جميع الروايات كامله

رواية المنتقبه وبيت المنشاوي الحلقه الأولي حتى الحلقه السابعه بقلم الكاتبه هويدا زغلول حصريه وجديده على مدونة النجم المتوهج للروايات والمعلومات 

رواية المنتقبه وبيت المنشاوي الحلقه الأولي حتى الحلقه السابعه بقلم الكاتبه هويدا زغلول حصريه وجديده على مدونة النجم المتوهج للروايات والمعلومات 

المنتقبه الجميله داخل القصر 

مروان وجميله كانوا في فندق جميل بيقضي يومين حلوين قبل جميله ما تولد وكانت معاها مراد رنا اختها بيقضوا شهر العسل 

قصاد البحر 

رنا

شكرا جدا يا جميله ما تتكلفش نفسك قوي معقوله هديتك ليا انك تعملي شهر العسل كله على حسابك 

جميله 

لو اكتر من كده كمان انت اختي وما ليش غيرك في الدنيا دي كلها يا رب اشوفك سعيده دايما يا حبيبتي 

رنا

ربنا يخليك ليا يا جميله وتفضلي ده جنبي على طول وما يدخل حد بينا ابدا وعقبال ما تقومي بالسلامه وتجيبي لنا المنشاوي الصغير على خير 

جميله 

هي خلاص فاضل اقل من شهر واولد عشان كده مروان قرار ان احنا نيجي معاكم ونسترجع ذكرياتنا ونجدد شهر العسل بتاعنا 

رنا

على فكره مروان ده طيب قوي وكفايه ان هو بيحبك ده انت ما تعرفيش هو نظراته ليكي عامله ازاي اللهم لا حسد يعني 

جميله 

مروان ده اجمل حاجه حصلت لي في حياتي ربنا يخليه لي واقدر اسعده دايما يا رب 

اما على البلاج كان قاعد مراد مع مروان ومروان بيقول 

مروان 

اوعى وشك الاختين قاعدين جنب بعض شكلهم كده بيتفقوا علينا يا باشا واحنا هنكون الضحيه 

مراد

انت بتقول فيها طبعا طبعا ده انت لو قلبك مات تعال على اتنين اخوات ومش اي اثنين اخوات دول جميله ورنا 

مروان 

لا بقول لك ايه انا كده بدات اتوتر دول عمالين يشوحوا بايديهم تعالى بقى نشوف هم بيتكلموا على ايه بالظبط 

مراد 

يلا بينا قبل ما يعملوا المصيبه ويخلصوا مننا هههههههه

وبعديها مروان ومراد راحوا عند رنا وجميله ومروان قال 

مروان 

وبعدين يا جميله قلبي مش كفايه رغي بقى مع اختك ولا ايه عاوزين نطلع وبتطلع علشان نرتاح شويه خدي بالك الدكتور سامح لك بالسفر لكن قال لك الراحه ثم الراحه 

جميله 

حاضر يا حبيبي انا اصلا خلصت كلام مع رنا يلا بينا نطلع الاوضه نرتاح شويه 

مروان 

يلا يا روح قلبي نطلع نرتاح وبالمره نغذى المنشاوي الصغير شوية انت من الصبح ولا اخذت الفيتامين بتاعك ولا اكلتي فاكهه الكلام ده ما ينفعش يا هانم

جميله 

يا سلام يا سلام شفتي بقى يا رنا واخد باله من ابنه ازاي وانا ولا كاني موجود شفتي اخرتها 

رنا بضحك 

ههههههه

لا يا جميله ما تظلميش مع بعض ده بيحبك جدا وخايف على صحتك وصحه اللي في بطنك يلا يا حبيبتي روحي مع جوزك وخدي الفيتامين بتاعك 

وبعديها مروان وجميله مشوا ورانا قالت لمراد 

رنا 

ايه رايك يا مراد نطلع انا وانت فوق في الاوضه نرتاح شويه زي جميله ومروان 

مراد 

لا لا اطلعي انت يا رنا انا هروح اتمشى شويه واشرب كوبايه قهوه اصل دماغي مصدعه

رنا 

وبعدين معاك يا مراد هو انا كل ما اجي احب اقعد معاك قاعده رومانسيه لوحدنا تتهرب مني بالطريقه دي هو في ايه انت ما بقتش تحبني ولا ايه 

مراد 

ايه اللي انت بتقوليه ده يا رنا هو احنا لحقنا ده احنا لسه في شهر العسل معقوله يعني على ازهق منك كل الحكايه ان انا بحب اقعد لوحدي شويه 

رنا 

براحتك يا مراد وانا مش هغصب عليك روح اتمشى واشرب القهوه اللي انت عاوزها وخلي مراتك في شهر العسل تنام ودمعتها على خدها 

وبعديها رنا قريب بسرعه على الفندق وطلعت اوضتها وهي زعلانه وعماله تعيط 

وللاسف مراد فعلا اتمشى وراح شرب القهوه اللي هو عاوزها وقعد مع نفسه شويه لوحده من غير ما يسال في رنا وعلى بالليل طلع الاوضه ولقى رنا زعلانه وقالت 

رنا 

ياه وجاي على نفسك ليه ما كنت نمت بره بالمره وما كنتش جيت الاوضه يا مراد 

مراد 

وبعدين معاكي يا رنا انت عاوزه تتخانقي وخلاص ما انت عارفه ان انا بحب اقعد لوحدي واشرب كوبايه القهوه بتاعتي ما تعمليش مشكله بقى على الفاضي 

رنا بغيره

حرام عليك يا مراد انا بعمل مشكله على الفاضي انت مش شايف مروان بيعامل جميله ازاي ده بكل حب ورومانسيه وبقى لهم سنه متجوزين كمان وعمره ما سابها وقعد لوحده ودايما ماسك في ايديها اشمعنا انا ما اشوفش الحب ده اشمعنا انا معيش الايام الجميله دي 

مراد

انت اكتر واحده عارفه ان انا ما بحبش كلمه اشمعنا بطلي الكلام ده وارضي بنصيبك انا كويس معاكي بس كل الحكايه اني مروان شخصيه وانا شخصيه تانيه خالص 

رنا 

ده كل ده كوم وتليفونك كوم ثاني خالص انت ما بتسيبش تليفونك من ايديك ابدا حتى وانا بتكلم معاك دايما ماسك تليفونك نفسي اعرف ايه السر اللي مخليك عينيك دايما في تليفونك على طول انت بتخوني يا مراد 

مراد 

لا بقى كده كتير قوي انت كده زودتيها قوي قوي يا رنا انا هسيب لك الاوضه وامشي علشان الخناقه ما تكبرش اكثر من كده احنا لسه في اول جوازنا ويا ريت تعقلي 

وبعديها مراد ساب الاوضه ونزل ورانا قعدت تعيط على حالها كانت فاكره نفسها ان هي هتعيش اجمل ايام حياتها مع مراد لكن لقت العكس تماما 

اما في اوضه مروان وجميله جميله قالت 

جميله 

انا هنزل يا مروان اصل عامله لك مفاجاه ومش عاوزه اعرفك ايه هي ويا ريت ما تجيش ورايا 

مروان 

يا سلام يا سلام ويا ترى ايه هي بقى المفاجاه

جميله 

لا طبعا ملكش دعوه انا هنزل على طول اجيب المفاجاه واطلع سلام 

وبعديها جميله نزلت علشان كانت مختاره برواز جميل بصوره مروان والرسام عمله وكلمها في التليفون عشان تنزل تستلم البرواز 

وفعلا بعد ما نزلت جميله 

رنا اول ما شافت جميله خرجت من الاوضه على طول دخلت عند مروان علشان عاوزه تتكلم معاه

لكن بعد شويه جميله ما تاخرتش واخذت البرواز وكانت داخله الاوضه وهي فرحانه جدا لكن اول ما سمعت صوت مروان وهو بيقول 

مروان 

امشي اطلعي بره انت ازاي تطلبي مني حاجه زي دي انا بجد مصدوم فيك اطلعي بره يا رنا ويا ريت ما تجيش هنا ثاني غير لما تكون جميله موجوده 

جميله 

يا نهار ابيض يا ترى عملت ايه يا رنا يا خلي مروان يتعصب كده وكمان بيطردك من الاوضه يخرب بيت جنانك انا لازم استخبى ما اعرفكيش ان انا سمعت اي حاجه 

وبعديها استخبت جميله ورانا خرجت من الاوضه 

رنا 

اسمعني بس يا مروان انت الوحيد اللي تقدر تساعدني انت الوحيد وتقدر تعمل حاجه زي دي لو سمحت افهمني 

مروان 

لو سمحت انت مش عاوز اشوف وشك هنا تاني طول ما اختك مش موجوده 

وقفل الباب في وشها 

وبعديها رنا دخلت اوضتها وجميله طلعت وقال 

جميله 

يا ترى ايه اللي حصل يخليك تعمل كل ده يا مروان 

وبعديها جميله دخلت عند مروان وهي زعلانه جدا وقالت 

جميله 

اختي كانت بتعمل ايه هنا يا مروان وايه اللي اعصابك قوي كده وخلاك تطردها بره 

مروان 

ما حصلش حاجه يا جميله اختك بس لسه عيله صغيره ولسه ما عقلتش لا اكثر ولا اقل 

جميله 

لو سمحت يا مروان فهمني كل حاجه ايه اللي حصل ما تخلينيش افهمك انت ورانا غلط 

مروان 

لا لا لو هتوصل ان انت تفهميني غلط انا هحكي لك على كل حاجه يا جميله قلبي معقوله تشكي في مروان حبيبك 

وبدا مروان يحكي كل حاجه 

                      فلاش بااااااااك 

رنا خبطت الباب على مروان ومروان فتح وقال لها 

مروان 

ازيك يا رنا بس جميله مش هنا لسه نازله من شويه 

رنا 

ما انا عارفه يا مروان انا استنيت انزل علشان عاوزاك في الموضوع خاص شويه وانت الوحيد اللي هتساعدني فيه 

مروان 

خير موضوع يا رنا 

رنا 

طب دخلني الاول وانا اقول لك على كل حاجه 

بعديها دخلت الاوضه وقفلت الباب وقالت لمروان 

رنا 

كل اللي انا عاوزاه منك يا مروان ان انت تهكر تليفون مراد على تليفوني انا عشان اعرف كل حاجه عن بيكلم مين وبيعمل ايه تخيل مراد بيخوني 

مروان بزعيق 

ايه اللي انت بتقوليه ده يا رنا معقوله تعرفي عني ان انا انسان قليل الاصل للدرجه دي ان انا اساعدك في الكلام ده 

رنا 

طب وفيها ايه يا مروان كله بحسابه لو انت عاوز فلوس انا ما عنديش مانع اعمل لي الخدمه وانا هحاسبك عليها 

مروان بصدمه 

ايه اللي انت بتقوليه ده معقوله انت اختي جميله ده انتم غير بعض خالص امشي اطلعي بره وما تجيش هنا ثاني طول ما جميله مش هنا 

رنا 

طبعا ما انت لازم تقول كده ما انت بتحب جميله ومش قادر تشوف غيرها الدور والباقي عليا انا قاعده في شهر العسل وجوزي مش معايا انا ماشيه يا مروان ومتشكره جدا ان انت ما ساعدتنيش 

وبعديها رنا مشيت 

                        بااااااك 

مروان 

ادي كل الحكايه يا ستي كده برده تشك فيا انا طب انا زعلان منك 

جميله 

لا عشان خاطري يا مروان اوعى تزعل مني انت عارف ان انا بحبك وحقك عليا

بس انت كده زعلتني قوي على رنا معقوله مراد مهمل فيها للدرجه دي عشان كده عاوزه تهكر تليفونه

مروان 

خلاص بقى يا جميله ملناش دعوه بمشاكل غيرنا سيبي اختك تحل مشاكلها بنفسها عشان تعرف تعتمد على نفسها قولي لي بقى مفاجاه ايه اللي انت عاملاها ليا 

جميله 

غمض عينك الاول عشان اوريك المفاجاه 

وبعديها مروان غمض عينه وجميله قالت له فتح ولما فتح شاف برواز بصورتك وهو واقف وكان وسيم جدا في الصوره وانبهر مروان وقال 

مروان 

الله يا جميله الصوره جميله قوي ربنا يخليكي ليا وشكرا ان انت دايما بتفكري في 

جميله 

ايه رايك يا حبيبي في الصوره دي انا عاملاها عشان احطها في صاله الفيلا عشان كل اللي يدخل الفيلا يعرف ان انت صحتك رجعت ورجعت لحياتك وبقيت راجل البيت بعد جدي منشاوي طبعا 

مروان 

انت اجمل جميله شفتها في حياتي 

تعالي بس اقول لك حاجه عشان عاوزك في موضوع مهم جدا هههههههه

اما تانى يوم في الفيلا عند المنشاوي كانت سماح قاعده على السفره وبتقول 

سماح 

جرى ايه يا شوشو هو انت كل يوم كده هتروح الفيلا وتسيبني اقعد لوحدي لا لا الكلام ده ما ينفعنيش انا رجلي على رجلك يا حبيبي 

المنشاوي

طب انت عاوزه ايه يا ست البنات شوفي اللي انت عاوزاه وانا تحت امرك لو عايزاني اسيب الشغل واقعد معاكي انا ما عنديش مانع 

سماح 

لا لا ما ينفعش كده انا عارفه ان الشغل ما ينفعش يمشي غير بوجودك يا قلبي خلاص يا شوشو انا هلبس واجي معاكي يا حبيبي بالمره اتعلم الشغل واشتغل معاك بدل ما انا قاعده كده نفسي اكون مراه عامله 

سمر بصدمه 

نعم هي مين دي اللي هتروح الشركه وهتكون المراه العامله اذا كنت انا بقى لي كم سنه متجوزه وعمري ما طلبت من حمايا ان انا اشتغل في شركته 

سماح 

وانت مالك يا بنت انت ده انت حشريه قوي واحده وبتتكلم مع جوزها بتدخلك اللي ما لكيش فيه ليه ايه رايك يا شوشو 

المنشاوي 

موافق طبعا يا موحه قومي البسي وتعالي معايا هو انا اقدر ارفض لك طلب 

سمر 

نفسي اعرف عملتيه فين 

سماح 

هو ايه ده يا عيني 

سمر 

العمل اللي انت عملتيه لحمايا اللي من ساعه ما اتجوزتيه وهو مش عارف يرفض لك طلب ابدا 

سماح 

هو انت يا بنت يا سمر صدقتي ان انا عملت عمل ولا ايه انت عبيطه يا بنت ده انا كنت بصلي الفجر ودعيت ربنا ان يرزقني بالخير ثاني يوم لقيت المنشاوي بيخبط على بابي عرفت ان دي علامه واتجوزته على طول قال عمل قال هو انا وش كده برده 

وبعديها سماح جهزت وراحت مع المنشاوي الشركه 

اما سمر كانت قاعده لوحدها في الفيلا وكانت زعلانه قوي من الوحده والباب خبط وسمر فتحت ولقت قدامها اشرف وقالت له 

سمر بصدمه 

يا نهارك اسود ومنيل انت ايه اللي جابك هنا لا لا انت كده عديت حدودك قوي مش انا قلت لك ما ينفعش تيجي الفيلا ابدا امشي قصادي على المكتب بسرعه قبل ما حد يشوفك

وطبعا سعديه خدت بالها من توتر سمر 

وسمر خدت اشرف ودخلت بيه على اوضه المكتب وقال لها 

اشرف 

طب اعمل ايه ما انت ما بترديش علي في التليفون قلت لازم اجي لحد هنا اشوفك ناويه على ايه 

سمر 

طيب خلاص خلاص امشي دلوقتي ونتكلم وقت ثاني الله يخليك انت ما ينفعش حد يشوفك هنا ابدا يا اشرف 

اشرف 

طيب خلاص ابقي ردي عليا في التليفون علشان المره الجايه انا هاجي وهقعد وهتكلم في كل حاجه 

سمر

خلاص يا اشرف قفل على الموضوع وامشي دلوقتي ونتكلم في وقت ثاني وهرد عليك في التليفون ويا ريت ما بشوفش وشك هنا ثاني ولا لا 

في الوقت ده كانت سعديه واقفه قصاد المكتب علشان تسمع اي حاجه لكن ما عرفتش تسمع اي حاجه واتكلمت جميله في التليفون وقالت لها 

سعديه 

ايوه يا ست جميله في حاجه غريبه بتحصل في واحد غريب اول مره اشوفه جه لست سمر ولما شافته اتوترت جدا ونفسها يمشي بسرعه عشان ما حدش يشوفه ما تعرفيش مين ده 

جميله 

لا يا سعديه ما اعرفش مين ده على العموم احنا خلاص هنيجي النهارده ان شاء الله انا ومروان مش هيتاخر عن كده انتم عاملين ايه وجدي وخالتي كلكم وحشتوني قوي 

سعديه 

انت والله اللي وحشتيني قوي يا ست جميله والفيلا وحشه من غيرك مش لاقيه حد يجبر بخاطري زي ما انت ما بتعملي يا جميله الجميلات 

جميله 

ربنا يخليك يا سعديه انا خلاص كلها كم ساعه وهكون عندك ان شاء الله فين خالتي ادهاني اسلم عليها 

سعديه 

لا خالتك ايه بقى خالتك بقت مراه عامله ودلوقتي في الشركه مع المنشاوي بيه 

جميله بضحك 

انت بتتكلمي بجد يا سعديه يا نهار ابيض عليك يا خالتي جباره ولازم تعملي كل اللي في دماغك ماشي يا سعديه انا لازم اقفل معاكي دلوقتي عشان احضر شنطتي مع السلامه 

وبعديها سمر مشت اشرف بسرعه وقفلت الباب وطلعت اوضتها وقفلت عليها الباب وما اتكلمتش مع حد ابدا 

اما في الفندق عند مراد ورنا مراد قال 

مراد 

حرام عليك بقى دي عيشه تقصر العمر يا شيخ ايه اللي انت عماله تعملي فيا ده معقول احنا لسه في شهر العسل وانت كل يوم نكد نكد كده كثير قوي يا رنا 

رنا 

انا متاكده ان انت بتخوني يا مراد على العموم لو مش بتحبني طلقني وكل واحد يروح لحاله 

مراد بزعل 

انا لو سمعتك بتقولي الكلمه دي تاني هزعل منك قوي يا رنا ويلا بينا انا مش عاوز اقعد في الفندق الكئيب ده انا عاوز انزل شقتي ونروح بيتنا يمكن تهدي شويه 

رنا 

ماشي يا مراد وانا هحضر الشنطه 

اما عند جميله ومروان 

جميله 

يلا بينا بقى يا مروان بطل كسل انا حضرت الشنط ويلا عشان نروح جدو خالتو حماتي كلهم وحشوني قوي 

مروان 

اخص عليك وانا ما وحشتكيش 

جميله بضحك 

هههههههههههه هتوحشني ازاي وانا معاك ثانيه في ثانيه هو انت بتسيبني خالص يلا بقى عشان نروح 

وجد جميله بتخبط الباب على رنا عشان تقول لها ان هي مروحه لقيت راها كمان محضرها الشنطه وكانت مروحه وقالت لها 

جميله 

يا نهار ابيض انت مروحه انت كمان يا رنا ماشي يا حبيبتي على مهلك انت وجوزك وخلي بالكم من بعض ولو عايزه اي حاجه كلميني 

رنا 

حاضر يا جميل ربنا يخليكي ليا يا حبيبتي مع السلامه 

وبعديها جميله ومروان روحوا الفيلا 

ورنا ومراد روحوا شقتهم

اما في الفيلا اول ما جميله ام مروان دخلوا الفيلا سعديه قالت 

سعديه 

ده ايه النور ده ايوه كده البهجه والسعاده والجمل كله رجعت للفيلا تاني اهلا بك يا ست جميله منور يا مروان بيه 

مروان 

اهلا بيك يا سعديه عامله ايه 

امال فين ماما 

سعديه 

فوق يا مروان بيه في اوضتها وقافله عليها الباب مش عاوزه تتكلم مع حد مش عارفه ليه 

مروان باستغراب 

طب ليه كل ده تعالي يا جميله نشوف ماما مالها 

جميله 

حاضر يا مروان انا جايه وراك هدي بس لسعديه الحاجات الحلوه اللي انا جايباها لها ايه رايك في الكام جلابيه دول هيبقوا حلوين عليك قوي يا سعديه 

سعديه 

ان شاء الله تتهني وتتسعدى يا جميله هانم ربنا يخليكي ليا دايما كده ما بتنسيش اي حد ابدا من يومك وانت بنت اصليط يا حبيبتي

جميله 

ربنا يخليك يا سعديه كله من ذوقك انت يا حبيبتي حضرتك اشوف حماتي وارجع احكي لك عملت ايه في الرحله الجميله دي 

وبعديها جميله ومروان طلعوا فوق عند سمر وسعديه قالت 

سعديه 

والنبي بيت العقارب ده شفتي فيه كثير وقليل لكن عمري ما شفت ملاك زيك يا ست جميله ربنا يخليك لينا يا رب 

اما في اوضه سمر دخل مروان عليها وقال 

مروان 

ست الكل قاعده لوحدها ليه ينفع كده برده 

سمر 

يا حبيبي قلب امك حمد لله على سلامتك يا مروان وحشتني قوي كده برده يا جميله كل دي غيبه ده انت قلتي يومين بس 

جميله 

حقك عليا يا حماتي انا فعلا كنت ناويه يومين بس بس اعمل ايه ابنك شقي وكل ما اقول له يلا نمشي يقول لي لا خلينا كمان يومين 

سمر 

ربنا يهنيكم يا رب يا حبيبتي ويخليكي لي يا جميل انا عمري ما شفت مروان فرحان وبيضحك كده غير على ايدك انت يا حبيبتي طمنيني حفيدي عامل ايه دلوقتي

جميله 

تعبانه والله يا حماتي النهارده اول اسبوع في التاسع وانا حاسه انه تعبانه قوي مش عارفه ليه 

سمر 

لا لا يا جميل خدي بالك عشان خاطري ما انت عارفه ان انت بكريه وممكن تولدي في اي وقت اول التاسع اخر التاسع الله اعلم ممكن امتى خلي بالك من نفسك 

جميله 

ان شاء الله يا حبيبتي شفتي بقى  البروش اللي انا جبته لك ده هيبقى جميل قوي عليكى على فكره انا جايباه على ذوقي  اول ما شفته لقيته رقيق زيك

