رواية حتى لا تكوني مطلقه الفصل الخامس والأخير بقلم الكاتبه ولاء حامد حصريه وجديده
دخل مصطفي ووجع الدنيا فوق كتافه واترمي على اول كرسي قابله
مايسه بخوف: في ايه يا ابو محمود طمني روحت فين وسبتوا الناس والفرح يخبط يقلب ومحدش بيرد عليا
مصطفي بصلها ومردش
مايسه: مالك يا راجل في إيه طمني قلبي متوغوش
محمود: كنا في المستشفي
مايسه خبطت على صدرها: يالهوي ليه إيه اللي جرا مين اللي تعبان فيكم
محمود وهو بيبصلها اوي : مي جوزها بيقول وقعت من على السلم وخدناها وديناها مستشفي في مصر
مايسه اترمت على الكنبه: بنتي مالها إيه اللي صابها
مصطفي بحزن ودموع بتلمع في عنيه: في غيبوبه ومحدش عالم ايه اللي صابها وحطوها في الإنعاش
الصمت المطلق كان حليف الكل ومحدش نطق بكلمه تاني بعدها
 |
مصطفي قام واتعكز على الحيطان وكأنه كبر الف سنه والعجز مسكه لحد ما دخل الحمام واتوضى وطلع وهو كله غرقان ميه ووقف مبلول ووشه وايديه وشعره بينقطوا ميه واتوجه لربه يشكيله همه ويطلب من الشفاء لبنته ومع كله ركعه دموعه اتحررت بوجع على بنته صلى قيام الليل وقعد مكانه يدعي بحرقه لبنته لحد ما نادي منادي الرحمن بصلاه الفجر وقام صلي الفرض هو وأولاده الخمسه محمود وأحمد ومحمد وياسين عبد الله جماعه وخلص صلاته ودخل بسرعه هو وأولاده غيروا هدومهم واخد فلوس كتيييير جدا من الدولاب وطلع كانت مايسه لبست عبايه سوده ولفت طرحتها وسابت مايسه لين وليان عند حماتها تحت واتحرك الكل في عربيتين ساق محمود لان ابوه مش قادر داه لا نام ولا ارتاح وسايق الطريق رايح راجع والعربيه التانيه ساقها أحمد واتحركوا بسرعه وبعد ساعتين ونص وصولوا المستشفي والكل في الانتظار ولكن الغريب هو عدم حضور ياسر ولا حد من أهله والكل قال يمكن من تعب السفر وشويه وهاييجي
وبعد وقت طويل الكل منتظر اي خبر يطمنهم عليها
طلع الدكتور وقال الكلمه اللي خلت الدنيا وقفت في اللحظه دي: البقاء لله
مصطفي بصدمه: إيه في مين
الدكتور: للأسف الحاله جات متدمره انا استلمت الاشاعه والتقارير المرفقه دي مش وقعه دي كسور متفرقه في الضلوع وكسور متعدده حد التهشم في الجمجمة غير تخسر كامل في العمود الفقري يعني ربنا رحمها لو كانت عاشت كانت هاتعيش نفس بس داخل وطالع هاتعيش بشلل كلي للأسف الموضوع داه في جنايه وانا مضطر أبلغ الشرطه
مصطفي اترمي على الأرض وكل كلمه بترن في ودنه واكتر كلمه بتردد في ودنه ورا بعضها البقاء لله البقاء لله البقاء لله البقاء لله
مصطفي بصراخ: لااااااااااااا لاااااااااااا لاااااااااا مي يا بنتيييييي وجري بسرعه ومحدش لحقه دخل الاوضه اللي بنته فيها وفتح الباب والكل وراه جري على بنته اللي راقده ومتغطيه كلها بملايه شال الملايه بإيدين بتترتعش ودموع نازله وبصوت واااطي: يا ميوش يا قلب ابوكي داه مقلب صح اكيد ضحكة عمري مكانش عمرها قصير اوي كده يا بت انا ملحقتش اشبع منك انا مشوفتكيش اديلي فتره وكمل بوجع وحرقه مهو مش يوم ما اشوفك اخدك في كفن قومي قلب ابوكي هايقف يا مي يا اغلى الحبايب يا ضي عيني
