رواية عروس العمده الفصل الثالث بقلم نور محمد حصريه وجديده في مدونة النجم المتوهج للروايات والمعلومات

بواسطة كاتب مميز - يوليو 19, 2025

رواية عروس العمده الفصل الثالث بقلم نور محمد حصريه وجديده في مدونة النجم المتوهج للروايات والمعلومات

انطقي يابت الرفضي اخوي لمسك هناك والا لا خبريني قبل مااعصابي تفلت مني ياعزه

عزه بصتله بدموع ووجع وقالت... ولو خبرتك انه صوح الكلام ده هتصدقني ياعمده

عيسي سمعها وعنيه وسعت بقوه وفجأه نزل على وجهها بكف قوي وهو بيقول بغضب رهيب...اخرسي ياعا*يبه يافا*جره اخوي مستحيل يطعني في شر*في حتي لو روحه فيكي يابت المركوب

عزه وضعت ايدها على خدها بصدمه كبيره منه وقالت بدموع... كنت متأكده انك مهتصدقنيش واصل ياعمده انت معمي على عنيك من حبك لخوك سعد ياعيسي

قالت اسمه في النهايه بصراخ ونهيار خلي قلب عيسي يدق بقوه لانها اول مره تنطق اسمه على لسانها فسرح فيها لوقت وهو بيتأملها قدامه بمشاعر مختلطه

وعزه بصتله بحزن ووجع كبير ولسه هتقف على رجلها لقت عيسي قال بسرعه وقلق... اقعدي مكانك انتي لساتك تعبانه ورجلك محر*وقه ياعزه

عزه بصتله بسخريه ومدت رجلها للارض بس فجأه صرخت بقوه لدرجه ان عيسي رفعها على ايده بسرعه ولهفه كبيره وهو بيقول بقلق ظاهر عليه... لساتك عنيده زي ماانتي ودماغك فيها صرمه قديمه بس انا هعرف كيف اعدلها يابت النجار

عزه بصتله بغيظ وضيق وقالت... تمام هملني انا هتصرف لحالي ياعمده

عيسي بصلها بسخريه ووضعها على السرير بهدووء وقرب منها اكتر وقال... انا عارف حديتي مهايجبش معاكي نتيجه بس هرجع اسئلك تاني دلوك ايه اللي حصل في الزربيه يابت الناس ولجل مين بتعملي كده

عزه توترت من كلامه اوي فقالت بتوتر وارتباك... انت قصدك ايه ياعمده بحديتك ده

عيسي حس انه عنده حق في استنتاجه من التوتر اللي اترسم على ملامحها فقال بثقه وثبات... قصدي منيش اهبل علشان اعرف انك مش القاتله ياعزه حتي لو كلامك طلع صوح مهتقدريش على خوي لحالك

عزه بلعت ريقها بخوف قدامه وقالت بكذب... اخوك كان ساعتها سكران و

قاطعها عيسي بسخريه وغيظ وقال... اخوي مش بيشرب واصل يابت الناس فبلاش شغل الحريم ده وقولي اللي حصل هناك

عزه توترت اكتر قدامه بس اخدت نفس عميق وقالت بهدووء... انا اللي قتلته ياجناب العمده ومعنديش حديت غير ده لو مش مصدقني دي حاجه ترجعلك انت

عيسي بصلها بغيظ كبير وهو متأكد انها بتخبي حاجه كبيره عنه فتهند بضيق وقال... تمام يابت الناس انا هعرف الحقيقه بنفسي بس مش ههملك قبلها وحق اخوي هاخده عيسي نصار مستحيل يهمل حق اخوه

عزه بصتله بتوتر وخوف وعيسي قرب منها علشان يشلها بس فجأه وقف على صوت اخوها حماد وهو بيقول بقلق كبير... عزه يابت ابوكي كيف حصل فيكي كده

عيسي تراجع بسرعه لما لقاه جرى عليها وحضنها بقوه وقلق كبير وهو بيقول... مين اللي عمل فيكي كده يابت ابوي خبريني

عزه ابتسمت له وطبطبت عليه بحنيه وقالت.. انا زينه ياولد ابوي متخافش عليا انا زينه قوي

حماد بعد وهو لسه بيطمن عليها بقلق وخوف وقال... كيف حصل ده ياعزه كيف قتلتي ولد العمده ياخيتي

عزه بصتله بتوتر وخوف بس عيسي قرب منه وقال... اختك مقتلتوش ياحماد اختك بتتستر على قاتله يابن النجار

حماد بصله بصدمه ورجع بص لعزه بزهول وقال...صوح الكلام ده ياعزه؟!

عزه بلعت ريقها بتوتر وقالت... لا ياخوي انا اللي قتلته بس العمده مستقل بيا اكمني زي العصفوره قدام اخوه التور

حماد سمعها وكتم صوت ضحكته قدام عيسي بصعوبه وقال... طيب خبريني يابت ابوي ليه قتلتیه؟!

