نوفيلا الغجريه الفصل الثاني بقلم سوزان قهوجي حصريه وجديده
جوريه مخنوقه بتغني وبترقص وبقلبها غصه وقهر
قهر العاشق مختلف عن اي شعور بتحس حالك عايش لحالك وكل الناس مو فاهمه عليك وكأنك من كوكب أخر
جواهر. .. شو يا خيتي ليش هيك زعلانه والله جوريه الحلوه مايليق عليها الزعل
جوريه.. ااخ القلب موجوع مخنوق وماحد حاسس بي
جواهر... والله حاسه بيكي لكن شو العمل انت تدري بعوايدنا مايجوز تروحي للغريب
جوريه.. والعشق يلي بقلبي وين اروح بيه اقتل روحي
جواهر. . لا ماتقولي هالكلام ابد
جوريه... انا اموت اريد حبيب الروح يوسف يا بعد عمري يا يوسف اااخ يا وجع قلبي شوقي يفجر بلاد
جواهر.. عشق الغجر يفلق الحجر من وجعه ويذوب جليد اااخ من عشق الغجر اااخ
اسمعي وش رايك تروحي تشوفيه اخذك انا وجوزي عارف وش رايك عارف متعاطف معك كثيررر تزوريه ليوسف ونرجع
 |
جوريه.. اي والله موافقه اليوم نروح
جواهر.. اي الحين قومي كليلك لقمه لأجل يفتح وجهك
ويشوفك يوسف مثل القمر منوره
جوريه. . اي اريد اطفي نار شوقي يا بعد عمري يا يوسف
......
في منزل يوسف
ابو ياسر. . الف مبروك يا ابني وأخيرا رح نفرح فيك كان نفسي امك واخوك يكونو معنا لكان ربنا هيك اراد الحمد لله ...
يوسف.. المهم انت يا ابي مبسوط ابي انت احن اب بكل الدنيا ربي يخليك الي وتشوف ولادي
ابو ياسر.. يلا روح على الحلاق وزبط حالك لانه وجهك ذبلان وشكلك حزين ليش مابدك عبير شي
يوسف.. انا وجهي حزين لا انا مبسوط رح اتزوج وارضيك ونببسط سوا وعبير بنت حلال صح مش فتاة احلامي لكن بنت محترمه
ابو ياسر.. يا ابني انا تزوجة امك وما كنت بدي اياها لكن من ليلة الدخله ولما شفتها حسيت هي احل ست بكل الدنيا
يوسف عم يحكي بقلبو ... اخ يا ابي احلى ست بالكون يلي ملكت قلبي جوريه نفسي تكون هي عروستي الليله بس شو اعمل بحظي الحمد لله
ابو ياسر.. شو يا ابني بشو سرحان يلا روح خلص امورك
يوسف.. اي اي ابي يلا عن ازنك انا رايح سلام بشوفك المسى
..................
جوريه.. مطولين لنصل لعيادة يوسف يا عارف قلي
عارف.. لا لا شي عشر دقايق اصبري
جواهر. . هههه الشوق يا عارف ذبحها لجوريه
جوريه.. اي والله الشوق يذبح صاحبه ويولع نار بقلبه
______
وصلت جوريه للعياده
جوريه.. ليش مسكر العياده ياربي بس مايكون مريض
نزلت جوريه للسياره عند جواهر وعارف
جواهر.. ليش رجعتي بسرعه
جوريه.. مهو موجود العياده كلها مقفله يمكن مريض
عارف ... تحبي اخذك لبيته انا اعرف عنوانه
جوريه.. اخاف ازعجه او اقلك اه خذني
_______
راحو تغدو بمطعم جوريه وجواهر وعارف وبعدها راحو لبيت يوسف
بنفس الوقت كانت عراضة الزفه عم اطالع يوسف من البيت والكل مبسوط والشباب ترقص وهو واقف بنص الزفه جنبه ابوه ومجدي والكل مبسوط الا هو كان مخنوق
يوسف عم يحكي بقلبه
يوسف.. ااخ لو هلاء انا معك يا جوريه ياربي لو هاد يوم عرسنا .. اشتقتلك يا نور عيوني
بنفس اللحظه كانت جوريه واقفه قدام عيون يوسف بين العراضه والناس هو فكر حالو بحلم
جوريه.. يوسف انت العريس
يوسف.. جوريه انتي هون عنجد ولا انا عم احلم
جوريه .. لا ياعيون جوريه انا هون بلحمي ودمي
يوسف.. جوريه خليني اشرحلك
ركضت جوريه بين الناس ويوسف عم يلحق فيها
والكل يتفرج مصدوم شو بيصير
يوسف.. جوريه لحظه اصبري
جوريه.. خلص يا ابن الاكابر روح تزوج وعيش وانا قلبي مصيره ينساك روح
يوسف.. مارح اتزوج هاد كله كرمال ابي يرضى بس
جوريه.. خلص ياعارف امشي من هان ارجوك
راحت جوريه وقلبها يخفق بوجع .. راحت ودمع عيونها نار تحرق ...