سمر 

الله جميل قوي يا جميله ربنا يخليك ليا يا حبيبتي 

مروان 

امال فين جدي و فين مدام سماح 

سمر 

مدام سماح دلوقتي بقت مراه عامله ما فيش حد فينا دلوقتي هيعرف يتكلم معاها تاني بعد كده 

علشان بقت تروح الشركه وعاوزه تشتغل هناك مع جدك كمان 

مروان بضحك 

ههههه يا نهار ابيض فعلا مدام سماح دي كلها بهجه وعرفت تخلي جدي سعيد سبحان الله السعاده لما بتيجي في اخر العمر يكون جميله قوي ربنا يخليك ليا يا اجمل حياتي وتفضلي سعداني طول حياتي 

جميله 

ويخليك ليا يا روحي قلبي 

سمر

احم احم نحن هنا ولا انتم شايفين ايه 

جميله بكسوف 

طب انا هروح اوضتي بقى يا مروان علشان اغير هدومي 

وبعد ما جميله ومروان غيروا هدومهم جميله نزلت وحطت صوره مروان في صاله الفيلا واول ما سمر شافتها قالت 

سمر 

الله حلو قوي الصوره دي يا جميله برافو عليك فعلا فكره جميله 

مروان 

فعلا يا ماما هي فكرتها هي بس ما كنتش اعرف انها تكون بالجمال ده 

جميله 

الصوره جميله عشان انت فيها يا حبيبي 

وبعد شويه المنشاوي جه هو وسماح واول ما سماح دخلت وشافت جميله قالت 

سماح 

يا حبيبه قلب خالتك وعيون خالتك من جوه حمد لله على سلامتك ايوه كده البيت بقى في جميله وحلاوه جميله مش كنت قاعده وعايشه مع البومه لوحدي 

سمر 

قصدك مين بالبومه دي يا مدام سماح 

سماح 

وانت مالك انت هو في حد عبرك ولا اكلمك انا قصدي على سعديه لا مؤاخذه يا سعديه سامحني يا رب على كده 

جميله بضحك 

خلاص بقى يا تيته هو دايما كده نائر ونقير وحشتيني قوي يا حبيبتي وانت يا جدو وحشتني قوي انا هطلع الاوضه اجيب لكم الحاجات الحلوه اللي انا جايباها لكم من السفر 

ولسه جميله جايه تطلع الاوضه حست بوجع الولاده وقعدت تصرخ وتقول 

جميله 

اعاااااا اعاااااا الحقني يا مروان انا شكلي بولد 

مروان 

يا نهار ابيض طب اعمل ايه انا اول مره اتحط في الموقف ده 

سماح 

يلا بسرعه يا مروان شيل جميله وعلى العربيه وحطها واجري على المستشفى واحنا جايين وراك في المستشفى يا حبيبي 

والمنشاوي وسمر وحتى سعديه وسماح ركب العربيه وجري ورا مروان وجميله على المستشفى 

وعلى طول مروان خد جميله وراح بيها على المستشفى واول ما الدكتور كشف عليها قال

الدكتور 

ايوه فعلا دي ولاده يلا بسرعه يا ممرضه سعاد خديها علقي لها المحاليل علشان هي ممكن تفقد الوعي في اي وقت من كتر تعب الولاده 

مروان 

طب هي التعب ده طبيعي ولا ايه يا دكتور 

الدكتور 

اهدى يا استاذ مروان هي عشان اول مره بس انت مش عارف حاجه الممرضه سعاد هتفضل مدام جميله لحد ما تفوق وبعد كده هندخلها اوضه العمليات علشان نولدها ما تقلقش 

وفعلا الممرضه اخذت جميله وحطيتها على السرير وجميله فعلا فقدت الوعي وسعاد قالت 

سعاد 

ياه دي الدنيا صغيره قوي يا جميله اخيرا جيتي تحت ايديا وجات لي فرصتي والفرصه بتيجي في الدنيا مره واحده بس اوعي تفتكري نفسك ان انت هتولدي وتفرحي ده اخر يوم في عمرك يا جميله 

وبعد كده حصل .......

#المنتقبه وبيت المنشاوي 

#الثانيه 

#بقلم هويدا زغلول 

المنتقبه الجميله داخل القصر 

الجزء الثاني 

الحلقه الثانه 

سعاد 

ياه دي الدنيا صغيره قوي يا جميله اخيرا جيتي تحت ايديا وجات لي فرصتي والفرصه بتيجي في الدنيا مره واحده بس اوعي تفتكري نفسك ان انت هتولدي وتفرحي ده اخر يوم في عمرك يا جميله 

 ولسه سعاد هتنتقم من جميله وتخليها تسيب الدنيا كلها وترحل دخل عليها الدكتور ابراهيم وقال 

الدكتور 

انت اتجننت يا سعاد ايه اللي انت بتعملي ده احمدي ربنا ان انا دخلت في الوقت المناسب بدل ما كنت وديتي نفسك في 60 داهيه 

سعاد 

كل ده يعني عشان هي غنيه وبنت ناس اغنياء عشان كده لازم انا اللي اكون شغال عندها هي دايما جميله كده بتاخد كل حاجه مني 

الدكتور 

انت تعرفيها منين وانا مش بتكلم عشان هي غنيه هي لو اي روح عندي في المستشفى حتى لو فقيره مسؤوله مني ولازم نكون واخدين بالنا من صحتها بس انت تعرفيها منين وهي عملت لك ايه 

سعاد بدموع 

انا اول ما دخلت معايا الاوضه ورفعت النقاب عرفت وشها على طول وعرفت انها جميله صاحبتي في الكليه الجميله الحلوه اللي اخذت مني كل حاجه كنت بحب واحد وهو كان بيحب جميله وسابني واخذت مني فرحتي حتى اهلي كانوا دايما بيعايروني ان هي ذكيه واشطر مني في كل حاجه وانا غبيه عشان كده اول ما شفتها افتكرت كل ذكرياتي المؤلمه وقررت ان انا اتخلص منها 

الدكتور 

بس يا سعاد ايه الكلام الفارغ اللي انت بتقوليه ده انا هعمل نفسي ما سمعتش اي حاجه بس يا ريت ما تتكررش تاني واتفضلي اطلعي بره انا اللي هقعد جنبها واخلي بالي من صحتها انا مش هينفع اثق فيك ثاني بعد اللي انت عملتيه ده 

سعاد 

طب يا ترى حضرتك هتبلغ عني ولا هتسامحني 

الدكتور 

انا المره دي هسامحك بس اوعديني ان انت هتتغيري وهتسيبي ماضيك المؤلم ده ورا ظهرك يا ريت يا سعاد اسمعي كلامي علشان ما تخسريش حياتك 

سعاد 

حاضر يا دكتور عن اذنك 

وبعديها الدكتور هو اللي ادى الدوا الجميله في المحاليل وبعد نص ساعه دخلت اوضه العمليات وولدت وجابت ولد زي القمر وكمان سموه المنشاوي الصغير 

في اوضه المستشفى 

مروان 

شكرا جدا يا دكتور ابراهيم على تعبك معانا والحمد لله اني جميله قامت بالسلامه هي والمنشاوي الصغير 

المنشاوي الجد 

يا سلام يا سلام على الاحلى كلام هو انتم سميتوه المنشاوي الصغير ربنا يخليك ليا يا مروان انت وجميله 

سماح 

طبعا يا شوشو هو هيلاقوا احلى من اسمك فين يا حبيبي علشان اسمك يفضل في الدنيا العمر كله ربنا يديك الصحه ويخليك لنا يا رب 

سمر 

انت بتتكلم بجد يا مروان هتسميه المنشاوي في اسامي ثانيه بسيطه وكيوت يا حبيبي ليه بس هتعقد الولد في اسمه قصدي بلاش اسم المنشاوي ده 

سماح 

وليه يا عينيا بلاش اسم المنشاوي تقيل على قلبك ولا تقيله على ودنك ولو ثقيل على لسانك بلاش تنادي بى حفيدي ملكيش دعوه بيه

سمر 

لا لا بقول لك ايه هي مدام سماح ده حفيدي انا كمان وانا الاصل على فكره بقول لك ايه بلاش تعدي حدودك 

مروان 

يا ماما يا مدام سماح احنا في المستشفى ما يصحش كده يا جماعه اهدوا شويه لما نروح البيت نبقى نشوف هنا دي ونقول له يا ايه 

جميله 

الحمد لله ان انا قمت بالسلامه قول المنشاوي الصغير بصحه كويسه احمدك يا رب وكويس يا خالتي ان انت جنبي انت وجدي وجوزي مروان وحماتي ده اجمل يوم في حياتي مش ناقص غير بابا حبيبي 

في الوقت ده دخل مصطفى اوضه المستشفى هو ورنا ومراد وقال 

مصطفى 

انا اهو يا قلب ابوك هو انت فاكراني مش هكون جنبك في يوم زي ده ولا ايه الف حمد لله على سلامتك 

رنا 

حمد لله على سلامتك يا جميله يا حبيبتي يا خراشي على القمر النونو زي العسل يتربى في عزكم يا رب 

مراد 

الف مبروك يا مروان بقيت اب وكبرت في السن يا عم شفت بقى انا لسه شباب لسه مراتي ما عرفتش تضحك عليا ههههههه

رنا بنكد 

قصدك ايه يا مره ان الخلفه دلوقتي بقت تدبيسه يعني انت مش عاوز تخلف مني ومش عاوز تكمل معاك حياتي مش قلت لك يا مراد ان في واحده في حياتك غيري لو مش عاوز تكمل معايا انا مش هزعل 

جميله 

اهدي بس يا رنا ايه اللي انت عماله تقوليه ده انت عملت موضوع على الفاضي شفتي بقى يا منشاوي يا صغير خالتك لسه عقلها صغير زيك بالظبط 

مروان 

بس يا جماعه بقى وحدوا الله وقولوا مبروك للمنشاوي الصغير وعرفوني بقى مين اللي عرفكم وقال لكم ان جميله بتولد 

سماح 

انا طبعا يا حبيبي لازم تكون عزوه جميله واهلها كلهم حواليها امال حماتها العقربه قصدي سمر تفتكر نفسها ان هي ملهاش اهل ولا ايه 

سمر

يا ستي هو انا كلمتك دلوقتي انت بتغلطي فيا ليه بس يا دي الليله السوداء بقول لك ايه يا مروان احنا لازم نروح يا حبيبي وتشوف لي انا وانت وجميله والمنشاوي الصغير فيلا لوحدين الكلام ده ما ينفعش 

سماح 

نعم نعم ده بعينك يا حبيبتي ده المنشاوي الصغير هينام في حضني انا وانا اللي هاكل وانا اللي هشرب وانا اللي هخرج يا حبيبتي وكمان انا اللي اروح اقدم له في المدرسه اطلعي انت منها يا عجوزه يا اروبه 

سمر 

نعم نعم انا عجوزه واروبه امال انت تبقي ايه هو انت مش عارفه تبصي وتشوفي نفسك في المرايه ولا ايه 

سماح 

كل يوم يا عنيا ببص واشوف نفسي في المرايه واحمد ربنا على جمالي وحلاوتي وعلى النعمه اللي هو مديها لي امال انا وقعت المنشاوي الكبير ازاى اما انت كتكنيله عليك وعلى خيبتك كل اللي حواليك بيهربوا منك 

سمر 

يرضيك كده يا حمايا يرضيك اللي مراتك عماله تقوله ده 

المنشاوي 

خلاص بقى يا جماعه الكلام ده ما ينفعش احنا في المستشفى ويلا يا مروان كلم الدكتور عاوزين نعرف هنروح امتى من المستشفى 

في الوقت ده دخلت سعاد وبتشيل المحاليل من ايد جميله واول ما جميله شافتها قالت 

سعاد 

حمد لله على سلامتك يا جميله يتربى في عزك يا رب وفي عز ابوه

جميله 

ايه ده انا حاسه ان انا شفتك قبل كده 

معقوله انت سعاد يا حبيبتي عامله ايه ده انت وحشتيني قوي برافو عليك انت شغاله ممرضه 

سعاد 

اه يا جميله وانا اللي كنت معاكي في اوضه العمليات كمان مع دكتور ابراهيم حمد لله على سلامتك 

جميله 

يا نهار ابيض على الدنيا دي صغيره قوي يا سعاد لا بقول لك ايه انت لازم تاخدي عنوان الفيلا بتاعتي وتيجي سبوع المنشاوي ابن ده انت وحشتيني قوي ونفسي اقعد معاك 

سعاد 

ياه كمان عايشه فيلا قصدي ما شاء الله تمام اديني العنوان وانا اجي لك على طول 

في الوقت ده دخل دكتور ابراهيم وعرف ان سعاد ممكن تروح لجميله الفيلا بتاعتها 

وطبعا لازم يراعي ضميره علشان ما يركبش ذنبها 

ابراهيم 

حمد لله على سلامتك يا مدام جميله دلوقتي تقدري تمشي ويا ريت بعد اسبوع تيجي علشان اطمن عليك وعلى المنشاوي مع الف سلامه 

وبعديها مروان شال جميله علشان مش قادره تمشي وركبها العربيه وكل العيله ركب وراه وراحوا على الفيلا على طول 

في الفيلا 

جميله 

مش قادره يا مروان تعبانه قوي اول مره اعرف ان الولاده بتتعب قوي كده مش عارفه اخذ نفسي 

مروان 

يا حبيبتي يا نور عيني لو بايدي حاجه كنت عملتها لك الف سلامه عليك وربنا يطمني عليك يا رب 

سماح 

نورتي الفيلا يا جميله يلا يا حبيبتي خدها يا مروان واطلع الاوضه خليها ترتاح وما لكوش دعوه بالمنشاوي الصغير انا هخلي سعديه تعمل له ببرونه من اللبن الدكتور كتبه وهرضعه انا 

سمر 

طب ممكن لو سمحتي يا مدام سماح تديه لي علشان انا ما مسكتوش خالص ده حفيدي يا جماعه 

سماح 

لا معلش اصل انت عينك صفراء قصدي روحي طب اغسلي ايديك الاول وابقى افكر هديه لك ولا لا يا منشاوي يا دلع خليت الشارع ولع 

يا منشاوي يا حيله يا ابو عيون كحيله 

سمر 

هو ايه اللي انت بتقوليه ده انا مستغربه فيه على فكره هي ايه الاغاني الغريبه دي 

سماح 

يا اختي روحي هو انت تعرفي حاجه عن الاغاني وعن الفرح بتاعنا هو في زي فرحنا بنت يا سعديه روحي يا بنت وقلبي بخور وبخري البيت علشان الحسد يمشي منه ده المنشاوي الصغير دخل الفيلا 

سعديه 

حاضر يا مدام سماح 

رنا 

طب يلا بينا بقى يا مراد نروح احنا عشان نسيبهم نرتاح ولا ايه يا بابا 

مصطفى 

اه يا بنتي انا اطمنت على جميله خلاص وعلى حفيدي هنروح احنا بقى يا منشاوي بيه ونبقى نيجي يوم 

المنشاوي 

طب ليه بس كده يا مصطفى ده البيت بيتك يا حبيبي تنور في اي وقت 

وبعديها مصطفى ورانا ومراد مشيوا وسمر قالت 

سمر 

هو كده احنا هنعمل البارتي بتاعه المنشاوي الصغير انت يا حمايا 

سماح 

نعم يا اختي اسم الله عليك هو ايه البارتى دي هي دي حاجه انا ما اعرفهاش ولا ايه 

ما تفهمني يا شوشو 

المنشاوي الضحك 

سمر قصدها اعلى سبوع المنشاوي الصغير يا سماح بس هي مش عارفه تقولها 

سماح 

نعم يا اختي هو السبوع دلوقتي بقى اسمه بارتي لا يا حبيبتي اركني لي على جنبي كده بنت يا سعديه هاتي ورقه وقلم يا بت عشان اكتب الطلبات وانزل انا وشوش ونجيبها 

سعديه 

امسكي يا مدام سماح الورقه والقلم 

سماح 

امسكي يا صفراء قصدي امسكي يا سمر يا حبيبتي اكتبي اصل انا ايديا بتوجعني ما بقدرش اكتب 

سمر بغرور 

قصدك ان انت ما بتعرفيش تكتبي هاتي هاتي اديني علمت عليك في حاجه وخلاص قولي وانا اكتب 

سماح 

ماشي يا حربايه يا صفراء بصي يا ستي رقم واحد لازم نجيب 30 فرخه 

سمر 

طب وليه 30 فرخه ايه الرقم الاوفر ده ما تخليها اربع خمس فرخات وخلاص جميله مش هتقدر تاكل كل ده 

سماح 

ازاي بقى ده العيل لازم ينزل من هنا ونحط مكانه كل يوم فرخه من هنا عشان البنت عضمها يرجع ينشف تاني يا قلب امها وتعرف تخدم ابنها 

ثاني حاجه الفشار والارواح والشيكولاته والشمع اوعي تنسي الشمع يا بت يا سمر 

سمر بفرحه 

واو انا بموت يا مدام سماح في الشمع الملون ده ممكن تجيبي منه كتير عشان انا بحبه قوي 

سماح 

ماشي يا كبيره يا شايبه قصدي ماشي يا حبيبتي ثالث حاجه الغربال والابريق والسبع حبوب والكل يصلي على النبي 

سمر 

عليه افضل الصلاه والسلام الله انا حاسه ان البارتي بتاع المنشاوي هيكون جميل قوي قوي امسكي بقى يا مدام سماح عشان نروح اكلم صاحباتي يجوا يحضروا البارتي بتاع حفيدي 

سماح 

ماشي يا حبيبتي وانا كمان هكلم صاحباتي في الحاره يجوا يحضرو سبوع حفيدي اشمعنا انا يعني

سمر باحباط 

لا لا ما تهزريش ما انت ما ينفعش تجيبي الناس بتوع الحاره الشعبيه دي تقابل صحابي الكلاس الهاي انت كده بتخليني ابقى وحيده في البارتي وما اعزمش حد عشان انت كده تفضحيني قدامهم 

سماح 

ما انت كنت ماشيه كويسه يا بنت الناس ايه اللي خلاك تخرفي تاني بالكلام طب وسعي كده انا راح اعزم ام حزمبو لحبيبتي وفوزيه القرعه دول هيشرفوني قوي قوي 

المنشاوي 

اعزمي اللي انت عايزاه يا سامح يا حبيبتي الفيلا فيلتك والبيت بيتك واعملي اللي انت عاوزاه 

سماح 

ربنا يخليك ليا يا منشاوي يا جميل انت انا هنا سيده القصر

سمر بصوت واطي 

يبقى انا كده فعلا ما ينفعش اعزم حد من صاحباتي ده ممكن اتفضح قصادهم وهيفضلوا يضحكوا عليا خلاص بقى تتعوض مره ثانيه ونشوف مين امه حازمبل ومين فوزيه القرعه دي كمان 

اما في الاوضه عند جميله ومروان مروان ماسك المنشاوي الصغير وبيقول 

مروان 

الله يا جميله والمنشاوي الصغير واخد جمال عيونك ربنا يخليك ليا يا حبيبتي 

جميله 

بس واخد جمال وشك انت من كتر ما انا بصيت لك يا حبيبي وانا حامل المنشاوي طلع شبهك ويا رب يكون في حنيتك وطيبه قلبك يا مروان يا حبيبي 

مروان 

امتى بس المنشاوي ده يكبر يا جميله وانا اخليه يمسك كل شركاتي ويمسك كل المصانع ويبقى المنشاوي الصغير راح والمنشاوي الصغير جه

جميله 

يا حبيبي ربنا يطول في عمرك انت وجدي 

مروان 

بقول لك ايه يا جميله انا عاوز عيال كثير يعني اول ما تحس نفسك كويسه هاتي لي كمان عيل انا عاوز دسته سامعه ولا لا 

جميله 

يا نهار ابيض دسته مره واحده ومين اللي تقدر على التربيه دي كلها 

مروان 

هجيب لك مربيات هجيب لك بيبي سيتر هعمل لك كل اللي انت عاوزاه بس اهم حاجه يكون ليا عزوه يا جميله انا عشت في الدنيا لوحدي وعاوز عيالي حواليا يملوا الدنيا ويملوا حياتي 

جميله 

يا حبيبي يا مروان من عيني الاتنين ربنا يديني ويديك طوله العمر ونربي عيالنا ونشوفهم بيكبروا قدام 

اما عند سماح كانت بتكلم جارتها امه حازمبل في التليفون وبتقول 

سماح 

ازيك يا ام حازمبل عامله ايه وحشتيني قوي قوي يا اختي وحزامبل ابنك عامل ايه انت ان شاء الله الاسبوع الجاي معزومه عندي في الفيلا بتاعتي انت والواد حزمبل على اسبوع جميله بنت اختي 

ام حزمبل 

يا حلاوه يا ولاد يعني احنا هنعرف نخش بيت الناس البهوات الله كثر خيرك يا ست سماح طلعت اصيله ولسه فاكرانه طب ويا اختي ينفع اجيب جارتي كتكوته معايا مش عارفه بتحبك وتحب الفرح 

سماح 

طبعا طبعا هاتي كتكوته وهاتي بنتها واوعي تنسي فوزيه القرعه دي حبيبه قلبي وتعالوا كلكم هاتي ورقه وقلم واكتبي ورايا عنوان الفيلا 

ام حازمبل 

قولي يا اختي العنوان ايه 

سماح 

ولا اقول لك يا اختي هبعت لك العربيه الخصوص بالسواق تجيبكم لحد هنا ده انتم تنوروني يا حبايبي مع السلامه 

سمر بانبهار 

هو في واحده اسمها ام حازمبل ومين الست كتكوته دي وهي فوزيه القرعه دي فعلا قرعه وما عندهاش شعر ولا ايه 

سماح 

يا فتاح يا عليم يا رزاق يا كريم هو انا كلمتك عن اصحابك الملزقين التنحين ما لكيش دعوه بصحباتي يا سمر 

سمر 

خلاص عادي هو انت فاكراني زعلانه يعني عادي جدا جدا هو احنا هنعمل ايه دلوقتي 

سماح 

نعم يا اختي اسمها انا هعمل ايه دلوقتي انا سيده القصر هاخد شوشو حبيبي وننزل نجيب حاجه السبوع 

