوفها بتيجى مع شريف بيه قبل كده . البنت دى إللى كانت بتحققوا معاها قبلى..بس انا شوفتها دخل مع رامى بيه بس انا مش شوفتها و هى خرجه 

جاسر ٠٠ تمام كمل

حسين ٠٠ بعدها كان في أربع بنات طلبوا منى أجيب ليهم ميه عشان العربية بتاعتهم كانت عطلانه روحت أجيب ميه ولم رجعت لقيتهم مشيوا

سيف ٠٠ تعرفهم البنات دول

حسين٠٠ لأ دى كانت أول مره أشوفهم

جاسر ٠٠ لو شوفتهم دلوقتى تعرفهم

حسين ٠٠ لأ الكدب خيبه  معرفهمش 

سيف ٠٠ كمل يا عم حسين 

حسين ٠٠ بعد كده دخل معاذ بيه الله يرحمه و معاه  واحده كانت متعصبه 

جاسر ٠٠ عرفت منين انها كانت متعصبة

حسين٠٠ يومها سألنى معاذ بيه ان كان حد فى العوامة قولتوا  لأ .. 

( فلاش باك )

معاذ ٠٠ حسين فى حد جوه فى العوامة

حسين ٠٠ لأ مافيش

هنا تذكر البواب  أن رامى مازال فى العوامة لذلك رجع ليقول لمعاذ

حسين ٠٠ معاذ بيه كنت عايز اقولك

قطعت البنت عبارته بعصبيه

البنت٠٠ عايز أيه يا زفت انت دلوقتي 

حسين ٠٠ أنا كنت عايز أقول لمعاذ بيه

وقبل ان يكمل جملته قال معاذ

معاذ٠٠ روح انت يا حسين دلوقتى 

حسين ٠٠ بس انا كنت عا

قطعت عبارته 

البنت٠٠ ما قالك غور فى داهيه دلوقتى 

معاذ ٠٠ أهدى شويه مش كده

البنت ٠٠ ماتقوليش أهدى انت فاهم

عندما كان حسين يغادر سمع البنت

و هى تقول

البيت ٠٠ انت لازم تشوفلى حل أما أقسم بالله انا هوديك فى ستين داهيه مش انا البنت إللى يضحك عليها  

بقلم٠أروى٠عادل 

( انتهى الفلاش باك )  

حسين ٠٠ هو ده كل إللى حصل 

سيف ٠٠ البنت دى شوفتها قبل كده

حسين ٠٠أه جات مره قبلها مع معاذ بيه بردوا.. بس يومها معاذ بيه أدانى ٥٠٠ جنيه و طلب منى مقولش لشريف بيه انه جه العوامة و كان معاه حد

سيف ٠٠ أنت مقولتش ليه الكلام ده قبل كده

حسين ٠٠ خوفت كمان شريف بيه قالى لو جبت سيرة اي بنت كانت بتيجى العوامة هيقطع عيشى

سيف٠٠ أوصفلى البنت دى

قال نفس الأوصاف إللى قالتها إيلا ثم قال

حسين ٠٠ بس يا باشا لما جات قبل كده مع معاذ بيه ماكنش شعرها أصفر

سيف ٠٠ وشريف جه أمتى يومها

حسين ٠٠ هو جه قبل الأسعاف و البوليس بحوالي تقريبآ نص ساعة .

جاسر ٠٠ متأكد

حسين ٠٠ طبعآ يا باشا

جاسر ٠٠ طيب أمضى على أقوالك

بعد ما غادر حسين

جاسر ٠٠ ده يأكد كلام إيلا انها كانت صبغه شعرها اصفر

سيف٠٠ صح .. بس مين البنت دى و ايه علاقتها بشريف

جاسر ٠٠ يمكن تكون بنت ماشى معاها

سيف ٠٠لأ شريف أذكى من أنه يودى نفسه فى داهيه  و يلعب فى مسرح جريمة عشان خاطر بنت ماشى معاها . لأ البنت دى تخص شريف و أوى كمان  

#رواية٠أحببت٠أخى 

#الكاتبة٠أروى٠عادل 

#الفصل٠الثانى٠والعشرون

سيف ٠٠لأ شريف أذكى من أنه يودى نفسه فى داهيه و يلعب فى مسرح جريمة عشان خاطر بنت ماشى معاها ٠ لأ البنت دى تخص شريف و أوى كمان

جاسر ٠٠ ممكن تكون أخته

سيف ٠٠ اخته كانت معاه لم جه يتقدم لإيلا لو هى كانت إيلا عرفتها

جاسر ٠٠ هو عنده أخت واحده

سيف٠٠ لأ  عنده أخت تانيه بس دى مسافره

جاسر ٠٠ بنت عمه بنت عمته بنت خاله او خالته٠ ممكن تكون أي واحده فيهم .. 

انا هعمل كشف بجميع البنات اللى فى عيلة شريف خصوصآ إللى فى نفس السن إللى قالت عليه أيلا 

سيف ٠٠ الكشف ده هياخد وقت كبير مش هيفدنا  كتير احنا مش عايزين اسماء، احنا عايزين صور البنات عشان أيلا تقدر تتعرف عليهم 

جاسر ٠٠٠يبقى حساب الفيس بتاع شريف.. اكيد هنلاقى على صفحته على بنات عيلة 

سيف ٠٠ انا بردوا فكرت فى الحل ده..كمان صفحة اخته  أكيد موجود عندها جميع بنات عيلتهم 

جاسر٠٠ حسابات دى هتكون ليها خصوصية هتعرف أصدقائهم ازاى من غير ما نتستعين بمباحث الانترنت

سيف ٠٠ مافيش خصوصية مع إيلا . خلينى مره استفاد منها فى الموضوع اختراق الحسابات ده

جاسر ٠٠ أه تقصد إيلا تخترق حساب شريف و أخته

سيف ٠٠ كده فهمتنى .. 

