رواية دعني احطم غرورك الفصل الثالث والخمسون والرابع والخمسون والخامس والخمسون والسادس والخمسون بقلم منال سالم حصريه وجديده
رواية دعني احطم غرورك البارت الثالث والخمسون والرابع والخمسون والخامس والخمسون والسادس والخمسون
رواية دعني احطم غرورك الجزء الثالث والخمسون والرابع والخمسون والخامس والخمسون والسادس والخمسون
رواية دعني احطم غرورك الحلقه الثالثه والخمسون والرابعة والخمسون والخامسه والخمسون والسادس والخمسون
رواية دعني احطم غرورك الفصل الثالث والخمسون والرابع والخمسون والخامس والخمسون والسادس والخمسون بقلم منال سالم حصريه وجديده
بدأت جانا تسرد لعز الدين ما كانت تحاول اخفائه طوال أعوام مضت ..
أخذت جانا نفساً عميقاً ، ثم زفــرته في تمهل ، بينما أنصت عــز الدين لها بكل اصغاء و...
-جانا بنبرة خافتة وهي تفرك أصابعها من التوتر : طيب ، الحكاية بدأت من وقت ما دادي الله يرحمه كان تعبان ، كان المفروض اننا هنزل كلنا معاه القاهرة ونسيب لندن بس مامي رفضت ده وأصرت أن Dad يتعالج هناك ، وهو بعد إلحاح وافق عشان يكون موجود معايا
-عز وهو يمط فمه: طيب كل ده عادي ، فين بقى المشكلة ؟
-جانا بنبرة منزعجة : المشكلة كانت في Mom ، هي زي ما انت عارف businesswoman، وليها شغل وصفقات مع ناس كتير
-عز وهو يهز رأسه : ها وبعدين
-جانا وهي تبتلع ريقها : وفي يوم dad كان راجع من بره و......
Flash Back◘◘◘ لما حدث
كانت سيلين تتحدث مع أحد الأشخـــاص هاتفياً وبأريحية تامة ولم تنتبه لحضور زوجها و...
-سيلين هاتفياً: أه طبعا ، اطمن .. أنا هعرف أخد منه الفلوس
-المتصل:.............................
-سيلين وهي ترفع أحد حاجبيها : Yes, I am sure، اومال انت مفكرني اتجوزته ليه
-المتصل: .........................
-سيلين ضاحكة : ههههههههههه ، متقلقش ، كله هيبقى لينا في الأخر .. انا هخليه يوقع ع ورقة الطلاق بعدها
-عاصم بنبرة صــارمة : بتكلمي مين يا سيلين؟
ارتبكت سيلين فور سماعها لصوت زوجها يأتي من خلفها ، فأغلقت الخط على الفور، والتفتت بجسدها لتواجه زوجها و..
-سيلين بارتباك : سوري عاصم ، انت جيت امتى ؟؟؟
-عاصم بحدة : أنا بسألك انتي بتتكلمي مع مين ؟؟؟؟
 |
رسمت سيلين على وجهها قناع الثلج من جديد ، وكأنها لم تفعل أي شيء ، وتحدثت بكل برود و..
-سيلين ببرود : with nobody
-عاصم بضيق واضح : أنا سامعك بوداني بتكلمي مع واحد
-سيلين وهي تمط شفتيها في عدم اكتراث : So what ، وايه المشكلة
-عاصم وهو يشير بيده ، وبحدة : المشكلة اني جوزك يا هانم
-سيلين وهي تزفر في انزعــاج : يوووه ، مش أزمة هي !
-عاصم بنبرة غاضبة : مش أزمة إني جوزك .. فوقي لنفسك يا هانم واعرفي انك مرات عاصم الدمنهوري
-سيلين وقد رفعت من وتيرة صوتها : لأ فوق انت لنفسك ، وأنا سيلين بنت الحسب والنسب
-عاصم بأعين تشتعل غضباً : طب يا بنت الحسب والنسب في واحدة تكلم واحد من ورا جوزها ؟؟؟
-سيلين ببرود : ده بيزنس
-عاصم بنفاذ صبر : بيزنس ايه اللي بتكلمي فيه عن طلاقنا وتاخدي فلوسي
ابتلعت سيلين ريقها وهي متوترة ، فكلماته زوجها عاصم الأخيرة تهدد مخططها القادم و..
-سيلين بارتباك: آآآآ... آآ.. انت.. انت سمعت
-عاصم بحدة : انتي فكراني نايم ع وداني ومش عارف بلاويكي السودة ولا صفقاتك المشبوهة
-سيلين وهي تشير بيدها : اسكت انت متعرفش حاجة
-عاصم بنظرات مشتعلة من الغضب : لأ عارف كل حاجة ، انتي مفكرة اني أهبل ومش عارف بتودي فلوسي فين؟؟
-سيلين بحدة بالغة : دي فلوسي أنا
-عاصم بتهكم : فلوس مين يا أم فلوس
-سيلين بنبرة ممتعضة : فلوسي اللي مخلياني صابرة إني أعيش معاك ومستحملة قرفك ومرضك ، حتى بنتي مخليها شبهك ، أنا مش عارفة هي خدت ليه منك كل حاجة
-عاصم بتهكم ونبرة حانقة : الحمدلله انها طلعت شبهي ، هي الحاجة الوحيدة اللي مصبراني عليكي ، بس حطيها حلقة في ودنك ، مافيش مليم واحد بعد كده هتخديه مني
-سيلين بعدم فهم : قصدك ايه ؟
-عاصم بنظرات جـــادة : قصدي اني هصفي كل أعمالي هنا ، وهرجع مصر تاني
تملك الغضب سيلين حينما أدركت أنها على وشك خســـارة كل شيء و...
-سيلين بنبرة عصبية : انت اتهبلت
نظر عاصم إلى سيلين بنظرات مهينة تحمل من الخزي ما جعله يندم على استمرار علاقته بها إلى الآن و...
-عاصم وهو يشير بيده وبنبرة قوية : أبقى أهبل فعلا لو فضلت هنا ، أه وورقة طلاقك هتوصلك ، وبنتي هاخدها تعيش معايا ، مش هسيبها في الجو الـ...... ده
-سيلين بصوت عالي : You're crazy ، مش هيحصل ، ده بعدك ، بنتي هتفضل معايا ، وفلوسي هخدها منك
ســـار عاصم ناحية باب المنزل ، وهو غير عابيء بصراخ زوجته ولا بتهديداتها ..
-عاصم بضيق : اعلى ما في خيلك اركبيه
-سيلين وقد حاولت اللحاق به : يعني ايه ؟
توقف عاصم عن السير ، ثم نظر إلى سيلين بنظرات جـــادة و...
-عاصم بجدية : يعني بعد يومين هنكون أنا وبنتي في مصر .. صح ..انتي طالق يا مدام
فغرت سيلين شفتيها في صدمة ، ونظرت إلى عاصم بعدم تصديق و...
-سيلين بدهشة: What؟
-عاصم مكملاً وهو ينظر لها شزراً : طالق بالتلاتة يا هانم ..
..........
◘◘◘
رأت جانا والدها وهو يعد حقيبة سفره ، فاستغربت مما يفعل ، واقتربت منه بخطوات ثابتة حتى وقفت إلى جواره و...
-جانا بنظرات مندهشة : Dad, what's wrong ؟
ترك عاصم ما في يده ، ثم التفت إلى ابنته ، ووضع يده على كتفها ، وضمها إليه في حنية أبوية و...
-عاصم بصوت رخيم : جاجوو حبيبتي ، احنا نازلين مصر خلاص
-جانا بنظرات فرحة : بجد دادي
-عاصم وهو يوميء برأسه : اه يا حبيبتي
-جانا متسائلة : What about mom؟
صمت عاصم للحظــات وظل ينظر إلى ابنته بتوجس ، ولكن لا بديل عن إبلاغها بالحقيقة حتى لو كانت موجعة ..
استجمع عاصم شجاعته ، ونظر إلى ابنته بنظرات آسفة و...
-عاصم بنبرة جادة : أنا انفصلت عن والدتك
ارتسمت الدهشة على ملامح جانا، فهي لم تتوقع أن يكون قد فعل والدها هذا حقاً ، عقدت حاجبيها في دهشة و...
-جانا بنظرات مصدومة : ايه ؟ but why؟
أطــرق عاصم رأسه في آسف بالغ و...
-عاصم بنبرة حزينة : معدتش ينفع اني اكمل معاها ، هي طريقها غير طريقي، وانتي بنتي وانا استحالة أسيبك هنا معاها ، فقررنا ننفصل بهدوء
حاولت جانا أن تقنع والدها بأن يعدل عن قراره هذا و...
-جانا بنظرات متوسلة : بس دادي مامي مش تستاهل ده
-عاصم بضيق : لأ تستاهل ، وده أقل حاجة اعملها بدل ما أذيها بجد ، اللي حايشني عنها هو انتي جانا
-جانا متسائلة باستغراب : يعني هي هتعيش هنا لوحدها !
زم عـــاصم شفتيه في امتعاض تام ، فهو يعلم حقيقة طليقته والتي تجهلها جانا و...
-عاصم وهو يمط شفتيه في تهكم : معتقدش
-جانا بعدم فهم : تقصد ايه دادي ؟
-عاصم بنبرة عادية : متخديش في بالك ، مش انتي حابة تعيشي معايا أنا؟؟؟
-جانا مبتسمة : شووور دادي
أحـــاط عاصم ابنته بذراعيه ، وضمها إلى صدره ، ومسد بيده على شعرها و...
-عاصم بنبرة حانية : حبيبتي يا جاجووو ، انتي قلبي ودنيتي الحلوة
-جانا وهي تنظر إلى والدها بحب : love you dad
..........
◘◘◘
تعمدت سيلين أن تسيء إلى طليقها ، وتدعي عليه الأكاذيب ، كما تفننت في ذرف دموع التماسيح .. تلك الدموع التي تجيد استخدامها و...
-سيلين بنبرة باكية : Your dad
-جانا وهي تمط شفتيها : ايوه يا مامي
مدت سيلين ذراعيها ، وأمسكت كفي يدي ابنتها ، ونظرت إليها بأعين دامعة و..
-سيلين بأعين لامعة من البكاء : أنا أموت لو سيبتني لوحدي
-جانا بنبرة مترددة : بس آآآ... بس دادي تعبان ولازم أكون معاه لحد ما يخف
انتاب سيلين نوبة من العصبية حينما رأت ابنتها تقف في صف والدها و...
-سيلين بعصبية : Your dad is a big lair، عارفة طلقني ليه عشان بقوله عاوزة أعلم جانا كويس وآئمن مستقبلها
-جانا بعدم تصديق : مستحيل مامي
-سيلين بضيق : وانتي هتصدقني ليه ، ما أنتي the apple of his eye.. حبيبته
-جانا وهي تهز رأسها في استنكار : لأ يا مامي ، بس دادي استحالة يرفض حاجة زي كده
-سيلين بنبرة عصبية : لأ عمل كده ، ومنعني اني أشوفك ، عاوز يحرمني منك !
-جانا بحدة : دادي مش ممكن يعمل كده
وجدت سيلين أن المهمة أمامها مستحيلة من أجل اقناع ابنتها بأكاذيبها ، لذا عمدت إلى الانتقال إلى خطتها البديلة و..
-سيلين وهي تشير بيدها : طيب أنا هسأله قدامك وهتسمعي بنفسك ، but hide behind that wall and you will know the truth
◘◘◘ أخبرت سيلين جانا بأن تختبيء خلف أحد الجدران لكي تسمع بوضوح وترى بنفسها الحقيقة ((الكاذبة)) عن والدها .. وبالفعل حضر والدها ، وبدأت سيلين في تنفيذ لعبتها القذرة عليه و...،،،
-سيلين بنبرة حزينة : انت برضوه رافض تديني الفلوس
-عاصم بنظرات جادة ولهجة صارمة : ده بعينك لو خدتي مليم واحد مني
بدأت سيلين تذرف الدموع الكاذبة و..
-سيلين وهي تشير بيديها : ليه كل ده ؟ مش عشان خاطر our daughter؟
-عاصم بضيق بالغ : متعمليش جانا حجتك
-سيلين بنبرة باكية : ليه بتعمل فيا كده ؟
-عاصم بحدة : انتي تستاهلي الحرق ع اللي بتعمليه
-سيلين بنبرة غاضبة : أنا بعمل كل حاجة عشان جانا تكون في مستوى كويس
-عاصم بصوت صادح في المكان : عشانك انتي مش جانا
-سيلين وهي تعقد ساعديها أمام صدرها : خلاص جانا هتعيش معايا هنا
-عاصم باقتضاب : لأ
-سيلين بنظرات حانقة : عاوز تحرمني من بنتي ؟؟؟؟
-عاصم بجدية : انتي اللي اخترتي طريقك
-سيلين بنبرة تحمل التهديد : مش هسمحلك تاخد بنتي مني
أخـــذ عاصم نفساً عميقاً مجدداً ، وحاول أن يتحكم في أعصابه ، فهو على يقين أن سيلين تحاول استنفاذ قوته لكي يتهور ، ولكنه تحدث بـ ...
-عاصم بهدوء: انتي معمركيش حبيتي بنتك ، ازاي اوافق اسيبك انتي اللي تربيها ، أنا لازم انقذ بنتي منك
-سيلين بصوت مرتفع : انت مش انسان ، انت monster
-عاصم باستغراب : هه
ثم صــرخت سيلين بطريقة هيسترية مخيفة جعلت عاصم يندهش في نفسه ، ثم قامت بوضع يدها على كتفها وبدأت في تمزيق فستانها وانتزاعه عنها .. صدم عاصم مما تفعله سيلين ، وحــاول أن يمنعها عن الاستمرار فيما تفعل ، وأمسك بها من ذراعيها ، ولكنها دفعته بقوة ، واتجهت إلى الأرفف الزجاجية وألقت ما عليها من أنتيكات وكؤوس فارغة ، ومزهريات ، لتسقط متحطمة على الأرض ومصدرة دوياً رهيباً .. ثم صرخت مجدداً بـ
-سيلين بصراخ مخيف : بليز عاصم، بليييييز .. متعملش كده
-عاصم متعجباً وبحدة : انا جيت جمبك
-سيلين بنبرة عالية : جاااااانا ، Help me your dad is trying to kill me .. بس يا عاصم بليز
حاول عاصم ايقاف سيلين عما تفعل ، في حين جاءت جانا من الداخل ، ورأت ما يحدث بين والديها من شجــار عنيف ، و...
-جانا بفزع : What's going on؟
ركضت سيلين في اتجاه ابنتها ، ثم احتضنتها وهي تدعي الرعب و...
-سيلين بنبرة خائفة : Your dad was attacking me، بيهجم عليا
نظرت جانا إلى والدها بنظرات غريبة ، فهي لم تتوقع أن يفعل هذا بوالدتها ، فمهما كان الخلاف بينهما ، فهي لا يمكن أن تتقبل أن ينتهي الأمــر هكذا و...
-عاصم بنظرات متوترة : متصدقيهاش يا جانا ، هي كدابة
-سيلين وهي تشير بيدها : Look.. شوفي هو ضربني ازاي ، معندوش رحمة !!
-جانا بنظرات مصدومة : ليه يا دادي عملت كده
-عاصم بنظرات جاحظة : جانا
رأت جانا أثار الاعتداء المزيف على كتفي والدتها ، ووجهها و...