يلا يا بنت يا سعديه قولي ورايا 

المنشاوي جالكو خبوا عيالكم 

يا منشاوي يا دلع خليت الشارع ولع 

يا منشاوي يا حيله يا ابو عيون كحيله 

سعديه 

والله يا ست سماح انت الوحيده اللي مخليه البيت ده كله فرفشه كده ومن ساعه ما دخلت انت والست جميله البيت والفرح دخل ربنا يديمكم في حياتنا يا رب 

سماح 

يا رب يخليكي يا سعديه يلا بسرعه روحي اعملي اكله ترم عضم البنت جميله عقبال ما انزل اجيب حاجه السبوع انا وشوشو ونيجي على طول 

وبعديها عدى كم يوم وجيه يوم التابيته وسماح والمنشاوي جابوا حاجه السبوع كلها وسمر قالت 

سمر 

هو انت ليه حاطه هدوم المنشاوي في ميه كده هو ايه التقاليد الغريبه بتاعتكم دي 

سماح 

هتفرحي معانا وانت ساكته ولا تنقطينا بسكاتك

دي عادات وتقاليد احنا متعودين عليه افرحي وانت ساكته هو ده رايي 

سمر 

خلاص انا مش هتكلم امتى بقى هنعبي السبوع انا متحمسه قوي شكل السبوع جميل جدا اول مره اشوف الاكياس دي 

سماح 

بصي بقى يا بت يا سمر هنحط حبه حمص وبعد كده فشار وسوداني والبونبوني والشمع وتقفلي القرطاس السبوع كده 

سمر 

يعني ايه قرطاس سبوع هو ده اسم قرطاس واو انا اول مره اشوف الحاجات دي كلها يا مدام سماح 

سماح 

يا اختي انا نفسي اعرف هو انتم كنتم عايشين ازاي بدل كل حاجه متفاجئين بيها هو انتم كنتم عايشين في عالم ثاني وانا مش واخده بالي 

المنشاوي 

انا ما كنتش عايش قبليكي يا موحه انت من ساعه ما دخلت حياتي وانا حياتي ابتدت من جديد 

سماح 

ايوه كده ادي له ادي يا منشاوي عودوني عودوني عليك احبك عودوني اه يا قمر انت يا قمر ههههههههههه

لا مؤاخذه يا سموره نسيت ان انت بايره قصدي عانس 

سمر 

لا بقى على فكره انا ولا عانس ولا بايره ولو عايزه اتجوز من بكره باشاره مني هتجوز بس انا اللي كرهت صنف الرجاله كله

سماح 

اه باشاره منك ده قصر ديل يزعر يلا بقى عشان نعبي السبوع ونخلص بسرعه عشان بكره السبوع وكل اصحابي جايين بقول لك ايه يا سمر تسلمي عليهم عدل سامعه ولا لا 

سمر 

انا ولا هسلم عليهم ولا عايزه اعرفهم اصلا كفايه عرفتك انت هتبقى انت وهم كده كثير عليا 

اما في الوقت ده جت سعاد الممرضه وطلعت فوق في الاوضه عند جميله واول ما شافتها قالت 

سعاد 

ازيك يا جميله عامله ايه انا ما اعرفش ان بيتي الجميل قوي كده الفيلا ما شاء الله حلوه وانت كنت مصممه ان انا اجي وازورك فيها قلت اجي لك قبل السبوع بيوم علشان نعرف نتكلم مع بعض كنت عاوزاني في ايه 

جميله 

ليه كنت عاوزه تموتيني يا سعاد انا دكتور ابراهيم عرفني كل حاجه 

                           فلاش بااااك 

ابراهيم 

تقدري تروحي دلوقتي يا مدام جميله ولازم اقول لك على التعليمات علشان ما تتعبيش

ابراهيم قرب من ودني جميله وقال لها 

الدكتور 

بصي يا جميله انا سامعك بتقولي لسعاد تيجي لك الفيلا انا لازم اراعي ضميري واعرفك ان سعاد كانت عايزه تاذيكي وتخليكي تمشي من الدنيا خالص بس انا اللي لحقتك فيا ريت تخلي بالك منها 

جميله 

حاضر يا دكتور حاضر وكثر خيرك ان انت نصحتني 

                             بااااك 

جميله 

هو كثر خيره انه عرفني كل حاجه بس انا مش زعلانه منك كنت عاوزه اعرف انت ليه عملت معايا كده 

سعاد 

عاوزه تعرفي ليه يا جميله هقول لك ليه عشان انا كبرت في السن ولسه عانس ما فيش ولا عريس عاوز يعبرني

واللي انا حبيته حبك انت ولما انت قعدت من الكليه سافر وما عبرنيش 

ودايما كنت انت احسن مني في كل حاجه عشان كده انا غرت منك بس انا اسفه يا جميله وحقك عليا غلطه وعمرها ما هتتكر 

جميله 

وانا مش زعلانه منك يا سعاد ده بيتي وده رقم تليفوني اي وقت انت محتاجه فيك حاجه لازم تيجي وانا عمري ما هقصر معاكي ابدا 

سعاد حضنت الجميله وقالت لها 

سعاد 

ربنا يخليكي ليا يا جميله وانا اسفه يا حبيبتي 

وبعديها سعاد مشيت على طول 

وثاني يوم كان السبوع وكانت سمر قاعده بتشرب كوبايه القهوه في هدوء ومره واحده لاقت ام حازمبل والست كتكوته وفوزيه القرعه داخلين وبيقولوا 

ام حزامبل 

والله وربنا نصرك يا ست سماح الله اكبر ده انت عايشه في متحف مش في فيلا وزغرتي يا اللي ما انتش غرمانه حاجه 

كتكوته 

 لولولولى 

فوزيه قرعه 

لا بقى ده احنا لازم نغني عند بيت ام فاروق اي اي والشجره راحت برقوق اي اي 

سمر بزعيق 

انت يا برقوقه انت قصدي انت يا ست انت ايه اللي انت بتقوليه ده وانت مين يا جماعه

سماح نزلت من على سلم الفيلا وقالت 

سماح 

هو ده اللي احنا اتفقنا عليه يا سمر دول صحابي من الحاره بتاعتي يا اهلا بيكم يا حبايبي ايه النور ده كتكوته ام حزامبل فوزيه القرعه تعالوا في حضني يا حبايبي 

ام حازمبل 

الله اكبر عليك فعلا العز يليق عليك زغرتي يا اللي ما انتش غرمانه حاجه 

كتكوته 

لولولولى

فوزيه القرعه 

اهلا بك يا ست سماح يلا بقى عشان نعمل السبوع ونفرح ونفرح الحبايب 

وفعلا جميله ومروان والمنشاوي وكلهم اتجمعوا حتى مصطفى ومراد ورانا جم علشان يعملوا السبوع 

ولسه هيبداوا في الطقوس دخل عليهم سليم وقال 

سليم 

ياه اغيب الغيبه دي الاقيك انت بقيت راجل البيت يا مروان وكمان معلق صورتك فصلت الفيلا هي راحت على المنشاوي ولا ايه 

مروان بصدمه

ايه ده سليم خرجت من السجن امتى 

جميله بخوف على ابنها 

جميله 

سعديه يا سعديه خدي المنشاوي الصغير طلعيه فوق أوضته

سليم 

وكمان خلفتي وسميتيه المنشاوي الصغير على العموم انا حبيت اجي عشان اعرفكم ان انا طلعت من السجن هو حقي وحق امي مش هسيبه ابدا يا مروان فهمت مش هسيبه ابدا 

وبعديها سليم مشي وجميله بخوف قالت 

جميله 

يا نهار ابيض يا مروان تفتكر ممكن فعلا ياذينا سليم ده مجنون واتوقع منه اي حاجه 

مروان 

ما تخافيش يا جميله طول ما انا عايش على وش الدنيا انا هحميكي وهحمي ابني يا اخر يوم في عمري 

سماح 

الهي ينكد عليك يا بعيد انت واللي في بالي نكدت علينا بت يا سعديه روحي هاتي المنشاوي الصغير من الاوضه خلينا نعمل السبوع بتاعه ونفرح يا بنت 

وبعد شويه سعديه بصريخ قالت 

سعديه 

الحقوني الحقوني

وبعد كده حصل ...........

#المتتقبه وبيت المنشاوي 

#الحلقه الثالثه 

#بقلم هويدا زغلول 

المنتقبه الجميله داخل القصر 

الجزء الثاني 

الحلقه الثالثه 

سماح 

الهي ينكد عليك يا بعيد انت واللي في بالي نكدت علينا بت يا سعديه روحي هاتي المنشاوي الصغير من الاوضه خلينا نعمل السبوع بتاعه ونفرح يا بنت 

وبعد شويه سعديه بصريخ قالت 

سعديه 

الحقوني الحقونى انا مش لاقيه منشاوي بيه الصغير 

وطبعا كل العيله بعد ما سمعت الكلام ده جريت على الاوضه وجميله بقت تقول 

جميله 

يا منشاوي يا منشاوي الحق يا مروان شباك الاوضه مفتوح شكلي المنشاوي اتخطف معقول لسليم انت قام بدري قوي كده ويوم ما ينتقم ينتقم في عيل صغير ما يعرفش حاجه 

مروان 

اهدي يا جميله اهدي هلاقي ابني وهجيبه من تحت تقاطيق الارض ما تخافيش يا حبيبتي 

المنشاوي 

ايه الكلام الفارغ ده يعني مين اللي هيتجرا ياخد حفيد المنشاوي ويخرج بسرعه يا مروان تعالى نشوف الكاميرات ونعرف مين اللي عمل كده 

سمر 

الله يخليك يا حمايا اهتمي بالموضوع انا عاوزه حفيدي انا هتجنن وهموت لو ما جاش 

سماح 

تف من بقك يا عقربه قصدي يا سمر هيجي ان شاء الله منك لله يا اللي خدته وكسرت فرحتنا تعالي في حضني يا جميله تعالي في حضني يا قلب امك 

جميله 

انا خايفه يا خالتي لاحسن المنشاوي ابني ما يرجعش ده انا ممكن اروح فيها انا ما ليش غيره 

سماح 

اهدي يا حبيبتي جدك ومروان هيشوف الكاميرا وهيعرفوا مين ابن المبقعه اللي عمل كده ده ليله امه زرقاء النهارده اشوفه بس كده وانا هعضه من مناخيره

ام حازمبل 

معلش بقى يا ست سماح كان نفسنا نفرح لك بس شكلنا كده وشنا وحش عليك يا ريتنا ما جينا 

كتكوته

ان شاء الله تلاقوه يا ست جميله ما تعيطيش ربنا يؤذي المؤذي ويرجع لحضنك سالم غانم يا رب 

فوزيه القرعه 

بقول لك ايه يا سماح يلا بينا يا اختي نلم حريم المنطقه ونشوف مين اللي عمل كده في الكاميرا ونروح نجيبه ونعلقه على باب المتحف اللي انتم عايشين فيه ده وننده ونقول من ده بكره بقرشين

سمر 

لا لا بقول لكم ايه الله يخليكم انا مش عايزه اي مشاكل شكرا جدا البوليس هيجيب لنا حقنا احنا مش بلطجيه لو سمحت يا ست سماح خلي ضيوفك ما لهمش دعوه بحفيدي وبالمشاكل بتاعتنا 

سماح 

وطبعا زي ما انتم شايفين انثى الجربوع وهي بتتكلم ما ينفعش خالص حد يديها اهتمام وان شاء الله يا جراني اول ما اعرف مين اللي عمل كده هلمكم ونروح نجيبه من قفا امه ونخليه يندم في اليوم اللي هو اتولد فيه 

سمر 

لا بقى هو انا كل شويه اتهزق واتشتم يا جميله يا حبيبتي انا رايحه اوضتي ولو في اي جديد طمنوني 

وبعديها سمر خرجت وام حزامبل قالت 

ام حازمبل 

انا مش عارفه يا ست سماح انت عايشه مع الوليه دي ازاي ده انا قعدت معاها ساعتين مش طايقاها يا اختي دي جابت لي كرشه نفس ربنا يقويك عليها 

فوزيه القرعه 

لو عاوزانا نظبطها لك يا ست سماح احنا ما عندناش مانع ممكن نمسكها ناكلها علقه موت ونحلق لها شعرها اللي هي فرحانه بيه ده 

سماح 

عاش يا وحش شايلاك لوقت عوزه يا فوزيه يا قرعه كل اللي انا عاوزاه دلوقتي نطمن على حفيدي ونجيبه بالسلامه ان شاء الله وبعد كده نبقى نعرفها مقامها انثى الجربوع دي 

وبعديها الجيران مشيوا وجميله كانت عماله تعيط ومنهاره من العياط وسماح وسعديه قاعدين جنبها عمالين يهددوها 

اما عند الكاميرات مروان والمنشاوي واقفين وكان المنشاوي بيقول بزعيق للامن والحراسه 

المنشاوي 

انتم اتجننتم ولا ايه يعني ايه الكاميرات عطلانه واشمعنا يعني تعطل في الساعه دي وانتم كنتم فين ما فيش ولا واحد فيكم على البوابه لما المنشاوي الصغير خرج من القصر 

محمود الامن 

الكذب خيبه يا منشاوي بيه اصل سعديه قالت لنا تعالوا خدوا الغداء بتاعكم بتاع عقيقه المنشاوي الصغير ودخلنا المطبخ ناخد الغداء وبعديها سمعنا الصريخ من سعديه لما طلعت فوق كنا بنتغدى في المطبخ عشان كده ما حدش فينا كان واقف على البوابه

سمير الامن 

بس الكاميرات كانت مظبوطه يا مروان بيه انا ما اعرفش ازاي باظت في الساعه دي دي كانت بس امبارح بالليل شايفين كل حاجه ومراقبين كل حاجه انا ما اعرفش ايه اللي حصل بس 

اشرف الامن التوتر 

بصراحه كده احنا شايفين شغلنا على احسن وجه وما اعرفش اللي حصل ده حصل ازاي بس احنا هندور وهنشوف ومش هنسيب ولا هنعدي اللي حصل ده بسهوله يا منشاوي بيه 

مروان 

وبعدين يا جدي يعني كده خلاص ابني راح مني 

المنشاوي 

لا يا مروان ما تقولش كده يا حبيبي ان شاء الله خير وهنطمن عليه قريب جدا هيكون في حضن امه 

مروان 

انا مش عارف يا جدي اقول لجميله ايه انا وعدتها ان المنشاوي هيكون في حضنها انا خايف اكون مش قد المسؤوليه يا ريتني ما فوقت من الغيبوبه وشفت اليوم ده يا جدي 

المنشاوي 

لا يا مروان ما تقولش كده يا حبيبي ان شاء الله خير وهنلاقي المنشاوي وهيكون بصحه كويسه وزي الفل

مروان 

يا ريت يا جدي يا ريت اكون اب كويس وادي مسؤوليه واقدر الاقي ابني لو اعرف بس مين اللي عمل كده بس لو فعلا طلع سليم انا مش هرحمه يا جدي وما تزعلش مني في اللي هعمله معاه 

المنشاوي بحزن 

ان شاء الله ما يكونش سليم عشان قلبي ما يوجعنيش عليه اكتر من اللي حصل له ده حفيدي برده 

وبعديها مروان والمنشاوي طلعوا فوق عند جميله علشان يهدوها من الانهيار اللي هي فيه وطبعا جميله كانت منهاره جدا وما فيش حد عارف يهديها ابدا 

اما عند اشرف بتاع الامن كان بيتكلم في التليفون وبيقول 

اشرف 

لا لا ما اتفقناش على كده احنا اتفقنا على فلوس اكتر من كده ويا ريت تاخذ بالك الولايه ما كنتش عرفت تعدي ابدا من البوابه انا اللي خليت كل الامن يروح المطبخ وانا اللي عديتك وكمان انا اللي خليت الكاميرات تكون عطلانه في الساعه دي يعني انا اللي دبرت كل حاجه الولايه ما كنتش عرفت تعمل ولا حاجه قلت ايه

المجهول 

طب خلاص خلاص هبعت لك الفلوس اللي انت عاوزها وقفل كلام عشان ما حدش يس 

اشرف 

تمام انا هقفل كلام بس يا ريت نعرف كلنا ان لو خربت انا هخليها سواد على الكل ومش هرحم حد 

المجهول 

قلت لك خلاص خلاص هديك الفلوس اللي انت عاوزها بس يا ريت ما حدش يعرف اي حاجه 

اما عند جميله وسماح 

جميله 

انا عاوزه ابني يا خالتي عشان خاطري يا مروان حاول تجيب لي ابني انا ممكن انزل زي المجنونه ادور في كل حته في الشارع على ابني سيبوني اروح وادور عليه 

سماح 

هتروحي فين بس يا قلب امك اهدي كده وجوزك ان شاء الله هيتصرف مش كده برده يا مروان 

مروان 

انا هبلغ الحكومه وهدور عليه في كل مكان بس انت اهدي يا جميله ما تعمليش في نفسك كده 

المنشاوي 

ابنك هيكون في حضنك في اقرب وقت يا جميله ما تخافيش يا حبيبتي ما حدش فينا هيرضاها ابدا ان المنشاوي يتاذي 

وفي الوقت ده دخلت سمر الاوضه وقالت 

سمر 

ها يا جماعه حصل حاجه جديده طمنوني لقيته المنشاوى

سماح 

اه لقيناه ومخبينه تحت السرير بقول لك ايه يا وليه انت انا مش عايزه مرارتي تتفقع 

سمر 

هو في ايه يا ست سماح هو انا كلمتك ولا قلت لك حاجه انا خايفه على حفيدي زي ما انت خايفه بالضبط يعني زيي زيك بالظبط 

سماح 

لا يا عنيا انت مش زيي ولا عمرك تعرفي تبقي زيي انا قلبي واجعني على الاثنين على جميله بنتي وعلى المنشاوي حفيدي اما انت حاطه ايدك في الميه البارده يا وليه ده انت دخلتي نمتي في حد برده يجي له نوم من بعد اللي حصل ده 

المنشاوي 

خلاص بقى يا جماعه الله يخليكم اهم حاجه دلوقتي لازم نركز هنرجع المنشاوي الصغير الفيلا ازاي 

اما في فندق رنا كانت قاعده ومعاها المنشاوي الصغير وبتقول 

رنا 

يا حبيبي بس بس ما تعيطش عياطك بيوجعني قوي يا منشاوي بس بصراحه انا هاخدك وهعيشك معايا وانا اللي هبقى امك مش جميله بس انا هسميك يزن مش هسميك المنشاوي يزن هيبقى احلى عليك 

عارف يا يزن مراد عمال يتصل بي وانا قفلت تليفوني ومش عاوزه اكلم حد انا خلاص حجزت تذكره سفر وانا وانت يا حبيبي هنسافر من بكره وفي واحد هيسفرني من غير ما يطلب مني اوراقك يعني كل حاجه هتبقى في السليم يا حبيبي كفايه اللي قاله لي الدكتور 

وبدات رنا تفتكر ان الدكتور قاله لها 

                          فلاش بااااااااك 

في العياده 

الدكتور 

متاسف جدا يا مدام رنا انا لازم اقول لك الحقيقه انا عارف انها توجعك بس انت لازم تعرفيها 

رنا بخوف 

خير يا دكتور حقيقه ايه وانت مكبر الموضوع كده ليه ده انا جايه اكشف عندك علشان تعبانه تعب بسيط مش جامد يعني 

الدكتور 

ما هو سبحان الله انت تعبت تعبت البسيط ده وجيتي تكشفي علشان يتكشف لك المرض اللي عندك انت عندك عيب خلقي في الرحم  يعني الرحم عمره ما هيشيل عيل ابدا ولازم يتشال علشان صحتك تبقى افضل 

رنا بدموع 

ايه اللي انت بتقوله ده يا دكتور يعني ايه انا عمري ما هبقى ام عمري ما في نونو وهيقول لي يا ماما ليه هو انا عملت ايه في دنيتي اتحرمت من امي وجوزي اللي بيحبني ما بقاش يحبني وكمان الخلفه اتحرمت منها انا ما عملتش حاجه استاهل عليها كل ده

الدكتور 

اهدي شويه يا مدام رنا وحدي الله ما ينفعش اللي انت بتقوليه ده ده امر ربنا ولازم ترضي بيه 

رنا 

وانا النهارده بس لازم الكل يذوق نفس الوجع اللي انا ذقته انا مش هعيش في الوجع ده لوحدي ابدا يا دكتور 

وبعديها رنا مشيت وعماله تعيط وجميله عماله ترن عليها علشان تروح سبوع المنشاوي ورنا لقيت نفسها بتروح الفيلا واتفقت مع اشرف بتاع الامن ان هو يطلع يجيب لها المنشاوي الصغير وهي تاخده وتمشي على طول واتفقت معاه على مبلغ محترم علشان تسكت بقه

وبعديها رنا خدت المنشاوي وجابت له لبن وهدوم وطلعت بيه على الفندق وقفلت تليفونها علشان ولا مراد ولا جميله ولا مصطفى يكلموها ولا حتى يعرفوا مكانها 

                           بااااااااك 

رنا 

شفتي بقى يا يزن انا تعبت عشانك قد ايه بس ما تخافش يا حبيبي انت خلاص كلها ساعات وبكره الصبح هكون انا وانت في المطار ونسافر ونعيش اجمل ايام حياتي انا وانت وهجيب لك كل اللي نفسك فيه ولما تكبر هعمل لك اوراق باسمي علشان اعرف ادخلك المدارس اما جميله تعرف تجيب واحد غيرك واثنين وثلاثه كمان لكن انا مش هعرف اجيب اي حاجه ما تعيطش عشان خاطري وتعالى في حضني يا يزن يا حبيبي

اما عند سليم راح عند اشرف وقال له 

سليم 

وبعدين يا اشرف عملت كل اللي قلت لك عليه ولا هببت ايه هو انا لازم يعني اخرج من السجن واعمل كل حاجه بنفسي انا قلت هطلع الاقيك جايب لي الفيلا اللي قلت لك عليها وجايب لي كل اللي انا عاوزه 

اشرف 

وحياتك عندي يا سليم بيه كل ده هيحصل بس اصبر عليا شويه خلاص ده الحلو فاضل له تكه وسمر هانم اتوترت وجابت اخرها ومش هتقدر تقول لي على حاجه لا مش انت ورايا وهتكسب 

سليم 

على اخر الزمن انا همشي ورا جربوع زيك بقول لك ايه خلصني من الكلام ده وعايز كل اللي عند سمر ولو قالت لا طبعا انت عارف انت هتعمل ايه 

