رواية حوريتي بقلم مارينا عبود حصريه وجديده وكامله جميع الفصول على مدونة النجم المتوهج للروايات والمعلومات

 رواية حوريتي بقلم مارينا عبود حصريه وجديده وكامله جميع الفصول على مدونة النجم المتوهج للروايات والمعلومات 

رواية حوريتي بقلم مارينا عبود حصريه وجديده وكامله جميع الفصول على مدونة النجم المتوهج للروايات والمعلومات 

ايييه انت عاوز تتجوز ديه 

قالها ابويا وهو بيشاور عليه وانا واقفه خايفه وجسمى بيترجف

_ بس لقيت الشاب رجع بضهره لورا وبصله وهو بيتكلم ببرود وغرور واضح وصوت قوى واثق 

=ومالها ديه مش بنادمه زيكم ولا ايه 

قاسم بخوف ؛مش قصدى يا رحيم بيه بس يعنى بنتى حور مش تليق بمقامك 

انتصار بحقد؛ايوه يا رحيم بيه بنتى زينب احسن واجمل منها وهى إللى تليق بمقام حضرتك 

رحيم ببرود؛وانا ماخدتش رايكم انا قولت ديه يبقه ديه ومش عاوز رغى كتير 

_ كنت واقفه بدمع وانا شيفاهم  وهما بيبيعوا وييشتروا فيه والاصعب انه الشخص ده ابويا ايوه متستغربوش ده ابويا من بعد موت امى وهو ومراته الجديده وبنته مشغلينى خدامه عندهم 

وياريت كده وبس لا كل يوم ضرب واهانه من مرات ابويا جسمى بقاا كله كدمات من الضرب وانا لانى شخصيه ضعيفه مكنتش قادره ادافع عن نفسى بس إللى صدمنى اكتر انه العريس إللى كان جاى ل زينب بنت مرات ابويا اختارنى انا مكانها ويا عالم حياتى الجديده هتبقه عامله ازاى كنت واقفه قدامهم وانا حاطه رأسى فى الارض ودموعى نازله 

_اتفاجئت بالشخص ده واقف قدامى وبيقرب مسك دقنى ورفع وشى لفوق

بصتله وعينى جت فى عنيه جماله مخيف وساحر  اول مره اشوف حد بالجمال ده عيونه غريبه كان بيبصلى بنظرات جامده لكن رغم كده كنت شايفه فيهم امان غريب 

اسلوبه كان  قوى ومخيف لدرجه خله الكل يخاف  لكن عليه جمال ساحر هو بجد ف جمال كده  

رحيم بجمود؛هكون هنا بعد يومين عاوز كل

 حاجه تكون جاهز وكمان العلامات إللى على وشها ديه عاوزها تختفى فاهمين قال اخر كلام بصوت جهورى يهز المكان لدرجه قلبى كان

 هيوقف وجسمى بقاا بيترجف 

قاسم بخوف؛تمام يا رحيم بيه 

_ قرب منى وهمس فى ودانى وانا جسمى بيتنفض من الخوف 

رحيم بهدوء مخيف ؛العيون الجميله ديه مش لايق عليها الدموع عاوز اجى القيكى جاهز يا عروسه ورجع بصلهم بتحذير 

*رحيم بتحذير وصوت مخيف:مش عاوز حد يقرب منها والا اقسم بالله هندمكم كلكم 

قاسم بخوف ؛حاضر يا رحيم بيه 

_ بصلى وابتسم وسابهم وطلع  ابتسامته جميله اووى وطبعنا هو مشى وانا استعديت ل اهانه كل يوم بس حاسه انه هيبقه زياده سيكا خصوصا بعد إللى حصل النهارده لقيت مرات ابويا مسكتنى من شعرى 

انتصار بحقد؛ بقااا انتى يا بنت إللى ما تتسمه تاخدى عريس بنتى 

= ابعدى عنى حرام عليكى انا ذنبى ايه 

انتصار بغضب؛ ذنبك ايه يا روح امك ذنبك انك اخدتى عريس بنتى وانا مستحيل اسيبك تتهنى  يا بنت منار انا هخلص عليكى قبل ما يجى ياخدك

_ "عيطت انا مش قادره استحمل ضرب مش قادر تعبت اتفاجئت ب بابا بيمسك ايدها ويبعدها عنى

قاسم بغضب ؛انتى اتجننتى يا انتصار عاوزه تودينا فى  داهيه انتى ناسيه مين رحيم نصار ولا ايه 

_ كنت موجوعه اووى هو مش هامه بنته كل إللى يهمه انه ميروحش فى داهيه ويخسر كل حاجه هه عادى اتعودت هو اصلا مكانشى بيحبنى لا انا ولا امى فضلت اعيط بس فجاه لقيته زعق 

قاسم بغضب؛غورى دلوقتى من وشى مش عاوز المح طيفك قدامى 

زينب بغضب : انت بتقول ايه يا بابا انت عاوزها تدخل من غير ما تتعلم الادب 

قاسم بهدوء؛اسمعينى يا زينب رحيم لو عرف اننا قربنالها مش هيرحمنا 

_مرات ابويا قربت ومسكت شعرى بقوه وغضب وهى بتتكلم بنبره تخوف

*وانت فاكر انى هسمحلها تنطق بحرف واحد دنا اخلى اتمنه الموت ومطلهوش 

=ليه وانتى فاكره انى عايشه معاكى فى جنه منا بقالى سنين فى جحيمك اه نسيت انك شيطان مبيعرفش الرحمه 

انتصار بغضب وحقد ؛لااااا دنتى شكلك نسيتى نفسك وانا هربيكى من جديد 

*وكالعاده شدتنى وحبستنى فى الاوضه وفضلت تضرب فيه بكل غضب وبدون رحمه وقفلت عليه الاوضه وطلعت 

اتسندت ودخلت ألحمام ونزلت تحت الميه الساقعه وانا بتالم من كتر  الدم والجروح إللى فى جسمى طلعت وروحت نمت وانا بعيط 

وتانى يوم صحيت وانا بصرخ 

البارت التانى 🐣❤

تانى يوم قومت وانا بصرخ من الالم لقيت مرات ابويا بتشدنى من شعرى 

=اااه اااه حرام عليكى 

انتصار بغضب:قومى يا روح امك انتى نسيتى نفسك ولا ايه يلاه قدامى على المطبخ 

*طلعتنى ورمتنى فى المطبخ 

انتصار بغضب؛يلاه يابت اعملى الفطار ومتتاخريش

- هزيت رأسى بخوف وبدأت اعمل الفطار وطلعته  ليهم 

قاسم بجمود :اسمعى يا حور رحيم بيه كلمنى وقال هيبعت حاجات علشانك وعلشان كده ادخلى الاوضه ومش عاوزك تخرجى منها لحد ما موضوعك يخلص 

انتصار بح قد :وده ليه انشالله 

قاسم بعصبيه :انتصار انا بحذرك اياكى تقربى من حور مش عاوز مشاكل مع رحيم بيه  من وراكم وخلو اليوم يعدى على خير وانتى يا حور اعملى زى ما قولتلك 

_ هزيت رأسى ودخلت اوضتى وانا بعيط حاسه انى هطلع من كابوس هدخل فى التانى انا مش عارفه إللى اسمه رحيم ده عاوزنى ليه وليه اختارنى انا اكيد فى هدف من وراه بس انا مش حمل اهانه ووجع تانى تعبت من التفكير ونمت معرفش مر قد ايه وصحيت لقيت فستان فرح كان شكله جميل محطوط على السرير ومرات ابويا بتبصلى بح قد 

انتصار بحقد؛رحيم بيه بعتلك الفستان ده بكره تبقى جاهزه علشان هتغورى من وشنا وتروحى لجح*يمك التانى 

_بصتلها بصدمه وخوف واضح : ج جح*يمى 

 انتصار بسخريه :اومال فاكره ايه هيعاملك على انك مراته لا يا حلوه فوقى انتى هتكونى مجرد خدامه هيتسله بيكى يومين ويرميكى زى الكلا*ب ووقتها هجوزه بنتى زينب وهرجعك خدامه عندى بعد ما رحيم بيه ياخد إللى هو عاوزه منك وابتسمت بشماته وطلعت وانا لسه بحاول استوعب إللى قالته معقوله هيعمل كده يعنى هو هيتجوزنى تسليه لا انا مستحيل اسمحله يقرب منى انا امو*ت ولا انه يقربلى مستحيل فضلت اعيط بقهر انا معرفش انا بيحصل معايا كده ليه ليييه 

فى مكان آخر فى فيلا اقل ما يقال عنها انها قصر فخم يقف ذلك المغرور وهو يتذكر تلك الحوريه التى أخذت عقله  من النظره الأولى وهو ينوى على فعل شئ لها قاطع تفكيره صوت تلك المرأه الاربعينيه

* رحيم بيه حضرتك تامر ب اى حاجه تانى 

رحيم بجمود ؛لا تقدرى تمشى 

*حاضر يا بيه بعد اذنك 

رحيم شاورلها بايده انها تمشى وقعد على الكرسى وهو سرحان 

رحيم ؛حوريه رحيم نصار ده هيكون اسمك من النهارده واوعدك  انه انا إللى هغير مصيرك بايدى يا حوريه وابتسم ورجع كمل شغل 

                   ******************

مر يومين وانا محبوسه فى اوضتى والنهارده هبقه على اسم الشخص ده رغم انى معرفش عنه حاجه لبست الفستان وطلعت لقيته قاعد وهو لابس بدلته السوده  كان جميل اووى جماله ساحر بصلى وابتسم وانا كنت ببصله بخوف 

*بارك الله لكم وبارك عليكما وجمع بينكما في خير 

اول ما سمعت الجمله ديه وقلبى وقع كنت همو*ت من الخوف يعنى خلاص هطلع من جح*يم ابويا ومراته هدخل على جحيم الشخص ده كان جسمى بيترجف والدموع ماليه عنيه لقيته قام وقرب منى وهو بيهمس فى ودانى بصوته القوى المخيف 

* مبروك يا حوريه 

_ هو قال حوريه ايه ده اول مره اعرف انه اسمى حلو بالشكل ده

بعد عنى وهو بيبص فى عيونى يالهووى عيونه قمر يا جماعه ولله ثوانى هو عيونه لونها ايه بنى لا فيروزى فضلت مركزه فى عيونه طلع لونهم رمادى ياختى ايه الجمال ده

قرب ومسك ايدى وبدون ولا كلمه اخدنى وطلع وركبنى معاه العربيه 

*كنت مرعوبه فكرت انه خلاص هبقه تحت رحمت حد تانى فكره مرعبه بالنسبالى مر وقت مش كبير ولقيته وقف العربيه قدام مكان جميل اووى  كان مكان فخم ومليان حرس 

رحيم بجمود؛انزلى 

_ هزيت رأسى ونزلت معاه كانت فيلا كبيره فضلت بلف حولين نفسى وفجاه لقيته بينادى ب اسم ميرفت وصوته عالى 

التفت  لقيت ست كبيره جاى عليه وبتستقبلنى كانت ملامحها هاديه وجميله 

رحيم ببرود :ميرفت خديها وطلعيها الاوضه 

ميرفت بابتسامه ؛حاضر يا رحيم بيه 

الست قربت واخدتنى لفوق ودخلتنى  اوضه شكلها بتعته لانه صوره كانت ماليه الاوضه شكله مغرور اووى وشايف نفسه 

ميرفت بابتسامه:خليكى هنا يا بنتى وعشر دقايق ورحيم بيه جاى 

قالت كلامها وطلعت وانا فضلت بلف حولين نفسى وبتفرج على الاوضه وقد ايه  جميله ولقيت الباب بيتفتح وهو داخل افتكرت كلام مرات ابويا وأنه اكيد هيتقرب منى علشان يتسله جسمى بقاا يترجف من الخوف واتكلمت وانا بعيط 

=انت انت هتعمل ايه  أرجوك متعملش كده 

كان بيقرب وهو بيفك زراير قميصه وبيبتسم فضلت اترجاه وو 

البارت التالت 🐣❤

وكان بيقرب وهو بيفك زراير قميصه وبيبتسم  وانا بعيط وبترجاه فكرت انه هيقرب منى ويستغلنى فعلا زى ما مرات ابويا قالتلى لكن اتصدمت لما لقيته قعد قصادى على الكرسى وضحك 

=اهدى يا حوريه وقربى 

_ انت  هتعمل ايه 

ابتسم وقام قرب منى ومسح دموعى 

=الدموع ديه مش عاوز اشوفها مره تانى مفهوم 

_ هزيت رأسى بخوف وهو رجع وقعد قدامى على كرسيه وشاورلى بايده 

=تعالى هنا 

_ايييه 

رحيم ببرود: حوريه انا مبحبش اعيد كلامى مرتين انا قولتلك تعالى هنا 

*قال اخر كلام بصوت عالى ومخيف خلانى اتفزعت وقربت منه وانا بعيط وصوت شهقاتى  بقااا عالى وقفت قدامه واتصدمت  لما شدنى وقعدنى على رجله يالهووى  ايه ده كنت حاسه انه وشى بيطلع نار من السخونه والكسوف إللى انا كنت فيه 

=اهدى يا حوريه 

_ انت انت عاوز منى ايه 

* قرب ودفن رأسه فى رقبتى وانا بترجف كنت حاسه بانفاسه السخونه فى رقبتى ونبضات قلبى إللى بتزيد ورجعت اعيط تانى 

*رجع بضهره لورا وهو بيبتسم وغمازاته بانت يخرب بيته ده شكله ناوى يخطف قلبى 

=انتى خايفه منى

*قالها رحيم وهو يمسك يد تلك الحوريه كمحاوله لجعلها تشعر بالأمان  

_ هزيت رأسى بخوف والدموع مغرقه وشى

=طيب اهدى انا مش هعملك حاجه 

_اومال اتجوزتنى ليه قولتها وانا بحرك ايدى زى الأطفال 

=برايك الناس بتتجوز ليه 

_ لكن اشمعنا انا 

رحيم بابتسامه جذابه :هقولك بعدين 

_ كلامه غريب غامض لكن رغم كده وانا معاه اول مره احس بالأمان من بعد موت امى بس ياتره حياتى الجديده معاه هتبقه عامله ازاى 

=حوووووريه 

_ فوقت من سرحانى على صوته القوى ورجعت بصتله كان بيبصلى بنظرات مش قادره افهمها ف سألته بخوف 

_ هو انا هنام فين 

*شاورلى بايده على السرير 

_انت هتنام فين 

_قولتها وانا مصدومه 

=جنبك يا حوريتى 

_نعمممممم 

_صوتى كان عالى سيكا احم بصراحه اتنين لا هو صوتى كان عالى اووى وحاسه انى وقعت نفسى فى مصيبه بس ازاى يعنى عاوز ينام جنبى المشمحترم ده هو فاكر انى هسكتله يعنى هو مش عارف انى عيوطه يخرب بيت حلاوته

رحيم بضحكه رجوليه جميله :متخفيش يا حوريه انا مش هعملك حاجه لحد ما تتعودى عليه ودلوقتى ادخلى غيرى هدومك وتعالى 

_بس انا معنديش هدوم 

_قولتها بخجل وراسى فى الارض لقيته قرب ورفع رأسى لفوق هو كان اطول منى همس فى ودانى

=متخفيش انا عامل حسابى روحى افتحى الدولاب هتلاقى هدوم ليكى 

_بجد 

=بابتسامه :بجد 

_قومت وجريت ناحيه الدولاب لقيت هدوم كتير 

_ دول علشانى 

ابتسم وقام وقف قدامى وهو بيبتسم 

=اكيد علشانك 

_انت بتعمل ده كله علشان ايه 

_انا معرفش هو عاوز إيه وليه بيعمل كده بس جوايا احساس بالأمان اول مره احسه من بعد سنين  بس خايفه، خايفه يطلع زيهم انا فين وهو فين وليه اختارنى انا ليه انا وبعدين ليه بيقولى يا حوريه اسأله كتير بتدور فى دماغى فوقت على صوته 

=بطلى تفكير كل اسالتك هتعرفى اجاباتها فى الوقت المناسب 

_هو ليه مصر يخلينى فى دوامه بصتله بغيظ اما  هو كان واقف وبيبتسم  دخلت اغير هدومى ولبست بيجامه كان لونها فيروزى وجميله اووى وطلعت لقيته قاعد على السرير وبيلعب فى تليفونه 

_هو انا ممكن انام فى اوضه تانيه 

*رفع رأسه وبصلى وفضل متنح وعنيه منزلتش من عليه اتوترت ونبضات قلبى زادت بسبب نظراته 

رحيم لنفسه:انا مغلطش لما قولت حوريه هى فعلاا حوريه بس انا ازاى هستحمل لحد ما تتعود دنا عاوز اقوم اكلها اكل وهى قمر كده يووه رحيم اهداء شويه 

=حوريه تعالى هنا .. 