عزه قالت بدموع... لجل احافظ على شر*في ياولد ابوي و

قاطعها صوت عيسي اللي قال بغضب... كذابه ياعزه اخوي ميعملهاش واصل وانا مهسكتش على الحديت ده

حماد قرب منه بغضب وقال... اختي مش كذابه وبعدين اللي ممكن يدفعها لقتله غير كده ياجناب العمده

عيسي تهند بضيق وقال... معرفش بس اخوي سعد ميعملش فيا كده واصل

حماد بصله بضيق وقال... وانا واثق في حديت اختي ياعمده ولو حداك تار انا قدامك خده مني انا

عيسي بصله بسخريه وعزه قالت بسرعه... لا ياحماد العمده تاره معايا انا.. انا اللي قتلته وهسلم نفسي كمان و

قاطعها حماد بصرامه وقلق... لا ياعزه مستحيل اسيبك تعملي كده واصل يابت ابوي انتي حداكي راجل سندك زي ما مات راجل يبقى راجل قصاد راجل

عزه شهقت بصدمه وعيسي كان متابعهم بملل وزهق لغايه ماقال... ها خلصوا حديتكم ماسخ ده والا لسه ياولاد النجار انا معايزش من مظلوم تار.. تاري مع قاتل اخوي وهاخده بأيدي منيه

قال كده وقرب من عزه شالها على ايده بسهوله ولسه هيمشي بيها لقى حماد وقف قدامه بصرامه وهو بيقول... على فين ياعمده همل اختي لحالها انا مش هسيبها وياك

عيسي ابتسم بسخريه ورد عليه... اهمل مين ياحماد اختك تبقى خطبيتي وكتب كتابي عليها فاضل عليه ايام وكل البلد دلوك عارفه انها في مقام مرت العمده

حماد قال بأصرار وحده... بس لساتها مبقتش على زمتك ياعمده ولجل اللي حصل هملها لحالها انت خابر حديت اهل البلد كيف وهي دلوك قا*تله اخوك سعد

عيسي فهم قصده بس ابتسم بلا مبالاه وقال... انا ميهمنيش حديت البلد كلها ياحماد وانت خابر كده زين وقولتلك قبل سابق اختك مش هي القاتله وانا هخدها وياي علشان اعرف مين القاتل الحقيقي ومتخافيش عليها دي امانه في دار العمده عيسي نصار

حماد بلع ريقه بتوتر وقال... بس ميصحش تفضل حداك كده بدون رابط رسمي ياعمده والا انت نسيت الاصول

عيسي قال بتفهم... حصلني بالمأزون على السرايا ياحماد انا هكتب على اختك عزه دلوك وخبر اهل البلد كلهم بالخبر ده

حماد عنيه وسعت بصدمه وزهول من كلام عيسي

ولسانه لجم عن الرد اما عيسي فسابه وطلع من المستشفي كلها وركب عربيته بعد ماوضع عزه جنبه

اللي قالت بصدمه وزهول... انت بتتكلم صوح هتتجوزني بردك بعد ماقتلت اخوك ياعمده

عيسي بص لها بطرف عينه وقال... ايوه هجوزك ياعزه لجل اخوي سعد

بصتله عزه بصدمه وقالت.. قصدك ايه ياعمده

عيسي شغل العربيه وقال... هتعرفي قصدي لحالك بعدين يابت النجار

عزه توتره اوي من كلامه وسكتت خالص طول الطريق وبعد وقت وصل عيسي ونزل من العربيه الاول وبعدها لف وشال عزه على ايده

ودخل بيها السرايا ولسه هيخطي بيها جوه لقى قدامه ولد عمه اللي جرى عليه وفي ايده السلاح وهو بيقول بغضب رهيب....

خلص بارت النهاردا وبكره بأذن الله هنعرف ياترى عيسى ناوي يعمل ايه مع عزه علشان يعرف الحقيقه منها وياترى الحقيقه في النهايه هتطلع ايه واهل عيسى هيعملوا ايه في عزه بعد دخولها دارهم ده كله هنعرفه البارت القادم بأذن الله تعالي تفاعل علشان نكمل كل يوم ياجماعه التفاعل قليل اوي وكل ما التفاعل يبقى عالي هطول البارت اكتر تمام 👍🏻❤

بداية الروايه من هنا

رواية منعطف خطر كامله من هنا

رواية زواج لدقائق معدودة كامله من هنا

رواية خيانة الوعد كامله من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا

رواية فلانتيمو كامله من هنا

رواية جحيم الغيره كامله من هنا

رواية مابين الضلوع كامله من هنا

رواية سيطرة ناعمه كامله من هنا

رواية يتيمه في قبضة صعيدي كامله من هنا