جاسر ٠٠ تمام .. يالا  انا أدخل رامى 

سيف٠٠ لا هات صاحب شركة كاميرات المراقبة الأول

بعد ما دخل صاحب الشركة و الفنى الذى قامه بتركيب الكاميرات 

سيف ٠٠ اتفضلوا  .. 

صاحب الشركة ٠٠ ممكن أعرف احنا ليه هنا

جاسر٠٠ احنا عرفنا أن شركتك ركبت كاميرات فى عوامة شريف الجبرى حصل

صاحب الشركة ٠٠حصل  احنا ركبنا كاميرات فى العوامة .

جاسر ٠٠ أمتى الكاميرات دى اتركبت

صاحب الشركة ٠٠ من حوالى ست شهور 

تقريبآ

سيف ٠٠ مين إللى طلب منك تركيب الكاميرات

صاحب الشركة ٠٠ فى واحد  اتصل بيا قالى انه عايز يركب كاميرات فى العوامة  انا مشوفتهوش شخصيآ 

و بصراحة مش فاكر أسمه  كمان

سيف ٠٠ بس فى فاتورة بتطلع بالحساب ممكن أعرف الفاتورة كانت بأسم مين

صاحب الشركة ٠٠  طبعآ انا جبت الفاتورة معايا لم عرفت انى مطلوب التحقيق معايا بخصوص بالكاميرات إللى اتركبت فى العوامة

جاسر ٠٠ تمام هات الفاتورة

اتصدمه سيف و جاسر عندما رأوا الفاتورة لأنها كانت باسم معاذ

بقلم٠أروى٠عادل 

سيف ٠٠ أنت متأكد  أن اللى طلب تركيب الكاميرات هو معاذ

صاحب الشركة ٠٠طبعآ يا فندم و اهو عندك الفنى إللى ركب الكاميرات و هو إللى قابل الزبون و عمل الفاتورة

جاسر ٠٠ تمام ..   انت إللى ركبت الكاميرات

الفنى ٠٠ أيوه يا باشا 

سيف ٠٠ ركبت الكاميرات فين بالظبط فى العوامة

الفنى ٠٠ فى كل حته فى العوامة ماعدا المطبخ و الحمام

جاسر ٠٠ حتى أوض النوم

الفنى ٠٠ أه كمان ركبت كاميرات فى أوض النوم

سيف ٠٠ طيب أنت مستغربتش لما طلب منك كده

الفنى ٠٠ انا فى المجال ده شوفت ناس بتطلب  تركيب كاميرات فى أماكن غريبة. عشان كده مابقتش بأستغراب

سيف ٠٠  يوم ما ركبت الكاميرات كان مين إللى موجود فى العوامة

الفنى٠٠ كان معاذ بيه بس .. صح ساعتها كان بيتكلم مع حد . و كان الحد ده هو إللى بيقولو يركب الكاميرات فين بالظبط

جاسر ٠٠ يعنى مش معاذ إللى كان عايز يركب الكاميرات

الفنى ٠٠ لأ الشخص إللى كان معاه على التليفون لأنى لما وصلت . معاذ ماكنش عارف انا جاى ليه

سيف ٠٠ معرفتش مين الشخص ده أسمه ايه 

الفنى ٠٠ لأ معرفتش أسمه

جاسر ٠٠ اتفضلوا  أمضوا على أقوالكم

بعد ما خرجوا قال جاسر 

جاسر ٠٠ كان عندى أمل أنهم يقولوا انا شريف هو إللى ركب الكاميرات

سيف ٠٠ فلت منها شريف ..بس احنا عندنا دليل ان العوامة فيها كاميرات .. و أوعى تنسى ان الفنى قال فى حد تانى هو إللى كان  عايز الكاميرات تتركب

جاسر ٠٠ صح و الحد ده أما شريف أو رامى 

سيف ٠٠ لما نشوف رامى هيقول ايه 

٠٠بعد ما دخل رامى قال جاسر 

بقلم٠أروى٠عادل 

جاسر ٠٠ اتفضل

رامى ٠٠ شكرآ 

جاسر ٠٠ رامى قولى  انت يوم الحادث قولت انك وصلت بعد قتل معاذ 

رامى ٠٠ حصل 

جاسر ٠٠ متأكد

رامى ٠٠ متأكد

سيف ٠٠ ما ترجع نفسك كده ممكن تكون ناسى حاجة

رامى ٠٠ هو فى ايه 

جاسر ٠٠ فى ان البواب قال انك كنت فى العوامة لما وصل معاذ

رامى ٠٠ محصلش انا جيت بعد معاذ 

سيف ٠٠ طيب نسأل البنت إللى كانت معاك 

قال رامى بأرتباك 

رامى ٠٠  بنت مين انا مش كان معايا بنات 

سيف ٠٠يعنى  البواب قال انك كان معاك بنت و البنت نفسها أعترفت انها كانت معاك فى العوامة ..و انت تقولى لأ كنت لوحدك طيب اصدق مين أنا دلوقتى

