رواية بنات نادر والقدر البارت التاسع والعاشر بقلم زهرة الرمان حصريه وجديده على مدونة النجم المتوهج للروايات والمعلومات
لا تعاشر بشر ماتعرف اصله✋
تره المر والحلو ينعرف بالضوگ....
مساء الورد 🌹🌹
اريد اطلع واجه ابو الخط وبيها جانت عطله 40يوم لمراحل المنتهيه
قبل لا اوصل يم ابو الخط شفت مرتضى ابن ست احلام
ياربي مدا اكدر اتخلص منه لازك ولو صار اسبوع ما اشوفه لكن اليوم تقرب اكثر واني ببالي كلت هالمره ارجع للمعهد واكول لأمه
او افضحه انزع الحذاء واضربه
تقرب
_شلونج حبابه هاا كم مره كتلج اريد احجي وياج انطيتج الرقم شككتيه
وتفلتي بوجهي ذاك اليوم
يعني انتي جبتيها ع روحج
_تؤخر اذا ماعجبتك التفله
هالمره اروح لأمك
 |
ضحك ضحكه مستفزه وتلعب النفس
روحي كوليلها بس تدرين تخبلين بهاي الصور
_يا صور يا حقير
_لا تغلطين لان بهيج حاله رح تتاذين
وفتح دفتره وبدأ يكلب بالصور مالتي عزا صوري
طلبي سهل تجين وياي هسه او غير يوم بكيفج تطلعين وياي وها تاخذين الرقم. وتتصلين عليه
والا هاي الصور وربج بباب الشرجي الا اسويهن اني وانتي بيهن سوا واشوف منو ما يصدك واني اندل اهلج
بقيت الطم ع وجهي شتريد شتريد ماكو غيري لخاطر الله
ششفت مني
_انه تفشليني يم أصدقائي وتفلين عليه
وتغلطين عليه لو تلبسيني
الا اتوبج
تخلصين نفسج اطلعي وياي وخلي جماعتي يشوفني كامش ايدج
وبس تولين
عزا ولطام عزا ولطام
انته ماعندك اخوات
_بفضل الله ماعندي هههههههه وحيد بابا وماما
روحي وفكري وباجر تعالي ووياج الحل روحي حبابه الشطوره
_رجعت بطني بقت تمغصني
وابجي بس مسحت دموعي اول ما وصلت الفرع مال بيتنا
واني الف فكره براسي ألمن اكول شسوي غراب عزا من تعرف مو بعيد تكول لأبوي
ابوي عزا وصخام بابا يريد حجه حتى يبطلنا
يخاف علينا من الناس
ياربي دبرني فززني صوت ابو الخط يلا عمو انزلي هذا بيتكم
نزلت واني دايخه امشي واسولف
ما حسيت الا وجهي صار ببطن واحد
لابس دشداشه
عزاااا
_اسم الله
اسم الله شبيج انتبهي
رفعت راسي بيما كمزه اقوه من الثانيه
قاسم..
هاااا
ها شبيج انتي عمو
_ما بيه ما بيه وفتت امشي ع السريع
لكيت باباواكف يتوسل ب غراب يريد ياخذها للمستشفى مريضه
والبنات وجههن متشمت وغيرانات من تصرف بابا القلقان ع غراب
بابا حوراء جيبي جنطه خالتج وعبايتها
انطيناها الها وراحو واني مدي انام ما اكعد ياربي وين اشرد
بعد ما اروح للمعهد اي أفضل حل
. اسولف لنفسي وخايفه من مرتضى
حتى لو ما رحت خاف يجيب الصور لأهلي لهنا
ياربي سريو كولساع سألت شبيج اليوم وما اريد اكوللهه
بقيت لليل لحد ما سمعنا صوت بره دخلو بابا وغزاب شاده كانوله بيدها
دخلت وهو بعده برا يم قاسم
وراها بابا صاحني
_بنيتي خالتج مريضه انتبهي عليها وسويلها لكمه حتى تاخذ علاج
رحت سويت اكل الها ولبابا
. البنات سلمو ع بابا ورجعوا لغرفه
اني بقيت لما كملو عشا غسلت المواعين واسوي جاي لبابا وافكر
اي هاي هيه
هل يومين بحجه غراب ما اروح للمعهد بين ما الاكي حل لهمدلل مال امه
اروح لست احلام هيه امه اي
فززني صوت بابا
ع الجاي.
ثاني يوم بقيت بموعد المعهد
اجت من الحمام غراب..
_اشو ما مبدله لهسه يلا روحي بدلي ورحي للمعهد
_اليوم ما اروح
_لا تروحين اني زينه
_لا احس نفسي دايخه ما اروح
_ما بقى للامتحانات شي روحي
اوووو لزكت
بدلت وما بقى وقت صح لان دك هورن ابو الخط
طلعت اركض
صعدت. ورحت للمعهد وخايفة
طول المحاضرات اني بالي بره واسوي بتخيلاتي الأحداث الي ح تصير وبطني تبقى توجعني
صدفت وحده من المدرسات ما جايه
اتصلت ع ابو الخط حتى يجي كلت بلكي اروح قبل لا يجي هذا مرتضى
اتصلت كال ربع ساعه يمكم ابو الخط
بقيت بالساحه اخاف اطلع
واشوف مرتضى طلع من الاداره ياربي
اشرلي
خفت
درت وجهي أشر بايده
رحت واتلفت اخاف احد يشوفني
_شتريد قندره ع راسك
_لا تغلطين حبابه تره تزيد الطلبات
ها مستعده تروحين وياي وتنطيني
رقمج
_انجب وراح اروح لأمك
_روحي منو لازمج بس شوفي الحركه صدك اصليه
_اباوع بدفتره صورتي مركبها وياه وأني كامشته ووضع يخجل عزز ا عزز ا
شتريد مني فدوه عوفني
_وانه ما طلبت منج شي نمشي بالشارع حتى جماعتي يتأكدون صاحبتج لان شايله خشمج
واني محد ترفع خشمها عليه
فشلتيني كدامهم هي لزمه ايد وبس نمشي وترجعين بسرعه والله لا من شاف ولا من درا وهم من يعرفون انتي صاحبتي محد يفتح حلكه اشكه شك
هاا
_فدوه سمعتي اني بنيه شبيك حباب
_اووو لاتونين هسه عشر دقايق وترجعين وتاخذين الصور بيدج هااا تجين هسه لولا
_خليها غير يوم
_لا هسه
_طلعت امشي وراه واحلف بيه ماعنده غير هاي الصور وهو يحلف ومبتسم
يمشي ويلتفت يلا امشي شبيج
ما يدري انه رجليه صارت خيوط من الخوف والقهر
والحقد عليه
. مشينا وصلنا لفرع مدرسته
الفرع هادي وقليل ناس بيه
لكن مدرسته ضهري ودنيا العصر
بدو يطلعون هو الضاهر مجان مداوم منتظرني يم امه
بدو الطلاب يطلعون وهو سحب ايدي حيل ويقرب بوجهه لوجهي ويكول اضحكي اضحكي حيل اريد اسمع ضحكه
واني حاصرتني البجيه من اشوف الطلاب يباوعون عليه
اريد اسحب ايدي ميقبل
يلا كافي خل نرجع
_بعد بعد شويه اصبري واضحكي يلا اضحكي حيل
_كلما يقترب اتقزز ومدي اخنگه
دك موبايلي عرفت اجه ابو الخط
فدوه اجه ابو الخط فدوه مرتضى
_اششش اضحكي كلت
_بديت اجاريه واضحك بخوف مو طبيعي شويه ويغمى عليه
وهو مستمر يمشي قريب مدرسته حت المدرسين بدو يطلعون
نكثت ايدي وسحبها
اجه ابو الخط شبيك التفت لجماعته وسوالهم حركه اوك بابهامه ورجعنا نمشي لطريق المعهد
اتركني بس انطيني الصور
_اي انطيج هسه الصور
_اول ما انطاني الصور بعدهم بيدي
وسحب جنطتي وأيده بعده قابض ايدي
اريد يتركني ما قبل
