رواية شيطان في بيتي الفصل الخامس عشر والسادس عشر بقلم الكاتبه زهرة الربيع حصريه وجديده على مدونة النجم المتوهج للروايات والمعلومات
 |
جوزها ضرب عليك نار ازاي انت روحتلو لحد بيتو يا متخلف...طب اخرس اخرس انا جايلك حالا
اكمل قال كده وخرج جري من البلكون وشد جاكت البدله بتاعته وهو متوتر جدا
اسيا بصتلو باستغراب وقالت..انت رايح فين
اكمل كان مضايق جدا منها بسبب كلامها بصلها بحده وقال..ابدا رايح اخونك..هروح اشوفلي واحده بنت حرام ترضى بواحد ابن حرام زيي
اسيا بصتلو بضيق وقالت..بطل الجنان بتاعك ده الخدم تحت لو شافوك نازل دلوقتي يقولو ايه
اكمل ضحك بسخريه وقال...ابدا هيقولو لحقت تطفشو...وقرب منها وقال بهمس ...او يمكن يقولو ياترى عرف ايه عنها علشان ينزل مضايق كده ليلة فرحو
بصلها وشاف تأثير كلماته عليها وابتسم بتشفي لما شاف الغضب والغيظ في عيونها ومشي قبل ما تطق
واسيا بصت لطيفه بغيظ شديد وقالت...اصبر عليا يا اكمل انا هعرف اطلعك من البيت كلو مش بس من الاوضه لسه مشوفتش حاجه
عند سهيله كانت واقفه بتوتر من كلام منتصر وقالت ...احم...معتقدش ان الملايكه هتلعني لاني في الاساس مقبلتش بالجوازه دي هبقى اسأل حد من اهل الدين ولو اتضح ان كلامك ده صح بالنسبه لوضعنا هبقى اديلك حقوقك
قرب منها وابتسم والغضب بيشع من عيونه وقال....اممم عايزه تسألي في وضعنا ولا خايفه لانك ...
بس قطع جملتو لما رفعت صباعها في وشو وقالت بسرعه وحده...اششش اياك تنطقها...الجمله دي متتقالش ليا...لانك لو قولتها مش هقعد هنا دقيقه واحده وده عهد عليا يا سيادة الضابط
منتصر مسح على وشو وهو بيحاول يكبت غضبه وبصلها وقال...تمام...هحاول اصدق انك بالطيبه والبرائه والنضافه اللي بتدعيها ..اثبتيلي ..احكيلي ايه اللي بينكم اتكلمي يا سهيله انا جبت اخري من سكوتك ده
سهيله قالت بضيق..انا معنديش حاجه زياده عن اللي قولتو انا وعلي كنا بنحب بعض وانت الوحيد اللي كنت عارف يعني انا مخبتش عنك ..ولو سمحت تنزل تتصرف وتطلبلو الاسعاف لان اكتر من كده ممكن تجراله حاجه بجد
منتصر ضحك بسخريه ومدد على الكنبه وقال...ماشي يا سهيله هحاول اصدق اول جملتك وكمان هحاول اعمل نفسي مسمعتش باقيها يلا اتفضلي نامي وللحديث بقيه لما تبقي تسألي عن وضعنا يا مراتي العزيزه
سهيله قعدت على طرف السرير وهيه محتاره وخايفه اوي على علي لحسن تجراله حاجه بسببها اتنهدت وقالت...يعني هتبقى مبسوط لو فيه شخص اتأذى او مات بسببك بجد هيرضيك
منتصر قال...اه....ده بذات هبقى مبسوط لو اتأذى ولا غار في داهيه
سهيله قالت بغضب...هو كان قتل ابوك...ده ميعرفكش حتى كل ذنبو انو اتعرف عليا قبلك ..ايه التفكير الغريب بتاعك ده
منتصر قال بسخريه...الحمد لله على الأقل بفكر فيه غيري اغبيه ومبيفكروش ولا بيفهمو حتى
سهيله بصتلو بغيظ للنه يقصدها وقالت...انت قصدك عليا صح
منتصر بصلها بزهول وقال..ايه ده فهمتيها لوحدك طب متقوليش لحد لاحسن العين وحشه اخاف يحسدوكي مني
سهيله قالت بغضب...اتريق براحتك..على فكره بقى انا بفهم واكتر منك ولو على الفهم كلها بتفهم يا حضرة الظابط بس انا عندي مواصفات نادره جدا دلوقتي
منتصر بصلها من فوق لتحت بوقاحه وقال...في دي معاكي حق ده انتي فيكي مواصفات .. تفجر قارات
