رواية براء قصة واقعية الحلقه الثانيه حصريه وجديده على مدونة النجم المتوهج للروايات والمعلومات
 |
لبنات نزيدكم هذو حلقات ونحبس قصص خلاص باش نمرض معاكم وكل دقيقة نقولكم وعيت مانقو طلعو طلعو منيش حابة نمرض واش نقولكم معرفتوش قيمة زوج قصص هذو والله من اروع القصص لي رايحين تقراوهم وطوال بصح معرفتوش قيمتهم و في صفحات صغيرة قصص هذو جابو بتقريب 10الف تعليق ومنحكيش على البارطاج 300 وطلع ووو ... وانتم صفحة فيها الله يبارك لا حياة لمن تنادي و تتكسلو مالا خلي نصيب راحتي خير نهار توليو تحطو بصمتكم حق تعب الصفحة ثم نرجع نحط واذا تبقاو هكذا غير متبعثوليش من فضلكم مهم صحا فطوركم جميعا ونخليكم على خير... براء بعد ايام من الي جاونا دار خالي بعده فاتت حياتي بطريقة روتينية متخلاش من الهداير تاع روان الي بابا مساندها في كلشي تهدرو انا سندي هوما خوتي الدكور و يما الي تحي بيا و تحبني حنانها غامرني
في بيت جهاد (خالها تاع براء )**************
دخل سجاد () ولد خالها تاع براء )
لقا امو في الكوزينة قالها عندي ليك بشارة قالتلو يما غير الخير
قالها نقولك بصح بشرط قالتلو واش هو الشرط لانها علابالها واش طلباتو ههههههههه قالها تعمليلي الماكلة الي نحبها كامل قالتلو معليش نديرلك واش تحب
قرب لودنها و قالها راح يرجع ولدك بعد يومين وكانو تم الكناين شمس و جميلة قالولو عاود عاود وقفسجاد و قالهم ايه راهو جاي خويا السبع
قربت ليه امو و باستو و قالتلو احلا بشارة واخيرا جاي لعزيز توحشتو قالها هو العزيز و انا قالتلو انت قلبي تبسم سجاد على امو و حضنها وقالها متنسايش الماكلة تاعي ضربتو على كتفو و قالتلو مصلاحجي هرب و هو يضحك قالها نحبك و نموت على الماكلة تاعك
و جميلة و شمس يضحكو عليهم
براء
كنت قاعدة في بيتي و دخلت عليا روان قلت في قلبي ربي يستر روان متجينيش غير ادا كانت جايبة موصيبة معاها
صفحة رسمية فيها جميع قصص The Best Family
قالتلي براء غير غدوة خالي جهاد داير عرضة خاطر و لدو الجراح جاي من الخارج و راهو عارضنا قلتلها و انا واش دخلني علاش تقوليلي
قلبت عينيها و قالتلي علابالك واش قالتلي بنت خالي ماجد قلتلها بملل واش قالت
قالتلي بلي خالي جهاد شرا قصر يهبل تقولي تاع اميرات والت ديزني
قلتلها ردو بالكم تهبلو بصح وعلاش خالي جاء وولدو مجاش معاهم قالتلي خاطر هو جراح وكانو عندو عمليات صعاب كملهم و جاي قلتلها ااااا املا هكا
حسيت في قلبي بخوف من الروحة هده ورجعت كملت الفيلم تاعي
دار جهاد *******************
مريم مرت خالها تاع براء و نجمة بنتها
مريم قالت هيا خفو و جهزو كلشي و متنساوش تنقيو و تنظفو بيت خوك راهو قريب يوصل والله كون يوصل و يلقاها ماشي مفروزة يا كلنا ماكل
نجمة خلاص راني طالعة ليها بصح مهما عدلتها او تعرفيه يبقى يعلق
مريك نجمة اخدمي خدمتك باتقان مراحش يعلق
نجمة خلاص درك ندبر راسي بصح وعلاش ميعاونونيش شمس و جميلة
مريم انت متحشميش هدو عرايسنا ماشي خدامات كل وحدة تخدم راجلها و خلاص و خوك من مسووليتي ولا مسووليك حتى نهار يتزوج
نجمة هههه ادا تزوج هو معقد من جنس حواء
مريم هزيت كلاكات و جريت وراها و هي هاربة قلتلها ردي بالك تقولي على خوك معقد
قالتلي وعلاش انا كدبت ههههههههههههه و هربت
براء ......................