سحب موبايلي وبدأ يسجل
اول ما دك تلفونه
كال هاي هيه صار رقمج عندي
هسه احنا بعلاقه فهمتي اول رنه تجاوبين
وتره مو بس هاي النسخ اكو تركت يمي للذكرى
_للليش ليش جذبت مو كلت يخلص كولشي بس عامود أصدقائك
_روحي الخط اجاج ذاك باي حلوه
_حقير نكس امشي واغلط اضرب بنفسي وصلت للخط صعدت واني بالي مشغول
يومين مرن وهو كولساع يدك
وانحرج وكلما يسألون البنات اكوللهم
صديقاتي بالمعهد اتملص
والامتحانات قربت واني بديت ما افتهم ولا استوعب حتى وأهس للدراسه ماكو
وغراب بعدها مريضه
طلعت اليوم للمعهد وصلني ابو الخط نزلت وشفت مرتضى يأشر اتصلي
بيها كلت ما ابقى بهلكابوس لازم اروح لأمه واحجيلها عن ابنها الارعن
مشيت بالممر واني ارتب بالكلام شفتها طالعه ووياها مدرسات
ست ممكن دقيقه من وقتج
انتضري هنا ماما هسه اجي
كعدت ع كرسي بالممر مقابل الاداره
انتظر ست احلام
دك موبايلي مسج
_اي حرف تكولين لأمي تخسرين سمعتج واذا كمشه ايد المره الفاتت هالمره اكبر ومالها حل
متعرفين شنو اكدر اسوي
_بديت اتلفت والطم والطم ملخت خدودي
منين طلعتلي انته ذنبي جسمي مال مره ولك ورب الكعبه اني بعدني طفله شلون شلون بالدنيا الكبرتني ع الضيم والقهر
تراجعت وكلت يسويها
ابوي هالمره يموت صدك ونضل تحت رحمه غراب
طلعت امشي ع السريع للخط صعدت اول وحده شارده من كل الحواليه احس الدنيا كلها تعرف بقصتي
اتكا راسي ع الكشن كرسي القبلي اندكت الجامه
مرتضى يسويلي اوك بابهامه بوسات بالهوا. عزا مختل هذا ياربي
هو اعتقد سادس اعدادي لكن مبين راسب لان اكبر من اهل السادس
رجعت للبيت وروحي طالعه ويتصل ولازم ارد اتشرد بالحمام وارد او بالسطح واكوله عندي امتحانات حاولت اسايره حتى يكف مني اقنع تقنع بيه
من يتصل اجاوبه
كتبت اسمه
سفانه.
باسم صديقه اسمها سفانه اخاف من البنات يشوفونه
استمر الوضع اسبوعين
بيوم بقى يلح اطلع وياه بنفس المكان شكد قنعت او تملصت
قفل وبدأ يعصب ويهدد
خفت من التهديد ونبراته
طلعت من المعهد وقبل درس واحد ما حضرته حسب اوامره
طلعت لكيته جاي بسياره
ما اصعد
_مو بكيفج تصعدين واحنا ما نروح بعيد فره هنا
_اركنها ونمشي
_لا تركبين جايبها ساعه وارجعها لا اطيرين واهسي
_ماعندي حل صعدت ولزكت نفسي بالباب
هو يسوق ويتفيك ومعلي صوت المسجل
_حلوه السياره
_اااي
_شبيج
_شوكت رح تكف مني والله انه ما افيدك اكو هواي يتمنن يصادقنك انته حلو ومبين اهلك اغنياء وحلو ومرتب انه ما الوك الك
_اذا ع الكو فهنه كومه صح بس ما احب وحده تشيل خشمها عليه
انتي هنتيني ولازم تاخذين جزائج
_يسولف وسحب ايدي ويعيط اضحكي اضحكي
ياربي لويش اضحك ع صخام الصخمته لأبوي
الشارع بيه شباب وهو يمشي برعونيه
واضحكي يصيح حيل
وما نحس الا بريك داس قوي. وعاط
. ابن الزمال هذا شبيه رفعت راسي سياره ساده. الطريق عليه
وكف يمه رحت بيها هذا منو انوب نزل منها شفت ضهره
بقيت اباوع ونزل عصبي مرتضى يريد يتعارك وياه
اني شفته لو انذبح قطره دم ما يلاكو بجسمي عزززززا
يااا بويه رحت رحت لطمت بعديش
قاسم شجابه ووين احنا اصلا ع الشارع العام
يعني قريب ع بيتنه
انفتح الباب سحبني من قميصي هيه سحبه وهو راشدي
يمكن اذاني انشكت الطبله بس صفير حسيت ويدفع بيه صعدني بسيارته ورجع ع مرتضى بقى وياه واني اباوع أخذه ع الجزره الوسطيه يمممه يمممه انفضحت انفضحت.. رجع سحب جنطتي
قاسم اخذ الموبايل وراح يم مرتضى
اقل من ربع ساعة لكن أطول من سنه بالنسبه اليه من الخوف
اباوع ع مرتضى وجهه مليان دم من خشمه وحلكه وقاسم بيده سحبه وصعده بالسياره وراح
اجه قاسم بيده ضرف
وموبايلي خلاهم يمه ومشه بالسياره بلا كلام بس باوع بوجهي بنظره استحقار وعيونه شرار
اعصابه كلهن واكفه سحب كلنس مسح الدم من إيده واني الرجفه خلتني حت اتبول ع نفسي من الخوف وسكوته تاكدت رح ياخذني لأبوي
أليوم رح انذبح واكيد هاي الصور
يممه
وكفت السياره واني عيوني ع الموبايل والضرف مو ع الطريق انتبهت هذا مو بيتنا
_الغي صار شكد عندج علاقه بهذا المخنث
_امتمت اريد اطلع الكلام ماكو دك التلفون بهلاثنا
_ردي ع ابو الخط كوليله اني ارجع روح
_جاوبت ابو الخط
_احجي ما اريد تتأخرين
_اني ماعندي علاقه بيه والله وروح امي
_ماعندج يجذب وتلفونج المليان مكالمات بينج وبينه
وهاي الصور
_والله بتهديد والله خلاني اطلع وياه بتهديد وبسبب هاي الصور مركبهن ماعرف وين والله مو حقيقات
واني الثوله ماسحه المسجات لان اخاف البنات يستخدمون الموبايل يعني ما يصدك قاسم
وداعه ابوي ماعندي شي وياه
_مخلص الكلام انتي الله مطيح حضج هاي انتي الجبيره
تصعدين سياره وي شاب هيج ما تخافين
وكامشه إيده وتتمضحكين... وجابرج.. هم
. لكن منا وجاي اي زله اخلي ابوج يذبحج. وهاي الصور صح مركبه لكن ما يمنع لو ما منطيته مجال ما متمادي وياج والله اعلم شمسوين
غبيه
_بقيت الطم واحلف وابجي وهو حرك السياره
راح تكول لأبوي
_انتضري مني اكوله واخليه بَيذبحج بس اشوف زله
تصعد بالسيارات بنت نادر عفيه
وطالعه وياه لبيتهم
_شنو طالعه لبيتهم لا والله لا جذاب والله
_اششش شش انلصمي
وصلني للبيت ودك الباب بقى وواكف واني بقيت هم واكفه اجه بابا فتح الباب وقاسم يأشر بعيونه فوتي
_ ها ابو حوراء خليت الطحين يم ابو الفرن كل يوم رح العامل يجيبلكم شوف البيت شكد يكفيكم وهو يدز من تخلص الكونيه نوديله وحده لاخ
وها المحروسه لكيتها بالطريق واني كلتلها خابري ابو الخط اني رايح لاهلج
_والله كاعد اتعبك وياي ياقاسم
_لا تعب ولا شي المهم تخلصلي سالفه هاي البنيه هههههههه
يمعود ابو مقدام قافل ما يقبل يخطبها لان مو من عشايرنا
_ولا يهمك كتلك خليها وراي الا تصفئ ببيتك...