اتسعت عنيها بدهشه وهو وقف وقرب منها وشدها ليه وقال..احلفلك بايه ان الجدع اللي تحت ده حيوان ومجرم وبيضحك عليكي..طب وحياة عيونك اللي ماشوفت بجمالهم ما بكدب
سهيله اتوترت قوي من كلامو وقربو وقالت...سيبني لو سمحت
منتصر لسه هيرد سمع صوت عربية اسعاف تحت البيت راح بسرعه ناحية الشباك ولقى الاسعاف بيشيل. علي على النقاله بس اتفاجأ جدا لما شاف اكمل وقف عربيته ونزل بقى يساعده مع رجال الاسعاف
بصلها بدهشه وقال...هو مش ده ابن عمك..مش ده عريس اسيا
عند لؤي وصلو البيت اخيرا ولؤي بصلها وقال.... يلا ادخلي انتي انا هبات عند واحد صاحبي الليله
فرحه قالت بسرعه..مش هدخل من غيرك...انت تعبان واتبهدلت انهارده ارجوك ادخل ريح وكل حاجه هتتحل.... لو سمحت علشان خاطري
لؤي بصلها شويه واتنهد وقال....تمام ...احم..اصلا عايز اطمن على اسيا وعدي يلا بينا
ودخلو البيت بس اتفاجأ بعمه قاعد على الكنبه ونايم على روحه
لؤي استغرب وقال بقلق..عمي عمي مالك
عمه وقف اول ما سمع صوته وقال بلهفه..لؤي
لؤي اتنهد لما اتأكد انو كويس وقبل ما ينطق عصران حضنو بقوه وقال بسرعه ..حقك عليا يا ابني حقك عليا ياريت كانت ايدي اتشلت ولا اتمدت عليك يا لؤي
لؤي اتنهد وطلع من حضنو وميل باس ايده وقال...بعيد الشر يا عمي....انت زي بابا الله يرحمو..متقولش كده تاني
عصران قال بحزن..سامحني يا لؤي والله لحد دلوقتي مش عارف عملت كده وازاي
لؤي لسه هيتكلم فرحه قالت بسرعه مفيش داعي للكلام ده بين الاهل وهو لولو اصلا قلبو طيب واكيد مش هيشيل منك
لؤي قال بدهشه ..لولو
عمه ضحك بخفه وقال..فيه ايه لايقلك الاسم
لؤي اتنهد وقال ...لايقلي...ده اسم كلب اصلا....على العموم شكرا يا ست فرحه
فرحه ضحكت وعمه ابتسم وقال..روح ريحلك شويه ... ولو في اي يوم زعلتك اوعى تمشي بالطريقه دي قلبي وجعني اوي وخفت مترجعش
لؤي ابتسم بحب وقال. ..انتو عيلتي واكيد هرجع....انا هروح اطمن على عدي ..اما اسيا هشوفها الصبح مش هينفع دلوقتي
عمه اتنهد بضيق وقال .... عدي نام من شويه حالتو كانت صعبه جدا ...واسيا روحلها عادي اصلا عريسها نزل من شويه ومرجعش
لؤي بصلو بدهشه وقال...نزل...انهارده
عند اكمل كان في المستشفى جمب علي واول ما فتح عيونه قال بضيق ..حمد الله على السلامه يا علي باشا...برافو عليك اللي عملتو انهارده يستاهل تكريم عالي
علي قال بتعب...رجلي...رجلي منمله اوي وتقيله
اكمل بصلو بسخريه وقال...طبيعي الدكتور بيقول الرصاصه اخترقت العضم وكانت هتسبب شلل...بس ربنا بيحبك احتمال تمشي عليها بس اكيد مش زي الاول
على بصلو بصدمه وقال...يعني ايه..يعني انا خسرت رجلي
اكمل اتنهد وقال..انا مقولتش كده....هتمشي بس مش زي الاول يعني احتمال تستخدم عكاذ في الفتره الي جايه او يمكن تستخدمو على طول و
قاطعو لما قال بغضب وزهول..ياسلام ..تفرق...يعني هبقى اعرج ماشي على عكاز
اكمل قال بغضب...انت بتزعق ليه.... انت اللي جبت لنفسك كده مش كفايه انك فاشل ومقدرتش تهرب البنت كمان رايح لحد بيتها يا غبي
علي قال بغضب..وانا روحت ليه مش علشانك وعلشان اساعدك لاني مقدرتش اهربها ده يبقى جزاتي
أكمل قال بزهول ...جزاتك ايه يا اهطل هو اللي ضربت عليك ...اللي حصل حصل هعملك ايه يعني
علي قال بغضب ..تعملي ايه ...تاخدلي حقي......ده كان قاصد يعملي عاهه قلي رجلك هتفكرك ...الظابط ده لازم يموت ومش بالساهل كمان