_قربت وقعدت جنبه على السرير وحاولت اتكلم بقوه شويه :هو انت صحيح جايبنى تتسله 

_بصلى بدهشه  ونظرات الاستغراب بانت عليه 

=اتسله ؟هو مين إللى قلك كده 

_مرات ابويا قالتلى انك اتجوزتنى علشان تتسله وتخلينى خدامه عندك وبعدها هترمينى هو هو انت صحيح هتعمل كده 

_ضحك ضحكته بتخطف قلبى يا جماعه شكلى هقع فى حبه 

=يعنى انتصار قاسم قالتلك كده

_ااه 

=ابتسامته اختفت واتكلم بجديه :اسمعى يا حوريه اول قانون هنمشى بيه ولازم تنفذيه انك متصدقيش كل إللى بيتقالك مش اى حد يقولك كلمه  علشان يوقع ما بينه تصدقيه 

_اومال انت اتجوزتنى ليه 

=ابتسم:علشان اغير مصيرك يا حوريتى

_حوريتى بحب الاسم ده اووى اسمى بيبقه مميز او يمكن لانه هو إللى بينطق اسمى بطريقه مميزه  بس ازاى هيغير مصيرى 

_انا مش فاهمه حاجه 

رحيم وهو يحضن كف ايدها :مع الوقت هتفهمى ودلوقتى كفايه اسأله ويلاه علشان ننام عندى شغل 

*فرد جسمه على السرير وشدنى لحضنه كنت مصدومه مكسوفه مش عارفه اعمل ايه استسلمت ونومت وانا حاطه رأسى على صدره احساس جميل انك تحس بالأمان مع شخص هو جميل رغم قوته وعضلاته واسلوبه القوى المخيف لكن حنين معقوله يكون رحيم هو عوض السنين إللى فاتت ولا مع الوقت هيتغير وهيبقه زيهم وياتره اتجوزنى علشان هدف معين فى دماغه ولا بجد هو عاوزنى زوجته تعبت من التفكير وروحت فى النوم 

*رحيم لنفسه:عارف انك خايفه يا حوريتى بس اوعدك مع الوقت هخليكى تنسى خوفك ده  اوعدك بأس جبينها ونام 

ويأتى يوم جديد ملئ بالأحداث 

البارت الرابع 🐣❤

فتحت عنيه وانا بستقبل يوم جديد بس مختلف اول مره انام مرتاحه كده ومفتحش عيونى على صوت مرات ابويا واهانتها ليه ثوانى واستوعبت انى نايمه على صدره قومت بسرعه وفضلت ابصله

_شعره الناعم كان نازل على عنيه بشكل حلو اووى  ملامحه الجميله وهو نايم بسلام زى الأطفال ودقنه إللى مزوداه وسامه 

قربت وحطيت كف ايدى على رأسه وفضلت العب فى شعره حسيته هيصحه كنت هقوم قبل ما يصحه لكن قبل ما أمشى مسكنى وشدنى لحضنه 

=رايحه فين يا حوريتى 

_انت ليه بتقولى حوريتى انا اسمى حور  

=رحيم بابتسامه:عارف بس انتى دلوقتى حوريه رحيم نصار انسى حور خاالص

_طيب انا هنزل اجهزلك الفطار 

=تو تو مينفعش هانم القصر هى إللى تجهز الفطار انتى هنا تومرى والخدم ينفذوا 

_بصتله وانا مبرقه : انت  بتتكلم بجد يعنى خلاص مش هدخل المطبخ ولا هشتغل زى الخدم 

=بابتسامه جميله : لا خلاص انتى دلوقتى مراتى يعنى مقامك زى مقامى فى البيت ده مفهوم 

_اكتفيت انى اهز رأسى 

=قومى يلاه اجهزى علشان نفطر  وانتى قمر كده  

_ضحكت او مكنتش مصدقه معقوله طيب ازاى ف يوم وليله حياتى تتغير كده عمرى ما كنت اتوقع انه ده يحصل طيب ياتره هو بيعمل كده ليه بطلت تفكير وبعدت عنه اخدت لبس ودخلت غيرت هدومى وطلعت كان واقف قدام المرايه بيظبط نفسه

_قربت ووقفت قدامه وانا بسأله : هو انت بتعمل كده ليه 

=بعمل ايه 

_يعنى اتجوزتنى وخلتنى انام فى اوضتك وبتعاملنى باحترام وكمان جايبلى لبس شيك وغالى اكيد ده كله لسبب صح 

*قرب ووقف قدامى وهو بيبصلى من تحت لفوق ياختى ايه الطول ده انا حاسه انى صغيره اووى وانا قصاده بس ده منكرش انه قره عينى قمررر اووى  

=انا مش قولتلك كل حاجه هتعرفيها فى وقتها رجعتى تسالى ليه وانتى عارفه انى مش بحب اعيد كلامى مرتين 

_ خوفت ونزلت رأسى وبصيت فى الارض :انا اسفه 

=رحيم بتنهيده وهو يرفع رأسها ل أعلى وينظر لعيناها الجميله واللامعه بالدموع :خلاص متعتذريش يا حوريه بس انا قولتلك انى مش هاذيكى انتى ليه رافضه تصدقى 

_ابتسمت بسخريه اقوله ايه اذا كان اقرب حد ليا هما اكتر ناس اذونى وخلو ثقتى فى نفسى تتهز لدرجه بقيت ضعيفه ومليش شخصيه سرحت وانا بفتكر الإهانات والتعذيب إللى شوفتهم من ابويا ومراته وفوقت على صوته وهو بينادينى ب اسمى واللى بيبقه مميزه لما بينادينى بيه

=حورررريه سرحتى ف ايه 

_هاا ولا حاجه 

=ماشى يلاه علشان نفطر واروح شغلى 

_هو انت رجل اعمال صح 

ابتسم :صح 

_طيب انت هتتاخر فى شغلك 

=لا متخفيش مش هتاخر يلاه تعالى معايا 

_مسك ايدى وطلع من الاوضه وانا طايره من الفرحه وانا معاه 

*نزلنا وقعدنا نفطر سواء وبعدين قام وباس جبينى جماعه انا خلاص وقعت فى حبه ياختى 

اكاد من فرط الجمال اذوب 

=اسمعى يا حوريه ممنوع تطلعى بره الفيلا ولو عوزتى حاجه عفاف هتكون موجوده معاكى واياكى تدخلى حد هنااا فاهمه 

_ابتسمت وهزيت رأسى بالموافقة 

*لبس جاكت بدلته وطلع وانا فضلت واقفه ببص على طيفه لحد ما اختفه من قدامى وسابنى فى فيلا واسعه كبيره مش عارفه هعمل فيها ايه فضلت الف حولين نفسى وانا بتفرج على المكان كان جميل اووى ومريح كنت طالعه فوق لكن وقفنى اكتر صوت بكره ومكنتش عاوزه اسمعه ولا اشوفه التفت لقيت مرات ابويا وبنتها واقفين وعلامات الصدمه على وشهم 

انتصار بح قد:ده ايه الشياكه والجمال ده والا ونضفتى يا حور 

_ ج سمى رجع يترجف من تانى والخوف سيطر عليه واتكلمت بصوت مخنوق :انتى انتى ايه جابك هناا 

انتصار بح قد:ايه يا روح امك نسيتى الضر*ب والاها*نه ولا ايه وبعدين اتكلمى عدل 

زينب بخبث :اومال رحيم حبيبى فين وازاى يسيب الخدم كده 

انتصار بسخريه:ايوه صحيح يا حور انتى المفروض تكونى فى المطبخ دلوقتى مش كده وياتره عجبتى رحيم بيه ولا طلعتى بضاعه ملهاش لازمه 

_ دموعى نزلت معرفتش ارد عليهم واللى صدمنى  لما سمعت صوته جريت عليه واترميت فى حضنه  ولقيته لف ايده على وسطى ومسكنى بتملك

 قدامهم وكأنه بيقولهم انى خلاص بقيت ملكه

رحيم  بغضب : انتوا ايه جابكم هنااا ومين سمحلكم تيجوا بيتى 

انتصار بتمثيل:احنا جينا نطمن على حور يا رحيم بيه

=طيب اتفضلوا بدون مطرود ومش عاوز اشوف وشكم واللى قدامكم مسمهاش حور ديه حوريه رحيم نصار ، هانم القصر إللى انتوا واقفين فيه

_بصتله بصدمه ولقيت مرات ابويا وبنتها بيبصولى بح قد كنت فرحانه انه وخلاص لقيت ضهر اتسند عليه وحد اتحامه فيه وينقذنى منهم  احساس انه ليك سند ده اجمل حاجه ممكن تحصلك

انتصار بح قد:حاضر يا بيه يلاه يا زينب 

زينب بعصبيه :انت بتفضل الخدامه ديه عليه يا رحيم 

رحيم ببرود :انتصار خدى بنتك واطلعى بالأدب بدل ما اخلى الحرس يطرودكم طرد الكلا*ب يلاااااه 

*قال اخر كلامه بصوت جهورى جعل كل من امامه يقف مرتعب وكذلك تلك الجميله التى تختبئ داخل أحضانه 

انتصار بخوف وهى تنظر لحور بح قد وغضب:حاضر يا بيه يلاه يا زينب 

زينب بغضب :حاضر 

اخذت انتصار ابنتها وغادرت القصر وهى فى حاله صدمه كيف لهذا ان يحدث تلك الفتاه التى لطالما جعلتها خادمه تحت أرجلها أصبحت الآن سيدتها وملكه هذا القصر الفخم لا لا هذا لن يحدث غادرت وهى تنوى لها على شئ  فماذا ستفعل

*داخل الفيلا 

=رحيم بغضب جح يمى :انا مش قولتلك

متسمحيش لحد يدخل الفيلا بدون اذنى قولت ولا مقولتش انطقى 

اترعبت وفضلت اعيط وصوت شهقاتى بقااا عالى وفجاه 

البارت الخامس🐣❤

اترعبت وفضلت اعيط وصوت شهقاتى بقااا عالى وفجاه وبدون مقدمات شدنى لحضنه 

=هششش خلاص يا حوريتى اهدى 

_صدقنى مش انا إللى قولتلهم ييجوا مش ذنبى 

رحيم بهدوء :طيب اهدى خلاص

_يعنى انت مش زعلان منى قولتها وانا بحرك ايدى زى الأطفال 

رحيم بابتسامه:لا مش زعلان 

*قرب ومسح دموعى وباس جبينى هو حنين عكس بابا كل حاجه معاه جميله حنيته عليا من وقت ما اتجوزنى خلتنى احس انه خلاص ربنا عوضنى 

_هو انت ايه رجعك

رحيم:نسيت ملف ورجعت علشان اخده وكويس انى رجعت وشوفتهم وبعدين انا مش عاوزك تخافى من حد مفهوم 

_ابتسمت وهزيت رأسى :حاضر بس ممكن تاخدنى معاك 

رحيم :مينفعش يا حوريه خليها فى وقت تانى 

_بس انا بخاف وانا لوحدى انا معرفش حد هناا 

*ابتسم ومسك ايدى وباسها:اوعدك مش هتاخر قوليلى انتى بتحبى القراءه 

رديت عليه بحماس وانا بتنطنط زى الأطفال:اااه اووى

=طيب تعالى معايا 

_مسك ايدى وطلع لفوق شخص حنين لطيف واول حد احس معاه بالامان صدقونى احساس الإمان وعدم الخوف وانت مع شخص ده اجمل حاجه واجمل من الحب نفسه دخلنى اوضه غريبه كانت جنب أوضته فتح النور واتفاجئت كانت مكتبه مليانه كتب وشكلها جميل اووى وديكورها  هادئ سبت ايده وفضلت اتفرج والف حولين نفسى وانا مش مصدقه 

رحيم بابتسامه جذابه :عجبتك 

بصتله ووقفت قدامه وعيونى كانت لامعه من الفرحه اتكلمت بحماس كالأطفال:جميل اووى اووى شكرا 

=رحيم 

_هاا

ابتسم:اسمى رحيم نادينى باسمى 

_بس 

=مبسش حوريه انا مش عاوزك تخافى منى اتكلمى واحكى معايا مش عاوزك تعتبرينى غريب 

_اكاد من فرط الجمال اذوب يخرب بيت جمالك هو فيه كده 

_موافقه يا رحيم 

_ابتسم وشوفت لامعه عيونه حسيته فرح 

=ماشى يا قلب رحيم انا همشى دلوقتى

_متتاخرش وخلى بالك من نفسك 

رحيم بحب:حاضر 

_مشى وسابنى وانا فضلت الف فى الاوضه واخترت روايه جميله فتحتها وفضلت اقراء انا بحب الروايات اووى 

                   فى شقه القاسم 

انتصار بشر:بقااا انا انتصار، رحيم نصار يطردنى علشان حته خدامه 

زينب بغضب:انتى السبب لو كنتى اقنعتيه من الأول انه يتجوزنى انا بدل الحربايه بنت جوزك مكنشى حصل ده كله 

انتصار بغضب:اخرسى انتى فكرانى مبسوطه باللى حصل وفاكره انى محاولتش اقنعه بس اوعدك مش هسيبهم  يلاه اطلعى وسبينى افكر انا لازم اخرب حياتها مش هسيب بنت فاتن تتهنه فى حياتها ابدا 

زينب بخبث:هتعملى ايه، ماما رحيم لازم يكون ليا انا وبس انا إللى المفروض اكون هانم القصر مش البنت ديه

انتصار بخبث:متخفيش اوعدك هخلى رحيم نصار  هو بنفسه إللى يكسرها ويرجعها خدامه وهجوزهولك بس اصبرى وهتشوفى امك هتعمل ايه 