اشرف 

طبعا يا باشا ده انا رحت لها لحد الفيلا واول ما شافتني كانت هتروح فيها من كتر الخوف ومتهيا لي اللي زي سمر غير اختها خلود خالص مش هتاخد في ايدينا غلوه 

بس العدم لا مؤاخذه يا باشا هو حضرتك هتنام فين النهارده اصل انا عارف انك متخانق مع الجماعه اللي في القصر 

سليم 

اه يا دنيا يا خاينه يا قلابه انا على اخر الزمن واحد جربوعه زيك يقول لي انا هنام فين وهروح فين انا سليم المنشاوي اللي كان الناس كلها لما بتشوفني بتستخبى من كتر الخوف مش عارف اروح فين 

اشرف 

لا مؤاخذه يا سليم باشا صدقني ما كنتش قصدي اللي انت فهمته ده انا يا باشا هنام على الكنبه بره وانت نام هنا على سريري تشرف وتقانس ده انا الشرف كله ليا انك تكون عندي في بيتي 

سليم 

ماشي ماشي يلا اطلع بره لحد ما نشوف هناخد الفلوس من سمر ازاي وبعديها هفتح شركتي الجديده وهجيب فيلتي الجديده وهكسر مروان في السوق وهخلي شركته هو وجدي في الارض وبكره يشوفوا انا هعمل فيهم ايه 

اما عند مراد راح عند مصطفى حماه وقال له 

مراد 

يا عم مصطفى هي رنا ما جتش عندك انا مش عارف هي راحت فين انا قالب عليها الدنيا وكمان قافله تليفونها وكلمت جميله عرفت ان ابنها اتخطف ورانا ما راحتش عندهم 

مصطفى بقلق 

لا يا مراد ما شفتهاش يا حبيبي طب يا ترى ولا راحت فين انت كده وجعت قلبي عليها انا من الصبح عماله احاول اكلمها ما عرفتش اوصل لها تليفونها مقفول قلت يمكن لسه نايمه 

مراد 

لا يا عم مصطفى دي من الصبح انا مش لاقيها ومش عارف الاقيها فين 

مصطفى بقلق 

الله يخليك يا مراد ما توجعش قلبي ان شاء الله هنلاقيها اخر مره مديحه مراتي غابت عن البيت ما رجعتش تاني ان شاء الله رنا تكون كويسه يا رب 

مراد 

ان شاء الله يا عم خلاص انا هروح ادور عليها عند بقيت صاحبتها يمكن تكون زعلانه مني وقاعده عند حد فيها ولو لقيتها هبقى اطمنك عليها ولو هي رجعت لك طمني الله يخليك 

اما في الفندق عند رنا كانت قاعده وعماله تلعب مع المنشاوي وبتقول له 

رنا 

الله يزن حبيبي استحمى وبقى امور شفت بقى اللبس الجديد احلى ازاي عليك انا غيرت لك اسمك وغيرت لك لبسك وهغير لك كل حياتك بعد كم ساعه لما اسافر انا وانت وما نجيش هنا ثاني ولا حد يعرف مكاننا يا روح قلب ماما يزن قلب ماما اسمك حلو قوي 

ومره واحده رنا مسكت المنشاوي ولقيته سخن مولع وتعبان قوي  ورانا قالت 

رنا 

يا نهار ابيض ده انت تعبان قوي يا يزن انا لازم اروح بيك على المستشفى يا حبيبي انا قلبي هيوجعني عليك لو حصل لي حاجه يلا بينا 

وبعديها رنا خدت المنشاوي وطلعت بيها على المستشفى اللي فيها الممرضه سعاد واول ما رانا دخلت قالت 

في المستشفى 

رنا 

الحقيني الله يخليكي ابن مولع نار وهو اصلا لسه مولود انا خايفه يحصل له حاجه هروح بيه فين في دكتور اطفال هنا 

الممرضه سعاد 

اهدي اهدي ما تعمليش كده التوتر ده هيخليه يتعب بزياده هاتيه الدكتور في الطوارئ هيطمن عليه يمكن بس تعب بسبب تغير الجو عشان في السن ده ما ينفعش يخرج ابدا 

وبعديها رنا وسعاد دخلوا اوضه الطوارئ وحطوا المنشاوي على السرير ورانا قالت 

رنا 

هو في ايه انت جايبانا هنا علشان تتفرجي علينا هو فين الدكتور لو ما عندكوش دكاتره عرفوني اروح اي مستشفى ثانيه انا عاوزه اطمن على ابني 

سعاد 

اهدي بس يا مدام ان شاء الله ابنك هيكون كويس والدكتور هيجي يطمن عليه دلوقتي الله ايه السلسله اللي في رقبته دي

رنا التوتر 

اه ايه السلسله دي انا جبتها له اول ما اتولد انت بتسالي ليه 

 يزن حبيبي انا خايفه عليه قوي هو فين الدكتوره يا حبيبتي ليه ما جاش لحد دلوقتي

سعاد باستغراب 

انت ازاي بتقولي له يزن وهو لابس سلسله ذهب باسم المنشاوي 

وفي الوقت ده سعاد افتكرت لما كانت عند جميله كان المنشاوي ابنها لابس سلسله ذهب باسم المنشاوي وكان جدو هو اللي عاملها له وسعاد قالت 

سعاد 

هو ده ابنك ولا ابن اختك اصل انا متاكده ان الولد ده انا شفته قبل كده ايوه ده اسمه المنشاوي حفيد المنشاوي بيه وابني جميله صاحبتي انا متاكده 

رنا بتوتر 

طب لو سمحتي ممكن تروحي بسرعه تندهي للدكتور ولما تيجي هبقى اعرفك انا مين 

وبعديها سعاد خرجت علشان تنده للدكتور واول ما خرجت رنا خدت المنشاوي وجريت على بره على طول وركبت اول تاكسي وقالت في نفسها 

في التاكسي 

رنا 

انا غبيه وحماره ازاي ما اقلعتش ليزن ابني في السلسله الذهبي اللي باسم المنشاوي اكيد دلوقتي الغبيه الممرضه دي هتكلم جميله وتعرفها على كل حاجه انا لازم اسافر دلوقتي 

ولازم يزن يا حبيبي اقلعك السلسله واتخلص منها 

اما عند سعاد رجعت هي والدكتور الاوضه الطوارئ ما لقيتش رنا والدكتور قال 

الدكتور 

فين المريض يا سعاد امال انت بتستعجليني على ايه 

سعاد 

صدقني يا دكتور كان قاعد هنا هو والست اللي معاه انا ما اعرفش هو راح فين انا متاسفه جدا يا دكتور 

الدكتور 

طيب خلاص انا رايح اشوف المريض التاني ولو الطفل ده جه ابقي اندهي لي على طول وانا هاجي 

وفي الوقت ده سعاد عرفت ان الست دي خطف المنشاوي ابن جميله وكلمت جميله في التليفون على طول وقالت لها 

سعاد 

الو يا جميله ابنك عامل ايه موجود معاكي ولا زي ما انا فهمت صح انك مخطوف منك

جميله 

ايوه يا سعاد المنشاوي اتخطف مني وما اعرفش يمين اللي خطفته هو مروان نزل فى

 كل مكان ولا ايه انت عرفتي منين

سعاد 

لا يا جميله انا ما عرفتش من الخبر انا شفته بعيني المنشاوي الصغير كان هنا من شويه في المستشفى موجود مع واحده اول مره اشوفها ولما قلت لها ده يبقى اسمه المنشاوي وانا عارفاه اتوترت واخذته ومشيت 

جميله بصدمه 

انت بتقولي ايه يعني المنشاوي كان عندك من شويه في المستشفى يا نهار ابيض انا هاجي لك حالا انا ومروان يمكن كاميرات في المستشفى تكون جابت وشها واعرف مين اللي خطفته 

سعاد 

ماشي يا حبيبتي تعالي بسرعه ما تتاخريش وعقبال ما انت ما تيجي هفضي لك كل الكاميرات وان شاء الله تتعرفي عليها وتشوفي ابنك بعينيك 

وبعديها جميله قفلت السكه وقالت لمروان 

جميله 

يا مروان يا مروان انت فين يلا بسرعه صاحبتي الممرضه سعاد اللي في المستشفى اللي انا ولدت فيها لقيت المنشاوي ابني في واحده واخداه وبتكشف عليه ولما فرحتها ان هو مش ابنها اتوترت واخذته ومشيت تعالى بسرعه نروح المستشفى ونشوف هي دي مين 

مروان 

انت بتتكلمي بجد طب يلا بينا بسرعه على المستشفى علشان نشوفه ونعرف مين اللي خطفته ويا رب نعرف نوصل لها

وبعديها مروان وجميله راحوا على المستشفى على طول

اما سماح صحيت من النوم على خبر على التليفون واتفزعت منه وقالت 

سماح 

يا نهار ابيض حصل امتى الكلام ده بكره الصبح هكون عندكم مش عاوزه حد فيكم يعمل اي حاجه انا هاجي اتصرف مع السلامه مع السلامه

اما  المنشاوي صحي من النوم بيدور على سماح في الفيلا كلها مش لاقيها ولما شايف سمر قال لها 

المنشاوي 

يا سمر ما شفتيش سماح انا مش لاقيها انا مش عارف هي راحت فين كل اللي قالته لي وانا نايم انا رايحه مشوار مهم ما اعرفش مشوار ايه ده 

سمر 

لا لا يا حمايا ما اعرفش مكانها فين بصراحه ومشوار مهم ايه عند مدام سماح اكيد رايحه عند جارتها ام حزومبل ولا الست كتكوته ولا البلطجيه اللي اسمها فوزيه القرعه

المنشاوي 

خلاص يا سمر انا هكلمها في التليفون هشوف هي فين انا مش ناقص توتر كفايه اللي احنا فيه يا رب طمني على حبيبي واقدر ارجعه لقلب ام دي جميله صعبانه عليا قوي ما دقتش الاكل ولا النوم يا حبيبتي 

وفي الوقت ده سماح دخلت ومعاها نونو صغير في اللفه واول ما المنشاوي شافها قال لها 

المنشاوي 

اخيرا جيت يا سماح كنت فين ومشوار ايه اللي انت كنت رايحاه وايه العيل اللي في ايديه كده هو انت لقيتي المنشاوي الصغير ولا ايه 

سماح 

لا يا منشاوي من شوقي الصغير ايه بس اللي لاقيه ربنا يعطرنا فيه يا رب وما يوجع قلبنا عليه 

سمر 

امال مين العيل اللي معاكي ده 

سماح 

يا ريت تقفلي بقك يا انثى الجربوعه 

المنشاوي 

الموضوع مش ناقص هزار يا سماح مين العيل اللي معاكي ده 

سماح 

ده ابنك يا منشاوي 

وبعد كده حصل ........

#المنتقبهو و بيت المنشاوي 

# الحلقه الرابعه 

#بقلم هويدا زغلول 

المنتقبه الجميله داخل القصر 

الجزء الثاني 

الحلقه الرابعه

 

سماح 

ده ابنك يا منشاوي 

سمر

نعم نعم ابنه ازاي ده اللي هو ازاي يعني يا حماي انا مش فاهمه حاجه انت لحقت تجيب عيل امتى وانت ما كنتيش حامل يعني يا مدام سماح 

سماح 

طب وانت حشريه ليه مدخله نفسك ليه في اللي ما لكيش فيه واحده وبيتكلم جوزها يا عانس يا بايره بتدخلي ليه يا انثى الجربوع انت 

سمر 

تصدقي انا غلطانه عشان كل مره انت بتغلطي فيا انا فعلا مش هتدخل تاني بس برده انا هتجنن انت ما كنتيش حامل جبت الولد ده منين 

المنشاوي 

فعلا يا سماح انت جبتي الولد ده منين وحامل ايه هو الهزار هيقلب جد ولا ايه فهميني 

سماح 

انا احكي لك على كل حاجه يا حبيبي 

وبدات سماح تحكي على كل حاجه 

                          فلاش بااااااااك 

فوزيه القرعه بيتكلم سماح في التليفون وقالت لها 

فوزيه 

الحقينا يا ست سماح البنت ناديه جارتنا راحت وربنا افتكرها وهي بتولد وانت عارفه ان جوزها كمان راح في حادثه ودلوقتي جايبه ولد زي القمر ومش عارفين نوديه فين قلنا نكلمك يا اختي يمكن تقدري على مصاريف 

سماح 

يا نهار ابيض انا لله وانا اليه راجعون دي البنت ناديه دي كانت غلبانه قوي والواد دي حبه عينه بقى يتيم  من الام والاب ما بقاش ليه اي حد 

فوزيه

ام حزمبل الجارتي قالت لي اكلمك وانت هتعرفي تتصرفي ناويه تعملي ايه يا سماح

سماح 

خلي بالك منه يا فوزيه وانا جايه على طول 

وبعديها سماح راحت المستشفى واستلمت الولد من الدكتور وكان زي القمر وقالت هسميه صبري عشان يصبر على الايام اللي هيشوفها من غير ام وابوه 

وبعديها تم دفن ناديه وسماح خدت صبري وروحت بيه الفيلا

                           بااااااك

سماح 

ادي هي دي كل الحكايه يا سيدي وطبعا انت مش هتكسفني يا شوشو وتقول لي مشي الواد ده من هنا صح ولا ايه 

سمر 

لا طبعا حمايا عاقل وهيكسفك وهيقول لك مشيه من هنا انت بتتكلمي في ايه احنا ما نعرفوش ولا نعرف اهله كانوا ايه وليه نربي عيل مش ابننا 

سماح 

وانت مالك انت يا انثى الجربوع حد خد رايك في حاجه ما تبطلي تحشري مناخيرك الكبيره دي 

قلت ايه يا شوشو انا عمري ما اكسر كلمتك ابدا بس بصراحه انا نفسي اربي الواد ده ونعلمه احسن تعليم 

المنشاوي 

لا طبعا يا سماح انا عمري ما كسر كلمتك ابدا خلاص يا حبيبتي ربي وان شاء الله المنشاوي الصغير يرجع بالسلامه ويلعبوا هم الاثنين مع بعض ويملوا علينا البيت 

سمر 

استحاله مستحيل مش هيحصل ابدا انا حفيدي المنشاوي الصغير يلعب مع طفل الشوارع والحواري ده لا لا انتم كده زودتوها قوي 

سامح قامت متعصبه ومسكت سمر من كتفها وقالت

سماح 

انت يا بت يا انثى الجربوع انت لو قلتي على صبري ابني حبيبي تاني طفل الحواري وطفل الشوارع مش هتعرفي هيحصل فيكي ايه الولد ده يخصني يا حبيبتي ولو بصيتي له بعين هخزق لك الثانيه سامعه ولا لا 

سمر بخوف 

طب خلاص خلاص سيبيني يا مدام سماح انا كنت بهزر معاكي ده صبري ده امور خالص يا خلاصى يا على الجميله يا خلاصى  على السكر

سماح 

ايوه كده صحيح ناس ما بتجيش غير بالعين الحمراء يلا امسكي واطلعي غيري له ولبسيه وحميه وخليه زي القمر انا عايزه صبري تكون  رحته فله

سمر 

سمر طب وليه انا اعمل كده ما هي ممكن سعديه تساعدنا وتعمل كل الكلام ده 

سماح بزعيق 

انت بتقولي ايه سمعيني كده تاني 

سمر 

بقول لك بالمره احط له برفان ولا ريحته هتكون حلوه من غيرها ثواني وصبري هيكون زي القمر 

اما في المستشفى عند سعاد مروان وجميله راحوا جري وقالوا 

جميله 

فين يا سعاد فين الكاميرات الله يخليك طمنيني على ابني انا هتجنن عليه ابوس ايدك يا سعاد 

سعاد 

اهدي يا جميله يا حبيبتي تعالي معايا نروح عندي الكاميرات واكيد ان شاء الله هنلاقي اي حاجه تدلنا عن مكان المنشاوي 

مروان 

ان شاء الله الكاميرات تكون شغاله وما يكونش فيها اي حاجه واقفه يلا بينا 

وفعلا جميله ومروان وسعاد راحوا علشان يشوف الكاميرات لكن للاسف وش رنا ما كانش ظاهر خالص وما قدروش يعرفوا هي دي مين وسعاد قالت لها 

سعاد 

انا اسفه جدا يا جميله انا كان نفسي اساعدك بس مش عارفه ليه حظك كده بس 

جميله 

انا اللي مش عارفه ليه الدنيا بتعمل معايا كده والله يا مروان انا ما عملتش حاجه وحشه في حد ابدا كل ما الدنيا تضحك لي قلبي بيوجعني عشان بكون عارفه اني هتوجع في يوم من الايام 

مروان 

ما تقوليش كده يا جميله يا حبيبتي ان شاء الله هنلاقيه تعالي بس اهدي كده واقعدي عشان تقدري تسندي نفسك وادور انا وانت على المنشاوي الصغير 

لكن للاسف جميله اغمى عليها ومروان شالها ودخلها الطوارئ وعلقت محاليل لانها ما اكلتش بقى لها مده 

اما في التاكسي رنا قالت للسواق 

رنا 

لو سمحت ممكن توديني المطار 

السواق 

تحت امرك يا هانم

رنا بتكلم المنشاوي وبتقول 

رنا 

الحمد لله يا يزن يا حبيبي ان الورق كله معايا انا وانت هنروح المطار ونسافر على طول ونخلص من الدنيا ودوشتها واعيش لو انت في حياه هاديه وسعيده 

بس اهم حاجه انا لازم اقلعك سلسله المنشاوي دي وارميها في اي مكان علشان لما حد يشوفك ما يتعرفش عليك 

وفعلا رنا قلعت سلسله المنشاوي اللي كان لابسها ورميتها في التاكسي واول ما وصلت للمطار نزلت على طول علشان تلحق طيارتها لكن كان لسه فاضل عليها ساعتين قعدت رنا في الاستراحه لحد ما يجي ميعاد الطياره 

وطبعا طول الوقت ده والمنشاوي عمال يعيط علشان جعان ومحتاج حضن امه لكن هي كانت رافضه ترجعه الجميله بقت عماله تتمشى بيه علشان يبطل عياط 

وبعديها سواق التاكسي عبده رجع من المطار علشان يجرش ويروح بيته علشان تعب لكن بيبص في التاكسي لقى سلسله ذهب مكتوب عليها المنشاوي قال 

عبده السواق 

يا نهار ابيض السلسله الذهب دي اكيد وقعت من ابن الهانم اللي كانت راكبه معايا هي كانت رايحه المطار انا لازم اروح المطار تاني واديها لها دي السلسله غاليه قوي وزمانها دلوقتي بتدور عليها يا عيني 

وفعلا عبده راح المطار علشان يدور على رنا ويديها السلسله لكن ما لقيهاش 

وكانت رنا عماله تتمشى بالمنشاوي الصغير علشان يبطل عيار فعبده قال في نفسه 

عبده 

طب وبعدين اروح اوديها لها فين بس دي مسؤوليه في رقبتي وانا قدام ربنا لازم اخلي ذمتي يبقى انا لازم اروح المستشفى ثاني اللي انا اخذتها من قصادها عشان هي اكيد لما تدور عليها هترجع المستشفى وهناك يبقوا يدوها لها ايوه صح انا كده بفكر صح

وبعديها عبده السواق راح المستشفى ودخل عند الطوارئ مكان السعاد واقفه وقال لها 

عبده 

لو سمحت يا بنتي كان في واحده هنا معاها عيل صغير ولابس السلسله الذهب دي ركبت معايا وللاسف السلسله وقعت منها خليها معاكي في الامانات واديها لها انا كده خليت ذمتي قدام ربنا

سعاد بفرحه 

ربنا يخليك يا راجل يا طيب طب عرفني الله يخليك الهانم اللي كان معاها الولد الصغير راحت فين انت وصلتها لفين بالضبط افتكر الله يخليك 

عبده 

ما تخافيش يا هانم انا وصلتها لحد المطار عشان هي مسافره وكنت سامعها بتقول لابنها الصغير ان هي هتسافر هم الاثنين ويعيشوا حياه سعيده مع بعض 

سعاد بصدمه 

يا نهار ابيض ايه اللي انت بتقوله ده تعالى معايا الله يخليك 

وبعديها سعاد خدت عبده السواق ودخلت عند جميله ومروان وحاكي لهم على كل الحكايه ومروان قال له 

مروان 

الله يخليك يا راجل طيب خذني وديني عند الست دي دي مش ام دي خاطفه ابني وانا عاوزه 

عبده 

يا نهار ابيض ربنا يعطرك فيه يا ابني طب تعالوا بسرعه نلحقها هي في المطار 

وفعلا عبده خد سعاد ومروان وجميله وطلع بيهم على المطار على طول وجميله ومروان وسعاد بقوا زي المجانين عمالين يجروا في المطار ويدوروا في كل مكان علشان يلاقوا الست اللي خاطفه ابنهم 

وجميله بعد ما فقدت الامل سمعت صوت المنشاوي بيعيط وقالت 

جميله 

يا نهار ابيض مروان ده ابني انا متاكده تعالى ندخل هنا وندور عليه 

مروان 

ده تواليت حريمي يا جميله ادخل ازاي ما يصحش

جميله 

يعني هو اللي صح ان ابني يتخطف يلا يا مروان ادخل معايا الله يخليك انا متاكده ان دوت صوت المنشاوي 

وفعلا جميله ومروان اول ما دخلوا كانت هنا صدمه الكبيره لما جميله لقت رنا ماسكه المنشاوي في حضنها وعماله تقول 

رنا 

ابعدي عني يا جميله ما تاخديش مني يزن ابني انا سميته يزن وهاخده وهسافر بيه انت تقدري تجيبي عيل واثنين وثلاثه اما انا خلاص هعمل عمليه واشيل الرحم ابعدي عني انت ومروان وسيبوه لي اربيه عشان خاطري 

مروان بصدمه 

يا نهار ابيض انت اللي كنت خاطفه ابني يا رنا انت اخر واحده اشك فيك انها تخطف ابني وتاذيه هاتي الولد ده انت لازم تروحي مستشفى الامراض العقليه انت اتجننتي رسمي 

جميله بحزن 

ليه عملت كده يا رنا ليه وجعتي قلبي على ابني ليه ما رضيتيش بنصيبك ما انا ياما قاسيت في دنيتي ورضيت بنصيبي الله يسامحك انا زعلانه منك قوي يا رنا

