رواية نسيم العشق الفصل الاول والثاني والثالث والرابع بقلم الكاتبه يارا عبد العزيز حصريه وجديده على مدونة النجم المتوهج للروايات والمعلومات

- الدكتور مصطفى جيه يا جنة جوزك رجع من السفر

قامت بسرعة واستقبلوه كل اللى فى البيت واولهم جنة اللى كانت واقفة بتبص على الباب بلهفة وحب كبير وبتفتكر اللى حصل من خمس سنين

Flash back

كامل : اكتب على جنة بت عمك قبل ما تسافر دا شرطى الوحيد عشان اسيبك تسافر

مصطفى: ايوا يا جدي بس جنة صغير اوى على الجواز دلوقتي دى لسه ١٥ سنة وانا كمان صغير ولسه فى أول حياتى ومش عايز اتجوز دلوقتي

كامل : انا قولت اللى عندي اكتب على بت عمك اوافق تسافر وهساعدك من جنيه لمليون غير أكده منتش مسافر

مصطفى بقلة حيلة : تمام

Back

دخل مصطفى وهو محاوط بأيده على بنت بصله الجميع بصدمة واولهم جنة طبعاً اللى حسيت بنغزة فى قلبها بمجرد ما شافتهم

كامل بجدية وغضب : مين دى يا ولدي

مصطفى: دي مراتى يا جدى نور

نزلت الجملة عليها كالصاعقة كانت هتـ'قع من صدمتها لولا ايد بنت عمها وصاحبة عمرها اللى مسكتها فجنة تعشق مصطفى منذ طفولتها

كامل بغضب شديد وهو بيقف قدامه : مرتك ازاى وانت متجوز بت عمك

مصطفى : وايه اللى فيها هو مش انا الشرع محللى اربعة برضوا

كامل : انت شكلك اتجننت رسمى دا مكنش اتفقنا قبل ما تسافر يا ولد عاصم

مصطفى بغضب وعصبية مفرطة: انت عارف كويس اوى انا اتجوزتها ليه انا مبحبهاش ولا عمري هحبها انا طول عمري وانا بحلم اتجوز بنت متحضرة مش بنت صعيديه اهم حاجه عندها الاكل والطبيخ

عيسى بغضب مفرط: مصطفى اتكلم كويس مع جدك ومتعليش صوتك

مصطفى بضيق : اها هتعمل عليا الكبير بقى عشان بقيت عمدة البلد وكبيرها والنائب عن ديرتتا بقولك ايه يا عيسى انت تعمل كبير على الكل الا انا انت فاهم

كامل بجدية وهو بيضـر'ب بعكازه الارض

: فرحك على بت عمك الليلية احنا دبحـ'نا الدبا'يح وعزمنا اهل البلد على الفرح يلا جهز نفسك

مصطفى: بقولك اتجوزت

كامل : يعنى ايه

راح وقف قدام جنة واتكلم بجدية

: انتى طالـق يا جنة

نسيم العشق

البارت الثاني

مصطفى بجدية وهو بيقف قدام جنة : انتي طالق يا جنة

نزلت الجملة عليها كالصاعقة قعدت على الكرسي بأنهيار وهى مش عارفه تقف

كامل بغضب مفرط: انت ازاى تعمل اكديه انت اتـ'جنتت

مصطفى: مبحبهاش افهموا بقى وانا دلوقتي راجل متجوز

عيسى بجدية : انت زودتها اوي قولتلك متعليش صوتك على جدك وبعدين مبتحبهاش ايه اللى يخليك تتجوزها كنت جيت قولتلي ساعتها وانا كنت هتكلم مع جدي بخصوص الموضوع دا انما لا الدكتور مصطفى كان أهم حاجه عنده انه يسافر انما بنت عمه تتـ'حرق المهم مصلحته

مصطفى بضيق : هتعمل عليا بقى الكبير العاقل وتقف فى صفه زى كل مرة وتطلعني انا الغلطان

