رواية بنات نادر والقدر البارت السابع والثامن بقلم زهرة الرمان حصريه وجديده على مدونة النجم المتوهج للروايات والمعلومات
امشي أعوَج والهملك
هم اهملة الموس من يمشي عدل محد يحمله
مساء الورد 🌹
ادخلو اهلا وسهلا. ... تأخرت كاتبتكم زهره الرمان لحتى نتعرف.
لا تخافون من هوسه الصوت.... ...
هاي المكموش شعرها وتنظرب هي اني. أما الحقوده الدا تضربني هي عذراء. احنا رويسيه اني اكبر منها ب 11شهر
اما الكامشه عوده الماسحه وتلسوع بينا ضرب ف هاي حوراء او حلا
وهااا دا تسالون ع الي خاتله وره باب الكنتور وتباوع بالمرايا وتكتب هاي دعاء الجاسوسه دا تسوي نفسها ضهرها النه لكن هيه تكتب شنو نكول او ع شنو تعاركنا وتروح تفتن وتقبض من ميمه بطه فلوس أو حلويات
 |
اكيد عرفتوني اني رغد او بعد ما دخلو الامريكان صرت اسراء
او اسروتيتا حت اصير امريكيا
_والله ولا اترك شعرج لو تموتين الا تحلفين بعد ما تتقربين لقراصاتي واغراضي
_غياره عياره شعري حلو ويلوگله كولشي الگرعه ودا تملخيه حتى يصير مثل شعرج
_اسراء اتركي شعرها وأني ارجعلج كل قرصات اخذتهم عذراء
_كل مره تكول هيج حوراء ارجعلج قراصاتج من عذراء لكن عذارء معذربه
هيج ميمه بطه تسميها
اذا ما تاخذهن تكسرهن
يعني خبيثه
لا مو خبيثه كلش شويه
عذراء الشگرا بينا عيونها ملونه بيضا حيل وشعرها كيرلي بس يلمع وذهبي وثخين يخبل
والكل يشبهونها ب ليلى علوي
بحيث اذا تضيعونها تلاكوها كبال المرايا ودوم تكول اصير لو مذيعه لو مطربه او ممثله بس اذا يسمع ابو النوادر اويلي
اما اني اخذت من ميمه بطه القصر يعني اني اكبر من عذراء ودعاء وهنه أطول مني ماشاء الله دعاء دا أطول عبالك الاكل يمشيها بالطول ودعاء اكثر وحده تشبه عمه منى ومن نكوللها تضوج وكارهه شكلها. بسبب عمه منى ومواقف صارت بزغرنه خلتها اذا نكوللها تشبهين منى معناها دا نغلط عليها
اما حوراء نسخه امي الله يرحمه.. هدوءها وقله كلامها وأكثر شكلها من نشوف صور ماما
لكن حوراء دومها ضايجه وما تضحك
رغم بينه سنه لكن احس هيه اكبر مني بسنين...
اما اني ابجي من يبجون واضحك من يضحكون واتعارك وي اليتعاركون يعني افزع... ابوي هو الإنسان الوحيد الينزل دمعتنه
لان ميمه بطه تشكي حاله وتسولف عليه
_حوراء.... اني الأخت الچبيره لبنات نادر
من صغري جنت اتمنى امي مثل الأمهات
امي تهتم بملابسنا واكلنا من أفضل ما يكون والأكثر عدها استعداد تسافر لغير محافظه حتى تشتريلنه اشياء حلوه ننحسد عليهم من ملابس احذيه اكسسوارات وحتى سفرات نطلع للشمال او للحبانيه لكل مكان نروح ونصور واي شغله نحتاجها ثاني يوم توصل
لكن امي تهتم لادق التفاصيل
الا تواجدها يمنه امي اكبر أخواتها لكن من تزوجوا خالاتي
واشوف خالاتي شلون يعتنون باولادهم
الا امي نبقى اما يم بيبي ام انفال او ميمه بطه
ميمه بطه.... صارت النه ام بعدما فات بابا وگال انتي اسمج منا وجاي حوراء وكال وراها امي ماتت
بيومها بجيت هواي لان قبلها بيومين سمعتها شون تندب حضها وتسولف لأمها ان هيه صارت ام البنات بگلبي جنت اتمنى يصير اخ ولد مو لان محتاجه اخ لا كلت حتى امي تنتبه علينا
وهي حتى من ننام او نكعد تتفقد كولشي الا حضنها ما تلمنه بحضنها
لكن بيومها حجيت عليها ومن سمعت ماتت حسيت بألم بصدري لان بعد ما اشوفها واكوللها اني حجيت عليها
عماتي كانوا يجون ع طول قبل لا تموت ماما وميمه بطه دومها تنطيهم أغراضنا او ملابس النا وماما ما تحجي بالعكس اللبسه تغيرها اذا صارت طلعه متخلينا نلبسها مرتين او ثلاثه
لكن رغم هذا عماتي من يجون اولادهن ياذون واذا ندافع ع نفسنا عماتي يشبعونه گرص وعظ وتهديد
ويضوجون منه احسهم لان كلما نكعد يبقن بس يحجون ع امي وابوي
ودعاء
مره تعاركت وي ابن عمه منى لان كلما يفوت يسحب شعرها ويكوللها الحوله
دعاء تشبه عمه مني حيل وعيونها بيها رده حسن يعني حول حلو مو عيب
لكن ابنها وكيح حيل ويمشي ويتفل ع حتى الاكل ويخبث ويطين البيت كولشي بيه اذيه يسويه
ف دعاء تضوج منه حيل ومن عمتي الي دوم تكوللها امداج طلعتي تشبهيني وحضج احسن من حضي
دعاء كمشت ابن عمه وأخذت خاشوكه حمتها ع النار هو بطبيعته يركض وره. كتاكيت دعاء لان هيه تجمع شكو حيوان يمنه بزونه تشتري كتاكيت ملونه
طيور الحب وبلابل هو يطلع بره ياذي الكتاكيت وهي متكدر تحجي تخاف من عمه منى
حمت خاشوكته بعيونه الشمس مامنتبه
وعماتي ملتهيات
يمه هذا شوكت اشتراه نادر وانطيني هاي البردات
فكعد كمش خاشوته وعاط حيل اخ
بعد ما إيده صارت حمره وراها طگگت
تخبلت امه وتلطم