براء اليوم رايحين لدار خالي لان ولدو على وصول تدوشت و بدلت قش مستور كي العادة و درت خماري هبطت لقيت روان الحمد الله لابسة لبسة مستورة و الا محمد كان كسر راسها اليابس
قالنا محمد ادا كملتو هيا نمشو راح الحال خرجنا و ركبنا نص في سيارة ببا و نص في سيارة محمد و مينا
نص ساعة ووصلنا لبلاصة روعة فيها غير القصور غير ناس لاكلاس الي ساكنين تم
حبسنا بابا قدام بوابة كبيرة عرفتها دار خالي او بمعنى اخر قصر خالي جهاد دخلونا الحراس الي معمرة الدنيا بيهم مع دخلنا للدار لقينا العايلة كاملة ملموين خوالنا و نساهم و لافامي تاع مريم مرت خالي و اكيد بنت خالي نور الي متبلعنيش و متحملنيش وجداتي حميدة ام امي تاني معاهم واكيد ولاد خالي جهاد و نساهم نعرفكم بيهم
لؤي هو الكبير عمرو 32 سنة متزوج بشمس و عندو طفل واحد اسمو ايفان لؤي طويل و اسمر وعينيه مارون يعني جمالو عربي
البطل ممبعد عطيكم مواصفاتو
قصي عمرو 27 زير نساء كل يوم مع وحدة طويل و اي مميز بيه اشقر تحسبو الماني و
نجو لحسن و سجاد توائم بصح ميتشابهوش عمرهم 25 سنة حسن متزوج بجميلة و عندو طفلة اسمها مريم على اسم امو حسان اسمر يشبه للؤي و سجاد يشبه لقصي بلون و عينيه خضورة
صفحة ثانية اجمل قصص وحكايات بقلم ليليا
و سجاد ماشي متزوج او بمعنى اخر متزوج بماكلة يموت على كرشو و المشكلة ياكل وميسمنش هههههههههههههه ياريت انا كيفو هههههههههههه
عند البطل ...............
قعدت على الصباح تدوست و بدلت قشي وهزيت فاليزاتي و مباشرة للمطار استنيت وقت الطيارة تاعي عيطو على الرحلة ركبت بعد وبعد مدة طويلة وصلت للمطار مع نزلت من الطيارة تنفست بعمق شحال توحشت ريحة بلادي بعد غياب عليها 25 سنة تغربت و انا في عمري 5 سنوات
مع دخلت للمطار لقيت خوتي شافوني جاو يجريو ليا و كانه عندهم عام مشافونيش ولاو يحضنو و يبوسو فيا و انا كالعادة نحبهم بصح نتعامل ببرود قلتلهم واش احوالكم
يتبع....