رامى ٠٠ صدقنى انا .. عزه كدابه انا كنت لوحدى

سيف ٠٠ عزه مين

رامى ٠٠ إللى كانت معايا .. قصدى إللى انت قولت انها كانت معايا

حينها ابتسم سيف وهى يتطلع بجاسر ثم قال

سيف٠٠ بس انا مقولتش أن أسمها عزه

كان الارتباك واضح على رامى ثم بدء يتأتأ فى الكلام وهو يقول

رامى ٠٠ أنا كنت فاكر انك قولت أسمها عزه

سيف ٠٠ ما تيجى معايا سكة و دوغرى . وتقولى انت إللى قتلت معاذ  

رامى ٠٠ لأ انا ماليش دعوة بقتل معاذ والله العظيم انا ما قتلتوا

قال سيف بصرامة

سيف٠٠ آمال تفسر بأيه وجودك وقت قتل معاذ فى العوامة

رد رامى بسرعة بدون تفكير وقال

رامى ٠٠ كنت نايم حتى أسأل عزة 

سيف ٠٠ عزة مين 

رامى٠٠ إللى كانت معايا

جاسر ٠٠ غريبه انت مش قولت انك كنت لوحدك

رامى ٠٠ لأ عزه كانت معايا

بذكاء و دهاء سيف قدر يثبت أن رامى كان موجود فى العوامه وقت وقوع الجريمة كمان اعتراف رامى ايضآ انه كان برفقة عزة

بقلم٠أروى٠عادل 

سيف ٠٠ براحه و هدوء احكيلى ايه إللى حصل يومها

رامى ٠٠ أنا روحت العوامة مع عزة 

و بعد شربت شويه  تعبت و نمت لحد لما شريف جه و صحانى من النوم و قالى ان معاذ اتقتل بس هو ده إللى حصل

جاسر ٠٠ طيب أحنا نصدق كلامك أزاى دلوقتى بعد ما كدبت علينا فى الأول

رامى ٠٠  بس انا بقول الحقيقه دلوقتى

سيف ٠٠ و ايه إللى يخلينا نصدقك 

جاسر ٠٠ ياريت لو كان فيه كاميرات كنا أتأكدنا من كلامك

سكت رامى وهو يفكر ماذا يفعل هنا. تذكر أن لو قال أي شئ عن الكاميرات سوف يقوم شريف بقتله  لذلك قال

رامى ٠٠ لأ . لأ ماكنش في كاميرات

سيف ٠٠ ازاى الكلام ده . آمال ايه الفاتوره دى

اتلخبط رامى عندما رأه الفاتورة إللى ادفع بيها مبلغ تركيب الكاميرات لذلك قال بتوتر 

رامى ٠٠ أنا معرفش حاجة عن الكاميرات دى واللهى انا ماكنتش أعرف أن فى كاميرات قبل يوم .الح....

ثم صمت فجأه قبل أن يكمل عبارته

جاسر. ٠٠ كمل سكت ليه .كنت بتقول

ماكنتش تعرف ان فى كاميرات قبل يوم ايه 

قال كاذب

رامى ٠٠ اقصد اليوم إللى هو النهاردة ماكنتش أعرف قبل النهاردة ان كان في كاميرات فى العوامة

سيف ٠٠ أظن كمان متعرفش فين الكاميرات دى

رامى ٠٠ و انا هعرف منين

سيف ٠٠ تمام أمضى على أقوالك بس هنحتاجك تانى

خرج رامى 

هنا قال جاسر 

جاسر ٠٠ دلوقتى الدور على شريف  . انا شايف تسيبنى انا احقق مع شريف بلاش انت تحضر التحقيق مع شريف

سيف ٠٠أنت بتقول أيه. لأ طبعآ انا هحضر التحقيق

جاسر ٠٠ هتقدر تمسك أعصابك  لم تشوف شريف

سيف ٠٠ متخافش هكون هادى على أد مقدر

جاسر٠٠ سيف انت هنا ظابط شرطة بلاش تعمل أي حاجة تدينك كظابط

سيف ٠٠ قولتلك متخافش

جاسر ٠٠ تمام 

بعد ما دخل شريف . قال جاسر 

بقلم أروى عادل

جاسر ٠٠ اتفضل 

شريف ٠٠ على فكرة انا معنديش حاجه جديده أقولها كل حاجة أعرفها قولتها قبل كده .  

سيف ٠٠ اهدى على نفسك شويه .. بعدين انت جاى هنا عشان تقول إللى مقولتهوش قبل كده

شريف ٠٠ بس انا قولت كل حاجة

جاسر٠٠ أفتكر كده يمكن حاجة كدة ولا كدة وقعت منك

شريف ٠٠ تقصد ايه  

جاسر ٠٠ انت ليه طلبت من حسين البواب مايجبش سيرة أى بنت جات العوامة

كان شريف متماسك فى إجابته 

شريف ٠٠ شريف البنات إللى بتيجى العوامة بنات ناس وليهم سمعتهم 

سيف ٠٠ هى بنات الناس بتروح عوامات بردوا

شريف ٠٠ ممكن أعرف انت عايز توصل لأيه 

سيف ٠٠ أنا هنا فى تحقيق رسمى يهمنى أوصل للحقيقه . والحقيقة انك نبهت على حسين ما يقولش على أى بنت كانت بتيجى العوامة و هددته انك هتطردو من الشغل لو اتكلم

شريف ٠٠ محصلش الكلام ده .انا كل إللى قولتوا انه مايجبش سيرة البنات 

جاسر ٠٠يعنى حسين كداب طيب هيكدب ليه

شريف ٠٠ والله أعلم 

جاسر٠٠ قولى انت تعرف بنت لون بشرتها بيض متوسطة الطول شعرها أصفر  عمرها تقريبآ  من 