يمه اليوم بسام يسودن يمه بسام يتخبل ع حسن
ركضت ميمه بطه للمظمد وجابت عصارت
وعمه ادور شلون احترك شافت عين الطباخ مفتوح
بقت تحقق ودعاء بالغرفه حت غدا متغدت خايفه
النقذ الموضوع عمو عادل جان هسه نازل والتهوا وياه وهنه عماتي بحضور ابوي وامي وعمي عادل ما يححن يبقن يتلوكن حتى باباينطيهن فلوس وحتى ماما تنطيهن غراض وملابس
لكن تبدل الحال رحنا يم عمه نهله تحبنه وحتى بيبي ام أمير وعمو امير كلهم يحبونه ولا اذونه لكن بابا حاله تغير وتاذئ وأكثر شي اذانه من انضرب وضربته صارت بيده من اشوفه دموعي تنزل وميمه بطه توصيني انتن الي تفرحن ابوجن لا تتركنا وحده نبقى مكابلاته دوم اسراء تضحكه ودعاء تحب الدراسه تلح اريد اروح للمدرسه
لكن بابا حكم علينا منطلع
من انتقلنا لبيت وحدنا بابا بدا يشتغل ويوميه يجي عليه
قاسم اليشتغل يممهم بابا
اني دوم اساعد ميمه بطه بالبيت لان تعبانه فكلما اطلع الصبح اودي اكل لدجاج دعاء او للبلابل
سياج بيتنه ناصي اشوف قاسم
ودائما اسوي نفسي ما اشوفه واروح
لان مرتين دك الباب واني افتحه واكوله لو عمو بابا يكول هسه يجي او
بابا يكول فوت لكن ما يفوت لكن مره صاحني
عمو منا وجاي لاتطلعين للحديقة سياجكم ناصي
اكتفيت بس هزيت راسي
ورحت ل ميمه بطه
وكولتلها كالت يخاف عليكم يمه أنعم الله عليه بهاي الفتره بدت جيرانه تجي تساعد ميمه بطه بالطبخ وتدرسنا دعاء اكثر وحده فرحانه
بيها الا اني اكرها وبدون سبب ابد ما فد يوم سمعتها حجت علينا او اذتنه بالعكس تشتريلنه وتجيب غراض انه
لكن اني حت اسراء وعذروبه كولتلهم... خل تولي
اني الوحيده اشبه امي لدرجه كبيره لكن كلما اباوع بوجهي بالمرايا واشوف انعكاس انفال وخاصه كلما اكبر شويه بلغت وبينت علامات الانوثه عندي من الخامس ابتدائي وهاي اسوء شي
احس بعدني زغيره
واني العب لو اطخني وحده من اخواتي اشيغ روحي من صدري
بديت اضوج حت من اللعب كبرت ومن بابا كال انتي الجبيره. وحملني مسؤليه اخواتي انتبه عليهم
وخاصه الوضع مو زين دوم يوصيني حسيت كبرت
اكبر بهواي من عمري ودعت هواي اشياء جنت العبها
رحاب البنيه التجي لبيتنه
الضاهر عدها مشاكل وي أهلها دوم يمنه ولا تمل من الشغل ولا تتعب من تدريسنا
لكن مستحيل يمر يوم وما تشوف مشاغبه من عذروبه لو اسراء
لازم يسولها شي. رغم اشوف بس لان اكرها اوكف بصف خواتي الا دعاء تحبها وتصوج يأذوها
اني لا اذيها ولا احمدها ابد...
ميمه بطه هي بيبي ام نادر
لكن اسراء تسميها بطه لان سمينه خطيه
وبيظا
وقصيره ودومها اسراء تكوللها طلعيني عليج بالبياض والقصر
زين ليش مو هم سمينه مثلج
ودوم تكوللها من تزوحين ويصير عندج أطفال هم تصيرين مثلي
لان اني هم جنت ضعيفه
نشوف عمه نهله ع طول يمنه هي وزوجها وبيبي وجدو ابو أمير
لكن عماتي وره حادثه ابوي بقن يجن من يكون ابوي ما موجود
ودوم ميمه بطه تعاركهن وأكثر الأوقات تطردهن لان ما يقبلن تسوي اكل وزادت عصبيتهن من يشوفن رحاب وي امي
وينطنها ل ميمه بطه فلوس وتكول حد الله بيني وبين فلوسجن
اذا جابن شي تسحب الاكل من ادينه وتخليه بعلاليكه ومن يطلعن تنطي الهن كوه دومن يجن بسياره بيها سايق ف ميمه تخلي علاليك اليجيبوهن بالسياره اول ما يردن يطلعن
يبقن يحجن ودوم ميمه بطه تتعب وتختنك وتفتح الربطه وتبقى تبجي وتلوم ب بابا
تكول ليش بقيت هنا جان شردنا بارض الله الواسعه ولا ابقى وانفهر
. بالفعل القهر بدا يوكعها وخاصه من خابر عمو عادل وميمه شاطت وغلطت عليه وحتى ثوبها شكته
وتساله بالتلفون الي جابته رحاب مثل الأرضي لكن بدون واير
شلون هان عليك اخوك شلون كدرت يادون انعل بطني الشالتك
وتعيط وبقي دوم يتصل يراضيها لو يخلي الفون بيد ابنه صغير وهي تحترك لان تشتاق لجهاله
وتبقى تبجي
يوميه دعاء تكتب اليصير وتريد تنطيه لبابا واني امنعها لان بابا يجي تعبان من ينام يبقى يشخر يكسر الخاطر
لكن اليوم ميمه بطه الي تعودت الصبح اكعد الكاها مسويه اكل للدجاج والطيور والبزونه تكول حرام جانين الحيوانات وننام للصهر ويجوعن حت بالجمعه ميمه متنام للضهر وبالعكس تتعب اكثر لان رحاب ماتجي تبقى بالبيت اخوانها يتواجدون
واكو نسوان عدهم عزايم او اكل هواي ف اكيد من الصبح تكعد.. فتت للمطبخ ع ريحه الجاي والعين خاله عليها جدر دولمه لافتها. من الليل طلبيه
مهدره ع نار واطيه لكن ميمه واكعه بباب المطبخ
بديت اعيط واجه بابا والبنات ع عياطي
_نادر... بالنسبه لي امي مو بس ام لا اخت جبيره صديقه هي الدعمت نفسيتي بفتره مراهقتي وشبابي والا بمعامله ابوي جان اختلفت شخصيتي
وكملت وياي بضروف نهت حياتي