-جانا بنبرة باكية : She's still my mom
في تلك اللحظة ادرك عاصم أن وجود ابنته مع امرأة كتلك بات يشكل تهديداً قوياً عليها و..
-عاصم بحدة : جاااااااااااااانا ! انتي مش هتقعدي هنا ثانية واحدة ، اتفضلي هاتي الـ bagبتاعتك وانزلي فوراً
-جانا وهي تهز رأسها بالنفي : سوري دادي ، انا مش هسيب مامي وهي كده
-سيلين وهي تتأوه من الآلم : آآآه ، مش قادرة ، آآآآه ...
أدعت سيلين فقدانها للوعي حتى تضمن انشغال جانا بها وبالفعل نجحت في هذا ، حيث تملك الرعب جانا حينما رأت والدتها منهارة تماماً وعاجزة عن الحركة و...
-جانا بنبرة خائفة : Oh. Mom .. بليز فوقي
أحضــر عاصم حقائب سفره ، ووضعها بجوار مدخل المنزل ، ثم عـــاد إلى ابنته ، ووقف أمامها و...
-عاصم بنبرة خافتة : جانا حبيبتي
-جانا بنبرة راجية : دادي بليز ، Leave now..
-عاصم بنبرة جــادة : جانا انا نازل مصر خلاص ، انتي هتجي معايا
-جانا وهي تمط شفتيها : Not now dad
-عاصم وهو يرفع أحد حاجبيه : يعني ايه ؟
-جانا وهي تبتلع ريقها : يعني مش هقدر أسيب مامي كده ، هطمن عليها وأحصلك
-عاصم بقلق : بس يا جانا
-جانا بنظرات راجية : دادي مش ينفع !
أدرك عاصم أن جانا لن تترك والدتها تحت أي ظرف ، وبالتالي جداله معها لن يجدي لذا...
-عاصم بضيق واضح : براحتك يا جانا ، اطمني على مامتك وكلميني وهبعتلك التذكرة
-جانا وهي توميء برأسها : اوكي
ســـــار عاصم بخطوات متثاقلة إلى مدخل المنزل ، وانحنى قليلاً بجسده ثم حمل حقائبه ، وقبل أن يدلف تماماً خــارج المنزل ، التفت برأسه ليرمق جانا بنظرات أخيرة ..
..........
◘◘◘ وصل عاصم إلى القاهرة بدون جانا وكان يبدو على ملامحه الآسى والحزن ..
كان في انتظاره في صالة الوصول أخيه الأكبر حسين و...،،
-حسين باندهــاش : حمدلله على سلامتك يا عاصم ، الله أومال فين جانا؟
-عاصم على مضض : مع أمها
-حسين باستغراب : طب ازاي ؟؟ انت قايلي انها جاية معاك
-عاصم بنبرة منزعجة : امها .. ربنا ينتقم منها عملت فيلم حمضان والبت صدقته وقالتلي يومين وهتكلمني عشان أجيبها
-حسين وهو يرفع بصره إلى السماء : ربنا ينجيها منها
-عاصم بضيق : ياااا رب
-حسين وقد وضع يده على ظهر أخيخ : طب يالا تعالى معايا ، سهير ودينا منتظرينك رغم انهما هيزعلوا أوي لما يعرفوا ان جانا مجتش معاك
-عاصم مبتسماً نصف ابتسامة : معلش ملحوئة ان شاء الله
ظلت جانا على تواصل مع والدها لتطمئن على أحواله ، ولكن للأسف كانت صحته في تدهور مستمر رغم محاولته اخفاء هذا ، وحاولت جانا خلال تلك الفترة أن تقنع والدتها بأن تعود للقاهرة لتزور والدها ولكنها كانت ترفض رفضاً قاطعاً ، وحينما أدركت أن تأثير عاصم قوي ، قررت أن تمنع جانا من مهاتفته
.....
◘◘◘ وبعد ثلاثة أشهر ،،،
وصل إلى سيلين أنباء مفرحة بالنسبة لها ، ولكنها فاجعة لجانا ..
دلفت سيلين إلى غرفة ابنتها والتي كانت تتابع أحد المجلات الخاصة بالأزياء و...
-سيلين ببرود : جانا ، عاوزة أقولك خبر
-جانا بنظرات متسائلة : ييس مامي
-سيلين بتردد : Your dad is .... باباكي .. مـ.. مات
انتفضت جانا فزعاً ، وصدمت حينما سمعت هذا الخبر المفجع ، نظرت إلى والدتها بأعين مصدومة و..
-جانا بفزع: What ؟؟؟؟؟
-سيلين ببرود: زي ما سمعتي مات
أجهشت جانا بالبكاء المرير ، لقد خسرت أهم شخص في حياتها ، الشخص الأقرب إليها ، وها هي والدتها تقول الخبر وكأنه لا يعنيها ...
-جانا ببكاء هستري : دادي ، حبيبي ، ليه سيبتني إهيء ... اهيء ، .. دادي
ظلت جانا تبكي بحرقة على فراق والدها ، في حين نظرت سيلين إليها بنظرات متأففة و...
-سيلين بضيق : هو أنا قولتلك عشان تصدعيني
صعقت جانا لرد فعل والدتها الجــاف والبارد ، وكأنه لم يكن زوجها و...
-جانا بنظرات مشدوهة : ده دادي يا مامي
-سيلين بتهكم ونبرة شامتة : your fatherده أكبر مغفل ، يستاهل اللي جراله
-جانا بضيق واضح : مامي بليز حرام كده ..
لم تعبىء سيلين بدموع ابنتها ، ولا بحزنها المرير على والدها الراحل ، بل إنها تعمدت أن تهزأ منه وتتهكم من حياتها الماضية معه مما دفع جانا لحسم قرارها و...
-جانا بنبرة جــادة : انا عاوزة أرجع فوراً لمصر
نظرت سيلين إلى ابنتها ببرود تـــام و...
-سيلين بحدة وهي تشير بيدها : لأ مش هيحصل
-جانا باستغراب وضيق : ليييييه ؟؟ لازم آآآ.....
-سيلين مقاطعة بجدية : مافيش نزول لمصر أبداً ، خلاص كل اللي كان رابطنا بالراجل ده انتهى ، عارفة هو عمل ايه قبل ما يموت ، كتب كل أملاكه باسم أخوه مش حتى باسمك ، أخد كل فلوسي وحرمني منها
-جانا بنبرة حزينة : مامي الفلوس مش مهم ، لكن دادي هوالــآآآ.....
سيلين مقاطعة مجدداً وبنفاذ صبر : Shut up.. مش عاوزة أسمع عنه حاجة ، اطلعي فوق ، أل الفلوس مش مهمة ، غبية زي أبوكي !!!!!
......
◘◘◘ ظلت جانا تبكي لأيام وأيـــام لفراق والدها الغالي ، فوالدتها نجحت في خداعها بالكذب وإيهامها بأن ابيها رجل كاذب ومخادع .. فهو يحب المال أكثر من ابنته ، ولكن اتضح العكس في الأشهر الأخيرة المنصرمة ، حتى أن عمها حسين حينما جاء لزيارتها في لندن من أجل الترتيب لعودتها للقاهرة معه رفضت أمها هذا ، بل وحاولت الادعاء كذباً عليه بأنه معتدي ولص ، ولكن نتيجة لخوفها مما قد يحدث له فضلت أن تظل مع والدتها خاضعة لسلطتها ...
وظل الوضع كما هو عليه من برود وجفاء بينها وبين والدتها إلى أن قررت والدتها في يوم أن تبلغها بأمر هــام ..
كانت جانا جالسة في غرفة المعيشة تتابع أحد البرامج على شاشة التلفاز حينما دلفت إليها والدتها و... ،،،،
-سيلين بنبرة فرحة : جانا ، my sweetheart
-جانا وهي تنظر إلى والدتها بأعين فارغة : ييس مامي
-سيلين بنبرة جــــادة : تعالي قابلي آنكل رامز .. my husband
فغرت جانا شفتيها في صدمة، ونظرت إليها بعدم تصديق و...
-جانا بصدمة : ايييه ؟؟؟
-سيلين ببرود : زي ما سمعتي جوزي
-جانا بانزعـــاج : بس مامي آآآ....
توقفت جانا عن الحديث حينما رأت شخصاً ما يدلف إلى الداخل ، وتبدو هيئته العامة أنه ليس بالرجل الهين .. بل كانت عيناه توحيان بشر مستطر ..
-رامز بنظرات مخيفة : هاي جانا
لم تجب جانا عليه ، وإنما نظرت إلى والدتها في استنكار تام و...
-جانا لسيلين بنبرة معاتبة : ازاي مامي تعملي كده من غير ما تقوليلي حتى ؟
-سيلين وهي تمط شفتيها في برود : دي حياتي وأنا حرة ، مش هضيع شبابي ع الفاضي
-جانا بحزن: But mom!!!
ظل رامز محدقاً بجانا يتأملها بأعين الصائد الذي يترقب فريسة سهلة الاصطياد ..
لم تسترح جانا لنظرات رامز لها ، ولكنه عمد إلى أن ...
-رامز بصوت رخيم : You look so beautiful Jana... صح يا سولي
-سيلين مبتسمة : فعلا رامز، جانا جميلة
-رامز وهو يغمز بعينه : أكيد ورثت الجمال ده كله منك !
-سيلين بغرور: شور بيبي ..
التفتت سيلين إلى ابنتها ، ووضعت يدها على كتفها و...
-سيلين بنبرة هادئة وهي تبتسم : يالا جانا سلمي على أنكل رامز
لم تجد جانا بداً من أن ترضخ لطلب والدتها ، فلا فائدة من البكاؤ على اللبن المسكوب ، فقد كان ما كان ..
نظرت جانا إلى رامز بوجه ممتعض و...
-جانا بقرف : هاي ، excuse me
◘◘◘ لاحقاً .. قررت جانا أن تكمل دراستها في جامعة داخلية حتى تتجنب مشاهدة والدتها في أحضان رجل غريب غير أبيها ، أو أن تضطر للمكوث معهما وتحمل ثقالة هذا الرجل الذي لم تسترح له أو لنظراته .. وطوال مدة دراستها لم تذهب إلى منزلها إلا مرات قلائل .. ولكن لم يدم الوضع طويلاً ، فبعد أن أنهت دراستها الجامعية كان عليها أن تعود مرة اخرى للمنزل ...
استقبلت سيلين ابنتها بحفاوة كبيرة ، و...
-سيلين وهي تحتضنها : يااااه يا جاجووو ، كل المدة دي ومش تسألي على مامي إلا بالفون وبس
-جانا وهي تبتسم ابتسامة مصطنعة : معلش مامي كانت الدراسة واخدة كل وقتي
-سيلين بنبرة سعيدة: خلاص هتقعدي معانا
-جانا وهي توميء برأسها : ييس ، بس لفترة مؤقتة
-سيلين وهي تعقد حاجبيها في دهشة : Why؟
-جانا بجدية : هدور على شغل وعلى سكن جديد
-سيلين باستغراب : هتسيبني لوحدي
-جانا بتهكم : ما حضرتك معاكي انكل رامز .. يبقى ازاي لوحدك
-سيلين وهي تتنحنح : احم آآآ... أقصد يعني هتبعدي عني
-جانا بنبرة واثقة :Mom, I am not young anymore.. انا كبرت
تفاجيء رامز بوجود جانا مع والدتها ، ظل يفحص كل ذرة في جسدها بأعين شرهة طامعة وراغبة فيها .. ثم ...
-رامز بنظرات فاحصة : مش معقول ، جانا عندنا
-جانا باقتضاب: هاي
حاول رامز الاقتراب من جانا واحتضانها رغماً عنها وتقبيلها من وجنتها ، ولكنها أبعدته عنها ، ودفعته بكلتا يديها للخلف ، فاغتاظ هو منها ، ونظر إليها بضيق و...
-جانا بتأفف : سوري أنكل، I am tired..
-رامز بلؤم: Don't say uncle, just Ramez
-جانا بتهكم : whatever
شعرت سيلين أن ابنتها تتعامل مع زوجها ببرود وتحفظ تام ، فنهرتها على ما تفعل و...
-سيلين بضيق: ايه الوقاحة دي جانا ؟
-رامز وهو يشير بيده : بيبي ، سيبيها ع راحتها ، It's okay
-سيلين بنبرة جادة ، وأعين مغتاظة : لأ لازم تعتذر عن وقاحتها معاك
-رامز بتردد : اوووه بيبي .. دي .. دي زي بنتي
-جانا بعدم اكتراث : عن اذنكم
.....................
تابع رامز جانا وهي تبتعد ، ظل يتأمل جسدها وخصرها بأعين تحمل نوايا خبيثة ، ثم التفت إلى زوجته و..
-رامز بنبرة خبيثة : سولي بيبي ، ايه رأيك لو عملنا welcome party لجانا
-سيلين وهي تمط شفتيها في فرحة : اووه بجد رامز انت مش ممكن
-رامز بنظرات متطلعة : بيبي ، أنا ليا مين غيرك انتي و..و جانا
-سيلين بفرحة: أنا محظوظة اني معاك
-رامز بخبث: Me too
....
◘◘◘ دلفت سيلين إلى غرفة ابنتها ، ثم وضعت فستاناً ما على فراشها و...
-سيلين بفرحة : يالا جانا ، قومي قيسي الـ dressده ، رامز جايبهولك
وكــأن قلب جانا قد استشعر شيئاً ما تجاه ذلك الرجل الغريب عنها ، هي لم تتقبل وجوده بالمرة ، و...
-جانا بتأفف: مش عاوزة مامي
-سيلين بضيق : يووووه ، انتي غاوية تنكدي عليا ، بقولك احناعاملين الـ party دي عشانك ، وانتي مش سائلة خالص
-جانا بحدة : محدش طلب منكم انكو تعملولي أي party
-سيلين بنبرة حادة : مش كتر خيره رامز اللي بيحاول يبسطك
-جانا بنبرة منزعجة : بليز خلي رامز بتاعك ده يبعد عني
نهرت سيلين جانا بحدة عما تقول و...
-سيلين وهي تشير بيدها : احترمي نفسك جانا ، متنسيش ان رامز ده في مكانة your father
-جانا بضيق واضح : استحالة ياخد مكان دادي
-سيلين بنبرة مهددة : جانا لو منزلتيش فوراً أنـآآآ........
وهنا دلف رامز إلى داخل غرفة جانا بدون أي استئذان ، و...
-رامز مبتسماً بخبث : سوري guys.. بس صوتكم عالي أوي
-سيلين وهي تضرب جانبيها بيديها : بجد أنا تعبت وزهقت
-جانا بحدة : ازاي تدخل my room without my permission؟؟؟
-رامز وهو ينظر لها بنظرات غاضبة : انا قولت سوري ، وبعدين انا خبطت بس محدش رد
-جانا بنظرات متحدية وواثقة : محصلش
-سيلين بحدة : يعني رامز هيكدب ، انتي طالما الحاجة مش جاية على مزاجك بتنكريها
-جانا بضيق : مامي بسـ.. آآ....
-رامز مقاطعاً وهو يشير بكلتا يديه : شششش ، اهدوا بس ، ايه المشكلة
-سيلين بنبرة منزعجة وهي تعقد ساعديها أمام صدرها : جانا مش عاوزة تنزل الـ party اللي احنا عاملينها مخصوص ليها
-رامز وهو يشير بيده : طب سيلين بليز ، انزلي انتي وانا هتكلم معاها
أدركت جانا أن رامز نواياه خبيثة ، لذا أسرعت بـ ...
