رواية أحببت أخي الفصل الحادي عشر حتى الفصل الخامس عشر بقلم الكاتبه أروي عادل حصريه وجديده على مدونة النجم المتوهج للروايات والمعلومات
 |
رواية أحببت أخي الفصل الحادي عشر حتى الفصل الخامس عشر بقلم الكاتبه أروي عادل حصريه وجديده على مدونة النجم المتوهج للروايات والمعلومات
شريف ٠٠ أنا سمحت لنفسى أقعد معاكم من غير مستأذن زى كده ما انتو دخلتوا العوامة بتعتى من غير أستأذان يعنى واحده بواحده
كانت الصدمة واضحه على القتيات لم تنطق ولا واحده منهم بحرف واحد و كأنهم فقدوا النطق تمامآ..
لكنهم حينها أتأكدوا انهم هو من يرسل لهم فيديو الحادثه
شريف٠٠ ايه هتفضلوا ساكتين كده كتير ولا ايه
هنا نظره شريف إللى رامى الذى كان ينظر له من بعيد ثم أشار له وقال
شريف ٠٠ رامى انا هنا تعالى
وعندما وصل رامى للطاوله قال
رامى ٠٠ أهلآ بالحلوين الطعمين .. بقى كده يا صاحبى تقعد مع القمرات دول لوحدك
شريف ٠٠ عجبينك
رامى ٠٠ طبعآ
شريف ٠٠ طيب يبقى نقسم قسمة العدل . انت أتنين و انا أتنين . بس معلش يا صاحبى أم عيون زرقه من نصيبى
كان يقصد إيلا لذا صرخت بهم إيلا و هى تضرب بيدها على الطاولة بعد ما فقدة السيطرة على انفعالها وقالت بغضب
بقلم٠أروى٠عادل
إيلا ٠٠ بس كفايه لحد هنا انتو فاكرين نفسكم مين عشان تتكلموا معانا بطريقه دى
شريف ٠٠ أخيرآ فى حد فيكم اتكلم انا كنت قربت احس بملل من القاعدة دى
ملك ٠٠ أنجز و قول عايز أيه
شريف ٠٠ براحه عليا يا حلوه
هنا قالت ميرنا و هى بتتنفض من الخوف
ميرنا ٠٠ على فكره ...أحنا مش ..خايفين منكم
رامى٠٠ هههه لأ ماهو واضح ياحلوه
هنا تحدثت إيلا بصرامة مصتنعة
إيلا ٠٠ ياريت من الاخر تقولوا عايزين أيه و بسرعة
شريف ٠٠ واووو قويه .. تعرفى انا بموت فى البنت القويه . بس بصراحة أول مره أشوف القوه و الجمال فى بنت واحده .. دى حاجة هتجننى
إيلا ٠٠ طيب يالا يا بنات نمشى ..
حينها اتحولت ملامح شريف لجديه هو يقول
شريف ٠٠ أقعدى يابت أنتى وهى أحسنلك
حينها تطلعوا الاصدقاء إلى إيلا.. وهم لايعلمون ماذا يفعلون هل يغادرون مع إيلا أو يظلوا مكانهم استجابه لأوامر شريف
لذلك قالت إيلا بجدية و حازم
إيلا ٠٠ أنتو قعدين ليه يالا قومى انتى
و هى نمشى من هنا
شريف ٠٠ ماحدتش همشى من هنا غير بأمر منى
إيلا ٠٠ أوعى تفتكر انك هتذلنا بالفيديو اللى معاك لأ أنسا. لان زى ما أحنا متورطين انت كمان متورط
شريف ٠٠ أنا متورط طيب ازاى فاهمينى
إيلا ٠٠ للأسف معنديش وقت افهمك .. يالا يا بنات
غادروا الفتيات مع إيلا ثم قال رامى بعد انصرافهم
رامى ٠٠ أيه البت دى .. دى مش همها حاجة
شريف ٠٠ عادى كلو بيجى فى الأخر
رامى ٠٠ بس آيلا دى شكلها صعبه أوى
شريف ٠٠ أنت دخل عليك الكلام إللى قالتوا. ده مش أكتر من صحوة ما قبل الموت ياصاحبى فهمت
رامى ٠٠ فهمت يعنى كل إللى قالتو عبارة عن حلاوة روح
شريف ٠٠ بالظبط كده
رامى٠٠ بس بردوا البت جامده طحن .. انا مش متخيل أمتى توافق بقى على طلبتنا.دى بكل البنات اللى عرفتهم
شريف ٠٠ أسمع يا رامى من غير زعل إيلا ليا لوحدى وانت أختار إللى عايزها من صحابها حتى لو عايزهم التلاته ماعنديش مانع بس إيلا لأ
رامى ٠٠ لدرجدى عجباك
شريف ٠٠ من أول مرة شوفتها من سنه هنا فى النادى وهى معششه فى دماغي. بس هى مالهاش فى الشمال وانا ماليش غير فى الشمال .. يعنى انت عارفنى انا لا بتاع أرتباط و لا جواز همآ يومين حلوين و كل واحد يروح لحالة
رامى ٠٠ تعرف انا لما افكر اتجوز٠٠ أتجوز واحده زى إيلا دى كل حاجة فى جميله و مظبوطه بالمسطرة. يعنى جمال و حسب و نسب و أخلاق .. قولى انت مش نفسك تتجوز واحده زيها
شريف ٠٠ لا طبعآ.. إللى زى إيلا دى
من البنات إللى شخصيتها قويه ليها كيانى الخاص ماتنفعش معايا ..
رامى ٠٠ يعنى افهم انك عمرك ما هتجوز
شريف ٠٠ ممكن عشان خاطر بابا و ماما بس انا يوم ما هتجوز .. هخلى ماما تجيبلى بنت خام من البلد لا راحت ولا جت .و مابتعرفش تقول غير نعم و حاضر. مالهاش دعوة رايح فين ولا جاى منين ولا مع مين
رامى٠٠ يعنى زيها زى قلتها
شريف ٠٠ بالظبط كده
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤
فى نفس الوقت فى جهة اهرى
فى النادى
عند إيلا و أصدقائها
رقية٠٠ فاهمينى انتى إيه إللى عملتي ده
إيلا ٠٠ عملت إيه بس
رقية٠٠ احنا مش من مصلحتنا اننا نعاديهم
إيلا ٠٠ أمال من مصلحتنا اننا نوافق على طلباتهم
رقيه ٠٠ أنا مقولتش كده .. بس كان ممكن نتكلم معاهم نوصل لحل
إيلا ٠٠ أنتى عبيطه ولا بتستعبطى ما الكلام كان واضح قدامك . دول كانوا بقسمونا على بعض زى ما نكون جوارى عندهم
ملك ٠٠ رقية كان لازم إيلا تعمل كده . عشان يعرفوا اننا مش تحت رحمتهم ولا خايفين منهم
رقية ٠٠ وانتى فاكرة الموضوع خلص هنا لأ شريف ده واحد تعبان مش هيسبنا فى حالنا..
آيلا ٠٠ لو وقفنا مع بعض مش هيقدر يعمل حاجة
ملك ٠٠ صح انتى شوفتى لما إيلا قالتلوا انه متورط زينا اتلخبط و أتأثر بالكلام إيلا ازاى
رقية ٠٠ هو أستغرب بس من رد فعل إيلا
إيلا ٠٠ انتى عايزه أيه دلوقتى يا رقية
رقية ٠٠ نرجع نتكلم معاه أكيد هنوصل لحل
إيلا ٠٠ الحل الوحيد عند شريف هو انك تكونى واحده من المترددين على العوامة .يعنى تكونى زيك زى عزة
رقية٠٠ أيلا احترمى نفسك . و حسبى على كلامك
إيلا٠٠ لية .هى مش دى الحقيقة .. و ده إللى عايزوا شريف ولا هى الحقيقة بتوجع
رقية ٠٠ طول عمرك لسانك عامل زى كرباج مابيرحمش
ملك ٠٠ فى آيه .احنا هنسيب المشكلة
و نتخانق مع بعض
رقية ٠٠ أنا رايحه اتكلم مع شريف
شدتها آيلا من ذراعها وقالت
إيلا ٠٠ تعالى هنا. انتى خلاص مبقاش فيكى عقل
رقية ٠٠ أنتم كلكم مش فارق معاكم حاجة . لو شريف قدم الفيديو للبوليس . أهلكم بفلوسهم و نفوذهم و علاقاتهم هيقدروا يخرجوكم من الموضوع بمنتهى السهول لكن أنا بنت راجل الغلبان على أد حاله ..مش بعيد تخلونى انا أشيل الليلة دى كلها
قالت إيلا و ملك بأستغراب من كلام رقية
ملك٠٠ أنتى بتقول آيه .و ازاى تفكرى فينا كده
إيلا ٠٠ ده كل إللى أحنا فيه بسببك انتى عشان ننقذ أختك ولا نسيتى .. بعد كل ده تقولى علينا اننا هنخليكى تشيلى الليلة. أد كده انتى شايفنا واطين
خرجت ميرنا عن صمتها وصرخت و هى تقول بتوتر
ميرنا ٠٠ بس ..بس ..بس أسكتوا خلاص بقى انا تعبت من كلامكم
رقيه ببكاء
رقيه ٠٠ إيلا عندها حق انا السبب عشان كده انا هروح لشريف اتفهم معاه . لازم أوصل لحل للموضوع ده .حتى لو كان التمن انى اوفق على إللى عايزه شريف بس بشرط يبعد عنكم ..
مسكتها إيلا و ملك و ميرنا
ميرنا ٠٠ إيلا لو كان عندها حق فى حاجة بيقى كان عندها حق لما قالت انك مبقاش عندك عقل
ملك ٠٠ أحنا مع بعض فى الحوار ده
و هنحلوا مع بعض ..
إيلا ٠٠ أنا أسف يا رقية انا مكانش قصدى ازعلك بس بصراحة كلامك دايقنى
حضنوا الاصدقاء بعضهم ثم قالت ملك بسخريه
ملك ٠٠بعدين صح يا رقية شريف عايز أم عيون زرقه بذمتك انتى عيونك زرقه
ضحكوا الاصدقاء على كلام ملك
آيلا٠٠ لمى نفسك يا ملك أحسنلك
رقية ٠٠ صحيح هم يضحك و هم يبكى
حينها جاءه أشعار بوصل رساله عند إيلا
إيلا ٠٠ أهو جه ياختى الهم إللى يبكى
ملك ٠٠ خير
إيلا ٠٠ شريف بعت رساله ليا
ميرنا ٠٠ عايز ايه تانى ده كمان ..
إيلا ٠٠ بيقول
(نص الرساله ٠٠ أنا سيبتك تمشى النهاردة بمزاجى بصراحه عجبنى الشويتين إللى انتى عملتيهم بس متهيألى كفايه كده عشان انا بدأت ادايق..أشوفك النهاردة بالليل الساعة ١٠ فى كازينو (العنوان)
ملحوظه لو اتأخرتى لحاد ١٠ و ١٠ هبعت الفيديو لأخوكى سيادة الظابط المحترم
أو ابعتلو تليفون معاذ الله يرحمه إللى عليها بصمات أيدك )
انصدمت أيلا بعد ما قرأت الرسالة و دخلت فى دوامة لا يستطيع الخروج منها انها أمام خيارين كلهما أصعب من الأخر. وهى تعلم جيدآ نوايا شريف السيئ أتجاها. هنا قالت إيلا و هى مرعوبه
إيلا ٠٠ أعمل أيه أنا إللى اتصلت بالأسعاف و البوليس يعنى فعلآ تليفون معاذ عليه بصماتى.. انا ازاى مخدتش بالى من الحكايه دى
ميرنا٠٠ ممكن يكون مجرد تهديد عشان يخوفك بس
رقية٠٠ و ممكن كمان يكون بيتكلم بجد
إيلا ٠٠ رقية انتى بتخوفينى ليه دلوقتى
رقيه ٠٠ أنا بس بفكر بصوت عالى
ملك ٠٠ أبن الكلب طلع ذكى.. عرف يلعبها صح .. عشان كده أخد التليفون معاذ يوم الحادثه عشان يهددك بيه بعدين
التوتر و التعب كان واضح على إيلا و بدأ وجهها يعرق بغزاره وهى تنتفض كما انها كانت تتنفس بصعوبه كأنها أصابتها نوبة هلع
آيلا ٠٠ أنا مش عارفه افكر حاسه أنى مش قادرة أخد نفسى
التف الفتيات حول إيلا ثم قالت ميرنا
ميرنا ٠٠ فى ايه يا إيلا انتى تعبتى تانى
كانت تتحدث آيلا بصعوبه وقال
إيلا٠٠ مش عارفه.