وصارت ام لبناتي وخلتهم تحت حمايتها والأكثر بدت تطبخ وتشتغل حت تساعدني
الام ما تتجازا فكيف بحنيه امي
لو تطلب الروح ترخص الها
ركضت بيها للمستشفى وقبلها اخذت أمير وياي
نفتر بيها بالمستشفى واني ادعي يارب لا تخسرني امي ماعندي غيرها
لحد الضهر بينت عدها ترهل بالصمامات القلبيه ودا تتعب واذا استمر الإرهاق رح الا فتح صدر يلا وشبكه وراها
لازم تتقيد ونصح الطبيب بالراحه وتنزل وزنها واكل صحي
للعصر تحسن وضعها نوعا ما
ورجعنا لكيت البنات وحده متكوره يم الثانيه بالحديقة ونهله وجهالها يمهن
وخالي بالباب
تلكلانا وعرف بالصار. اول يوم تركتها ترتاح وثاني يوم ما رحت للشغل
وصيت أمير يمر ع ابو مقدام يكوله مراح اطلع
دخلت لأمي لكيت حوراء تسويها اكل وتريدها تاكل وهيه تريد توكف حتى تروح للمطبخ
_يممه بعد طبخ ماكو زين والله ثم والله اذا شفت وحده فايته لو طفل داك الباب تعمين ع البيت كله اطلع لغير مكان واني اصلا افكر نطلع
_ليش يمه ليش
_شنوه اليش تعبج وهلكانه صحتج ع شنو متت من الجوع
اقسم بالله تره ازعل كولي قسما بعد ماكو
هاي هيه بعد ماكو شغل
وهاي البنيه هم ما أريدها دوم هنا
_لا يمه الا رحاب لوتدري بضروفها ولا تكول هيج بداعتي
_استمر الوضع وخوفي ع امي اراقب واوصي حتى نهله خطيه بقت دوم تجي
وره يومين من وكعه امي اجه ابو مقدام وقاسم وحتى همام
وجايبين المسواك كومه ترس الطارمه
تحمدوا لأمي بالسلامه
قوت علاقتي بيهم
واجو مره كالو تجي انته والعائله
للانبار لبيوتنا هناك الحجيه امنا هناك ما قبلت تنتقل لبغداد
يوم للصيد ونشوفكم للانبار
اخذت امي حتى تغير جو وهم بناتي ما طالعات
لكو منفس الهم والناس رحبو بينه وكأن گرايبهم العزاز
_شوفي عذروبه رايحين لبيت الناس مو تتفيكين وتصدكين روحج ليلى علوي
_وللي سريوه معليج اصلا رح اسوي لقاءات وياهم وعن حياتهم
_لاتنسين لعد اخذي وياج المايكرفون والكامرا
_لا حبي هذا شغل مديره أعمالي الي هيه انتي تشيلين جنطه غراضي
ولاتنسين. صوريني هواااي
_صوروج وانتي مقتوله كولي امين
_اسم الله شبيجن شنو هالكلام يلا فوتن خلنه نروح ميمه مجهزه اكل تكول رح نروح للصحراء
_يمه شنو ماعندهم اكل عيب مسويه اكل
_يمه منو كلك اكل هاي حلويات وربك أطيب من مال السوك وهم تره رحاب سوتهم
. _وهم رحاب اكلتي راسي يوم
_يمه وربك يتيمه وتعرف اليتم وإداري بناتك ولك يمه انه مريضه بناتك يحتاجن اليكابلهن
_يمه انه بيا حال تربدين تورطيني
ورحاب ماتعرف عنه أي شي استري علينا
لا انوب هم اروح بيد ناس منعرف شنو همه اخوانها شنو
بقت امي تلح ع رحاب بحيث الصبح كنت ما اشوفها صارت تجي وي طلعتي اتعمد بقيت اروح من وكت حتى ما اشوفها
لكن امي بس توصي و اذا اموت ما ارتاح بگبري محد للبنات ومحد بگلبه رحمه
وكعت وراها مرتين تتخربط
واني كلما توكع تبقى توصي تاخذ رحاب
اخر مره
يمه بيمن اخذها بيمن اتزوجها ومنو يكول أهلها يقبلون بواحد مثلي زين اصلي وفصلي شلون يمه أبعاد الموضوع صعبه
لكن امي متفقه الضاهر وياها ع كولشي عرفت هيه مطلقه بعمر زغير
وإخوانها حالتهم الماديه زينه. وهي وحيده لاخوانها مخلصه سادس أدبي وممخليها اخوانها تكمل
وامي تحبها لدرجه مو طبيعيه
وجنت متردد لكن خوالي وحتى ابو مقدام ايد الموضوع الكل. ضغطوا عليه وطلبت وقت اسأل عنهم وعنها واشوف يلا وممنوع امي تفتح اي موضوع رغم شاك ان امي تسكت لان البنيه اربع وعشرين ساعه يمنه
من سألت ناس معروفين وصاحبين مهنه من زمان بهاي المنطقه اب عن جد
اخوانها 3 هي اصغر وحده
خالي الي تبنى موضوع خطبتها وسولف لاخوها الجبير جان معارض بالبدايه لكن وره اسبوعين دزو خليهم يتفضلون
وقبلها جمعت بناتي وحدي وسالتهم
وحت اشوف رده فعلهم
بقن ساكتات الا عذراء
كالت المهم بابا انته تشوف ترتاح
_ان شاء الله بابا
_ردت حوراء لعد براحتك بابا احنا ما نعارض المهم راحتك
دخلت بحياتي رحاب بأبسط الامكانيات وامي موفرتلي كم فلس جهزت بيهم البيت ورحاب
وبيت خالي واكفيلي
صار كم يوم وياي رحاب واشوف لهفه عليه غريبه وكان تعرفني من زمان
قررت بعد اسبوع اجازه من المطحنه اطلع ع شغلي ماقصروا وياي ابو مقدام واخوته
طلعت ولأن صار شهر قاسم حلفته بعد ما يجيني
اني اصعد بسياره جيب خط يوصلني للمطحنه ماحييت اكلفه
وشفت ازدحام والامريكان مدخل
هوسه صاير الشارع حالي حال الناس اباوع
ياااا رب هذا اعرفه الشخص اتقرب وهو خالينه بالكاع ووياه شباب هم الامريكان....
دمتم بخير
زهره الرمان
شايف من يجن كلهن
ولازم كون تحملهن
لا بيك التأجلهن..
ولا بيك التخلصهن ...