كامل حس ان الدنيا بتلف بيه وكان هيـ'قع لولا ايد عيسى اللى لحقته

عيسى بخوف شديد: جدي جدي انت كويس

كمل وهو بيبص لمصطفى بغضب وبيتكلم بصوت عالي

: تعال شوف جدك

تأفف مصطفى بضيق وهو بيبصلهم بسخرية

كامل بحسرة : هنعمل ايه النهارده الفرح واهل البلد على وصول عايزين يطمنوا على بت عمك هيقولوا علينا ايه مش بعيد العمودية تتاخد منك يعيسى

عيسى : تتحـ'رق يا جدي اهم حاجه صحتك

كامل وهو يضع يديه على قلبه : ااه

عيسى بخوف شديد و صرامة: حد يجيب دوا جدي بسرعة

خرجوا كل الخدم على صوته فأوامر عيسي تنفذ فى الحال

راح مصطفى عنده وكشف عليه

مصطفى: مفيش حاجه بسبب عصبيته بس شوية وهيرتاح متكبرش الموضوع

عيسى : عارف لولا اللى احنا فيه دلوقتي كنت علمتك الادب وانت عارف كويس انا ممكن اعمل فيك ايه

بلع ريقه مصطفى بخوف شديد

كامل : هنعمل ايه يا ولدي

لا حول ولا قوة الا بالله العلي العظيم ♥️

عيسى بتفكير وهو بياخد نفس عميق : انا اللى هكتب على جنة الليلية

بصله الجميع بصدمة شديدة واولهم جنة اللى حسيت انها قلـ'يلة اوي لدرجة انها هتتجوز واحد غصبن عنه

كامل : انت بتقول ايه يا ولدي

عيسى : هبعت اجيب المأذون يا جدي انهاردة كتب كتابي وفرحي على جنة بت عمي

كريمة بغضب: انت بتقول ايه هتتجوز واحدة بتحب غيرك هتقبلها على نفسك ازاى يا عيسى

عيسى بجدية وصرامة : اما انا قولت اللى عندي ودا قراري وانا راضي جدا عنه

مصطفى بسخرية: تصدق لايقة عليك عاملين ثنائي روعة

عيسي راح عنده وضـ'ربه بالقـ'لم على وشه

عيسى بغضب : كفاية اوي اللى انت عملته ولو كنت عايز تعيش فى البيت دا يبقى تحترم الموجودين فيه واولهم جنة جنة هتبقى مرات النائب عيسى الجابلي عمدة البلد واللى الكبير والصغير بيعمله الف حساب ابقى فكر بس تهـ'ين جنة حتى لو بكلمة صدقني وقتها مش هعمل اعتبار انك ابن عمي ومش هرحمك يا مصطفى انت فاهم

مصطفى بخوف حاول يدريه: وانا مالي ومالها جنة دي اخر حد افكر فيه يلا يا نور نطلع اوضتي

نور خفضت راسها بخجل من نظرات كل الستات اللى موجودين اللى كانوا بيبصولها بغـ'ضب وكأنها ارتكبـ'ت جريمة فى حقهم

طلعت نور مع مصطفى اوضة مصطفى

مصطفى بغضب وهو بيعدل قميصه فى المرايا ومتجاهل نور : متكلمتيش ليه تحت

نور : وانا هتكلم اقول ايه

استغفر الله العظيم الذي لا اله الا هو الحي القيوم و اتوب اليه ♥️

مصطفى: دافعي عن جوزك قولي انك مش هتسبيني لغيرك

نور بغضب : كنت بتمنى ان يمين الطلاق دا يترفع عليا انا مش هي وادافع عنك بمناسبة ايه بمناسبة انك ضحكت عليا ومثلت عليا الحب وخلتني احبك واتعلق بيك وسيبت ابويا واخويا والهنا اللى كنت عايشة فيها وبعدها اكتشفت انك اتجوزتني عشان تـ'زل ابويا اللى مرضيش يعينك فى المستشفى بتاعته وطردك منها زى ال