مروان 

متاسف جدا يا جميله لكن انا لازم ابلغ عن اختك ولازم يودوها مستشفى الامراض العقليه لان احنا لو سبناها كده بره المستشفى ممكن تخطف عيل واثنين وثلاثه وهتكون خطر على المجتمع 

وفعلا مروان بلغ الحكومه وقبضوا على رنا وودوها مستشفى الامراض العقليه 

ومروان وجميله وسعاد شكروا جدا عبده السواق والدوره مكافاه ماليه محترمه وعبده فرح جدا بالفلوس وشكرهم قوي لانه فعلا امين ويستاهل المكافاه 

وسعاد كانت فرحانه جدا اني جميله لقت المنشاوي 

وطبعا كل العيله عرفت الموضوع 

حتى مصطفى ومراد راحوا زاره رنا في المستشفى وللاسف حزنه جدا عليها 

وبعديها جميله ومروان روحوا الفيلا واول ما سمر وسماح والمنشاوي شافوهم قالوا 

سمر 

واو الحمد لله اخيرا جيت في حضني يا منشاوي يا حبيبي تعالى يا قلب تيته وحشتني قوي 

سماح 

لولولولى الف الف مليون مبروك يا قلب خالتي حمد لله على سلامه المنشاوي الصغير تعالى يا واد يا منشاوي شوف جبت لك نونو قدك ازاي واسمه صبري عشان تلعبوا مع بعض يا واد 

جميله 

مين ده يا خالتو وجبتيه منين الله يخليكي بقى بكفايه مشاكل لحد كده 

سمر 

كفايه مشاكل ومدام سماح الاثنين في جمله واحده لا طبعا بدل فيها مدام سماح يبقى فيها مشاكل يا جميله 

سماح 

يا فتاح يا عليم يا رزاق يا كريم بقول لك ايه يا بنت يا سمر انت عاوزه ايه يا انثى الجربوع ما تحترمي نفسك هو انا كل شويه لازم امسكك من هدومك واعرفك قيمتك

المنشاوي 

خلاص بقى يا جماعه ما يصحش كده احنا لازم نحتفل برجوع المنشاوي الصغير وكمان بوجود صبري وربنا يديمهم في حياتنا يا رب والايام الجايه تكون فرح وبس 

جميله 

يا رب يا جدي يا رب 

مروان 

يلا بينا يا جميل نطلع اوضتنا انا وانت والمنشاوي علشان هقفل الاوضه والشباك بالقفل علشان ما حدش يخش الاوضه ثاني انا هخليكم في حضني طول حياتي عشان ما حدش فيكم يبعد عني يا حبيبتي 

جميله 

يا حبيبي يا مروان ربنا يخليك لينا وما يوجعش قلبنا على ابننا ابدا يا حبيبي 

وبعديها جميله ومروان طلعوا اوضتهم 

وسماح قالت لسمر 

سماح 

بنت يا سمر صبرى يا حبيبي زعلان يلا يا حبيبتي غني معايا ولا اقول لك غني له انت اغنيه يمكن يسكت 

سمر 

انت فعلا اخترتي الشخص المناسب يا مدام سماح انا صوتي حلو جدا يلا بقى اسمعي انت وصابر النونو الجميل ده 

بيبي شارك دودو دودو بيبي شارك دودو دودو 

سماح 

بس يا اختي بس يا حبيبتي ده الدبانه اتلم علينا بيبي شارك يمين وبيبي غرب مين ايه اللي انت بتقوليه ده اسمعي بقى الاغاني الجميله 

ايه البحر بيضحك ليه وانا نازله هتدلع على القلل 

سمر 

ايه الكلام الغريب ده بحر ايه وبيضحك ايه هو في في الدنيا بحر بيضحك لا لا انت بلدي قوي قوي يا مدام سماح 

سماح 

وانت لسانك لو طول عليا تاني هضربك يا قلبي مدام سماح 

سمر 

لا لا وعلى ايه خلي البحر يضحك وخلي السما تتكلم يلا ما هو الجنان لى ناسو قصدي منوره يا مدام سماح 

وفي الوقت ده سمر جات لها مكالمه على التليفون اول ما شافتها اتوترت جدا وطلعت اوضتها وردت وقالت 

سمر 

ايوه يا اشرف عاوز ايه مش انا قلت لك ما تتكلمش تاني ولما يكون معايا الفلوس انا هبقى اجيبها لك لحد عندك انت ليه مصمم تعمل مشاكل 

اشرف 

لا بقول لك ايه بقى يا ست الكل انت لازم تيجي لي النهارده ومعاكي اي مبلغ من الفلوس لا اما كده لا اما هتلاقيني جيت لحد عندك زي المره اللي فاتت بس المره دي هتكون هاخذ حقي منك قدام الكل ومش هيهمني شكلك 

سمر 

انت اتجننت لا طبعا اوعى تعمل كده انا جايه لك النهارده على طول عرفني بس مكانك وانا هاجي لك واوعى تيجي يا اشرف سامع ولا لا 

اشرف 

ماشي يا ست الكل تعالي لي عندي في البيت علشان في كلام كثير لازم نخلصه مع بعض 

سمر 

لا والله اجي لك في البيت هو انت فاكرني عبيطه بقى ولا ايه لا طبعا انا هقابلك في الكافيه اللي هقول لك عليه وتيجي على طول عشان تاخد الفلوس اللي معايا وتمشي ولما ادبر الباقي هبقى اكلمك 

وبعديها سمر قفلت وبدات تجهز علشان تقابل اشرف 

اما عند مراد كان قاعد مع مصطفى وهو حزين جدا وبيقول 

مراد 

صدقني يا عمي مصطفى انا كنت بحب رنا جدا وكنت هرضى لو هي شالت الرحم وما كنتش هقول لها انا عاوز عيال هي ليه عملت كده ليه وصلت نفسها للمرحله دي

مصطفى بدموع 

انا السبب يا مراد يا ابني دايما رنا من يومها كانت متمرده وما بترضاش بالقليل ابدا زي مديحه امها بالظبط وانا اللي كنت بسكت لها 

مراد 

يعني انت كنت هتعمل ايه بس يا عم مصطفى انت يا دوبك كنت من الشركه للبيت ومن البيت للشركه بصراحه كان المفروض الدور ده تقوم بيه الحاجه مديحه الله يرحمها 

مصطفى 

للاسف رنا ومديحه كانوا طماعين جدا وما بيرضوش بالقليل ابدا عكس جميله جميله كانت من يومها وهي جميله وكانت بترضى بكل القليل اعمل ايه الحمد لله على كل شيء ما اقدرش اقول غير كده 

مراد 

بس انا بحب رنا يا عم مصطفى وهفضل جنبها وهزرها كل يوم في المستشفى لحد ما تخرج الدكتور قال لي لو فعلا اكتشفنا ان هي مش مجنونه هتخرج وان شاء الله ترجع لنا ثاني بشخصيه كويسه 

اما عند اشرف كلم سليم في التليفون وبيقول له 

اشرف 

ايوه يا سليم بيه عشان تعرف بس ان انا مش وش الفقر زي ما انت ما بتقول كلها ساعه زمن واكون مليونير مدام سمر هتقابلني في الكافيه اللي انا هقول لك عليه تعالى يا باشا عشان تاخد حقك منها انت كمان 

سليم 

انت عبيط ولا مجنون يا اشرف كافيه ايه وزفت ايه انا لسه خارج من السجن ومش عاوز ارجع له ثاني كنت لازم تخليها تجيلك الشقه وساعتها انا كنت هعرف اخد حقي منها ازاي 

اشرف 

يا باشا ما اقدرش اعمل كده هي حاليا هتيجي بعد ساعه في الكافيه اللي انا هقول لك عليه تعالى واتكلم معاها يمكن توصلوا الحل على فكره مدام سمر غير خلود خالص خلود كانت دماغها ناشفه اما مدام سمر هتظبطنا وتدينا كل الفلوس انا متاكد من كده 

سليم 

اقول ايه ما انت حمار ومش عارف حاجه انا عارف سمر دي كويس دي كلبه فلوس دي مرات عمي ولا حافظها كويس ودماغها ناشفه زي الحجر 

وبعد شويه اشرف كان قاعد في الكافيه وسمر دخلت عليه وكانت معاها شنطه الفلوس واديتها له وقالت له 

سمر 

الشنطه دي فيها نص مليون جنيه تاخدها وتخفي من وشي كم شهر لحد ما ادبر لك باقي الفلوس وابعد عني بقى انا مش عايزه مشاكل يا اشرف 

اشرف 

طب اقعدي بس في ضيف عاوز يكلمك هو واقف وراكي اهو 

سمر بصت وراها لقت سليم وقالت بصدمه 

سمر 

ايه ده سليم واشرف ايه اللي لما الشامي على المغربي انا مش فاهمه اي حاجه انت ايه اللي جابك هنا يا سليم 

سليم 

انا اللي عاوز افهم منك يا مرات عمي انت ازاي دخلت اللعبه دي 

سمر 

انا احكي لك على كل حاجه يا سليم 

وبدات سمر تحكي على كل حاجه 

                       فلاش بااااااااك 

سمر كانت قاعده وجالها مكالمه من رجاله المافيا اللي كانوا شغالين مع جوز خلود وقالوا 

سمير 

اهلا وسهلا انت مدام سمر اخذ مدام خلود اللي اتغدر بيها وسموها في المطعم 

سمر 

مين معايا وقصدك ايه ان اختي خلود اتسمت في المطعم وفي حد اللي عمل كده بفعل فاعل طب مين وازاي

سمير 

مين وازاي ده بقى لما اقابلك هعرفك كل حاجه ولازم تقابلينا يا مدام سمر انا اه راجل صاحب مافيا لكن بفهم في الاصول ونصيب جوز خلود لازم حد يستلمه وانت الوريثه الوحيده 

وبعديها سمر نزلت وقبلت سمير وقال لها 

سمير 

انا بكره هروح البنك واحول لك على حسابك 20 مليون جنيه دول نصيب مدام خلود اللي ماتت واللي موتها هو محمود الصياد علشان ما سمعتش كلامه في اللي هو عاوزه انا عارف كل حاجه بس في حاجه 

سمر 

في ايه مش فاهمه 

سمير 

في ناس كثير كانوا شركه لخلود وعاوزين ياخدوا منها الفلوس غصب عنها وهم اكيد مش هيسيبوكي في حالك ومن ضمنهم واحد اسمه اشرف يعني راضي بمليون جنيه كده ولا حاجه وخلص الكلام تمام ولا ايه 

سمر 

طب انا عاوز اعرف بدل انت صاحب مافيا معقوله عندك ضمير وعاوز ترجع الحق لاصحابه 

سمير بضحك 

ههههههههههه الود ودي والله اني انا اخذ الفلوس واخلص عليك دلوقتي وانت قاعده وطبعا الكلام ده بالنسبه لي كاني بلعب اتاري لكن البص الكبير هو اللي امر بكده ان انت تاخدي الفلوس علشان كله ياخذ حقه 

وطبعا لازم احولهم لك على حسابك في البنك عشان البص يطمن ان انت وصل لك كل حاجه 

سمر 

تمام حسابي في البنك اهو من بكره تحولهم لي ولما نشوف اللى الاسم اشرف ده هيظهر امتى

هو فعلا سمير حول لسمر 20 مليون جنيه على حسابها وبعد شهرين بالضبط سمر لقت واحد اسمه اشرف عمال يجيلها علشان ياخذ منها الفلوس 

                             بااااااااك 

سمر

هي دي كل الحكايه انت بقى ايه اللي دخلك في الموضوع يا سليم 

سليم بضحك 

هههههههه ما هو اللي انت ما تعرفيهوش بقى يا مدام سمر ان انا ومحمود الصياد كنا من ضمن المافيا دي والبص ضحك عليا انا ومحمود الصياد وطلعنا من المولد بلا حمص 

سمر 

ماشي وايه المطلوب يا سليم مش عجباني نبره صوتك 

سليم 

المطلوب يا سموره يا جميله ان انت هتديني 15 مليون جنيه هتدي لاشرف مليون جنيه وحلال عليك الا 4 مليون جنيه والكلام ده مش برضاك ده غصب عنك 

سمر 

يا سلام يا سلام ولو قلت لا هتعمل ايه يعني يا ابن شيماء 

سليم 

مش هعمل حاجه خالص اللي هيعمل هو اشرف انت مش هتروحي اصلا النهارده البيت يا حلو وهنخطفك لحد ما تدينا ال 15 مليون جنيه واول ما نستلمهم من البنك ساعتها هنروحك بيت المنشاوي ثاني قلت ايه 

سمر كانت متوتره جدا وعملت نفسها بطنها وجعاها وقامت بسرعه ومسكت شنطتها وجريت من المطعم كله واشرف وسليم جري وراه واول ما خرجت من باب المطعم خبطتها عربيه وقعت من طولها وكانت دم بينزل منها من كل ناحيه 

ولاد الحلال خدوها وجريوا بيها على المستشفى 

وهناك في المستشفى سليم واشرف راحوا وراهم وكانوا مستخبيين على جنب وسمع الدكتور وهو بيقول 

حاله الحادثه اللي لسه واصله الله يرحمها يا ريت تتعرفوا على اهلها عشان يجي يستلموا الجثه 

اشرف 

ايه الحظ المهبب ده يعني كده خلاص سمر ماتت وما فيش فلوس 

سليم 

انا كنت عارف ان انا من يوم وانا نحس وبصراحه هي تستاهل انها تغور في داهيه وتموت اشمعنا امي يعني ماتت 

الدكتور 

جثه المدام اللي جوه لازم تتنقل التلاجه حالا لحد ما اهلها يجوا يستلموها 

وبعد كده حصل .......

المنقبه في بيت المنشاوي 

د

الحلقه الخامسه 

بقلم هويدا زغلول 

الدكتور 

جثه المدام اللي جوه لازم تتنقل التلاجه حالا لحد ما اهلها يجوا يستلموها 

اشرف 

يلا بينا احنا بقى يا سليم بيه علشان ما حدش يشك فينا دي مدام سمر ماتت واحنا ما ينفعش يكون موجودين هنا من اصله 

سليم 

اول مره اقول حاجه صح يا غبي عندك حق احنا لازم نمشي من هنا عشان لو جدي المنشاوي جه وشافني هيعرف ان انا السبب في موتها يلا بينا 

اشرف 

ربنا يعوض علينا بقى في كل الفلوس اللي راحت عليه كان لازم يعني تروح دلوقتي ما كانت تستنى شويه نكون خدنا فلوسنا على الاقل 

سليم 

اعمل ايه ما انا من يوم ما شفتك وتعرفت عليك والنحس مسكت يلا بينا يا نحس نروح بيتك او انا ليا مكان غيره دلوقتي 

اشرف 

ده انت تنورني يا سليم بيه يلا بينا 

وبعديها سليم واشرف مشيوا 

اما في ثلاجه المستشفى عند الدكتور الممرضه بتقول

الممرضه 

يا دكتور البنت اللي راحت في الحادثه دي سنها 15 سنه ومعهاش تليفون ولا اي حاجه يا ترى هنوصل لاهلها ازاي 

دكتور 

اكيد معاها صوره نزليها في كل مكان علشان اهلها يعرفوا يوصلوا لها وانا دلوقتي رايح اشوف الحاله الثانيه اللي جت في حادثه عربيه برده 

الممرضه 

ايوه فعلا هي ست كبيره ولا صغيره جت في حادثه عربيه لكن مش فاكره اي حاجه مش عارفه لا اسمها ايه ولا ساكنه فين لكن معاها تليفونها ومعاها كل اوراقها وكلمنا اهلها وطلعت مرات ابني المنشاوي بيه وحاليا هو جاي في السكه 

الدكتور 

تمام قوي كده هروح اطمن عليها وانت ما تسيبيش الحاله الطفله الصغيره دي غير لما اهلها يجي ويستلموها

اما في اوضه المستشفى عند سمر الدكتور داخل عليها وبيقول لها 

دكتور عزمي 

 اهلا وسهلا بيكي يا مدام سمر احنا عرفنا اسمك من البطاقه بتاعتك انت ازاي مش فاكره اسمك 

سمر 

انا مش فاكره اي حاجه يا دكتور ومش عارفه ايه اللي جابني هنا اصلا هو انا كده عندي ايه 

الدكتور 

للاسف انت عندك فقدان ذاكرة ونسيتي كل حاجه اهم حاجه دلوقتي تهدي وترتاحي علشان الستات الرقيقه اللي زيك لازم يرتاح ويهدوا شويه 

سمر رومانسيه 

ياه ستات رقيقه تصدق يا دكتور ان انا قربت انسى ان انا ست الدنيا دي غداره قوي يا دكتور حضرتك اسمك ايه 

عزمي برومانسيه 

اسم دكتور عزمي ويا ريت تقولي لي عزمي بس ونشيل الالقاب وحمد لله على سلامتك يا سموره 

سمر بضحك 

انا فعلا مش فاكره اسمي ايه بس سموره مره واحده ماشي اهو ادلع شويه لحد ما افتكر انا مين

عزمي 

متاسف جدا في فضولي هو انت مش متجوزه ولا ايه اصل شكلك صغير جدا 

سمر

انا مش عارفه اذا كنت متجوزه ولا لا انا صدقني مش فاكره اي حاجه

عزمي 

من لاجل حظي ان انت ان شاء الله تطلعي مش متجوزه بصراحه يا سموره انا اول ما شفتك اعجبت بيكي اه عارف ان احنا مش صغيرين لكن الحب بيجي في اي وقت 

وطبعا سمر قلبها دقه على طول اول ما سمعت الكلام ده من عزمي لكن هي مش فاكره اي حاجه ومش عارفه اي حاجه 

وفي الوقت ده دخل المنشاوي وسماح وجميله ومروان والمنشاوي قال 

المنشاوي

ازيك يا دكتور انا المنشاوي اكيد حضرتك عارفني سمر مرات ابني مالها ايه اللي جرى لها 

عزمي بزعل 

هي مدام سمر تبقى مرات ابنك اه اهلا وسهلا بيك يا منشاوي بيه طبعا عارف حضرتك هي كل الحكايه جات لنا في حادثه عربيه وللاسف هي فقره الذاكره ومش فاكره اي حاجه 

سماح 

ادي له ايه دي فرصتي وجات لي يا عيني حبيبتي يا سموره ده انا هرجع لك الذاكره على طول او ما في حد تيجي للفرصه ويقول لها لا 

جميله 

يا نهار ابيض الف سلامه عليك يا حماتي زعلتيني بجد عليك هو احنا بس ايه اللي بيحصل لنا يا جدي كل شويه تحصل مصيبه كده 

مروان 

عشان خاطري يا امي فوقي وحاولي تفتكري اي حاجه عشان نعرف مين اللي عمل كده فيك واذا كانت حادثه عاديه ولا مدبره وبعدين المنشاوي الصغير محتاج حضنك وحنانك يا حبيبتي 

سمر باستغراب 

هو انتم تعرفوني طب ممكن تعرفوني عن نفسكم انا فعلا مش فاكره اي حاجه بس الولد الصغير ده انا اول ما شفته خد قلبي على طول ممكن تديهوني لو سمحت 

مروان 

طبعا يا امي انا ابقى مروان ابنك وده المنشاوي الصغير حفيدك يا حبيبتي 

سمر بصه لعزمى وقالت له 

سمر 

طلعت مش الصغيره في السن اهو يا دكتوره عزمي زي ما انت ما قلت لي طلعت جده

عزمي 

برده صغيره في السن يا بخته حفيدك بيكي قصدي الف سلامه عليك يا مدام سمر 

سماح 

يا حنين يا حنين ايه الرومانسيه دي يا سلام يا سلام هي المستشفيات بقى فيها دكاتره حنينين قوي كده ولا الاوبشن ده لسموره بس 

عزمي اتوتر واتكسف واستاذن وخرج بره وسمر قالت لسماح 

سمر

هو انت تبقي مين ممكن تعرفيني عليك 

سماح 

انا ابقى حماتك يا عينيا لازم تسمعي كلامي في كل كلمه بقولها 

سمر 

اه طبعا هسمع كلامك في كل حاجه بس معقوله حماتى وصغيره في السن قوي كده

سماح 

ايوه يا حبيبتي اصل انا بهتم بنفسي وبهتم ببشرتي وعلى طول بعمل ماسكات كثير علشان كده تلاقيني عمري ما اعجز اصل انا سني بيموت اللي يشوفني يديني 25 سنه 

سمر بضحك

دمك خفيف قوي يا حماتي انا حاسه ان انا كنت بحبك قوي 

سماح 

سبحان الله يا حبيبتي كنت بتحبيني قوي قوي وبتسمعي كلامي وعمرك ما كسرتني كلمه 

مروان 

طيب انا هروح بقى يا جدي الحسابات عشان ناخد ماما ونروح على طول 

وبعديها فعلا جميله قعدت تساعد سمر علشان تلم حاجاتها وتروح الفيلا وهي خارجه من الاوضه المستشفى دكتوره عزمي راح لها وقال لها 

عزمي 

حمد لله على سلامتك يا مدام سمر ممكن اسلم عليك عشان ممكن ما اقدرش اشوفك  ثاني 

سمر رومانسيه 

شكرا جدا ليك يا دكتور وشكرا على اهتمامك على اذن حضرتك 

سماح 

عدينا لو سمحت يا روميو يوه قصدي عدينا يا دكتور 

وبعديها كل العيله روحت البيت سمر كانت رجليها تعباها شويه لكن كان اللي تاعبها اكثر فقدان الذاكره

وبعديها كل العيله راحوا الفيلا واول ما دخلوا سمر قالت 

سمر 

الله ايه القصر الجميل ده معقوله هو انا كنت عايشه في البيت الجميل ده 

جميله 

ايوه طبعا يا حماتي هو ده كان بيتك وليكي اوضه جميله جدا زيك فيها هدومك واكسسواراتك انت من يومك وانت شيك يا حبيبتي 

سمر 

بدل قلت يا حماتي يبقى انت مرات ابني اللي شفته من شويه صح كده ومامه الولد الامور 

مروان 

صح كده يا ست الكل انا عاوزك بقى ترتاحي شويه لحد ما اطلع انا وجميله ننيم المنشاوي الصغير وننزل نقعد معاكي 

المنشاوي 

وانا كمان هدخل اوضه المكتب عشان اخلص شغل عليا كتير يرتاحي يا سمر ما تفكريش كثير يا حبيبتي والف سلامه عليك 