_فتت امشي ع كيف اريد بس اسمع قاسم شيكول لأبوي فززتني دعاء كاعده بالحديقة تسوي مكان ل كلب زغير جايبته
_شبييج لاتسحكينه حوراء
_وهذا شنو الجايبته
_لج لحكت عليه قبل لا ياخذونه اولاد ابو باسم
همزين شلته وجبته
_لج نكس
_اي بابا كال لا. تلمسينه او غسلي بره قبل لاتفوتين اذا لمستيه
_فتت واحجي شنو صار ياترى كال لأبوي
غراب متحسنه لكن بابا منعها ما تخبز قاسم داز طحين للمخبز ويجيبونه
وحاير ب غراب
عذروبه تروح وترجع ادردم عليها
بدلت ع السريع ورحت اتصنت لان سمعت اسم قاسم ابوي يحجي وي غراب عنا وخفت كلت عمودي
وصلت سحبتني سريو من وره
اول تالي تتصنتين انتي تحجين ع عذروبه اذا تتسمع
_هاا لا هيج ورجعت خليت نص وجهي ع الباب المفتوح شويه
_هذا قاسم خطيه رادله وحده هي هم من الانبار
لكن مو من عشيرتهم
وأمه وإخوانه ما قابلين
وصار النقاش يمي
فأني سألت
ابو مقدام شنو اخلاقهم عائلتها بيها شوائب
_لا مابيها ياخوي
وقاسم واكف متخوصر.. شنو شوائب ابو حوراء اني ارعن حت اختار هيج حيا الله
_اصبر شوي ياخوي شبيك اذا ما بيهم شي وهو هاويها افضل من يأخذ وحده وما يرتاح
_وبنت عمه يا ابو حوراء وعيب الوالده صار سنه من لمحت
_لمحت والوالده... هم تلميح يعني مو صراحه
_لا مو صراحه هيج تتغزل بالبنيه.. حجه قاسم
_ولك اضگل شنو تتغزل بالبنيه قاسم
_اي مو مالي نفس بيها يا ناس احسها وحده من اخواتي ليش تخلونه بمكان احنا ما رايدينه
_اسكت واصبر
_ابو مقدام مازال ما هاويه صدك حتى لو تجيب الجاي فد يوم بارد رح يطلعها مو ام بيت
يعني يخلي اي عيب براسكم ويصيح هاا انتم جبتوها
لكن من هو يختار اويلي لو يضمضملها
كل التسويه
هم تنكشف وتكولوله طبخ الطبخته اكله وانلصم
يعني هو اليتورط
بقيت اقنع بابو مقدام ويجوز اروح اقنع الحجيه لان تحبني حيل
_من سمعت حديثهم ارتاحيت يعني ما بيه شي يخصني الحمد لله
وراها ابد بعد ما شفت مرتضى وحتى موبايلي من الخبصه باقي يم قاسم وره يومين شفته بطلعتي للمعهد ببابنه
منتظر بابا يروحون لمحافضتهم
كاشخ ومتعطر ولاف يشماغ ع راسه بطريقه غريبه وحتى الدشداشه لونها غريب. لايكه عليه لكن. اني قاسم شوفته اليه الرعب الحقيقي
وصلت للباب مد إيده لان بابا وراي ويصيح هلا ادخل هسه اكمل
_براحتك منتظرك هنا
هاج
بابا فات لان دا يبدل باوعت ع إيده موبايلي اخذته ومشيت خطوه حجه
_لا تتوقعين ماعرف شنو يصير وياج اعرف اعرف لذلك انتبهي من الدرس للبيت
مشيت بلا ما التفت وبطني توجعني من الخوف بس هزيت راسي
كلبت بالموبايل ماكو رقم مرتضى
الحمد لله
بدأت الامتحانات وعرفنا من بابا رح يخطبون ل قاسم وره روحته ل للانبار
امتحنت والبنات نجحوا وغراب بهاي العطله رسمي صار اسمها عذاب اذا قبل بس غراب
لان دا تعلمنا كوه واطلع شغل من جوا الكاع حت ننضف
طلعت نتيجتي وناجحه لكن ولا درجه عاليه وبيها بابا يتباحث وي الهانم عذاب
_اخاف ما أدبر الإعداديه
نخليها تروح لأي معهد
تجاره معهد معلمات
_لا تكمل شكو عدها الاعداديه اضمن
_خل اسألها واشوف امكانياته
_ها بابا صحتني
_اي بنتي شنو رايج تكملين اعدادي لو تروحين معهد تجاره معهد معلمات شنو ببالج
_لا بابا اكمل اعداديه
_متأكده بنتي
_بداخلي كلت ما طول خلصت من مرتضى اكمل اعدديه افضل لا بعيد وهم يطلعلي مثل مرتضى وخاصه اشوف الشباب يخوفون
مشي الحال والسنه اني رابع واجت ويانا عذروبه اول متوسط
لكن كل وحده بينا متأخره سنه المفروض سريوه رابع لكن من بدايه السنه وشاطره مقبلت بمعهد ماتحتاج كالت لبابا
بقت بس دعاء بالابتدائي
وهنا بقت عذاب تروح بيدها توديها وتجيبها
لان قريبه المدرسه.....