ملحقتش تكمل الجملة لتجد صفـ'عة على وجهها بقوة مسـ'كها من طرحتها بقوة واتكلم بغضب مفرط وعيون حمرة من شدة غضبه

: اخرسي اوعى تجيبى سيرة ابوكي او اخوكي على لسانك تاني انا اللى هـ'زل ابوكي بيكى يحلوة

نور ببكاء : انت مريض نفسي يمصطفى بجد مبتحبش تشوف اى حد ناجح ودا بان عليك وانت تحت انا عارفه انك عملت كدا عشان عيسى وعيلتك يتـ'فضحوا فى البلد وتتاخد منه العمودية ودا كان بيبان جدا لما كنت بتتكلم عليه معايا انت بتغير منه ومش عايز تشوفه ناجح

مصطفى بغضب مفرط: بسس بسس اسكتي متتكلميش تاني

نور : ايه زعلت عشان عرفتك حقيقتك ربنا يخـ'لصنى منك قريب انا بجد مبقتش طايقك

مصطفى ببأبتسامة سخرية: هههههه انتي مفكرة انك هتـ'خلصي مني بسهولة لا يحلوة مش بالسهولة دى انا داخل الحمام اخرج الاقي غيار موجود على السرير

دخل الحمام من قبل ما ترد حتى

نور بغضب وهى بتفتح الشنطة تطلع هدومه : ربنا ينتـ'قم منك

فى الاسفل جنة مكنتش مبطلة عياط

حنين ( اخت عيسى الصغيرة واقرب صديقة لجنة)

: خلاص يا جنة اهدي والله ما يستاهل دمعة واحدة منك

جنة ببكاء: هو ليه عمل كدا انا اذ'يته فى ايه ربنا يسامحه

عيسى : جدي بقيت احسن

كامل : ايوا يا ولدي

راح كامل عند جنة واخدها فى حضنه وهو بيدمع

: انا اسف يبتي اسف انا السبب انا معرفتش احافظ على وصية ابوكي وهو بيقولي خد بالك من جنة مش هيبقى ليها غيرك بعد ما امـ'وت

جنة : متقولش كدا يا جدي ومتتعبش نفسك

كملت وهى بتتصنع الابتسامه: انا كويسة أهو

عيسى بصرامة : جهزي نفسك عشان الناس على وصول قومي معاها يحنين

حنين : حاضر يا ابيه

جنة قامت مع حنين وطلعت اوضتها بص عيسى لطفيها بقلة حيلة

جنة : انا مش عايزة اتجوز ابيه عيسى

حنين : مش احنا اللى بنقرر يجنة انتي عارفه كويس اوي اوامر ابيه عيسى بالذات سيف ومحدش يقدر يعارضها يلا عشان اجهزك لفرحك

هزت راسها بأستسلام هي مين هي عشان تعارض قرار كبير البلد

اللهم صلي وسلم وبارك على سيدنا محمد وعلى اله وصحبه اجمعين ♥️

فى المساء تم عقد قران عيسى وجنة

حنين : ابيه طالع انا هخرج أنا

جنة بخوف وهي بتبلع ريقها : ما تباتي معايا الليلية

حنين وهى بتـ'خبطها برفق على دماغها: فوقي يجنة انهاردة فرحك وانتي دلوقتي فى اوضة ابيه عيسى يلا انا لازم اخرج عشان انا مش حمل يبصلى بصة من بتوعه

جنة : تمام

دخل عيسى الاوضة وحنين كانت بتخرج

حنين : مبارك يا ابيه

اكتفى انه يبتسم خرجت حنين بص على جنة لاقها بتفرك ايديها بارتباك وتوتر

عيسى بجدية: ايه هتفضلي قاعدة بالفستان انهاردة فرحنا على فكرة

جنة بتوتر: هو هو يعني انا مش جاهزة دلوقتي

عيسى : ومش عيسى الجبالي اللى يقـ'رب من واحدة قلبها مع غيره وإن كنت اتجوزتك فدا عشان حالة جدي الصحية مش اكتر