ملك ٠٠ خدى نفس طويل براحه و حاولى تهدى شويه
هنا جاء مروان و حازم و جاسر
عندما شاهدوا إيلا بهذه الحالة ركضوا إليها
مروان ٠٠ مالها إيلا
ملك ٠٠ تعبت فجأه
هنا قالت آيلا بصعوبه
إيلا ٠٠ أنا كويسه
ملك ٠٠ كويسه أزاى انتى مش قادرة تاخدى نفسك
رقيه ٠٠ خدى أشربى ميه
مروان ٠٠إيلا تعالى هوديكى المستشفى
جاسر٠٠ مش أحسن نقول لسيف
مروان ٠٠ يعنى نسيبها تعبانه لحد سيف يجى
حازم ٠٠ أنا هتصل عليه
إيلا ٠٠ و الله انا بقيت كويسه..
مروان ٠٠ تمام بردوا نطمن عليكى
ثم امسك مروان يد إيلا هو بيسندها لتقف و يده الاخره كانت على خصرها
فجأه ظهر أمامهم سيف هو ينظر ليد مروان التى على خصر إيلا
عندما لاحظ مروان نظرات سيف سحب يده من عليها وقال بأرتباك
مروان ٠٠ إيلا تعبانه كنت هوديها المستشفى
رد سيف و كان واضح عليه العصبية
سيف ٠٠ انت أزاى تمسكها بطريقه دى
حازم ٠٠ بس إيلا ماكنتش قادرة تقف فمروان ساعدها عادى
سيف ٠٠ بس انا شايف انها تقدر تقف لوحدها وحتى لو محتاجه حد يسندها .. كان المفروض يكونوا صحابها البنات
مش مروان
مروان ٠٠فى ايه سيف الموضوع مش مستاهل كل ده
سيف ٠٠ يعنى انت لو شوفتنى ماسك ملك بطريقة دى مش هتدايق
مروان ٠٠ لو فى نفس الموقف إللى أحنا فيه دلوقتى. لأ يا سيف مش هدايق لانى بثق فيك يا صاحبى
سيف ٠٠ الموضوع مالهوش علاقة بالثقة
قالت إيلا بتعب
إيلا ٠٠ ملك معاكى عربيتك
ملك .. اه
إيلا ٠٠ تعالى روحينى للبيت.. انتم كملوا كلامكم
سيف ٠٠ أنا هروحك
مروان ٠٠ لازم تروح مستشفى الأول
سيف ٠٠ و بعدين بقى يا مروان
جاسر٠٠ في ايه يا سيف مروان عنده حق كلنا عايزين نطمن على إيلا
سيف ٠٠ حاضر .. يلا يا إيلا
كانت إيلا سوف تقع عندما مسكها سيف و ضمها إليه أمام الجميع فى لحظه أصبح إيلا فى حضن سيف
شعرت أيلا بالأحراج و أبتعدت عنه بسرعة وهنا قال سيف
سيف٠٠ أنتى كويسه
إيلا ٠٠ أه كويسه
سيف ٠٠ يالا بينا
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤
فى سيارة سيف
إيلا ٠٠ سيف روحنى على البيت
سيف ٠٠ لأ هوديكى المستشفى الأول أحسن الأستاذ مروان يزعل
آيلا ٠٠ سيف لو سمحت ياريت بلاش نتخانق معايا دلوقتى
سيف ٠٠ يعنى لازم أحط لسانى جوه بوقى.و أسكت على إللى حصل مش كده
إيلا ٠٠ هو ايه إللى حصل انا مش عارفه
سيف ٠٠ والله يعنى مش حاسه انك غلطانه.. انا مش عارف ازاى سمحتى له يمسكك بطريقة دى
إيلا ٠٠ سيف انا كنت تعبانه و مروان كان بيساعدنى وبس
سيف ٠٠ ايشمعنا هو إللى فكر يساعدك يسندك ما الكل كان موجود
آيلا ٠٠ ياسلام يعنى لو حازم أو حتى جاسر هم إللى ساعدونى كان عادى
سيف ٠٠ أيلا متعصبنيش انتى عارفه انى قصدى على صحابك البنات
إيلا ٠٠ أنا تعبت من تفكيرك .. مش عارفه انت بتعمل معايا كده ليه
سيف ٠٠ أنتى أختى
إيلا ٠٠ انت عارف كويس أوى انى مش أختك تمام
سيف ٠٠ و إذا . بس الناس فاكره اننا أخوات و أي غلط بتعمليه هيبقى فى وشى
إيلا ٠٠ أمال ليه مبتعملش كده مع مايا
صمت سيف فجأة هو يفكر فى سؤال إيلا برغم ان سؤال إيلا ضايق سيف إلا أنه يعرف أنها على حق . و هنا و لأول مره يسأل سيف نفسه لماذا يشعر بالغضب العارم عندما يقترب منها أى أحد
لماذا يريد أن يكون هو فقد بجوارها
لماذا يشعر براحه عندما تكون هى معاه
هل يشعر بالغير على إيلا
لكنه طرد جميع هذه الافكار من دماغه و قال لنفسه
أنه مجرد غيرة أخ على أخته فقد لا غير
هنا وصلوا للفيلا
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى المساء
جاء المساء و إيلا مازالت فى نفس الدوامة هل تذهب لمقابلة شريف أم لا .. هل شريف سوف ينفذ تهديدخ لها أم لا
فى الاخر أخدت القرار أنها ستذهب فى النهاية أنها سوف تقابله فى مكان عام . لكن المشكله هنا كيف تخرج من المنزل بعد الساعة العاشر .ان سيف لن يسمح لها بخروج فى هذا الوقت
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
هنا ذهبت أيلا لأميرة وقالت لها
إيلا ٠٠ ماما انا رايحه أجيب الاب توب بتاعى من عند ملك نسيتو معاها النهاردة
أميرة ٠٠ هتروحى دلوقتى خليكى بكرة
إيلا ٠٠ ماما الساعة لسه تسعه
أميرة ٠٠ خلاص روحى و تعالى بسرعة
إيلا ٠٠ لأ. انا هقعد معاها شوية
أميرة ٠٠ طيب بس ياريت متتأخريش .
خرجت أيلا و هى تحمدالله ان سيف مازال خارج الفيلا
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
امام الكازينو
قامت ملك بتوصيل إيلا الكازينو
إيلا ٠٠ خلاص أمشى انتى يا ملك
ملك٠٠ لا طبعآ انا مش همشى انا هستناكى هنا لو حصل أي حاجة رنى عليا
آيلا ٠٠ متشكره ملك انك معايا
عندما دخلت إيلا الكازينو كان شريف فى أنتظارها وقال عندما رأها
شريف ٠٠ فى ميعادك بالظبط
إيلا ٠٠ أدينى جيت ممكن أعرف عايز ايه
شريف ٠٠ مستعجله ليه لسه الليل طويل
إيلا ٠٠ طويل بالنسبال إللى زيك انما بالنسبالى المفروض فى الوقت لازم اكون فى بيتى
شريف ٠٠ عايزه تقوليلى انك مش بتسهرى بره البيت المفروض اصدقك
إيلا ٠٠ تصدق أو مصدقش دى حاجه متهمنيش ولا تفرق معايا أصلآ
شريف ٠٠ هو انتى مش خايفه منى
إيلا ٠٠ ليه هو انتى شكلك يخوف
شريف ٠٠ أنتى على طول ردك جاهز كده
إيلا ٠٠ اه.. ياريت بقى تنجز و تجيب من الاخر .. تقول إللى عندك... عشان ان اتأخرت
شريف ٠٠ تعالى أرقصى معايا
إيلا٠٠ لا انت بنى أدم معندكش دم انا ماشية
هنا أمسكها شريف من ذراعها مما جعل إيلا تدفعوا بعيد عنها. عندها كاد يسقط لكنه امسك فى أحدى المقاعد التى بجواره
هنا جاء صوت من خلف إيلا يقول إيلا مش ممكن
#رواية٠أحببت٠أخى
#الكاتبة٠أروى٠عادل
#الفصل٠الثانى٠عشر
هنا مسكها شريف من ذراعها مما جعل إيلا تدفعوا بعيد عنها. و عندها كاد يسقط لكنه امسك فى أحدى. المقاعد التى كانت بجواره
هنا جاء صوت من خلف إيلا يقول
چودى ٠٠ إيلا مش ممكن ٠٠دى أول مره أشوفك هنا
آيلا ٠٠ و ان شاء الله هتكون أخر مره
قالت عبارتها ثم خرجت من المكان بسرعة . و شريف خلفها ينادى عليها
بقلم٠أروى٠عادل
¤¤¤¤¤¤¤¤¤¤¤¤¤¤¤¤
أمام الكازينو
لحق شريف بآيلا بصعوبة .و يصيح بها
شريف ٠٠ أنتى أتجنتى ايه إللى عملتى جوه ده.انتى نسيتى انا مين ممكن أعمل فيكى ايه
إيلا ٠٠ لأ مش ناسيه . بس مش فارقة معايا. و اللى حصل جوه هيحصل اكتر منه لو فكرت تلمسنى تانى
شريف ٠٠ أنتى فاكره نفسك مين . انا ممكن دلوقتى لو عايز أمحيكى من على وش الدنيا.. هعملها
إيلا٠٠ ياريت تعملها عشان اخلص أرتاح من وش الأشكال إللى زيك
شريف ٠٠ عايزه تخلصي من الاشكال إللى زيى يبقى وافقى على طلبى عشان تخلصى منى بسرعة
إيلا ٠٠ و أيه هو طلبك
شريف ٠٠ حلوه يبقى ندخل جوه
و اقولك على طلبى
أيلا ٠٠ ياريت تقول كل إللى انت عايزه هنا
شريف ٠٠ على الوقف كده .. طيب ينفع
قالت أيلا بصرامه و غضب
إيلا ٠٠ طلباتك
شريف ٠٠ أنتى
إيلا ٠٠ مش فاهمه
شريف ٠٠ لأ أنتى فاهمه .... إيلا انا عايزك
آيلا٠٠ ده فى أحلامك
شريف ٠٠ انا كل أحلامى بحققها
إيلا ٠٠ إلا انا .. انا كابوس مش حلم أتمنا من ربنا انه مايتحققش
شريف٠٠أه لو تعرفى ان كلامك ده بيزيد رغبتى فيكى أد ايه
إيلا ٠٠ و انت لو تعرف انا قرفان من الكلام معاك أد ايه.. و حط فى دماغك إللى بتفكر فيه ده مش هيحصل حتى لو فيها موتى
شريف ٠٠ لأ هيحصل الا هبعت التليفون للنيابة..و ساعتها هيلاقوا بصماتك من على التليفون معاذ .. و هتلبسى انتى جريمة قتل معاذ
إيلا ٠٠ أنت عارف انى مش انا إللى قتلتوا
شريف ٠ عارف بس أعمل ايه انتى إللى أجبرتينى أعمل معاكى كده.. قدامك خيارين أما توافقى على طلبى..
أما حبل المشنقة هيتلف حوالين رقبتك الجميلة دى
إيلا ٠٠ انت مش مكسوف من نفسك واقف و بمنتهى البرود و خسه النداله تساوم بنت على شرفها
ش
ريف٠٠ بقولك أيه متوجعيش دماغى . متعمليش نفسك خضرة الشريفه كلكم زى بعض
إيلا ٠٠ اخرس . اوعى تجيب سيرة شرفى على لسانك النجس ده ...انا أشرف من ان واحد سافل زيك يتكلم عنى فاهم
شريف ٠٠ أنتى لسانك طويل و قليلة الأدب .. و هى كبرت فى دماغى انتى بتاعتى برضاكى أو غصب عنك
إيلا ٠٠ ده على جثتى التليفون معاكى روح قدمه للنيابة.ولا قدمه للجن الأزرق براحتك انا عندى أموت ولا واحد زيك يلمسنى
شريف ٠٠ لدرجدى مش خايفه على نفسك
إيلا ٠٠ لأ مش خايفه
عندما كانت تغادر أوقفها عبارة شريف عندما قال
شريف ٠٠ ولا خايفه على صحابك
صمتت ثوانى ثم قالت
إيلا ٠٠ طلع صحابى من الحوار ده
شريف ٠٠ تحبى أتسلى بيهم عقبال ما تفكرى تاخدى قرارك
ردت إيلا بعصبيه وقال
إيلا ٠٠ إبعد عن صحابى أحسنلك..