اكمل وقف وقال بزهول ..موت ايه وهباب ايه...انا مش قولتلك انا مش بتاع دم من اول يوم...اسمع ...احنا هنكمل في خطتنا ولما تكمل هيرجع حقنا كلنا
علي ضحك بسخريه وقال..مش هيحصل يا باشا...من انهارده انا هكمل لوحدي مفيش احنا انا هعرف ابن الكلب ده ازاي يتجرأ ويعمل فيا كده..مش هسيب حقي ..ووجع رجلي بوجع قلبو عمر بحالو
أكمل اتنهد وقال...علي اهدى وبلاش تهور...اديك شوفت لما اتسرعت واتصرفت من دماغك ايه اللي حصل
علي قال بغضب....ولسه هتصرف من دماغي كمان ياباشا...يا اما تقتل الظابط يا اما انا هاخد حقي بنفسي ووقتها الموت هيبقى اهون من اللي هعمله فيه...هخليه يتمناه هو والحلوه اللي عمل كده علشانها
هنا اكمل وقف وبصلو بزهول وقال..انت بتقول ايه...وسهيله زنبها ايه
علي قال بغضب..زنبها انها مرضيتش تركب معايا... وانو عمل كل ده علشانها
أكمل قال بغضب وتحذير ...سهيله متقربلهاش..انا من الاول متفق معاك...ملكش دعوه بيها
علي ضحك بسخريه وقال...ليه...ما احنا خلناها ادمنت ودي كانت خطتك ..متخافش اللي هيحصلها مش هيكون اسوء كتير
اكمل بصلو بغضب شديد وقال...انا ماشي ...وهعتبرك تحت تأثير البنج ومش هاخد على كلامك ده كلو... هعتبر نفسي مسمعتوش...ولو قربت لسهيله ولا عملت اي حاجه بره خطتنا...هتبقى بتقف قدامي انا وانت اكتر واحد عارفني يا علي
قال كده ومشي وعلي بص لطيفه بغضب وحقد وقال...بس انت شكلك معرفتنيش خالص با باشا...بس هتعرفني قريب اوعدك..
عند لؤي طلع هو وفرحه وصلها لاوضتها وقال....تصبحي على خير
ابتسمت وقالت.هتنام
اتنهد وقال..هروح الاول اشوف اسيا واعرف ليه اكمل مشي دلوقتي
فرحه ضحكت بخفه وقالت..يا ابني ده سؤال ...هما كانو عشاق يعني دول ضاربين بعض بالجزم وواضحه قوي
لؤي ابتسم وقال..ما انا اكيد عارف ظروف جوازهم ...بس عايز اعرف عملت فيه ايه علشان يطفش دلوقتي
فرحه ضحكت وقالت..... الصراحه اختك صعبه ربنا يكون في عونه
لؤي ابتسم وقال ....اسيا دي مفيش اطيب منها بس هيه بتحب عمها قوي وبتمشي ورا كلامه وهو مصر ان اكمل مش من عيلتنا...علشان كده هيه حطاه في دماغها حبتين ومدام حطاه في دماغها يبقى فعلا ربنا يكون في عونه
فرحه ابتسمت وقالت ....غريبه متشبهوش بعض ابدا
وبصت لعيونه بتوهان وقالت...انت هادي جدا ...وطيب وحساس ومز اوي
لؤي اندهش من جملتها وهيه قالت بسرعه..مميز..قصدي مميز اوي ...وبصت بعيد بارتباك وكسوف من اللي قالتو
لؤي ضحك بخفه وقال...تسلميلي...ده من زوقك بس...العيون الحلوه مش بتشوف غير كل حلو
قال كده ومشي وهيه بصت لطيفه بابتسامه وضربت على بقها وقالت بغيظ..وبعدين في هبلك مز ايه بس يخربيتك ..ودخلت على اوضتها وهيه بتفكر في كل الوقت اللي قضوه سوا بابتسامه وسعاده
بس اختفت ابتسامتها واحتلت الدموع عيونها وقالت...متنسيش نفسك يا فرحه..لو عرف اللي انتي مخبياه مش هيبص في وشك متوهميش نفسك على الفاضي
عند معتصم مسك سهيله من ايدها بغضب وقال...سهيله لاخر مره هسالك ابن عمك يعرف الجدع ده منين...اتكلمي
سهيله قالت بغضب.... وانا لاخر مره هقولك معرفش انا اتفاجأت بوجودو زيك..بس الحمد لله فيه الخير انو لحقوا ناس عندها قلوب مش زي سيادتك يا حضرة الظابط
منتصر سابها وبصلها بدهشه وقال ..انتي متخيله ان دي صدفه ان ابن عمك يلحقو دلوقتي...انتي هبله ولا بتستهبلي عليا.