تتواصل ويانا بس عمه نهله وعيالها وع طول نروح الهم او يجونه
صارت عطله نص السنه وابو مقدام عزمنه ع عرس قاسم تمنيت ابقى وما اروح ردت ابقى يم عمه نهله توسلت ببابا لكن بابا رفض لان نبقى يومين هناك
وحضرنا كولشي وبداخلي كلت يلا هسه هو ملتهي بعرسه وهم اكيد نسئ صار كم شهر ع السالفه
كملنا واجت سياره جببره وحديثه بوقتها
طلعنا وجانت 7راكب وصندوك غراضنا
اول ما وصلت للسياره وجعتني بطني من شفت قاسم الجاي
وأخذت الكرسي الأخير شردت ردت اختفى اختل وما يشوفني
صرت بآخر كشن
وبابا بعده بره السياره
سمعت صوته
ع كيفج عمو القاط لاتسحگيه
انتبهت مرتجيه ع القاط معطر وبيه نايلون جاي مجهز من بغداد ملابس واغراض بعلاليك لعرسه
مشت السياره واني ضهري لكراسي الركاب بس دعاء يمي
لحد ما وصلنا اسمعه يسولف وي بابا وعذروبه بس تاكل فواكه
هي وسريو
اني اتمنى اختفى من قاسم
ايدي صارت ع العلاليك
مفتوحات
شفت علب فتحت علبه بيها ساعه رجاليه حلوه
وعلبه بيها اكسسوار مال دشداشه بمكان الدكم وعطر وهواي شغلات
دفعتهن من سمعته يحجي
دحگ ابو يعگوب هاي منا كلها ارضنا مد العين هاي زراعتنا
التفتت لا إرادي اباوع ع كلامه ع الارض صح حلوه تسحر باوعت صارت عيني بعينه ع المرايا
صاحب حواجب ثخان حيل مطبوكات
ووياهن عيون سود رغم معانيه عاديه. لكن الطاغي عليه صفه الشعر هواي بايده ولحيته وشعره اسود وثخين
وبيه سمار ع حمار
بينما ابو مقدام لا ابيض
قاسم لا مبين محترك من الشمس
وصلنا الهم
بيوتهم. جببره وحلوه
وضيفونه اهله لكن من الناس الهواي طلعو هواي كرايب عدهم البيت مليان مالنا مكان وهاي بعده العرس من وصلنا باجر الحنه
تلكتنا الحجيه
يشبهاا ابو مقدام انسانه شوفتها ترد الروح رجعتنا لميمه وحضن ميمه انه واخواتي نفس الاحساس حسينه بملكاها وكلامها وكعدتنا وفرحانه بينا زائدا لهجته المختلفه منا زادت محبتنه الها
ضيافتهم تختلف ونفسهم طيبه حيل
وعدهم بنات هواي كولش وتقريبا نفس اللبس والحركه مثل خليه نحل الكل يتحرك ومبين أمهات البنات وچناين الحجيه وبناتها كلهم عرفتنا عليهم
لكن كل وحده تسلم الحجيه تكللهم بنات ابو يعگوب وزوجته ونفس السلام والحماس وكأن يعرفونه من زمان
البنات سحبونه وياهم واندمجنا ونسينا أنفسنا لان ما مختلطين متعطشين نشوف ناس وغراب كملتها من كالت الحجيه ما طالعات ابد وخاصه من شلنه بهذا البيت. فما قصرن يعني شكد تعبانات محسينا بالوقت وكل هذا وكل ساعه نشوف عذاب تجي وتسأل علينا مثل الغراب تفتر علينا لكن اني وصيت البنات ابد ما تحجن ب غراب لأي بشر توصل لأبوي يبقى ما يحبنا
ف بالفعل نتحاشا السوالف ع غراب
رغم اكو وحده جبيره يطلع عمرها ٢٥سنه شابه لكن مبينه متزوجه
بقت تلح
هيه مو زوجه ابوجن
مو امجن ميته
مرتاحات وياها
هم تخدم عليجن
لحد ما اجت البنيه الي الحجيه وصتها علينا وكالتلها البنات بامانتج اكلهن وشربهن وراحتهن
اسمها ميقات
كتله جمال وأخلاق ولبس محتشم
وكولشي بيها يضحك مرحه
ما سمعنا منها بس سؤال عن اسمائنا وراها لا اطلع ميت سالفه حت تضحكنا
عرفنه هي سادس أدبي بنت ابو مقدام
ف ردتها ميقات من سألت
_عمه خفي ع البنات تعبانات
وسحبت ايدي وايد عذروبه واشرت لسريوه البقت فاهيه تريد تردها
لكن نقذتنا ميقات وصعدتنا لغرفتهم
الضاهر غرفه البنات مالتها هي واختها
تعالن هاي زوجه عمي زهير الاكبر من عمو قاسم
الوحيده لا تنملي عينها
ولا تسكت ولا يخلص احد منها من الحسد هههههههه
ردت سريوه ولج والله مبينه شرار مو طبيعي ب عيونها
العرس الوحيد الشفناه والوحيد نكول عليه حلو ويخبل
لان عرسهم يختلف تماما بالزفه والاكل واللبس والسيارات والچوبي يخبل
الغريب هذا البيت الجبير كلهم كاعدين بيه لكن منفصل كل بيت وحد والبيت البيه الحجيه هو لابو مقدام وعرفنا زوجته وأولاده هنا
لكن ببغداد شلون بيته
عرفنا من ميقات ان امها الجبيره. والزغيره ببغداد كاعدبن هناك بيه البيت همام وقاسم همام هم متزوج لكن ببغداد لان شغله
لكن قاسم ما قبل يبقي زوجته ببغداد لا ب الانبار
وأهلها هي العروس هم بالانبار
كمل العرس والحمد لله ماشفت قاسم بنفس السياره رجعنا لكن الرجعنا مقدام وهمام
مقدام ابن ابو مقدام شاب عمره ٢٠سنه
وعمه همام اليشتغل بابا وياه بالمطحنه
رجعنا وكانت احلى سفره بالنسبه النا
ورجعنا للدراسه الرابع بالنسبه لي احسن من الثالث ونجحت واخواتي هم نجحن انتضرنا نتيجه سريوه بالثالث هم نجحت
مرت ايام يوم كر ويوم فر وي عذاب الي ابوي صار بالزغيره والجبيره هي أم الراي واحنه غيره منها يمكن او هي تخبث وخذت بابا وحبه ماما راحت نحسها
لان اني حاسبه لسنويه ماما بيومها بجيت لان بابا تأخر وما أخذنا للمقبره
حقدت والبنات هم كعدنا وقرينا قرآن للمغرب سوينا ثواب الها ولاجدادي
وما اجه لليل
سمعنا عذاب تحجي بالموبايل
نسمعها تكول يااا يمممه وكون ميت
وهسه انتم وين
طلعنا حتى نسألها شكو
دمتم بخير
زهرة الرمان
نمَشي وية الدهَر دخان محَد يعرف شبّينا