ذنب حسابه بالدنيا يجي سريع. وذنب يمد الله بطغيان البشر وينطي بالزايد
#بنات نادر والقدر
#بقلمي زهره الرمان 💓💓
#بارت 8
اباوع منو هذا ومن تقربت
ابن عمي. اي هيثم ابن عمي
تقربت ورجليه ودتني قريب عليه
لكن الامريكان والشرطه العراقيه محاوطه المكان ومكدرت اتقرب
شفت منهم غدر وقطيعه وشفت منهم أذى لكن عمري ماحقدت عليهم. وبقيت اباوع عليه اريد اعرف وين ماخذينه
لكن الامريكان دخولهم بالعراق بالبدايه كانوا عدهم رد فعل من الجيش العراقي لان يعرفون قوتهم
لذلك كانو حذرين ودقيقين بالتعامل
وصلت للمطحنه وأني بين نارين ابن عمي اهله الهم علم وشمسوي وبين قطيعتي وياهم ع دگتهم الناقصه الي عرفت همه كلهم يعرفون بيها
ومع الأسف اخوي وياهم
همام انتبه ع شرود عقلي. وكعدني
_هاك ابو حوراء
_ناولني جكاره مورثه
_ما اشرب همام
_شبيه اليوم وجهك مكلوب
_سولفتله ع الصار والشفته
_وهسه انته مقهور ع ابن عمك ما ألومك لان انته ما تشبه گلوبهم
لكن صدكني ذوله خاف هم يذبونها براسك انته مبلغ عنه وتريد تاخذ حقك وهسه تتشمت
هيج تفكر هيج نماذج مع احترامي الك
_والعمل همام اعرف كلامك كله صح لكن گلبي بيه نار عليه
اجه ابوي كدام عيني
اكول عفيه كلوب عليهم شلون انطو بيه ما اجه ببالهم القرب
_انه من معاشرتي بيك اعرف رح تأخذه وتجيبها وتاكل بنفسك احلها الك بعد اخوك رايح اتصل ع اهله ومن مجهول اكللهم اخاف ما يعرفون يا جهه شالته
وهمه يدورن عليه وانته حتى ترتاح
_اي والله همام ولو اورطك
_عليمن بعد اخوك الورطة
روح لشغلك وانه اتصل وارجعلك
__حبيبتي بنيتي انتي حبابه حوراء
اريد تعلمين اخواتج بلا سوالف شيطنه
_ميمه انتي اعرف بيهن ما ياخذن الكلام
_بس الاعرفه يسمعلج بنيتي
تره احس انتن ماتحبن رحاب لكن صدكي هيه تحبجن
اول ايام هدوء ورحاب فرحانه ببابا
تجهز الحمام والاكل وتفتر اذا يجي البيت يدخل إنذار عدها
وكأن رئيس الوزراء فات
واحنا بقينا بموقع المتفرج
وميمه بطه فرحانه وتشجع. بيها
اما اسراء وعذراء واني نبقى نراقب ونتصيد كل حركه منها وتصرف وكلمه
نتمنى نلاكي شي حت تطلع من بيتنا
لكن وين... متمسكه بيها ميمه ومرور الايام صار بابا ما يتخلى عنها
كل زغيره وجبيره
رحاب لازم تشرف عليها. وميمه مأيده وتساعد ع كل التكوله رحاب
كنا نتمنى دعاء تكتب مثل قبل أي تصرف ما يعجب وتنطيه لبابا
مثلا من رحاب تغير مكان الأثاث او. الأشياء ترفعهم من مكانهم
شوي شوي بدت تتآمر علينا
اغسلي ماعونج
او امسحى انتي الجام
لكن ابوي انحسه ما بقى يهتم النه. شغله وباقي الوقت ل رحاب
حتى لو يتفقدنا وقت قصير
تهتم ب ميمه بطه تعبت ودوم مريضه
ايام بسيطه وصار البيت تحت أمره رحاب. رغم بيت أهلها جوراينه لكن ما تروح هواي لأهلها
ع طول بالبيت
اما احنا بدت سنه ثانيه للدراسه ودعاء تبجي من تكعد ع السطح وتباوع ع الطلاب اليمرون للمدارس
بليل وبابا دز علينا كال رح انقلكم هنا مدارس
. فرحنا وبقينا نخطط شلون نداوم
وشنو نشتري
لكن وره اربع ايام
تفاجانه
بملابس وجنط واحذيه مشتريه رحاب
ضجنا لان كولشي ع ذوقها
لكن الناطق الرسمي النه عذروبه
هيه التواجه وتحجي دوم اذا ما عجبه شي
راحت بليل لأبوي جان هسه كاعد يم ميمه بطه بغرفتها طالع من الحمام ينتظر العشا
هيج دوم يجي من الشغل يسبح ويتعشئ
بغرفه ميمه ودوم يكولنه حتى لو متعشيات تعالو اكعدو ع الصينيه
حتى اشوفكم وتنفتح نفسي للأكل
لان رحاب هانم تعشينه وي ميمه عدها علاج ميمه ف وره المغرب بشوي تسوي العشا وتنطيها العلاج وتفرض علينا تعشوا من وكت حت تنامون من وكت لكن بابا لو نايمين يجي ويكعدنا. نكعد وياه احنا ما ننام نبقى بالفراش ونلغي ونسولف
وهاي اليومين بس نسولف بالمدرسه وشنو نسوي
_بابا انت سجلتنا بالمدرسه غير نعرف زي المدرسه ونروح ع قياسنا وذوقنا نشتري شنو كوله خاله تشتري
_بنتي انتم گدروهن والمايعجبكم او بيه مشكله ترجعه والزي تأكدت منه خالتكم
اخاف عليجن حبيباتي
_قابل شكو بابا تره هم نضوج
_كولشي اكو وداعتج يابويه
_التفت ع ميمه
_يوم اليوم هيثم شالو الامريكان خطيه واتصلنا ع اهله لان توقعت ما يدرون
_بيما ليش شمسوي
_والله يا يوم من اتصل همام خطيه
طالعله عمي ماهر وباقي يعيط عرفتها ماتعدي ع خير وماخذ التلفون واحد ثاني
ومحاجي همام تالي
سالين من تعرفه كللهم فاعل خير
وانتو بنات باجر ب 7 نص الگاكم حاضرات يلا حبيباتي تروحو تنامون من وكت
اني المفروض اول متوسط تأخرت بقيت بالسادس
واسراء خامس
وعذروبه رابع
ودعاء ثالث
تأخر سنه رغم ضايجبن لكن
احنا مسيطرات لان العام الدراسي رحاب درستنا غصب عنا
بدينا نروح رغم المدرسه قريبه لكن بابا بيومها ما راح للمطحنه بقى وي ابو الخط يوصي وانطاه رقم تلفون المطحنه ورقم تلفون اهل رحاب...