يوسف رجع للزفه وفهم ابوه انها ماضي وانتهى وكملو كل شي طبيعي
كانت مشاعر يوسف مخربطه مش طبيعي والكل لاحظ عليه
وصلو لمكان الحفله وكانت حفله ناعمه وبسيطه لكن ماكان فيها العريس يلي لازم يفرح كل شي بداخله عم يختنق ليوسف
________
جواهر.. تزوج هاد ماصدق
عارف.. ماحد يعرف ضروفه
جوريه.. ماحد يجيب سيرته ارجوكم خلنا نلحق نروح موعد الحفله بالاستراحه واكيد ابوي فقدنا
...........
وصل يوسف لبيته هو وعبير
عبير .. رح اغير ملابسي ونتعشى امي حضرتلنا عشى
على الطاوله
يوسف.. ماشي بدي روح وصل ابي عند عمتي الليله بدو ينام عندها
عبير.. لا اطمن ابي اخده وراح يوصله
يوسف.. ماشي
راحت عبير تغير ملابسها بعد نص ساعه طلعت من الغرفه ما لقت يوسف بالبيت استنته بعدين تعبت ونامت وهي قاعده....
يوسف ركب سيارته وراح لعند جوريه شوقه ووجعو اخدو لعندها
دخل يوسف للاستراحه
جوريه عم تغني وترقص ودموعها بعيونها
ضل يوسف يستنى جوريه لتخلص وصلتها وطلع وراها مباشره
يوسف.. جوريه اسمعيني
جوريه.. انا شفت بعيوني ليش أسمعك
يوسف.. لو انا بدي اتزوج كان بكون معها هلاء مو عندك صح
لفت جوريه وجه عليه
جوريه .. ليه انت هان قلي ليه
يوسف.. لاطفي ناري يلي مولعه بقلبي لشوف عيونك
لاسمع صوتك لاشرحلك انه ابي زوجني من قريبته ليشوف ولادي ويفرح في لانه رجال مريض وكبير
جوريه.. وانا يا يوسف شو وضعي بحياتك وين انا من كل هاد الشي قلبي يلي انكسر شو وضعه عندك
يوسف.. انا الك وبس بوعدك قلبي وروحي وعمري كله الك تعالي هلاء نتزوج يلا
جوريه.. لا ما اقدر اعذب ابوي وارفض له طلب
يوسف.. ماشي فكري وانا جاهز لكون جوزك بأي لحظه
جوريه..ماقدر اكون انا وحده ثانيه شركه فيك انت عشقي انا ملكي انا كيف تشاركني فيك قلي كيف اتحمل انا كيف
يوسف.. هي رح تكون بس زوجه مو عشيقتي ولا بحبها ولا هي كمان بتحبني اطمني هي وافقت علي لترضي ابوها كمان وهيني عندك مو سائل عنها لك حسي في شوي
جوريه.. هي ترضي ابوها وانت ترضي ابوك .. وانا ما الي قيمه لا انا ولا ابوي لارضيه تريد مني اخالفه واجي معك
روح يا ابن الناس روح لزوجتك حرام عروس تركتها بليلة عرسها روح الله معك
يوسف.. جوريه ارجوكي افهميني اااانا بحبك انتي ومستعد لاي شي يطلبه ابوكي انا جاهز اقنعي ابوكي وانا تحت امرك كويس هيك
جوريه.. تصبح على خير روح الله معك. ...
____________
روح يوسف دخل البيت لقى عبير نايمه على الكنبه صحاها
يوسف.. لك انتي ليش نايمه هون
عبير.. جيت اهلا وسهلا كني نسيت انت انه هاي ليلة عرسك وانا بستناك وين رحت
يوسف.. اسف بعتذر بس كنت تعبان ولازم اقعد لحالي
عبير.. اي تمام هلاء انت احسن
يوسف.. اي الحمد لله احسن
عبير.. طيب خلينا انام لانه تعبااانه
يوسف.. اي يلا بس بدي اخد حمام وبلحقك
عبير.. ماشي رح استناك
__________
الساعه 10 الصبح باب البيت بيندق قام يوسف يفتح الباب لقى حماته وبنتها اهل عبير
يوسف.. اهلا خاله ام محمد تفضلو
ام محمد.. يسعد صباحك يا عريس كيف اصبحتو وينها بنتي
عبير.. اهلا امي يسعد صباحك اهلا مجوده كيفك
ام محمد.. اهلا فيكي هاي جبتلكم فطور يلا نفطر سوا وعلى الغدا رح نيجي انا وابوكي وحماكي ماشي
تعالي خبريني شو صار
عبير .. بخجل يوسف فوت غسل وتعال نفطر
ام محمد.. اي هاي راح خبري
عبير.. امي اطمني كل شي تمام ولو امي
ام محمد.. اي الحمد لله الف مبروك يارب
مجد.. اي اختي مابدك تروحي شهر عسل
عبير.. يمكن نروح اسبوع على تركيا
ام محمد.. اي تمام يلا بدنا نروح منشوفكم العصر
........