-جانا بقلق: No , wait mom
ربت رامز على ظهر زوجته ، ثم أشـــار لها بعينيه لكي تخرج من الغرفة و...
-رامز وهو يخفض بصره : يالا بيبي ، أنا هتفاهم معاها
-سيلين على مضض : اوك رامز
وبالفعل دلفت سيلين خارج غرفة جانا ، ثم أغلق رامز الباب من خلفها ، ثم التفت بجسده ناحية جانا ،ووجه نظراته الثاقبة والوقحة ناحيتها و................................
#الحلقة_54
◘◘◘ خرجت سيلين من غرفة ابنتها ، في حين ظل رامز يتفحص جانا بنظراته الوقحة ، ثم اقترب منها بخطوات بطيئة ، في حين توجست هي منه خيفة و....
-رامز بنبرة مخيفة ونظرات وقحة : ايه يا حلوة
-جانا وهي تبتلع ريقها : آآآ....انت اللي ايه ؟
-رامز غامزاً وهو يشير بيده : تقلانة علينا كده ليه؟
-جانا بقلق : انت .. انت بتكلم كده ليه
ســـار رامز في اتجاه جانا التي كانت تتراجع للخلف وعلى وجهها علامات الترقب و...
-رامز بنبرة جـــادة : ماهو من يوم ما شوفتك وأنا برج من دماغي هيطير
-جانا بنظرات مصدومة : آآآآ.. انت .. آآآانت اتجننت !!
-رامز وهو يشير بيده : ده انا أبقى مجنون لو سيبتك .. شوفي يا حلوة ،أنا مش هاجي جمبك بس لو معملتيش اللي هاقولك عليه ، صدقيني مافيش حد هيحميكي مني ولا حتى أمك
-جانا بتردد : You.. y..
-رامز وهو يشير برأسه : فكك من جو الأجانب ده ، ده أنا صايع قديم ، وأمك في تكة بلفتها وتحت جناحي وباشارة مني أوديها البحر وأرجعها عطشانة
فغرت جانا شفتيها في صدمة ، ونظرت إليه بأعين فارغة غير مصدقة لما يقول و...
-جانا بصدمة : هه .......
-رامز مكملاً بنبرة متهكمة وهو يجز على أسنانه : أمك مفكرة نفسها واعية وأم العريف وهي بكلمة وقعت في المصيدة ، بس يا خسارة طلعت شحاتة رغم الهيلمان اللي وهمتني بيه ، أصل ابوكي فهمها صح ، لأ ولعبها كمان صح ، طلعها من المولد بلا حمص ، وانا اللي شربتها .. طلع معلم بصحيح .. بس الصراحة أما شوفتك عششتي في دماغك
تملك الرعب قلب جانا ، وخفق صدرها بقوة .. فنظرات رامز لها توحي بأنه يضمر لها شراً و...
-جانا بخوف شديد : آآآ...
حـــاصر رامز جانا في أحد أركان الغرفة ، ورفع ذراعيه عالياً وأسندهما على الحائط فأصبحت هي سجينته ..
أشاحت جانا بوجهها للناحية الأخــرى ووجهها ممتعض من قربه المقزز لها و....
-رامز بنبرة تهديد : متخافيش ، مش هاجي جمبك ، وقتك لسه مجاش ، وده بايدك تحدديه ، تعملي اللي هاقولك عليه هنبقى حبايب، هتعصيني ورحمة أبوكي ماهسيبك إلا وانتي هع هع هع هع ... شوفي انتي بقى !
-جانا بنبرة خائفة : طب.. طب.. انت عاوز ايه ؟
أرخــى رامز ذراعيه عن جانا ، وتراجع للخلف قليلاً ، ثم نظر إليها بنظرات صارمة و...
-رامز بنبرة صلبة : البسي الزفت ده وانزلي قابلي الناس اللي تحت كويس، ومتنسيش عيني عليكي يا حلوة ، انا عاوز اعمل شغل جامد في الحفلة دي ، عاوز أعوض خسارتي بسبب أمك
-جانا وهي توميء برأسها خوفاً : آآآ.. اوك
شعـــر رامز برغبته في الاقتراب مجدداً من جانا ، فهي فتاة مثيرة جميلة غير والدتها التي خدعته بثرائها ، فاقترب منها مجدداً ، وامسك بذراعيها ورفعهما عالياً وأسندهما على الحائط ، ثم مـــال برأسه على شعرها ، وبدأ يتشممها و...
-رامزبنبرة هامسة : بس تصدقي ، انتي عاملة زي التفاحة اللي استوت وطلبت أكلها
ارتجف جسد جانا فزعاً ، وبدأت تتلوى أمام رامز محاولة التخلص من قبضته ، في حين تلذذ هو بقربها منه و...
-جانا بنبرة باكية : بليز ابعد عني !
أرخـــى رامز ذراعيه عن جانا ، التي ظلت تجهش بالبكاء ، ثم مد يده وأمسك بخصلات شعرها وظل يلفها حول إصبعه و....
-رامز وهو يعبث بخصلة من شعرها بنبرة تهديد : هابعد يا حلوة بس متنسيش.. افردي وشك وتعملي بالحرف اللي أطلبه منك .. انتي فااااااااااااااااااهمة
-جانا وهي توميء برأسها في رعب : حاضر
.....
◘◘◘ نزلت جانا إلى الحفلة وهي ترتدي فستان أسود قصير يصل لفوق ركبتيها بقليل ، وعاري الكتفين ، ومفتوح الصدر ، فأبرز مفاتنها وجعل العيون كلها مسلطة عليها ،،،
شعرت سيلين بالفخر لن ابنتها أصبحت محط أنظار الجميع و..
-سيلين بفرحة وهي تشير بيدها : Com'n Jana .. This is my sweetheart, my baby girl ..
-أحد المدعوين وهو يصافحها : hello Jana, nice to meet you
-رجل أخر مبتسماً: Wow, you look gorgeous
-سيدة ما: Beautiful
-رامز وهو يفتح كلا ذراعيه : اووه جانا بيبي ، تعالي في حضني
جذب رامز جانا في أحضانه عنوة ، وأحاطها بذراعيه قسراً ، فشعرت هي بالاشمئزاز منه ، فمـــال على أذنها وهمس بـ ...
-رامز بنبرة هامسة : كده انتي في السليم ، استمري
-جانا بقرف وتأفف : طب سيبني بليز!
-رامز بنبرة مخيفة : مش بمزاجك
لاحظت سيلين احتضان زوجها لجانا لمدة طويلة و...
-سيلين متسائلة : ايه يا رامز هتفضل ماسك في جانا كده ؟
تدارك رامز الأمـــــر ، فوضع اصبعه على عينه وكأنه يجفف دموعه ، و..
-رامز بنبرة شبه باكية : مش مصدق ان بنتنا رجعت تاني لحضننا
-سيلين وهي تمط شفتيها : اووه بيبي ، You're so kind..
-رامز مبتسماً ابتسامة خبيثة من بين أسنانه : ثانكس dear
كانت جانا تشعر طيلة الحفل بالاشمئزاز ، وخاصة أن عليها أن تطيع أوامر رامز من حيث التعامل مع الغرباء بحرية تامة .. ، شعرت جانا أن تلك الأجواء لا تليق بها على الإطلاق ، لذا حاولت أن تستأذن و...،،،،
-جانا على مضض : مامي ، ممكن استأذن أطلع أرتاح فوق شوية
-سيلين باستغراب : لسه بدري جانا ، الحفلة مخلصتش
-جانا بتأفف : بس مامي ، الـ dressمضايقني
-سيلين بنبرة شبه عصبية : يووه ، خلاص جانا ارتاحي بس for 15 minutes.. اوك
-جانا بضيق : اوك مامي
◘◘◘ صعدت جانا إلى غرفتها وهي تبكي ، فهي مجبرة أن تتحمل وقاحة وقذارة رجل مثل زوج أمها ، في حين والدتها لا تعشق أي شيء في الحياة سوى المال والمستوى الاجتماعي المرموق ، فكيف ستحكي لها ما تعانيه وما تواجهه بمفردها ...
أغلقت جانا الباب خلفها ، ثم اتجهت إلى الفراش وألقت بجسدها عليه وهي تبكي بحرقة ، ثم اعتدلت بعد هذا في جلستها ، وجففت دموعها بأطراف أصابعها ، ونهضت عن الفراش واتجهت إلى الدولاب وأخرجت منه منامتها ، ووضعتها على الآريكة ، وقامت بتبديل ملابسها .. نظرت جانا إلى الباب فوجدت أنها لم توصده جيداً بالمفتاح ، لذا توجهت ناحيته لتوصده ولكن أوقفها صوت رامز وهو يتحدث في الخــارج و...
-رامز هاتفياً بحدة : ايوه ، انا عند كلمتي
-المتصل: ....................
-رامز بنظرات جادة : اطمن ، مش انت عينك منها ، خلاص أنا هظبطها
-المتصل: .........................
-رامز بتهكم وهو يمط شفتيه : أمها مين ، لالالالا ، البت هبلة وبتخاف
-المتصل: ..........................
-رامز وهو يشير بيده : بص ، هما كلهم في الحفلة تحت ، هات انت الشلة وانا مجهز تربيذة القمار ، والبت هتخدم علينا ..هههههههههههههههه ..
-المتصل: ...........................
-رامز محذراً وهو يغمز بعينيه : تلمسها بس مش اكتر من كده ، فاهم ، أه واهو كله بتمنه ، انا عاوز أعوض خسارتي !!!!
-المتصل: ..........................
-رامز مبتسماً بثقة : لأ متقلقش ، انا معرف سيلين اني عازم new businessmenعشان صفقات جديدة ولازم يكون الترحيب بيهم على مستوى عالي ، وانت فاهمني !!
-المتصل: .......................
-رامز بنبرة واثقة للغاية : بالظبط كده لو حتى فكرت انها تقول لأمها مش هتصدق، أيوه Money talks
-المتصل: ........................
-رامز وهو يوميء برأسه : deal ..يالا متتأخروش ، انا مستنيكم
فغرت جانا شفتيها في صدمة ، ونظرت أمامها غير مستوعبة ما سمعته للتو .. ، اذن فزوج والدتها ما هو إلا مقامر ولا يعبيء إن تاجر حتى بشرف ابنة زوجته ، ووالدتها كل ما تسعى إليه هو الأموال حتى لو على حساب ابنتها ..
إذن لن تجد من يصدق روايتها ، فلا بديل لجانا عن مواجهة هذا الرجل الوقح عديم الأخلاق ...
فتحت جانا الباب على مصرعيه فجــأة لينتبه رامز لها ويتفاجيء بوجودها ..
ابتلع رامز ريقه في توتر ، في حين نظرت إليه جانا بعينين مشتعلتين من الغضب و.. ،
-جانا بغضب شديد : انت انسان سافل وخسيس
-رامز بتوتر : ايييه ده ، انتي ، انتي هنا من امتى ؟؟؟
-جانا وهي تشير بيدها وبنبرة حــــادة : أنت أحقر انسان في الدنيا ، خدعت مامي وخدعتنا كلنا عشان الـ money و...ممممم
هجم رامز على جانا ووضع ذراعه خلف رأسها ، وباليد الأخــرى كمم فمها ، ومنها من الحديث ، ثم دفعها عنوة تجاه غرفتها و..
-رامز بنبرة صارمة : خشي جوه ، تعالي هنا
دلف رامز بجانا إلى داخل غرفتها ، ثم ألقاها بكل قوة على الفراش ، ونظر إليها بنظرات قاتلة ومخيفة و....
-رامز بنبرة تهديد : انتي فكرك هخاف اما تعرفي الحقيقة ، لأ يا شاطرة يبقى انتي متعرفيش رامز عبد الشكور
اعتدلت جانا في فراشها ، ونظرت إليه بتحدي ، ورغم شعورها بالخوف منه ، إلا أنها حاولت أن تستجمع شجاعتها قدر الإمكـــان و....
-جانا بنظرات متحدية : أنا هفضحك عند مامي وعندكل الناس ، وهبلغ عنك البوليس
ســــار رامز في اتجاه جانا ، ثم رفع ذراعه عالياً ، وصفع جانا بكل قوة و...
-رامز بنبرة قوية : اخرسي يا بنت الـ ....
وضعت جانا يدها على وجنتها ، ونظرت إليه بأعين لامعة وعلى وشك البكاء و...
-جانا بنبرة شبه مهددة : وكمان بتضربني ، انا هوديك في داهية
-رامز بنبرة واثقة وهو يشير بيديه : طيب اتفضلي وديني في داهية ، يالا أنا مستنيكي ، صوتي ولمي كل الناس ، وأنا هأقولهم بكل بساطة ان بنت الهانم مراتي بتغويني عشان أجي أوضتها وأعمل معاها علاقة
-جانا بخوف : آآآآ.. انت كداب
مد رامز كف يده وأمسك بفكي جانا في قبضته ، وضغط عليه بقوة وهو ينظر في عينيها بنظرات مخيفة و....
-رامز بنظرات مخيفة : شوفي مين هيصدقك ، وانا حجتي معايا ! طالع أناديكي تقابلي الضيوف وانتي عاملة الفيلم ده كله عشان تنفردي بيا ، والكل شايف أنا بعاملك ازاي قدامهم ، أنا بعاملك زي أبوكي ، لكن انتي هع ....
-جانا متآلمة : آه يا واطي
سحـــق رامز فكي جانا بين أصابع يده ، فتأوهت بشدة من الآلم و...
-رامز بتهكم : مش لايق عليكي جو البيئة ده
-جانا وهي تحاول ابعاد يده : آآآآآآه .. سيبني
أرخـــى رامز قبضة يده عن فكها، و...
-رامز بنبرة ساخرة : متجيش تعملي صايعة على واحد اتربى في الشوارع طول عمره
-جانا بنبرة مرتعدة : والله لأفضحك
-رامز وهو يمط شفتيه في تهكم : طب ما تيالا ، ها مستنية ايه ؟؟
تجمعت الدموع في حدقتي جانا ، وبدأت تنساب العبرات على وجنتيها و...
-جانا وهي تبكي : مش هسيب حقي
-رامز بابتسامة شيطانية : وأنا يا حلوة باخد حقي أول بأول
نظر رامز إلى جانا نظرات شهوانية ، راغبة في جسدها ، فقام بالهجوم عليها ، وإمساكها من ذراعيها ، وألقاها على الفراش ، وحاول أن يعتدي عليها ، في حين قاومته هي بكل ما تملك من قوة ، قامت بخربشته بأظافرها في وجهه ، فحاول هو تقبيلها عنوة في عنقها ، فدفعت وجهه بعيداً عنها بكلتا يديها ، وظلت تصرخ فيه ليبتعد ولكنه لم يعبيء بصراخها ، وظل يكمل اعتدائه عليها ، نظرت جانا حولها محاولة أن تجد شيئاً ما يساعدها في ضربه ، فلمحت الأباجورة الموضوعة على الكومود ، فحاولت قدر استطاعتها أن تمد ذراعها لتصل إليها ، وبالفعل أمسكتها ، وقامت بضربه بها بقوة على رأسه ، فصرخ هو متآلماً ، ونهض عن جانا و..
-رامز بنظرات مغتاظة : اه يا بنت الـ..... ، والله لأضيعك وأحسرك ع نفسك
وثبت جانا من على الفراش ، واتجهت للتسريحة وأمسكت بالعطر الخاص بها ورشته في اتجاه عينيه و...