قال شريف بسخريه
بقلم٠أروى٠عادل
شريف ٠٠ أنتى ظالمه و لا بترحمى ولا عايزه رحمة ربنا تنزل
إيلا ٠٠ أخر الكلام لو قربت على صحابى انا هبعتك فى زياره لمعاذ
شريف ٠٠ أنتى بتهددينى
إيلا ٠٠ للأسف انا بمعرفش اهدد. بس بعرف أنفذ كويس أوى .. و بدل ما انت عايز تشيلنى جريمة معملتهاش. أخلص منك و أشيل جريمة عملتها. و أظن مافيش حد بيتشنق مرتين
أتصدمة شريف من كلام إيلا و خصوصآ كان واضح عليها الجديا و القوة فى حديثها..لذا فكر شريف كثير فى كلام آيلا و أخيرآ قرر ماذا سيفعل بها .. هذا ما سنعلموا بعدين
¤¤¤¤¤¤¤¤¤¤¤¤¤¤¤¤¤¤¤¤¤¤¤
فى سيارة ملك
عندها كانت ملك قريبه منهم لذلك قالت بعد ماصعدت إيلا السياره
ملك ٠٠ أنا سمعت كل حاجة .. قوليلى هنعمل أيه
إيلا ٠٠ مش عارف.. بس بعد إللى قولتوا لشريف أكيد مش هيسكوت . بس مش ده إللى قلقنى دلوقتى
ملك٠٠ فى ايه تانى
إيلا ٠٠ چودى شافتنى جوه .. كمان مايا كانت موجوده و شافتنى وانا طالعة
ملك٠٠ ده أيه الحظ ده أكيد چودى
ما هتصدق و تقول لسيف
آيلا ٠٠ و مايا أكيد هتقول لبابا. شوفتى حد حظه أوحش من حظى
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى نفس الوقت
جنينة الفيلا
-------------'
يجلس سيف مع جاسر فى الجنينه
يتحدثان عن ما حدث فى النادى
جاسر ٠٠ ممكن أعرف ايه إللى. حصل النهاردة
سيف ٠٠ بالله عليك بلاش نتكلم فى الموضوع ده
جاسر ٠٠ لأ يا سيف لازم نتكلم
سيف ٠٠ أنا أتكلمت مع مروان هو مش زعلان منى
جاسر ٠٠ أنا مش بتكلم على مروان دلوقتى ..انا بتكلم على مشاعرك أتجاه إيلا
سيف ٠٠ نفس الحوار تانى
جاسر ٠٠ وانت هتهرب منه كالعادة
سيف ٠٠ قولتلك دى أختى و طبيعى أغير عليها
جاسر ٠٠ لو كلامك ده صحيح خلاص وافق على أرتباط مروان بأيلا
سيف ٠٠ هو فيه أيه بابا يكلمنى فى الموضوع ده النهاردة . و دلوقتى انت
جاسر ٠٠ بصراحة الموضوع ده بقى بايخ أوى مروان بقالو سنه هو بيتكلم فى الموضوع ده
سيف ٠٠ أنت عايز أيه دلوقتى يا جاسر
جاسر٠٠ عايزاك تعرف انت عايز ايه .
و إيلا بالنسبالك ايه و أوعى تقول انها أختى. لان مافيش أخ بيتجوز أخته
سيف ٠٠ طيب كويس انك فاكر ان إيلا على ذمتى
جاسر ٠٠فاكر .. و فاكر كمان ان جوازك من إيلا لفترة مؤقتا ..جواز سورى يعنى
سيف ٠٠ خلاص لما تخلص الفترة دى يبقى نتكلم
جاسر٠٠ افرض خلال الفترة دى إيلا أرتبطت بحد
سيف ٠٠ أنا كنت اخنقها بأيدى
جاسر ٠٠ ليه مش حقها ترتبط زى أى بنت
سيف ٠٠ طول ماهى على ذمتى يبقى مش حقها
جاسر ٠٠ تمام أفهم من كلامك انك معندكش مشكلة انها ترتبط بعد ما تعدى فترة جوازكم
سيف٠٠ هو فى ايه.. هى آيلا اشتكتلك
هنا رن تليفون سيف لذلك أستأذن من جاسر لكى يرد على المكالمه
(بداية المكالمة )
بقلم٠أروى٠عادل
سيف ٠٠ ألووو
چودى٠٠ هاى حبيبى عامل ايه
سيف ٠٠ تمام .. روحتى ولا لسه
جودى ٠٠ لسه .. تعرف السهر النهاردة تحفه ياريت كنتى جيت معايا
سيف ٠٠ ماكنش ليه مزاج المهم اتبسطى انتى
جودى ٠٠ أوكى . على فكرة انا شوفت إيلا هنا
سيف ٠٠ هنا فين مش فاهم
جودى ٠٠ هنا فى كازينو
سيف ٠٠ أنتى بتخرفى بتقولى أيه
جودى ٠٠ سيف انت بتقولى انا كده
سيف ٠٠ و لما تكدبى و تقولى انك شوفتى إيلا فى الكازينو يبقى لازم أتكلم معاكى كده
جودى ٠٠ أنا مش كدابه . انا بجد شوفتها هنا كمان كانت مع شريف الجبرى و أول ما شافتنى اتلخبطت
و مشيت على طول
سيف ٠٠ أيلا مستحيل تروح مكان زى ده
چودى ٠٠ تقصد ايه . و مال المكان هنا
ما انا بروح فيها ايه دى
سيف ٠٠ أنتى حره تروحى ماتروحيش براحتك انما أيلا لأ
جودى ٠٠ سيف انت واعى للكلام إللى بتقولوا . على العموم لو مش مصدقنى ممكن تسأل مايا هى شافتها بردوا
حينها صاح بها سيف بغضب وقال
سيف ٠٠ أقفلى دلوقتى
ثم أغلق الخط دون انتظار ردها
( إنتهت المكالمة )
--------------------
جاسر ٠٠ فى إيه
سيف ٠٠ چودى بتقول أن إيلا موجودة دلوقتى فى الكازينو
جاسر ٠٠ معقولة
سيف٠٠ انا عارف.. أكيد چودى كدابه .
و دلوقتى هتأكد بنفسى
دخل سيف الفيلا و سأل عن آيلا كانت المفاجأة أن إيلا غير موجودة فى الڤيلا هنا ثاره سيف الساعة الآن ١١ و نصف و أيلا خارج الڤيلا
لذا رجع لجاسر الذى قال
جاسر ٠٠ لقيتها
سيف ٠٠ لأ
ثم ركب سيف السيارة عندما كان على وشك المغادرة
أماما الفيلا . رأى إيلا تنزل من سيارة ملك.. لذا نزل سيف من السيارته مندفع اتجه ايلا و أمسكها من معصمها بقوة. هو بصراخ بها ويقول
سيف ٠٠ كنتى فين
إيلا ٠٠ أه ايدى يا سيف
سيف ٠٠ انطقى كنتى فين
ملك ٠٠ سيف لو سمحت سيبها هى كانت معايا
سيف ٠٠ ملك ياريت تروحى مالكيش دعوه....و انتى هتقولى كنت فين ولا لأ
نظرت ملك إلى إيلا ثم غادرت وهى تشعر بضيق
إيلا ٠٠ سيف أيدى هتتكسر
جاسر ٠٠ سيف مش كده . سيبها
سيف ٠٠ مش قبل ما أعرف كانت فين
حينها اتأكدت إيلا ان چودى قالت لسيف انها رأتها لذا قالت
بقلم٠أروى٠عادل
إيلا ٠٠ انت عارف انا كنت فين بتسأل ليه بقى
سيف ٠٠ يعنى چودى عندها حق و أنتى كنتى فى الكازينو
إيلا ٠٠ آه كنت هناك زى جودى و مايا
ما كانوا هناك ولا هو حلال ليهم و حرام ليا
حينها الغضب تمكن منسيف حتى فقد السيطرة على نفسه و أصبحت عينه مثل كتله من جمر
هنا صرخت أيلا عندما جذبها من شعرها و شعرت انه سوف يقتلع شعرها من جذووا عندها قالت
إيلا ٠٠ أه ه ه ه ابعد عنى بقى
سيف ٠٠ كنتى هناك و مع شريف الجبرى صح
جاسر ٠٠ سيف ايه إللى بتعملوا ده . انت أتجننت سيبها
سيف ٠٠ إبعد عنى يا جاسر .دلوقتى
هنا سحب جاسر أيلا من قبضت يد سيف وقال
جاسر ٠٠ إيلا روحى انتى من هنا بسرعة
ثم منع جاسر سيف من الذهب خلف إيلا
سيف ٠٠ سيبنى يا جاسر بقولك .
جاسر ٠٠ حرام إللى بتعملوا فى البنت ده
سيف ٠٠ دى كانت مع شريف الجبرى فى الكازينو .. انت عارف كويس مين شريف الجبرى
جاسر ٠٠ ايوه بس دى كانت معاه فى مكان عام بعدين انا مش داخل دماغى ان أيلا ممكن تعرف واحد زى شريف . أكيد فى حاجة غلط
سيف ٠٠ أقسم بالله لو فى حاجة بينها وبين أبن الجبرى هقتلها و هقتلوا
جاسر ٠٠ ايه إللى انت بتقولو ده .. سيف انت بتشك فى أخلاق إيلا
سيف ٠٠ لأ طبعآ . آيلا دى تربية أيدى . وانا واثق فى أخلاقها
جاسر٠٠ طيب طالما هو كده ليه كل إللى عملتوا ده
سيف ٠٠ لأنى مش واثق فى شريف . ده واحد نسوانجي. ما انت عارف قضية معاذ و البواب قال أيه. عايزنى أعرف أن إيلا تعرف الأشكال دى و أسكت . ده انا كان لازم أكسر دماغها كمان
جاسر ٠٠ انت ليه ما أديقتش لما عرفت انا چودى و مايا فى الكازينو. و القيامة قامت لما إيلا راحت هناك
سيف ٠٠ أنا عارف انا چودى و مايا هناك بيحضروا عيد ميلاد شيرى صاحبتهم..
جاسر ٠٠ يعنى المشكله هنا انا كنت عارف انهم هناك أنما إيلا راحت من غير ما تعرف
سيف ٠٠ يعنى مش بالظبط .. بصراحة انا مش حابب إيلا تروح أماكن زى دى
جاسر ٠٠ ده بردوا عشان انتو أخوات
سكت سيف ثوانى ثم قال
سيف ٠٠ أنت عايز ايه يا جاسر من دلوقتي
جاسر ٠٠ عايزك تعترف
سيف ٠٠ بأيه
جاسر ٠٠ بأنك بتحب إيلا
سيف ٠٠ لأ طبعآ مافيش الكلام ده
جاسر٠٠ طيب عينى فى عينك كده
سيف ٠٠ ايه شغل العيال ده
جاسر ٠٠ روح صالحها. و اتكلم معاها بهدوء. لأنك مش هتقدر تنام و هى زعلانه منك.. سلام انا ماشى
غادر جاسر و ذهب سيف إلى غرفته
و بالفعل لم يستطيع سيف النوم من التفكير بإيلا و ما حدث .الساعة كانت ٢ بعد منتصف الليل عندما ذهب سيف إلى غرفة إيلا.. عندما رأى نور الغرفة مضيئ علما انها مازالت مستيقظه. لذلك طرق الباب لكنها لم تجيب هنا قال سيف
بقلم٠أروى٠عادل
سيف ٠٠ أنا عارف انك لسه صاحيه ممكن نتكلم
عندما فتحت إيلا الباب كانت عينيها حمراء و أنفها أيضآ من شدة البكاء .
إيلا ٠٠ عايز أيه تانى يا سيف
عندما رأها سيف بهذه الهيئة من غير أيه مقدمات لم يشعر بنفسه 'الا وهو ضممها إليه بقوة و هنا تأكد سيف ان ما يشعر به اتجاه إيلا هو حب
أما إيلا لقد أستسلمت لحضن سيف كأنها كانت محتاجه هذا الحضن لكى تشعر بأمان..بكت أيلا فى حضن سيف
فجأه ابتعدت عنه هى تقول
إيلا ٠٠ والله ما عملت حاجة غلط
سيف ٠٠ أنا عارف أهدى . و بطلى عياط .بعدين شكلك وحش وانتى بتعيطى
أقترب منها سيف هو يمسح دموعها
إيلا ٠٠ بتخلينى أعيط و بعدين تيجى تمسح دموعى
سيف ٠٠ حقك عليا بصراحة انا لما عرفت انك روحتى الكازينو اتجننت.. فقدة أعصابى
إيلا ٠٠ ليه مع أن چودى و أختك كانوا هناك. أيشمعنا أنا إللى بهدلتها ده انت كنت هتضربنى لولا جاسر بعدك عنى
سيف ٠٠ عشان انتى مختلفه عنهم
إيلا ٠٠ مختلفه فى ايه .سيف انت على طول الوقت بتقولى اننا أخوات لكن انت عمرك ما عملتينى زى ما بتعامل مايا أختك. مع أنى انا كمان المفروض أكون اختك
كان رد سيف على أيلا عبارة عن صدمة قويه عندما قال
سيف ٠٠ بس انتى مش أختى
إيلا ٠٠ كنت بتزعل لما أقولك انك مش أخويا بس المردى انت إللى قا.....