زينب بخبث :ماشى 

                  *****************

مر وقت كبير وهو مجاش وانا كنت قاعده بقراءه فى الروايه ومندمجه اووى فى الأحداث واتفاجئت بحد بيحط ايده على كتفى جسمى اتنفض وبصيت ورايا لقيته واقف ومربع ايديه والابتسامة على وشه حد يقوله انى بمو*ت ف امه اكيد امه ديه كانت قمر علشان جايبه الولد ده 

=مطلعتيش من هنا من وقت ما سبتك

ضحكت وهزيت رأسى ب لا 

_ضحك وبانت غمازاته :طيب تعالى علشان نتعشاء سوا 

_هو انت ممكن اسالك سؤال 

*قعد على الكرسى قصادى وهو بيهز كتافه:اسألى 

_ميلت وبصيت فى عنيه بتركيز :هى عنيك ديه حقيقه  ولا لينسز 

*ضحك بصوت عالى يخرب بيتك متضحكش كده ولله هقوله انى بحبه هااا 

قام ووقف قدامى وانا رجعت لورا بخوف قطع لسانى انا مين قلى اتكلم بس ايه ده هو بيقرب كده ليه ولله هصوت 

ميل بج سمه وبص فى عنيا:انتى شايفه ايه 

بلعت ريقى بصعوبه وتوتر:انا انا مش شايفه حاجه خااالص قولتله كده وجريت من قدامه وسمعته بيضحك بصوت عالى  ده طبيعى مهو طلع متجوز هبله ياتره بيقول عليه ايه دلوقتى  ، بس ولله يا جماعه  انا قمر واتحب سيبكم من الكلام الفاضى  

*نزلت لقيت الخدم بيحطوا الاكل قعدت على اول كرسى قابلنى وانا بحاول اخد نفسى بصيت لقيته نازل من على السلم وبيبصلى ويضحك

_بيضحك على ايه ده يخرب بيتك وانت قمر 

قعد قصادى وعنيه منزلتش من عليه وانا بحاول اتجنب نظراته 

_احم هو هو انت عايش هنااا لوحدك 

=اااه 

_اومال اهلك فيين 

ملامحه اتبدلت  للحزن :متوفيين 

سكت انا عارفه هو حاسس ب ايه انا كمان من بعد مو*ت ماما مبقاش ليا حد حته ابويا عمره ما حبنى كنت لسه هتكلم بس سمعت صوت 

...........:رررررررحيييييييييييم

البارت السادس🐣❤

سكت انا عارفه هو حاسس ب ايه انا كمان من بعد مو*ت ماما مبقاش ليا حد حته ابويا عمره ما حبنى كنت لسه هتكلم بس سمعت صوت 

...........:رررررررحيييييييييييم

بصيت ناحيه الباب لقيت شاب واقف  وبيبصله وعلى وشه ابتسامه بصتله لقيته قام وراح نحيته وحضنه بحب وقفت وانا بشوفهم 

عمار :كده يا واطى تتجوز من غير ما تقولى 

رحيم بضحك:انا اسف كل حاجه حصلت بسرعه وملحقتش اقولك 

عمار بحب:ولا يهمك وقرب وهمس فى أذنه

قولى بقااا  القمر إللى وراك هى العروسه 

رحيم التفت وبص ل حور إللى واقفه مربعه ايديها قدام صدرها وبتبص عليهم 

رحيم بضحك:اااه هى 

عمار :لا قمر بصراحه عرفت تنقى يا ولد يا رحيم 

رحيم بحده"عمااااااار

 عمار بضحك؛خلاص خلاص متزعلش تعال عرفنى عليها ولا هتسبنى واقف كده 

رحيم:ادخل اعرفك عليها وامشى علطول 

عمار:هى حصلت تطردنى 

رحيم بغيظ:اااه عريس جديد وكده 

عمار بضحك:وحيات امك 

رحيم ببرود:عارف لو مكنتش ابن عمتى كنت طردتك طرد الكلاب 

عمار بضحك:طول عمرك اصيل يابن خالى اوعه كده 

*كنت واقفه بتابع حوارهم وهما بيتهمسوا شكلهم قريبين من بعض بس هما ليه بيبصوا عليه كده ياختى معقوله اكون عملت مصيبه ببص لقيتهم جايين هما الاتنين ناحيتى طب اهرب ولا اعمل ايه دلوقتى لا حور أجمدى كده ف ايه 

رحيم بابتسامه :حوريه اعرفك ده عمار ابن خالتى

_ابتسمت وسلمت عليه 

عمار بإعجاب:حوريه اسمك مميز يا حوريه 

_بصتله حسيت عنيه بتطق شرار ياختى اعمل دلوقتى هياكلنى 

_ش شكرا بعد اذنكم جريت بسرعه من قدامهم كنت حاسه انه هياكلنى بنظراته ف مكنشى قدامى غير الهروب دخلت الاوضه وفضلت رايحه جايه جايه رايحه وبلف حولين نفسى زى الناس التايه كده تعرفوهم احم اهو انا زيهم 

                   فى الريسيبشن 

عمار ؛ايه يا عم انت عامل للبنت رعب كده ليه 

رحيم ببرود:وانت مالك انت 

عمار بضحك :وربنا مجنون المهم متنساش فرحى كمان شهر هااا فرحى 

رحيم بضحك:عارف وبعدين ازاى عاوزنى انسه فرحك 

عمار بضحك:اشطاا ابقه هات حوريتك معاك وجرى من قدامه 

رحيم بغيظ :يا ابن ال***انا هوريك وطلع لفوق 

_كنت واقفه بفكر استخبه فين ولقيت الباب اتفتح   وهو دخل وقعد قصادى 

فضلت ابص فى أرجاء الاوضه علشان عينى متجيش فى عينه لحد ما اتكلم 

=تعالى هنااا 

_انا انا ولله ما عملت حاجه  

=حوريه انا مبحبش اعيد كلامى مرتين تعالى هنااا 

اتقدمت وانا بقدم خطوه وبرجع خطوه  لحد ما وقفت قدامه 

=تعالى اقعدى هناا وشاور على رجله 

_ايه الولد إللى ميعرفش الادب ده  وكالعاده قبل منطق كان شاددنى ومقعدنى على رجله انا قولت برضوا الولد ده معدتش عليه تربيه ومحدش رباه  دفن رأسه فى رقبتى وانا بحاول ابعد 

_هو هو انا ممكن اطلب طلب

بعد عنى وابتسم :اطلبى يا حوريتى 

_ممكن يعنى نبقه صحاب 

بصلى باستغراب واتكلم:صحاب ؟

_ااه انا يعنى هو بصراحه 

=حضن كفوف ايدى بايده علشان يطمنى

*كنت متوتره وخايفه ومش قادره اجمع الكلام انا عشت وحيده مكنشى ليا صحاب وف يوم وليله بقيت مع شخص غريب فى بيت واحد صحيح هو اتجوزنى بس انا خايفه اقربله خايفه يتغير ويبقه زى بابا رحيم اول حد احس معاه بالامان فوقت من سرحانى على صوته صوته جميل مميز خصوصا وهو بينطق اسمى 

=حوريتى اهدى انا معاكى اتكلمى ومتخفيش

_استجمعت قوتى وبصيت فى عنيه الرمادى عيونه  لونها مميز جذاب قادره تاخدك ل مكان تانى سرحت فى عنيه وحلاوتهم ونسيت كنت هقول ايه 

رحيم بابتسامه:عارف انهم حلوين 

_هما ايه إللى حلوين 

رحيم بغرور:عيونى إللى منزلتيش عينك من عليهم ونسيتى كنتى هتقولى ايه 

_وشى قلب طماطم وبصيت الناحيه التانيه  كلامه صح هو فعلا عيونه حلوين اووى  بصتله تانى بغيظ وانا بحاول ادارى كسوفى 

_انت مغرور اووى على فكره

ضحك:عارف 

_طيب اوعه كده وسبنى 

=اموت فيكى وانتى مكسوفه كده

*احم جماعه انا قلبى خلاص وقع وحبيته انا بعترف اهوو 

_ط طيب سبنى 

=لا قولى كنتى عاوزه ايه 

رفعت ايديا وانا ببصله ببراءه :نبقه صحاب 

*رفع حاجبه وبصلى:امم ليه 

_علشان ناخد على بعض اكتر وانا اقدر اتعود عليك 

ابتسم ومسك ايدى :موافق 

*عااا فرحت اووى وبدون وعى اترميت فى حضنه ،انا عاوزه حد يدينى بالشبشب على دماغى ولله ايه إللى هببته ده بعدت عنه بسرعه 

_انا اسفه 

شدنى تانى وقعدنى على رجله :متعتذريش مره تانى مفهوم 

_مفهوم بس انا عاوزه ادخل. اغير هدومى 

ابتياسم وبعد ايده إللى كانت محاوطه خصرى :ادخلى ومتتاخريش 

فري

دخلت غيرت هدومى وطلعتله بس اتصدمت ووقفت متنحه لما لقيته 

البارت السابع 🐣🖤

دخلت غيرت هدومى وطلعتله بس اتصدمت ووقفت متنحه لما لقيته واقف وعارى الصدر  يخرب بيته  ايه الجمال ده 

بصلى وضحك جماعه هو انا ممكن اقوله بحبك دلوقتى  

=مالك يا حوريه واقفه كده ليه 

 _اتكسفت ووشى قلب فراوله ونزلت رأسى فى الارض 

ضحك بصوت عالى وبدا ياخد خطوات ويتقدم اتجاهى طب انا  اهرب ولا اعمل ايه بقيت برجع لورا لحد ما وصلت للحيطه وهو بقااا قدامى ولانه اطول  منى بكتيرر ف مكنتش عارفه اهرب 

_انت انت بتقرب كده ليه 

بدون اى مقدمات لقيته شالنى ،صرخت بصوت عالى

_عااااااااا نزلنى نزلنى والبس حاجه عيب كده 

=ولو معملتش كده 

_ضحكت ،هعيط انا اصلا عيوطه وهعملك فضيحه دلوقتى 

فضل يضحك عليا وانا سرحت فى ملامحه اخدنى وقعدنى على السرير ولف وقعد جنبى من الجنب التانى 

_انت هتقعد كده

اتكلمت وانا مبرقه

رفع حاجبه ورد :اااه

_ده ايه الجراءه ديه يعنى انت مش واخد بالك انه فيه بنادمه معاك فى الاوضه 

=مهو البنادمه مراتى وعادى اقعد كده قدامها 

_مراتى، لما اتجوزته كنت فاكره انه شخص قاسى و انى هدخل فى جح يم وهيشغلنى خدامه لكن هو طلع عكس كل توقعاتى طلع شخص حنين لطيف هادئ لحد دلوقتى مشفتش منه تصرف يقلل منى او حاجه وحشه تزعلنى لا هو بيعمل كل حاجه علشان ابقه مبسوطه وده لوحده اكتر حاجه مفرحانى فوقت من تفكيرى على صوته العالى

=حوررررريه 

_ايه 

رحيم :سرحتى  ف ايه 

_فيك 

=ايه 

*انا عاوزه حد يجى يقطعلى لسانى علشان منطقش تانى محدش مودينى فى داهيه غير لسانى إللى عاوز قطعه ده 

_احم ممكن تقوم تلبس حاجه لو سمحت 

ضحك؛ حاضر يا ست حور عيونى 

وقفت على السرير بحماس وانا بميل

 بج سمى عليه :انت انت قولت اييييه حور 

رحيم بضحكه رجوليه جذابه:اقعدى يا هبله

_انا فعلاا هبله بس هو اول مره ينطق اسمى ديما بينادينى حوريه او حوريتى معرفش ليه بينادينى كده معقوله كان بيحب واحده شبهى واسمها كده قعدت

 جنبه واتكلمت ببراءه:رحيم

رحيم بهيام:عيون وقلب رحيم 

*ايه ده ف ايه هيغمى عليا حد يقوله ميتكلمش معايا كده علشان بضعف ولله 

_البس حاجه وتعال نتكلم شويه 

رحيم بضحك:حاضر 

*قام وراح عند الدولاب ولبس تيشرت اسود ورجع قعد جنبى 

=احكى يا حوريه

_هو انت ليه بتقولى حوريه وحوريتى ليه مش بتقولى يا حور 

ابتسم وفرد ج سمه على السرير وشدنى لحضنه وحط رأسى على صدره  وانا حطيت ايدى على قلبه وانا مبسوطه رفعت رأسى وبصتله وبدا يتكلم وانا كنت بسمعه بتركيز 

=لأنك مميزه من اول يوم شوفتك فيه  كنت ماشى بعربيتى ورايح الشركه شوفتك وانتى بتساعدى راجل كبير فى العمر انه يعدى الشارع خطفتى قلبى وقتها قررت انى مسبكيش وربنا ساعدنى فى ده لما جمعت عنك معلومات وعرفت انك بنت قاسم الموظف إللى شغال عندنا فى الشركه وقولتله انه عاوز اطلب ايد بنته ولما روحت علشان اطلب ايدك افتكرونى انى عاوز اجى اطلب ايد زينب بنته من مراته التانيه وقتها كنت مستنيكى تطلعى واول ما شفتك وشوفت العلامات إللى على وشك قررت اعمل الفرح فى يومين ومسبكيش عندهم ولا ثانيه وحذرتهم من انهم يتعر*ضولك بأى شكل واتجوزتك وقررت اسميكى حوريتى لأنك جميله  زى الحوريات وكمان مميزه

 بقلمى" مارينا عبود "

_كنت مركزه معاه وقلبى بيدق بسرعه كبيره  عمرى ما كنت اتوقع انه ربنا يكرمنى ويعوضنى بالشكل  ده وبشخص جميل زى رحيم يحبنى ويخاف عليا حاسه باحساس جميل اووى فرحه خوف توتر خايفه الفرحه ديه متدمش كتيرر خايفه رحيم يتغير عيونى دمعت وانا ببصله قام وقعد قدامى 

=مالك يا حوريه 

_مسحت دموعى وبصيت الناحيه التانيه 

*مسك وشى بين كفوفه وبصلى بلهفه وخوف ظهرت من طريقه كلامه 

=حوريتى مالك بتعيطى ليه 

*اترميت فى حضنه انا مش عاوزه اسيبه ولا يبعد عنى عاوزه ديما جنبى انا بحس بالأمان وهو معايا بتحامه فيه معرفوش من وقت كبير لكن الاحساس إللى بحسه وانا معاه بيبقه مميز مش بخاف بحس انى حره 

_متسبنيش يا رحيم 

قولتها وانا بعيط فى حضنه وهو بيملس على شعرى بحب وبيهدينى 

رحيم بحب :هشش متعيطيش قولتلك مبحبش دموعك وبعدين انا مستحيل اسيبك اهدى 

_نام وهو واخدنى فى حضنه محستش بنفسى بعد كده 

رحيم بص عليها لقاها نامت بأس جبينها ونام

           ********************

                   فى شقه القاسم 

انتصار بخبث:قاسم حبيبى عاوزه فلوس 

قاسم بغضب:هو ايه الحكايه كل يوم فلوس انتى بتودى الفلوس ديه كلها فين 

انتصار بتمثيل:يا حبيبى انت ناسى انه زينب  فى كليه ولا ايه وبعدين انت مستخسر فى انا وبنتى الفلوس يا قاسم 