٢٣ الى ٢٥ سنه

هنا اتوتر  شريف وقال 

شريف٠٠ لا معرفش حد بأوصاف دى

سيف ٠٠ يوم الحادث انت وصلت أمتى 

شريف ٠٠ أنا قولتلك قبل كده

قال سيف بسخريه 

سيف ٠٠ معلش اعذرني  نسيت

شريف ٠٠  يعنى قبل ما البوليس يوصل بدقيقة واحد مش اكتر من كده

جاسر ٠٠ بس البواب قال انك وصلت قبل الأسعاف و البوليس  بحوالي نص ساعة

شريف ٠٠ كداب طبعآ 

سيف ٠٠ بردوا  هو كل حاجه بيقولها البواب تتطلع كدب 

شريف ٠٠ أسأله هو ليه كدب و قال كده

سيف ٠٠ أكيد  طبعآ هسأله..بس أفتكر كده ايه إللى حصل بعد ما دخلت العوامة

شريف٠٠ أول ما دخلت شوفت معاذ مرمى على الأرض و غرقان فى دمه بعد كده البوليس وصل

سيف ٠٠ أنت نسيت رامى ولا ليه . انت مش قولت انك شوفت رامى بردوا

شريف ٠٠ أه قولت فعلآ رامى كان موجود ..

جاسر ٠٠  بس رامى قال انه كان نايم انك انت اللى صحيته من النوم و قولتلوا  معاذ اتقتل

شريف ٠٠ هو رامى قال كدا

سيف ٠٠ أنا إللى بسأل هنا مش انت

شريف ٠٠ أنا بس خوفت أقول انا رامى كان موجود وقت وقوع الجريمة و انه كان نايم إكيد ماكنش حد هيصدق انه مالهوش علاقه بالجريمة .. انا بس خوفت على صاحبى

قال سيف بسخريه

بقلم٠أروى٠عادل 

سيف ٠٠ لأ شهم ٠ نرجع للسؤال  نفسه امتى وصلت  يوم الحادثه

شريف ٠٠ قولتلك قبل ما البوليس يوصل بدقيقة 

سيف٠٠ يعنى دخلت العوامة و شوفت صاحبك مقتول و بعد ما اتخضيت أتصدمت و بعد كده دخلت الأوضة إللى كان رامى نايم فيها و صحيت رامى من النوم طبعآ رامى عشان كان شارب اخد منك وقت وهو بيصحى  .. كل ده فى دقيقه واحده  يا راجل قول كلام غير ده

جاسر ٠٠ ده اخد على الأقل  ١٠ أو ١٥ دقيقه  أقول نص ساعة

سيف ٠٠ شوفت ظلمت حسين البواب ازاى . هم نص ساعة زى ما الراجل قال 

أرتباك شريف لأول مره وقال

شريف ٠٠ أنت عايز توصل لأيه يا سيف . انا عارف انت بتعمل كل ده عشان تمنع جوازى من إيلا مش كده

اتعصب سيف و هو يكور قبضت يده هنا ادخل جاسر

وهو يقول لسيف بصوت واطى لا يسمعوا شريف

جاسر٠٠ امسك نفسك .. هو ده إللى عايزه شريف انه يعصبك . حاول تهدى 

سيطر سيف على  الغضب وقال

سيف ٠٠ ياريت ماتدخلش الأمور الشخصية هنا احنا فى تحقيق رسمى بخصوص جريمة قتل و انت كنت موجود فى مكان الجريمة.  عشان كده احنا بنحقق معاك . ده أخر تحذير 

جاسر ٠٠ اتفضل جاوب على السؤال

شريف ٠٠ أنا معرفش عدى وقت أد ايه .. اكيد يعنى ماكنتش ماسك الساعة و بحسب مر  الوقت أد ايه

سيف ٠٠ بس انت حددت الوقت بالظبط و قولت دقيقة واحدة  مش أكتر من كده 

شريف ٠٠ أكيد م ماخدتش بالى من الوقت ..  يمكن الصدمه لخبطتنى 

جاسر ٠٠ يعنى انت معترف انك مقولتش الوقت الحقيقى إللى كنت فيه مع الجثة معاذ

شريف ٠٠ عن غير قصد . اكيد انا ماكنتش أقصد اكدب

جاسر ٠٠ بقصد أو من غير قصد  النتيجه واحده

شريف ٠٠ بس انا كانت نيتى....... 

قطع سيف عبارته وقال بصرامة

سيف ٠٠ أنا هنا بنتعامل بالحقائق و الدلائل انما نيتك  دى ياريت توفرها لنفسك .. دلوقتى قولى انت طول الوقت ده ما فكرتش تبلغ الإسعاف حتى على الأقل عشان  تنقذ صاحبك

شريف ٠٠ أنا أتصدمت معرفتش افكر 

سيف ٠٠ نص ساعة. و انت مصدوم بس سبحان الله انت فكرت تصحى رامى  . يعنى كنت بتفكر أهو

صمت شريف

بقلم٠أروى٠عادل 

جاسر ٠٠ شريف  انا مش مقتنع من أجابتك  

شريف ٠٠ بس انا بقول الحقيقة

جاسر ٠٠ و معاذ كان معاه مفتاح العوامة 

شريف ٠٠ أه كان معاه و رامى كمان كان معاه مفتاح العوامه

جاسر ٠٠ يعنى ماحدتش غيرهم معاه المفتاح

شريف ٠٠ لأ أحنا التلاته بس

جاسر٠٠ هى العوامة بأسم مين فيكم

شريف ٠٠ بأسمى انا لوحدى 

سيف ٠٠ يعنى ماحدتش يقدر يعمل أى حاجة فى العوامة غير ما يرجعلك صح 

شريف ٠٠ تقصد ايه يعنى يعمل حاجة فيها

سيف ٠٠ يجدد فيها حاجة يركب او يشيل حاجة

شريف ٠٠ العوامة بتاعتى انا ماحدتش بيعمل فيها حاجة الا بأمر منى

سيف ٠٠ يعنى انت إللى مركب كاميرات المراقبة

هنا اندهش شريف لان لا أحد يعلم شئ عن كاميرات المراقبة غير معاذ ..و رامى الذى عرف متأخر