محمود بوجع: يا حاج وحد الله واصلب طولك خلينا نفهم ونعرف إيه اللي جرالها
مصطفي: أختك يا محمود اختك مي راحت
احمد بشر بيلمع في عنيه وهو عينه ثابته على جثه اخته :قوم يا حاج لجل ما نجيب حقها ونشوف اللي صاب اختي ونعرف الحكايه مش انتا يا حاج مصطفي اللي تسيب حق بنتك
مصطفي وهو واخد بنته في حضنه ودموعه نازله: ليه ومين اللي يقدر يأذيها دي أطيب خلق الله دي بلسم يا ابني والله دي غلبانه
مايسه بره قاعده وكلام بنتها بيرن في ودنها: مش هاتفوقي الا لما تشوفيني في كفني واخر مره لما قالتلها انا مش مسمحاكي ولو مت متقفيش على غسلي
بعد ربع ساعه حضرت قوات من الشرطه لمعرفه ما حدث
الظابط: إيه اللي حصل
الدكتور بشرح مبسط: الحاله جات في غيبوبه واللي اتبلغنا بيه من المستشفى المحول منها ومن أهل الحاله انها وقعت من على السلم دخلنها على الاشاعه ولكن كانت الحاله في غيبوبه زي ما سبق ووضحت لحضرتك ودخلت العمليات ومنها على العنايه الفائقة لحين إستلام الإشاعات والتقارير المرفقه بيها وانهارده الساعه 8 صباحا اتوفت الحاله والاشاعات والتقارير بتتنافي تماما مع روايه وقوعها من على السلم لو وقعت هايكون في تهشم في الايدين الرجلين انما واضح انها اترمت من مكان عالي لان كل الكسور وأغلبها وتخسر الدم بيقول ان الحاله اترمت وهي شبه فاقده للوعي
الضابط بتفهم : تمام كده هتحتاج تتحول لطب شرعي للوقوف على بيان الصفه التشريحيه وهنحتاج صوره من الإشاعات والتقارير لإثباتها في المحضر المرفق
الدكتور بعمليه: تمام يا فندم هاجهز لحضرتك صوره من كل أوراق الحاله
اتحرك الدكتور لعمله ولتجهيز المطلوب واتحرك الضباط لأهل القتيله
الضابط : البقاء لله
محمود بحزن: ونعم بالله
الضباط: للأسف انا جاي نتيجه بلاغ المستشفي وللأسف انا مضطر أحول الجثه للطب الشرعي للوقوف على اسباب الوفاه
مصطفي بزعيق: بنتي مش هاتتقطع كفايه اللي جرالها
الضابط بتعقل: يا حاج انا مقدر موقفك بس اكيد حضرتك مش عايز تسيب حق بنتك خصوصا ان الدكتور بيأكد انها في الغالب اترمت من ارتفاع عالي شبه مغيبه عن الوعي يعني دي جنايه قتل
وتم تحويل جثمان مي للطب الشرعي وأثبت ما هو آت كسور متفرقه في الفقص الصدري من جهة البطن مما ادي الي تهتك الرئه ووجود آثار كدمات وسحجات بجميع جسدها وتهشم في الجمجمة من الجبه نتيجه الاصطدام بشيئ معدني بصوره متكرره لأكثر من مره وتهشم في الجمجمة من الخلف نتيجه الاصطدام بسطح صلب وتهشم في العمود الفقري مما ادي الي تخسر كل في النخاع الشوكي نتيجه الوقوع من ارتفاع لا يقل 10 أمتار وكسر بعظام الحوض واليدين والقدمين من الخلف مما يثبت وقوع الجثه وهي غائبه عن الوعي لتقع على ظهرها وتستقر على وضعها لتلحق بها الضرر المسبق
الضباط استلم تقرير الصفه التشريحيه وقرئه جيدا: يعني فعلا جنايه قتل كده لازم ننتظر تحريات المباحث حول الواقعه
بعد الانتهاء من تشريح الجثه تم تغسيلها بالمشرحه وحملت في نعشها لمنزل ابيها لتخرج منه لتواري الثرى واتي كل من يحب مني واصدقائها واقاربها من كل حدب وصوب