جنة بدموع : تمام

عيسى بعصبية: قومي غيري الفستان دا

جنة بخوف شديد وهى بتقوم تدخل الحمام بسرعة

: حاضر حاضر

وفجأة سمعوا صوت من تحت بص عيسى من البلكونة بثقة

الغفير : الحق يعيسى بيه

نسيم العشق

البارت الثالث

الغفير : الحق يعيسى بيه

عيسى بجدية: فيه ايه

الغفير : فيه عا'ركة كبير ما بين نفرين فى البلد وعايزين حضرتك

عيسى: تمام انا جاي

دخل عيسى لاقى جنة خارجة من الحمام وكانت لابسه بيجامة عليها بعض الرسومات الكرتونية ورابطة شعرها بعشوائية تاه فيها وهو أول مرة يشوفها بشعرها

جنة بخجل من نظراته: احم

عيسى وهو بيفوق من توهانه فيها اتكلم بجدية: انا خارج

جنة : هتروح فين

عيسى وهو بيقرب منها وهي بتبعد لحد اما خـ'بطت فى حيطة وراها

جنة بتوتر وهى بتغمض عينيها بخوف : انت هتعمل ايه

ابتسم على شكلها واتكلم بجدية وصرامة وهو بيمسك ايدها

: متخافيش وبصيلي

جنة وهي بتبصله : ممكن تبعد شوية

عيسى بعصبية: يواه انا مش بحب اعيد و ازيد فى كلامي كتير قولتلك مش هقـ'ربلك وانتي قلبك مع غيري وبعدين انا لو كنت عايزاك كنت خدتك من قبل ما تتجوزي مصطفى بس انتي عندي زي حنين بالظبط ومش هعرف اشوفك غير كدا انتي فاهمة

حسيت وقتها انها متتحبش من حد لا من عيسى ولا من مصطفى اتكلمت بصعوبة وهي حابسة دموعها من الخروج بالعافية

جنة : كنت عايز تقول ايه

عيسى بصرامة: السؤال بتاع المتجوزين رايح فين وجاي منين وهتيجي امتى من برا مش انا اللى اتسأله من مين ايا كان فحطي فدماغك النقطه دي عشان انا بحذر فى الاول بعد كدا هتصرف تصرف مش هيعجبك تمام

جنة بدموع: تمام

خرج بسرعة وهو بيـ'رزع الباب وراه

كان نازل بس وقفه فى صالة القصر صوت امه

كريمة : عيسى

عيسى بصلها بأنتباه اتكلمت بغضب

: انت ازاى تتجوز جنة انت مش عارف انها بتحب مصطفى ابن عمك والعيلة كلها عارفة اكديه

عيسى : اما معدش ليه لزوم الكلام فى الموضوع دا خلاص جنة بقيت مراتي

كريمة : بقى عيسى الجبالي اللى بنات البلد كليتهم بيتمنوا بصة واحدة منه يتجوز واحد مهتحبوش انت اتجـ'نتت فى نفوخك يعيسى

عيسى : اما انا مش فاضي لكل الكلام اللى ممنوش لازمه دا انا حالياً خارج عن اذنك

كريمة : كلامنا لسه مخلصش يعيسى

عيسى: الصباح رباح يا اما اطلعي نامي انتي دلوقتي

كريمة بسخرية: ويا ترى السنيورة اللى اتجوزتها بسـ'طتك يوم فرحك يعيسى ولا قالتلك لا مش انت اللى عايزه

وقف وهو بيقبض ايده وبيحاول يسيطر على غضبه راح عندها واتكلم بغضب لم يستطيع اخفاءه

: الموضوع دا يخصيني انا و مراتي ومش هسمح لأي حد مهما كان يدخل فيه ويا ريت متتكلميش مع جنة فيه وخليكي عارفه انها مراتي واى حاجه تمسها هتمسيني