مساء الورد 🌹🌹
#بنات نادر والقدر
#بقلمي زهره الرمان
#بارت 10
منو خاله وشكو
ولجن انتن يتيمات بلكي دعوتجن تنجيه
مقدام ابن ابو مقدام ضاربينه
طلقات يم باب المطحنه
وهسه بالمستشفى بين الحياه والموت
ع فد صرخه كلنا لان نعرف غلاته ع ابوي
وهم ابو مقدام عرفناه عم النه اكثر من عمي
بقينا ندعي ونبجي
نتوسل الله يخلصه ويطيب
ثاني يوم يلا بين ابوي والتمينا عليه
وهو يجاوب
_بعده والله بالانعاش
وحده من الطلقات
فايته بالجمجمه
ومنتضرينه يصحى يلا يسووله عمليه
البارحه طلعو وحده وبعد يم الله ادعوله
ابو مقدام فاقد حتى اي تصرف ما يكدر يتصرف
اربع ايام ابوي يجي شويه ويرجع گابلهم وكعد البيت عبالك احنا أهل المضروب لان متأثرين عليه
يوم الخامس ابوي اجه وكال رح يسفرو للخارج بمجرد وعئ سفروه
وراحو بقا ابوي هو وابو بكر ووميض اخو ابو مقدام بالمطحنه لكن هناك تقسمو بين السافر بين البقوا بالانبار
وأمنو ابوي ع المطحنه
بقى يطلع الفجر يجي وره صلاه العشاء
ايام تجر ايام من يرجع نسمع شلون يخابر بابو مقدام مرتين راح للانبار
وحتى اخذ غراب وياه
لبيت ابو مقدام. من يسولف يكول لو شنو اسوي ما اوفيهم
وبالفعل
وكف بالمطحنه ولا ترك شغلهم
طولو هناك شهر ونص
حولو كومه فلوس رادو بس يرجع سالم
. وره هاي الفتره هنا همام وولد عمه يتحرون ع ضارب مقدام
رجعوا من الخارج لكن بعد شنو تعوق شاب بعمر الورد
شلل بوحده من عيونه. ياربي احلى شي بوجه مقدام عيونه
عيونه شهل وحلوات
يشبه ابوه حيل ابو مقدام
اصلا يشبه بهجت الجبوري الممثل نفس الشكل والطول والعيون
راحت وحده من عيونه صارت بيها عيب خطيه
لكن اشترو شرايه كومه فلوس دفع ابوه حتى يرجعه
بهاي الفتره زاد القتل والتسليب والمساومه
صح رجعوا لكن مكدروا يأمنون بعد ع ولدهم
وخاصه لاگين كم واحد جاي ومهددين اذا ما يدفعون ماعرف شكم شده
يقتلون منهم
ف خافوا ع ولدهم
شهرين وره رجعتهم
قرروا يصفون شغلهم بغداد ويرجعون لمحافضتهم
ويومها اجه بابا بليل ضايج لان بمجرد يبيعون هو راح يكعد ويسكت
وخاصه همه حقهم ما مستعدين يضحون بشبابهم
بهاي الفتره بدا الدوام المدرسي
وبدينا نمشي بالدوام امتحنا الفصليات
واجه بابا كال باعو املاكهم
.. بابا جان حيل ضايج لكن ما باليد حيله
استمر وياهم ويساعدهم حت بالتصفيه
لحد ما أبو مقدام كايله احنا حت لو بعنا او انتقلنا
تجي انته هناك يمنا نخليك ع راسنا وما يختلف شي بالعكس هسه السوك اله غير طلبات نشتري غير شي
وانته حالك حالنه
لكن بابا رفض لان كاله دراسه بناتي هالفتره وقربت نص السنه صعب انقلهن
وبيتي صعب
فأقترح عليه يبقى بالمطحنه وصئ المشتري لحد ما نكمل السنه الدراسيه ونروح يمهم اول مره ما قبل لكن اقتنع بعدين
لان ماعنده حل...
منتضرنا نخلص وننتقل للانبار
وحتى غراب بقت تصفي بغراض البيت الزايده بحجه ماكو داعي انشيلهن مناك نشتري
باعت هواي أغراض
لكن المفاجاه بابا راح لبيتنا القديم رايد يبيعيه. لاكيه مقر لحزب صاير شلون ومنو معرف بيومها رجع مهموم
لان بيت ورثه اله ولاخوانه جان مقرر يبيعه ويوزع حصص إخوانه قبل لا نروح للانبار
بقى يشتغل
لحد ما تخلص السنه الدراسيه النا
اما غراب او عذاب تتلذذ بتعبنا
التنضيف بالنسبه الها هوس تمسح باصابعها وراانا و لايوم كعدت شفناها ع تلفزيون او تتصل بالفون بس تفتر علينا تبزعها لرواحنا اذا وحده متقبل تسبح تبقى واكفه ع راسنه الا تسبح او بيوم غسل بطاطينا من يتغير الموسم تفرض الا نغسل كل وحده بطانيتها وجراجفها
وادقق ونضطر نعيد الغسل اذا ما عجبها
لكن ولا الها صوت بلا عياط كولشي بهدوءه....
اجه اليوم ابوي من وكت ومخلي إيده ع راسه
سريو طبعها من زمان من يجي بابا تجيب طشت وتخلي مي دافي وملح وتبقى تغسل رجلينات بابا
اليوم ما قبل وضايج
نادر.....
المطحنه بقى شغلي مثل قبل أيام ابو مقدام لكن صاحبين المحلات
ناس حديثه نعمه
وما احتكيت بأحد بس ابو بكر
. واليوم اجو تجار ويسولفون واني احدد بالقوائم لصاحب المطحنه اسمه ابو فؤاد
يسولفون ف سأله ليش باع ابو مقدام المطحنه الك
رد ابو فواد
.. العرفناه يا خوي هذا ابنه مو ضربوه وعوقوا عينه ف خوته وعمامه رادو يعرفون منو سوا بابنهم هيج
طلعو جماعات يصفون بالحزبييه وهذا ابو مقدام ماعرف منو عنده حزبي يكلك جان صوته يرن قبل السقوط
وما لاكينه بس هددوه
طفر بعد الحزبي انلگف لا الله اعلم
_هنا انشل تفكيري معقول اني جنت اللعنه الحلت ع ابو مقدام وإخوانه والازيد شردوا وما كالولي وانوب يردون اروح وراهم
رحاب شفتي اللعنه التلاحكني
..... قررت ما اروح للانبار وشويه شويه
اقلل علاقتي بيهم
ما اريد ااذيهم كافي الصار محد يصبر ع الصار ابنهم صگطت عينه وهو شاب
وحت المطحنه اتركها لان مو امان يبقون اخاف يحفرون ذوله لان كنت وي ابو مقدام
بديت احاول ادور ع شغل منا ومنا
حوراء...
وصلت نهايه السنه وهنا خلصت خامس اعدادي... والبنات وراي بمرحله بالتسلسل
كلما نسأل بابا شوكت ننتقل يكول
ما رح نروح للانبار...