ودخلت منزل ابيها محموله في نعش ملفوفه بالكفن والأهل أصروا ان يلقوا نظره الوداع عليها قبل أن تواري الثرا
مايسه ببكاء وهي بتحاول تتحرك بصعوبه وقبل ما تدخل وقفت امل صديقه مي المقربه وبئر أسرارها في وش مايسه ودموع وانهيار: رايحه فين مش هاسمحلك
مايسه بدموع ووجع: دي بنتي رايحه املي عيني منها قبل ما تروح ومشوفهاش تاني
أمل: مي موصيه انك متدخليش لا غسلها ولا حتى تشوفيها ووصيه الميت واجبه مكتفتيش وانتي بتشوفيها كل يوم مضروبه وتكملي عليها صوتها علي اكتر والكل أتلفت عليه مكفكيش وانتي بتكسريها لزوج مجنون كل يوم يكسر نفسها ويذلها وانتي ولا على بالك وبصت بكره لمصطفي مصعبش عليك بنتك جايين تبكوا عليها ليه والله ارتاحت والله ربنا رحمها من أهل زيكم خساره فيهم الضنا جايين ليه حزانه اشك اصل اللي يحزن اللي عنده قلب وانتوا قلوبكم ماتت
مصطفي بصدمه من الكلام اللي بيسمعه لأول مره :انتي بتقولي ايه يا بنتي
أمل بدموع وهي بتهز رأسها: بقول إيه وكملت بصراخ بقول انكم ظلمه عالم ظلمه وربنا هايخلص حق مي منكم في الدنيا والآخرة مي كانت خساره فيكم كام مره جاتكم مضروبه ومتبهدله وقفلتوا بابكم في وشها كام مره اشتكت وبكت وانتوا قفلتوا اودانكم عنها
مصطفي بص لمايسه: ايه اللي أمل بتقوله داه
مايسه بصت في الارض ودموعها وندمها وقف الكلام في حلقها
أمل: ايه عايز تقنعني انك مشوفتش بنتك والكدمات ماليه وشها وجسمها عايز تقولي انك متعرفش ان اقل كلمه الواطي اللي كانت متجوزاه بيقولها اهلك رموكي زي كيس الزباله اللي ملوش تمن يا شيخ دي كانت بتجيلي متدمره دانا اللي حيا الله صحبتها كنت بتقطع عليها لما تقولي امي بتقولي عشان مراتات أعمامك ميشموتوش فيا وايه يعني ما كل الستات بتنضرب هي جات عليكي وانتوا ياللي من دمها محدش سأل فيها جايين تعيطوا وتبكوا دلوقتي أهي ماتت وكملت بإنهيار ماتت عشان ملهاش ضهر ماتت عشان ملقتش حد يحميها ويقف جمبها ويجيب حقها كانت تبكي وتقولي حاسه اني هاموت في ايده مره من كتر الضرب وفعلا يا قلبي ماتت في إيده خلاص ارتاحتوا محدش هايشمت لأنها ماتت ماتت وارتاحت من ظلم الدنيا كلها فيها
مصطفي وعنيه بتطلع نار شد مايسه من درعاتها: الكلام داه صح بنتك كانت بتنضرب وانا معرفش بنتي كانت بتيجي بيتي وبتقفلي بابي في وشها كل الستات مين اللي انضربت دانا من يوم ما اخدتك من بيت ابوكي وانا راعيت ربنا فيكي مين تكوني عشان تقفلي بابي في وش بنتي بنتي اللي ماتت وفاكره ان ملهاش ضهر بسببك
مايسه بندم: مكنش قصدي كنت خايفه عليها من الناس لو اتطلقت
مصطفي والقلم بيرميها على الأرض: ناس ناس مين الناس هاترجع بنتي اللي اتقتلت الناس هتطفي النار اللي قايده في قلبي خايفه على إيه مخفتيش على بنتك بس ويمين الله يا مايسه حق بنتي لجيبه ولو روحت فيها انا واولادي الخمسه وحق بنتي جاي جاي
سنيه بلطم: يالهوووي يالهوووي هاتودر روحك في توكر خلاص ماتت واللي كان كان وفيها ايه يعني لو كانت سكتت بنتك لسانها متبري منها