هنا رد شريف بتوتر واضح

شريف ٠٠ كاميرات مراقبة ايه دى 

سيف ٠٠ الكاميرات إللى كانت متركبه فى العوامة

شريف ٠٠ بس العوامة مافهاش كاميرات

سيف ٠٠ أفتكر كويس لا تكون غلطان المره دى كمان

شريف ٠٠ انت ممكن تفتش فى العوامة دلوقتى بنفسك مش هتلاقى كاميرات

سيف ٠٠ اه ما انا عارف .. بس انا بتكلم عن يوم الحادثه مش دلوقتى

شريف ٠٠ يوم الحادثه أو دلوقتى انا عمرى ما ركبت كاميرات فى العوامة 

سيف ٠٠ أمال ايه الفاتورة دى

نظر شريف فى الفاتورة و حمدالله انا الفاتورة بأسم معاذ لذلك قال

شريف ٠٠ الفاتورة بأسم معاذ يعنى انا ماليش دعوة

سيف ٠٠ أنت مش لسه قايل ان العوامة بتاعتك مافيش حد بيعمل حاجة فى العوامة غير بأمر منك

شريف ٠٠ ايوه بس انا معرفش حاجة عن الكاميرات دى 

سيف ٠٠ طيب راحت فين الكاميرات دى

شريف ٠٠ اذا كان انا معرفش ان كان فى الكاميرات هعرف منين هى فين

جاسر ٠٠ بس الكاميرات دى كانت فى العوامة بتاعتك

شريف ٠٠ وإذا انا بردوا معرفش عنها حاجة

سيف ٠٠ طيب اسمع انت الوحيد إللى كنت مع جثمان معاذ لمدة نصف ساعة من غير ما تفكر تبلغ البوليس أو الإسعاف مع انه كان لسه عايش. .. و انت الوحيد إللى كان عندك فرصه تخبى السكينة أداه الجريمه  و تليفون الضحية 

شريف ٠٠  لأ انا ماليش دعوة بقتل معاذ انا

قطع سيف عبارته وقال

سيف ٠٠ شريف يوسف الجبرى انت متهم بقتل معاذ عزت عبد ربه

ماهى الجديد الذى ستكشفوا التحقيقات 

هل ستنكشف الحقيقةأم مازال هناك بعض العقبات 

كيف سيخرج شريف من هذه الورطة

#رواية٠أحببت٠أخى 

#الكاتبة٠أروى٠عادل 

#الفصل٠الثالث٠والعشرون

سيف ٠٠ شريف يوسف الجبرى انت متهم بق*تل معاذ 

شريف ٠٠ لأ انت اكيد اتجننت أو بتخرف

سيف ٠٠ اثبت الكلام اللى الأستاذ بيقولو فى محضر رسمى سب و قذف ظابط شرطه أثناء قيامة بعمله

شريف ٠٠ أوعى تكون فاكر كده انك بتبعدنى عن آيلا انا مش هسيبها 

سيف ٠٠ اكتب عندك أمرنا نحن رائد سيف يحيى أبو اليزيد بحبس شريف يوسف الجبرى أربعة أيام على ذمة التحقيق 

جاسر نادى على العساكر طلب منهم يخدوا شريف للحبس

بعد ما غادر شريف للحبس قال جاسر 

بقلم٠أروى٠عادل 

جاسر ٠٠ ممتاز . أظن كده انت مرتاح

سيف ٠٠ أنا مش هرتاح غير لما الحقيقه كلها تظهر .و أخلص من شريف ده خالص

جاسر ٠٠ أحنا كده كسبنا أول جوله 

سيف ٠٠ انت فاكر ان شريف هيفضل فى الحبس كتير . بكره هيكون عنده عشرات من أكبر المحامين فى البلد٠٠ و هيقدروا يطلعوا منها بسهوله و خصوصآ مافيش عندنا أدلة قوية تدين شريف كلها مجرد افتراضات 

جاسر ٠٠ يعنى أحنا كده معملناش حاجة يومين و هيخرج .. الأمل الوحيد دلوقتى انا عزة تتكلم و تقول كل حاجة عملها شريف 

سيف ٠٠على فكره أنا كنت ممكن اضغط على عزة و أخليها تتكلم غصب عنها بس انا اللى ماكنتش عايزها تتكلم

جاسر ٠٠ لأ معلش أفهم بقى مش عايزها تتكلم ليه

سيف٠٠ لأن دى فرصة البنات الوحيدة انهم يجوا بنفسهم يعترفوا بكل إللى حصل فى العوامة ساعتها هيعتبرهم شاهد ملك فى القضية كده يعفيهم من   أى مسألة قانونيه

جاسر ٠٠ اقسم بالله انت أستاذ .. كده شريف إنتهى. شهادة البنات هتودي فى ستين داهيه 

سيف٠٠ بالظبط الان بنات يقدروا يثبتوا ان شريف معاه تسجيل فيديو جر*يمة الق*تل لانه بعت الفيديو للبنات من تليفونه لما كان بيهد*دهم بيه .. كمان إيلا الوحيده إللى تقدر تثبت أن تليفون معاذ مع شريف لانه هد*دها بصماتها إللى على تليفون معاذ ..معنى كده ان شريف هو إللى اخد تليفون معاذ من مسرح الجر*يمة من البديهى طالما هو إللى اخد التليفون بيقى هو إللى اخد السك*ينة .. كمان إيلا الوحيده إللى شافت البنت إللى قت*لت معاذ 