وبعديها كل العيله مشيت الا سماح وسمر فضله في صاله الفيلا وسماح قالت بزعيق 

سماح 

في ايه يا بت يا سمر انت واقفه متنحه كده ليه يلا اعملي اللي كنت بتعمليه كل يوم ولا اوريكي العين الحمراء وعايزه تشوفي شغل حماوات على حق 

سمر بخوف 

طب ايه اللي انا كنت بعمله كل يوم يا حماتي عرفيني وانا اعمله لك يا حبيبتي 

سماح 

كنت كل يوم بتجيبي طبق ميه سخنه بملح وتحطي رجلى فيها وبتعملي لي مساج ايه يا حبيبتي لحقتي نسيتي ولا ايه 

سمر 

معقوله انا كنت برده على نفسي ان انا اعمل كده 

سماح بزعيق 

هو في ايه يا بنت انت انت هتكذبيني ولا ايه لا بقول لك ايه انا ممكن امشيكي على بيت ابوكي واطردك من الفيلا انا هنا سيده القصر 

سمر 

حاضر يا حماتي هعمل لك كل اللي انت عاوزاه 

وفعلا سمر جابت طبق ميه سخنه وفي ملح وحاطط رجل سماح فيه وقعدت تعمل لها مساج وسعديه خرجت من المطبخ وبتقول

سعديه 

سبحان المعز المذل ايه اللي بيحصل ده معقوله سمر هاني اللي بتشخط وبتنطر بتغسل رجلي مدام سماح يا سبحان الله 

وبعد شويه سمر قالت 

سمر 

انا خلصت اهو يا حماتي عاوزه مني اي حاجه تانيه 

سماح 

يوه بقى معقوله مش عارفه الحاجات اللي كنت بتعمليها كل يوم انت بعد ما بتعملي لي مساج رجلي كنت بتسرحي لي شعري وبتعملي لي بطاطس محمره وبتاكليني في بق كمان 

سمر 

معقوله انا كنت بعمل كل ده

سماح 

يوه بقى هو احنا اللي هنعيد وهنزيده ما قلت لك ايوه انت بتعملي كل ده اخلصي بقى في يومك ده 

سمر 

حاضر يا حماتي ما تزعليش نفسك هعمل لك كل اللي انت عاوزاه هسرح لك شعرك واكلك البطاطس المحمره في بقك كمان 

وفعلا سمر عملت كل حاجه سماح عاوزاها وبعد ما خلصت وتعبت قالت لها 

سمر 

انا تعبت قوي يا حماتي ممكن بس ارتاح شويه اصل انا عامله حادثه ورجلي هي وجعاني مش قادره اقف 

سماح 

انت كنت بتقعدي جنبي على الارض يا حبيبتي عمرك ما قعدتي جنبي على الكنبه ابدا لا بقول لك ايه هي الحادثه دي هتيجي على دماغي انا 

سمر 

خلاص يا حماتي ما تزعليش نفسك انا هقعد جنبك على الارض 

وفي الوقت ده نزل مروان وجميله وقال 

مروان 

ايه ده يا ماما انت قاعده هنا كده ليه من امتى وانت بتقعدي على الارض يا حبيبتي اطلعي اقعدي على الصالون 

سمر 

اصل حماتي قالت لي 

وسماح قطعتها في الكلام وقالت 

سماح 

حماتي ايه وبتاع ايه بقول لك ايه يا بنت انت انت من ساعه ما عملت الحادثه وانت عايشه دور الخدامه ما اعرفش مالها يا مروان كل شويه عماله تغسل لي في رجلي وتسرح لي شعري وتخيلي يا جميله بتاكل البطاطس المحمره في بقها باين كده فقدان الصغيره جالها بشغل الخدامين يا اختي 

سمر 

بس انت يا حماتي قلتي لي 

سماح بزعيق 

ولا كلمه الا الكذب تبين كده حنيتي اصلك باين كده والله اعلم اصل كان خدامه يا سمر انا هدخل بقى اشوف صبري حبيبي عامل ايه 

سمر 

ومين صبري ده كمان 

سماح 

وانت مالك انت يخرب بيت دماغك حتى وانت فاقده الذاكره حشره مناخيرك الكبيره دي يا انثى الجربوع 

اما في المستشفى عند رنا مصطفى راح لها وقال لها 

مصطفى 

عرفيني يا رنا ليه عملت كده يا حبيبتي ليه دمرت مستقبلك ليه ما رضيتيش بحياتك ورضيتى بنصيبك

رنا 

وانت كنت النهارده ازاي اقول لك خلاص هشيل الرحم وعمري ما هكون امي في يوم من الايام ازاي عايزني ارضى حاجه زي دي 

مصطفى 

يعني واللي انت عملتيه ده كان هو صح يا بنتي انت دمرتي مستقبلك ودمرتي مستقبل جوزك اختك يسعد ايام حياتها وهي بتدور على ابنها ليه عملتي كل ده

رنا بدموع 

انا عارفه ان اهم حاجه عندك جميله وحياه جميله وابن جميله اما انا ابقى غور في داهيه عادي جدا من زمان وانت بتحب جميله اكثر مني وماما حبيبتي هي اللي كانت بتحبني ومن ساعتها ما حدش بقى يحبني بعديها 

مصطفى 

انت اللي عملت في نفسك كده وامك كمان اللي عملت فيك كده كانت دايما معرفاكي ان صح غلط ولا غلط صح عمرها ما علمتك الصح من الغلط عشان كده انت فكرت ان الدنيا كلها سايبه 

رنا 

سيبني في حالي يا بابا اعتبرني ان انا كمان رحت زي ماما رحت وما لكوش دعوه بيا وخلي مراد يطلقني ويتجوز واحده ثانيه انا مش عاوزه اكون عاله على حد

مصطفى 

انت ربنا مديكي راجل بيحبك وبيخاف عليك ليه بتعملي فيه كده يا بنتي عقلي علشان تخرجي من هنا وتبتدي حياه جميله مع جوزك 

رنا بضحك 

ههههههههه وهي فين الحياه الجميله دي خلاص بقيت ارض بور ولا هعرف اجيب عيل ورا هعرف ابقى زي اي ام في الدنيا يبقى ايه اللي يخرجني هنا انا هنا احسن يا بابا ولو سمحت ما تجيش ثاني تزورني انا عايزه ابقى لوحدي 

مصطفى بزعل 

لا اله الا الله ليه بس كده يا بنتي ليه بتعملي كده في نفسك انا همشي دلوقتي وعشان خاطري فكري في كلامي وعقلي يا رنا 

اما عن سمر كانت قاعده في اوضتها سرحانه مع كلام دكتوره عزمي الرومانسي وقد ايه هي حست انها فراشه طايره في السماء من كلامه الجميل 

وفي الوقت ده دخلت عليها سماح اوضتها وقالت 

سماح 

نعم نعم يا حبيبتي في واحده برده تسيب حماتها بالطريقه دي قومي يلا فزي علشان تعملي فطير مشلتت وكم قرصه كده 

سمر 

معقوله يا حماتي انا بعرف اعمل كل ده لوحدي 

سماح 

ايوه طبعا يلا قومي وغيري اللبس اللي انت لابساه ده والبسي لبس غيره علشان تعجني يا حبيبتي هو انت فلحه غير في اللفت والعجن ثواني وتكوني ورايا

وبعديها سمر غيرت هدومها ونزلت المطبخ مع سماح 

وسماح قعدتها على الارض في طبق بلاستيك وقعدت تحطي دقيق وميه وسمر قعدت تعجن وتقول 

سمر 

معقوله انا كنت بعرف اعجن امال ليه مش عارفه اعمل اي حاجه يا حماتي 

سماح 

معلش معلش بكره تعلمي يلا بسرعه علشان تعملي قرصتين حلوين بحب افطر فيهم مع الشاي بلبن يعجني كمان يا بنت يا سمر 

سمر 

حاضر يا حماتي اديني بقى هنا اهو كده كويس 

في الوقت ده جميله دخلت المطبخ وقالت 

جميله 

يا نهار ابيض ايه اللي انت بتعمليه ده بس يا حماتي 

سمر 

اعمل ايه يا جميله ما هي حماتي عاوزه مني كده ولو قلت لها لا ممكن تطردني من البيت لازم اسمع كلامها 

جميله 

ليه بس كده يا خالتي بلاش تعملي معاها كده الله يخليك هي متعوده على العز انت ليه بتذليها كل ده علشان  هي فاقده الذاكره 

سماح 

وانا اعمل ايه يا حبيبتي هي اللي غاويه مرمطه وغاويه خدمه كل ما اقول لها بلاش يا سمر ما تعمليش يا سمر تقول لي ابدا ابدا لازم ادوقك قرصتين من ايدي ولازم ادوقك الفطير المشلتت من ايدي 

سمر 

يا نهار ابيض هو انت ليه بتغيري الكلام بالطريقه دي انا ما قلتش كده 

سماح 

في ايه يا بنت يا سمر على اخر الزمن هتكدبي حماتك ولا ايه اقفي عوج بتكلمي عدل معايا علشان ما ازعلكيش مني 

جميله 

خلاص يا خالتي بقى كفايه هزار لحد كده وتعالي معايا يا حماتي غيري هدومك دي يا حبيبتي واطلعي اوضتك اقعدي فيها معززه مكرمه وبلاش تطلعي منها عشان باين كده خالتي هتلعب معاكي لعبه القط والفار لحد ما ترجع لك الذاكره

وبعديها جميله طلعت اوضتها واتكلمت مع مروان وقالت له 

جميله 

بعد اذنك يا مروان انا عاوزه اخلي السواق يوصلني على المستشفى اللي فيها رنا واروح ازورها هي برده اختي ومش هقدر اسيبها لوحدها في الظرف ده 

مروان 

ازاي يا جميله مسامحاها بعد كل اللي هي عملته فيكي ده دي وجعه قلبك على ابنك انت مش هتبطلي الطيبه اللي انت فيها دي اللي مخليه الكل طمعان فيكي

جميله 

سامحني يا مروان بس دي اختي ومش هينفع اسيبها في ظرف زي ده لازم اكون جنبها وهي ما اذيتش ابني هي بس الخبر اللي سمعته انها هتشيل الرحم عمى عينيها وعمى قلبها وخلاها مش واخده بالها هي بتعمل ايه

مروان 

براحتك يا جميله انا مش هقدر اقول لك لا زوري اختك زي ما انت ما عاوزه لكن ابني مش هيروح عندها ابدا لو ايه اللي حصل روحي على طول وتعالي بسرعه 

وبعديها جميله ركبت العربيه وراحت المستشفى عند رنا واول ما دخلت قالت لها 

جميله 

عامله ايه يا رنا انا جايه اطمن عليك يا حبيبتي بقيتي احسن النهارده وتقدري تخرجي ولا لسه برده نفسيتك تعبانه 

رنا بدموع 

معقوله يا جميله جيتي تبصي عليا بعد اللي انا عملته فيكي واحده غيرك كانت بلغت عني البوليس ورمتني في السجن بجد انا مش عارفه اعتذر لك ازاي بس صدقيني انا ما كنتشاوي ابدا انا كنت بحبه جدا 

جميله 

عارفه يا حبيبتي وما تخافيش ربنا رحيم بعباده وهيعوضك خير على كل الايام الصعبه اللي انت شفتيها بس انت اصبري وقولي الحمد لله على كل حاجه 

رنا 

مش قادره اصبر يا جميله انا ما اتربيتش على كده وما اتعودتش على كده انا اتعودت على كل حاجه انا عاوزاها بتكون عندي في ساعتها لكن انت اتعلمت الصبر على كل حاجه لحد ما في الاخر ربنا اداكي كل حاجه اما انا 

جميله 

ما تكمليش كلامك يا رنا الله اعلم بكره في ايه قولي يا رب يا حبيبتي بس انت بس اخرجي من المستشفى وانا هاخدك وهعالجك على حسابي حتى لو هسفرك بره لكن بلاش تكوني كئيبه كده 

رنا

وانت عايزاني اكون متفائله ليه يا جميله واخرج من المستشفى لمين وعشان ايه انا خلاص ما بقاش ليا اي حد وهفضل في المستشفى ومش عاوزه حد فيكم يجي يزورني ثاني 

جميله 

انت ازاي بتقولي كده انت ومراد قصه حب ما تتعوضش وانا متاكده ان مربي يحبك ومش هيسيبك عشان خاطري اخرجى من المستشفى 

واكيد هيكون في حل وهو عمره ما يستغنى عنك 

رنا 

عشان خاطري يا جميله امشي من هنا وبلاش تيجي تاني واحده غيرك تكون مش عايزه تبصي في وشي اصلا انا مش عارفه انت ازاي بتساعديني معقوله انت قلبك ابيض وطيب بالطريقه دي 

جميله 

ايوه طبعا انا بحبك وانت اختي حبيبتي انا ما ليش غيرك وهفضل وراكي لحد ما اخليك تخرجي من المستشفى ونلاقي حل انا وانت وترجعي لحياتك تاني وسعادتك انت ومراد ثاني يا حبيبتي

وبعد شويه جميله روحت البيت 

وثاني يوم سمر صحيت من النوم لبست هدومها الشيك وسرحت شعرها تسريحتها الطبيعيه ونزلت على سلم الفيلا واول ما شافتها سماح قالت 

سماح 

ايه ده ايه ده انت شكل الذاكره رجعت لك ولا ايه ده انت رجعت لاصلك اهو ونسيتي دور الخدامه 

سمر 

لو سمحت يا حماتي انا رايحه مشوار مهم جدا وهاجي على طول بعد اما اجي لازم نقعد مع بعض قاعده كويسه علشان نتكلم 

سماح بتوتر 

يا سواد الحلل انا حاسه يا بت ان انت فعلا ذاكره رجعت لك انا بعرف اقرا لغه العيون 

سمر 

ونبقى نتكلم في اللغه العيون ده بعدين برده عن اذنك 

وبعديها راحت على بيت اشرف وخبطت الباب وسليم هو اللي فتح وقال بتوتر

سليم بتوتر 

ايه ده بقى هو انا اتضحك عليا ولا ايه ولا انا لسه بحلم هو انت مش متي يا ستي انت ولا ايه انا سامع الدكتور بنفسه وهو بيقول لازم اهلك يجيبه علشان يستلموا الجثه

سمر 

لا يا سليم انا ما متش وموجوده اهو وجايه علشان اقول لك اللي عندك اعمله ومش هتاخد مني ولا مليم ويا ريت تعرفني مين اللي موت خلود ومين اصحاب المافيا 

سليم 

كده كده انا هحكي لك كل حاجه لاني انا بتكلم مع واحده ومخطوفه عشان انت مش هتمشي من هنا بعد ثانيه واحده وهخطفك يا سمر لحد ما تتنازلي عن كل فلوسك اللي فين البنك ولا حتى هتاخدي مليون جنيه 

وبدا سليم يحكي كل حاجه وقال 

سليم 

انا رجل من رجاله المافيا واللي موت خلود اختك هو محمود الصياد علشان خالفت الاتفاق معاه اما اللي هيموتك انت هو انا بس بعد ما اخذ منك كل الفلوس اللي معاكي 

سمر 

وانت فخور بنفسك كده ليه ان انت رجل من رجاله المافيا هي دي حاجه تشرف 

سليم 

ايوه طبعا حاجه تشرف وانا فرحان ومبسوط بكده وعملت كل الجرايم اللي انت تتخيليها وهعمل كمان وكل ده علشان الفلوس عشان انا واحد بحب الفلوس جدا 

وفي الوقت ده اشرف صحي من النوم واول ما شاف سمر اتوتر وقال 

اشرف 

سواد الحلل هو انت اسيبتي الكتكوته عفريته ولا ايه مين دي يا سليم باشا 

سمر 

لا يا اشرف انا مش عفريته انا قدرك الاسود في الدنيا وبعد شويه هتعرفوا ليه انا قدركو اسود

اشرف 

طب انت عاوزه ايه دلوقتي 

سمر

عاوزه اعرف كل الشغل اللي انت كنت بتشتغلوه وكل الجرائم اللي انتم عملتوها وانا اديكم كل الفلوس بس عندي فضول اعرف انتم عملتوا ايه تاني 

وبدا سليم واشرف يحكوا على كل الجرايم اللي هم عملوها في حياتهم كلها وفي الوقت ده البوليس دخل عليهم الشقه وقال 

وبعد كده حصل .......

#المنتقبه في بيت المنشاوي 

#الحلقه السادسه 

#بقلم هويدا زغلول 

المنتقبه الجميله داخل القصر 

الجزء الثاني 

الحلقه السادسه 

وبدا سليم واشرف يحكوا على كل الجرايم اللي هم عملوها في حياتهم كلها وفي الوقت ده البوليس دخل عليهم الشقه وقال 

الظابط 

اهلا بك يا سليم المنشاوي لثاني مره انت اللي تسلم نفسك بنفسك برافو عليك ريحتنا ومسكتنا طرف الخيط بتاع المافيا واحنا كده هنقبض على الكل

اشرف 

يا نهار اسود يا سواد الحلل هو احنا كده اتقبض علينا ولا ايه ده احنا اعترفنا بكل حاجه يا سليم ليه قصاد الحكومه احنا كده كده لبسنا التهمه خلاص 

سليم بغل 

انا كده فهمت كلمتك يا سمر ان انت قدرنا الاسود ماشي يا سمر بلغتي عننا البوليس ومثلتي علينا ان انت موتي حلو قوي الكلام ده بس ما تخافيش انا هطلع من السجن تاني وهعرف انتقم منك ازاي كويسه قوى

سمر

لا يا ابن شيماء مش كل مره تسلم الجره المره دي انا متاكده انت مش هتعرف تخرج من السجن تاني ابدا يا ابني ده انت عامل جرايم عاوز عمر على عمرك علشان تقضيها في السجن 

وبعديها الظابط قبض على سليم واشرف واخدهم في البوكس وراحوا السجن 

اما سمر راحت في كافيه عشان تشرب كوبايه قهوه وتريح اعصابها شويه وافتكرت كل اللي 

                      فلاش بااااك 

سمر كانت بتجري من اشرف وسليم ومره واحده خبطتها عربيه واغمى عليها واتعورت لكن كانت سامعه صوت سليم واشرف وهم بيقولوا احنا مش هنسيبها وهنفضل وراها لحد ما نخطفها 

وبعد كده ولاد الحلال ودوها في المستشفى وهناك سمر قررت ان هي تتصنع انها فقدت الذاكره علشان اشرف وسليم يبعدوا عنها 

وطبعا بعديها روحت البيت وثاني يوم لبست علشان تنتقم من سليم وتاخد حقها وراحت لقسم الشرطه وحكت للظابط على كل حاجه والظابط اتفق معاها ان هو هيجي ومعاه القوات علشان يسمع حقيقه سليم ويبلغ عنه

وكده تبقى سمر ارتحت من سليم واشرف اكبر كابوس في حياتها عشان كانوا عاوزين ينهوا على حياتها علشان ياخدوا كل فلوسها 

                            بااااااك

في الكافيه كانت قاعده سمر وقالت في نفسها 

سمر 

يا ترى دكتوره عزمي هو ده العوض اللي هيجي يعوضني على كل الايام السوداء اللي انا شفتها مع كريم وهل حمايا هيرضى يخليني اتطلق من كريم واتجوز دكتور عزمي 

وبعديها سمر قررت انها تروح المستشفى علشان تشكروا لانه كان مهتم بيها جدا 

في المستشفى سمر دخلت على مكتب دكتور عزمي وقالت 

سمر 

ازيك يا دكتور ممكن ادخل اطمن على حضرتك انا سمر حضرتك فاكرني 

عزمي 

معقوله فاكراني هنساكي في حد برده بينسى اللي خطف قلبي وعقله انا من ساعه ما شفتك يا سموره وانا مش عارف انساك عامله ايه دلوقتي طمنيني عليك يا ترى رجعت لك الذاكره ولا لسه 

سمر 

بصراحه يا دكتور انا ما كنتش فافقده الذاكره اصلا انا عملت كده علشان كنت خايفه من الناس يؤذوني 

عزم الضحك 

طب ما انا عارف هو انت ناسيه ان انا دكتور ولا ايه انا عملت لك اشاعه واتاكدت ان انت مش فاقده الذاكره ولما قلت انا مش فاكره حاجه سبتك براحتك قلت يمكن عندك وجهه نظر وعاوزه تعمليها 

سمر بضحك 

يا نهار ابيض يا دكتور يعني حضرتك كنت عارف كل حاجه متاسفه جدا بس كان في كابوس في حياتي والحمد لله ارتحت منه النهارده والنهارده جايه بشكر حضرتك وبقول لك انت انسان جميل قوي 

عزمي 

مش اجمل منك يا سموره وبما انه احنا بقينا في بيننا صراحه قولي لي بقى انت فعلا جوزك موجود معاكي ولا ايه 

سمر

بصراحه يا دكتور عزمي انا جوزي في السجن وقبل ما يدخل السجن اصلا انا معتبره كريم جوزي مش موجود لاني مش بيحبني ولا انا بحبه 

عزمي 

حلو قوي قوي الكلام ده ممكن بقى رقم تليفونك علشان انا عاوز اتعرف عليك بس قبل ما اتعرف عليك عاوز اعرف مصير جوزك ايه علشان الكلام يكون على اصول 

سمر 

بصراحه انا مصير جوزي اني عاوزه ابدا امشي في ورق الخلع مش عاوزه اكمل حياتي معايا لما يطلع من السجن ومش عارفه اذا كان حمايا المنشاوي هيرضى ولا لا 

عزمي 

انا كل اللي هقدر اقوله لك دلوقتي يا سموره ان انا لقيت نص التاني ولقيت حياتي اللي كانت ضايعه مني اللي هو انت انا عارف ان الكلام ده بدري قوي عليه بس صدقيني الكلام طالع من قلبي انا من اول ما شفتك ومش عارف انساك 

سمر 

ربنا يخليك يا دكتور عزمي صدقني الكلام ده انا اول مره اسمعه في حياتي اول مره احس ان انا ليا قيمه وفي انسان بيحبني

عزمي 

معقوله انت اللي زيك يتحب من اول نظره على فكره انا لسه شاب ما دخلتش دنيا ولا اتجوزت علشان ما لقيتش اللي تخبط على قلبي واول ما شفتك انت مش خبطتي على قلبي وبس انت دخلتي وربعتي كمان ومش عارف انساك يا سموره 