قطع سيف عبارتها و قال
سيف ٠٠ لأنك مراتى يا إيلا
اتسعت عينيها بدهشة هى لم تستوعب ما قالو سيف لذلك قالت وهى تأتأة فى الكلام
إيلا ٠٠ أنت.. بتقول.. أيه
سيف ٠٠ هى مش دى الحقيقة انتى مراتى عشان كده بقولك انك مختلفه عن أي حد
إيلا ٠٠ يعنى ايه انا مش فاهمه
سيف ٠٠ أفهمى بقى انا بغير عليكى
#رواية٠أحببت٠أخى
#الكاتبة٠أروى٠عادل
#الفصل٠الثالث٠عشر
سيف ٠٠ إيلا أفهمى بقى انا بغير عليكى
لم تستوعب إيلا ما يقولو سيف أو لم تصدق ما تسمعوا أذنيها لذلك لم تنطق بالكلمة بل ظلت تطلع بها بدهشه لذا كمل سيف حديثه وقال
سيف ٠٠مش هتقولى حاجة ولا هتفضلى ساكته كده كتير
إيلا ٠٠ هقول أيه يعنى .. انا مش فاهمه تقصد أيه
سيف ٠٠هو ايه إللى مش فاهمه.إيلا انتى هتستعبطى
إيلا ٠٠ أنا بستعبط الله يسامحك .. دلوقتى اتفضل على أوضتك عشان عايزه أنام
سيف ٠٠ عايزه تنامى .. هو مافيش حاجة من إللى انا قولتها أثرت فيكى
إيلا ٠٠ تصبح على خير يا سيف
حينها قال سيف بضيق
سيف٠٠ اتفضلى روحى نامى ..
عندما كان يغادر همس و هو متعصب من رد فعل إيلا
بقلم٠أروى٠عادل
سيف ٠٠ غبية
إيلا ٠٠ على فكره سمعتك
ثم دخلت غرفتها و أغلقت الباب
حينها صرخت من الفرحه ثم وضعت يديها على فمها حتى يسمعها أحد
بدأت تتنطط فى الغرفة مثل الاطفال ثم نظرت لنفسها فى المرأه وقالت لنفسها
إيلا ٠٠ أنا سمعت صح مش كده قالى انى مراته . كمان .قالى أنه بيغير عليا . يعنى بيحبنى .. معقوله أكون فهمت غلط. يمكن يكون متهيألى . بس هو ماقالش انه بيحبنى. بس هو قالى انه بيغير عليا .معناه أيه الكلام ده
ثم وضعت إيلا على قلبها فى محاوله منها لتهدء مشاعرها و أكملت حديثها
إيلا ٠٠٠ إيه إللى جرالى انا بكلم نفسى.. شكلك جننتنى أبن صافى
فى هذه اللحظه نسيت إيلا كل مشاكلها وما مرت به خلال اليوم .. كل ما كانت تفكر به...تتذكر فقد سيف وما قالوا لها
هنا نعلم أن إيلا تحب سيف هذا الحب ليس وليد اللحظه فإيلا تحب سيف منذه عرفت معنى الحب
رغم لذلك لم يعرف أحد عن هذا الحب
أما عند سيف. كان حالة مثل حالة إيلا لما يستوعب ما قالو لإيلا . كما كان يفكر أيضآ هل أيلا تبادلوا نفس الشعور أم لا . هل إيلا فهمت ماذا يقصد أم لم تفهم شئ .هل شعوروا أتجاه إيلا حقيقى أم مجرد شعور مؤقت ..
العديد من الأسئلة تدور فى رأس سيف
فى الأخر ظن أن إيلا لا تبادلوا نفس المشاعر لذلك قال لنفسه انه سوف يتعامل مع الموضوع كأنه لما يكن انه سيحاول يبتعد عنها على أد ما يستطيع حتى لا ينكشف أمر حبه لها
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى صباح اليوم التالى
على مائدة الطعام
برغم انها نامت فى وقت متأخر إلا أنها أستيقظت مبكرآ نشيطه وقامت بأعداد الإفطار بنفسها
سيف ٠٠ صباح الخير
يحيى ٠٠ صباح الخير يلا عشان تفطر إيلا هى إللى عامله الفطار بنفسها النهاردة
سيف٠٠ خير أكيد عايزه حاجه. ماهى مبتعملش حاجة لوجه الله
هنا جاءه صوت إيلا من خلفه
إيلا ٠٠ تقصد أنى بتاعت مصلحتى
سيف ٠٠ مش دى الحقيقة
إيلا ٠٠ لأ طبعآ مش دى الحقيقة انا حبيت أعملك قصدى أعملكم فطار بأيدى
أميرة ٠٠ ميرسى حبيبتى تسلم أيدك
يحيى ٠٠ بس تعبتى نفسك ليه بس
إيلا ٠٠ لأ أبدآ يا بابا ولا تعب ولا حاجة
سيف ٠٠ أنا رايح الشغل
أستغربت ايه من أسلوب سيف . انه بيتصرف كأنه لم يقول له شئ أمس .
أميرة ٠٠ مش هتفطر
سيف ٠٠ لأ ماليش نفس. عن أذنكم
يحيى ٠٠ايه مش هتاخد إيلا معاك على الجامعة
سيف ٠٠ لأ هى لسه هتفطر و انا مستعجل عندى شغل
كانت إيلا تعلم جيدآ ان سيف لن يسمح لها بالذهاب مع مروان لذلك قالت بخبث
إيلا ٠٠ خلاص روح انت على شغلك.. انا ابقى أروح مع ملك و مروان
تعصب سيف من كلام إيلا قال بغضب
بقلم٠أروى٠عادل
سيف ٠٠ أنا مش نبهت عليكى أكتر من مرة انك متروحيش الجامعة مع مروان
يحيى ٠٠ دى فيها أيه مروان مش غريب و كمان هو معيد عندها فى الجامعة يعنى طريقهم واحد
سيف ٠٠ بابا ماتنفعش إيلا تروح الجامعة مع مروان خصوصآ بعد مروان ما اتقدم لإيلا
أميرة ٠٠ سيف عنده حق
إيلا٠٠ يعنى أروح الجامعة ازاى دلوقتى
سيف ٠٠ خلاص انا هوديكى
إيلا ٠٠ بس انا لسه هفطر و انت مستعجل و عندك شغل
سيف ٠٠ مش مشكلة هستناكى
بس أنجزى بسرعة
أبتسمت إيلا بخبث لقد حدثه ما تريده
بينما تطلع بها يحيى و قال
يحيى ٠٠ أنا مش عارف انتى ليه مش عايزانى أجيبلك عربية بسواق ولا عايزه تتعلمى السواقه لازم تنسى إللى حصل دى كانت مجرد حادثه
سبب حادث حدث معاها منذ ٥ سنوات مع سائق كان مخمور عندما كان ينقلها من المدرسه تسبب فى حادث لها كانت سوف فقد فيها حياتها من يومها ترفض تركب السيارة مع اى سائق او تتعلم السواقه
إيلا ٠٠ بابا انتى عارفنى انا مش بحب السواقة ولا بحب اركب عربية مع حد غريب ولا بحب السواقين أصلآ
قال سيف بصوت واطى لم يسمعوا حد
سيف ٠٠ اه بتحب تركب مع مروان بس
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى سيارة سيف
لم يتحدث سيف طول الطريق إللى ان قررت إيلا تتحدث
إيلا ٠٠ كلها أسبوعين هتبدء الإمتحانات
و هتخلص من توصيلى
سيف٠٠ انا مس مصدق امتى الايام دى تيجى عشان أخلص منك
رد سيف كان مستفز و غير متوقع لذلك قالت بحزن
بقلم٠أروى٠عادل
إيلا ٠٠ يااااه أد كده أنا تقيلة على قلبك .
سيف ٠٠ أسمعى يا إيلا من بكرة أنا هشوف سواقه خاص ليكى لانى مش فاضيلك أوديكى على جامعة كل يوم
آيلا ٠٠ و ليه من بكرة خليها من دلوقتى..وقف العربية
سيف ٠٠أوقف العربيه ليه
إيلا ٠٠ وقف العربية بقولك . خلينى أنزل
سيف ٠٠ تروحى فين لسه موصلناش على الجامعة
قالت بعصبية
إيلا ٠٠ قولتلك وقف العربية انا عايزه أنزل هنا
سيف ٠٠ أنتى مجنونه تنزلى فين هنا
إيلا ٠٠ طيب انا هوريك مجنونه دى هتعمل ايه فيك
حينها حاول فتح السيارة لكن أمسك سيف أيدها عندما حاولت تفتح باب السيارة وهى تسير لذلك قال
سيف ٠٠ أنتى جرا لمخك حاجة عايزه تنزلى من عربية و هى ماشيه
إيلا ٠٠ سيب أيدى و خلينى أنزل
هنا وقف سيف على جانب الطريق
سيف ٠٠ إيلا انا مش فاضى للعب العيال ده
إيلا ٠٠ تمام انا أسف انى ضيعت وقتك
و صدقنى مس هيحصل تانى
ثم فتحت باب السيارة و خرجت منها ولم تستجيب لسيف و هو يقول
سيف ٠٠ إيلا راحه فين تعالى هنا إيلا . إيلا
لم ترد إيلا عليه بل ذهبت دون النظر إليه
لعن سيف نفسه على ما فعلوا مع إيلا كما لعن عنادها
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
بعد مرور أسبوع
تجلس إيلا و ملك فى جنينة الفيلا
ملك ٠٠ بقالنا أسبوع مسمعناش حاجة عن شريف ولا رامى ولا أتصال ولا رساله و لا أى تهديد
إيلا ٠٠ فعلآ دى حاجة غريبة و مش مفهومه
ملك ٠٠ يمكن كلامك له أثر فيه و عرف اننا مش هنستسلم لتهديدوا فقرر بيعد عنا يسبنا فى حالنا
إيلا ٠٠ أنتى غلبانه أوى . مش شريف إللى يستسلم بسهوله كده .. أكيد بيخطط لحاجة .. بس هو حابب يلعب بأعصابنا شويه
ملك ٠٠ أنتى كده خوفتينى تفتكرى هيرجع يطلب نفس اللى طلبوا تانى
إيلا ٠٠ بعد إللى قولت ليه أظن أنه بقى متأكد انى مش ممكن أوافق على طلبوا. بس أكيد هيطلبوا بطريقة تانيه
ملك ٠٠ وايه هى الطريقة التانيه
إيلا٠٠ مش عارفة بصراحة الموضوع مش عايزه أفكر فيه خصوصآ انا داخل على أمتحانات مش عايزه حاجة تشغلنى
ملك ٠٠ قوليلى سيف عمل معاكى ايه يوم ما روحتى الكازينو
إيلا ٠٠ ده بنى أدم مجنون . انا بقالى أسبوع مش بتعامل معاه ولا بتكلم معاه
خالص
ملك ٠٠ غريبة انتم بتتخانقوا كتير مع بعض بس دى أول مره تبطلوا تتكلموا مع بعض
إيلا ٠٠ ده مجنون .. ملك انا هقولك إللى حصل بس أوعدينى انك متقوليش لحد
ملك ٠٠ من أمتى انا بقول لحد على حاجة تخصك
حكت إيلا كل ما حدث مع سيف
ملك ٠٠ يعنى سيف قالك انه بيغير عليكى
إيلا ٠٠ آه و حضانى و قالى انى مراته و تانى يوم بيتعامل معايا وكأن محصلش حاجة بالعكس ده بيعاملنى وحش أوى
ملك ٠٠ طيب قوليلى لما قالك الكلام ده انتى قولتيلوا ايه
إيلا٠٠ و قولتلوا عايزه أنام تصبح على خير
ملك٠٠ يعنى الراجل جاى و بيقولك انه بيغير عليكى. و انك مراته تقومى تقوليلوا عايزه أنام تصبح على خير ..و مستغربه انه بيعاملك وحش ليه
إيلا ٠٠ انا كنت مصدومه بصراحة انا أتكسفت لما قالى الكلام ده و معرفتش الرد أقول ايه . هو ده الرد اللى جه فى بالى ساعتها و قولته
ملك٠٠ دماغ جزمه..قوليلى يا إيلا انتى بتحبى سيف
هزت رأسها بالموافقه
ملك ٠٠ غريبة عمرك ما ظهر عليكى انك بتحبى سيف
إيلا ٠٠ ماكنتش عايزه حد يحس بالحب ده
ملك ٠٠ حتى سيف
إيلا ٠٠ ده بأخص سيف
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى نفس الوقت
فى المباحث مكتب سيف
جاسر ٠٠ شيلت أيدك انت من قضية قتل معاذ
سيف ٠٠ القضية إللى معايا خلاص تعتبر خلصت و أرجع أمسك معاك قضية معاذ قولى وصلت فيها لحاجة
جاسر ٠٠ القضية كل مالها بتتعقد أكتر
سيف ٠٠احنا متأكدين إللى قتلت معاذ واحده ست
جاسر ٠٠ طبعآ وهى نفسها إللى أتصلت علىالإسعاف و البوليس
سيف٠٠ لأ إللى قتلت غير إللى أتصلت
جاسر ٠٠ يعنى تقصد أن فى اكتر من ست
سيف ٠٠ القضية دى فيها عناصر كتيرة ده إللى مخلى القضية صعبة
جاسر ٠٠ ممكن كلامك يكون صح .. بس فكر مين ممكن يكونوا العناصر دى
سيف ٠٠ معلش يا جاسر انا مش مركز دلوقتى . أبقى أخد دوسيه القضية أذكره من أول وجديد فى البيت
جاسر٠٠ مالك ياسيف
سيف ٠٠ مخنوق
جاسر ٠٠ لسه بردوا مابتتكلمش مع إيلا
سيف ٠٠ لأ . و كأنها ما صدقت قولتها كلمتين زعلوها. أخدت منى موقف على طول
جاسر ٠٠ هى عندها حق . فى واحد عاقل يقول لبنت أمتى أخلص منك
سيف ٠٠ أنا كنت متعصب منها. ده كويس أنى قولتلها كده بس ومخنقتهاش بأيدى
جاسر ٠٠ كل ده ليه
سيف ٠٠ يعنى انت مش عارف ما انا حكيتلك على كل حاجة
جاسر ٠٠ أفهم بس انت اتعصبت من إيلا ليه .. هو انت قولتها انك بتحبها و هى رافضت
سيف ٠٠ مش بالظبط . بس قولتها انها مراتى و انى بغير عليها . أكيد يعنى هى فهمت قصدى
جاسر ٠٠ أفرض هى مفهمتش أو افتكرت انك بتقول انك بتغير عليها زى أخوها مثلآ
سيف ٠٠ يعنى معقوله هى مفهمتش قصدى
جاسر ٠٠ ممكن ليه لأ .. بعدين بتحبها روح قولها انها بتحبها على طول ليه الف و الدوران ده .