جاسر ٠٠ كده شريف غصب عنه هيقول مين إللى ق*تلت معاذ أم يلبس هو القضية

سيف ٠٠ بالظبط كده 

جاسر ٠٠ بجد شابو ليك 

بعد ما نظر فى الساعة قال

سيف ٠٠ ياااه انا كنت مواعد إيلا نتغدا سوا النهاردة يادوب ألحق 

اتصل سيف على إيلا وطلب منها يقابلها فى المطعم

¤¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎

فى المطعم 

يجلس سيف و إيلا 

و بعد ما حكى سيف كل ما حدث فى التحقيق لإيلا.  .. كما قال لها لابد من انها هى. واصدقائها يسلموا نفسهم هنا قالت 

إيلا ٠٠ بس انا خايفه 

سيف ٠٠ متخافش طول ما انا معاكى. 

إيلا ٠٠ هو ممكن يحبسونا 

سيف٠٠ انا بقالى ساعة بفهمك فى ايه

إيلا ٠٠ يعنى هيعتبرونا شاهد ملك و هنخرج من القضية و خلاص

قال سيف بسخريه

سيف ٠٠ آه و خلاص

إيلا ٠٠ أنت بتتريق عليا ليه دلوقتى 

سيف ٠٠ عشان انتى طلعتى جبانه اوى

قالت بطريقة طفوليه

بقلم٠أروى٠عادل 

إيلا ٠٠ لازم أكون جبانه ده سجن مش لعبة عيال يعنى

سيف٠٠ ههههه واللهى انا بحب طفله

إيلا ٠٠ الله يسامحك .. 

(هنا جاء أشعار لسيف بوصول رساله

نظرة سيف فى الرسالة التى كانت من چودى بتقول أنت مش بترد عليا ليه 

رد سيف على الرسالة و قال انا مشغول دلوقتى اكلمك بعدين)

لحظة إيلا انه يكتب رساله 

إيلا ٠٠ بتكتب رساله لمين

سيف ٠٠ حد مش مهم

إيلا ٠٠ هو لو حد مش مهم بترد عليه ليه

سيف٠٠ عشان أخلص من زنها 

إيلا ٠٠ آه زنها .. مين دى بقى إللى عايز تخلص من زنها

سيف٠٠ لأ بالله عليكى انا مش اخلص من التحقيقات فى النيابة تيجى انتى هنا تحققى معايا  بعدين سيبك من ده كله ايه الجمال ده 

إيلا ٠لأ بقولك ايه انت بتثبتنى بكلمتين.. انجز و لخص و قول كنت بتبعت رساله لمين 

سيف ٠٠ يا نهار أسود فى واحده تقول لحبيبها انت بتثبتنى و أنجز ده انا  لو بحب واحده سوابق هتتكلم معايا ألطف من كده 

إيلا٠٠ سيف ماتخلنيش اتجنن عليك 

و قولى كنت بتبعت رساله لمين 

هنا جاء صوت من خلف سيف يقول 

چودى ٠٠ انا 

أتصدم سيف من رؤية چودى كما هو حال إيلا.. و هنا قالت چودى

جودى ٠٠ أنا مصدقتش لما لقيتك فى المطعم عشان كده بعتلك الرسالة . بس اتفجأت من ردك بصراحة.. بتكدب عليا

سيف ٠٠ چودى  انا كنت عايز اتكلم معاكى بخصوص..... 

قطعت چودى عبارته وقالت

جودى ٠٠ هتقول ايه انك قولتلى انك مشغول و مش فاضى فى الوقت إللى حضرتك فاضى فيه نتغدا معاها. اكيد هى إللى خلتك تقول كده انا عارفها دى انسانه حقوده و بتكر*هنى

سيف ٠٠چودى لو سمحتى أيلا مالهاش دعوة

حينها اتعصبت ايلا وهى تقول

إيلا ٠٠ لأ استنا انت على جانب . انا ليا لسان و بعرف الرد بردوا . بصى يا حلوه انا ماليش دعوة انه قالك انه مشغول و مش فاضى. بس هو معذور أكيد زهق منك مستحملش تقل دمك بصراحه انا عذراه .. أما بالنسبال أنى  بكرهك عندك حق. بس دى حاجة مش بأيدى غصب عنى واللهى ... لأنك صعب حد يحبك

بقلم٠أروى٠عادل 

سيف٠٠ إيلا اسكتى لو سمحتى 

چودى ٠٠ انتى فاكره نفسك مين انا ساكته بس عشان انتى اخت سيف

إيلا٠٠ تؤتؤتؤ لا غلطان متسكتيش .. 

و ورينى هتقدرى تعمل ايه 

سيف ٠٠ إيلا قولتلك اسكتى 

إيلا ٠٠ يعنى انت مش شايفها بتقول أيه 

سيف٠٠ خلاص سبينى انا هتكلم معاها عشان خاطرى

چودى  ٠٠ تتكلم معايا فى ايه يعنى انت عجبك طريقة كلام أختك المستفز دى.. وبعدين مالك بتتحايل عليها كده

إيلا ٠٠ على فكرة للتوضيح فقد لا خير انا مش أخته تمام

جودى ٠٠ يعنى ايه 

سيف ٠٠ ممكن يا چودى نتكلم مع بعض شوية على لوحدنا

إيلا ٠٠ لوحدكم  ياااااه راااجل 

سيف ٠٠ إيلا .. فى حاجة مهمه لازم افهمها لچودى مش هتأخر عليكى

جودى ٠٠ هو انت بتتحايل عليها ليه .. هو فى ايه

سيف ٠٠ تعالى نتكلم 

اتعصبت إيلا و قالت 

إيلا ٠٠ اتكلموا براحتكم انا ماشيه 

أمسكها سيف من ايدها و قال 

سيف ٠٠ رايحه فين 

إيلا ٠٠ أوعى ايدك كده 

سحبت  إيلا يدها من يد جاسر  ثم غادرة المطعم هى تتجاهل سيف الذى ظل ينادى عليها.  هنا قالت چودى

جودى٠٠ هى ليه بتعمل كده ..و ليه انت بتدادى فيها كده 

سيف ٠٠ ممكن تقعدى الأول 

جودى ٠٠ أدينى اقعدت فهمنى بقى فى ايه

سيف ٠٠ چودى . أسف بس احنا مش هينفع نكمل مع بعض 

جودى ٠٠ أنت بتهزر مش كده. 