مصطفي بصدمه: ايوه ايوه منا بقول كده انتي السبب انتي إيه عارف ان طول عمرك بتكرهي خلفه البنات وانتي ايه مش كنتي في يوم بت ولا راجل داه ابويا كان شايلك فوق راسه دانا اتربيت على احترام الست وعشت عمري كله احترمها من احترام ابويا ليكي ليه قبلتي على بنتي اللي مقبلتهوش على بنات الناس
سنيه بخوف من حاله ابنها :كنت خايفه على اسمك وسمعتك المطلقه الناس مبتسبهاش في حاله ومطمع لكل من هب ودب
مصطفي بجنون : ناس ملعون ابو الناس الف لعنه بنتي ماتت بسببكم ماتت وهي قهرانه مني وفاكره اني خذلتها ورميتها وانتوا اللي جرئتوا ابن الكلب داه عليها
برررررررره مش عايز اشوف وش حد فيكم في حياتي وانتي يا مايسه اللي خفتي منه أن الناس تشمت فيكي في بنتك انتي طاااااالق طاااالق طااالق وتمشي دلوقتي حتى عزا بنتك خساره تحضري كفايه قلقلتي راحتها وهي عايشه مش هاسيبك تقلقلي راحتها وهي ميته برررره
نزلت سنيه بسرعه خوف من بطش ابنها ومايسه فضلت واقفه مصدومه من موت بنتها لطلاقها لوجعها لخراب بيتها اللي محدش حتى فكر يحميها ولا يحامي ليها هي اه غلطت بس هل تستحق العقاب الصعب داه
مشيت تجر في رجليها وهي تايهه مش مستوعبه الصدمه
وبعد وقت طلعت مي محموله على اكتاف أخواتها الاربعه والكل صامد رغم الألم تمت صلاه الجنازه واتجهوا للمقابر لمثواها الاخير مصطفي بإيدين بترتعش شال بنته ولكن قوته خانته ساعده أبنائه في نزولها القبر وكانت من أصعب اللحظات وهي لحظات الفراق أودعت مي لمثواها الاخير واقفل القبر عليها والكل يتألم لما حدث والعزاء والمواساة على المقابر مصطفي رفض يعمل عزاء لبنته ورجع الكل على بيته والكل يتألم بصمت ومنتظرين يعرفوا ايه الحكايه
بعد مرور ثلاثه ايام صدر أمر بالقبض على ياسر بعد التأكد من جنايه القتل وانتشر الخبر في البلد انتشار النار في الهشيم وأصبح حديث البلد كلها ما بين القيل والقال ووجهت النيابه تهمة القتل العمد لياسر وتحويل لمحكمة الجنايات ولكن بألاعيب القانون والمحامين خرج ياسر نظر لتقديم تقرير طبي من محاميه يفيد بإنه مريض نفسي وقد تم شراء هذا التقرير من احد المستشفيات الحكوميه كما تم عمل ملف في أحد المصحات العقليه مقابل حفنه من المال ليتم تبره قاتل وتم الحكم عليه ب 6 شهور مع إيقاف التنفيذ وخرج من السجن ولكن اهله أصروا عليه السفر خارج مصر تماما خوفا من بطش عائله مي وقد كان سافر وترك خلفه زوجه مقتوله غدر وأبناء تولاهم جدهم ليعوضهم عما فقدوه واخوات مي مازلوا يسعون للوصول لياسر حتى يأخذوا منه قصاص مي
والي هنا تنتهي حكايتنا
القصه دي حقيقيه القصه للعبره رجاء بناتكم مش عار مش غلط انها اختارت غلط الحياه تجارب لما بنتك تجيلك مضروبه اوعي تقولي وايه يعني كده بترخصيها خليها غاليه ربنا حلل الطلاق ووضع قواعد للحياه الزوجيه بالموده والإحسان والمعروف خلوكم سند لأولادكم بلاش نظره مجتمع عقيم حتى لا تكوني مطلقه وكان الطلاق عار او ذنب تحرروا من قيود فرضتوها ونتيجتها هلاك ودمار نفسي وجسماني
تمت
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
تعليقات
إرسال تعليق