سهيله بقت تفرك معصمها مكان مسكتو بالم وقالت بضيق..انا معرفش هما يعرفو بعض ازاي...وبطل تمسكني كده بتوجعني
معتصم شدها عليه بقوه وشدد من قبضتو ليها وبص لعيونها جامد وقال...بتوجعك
سهيله بصتلو وبلعت ريقها بارتباك من قربو وقالت...لو..لو سمحت سيبني وابعد يا منتصر اوعى
منتصر ابتسم وهو بيقربها ليه اكتر وقال..لو قادر كنت بعدت من غير ما تقولي...يارت مكنتيش جامده كده
سهيله بصتلو بدهشه ومنتصر قربها ليه قوي ولسه هيلمس شفايفها بس دفعتو بقوه وقالت..عايز ايه..انا مش رفضت ...بقولك مش طايقاك ولا طايقه انك تلمسني ولا عايز تعمل كده غصب عني
منتصر غمض عنيه بغضب رهيب منها وقال بغضب....طبعا طبيبعي متطقيش لمستي متعوده على لمسات تانيه
سهيله بصتلو بغيظ وغضب
ومسكت فازه من على الكومود ضربتها على الارض بغضب كسرتها... وراحت نامت على السرير بغيظ
منتصر رفع حواجبو بدهشه... وضحك بخفه على حركاتها الطفوليه وراح نام على الكنبه
عند اسيا كانت قاعده مع لؤي وبتحطلو لزق على جبينه وقالت...مش هتقولي مين الزباله اللي عملو فيك كده...وايه السبب ومن امتى بتتخانق مع حد اصلا
لؤي ابتسم ومسك ايدها قعدها قصاده وقال..انا كويس يا اسيا..انا اسف..مكانش يصح اسيبك انهارده مهما حصل بس مقدرتش اتحمل
اسيا حطت ايدها على خده وقالت بابتسامه.... انا عارفه انك خرجت عن شعورك بسبب اللي حصل..لؤي احنا لازم نحكي لعمك عن مرضك
لؤي اتنهد وقال..والله مبقتش عارف يا اسيا..يسيبك مني خالص... قوليلي اكمل ضايقك ...عملك حاجه
أسيا قالت بغضب..وهو يقدر...خليه يجرب علشان يبقى لعب في عداد عمره
لؤي اتنهد وقال.... بالراحه عليه يا اسيا مش كده.. صدقيني الولد ده مش زي ما انتو شايفينو خالص
اسيا اتنهدت وقالت..والله ما فيه حط طايقو في الدنيا دي كلها غيرك...ده الارض اللي بيمشي عليها بتلعنه..على العموم اهو غار يتسرمح
ضحك بخفه وقال .وازي تسيبيه ...ده بدل ما تغيري تصرفاته بتخليه يهرب كده من اول ليله
أسيا بصتلو بدهشه وقالت..يا حبيبي انت طيب زياده انا مالي بيه ما يغور في داهيه هو انا طيقاه علشان اغيره انا يعلم ربي لولا عدي مكنتش وافقت اتجوزه لو اخر واحد على الارض
لؤي اتنهد وقال بحزن...هو عدي عمل ايه
اسيا لمعت عيونها بالدموع وقالت...تعب جدا...وعمل مشكله والحيوان اللي اسمو اكمل ضربو...قلبي وجعني اوي عليه...مش عارفه رغم انه جرحني قوي بكل اللي عملو لكن مقدرتش اشوفو مزلول اوي كده ...هو دلوقتي زمانه نام ربنا يكون في عونه
لؤي اتنهد بحزن وطبطب عليها وقال..متزعليش يا اسيا هينسى اكيد هيتخطى
وكمان ..احم ..والله يا حببتي اكمل انسان كويس محتاج اللي يوجهه ويقف جمبه وان شاء الله هي....