قال كلامه وادها ضهره وخرج من قبل حتى ما تتكلم اتكلمت بغضب

: لحقتي يجنة تسحري لابني من اول يوم

عيسى خرج من القصر ركب عربيته تحت نظرات مصطفى اللى كان واقف فى بلكونة اوضته دخل الاوضة بغضب واتكلم بغيظ

: اي مشكلة فى البلد عيسى هو اللى يحلها وكأن مفيش غيره فى عيلة الجبالي

بصتله نور وضحكت بسخرية وشماتة

مصطفى بضيق وغضب : وايه بقى اللى بيضحك الدكتورة نور اوي كدا قولي عشان اضحك معاكي

نور : انا عايزة انام تصبح على خير

مصطفى: اما اكون بسألك تردي

نور : الصراحة عيسى دا شخصية جامدة اوي حقيقى يبخت جنة بيه

مصطفى راح عندها ومسـ'كها من شعرها بقوة

: ابقي جيبي سيرة عيسى أو سيرة اي راجل غيره على لسانك تاني وشوفي ايه اللى هيحصلك

نور بأببتسامة: مصطفى انت بتغير عليا

ساب شعرها ودفعـ'ها بقوة لتسقط على السرير

مصطفى: انا مبغرش ومبحبش عشان انا مفيش قلب اصلا

نور : مع الوقت هنعرف

جنة كانت واقفة قدام المرايا وبتبكي بشدة

: هو انا وحشة اوي كدا ليه محدش عارف يحبيني ليه يمصطفى دا انا محبتش غيرك كملت وهي بتمسح دموعها

: لا يا جنة مينفعش تفكري فيه انتي دلوقتي على ذمة غيره كدا انتي بتخـ'ويني عيسى استغفر الله العظيم

بعد منتصف الليل نزلت جنة المطبخ لانها مكنتش عارفه تنام من جوعها قعدت على تربيزة السفرة وهى حاطة طبق الاكل على رجليها

مصطفى دخل وشافها اتكلم بسخرية

: بقى فيه واحدة تسيب اوضتها يوم فرحها وتنزل تعقد فى المطبخ ايوا صح افتكرت عيسى سابك يوم فرحك ومشي معلش

جنة كانت هتخرج بس وقف قدامها ليمنعها من الخروج

مصطفى: انتي مش طايقني لدرجة دي مكنتش ورقة جواز عـ'رفي اللى كاتبنها عشان بس جدي يوافق اسافر اللى تخليكي تتأملي وتحلمي احلام اكبر منك وقال ايه كان عايزينى اقلبه رسمي ونعمل فرح انهاردة دا الحمد لله انك كنتي صغيرة وقتها والماذون مرضيش يكتب والمحامي عاملنا ورقة عرفي مش الدكتور مصطفى اللى يكمل مع واحدة صعيديه جا'هلة

جنة بثقة : اول مرة اعرف ان الدكاترة بيتقال عليهم جا'هلين دا امتى نزل المصطلح دا عليهم

مصطفى بأستغراب: مش فاهم

جنة : انا فى تانية طب بشري يا دكتور مصطفى واعرف ست لغات كمان بالإضافة الى اني بنت صعيديه بعرف اطبخ وست بيت كويسة جدا بعد كدا اما تتكلم على حد تتكلم وانت عارف

مصطفى بصدمة: ايه

جنة بسخرية : زي ما عرفت ايه الموضوع بيصدم اوي كدا

عيسى دخل البيت طلع الاوضة وملقاش جنة موجودة خبط على باب الحمام مفيش اى رد فتح الباب وملقهاش موجودة خرج من الاوضة وشاف واحدة من الخدم معدية من قدام الاوضة