سيف ٠٠ لأ انا بتكلم بجد

چودى ٠٠ انت عايز تسينى بعد كل ده 

سيف ٠٠ أنا أسف بس صدقينى احنا مش هننفع نكون مع بعض 

چودى ٠٠ انت جاى دلوقتى تقول الكلام ده

سيف ٠٠ ده أحسن ليا و ليكى و٠٠٠٠٠٠ 

قطعت چودى عبارته وقالت

جودى ٠٠ لأ مش احسن انت ليا أنا...

و احنا هنتجوز  و خلاص طنط صافى كلمت مامى على الخطوبه..

سيف ٠٠ چودى انا من الأول قولتلك انى مش بفكر فى الجواز

جودى ٠٠ بس انت كمان قولتلى لو فكرت فى الجواز هتفكر تتجوزنى انا

سيف ٠٠ فى حاجات بتتغير بتكون غصب عننا

چودى ٠٠ أيه هو إللى اتغير 

سيف ٠٠ حبيت 

چودى  ٠٠ لأ انت كداب انت بتحبنى انا صح

سيف ٠٠ جودى انا بحب إيلا 

أتصدمت جودى وقالت بدهشه

جودى٠٠ بس دى أختك ازاى

سيف ٠٠ إيلا مش أختى و انت عارفه كده كويس 

جودى ٠٠ أنا كنت حاسه و الله كنت حاسه بس كدبت نفسى . بس لأ انا مش ممكن أقبل بالكلام ده انتى فاهم انتى هتتجوزنى انا. مش حد تانى 

سيف ٠٠ أنا قولت إللى عندى ياريت تتقبلى الموضوع عن أذنك

ثم غادر دون أنتظار رد منها

ذهب مباشرتآ للفيلا ليبحث عن إيلا

¤¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎

فى الڤيلا 

وعندما وصل الڤيلا سأله أميره

سيف ٠٠ ماما إيلا فين

أميرة ٠٠ فى أوضتها  فى حاجة 

سيف ٠٠ لأ انا طالع أشوفها

ذهب سيف بسرعة لغرفة أيلا

هنا قالت أميرة

أميرة ٠٠ هو فى ايه.. العيال دى اتجننت ولا إيه

بقلم٠أروى٠عادل 

¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎▪︎

فى غرفة إيلا

طرق سيف الباب ثم فتح الباب و دخل غرفة إيلا قبل ان تسمح له بذلك

اتعصبت إيلا ثم قالت

إيلا ٠٠ أنت ايه إللى جابك أوضتى أطلع بره 

سيف ٠٠ بقولك ايه انا مش طالبه معايا جنان النهاردة .

إيلا ٠٠ لأ بقى انا مجنونه اذا كان عاجبك

سيف ٠٠ الله يخربيت دماغك .. انتى غبية 

إيلا ٠٠ آه. ما انا لا أسمح لحضرتك تقعد مع چودى هانم على لوحدكم..لا اكون واحده غبيه مش كده .. لأ وايه قاعد معايا و بتبعت ليها رسايل . طيب متروح لها ايه إللى جابك عندى هنا

هنا حط سيف أيده على فم إيلأ  محاوله منه ليجعلها تصمت و قال 

سيف ٠٠ ولا كلمه تانى هتسمعينى و انتى ساكته .انا كان لازم اتكلم مع چودى عشان انهى علاقتى بيها.  ماكنش ينفع أسيبها من غير ما أوضحلها كل حاجة

شعرت أيلا بأحراج مما فعلتوا ثم قالت

إيلا ٠٠ ماقولتش كده ليه من الاول لازم يعنى تعصبينى

سيف ٠٠ هو انتى أدتينى فرصه اتكلم عملتى زى القطر اخدتى  فى وشك

و جريتى. ولا فرق معاكى شكلى فى المكان و انا بنادى عليك زى العيل الصغير و انتى ولا معبرانى 

إيلا ٠٠ يا سلام طيب و شكلى انا فى المكان... و انت سايبنى و رايح مع چودى هانم 

سيف ٠٠ أنتى هتستعبطى هو حد يعرفك فى المكان غيرى

ردت بأحراج وقالت وهى  تعلم أنه عنده حق 

إيلا ٠٠ على فكره ده مش موضوعنا .

على فكره بردوا انت إللى غلطان كان لازم تفهمنى براحه ..بعدين ازاى تقولها عايزك لوحدنا قدامى .. ايه هو انا كيس جوفه واقف معاكم

سيف ٠٠ أنتى بتهبدى و بتقولى اي كلام على فكرة

إيلا ٠٠ لأ انا بتكلم كلامى منطقى موزون 

سيف ٠٠ يعنى مش عايزه تعترفى بغلطك

إيلا ٠٠ أنا مش غلطانه لو اتكرر نفس الموقف تانى .عمل نفس إللى انا عملتوا 

سيف ٠٠ إيلا لو حصل منك تانى

 و اتكرر اللى عملتى زى النهاردة أقسم بالله لأكون جيبك من شعرك قدام أى حد

إيلا ٠٠ ليه أن شاء الله هو انا هسكوتك لو عملت كده... لأ اسمع انا..