بس قطع كلامو على صوت ضحك اكمل العالي وفتح الباب وهو بيتطوح وجايب بنت وبيضحكو سوا
لؤي بصلهم بزهول واسيا غمضت عنيها بغضب وقالت...اتفضل..بص المنظر ..ده اللي بقالك ساعه تدافع عنو مش كفايه انو هو زباله اصلا...لا كمان جايب زباله تاني في ايده
اكمل بصلهم وضحك وقال للبنت اللي معاه..شوفتي اهيه...هيه دي العقربه اللي جمانه خافت تيجي بسببها ...بس متخافيش هيه مش بتقرص ..بتبخ سم بس
لؤي اتنهد وقال..ايه اللي بتعمله ده يا اكمل مشي البنت دي حالا جايبها هنا ليه
اكمل بصلو وقال بسكر...جبتها علشان ننبسط ..انهارده دخلتنا واختك رافضه تقلع...وانا مقدرش اقعد لابس فيه فرق كبير بنا
لؤي اتنرفز من وقاحتو ووقف قدامو وقال بحزم...مشي البنت بقولك او اطلع انت وهيه بلاش قرف
اكمل وقف قدامو وابتسم بخبث وقال ...لا ده انت اللي هتطلع من هنا...وهتسيب اختك هنا تتفرج ..وتستنى دورها يمكن يجلي مزاج احدق بعد ما احلي
لؤي مسكو من هدومو بغضب ولسه هينطق اكمل رفع التليفون في وشهم وقال..خلينا عاقلين بدل ما ابعت هديه جميلة لحضرة الضابط واوريه اخته والي حصلها منك في الفرح وساعتها انت وبنت عمك واختك وحتى الباشا عمك مش هتبقو مبسوطين...اعتقد محدش خالص هينبسط
لؤي سابو وهو بيبص للفديو بزهول واسيا بلعت ريقها بقلق شديد وصدمه
اكمل بص لملامحهم بابتسامه خبيثه وشد اسيا لحضنه وشد البنت اللي معاه بدراعه التاني وبص لاسيا بحقد وقال...تحبي ابدأ بيكي ولا بيها الإختيار ليكي يا بنت البشوات ووووووو
التكمله روعه ❤️
#السادس_عشر اخرج وخد الباب في ايدك اختك هتفضل معايا يمكن يهفني مزاجي عليها بعد المزه اللي معايا ...ها يا بنت البشوات تحبي ابدأ بيكي ولا بيها الاختيار ليكي
اسيا بصتلو بغضب وبقت تحاول تفك ايده اللي قابضه على وسطها بقوه وقالت بغضب...شيل ايدك يا قذر سيبني ابعد بقولك
اكمل لسه هيرد بس لؤي شد اسيا بقوه منو ووقف قدامها وقال بغضب ... اكمل فوق لنفسك ومتتعداش حدودك هحاول اعدي السفاله بتاعتك دي لانك مش صاحي لنفسك..بس مش هقبل باي اهانه لاختي لا قدامي ولا في غيابي سامع
اكمل ابتسم بخبث وقال..خلصت...يلا طرقنا....اديك شايف بنفسك مزتين انقح من بعض ومحتاجين مجهود
وهنا لؤي فقد اعصابو وضربو بوكس قوي جدا اصتدم في الحيط لانو كان دايخ اصلا من شدة السكر
البنت اللي معاه اتخضت ولسه هتجري عليه لؤي شخط فيها وقال...خليكي عندك....متخطيش خطوه تاني هنا..سامعه .ويللا وريني عرض اكتافك...بدال اقسم بالله ابيتك في القسم انهارده يلاااا
البنت اترعبت من صوتو وتهديده وجريت وخرجت جري مش بس من الاوضه كمان من البيت كلو
اكمل وقف بالعافيه وهو بيضحك بسخريه وقال ..تمام...يعني اخترت تتفضح قدام جوز بنت عمك...وانا احب ما على قلبي...للامانه علشان مبقاش كدبت عليك حتى لو كنت مشيت كنت هبعتلو الفيديو
اسيا بصتلو بغضب وقالت....اتجرأ وعملها علشان تبقى جنيت على نفسك يا وسخ
اكمل قال بغضب وتحدي ...بكره تشوفي الوسخ ده هيعمل فيكم ايه
اسيا لسه هترد لؤي قال بغضب وزعيق...باااس...خلصنا بقى..وبص لاكمل وقال ..اللي معاك اعمله..ومش هناقشك فيه...بس الا اسيا...شيلها من لعبتك ومن انتقامك...خليها على جمب احسنلك لان صدقني لو قربتلها حتى لو بكلمه مش هتتخيل اللي ممكن اعملو مش هتعرفني يا ابن عمي
ومسكها من ايدها بقوه ومد ايده قدامه وقال..انا السد اللي اللي لازم تتخطاه الاول حتى تفكر تقرب منها..سد صعب وعالي اوي عليك وعلى الف من امثالك
قال كده ومشي بيها عايزها تبات بعيد عنه اليله
اسيا كانت بتبصلو بفخر ودموع بس قبل ما يخرج من الاوضه وقفت وبصتلو بحب وقالت..انا هفضل هنا يا حبيبي اطمن هكون بخير ...محدش يقدر يقربلي وانت موجود