سمر بكسوف 

ربنا يخليك يا دكتور عزمي عن اذنك بقى انا لازم امشي دلوقتي ورقمي مع حضرتك ممكن تكلمني في اي وقت 

وبعديها سمر روحت الفيلا هو اول ما سمح شافتها قالت لها 

سماح 

اهلا اهلا بالصايعه الضايعه كنت فين يا حلوه ده كله مش معنى ان انا سبت لك السايب في السايب تروحي بالليل كده

سمر 

يا نهار ابيض حقك عليا يا حماتي انا غلطانه اوعي تزعلي مني ابدا انا هدخل اعمل لك كوبايه قهوه انما ايه تعدل مزاجك وكمان هجيب لك طبق ميه واغسل لك رجليك فيه يا حبيبتي 

سماح بتوتر 

بقول لك ايه يا بت يا سمر نبره حسك فيها الثقه كده ليه انا مش مرتاحه لك بس على العموم يلا على فرصتي جت لحد عندي وعمري ما اسيبها ابدا على المطبخ وثواني والاقي فنجان القهوه عندي 

وبعديها سمر دخلت عملت كوبايه قهوه لسماح وحطيت لها فيها ملين 

وحطت في طبق الميه شطه بدل الملح 

وسمر قالت لها 

اتفضلي يا حماتي شفتي بقى دلع احسن من كده حطي رجلك هنا وامسكي اشربي كوبايه القهوه والف هنا على قلبك يا حبيبتي 

وبعديها سماح مسكت كوبايه القهوه وشربت وحطت رجليها في الميه ام شطه وبعد شويه بقت تقول

سماح 

اعاااااا  اعاااااا اعاااااا 

الحقوني يا ناس الحقوني يا هو هو انا ايه اللي بيحصل لي ده بنت يا سعديه هي القهوه فيها ايه هي فين البنت سمر البنت دي مش طبيعيه دي بتنتقم مني انا حاسه 

سعديه 

ملك بس يا ستي سماح ما هي الست سمر بتسمع كلامك في كل حاجه اهي عاوزه منها ايه ثاني

سماح 

الحقيني يا بنت يا سعديه رجل شطه نار فيها نار والقهوه مش طبيعيه عايزه اخش الحمام يا نهار ابيض اوعي يا بنت اخش الحمام 

وبعديها سماح جريت على الحمام اللي في الدور الاول وكانت سمر جوه وقفل الباب بالمفتاح عليها وسماح قالت 

سماح 

ايه ده من جوه اطلعوا بسرعه انا عاوز ادخل الحمام ده رجل شطه نار منك لله يا سمر 

سمر 

ايه ده يا حماتي مالك يا حبيبتي عاوزه حاجه ولا ايه لو عاوزه تدخلي قولي كلمه السر الاول يا عينيا 

سماح 

يا نهار ابوك اسود يا انثى الجربوع كلمه السر ايه افتحي الباب يا بنت مش قادره هموت يا ناس هموت يا اهو 

سمر 

لا يا حماتي كلمه السر غلط 

سماح 

يا بنت المبقعه يا حربايه افتح الباب بقول لك مش قادره اقف وبطني بتتقطع 

سمر 

ولا دي كمان كلمه السر يا حماتي اقول لك على حاجه اطلعي فوق في الحمام بتاع اوضتك احسن برده عشان انا مش هفتح ريحي نفسك 

سماح 

اه يا انثى الجربوع اصبري عليا افوق لك بس وشوفي هعمل فيك ايه يا سمر انا تعملي معايا كده ده ليلتك سوداء النهارده

وبعديها سماح طلعت على الحمام اللي في اوضتها لكن برده ايه الشطه اللي في رجليها ما ارتاحتش ابدا وبقيت عمال اتصرخ منها

وسماح كده فهمت ان سمر رجعت لها الذاكره وبتنتقم منها فقررت انها تقعد في اوضتها وما تنزلش منها النهارده وفجاه ولقت النور بيطفى يولع لوحده وقالت سماح 

سماح بخوف

اى ده بقى بسم الله الرحمن الرحيم انا بخاف من العفاريت قوى انتو مين يا عم انت انت شكلك خطر يالا 

وطلع شبح من الدولاب وقال 

الشبح 

انا عفريت ايامك السوده يا سماح اصبرى عليا أما وريتك الليالى بجميع الوانها مبقاش انا شبح مهلبيه ابن عبير وهو ده اسمي وما تسالنيش ليه وعشان ايه

سماح

الله يخليك يا عم البسبوسه قصدى يا مهلبيه ملكش دعوه بيا انا عارفه ان انا من يومي وانا نحس بدل ما تطلع لي وتقول لي شبيك لبيك اطلبي اللي انت عاوزاه جاي تهددني

الشبح 

هو انتى لسه شوفتى نحس اصبرى عليا انا هوريكى ايام سوده زى وشك وبعد كده شبيك لبيك ايه الدنيا غليت وما بقيناش نعرف احلام حد

سماخ بخوف

بصى يا مهلبيه يا ابن عبير لو عاوزه تورينى ايام فخليها بنفسجى يا اخويا لكن لو مصمم تورينى ايام سوده روح عند البت سمر دى انثى الجربوع وتستاهل ضرب على دماغها

الشبح

انتى لو قلتى تانى على سمر الكلام ده تانى هقصلك شعرك يا سماح يا حربوقه الا سمر هانم محدش يزعلها ابدا سامعه ولا لا يا سماح 

سماح 

حاضر يا اخويا مش هزعل سمر ابدا وهبدا معاها كلام كله حلو ومعسل وعلى ميه بيضاء كمان بس الله يخليك انصرف انصرف وبلاش تؤذيني يا مهلبيه يا ابن عبير 

الشبح 

انت هتنزلي دلوقتي هتبوسي على راس سمر وتعملي لها كل اللي هي عايزاه واوعي تزعليها تاني ولو عملت عكس كده انت عارفه اللي هيجرى لك من مهلبيه ابن عبير انا ما بهزرش يا سماح 

سماح

حاضر يا اخويا حاضر انا هروح اهو ابوس على دماغها وابوس ايديها كمان بس ابعد عني وما لكش دعوه بي انصرف انصرف ربنا يجعل كلامنا خفيف عليكم يا رب 

وبعديها سماح خرجت من اوضتها عماله تبص شمال ويمين وكانت خايفه جدا واول ما شافت جميله قالت لها 

سماح 

بنت يا جميله ده الموضوع انا بجد وطلع لي شبح يا اختي اسمه مهلبيه ابن عبير وقال ايه زعلان قوي على سمر حماتك انا خايفه قوي 

جميله 

ايه اللي انت بتقوليه ده يا خالتي شبح ايه وبتاع ايه هو احنا في ايام علاء الدين وعلي بابا احنا في الزمن بتاعنا ده الكلام ده مش موجود خرافات يا حبيبتي اهدي كده وامسكي المنشاوي الصغير خليه معاكي 

سماح 

ماشي يا اختي بس خشي اوضتي  وهاتي الواد صبري عشان من كتر خوفي من الشبح سبته لوحده وخرجت بره الاوضه اشتاتا اشتوت ربنا يجعل كلامنا خفيف عليكم يا عم الشبح يا مهلبيه يا ابن عبير 

وبعديها سماح خدت المنشاوي الصغير ونزلت قعدت فى صاله الفيلا واول ما شافت سمر قالت لها 

سماح 

يا صباح العسل يا صباح القشطه يا صباح المهلبيه بالجبنه الرايبه اوعي تزعلي مني يا سموره انا وانت هنبقى اخوات واصحاب يا حبيبتي من هنا ورايح 

سمر 

ايه ده يا حماتي مالك بتتكلمي كده ليه هو انت سخنه ولا ايه معقوله الكلام الحلو ده كله ليا انا ايه اللي غيرك فجاه كده بقى 

سماح 

بصراحه كده يا سموره الكدب خيبه انا لحماتك ولا اعرفك يا اختي انا لسه متجوزه ما كملتش سنه في البيت المنشاوي اوعي تزعلي مني انا كنت بهزر معاكي وانت ما كنتيش بتعملي الحاجات اللي انا خليتك تعمليها خلي قلبك ابيض بقى صافيه لبن 

سمر 

حليب يا قشطه يا مدام سماح انا مش زعلانه مالك بتترعش كده ليه ايه اللي حصل يا حبيبتي لكل ده معقوله مدام سماح بتخاف امال فين الست كتكوته وفوزيه القرعه وام حزمبل

سماح 

لا يا حبيبتي ما فيش هو انت تعرفي حاجه عن الاشباح اصل انا طلع شبح وقعد معايا وخوفني اسمه مهلبيه ابن عبير الكلام ده صح ولا انا عندي تهيؤات وبعدين اصحابي دول انا شايلاهم لوقت ثاني

سمر 

عندك تهيؤات طبعا يا مدام سماح شبح ايه وايه الاسم الغريب ده في شبح في الدنيا اسمه مهلبيه ابن عبير ده جاي من اني محل حلويات ده 

سماح بضحك 

جاتك ايه يا مضروبه طلع دمك خفيف اهو امال مالك حاطه مناخيرك في السما ليه ولا بتتكلمي معايا ولا بتهزري ودائما بتكلميني من طراطيف مناخيرك 

سمر 

لا عادي يا مدام سماح انا بس اللي ما بحبش الهزار الكثير وبصراحه كده كانت عندي سلفه مكرهاني الناس كلها عشان كده كنت دايما كئيب بس شهاده لله انت اول ما دخلت الفيلا وبقت كلها فرفشه ونعنشه

 

سماح 

ايوه طبعا عارفه انا اصلا اسمي في الحقيقه النعنوشه الفرفوشه دايما في الحاره يقولوا الفرفوشه جت النعنوشه راحت ههههههههه

سمر 

بس انت كده مش هتخلي جيرانك اللي في الحاره يجوا الفيلا تاني صح 

سماح 

نعم يا اختي ايه اللي انت بتقوليه ده لا طبعا ده انا هكلمهم في التليفون واخليهم يحضروا المايوهات علشان يجوا وينزلوا البسين هنا يا حبه عيني ما همش فلوس يروحوا المصيف بس على مين طول ما انا موجوده هم هيكونوا قد الدنيا 

وطبعا سمر اتصدمت ومن كتر الصدمه سابتها وقامت 

اما جميله راحت تجيب صبري ودخلت على اوضه مروان ومروان مسك صبري وقال 

مروان 

ايه ده امال فين المنشاوي انت جايبه لي صبري ليه بس تصدقي ايه الولد ده خد قلبي هو كمان وانا مش هخليه يطلع من الفيلا ابدا وهعتبره ابني وهيتربى هو والمنشاوي مع بعض وهيخشوا المدرسه مع بعض كمان 

جميله 

يا حبيبي يا مروان برافو عليك انا بحسب ممكن تغير منه عشان خاطر ابنك يكون احسن منه هم فعلا هيكونوا مع بعض في المدرسه عشان هم في سن واحد 

مروان 

اي حاجه من ناحيتك انت وخالتك يا روح قلبي انا احطها في عينيا ربنا يخليكي ليا يا اجمل حاجه في حياتي 

جميله 

بس احب اقول لك وافرحك ان مامتك بقت كويسه عشان عملت قصتها الممتازه اللي متعوده تعملها وكمان لبست كل اكسسواراتها وسمر هانم عمرها ما تعمل كده غير لما تكون ثقتها رجعت لها 

مروان 

قصدك ايه يا جميله ان انا امي الذاكره رجعت لها من غير ما اتعرف حد فينا 

جميله 

على فكره يا مروان مامتك ما فقدتش الذاكره اصلا بس انا نفسي اعرف هي ليه عملت كده ولازم افهم ولو سمحت تعالى نروح نتكلم معاها شويه ونعرف هي ناويه على ايه 

مروان 

بعدين بعدين كل الكلام ده روحي يلا ودي صبري عند خالتك وتعالي عشان ننزل انا وانت نتفسح شويه بقى لنا كتير ما خرجناش يا حبيبتي 

جميله 

بس كده من عيني الاتنين ثواني وهكون عندك يا حبيبي

وبعديها سماح دخلت اوضتها علشان تغير هدومها واول ما دخلت الشبح طلع لها وقال لها 

الشبح 

طمنيني يا سماح صالحتي سمر وبداتي معاها صفحه جديده ولا ايه المقص في ايديا اهو وهحلق لك شعرك قرعه وهتكوني زلبطه واخلي الناس تضحك عليك 

سماح 

يا اخويا انت بتعمل معايا كده ليه يا دي الليله السوداء هو انت في حد مسلطك عليا ما تروح عند الشبح كنافه ابن المسطوله ولا بسبوسه ابن المهبوله وابعد عني يا مهلبيه يا ابن عبير 

الشبح 

يا نهار ابيض هو انت بتغلطي في اسمي وكمان بتتريقي على اسمي ده انت ليلتك النهارده بنفسجي يا سماح 

سماح 

بنفسجي بنفسجي يا اخويا مش احسن من الايام السوداء اللي انت عاوز توريها لي ده ايه الحزن ده بقول لك اي هو انت مش ناوي تمشي وتسيبني بقى ولا هتفضل ترعبني كده كل شويه 

الشبح 

همشي من حياتك ومش هاجي تاني وقت ما الاقيك عملتي سمر كويس وما ترخميش عليها يا سماح وتبطلي حركاتك دي 

سماح 

حاضر يا اخويا بس انصرف انصرف الله يخليك وامشي من هنا بقى اقول لك على حاجه انا اللي سايبه لك الاوضه كلها وماشيه 

وسمر طلعت خرجت جري من الاوضه وهي مرعوبه وعماله تقول انصرف بقى يا مهلبيه يا ابن عبير يا رب تمشي من الفيلا يا مهلبيه يا ابن عبير 

سعديه 

مالك يا مدام سماح نفسك في مهلبيه ثواني وتكون عندك يا حبيبتي دي سهله قوي 

سماح 

اسكتي يا بنت يا سعديه ما تجيبليش سيره المهلبيه ده انا عندي عقده من ديه 

سمر 

مالك بس يا موحه صوتك عالي كده ليه اهدي شويه علشان ما يطقلكيش عرق وتروحي مننا والمنشاوي يقعد يبقى زعلان عليك 

سماح 

انا مش مطمنه لك يا بنت يا سمر مالك بتتكلمي عليا كانك بتتريقي كده ليه بقول لك ايه انت من ساعه ما عملت تسريحه شعرك وحطيتك اكسسواراتك وانا مش مرتاحه لك يا بنت هي الذاكره رجعت لك 

سمر 

يا ريت يا حماتي ترجع لي نفسي اعرف مين اللي عمل فيا كده بس اعمل ايه يلا بقى هو ده نصيبي في دنيتي وانا رضيت بيه 

سماح 

طيب ماشي ابعدي عني بقى وما لكيش دعوه بي انت بالذات علشان الشبح بيحبك يا اختي ومش عاوز حد يزعلك ابدا

وبعد شويه المنشاوي جه ودخل مكتب وطلب سمر ودخلت له وقالت له 

المنشاوي 

ليه يا سمر ما قلتليش كل الحقيقه انا عرفت كل حاجه وعرفت ان انت ما كنتيش فاقده الذاكره ولا حاجه وعملت كل التمثيليه دي علشان تخلي سليم يتحبس ثاني

سمر 

انا عارفه يا حمايا ان انت اكتر واحد هتزعل جدا على سليم بس صدقني ايه الكلام ده في مصلحه الكل سليم خارج من السجن علشان ينتقم مننا كلنا ويدمر حياتها واكيد ده ما كانش هيرضيك وكمان معاه واحد شيطان اسمه اشرف كان هيخرب حياتنا كلنا وانا اول واحده 

المنشاوي بحزن 

ما تفتكريش ان الموضوع سهل عليا يا سمر لما الاقي حفيدي بيروح مني للمره الثانيه وانا مش عارف اعمل له اي حاجه 

سمر 

بس انت عرفت الكلام ده كله منين يا حمايا 

المنشاوي 

سليم طلب يقابلني في السجن ورحت له وحكى لي على كل حاجه وهو فعلا ندمان بس اعمل ايه القانون لازم ياخذ حقه من المجرم 

سمر 

ما تزعلش يا حمايا سليم غلط ولازم يتعاقب بس ممكن اطلب منك طلب وما تسالنيش ليه

المنشاوي 

قولي يا سمر عاوزه ايه يا حبيبتي انت مش بنتي وبس انت حبيبتي ومرات ابني وروح قلبي وانا ما اقدرش اكسر لك اي كلمه 

سمر 

انا عاوزه اخلع كريم جوزي يا حمايا بصراحه كده مش عاوزه اكون على ذمته ولا عاوزه اكمل معاه حياتي لما يخرج من السجن حضرتك موافق ولا ممكن تزعل مني

المنشاوى

يا سمر يا حبيبتي انت تهميني اكتر من كريم موافق طبعا تعملي خلع دي حياتك وانت حره فيها ولو عاوزه تتجوزي طبعا انت حره يا حبيبتي انا ما اقدرش اغصبك على حاجه كفايه ان هو كان مزعلك منه جوه السجن وبره السجن 

سمر 

ربنا يخليك ليا ياحمايا  ومعلش كمان طلب وما تسالنيش ليه وده اهم طلب

المنشاوي 

طلباتك كترت والغازك كمان كترت يا سموره بس قولي يا حبيبتي عاوزه ايه

سمر 

ما تعرفش مدام سماح ان انا الذاكره رجعت لي مش عاوزه اي حد يعرف انا هعرف الكل في الوقت المناسب يا حمايا ممكن 

 مش عاوزه اي حد يعرف انا هعرف الكل في الوقت المناسب يا حمايا ممكن 

المنشاوى

ايوه طبعا يا حبيبتي ممكن دي حاجه تخصك انت وما ينفعش حد يتدخل فيها ابدا وخلي بالك من نفسك يا سمر عشان انت تهميني زي عيالي بالظبط يا حبيبتي 

وبعديها سمر والمنشاوي خرجوا من المكتب

ولما المنشاوى لقى سماح بتكلم نفسها قال 

المنشاوى 

مالك بس يا موحه انتى بتكلمى نفسك ليه كده 

انتى اتجننتى ولا اى يا حبيبتي هو ايه اللي حصل للبيت ده بس يا ربي

سماح 

الشبح يا شوشو معرفش عاوز منى اى كل شويه يطلعلى وانا خايفه اوى هو مفيش غيرى ولا اى

سمر 

برده هتقولى شبح يا حماتى اى الكلام الغريب ده انتى متعلمه واعقل من كده مفيش الكلام ده قال شبح قال معقوله موحه تخاف من الاشباح

سماح

بس يا سمر اسكتى انتى مش فاهمه حاجه دى الشبح مش عاوز يسيبنى قال اى بيحبنى انا عارفه ان انا اتحب بس معقوله توصل الاشباح يا شوشو 

المنشاوى

 طبعا يا روح قلبى هو فى زيك دا انت تتحبى من اول نظره يا عيون 

يلا ادخلى ريحى في اوضتك شويه يمكن اعصابك تعبانه يا حبيبتى 

وبعديها سماح دخلت تنام ولقت الشبح مسك ايديها ومع مقص وماسك شعر سماح 

وبعد كده حصل .....