عيسى: جنة هانم فين

: نزلت المطبخ يا بيه

عيسى: تمام روحي انتي

نزل المطبخ لاقى جنة واقفة مع مصطفى بصلهم بغضب وغيرة شديدة

عيسى: انت بتعمل ايه هنا

مصطفى بخوف : نزلت اشرب ولاقيتها قاعدة بتاكل هنا

عيسى راح ناحية التلاجة جاب منها ازازة مياه وراح وقف قدام مصطفى

عيسى بجدية: امسك و بلاش تيجي هنا كتير هنا مكان حريم متفكرش نفسك فى لندن انت هنا فى الصعيد اما تعوز حاجه اطلبها من الخدم

مصطفى: تمام

عيسى : يلا

مصطفى خرج بضيق وخرج الجنينة

عيسى بجدية وهو ماسك فونه وبيقلب فيه

: هاا ايه اللى نزلك فى وقت زي دا انتي عارفه الساعة كام

جنة بتوتر : عادي يعني يا ابيه انا كنت جعانة فقو

قاطعها عيسى وهو بيتكلم بحدة

: لا مش عادي الكلام دا كان عادي وانتي مش على ذمتي لكن دلوقتي انتي مرات كبير البلد مينفعش تنزلي من اوضتك فى وقت زي دا تاني حاجه بقى انا مش ابيه انا جوزك اسمي عيسى

جنة بدموع : تمام

عيسى بحنية مفرطة : قولت انا ايه دلوقتي يخليكي تعيطي

جنة : مفيش واسفة مش هتتكرر تاني عن اذنك

جت تطلع الاوضة مشفتاش درجة السلم من سرعتها اللى كانت ماشية بيها

عيسى بخوف شديد وهو بيروح عندها : جنة انتي كويسة

جنة ببكاء: رجلي باين اتـ'لويت

شالها برفق وحنية مفرطة

جنة بدموع وخجل : عيسى

عيسى بتوهان فيها وفى اسمه اللى اول مرة يسمعه منها

: نعم

جنة : نزليني انا هعرف امشي لوحدي

عيسى : ششش اسكتي وبطلي عياط

وصل بيها لاوضتهم حاطها على الكنبة برفق ونزل قعد عند رجليها

عيسى : هتـ'وجعك وانا بفكها وبعد كدا هترتاحي

جنة هزت راسها بخجل مسك رجليها وحركها بقوة

جنة ببكاء: اااااااه

عيسى : خلاص خلصنا استني

راح جاب مرهم ودهنه برفق وحنية مفرطة

عيسى : بقيتي احسن

جنة ببكاء: ااه

عيسى وهو بيعقد جانبها على الكنبة : بتعيطي ليه دلوقتي رجلك بتوجعك اوي ارن على الدكتورة تيجي تشوفك

جنة : لا

عيسى بحنية وهو بيزيح شعرها ورا ودنها: بتعيطي عشان زعقتلك تحت انت اسفة والله انا بس خايف عليكى من مصطفى

جنة بدموع وهى بتحضنه بتلقائية منها : لا انا مش زعلانة منك انا زعلانة على نفسي

كان معلق ايديه فى الهوا وهو مستغرب حركتها مسكت فيه بقوة وهى بتبكي

: هو انا متحبش يعيسى هو انا وحشة

عيسى بألم مش عارف سببه : انتي بتحبيه لدرجة دي

جنة : مش كدا انا بس صعبان عليا نفسي وكل اللى حصل معايا مصطفى ميستاهلش ازعل عشانه بس هو قلل ثقتي بنفسي حاسسني اني وحشة اوي

عيسى وهو بيطبطب عليها : اهدي اهدي يا جنة انتي ست البنات والله انتي جميلة جدا و زي القمر واحلى

جنة : انت بتقول كدا عشان تجبر بخاطري صح

عيسى بتلقائية : والله انتي قمر اوى وعاجبني اوي

جنة خرجت من حضـ'نه بخجل شديد بصلها برغـ'بة حاول يتحكم فى نفسه وفى بصته ليها بس مقدرش ووو