جان دوامنا بوصيه ميمه وبابا
لاتختلطن لا تصادقن ع گد الدروس ولا تسولفو عن أي شي خاص ابد
ويحذرون بينا
خلانا نبتعد عن كل الطالبات
بالفرصه ننجمع وناكل سوا كولشي نخلصه سوا
بدينا نتأقلم وي المدرسه والبيت ب رحاب الي صار اسمها رسمي غراب
وبنص السنه وعطلتها
جنا نقضي اكثر أوقاتنا وي ميمه
بيوم كاعدين ومثل كل يوم نكمل مساعده وي غراب انفرض علينا بالعطلة كل وحده تلزمها شغل. وميمه اطمطم
ع شنو تريد تعلمنه احنا نعاند لكن نفشل بعنادنا لان غراب مستحيل تخلينا الا نكمل..
صح هيه بوقتها كانت شغلات بسيطه
اني اثرم زلايط الغدا
وارتب السفره ع ايدها بالمطبخ ع طول
. وعذروبه وسريو
عليهم الطارمه ينظفونه لان الدجاج توسخ
وبالطارمه نبگه دوم توكع منها أوراق
ف تنظيف عليهن الا دعاء لان زغيره تطلب منها رحاب اتابع ميمه لان تعبانه
ف بكعده وره الغدا وخاله راسي ع رجل ميمه ودخل بابا
جان هيج وقت ابد ما يجي استغربنا
كعد واحنا الكل يباوع بوجهه
لحد ما حجه
_يمه هذوله هم عمام يمه يجيني عمي ابو رياض ويكلي انته المبلغ عن ابن عمك وهو شايفك من شايلينه
تردها وحده بوحده احنا شعلينه اخوك راد يحميك وانته مطلوب بعثي
مو زين منه ساكتين وشايلين عارك
_وين اروح يمه منهم
من سالفه السالفه
_والله يمه نادر بيت عمامك بعد أحوالهم الصارت وهسه ما شاء الله صايرين بحزب انوب
يعني انه اخاف منهم عليك
لو مولين لكركوك وخلصنه وعفنه بغداد الهم خضره مخضره
ونخلص
العيشه وين ماجان بس ع الاقل اخوك يحميك بسلطته
وعمام وأهل ميس مرته
هسه انته وحيد
ولو ابو مقدام واخوته قليل ينگال عليه اخو لان بطني ما شالتلك اخو مثله بس يمه هم ما نريد نورط الناس اي شرار عليك تلوحهم نارك وتالي تصير جزات معروفهم
شي مو زين
ولو ع سوايه عوديل اخر مره
بعد لا أريدك تروح ولا أريده يجي واشوفه
ع حركه گلبي وخوفتي من ضربوك
يمه ما يكفون منك ذوله اعرفهم
يبقون مثل العثا يحفرون
وانته صاحب بنيات
_اطير يمه اطير يعني البعث صار باسمي انه شنو ميشيل عفلق
ااامي اريد بس اكبر بناتي بستر امشي يم الحايط من قبل وجانت سلطه بيدي مو الا هسه
شسوي فهميني
_ما تسوي وانه امك... خليها ع الله الله اكبر من كل كيد
وانه ادعيلك واقرا ايه الكرسي وراك
،،،
بعد هذا اليوم صار يوميه يسالنه
لاتختلطن
لاتحجن وي احد
مرت الدراسه السنه ونجحنا
الحمد لله
بالعطلة
عمه منى ولمى
اجن الصبح وكاعدات يم ميمه بطه
يسولفن وصوت ميمه بطه عله
احنا كل وحده بمكان لكن من اجن عماتي انجمعنا وكعدنا يمهم
لكن غراب من بدن يسولفن
انطت اشاره يعني كومن
عذروبه عندت
واني عجبني اعند وسريو نفس الشي
دعاء بقت بره تخاف من حسن ابن عمه
يروح ياذي لو بزونتها لو دجاجها
تبقى مقابل حيواانتاها
اما احنا بقينا نباوع عليهن وتحاشينا نضرات غراب الودها تاكلنا
ما اهتمينا
نريد نعرف شبيها ميمه
_ولجن لا صارت ولا دارت انتن خواته
ما كلتلجن. اتركن ازواججن لكن هذا اخوجن. كلمه التنكال لا اجيتن ولا كلتن اله خويه معلينا احنا
سووا هالشي بدون علمنه
شنو ولجن شسوه وياجن ووي دكه عمامجن وولدهم الناقصه بعد ما تواريتن
طردچن
كش بوجهجن
شنو ما حضن جهالجن وما ترس اديهم
ولجن هم عايلين عمامجن وهم انتن ما اطيبن خاطره
ولجن الغرب تركض بيه بالمستشفى وانتن تجن بالسنه حسنه
ومن سمعتن مريضه راويتن وجوهجن نص نهار
ولأن اخوجن ما موجود
اعرف ازواججن منعوجن بس ولجن شنو من گلب الطاوعهم وع منو ع ضربه اخوجن شلون كدرتن تسكتن
اوف يا بويه
لو جايات وكاسرات عيونه
وكايلات انته اخونه وما النه بعد رجال.. ولجن يهون عليه يطلكجن لو يفصل جهال عن اهلهم
لكن موقف والموقف ينذكر لألف عام. وانتن مالجن ذكر بيه خير
الرجل يتعوض والابن يتخلف
ولجن لكن الاخو ما يتعوض من امداني
اكعد ي نوفل شوف هذني الدكرت
نادر عليهن وتكولي البنات حنينات هنه يلطمن بفاتحتي
وفاحتج
هنه يذكرنا ويلمن كبرتنا
. بعدني امشي ع رجليه وما عبرني
_يمممه انتي دومج محمله وشايله ع صخمه ولطمه
عمود نادر بيك
مو الا هسه الجه العذر
شبدينا ما عرفنا الا وره ما ضربوه وفاتت شنو نموت ارواحنا والحمد لله ابنج سالم ويشتغل وتزوج اشوف
وين ما يلتفت ما تنسد مشارك بمطحنه عمي يكول
_الله أكبر عليجن ولجن
_يمه لخاطر الله من صغرنا وانتي واكفه وياه ضد ابوي لان يربيه
وراح ابوي وبعدج بهلتعلق
كافي يوم ماعرفنا يوم عدل من وراه وانتي دوم وراه بكل اليكوله
_طردتهن ميمه وبقت تحجي عليهن وهنه يحجن
عامود نادر بعتي الدنيا وناسها
طلعن وميمه بقت ضايجه ويومها ابد ما صارت زينه
استمر خربطه وضعها وما قبلت نكول ل بابا وحتى مقبلت نكول عماتي اجوي
بعد اربع ايام دهورت حالتها كعدنا الصبح شفنا رحاب جايه من أهلها دخلت من باب المطبخ نزعت العبايا وره الباب بسمار علگتها والتفتت
حوراء صبي لاخواتج ريوك
وراحت لغرفه ميمه تبعتها
لكيتها اطلع ملابس لميمه.