بصلها باستغراب وقال..تعالي معايا باتي في اوضه تانيه انهارده علشان ابقى مطمن
اسيا ابتسمت وحطت ايدها على خده وقالت...متقلقش انت عارفني كويس محدش يقدر يجي ناحيتي ولو احتاجتك انت جمبي بنا اوضه ولا اتنين
اتنهد وقال بصوت واطي احم...مش هتعرفي تتعاملي معاه انهارده مش شايفه حالتو
اسيا التفتت لاكمل وكان بيحاول يعد شعر راسو شعره شعره قدام المرايه ومضايق انو كتير...وبيتلخبط ويرجع يعدو من الاول
اسيت اتنهدت بضيق والتفتت للؤي وقالت...متقلقش يا حبيبي ما انت عارف احتك ولا 10 زيو يخوفوني يلا انت تعبت انهارده روح ريح شويه لو سمحت
لؤي اتنهد وهو متاكد انها مش هتسمع كلامو واللي في دماغها هتعملو وقال...على راحتك خلي تليفونك جمبك ومتتكلميش معاه احسن
اسيا ابتسمت وحضنها شويه وخرج
اسيا قفلت الباب وراه ولسه بتلتفت شهقت بخضه لما لقتو في وشها وقريب منها قوي وابتسم بطريقه مريبه وقال...اشمعنا هو حضنتيه ولا اكمنو حليوه عاجبك وعينك منو طب ما انا ممكن اسبغ واحط لنسز ...لو هتحن وننجز
عند فرحه كانت بتفكر في لؤي ومبسوطه جدا ولسه هتنام جاتها مكالمه من رقم غريب بصت للتليفون باستغراب وردت وقالت..الو
جالها صوت تعرفه كويس وقال..وحشني صوتك يا حب
فرحه وقع قلبها في رجليها وقالت بخوف شديد..ع..علي
علي ضحك بخبث وقال...كنت متاكد انك مش هتنسي صوتي...مهو انت حبيبي برضو
فرحه بلعت ريقها وحاولت تقوى وقالت....عايز ايه يا علي ..انا سبتلك اسكندريه كلها جاي ورايا هنا..سيبني في حالي حرام عليك
علي قال بسخريه..امممم بس انا مفتكرش انك سبتي اسكندريه علشاني يا جميل....على الهموم بما انك سألتيني عايز ايه فأنا هقولك..انا عايزك يا فرحه
فرحه ارتعش التليفون في ايدها ومقدرتش ترد ونزلت دموعها لما ضحك ضحكه عاليه قد ايه اتمنت متسمعهاش وقال...اهدي يا قلبي انتي خوفتي ولا ايه....متخافيش انا عايز اقابلك بس..لازم نتكلم...هبعتلك عنوان مستشفى تيجيلي عليها اياكي تتأخري والا هسمع عنك اخبار وحشه وانا ميرضنيش
بقلم....زهرة الربيع
قال كده وقفل السكه وهيه كانت بتسمعو برعب ودموع ورمت نفسها على المخده وبقت تبكي بحرقه
عند اسيا كانت بتبص لاكمل بزهول من هبله وكلامو المش مفهوم وقالت...هو انت اصلا من غير اي حاجه عبيط كمان رايح تشرب وتبوظ اخر فيوز عندك...هو مين اللي عيني منو يا اهطل...ده اخويا روح نام ولا خدلك حمام يمكن تفوق بلاش قرف
ولسه هتمشي شدها بقوه بقت بين اديه وبص لعيونها جامد
اسيا بقا تحاول تفك ايده بس كان ماسكها بقوه وبيبصلها جامد وقال...مظبوطه بالملي با بنت البشوات...زي كحك العيد موزونه بالجرام... انا السكر علي عندي من نظرات عيونك بس
اتسعت عنيها بزهول من كلامه وقالت...لا ده انت سرفلت منك على الاخر سبني بدال ما السكر يعلى فجاه وتروح فيها وتريحني
اكمل ابتسم وهو بيبصلها باعجاب واضح وقال....مهو حتى لو تعبت لمسه من شفايفك تقويني من تاني
ولسه هيقرب دفعتو وقالت بغضب....الشفايف دي اخرك تتشتم بيهم اتلم ومتجبش لنفسك التهزئ
وراحت نامت بضيق شديد منو
اكمل ضحك وراح جمبها وقلع بدلته ونام جمبها وقال ...اااااه اخيرا هنام جمبك يا جميل.. انتي متخيله الوضع... انتي نايمه جمبي على نفس السرير
اسيا نفخت بخنقه وقا...فعلا وضع محدش يتوقعه...بس مؤقت متقلقش
اكمل ضحك بخفه وقال بسخريه..طبعا كنتي بتحلمي بحد تاني مكاني بوظتلك اجمل ليله في حياتك..ولسه هبوظلك حياتك كلها..ومش انتي بس....كلكم...الجاني على المجني عليه..مش هسيب حد...حتى اخوكي الغلبان االي مزعلنيش بل بالعكس كان بيدعمني من اول دقيقه هيبقى اول الضحايا لان السيئه تعم يا بنت العم
بصتلو بغضب شديد وقالت..لا ده لانك...