بالعطلة بابا كال رح ننتقل بغير بيت
وغير منطقه
وانقلنا ببيت أصغر لكن بيه محلين
بيه غرفه نوم وحده لبابا واحنا بالصاله حت كنتورنا صار بالصاله
صارت غرفه النا والمطبخ زغير لكت صار اكلنا وكعدتنا بيه
عرفنا بابا ترك المطحنه ومن سألناه كال ما ارتاحيت وي الناس
المحلين الي بالبيت مالهن اي ارتباط بالبيت واحد منهن ابوي رجع للمواد الاحتياطيه والي كال جان شغل ابوه
والمحل الثاني
مصلح سبالت ومبردات ومكيفات
اجه بيه رجال مهندس وياه عامل
خلصت العطله بهذا البيت واذا جانت هناك بيتنا ذاك جان حيل جبير
وبيه حديقتين هذا لا مساحته زغيره لكن ع شارع عام وتجاري
لكن انحرمنا من حديقه الأكثر دعاء وحبواناتها الي شايلتهم وتفتر وحايره بيهم
بيوم شيلتنا وحركت گلبها عذاب من انطت البزونه للجوارين هي والكلب
بقت بس البلابل
ودعاء شبعت بجي
وغراب شبعت نعايل من عذروبه ومني ومن اسراء
وكل هذا ودعاء ماتقبل نحجي عليها
بابا الضاهر تعمد ما نطا عنوانه ل ابو مقدام لان حت السيم كارت غيره
مالته بس مالتنه بقى نفسه لان محد يعرفه
بدا بابا يشتغل ومأمنين لان قريب علينا
واستقرينا نوعا ما
اني سادس أدبي لان اعرف مو قويه بالعلميات
وسريوه خامس وعذروبه بالرابع
ودعاء ثالث متوسط
نروح ونرجع للمدرسه لكن لان مدرسه وحده كلنا
ابوي يودينا ويجيبنه مشي وقريبه حيل المدرسه
بعطله نص السنه
دخل بابا مثل كل يوم الضهر نتغدى سوا لان مدرستنا كوله صباحي
ينتضرنا بباب المدرسه ويجيبنا
ندخل يبقى ربع ساعه
ويفوت نتغدى
كعدنا ناكل بالمطبخ كعدتنا بابا يباوع ع عذروبه وع سريوه
ويرجع يباوع عليه
نضراته واضحه اكو كلام بدماغه
وكولنا انتبهنا
لكن مسالنه
لكن عذروبه ولا هدأت
وللو هاي طريقتها الا تعرف شكو
لكت هالمره ما اجت ولا حجت الموجز بقت ساكته وتفرك بيدها
_عذراء... اني عذراء او عذروبه بكيفكم
السنه اني بالرابع اعدادي اكره المدرسه كره مو طبيعي
أنجح بالدفع والعرك
والتهديد والوعيد من عذاب
المفروض اني خامس هسه
لكن اني وحتى حوراء بلوغنا. من واحنا صغار اني بسنه وره بلوغي صرت أطول من سريوه هي أكبر مني بسنه لكن اني طول بسمن وبياض وشكار
احلى وحده باخواتي
بجسم وحتى معاني حتى بالمدرسه يسألون يشبهوج بممثله اكوللهم اي
يكولون ليلى علوي
جنت اتمنى يصير عندي صالون ومكياج هواي
لكن بابا عنده الشهاده اهم من اي شي واجت عذاب تعذب بينا ع الدراسه
ببيتنا الجديد
بابا مأجر محل لواحد مهندس يصلح مبردات ومكيفات
نطلع يودينا بابا للمدرسه اول مره كلت صدفه الشفته. او ممقصوده. من نروح يترك البيده ويبقى يباوع عليه من جوا ل جوا بلا ما يخلي احد ينتبه
يوميه بالروحه والجيه
. عمره بالعشرينات
وشكله حلو اول مره تجاهلته ولا عبرته
خاصه سريوه انتبهت و تريد تعرف ليش يركز ويوكف من نروح ومن نرجع
خفت بقيت ادنك لكن عيونه فاضحته
يبقى يباوع عليه
يوم وره يوم وهو مستمر
بالصدفه بابا يوم من الايام
كال تعالي ساعديني بالمنور
اغير مقاومه السخان
وعددلي غراض اخذهم اله
رحت وراه للمنور ودا يبدل بالمقاومه
ونسمع صوت المهندس والعامل مالته
باوعت ع بابا باستفهام سوا بابا باصبعه اششش
هذا محل الماجره
سكتت بقيت اباوع شفت
مكان مال مفرغه ورا السخان اطل ع المحل فارغ مكانه
وراها بيوم
من باب الفضول
بقيت اراقب واتسمع لكلامهم او اباوعله بدون ما يدرون
يوم وره يوم صار روتين من اشوف وقت مناسب اركض اباوع عليه
اول شي عرفته اسمه..
احمد
من اراقب
يوم دا اسمعه يتصل
بالفون
ويحجي
_لك شبيك غير تموت ومودبات حيل قطط مغمظه ولو شيريد ابوها
اقبل
ما شايفها ليلى علوي النسخه العراقيه ولك بدم العراقيه وتصور
أنت اخوي مدلل امي واعرف تأثر ع امي ماترفضلك طلب
رجع هم ماعرف شكله ذاك
ورد عليه
_اي هم صح لكت وين الكاها اكلك ابوهن ياخذهن ويجيبهن بديه ولا يطلعن ولا نسمع الهن صوت تكول البيت فارغ وهنه اربعه اعتقد هي الجبيره
صح زغار لكن بعد بيها اريد أعلن توبتي من كل بنات حواء واتفرغلها
لك شبيك دخلت گلبي
وعرفت اسمها يمكن حوراء لان هو كال سميني ابو حوراء وهي الجبيره. وصدك حوراء
_خليت ايدي ع حلگي معقول يقصدني
وما عرف اسمي الوصف اني ومن يباوع يباوع عليه لكن مايعرف اسمي
وهلا عباله اني الجبيره ميدري اني اكبر من الكعده
بقيت لا شعور اباوع عليه يوميه
ومن نروح للمدرسه كمت اتأكد هو يقصدني
بيوم اجت عمه نهله وجهالها وزوجها
وملتهين وياهم طلعت بنت عمتي للمنور
واني روحي باقيه هناك
رحت وراها وهي توها تمشي صغيره
بقت تبجي شلتها واسكت بيها
واحجي وياها
سكتت كلت خل اباوع من الفتحه مال المفرغه اخاف نلتهي صعدت ع طابوكه خليت وجهي
وما احس الا صار بوجهي فزيت وهو بقى يباوع
نزلت ركض حجه بهمس اوكفي عليج الله اني ما لابسه ربطه ركضت واحس گلبي يدك قوي
وراها خليت بنت عمتي واتذكر وضحكت شون عيوني بعيونه صارت..
خفت صح لكن من صاح عليه وصوته بقى يفزز گلبي
لكن ما صعدت للفتحه ابد بعد
لكن اطلع واتسمعلهم بقيت
مرت ايام واني بس اتسمع
ماعرف شون يعرف اني بالمنور يبقى يقرأ شعر يخبل
او يفتح ام بي ثري بوقتها كان يتنزل اغاني
استمر الوضع هيج
لكن بيوم كان صنطه وحبيت اباوع من الفتحه
هدوء المحل باوعت ماكو احد حتى العامل ما هوه
بقيت اتلفت بالمحل
وفززني طلع وجهه من الجانب وهمس اوكفي بداعه ابوج اوكفي
جمدت
بقى ثانيه وحجه
_بس احجي وياج شويه
انتي حوراء؟؟
هزيت راسي يعني لا
_زين انتي مو الجبيره معناها شسمج
سكتت
_يعني خرسه
_اجتني الضحكه
_لج لاتضحكين تروح فدوه لهاي الضحكه
سلوى وسميره وساره
ههه منو ذوله
_يا الله طلعلج صوت
ذوله نسوان اخوتي لكن كل وحده تكولين ابو اسماعيل
_راح اروح
_بس رجعيها
_شنيه وضحكت
_روحي
نزلت همس تعالي تعالي
باوعت
_تلكين رقمي هنا بعد شوي اكتبه حتى اكولج شي
_نزلت ودخلت ووجهي مخطوف
رجفه ع خوف ع فرحه ع توتر اكلت وما منتبه. سريره بقت تحجي
ياوكت عذروبه تاكل تمن ماش ودبس
انتبهت اني اكل دبس واني ما احبه
لكن فكري مو يمي
ما عودت اكمل الغدا
وبقيت عيني ع المنور شوكت اطلع واشيل الرقم لا وحده تروح
بس. كملنا الغدا وبابا فات ينام ساعه يلا يرجع يطلع للمحل واليوم رايح للسنك يتسوك
ف تعبان
البنات كل وحده تكمل شي ولو خف شغلنا لان البيت زغير
بلهوه اخواتي ركضت
لكيت الرقم
أخذته وركض للحمام
قريته
شلون اتصل وشيريد وابوي لو البنات يعرفون او عذاب لالا ما اتصل افضل
ضميت الرقم بكتب ولو حفضته
بقيت فتره واني ما اتصل اخاف
خلصت عطل نص السنه
وبدأ الدوام وبدأ يباوع احمد لكن هالمره يركز وفهمت لان ما اتصلت ويانه بابا ميكدر يباوع هواي
لكن بابا مره وي رجعتنا ومفنا رجال ومره وبقوا يسولفون وياه فكال بابا روحن بابا
احمد بحركه سريعه أشر يده اتصلي وخزرني بضحكه
لو گلبي وكع...