قاسم بغضب :يوووه خدى اهو مفتاح الز*فت الخزنه خدى إللى عاوزه وسابها وطلع من البيت 

انتصار بشر :هانت كلها كام يوم واخلص منك ومن بنتك 

زينب؛ماما ناويه على ايه 

انتصار بخبث ؛كل خير يا قلب امك استنى وشوفى هعمل ايه فى بنت فاتن الحر*بايه ومسكت فونها وكلمت حد 

انتصار بخبث:اسمع تعمل إللى هقولك عليه **********

زينب بصدمه:ماما بس الموضوع ده لو اتكشف ورحيم عرف الحقيقه مش هيسبنا فى حالنا 

انتصار بغضب وح قد:اسكتى هو مش هيعرف حاجه وخطتنا هتنجح وكلها كام يوم وهيطلقها ويرميها رميه الكلا*ب ووقتها هقنعه انه يتجوزك وصدقينى لو ده حصل انا وانتى هنروحوا فى حته تانيه وكل ممتلكات رحيم نصار هتبقه بتعتنا بس استنى وشوفى هعمل فيهم ايه وابتسمت بشر وهى تنوى لهم شئ 

حوريتى بقلمى" مارينا عبود "

                         ****************

فى صباح يوم جديد قومت وانا مليانه نشاط بصيت حوليا ملقتهوش جنبى قومت غيرت هدومى وطلعت من الاوضه  فضلت اتمشى لحد ما اوصل للسلم سمعت حد بيضحك كان هو بس فى صوت تانى وكان صوت بنت سرعت خطواتى واتصدمت لما لقيت بنت قاعده معاه وواقفه بتضحك بصوت عالى 

البارت الثامن ❤

#حوريتى🦋🍂

فى صباح يوم جديد قومت وانا مليانه نشاط بصيت حوليا ملقتهوش جنبى قومت غيرت هدومى وطلعت من الاوضه  فضلت اتمشى لحد ما اوصل للسلم سمعت حد بيضحك كان هو بس فى صوت تانى وكان صوت بنت سرعت خطواتى واتصدمت لما لقيت بنت قاعده معاه وواقفه بتضحك بصوت عالى ايه ده معقوله قره عينى بتاع نسو*ان وانا اتخدعت فيه اتعصبت ونزلت وقفت قدامه 

_ميييين ديه 

تاليا بابتسامه:الله انتى حوريه 

_لا وكمان تعرف اسمى التفت وبصتلها بقر*ف وغضب 

_ااه ياختى مين بقااا حضرتك وجايه ليه من الصبح كده تضحكى مع جوزى 

تاليا بضحك:رحيم ده بتغير عليك اووى

بصتله لقيته واقف مربع ايده وبيحاول يكتم ضحكته اتعصبت وعليت صوتى 

_انا بقوول مين ديه انت بتعرف بنات يا رحيم بيه 

ضحك وقرب وقف قدامى ولف ايده حولين خصرى بتملك وحضنى قدامها :ديه يا ستى تاليا بنت عمتى واختى الكبيره  واخت عمار إللى عرفتك عليه من يومين فاكره 

_نهار اسود انا روحت فى داهيه يا كسفتك يا حازم دنا هيتعمل منى بوفتيك النهارده لا واحلى بوفتيك وحياتكم

_احم انا اسفه تشرفت بمعرفتك بعد اذنكم جريت وطلعت اوضتى علشان استخبه بعد المصيبه إللى عملتها انا معرفش جتلى القوه ديه كلها منين علشان اكلمه كده ياختى ياختى 

#حوريتى 

بقلمى مارينا عبود 

                        **************

تاليا بضحك:جميله اووى لا وطلعت بتغير اووى عليك 

رحيم بضحك :ومجنونه 

تاليا بابتسامه:مبسوطه انى شوفتك بتضحك من تانى يا رحيم والبنت شكلها طيبه وبتحبك خلى بالك منها 

رحيم بابتسامه:حاضر

تاليا:يلاه انا هاخد الملفات وهقول ل عمار يحضر الاجتماع مكانك وانت قضى يومك مع حوريتك وخلى بالك منها هاا بلاش عصبيه وشغل الرجل الأخضر والرعب إللى انت بتعمله ده 

رحيم بضحك:حاضر ياختى 

تاليا مشيت ورحيم طلع الاوضه بس ملقاش حور فضل يدور عليها لحد ما شاف حاجه وكتم ضحكته وبدا يقرب 

                ******************

*انا دورت فى كل الإمكان ملقتش مكان احسن من الدولاب استخبه فيه اكيد هو مش هيلاقينى هناا كنت سمعاه بينادى عليا حطيت ايدى على بوقى علشان اكتم نفسى و ميسمعنيش انا حاسه انه مو*تى على ايده وفجاه فتح الدولاب غمضت عينى بسرعه انا خلاص انتهيت 

رحيم بضحك:انتى بتعملى ايه هنا 

_فتحت عيونى ببطء وانا ببصله بخوف

_هو انا ولله مكنتش اعرف انها بنت عمتك صدقنى 

*قولتها بنبره خوف وصوت متقطع 

ضحك وطلعنى من الدولاب شكلى كان يضحك اووى وانا زى الكتكوت المبلول 

=انتى مجنونه استخبيتى فى الدولاب ليه 

_بصراحه  انا خوفت تضر*بنى 

رحيم بهدوء وهو يجذبها من خصرها لترتطم بصدره:اضر*بك ؟ حوريه انا مستحيل امد ايدى عليكى

_دموعى نزلت وانا بفتكر ابويا وضر*به ليا قرب ومسح دموعى وابتسم 

=حوريتى مش عاوز اشوف دموعك تانى مفهوم 

_هزيت رأسى وحضنته وهو بادلنى الحضن  حضنه دافئ لما بترمى فى حضنه ببقه مش عاوزه اطلع منه بنسه معاه كل حاجه رحيم شخصيه جميله اووى وانا بعترف انى وقعت فى حبه 

طلعت من حضنه وبصتله بعيون لامعه من الفرحه :انت عندك شغل النهارده

ابتسم وشدنى من خصرى :لا لغيت كل حاجه علشان خاطر عيونك يا حوريتى 

_شخص جميل حنين كلامه ديما بيفرحنى وبيحسسنى انى غاليه اووى عنده اتمنه انه حياتى تفضل ديما كده

=حوريه سرحتى ف ايه 

_فيك 

ابتسم :اممم منا عارف 

ضحكت  :مغرور اووى 

=اى رايك نطلع نفطر بره ونقضى يوم حلو سوا 

_ابتسمت  وسقفت بحماس :موافقه 

رحيم بحب :طيب يلاه اجهزى وانا هستناكى

_هزيت رأسى بالموافقة ودخلت غيرت هدومى وطلعتله كان واقف ومدينى ضهره حطيت ايدى على كتفه

*التفت ومسك ايدي باسها بحب 

=جاهزه يا أميرتي

_ضحكت:جاهزه 

ابتسم ومسك ايدى وطلعنا من الفيلا  ركبنا العربيه وكنا طول الطريق ساكتين وانا ببص من شباك العربيه على الجو والناس بقالى فتره كبيره مطلعتش من البيت وقفنا قدام مطعم كان باين عليه انه فخم نزل ووقف قدام باب العربيه وفتحها ومدلى ايده ابتسمت وحطيت ايديا فى ايده ودخلنا

_تطلبى ايه 

_اى حاجه 

=يعنى مفيش اكله مفضله 

ابتسمت بحزن:لا مفيش اى حاجه مفضله 

=أيام وكل حاجه هتتغير 

بصتله بعدم فهم:قصدك ايه

ضحك ومسك ايدى :هتعرفى بعدين 

_يادى النيله كل حاجه هتعرفى بعدين ايه الرجل الغامض ده بصتله بغيظ ولفيت وشى الناحيه التانيه 

*ضحك عليا وطلب اكل وفضل يتكلم بس انا مكنتش مركزه معاه كل تركيزى كان على البنت إللى قاعده على التربيزه إللى قصادنا وعماله تبصله وتضحك كان نفسى اروح اجيبها من شعرها

=حوريه انتى بتبصى على ايه

بصتله بغيظ:انا عاوزه أمشى من هناا 

عقد حواجبه باستغراب ودهشه:ليه

طلعت براسى لقدام وشاورتله بايدى انه يقرب 

قرب عليا وبقاا وشنا قصاد بعض وبقاا قريب اووى منى

_همست بصوت واطى:شايف البنت المسهوكه إللى قاعده قصادنا ديه 

*بص بطرف عينه وقبل ما يبصلها مسكت وشه بين كفوفى وانا ببتسم بغيظ  وغيره وبراءه متصنعه :متبصش يا بنادم 

هز رأسه وهو بيحاول يكتم ضحكته:ممكن تقوليلى مالها 

_قربت تانى منه وهمست فى اذنه بصوت واطى:الحيوانه من وقت ما قعدنا وهى مشالتش عينها من عليك 

بعدت عنه وربعت ايدى قدام صدرى بغيظ وغضب

 وثوانى وهو أنفجر ضحك بصوت عالى المشمحترم   

رحيم بضحك :انتى بتغيرى يا حوريه 

رفعت حاجبى وبصتله:اغير من مييين من المفعوصه ديه لا طبعنا 

رحيم بضحك :اومال متعصبه ليه 

*هو عنده حق انا بغير عليه وبغير اووى كمان مش عاوزه اى بنت تبصله غيرى بس بحاول ابين عكس كده لكن فى الحقيقه انا جوايا نار وهمو*ت واجيب البنت ديه من شعرها 

_خبطت ايدى على التربيزه وبصتله بعصبيه:انا مش بغير على فكره وبطل ضحك

فضل يضحك وثوانى ولقيت البنت جاى نحيتنا وكبت العصير علي رحيم 

*لا لا لا كده كتشيررر كتشيرر اووى بقااا وانا مش هسكت قومت وو

البارت التاسع ❤

#حوريتى🦋🍂

فضل يضحك وثوانى ولقيت البنت جايه نحيتنا وكبت العصير علي رحيم 

*لا لا لا كده كتشيررر كتشيرر اووى بقااا وانا مش هسكت  قومت وجبتها من شعرها بغضب وهو واقف كاتم ضحكته شويه والناس كلها اتلمت وبعدونا عن بعض وهو واقف يضحك قرب ومسك ايدى  واخدنى وطلعنا 

رحيم :عاجبك إللى عملتيه فى البنت 

_بصتله بغضب  وعصبيه وعليت صوتى :وحضرتك كنت عاوزنى اعمل ايه وانا شايفاها بتقرب منك بالشكل ده 

بصلى بطرف عين وانا ربعت ايدى قدام صدرى بغيظ وغضب وبصيت من شباك العربيه 

*انا اول مره اعمل كده معرفتش جتلى القوه ديه كلها منين رغم انى شخص ضعيف لكن من وقت ما بقيت معاه وانا حاسه انى رجعت حره ورجعت قوتى وثقتى بنفسى إللى اتهزت بس مكنشى ينفع أعلى صوتى عليه بالشكل ده بس انا بغير عليه وبغير اووى مستحملتش اشوف البنت قريبه منه كده لفيت وشى وبصتله كان بيسوق وباصص قدامه 

بقلمى "مارينا عبود "

_انا اسفه 

*قولتها وانا  منزله رأسى 

_اتفاجئت بنبره صوته اللى اتغيرت لغضب

=حوريه ارفعى راسك 

خوفت من نبرته ،رفعت رأسى وبصتله 

=انا مش قولتلك متعتذريش 

رديت بتوتر : بس انا يعنى مكنشى ينفع إللى عملته 

=ولو متعتذريش فاهمه وخلى ديما راسك لفوق متنزليش راسك وتنحنى  علشان اى حد مفهوم 

ابتسمت :حاضر  

*رجع بصلى وابتسم بخبث :بس مكنتش اعرف انك بتغيرى اووى كده يعنى 

_اتوترت ووشى احمر ورجعت بصيت من شباك العربيه :انا مش بغير على فكره بس البنت عصبتنى وعيب إللى عملته 

_طبعنا  انتوا عارفين انى بكدب  صح

_فضل يضحك هو كاشفنى وكل تصرفاتى بتوضح  انى بغير عليه يعنى، مهو جوزى قره عينى يا جماعه ولازم اغير عليه 

_مر وقت ورجعنا البيت وطلعت الاوضه غيرت هدومى خرجت من الحمام لقيته واقف عارى الصدر وبيكمل قلع هدومه 

_هو انت مبتعرفش  حاجه اسمها ادب خاالص ممرش عليك 

ضحك بصوت عالى وقرب منى :انتى مكسوفه منى يا بطه

رديت بتوتر وخجل واضح :ط طيب ابعد كده

رحيم وهو يحاوط خصرها وينظر لعيناها الجميله :تو تو مش هبعد 

_دقات قلبى كانت سريعه اووى قربه منى بالشكل ده بيوترنى بس فى نفس الوقت ببقه مبسوطه ومش عاوزه يبعد عنى ضربته فى بطنه وجريت وقفت على السرير  مهو انا لازم ابوظ اللحظه 

رحيم بضحك :انزلى 

_انت قليل ادب على فكره 

رحيم بضحك:بجد طيب تعالى هنا هقولك حاجه 

_لا مش عاوزه اسمعك خليك بعيد عنى

رحيم بضحك:ماشى مش هتهربى كتيرر على فكره 

*سابنى ودخل ياخد شاور  وانا فضلت أضحك 

_مر دقايق وطلع كنت قاعده على السرير وسرحانه وانا بفكر فى حياتنا  قعد قصادى وحط رأسه على رجلى

=بتفكرى ف ايه يا حوريتى 

_ابتسمت وحطيت ايدى على رأسه وفضلت العب فى شعره

_بفكر فى علاقتنا يا رحيم 

قام وقعد قدامى :مالها علاقتنا 

_خايفه،خايفه تتغير  وتتحول لشخص قاسى خايفه منكملش ،كملت بصوت مخنوق ودموع محبوسه رافضه تنزل 

_هو انت ممكن تسبنى يا رحيم ممكن تتغير وتبقه قاسى عليا 

ابتسم  وحضن وشى بين كفوفه :انا مستحيل اسيبك يا حوريه ولا اقسى عليكى انا صحيح قاسى مع الكل بره بس انتى الوحيده إللى بعاملها معامله خاصه الوحيده إللى بنسه نفسى وانا معاها   انتى حوريتى وانا مستحيل افكر اسيبك 

_طيب ولو حد حاول يوقع ما بينا 

_قولتها بنبره مليانه خوف وقلق انا مش مطمنه لسكوت مرات ابويا حاسه انها مش هتسكت على إللى حصل نظرت

_اخدنى فى حضنه وفضل يمشى ايده على شعرى 

=انا عندى ثقه فيكى يا حوريتى وعلاقتنا لازم تكون مبنيه على الثقه وانا مش هسمح انه حد يوقع ما بينا ويخلينى اخسرك وقتها مش هسامح اى حد يفكر انه ياذيكى او يبعدك عنى

_"الثقه "