تابع حلقة 2
قالي قصي يا مصيبة توحشناك و هد هو ردك واش احوالكم مراناش ملاح بلا بيك رانا قريب شهرين مشفناكش و الله بلا بيك سامطة قلتلو اسكت عليا جاي عند ودني و تعيط وانا نحس راسي راح يطرطق من الطيارة و زيد اليوم السخانة
قالي لؤي هههههههههههههههه اشرب كاشي تاع الراس خاطر باباك راهو عارض العشيرة كاملة و معاهم الاولاد دار راهي كي السوق ههههههههههههههههههه
قلتلو ربي يعيشك متخلعنيش قالي و الله كيما نقولك ههههههههههههه جهز روحك لازم تسلم عليهم كامل
هو قالي تسلم عليهم و السطر في راسي الله غالب منحب حتى واحد يسلم عليا ااااه ربي يفوتها على خير ظربت عيني ليهم لقيتهم ميتين بالضحك قالي قصي متسلمش على النساء قول متديين بصح الرجال و العجايز جدواتنا راح يبوسوك بسيف عليك ضربتو على كتقفو و قلتلو كون متسكتش اليوم نقتلك ولا سكت و حاكم الضحكة
براء***********
قعدنا جات لينا مرت خالي مريم سلمت علينا و فرحانة يها ممبعد ماسلمت عليا قالت ليما يا نادية و ين كنتي مخبية الامورة هده
وانا في قلبي قلت ويني الامورة هده الي يهدرو عليها واقيلا قصدها عليا وليت حالة عينيا دارت ليا باه تاكدت بلي عليا قرصتني من خدي و قالتلي حبيبتي انت واس من سنة تقراي قلتلها الثانية ثاوي حلت عينيها مخلوعة قالتلي اااااااااااااا انا حسبت اولى متوسط هههههههه
قالتها نجمة انا تاني نهار شفتها منين رحنا لدارهم حسبتها صغيرة حتى قالتلي ثانوي تخلعت لان الي يشوفها يحسبها عندها 12 سنة على الاكثر
قالتلها نهار العرضة مشفتهاش بزاف لان كان الغاشي بزاف قالتلها يما لانها اغلب الوقت كملتها في الكوزينة تعاون في قالتلي حبيبتي ربي يحفظك بصح نسقسيك شكون الاكبر انت ولا روان قلتلها انا الكبيرة قالتلي و الله تباني انت الاصغر قالتلها روان و علاش مراكيش تشوفي فيها شحال سمينة بقيت نتخنزر معاها لانها جامي تراطي موقف متحبش تطيح بيه فيا قالتلها مريم لالا راكي غالطة صح قصيرة و مليانة بصح جسمها يهبل ومعندهاش كرش ولت روان قلبت عينيها ولات نجمة قالتلي ارواحي معايا واش مقعدك مع النساء الكبار هيا معايا للكوزينة البنات كامل راهم تم
دخلنا سلمت عليهم و عرفتني نجمة بجميلة و شمس
و بقينا نحكيو ممبعد حكمني الفضول حابة نعرف اسم خوها الي جاي انا جيت نهدر و سمعنا الحس برا و يقولو راهم وصلو راهو جاء خرجو البنات كامل يجريو من الكوزينة و انا بقيت واقفة قالتلي نجمة هيا معانا مشيت و راها حتى شفتو و تصدمت من شكلو يتبع.....
تابع حلقة 2
كان شاب في الثلاثين من عمر طويييييييييل و ضخم ضخم يعني ماشي لعبة اصلا يضهر هو اطول واحد في خوتو و هو البي بصحتو علهم كامل و غم بصحتو بصح معندوش كرش جاي اسمر اما بالنسبة للزين ههههه وسيم فوق كل التوقعات شعرو املس و اسود و مطلعو حواجبو تقول مرسومين مع عينين كبار و مشفرين هو الوحيد الي ممكن تقول عليه حاجب و عين و فم صغير و خمشم مثالي وهدا اول مرة نشوف راجل وسيم يهبل مكانش كلمة تعبر علىيه شحال شباب مفيهش عيب و ليت رجعت لعقلي و لعنت الشيطان الرجيم وقلت في قلبي حرام عليك براء حتى تقلقت من روحي لانني نشوف معاه بالطريقة هده وكنت ننتقد البنات و انا اليوم عملت كيفهم و لا دخل مباشرة حضن مريم امو الي كي شافتو ولات تبكي و تحضن فيه و تبوس فيه و هو باين حشم حتى جاه خالي جهاد و كانه انقدو من الموقف سلم عليه و بقاو يسلمو عليه و هو باين تقلق ممبعد توله خالي مع يما قالها و اخيرا جيتي طولتي باه وصلتيو سلمت يا على خها و ممبعد توله ليا و قالي انت هي براء قلتلو ايه هههههه قالي واش احوالك برؤوئة قلتلو لاباس حتى لقيت قصي الي عينيه يلعبو بزاف قالي اهلا براء توحشناك واش احوالك قلتلو الحمد الله لاباس