سيف ٠٠ بس إيلا ذكية أكيد فهمتنى
جاسر ٠٠ ده مالهوش علاقة بأنها ذكية أو غبية ده ليه علاقة بالقلب و المشاعر
و الأحاسيس .هو انا بردوا إللى هقولك
يا سيف
سيف ٠٠ تفتكر انا كدة بوظت الدنيا
جاسر ٠٠ أفتكر.. ده انا متأكد
ثم ضحك جاسر وهو ينظر إلى سيف
سيف ٠٠ بتضحك على ايه
جاسر ٠٠ عليك بصراحة عمرى ماتخيلت انى أشوفك فى الموقف ده . انا أساسآ عمرى ما تخيلتك انك ممكن تحب
سيف ٠٠ عندك حق انا نفسى عمرى
ما أتخيلت انى أحب .وشوف بقى لما أحب . أحب أكتر واحد بتعصبنى فى الدنيا كلها
جاسر ٠٠ سيف عندى فضول أعرف هى چودى كانت بالنسبالك أيه
سيف ٠٠ أنا فاهم قصدك بص انا عمرى
ما حبيت چودى بس كنت بشوفها ممكن تكون زوجة مناسبة ليا كمان انتى عارف ان ماما بتحبها و عايزانى اتجوزها
جاسر ٠٠ طيب هتعمل ايه دلوقتى معاها
سيف ٠٠ أشوف بس أخرتها ايه مع آيلا .
و چودى مش مشكلة خالص .. المشكله ماما مش ممكن تقبل أتجوز إيلا
جاسر ٠٠ بس أنت أصلآ متجوز إيلا
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
الفيلا ابو اليزيد
فى المساء على مائدة العشاء
يحيى ٠٠ أعملى حسابك فى ضيوف عندنا بكره على العشا
أميرة ٠٠ مين دول
يحيى ٠٠ شريكى فى الشركة الجديده هو
و عائلته....ياريت يا سيف تكون موجود
سيف ٠٠ ان شاء الله يا بابا
ثم نظرت أميرة إلى سيف و إيلا و قالت
بقلم٠أروى٠عادل
أميرة٠٠ايه ده انتو لسه متخاصمين مع بعض
يحيى ٠٠ أنتو مش كبرتوا على شغل العيال ده
أميرة ٠٠ ممكن أعرف ايه إللى حصل يخليكم مخاصمين بعض
سيف ٠٠ أنا مش مخاصم حد
إيلا ٠٠ إسمى إيلا مش حد على فكرة
سيف ٠٠ شوفتوا ايه بدأت
إيلا ٠٠ تقصد أيه ببدأت يعنى انا إللى بجر شكلك مش كدة
سيف ٠٠ و هى دى مش الحقيقة
إيلا ٠٠ الحقيقة انك انت أنسان مستفز و بارد
سيف .. و انتى واحده غبية مابتفهميش
يحيى ٠٠ إللى جرالكم انتم الاتنين
أميرة ٠٠ أنا غلطانه انى سألتكم متخاصمين ليه . انتو قلة كلامكم مع بعض رحمة لينا
يحيى ٠٠ آه ياريت تفضلوا مخاصمين مع بعض على طول ٠٠
إيلا ٠٠ ياريت انا أساسآ مش عايزة اتكلم مع البنى آدم ده تانى
هنا قال سيف بسخريه من إيلا هو يردد عبارتها
سيف ٠٠ أسمى سيف مش بنى آدم على فكرة
إيلا ٠٠ أنا قايمة من هنا عشان معملش جريمة
أميرة ٠٠ رايحه فين
إيلا ٠٠ رايحه فى أي داهية بعيد عن البنى أدم ده
سيف ٠٠ يلا مع السلامة هتريحنا
يحيى ٠٠ فى ايه يا سيف انت ذودتها
سيف ٠٠ حضرتك مش شايف طريقتها
أميرة ٠٠ معلش انا مش عارفه مالها بقالها فترة أعصابها متوتره و بتتنرفز من أتفه سبب
يحيى ٠٠ أنا هروح أشوفها مالها
سيف ٠٠ ممكن بعد أذنك يا بابا أروح أشوفها انا
يحيى ٠٠ هتتخنقوا تانى
سيف ٠٠ لأ ماتخفش انا هحاول أكلمها براحه
أميرة ٠٠ سيبهم بتفهموا مع بعض
يحيى ٠٠ خلاص روح و أوعى تزعلها أكتر من إللى هى فيه
سيف ٠٠ حاضر
طلب سيف من سعاد كوب عصير ليمون
ثم غادر إلى غرفة إيلا بعد ما طرق الباب فتحت إيلا وقالت بطريقه هجومية
إيلا ٠٠ نعم عايز أيه تانى
سيف ٠٠ جيبلك كوبية ليمون تهدى أعصابك
إيلا ٠٠ بس انا أعصابى هادية
سيف ٠٠ مش باين . شكلك متعصبه
إيلا ٠٠ ياريت مالكش دعوة بشكلى
و خليك فى نفسك
سيف ٠٠ يعنى مش هتشربى العصير
إيلا ٠٠ يادى أم العصير .. لا مش هشرب
سيف ٠٠ متاكده ده طعمه حلو .
إيلا ٠٠ خلاص أشربه انت
سيف ٠٠ عندك حق انا محتاج العصير أكتر منك
هنا شرب سيف العصير كله على مره واحده
اخفت إيلا ابتسامتها من طريقة كلام سيف وقالت
بقلم٠أروى٠عادل
إيلا ٠٠ خلاص شربت العصير . هااا قولى عايز أيه
نظر إليه لثوانى ثم قال
سيف ٠٠ هو أنتى جميلة كده فى كل حالات ازاى
إيلا ٠٠ أنت جاى تتريق عليا مش كدة
سيف ٠٠ هو انا لما أقول انك جميلة
و قمر كده فى نفسك و أن كل حاجة فيكى مظبوطة و بالمقاس ..و كأن رسام مسك ورقة وقلم وفضل يرسم فيكى لحد ماوصل للكمال . أبقى بتريق. سبحانه الله
للحظات لم تستوعب كلمات سيف .. أنه يتغزل بها. لكنها خافت أن تكون مثل المرة السابق و ينسى كل ما قالوا في الصباح لذلك قالت
إيلا ٠٠ أستنا أجيب التليفونى
سيف ٠٠ تليفون ليه
إيلا ٠٠ عشان اسجل الكلام إللى انت قولتو . أحسن تعمل زى المره إللى فاتت .تنسى كل اللى قولتوا لما النهار يطلع
ضحك سيف وقال
سيف ٠٠ ياريت انتى مايكونش ردك زى المره اللى فاتت
اتكسفت إيلا و أحمر وجهها خجلآ و هى تنظر للأرض
هنا أقتربه سيف منها وهو يرفع رأسها و يقول
سيف ٠٠ تعرفى دى أول أعرف انك بتتكسفى زى البنات
إيلا ٠٠ شوفت بقى كلامك إللى يعكنن
سيف ٠٠ هههه مافيش فايده فيكى فى ثانية بتقلبى
إيلا ٠٠ أظبط كلامك وانا ما أقلبش
سيف ٠٠ ليه كده يا ربى يعنى انا يوم ما أحب أسيب بنات الدنيا دى كلها أتنيل و أحبك أنتى
#رواية٠أحببت٠أخى
#الكاتبة٠أروى٠عادل
#الفصل٠الرابع٠عشر
سيف ٠٠ ليه كده يا ربى يعنى انا يوم ما أحب أسيب بنات الدنيا دى كلها أتنيل أحبك انتى
إيلا ٠٠ انت تقصد إيه بكلمك ده
سيف ٠٠ لأ بالله عليكى مش طالبه غباء دلوقتى
إيلا ٠٠ تقصد أنى غبية مش كده
سيف٠٠ لأ انتى كده هتجننى. انا هفهمك بطريقة تانية أحسن
إيلا ٠٠ يعنى أيه....
وقبل انا تكمل حدثها سحبها إليه و التقط شفتيها بقبله طويله و ناعمة ثم ابتعده قليلآ ليجعلها تلتقط أنفاسها و قبل أن تستوعب ما حدث التقط شفتيها مجددآ كما لو انه غير قادر على الابتعاد عنها
هنا رن هاتف سيف . كانت رنت الهاتف مثل المنبه الذى أيقظ إيلا من هذا الحلم
هنا ابتعدت أيلا عن سيف وهى تضع يديها على فمها
كان أصابتها صدمة كهربائية فى جميع جسدها وكانت على وشك أن تصرخ لذلك وضع سيف يده على فمها و قال
سيف ٠٠ أهدى يا مجنونه . هتعملى ايه هتفضحينا
إيلا ٠٠ أنت ايه إللى عملتوا ده . انت قليل الأدب
سيف ٠٠ قليل الأدب عشان بوسه . آمال لو حبيت ا..
وضعت إيلا يديها على أذنيها و هى تصرخ حتى لا تسمع باقى حديث سيف ثم ركضت مسرعة لداخل الحمام الموجود بغرفتها و أغلقت الباب خلفها
لذلك ضحكه سيف على تصرفها الطفوليه و قال
سيف ٠٠ بتهربى يا جبانه . أيلا افتحى الباب
إيلا ٠٠ لأ أطلع بره الأوضة الأول
سيف ٠٠ هطلع يا جبانه بس هستناكى فى الجنينة عايزه اتكلم معاكى
ثم خرج من غرفة إيلا بعدها خرجت أيلا من الحمام.. وهى مازالت تشعر بأنفاسه الدافئه ...كانت إيلا تشعر بالدهشة و الاندهاش و التوتر كما كانت تشعر بأثارة و الحماس ايضآ بسعادة و الحب .كانت إيلا تشعر بخليط و مزيج من المشاعر مختلفه .التى تشعر بها لأول مره
هنا تذكرت أن سيف ينتظرها فى حديقة الفيلا لذلك حاولت السيطرة على مشاعرعا
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى جنينة الفيلا
كان سيف شارد هو يضع يده على فمه وهو مازال يشعر بمذاق شفتيها بفمه لقد كانت لها سحر خاص و جاذبية لم يستطيع مقاومتها
هنا جاءت إيلا و حافضة رأسها خجلآ.