الثقه مهمه اووى علشان نبنى اى علاقه قويه قلت ثقتنا قادره تدمر علاقتنا وتخسرنا إللى بنحبهم  اهم حاجه فى اى علاقه زوجيه انه يكون فيه ثقه بين الطرفين لو دخل الشك ما بينا قادر يهد كل حاجه وانا بالنسبالى اهم حاجه هى ثقه رحيم فيا طول ما رحيم واثق فيا عندى استعداد اواجه العالم كله المهم يفضل معايا 

=حوريه انا عاوزك تثقى فيا وتعرفى انى طول منا معاكى محدش هيقدر ياذيكى فاهمه 

_هزيت رأسى وحضنته بقوه انا برتاح وانا فى حضنه كان نايم على السرير وواخدنى فى حضنه وايده على شعرى والتانيه محاوطه خصرى 

=حوريه عاوز اسألك كام سؤال  

_اسال 

=انتى حبيتى قبل كده 

ضحكت:لا انا كنت فى ثانويه عامه لما ماما ما*تت وبابا اتجوز جديد ومراته مكانتش بطلعنى من البيت غير علشان اجبلها حاجات البيت ولما كنت بتأخر  كانت تضر*بنى انا كنت شايفه انه الحب ده وهم ،وهم وبس 

=ليه 

_قومت وبصتله بحزن :ماما كانت بتحب بابا اووى بس ماخدتش منه حاجه غير الضر*ب والاهانه هو عمره ما حبها رغم انها كانت بتحبه اووى قدمتله كتيرر وضحت علشانه بس هو عمل ايه راح واتجوز عليها صديقه عمرها 

عيطت وصوت شهقاتى بقااا عالى: اتجوزها وخان ماما قدام عنيها ولما حاولت تطلق منه ضر*بها وضر*بنى ذلها كتيرر لحد ما ماتت بحسرتها  سابتنى لوحدى ومشيت ، الحب وجع يا رحيم وجع وانا مش عاوزه اتوجع مش عاوزه اعيش زى ماما

بقلمى "مارينا عبود" 

ابتسم :علشان كده بتخافى منى 

_هزيت رأسى بخوف 

ابتسم وقام اخدنى فى حضنه وهو بيهدينى 

=بس انا مش هبقه زيه انا مش زيه يا حوريه عمرى ما هعمل  فيكى كده 

طلعت من حضنه ومسحت دموعى:انا عندى ثقه فيك 

=طيب قوليلى انتصار ليه بتكر*هك 

اتنهدت بضيق وحزن ورديت: هى

                     *******************

                       فى مكان آخر 

يعنى ايه اتجوز 

عمار ببرود:اتجوز زى الناس  ايه كنتى فاكره انه هيوقف حياته عليكى ولا ايه يا زينه

زينه بغضب:لا مستحيل رحيم ليا انا وبس يا عمار ومش هيكون لحد غيرى 

عمار ببرود :ولله وياتره المرادى راجعه ليه علشان الفلوس ولا يمكن حبيب القلب إللى خونتى رحيم معاه رماكى وضحك عليكى 

زينه بتوتر :عمار انت عارف انى محبتش حد غير رحيم 

عمار بضحكه سخريه :ااه طبعنا مصدقك يا بنت عمى روحى يا زينه مكان ما جيتى وانسى رحيم من دماغك لانه عمره ما هيفكر يسامحك رحيم بيحب مراته يا زينه ياريت تنسيه ومتفكريش تخربى حياته لأنه وقتها انا إللى هقفلك 

زينه بتوعد :لا يا عمار رحيم ليا وهيفضل لياا هو مستحيل يحب حد غيرى فاهم وانا هثبتلك كلامى وهرجع لرحيم وسابته ومشيت 

عمار بحزن ؛اتمنه متحصلش حاجه تخرب حياه رحيم وحور وتبعدهم عن بعض 

البارت العاشر❤

#حوريتى 🦋🍂

هى كانت صديقه ماما المقربه وبنت عمها  وماما كانت بتثق فيها عمرها ما اتخيلت انها تطلع زبا*له كده فضلت تلف حولين بابا لحد ما خلته يتجوزها رغم انها عمرها ما حبته لكن حبت تكسر امى تخيل صديقه عمرك وبنت عمك  تتجوز جوزك كان احساس صعب وياريت اكتفت بكده لا ديه كانت  بتعامل ماما كخدامه عندها وبتحرض بابا عليها وتخليه يضر*بها ولما ما*تت كانت عاوزه ترمينى فى الشارع بس بابا رفض واتعصب عليها ف خلتنى خدامه عندهم ووقتها واجهتها وسالتها بتعمل معانا كده ليه قالتلى انها بتغير من امها من وهى صغيره ديما ماما كانت احسن منها حته فى التعليم هى كانت ناجحه ومتفوقه لكن انتصار لا اتهمتها انها اخدت حب عمرها قاسم لكن ده محصلش انتصار عمرها ما حبت بابا هى بتحب فلوسه وبس لما جبت مجموع كبير فى الثانويه العامه يوصلنى انى ابقه مهندسه رفضوا يخلونى اكمل وقالتلى انى مجرد خدامه وبس 

_قعدت على طرف السرير  ودموعى مغرقه وشى 

_ماما ما*تت بسببهم جالها القلب ورفضوا يعملولها العمليه حته الشخص إللى حبته موقفش جنبها ما*تت بحسرتها يا رحيم ما*تت بسببهم وسابتنى لوحدى عشت طول السنين ديه لوحدى اربع سنين عايشه فى جح يم معاهم ضر*ب واهانه وحبس فى اوضتى الضلمه  

_فضلت اعيط كان اول مره اطلع كل إللى فى قلبى واحكيه لحد قام من على السرير وقعد جنبى  اخدنى فى حضنه وانا كل حصونى القويه انهارت فى حضنه فضلت اعيط بقهر وهو بيحاول يهدينى  

=هششش اهدى خلاص انا جنبك ومش هسيبك واوعدك هندمهم كلهم 

_انت انت مش هتسبنى صح 

_ابتسم وشدد على حضنى:مستحيل اسيبك يا حوريه واوعدك حياتك كلها هتتغير بس اوثقى فيا ممكن 

_طلعت من حضنه وهزيت رأسى بالموافقة 

ابتسم وشدنى لحضنه تانى وفضل يمشى ايده على شعرى لحد ما روحت فى النوم 

وفى صباح يوم جديد 

قومت من جنبه ودخلت غيرت هدومى ونزلت طلبت من الخدم كلهم يطلعوا من المطبخ علشان اعمل انا الاكل 

♡رحيم قام ملقاش حور دور عليها ملقهاش نزل بسرعه لقاها واقفه فى المطبخ وبتعمل اكل ابتسم وقرب حضنها من ضهرها 

_كنت بعمل اكل لقيته شدنى من خصرى وحضنى من ضهرى اتوترت ولفيت وشى نحيته 

_انت صحيت امته

رحيم بابتسامه:من شويه انت ايه جابك هناا وفين الخدم 

_ابتسمت بحماس :انا خرجتهم وحبيت اعملك الاكل بنفسى 

=يبقه هفطر اجمل اكل النهارده طول ما من ايدك 

ضحكت :هتخلينى اشوف نفسى عليك بعد كده 

رحيم بضحك وهو يحملها ويضعها على الرخامه:وايه المشكله يا جميل اى رايك اساعدك

_ضحكت ونزلت من على الرخامه ؛موافقه 

*_ابتسم وبدا يساعدنى وعملت الاكل وطلعنا فطرنا مع بعض 

=جميل اووى يا حوريتى تسلم ايدك ومسك ايدها وباسها بحب

_فرحت اووى ومسكت المعلقه وقربت اكلته بايدى كنت شايفه لامعه عيونه بفرح اووى لما بشوف لامعه عيونه ونظره الحب إللى فى عيونه ليا 

_رحيم 

=قلبه 

_ممكن اطلب منك طلب 

*ابتسم ومسك ايدى  :اطلبى يا حوريه 

_ممكن نطلع مع بعض النهارده ونتمشى شويه 

رحيم بابتسامه:موافق هخلص شغل وهاجى اخدك 

_عااااا شكرا انا مبسوطه اووى 

_قام وباس رأسى:وانا عاوزك ديما تكونى مبسوطه 

_ضحكت وبصتله بحب:طول ما انت جنبى اكيد هكون  مبسوطه

_ابتسم ومسكنى من ايدى وطلعنا الاوضه وطلب منى اختارله لبس 

_كل المواصفات  إللى كنت بتمناها فى شريك حياتى لقيتها فى رحيم 

شخص حنين ،هادى ،مبيرفعش صوته عليا صحيح جسمه قوى ووسيم  واوقات نبرته بتخوف بس انا بحس بالأمان معاه سهل تحس بالأمان بس صعب تلاقيه مع شخص معين وانا لقيت الإمان مع رحيم كان عنده حق لما قلى انه هيغير مصيرى  اوقات بحس انى عايشه معاه فى جنه وحلم مش عاوزه افوق منه اتمنه نفضل كده ديما ورحيم ميتغيرش 

_اختارتله لبس شئ جميل انه الشخص إللى بتحبه ياخد رايك فى كل تفاصيل حياته ،ساعدته فى لبسه واخد حاجته وطبع قبله لطيفه على خدى  ومشى وزى ما عودنى دخلت الاوضه إللى مليانه كتب او بمعنى المكتبه إللى عاملها فضلت اقراء حاجات كتيرر لحد ما مره وقت طويل اووى 

 *طلعت من المكتبه ورجعت  الاوضه فتحت الدولاب ولقيت فساتين كتيرر

اختارت فستان كان لونه اسود بكم  وضيق عند الصدر وواسع من تحت وشكله جميل اووى دخلت لبسته وحطيت ميكب خفيف وفضلت قاعده مستنياه 

*مر وقت ومجاش قومت وقررت  اتصرف علشان اكلمه فتحت الباب وكنت طالعه لقيته فى وشى اول ما شافنى وقف متنح ومصدوم وانا حاولت اتهرب من نظراته إللى بتوترنى

رحيم لنفسه :لا كده كتيرر اووى لامته هفضل مستحمل بعدك عنى  يا حوريه لا لا كفايه كده اظن لازم اخد خطوه جد فى علاقتنا 

_انت اتأخرت كده ليه 

رحيم بحب :كان عندى شغل واكمل بخبث : بس ايه الجمال ده 

_اتوترت وفضلت افرك فى ايدى :هو انا  بصراحه حابه اطلع  معاك 

رحيم بابتسامه وعشق :طيب ما تسيبك من الخروج النهارده وتعالى نعمل حاجه اجمل 

_ضحكت ببراءه :ايه هى 

*قرب وهمس فى ودانى وثوانى ووشى احمر من الخجل والكسوف .

_انت انت قليل ادب 

ضحك:عارف  

اتكلمت برجاء وبراءه :رحيم أرجوك 

رحيم بخبث :موافق بس بشرط

*رفعت ايدى وانا بشاورله باستغراب:ايه شرطك 

ابتسم وحاوط خصرى وقربنى منه وعنينا بتبص لبعض بحب

=ناخد خطوه جد فى علاقتنا بصراحه انا عاوزك مراتى يا حوريه 

_اتوترت وحاولت اغير الموضوع:ماشى ماشى خرجنى الأول ولما نرجع نتكلم فى الموضوع 

رحيم بضحك:ماشى اتهربى براحتك 

_احم طيب يلاه بقاا  

ضحك ودخل حط الملفات واخدنى وطلعنا

روحنا مطعم اتعشينا وكانوا مشغلين موسيقى هاديه وجميله وانا سرحانه معاهم 

=تحبى نقوم نرقص 

بصتله وابتسمت:بس انا مش بعرف ارقص

رحيم بابتسامه جذابه :تعالى وهعلمك

 قال كلامه ومدلى ايده ابتسمت وحطيت ايدى فى ايده وقومنا نرقص كان بيعلمنى بهدوء وانا مركزه فى عنيه وتايهه فيهم ايديه كانت محاوطه وسطى وانا لفيت ايدى حولين رقبته وبقينا نرقص على موسيقى هاديه وجميله كنا باصين لبعض وكل واحد فينا نظرته كفيله تقول كل إللى فى قلبه خلصنا رقص وحاسب وطلعنا

مسكت كتفه ووقفت قدامه :انا عاوزه اتمشه ممكن 

رحيم بابتسامه :ممكن يلاه بينا 

*مسك ايدى وفضلنا نتمشى شويه لحد ما  وصلنا قدام شخص بيبيع ايس كريم

_رحيم رحيم ممكن تجبلنى ايس كريم 

ضحك وراح اشترالى ايس كريم وقعدنا انا وهو على الرصيف 

_ميلت براسى على كتفه وشبكت ايدى فى ايده  وكانى برمى كل حاجه عليه وبنسه الدنيا كلها وانا معاه حط رأسه على رأسى وابتسم 

_رحيم 

=عيون رحيم 

_رفعت رأسى وبصتله:احم انت حبيت قبل كده 

*ملامحه اتغيرت عيونه  بقت عباره عن بقعه د*م من الغضب وكانه افتكر جرح قديم 

حطيت ايدى على كتفه بخوف :رحيم اهداء انا اسفه مش قصدى اضايقك 

_بصلى بغضب وو 

البارت الحادى عشر 

#حوريتى 🦋🍂

حطيت ايدى على كتفه بخوف :رحيم اهداء انا اسفه مش قصدى اضايقك 

بصلى بغضب وقام وقف 

_قومت ووقفت قدامه :رحيم 

رحيم بابتسامه عكس النار التى تشتعل بداخله :متخفيش يا حوريه انا كويس 

_عيونى دمعت:انا اسفه 

قرب وحضنى :حوريه قولتلك ميت مره متعتذريش

_طلعت من حضنه ومسحت دموعى وانا مقرره مخليش اليوم ده يبوظ انا نفسى اقضى وقت معاه من غير مشاكل 

_قربت منه ولفيت ايديا حولين عنقه بدلال  وانا ببصله ببراءه :حاضر بس انت اضحك كده وتعال نكمل اليوم  

ضحك وشدنى من خصرى : ما تيجى نمشى ونكمل اليوم فى بيتنا

_ضحكت ومسكت ايده واخدته ورجعنا نتمشى 

فضلنا نحكى كتيرر وحكالى حاجات كتير عنه وعرفت عنه  كل حاجه

=شكلها هتمطر يلاه بينا 

_ضحكت:لا لا انا بحب المطره اووى 

رحيم بضحك : يلاه يا هبله علشان متتعبيش

رديت بتذمر وغضب طفولى وانا بدبدب برجلى على الأرض 

_رحيم علشان خاطرى خلينا شويه

*هههههه وقبل ما يتكلم كانت السماء مطرت سبته وفضلت ارقص تحت المطره انا بحب المطره اووى بفتح ايديا وبرفع رأسى لفوق وبسيبها تغرقنى وانا بنسه كل حاجه وأى وجع جوايا فضلت الف حولين نفسى وانا بضحك اول مره اكون فرحانه اووى كده كان واقف ومربع ايديه قدام صدره  ومتابعنى وهو بيبتسم 