ميمه اول مره اسمعها تحجي ع رحاب
_رحتي وخابرتي عليه بيا حال وقلقتيه
هي الدنيا كلها براسه تالي يبتلي بيه
_ابنج ويحتار بيج لعد تبقين هنا كولساع تموتي الف موته
ركضت ع ميمه
شبيج ميمه
_ما بيه يا روح ميمه روحي تريكي وريكي خواتج
فاتن البنات والتفينا عليها
ورحاب تغير بملابسها
رحت للمطبخ وعيوني ورمت من البجي
خايفه عليها حيل
ودخل بابا شفته
ووياه قاسم والسياره بالباب
سلم عليه ودخل لميمه
خمس دقايق وراحوا وروحنا راحت وياها
رحاب راحت وياهم واحنا شويه وفاتت
زوجه اخو رحاب بقت ويانا لليل تروح لبيتهم وترجع واحنا متنه خوف باليل واجت عمه نهله وعمو أمير
بقت عمه يمنه تبجي نشوفها لكن من تحس بينا يمها تمسح دموعها وتسكت
ع هذا الحال يومين وراحت عمه نهله مرتين للمستشفى لكن بابا ما اجه ووحشه البيت بلا ميمه
وبابا خلصناها بجي رغم عمه نهله ولا تركتنا وتبدلها رحاب تروح وتجي للمستشفى وتأخذ اشياء وياها
باليوم الثالث اجه بابا يقهر شكله ولا كأن يومين او ثلاث
اجه ومنحني ضهره
دخلت وراه عمه نهله
وبقو يسولفون
_خويه خلينا نخابرهم البينك وبينهم وحد تبقى ام وعينها ع اولادها خليها تشوف عادل والبنات
_براحتج خويه خلي أمير يخابرهم
امهم ما امنع احد من امي
وبيتي يبقى بيت امي هي التفوت التريده وتطرد الماتريده
يجون وواجب ضيافتهم اقوم بيه
_الله ينطيك ع گد نيتك ياخوي
بليل ميمه جابوها
_ام طيبه خيه هيه أصرت وكالت وقعو ع مسئوليتي اريد ارجع للبيت واحنا هنا أن شاء الله ما نقصر
_رحاب حالتها بعدها ما مستقره شلون تطلع اقلها طبيب من تتخربط تتلاحگها
_ما قبلت وحلفت نادر يطلعها
ثاني يوم اجن عماتي
للضهر ورحاب وعمه نهله بالمطبخ الاستقبال بيها ناس ابو مقدام وإخوانه. وهم أصدقاء لبابا.
سمعنا صوت نسائي غريب
دخلت واحنا غراب منبها ما نطلع
فتحنا الباب ووحده فوك الأخ نباوع
فاتت مره
تبجي منو هاي وحده تاشر للثانيه
وعمه نهله رحبت بيها
وأخذتها لغرفه ميمه
_تفضلي ميس
_ولجن مرت عمو عادل مو اسمها ميس
اي يجوز هيه هاي بعدنا نحجي وسمعنا شلونهن الحلوات
عمو عادل اجه علينا ويبوس بينا
ولجن كبرانات صايرات عرايس
وين بيبيتجن
اشرنا وراح لغرفه ميمه ونسمع بجيه بحضنها
وعماتي يمها لكن بابا ما فات ابد
بقو وحدهم يم ميمه ورحاب تحذر بينا ما نفوت ابد واشرتلي تعالي
رحت واساعدها بالمطبخ
بابا فات سأل رحاب اجيب بعد اكل خاف ما يكفي
وصته
جيب دجاج شوي
والباقي كامل
راح بابا يجيب الاكل واني كالت غراب روحي جيبي خاوليات صابون جديد
نظفي المغسله. البرا
ومحد بره لان الباب مسدود مال الاستقبال
رحت غسلت المغسله ونضفت المرايا والحمام الخارجي
وردت افوت وشفت حمامه نازله تاكل يم بلابل دعاء ذيلها حلو وهي حيل ألوانها غريبه
وصلت يمها بقت تكمز يعني رجلها لو جناحه بيه شي
تقربت من وهي تكمزوكفت ع السياج اخذت طبله زغيره بلاستك صعدت عليها ووكفت ع السياج ع. كيف كلت اكمشها وامد بيدي وهي اطفر
وحسيت احد وراي شسوين
هبطت راحت حتى الحمامه
خليت ايدي ع گلبي
ردت اجيب الحمامه وطارت لان انته عطت
_انه ما عطت انه شفتج ع سياج البيت منا شارع عمو فوتي جوا حبابه
ركضت لان شفت الباب انفتحت وهو راح سدها
قاسم دخلت واني ضجت ع الحمامه
جان هسه فرحت شويه دعاء لان صار كم يوم بس نبجي وخايفات ع ميمه بطه
وراها اجه بابا والتهينا بالغدا وبابا كال رحاب صبي غدا ل عادل واخواتي يم امي واحنا البلاستقبال وحد
تغدو وراح ابو مقدام واصدقاء بابا
ميمه دزت ع بابا لكن بابا بقى بره راح ما قبل يبقى بالبيت
واحنا دزت علينا ميمه
_شوفو عادل وانتن منى ولمى
رحاب مسؤله عن بنات نادر وهي من بعدي امينه عليهن لاتهونون لكن رحاب رح تعيش وياهم والبيه حنيه لاتتركون نادر
تره يتفداكم بروحه وحنين عليكم
وانته عويدل ما اريد تغمض عيني وانه غضبانه عليك
أريدك تصلح حالك وي اخوك
تبقى عيني ع الدنيا ما طولكم ما متصافين
_ارتاحي امي يتصلح كلشي احنا اخوه نتعارك لكن مردنا رح نتصالح لا تخافين
واذا ما تصدكين
اليوم باقي بيات وين يروح هسه هو شارد حتى ما يشوفنا
البنات اليوم خابرن رجولتجن ما تروحن
_مو بسام مو هنا بالعماره
وخاف يرجع
_بس اليله فاركيه امج تحتاج تبقن حواليها
وصدك بقينا كلنا مجموعين يم ميمه
محد طلع من الغرفه بس رحاب راحت نضفت المطبخ وراحت لأهلها رحت للمطبخ اجيب جدر الخبز ل عمو عادل