-جانا بثقة : مش هيحصل.. فشششششش
-رامز متآلماً : آآآآآآآه ، عينيا .. آآآآآه
◘◘◘ لم يكن أمام جانا سوى خيار واحد فقط هو ترك ذلك المنزل فوراً ، وبالفعل قررت أن تهرب من النافذة بعد أن أخذت حقيبة يدها الموضوعة على مكتبها ، خشيت جانا ان يتهمها رامز بمحاولة قتله أو الاعتداء عليه ، فمن سيصدقها اذا أخبرتهم أنها بريئة ، فكل الشواهد ضدها .. هكذا ظنت جانا ...
خرجت جانا من النافذة بعد أن ارتدت حذائها الرياضي في قدميها ، ثم تسلقت سطح منزلها بحذر شديد ، وســارت عليه بخطوات سريعة إلى أن نجحت في الوصول إلى المدخل الخلفي للمنزل ، فوثبت على الحديقة الخلفية ، ونهضت عن الأرض ، واتجهت إلى الطريق العام ، وأسرعت بايقاف سيارة أجرة ..
ثم ركبتها وطلبت من السائق أن يتحرك فوراً ويوصلها إلى عنوان المنزل الذي تقطن به صديقتها كاتي ..
وهناك طلبت عمها حسين هاتفياً وطلبت منه مساعدتها في الخروج من لندن والعودة إلى القاهرة
وحينما عادت إلى مصر سردت على عمها ما حدث ، ولكنها أخفت الجزء الخاص بمحاولة رامز الاعتداء عليها خوفاً من أي تطورات قد تحدث وفضلت أن تغير من شخصيتها تماماً ، لقد عقدت العزم على ان تبتعد عن شخصية الفتاة الرقيقة أوروبية المظهر وتتحول إلى شخصية فظة ، وقحة ، بيئة في تعاملاتها مع الغرباء ، مستفزة مع من يتجرأ عليها ، كارهة لعالم الرجــال بأكمله فيما عدا والدها وعمها ..... ◘◘◘
....................
عودة إلى الوقت الحالي ،،،،،
أصغى عــز الدين بإنصات لكل كلمة قالتها جانا ، ثم مـــال عليها بجذعه ، وأحاطها بذراعيه وضمها إلى صدره و...
-عز بتنهيدة حــارة : ياااااااااااااااه يا جانا ، بقى كل ده حصل ومخبياه ، والواطي النجس رامز ده جاي بكل برود يسلم عليكي
-جانا بنبرة باكية : يــ.. يعني . انت ...انت مصدقني
أبعد عــز الدين جانا عن حضنه ، ومسح دموعها عن وجنتيها ،ثم وضع اصبعيه على طرف ذقنها ونظر مباشرة في عينيها و...
-عز بصوت رخيم : أيوه يا حبيبتي ، مصدق كل كلمة قولتيها ، وأقسم بالله لأجيبلك حقك منه الكلب ده
-جانا بخوف : بلاش يا عز ، انا خايفة عليك ، ده شراني ممكن يأذيك
-عز مبتسماً : بجد خايفة عليا
ارتبكت جانا ، ومدت يدها لتمسك بخصلة شعرها وأعادتها خلف أذنيها في توتر و...
-جانا بتردد: آآآ..
-عز بنبرة راجية : يا شيخة انطقي بقى لأجل النبي
-جانا بصوت خافت : أيوه بخاف عليك
-عز بشوق وهو مسلط بصره عليها : بس !!
-جانا بصوت أقل خفوتاً : ومش عاوزة حاجة تأذيك
-عز وهو فاغر شفتيه : ها .... ؟؟
-جانا وهي تتنحنح : احم .. آآ.. متبقاش طماع
-عز متهكماً : ليه يا بنتي منشفاها عليا ، حسي بيا يحس بيكي ربنا
-جانا مازحة : ما أنا أصلي ماشية بمبدأ شوق ولا تدوق !!
-عز وهو يعقد حاجبيه باستغراب : لا والله
-جانا وهي توميء برأسها: عشان متزهقش
-عز ساخراً : ايوه نظام ان كان حبيبك عسل متلحسوش كله
مدت جانا كف يدها لتضرب كف يد عز الدين في مزاح منها و...
-جانا بنبرة شبه فرحة : الله عليك يا برنس
-عز غامزاً : طب ممكن أدوق شوية عسل
-جانا بنظرات مصدومة : نعم !!
-عز بنبرة جادة : هااااا !! مش انا عملت اللي انتي عاوزاه
-جانا وهي توميء برأسها : ايوه
-عز وهو يشير بيده : وكان المقابل تنفذي شروطي
-جانا بتردد: آآآ.. مـ... مظبوط
-عز مازحاً : طب انا عاوز شوية عسل
-جانا بنبرة شبه غاضبة : وأنا أجيبهولك منين الوقتي؟
-عز باستغراب : أفندم ؟
-جانا بضيق : معنديش والله برطمان عسل
-عز بنبرة منزعجة : انتي غبية أبت !
-جانا بلؤم وهي تغمز بعينها : لأ بستغبى
-عز بنظرات مغتاظة : طيب !!!
نهض عز الدين عن الفراش ، ثم ســـار في اتجاه باب الغرفة ، وقام بإغلاقه ، ونزع التي شيرت الذي كان يرتديه ، ونظر إلى جانا بنظرات مشتاقة و...
-عز بلؤم: انتي قولتلي رامز بوز الاخص ده حاول يقرب منك ازاي ؟
لاحظ عـــز الدين ارتباك جانا ، وامتعاض وجهها ، وتبدل ملامحه للقلق والتوتر .. فحـــاول أن يهديء من روعها ويبث فيها الطمأنينة و...
-عز وهو يشير بيده ، وبنبرة رخيمة : متخافيش أنا عاوز أعرف بس عشان أحاسبه بضمير !!
جذبت جانا عزالدين من ذراعه ناحيتها قليلاً ، وبدأت تحاكي معه ما حدث من قبل معها و..
-جانا بصوت مضطرب : كدهون
-عز وهو يقترب منها : زي كده يعني
-جانا وهي تهز رأسها : لأ قرب كمان
-عز وقد التصق بها : كده
-جانا وهي توميء برأسها بصوت خافت : ايوه بالظبط
-عز بضيق : الله يخربيتك أرامز !!
أحـــاط عز الدين جانا بذراعيه ، وضمها إلى صدره ، وأسند رأسه على كتفها و....
-جانا باستغراب : انت بتعمل ايه ؟
-عز وهو يحاوطها بذراعيه: بقدر المسافات
-جانا بنظرات متعجبة : بس هو معملش كده
-عز بضيق : الله يحرقه ، انا جوزك سيبني أحسبها صح
-جانا على مضض : طيب انجز
-عز وهو يمط شفتيه في انزعـــاج : يجيلك ويحط عليك أرامز يا بوز الاخص
-جانا متسائلة : ها خلصت ؟؟
أوميء عز الدين برأسه ، ثم أرخى ذراعيه عن جانا ، وابتعد عنها عدة سنتيمترات ، ونظر إلى وجهها وتأمله بأعين مشتاقة .. ثم مـــال برأسه على وجهها ، وقبلها قبلة رقيقة على وجنتها و...
-عز وهو يقبلها على وجنتها : طب هو باسك كده
-جانا بصوت خافت : لأ
مـــال عز الدين برأسه على وجنتها الأخرى وقبلها منه قبلة أخرى رقيقة وعذبة و..
-عز بصوت خافت : طب هنا؟
-جانا بنبرة ناعمة : لأ
رفع عز الدين رأسه قليلاً ثم قبلها على جبينها و...
-عز متسائلاً وبنظرات مشتاقة : طب كده؟
-جانا وهي تهز رأسها نافية : أبداً محصلش !!
-عز وهو يقترب من شفتيها : طب .. طب.. هنا
-جانا بهمس : لـ...لأ
وبالفعل قبّل عز الدين جانا على شفتيها بعد طول انتظار قبلة مطولة وعذبة ، تذوق كلاهما فيها الحب الذي كانا يطمعان فيه بشغف ، ذابت التوترات ، واختفت الارتباكات بينهما ، وسرحا للحظات في عالم خاص بهما إلى أن قاطع تدفق نهر الحب هذا صوت رنين هاتف جانا ..
ابتعدت جانا على الفور عن عز الدين، ونظرت إليه بخجل شديد واكتسى وجهها بحمرة الخجل ، في حين شعر عز الدين بالضيق و...
-عز بضيق : الله يحرقه ، وده وقته !!
-جانا وهي تتنحنح : آآآ.. سوري
-عز بنبرة حانقة : شوفي مين ، الهي ما تتهنى يا بعيد !
نظرت جانا في شاشة هاتفها المحمول لتجد أن المتصل هي دينا و...
-جانا وهي تمط شفتيها في دهشة : اوووه دي دينا
-عز بهمس : ربنا ياخدها
-جانا متسائلة : بتقول حاجة ؟
-عز على مضض: بقولك شوفيها عاوزة ايه...........................!!
#الحلقة_55
في فيلا عز الدين وجانا ،،،
امتعض وجـــه عز الدين حينما قطع رنين هاتف جانا لحظاتهما الرومانسية معاً ..
أجابت جانا على اتصال دينا و...
-جانا هاتفياً بنبرة فرحة : هاي دينا وحشتني كتير
-دينا هاتفياً وهي تبتسم : انتي اكتر ، احنا عرفنا انك موجودة فــ...هنجيلك
-جانا وهي ترفع حاجبيها : بجد ؟؟ انا مستنياكو ع نار
سمعت جانا زوجة عمها ، وهي تحاول أن تأخذ الهاتف من يد دينا لكي تتحدث إليها و..
-سهير بحدة : اوعي يا دينا خليني أكلم جوجو حبيبتي ..
أمسكت سهير بالهاتف لتكمل هي المكالمة و...
-سهير هاتفياً بنبرة فرحة : ألو ، ازيك يا عروسة
-جانا مبتسمة بخجل : هاي أنطي ، وحشاني موووت
-سهير متسائلة بابتسامة سعيدة : انتي اكتر يا حبيبتي ، اخبارك ايه ، طمنيني عليكي، ها بتاكلي كويس ، عز بيعاملك كويس ، طمنيني ؟؟؟
-جانا وهي تنظر إليه : الحمدلله .
-سهير غامزة : كلنا هنعدي عليكي النهاردة أخر النهار وتحكيلي بالتفصيل بقى عملتوا ايه
-جانا ببراءة : تنورونا يا أنطي
-سهير وهي تهز رأسها : خلي بالك يا حبيبتي من نفسك
-جانا بصوت خافت : حاضر أنطي
..........
وفي نفس التوقيت رن هاتف عز الدين أيضاً ، فأمسك به لينظر إلى اسم المتصل ، فوجده ياسين ، فأجـــاب عليه و....،،،
-ياسين هاتفياً مازحاً : مش هاقولك غير وااااالعة
-عز هاتفياً بنبرة متهكمة : الله يخربيت فقرك ، دكر !!
-ياسين غامزاً : ايوه ياعم ، اخزي العين عنك
-عز بنبرة راجية : أبوس ايدك ارحمني من أرك شوية ، أنا مش عارف أعدي level البوس
-ياسين بنبرة مازحة : بلاش أوفرة يا عمُنا تلاقيك وصلت لمرحلة Game Over.. هنياله
-عز بنبرة جـــادة : أنا عارفك مش هخلص منك النهاردة ، انجزززز عاوز ايه
-ياسين بنبرة هادئة : يا عم بسأل عليك
-عز باقتضاب : مشكرين
-ياسين متسائلاً : انت جيت ولا لسه؟
-عز على مضض: لأ ياخويا موجود ، وبعدين الجماعة عاملين كبسة علينا النهاردة
-ياسين باستغراب : جماعة مين ؟
-عز وهو يمط شفتيه في ضيق : الحاج والحاجة ، وحمايا وعيلته
-ياسين بلهفة: ايه ده المزة جاية
-عز وهو يعقد جبينه في تسائل : مزة مين ؟؟؟
-ياسين ببراءة : دينا
-عز بنبرة جـــادة : أكيييد ، ما هي كانت بتكلم جانا من شوية
-ياسين بنبرة سعيدة : طب أنا عازم نفسي عندك النهاردة
-عز بضيق : لأ احنا مش فاضيين ، فوت علينا يوم تاني
-ياسين بنبرة حماسية : بطل بقى برود ، انا مش جاي عشانك ، انا جاي لمزتي
-عز مازحاً : ماهو عشان كده بقولك احنا شطبنا ، قافلين
-ياسين بنبرة ساخرة : بقولك ايه ، انت شوية وهتلاقيني فوق دماغك ، لأ خلاص أنا وصلت، افتح الباب أنا برن الجرس أهوو ...
أغلق ياسين الهاتف وأنهى المكالمة دون أن ينتظر الرد من عز الدين و...
-عز بنبرة حادة نسبياً : ولـــه ، استنى .. ياباي عليك، ده انت لزقة بغرة!!!
التفت عــز الدين بجسده إلى جانا ، فوجد أن حمــرة الخجل مازالت تعلو وجنتيها ، فابتسم لها و...
-جانا بصوت ناعم : بقولك عمي وأنطي ودينا جايين النهاردة
-عز بنبرة هادئة : ما أنا عارف
-جانا متسائلة وهي ترفع أحد حاجبيها في استغراب : عرفت منين ؟
-عز بنبرة عادية : بابا اتصل بيا وبلغني ان هو كمان جاي ومعاه ماما وعيلتك برضوه
-جانا وهي توميء برأسها : اوكي
ســـارت جانا نحو التسريحة وهي تتمايل في خطواتها ، فتابعها عز الدين ببصره وعلى وجهه ابتسامة سعادة ..
أسندت جانا هاتفها المحمول على التسريحة ، ونظرت إلى هيئتها في المرآة ، وأخذت تعدل من خصلات شعرها المتبعثرة ، فتفاجئت بعز الدين يقف خلفها و...
-عز بنظرات مشتاقة : احنا كنا بنقول ايه قبل ما شركة مصر للاتصالات تفتح فرع عندنا؟
-جانا بتوتر: آآآ.. مكوناش بنقول حاجة
مد عز الدين ذراعيه ، وأحــــاط جانا من الخلف وضمها إلى صدره ، والتصق بها و...
-عز بصوت رخيم : لأ .. افتكري كده ، كنا بنتكلم عن النحل والعسل والـآآآ...
أدارت جانا رأسها قليلاً لتنظر إلى عز الدين الذي كان يرمقها بنظرات مشتاقة لتذوق أنهر الحب من على شفتيها ..
أخفض عز الدين بصره وظل يتأمل شفتي جانا ، ثم مال برأسه ناحيتهما ، وقبلهما قبلة رقيقة ومطولة و...
-عز بصوت هامس : هاااا.. افتكرتي ؟
اشتعلت وجنتي جانا مجدداً بلهيب العشق ، و...
-جانا وقد احمرت وجنتيها : هه ... آآآ..
كان عز الدين على وشك تقبيل جانا مجدداً ولكن أوقفه صوت شخص ما يقرع الجرس بالأسفل .. فانتفضت جانا فزعاً ، وابتعدت عن عز الدين ورمقته بنظرات خجلة .. ثم ركضت ناحية باب الغرفة ، ودلفت خارجها ، بينما وقف عز الدين في مكانه يزفر في ضيق و....
