رواية اسيره عشقه الفصل التاسع عشر والعشرين والحادي والعشرون بقلم أم ريماس صلاح حصريه وجديده على مدونة النجم المتوهج للروايات والمعلومات
 |
في الصباح يوم جديد فهد متجه الاالشركه بعربيته توقفه سياره تقف امام سيارته فهد يقف فجاءه .
الدسوقي :صباح الخير مبتردش عليا ولا على تلفوناتى قلت مفيش غير الطريقه دى القيك بيها.
فهد:في وش الدسوقي ولو اتكلم هيسمعه عادى فهد احنا مش خلصنا الموضوع خلاص وانتهينا .
الدسوقي :بصوت عالى لا منتهيناش احنا لسه هنبتدى .
فهد:هو عند ولا عافيه .
الدسوقي :الصفقه دى لازم تدخل باي طريقه ومفيش غيرك هيساعدنى انا فلوسي كلها فيها انا كده هتدمر .
فهد:انا مبساعدش في دخول الصفقات المضروبه اساعدك على حاجه هتاذي الناس انت اكيد بتحلم .
الدسوقى:خلاص هبقي اشوف ناصر بيه رايه اي واكيد هو هيوافق .
فهد:ملكش دعوه بابويا انت فاهم وروح دخل صفقاتك بعيد عننا .
الدسوقي :ده اخر كلام عندك
فهد:معنديش غيره ويسيبه ويمشى .
.........
ساره:راحت تقدم على شغل في الاذاعه وتقديم البرامج بتتصل بصحبتها .
صاحبتها :اي قبلوكى ولا لسه .
ساره:معرفش بس فيه كذا واحده غيري ادعيلى .
صاحبتها :انشالله موفقه واشوفك احلى مذيعه .
ساره:يارب ادعيلى وباي بقي علشان انا متوتره خلقه .
صحبتها:باي لما تخلصى كلمينى .
ساره :باي اوك.
.........
فهد في نص الطريق قبل ميوصل الشركه وقف عربيته ومسك فونه وبيتصل بساره .
ساره:الوووو.
فهد:صباح الخير .
ساره:صباح النور
فهد:فيه اي مال صوتك ع الصبح كده.
ساره:تحكيله هيا فين بالظبط وانها خايفه ميقبلوهاش .
فهد :اامممممم اوك باي .
ساره:باي .
........
بعد شويه ساره باصه في الارض وماسكه دوسيه ورق في ايدها تسمع صوت البنات اللى قاعدين ووواو اي المز ده جاي يقدم ولا ايه هو كمان ينفع مذيع بصراحه .
ترفع دماغها :تتفاجا بفهد هو اللي داخل عليهم ساره تبص بااستغراب .
فهد :يقرب منها ويقعد على الكرسي المجاور من غير ميتكلم يمسك ايدها يطمنها متقلقيش انا جمبك .
البنات :كلهم بيبصوا بصه استغراب مع غيره مع ذهول ويتكلموا مع بعض.
ساره:انت ايه اللي جابك بقي مش قلت مشغول .
فهد:اممم مليش نفس للشغل النهارده اتكلمت مع واحد على الصبح قفلنى .
ساره:تفتكر بيقول عليها كده ماشى .
فهد:يشد لها مناخيرها بدعابه مش انتى ياستى متاخديش كل حاجه عليكى كده انتى لسه مبطلتيش الداء ده .
ساره:تلمس على مناخيرها وتضحك امال مين انا اللي مكلماك من شويه .
البنات :لسه مركزين معاهم وبيبصوا فيهم ويتكلموا .
فهد:مضايق منهم يشير لساره تعالى هنقف عند الشباك اللي هناك ده لغايه مينادو عليكى انا مبحبش الذحمه دى ساره تقف اوك ..
..........
عند هاجر .
هاجر:ماما.
ام هاجر :نعم .
هاجر:انا بحبك اوى .
امها:اخلصي عايزه ايه .
هاجر:عايزه مساعده .
امها :لا انا خلصت خلاص بتطبق هدوم .
هاجر:القمصان متتطبقش كده على فكره بصى كل حاجه وليها رصه شكل .
امها :فيه اي يابنت على الصبح من امتى الحنيه دى عايزه ايه اخلصي.
هاجر:انا جالى عريس .
امها :ايه ياروح امك عريس ايه ده كمان روحى كملى مذاكرتك.
هاجر:ياماما مبهزرش .
امها:ومين تعيس الحظ ده قصدى سعيد الحظ ده اللي امه داعيه عليه .
هاجر:مصطفي .
امها :مصطفي مين .