جريت عليه ومسكت ايديه واخدته وفضلنا نلعب تحت المطره زى الأطفال 

=يا مجنونه كفايه هنتعب كده 

_هههههه رحيم بالله خلينا شويه

ضحك وقرب شالنى وحطنى فى العربيه وركب جنبى وبدا يسوق 

_عاااااا كنت عاوزه اقعد شويه ليه كده 

=ولله ولما تتعبى هكون مبسوط كده 

_بصتله وابتسمت حلو اووى انك تلاقى حد يخاف عليك ويحميك شخص بابتسامه منه قادر يفرحك وياخدك لعالم تانى 

ههه وصلنا البيت ودخلنا واحنا متغرقين بصينا لبعض وثوانى وفضلنا نضحك كان شكلنا يضحك اووى طلعنا الاوضه ودخلت بسرعه غيرت هدومى وطلعتله لقيته بيكح 

جريت عليه بخوف ولهفه :رحيم مالك انت انت تعبت 

ابتسم ومسك ايدى يطمنى ؛متخفيش يا حوريه انا كويس 

_حطيت ايدي على جبينه لقيت حرارته عاليه :رحيم انت انت سخن اووى 

_ضحك وفرد جسمه على السرير :يا بنتى انا كويس ولله 

_طيب قوم قوم يلاه غير هدومك مستنى ايه 

رحيم بابتسامه:حاضر يا ست الكل هقوم 

قام وفجاه كان هيوقع سندته بسرعه وقعدته على السرير وجريت جبت هدوم من الدولاب وانا ايديا بتترعش من الخوف عليه 

ساعدته وغيرتله هدومه وهو بيبصلى وبيبتسم وانا  وشى احمر من الكسوف 

_خلصت ونومته على السرير وكنت طالعه لقيته مسك ايدى 

رحيم بتعب:حوريه متسبنيش 

عيونى دمعت وانا شايفاه تعبان كده انا السبب فى إللى حصل انا إللى اصريت عليه نفضل تحت المطره قربت ولفيت ايديا حولين رأسه وحضنته جامد  

_مستحيل اسيبك هجيب ميه بارده وهاجى مش هتاخر 

*سندت رأسه على المخده ونزلت بسرعه روحت المطبخ جبت ميه بارده وطلعت الاوضه لقيته نام وبيهلوس ب اسمى قربت وغطيته ودفيته كويس وقعدت جنبه فضلت اعمله كمادات وانا بعيط 

انا مش عاوزه اشوفه كده رحيم مصدر قوتى وانا من غيره ضعيفه ضعيفه اووى  جبت كرسى وحطيته جنب السرير وقعدت قصاده وانا ماسكه ايده وبعمله كمادات مر  وقت ونومت على ايده  ومحستش بنفسى بعد كده غير وهو بينادى عليا 

♡قومت مفزوعه لقيته ساند بضهره على السرير وبيبصلى وبيبتسم  قربت منه وانا ببصله بخوف ولهفه حطيت ايدى على جبينه اشوف الحراره لقيتها نزلت خاالص 

_انت انت كويس حاسس ب ايه 

رحيم بحب:انا كويس يا روحى متخفيش 

حضنته وفضلت اعيط بادلنى الحضن ودفن رأسه فى عنقى وفضل يمشى ايده على ضهرى 

=بتعيطى ليه 

_خوفت عليك اووى انا اسفه انا السبب

رحيم بحب :انا مش قولتلك متعتذريش وبعدين انا كويس وزى الفل اهو 

طلعنى من حضنه ومسح دموعى :دموعك ديه غاليه عليا اووى ف مش عاوز اشوفهم تانى 

"الحنيه "

افضل واجمل حاجه انه ربنا يرزقك بشخص حنين وديه نادرا لما يبقه حد كده وانا محظوظه اووى بوجود رحيم فى حياتى بجد هو اجمل هديه ربنا عوضنى بيها 

_ابتسمت وطبعت قبله على جبينه :انا هروح اجهزلك الفطار متتحركش من مكانك مفهوم 

رحيم بضحك :مفهوم يا باشا 

ضحكت  وسبته ونزلت دخلت المطبخ وعملتله فطار لقيته واقف وبيجهز نفسه 

_ايه ده انت رايح فين

=لازم اروح الشركه عندى اجتماع مهم 

سبت الصنيه على التربيزه ووقفت قدامه وانا ببصله بغضب ؛لا مش هتروح لمكان 

ابتسم ومسكنى من خدودى:معلش يا جميل لازم اروح 

_عليت صوتى بعصبيه:قولتلك لا يا رحيم مش هتطلع من هنااا وانت تعبان كده 

رحيم بضحك:ولله كويس متخفيش 

_طيب بس بشرط 

بصلى بدهشه :شرط ؟شرط ايه 

ربعت ايدى قدام صدرى وبصتله بثبات وقوه:اروح معاك انا مش هبقه مطمنه طول ما انت بعيد عنى 

=اممم ماشى موافق 

بصتله بفرحه وحضنته :عااااا شكرا 

رحيم بحب:يلاه يا مجنونه علشان منتاخرش 

_ماشى  

فرحت اووى انى هروح معاه كده هبقه مطمنه عليه اكتر وقلبى مرتاح اخدت هدوم ولبست ونزلتله كان واقف قدام العربيه ولابس نظارته الشمسيه يخرب بيت جماله هو بيروح كده اكيد كل البنات بتبقه عينهم عليه بس بصراحه حقهم قره عينى قمر ومز اووى فوقت من سرحانى على صوته قربت ووقفت قدامه 

رحيم بضحك :عارف انى حلو وبخطف القلوب بس مش للدرجه 

اتحرجت ووشى احمر ولفيت وشى الناحيه التانيه 

_مغرور  اووى 

رحيم بضحك:وربنا بعشقك لما بتقلبى فراوليه كده

_وربنا انا إللى بعشقك بحلاوه امك ديه 

_رحيم بقااا 

رحيم بضحك :خلاص خلاص يلاه بينا 

_ضحكت ووركبنا العربيه وبعد وقت مش كبير

 يعنى وصلنا نزل ومسكنى من خصرى بتملك وكأنه بيقول للكل انه خلاص بقيت ملكه 

*دخلنا وكانت أنظار كل الموظفين علينا بصيت لقيت بابا وزينب بنته كمان معاه كانوا بيبصولى بصدمه واضحه معطيتهمش اهتمام ورجعت بصيت ل رحيم 

اخدنى وطلعنا مكتبه كان مكتب كبير  وديكوره جميل  اووى وهادئ 

_الله مكتبك جميل اووى 

ضحك وكان هيتكلم بس فجاه لقينا بنت زقت الباب ودخلت حضنته وانا وقفت مصدومه 

البارت الثانى عشر ❤

#حوريتى 🦋🍂

ضحك وكان هيتكلم بس فجاه لقينا بنت زقت الباب ودخلت حضنته وانا وقفت مصدومه 

*ببصله بصدمه مش فاهمه حاجه وفجاه لقيت عيونه بقت حمراء وعروقه برزت من الغضب وزقها بعيد عنه وبدا يزعق بصوت جهورى هز المكان 

كنت اول مره اشوفه متعصب كده لدرجه خلتنى اترعب واخاف منه

رحيم بغضب جح*يمى :انتى ازاااااااى تتجرائى تخشى مكتبى كده 

زينه بخوف :رحيم انا 

=اخرررررسى واطلعى بررررره مش عاووووز اشوووف وشك برره 

*بصيت للبنت لقيتها بتبصلى بحقد وغل وقربت منى

زينه بح قد:هى ديه بقااا اللى اخدتك منى يا رحيم 

_قرب ووقف قدامى وبصلها بغضب 

=يعنى مش حضرتك اللى خونتينى تو تو هى اللى اخدتنى منك واكمل بسخرية:هو انتى شايفانى ايه قدامك هاا عيل صغير هتضحكى عليه بكلمتين تبقى غلطانه يلااااه بره وبدون مطرود

*البنت بصتله بغضب وطلعت 

_حسيته دايخ سندته وقعدته على الكرسى 

_رحيم ممكن تهدأ 

رحيم بسخرية:فكرانى عيل صغير هتضحك عليا واصدقها

_ه هى ديه حبيبتك 

*بصلى كتيررر بدون ولا كلمه ومره وحده قام وحضنى :انا اسف على إللى حصل 

_ابتسمت وطبطبت على ضهره:محصلش حاجه المهم تعال بينا نروح للدكتور 

رحيم بابتسامة:دكتور ايه يا بنتى انا كويس 

_لا مش كويس ويلاه اسمع الكلام

=حاضر بس اقعدى هنااا وانا هحضر الاجتماع واجيلك ماشى

ابتسمت ؛ماشى 

عدل بدلته وطلع وانا قعدت على مكتبه وفضلت اقلب فى الفون بملل مر وقت ولقيت زينب بنت مرات أبويا داخله المكتب وعلامات الغضب على وشها انا مبحبش اقول بنت أبويا او مش هتفرق كلهم شبه بعض افتكرت كلام رحيم انى مخفش من اى حد طول ما هو معايا 

*قومت وانا ببصلها ببرود 

زينب بح قد ؛شكلك نسيتى نفسك يا حور 

قربت منها وانا ببصلها بثبات وقوه :تو مدام حوريه لو سمحتى وياريت لما تتكلمي مع مرات مديرك يبقه بشكل محترم عن كده

زينب بغضب وشر:انتى أزاى تتجرائى وتكلمينى كده انتى فاكره نفسك مين ولا فرحانه بالكام يوم إللى قضيتيهم مع رحيم ونسيتى انك مجرد خدامه ولا نسيتى الضر*ب والاهانة يا ست حور 

_ابتسمت ببرود وقعدت قدامها على مكتبه:تو منستش بس الظاهر انتى اللى نسيتى انى دلوقتي مدام حوريه نصار يا زينب حور اللى دلوقتي غير بتعت زمان بتعت زمان ديه تنسيها خاااالص ودلوقتي بدون مطرود واتفضلى على شغلك 

زينب بصدمه :اتغيرتى اوووى يا حور 

_طبعنا، كنتى فكرانى هفضل طول عمرى البنت المهزوزه الضعيفه اللى انتوا بتضر*بوها ولا ايه لا يا روحى فوقى وياريت توصلى سلامى ل مدام انتصار وقاسم بيه واتفضلى بره 

*كانت بتبصلى بصدمه حته انا كنت مصدومه من نفسى معرفش جتلى الشجاعه منين انى ارد عليها ومكنتش اعرف انه فى عيون مرقبانا وواقفه بره بتبصلى بفخر زينب طلعت وهو دخل وانا اترميت فى حضنه

_شكررررا

رحيم بابتسامه:على ايه 

_من غيرك مكنتش هقدر اواجهم 

=انا فخور بيكى اووى عاوزك كده ديما سواء كنت موجود معاكى او لا عاوزك قويه واثقه من نفسك ومتسمحيش لحد يقلل منك 

_احم جماعه انا مغلطتش لما قولت انه رحيم مصدر قوتى هو فعلا كده

 "جميل تلاقى اللى يشجعك ويدعمك فى كل الأوقات والاجمل انك تلاقى اللى يغيرك للافضل "

_ابتسمت ولفيت ايديا حولين رقبته :طيب مش هنروح للدكتور بقاا

ابتسم:نروح علشانك 

ضحكت ولبست شنطتى واخدنى وطلعنا روحنا للدكتور وفحصه واداه ادويه

*رجعنا البيت وكان باين عليه التعب والارهاق ساعدته يغير هدومه وفرد جسمه على السرير بتعب 

جبت اكل واكلنا وعطيته الدواء 

_انت كويس 

ابتسم ومسك ايدي باسها:كويس طول ما انتى جنبى 

_حضنته وحطيت راسى على صدره:انا مش عاوزه اشوفك كده 

=كده أزاى 

قومت وقعدت قصاده:مش عاوزه اشوفك ضعيف رحيم انت مصدر قوتى وانا ضعيفه من غيرك ف علشان خاطرى تخلى بالك من نفسك 

_رحيم بابتسامة:حاضر 

فجاه جتله رساله خلت ملامح وشه تتحول 180 درجه وعيونه بقت بقعه د*م 

_سالته بخوف:رحيم ف ايه 

رفع الفون وكانت صور ليا مع شخص وهو حاضنى وانا قريبه منه بصتله بخوف 

_انا انا ولله معرف حاجه عن ده ولا عمرى قابلت حد صدقنى ديه صور متفبركه 

_كان ساكت ومش بيتكلم  حسيت انه صدق الصور بس انا انا معرفش حاجه انا مش عاوزه اخسره 

حطيت ايديا على قلبه وانا بعيط:رحيم رد عليا انت مصدق الصور ديه 

_كان ساكت وده صدمنى ده ده معناه انه رحيم مش واثق فيا انهارت وقومت علشان أجرى لبره بس ايده شدتنى لحضنه مره تانى 

=اهدى اهدى انا واثق فيكى وعارف انك مستحيل تعملى كده اهدى 

_مسكت فيه جامد وفضلت اعيط انا معرفش مين اللى عاوز يخرب حياتى بالشكل ده انا معملتش حاجه لحد علشان اتاذى بالشكل ده 

_انا ولله معرف حاجه عن الصور ديه ولا حته مين الشخص ده صدقنى 

=عارف وعارف مين اللى عمل كده وهندمه قومى البسى علشان هنروح مشوار

_مكنتش فاهمه حاجه قومت ولبست واخدنى وطلعنا وانا مش عارفه ناوى على ايه 

                        *****************

زينب بغضب :انتى مشوفتهاش وهى بتكلمنى ماما القطه المغمضه فتحت وبقالها صوت 

انتصار بخبث:ههههههه لا مهو كمان شويه

 وهتلاقى رحيم باشا جايبها وبيرميها تحت رجلينا ووقتها سيبهالى وانا هعلمهالك الأدب 

زينب بعدم فهم :مش فاهمه حاجه 

انتصار بصتلها بخبث وجابت تليفونها وورتلها الصور ؛اى رايك فى المفاجاه ديه تخيلى لما رحيم نصار يشوف حبيبه القلب فى حضن واحد تانى هيعمل ايه خصوصا بعد ما اتعرض للخيانه من حبيبته الأولى ياتره هيعمل فيها ايه 

زينب بضحكه خبيثه:الله يا ماما طلعتى بتفكرى بس افرض رحيم عرف الحقيقه 

انتصار بخبث:مظنش هيعرف سيبك دلوقتي وتعالى ناكل 

زينب بضحك؛ماشى 

                *******************

مر وقت ولقيته وقف قدام بيت أبويا لا اكيد اللى فى بالى مش صح اكيد رحيم مش هيعمل كده بصتله والدموع مغرقه وشى 

_انت انت مش هتعمل كده مش هترجعنى ليهم ارجوك لو عاوز تعاقبنى عاقبنى فى بيتك بس مترجعنيش ليهم ارجوك انا ممكن اشتغل خدامه عندك لكن مش هستحمل دقيقه معاهم 

_مسح دموعى وحضنى :اهدى اهدى بقاا قولتلك مش هعمل حاجه تاذيكى امسحى دموعك وعاوزك قويه مفهوم انا مش عاوز اشوفك ضعيفه وافتكرى كلامى انى مستحيل اعمل حاجه تاذيكى اهدى واوثقى فيا

طلعنى من حضنه ونزل من العربيه ومسك ايديا ودخل خبط على الباب وفتحتله مرات أبويا وهى بتبصلى بشماته وشر وكأنها كانت متاكده انه هيجبنى 