بس قاطعها وقال بسرعه..ابن حرام...فعلاااا...انا كده وبكره هثبتلكم بالافعال مش بس بالكلام
والتفت الناحيه التانيه ونام وهو بيتوعدلهم وفي عيونه لهيب مبيطفاش
اسيا اتوترت بسبب كلامو وخافت على لؤي بس اتوقعت انو بيقول كده من شدة السكر وحاولت تهدى وهيه ناويه تتكلم معاه اول ما يصحى ويفوق
في اليوم التاني وقبل الفجر بدقايق قامت سهيله من النوم ووقفت بسرعه وهيه بتقول بعض الدعيه ودخلت علشان تتوضأ
بعد دقايق خرجت وحطت سجادة الصلاه وقعدت عليها تستنى الفجر
نزلت دموعها مع صوت الاذان وهيه بتفتكر اجبار ابوها ليها على الجواز و كلام منتصر عليها وقالت بهمس...انا مسامحه يا الله...مسامحه
وبقت تبكي بدون صوت بس هديت على صوت منبه تليفون منتصر
اتنهدت بضيق وفضلت مستنيه دقايق انو يصحى ويحس الصوت بس مكانش حتى حاسس بالصوت ولا مضايقو
سهيله اتغاظت جدا منو وفي نفس الوقت مرضيتش تتجاهل انو عايز يصحى للصلاه اتنهدت وقامت بقت تصحيه وتهزه بخفه وقالت...حضرة الظابط....حضرة الظابط...متنتصر باشا...انت يا اخ
بس منتصر كان نومه تقيل بطريقه غاظتها قوي نفخت بخنقه وقالت..انت يا بتاع انت قوم الصلاه هتفوتني قصادك ايه ده معقوله مش سامع كل ده فاصل فيشة ودانك قبل ما انام
بس برضو مصحاش بصتلو بخنقه وابتسمت بخبث وجابت كباية ميه من على الطاوله وكبت شويه منها في رقبتو من ورا
منتصر قام مخضوض لان الميه ساقعه وقال بفزع..ايه فيه ايه هضرب بالنار
سهيله كانت عايزه تضحك عليه بس قالت بجديه..ده انا ...مش راضي تصحى هتضيع عليا الصلاه..انصحك تقفل المنبه ده مش هيفيدك بحاجه اشتري قنابل احسن او مدفع رمضان
منتصر اتنهد وقالت بخنقه ..خلصتي تريقه.. حد يصحي حد كده عايزه ايه
سهيله قالت بضيق ...انت اخر واحد ممكن اعوز منو حاجه انا بس لقيتك ظابط المنبه بتاعك على صلاه الفجر قولت اصحيك واكسب ثواب فيك وفي البلد كلها اللي صحيت على صوت تليفونك
منتصر وقف بضيق وقفل التليفون وبصلها بسخريه وقال....اممم طيب متشكرين اتفضلي روحي نامي اسف اني ازعجتك
قالت بضيق..انا كنت صاحيه اصلا اتفضل روح اتوضا وسيبني اصلي الصلاه هتفوتنا احنا الاتنين
رفع حاجبة بسخريه وقال..لا لا متقوليليش بتصلي...مصدقهاش
بصتلو بخنقه وقالت..انا اللي يهمني ان ربي يصدقني انما انت اخر اهتماماتي
قالت كده وراحت بدأت صلاتها وهو فضل يبصلها بخنقه واتنهد وهو بيستغفر ودخل يتوضأ
بعد فتره كان خلص صلاته وبيشتغل على اللاب بتاعه ومتابعها بعيونه وهيه بتقرأ ورد القران اليومي بتاعها وفضل يتأمل ملامحها الهاديه ويحاول يسمع صوتها لانو كان عذب جدا رغم انها بتقرى بصوت واطي قوي اتنهد وهو محتار جدا معقوله الافكار اللي بتيجي في دماغو تكون وهم الي قدامو انضف من اي حاجه فكر فيها
فضلت تقرى وقت طويل واول ما خلصت ورفعت السجاده والمصحف قال بسخريه..حرما يا شيخه سهيله..لسه مفكرتيش في اي كذبه تبرري بيها موقفك
اتنهدت وقالت بخنقه ..استغفرك ربي واتوب اليك...اه لسه...ولسه عند موقفي مش حابه اتكلم معاك
منتصر وقف بغضب وقرب منها وقال...انا مش هستحملك كتير على فكره انطقي ايه اللي بينك وبين الشاب ده علاقتك معاه وصلت لفين
سهيله قالت بغضب..وانا لاخر مره هقولك مش من حقك تسألني انا قولتلك اللي بيني وبينه قبل ما اتجوزك ولا اعرفك حتى سيبني في حالي واطمن انا مستحيل افكر فيه تفكير حتى طالما على زمتك وده اللي ليك عندي فكفايه بقى ومش كل شويه تفكرني