هاجر:اللي كان هنا من يومين مع فهد تحت .
امها:ايه وانتى تعرفيه من فين .
.....................
ساره:نادت على اسمها وهتدخل ومرتبكه اوى وفهد بيطمنها متخافيش .
ساره:تدخل ويدخل معاها فهد واتنين قاعدين على مكتب شبه لجنه تحكيم واحد فيهم اول مايشوفه يقوم يقف اي
ده فهد معقول فهد الدميري هنا ايه ده ده بجد .
ساره:مستغربه .
فهد :راح نحيته وحضنوا بعض وسلموا على بعض جامد كانهم اصدقاء من زمان فهد:عامل ايه ياعصام وحشتنى اوى والله .
عصام:انت اكتر ياابو الصحاب اي كده مبتسالش فينك ياراجل .
فهد:مشغول والله يعصام انت عارف الشغل وقرفه .
عصام :ربنا يعينك يازميلى اتفضلوا اقعدوا .
فهديشير لساره تقعد .
ساره :تقعد هيا وفهد .
عصام :تشربوا ايه .
فهد:لا يابرنس شوف شغلك مش عايزين نعطلك الشراب خليه مره تانيه .
عصام :لا مفيش عطله ولا حاجه انت نورتنا النهارده .
فهد:متحرمش منك .
عصام :يشير على ساره اي جايه تقدم عندنا .
فهد:يبص لساره ويبص له اه خطيبتى خلوا بالكم منها.
عصام:بجد انت يافهد خطبت الف مبروك طب مش كنت تعزمنا ياراجل على العموم في عنينا
فهد :ربنا يخليك اكيد هعزمك على الفرح اكيد يباشا .
عصام :اكيد طبعا فرح الغالي .
فهد:ايه مش هتعملوا الاختبار ولا اي علشان معلش ياعصام والله مستعجل جداا.
عصام :دايما وقتك ضيق كده اختبار ايه بس من طرفك انت خلاص مقبوله انشالله بتقدير ممتاز كمان .
ساره:تضحك مش مصدقه نفسها .
فهد:ربنا يخليك ياغالى منتحرمش منك فهد وعصام اتكلموا شويه واخدو ارقام بعض وفهد وساره طالعين .
..........
فهد:يبص لساره مبروك هتبقي مذيعه اهو.
ساره:البركه فيك انت كنت تعرف ان الراجل ده هنا جيت .
فهد:والله ابداا مااعرف صدفه جات.
ساره وفهد نازلين تحت ماشين وبيتكلموا هو مين ده .
فهد:ده زميل دراسه من زمان كنا مع بعض صديقي يعنى بس مشفتوش بتاع تلات سنين كده.
ساره:اممممم فهمت لو انت مكنتش جيت يمكن ماكنوش قبلونى وبتقول خطيبتك ليه بقي بالكدب
فهد:ادينى جيت ياست ولسه هيكمل يرن فون فهد .
فهد:بايده لحظه واقفين جمب العربيه بيرد على الفون وفتح لساره الباب تركب وماسك بايده التانيه الفون ساره ركبت من غير كلام لانه بيرد على الفون.
فهد:اه ياحبيتى عامله اي.
نهال:الحمدلله ياحبيبي كويسه .
فهد:ركب وسايق وبيتكلم ساره ساكته عايزه تعرف اخره مين دى .
فهد:ساندى عامله ايه .
نهال:بتسال عليا وعلى ساندى طب وماما ليه يافهد دى مامتك .
فهد:مش وقته الكلام ده ينهال المهم سلميلى عليهم كلهم مش انتوا بخير .
نهال :الحمدلله تمام .
فهد:هكلم بعدين اوك علشان انا على الطريق سايق .
نهال:اوك باي .
فهد:يقفل ويبص لساره دى اختى على فكره .
ساره:انا مسالتش .
فهد ؛طيب
الفصل 20
**********
...........
ساره:انا مسالتكش .
فهد:ماشى .
ساره:مفيش داعى انك توصلنى عادى انا ممكن اخد مواصله وانت روح على شغلك.
فهد:لا انا مليش نفس اروح الشغل النهارده هوصلك ومعايا مشوار تانى .
ساره:بتلقائية مسرعه مشوار فين .
فهديبص عليها ويضحك ملكيش دعوه بقي مش من شويه بتقوليلى انا مبسالش .
ساره؛كده ماشى ع رايك انا مالي ومالك .
فهد :رايح عند واحد صاحبي ياستى هنتكلم شويه في الشغل .
ساره:اممممم صاحبك طيب .
..............