نسيم العشق

البارت الرابع

دفـ'ن رأسه فى عنقها واتكلم بهمس

: انتي جميلة اوى يا جنة

جنة بخجل شديد وتوتر : عيسى ابعد

عيسى بهمس : مش قادر والله

جنة بتوتر وهى بتحاول تبعد اتكلمت بغضب و دموع

: بقولك ابعددد

بعد بصعوبة وهو بيمسح على وشه: انا خارج هروح اطمن على جدي

جنة : تمام

مصطفى طلع اوضته بغضب لاقى نور قاعدة وماسكه اللاب بتاعه

مصطفى: انتي بتعملي ايه

نور : بحاول اتواصل مع حد عايزة احول ورقي لطب سوهاج

مصطفى وهو بيروح يعقد على السرير اتكلم بجدية

: ورقك اتحول تقدري تروحي من بكرة

نور : بالسرعة دي

مصطفى: انا معيد هناك واعرف ناس ساعدوني فى الموضوع

نور : شكراً

تجاهلها وهو بينام بصتله اتكلمت بصوت عالي نسبياً

: بقولك شكرا على فكرة

مصطفى: تصبحي على خير يا نور انا عايز انام

نور وهي بتمسك ايده : مالك

مصطفى وهو بيبص على ايدها اللى ماسكة ايده

: مليش

نور : هو انت بتحب جنة

مصطفى: لو كنت بحبها هطلقها ليه يعني وبعدين ايه السؤال دا هي الدكتورة نور بتغير ولا ايه

نور : مصطفى انا بحبك و نفسي تبطل معاملتك دي و نعيش مبسوطين مع بعض

مصطفى: انا مش هحب حد افهمي بقى متحطيش فى دماغك حاجه مش هتحصل يا نور ونامي فى ليلتك دي

نور بدموع : طب انا مش طايقة اقعد هنا ممكن انزل اقعد فى الجنينة تحت

اللهم صلي وسلم وبارك على سيدنا محمد وعلى اله وصحبه اجمعين ♥️

مصطفى: لا

نور : ليه طيب

مصطفى: الجنينة بتبقى مليانة غفر بليل هتنزلي تعقدي قدامهم

نور ببأبتسامة: تمام

حطيت راسها على صدره وغمضت عينيها: تصبح على خير

حس ان قلبه بدأ ينبض بشدة اثر قربها لدرجة انها بدأت تسمعه وتحسها

نور : انت كويس

مصطفى بضيق: ابعدي يا نور ابعدي الله يهديكي

نور ببأبتسامة وهي بتمرر ايدها على خده وبتتكلم برقة

: ليه يحبيبى

مصطفى بتوهان فيها: انتي عايزة ايه

نور : عايزة مصطفى الكويس يطلع ويمحي مصطفى اللى بيظهر للكل انه وحـ'ش

مصطفى: انتي اكتر واحده انا اذ'تيها انتي غريبه اوي

نور : انا مراتك واكتر واحدة تفهمك على فكرة

مصطفى: وانا مش عايزاك يا نور افهمي بقى مبحبكيش

نور بدموع والم شديد : تمام

جت تقوم مسك ايديها: رايحة فين

نور : هقوم اقعد فى البلكونة ممنوع برضوا

مصطفى: حطي حاجه على شعرك

نور : تمام

كامل : ادخل

لا حول ولا قوة الا بالله العلي العظيم ♥️

عيسى : صاحي يا جدي

كامل : تعال يعيسى

عيسى وهو بينام على السرير : الصراحة مقدرتش ابعد عنك قولت اجاي ابات معاك الليلية

كامل : هتفضل تهرب لحد امتى يا ابن كارم

عيسى : اهرب من ايه يا جدي

كامل : هتضحك على اللى مربيك يعيسى انت بفهمك اكتر ما بتفهم نفسك انت بتحب جنة يعيسى