انتصار بخبث :كنت متاكده انك هتجيبها على هناااا يا رحيم بيه

=رحيم بضحك:اومال كنتى فاكره ايه 

بصيت ل رحيم بصدمه وعدم فهم انا مش فاهمه حاااااجه 

البارت الثالث عشر

#حوريتى🦋🍂

انتصار بخبث :كنت متاكده انك هتجيبها على هناااا يا رحيم بيه

=رحيم بضحك:اومال كنتى فاكره ايه 

بصيت ل رحيم بصدمه وعدم فهم انا مش فاهمه حاااااجه 

رحيم بخبث :ايه مش هتدخلينى

انتصار باستغراب:احم لا اكيد طبعنا اتفضل 

دخل وهو ماسك ايدى وانا ببصلهم بخوف ومش عارفه رحيم ناوى على ايه  حته مرات أبويا وبنتها بيبصوله بصدمه 

=اومال قاسم فين 

انتصار بخبث:هو فى الشغل يابنى 

=امم طيب كلميه قوليله ييجى علشان فى كلام كتير لازم يتقال بخصوص حور 

انتصار بخبث ؛حاضر  ودخلت وكلمت قاسم وطلبت منه ييجى 

زينب بخبث :تحب تشرب حاجه يا رحيم 

ابتسم وبصلها:لا يا قمر انتى 

*كنت قاعده جنبه وبضغط على ايده اللى ماسكه ايدى وانا ببصله بغضب ونار الغيره جوايا 

بصلى وحسيته فهم عاوزه ايه ابتسم وانا بصتله برجاء انه ميسبنيش مر وقت ومرات أبويا وبنته بيحاولوا يعملوا كل إللى يقدرو عليه علشان رحيم يبقه راضى عنهم الباب اتفتح وبابا دخل قعد قصاده ومرات أبويا وزينب بيبصولى بشما*ته 

قاسم؛ايوه يا رحيم بيه قلولى انك عاوز تقابلنى حور ضايقتك فى حاجه

بصيت عليه لقيت ملامحه اتغيرت للغضب :قولى يا قاسم انا لما جيت طلبت ايد بنتك حور مش حذرتكم انه محدش يتعرضلها حصل ولا محصلش 

قاسم بتوتر :ح حصل يا بيه ومحدش قربلها 

=اممم صح محدش قربلها 

*ساب ايدى ووقف قدام مرات أبويا ومسكها من شعرها وانا واقفه مصدومه

رحيم بصوت جهورى :انا عمرى فى حياتى ما مديت ايدى وضر*بت وحده لكن انتى اح قر وحده شوفتها فى حياتى 

انتصار بغضب:انت اتجننت يا رحيم

قاسم بخوف:رحيم يابنى ايه اللى حصل

=بقااا أنتى يا روح امك انتى وبنتك عاوزين تلعبوا عليه وفاكرينى هصدقكم واكدب حوريه

قاسم بخوف :انا مش فاهم حاجه

=ليه هى الست هانم مقالتلكش على خطتتها هى وبنتها ولا ايه 

انتصار بتوتر :خطه خطه ايه انت بتتكلم على ايه يا مجنون انت 

رحيم بضحكه سخريه:ههههه هو انتى فاكره بجد لما تفبركى صور ل مراتى وهى فى حضن حد تانى وتبعتهالى هصدق فيها وهجيبهالك بكل سهوله كده 

*وقفت مصدومه وعيونى بتدمع انا انا مكنتش اتوقع فى يوم انها توصل لكده وتتهمنى فى شر*فى ا ازاى بصيت ل بابا لقيته بيبص ل انتصار بصدمه ط طيب معقوله بابا كمان مشترك معاها اكيد دول مش بشر اكيد شيا*طين مش معقوله يكون فى حد بالقسوه ديه 

انتصار بخوف؛لا لا انا معملتش حاجه ولله 

رحيم سابها وقعد قدامها على الكرسى وهو يضع رجل فوق الاخرى :اممم كلامك ده ابقى قوليه فى النيابه يا حلوه 

انتصار بصدمه :انت انت بتقول ايه

*فجاه اتكسر باب الشقه ودخلت قوات الأمن 

رحيم بغضب جح يمى:انتى فاكره انى مش عارف مصا*يبك ولا عارف انك كنتى بتحبسى حور وتعذ*بيها من وقت ما امها ما*تت ولا عارف انك انتى اللى اتفقتى مع الكل*ب ده علشان يفبرك الصور ل حور وانك كمان كنتى متفقه مع محامى علشان تخلينى اوقعلك على تنازل بكل املاكى اول ما اتجوز  بنتك لا وكمان كنتى مخططه انك تاخدى الشقه بتعت قاسم وكل فلوسه هههه غبيه 

أكبر غلط لما فكرتى تلعبى مع رحيم نصار يلاه يا حضرت الظابط خدها بتهمه التعرض

ل مراتى بالضر*ب والحبس وكمان التزوير والتشهير بمرا*تى وبنتها كمان معاها 

زينب بصدمه:لا يا رحيم ارجوك انا معملتش حاجه ولله ماما اللى خططت لكل حاجه صدقنى انا مليش دخل ارجوك بلاش تبعتنى السجن

رحيم بغضب جح يمى:عمرررررر خدهم من قدامى

عمر الظابط :هتوهم يلاه 

رحيم بتوعد:اقسم بالله لخليكى تتمنى المو*ت ومطلهوش يا انتصار  هند*مك على كل دمعه نزلت  من عيون  حور وكل الضر*ب اللى اتضر*بته منك هيتردلك اضعافه حته العذا*ب اللى عذبتيه لصديقه عمرك ، وادى آخره حقد*ك ضيعتى نفسك وضيعتى بنتك 

انتصار  بجنون ؛لا انا مش هخسر فاهم يابن نصار مش هخسر انا همو*تهالك قدامك  واقتربت لتمسك بحور ولكن يد رحيم كانت سبقتها ومسكها ورماها لصديقه الرائد عمر 

عمر :اكتب عندك يابنى قضيه جديده وتهد*يد بالق*تل 

رحيم بهدوء:عمر عاوزك تتوصه بيها 

عمر بابتسامة:والقمر اللى وراك اتوصه بيها كمان 😂❤

رحيم بص ل زينب وضحك :ولله انت وزوقك بس خلى بالك 

زينب بغضب:انتوا بترمونى لبعض 

عمر برفعه حاجب:اممم لا وكمان لسانك طويل ماشى نشوف الموضوع ده فى القسم يا حلوه هاتوها 

زينب برجاء:رحيم ارجوك انا معملتش حاجه ارجوك خليهم يسبونى وانا ولله هسافر وهبعد عنكم بس متحطنيش فى السجن 

رحيم بهدوء :انتى إللى اخترتى تمشى وره الشيطا*نه امك وده جزاءك يلاه يا عمر خدهم

لياخذهم عمر وسط صراخ زينب وصدمه انتصار الكبيره 

رحيم وهو يقف أمام قاسم بثبات وقوه :انت بقااا أكبر عقاب ليك هو انى اسيبك فى ندمك وتانيب ضميرك  وعلى فكره انتصار سحبت كل فلوسك وضيعتك وكانت ناويه تطر*دك من بيتك وترميك فى الشارع لأنها حبت فلوسك وعمرها ما حبتك  وعموما من النهارده اعتبر نفسك مرفود من شركتى انت خسرت كل حاجه يا قاسم واظن ده أكبر عقاب ليك خسرت وحده بتحبك وسبتها تمو*ت بحسرتها وخسرت بنتك اللى كان ممكن تشيلك فى عنيها حته فلوسك ووظيفتك خسرتهم وبنتك التانيه دلعتها وسبها لامها تسمم افكارها حته ديه خسرتها كمان واظن ده عقاب كبير ليك

 رحيم بحزن:حوريه 

*كنت واقفه مصدومه والدموع مغرقه وشى ومش قادره انطق او اقول حاجه افرح لانه رحيم اخدلى حقى منهم ولا ازعل لانى مستاهلش انى اتاذى بالشكل ده 

بصيت ل بابا لقيته بيبصلى بندم بس بعد ايه بعد فوات الأوان ديما الندم مبيجيش غير بعد فوات الامان بعد ما بنخسر اللى بنحبهم وندمنا مش بيفيد بحاجه 

محستش بنفسى غير وانا بقع بين ايد رحيم ومن بعدها محستش ب اى حاجه 

       ...*******************..

                                                                      فوقت لقيت رحيم قاعد قصادى وماسك ايدى وبيبصلى بخوف واضح ولهفه 

_ر رحيم 

*قرب منى وباس جبينى ؛انتى انتى كويسه حاسه  ب ايه 

_انا فين 

=انتى فى بيتك يا حوريتى

قومت واترميت  فى حضنه وانا بعيط:هما ليه بيكر*هونى كده ليييه انا عملتلهم ايه يا رحيم انا ليه مش مكتوبلى افرح

=هششش متعيطيش خلاص انا معاكى والموضوع انتهى وحقك رجع 

_رحيم متسبنيش مهما حصل 

ابتسم  :مش هسيبك يا حوريتى انا جنبك وبعدين كفايه بقاا ويلاه ننام علشان عندى ليكى مفاجأه بكره 

_مسحت دموعى وابتسمت :بجد مفاجأه ايه

رحيم بحب :هتعرفى بكره 

_طيب حلوه ولا فى مصا*يب تانى 

ضحك وشدنى من خدودى :لا خلاص مفيش مصا*يب كل إللى جاى هيبقه فرح وسعاده بس اوعدك هعوضك عن كل حاجه 

_ابتسمت بحزن :اتمنه اتمنه كلامك يكون صح  

_طلع ونام جنبى على السرير وشدنى لحضنه ؛ صح يا حوريه وانا هثبتلك كلامى يلاه نامى وارتاحى عندنا يوم طويل بكره 

_حاضر 

قولتها وحضنته ونمت 

                 ♡♡♡♡♡♡♡♡♡♡♡♡   

وفى صباح يوم جديد قومت وفتحت الدولاب علشان اطلعله هدوم ووقعت صوره ليه وكان حاضن بنت وو 

البارت الرابع عشر ❤🔥

#القبل الاخير 🥺♥️🦋

#حوريتى 🦋🍂

وفى صباح يوم جديد قومت وفتحت الدولاب علشان اطلعله هدوم ووقعت صوره ليه وكان حاضن بنت وكانت نفس البنت اللى شوفتها فى الشركه وحضنته وباين انها حبيبته القديمه بس ليه محتفظ بصورتها لدلوقتى سرحت وانا بفكر فى الموضوع وفوقت على صوته 

=حوريتى  بتعملى ايه 

_التفت وبصتله وانا برفع الصوره قدامه :ممكن تحكيلى موضوع البنت ديه 

*اخد نفس عميق وقعد على حافه السرير واتنهد وبدا يتكلم وانا جبت كورسى وقعدت قدامه وبصتله بتركيز 

=ليه عاوزه ترجعى للماضى يا حوريتى زينه مجرد ماضى صدقينى 

_ابتسمت ومسكت ايده:عاوزه اشاركك انا عارفه انه جواك حزن كبير مخبيه عنى وانا حابه اشاركك حزنك قبل فرحك ممكن 

♡ابتسم وبدا يحكى 

=بصى يا ستى من بعد وفات اهلى عشت فتره  عند عمتى وأولادها عمار وتاليا ويوسف انا عرفتك على عمار وتاليا اما يوسف مسافر احم زينه تبقه بنت عم عمار وكانت ديما بتزورهم  كانت بنت جميله واعجبت بيها 

_سكت فى رجعت مسكت ايده وانا بطمنه:كمل سمعاك 

رحيم بتنهيده:اتعرفت عليها وبقينا نتكلم كتير وكمان طلعت بتدرس معايا انا وعمار  فى كليه الهندسه وده شدنى ليها اكتر وبعد فتره الاعجاب أتحول ل حب كنت بخلص كليه وبروح الشركه اكمل شغل علشان احافظ على شغل بابا مر كام سنه وفضل حبى ل زينه بيزيد بس فى يوم كنت طالع من الكليه وكانت آخر سنه ليا وكنا بنتمشه انا وعمار  فى الشارع ولقيتها حاضنه شاب وعمال تضحك معاه حاولت اكدب عنيا بس لما قربنا انا وعمار طلعت هى واجهتها وقتها قالتلى انها عمرها ما حبتنى وانى كنت فتره فى حياتها وأنه احنا مجرد صحاب مش اكتر ههههه زى ما تقولى كانت بتتسله بيه 

_كمل 

=دخلت فى حاله انهيار واكتئاب شديد لكن قررت موقفش حياتى عليها رجعت ذاكرت وخلصت كليه ومسكت شركه والدى فضلت اتعب واسهر ليل نهار لحد ما بقيت رجل أعمال معروف ههه وقتها عملت المستحيل علشان ترجعلى وانا رفضتها وقررت مرجعش احب واركز بس فى شغلى بقيت شخصيه قاسيه  بس بعدها شوفتك ولخبطتى كيانى مكنتش قادر اشيلك من تفكيرى كنت خايف اقرب بس قررت مضيعكيش من ايدى وفعلا طلعتى افضل قرار أخته فى حياتى واجمل حاجه حصلتلى 

_دمعت اوقات مبنعرفش حكمه ربنا فى كل إللى بيحصلنا ، ربنا بيدخل فى حياتنا ناس ويخرجها رغم اننا بنبقوا متعلقين بيهم وبنلوم نفسنا انهم مشيوا لكن ما بنبقاش عارفين انه ربنا هيعوضنا أضعاف وأنه هيجى وقت وهيرزقنا بناس شبهنا تقدرنا وتحبنا وتحطنا فى عنيهم وانا بقولكم متياسوش من رحمه ربنا كل فتره صعبه هتعدى عليك هتعلمك حاجات عمرك ما كنت تتخيلها 

_قومت وحضنته جامد وهو بادلنى الحضن  وجه الوقت اللى اعترف فيه انى وقعت فى حب ابو العيون الرماديه ديه 

_رحيم 

=عيونه 

_انا بحبك اوووى

رحيم بابتسامه ؛وانا كما ، اييييييييه قولتى ايه 

_بعدنى عن حضنه وبصلى بدهشه وفرحه وعيون لامعه بالدموع جماعه ابغى ابوظ اللحظه واهرب انا عيله ولله 

ههههه لا طبعنا مش هبوظها انا غلبانه ومش عاوزكم تدعوا عليا🙂😂❤

_ضحكت انا لما بتكسف بضحك معلش انا هبله استحملونى 

=حوريه هو ده وقت سكوت قولى بالله قولتى ايه 

_انا انا مقولتش حاجه 

رفع حاجبه وبصلى :وحيات امك

_لا مهو مدام حلفنى بالغاليه ف هرجع اقولها بصراحه الولد صعب عليا بس لازم اتقل شويه الاه عاوزينه يقول عليا ايه واقعه فى دباديبه 