دكتور على اخو هاجر داخل من بره يلاقي امه في الجنينه بتسقى في الزرع .
على :عامله ايه ياماما .
امه تحدف الخرطوم في الارض وتمشى عليه رجعت بدري ليه فيه حاجه .
على :وقف بيكلم امه لا ابدا بس حسيت بدوخه كده واستاذنت من الناس انى مش قادر اكمل ومشيت .
امه :يضنايه ياابنى خير معملت انت تعبان هتدواى الناس ازاى حاسس بايه بالظبط .
على :يقعد على السور بتاع مدخل الفيلا بتعب متقلقيش ياامى شكله شويه برد بسيط بس .
امه :طيب قوم ارتاح انا هعملك حاجه دافيه واجبلك علاج .
على :يقوم حاضر ويتوجه الا غرفته .
........
هاجر اول مشافت على طلع فوق وامها دخلت المطبخ دخلت وراها قلتيله على موضوعى.
امها:اخوكى تعبان مش وقته .
هاجر:اوووف بقي مصطفي هيجب مامته يوم الخميس يعنى بعد تلات ايام
امها:شايله الصنيه وطالعه غورى من قدامى يابت بلا مصطفي بلا بتاع اخوكى تعبان مش وقتك .
مروان ؛نازل من فوق وطالع على الشركه فيه ايه على الصبح .
امه :الهانم عايزه تجوز.
مروان :باستغراب ايه تجوز مين .
امه:تتجوز الاستاذ اللي كان هنا اول امبارح .
مروان :واقف بيفكر استاذ مين ده .
هاجر:ساكته .
امه :اللي اسمه مصطفي صاحب فهد..
مروان:يقرب من هاجر انتى تعرفيه من فين يابنت انتى .
هاجر:بتتهتت والله ماعرفه انا شفته مره واحده بس كنت رايحه الكليه مكلمتوش.
مروان :هشوف لو عرفت ان لكى علاقه بيه هقتلك كويس والله عال الهانم بتحب واحد واستاذ فهد بيحب اخته وعايز يتجوزها
امه :ايه اخت مين اللي بيحبها فهد دى وعايز يتجوزها وانا معرفش .
مروان :لما يرجع اساليه انا خارج مستعجل وييسيبهم ويطلع .
امه :مروان .
............
فهد وصل فيلا ماجد .
وبلغ الامن واتصلوا بماجد وقلهم ان يدخلوه .
فهد :دخل والخادمه سالته يشرب ايه قالها شاي تقيل .
ماجد :نزل من فوق سلم عليه ورحب بيه .
ماجد:واحشنى والله يافهد .
فهد:وانت اكتر والله عامل ايه .
الخادمه :تاتى بالشاى .
ماجد :يتكلم على فكره احنا عندنا كل حاجه متخافش ليه شاي يبص للخادمه هاتيله عصير.
فهد:لا لا لا متعمليش انا طلبت منها شاي وبعدين عارف ياسيدى ان عندكم كل حاجه .
ماجد:حظك حلو انى لسه مخرجتش لو كنت اتاخرت ربع ساعه كنت هتلاقينى طلعت .
فهد:اسف ياماجد جيت من غير ميعاد ومعطلك .
ماجد:متقولش كده يافهد البيت بيتك وانت تشرفنى في اي وقت .
فهد:ربنا يخليك ليا ياحبيبي بس كنت عايزه احكيلك على حاجه كده ضرورى ونشوف هنعمل ايه .
ماجد:حاجه ايه دى .
......... .
ممدوح وزمايله طلعوا الماموريه .
ممدوح :قاعد لوحده وماسك ورقه وبيرسم .
اسلام :بترسم اي يابطل .
ممدوح :يدارى الورقه .
اسلام ؛والنبي لتورينى .
ممدوح :لا
اسلام :يشدها منه ايه ده انت بتعرف ترسم اهو ومين بقي المزه دى اللي انت راسمها.
ممدوح:يشد منه الورقه هات كده بطل رخامه .
اسلام :بجد مين دى اللى ماخده عقلك وقاعد ترسمها.
ممدوح :معرفش.
اسلام :نعم متعرفش .
ممدوح :اه والله معرفش عنها اي حاجه غير اسمها.
اسلام :واسمها ايه بقي.
ممدوح :اسمها شهد
*****************
الفصل21
...................
فهد :راجع من بره داخل ع جوه علطول
عمته نازله من السلم وهو طالع .
فهد:عامله ايه ياعمتى .
عمته :فهد .
فهد:نعم .
عمته :مين دى اللي انت عايز تجوزها وحقيقى الكلام ده .