-عز بنرفزة ونبرة متهكمة : أشق هدومي يا ناس ، مش عارف أعد مع مراتي شوية لا في بيت ولا في مصيف ولا في أي حتة ، جوازة فـــــقر ، منظورة من كل الاتجاهات !!!!
ركض عز الدين خلف جانا ، ثم أوقفها عند الدرج و...
-عز وهو يشير بيده : استني يا جانا ، انا هشوف مين
-جانا وهي توميء برأسها : طيب
نزل عز الدين على الدرج ، في حين عادت جانا إلى غرفة نومهما ، وما إن وصل عز الدين للأسفل حتى وجد الخادمة تتجه لفتح الباب فطلب منها الانصراف و...،،،
-عز بنبرة جادة : روحي انتي يا دلال ع المطبخ ، انا هشوف مين
-دلال وهي مطرقة الرأس : حاضر يا بيه
ســـــــار عز الدين إلى باب الفيلا بخطوات سريعة ، ثم أمسك بالمقبض وأداره ليفتح الباب فيتفاجيء بعائلته أمامه ، و...
-يوسف مبتسماً : انت اللي بنفسك فتحلنا يا عريس
-عز باستغراب : بابا حبيبي ، ازيك
-عايدة مازحة : ومافيش ازيك يا ماما؟
-عز مبتسماً ابتسامة عذبة : ودي تيجي يا ست الكل ، ازيك يا أمي منوراني والله
-عايدة وهي تضع يدها على وجنته : حبيبي وشك منور والله ، الظاهر ان الجواز جه على صحتك هههههههه
-عز وهو يعض على شفتيه في تهكم: اه واضح ، انتي مش شايفاني متاخد على طول يا امي !!!
-يوسف متسائلاً : ايه يا بني ، هنفضل واقفين ع الباب كتير
فتح عز الدين الباب على مصرعيه ، ونظر إلى والديه بنظرات ممتنة و..
-عز وهو يشير بيده : لأ اتفضلوا ده بيتكوا يا بابا ، اتفضلوا
دلف والدي عز الدين إلى الداخل ، فكان هو على وشك غلق باب الفيلا إلا أنه تفاجيء بالمهندس حسين وعائلته وهم يقفون على مدخل الفيلا ، فابتسم لهم و....،،
-عز مازحاً : لأ مش معقول ، انتو مظبطين سوا بقى
-حسين مبتسماً بفرحة : طبعااااا ، حبيبي يا عريس ، منور والله
امــال حسين على عز الدين قليلاً ليحتضنه ، ثم ربت على ظهره و...
-عز وهو يحتضنه : ده نورك يا عمي ، اتفضل
-حسين وهو مطرق الرأس : شكرااااا يا بني
أطلقت سهير الزغاريد وهي تدلف إلى داخل الفيلا و...
-سهير بسعادة : لوووولوووولي ، الف مبرووووك يا عريس
-عز مبتسماً : الله يبارك فيكي يا طنط ، اتفضلي حضرتك
-دينا بنبرة خافتة : مبروك يا عز
-عز مبتسماً وبنبرة هادئة : الله يبارك فيكي يا دينا ، عقبالك ان شاء الله
وفجـــأة ظهر ياسين أمامهما ، وعلى وجهه علامات الفرحة الشديدة و....
-ياسين من الخلف بنبرة عالية وهو يرفع يديه بالدعاء : يــــــــــــــــا رب ، أنا وهي في يوم واحد
-عز بتهكم : اعوذو بالله ، بيطلعوا امتى دول ؟؟
وقف ياسين إلى جوار دينا ، ثم ظل يحدق بها ، ويتأملها بنظرات رومانسية حالمة .. ولم يرفع بصره عنها رغم حديثه مع عز و...
-ياسين وهو ينظر لدينا بصوت رخيم محمل بالتنهيدات الحــارة : هييييح ، وحشتني أوي يا عز، مشوفتكش من زمن أعز ، منور والله أعز ، يخربيت جمالك أعز ، ده انا هموت عليك آعز .. آآآه
أدرك عز الدين ما يرمي إليه ياسين ، فقرر أن يمازحه قليلاً و..
-عز وهو يعقد حاجبيه في استغراب : ايه يا عم كل ده ، ده انت لسه قافل معايا الخط ، ولا جالك زهايمر
-ياسين وهو مازال محدقاً بدينا : يااااه ، ده انت طيعم أوي يا عز
وضع عـــز الدين يده أمام بصر ياسين حتى ينتبه إليه و...
-عز لياسين : ياهوو ... انت يا بني ، خليك مركز معايا !!!
-ياسين وهو يتأمل دينا بتمعن شديد : ما أنا مركز أهو ..
تنحنح ياسين واقترب من دينا قليلاً و...
-ياسين وهو يتنحنح بصوت شبه خافت : ازيك يا آنسة دينا
-دينا مبتسمة بخجل : هاي
صمت الجميع ، وظل ياسين محدقاً بدينا ، وينظر إليها بأعين متلهفة لرؤيتها وعلى وجهه ابتسامة بلهاء ، في حين أطرقت دينا رأسها في خجل ، وظلت تعبث ببعض خصلات شعرها وهي تعض على شفتيها في حياء ..
راقب عــز الدين ما يحدث ، ووزع بصره بين الاثنين ، فطـــال الأمر ، وظل التحديق هو سيد الموقف ، مما جعل عز الدين ...
-عز بضيق : احنا هنقضيها ع الباب خشوا بقى جوا انتو الجوز
-ياسين متسائلاً بصوت خافت : عاملة ايه؟
-دينا بنبرة هامسة : Fine
-ياسين مازحاً : يالهوي يامه ع فاين بتاعتك دي ، ناعمة وقوية وكلها حنية !!
وفجــــأة سمع ياسين صوت شخص ما يصدح من الداخل ، فانتفض فزعاً و...
-حسين مقاطعاً : دينااااااااااااا
-ياسين بفزع : أعوذو بالله من الخبث والخبائث
-حسين متسائلاً في ضيق : بتعملي ايه عندك كل ده ؟
-دينا بارتباك : nothing دادي
رأى المهندس حسين ياسين أمامه ، فرمقه بنظرات غريبة ، ثم وضع يده على طرف ذقنه ليحكها قليلاً و ...
-حسين وهو يحك فكه : آآ.. أنا شوفتك فين قبل كده ؟
-ياسين بضيق واضح : أنا زفت الطين رأفت ، قصدي المهندس ياسين رأفت صاحب عز ، أبوس ايدك يا عمي احفظني !!!
-حسين وهو يعيد رأسه للخلف : أها .. معلش يا بني ، يالا يا دينا
-دينا وهي توميء برأسها ايجابياً : اوكي
وضع حسين يده على ظهر ابنته دينا ، ثم ســار معها للداخل ، في حين وقف ياسين في مكانه يتابعهما وعلى وجهه علامات امتعاض واضحة ..
-عز بتهكم : اتنيل خش يا سينو
-ياسين وهو يمط شفتيه في غضب : ما أنا متنيل أهو
........................
جلس الجميع في غرفة الصالون ، وتبادلوا التحية والترحاب و...
-سهير متسائلة : أومال فين العروسة ؟
-دينا وهي تنهض من على الأريكة : انا هطلع أشوفها
-عايدة وهي تشير بيدها : سيبوها على راحتها خليها تجهز
-ياسين مازحاً : ههههههههه مجمعين عند النبي يا جماعة
-يوسف مبتسماً : أه والله
-حسين بنبرة فرحة : الواحد مش عارف يقول ايه ، بس الحمدلله ان كلنا أعدين سوا النهاردة
-عز بابتسامة هادئة : والله البيت نور بوجودكم .. عن اذنكم لحظة !
استأذن عز الدين بالنصراف ، وترك الجميع يتسامرون سوياً في غرفة الصالون ، ثم ســـار هو ناحية المطبخ ،و دلف إلى داخله ، وتوجه ناحية الخادمة دلال التي كانت مشغولة بإعداد صواني الحلوى والمشروبات ، فطلب منها أن ....
-عز لدلال وهو يشير بيده : دلال بسرعة طلعي حاجة ساقعة للبهوات اللي بره
-دلال وهي توميء برأسها : حاضر يا بيه
-عز مؤكداً : ومتنسيش الجاتوه والشيكولاته
-دلال وهي تشير بعينيها: أوامرك يا بيه
دلف عز الدين خـــارج المطبخ ، ثم اتجه ناحية الدرج ، وأمسك بالدرابزون ، وصعد عليه ليرى جانا التي كانت تعد نفسها لاستقبال العائلتين
وقف عز الدين على باب الغرفة يتأمل جانا و...
-عز بنبرة رومانسية : وعزة جلال الله ما ينفع كده
-جانا مبتسمة بخجل : ايه في ايه؟
-عز بابتسامة عريضة : يخربيت حلاوتك
شعرت جانا بالاحراج من غزل عز الدين الصريح لها ، فأطرقت رأسها في خجل ...
ارتدت جانا فستاناً قصيراً من اللون القرمزي ، عـــارى الصدر والكتفين ، أظهر جمـــال ونعومة بشرتها البيضاء ، ثم مشطت جانا شعرها وجمعته كله على كتفها الأيسر وتركته ينسدل عليه حتى غطى صدرها .. ووضعت حول عنقها عقداً رقيقاً من اللون الفضي
ظل عز الدين يرمقها بنظراته المتلهفة على التمتع بجمالها الآخـــاذ و...
-عز بصوت خافت : انا رأيي نطنش الناس اللي أعدة تحت ، ونسيبهم ملهيين في الجاتوه ، ونكمل المباحثات والمشاورات بتاعتنا
-جانا باستغراب وصوت ناعم للغاية : مباحثات ايه ؟
-عز غامزاً : المباحثات يا جانا ، أنا مش عارف بتنسي بسرعة ليه!!
ثم اقترب عز الدين من جانا ، وهو يفتح ذراعيه وكان على وشك احتضانها ، ولكنها دفعته بيديها بكل رقة و..
-جانا بدلال : حاسب بقى كده أنا هتأخر عليهم
أمسك عز الدين جانا من معصمها ثم جذبها بكل قوة إلى أحضانه ، وأحاطها من الخلف بذراعه ، وقربها إلى صدره و...
-عز وهو يمط شفتيه في ضيق : يوووه ، ما أنا ملطوع بقالي كام يوم ، خليهم يستنوا يعني هيخسوا
تلوت جانا في أحضــان عز الدين محاولة أن تتخلص من قبضته ، ولكنه لم يكن ليفلتها بسهولة ..
-جانا برقة: عز .. بليز بقى
-عز بتنهيدة حـــارة : يااااا خرابي ، انتي مش ناوية تجيبها لبر معايا
أطرقت جانا رأسها في خجل ، فإزدادت رغبة عز الدين بها ، ولكنها حاولت منعه من الاستمرار في مداعبتها و...
-جانا برقة ودلع : الله بقى ..
قامت جانا بدفع عز الدين من صدره بيديها ، فتركها تبتعد عنه وعلى وجهه نظرات الرغبة .. ولكن ليس باليد حيلة ..
-عز بتنهيدة : ياااااااااااه ... أكتر من كده وهنفجر !
..........
نزلت جانا على الدرج ، ثم توجهت إلى غرفة الصالون ، ودلفت إلى الداخل فرحب الجميع بها ، ونهضت سهير عن الآريكة واحتضنها بحنان بالغ و...
-سهير وهي تقبل جانا: وشك ولا القمر يا عروسة ، وحشتني يا بنتي ، موووووه ، لولوووولي
نهض حسين هو الأخر من على الأريكة ومد ذراعه ليصافح جانا ، ثم قربها إليه واحتضنها بحنية أبوية و...
-حسين وهو يحتضنها : ماشاء الله يا حبيبتي ربنا يحميكي
-جانا مبتسمة : الله يخليك يا أنكل
ابتسمت عايدة لجانا ، وصافحتها برقة ومالت عليها برأسها لتقبلها على وجنتها و...
-عايدة وهي تقبلها: منورة يا عروستنا يا قمر
-جانا بخجل : ميرسي يا أنطي
ثم انحنت جانا قليلا برأسها حيث قبلها يوسف على جبينها و...
-يوسف بنبرة هادئة : ازيك يا جانا يا بنتي
أمــا دينا فقد كانت تقف وتنتظر دورها للترحيب بجانا بسعادة بالغة وما إن وصلت إليها جانا حتى مدت ذراعيها وأخذتها في أحضانها ، واحتضنتها بقوة و.....
-دينا وهي تحتضنها : وحشتني أوي يا جوجو
-جانا بنبرة فرحة : You too Dodi
ابتسم ياسين إلى جانا ، ثم التفت برأسه لدينا مجدداً و...
-ياسين: نورتي بيتك آعروسة ، عقبالك ياللي في بالي
-جانا بخجل: ثانكس يا جماعة
وقف عز الدين في الخلف يراقب الجميع وهم يهنئون جانا و...
-عز مازحاً : مافيش حاجة ليا
-عايدة بنبرة هادئة : يا بكاش ، مش لسه مسلمين عليك
-ياسين وهو يشير بيده : الله !! مش لسه عاملك زفة بره يا زيزووو
ادعت سهير رغبتها في رؤية الفيلا وأثاثها ، ولكن كان هدفها غير هذا تماماً .. فكانت تلك هي الحجة الأنسب لكي تنصرف مع جانا دون أن تشعرها بالحرج و...
-سهير وهي تتنحنح : احم .. آآآ.. تعالي يا جوجو فرجينا على الفيلا بعد ما نورتيها
لم تفهم جانا ما الذي ترمي إليه زوجة عمها لذا ...
-جانا مبتسمة : اوك يا أنطي ، يالا يا دينا ، بليز أنطي ديلة تعالي معانا
-دينا بنبرة فرحة : شوور
-عايدة وهي تنهض عن الأريكة: اكيد طبعا
-سهير وهي تمط شفتيها : اتفضلوا ، اتفضلوا
انصرفت النساء من غرفة الصالون ، في حين بقي رجـــال العائلتين معاً و...
-عز مبتسماً : منورين
-يوسف وهو يهز رأسه : ده نورك يا بني
-حسين بصوت خافت : الله يكرمك يا بني
أمـــال ياسين على عمه حسين قليلاً بجذعه ، ثم اقترب من أذنه و...
-ياسين هامساً ليوسف: مش ناوي بقى يا أبوعز تظبطني
-يوسف بصوت خافت : مش وقتك ، احنا جايين نبارك ونهني لعز
-ياسين وهو يمط شفتيه في انزعاج : يادي عز ، مش هتكلم الجدع بقى والله أنا هحليلك بؤك وهجيبلك تورتة بحالها !
-يوسف وهو يلكزه في جانبه : اتلم يا سينو
-ياسين وهو يلوي فمه في تهكم : انا قربت أخلل جمبكم ، ستروني بقى
اقترب حسين قليلاً من عز الدين ، ثم مــال برأسه قليلاً ناحيته و...
-حسين هامساً لعز: ايه الاخبار ؟
-عز بصوت خافت : أمها وجوز أمها جوم النهاردة عندنا
انتفض حسين فزعاً حينما سمع عبارة عز الدين الأخيرة ، وانتصب في جلسته ، ثم نظر إليه بنظرات متفحصة و..
-حسين بنبرة منزعجة ومضطربة : ايه ؟؟ بتقول ايه ؟؟؟؟
-عز على مضض : ده اللي حصل يا عمي بس أنا زحلقتهم
-حسين بتنهيدة ارتياح : خير ما عملت ...