قالي و انت يا بروؤة شحال في عمرك ولا انا نقولك عندك امممم 12 ولا حداش وليت برطمت و قلتلو شكون الي عندها 12 قصدك عليا قالي ههههههه و معن من راني نهدر قلتلو انا عندي 16 سنة حل عينيه و قالي حسبتك قد امير و لا اكبرمنو عام ههههههههههههه
ولاو دخلو الرجال للصالون الكبيرة و احنا النساوين كامل للصالون الداخلية تغدينا و حكينا شوية
حتى لقيت يما قالتلها هياو محمد و باباك راهم يعيطو ولت نجمة قالتلها عمتي ربي يعيشك خلي براء تبات معانا و الله انا كيما تعرفي معنديش اخت و و انا و هي متفاهمين و الله منايا تقبلي ولات يما قالتلي و الله ماعلابالي نسقسسي باباها
حسيت يما تحطت في موقف قلت لنجمة حبيبتي منقدرش حتى لبسة باه نبدل مجبتش معايا قالتلي هدا هو برك المشكمل عندي اللبسة المهم تقعدي قلتلها بالشوية عندكم بزاف دكورة في الدار قالتلي وعلاش راح ياكلوك ربي يعيشك اقعدي قلتلها منقدرش و الله نحشم قالتلي اسكتي عليا ولات قالت ليما عمتي والله اول مرة نطلب منك حاجة خليها معايا يومين و انا و بابا نرجعوها قلت في قلبي من ليلة ولات بومين حتى لقينا خالي جهاد دخل و قالنا واش بيكم قالتلو نجمة بابا ربي يعيشك اهدر مع عمتي قولها تخلي براء تبات معايا يومين و نرجعوها قالها حبيبتي بلاك الطفلة محاباش قالتلو لالا حابة بصح خايفة من باباها و خوها ميقبلوش قالها ادا هدا هو المشكل راجل عمتك و محمد ساهلين انا ندبر راسي و انا وليت ميتى بالحشمة و نتخيل في روحي معاهم و كامل مجمولين منقدرش حتى نهز راسي قدامهم
ولا خالي خرج يهدر مع بابا و محمد و نجمة قالتلي هاو المشكل تحل اللبسة و عندنا و بابا يقنع باباك بقيتي غير انت الا ادا مكنتيش حابة تقعدي معايا قلتلها و الله لالا حابة بصح و الله حشمانة من خوتك قتالتلي والله حبابين درك توالفيهم و يعجبوك لا خالي دخل مع بابا و هوما يضحكو قالي بابا اقعدي يومين و يرجعك خالك هزيتلو راسي و لاو دارنا راحو و انا بقيت جرتني نجمة من يدي و قالتلي ارواحي معايا للشومبرا تبدلي ولا حابة تبقاي باللبسة هده تهدر و هي طايرة بالفرحة لانني بقيت معاها طلعنا لبيتها كي دخلتها فتحت فمي فيها ماشي شومبرا تحسبيها جناح في اوتال خمس نجوم واااااااااااو هي الكلمة الوحيدة الي ممكن تعبر عليها
جرتني من يدي و قالتلي واش عجبتك الشومبرا قلتلها تهبل غرفة الاحلام تاع كل طفلة ضحكت و هي تجر فيا فتحتلي خزانتها و قعد تحوسلي على حاجة تجي قدي و هي تهدر قالتلي بدلي و هيا نرقدو شوية نرتاحو باه في الليل نباتو ساهرين مع العايلة قلتلها ايه جبدتلي من خزانتها غوب كحلة تهبل بصح المشكلة انو نجمة رقيقة و انا مليانة لبستها جاتني مزيرة حسيت روحي فيها عريانة بصح محبيتش نقولها منلسهاش وليت نحيت خماري و راح نبدل انا تحت شعري و هي جرات ليا قالتلي واش الشعر هدا يا براء واااااااااو يهبل مدايرتلو سيشوار قلتلها لالا من عند ربي قالتلي الله يبارك تحسبيها كيما تاع ليشينوا بصح شعرك برك بني
قلتلها انت تاني شعرك مليح قالتلي انا شعري ههههههههههههه لازملي شمس و جميلة و ياربي ادا هبط و بسيف يطوال واش جاب لجاب وليت نضصحك على هدرتها تدخل القلب و بريئة و تتعامل بدون تصنع
كملت بدلت و قلتلها وريلي الدوش رحت توضيت و صليت صلاتي ورجعت مع حطيت راسي رقدت
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