قطع سيف عبارتها و قال 

بقلم٠أروى٠عادل 

سيف٠٠ انتى هتردحيلى ولا ايه

إيلا ٠٠ أردح ايه ده انت بقيت بيئه اوى 

سيف ٠٠ يعنى انا اللى بقيت بيئه 

إيلا ٠٠ أوى أوى بصراحة 

حينها اقترب منها سيف وهو يقول

سيف ٠٠ تمام و انا هوريكى البيئه بيكون ازاى

إيلا ٠٠ هتعمل ايه اسمع انا......

قبل أن تكمل عبارتها مسكها سيف و سحبها إليه و هو يقول 

سيف ٠٠ أتأسفى على انتى قولتى واللى عملتى فى المطعم أحسنلك

إيلا ٠٠ ده فى أحلامك ان شاء الله 

سيف ٠٠ يعنى مش هتعتذرى 

قالت بتحدى

إيلا ٠٠ لأ .

سيف ٠٠ يبقى انا هخليكى تعتذرى غصب عنك

إيلا ٠٠ تقصد ايه . اقسم الله يا سيف لو قربتلى. لا اكون

قبل أن تكمل كلمتها التقطه شف*تيها بق*بله قوى كانت مثابة عقاب لها و بدون تفكير صفعته إيلا لما تكن الصفعة قويه لكنها أثرت بسيف . أتصدمت إيلا مما فعلتوا . هنا قال سيف بعصبيه و قوة

سيف ٠٠ أنتى ايه إللى عملتى دى

إيلا ٠٠ ( برعب) اقسم بالله ماكنش قصدى مش عارفه انا عملت كده ازاى

حينها اقتراب  منها سيف و كاده يمسك بيها لكنها ركضت فى الغرفة بعيد عنه بينما كان سيف يركض خلفها  ليمسك بها... بينما صعدت إيلا على الفراش لذلك قال سيف

سيف ٠٠ انزلى من على السرير 

إيلا ٠٠ مش هنزل 

سيف ٠٠ يعنى كده انتى بعيده عنى 

إيلا٠٠ واللهى لو قربت منى هصرخ و الم عليك الڤيلا كلها

سيف ٠٠ عادى أصرخى ورينى مين هينجدك من أيدى

هنا صرخت آيلا على أميرة

إيلا ٠٠ يا ماما . ماما . ماما

سيف ٠٠ أصرخى كمان . بس بردوا مش هسيبك 

هنا دخلت أميرة وقالت

بقلم٠أروى٠عادل 

أميرة ٠٠ أيه إللى بيحصل هنا ده

إيلا ٠٠ الحقينى يا ماما سيف عايز يمد ايده عليا

أميرة ٠٠ أيه الكلام ده يا سيف

سيف ٠٠ اسأليها عملت ايه 

أميرة ٠٠ عملتى يا إيلا 

إيلا ٠٠ أسألى هو عمل ايه الأول 

أميرة ٠٠ عملتى ايه انت يا سيف 

سيف ٠٠ خليها هى اللى تقولك انا عملت ايه

أميرة ٠٠ هو فى ايه انتو هترمونى على بعض ماتقولوا فيه ولا لاء ..بعدين  انتى كمان انزلى من على السرير

إيلا ٠٠ لما يطلع من الأوضة الأول 

سيف ٠٠ أنا مش طالع من هنا غير ما تنزلى من على السرير

إيلا ٠٠ وانا مش نازله غير لما تتطلع بره الأوضة 

أميرة ٠٠ بقولكم ايه انا مش فاضيه للعب عيال ده 

استعدت أميرة لمغادرة الغرفة لذلك قالت آيلا بخوف

إيلا ٠٠ ماما انتى رايحه فين

أميرة٠٠نازله تحت و انتو كملوا خناقتكم براحتكم

إيلا ٠٠ لأ بالله عليكى يا ماما استنى 

غادرة أميرة الغرفة و أيلا تنادى عليها 

إيلا ٠٠ ماما . ماما 

نظره سيف إليها بخبث وقال

سيف ٠٠ ماما راحت.. انزلى 

إيلا ٠٠ على فكرة مش رجوله منك انك تستقوة واحد بنت

سيف ٠٠ لأخر مره هقولك انزلى يا أيلا

إيلا٠٠ مش نازله . 

هنا صعدة سيف على الفراش وأمسك إيلا و هى بتحاول تفلت منه وقعت على الفراش و وقع سيف فوقها و هنا قالت إيلا 

إيلا ٠٠ خلاص انا أسفه 

سيف ٠٠ بعد ما بقيتى فى أيدى مبقاش ينفع أسفك 

إيلا ٠٠ سيف المنظر إللى أحنا فيه ده مش لطيف خالص

سيف ٠٠ بس لطيف بالنسبالى أوى

هنا سمعوا صوت يقول انتم بتعملوا ايه عندكم

من الذى دخل عليكم وهم بهذا الوضع

ماذا ستفعل جودى بعد أن أعترف سيف بحبه بأيلا

هل ستتقبل صافى أرتباط سيف و إيلا

ماذا سيحدث بعد ما أن يعترفوا الاصدقاء بما حدث

تابعووووووني 

بداية الروايه من هنا

أدخلوا واعملوا متابعة لصفحتي عليها كل الروايات بمنتهي السهوله من هنا 👇 ❤️ 👇 

صفحة روايات ومعلومات ووصفات