رواية الأرض المظلمه الفصل الاول بقلم إسراء ناجي حصريه وجديده على مدونة النجم المتوهج للروايات والمعلومات

رواية الأرض المظلمه الفصل الاول بقلم إسراء ناجي حصريه وجديده على مدونة النجم المتوهج للروايات والمعلومات

دخلت البيت وانا بزعق و متعصبة و عفاريت الدنيا بتتنطط في وشي و عيوني حمرة من العياط -انا مش فاهمة يا ماما مش فاهمة بجد انتي ليه مش عايزة تقوليلي هو فين .

- اهدي بس حصل معاكي ايه .

ـ يعني انتي مش عارفة ؟ كل يوم بجيلك بنفس الموضوع و انتي مش عايزة تفهميني عشان علي الاقل ارد علي الناس .

سكتت شوية و بصتلي ـ و هل لو قولتلك الناس هتسكت ما بردو لا

أحبطت كالعادة و بصيت في الأرض و عيوني رغرغت بالدموع تاني.

ـ بس انا من حقي اعرف بابا فين يا ماما و ليه مش بتحكيلي حاجة عنه ولا اعرف شكله .

أخدتني في حضنها و طبطبت عليا ـ هيجي اليوم يقلب ماما و تعرفي كل حاجة متركزيش انتي مع الناس و متفكريش في حاجة .

قولت بقلة حيلة ـ يعني هو اليوم ده هيجي أمتي بقالك سنين بتقوليلي هيجي اليوم و أعرف و اليوم ده مش بيجي.

بصتلي بابتسامة غريبة شوية و سمعت الرد اللي بسمعه كل مرة ـ اول ما تدق الساعة اتناشر في سنك ال اتنين و عشرين سنة هتفهمي كل حاجة.

سكت لأن كالعادة مش هوصل لحاجة معاها ما هي دايما بتقولي نفس الحاجة اول ما اوصل ل الاتنين و عشرين هعرف كل حاجة طيب يست ماما انا خلاص فضلي كام يوم أما نشوف اخرتها

بالمناسبة انا إسراء عندي اتنين و عشرين الا يومين اتخرجت من كلية اداب قسم اثار من ساعة من وعيت علي الدنيا و انا مليش الا الست ماما " كالثيريس" طبعا عارفة أن اسمها مميز و جمالها بردو مميز زيي بالظبط بس قولولي هينفع ايه الجمال لو احنا منبوذين من المجتمع و كل شوية حد يجي يسألني عن حاجات انا معرفش إجابتها و لما اروح أسأل ماما تقولي لما اكمل الاتنين و عشرين هعرف كل حاجة و طبعا الفضول اخدني و دورت كتير عشان افهم اي حاجة بس ولا مرة وصلت لحاجة واحده و كمان مقطوعين من شجرة مفيش قرايب اروح اسألهم امي كانت يتيمة و بابا معرفش عنه حاجة حاسه اني لا انتمي لهذا العالم ولا لنفسي حتي.

كالعادة سمعت دندنة اغنية بسمع دايما ماما مشغلاها

"انا كل منايا ادوق اللوم و يقولوا عليا الناس حبيت

و إن كان امل العشاق القرب..انا املي في حبك هو الحب

و ان غبت سنة انا بردو انا...لا اقدر انساك ولا ليا غنا

ولا اتوب عن حبك انا "

ـ ايه يست ماما الروقان ده بس " اتخضيت لما لاقيتها سرحانة في الأغنية و بتعيط"

اتخضت و بصتلي- ايه يا اسراء مفيش حد بيدخل علي حد كدا ابقي خبطي الاول.

بصيت بخبث و غمزت - بتحبي جديد ولا ايه بقيي.

- و انا عارفة افوق لنفسي منك عشان احب اتلهي يا اسراء .

سكت و بصيت بحزن - طيب مالك حصل ايه.

بصت بعيون مكسورة و قالتلي باهتمام- متديش لحد حاجة هو ميستحقهاش و اوعي تحسي انك قليلة و اوعي تبيني ضعفك لحد انتي بتحبيه انتي غالية اوي و محدش هيهتم بقلب بنوتي الجميل ده عايزاكي تفضلي محافظة علي نفسك و قلبك و متضعفيش عشان الحب ابدا ....بالعكس الحب ده لو مقوكيش ابعدي لانه مش الطريق الصح ليكي .

بصيت و انا مش فاهمة -في ايه من أمتي النصايح الكبيرة دي.

ضحكت من قلبها -كنت لازم انصحك النصيحة دي ..ها بقي يا لمضة قوليلي ايه المصلحة اللي جاية عشانها .

بصيت بعيون بريئة عشان اصعب عليها- احم يعني يا ست الكل من الاخر الساعة اتناشر الا تلت يعنيي اتبقي تلت ساعة و تحصل حاجة مميزة..

بصتلي و بتدعي أنها مش فاهمة - لا مش فاهمة ايه الحاجة المميزة.

بعصبية - والله يا ماما هنهزر بقي يعني مش عارفة اني خلاص كدا هكمل الاتنين و عشرين.

وشها قلب فجأة - و انتي بقي مستعدة للي هيحصل ؟

ارتبكت- ه..هيحصل ايه يعني يا ماما اكيد مش هيطلعلي حناجات و اطير بيهم.

ابتسمت و عيونها رجعت تدمع تاني و أخدتني في حضنها - اتمني متنسيش اي حاجة حلوة عملتها معاكي و انك ترجعي تسألي عليا لما تعرفي كل حاجة انا مهمتي خلصت كدا لحد هنا و عايزاكي تعرفي اني كنت بحبك بجد و بعتبرك اكتر من بنتي .

بصيت بصدمة- لا مش فاهمة يعني ايه انتي بتقولي ايه ؟هو ده السر يعني هو انا مخطوفة طيب لا متجريش و تسبيني رايحة فين.

لاقيتها بعد ما قالت الكلمتين دول جريت و دخلت اوضتها و انا كأن جردل مايه متلجة نزل علي راسي و جريت وراها فضلت تخبط علي الباب و فجأة اغمي عليا

حسيت حاجة صرخت في وداني ف فوقت و انا مخضوضة هو في ايه و انا مرمية علي الارض ليه .

فوقت و قومت دورت علي ماما اختفت ملهاش وجود !!

بتصل بيها تلفونها مش موجود في الخدمة !!

ببص علي صورنا مع بعض علي الحيطة ماما مختفية من الصور !!

دوخت و وقعت في الأرض و مش فاهمة اللي بيحصل .

هو انا مين؟

مين امي؟

ايه السر اللي المفروض كنت اكتشفته ؟

و فجأة النور بدأ يطفا و ينور و صوت الصريخ بقي مالي البيت و البيت كله بيتهز كأنه زلزال و ...و محستش بنفسيي تانيي!!

تابعووووني للتكملة