كاعد وياكل تبسي باقي من الغدا
وجهاله بحضن ميمه من تتعب تخليهم يمها ومن تكعد تكعد سيروان. شيرين يمها وتشمشم بيها وتبوس بيهم
فات بابا راد يقفل باب المطبخ
سأل.. راحوا
لا بابا موجودين ولاتقفل الباب خاله رحاب يم أهلها
رجع طلع
وأخذت الخبز لعمو كاعد ويغني لأولاده
ويكول لبنته اركصي
ويضحك ب ميمه بطه
وياكل ويوكل بابنه
دخلت سأل ها ابوج اجه لو هم شرد
ويضحك وعماتي يضحكن
حتى عمه نهله تركها أمير بس اخذ جهالها كاللها عمتي تعبانه
لكن ابوي ورحاب فاتو وراح لميمه بدون ما يباوع ع عمو عادل ولا حتى عماتي
والتفت انطيتو علاج امي
وخلوها ترتاح تنام مو زين عليها الهوسه
طلعنا من الغرفه وبقت ميمه وعمو وبابا رادتهم يمها
_يمه عادل يريد تسامحه
_معليج يمه ارتاحي انتي ولا تفكرين
يوم انه مالي بالدنيا غيرج
_لخاطري يبني عادل من جان زغير
دوم يغلط وتسامحه وتعلمه وتادبه
_يابه وايدك انه اخذك ل أربيل واسويلك عمليه وانت ما شاء الله تزوجت الا ارجعك شباب
اسكت نوفل كافي الشفته منكم هواي
"" ""
الصبح طلبت ميمه الكل نتريك سوا ع سريرها وكعدنا بالصالة
وللضهر
بابا ما طالع والبيت كلهم بعدهم
وسمعنا عيطه ابوي
عيطه طفل انحرم من أمه
حمدنا الله عمي وعماتي موجودين لان انهارينا احنا وبابا
. حضناها ونصرخ بصوت
ميمه انتي امنا ليش تيتمينا
عينها ابد ما نسدت رغم تسد بيها عمه لمى
ما تركها بابا حاضنها ويصرخ
يمه لاتتركيني والله اخاف اخاف حتى من حيطان البيت الما بيه صوت الج بيه
بعضنا يعتبر أحدهم فأله الحسن
او صمام لامانه من فيضان الحزن المجهول... فكيف بذلك هو الام المحبه التي تحوي بطيات راحتيها الأمان...
طلعت ميمه بطه طلعت وياها الضحكه الراحه النوم بأمان
. لان وراها ايام نسمع ابوي بالطارمه او بالصالة يبجي
ماتت ميمه وماتت روح بابا وياها
طفا وكره الحياه بعدها
وره اسبوع من فاتحه ميمه
واغلب الأجو للفاتحه بابا كارهم
عمامه وأولاد عمامه لكن هو
معتمد ع زوج عمه نهله ابن خاله وخاله
عمه نهله شكل عدها ضغط يرتفع وهي حامل
تكسر الگلب من تعيط بين الناس
صح عماتي يلطمن ويبجن
لكن عمه نهله ما مفاركه ميمه
ورحاب او غراب
..... قفلت غرفه ميمه والمفتاح بصدرها
ومن خلصت الفاتحه
منى ولمى تعاركن وي رحاب تهمنها ماخذه ذهب ميمه لكن هيه ما جاوبتهن خلتهن يعيطن
وسكتتهن
بكلمه
_اخوجن متأثر ع امه واذا الها ذهب يرتاح نادر واحاجيه وانطجنياه
_احنا منريده يبقى لبنات نادر مامحتاجات بس انتي الوحدج تفوتين لغرفه امي ومفتاح غرفتها بالفاتحه عندج وهسه لكينا الكنتور فارغ
راحن من بعد ما كالن ل رحاب لا محولله ولا موهوبه هذا مال لليتبمات
وطلعن
ايام تمشي وابوي بمكانه وما غيرت الايام حزنه ع امه
واحنا اكيد نفس الشي لكن احنا بدت غراب تفرض علينا من الصبح لليل فره وشغل
توصل نبجي ونكول تعبنه لكن هيه. ابد ولا تتركنا
وأكثر وقتها لبابا
ولهذا نسكت لان تهتم لأبوي وتريده يطلع من الهوه بيه
اجو مره ومرتين وتلاثه ابو مقدام واخوته حتى رادو يروح للانبار لبيوتهم
مقبل
يروح للشغل صح لكن من يرجع لغرفه ميمه نسمع بجيه وسوالفه بالغرفه
حسينا باليتم الحقيقي الأول فقدنا ميمه بطه وراها ابوي الي صار بالسنه حسنه اذا تلاكينا بوجبه
وبدأ الدوام المدرسي وموكد
غراب هيه تشتري حاجياتنا
وهلمره بدت الصدرية الزغرت لاختج والتنقص اشترتلها
نضطر نسكت وما نكول لبابا لان حالته النفسيه مو مال نحمله وجع راس
ولو عذروبه
ودعاء يحاولن ويريدن يروحن لكن اني وسريوه نهدأهن
ونعلمنهن ان ابوي مريض منريد تفقده مثل ما فقدنا ميمه بعد ما تكونت فكره بأدمغتنا من كلام عمه نهله ورحاب
القهر مال عادل ولمى ومنى وكع ميمه
فخفنا نصير هالمره وحدنا بالدنيا
اسكت خواتي ونتقبل كل التسويه غراب
وحتى مشاكسات البنات خففن لان نحس تعرف نخبث عليها
ونخاف تشد اكثر علينا
مرت الدراسه وهي تشرف علينا وتسأل وحت للمدرسه تجي وتسأل عنا
وخاصه اني متوسطه
والبنات كلهم بالابتدائي
تجيني وتروح للبنات
وبالبيت ما تخلينا ننام الا نكمل واجباتنا لكن شلون كله تخوف ولازم هم نشتغل عليها بس تطبخ وتخبز
لكن المواعين مقسميهن علينا ولأن دوامي عكس البنات اذا ضهري
اغسل مواعين الريوك وانظف الغرف يلا اروح للمدرسه واذا صباحي ف البنات يسوون هذا الشغل
واني مال الغدا والعشاء على غراب لان نقرأ ولأن هم بابا متواجد