رجعت وافكر وافكر اتصل لو لا
خفت وتراجعت
وراها بدأت الامتحانات الفصليه
اشتاقيت رحت للمنور
اتصنت ماكو صوت كلت ما اباوع من الفتحه اخاف مثل ذيج المره
ماكو تكررت كم يوم ماكو
. مر اسبوع وما بيه احد المحل
استغربت ومن نطلع لكبته المحل معزل
وبابا ما سمعناه حجه عن المحل شي
يعني شنو
بطل من المحل
اني اعرف انعجبت بيه ومال گلبي لكن اخاف
رجعنا من المدرسه وبابا كال ل عذاب
اليوم رايح لبيت اهل هذا الولد المؤجر
بالمستشفى
ياا يعني بيه شي
الضاهر مسولف ل غراب لان ما استغربت. بس مالتله اخذ بيدك شي عيب تروح فارغ
بقيت احوص شبيه ياترى
شبيه
اجه بابا وما سمعت شنو بيه احمد
بليل ساعه ثمانيه
البنات يقرون واني كلتلهم رايحه اسبح
حجن عليه
اخذت الفون فوك الثلاجه ورحت للحمام
وباوعت الكل ملتهي بابا بغرفته هو وغراب
طلعت الرقم ودكيت وكلبي صوته اقوه من دكات الطبل
دك مرتين ثلاثه بالرابعه
فتح خط
الو
الو
مكدرت اجاوب لكن أصوات يمه
يحجون وياه
ها حموده شكو
هااا منو
. رجع. كال الو براحتكم لا تحجون اني هم هسه مشغول بذوله اللزكه نص ساعه واتصلو..
غلقته وخفت يعني بالمستشفى
مسحت الرقم لكن هم خايفه خاف يتصل وبيد وحده من البنات شلون يا ربي
سمعت صوت سريوه عاطت نمتي بالحمام ركضت فتحت الماي
واسبح وحجيت وياها ما بقى شي اصبري
شون مكان سبحت باوعت بالضبط صار عشر دقايق. كلت اتصل واكوله لا تتصل اي شجاني واتصلت
اول دكه جاوب
_يابه وجهكم خير عليه
راحوا كلهم حتى تتصلون اي احجو
بقيت ساكته
تالي
قررت احجي
=عفيه احمد لا تتصل ع هذا الرقم ابد لان اني واخواتي مشتركين بهذا الفون مو بس اليه
_هلا هاي منو وأخيراً اتصلي
__اي ردت اكولك الحمد لله على السلامة
_جنت مو زين وهسه طبت رح اكولهم تعالو طلعوني اجاني طبيبي
_شسمه اني رايحه
=يا شسمه يا رايحه
اوكفي شلعتي گلبي من شوكت واني منطيج الرقم ليش ما اتصلتي
_شتريد مني
_اريد اسمع صوتج حتى أطيب
=اني بعد ما اتصل ولا تتصل انته ابد زين؟
اني ما اتصل لكن اهدم الحايط بين محلي والمنور مالتكم اذا ماتتصلين
_يااا شنو هالكلام
_هههههه حلوه هاي مال يااا وتجريها
كوه يلا عرفت اسمج عذراء
اريد اعرف كولشي عنج كولشي
هسه دا اسأل انته لويش بالمستشفى
_خفتي عليه... يا بختي
_راح اقفل الفون
_اوكفي شبيج
شلت الزائده شي سهل لاتخافي
كم يوم واجي للمحل روحي بيه شلون اتاخر
سديت الفون واضحك واتذكر كلامه واطير بالغيم
مرت كم يوم
ورجع واحس رجعتلي روحي رغم الارتباك ورغم الخوف لكن شعور حبيته وما حبيت احد يعرف
بقيت اخابره او يكولي تعالي اشوفج من المنور
يوم وره يوم اتعلق بيه اكثر واكثر
وبالاخص صح هو جبير يعني عمري
16هسه
وهو يجوز 25ويجوز اكثر لكن
صار اعز من روحي والزاد حبي اله. عرفت هو متمكن ماديا حيل
والمحل مضاف لان يحب يشتغل وأهله بيتهم قريب شايفته حلو وسيارت عدهم
بديت احلم يحققلي أحلامي يصير عندي صالون جبير واترك المدرسه وتعبها ويسفرني
شويه شويه بدا يبني وياي شون يتزوجني وخاصه كتله ما احب الدراسه
ما اعترض
-من اتزوجج اخليج براحتج
بديت اعرف الوقت الي شوكت اتصل ومحد يحس رغم مبين عليه الفرحه
لان كلما تفوت سريره تكولي مو خاليه
اما حوراء فصار مقرها غرفه بابا عذاب حجزتها لان سادس
خلصنا امتحانات ونجحنا وننتظر نتيجه حوراء الي سولتها تخلص اضافرها اكل من تتوتر او تخاف وتوهس
بيوم بابا راح يتسوك للمحل وكاعده غراب ومخليه صياني نلف كبه حلب والا كولنه نشارك باللف
واندكت الباب لبست عبايه عذاب وراحت كالت لنلمن المطبخ لان شافت نسوان بالباب
انسحبنا ورتبنا المكان أشرت غراب نفوت بالغرفه
حتى ضيافه متخلينا انقدم ابد أشرت يعني ابد لا اطلعن
وحده تسأل بالثانيه منو ذني شرايدات
بقت نص ساعه وراحن
بنفس اليوم اتصل احمد مو من عوايده يتصل لان يعرف الفون للكل
وع الثلاجه دك مره وحده واني بالمطبخ همزين ركضت قبل حوراء كانت تنتضر ع القبولات صديقتها
اخذته وكولتلها اليه
صبا صديقتي
يعرفونها
لكن كذب ولا مره متصله
وما ينتبهن
اتصلت عليه وره ما صار فراغ
_الو ها احمد قلقتني لويش اتصلت
_حبيت اسويلج مفاجأه اشو ما اتصلتي
_اي مفاجأه
_شبيج ما اجنكم نسوان
_اي والله اجن شنوو احمد منو ذني
_لج حبي ذني امي وزوجه اخوي حجن وي امج
يااا ما طلعت غراب ما قبلت
أأقصد. خاله رحاب مقبلت
_هههههه يا غراب يا رحاب ليش هاي مو امج
_لا زوجه ابوي وسولفتله عن كولشي بحب او بعدم مسؤليه
وهو يستمع وخفنا ما تكول لأبوي
وبالفعل يومين وثلاثه وما حجه لا ابوي ولاهيه
واحقد عليها ازيد
واحمد ياكل بنفسه شلون هسه
كوتله محلك يم محل بابا لويش ما تكوله
وصار الرأي هو يفاتح بابا
وره يومين بابا واحنه نتغدى ويباوع بوجوهنا
آخرها راح لغرفته واني اعرف
محاجيه
سمعنا العياط مال بابا ورحاب
والصوت وصلنا واحنا كاعدين ع التلفزيون الكل ع الفلم الا اني يم بابا وغراب
عله صوتهم وراها صارت هدوء معقول بابا قنعته غراب ووكفت بقسمتي
_نادر الولد المأجر اهله قريبين ع بيتنه اشوفه انسان بحاله وإخوانه حيل محترمين وصاحبين سمعه زينه بالمنطقه