صمت حسين قليلاً ونظر إلى عز الدين بنظرات جديدة ، ثم أطرق بالحديث مجددا ً و..
-حسين بنبرة جـــادة : عز يا بني
-عز بنظرات ثابتة : أيوه يا عمي
-حسين محذراً : خد بالك منهم ، العالم دول أبلسة وشياطين ، ممكن يعملوا أي حاجة عشان خاطر الفلوس ومتفرقش معاهم جانا
-عز بضيق : ما أنا عارف
-حسين متسائلاً وهو يعقد حاجبيه في استغراب : عارف ايه ؟
-عز بجدية : عارف كل حاجة ، جانا قالتلي
-حسين بعدم فهم : قالتلك ايه بالظبط ؟؟؟؟
-عز وهو يزفر في ضيق : قالتلي ع الحكاية كلها من الألف للياء
-حسين بنبرة جادة : يعني عرفت بأن جوز أمها بتاع قمار وبيعمل صفقات مشبوهة وورطت سيلين معاها وكان ناوي يضحك ع عاصم اخويا الله يرحمه
-عز وهو يوميء برأسه : أه .. وأكتر من كده كمان
-حسين بقلق : هو في تاني ؟؟
-عز بضيق واضح : هو أنت متعرفش أن رامز كان عــآآآ........
لم يكمل عز الدين عبارته الأخيرة ، حيث قاطع المهندس يوسف حديثهما ، ونظر إليهما بنظرات متأملة و...
-يوسف مقاطعاً بمزاح : بص يا سحس ياخويا لأحسن الواد ياسين ده عملي كالو في دماغي
-حسين باستغراب : خير يا جوو
-يوسف مبتسماً : من الاخر كده عاوزين نطلب ايد بنتك الآنسة دينا لياسين ده
-حسين متسائلاً : ياسين مين ؟؟
-ياسين على مضض وبنبرة منزعجة : أنا يا عمي ، أنا رأفت ، قصدي ياسين رأفت ، مهندس وصاحب عز وشوفتني يجي 7 تلاف مرة مع بنتك وبتسألني نفس السؤال ، فأبوس ايدك افتكرني بقى .. مش معقول الملامح المسمسمة دي تتنسى
صمت حسين للحظـــات ، وظل يتأمل ياسين ويوسف دون أن يبدي تعبيراً واضحاً ، و..
-حسين بنبرة هادئة : والله انت فجأتني يا يوسف ، يعني سيبني كده أد يومين تلاتة أسأل عنه
أخرج ياسين ورقة ما مطوية من جيبه ، ثم مد يده بها وأعطاها لحسين و...
-ياسين بنبرة مازحة : أنا معايا الـ CVبتاعي اهو ، اتفضل يا عمي اقراه
-يوسف باستغراب : هو أنت جاي تقدم على وظيفة
-ياسين بتهكم : لأ أنأح من كده ، بأقدم على جواز
-حسين بنبرة أكثر جدية : طيب سيبلي الملف بتاعك وهدرسه
-يوسف بهزار: ههههههه هو ملف صفقة
-حسين ضاحكاً : هههههههههههه لأ ملف جواز ، وبعدين لازم أخد رأي أمها ، والأهم من ده كله رأي العروسة نفسها ..
رفع ياسين يديه وبصره إلى السماء و...
-ياسين بنبرة راجية : ياااااااااااا رب اجعل في وشي القبول ويأشر عمي حسين على طلبي بالموافقة
-عز غامزاً : أيوه ياعم جاي تظبط نفسك عندي
-ياسين وهو يفرد كفي يده في وجهه : الله اكبر ، ومن شر حاسد إذا حسد !!
-عز بتهكم : بقى انا اللي هحسدك ، اومال انت عامل فيا ايه ؟؟؟
-ياسين مازحاً : أنا عارف نفسي بأر وبحقد وبنق عليك ، فعشان كده هكبر في وشك
-عز وهو يرفع يده للسماء : يا رب أشوف فيك يوم يا سينو ، وتدبس زيي
-ياسين مبتسماً : يسمع من بؤك ربنا ، واتدبس في دينا مزة المزاميز
-حسين بحدة : نعم بتقول ايه ؟
-ياسين بصوت خافت : آآآ.. بقول يا عمي لو وافقت هجيب فرقة مزامير
-حسين وهو يعيد رأسه للخلف : أها بحسب ، أصل سمعت حاجة تانية
-ياسين وهو يشير بيده : مش انا ده عز !
-عز بحنق : الله يخربيتك هتلبسني نصيبة
-ياسين وهو يشير برأسه : مانا مش هلبس لوحدي
-عز وهو يلوي فمه : أصيل يا بن رأفت
-ياسين وهو يضع يده على رأسه : الله يكرم أصلك يا زيزووو ، دايما مغطي عليا
...............
في غرفة النوم ،،،
أرادت سهير أن تتخلص من دينا حتى تتمكن من الحديث مع جانا بحرية تامة لذا ....
-سهير بلهجة آمرة : انزلي يا دودي هاتلي مياه من تحت.
-دينا باستغراب : طب ما المياه هنا !
-سهير وهي تشير بيدها : لأ دي سخنة ، هاتلي مياه من التلاجة
-جانا وقد نهضت عن الفراش : ثواني أنطي أجيبهالك أنا
أمسكت سهير جانا من ذراعها ، ثم جذبتها بقوة لتجلس على الفراش بجوارها و....
-سهير بحدة : لأ دينا هي اللي هتنزل
-دينا وهي تزم شفتيها في استغراب : ممممم... شكلك بتوزعيني يا مامي
-سهير بنظرات حادة : بس يا بنت ، هو انا عشان عاوزة أشرب مياه ساقعة هتعمليلي فيلم؟؟
-دينا غامزة : اوك يا مامي ، هجيبهالك ساقعة ومشبرة كمان
-عايدة ضاحكة : هههههههههههه مالكيش حل يا دودي ، استني أنا هاجي معاكي
-دينا مبتسمة : أوك يا أنطي ديلة
دلفت كلاً من عايدة ودينا إلى خـــارج الغرفة ، في حين نظرت سهير إلى جانا بنظرات متسائلة و...
-سهير لجانا : اخبارك ايه يا عروسة؟
-جانا وهي تهز كتفيها : تمام
-سهير وهي تعض على شفتيها : آآ... أقصد مع عز
-جانا بعدم مبالاة : كويسة
-سهير وهي تشير بيدها : يا بنتي ركزي معايا ، كله تمام ، حصل يعني ؟
-جانا بعدم فهم: ايه اللي حصل ؟
-سهير بضيق : ياني يا ولاد ، انتي مش اتجوزتي عز
-جانا وهي توميء برأسها : ايوه مش قصادكوا يوم ما عملنا الفرح
-سهير متسائلة : ايوه ، وايه اللي بعد الفرح ؟؟؟؟
-جانا بنبرة عادية : روحنا البيت
-سهير وهي تشير بعينيها : ها .. وبدين!
-جانا وهي تمط شفتيها في براءة : بس .. Full stop
-سهير بتهكم وهي تشير بيدها : لا والله ، مافيش حاجة بعد كده !!
-جانا بجدية : لا والله أبداً يا أنطي ، أكلت ونمت وبعدها سفرنا ورجعنا
-سهير بصوت خافت : يعني هو مقربش منك ؟؟؟؟؟
-جانا بتردد : آآ...الصراحة يا أنطي هو قرب مني !
-سهير بنبرة فرحة : طب كويس أوي وأنتي عملتي ايه معاه؟
-جانا بكل ثقة: ضربته وزعقتله وشتمته كمان ، ايه رأيك ؟
كادت سهير أن تجن من تصرفات جانا الغير مبالية والغير عابئة بمتطلبات زوجها و...
-سهير بفزع : يالهوي يااااني !! أصوت ويقولي سهير اتجننت، في عروسة تعمل كده مع عريسها
-جانا باستغراب : وأنا عملت ايه بس يا أنطي؟
-سهير على مضض : عملتي بلاوي سودة طبعاً ، ده كويس انه مستحملك ، والحمدلله أن مامته مش هنا كان زمان فضيحتك بجلاجل
-جانا وهي تزفر في ضيق : اوووف بقى.
-سهير وهي تنظر إليها بنظرات جادة : متقنعنيش انك مش عارفة العروسة بتعمل ايه مع عريسها ليلة دخلتهم !!
أطرقت جانا رأسها في خجل ، هي فهمت ما ترمي إليه زوجة عمها ، ولكنها لم تكن تحبذ أن تتطرق إلى هذا الحديث بسبب تجربتها السابقة مع زوج أمها ، وما تسبب فيه من أثر سلبي على نفسيتها جعلتها تبغض ان يقترب أي رجل منها حتى لو كان هو زوجها و..
-جانا بخجل: انطي بليز ، أنا بتكسف.
-سهير بنبرة جــادة : لأ يا حبيبتي ، ده حق الزوج الشرعي ، وكويس أوي انه ساكت وراضي وصابر عليكي كمان.
-جانا بنبرة منزعجة : هو غصب يعني؟
-سهير بنبرة هادئة : لأ مش غصب ، بس لما الزوجة بتمتنع عن زوجها بترتكب ذنب ومعصية.
-جانا وهي تشيح بوجهها للناحية الأخرى : أنطي أنا لسه مخدتش عليه.
-سهير بصوت خافت : خد عليه براحتك ، بس حابي على جوزك واحمي بيتك بدل ما واحدة تانية تلوف عليه
نظرت جانا إلى زوجة عمها بنظرات جادة و...
-جانا بقلق : قصدك ايه يا أنطي؟
-سهير بنبرة جدية تحمل التحذير : قصدي يا حبيبتي لما الراجل ميلاقيش راحته في بيته، هيدور عليها بره ، وعز بسم الله ماشاء الله ، مليون واحدة تترمى تحت رجله ، لكنه هو فضلك انتي واختارك واتجوزك ، وفوق ده كله مستحمل اللي بتعمليه فيه ، ده ليه الجنة والله
-جانا باقتضاب : ربنا يسهل
-سهير وهي تربت على كتفها : يا بنتي أنا بوعيكي ، كان المفروض مامتك هي الليت فهمك ده بس آآآآ....
-جانا مقاطعة بحدة : بليز أنطي ، انا مش حابة أسمع سيرتها ..ك فاية انتي وأنكل حسين ودينا عليا
-سهير وهي تشير بيدها : وقبل دول كلهم لازم جوزك
-جانا متسائلة : يعني ايه؟
-سهير بنظرات ثابتة : يعني جوزك وبيتك أهم شيء في حياتك وبعد كده نيجي احنا ، لكن العكس يبقى حياتك معرضة انها تفشل
-جانا وهي توميء برأسها في فهم : أها..
-سهير بنبرة محذرة : اوعديني يا بنتي انك تكوني الزوجة الصالحة لجوزك
-جانا على مضض : هو أنتي معاه ولا معايا
-سهير بنبرة هادئة : هي مش حرب يا جانا عشان أقف جمب حد معين فيكو ،لأ دي حياة أسرية بينكم دلوقتي ، يعني مودة ورحمة وألفة وعشرة ولازم تعملي اللي قولتلك عليه عشان ربنا يرضى عنك ويباركلك في جوزك وحياتك
-جانا باقتضاب : ان شاء الله
دلفت دينا في تلك الأثناء إلى الغرفة وهي تحمل كوباً من المياه و...
-دينا مقاطعة: بترغوا في ايه
-سهير بضيق : ياساتر عليكي
-جانا وهي تغمز : مالكيش فيه
-دينا وهي تضع يدها في خصرها: Oh ، بقى كده
-جانا بلؤم: اطعلي منها وهي تعمر
-دينا وهي تمط شفتيها : ممم ، الله الله يا ست جوجو ، من ساعة ما اتجوزتي ومحدش عارف يكلمك
-جانا ضاحكة : هههههههههه ، نحن السابقون وانتم اللاحقون
-دينا وهي ترفع بصرها للسماء : ههههههههههه يارب يا جوجو يااا رب
-سهير بحدة: اختشي يا بت
-دينا وهي تنظر إلى والدتها : الله يا مامي سيبني أقول رأيي
-سهير متسائلة : اومال فين عايدة هانم
-دينا وهي تشير بيدها : أعدة تحت مع الجماعة ، يالا بقى ننزلهم ، they're all asking about us
-جانا وقد نهضت عن الفراش : اوكي ، يالا بينا
-سهير وهي توميء برأسها : صح لازم ننزلهم لأحسن احنا اتأخرنا أوي عليهم
نهضت جانا عن الفراش وســارت ناحية باب الغرفة ، فأمسكت بها سهير مرة أخرى من ذراعها ومالت عليها قليلاً و..
-سهير هامسة : متنسيش اللي قولتلك عليه
-جانا بصوت خافت : اوكي أنطي
-دينا مقاطعة وهي تتسائل : نفسي أعرف بترغوا في ايه كل ده
قامت جانا بدفع دينا بيديها للأمـــام بدلاً من الإجابة على سؤالها و...
-جانا وهي تزفر في انزعاج : اوووف منك ، انزلي قدامي ............................................ !!!
#الحلقة_56
في فيلا عز الدين وجانا ،،،،
نزلت جانا الدرج بصحبة زوجة عمها ومعها دينا ، ثم توجهن جميعاً إلى غرفة الصالون ، وجلسن مع بقية أفراد العائلتين .. وبدأت جانا بالحديث و...
-جانا بنبرة فرحة : بجد أنا مبسوطة ان كلكم هنا النهاردة
-حسين مبتسماً : واحنا فرحانين أوي يا بنتي انك معانا ، وحشيتنا جدااااااااا
-دينا وهي تمط شفتيها في انزعــاج : البيت وحش من غيرك يا جوجو
-سهير وعلى وجهها ابتسامة عريضة : لازم تيجي تتغدي عندنا يا عروسة ، وانت كمان ياعريس
-عايدة وهي تشير بيدها : واحنا كمان لازم تقضي عندنا يوم
أمـــال يوسف على ابنه الجالس بجواره قليلاً ثم ...
-يوسف متسائلاً : انت رأيك ايه يا عز؟
-عز مبتسماً وبنبرة هادئة : اللي تشوفه انا معاكو فيه ...
ثم نظر إلى زوجته بنظرات مشتاقة و...
-عز وهو يشير بيده : جانا أهي عندكو اتفقوا معاها وانا عليا اجيبها ونيجي
-ياسين وهو يلوي فمه في تهكم : وأنا اللي وقعت من قعر القفة ؟؟ محدش بيعزم عليا بحاجة ، هو أنا لاقيط ؟؟؟؟؟
-عز بنبرة جـــادة : ما أنت قايم نايم بايت واكل شارب عندنا ليل نهار ولا نسيت ؟؟؟؟
-ياسين غامزاً : لأ ، أنا عاوز اجرب الأكل عند عمك حسين ..
-عز وهو يعيد رأسه للخلف : قوتلي بقى
-ياسين وهو يربت على كتفه : متنؤش انت فيها بس
-حسين بنبرة عالية ووجه سعيد : خلاص يا جماعة كلكم معزومين عندنا بكرة ع الغداء
-سهير بابتسامة عريضة : ايوه يا حاج ، تنورونا والله
-عايدة وهي تشير بيدها : لالالا ، تعالوا انتو شرفونا
-يوسف وهو يوميء برأسه : صح يا ديلة لازم تيجوا تنورونا
نهض ياسين عن الأريكة حينما وجد جدالاً ما على وشك الاندلاع بسبب اختيار موعد الغذاء وعند من و...