_بقول انى ههههه سكت مهو انا لازم اطلع عينه وعينكم كمان معلش انا كائن نكدى  

=بت بت متعصبنيش بقااا 

_احم على فكره انت سمعتها 

رحيم بخبث :مهو انا لو سمعت كنت قولتلك عيدى الكلمه مثلا 

_اممم وجه نظر تحترم برضوا حاسه انه بيستعطفنى 

=طب ايه 

ضحكت ؛ايه 

رحيم بضحك؛قومى يا حور قومى من هنااا علشان معملش حاجه اندم عليها قومى

_رفعت صباعى فى وشه :اعتبره تهديد 

رحيم بغرور :زى ما تحبى 

_احم ماشى براحتك انا كنت هقولك بس ملكش فى الطيب نصيب 

ضحك بقوه :ولله وانتى بكده بتغرينى يعنى 

_لا لا طبعنا انا اقدر يلاه انا هروح اجهزلك الفطار

 رحيم ببرود:ماشى روحى

_يعنى انت عاوزنى اروح 

=اه روحى وشاورلى على الباب احم جماعه حاسه انه بيطردنى حاسه كده 

_رحييييم 

=اييه 

_اقول ولا اغور

فضل يضحك ؛لا غورى من هناا 

_يعنى اغور ولا اقول 

_احم مسك المخده ورماها عليا انا قولت برضوا الولد  قره عينى ده زوج اصيل  ومحترم وبيحبنى جدااا جدااا 

جريت وطلعت بس رجعتله تانى :طب على فكره بقااا كنت بقولك بحبك بس انت زوج مش محترم ومش جدع  خاالص على فكره  وسبته وجريت على المطبخ وانا سمعاه بيضحك احم ضحكته ديه بتخطف قلبى يا جماعه ولله انا لو بشحت كده مبحبش الا هو 

_جهزتله الفطار وطلعت لقيته بيجهز 

_قره عينى انت رايح على فين

♡ضحك ولف ايديه حولين خصرى:اممم انتى مش واخده بالك انك اخدتى عليا اووى 

بصتله بغرور:طيب انا غلطانه انى بدلعك 

رحيم بابتسامه ؛لا مهو انا عاوزك تدلعينى بس بليل وقت المفاجآه يا جميل انت وغمزلى المشمحترم 

_رحيم 

=قلبه ولله 

_حد قلك انك قليل الادب ومتربتش 

*احم جماعه انا شايفه انى اخدت عليه اووى فعلا وشكلى هاخد على دماغى 

_قرب وباس خدى

=لا انا محترم مع الناس كلها الا مراتى 

_لا بجد 

ضحك :طبعنا وبليل هثبتلك 

_يادى بليل هو انت ناوى على ايه 

_ضحك بخبث ؛كل خير يا قلبى كل خير وباس راسى وسابنى ومشى حته من غير ما يفطر ياتره ناوى على ايييه 

البارت الخامس عشر والأخير 🥺♥️🦋

#حوريتى ♥️🦋

_ضحك بخبث ؛كل خير يا قلبى كل خير وباس راسى وسابنى ومشى حته من غير ما يفطر ياتره ناوى على ايييه  

وبعد وقت الخدامه نادتنى وقالتلى انه فيه ناس تحت منتظرينى نزلت لقيت كام بنت ومعاهم حاجات وفيه وحده ماسكه فستان احمر كان شكله  جميل اووى بس مفتوح من الضهر 

_انتوا مين 

البنت بابتسامه :حضرتك مدام حوريه

_احم اه انا 

ابتسمت :انا الميكب ارتست ورحيم بيه طلب منى اجى واجهزك وكمان بعتلك الفستان ده 

_اه طيب اتفضلو

*اخدتهم وطلعت الاوضه وبعد وقت كنت جهزت وقاعده مستنياه سمعت صوته قومت وقفت وعطيته ضهرى 

=حورررريه 

_...........

رحيم بضحك :بت لفى وبصيلى

_ضحكت والتفت بصتله وانا متوتره وقف متنح لدقيقه وفضل يلف حوليا

رحيم بابتسامة :تعرفى انك كل يوم بتحلوى اكتر 

_ابتسمت وبصيت الناحيه التانيه علشان اهرب من نظراته 

رحيم بضحك:شكلها ليله جامده يلاه مين 

عقدت حواجبى وبصتله:هنروح فين 

غمزلى ومسك ايدى :هتعرفى بعد شويه يلاه 

*اخدنى وطلع ومشينا بالعربيه محستش بالوقت معاه بس على ما اظن مر وقت طويل وانا معرفش هو واخدنى على فين لحد ما وقف العربيه 

_هو احنا فين

ابتسم :اسكندريه يا قطه 

_اسكندريه؟ازاى 

ضحك ومسك خدودى:محنا طول الطريق بنحكى واكيد محستيش بالوقت 

ابتسمت :انا اصلا مش بحس بالوقت وانا معاك 

ابتسم وفتح باب العربيه ونزل وانا نزلت وفضلت ابص حوليا كانت فيلا جميله بتطل على البحر شكلها من بره تحفه اووى 

رحيم احنا جينا هناا ليه 

رحيم بحب؛تعالى معايا 

_مسك ايدى ودخلنا كان نور الفيلا مطفى 

=ادخلى يا حوريتى

_طيب نور النور انا بخاف اووى من الضلمه 

=ادخلى ومتخفيش انا معاكى 

دخلت وهو قفل الباب وشغل النور التفت لقيت الفيلا متزينه وفيه تربيزه محطوط عليها عشاء رومانسى وشموع ايه الجمال ده ياجدعان يالهوووى اكاد من فرط الجمال اذوب عيونى دمعت وجريت عليه 

_ده ده كله علشانى

ابتسم وباس جبينى: ده اقل  حاجه ليكى يا حوريتى 

ضحكت وحضنته :عاااااا انا بحبك اوووى

ضمنى لحضنه :وانا بعشقك 

_طلعت من حضنه وفضلت ابصله كتيرر وافكر كنت فين وبقيت فين وقد ايه عوض ربنا جميل اووى قطع تفكيرى صوته 

=اى رايك نرقص 

_ضحكت ورديت عليه بحماس:موافقه 

شغل موسيقى هاديه وقرب وقف قدامى وحاوط خصرى وانا لفيت ايديا حولين رقبته وبدانا رقص 

=موافقه نبدا حياه جديده وتكونى حوريه رحيم نصار 

ضحكت بخجل :موافقه 

ابتسم رحيم وشال حور وطلع اوضتهم وراحوا ل بحور عشقهم لتصبح زوجته قولا وفعلا

.

♡مر اسبوع وانا وهو عايشين اجمل ايامنا فى فيلا الاسكندريه عمرى ما كنت اتخيل انه حياتى فى يوم وليله تتقلب كده وتتحول من جح يم ل جنه 

كنا واقفين بنلعب بالميه عند البحر 

_رحييييم كفايه بقااا 

=طيب تعالى هنا عاوزك 

_عاوز ايه 

رحيم بضحك:تعالى بس انتى خايفه ليه 

_وانا اخاف ليه قولت الكلمه ديه وروحتله وفجاه لقيته شالنى

_عااااااا نزلنى يا قليل الادب نزلنى 

رحيم بضحك:ماشى انا هوريكى قليل الادب هيعمل فيكى ايه 

_قال الكلمه ديه ودخل البحر نهار اسود انا مش بعرف اعوم :رحيم عااا مش بعرف اعوم طلعنى طلعنى بسرعه 

=لا 

_طب على فكره انت زوج مش جدع خالص 

رحيم بضحك :اسكتى بقااا 

_رحيم بالله عليك مش بعرف اعوم انا 

=هعلمك 

_ولله هصوت وافض*حك بقاا 

رحيم بضحك :حبيبى المكان ده مفيهوش حد غيرنا فى انسى قال الكلام ده واخدنى ونزل تحت الميه المشمحترم فضل يعلمنى العوم وبعدها رجعنا دخلنا الفيلا بعد محايله منى

 مر اسبوعين كمان ورجعنا الفيلا بتعتنا فى القاهره عاااا مكانى المفضل بس منكرش انه شهر العسل إللى قضيناه فى اسكندريه كان من اجمل ايام حياتى 

كنت واقفه برتب هدومى فى الدولاب لقيته حضنى من ضهرى ضحكت وبصتله خلاص مبقتش بخاف اتكلم معاه ولا بقيت بتكسف منه زى الأول 

=ليكى عندى مفاجأه جامده 

ضحكت:مش هتبطل مفاجأت 

رحيم بابتسامه :لا 

_طيب قول وفرحنى 

_احم قدمتلك ورقك فى كليه الهندسه هنا فى القاهره وبدايه من السنه الجايه هتبداى دراسه 

♡بصتله بصدمه وانا بحاول استوعب عيونى دمعت يعنى انا هكمل دراستى وهحقق حلم ماما معقوله 

_رحيم انت انت بتتكلم بجد 

رحيم بحب :طبعنا بتكلم بجد انتى من حقك تكملى تعليمك وتحققى حلمك بس ليه الدموع ديه مش قولتلك مبحبش اشوف دموعك 

_حضنته ،حضنته جامد جدا ؛انا بحبك اوووى ومهما عملت مستحيل اقدر اوفيك حقك او اردلك اى حاجه من اللى انت بتعمله علشانى 

=هششش انا عاوزك ديما مبسوطة سعادتك بالدنيا  عندى وانا معملتش حاجه عاوزك تذاكرى وتحققى حلمك اتفقنا 

ضحكت :اتفقنا 

مر شهرين وتعبت اووى ومحستش بنفسى غير وانا بقع على الأرض واول ما فوقت لقيته قاعد قصادى وعيونه مدمعه 

_رحيم ايه حصل 

رحيم بفرحه ودموع لامعه بالدموع :هتبقى مامى يا قلب رحيم 

_انت انت بتتكلم بجد 

_هز راسه وشدنى لحضنه :انا مبسوط اووى وأخيرا هبقه اب وهيبقه عندى ابن او بنت منك 

_ضحكت بفرحه وبادلته الحضن وانا بعيط وبشكر ربنا لانه عوضنى ب رحيم اللى لولاه مكنتش هبقه مبسوطه وفرحانه كده 

مرت شهور  وبقيت عامله زى البطيخه وداخله فى  الشهر التاسع  وطبعنا رحيم مش بيخلينى اقوم من على السرير لكن انا بواجبى مطلعه عينه 

_رحيييييم 

رحيم بضحك :عيون  رحيم 

_ابنك قليل الادب بيضر*بنى 

رحيم بضحك :معلش يا قلبى حقك عليا 

_رحيم انا ليه حاسه انك بتاخدنى على قد عقلى 

رحيم بضحك:انا  اقدر يا جميل 

_رحيم انا عاوزه اعيط 

رحيم بتنهيده:يخرب بيت  ام هرمونات الحمل دي بت بت اتهدى بقااا 

_رحيم انت زهقت منى صح قول الحقيقه انت شايفلك شوفه بره يا خاين 

رحيم بضحك:اهدى يا قلبى اهدى انتى فى الشهر التاسع وممكن تولدى فى اى لحظه هاا

_رحيم هو انا اول مولد هرجع رفيعه صح 

=وربنا انتى قمر وانتى عامله زى البطيخه كده ههههههههه 

اتعصبت وضر*بته بالمخده وفجاه حسيت  ب الم فى بطمنى 

_رحيم الحقنى بولد 

رحيم بضحك ؛ايوه ايوه اكدبى زى كل مره 

_صرخت:عاااااا يخرب بيتك انا بتكلم بجد الحقنى

♡ههههه وطبعنا فضل يلف حولين نفسه وانا اصوت وهو يصوت يا  جدعان انا الحامل هو بيصوت ليه  كان شكلنا يضحك اووى 😂❤

_يخرب بيتك يا اهبل خدنى المستشفى 

رحيم بضحك :انا كان مالى ومال العذاب ده ياربى

_هو ده وقت ندم يا بنادم ااااااالحقنننى 

♡شالنى واخدنى المستشفى وطبعنا طلبت من الدكاتره يخلوه يدخل معايا العمليات وهو اتعقم ودخل وفضل معايا جوه واول ما سمعت صوت البيبى دمعنا احنا الاتنين والدكتوره ادتهوله كان ولد شبه بالظبط ونفس عيونه 

_رحيم هاته عاوزه اشيله 

ابتسم وحطه فى حضنى :يا قلب مامى شبهك اووى يا رحيم هنسميه ايه 

=اى رايك نسميه تميم 

_حلو اوووى موافقه 

ابتسم وحضنى :بحبك يا حوريتى 

_وانا بعشقك يا قلب حوريتك

♡بعد مرور خمس سنين كنت واقفه على المسرح بتكرم فى حفل تخرجى من كليه الهندسه بتقدير امتياز وطلعت الأولى على الكليه  وحققت حلمى وحلم ماما ورفعت رأس رحيم وطبعنا ده كله بمساعدته كان قاعد فى اول صف وشايل تميم على رجله اللى بقاا عمره خمس سنين دلوقتى 

اخدت الميكرفون ووقفت قدام الكل 

_بصراحه انا  مستحقش التكريم ده وره نجاحى وتفوقى فى شخص هو اللى يستحق التكريم ده و كان هو أكبر داعم فى حياتى شخص علمنى يعنى ايه حب وازاى ابقه شخصيه قويه قادره تدافع عن أحلامها شخص اخدنى من الضلمه وطلعنى للنور وحققلى كل حاجه بتمناها ومقصرش معايا فى ولا حاجه وهو اللى كان بيساعدنى فى دراستى  والشخص ده هو وبكل فخر زوجى  رحيم نصار هو اللى يستحق التكريم ده وانا بفضله واقفه قدامكم وكمان طالعه الأولى على الكليه ومعايا ولد عمره خمس سنين رحيم انا حابه اشكرك قدام الناس كلها واقولك انه مهما عملت مش هقدر اوفيك ولو جزء صغير من

اللى انت عملته معايا وحابه كمان اقولك انى بحبك اوووى سبت الميكرفون وجريت عليه حضنته والناس كلها وقفت تسقف 

رحيم بهمس:اقسم بالله كل يوم عشقى ليكى بيزيد أضعاف يا حوريتى 

ضحكت :بحبك يا عوضى الحلو من الدنيا واجمل هديا من ربنا ليااااا❤

بعد مرور سنه جبت بنوته وسميناها فرح وانا كل يوم عشقى ل رحيم بيزيد اكتر واكتر 

❤قصتنا خلصت حابه اقولكم متياسوش مهما كانت الظروف اكيد هيجى يوم وربنا هيعوضك وهيكرمك بحاجات عمرك فى يوم ما كنت تتخيلها ولا تخطر فى بالك توته توته خلصت الحدوته هتوحشونا جدااا ❤❤👀

                             النهايه 

حوررريتى

بقلمى مارينا عبود " بحر  "

بليز قولولى رايكم هيفرق اووى ❤👀

رواية منعطف خطر كامله من هنا

رواية زواج لدقائق معدودة كامله من هنا

رواية خيانة الوعد كامله من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا

رواية فلانتيمو كامله من هنا

رواية جحيم الغيره كامله من هنا

رواية مابين الضلوع كامله من هنا

رواية سيطرة ناعمه كامله من هنا

رواية يتيمه في قبضة صعيدي كامله من هنا

الروايات الكامله والحصريه بدون لينكات من هنا

إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇 

❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺

الصفحه الرئيسيه للروايات الجديده من هنا

جميع الروايات الحصريه والكامله من هنا

انضموا معنا علي قناتنا بها جميع الروايات على تليجرام من هنا

❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