عيسى بضحك عكس اللى جواه: جنة جنة دي اختي يا جدي جنة عندي زي حنين

كامل : انت تضحك على الكل الا انا يعيسى انا عارف انك بتحبها من ساعة ما كنتوا صغيرين بس اللى بعدك انك عارف انها بتحب مصطفى بس شوف النصيب ربك رايد انها تبقى مرتك انت

عيسى بتنهيدة حزن : مراتي اللى لما قر'بت منها عيطت يا جدي مراتي اللى فى قلبها حد تاني غيري

كامل : شوية وهترضى

عيسى: مبقتش تفرق خلاص انا اتعودت اسمع من الكل اد ايه جنة بتحب مصطفى اد ايه جنة نفسها مصطفى يرجع عشان تبقى معاه كنت بسمع كل دا منهم كنت بسمعها بتتكلم مع حنين وتقولها انها بتحب مصطفى

كامل : بس دلوقتي مين جوزها

عيسى : انت عارف ان الموضوع وهي مراتي بيوجع اكتر بكتير بلاش نتكلم فى الموضوع دا تاني يا جدي

كامل : طب روح لمرتك يا ولدي واتعود بلاش تفضل تهرب لو هتهرب انهاردة مش هتعرف تهرب بعد كدا

عيسى: تمام يلا تصبح على خير

كامل : وانت من اهله

دخل اوضته لاقى جنة نايمة راح قعد جانبها وهو بيتأمل ملامحها قرب منها وقبـ'ل خدها بعد عنها بصعوبة

عيسى : امسك نفسك مينفعش يعيسى بتقولي انك وحشة يجنة تعالي شوفي نفسك فى عيني وانتي هتعرفي انك ملكة يا جنة

استغفر الله العظيم الذي لا اله الا هو الحي القيوم و اتوب اليه ♥️

فى الصباح صحيت جنة ملقتاش عيسى بصيت على نور الحمام لاقته شغال قعدت على السرير بنوم عيسى خرج وابتسم على شكلها

عيسى : طب بتصحي ليه ادام عايزة تنامي

جنة : لازم انزل احضر الفطار معاهم

عيسى: مين اللى قال لازم نامي وانا هقولهم يطلعوا الفطار هنا وانتي مش مجبرة تعملي اي حاجه ويبقى حد من الستات اللى تحت يكلمك

جنة : مرات عمي كريمة بتزعقـ'لي لو اتأخرت فى الصحيان بتقولي انتي بتدلعي لو منزلتش هتبعتلي حد وهتزعقلي جامد كملت وهي بتقوم انا هاخد شاور فى السريع وانزل بسرعة

مسك ايديها واتكلم بجدية

: محدش فى البيت هنا يقدر يزعقلك وانتي انهاردة مش هتخرجي من الاوضة ويبقى حد يكلمك روحي نامي وانا هقولهم يطلعولك الفطار كمان ساعتين تكوني صحيتي باذن الله

جنة : شكراً بس انا ممكن انزل الكلية من بكرة

عيسى : تمام

فى مطبخ القصر

كريمة : الست جنة لسه منزلتش

صفاء ( ام مصطفى) : سبيها يا كريمة انهاردة صباحيتها اعتقي البت شوية

كريمة : ما انا نزلت يوم صباحيتي برضوا وحضرت الفطور والغدا والعشا العيلة وبعدين انتي مفكرة انها مر'يحة ابني اوي اقطـ'ع دراعي لو كانت سمحتله يقر'ب منها

صفاء: دا موضوع يخصهم هم يا كريمة وبلاش تتكلمي فى الموضوع دا عشان متكبريش الموضوع احنا ما صدقنا أن عيسى حل اللى حصل انبارح

كريمة: ايوا يختي ما هو ابنك يعملها وابني انا يدبس

دخلت نور المطبخ بصولها كل اللى واقفين فى المطبخ بغضـ'ب اتجاهلت نظراتهم و كانت لسه جاية تدخل بس

تابعووووووني

الفصل الخامس والسادس والسابع والثامن من هنا

رواية منعطف خطر كامله من هنا