-ياسين بنبرة عالية مليئة بالحماس وهو يشير بكلتا يديه : بـــــــــس .. احنا نعمل قرعة ، ونشوف هناكل عند مين الأول ، ومن مكاني هذا بقول الأولوية لعم حسين ..!
-عز بنظرات خبيثة : آه يا لئيم
رفع ياسين يده في وجه عز الدين ، ثم رمقه بنظرات ضيقة و...
-ياسين هامساً : خمسة وخميسة في وش العدو
-يوسف مبتسماً : خلاص يا ديلة كلنا نروح بكرة عند حسين ، وبعده الكل يكون عندنا
-جانا هي تعقد جبينها : بس ده كتير يا أنكل ، احنا كده هنتعبكم
-يوسف بنبرة هادئة : متقوليش كده يا بنتي ، كلنا عيلة واحدة الوقتي
-ياسين مازحاً : ورمضان بيحب اللمة
-عز متسائلاً : رمضان مين ؟
-ياسين وهو يرفع أحد حاجبيه : رمضان ؟؟ انت مش عارفه ، ده اللي بيجي بعد رجب
-عز باستغراب : ما لسه بدري عليه
-ياسين وهو يغمز : مش مشكلة بس برضوه بيحب اللمة
-سهير مقاطعة بنبرة فرحة : خلاص هنستناكو من بدري ، اوعى حد يتأخر
-عايدة وهي توميء برأسها : بأمر الله يا سهير هانم
التفت حسين بجسده إلى صديقه يوسف و...
-حسين وهو يشير بيده : وانت يا جوو ، متقوليش شغل الشركة ومعرفش ايه ،هعدي عليك أخدك
-ياسين ببلاهة : وأنا ، وأنا خدني في سكتك ؟؟
-حسين مازحاً : انت قولتلي انت مين ؟؟
-ياسين وهو يزفر في انزعــــاج : يووووووووووووه
تعالت ضحكات الجميع على المزاح الطريف الذي دار بين ياسين والمهندس حسين..
وبعد فترة ، نهضت سهير من على الأريكة ثم أمسكت بحقيبتها في يدها و...
-سهير وهي تشير بيدها : يالا بقى يا حاج حسين ، يالا يا دينا ، احنا هنستأذن عشان نسيب العرايس يرتاحوا شوية
-حسين وهو يضع يديه على فخذيه لينهض : عندك حق يا سهير زمانتهم تعبانين من السفر وملحقوش يرتاحوا
-يوسف وقد نهض : واحنا كمان قايمين معاكو
-عز باستغراب وهو يشير بيده : ما لسه بدري يا بابا ، اعد شوية يا عمي
-يوسف مبتسماً وهو يربت على كتفه : بدري من عمرك يا حبيبي ، إلحق انت أقعد مع عروستك شوية
-حسين وهو ينظر في ساعة يده : لأ يدوبك نلحق نقوم .
-سهير وهي تبتسم : هنستناك يا بني ، متتأخرش !
التفتت سهير إلى جانا ، ثم نظرت إليها بنظرات ذات مغزى و...
-سهير وهي تشير بعينيها بنبرة جادة : وانتي يا جانا متنسيش اللي قولتلك عليه !
نظر عــز الدين إلى كلتاهما ، ورمقهما بنظرات غير مستوعبة لما يدور بينهما و...
-عز متسائلاً بعدم فهم : اللي هو ايه ؟
-جانا بنظرات جادة : ميخصكش
مدت دينا ذراعيها ، ثم احتضن جانا وربتت على ظهرها و...
-دينا بنبرة رقيقة : باي يا جوجو ، هستناكي ، هتوحشيني أوي
أمسك ياسين بكف يد عز الدين ، ثم صافحه بكل قوة وهو مسلط بصره على دينا و...
-ياسين بنظرات متمعنة وهو يعض على شفتيه : هتوحشني آعز ..أنا مش عارف هنام ازاي من غير ما أشوف وشك آعز .. ربنا ما يحرمني منك آعز ..آآآآخ يا عــز !
-عز بحنق : يخربيت تلامتك ، خلاص كرهتني في نفسي
-ياسين بتنهيدة : ليه بس كده آعز ، ده أنت ، آآآآآه حبيبي !
-عز غامزاً : انا برضوه ؟؟؟؟
-ياسين وهو يرفع بصره للسماء : يارب سامحني ع الكدب ده !
وقفت السيدة عايدة هي الأخرى لتودع جانا ، ومالت عليها بجسدها وأحاطتها بذراعيها واحتضنتها و...
-عايدة وهي تقبلها على وجنتيها : باي يا جوجو ، هنشوفك بكرة ، وهتنورينا بعده ان شاء الله
-جانا مبتسمة : ثانكس أنطي ، see you ، ان شاء الله
-يوسف وهو يصافحها : مع السلامة يا بنتي
-جانا وهي تبادله التحية : باي انكل
اصطحب عز الدين الجميع إلى باب الفيلا ، وودعهم ، وتأكد من رحيلهم ، فدلف إلى داخل الفيلا وأغلق الباب من خلفه ، ثم ســـار بخطوات سريعة ناحية جانا التي أثر الجلوس على الأريكة ...
-عز بتنهيدة حارة وهو يمزح : أخيـــــــــراً .. التتار مشى !
رفعت جانا ساقيها قليلاً لتخلع الحذاء ذو الكعب العالي الذي كانت ترتديه ، وظلت تفرك في أصابع قدميها محاولة تخفيف الآلم قليلاً و...
-جانا وهي تزفر في ضيق : اوووف ، الكعب تعبني موت
اقترب عــز الدين من جانا كثيراً حتى صار على بعد خطوتين منها ، ثم رمقها بنظرات متمعنة ، وتأملها بتمهل شديد ، حيث مرت عيناه ببطء على كل تقسيمة من جسدها و...
-عز بنبرة رومانسية هادئة : بس ايه الحلاوة والشياكة دي ؟
-جانا وهي تهز كتفيها في دلال : ده العادي بتاعي
-عز مازحاً : انتي هتقوليلي !
-جانا وهي تمط شفتيها في ضيق : يوووه بقى ، طول عمري شيك ..!!!
-عز غامزاً وهو يعيد رأسه للخلف : ايوه صح مظبوط ، ده انا حتى مش فاكر أيام ما كنتي بتلبسي زي طُلبة ، و الواد بلية صبي الميكانيكي ..!
اغتاظت جانا من عبارة عز الدين الأخيرة ، وتجهم وجهها على الفور ، فنهضت عن الأريكة ونظرت إلى عز الدين بنظرات حانقة ، ووضعت إحدى يديها في وسط خصرها ، وتمايلت بجسدها قليلاً في دلال و.....
-جانا وهي تشير بيدها وبنبرة حانقة : لأ عندك ، انا بلبس كده قصاد الغلسين ، لكن فاكر أول مرة شوفتني ؟؟ ها ! ع المركب كنت لابسة dress شيك جدا !
تــأمل عز الدين جانا وهي متعصبة ، لاحظ انتفاضة عروقها الصغيرة من عنقها وهي منفعلة ، واحمرار وجنتيها من الغيظ ، فأثارته أكثر ، وزدات من لهيب الشوق إليها ..
-عز بصوت رخيم : ايوه ، ساعة ما حصل اللي حصل ...
صمت عــز الدين لثواني ، ثم نظر إلى جانا بأعين متسائلة و...
-عز بتسائل : بالحق يا جانا ، هوانتي كنتي بتعامليني كده ليه ؟؟ يعني أول مرة شوفتيني فيها اشتبكتي معايا بعكس ماكان كل البنات في الحفلة بتعمل معايا ؟؟
-جانا بنبرة عادية : ما أنت اللي كنت واقف في سكتي!
-عز بنظرات متعجبة : واقف في سكتك ؟ قصدك ايه ؟
-جانا بنبرة جـــادة : انا كنت عاوزة أربي البت حلا وانت كنت سادد السكة
-عز بحنق : تقومي تحدفيني بالجزمة ؟
-جانا مبتسمة : أه كنت بحط الـ touch بتاعتي
-عز بضيق : يا شيخة ، بالجزمة !!!
-جانا وهي تمط شفتيها في ضيق : ماهي أصلها بت فقر وباردة حبت تعملهم عليا ، وتنكد علينا في الحفلة ، فكنت عاوزة أعلمها الأدب ، وانت كنت واقف في مرمى الهدف ..!
-عز وهو يهز رأسه في تعجب : شوف إزاي !
اقترب عــز الدين من جانا أكثر ، ثم نظر لها بنظرات أكثر تفحصاً و...
-عز غامزاً : بس انتي ظبطتيها في حفلة عيد ميلادها !
تعالت قهقهات جانا وهي تتذكر كيف تعاملت مع حلا ، وكيف جعلت حفلتها الفاخرة تتحول إلى كارثة و...
-جانا ضاحكة : هههههههههههه آه ، روقت عليها ، بس انت كنت السبب
-عز ضاحكاً : هههههههههههههههه كان نفسي أردلك شوية م اللي طلعتيه عليا ، يعني .. آآ.. كنا بنخلص تارنا
-جانا بنظرات ضيقة ومغتاظة : لا والله
مد عز الدين ذراعيه ، واحاط بخصر جانا من الخلف ، ثم جذبها ناحيته برفق ، و...
-عز بنبرة هادئة وهو يجز على أسنانه في رغبة : وعلى رأي صابر الرباعي خلص تارك ، آآآ... طفي نارك
-جانا وهي تبتلع ريقها : أها
نظرت جانا إلى عز الدين بنظرات مترقبة ، في حين نظر هو إليها بنظرات عاشقة ترغب في أن تنهل من شهد حبها .. ، أمـــال عز الدين برأسه قليلاً ناحية أذنها و...
-عز بصوت هامس : طب مش هتطفي ناري بقى
اضطربت جانا ، وتملكها الخجل سريعاً واكتست وجنتيها بالحمرة ، و...
-جانا بتوتر : آآآآ.. أقصدك ايه ؟
-عز بصوت ناعم وهاديء : قصدي .. آآآ..
أمــــال عز الدين أكثر على شفتي جانا التي كان يحدق بهما ، ليقبلها في عشق ، أما هي فقد أغمضت عينيها لتستمع بتلك اللحظات معه ، ولكن قبل أن يلمس شفتيها تذكر شيئاً ما ، فتراجع برأسه للخلف ، ونظر إلى جانا بجدية و... ،،،
-عز وهو يمد يده بنبرة جـــادة : فين موبايلك
-جانا وهي ترفع أحد حاجبيها في استغراب : ليه ؟
-عز بلهجة شبه آمـــرة : هاتيه حالاً
أرخى عز الدين يديه عن جانا التي تراجعت للخلف لتأتي بهاتفها الموضوع على الطاولة الزجاجية ، ثم مدت يدها به إلى عز الدين و...
-جانا متسائلة بعدم فهم : أهو ، طب ليه ؟
أغلق عـــز الدين هاتف جانا نهائياً ، ثم نظر إليها مجدداً بنظرات ثابتة و...
-عز بنبرة جادة : ماهو أنا مش ناقص عطلة من أي حد ، وادي تليفوني كمان أهو .. ثواني .. !!
ترك عز الدين جانا وهي في حيرة من أمرها ، ثم توجه ناحية المطبخ وصـــاح في الخادمة بـ ...
-عز الدين بنبرة هادرة : يا دلال ، دلال !
ركضت دلال خارج المطبخ بسرعة وهي ممسكة بمنشفة صغيرة في يدها ، ونظرت إلى رب عملها المهندس عز باستغراب و...
-دلال بنبرة قلقة : ايوه يا سعت البيه
مـــد عز الدين يده في جيبه ، ثم أخـــرج منها بعض النقود ، وأعطاها إلى دلال و...
-عز مبتسماً : خدي يا دلال الفلوس دي ، وروحي لبيتك وعيالك ،وعندك أجازة يومين
اخذت دلال النقود في يدها ، ثم نظرت إلى المهندس عز بنظرات ممتنة و...
-دلال بنبرة فرحة: الله يخليك يا سعت البيه ، ويعمر بيتك ويهنيك يا رب ...
-عز مبتسماً : شكراً يا دلال ، مع السلامة ...
وبالفعل جمعت الخادمة دلال متعلقاتها الشخصية ، ثم ســارت ناحية باب الفيلا ، وفتحه ودلفت للخــارج ، فأغلق عز الدين الباب خلفها ، ثم أوصده جيداً بالمفتاح والقفل الداخلي ، والتفت بجسده ناحية جانا التي كانت عاقدة ساعديها أمام صدرها ...
ســـار عز الدين ناحية جانا بخطوات واثقة ، ثم بدأ بفك أزرار قميصه ، فأرخت جانا ساعديها ، ونظرت إليه بترقب شديد .. تملك التوتر جانا ، وحاولت أن تبدو طبيعية أمام عز الدين ، ولكن كيف تتحكم في قلبها الذي يخفق بقوة ، وبصدرها الذي يعلو ويهبط من الحب ..
تـــأمل عز الدين جانا بنظرات شغفة ، في حين عضت هي على شفتيها من التوتر ..
-عز بصوت رخيم : اهو ده بقى الشغل اللي على ابوه !
-جانا بتوتر : تقصد ايه؟
-عز وهو يشير بكلتا يديه : كده البيت فضى علينا
-جانا وهي تبتلع ريقها في خجل : أها
مـــد عز الدين يده ناحية خصر جانا ، وحاول أن يدغدغها فيه ، ولكنها تراجعت للخلف في توتر و...
-عز غامزاً : يا حلو انت يا حلو
-جانا وهي تبتعد عنه بتوتر واضح : بــ...بقولك.. ايه آآآ، مش.. مش آآآ...
-عز ويعلو ثغره ابتسامة عاشق : مشمش ايه وبرتقان ايه ، أنا مش هسيبك النهاردة ...
نظر عز الدين إلى جانا بنظرات جادة تحمل الإصرار و...
-عز بنبرة صارمة : أنا هتجوز يعني هتجوز ...!
تراجعت جانا إلى الخلف ، ونظرت إلى عز الدين بنظرات راجية ، وأشارت له بإصبعيها و...
-جانا بصوت مضطرب : طب اسمعني بس
-عز وهو يهز رأسه بالنفي : لأ انا سمعت كتير ، وناقشت كتير ، وعاوز اكمل أم المباحثات العطلانة دي .. !
-جانا بنظرات مترقبة : مباحثات ايه ؟
-عز بنظرات جريئة وهو يشير بيده : قربي بس وأنا هفهمك !
ظلت جانا تتراجع للخلف ، و...
-جانا بتوتر واضح: آآآ... لأ انا كده كويسة !
-عز بنظرات قوية ، ونبرة متحدية : هتندمي
-جانا وهي توميء نافية برأسها : تؤ
-عز بنبرة جـــــادة وواثقة : مبدهاش بقى
اضطربت جانا من عبارة عز الدين الأخيرة ، فركضت على الفور من أمامه بكل رشاقة ، فركض هو خلفها ، فــرت جانا من غرفة الصالون ، ثم توجهت إلى غرفة الطعام ، وظلت تدور حول الطاولة الكبيرة الموضوعة في المنتصف ، وهي ممسكة بالمقاعد الخشبية التي تحيط إياها لتحتمي بها ، ثم انحنت بجسدها للأمـــام ، ونظرت إليه برجاء و...