فهد:استغرب وقف لحظه مين قالك كده مروان .
عمته :يعنى بجد .
فهد:اه لا مفيش.
عمته :فهد اتكلم عدل ايه اه لا دى حقيقي الكلام ده ولا لا انا بسالك .
فهد:وطى صوتك لحسن ابويا فين .
عمته :عامل حساب لا ابوك يعنى امال رايح تخطب من وراه ليه .
فهد :متنيلتش هكلمه اكيد .
عمته :ايه يافهد انت هتتغير طول عمرك فهد الملتزم المحترم اللي بنضرب بيه المثل .
فهد:محسسانى انى رحت اتجوزت من وراكم ايه فيه ايه ابعدى كده ياعمتى خلينى اروح اشوف ورايا ايه .
عمته :كده ماشى يافهد انا هقول ابوك .
فهد:يمسك دماغها ابوس دماغك يعمتى متولعيش الدنيا مفيش الكلام ده ومروان ده كداب حسابي معاه بعدين ويسيبها ويطلع .
عمته :تضرب ايديها ايد على ايد وتكلم نفسها عليه العوض ومنه العوض يافهد .
......................
فهد:دخل اوضته دخل ياخد شاور واقف تحت الدش غمض عيونه تحت الميه وبيفكر هيعمل ايه هو بيحب ساره ولالا بس الستات كلهم واحد كلهم ذي امه يتجوز يعنى علشان تزهق منه وتسيبه طيب هو ادالها كلمه طيب وادا اهلها كلمه يعمل ايه ع الوضع ده وقف حوالى نص ساعه تحت الميه بيفكر .
.......................
في مكان تانى ساره واقفه في البلكونه ماسكه مج نسكافيه وبتفكر برضه في فهد في كلامه في اهتمامه في كل حاجه
.........................
في مكان تانى قاعده فوق مكتب قدامها ورق شهد فكرت ممدوح وكلامه بصته وضحكته شهد ايه ده اللي انا بعمله انا ازاى بفكر كده في واحد مشفتوش الاعشر دقائق ايه اللي بعمله ده .
......................
في مكان تانى مصطفي بيكلم هاجر وبيلف بالفون رايح جاي وبيضحك مبسوط
هاجر؛ماسكه الفون ونايمه على السرير وبتتكلم وبتضحك بتقوله ان هيا ادت امها علم
........................
مروان :ساند دماغه لوراء على المكتب فجاءه يفيق ويفتح عنيه على حد لمس شعره .
مروان:انتى بتعملى ايه هنا .
حبيبه:حضرتك نمت .
مروان :بربكه انتى مالك ايه جابك هنا .
حبييه :جايه اطمن عليك .
مروان :تطمنى عليا بتاع ايه ليه يعنى .
حبيبه :بصوت واطى انت داخل بقالك ساعتين مطلبتش حاجه ولا خرجت قلقت عليك .
مروان:متقلقيش ياستى انا عايزه اقعد لوحدي شويه .
حبيبه :فيك ايه مالك حد زعلك .
مروان ؛هتفرق معاكى في ايه .
حبيبه :هيفرق اكيد انت متعرفش انت عندى ايه قصدى حضرتك بالنسبه لى ايه
مروان:عارف
حبيبه :طب لما انت عارف احكيلك .
..........
في مكان تانى ممدوح قاعد في الصحراء وجمب منه اسلام .
ممدوح :يبص لااسلام مستعد .
اسلام :يشير ليه بايده بايوه .
ممدوح :متضربش الالما اقولك .
ممدوح ومعاه تلاته زمايله واسلام مستخبين وراء جبل .
مستنين بيترقبوا .
واحد :يتكلم اهم ظهروا .
ممدوح حلو تعاملو بحظر مش عايزين تهور .
زميله "ربنا يستر .
ممدوح :يشير لهم يقوموا كلهم قاموا وقربوا عليهم .
ممدوح :سلموا نفسكم بالذوق .
المهربين :حوالى سبعه ومعاهم سلاح .
واحد :فيهم بيتكلم هما بعاد عن بعض دول وراء الجبل ودول استخبوا وراء جبل تانى اول مشافوهم
بيكلموا بعض وهما مدارين .
واحد فيهم لو مسلمناش .
ممدوح:معاه مكبر صوت هنستعمل معاكم العنف بلاش .
بعد فتره من المفاوضات بعد فتره اشتبكوا مع بعض
في الاخر كلهم اتمسكوا نجحوا في القبض عليهم لاكن ممدوح اتصاب برصاصه في صدره
الفصل الثاني والعشرون والثالث والعشرون والرابع والعشرون من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