اليوم اجه وكعد يمي وكال عندي موضوع شخصي اذا تسمح ابوحوراء
_تفضل
_اني تخرجت من الهندسه واحب اشتغل حر والحمد لله بيتنا واخواني نتمكنين
لكن مكنت افكر بزواج لان هلخطوه تحتاج تاني
وبصراحه من جاورتك شفت تربيتك وأخلاق اهلك تعلقت بيك واتمنى اناسبك
واطلب بنتك الله يحرسها
اني بصراحه دزيت امي وزوجه اخوي لكن ماكو رد من الأهل يمك وما اعرف رفضتو او شنو
_ابني اتشرف بيك لكن تعرف اني بناتي يدرسون وصغار تره
_اعرف والبنيه اولها وتاليها تكبر وتصير عدها عائله واذا ع الدراسه اني مستعد شوكت ما هيه من نفسها تكول ما اريد اكمل يلا شون هسه انته تأخذهم وترجعهم اني نفس الشي
_انطيني فرصه. ويصير خير
رجعت للبيت اباوع ع بناتي اشوفهن زغار ما اريدهن يشيلن الهم والمسؤولية وهنه زغار
لكن استغربت رحاب جاياتها نسوان وما كالت
رجعت وفتحت الموضوع وياها
_جايات نسوان يخطبن وحده من البنات
_اي اجن واني كولتلهم بناتنا زغار
_وليش مكلتي اليه
_لان من اجن حددت امه كالت نريد عذراء
وكلتلها عذراء زغيره
وشفت الولد اكبر منها بهواي وشنعرف عنهم
والأم اشوفها ما ارتاح گلبي الها
_لكن لازم المفروض تكوليلي
_محبيت تشغل بالك وثم شكلك هو
_كلي اريد بنتك وبس ودزيت اهلي وما رجعتوا خبر
_كوله ماكو نصيب عذراء السنه الجايه خامس
_كال تكمل
_شتكمل وهي اني ع راسها كوه تنجح انوب مسؤليه هاي المره هم مامرتاحه لشكلها
_خوش اكله ماكو نصيب
_"وبالك وإياك تفتح الموضوع يم البنات وتفتح عيونهن ع هيج مواضيع
_رجعت خبر للولد
_انته والنعم منك لكن البنات زغار وصعب مامكملات مدرسه اعذرني
_اها براحتك ابو حوراء
_عذراء.. اتصلت ع احمد وسولفلي انو رفض وعرفت سوالف غراب بقيت اكل بنفسي
ايام واني احقد عليها أكثر وأكثر
واليوم احمد اتصلت عليه وكاعده مامنه
حوراء وبابا راحوا ع تقديم كليه ل حوراء
وغراب تتصل بالفون وتبجي بس وي منو ماعرف وسريوه تشتغل ودعاء اكيد دمعتها وي دمعه غراب تحبها مكابلتها
دا احجي وي احمد وهو صاير عصبي وهي شلون تتحكم بيكم وابوج برايها يمشي
واني حايره شنو اكوله ادافع لأبوي لكن هاي الحقيقيه هي خلته ما يقبل
وما احس الا انسحب الفون من ايدي
التفتت بعدما متت من الخوف
غراب تخوصرت واشرت اششش
وبقت تسمع لكلامه واني مأمنه بابا مهنا كلت شتردين خاله انطيني الفون عرف احمد وسدا
سحبت ايدي لغرفتها
وكعدتني
_تحجين وي ولد وبلا احترام لابوج لزمت شعري وهاي اول مره اشوفها تعصب بهالطريقة وعيونها مفتوحه
انتضري مني ايام سود يا عذراء لان ما حشمتي ابوج وذاك انه حسابي وياه يا كلبه ولو الكلب عنده وفا انتي ذره وفه لابوج ماعندج لعلمج حتى لو يحب لكن مستحيل يحترمج لان من وره اهلج تسوين هيج
طلعت وأخذت الفون وأني ارجف
يومين رعب حتى من أفوت الحمام تلحگني
خبلتني وانبلع لساني
بدا الدوام وره هاي الحادثه شهر
وراها بديت اروح للدوام واشوف احمد شال من المحل تخبلت وين راح وشلون طلع من المحل
فرغ المحل اروح وارجع گلبي بيه نار
وراها بكم يوم. أجره ابوي المحل
وغراب تزيد ماتنقص مغثه اليه وتأكد اقري زين
تأكدت حتى طلعه احمد بسبب غراب
لكن وره شهر دخل بابا وكال فوتو جوا
دخلو ناس كبار شيوخ وناس هواي
بقوا اكثر من ساعتين
اجت غراب اشرتلي
_يطيح حضج اذا قبلتي بيه فهمتي
ماهتميت لان عرفت احمد الجايبهم الناس
ف ابوي اجه وكعدني
وسألني احمد الي جان بمحلنا خطبج وشرطت دراستج
شنو رايج
_بابا بكيفك
_بابا مو بكيفي اذا عليه اشوفج زغيره لكن الناس وكعوا عليه مثل الداخلين يردونج الولد اكبر منج بهواي واني طلبت دراستج و سنه سنتين يخليج ببيت وحدج لان خالتج ما مرتاحه لأمه الولد
_شتشوف سوي بابا
_ان شاء الله خير
_طلعت من يم ابوي شبعت ضرب من حوراء وسريوه لان قريب يلا كولتلهم
وبقن يحجون عليه وهم ما مقتنعات وما مرتاحات مثل غراب لكن اني وين
طايره وفا بوعده من كال اجيب الدنيا كلها لحتى يقبل ابوج اخذج غصب عن مرت ابوج الغراب
وصارت الخطبه وعذاب شايله خشمها اجت عمه نهله وعيالها عمه فرحانه كالت اول وتالي المره تتزوج المهم خوش ولد
وما قصرو اهله بالنيشان والذهب
واني طايره راح يحقق كل امنياتي
احمد الفارس الي مالحكت احلم اجه بواقع
حوراء... بعد خطوبه عذراء اني قدمت ع كليه تربيه قسم تاريخ
وبدأ الدوام... ومرتاحه
رجعت ب 3لكيت عذاب بالباب لابسه عبايتها وتباوع للدرب
_شلونج خاله شكو
_ابوج من طلعته الصبح لهسه واتصل وماكو ادك وتلفونه مغلق قلقت راح يوگف گلبي...
_هسه يجي قابل بره رح تجيبيه
ما اكدر أفوت روحي تغدي
بقينا لليل ابوي ماهوه تخبلنا
الوضع مو زين ورحاب ما بطلت إيده تتصل ع رقم بابا وماكو اخر شي اتصلت ع أمير زوج عمه نهله
كاللها هسه نجيكم
اجونه هو وجدو خال بابا
و
راحو يدورون بالمستشفى أمير وخال بابا ورحاب واحنه كاعدين بالمطبخ مقابل الباب
دك فون رحاب رفم غريب
_الو...
_هل انتي زوجه المدعو سليم يحي عبد الله
بلحظه فهت رحاب وبعدين تذكرت الاسم المزور لبابا كالت اي
ردت نعم
اجاها الرد
المدعو عند القوات المشتركه وقريبا يتم استدعائكم
دمتم بخير
تابعوووووووني