المنتقبه الجميله داخل القصر 

الجزء الثاني 

بقلم هويدا زغلول 

الحلقه السابعه 

وبعديها سماح دخلت تنام ولقت الشبح مسك ايديها ومع مقص وماسك شعر سماح وقال 

الشبح 

بصراحه كده انا صبرت عليك كثير قوي يا سماح وخلاص صبري نفذ ولازم احقق امنيه حياتي واحلق لك شعرك قرعه ولما نشوف المنشاوي بقى هيشوفك اموره برده ولا ايه 

سماح 

يا لهوي يا لهوي ابعد عني يا مهلبيه يا ابن عبير ابوس ايدك ملكش دعوه بيا الحقوني يا ناس الحقوني ياهو الشبح عاوز يقص شعري 

الشبح 

انسي ما حدش هيسمعك ولا حد هيلحقك مني انت خلاص بتاعتي النهارده وهقص شعرك وهخلص عليك وهيوريكي ايام زي وشك يا سماح 

سماح 

ابعد عني ابوس ايدك اعمل ايه ما انا عملت كل اللي انت قلت لي عليه وقعدت اكلم سمر كويس وبوست راسها هعمل لك ايه ثاني يا مهلبيه يا ابن عبير ابعد عني وروح لامك عبير بقى 

والشبح في الوقت ده المقص وقع منه على الارض وقال بصوت مدلع 

الشبح 

اوبس سوري سوري ثواني هجيب المقص واطلع لك يا سماح 

سماح بصدمه

اوبس سوري سوري ايه الكلام الغريب ده يا مهلبيه يا ابن عبير تعالى كده وريني نفسك انا مش ما بقتش اخاف منك خلاص 

وفي الوقت ده سماح مسكت العبايه السوداء اللي كان لابسها الشبح وشالتها من عليه ولقت سمر وقالت لها 

سماح 

ده ليلتك سوداء النهارده يا حربوقه يا بنت المبقعه بقى انا تقعديني يومين خايفه وهموت في جلدي من كتر الرعب وفي الاخر انت اللي تكوني عامله فيا المقلب ده 

سمر 

سوري سوري انا كنت بهزر معاكي يا مدام سماح لو موافقه ان احنا نذيع هنذيع على طول 

سماح 

ده انا اللي هزيع روحك في التلفزيون لما اخدها ده ليلتك سوداء النهارده ليه عملت فيا كده هو انا عملت لك ايه لكل ده 

سمر 

عملتي لي ايه ده انت وريتيني ايام سوداء بقى انا كنت بغسل لك رجلك يا مدام سماح وكنت بسرح لك شعرك وكنت بعمل فطير مشلتت وكمان قرص ده انت بهدلتيني وخليتيني خدامه وطلعتي عينيا 

سماح 

بصي بقى يا سمر كده كتير يا حبيبتي وانا مسامحاكي على كل اللي انت عملتيه ولازم نبدا مع بعض صفحه جديده علشان المنشاوي الصغير وصبري محتاج لنا يا حبيبتي ولازم نربيهم تربيه كويسه 

سمر 

واو بجد ده انت قلبك ابيض قوي يا مدام سماح معقوله مش زعلانه مني بعد كل اللي انا عملته معاكي ده خلاص انا كمان موافقه اني ابدا معاكي صفحه جديده 

وبعديها سماح وسمر اتصافوا واتصالحوا وبقىوا كويسين جدا مع بعض 

اما تاني يوم الكل قاعد على السفره وسماح قالت 

سماح 

احب اقول لك جميع ان سمر الحربوقه قصدي ان سمر حبيبتي ما كانتش فاقده الذاكره ولا حاجه هي اللي كانت ممثله التمثيليه دي وهي اللي هتحكي لنا دلوقتي ايه اللي هي عملته ده 

مروان 

بجد يا ماما انت ما كنتيش فاخده الذاكره طب ليه عملت كل ده يا حبيبتي 

جميله 

انا كنت متاكده يا حماتي ان انت مش واخده الذاكره خالص اعمل ايه عشره عمر بقى بفهمك لما بتكوني عاوزه تخبي حاجه عليا 

سمر 

بصراحه يا جماعه انا وقعت في ايد مافيا كبيره جدا والمافيا دي للاسف كان اللي شغال فيها سليم المنشاوي وهو اللي كان عاوز يخلص عليا المره اللي فاتت علشان كده كنت بجري منه وعملت حادثه العربيه ودخلت المستشفى وقلت لازم اعمل نفسي فاقده الذاكره علشان سليم المنشاوي يبعد عني هو فعلا قدرت اخليه قدام البوليس يعترف بكل حاجه وسليم المنشاوي حاليا في السجن وكده خلاص الكابوس اللي احنا كنا خايفين منه يا جميله انتهى وراح 

جميله بارتياح 

الحمد لله طمنتيني حماتي انا كنت خايفه على المنشاوي الصغير جدا جدا كويس انه دلوقتي راح وانتهى 

المنشاوي 

خلاص بقى يا جماعه يا ريت نقفل ونغير الموضوع ده وانت يا جميله يلا انت ومروان علشان نروح الشركه عشان ورانا شغل كثير جدا

وبعديها مروان وجميله راحوا الشركه مع المنشاوي 

واول ما جميله دخلت المكتب بتاعها لقت استاذ باهر سكرتير الشركه المنافسه بيتكلم معاها وبيقول 

باهر 

اهلا بك يا مدام جميله انا مستنيك بقى لي ساعه انا باهر وابقى سكرتير شركه الحامد والحاج حامد بنفسه باعتني علشان اقول لك يا ريت تسيبي الصفقه دي وبلاش نخش في خلافات مع بعض 

جميله 

يا نهار ابيض والحاج باهر ما رضاش يجي بنفسه ليه بيتهيا لي المنشاوي بيه مش مقصر معاه في اي حاجه على العموم الصفقه دي تخصنا يا استاذ باهر وعرف صاحب الشركه ان احنا مش هينسحب ابدا 

باهر

بس انا بستغرب معقوله في واحده منتقبه وبالصوت الجميل ده وبالرقه دي وبالعيون الجميله دي وبتشتغل في الشركه انت اللي زيك يقعد في البيت معززه مكرمه وكل حاجه تيجي لحد عندك 

جميله التوتر 

متشكره جدا يا استاذ باهر على الزياره دي اتفضل مع السلامه ويا ريت اي كلام ثاني في الشغل تكلم استاذ مروان جوزي 

باهر

هو حضرتك تبقي مدام استاذ مروان والله عنده حق ان هو يجيبك تشتغلي في الشركه تحت عينيه دي حاجه كويسه جدا 

جميله 

للمره الثانيه بقول لحضرتك مع السلامه 

باهر 

طيب انا شكلي كده بطرد انا هقوم امشي بس بصراحه مش هقدر انسى جمال عيونك ورقت صوتك 

وفي الوقت ده مروان دخل المكتب وقال بزعيق

مروان 

ايه قله الادب والسفاله دي يا محترم انت تبقى مين وازاي تتكلم مع مراتي بالطريقه دي وانت يا محترمه ازاي تخليه يتكلم معاكي كده ازاي ما ناديتيش عليا 

جميله التوتر 

اهدى بس يا مروان ده استاذ باهر السكرتير شركه الحامد كان جاي علشان يخلينا ننسحب من الصفقه بس انا قلت له مع السلامه وقفته عند حده 

مروان 

وانت بقى السكرتير بتاع شركه الحامد جايه علشان تتكلم في الشغل ولا جايه عشان تتقدم لمراتي يا حيوان انا هعرفك ازاي تكلم مراتي بالطريقه دي وتعاكسها 

وفجاه مروان مسك باهر واداله علقه موت 

وامن الشركه والمنشاوي وكل الموظفين اتلموا على الخناقه دي والمنشاوي قال 

المنشاوي 

بس يا مروان ما يصحش كده يا حبيبي الواد هيروح في ايديك اوعى امشي يا ابني وما تجيش هنا ثاني 

مروان 

انت ازاي بتمشيه يا جدي ده قليل الادب ولازم يتربى وانا اللي هعرف اربيهه ازاي 

المنشاوي 

ما ينفعش كده يا مروان انت انسان محترم ومتربي يا ابني مش بلطجي يلا كل واحد على شغله وكل واحد يشوف وراه ايه وانت يا مروان خد جميله وروح حلوه مشاكلكم في البيت مش في الشغل 

وبعد كل الموظفين والمنشاوي خرجوا بره مكتب جميله مروان قال 

مروان 

مالك زعلانه كده ليه شكلك كده كان عاجبك الكلام السكرتير الحيوان اللي اسمه باهر ولا ايه يا مؤدبه 

جميله بصدمه 

انت بتتكلم بيد يا مروان انت بتشك فيا اخص عليك انا همشي وهروح الفيلا عند ابني ومش هشتغل في الشركه دي ثاني عشان انت كده عديت حدودك معايا 

مروان مسك ايديها بقوه وقال 

مروان 

لما اكلمك يا مؤدبه يا محترمه ما تسيبيش جوزك وتمشي هو ده اللي ابوك ربه لك ولا انت محتاجه تربيه من اول وجديد 

جميله بزعل 

لا يا مروان انا ابويا رباني كويس قوي وانا محترمه ومؤدبه فعلا والاثبات على كده ارجع لسنه ورا وانت هتعرف انا كنت قاعده تحت رجليك ازاي وعمري ما كليت ولا مليت ويوم ما وقفت على رجلك زعلتني وشكيت فيا شكرا جدا يا ابن الاصول عن اذنك 

وبعديها جميله روحت الفيلا وكانت عينيها وارمه من كتر العياط واول ما شافتها سماح وسمر قالوا 

سماح 

بنت يا جميله مالك يا قلب امك مين زعلك تعالي هنا احكي لي 

جميله 

ما فيش حاجه يا خالتو سيبيني الله يخليك مش عاوزه اتكلم مع حد انا عايزه اقعد لوحدي شويه 

وبعديها جميله طلعت فوق على اوضتها وسمر وسماح جري وراها ودخل الاوضه وسمر قالت لها 

سمر 

في ايه يا جميله اكيد مروان تعبان عشان كده انت زعلانه طمنيني على ابني يا حبيبتي هو كويس 

جميله 

ابنك كويس جدا يا حماتي ما تخافيش عليه انا اللي مش كويسه وتعرفي مين اللي زعلني هو ابنك هني وغلط فيا قصاد كل الموظفين 

سماح 

غلط في مين يا عنيا ده ليله امه سوداء النهارده لا مؤاخذه يا سمر بس لا يا حبيبتي انتم لو فاكرينها ان هي ما لهاش اهل تبقوا غلطانين 

سمر 

ايه الكلام اللي انت بتقوليه ده يا مدام سماح جميله بنتي زي مروان بالظبط واستحاله اقبل ان هو يزعلها ما تزعليش يا جميله حقك علي انا يا حبيبتي انا هتدخل واعرف ايه اللي حصل 

جميله 

بعد اذنك يا حماتي مش عايزه اي حد يتدخل انا ومروان هنحل مشاكلنا لوحدنا وبعد اذنك يا حماتي انت وخالتي سيبوني اقعد مع المنشاوي الصغير لوحدي 

سماح 

حاضر يا حبيبتي هنمشي اهو ونسيبك براحتك اوعي تزعلي نفسك لو عايزاني امسك لك امه سمر اكلها علقه انا ما عنديش مانع ده انا ممكن اكعبرها كده والعب بيها كوره لا مؤاخذه يا سموره 

سمر

ايه الكلام ده يا مدام سماح تعالي بقى هنسيبها تقعد لوحدها وننزل انا وانت نقعد نتكلم مع بعض شويه وتحكي لي عن ايام زمان وجمالها 

سماح 

يلا يا بنت يا سموره نتكلم انا وانت كلام ستات لحد ابن المبقعه اللي اسمه مروان لما يجي واعرف ازاي يزعل بنتي جميله لا مؤاخذه يا سموره 

وبعديها سماح وسمر نزلوا في الجنينه وقعدوا باشربوا القهوه وبيتكلموا مع بعض وسمر تليفونها رن وفرحت على طول واتكلمت وقالت 

سمر

الو ازيك يا دكتور عزمي حضرتك عامل ايه 

عزمى

تصدقي فرحتيني ان انت سجلتي رقمي وكمان فاكراني عامله ايه يا سمر اعذريني ان انا بقول لك كده لان خلاص انا مش معتبرك مريضه انا معتبرك نص الثاني 

سمر بكسوف 

ربنا يخليك وشكرا على كلامك الجميل ده 

عزمى

تقبلي عزومتى النهارده يا سموره على الغداء لو سمحتي اوعي ترفضي لاني انا نفسي اشوفك قوي النهارده

سمر 

ايوه طبعا موافقه ابعث لي العنوان وساعه زمن ونتقابل يا دكتور عزمي ومتشكره جدا على العزومه الجميله دي فعلا جت في وقتها الواحد كان نفسه يغير جو جدا

وبعديها سمر قفلت التليفون وهي في حاله رومانسيه جدا وسماح قالت 

سماح 

ادي له ادي يا سموره اكيد ده حب ده عينيك يا بنت بتطلع قلوب وورد ونجوم وبتقول بحبك بحبك ويا ترى مين دكتوره عزمي الجنتل مان اللي كان في المستشفى صح 

سمر 

اه يا مدام سماح لما ربنا بيبعت عبده بيكون حاجه جميله قوي 

سماح 

بس انا بصراحه يا اختي مش عارفه اجيبها لك ازاي هو انت ناسيه ان انت متجوزه والكلام ده ما يصحش وحرام ولا انت شايفه ايه 

سمر 

انا اتفقت مع حمايا ان انا هخلع كريم وهو وافق وانا حاليا كلمت المحامي ومشى في اجراءات الخلع انا مش هينفع اكمل مع كريم حتى لو خرج من السجن انا شفت ايام سوداء معاه يا مدام سماح انت ما تعرفيش انا شفت معاه ايه 

سماح 

لا يا اختي خدت بالي ما هي الايام السوداء طافحه على وشك اهي ومخليه اسود شبه ايامك انت بقى دلوقتي هتسيبيني اقعد لوحدي زي قرده قطع وتروحي انت مع العريس الجديد ماشي ماشي فينك يا منشاوي يا حبيبي 

سمر 

معلش بقى يا مدام سماح هخرج الخروج الجميله دي ولما ارجع هبقى احكي لك على كل حاجه 

سماح 

عذراك يا اختي عذراكي الحب لما بيخبط على الباب ولا بيعرف سن ولا بيعرف اي حاجه بيجي في اول لحظه 

وبعديها سمر قامت لبست علشان تقابل دكتور عزمي في المطعم 

واول ما دخلت سمر المطعم ولقت عزمي مستنيها وقاعد على ترابيزه وشد لها الكرسي علشان تقعد عليه وقال لها 

عزمي 

ايه القمر ده يا سموره انا مش قد الجمال ده معقوله الجمال ده كله هشوفه كل يوم 

سمر 

انا اللي مش قد كلامك الحلو ده كله يا دكتور عزمي

عزمي 

لو سمحتي بلاش كلمه دكتور دي انا اسمي عزمي خلاص يا ريت بقى نتكلم مع بعض من غير تكاليف ولا ايه يا سموره 

سمر 

حاضر يا عزمى اللي تشوفه

وفي الوقت ده سمر وعزمي كانوا قاعدين بيبصوا لبعض بصات رومانسيه جدا ومره واحده لقت مزيكا اشتغلت والتورته جت وكل موظفين بتوع المطعم عملوا حفله لسمر بمناسبه الخطوبه الجميله وعزمي خرج علبه حمراء وقعد على ركبته وقال 

عزمى

تقبلي تتجوزيني يا سموره 

سمر بصدمه 

يا نهار ابيض كل ده عشاني انا يا عزمي انت حنين قوي ورومانسي قوي طبعا موافقه انا عمري ما هلاقي راجل في حنيتك تاني يا عزمي انت اللي زيك خلص من زمان 

وسمر كانت فرحانه جدا من التورته وخاتم الخطوبه والحفله الصغيره اللي عزمي عملها لها فعلا كانت مفاجاه جميله ليها 

وبعد ما سمر قبلت خاتم الخطوبه وكل الموظفين راحوا مكانهم والحفله خلصت سمر قالت 

سمر

انا موافقه على جوازنا بس بصراحه انا ليا كبير وهو حمايه المنشاوي بيه لازم تيجي وتطلب ايديا منه وانا خلاص الاسبوع الجاي هخلع كريم 

عزمي 

انت طيبه قوي يا سمر معقوله مفكره حماكي ممكن يقبل بيا بالسهوله دي وكمان هتخلعي ابنه ياه بطلي الطيبه دي انت كبيره كفايه انك توافقي على جوازنا 

سمر

لا يا عزمي يبقى انت كده ما تعرفش المنشاوي حمايه ده اطيب واحد في الدنيا وهو اللي مشي معايا في ورق الخلع علشان اخلع كريم مستنياك بكره تيجي تتقدم لي من المنشاوي بس على العموم انا موافقه بيك 

عزمى

وهو ده اهم حاجه عندي يا نور عينيا ربنا يخليكي ليا واقدر اساعدك واعيش انا وانت اجمل ايام حياتنا يا سموره حياتي 

وبعديها سمر خلصت قاعده مع عزمي وروحت الفيلا واول ما دخلت من باب الفيلا كانت الصدمه الكبيره لما لقت ام حازمبل والست كتكوته وفوزيه القرعه بيعوموا في البسين وام حزامبل بتقول 

ام حازمبل 

الله على الميه وجمالها ربنا يخليكي لنا يا ست سماح زغرتي يا اللي منتش غرمانه حاجه 

كتكوته 

لولولولى

فوزيه 

بصراحه بصراحه ربنا يخليكي لينا يا ست سماح ويخليك للغلابه ان شاء الله المره الجايه هلم اطفالي الحاره ونيجي هنا نبلبط في البسين يلا يا اولاد غنوا معايا 

انا عاوزه ابلبط ودوني البحر عاوزه اعمل تش عاوزه اغير جو ابلبط ابلبط ابلبط 

سماح 

يا حبايبي يا جيراني ده انتم منورينني بنت يا سعديه خلصي يا بنت واعملي الغداء واوعي تنسي اللحمه الضاني عشان فوزيه القرعه والست كتكوته بيحبوها وصينيه البسبوسه يا بت عشان ام حزامبل 

سمر بزعيق 

ايه اللي انت عملتيه ده يا ست سماح احنا ما اتفقناش على كده قلبتي لي الفيلا مصيف لا لا كده كثير وكده اوفر يا ناس 

سماح 

اعمل لك ايه يا اختي مش انت اللي رحت عشان تقابلي روميو بتاعك وسبتيني لوحدي وانا ما بحبش الوحده كلمت جيراني وحبايبي وجم علشان نبلبط في الميه شويه 

ام حازمبل 

ما تروحي يا اختي تلبسي المايوه بتاعك وتعالي كده انزلي بلطي معانا في الميه دي الميه جميله والجو جميل 

فوزيه 

مالك يا ست سمر بتكلمينا من مناخيرك كده ليه هو احنا مش قد المقام ولا ايه نمشي يا ست سماح وخلاص عشان ما نعمل لكيش مشاكل 

سماح 

تمشوا ده ايه انتوا بتهزروا لا طبعا ده هي اللي تمشي بقول لك ايه يا سمر اوعي تزعلي اصحابي وجراني انا بقول لك اهو 

وكتكوته جت تطلع من الميه وام حزمبل قالت لها 

ام حازمبل 

انت رايحه فين يا كتكوته ما تخليكي في الميه طالعه لي يا حبيبتي اوعي تكوني زعلتي من الست سمر لا لا ده البيت ده بيت الست سماح هي هنا سيده القصر

كتكوته 

لا انا مش زعلانه ولا حاجه انا عارفه ان البيت بيتنا وما فيش حد يقدر يطردنا انا بس عاوزه ادخل الحمام 

فوزيه 

كتك نيله ما تعمليها في البسين ما انا عملتها ثلاث مرات هو في حد واخد باله ههههههه

سمر 

اعاااااا اعاااااا اعاااااا يا نهار اسود ومنيل خدتي بالك من الكلام يا ست سماح لا لا كده اوفر كده كتير انا مش هعدي من جنب البسين ده ثاني اصلا 

سماح 

عنك ما عديتي يا حبيبتي يعني انت عايزه جارتي حبيبتي تتعب نفسها ولا ايه يا سلام براحتكم يا جماعه البيت بيتكم يا حبايبي 

فوزيه 

ربنا يخليكي يا ست سماح بصراحه كده انا عاوزاكي في مشروع حلو قوي احنا بالبضاعه وانت بالمكان وهيكسب الماظ ايه رايك نتوكل على الله 

سماح 

متاكده يا بنت يا فوزيه ان هو مشروع مربح ولا نص كم عرفيني عشان فلوسي ما تترميش على الارض 

ام حازمبل 

مشروع مربح جدا جدا هيبقى اكل بيتي وهنسميه الشيف سماح والاكل البيتي

كتكوته 

وهيكون شعارنا ما تشيليش هم يا ست الكل مع الست سماح اكلك زي الفل 

سماح 

طب والله فكره يا بنات انا موافقه طبعا شوفوا امتى هنبدا المشروع وعلى بركه الله 

ام حزمبل 

ايوه كده هو ده الكلام الصح ربنا يخليكي لنا يا ست سماح زغرتي يا اللي ما انتش غرمانه حاجه 

كتكوته 

لولولولى

اما سمر كانت في اوضتها هتموت من الغيظ عماله تبص من الشباك ورايحه جايه جايه رايحه عاوزه الناس دي تمشي باي طريقه علشان متضايقه منهم جدا

اما في اخر اليوم مروان كان راجع من شركته وكان زهقان جدا عشان هو مزعل جميله واول ما دخل الاوضه لقاها عنيها وارمه من كتر العياط زعل بزياده وكانت مقطعه قلبه وقال 

مروان 

انت مالك قاعده كده ليه وما غسلتيش وشك ليه لحد دلوقتي ليه عيونك وارمه كده من العياط انا ما عملتلكيش حاجه على فكره بلاش تكبري الموضوع 

جميله 

لو سمحت يا مروان قفل على الموضوع انا مش عاوزه اتكلم في اي حاجه ولو سمحت انا زعلي وحش جدا ومش بتصفى بسهوله انت لحد دلوقتي ما جربتش الزعلى

مروان 

انت رايحه فين قلت لك كذا مره لما اكلمك اوعي تسيبيني وتمشي ما تضايقنيش بحركاتك دي يا جميله 

جميله 

انا مش بضايقك يا مروان كل الحكايه ان انا عندي بكره مشوار بدري ولازم انام علشان اقدر اصحى واخلص المشوار ده لانه مشوار مهم جدا على قلبى 

مروان 

ممكن اعرف بقى ايه هو المشوار المهم ده ولا حضرتك بقى عندك اسرار عن جوزك ما ينفعش يعرفها

جميله 

هو ولا سر ولا حاجه كل الحكايه ان انا رايحه بكره المستشفى عند رنا علشان اتنازل عن المحضر واطلع بكفايه عليها قوي كده لازم تطلع تشوف حياتها وبصراحه انا بعتها ان انا هعالجها على حسابي لحد ما ربنا يكرمها بحمل 

مروان بصدمه 

انت اتجننتي صح لا بقى انت كده عديت حدودك وزياده هو انت يا مؤدبه ما عندكيش راجل تستاذنيه ولا هي الدنيا بقت سايب في السايب يا جميله لحد كده وقفي عند حدك 

جميله 

بكفايه بقى يا مروان زعيق دي كفايه تقل مني انا مؤدبه ومحترمه ولو سمحت لحد كده حلو قوي دي اختي وما تتكلمش عليها بالطريقه دي 

مروان 

دي واحده مجنونه وكانت بتخطف ابني وعاوزه تعمل فيه حاجه واللي تاذي ابني مره ممكن تاذيه 1000 مره ومره ازاي عاوزه تسامحيها وتطلعيها بالسهوله دي انا مش هسمح لك تعملي كده ابدا 

جميله 

لو سمحت ما بتتكلمش على رضا كده رنا مش مجنونه رنا كانت تعبانه نفسيا في اليوم ده وغصب عنها خدت المنشاوي بس خد بالك هي ما كانتش ناويه تاذيه ابدا دي كانت ناويه تحافظ عليه وانا مش هرضى ان اختي تترمي في المستشفى الامراض العقليه بسببي انا 

مروان 

خلاصه الكلام يا جميله ما فيش حد هيطلع من المستشفى ابدا وانت مش رايحه بكره تخرجي اختك وابقي وريني هتكسري كلمتي ازاي 

جميله 

لا بقى انت ما ينفعش تكلمني بالطريقه دي انا مش عبده عندك يا مروان وهكسر كلمتك وهروح بكره اخرج اختي من المستشفى واللي عندك اعمله 

مروان 

خدي بالك يا جميله انت كده بتلعبي بالنار وممكن تخربي على بيتك وانت كده بتطلبي الطلاق بس بطريقه مميزه

جميله 

جميله اللي عندك اعمله يا مروان انا ما بخافش من الطلاق ابدا وكلمتك وهكسرها علشان انا مش عبده عندك والواحده الذكيه اللي تعرف تعيش في اي بيئه وفي اي مكان وانا عمري ما خفت من الطلاق 

مروان بعصبيه 

بقى كده يا جميله يعني انت هتكسري كلمتي طب روحي وانت طال

وبعد كده حصل ......

انتظرونا في الحلقه القادمه

تعديل المقال