نحقد يوم بعد يوم عليها
ونكرها
لكن نكتم ومنكدر نحجي لان بابا من سي لاسوء
اجت عطله نص السنه واحنا دراستنا زينه لكن هالايام نلاحض غراب يا رايحه لأهلها يا جايه
هواي تروح الهم وهاي مو طبيعتها ابد متروح الهم
وخاصه هالفتره اولاد اخوانها من يجون متخلينا نبقى يمهم
وعدها ابن اخوها عمره 19 سنه من يجي الف عذر اطلعلي حتى اروح بغير
واحنا لازم انفذ بلا نقاش
رجع الدوام وبعد للامتحانات شهر تقريبا
وكعدنا بابا كال رح ننتقل من هذا البيت واشترئ بيت
ما عجبنا هالشي لكن عرفنا غراب هيه وره الموضوع. لان تجهز وأشياء تبيعهن
وآخرها اجه دوار اشترا غراض ميمه وهنا احنا انفجرنا. وخاصه سريو وعذروبه
=هااي غراض ميمه ما ينباعن ناخذهن ويانا وين منروح وهو بيت ابوي معليج
_لكن ولا اهتمت بالعكس ما خلت اي شي وخاصه ملابسها اخذتهم لمى ومنى ونهله
واحنا شنو تذكار ل ميمه
خلصناها بيومها بجي ع ميمه ولا كأنها جانت عايشه بينا راحت وراحت كل ذكرياتها بيوم طلعتنا من البيت ورحنا للبيت الجديد صح جبير لدرجه مكنا نتوقعها
وغرفتين كل ثنين منا بغرفه
رغم هذا ما عدنه اي فرحه
نقلتنا للمدارس القريبه ع هذا البيت وويانا عمه نهله
جربت احجي وياها ع غراب
وبدينا نحجي
الها وع غراض ميمه لكن ردها
_حبيباتي ابوجن تاذئ ع فراك امي ومن يشوف غراضها تشوفن يبقى بالغرفه ويتمرض
فلمصلحه ابوجن سوت هيج رحاب
شما نحجي مراح تصدك ان هيه شريره
ومدا تشوف رحاب مثل ما نشوفها
هم استسلمنا لان حت عمه نهله منطت بيها
صارت سريوه وياي بالمتوسطه
واني ثاني وهي أول
زاد الشغل والبيت والتنظيف علينا
لكن غراب مو مثل قبل
ماتروح لأهلها
ولا تتصل وخاصه ضهر المحمول
وصار عند ابوي جهاز وعدها. هم واحد
لكن ولا مره سمعناها تتصل ع أهلها.
نوعا ما ابوي افضل من قبل مرت سنويه ميمه ورحنا لقبرها ولقبر جدو ابو بابا
من رجعنا
أخذنا لقبر امي واجدادي
بيومها حيل تعبنا وبجينا هواي ويانا عمه نهله وزوجها وخالها وخالتها
عماتي بعد ولا شفناهن ابد ولا حتى عمو عادل
لكن علاقه بابا ببيت ابو مقدام مستمره
بهذا البيت جوارين قليل يتواصلون وهدوء دوم المنطقه ورحاب ابد ما تخختلط
لكن ع كد الخط نروح ونرجع للمدرسه
كملت الثاني متوسط ومفروض اني ثالث
نجحت للثالث
واشوف المواد صعبه
طلبت من بابا اكو معهد تدريس قريب ع مدرستنا اول مره رفض لكن من راح وياي وشاف اكثر بنات صفي وياي
قبل دفع نص المبلغ وسجلت
بيها عمري 15سنه لكن اليشوفني ينطيني عمر اكبر
وخاصه ماخذه طول امي ورشاقتها
وجمال وجهه وعيونها العسليه
مقابل المعهد الادرس بيه
اعدادي ولد..
اعبر للشارع انتظر ابو الخط كلفه بابا يوصلني نفسه البلمدرسه
اليوم امشي ووياي بنيه بنفس الخط
وشاب اول مره بقا يحجي وراها بأيام بدا يتجرا ويقترب النه واني ازيد بخوفي
لحد ما اليوم ابو الخط ما اجه تأخر وهذا الولد بقى يفتر وراي واني اتختل أريده بس يروح ماكو رجعت للمعهد كلت حتى إذا ما اجه ابو الخط
اتصل مناك ع بابا من المدرسات. رجعت لكيت ست احلام دا تسولف وي الحارس ع قفله الباب
_ها بنتي شرجعج
_ست ابو الخط ما اجه
_ماعندج موبايل
_لا ست
_حافضه رقمه
_لا بس رقم بابا عندي كاتبته
_بيتكم قريب؟
وصفته الها
كالت قريب تعالي اني اوصلج عندي سياره
اول مره ترددت
بعدها كلت احسن ما ابقى بالشارع وهذا الولد يبقى يفتر وراي صعدت وياها
تمشي وخففت
كالت شويه بنتي بس اخذ ابني منا اتصلت وشويه واجه الولد نفسه نفس معالم وجهي ومفاجئتي هو نفس الشي
صعد وهو سأل ها ماما هاي منو
_طالبه عندي بالمعهد وابو الخط مالتها ما اجه نوصلها بدربنا
_اي ليش لا عفيه بيج يوم كولج حنيه وجمال واناقة وذوق
_شبيك مرتضى
_ما بيه يوم دا اعدد بمحاسنج...
_من يمي اطرافي تجمدت أشرت لست
احلام ست هنايه
نزلت وتشكرت منها وعيوني ع ابنها الي اكلني بعيونه
خليتهم يفرون السياره ويطلعون من الفرع ورحت فتحت الباب واني صايره مي عركانه من الخوف وقررت اكول لبابا يجيب موبايل لهيج ضرف
وبابا حتى ابو الخط غيره من خوفه عليه من سولفتله
واشترئ موبايل لكن النه البنات كولنه واني أخذه بس من اروح للمعهد لان بالمدرسه وياي سريوه
وبقي هذا الشاب بل زاد وبدأ يضايقني
لحد اليوم الاجه مكنت محسبتاه حساب وصار موقف غير حياتي... وقلبها جحيم خاف قليل الجحيم بيها
دمتم بخير
تابعوووووووني