سيف ٠٠ كل ده تأخير .انا قولت انك مش جايه
قالت إيلا بخجل وهى واقفه
إيلا ٠٠ عايز تقول ايه
سيف ٠٠ مش تقعدى الأول
جلست إيلا بعيد عن سيف وقالت
سيف ٠٠ قاعدة بعيدة عنى ليه
إيلا ٠٠ كده أحسن
ابتسم وقال
سيف ٠٠ أنتى خايفه تقعدى جانبى
إيلا ٠٠ بصراحة أه . بعد إللى عملتوا من شويه لازم أخاف منك
سيف ٠٠ طيب كويس .. أخيرآ لقيت حاجة تخافى منى فيها
قالت بأرتباك
إيلا ٠٠ تقصد إيه .. أسمع بقى لو فكرت تعمل كده تانى انا .....
قطع عبارتها وقال
سيف ٠٠ يعنى هتعملى ايه
حينها أرتبعت و احمر وجهها وهى تقول
إيلا ٠٠ هقول لبابا انك ..يعنى انك..
هنا صمتت وهى لا تعرف كيف تقولها لذلك قال
سيف ٠٠ أنى بوستك . أيه مكسوفة تقوليها . وعلى فكرة دى مش هتكون أخر مره
إيلا ٠٠ انت قليل الأدب
سيف ٠٠ كل ده عشان بوستك يا هبله انتى مراته
إيلا ٠٠ بس انت عارف ان جوازنا مجرد جواز على الورق بس
سيف ٠٠ لأ انسى موضوع انه على الورق و بس
إيلا ٠٠ سيف انتى عايز أيه
سيف ٠٠ عايز جوازنا يكون جواز حقيقى
إيلا ٠٠ كده بالساهل
سيف ٠٠ و هنصعبها ليه على نفسنا.
إيلا ٠٠ سيف الكلام إللى قولتوا ليا فوق من شويه انت فعلآ حاسس بيه ولا ..
قطع سيف عبارتها
سيف ٠٠ إيلا انتى عارفنى انا مابقولش أى كلام و خلاص . انا كل كلمة قولتهلك طلع من قلبى حسسها و مقتنع بيها
إيلا ٠٠ أمال ليه قولتى واحنا فى العربية انك عايز تخلص منى
سيف ٠٠ بصراحة كنت متعصب منك .. انا عارف انى زعلتك اليوم ده
إيلا ٠٠ زعلتنى بس أنت قهرتنى
سيف ٠٠ أنا أسف .
دى كان أول مره سيف يعتذر لحد لذلك قالت
إيلا ٠٠ أستنا انت قولت ايه مسمعتش
سيف ٠٠ لأ سمعتى بس معنديش مشكلة أقولها تانى أنا أسف يا إيلا
إيلا ٠٠ أنا مش مصدقه نفسى سيف ابو اليزيد يعتذر منى أكيد انا بحلم
سيف ٠٠ لأ مش حلم و لو مش قبلتى أعتذارى انا هقوم أبوس رأسك دلوقتى
إيلا ٠٠ لأ لأ رأس مين ٠٠قلبك ابيض انا مش زعلانه أصلآ
اقتربه سيف منها وهو يقول
سيف ٠٠ أستنى شكلك لسه زعلانه لازم أبوسك عشان أصالحك
هنا ركضت أيلا بعيد عن سيف لذلك ضحكة سيف عليها وهو يقول
سيف ٠٠ خلاص تعالى .تعالى بهزر معاكى إيلا تعالى
وقفت إيلا بعيد عنه وقالت بخوغ
إيلا ٠٠ أحلف انك مش هتعمل حاجة
سيف ٠٠ والله مش هعمل حاجة دلوقتى على الأقل
إيلا ٠٠ أنت بتوترنى بكلمك ده
سيف ٠٠ ههه خلاص . خلاص
إيلا ٠٠ طيب انا طالعه أوضتى
سيف ٠٠ خليكى معايا شويه
إيلا ٠٠ لحد يشوفنا هيقول إيه
سيف ٠٠ عادى هى دى أول مره نقعد مع بعض
إيلا ٠٠ لأ . بس دى أول مره نقعد مع بعض من غير ما نتخانق
جلسوا يتحدثون حتى اشرقت شمس الصباح
إيلا ٠٠ ايه ده النهار طلع
سيف ٠٠ الوقت سرقنا . مخدناش بالنا
ثم ذهب كل واحد منهم على غرفته
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
حول مائدة الإفطار
أميرة ٠٠ سعاد أطلعى شوفى إيلا و سيف لسه نايمين لحاد دلوقتى ليه
سعاد ٠٠ طلعت يا هانم سيف بيه صحى بالعافية و بيخد دش . إيلا مش راضيه تصحى بتقول هى مش رايحه الجامعة النهاردة
أميرة ٠٠ و أدى إللى بنخدوا من السهر
يحيى ٠٠ خلاص سبيها براحتها
سيف ٠٠ صباح الخير
كان بيحاول بفتح عينيه بصعوبة كما كان واضح عليه قلة النوم
يحيى٠٠ انت مانمتش ولا إيه
سيف ٠٠ لأ كان عندى قضية مغلبانى سهرت معاها قصدى سهرت عليها لحد.الصبح .. سعاد لو سمحتى اعمليلى فنجان قهوة عايزه أفوق
أميرة ٠٠ أفطر الأول . وانا هروح أعملك القهوة بأيدى تظبط دماغك
سيف ٠٠ تسلم أيدك يا ماما .. أمال إيلا فين
يحيى ٠٠ لسه نايمة .
سيف ٠٠ هى مش رايحه الجامعة
يحيى ٠٠ لأ . أه صح أوعى تنسى تيجى بدرى النهاردةوعشان عزومة العشا
سيف ٠٠ كويس انك فكرتنى
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى المساء
قامت أميرة بمساعدة إيلا بتحضير كل ما لذا و طاب من الطعام المقبلات للضيوف على العشاء
والآن هم فى انتظار وصول الضيوف
أميرة ٠٠ روحى صحى سيف عشان يجهز الضيوف على وصول
إيلا ٠٠ حاضر
ذهبت أيلا لغرفة سيف ثم طرقت على الباب
بقلم٠أروى٠عادل
¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎
غرفة سيف
طرقت الباب عددة مرات لكن سيف لم يجيب.لذلك فتحت الباب بهدوء لكنه لم يكن فى الفراش هنا علمت انه أكيد داخل الحمام
عندما استدارت لتخرج من الغرفة اصطدمت بسيف الذى كان يقف خلفها عارى الصدر
هنا رجعت للخلف بشئ من الارتباك
و الخجل قالت هى تنظر للأرض
إيلا ٠٠ أسفه . انا كنت .. انا كنت أااا
سيف ٠٠ كنتى إيه كملى
كان يتحدث و هو يقترب منها و هى ترجع للخلف
إيلا ٠٠ ماما قالتى .. انى أقولك . انك تلبس قميص لا قصدى مش قميص بس.. يعنى تجهز نفسك عشان الضيوف على وصول .. بس كده
عندما كان يقترب منها وهى ترجع للخلف ما أوقفها إللى الدولاب الذى التصقت به هنا أستنده سيف بيده على الدولاب و قال و هو يهمس بجوار أذنيها
سيف ٠٠ بحبك
نزلت الكلمة على إيلا كأنها صاعق كهربائي بعث القشعريرة فى جميع أنحاء جسدها..
لم تجيب إيلا لقد ضعت منها الكلمات .. أغلقت عينيها و هى بتحاول تسيطر على مشاعرها
بينما سيف لم يضيع هذه اللحظه هباء لقد التقط شفتيها بقبله شغوفة افقدتها عقلها كان الأمر يبدو مثل الحلم بالجنة لكلهما
اخيرآ أستجمعت أيلا ما تبقى من قوتها وقالت بصوت يكاد يكون مسموع ..
و هى تضع يديها على صدره العارى لتمنعوا من تقبلها مره أخرى
إيلا ٠٠ كفاية يا سيف إللى أحنا بنعملوا ده غلط
سيف ٠٠ إيلا انتى مراتى
إيلا ٠٠ مش بطريقة دى يا سيف
سيف ٠٠ أنتى عايزه أيه وانا هعملوا ليكى
إيلا ٠٠ أنا زى إيه بنت عايزه أحب و اتحب . اتخطب و اتجوز و اعمل فرح
سيف ٠٠ حاضر انا هعملك على إللى انتى عايزاه .. النهاردة بعد ما الضيوف تمشى هكلم بابا و هخطبك و هجيبلك أحلى شبكة هعملك فرح متعملش لعروسه قبل كده
ابتسمت بخجل هنا قال سيف
سيف ٠٠ ايه رايك تختاري ليا حاجة البسها
فتحت إيلا الدولاب و أختارت بنطلون
و قميص اسود وقالت
إيلا ٠٠ بحب اللون الأسود عليك
سيف ٠٠ خلاص من هنا ورايح مش هلبس غير أسود
إيلا ٠٠ مش لدرجة انت كل حاجة عليك بتعجبنى
هنا أقتربه عليها و هو يقول
سيف ٠٠ طيب دلوقتي أبوسك و لا أعمل ايه بعد الكلمتين الحلوين دول
إيلا ٠٠ تانى يا سيف
هنا ركضت خارج الغرفة. ضحكة سيف على رد فعلها الطفولي
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
كنت نزله على الدرج تركض عندما أوقفتها سعاد و قالت
سعاد٠٠ إيلا كنتى فين أميرة هانم كانت بتسأل عليكى
إيلا ٠٠ كنت فوق فى أوضتى .. هم الضيوف وصول
سعاد ٠٠ اه جوه فى الريسبشن
هنا نزل سيف وقال
سيف ٠٠ الضيوف وصلوا
سعاد ٠٠ أه
سيف ٠٠ إيلا تعالى تدخلهم سوا
قبل أن تدخل إيلا الريسبشن سمعت صوت أربكها أصابها القشعريرة لذلك توقفت عن السير هنا قال سيف
سيف ٠٠ وقفتى ليه انتى مش جايه
إيلا ٠٠ ها .. لا قصدى اه جايه
دخلت إيلا و الصدمة من كان صاحب الصوت الذى أربكها نعم انه هو شريف و والده يوسف الجبرى و والدته ثريا الجبرى و شقيقته شذى
أستغرب أيضآ سيف من وجود شريف فى منزله لكنه حاول أن لا يظهر أستياءه من وجود شريف
سيف ٠٠ مساء الخير
ردوا التحيه
يحيى ٠٠ سيف أبنى
يوسف ٠٠ طبعآ أعرفوا شوفتوا فى النادى كذا مره
سيف ٠٠ تشرفت بمعرفتك يا فندم
شريف ٠٠ أزيك يا حضرة الظابط .