يوسف قاعد بيفطر وهو شارد
عبير.. خير يوسف في شي مو حاسه انك مبسوط
يوسف.. اه كيف لا كتير مبسوط
عبير.. شو رأيك نسافر على تركيا
يوسف.. اي منسافر ليش لاء جهزي امورك وانا رايح احجز وازا لقيت حجز لليوم المسى منسافر
عبير.. اي تمام يلا لضب الفطور وجهز الشنط
________
***بمحل مجدي****
يوسف.. لك مجدي انا رح موت مو قادر
مجدي .. لك يارجل خلص ارضى بنصيبك
يوسف.. طلعت بالليل لعند جوريه وحكينى وهي كتير زعلانه مني
مجدي.. لك انت مجنون تركت عروستك وطلعت
يوسف.. اي ما تحملت كنت عم اختنق يلا رايح احجز لتركيا بدي روح اسبوع وارجع
مجدي.. اي يلا بالسلامه شو صار معك كل امورك تمام ولا بدك علمك اسمي متزوج قبلك ومطلق ههههه
يوسف.. اطمن لسى ما لمستى مووقادر وهي متفهمه
مجدي.. لك حرام هي ما الها ذنب افهم
يوسف.. اي ماشي يلا كمل اكلك وانا رايح لمكتب السياحه احجز
مجدي.. كويس مريت علي وطمنتني كنت عم فكر فيك
يلا موفق يا رفيقي
_________
عبير.. ياي كتير كنت حابه سافر وغير جو
يوسف.. اي السفر متعه
عبير.. انا بعرف انك كتير بتسافر على تركيا كرمال شغلك مع مجدي صح
يوسف.. اي بسافر مع رفيقي هاي اول مره بسافر من غيرو
عبير.. ايوا انا مو عاجبتك ولا مجدي احلى يمكن
يوسف.. لا لا العفو مو قصدي وامانه لا تزعلي مني انا لسى مو متعود عليكي خليني لناخد على بعض وان شاء الله الامور كلها بتكون تمام
عبير.. لا عادي انا عارفه مو سهله انه نبلش زوجين على طول ونحنى ما منعرف بعض بس حابه اخبرك شي
انا بحبك
يوسف رفع عينه واطلع عليها وهو مصدوم ماعرف شو يحكي ما اتوقع انها عبير تحبه بالسرعه هيك
يوسف.. اه وووااانا ااه كمان
عبير.. هههه ليش خجلت ههه يوسف انت شب حلو وناجح وطبيب كمان كل بنت بتشوفك رح تعشقك وهلاء صرت انت الي انا صح انا كمان طبيبه بس مو فتاة احلام الشباب يمكن لاني قصيره وسمينه شوي وجمالي عادي بس انا بنت عمليه وبحب شغلي كتير ومارح ازعجك ابدا
يوسف هزو كلام عبير
عبير.. انتي حلوه وطيبه صح اسلوب كلامك كان بالبدايه جاف بس انتي فعلا روحك حلوه متحمله نشافتي وصابره علي هاي النا يومين متزوجين ولسى ما لمستك وانتي مازعلتي وبتضحكي عادي
عبير.. عادي المهم انه نحنى سوا ما نعست يلا انام
يوسف.. لا بدنا نطلع في مطعم اكله طيب بدي اخدك عليه بعرفك بتحبي الاكل ههههه
عبير.. ههه اي عشقي والله يلا لجهز حالي
.....
صارت عبير تتقرب من يوسف وهو صار يستلطفها كمان
روحو بعد اسبوع وكانو مبسوطين
يوسف.. عبير انا رايح على العياده فطرت ابي وبدي روح
عبير.. اي انا رح سلم على عمي واطلع على العياده بشوفك على الغدا
يوسف.. مو جاي اتغدى معزوم عند مجدي
عبير .. اي خلص بتغدى انا وعمي يلا روح لا تتأخر انت
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بدون لينكات بمنتهي السهوله من هنا 👇 ❤️ 👇
تعليقات
إرسال تعليق