-جانا وهي تشير بيدها : اهدى يا عز
فك عــز الدين جميع أزرار قميصه ، ثم نزعه عنه ، وألقاه على الأرضية الصلبة و...
-عز باصرار : لأ
-جانا بتوتر بالغ : اعقل يا حبيبي
-عز وهو يلوي فمه : بتقولي ايه؟
-جانا بقلق : بقولك اعقل
-عز وهو يشير بيده : لأ اللي بعدها !!
-جانا بتردد : آآآ.. يا .. يا حبيبي ، ايه مالها كلمة عادية بقولها !
-عز بتهكم ونظرات ضيقة : لا يا شيخة ، ده انا مسمعتهاش منك ولا مرة
-جانا بنبرة سريعة : هاقولهالك كتير بس ابعد
-عز بنبرة صارمة ونظرات متحدية : والله لو عملتي ايه ، أنا قتيل الليلادي !!!!
حاصر عز الدين جانا في أحد أركـــان الغرفة ، فحاولت أن تبحث عن منفذ لها ، فلم تجد إلا أن تصعد على أقرب مقعد ، ومنه إلى الطاولة ، وبالفعل فعلت هذا ، ووقفت فوق الطاولة ، وقبل أن تقفز منها ، كان عــز الدين قد أمسكها من قدمها ، وأحكم قبضته عليها ، فحاولت أن تحرر قدمها من قبضة يده ، وانحنت بجسدها للأسفل لكي تفك أصابع يده المتشبسة بقدمها و...
-جانا بضيق : حاسب يا عز ، سيب رجلي
-عز غامزاً وهو يلوي فمه : هو دخول الحمام زي خروجه ، هـــأو !
-جانا بقلق : سيبني يا عز
مد عز الدين يده الأخرى ، وامسك جانا من ذراعها ، ثم أرخى يده الممسكة بقدمها ، ووضعها أسفل خصرها ، وحملها عنوة على كتفه ، وظل ممسكاً بيدها ومسيطراً عليها ..
ركلت جانا بقدميها في الهواء ، ولكن لم يهتم بها عز الدين ، بل توجه ناحية الدرج ، وصعد بها درجات السلم على تمهل وهو يتوعد لها بألا يتركها تفلت من قبضة يده ..
ظلت جانا تتلوى بشدة على كتف عــز الدين وتصرخ فيه أن يتركها ، وتشير بيدها في الهواء ، ولكنه كان مصراً على أن يقضي ليلة العمر معها ، ضرب عز الدين جانا على خصرها ضربة خفيفة كي تكف عن الصراخ ،و...
-عــز مازحاً : اهدي بقى
-جانا بخجل شدي : آآآي .. عيب كده
-عز بنبرة خبيثة : ده العيب لسه ماجاش
اشتعلت وجنتيها من حمرة الخجل وهي تتخيل كيف ستكون بعد لحظات معه ، وشعرت بالدمــاء تتدفق إلى كل جسدها .. وشعر هو بحرارة جسدها وهو يحملها ، ثم وصل إلى غرفتهما ، ودلف إلى الداخل ، ثم أنزلها بكل رفق على الفراش ونظر إليها بنظرات راغبة للغاية ...
لم يعد عــز الدين يطيق البقاء هكذا ، هو يريد التمتع بحياته مع زوجته ، في حين تملك التوتر الشديد جانا ، و...
-جانا بدلع : عز بليز ، بلاش استعجال
-عز بتنهيدة حــارة : كل ده ومش مستعجل
-جانا بنظرات راجية : بليز
-عز باستغراب : هو أنا جيت جمبك لسه
-جانا مازحة : ما أنا باديك الارشادات قبل ما تبدأ
جلس عــز الدين إلى جوار جانا على الفراش ، ثم أمسك بكف يدها و...
-عز وهو يبتسم: طب هاتي الكتالوج عشان أقرى كتيب التعليمات اللي فيه ، تعالي بس أنا هفهمك هنعمل ايه
-جانا وهي تبتلع ريقها : ايه ؟
-عز بصوت هاديء ورخيم : بصي يا ستي ، أنا .. أنا ..
-جانا متسائلة : انت ايه ؟
توقف عز الدين عن النظر إلى جانا ، وتحولت ملامح وجهه إلى وجه مرتعد ، واعتلى حاجبيه علامات الدهشة ، وفغر شفتيه في صدمة ، فنظرت إليه جانا بتوجس و...
-عز بنظرات فزعة : ايه ده يا جانا ؟؟
اتنفض جسد جانا رعباً حينما رأت نظرات الرعب في حدقتيه و...
-جانا برعب: ايه في ايه ؟؟؟؟؟
-عز مدعياً الخوف البالغ : في حاجة سودة كده نطت ع ضهرك ..!
نهضت جانا من على الفراش ، ثم وقفت عليه وظلت تصرخ بطريقة هيسترية و...
-جانا بفزع شديد : فين فين ، هشها بسرعة ،عـــا!!
-عز وهو يشير لها : طب اقعدي بس الأول
لوت يارا يدها خلف ظهرها محاولة أن تصل إلى ظهرها وخصرها ، والبحث بيدها عن ذلك الشيء الذي اندس داخل فستانها و...
-جانا بقلق ونبرة فزعة : هااااا يا عزراحت ، هشها عـــــــا ،!!! قولي
أمسك عز الدين جانا من يدها ، ثم أجلسها على الفراش ، وجعلها توليه ظهرها ، ثم نظر إلى ظهرها بنظرات لئيمة و...
-عز وهو يعض على شفتيه وغامزاً : اصبري بس ، متتحركيش عشان أعرف أمسكها
-جانا بتوتر : طيب بسرعة الله يخليك
قام عز الدين بوضع يده على ظهر جانا ، ثم ســار بأصابعه ببطء شديد عليه ، مما جعلها ترتعش ، ثم أمسك بالسحاب الخاص بفستانها ، وبدأ في فتحه للأسفل بكل هدوء وظل يتأمل بشرتها البيضاء الناعمة، ويتحسسها بأطراف أصابعه ..
-جانا متسائلة بتوجس : ها لاقيته؟
-عز وهو يتأملها برغبة : لأ لسه !
-جانا بقلق بالغ : طب بص كويس الله يكرمك ، ها شوفته ؟؟؟
تنهد عز الدين تنهيدات حـــارة وهو يملي عينيه بجمـــال جانا الذي حرم منه لعدة أيام ..
-عز بخبث : مش شايف حاجة لسه ، اصبري هو فار بدور عليه ، ده بتاع كده مش باينله ملامح
اقشعر جسد جانا وهي تتخيل أن ما يوجد على ظهرها هو صرصور ما و...
-جانا والقشعريرة تسري في جسدها ، وبنبرة متأففة : يااااي ، بليز عز شيله بسرعة لاحسن يكون صرصار يععع !!
أثارت انتفاضات جانا العفوية عز الدين ، وألهبت رغبته الشديدة في زوجته ، فظـــل يرمقها بنظرات عاشقة متعطشة و...
-عز بصوت خافت : سيبني أركز كده وأملي عيني
-جانا باستغراب: أفندم ؟؟؟
أراد عـــز الدين أن يتمادى قليلاً مع جانا ، خاصة وأن خدعته تسير على ما يرام لذا ..
-عز بنبرة شبه منزعجة : استني بس لأحسن ده بينه اتوغل للمناطق المحظورة
-جانا بنظرات متوجسة : قصدك ايه ؟
-عز وهو يبتلع ريقه : آآآآ.. الظاهر انه .. انه.. مش عارف اقولهالك ازاي، نزل عـلى الـ.. على الـ ..آآآآ
-جانا برعب : ياااااا مامي ، نزل ع ايه
-عز مازحاً : استغر الله العظيم يا رب ، يعني نزل ع المرتفعات والتضاريس الغير مرئية
وقفت جانا مجدداً على الفراش وقامت بخلع فستانها بالكامل عن جسدها ، وظلت مولية عز الدين ظهرها ، ووقفت أمامه وهي ترتدي ملابسها الداخلية ، فبدت فيهن مثيرة للغاية ، فجسدها ممشوق ، وتقاسيم جسدها مفصلة عليها ..
رغب عز الدين فيها بشدة ، ونظر إليها بنظرات عازمة على ...
-عز بنبرة متأنية : اللهم صلي ع النبي ، هو الجو بقى حر كده ليه ، ولا الواحد بيطلع نار من جواه
-جانا متسائلة : ها شوفته ؟
-عز بشوق ونظرات رغبة : طبعاااااا ده أنا هفرم أمه
التفتت جانا برأسها إلى عز الدين، فوجدت على وجهه نظرات غريبة ، ولكنها لم تستطع أن تبتعد عن عز الدين لأنه مد يده وأمسك بمعصمها وجذبها بقوة لتسقط على الفراش ، ثم اعتدل هو فوقها ، وأمسك بذراعيها وثبتهما بقبضتي يده و... ،،،
-جانا بنظرات قلقة : انت بتعمل ايه؟
-عز مبتسماً بخبث : بعمل كل خير
ظلت جانا تتلوى بشدة من أسفل عز الدين ، الذي انحنى عليها برأسه و..
-جانا بنبرة رقيقة : على فكرة اللي بتعمله ده عيب وميصحش ، أنا بنت ناس !!!
-عز مازحاً : والنعمة ده يصح ونص وتلاتربع ، هو أنا يعني اللي ابن تييييت ، ما أنا ابن ناس زيك برضوه
-جانا بدلع : عز !!
-عز بتنهيدة: عيون عز
حاولت جانا أن تحرر يديها ولكن كانت قبضتي عز الدين محكمتين عليها و...
-جانا بنظرات راجية : ابعد بليز ، مش كده ، سيب ايدي لو سمحت
-عز بإصرار وهو يبتسم : تؤ مش باعد ومش هسيب ، ده انا مصدقت أوصل لـ level الوحش ، فاضلي تكة وأخد الجايزة الكبيرة !
-جانا متسائلة : هو انت بتلعب ماريو من زمــان؟
-عز وهو يعيد رأسه للخلف : ياااااااااااه من زمان أوي أوي ، ركزي بس معايا وانا هنط السلم ، وأرفع العلم ..!
-جانا بضحكة وهي تلوي فمها : هههههههههههههه ، دمك شربات يا مضروب
أرخى عز الدين يديه عن جانا ، ثم نظر إليها بنظرات صارمة و..
-عز بضيق : مضروب !! فصلتيني يا شيخة
أدارت جانا ظهرها لعز الدين ، وظلت تعبث بخصلات شعرها ، وهي تحرك قدميها في الهواء بطريقة مغرية و...
-جانا بمياعة وهي توليه ظهرها : أحسن
-عز هو ينظر لها برغبة : لأ الظاهر ان عندي life زيادة ، كده أنا رجعت تاني للـ Game، وهقفل المرحلة ..!
-جانا ضاحكة : ههههههههههههه
-عز مهللاً : حلاااااااااوتك يا أبيض !!!!
وبالفعل بدأ عز الدين بعد معاناة وطول انتظار تذوق لحظات مع زوجته الغالية ، حيث داعبها بكلماته ، ولامسها بقلبه ، وذاب الاثنين سوياً في أنهر الحب ، واغترف كلاهما كؤوس السعادة ...
نامت جانا برأسها على صدر عز الدين الذي ظل يعبث بخصلات شعرها و..
-عز بصوت هامس : مبسوطة يا عمري؟
-جانا بصوت خافت : جداااا يا حبيبي
-عز بنبرة سعيدة : قوليها تاني وتالت ورابع
-جانا بصوت هامس وبرقة : حبيبي ، حبيبي ، حبيبي ، حلو كده ؟
-عز بتنهيدة : يااااااااااااه ، من أد ايه وأنا مستني اللحظة دي
-جانا ضاحكة بدلال : ههههههه ، اصبر تنول
-عز متسائلاً بفرحة : وهو أنا نولت أي حاجة ، ده أنا نولت العسل كله ، بتحبيني يا جانا ؟؟
-جانا بصوت خافت : طبعاااا
-عز بنبرة راجية : طب سمعيهاني لأحسن بعيد عنك أنا مشتاق اسمعها
-جانا مبتسمة بخجل : أنا بحبك يا عز
امسك عز الدين برأس جانا ورفعها قليلاً إليه ، ثم انحنى ليقبلها مجدداً من شفتيها ، وينهل منهما الحب و...
-عز بصوت أقرب للهمس : وأنا دايب فيكي يا مراتي يا حبيبة قلبي ، يا عمري كله ..
-جانا وهي تنظر إليه بأعين حالمة : ربنا يخليك ليا يا حبيبي ، ها ، كفاية بقى !!
-عز مازحاً : كفاية ايه ؟ هو أحنا لسه عملنا حاجة ، ده حتى بيقولك في الاعادة إفادة والتكرار بيعلم مين ؟؟؟
-جانا وهي تعقد حاجبيها في غيظ : الحمــــــــار
-عز وهو يداعب أنفها : لأ يا ختي الشطار ، أل حمــار أل .. يخربيت التعليم المجاني !!!!
ظل عز الدين وجانا ينعمان بالسعادة الزوجية التي طالما حلم بها كلاهما ..
لم تتوقع جانا أن يعاملها عز الدين بكل رقة ، وحنية .. بلى لقد افتقدت الشعور بالحنان منذ فترة ، وها هي اليوم ترتشف منها أنهار وهي في أحضان زوجها ..
كما لم يتوقع عز الدين أن يجد في جانا الأنوثة الطاغية والرقة الشديدة والدلال المثير خلف قناع الفظاظة والوقاحة الذي تضعه على وجهها ..
لطالما كان عز الدين شخصاً مغروراً لا يرتضي بأي شيء ، فجاءت إليه جانا لتحطم هذا الغرور بدون إدراك منها ، وتحول صراعهما إلى حب مع مرور الأيام رغم انكار كلاهما له في البداية ، ولكن كان حبهما هو الأقوى ، فهل سيظل صامداً أمام التحديات القادمة ، فما خفي كان أعظم بالنسبة لهما ، وما تحمله الأيام لهما لا يمكن التنبؤ بعواقبه .................. !!
..................................................... يتبع
منتظرة رأيكم وتوقعاتكم في التعليقات ومتنسوش لأيك بعد القراءة عشان تشجعوني أكمل نشر الروايات 😍🎉 تفاعلكم هو اللي بيشجعني اكمل♥️💪
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعووووووني
جميع الفصول كامله من هنا 👇
الفصل الأول حتى الفصل الثاني عشر من هنا
الفصل الثالث عشر حتى الفصل الثلاثون من هنا
الفصل الثالث والثلاثون والرابع والثلاثون والخامس والثلاثون والسادس والثلاثون من هنا
الفصل السابع والثلاثون والثامن والثلاثون والتاسع والثلاثون من هنا
الفصل الأربعون والحادي والاربعون والثاني والاربعون من هنا
الفصل الرابع والاربعون والخامس والأربعون والسادس والاربعون من هنا
الفصل السابع والاربعون والثامن والاربعون من هنا
الفصل التاسع والأربعون والخمسون من هنا
الفصل الحادي والخمسون والثاني والخمسون من هنا
الفصل الثالث والخمسون والرابع والخمسون والخامس والخمسون والسادس والخمسون من هنا
أدخلوا واعملوا متابعة لصفحتي عليها كل الروايات بدون لينكات بمنتهي السهوله من هنا 👇 ❤️ 👇
تعليقات
إرسال تعليق