سيف ٠٠ تمام الحمدالله
أميرة ٠٠ دى إيلا بنتى
ثريا٠٠ بسم الله مشاء الله إيه الجمال ده
إيلا ٠٠ ميرسى يا طنط
شريف ٠٠ أزيك يا إيلا عامله إيه
أميرة ٠٠ أيه ده انتو تعرفوا بعض
شريف ٠٠ طبعآ يا طنط أنا و إيلا صحاب
تطلع سيف لشريف بغضب و هو يكور قبضت يده يقول
سيف ٠٠ صحاب ازاى يعنى
تحدث إيلا قبل شريف وقالت
إيلا ٠٠ مش صحاب بالظبط يعنى معارف قصدى نعرف بعض من النادى
شذى ٠٠ غريبة انا بروح النادى كتير ماشوفتكيش هناك قبل كدة
إيلا ٠٠ ده لأنى مابروحش كتير
شذى ٠٠ إيه ده انتى ما بتلعبيش رياضه
إيلا ٠٠ بلعب بس فى الجيم
شريف ٠٠ عشان كده جسمك مظبوط قصدى رياضى
سيف ٠٠ أيه إللى انت بتقولو ده
ثوانى و سوف ينقض سيف على شريف ليمزقوا أربآ.. كيف يتجرئ هذا الشريف ان يتحدث عن جسد حبيبته
كما ان أميرة أيضآ لما يعجبها حديث شريف
أما إيلا كل ما كانت تريد أن تنشق الارض و تبتلعها فى ذلك الوقت
كان يحيى يعلم جيدآ ان سيف لن يقبل حديث شريف عن إيلا لذلك حاول يغير الموضوع
يحيى ٠٠ شريف قولى هو مجال دراستك كان فى إيه
شريف ٠٠ تجارة
يوسف ٠٠ شريف أبنى نابغه فى التجارة طول عمرو بيشتغل معايا . وهو إللى هيمسك الشركة الجديده إللى بينا ان شاء الله
أميرة ٠٠ ربنا يوفقوا.. طيب اتفضلوا على العشا
بقلم٠أروى٠عادل
¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎
حول مائدة الطعام
ثريا ٠٠ الاكل تحفه يا مدام أميرة أكيد عندك طباخ ممتاز
يحيى ٠٠ لأ أميرة بتحب تعمل الاكل بأيدها
ثريا٠٠ يعنى أنتى إللى عامله الاكل ده كله برافو عليكى
أميرة ٠٠ بصراحة مش انا لوحدى إيلا كانت معايا
ثريا ٠٠ إيه ده هى بتعرف تطبخ
أميرة ٠٠ طبعآ إيلا بتعرف تطبخ كويس أوى انا عملتها كل اصناف الأكل
ثريا ٠٠ أنا عندى شذى و أختها شهنده عمرهم ما دخلوا المطبخ
أميرة ٠٠ أنتى عندك بنت تانيه غير شذى
ثريا ٠٠ أه عندى شهنده أكبر من شذى هى فى لندن دلوقتى
أميرة ٠٠ ترجع بالسلامة
ثريا ٠٠ ميرسى يا حبيبتى
سيف كان صامت و كل ما يريدو هو أن ينتهى هذا القاء الثقيل بسرعة كما هو حال إيلا
ثريا ٠٠ قوليلى يا أيلا انتى بتدرسى ايه
إيلا ٠٠ هندسة حاسبات و برمجيات
شذى ٠٠ أكيد انتى ذكية عشان قدرتى تتدرسى حاسبات و برمجيات
هنا تحدث شريف و هو ينظر لإيلا
شريف ٠٠ طبعآ إيلا تقدر تدخل أى حساب بسهولة مش صح يا إيلا
استغرب سيف من كلام شريف لان هذه المعلومة لا يعرفها عن إيلا الا المقربون منها فقط
كانت إيلا شاردة لذا لم ترد هنا قالت أميرة
أميرة ٠٠ شريف بكلمك يا إيلا
إيلا ٠٠ نعم . أه بيكلمنى انا
ثريا ٠٠ لا انتى مش معانا خالص يا أيلا
إيلا ٠٠ سورى يا طنط معلش تعبانه شويه
شريف ٠٠ سلامتك يا إيلا
سيف ٠٠ لأ كده كتير
يوسف ٠٠ فى حاجة يا سيف
قال كاذبآ
سيف ٠٠ لأ أبدآ فى واحد تقيل و مستفز كل شويه يتصل عليا كتير
شذى ٠٠ بس أحنا مش سمعنا الموبايل يرن
سيف ٠٠ أه هو صامت .. طيب معلش هطلع أعمل أتصال بره
شريف ٠٠ اتفضل
خرج سيف من غرفة الطعام ثم بعث رساله لإيلا بأنها تخرج حالآ
بالفعل خرجت إيلا عند أستلامها رسالة سيف
¤¤¤¤¤¤¤¤¤¤¤¤¤¤¤¤¤¤¤¤▪︎▪︎▪︎▪︎
سيف ٠٠ تعالى هنا فاهمينى إللى بيحصل جوه ده
إيلا ٠٠ قصدك على إيه بالظبط
سيف٠ ٠ الزفت إللى اسمة شريف انتى تعرفيه منين
إيلا ٠٠ قولتلك من النادى
سيف ٠٠ واللهى . و عرف منين موضوع أختراق الحسابات ده
إيلا ٠٠ معرفش
سيف ٠٠ كمان متعرفيش ليه هو بيتكلم معاكى بعشم أوى كده
إيلا ٠٠ معرفش
سيف ٠٠ الواد ده انا عارفوا عيل مش مظبوط. وأمه اللى عماله تستجوبك.. على فكره العشا ده وراه حاجة تانيه غير الشراكة .. على العموم دلوقتى كل حاجة هتبان
الدنيا كلها ضاقت أمام إيلا و هى أيضآ تشعر انا شريف يخطط لشئ ما هى لا تعلموا.. ذلك جعلها مرتعبه من القادم
سيف ٠٠إيلا أطلعى أوضتك وانا هقولهم انك تعبانه طلعتى تستريحى شويه ..
و أوعى تنزل ألا لما الزفت ده يمشى
إيلا ٠٠ حاضر
بعد ما طلعت إيلا على غرفتها وصلت إليها رسالة من شريف يقول فيها
(نص الرساله )
أخوكى بيقول انك تعبانه سلامتك
لو انى عارف انك مش تعبانه ولا حاجة .. أنزلى عشان تسمعى إللى. عايزوا منك قدام الكل .. ولازم توافقى أحسن ما أنفذ تهديدى..و أظن فكره تهديده أيه هو
نزلت أيلا من غرفتها مسرعة هى تفكر ماذا سيفعل شريف أمام الجميع .. ما الذى يريده منها ان توافق عليهبقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى الريسبشن مره أخرى
دخلت إيلا عندما كان شريف يقول
شريف ٠٠ على فكرة يا بابا سيف الظابط إللى ماسك قضية قتل معاذ
يوسف ٠٠ بجد طيب قولى أيه أخبار القضية
سيف ٠٠ قريب أوى ان شاء الله هنعرف القاتل هو مش بيعيد عن الضحية يعنى حد قريب لضحية قوي
هنا أستغرب سيف عندما رأى إيلا أمامه رغم تحذيره لها
ثريا ٠٠ عامله أيه دلوقتى يا حبيبتى لسه أخوكى قايل انك تعبانه مش هتقدرى تقعدى معانا
إيلا ٠٠ آه فعلآ بس انا قولت مايصحش أسيبكم.
ثريا٠٠ رقيقه كلك ذوق .. بجد شريف أبنى عرف يختار صح
الكلمه نزلت على مسامع إيلا كأنها نار تنهش بها كما هو حال سيف الذى قال بغضب
سيف ٠٠ نعم .. تقصدى أيه بكلمك ده
يوسف ٠٠ يحيى بيه بصراحة بقى العشا كان حجه بس الموضوع الأساسى إللى أحنا جايين فيه النهاردة عشان نطلب أيد بنتك إيلا لأبنى شريف
#رواية٠أحببت٠أخى
#الكاتبة٠أروى٠عادل
#الفصل٠الخامس٠عشر
يوسف٠٠ يحيى بيه بصراحه بقى العشا ده مجرد حجة بس الموضوع الأساسى إللى أحنا جايين فيه النهاردة عشان نطلب أيد بنتك إيلا لأبنى شريف
لقد أتفجأ الجميع بطلبهم
هنا علمت إيلا ما هى خطت شريف الجديده
بينما سيف بعد ما أستوعب ما حدث قال بطريقة هجوميه
سيف ٠٠ بقى انت جاى تخطب إيلا..هو انا سمعت صح
شريف ٠٠ طبعآ سمعت صح .. انا جاى أخطب إيلا
حينها قام سيف من مجلسه و بقوة وغصب جحيمى قال
سيف ٠٠ أنت هتستعبط يالا تخطب مين ده انا ادفنك مكانك
حينها شعر يحيى بإحراج من رد فعل سيف لذا قال
يحيى ٠٠ سيف ايه إللى انت بتقولو ده
سيف ٠٠ أنتى سامع المتخلف ده بيقول إيه
قال يحيى بتحذير
بقلم٠أروى٠عادل
يحيى ٠٠ سيف ولا كلمة تانى انتى فاهم
سيف ٠٠ أنا خارج خالص من هنا بس لازم يعرفوا من دلوقتى ان طلبهم مرفوض
حينها تطلع سبف بإيلا صاح بها
سيف ٠٠ أنتى واقفه عندك بتعمل. ايه .. يالا قدامى
هنا سحبها سيف من يديها و خرج بها من الريسبشن بسرعة لم ينتبه انه ماسك يديها بقوة ألمتها لذا قالت إيلا
------------------
إيلا ٠٠ سيف براحه ..براحة يا سيف أيدى
لم يتوقف سيف إلا عندما وصل لغرفتها وقال
سيف ٠٠ أنا قولتلك تخليكى فى أوضتك
و ما تنزليش ممكن أعرف ايه إللى خلاكى تنزلى
لم تعرف إيلا بماذا تجيب... كيف تقول له أن شريف هو من أمرها بنزول
سيف ٠٠ ساكته ليه ما تردى.... إيلا انطقى
إيلا٠٠ بس بقى بطل تزعق فيا وترتنى
سيف ٠٠ تمام .. ماشى أدخلى أوضتك دلوقتى لما أشوف أخرتها مع شريف الجبرى ده كملن.. و هنتحاسب بعدين
بقلم٠أروى٠عادل
----------------------
أما عند يحيى و ضيوفه
يوسف ٠٠ ممكن أعرف ايه إللى عملوا سيف أبنك دلوقتى
أميرة٠٠ احنا أسفين بجد انا مش عارفه أقولكم إيه بجد..انا محروجه من إللى عملوا سيف
ثريا ٠٠ أنا بصراحة مش فاهمه هو عمل كدا ليه و ازاى يكلم أبنى بطريقة دى
يحيى ٠٠ سيف بيغير على أخته و بيخاف عليها هو مش مقتنع ان ممكن حد يجى ياخد أخته منه
شريف ٠٠ بس متهيألى ان سيف كبير على التفكير الطفولى ده
يوسف ٠٠ على العموم حصل خير
شريف٠٠ قولى عمى أمتى هترد على طلبى
يحيى ٠٠ بصراحة فاضل أيام على أمتحان إيلا و انا مش عايز أشغلها قبل الأمتحانات بأى حاجة
شريف ٠٠ أحنا مش هنعمل حاجة قبل الأمتحانات بس على أقل لازم أعرف ردكم..
يحيى ٠٠ طبعآ انا هسأل إيلا و أرد عليك
ثريا ٠٠ طيب ما خير البر عاجله و تسأل إيلا دلوقتى
شريف ٠٠ ماما عندها حق نادى على إيلا
و أسألها
يحيى ٠٠ تمام ..سعاد . سعاد
سعاد ٠٠ أومرك يحيى بيه
يحيى ٠٠ نادى إيلا
كان يحيى و أميرة متأكدين انا إيلا سترفض
قبل ما توصل سعاد لإيلا بعث شريف رسالة لإيلا
(نص الرسالة)
لو فكرنى ترفضى يبقى هتقضى بقيت حياتك كلها فى السجن ده غير الفضيحه ليكى و لعايلتك ..و أسم ابو اليزيد فى السوق ده غير إللى هيحصل فى صحابك
فكرى صح يا خطيبتى)
إنتهت الرسالة
-----------------
هنا كل شئ بدء ينهار من حولها .حياتها مستقبلها حبها أحلامها أمانيها كل شئ ضاع فى للحظة
ذهبت سعاد لتجلب إيلا وعندما وصلت إيلا لهم كانت واضح عليها الحزن و الأسى كأنها تسير بلا روح وهى تقول
إيلا ٠٠ نعم يا بابا انت عايزنى
يحيى ٠٠ شريف حابب يعرف ردك على طلبوا
هنا صمتت وهى خافضه رأسها حاولت تتحدث لكنها لم نطق الكلمة لم يقوى لسانها على قولها كلمة واحده فقط سوف تغير مجرى حياتها . كلمة واحدة سوف تقلب حياتها رأس على عقب لكنها مجبرة على قولها
أخيرآ أستجمعت ما تبقى من شجاعتها وقالت
إيلا ٠٠ موافقة
قالت الكلمة ثم غادرة لغرفتها و قفلت الباب بالمفتاح خلفها و جلست على الأرض و هى تحضن نفسها فى انتظار انفجار البركان
.و هنا المقصود بالبركان سيف
بينما اندهشه يحيى و أميرة لم يتوقعوا موافقتها
بينما استغربوا عيلة شريف من مافعلته إيلا لذا قالت ثريا
بقلم٠أروى٠عادل
ثريا ٠٠ هى جريت بسرعة ليه كده
شريف ٠٠ أكيد أتكسفت يا ماما
ثريا ٠٠ مبروك يا حبيبي
شذى ٠٠ مبروك يا شريف
يوسف ٠٠ كده هنكون شركاء و نسايب
يا يحيى
يحيى ٠٠ عندك حق ربنا يقدم اللى فيه الخير
شريف ٠٠ مش هنقرأ الفاتحة
أميرة ٠٠ أنت مستعجل كده ليه لسه بدرى عل. قرأت الفاتحة
ثريا٠٠ دى مجرد فاتحة ربط كلام ب
يوسف ٠٠ يالا يا يحيى نقرأ الفاتحة
يحيى ٠٠ تمام على خيرة الله نقرأ الفاتحة
بعد قرأت الفاتحة قال يوسف
يوسف ٠٠ طيب نستأذن أحنا و هنتفق على كل حاجة يا يحيى بعد امتحانات أيلا
عندما كانوا يغادرون قال شريف عندما رأى سيف فى جنينة الفيلا
شريف ٠٠ مش تباركلى
بأستغراب قال
سيف ٠٠ خير لقيت كنز ولا حاجة
شريف ٠٠ أكتر خطبت أختك إيلا
من غير أى مقدمات لكمة سيف بقوة كانت الضربة قوى أسقطت شريف أرضآ و كسرت أنفه
بينما صرخت ثريا على وضع ابنها
أما يحيى بسرعة أمسك سيف قبل ما يضرب شريف مره أخرى و قال
يحيى ٠٠ أنا اتجننت انت ايه إللى جرالك النهاردة
يوسف ٠٠ ده مش غيرة أخ على أخته ده جنان
سيف ٠٠ ياريت بدل ما انت واقف تتكلم خد أبنك من هنا قبل ما أقتلهولك
ثريا ٠٠ يلا يا يوسف انا أستحاله أفضل هنا ولا ثانية تانى
خرج شريف و عائلتوا
يحيى ٠٠ انت اتعديت كل الحدود باللى انت عملتوا مع الناس فى الأخر تضرب أبنهم
سيف ٠٠ هو إللى أستفزنى .. تخيل بيقولى باركلى خطبت إيلا
أميرة ٠٠ ده حقيقى هو فعلآ خطب إيلا
سيف ٠٠ أنتم ازاى تاخدوا قرار زى ده من غير موافقتى و موافقة إيلا
يحيى ٠٠ بس إيلا هى إللى وافقت
كنت صدمة قويه بكل المقاييس هزت كيان سيف درجة انه لما يصدق أذنيه وقال
سيف ٠٠ لأ. لأ معلش حضرتك قولت أية
يحيى ٠٠ قولتلك إيلا وافقت
سيف ٠٠ مستحيل طيب ازاى و ليه
هنا ركض سيف إللى. غرفة إيلا وخلفه يحيى و اميره.. ثم طرق الباب بقوة هو يصرخ على إيلا حتى كاد يكسر الباب
أما إيلا داخل الغرفة تضع يديها على أذنيها حتى لا تسمع شئ
أميرة ٠٠ بس يا سيف إللى بتعملوا ده فهمنى فى إيه
سيف ٠٠ لم أفهم ألاول أيه إللى عملتوا بنتك ابقى افهمك... افتحى يا أيلا
يحيى ٠٠ سيف كفايه كده ..ا
هنا فتحت إيلا الباب وقالت
إيلا ٠٠ أه انا وافقت على شر.....
قبل انا تكمل جملتها صفعها سيف على وجهها
صرخت أميرة أما يحيى دفع سيف بعيد عن إيلا وقال
يحيى ٠٠ أمشى من وشى دلوقتى أحسنلك.
نظر سيف لإيلا التى كانت فى حالة لا يرثى لها
ثم غادر الفيلا
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
بعد مرور أسبوع
مره اسبوع ولم يأتى سيف للمنزل طول الأسبوع
وهو فى حالة من الاستنكار من ما حدث و تدور فى رأسه العديد من الأسئلة التى لا يجد لها أجابه.. و أكثرهم لماذا إيلا خانتها
أما إيلا معظم الوقت فى غرفتها بحجة الإستعداد للأمتحانات بينما هى معظم الوقت تبكى فى غرفتها على حبها الضائع و حظها التعس
أما يحيى و أميرة لم يفهموا ما حدث ما سبب تصرف سيف الغير مبرر و سكوت إيلا الغير مفهوم
أما شريف بيحاول طول الوقت التواصل مع إيلا لكن دون جدوى هى لا ترد على أتصاله ولا على رسايله
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى أحدى المطاعم
جاسر ٠٠ أكلك لسه زى ماهو
سيف ٠٠ الحمدالله شبعت
جاسر ٠٠ انت هتفضل فى الحالة دى لحد أمتى
سيف ٠٠ لحاد ما أفهم هى ليه عملت معايا كده ..و لما هى مش عايزانى ليه اتجوبت معايا من الأول
جاسر ٠٠ انا لحد دلوقتى مش قادر أصدق أن إيلا تعمل كده .
سيف ٠٠ لأ صدق .. دى وقفت قدامى بكل بجاحه و قالتى انها وافقت على شريف
جاسر ٠٠ يعنى هى كانت تعرفو من الأول
سيف ٠٠ وانا زى العبيط مصدقتش كلام چودى لما قالتى انها شافتها معاه فى الكازينو
جاسر ٠٠ هتعمل أيه دلوقتى مش هترجع البيت .عمى يحيى كل شويه يتصل عليك عشان ترجع البيت
سيف ٠٠ خايف أفقد السيطره على أعصابى لو شوفتها
جاسر ٠٠ والله مش عارف أقولك أيه.. بس فى كل الأحوال لازم هترجع على البيت و لازم تتعود على أتعامل مع إيلا فى الوضع الجديد ده
سيف ٠٠ عندك حق .يعنى هفضل هربان من المواجهة لحد أمتى
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى كافتيريا الجامعة
بعد أول أمتحان
ملك ٠٠ عملتوا ايه يا بنات
رقية ٠٠ الحمدالله
ميرنا ٠٠ أنا تمام
كانت إيلا شارده الذهن
ملك ٠٠ و انتى يا إيلا عملتى ايه
إيلا ٠٠ فى ايه
رقية ٠٠ فى الإمتحان طبعآ
إيلا ٠٠ واللهى ما عارفه انا كتبت أيه
ملك ٠٠ أنتى هتفضلى على حاله دى كتير . ايه إللى جرالك انتى كان أهم حاجة عندك دراستك و مستقبلك
إيلا ٠٠ مستقبلى هو فين مستقبلى ده
ما راح و إنتهى
ميرنا ٠٠ بلاش التشاؤم خليكى متفائلة
إيلا ٠٠ متفائلة طيب ازاى أنا خطوبتى فاضل عليها أيام على أكتر شاب بكرهو فى حياتى كلها .. و الشاب الوحيد إللى حبيتو فى حياتى دلوقتى هو بيكرهنى مش عايز حتى يشوفنى . و فاكرنى واحده خاينه قليلة الأصل
دون انت تنتبه تحدثت ايلا عن حبها لذلك اتصدمه الفتيات
رقية ٠٠ إيلا انتى بتحبى . طيب مين ده
إيلا ٠٠ مش مهم مين ما خلاص راح
ملك ٠٠ إيلا أحنا كلنا كنا بنستمد منك القوة ماينفعش تيجى دلوقتى واحنا فى نص الطريق و تكونى ضعيفه
سيف ٠٠ مش قادرة أستحمل يا ملك قلبى فى نار بتنهش فيا من جوه
ميرنا ٠٠ أنا حاسه انك موجوعه أوى
و صعبان عليا انى مش قادره أعملك حاجة
رقيه ٠٠ أنا عارفه انى انا السبب .. بجد يا إيلا انا أسفه . والله لو قولتيلى على أى حاجة اعملها انا هعملها على طول .انا حتى فكرت أسلم نفسى و أقول انى انا إللى قتلت معاذ و نخلص بقى من الحوار الزفت ده
إيلا ٠٠ أنتى بتقولى أيه . لا طبعآ أوعى تعملى كده انا مش عايزاكى ولا عايزه أى واحد فيكم تتأذى
ملك ٠٠ طيب أحنا هنسيب شريف يلعب بينا كده
إيلا ٠٠ هو وعدني أنى لو وافقت هيبعد عنكم
ملك ٠٠ و صدقتى كلامه ده واطى
و أستغلالى ومش ممكن يسيبنا فى حالنا
إيلا ٠٠ على أقل مش هيقرب لكم دلوقتى لحد ما ياخد إللى عايزه منى ... وانا مش ممكن أسمح له يلمسنى لو فيها موتى
ميرنا ٠٠ طيب حتى لو اتجوزك
إيلا ٠٠ شريف مش بتاع جواز .. الخطوبه دى لعبه فاكر يقدر يضحك عليا بيها
رقيه ٠٠ أنتى ازاى قادرة تفهمى هو بيفكر فى أيه
إيلا ٠٠ البنى أدم الوسخ اللى زى شريف يبقى متوقع هو بيفكر ازاى
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى المساء فى فيلا أبو اليزيد
اول ما وصل سيف للڤيلا قالت أميره
أميرة ٠٠ بقى كدة يا سيف أسبوع
و حس ولا خبر ماكنش كلمة يحيى قالهلك و هو متعصب .تقوم تزعل
و تسيب البيت
سيف ٠٠ صدقينى يا ماما انا مش زعلان من بابا .ولا يمكن أزعل منه انا بس كنت محتاج أقعد يومين مع نفسى
يحيى ٠٠ خلاص يا أميرة هو الحمدالله رجع البيت الموضوع إنتهى. و سيف فهمنى وجهة نظره . انا وعدة سيف اننا مش هنتكلم فى الموضوع ده تانى
أميرة ٠٠خلاص .. طيب أقول اجهز العشا
¤
¤¤¤¤¤¤¤¤¤¤¤¤
عندما عملت إيلا أن سيف رجع الفيلا لم تنزل لتناول العشا معاهم بحجة أنها شبعان لكنها كانت خائفه من مواجهة سيف
أيضآ أستيقظت فى الصباح الباكر
و ذهبت إلى الجامعة قبل أن يراها أحد
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى الصباح حول مائدة الطعام
يجتمع يحيى و سيف و أميرة
أميرة ٠٠ سعاد نادى على إيلا تفطر
سعاد٠٠ بس إيلا خرجت من الساعة ٧ ونص
يحيى ٠٠ بدرى أوى كده
سعاد٠٠ بتقول عندها أمتحان بدرى
أميرة ٠٠ أمتحان أيه ده إللى الساعة ٧ ونص . انا هتصل بيها
سعاد ٠٠ تليفونها مش معاها . شوفتوا فى أوضتها وانا بنضفها
أميرة ٠٠ طيب خلاص روحى أنتى
حينها قال يحيى بأستغراب
يحيى ٠٠ يعنى هى نسيت تليفونها
أميره ٠٠ أكيد لأ أيلا أستحاله تنسا تليفونها .. انا مش عارفه ايه إللى جرالها . كلها على بعضها متغيرة
أخيرآ تحدث سيف و قال بسخريه
سيف ٠٠ لازم تتغير . أكيد مشغوله بالعريس الجديد
يحيى ٠٠ احنا اتفقنا اننا مش هنتكلم فى الموضوع ده تانى و نحترم قرار إيلا
سيف ٠٠ تمام أنا أساسآ ماليش دعوة بيها خالص عند أذنكم هطلع أغير و أروح الشغل
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى غرفة سيف
قال سيف بعد ما سمع طرق على باب الغرفة
سيف ٠٠ أدخل
أميرة ٠٠ سيف ممكن اتكلم معاك
سيف ٠٠ طبعآ أتفضلي . انا عارف حضرتك عايزه تتكلمى فى إيه .. بس انا وضحت لبابا كل حاجة
أميرة ٠٠ بس انا مش مقتنعة بولا كلمة من إللى انت قولتها .و على فكرة ولا يحيى كمان مقتنع . حوار انك خايف على إيلا من شريف و سمعته و ان له علاقات كتير مع بنات كل ده مش داخل دماغى
سيف٠٠ بس دى الحقيقة .. أنا عارف أنى ذوتها شويه خصوصآ لما ضربت إيلا انا عارف انك زعلتى هى...
قطعت أميره عبارته وقالت
أميرة ٠٠ قبل ما تكمل كلامك انا هسألك سؤال واحد بس ياريت ترد بصراحة
سيف ٠٠ اتفضلى
أميرة ٠٠ هى أيلا بالنسبالك أيه
سيف ٠٠ أختى . واللى عملتوا ده كان غيرة أخ على أخته مش اكتر من كده
أميرة ٠٠ الحاله إللى انت كنت فيها وقتها ماكنتش غيرة أخ على أخته دى كانت غيرة حبيب على حبيبة
كيف سيجيب سيف على أميرة
ماذا سيفعل شريف اتجاه تجاهل إيلا له
ماذا سيحدث مع أول مواجهة بين سيف و إيلا
هل ستظل إيلا صامتا على ما يحدث معاها
تابعووووووني
الفصل السادس عشر حتى الفصل العشرون من هنا
أدخلوا واعملوا متابعة لصفحتي عليها كل الروايات بمنتهي السهوله من هنا 👇 ❤️ 👇
تعليقات
إرسال تعليق