اتنهد وحاول يهدى وقال....طيب انا مكنتش عايز اقولك بس مسبتليش اختيار تاني...يوم ما اتقبض عليكي في الحجز وقولتيلي انك كنتي مع زميلك اللي بتحبيه وراح صيدليه انا عارف المكان ده وانه مفيهوش صيدليات ابدا وعلشان كده فضلت مراقبك
بصتلو بدهشه وقالت ...مراقبني
منتصر قال بهدوء..ايوه راقبتك وشوفت الشاب ده معاكي ...واصبح من واجلي انبهك...الجدع ده زي ما قولتلك قبل كده....ديلر مسجل وكان محبوس كمان وشغلو مش نضيف مكنتش بكرهك فيه والسلام انا اتحريت عنو كويس فهمتيني...فلو فيه اي حاجه بنكم اي شيئ مهما كان صغير صارحيني بيه يا سهيله
سهيله كانت بتبصلو بزهول من كلامو ورغم انها مش شاكه في علي ابدا لكن كلامو وثقتو صدمتها جدا
عند لؤي كان قام من النوم وصلى فرضه واخد فوطه وقزازة ميه وطلع على اوضه في البيت مخصصه للرياضه
كان الجميع لسه نايم ومفيش حركه في البيت بس انتبهه على صوت حد بيمشي اتحرك باستغراب ناحية اوضه فرحه بس اتفاجأ لما لقاها خارجه تتسحب على اطراف اصابعها وقفلت باب اوضتها
لؤي استخبى بسرعه قبل ما تشوفه وهيه خرجت و بتبص حواليها بحزر ونزلت بسرعه
لؤي استغرب جدا وراح وراها واتفاجأ اكتر لما خرجت بره البيت كلو واتكلمت مع الحارس وقالتلو انها عايزه تجري شويه ومتعوده تجري في الفجريه
الحارس فتح لها وهيه خرجت جري ولؤي خرج وراها وهو مصر يعرف مخبيه ايه
عند سهيله رمشت بعيونها بدهشه بس ابتسمت بسخريه وقالت..لا والله صدقتك انا كده....بقى علي مسجل وكان محبوس كمان بجد برافو
منتصر قال بخنقه..سهيله اسمعيني انا..
بس قاطعتو وقالت بغضب... اسمع انت يا سيادة الظابط مش علشان المرض االي في دماغك تتبلى على بني ادم نضيف انا وعلي مفيش بنا حاجه من اللي بتفكر فيها وكفايه كده عيب والله عيب
ولسه هتمشي مسك ايدها وقال بغضب..افهمي انا قلقان عليكي اعمل ايه علشان تصدقي...بقولك ده بني ادم حقير ممكن تطلع منو اي حاجه..طيب بلاش انو قرب منك هحاول اصدق انو عمرو ما لمس طرفك وانك كنتي عايزه تهربي لمجرد انو بيحبك ماشي...طيب المكان اللي رحتيه معاه يوم ما قبضو عليكي كنتي رايحاه ليه...اتكلمي يا سهيله خلينا نحاول لو فيه حاجه تتحل نحلها
سهيله دفعت ايده بغضب وقالت....انا قولتلك اننا كنا رايحين صيدليه مبتفهمش حل عني بقى
ومشيت ولسه هتطلع من الاوضه قال بغضب...سهيله بقولك الشاب ده تاجر ممنوعات...ادالك حاجه غريبه قلك اشربيها ....اوعي تكوني وثقتي فيه لدرجة تشربي حاجه متعرفيش مصدرها... اديني جبتهالك على بلاطه يارب نفهم
عند اسيا فتحت عيونها وقعدت بسرعه وقلق لما ملقتش اكمل جمبها وقالت بقلق..راح فين ده معقوله يكون بعت الفديو زي ما قال يا رب لا
ولسه هتقوم لقت رساله جمبها مسكتها ولقت مكتوب فيها
صباح الخير
اكيد بتدوري عليا طبعا علشان الفديو للعلم انا هبعتو على الساعه ٧ بالظبط اديني بقولك المعاد لو حابه تلحقيني...ولحد الساعه ٧ هتلاقيني تحت مع اخويا وحبيبي عدي حابب اسأله عن معلومه محدش يعرفها غيره وكنت نفسي اعرفها من زمان يا ترى ايه احساس وائل جسار لما غني اعذريني يوم زفافك مقدرتش افرح زيهم....واه..... على فكره استحمي يا اسيا ريحتك صعبه منيمتنيش طول الليل ايه ده
اتسعت عنيها بزهول من بروده وكلامو المستفز ومن قلقها انو ممكن يبعت الفديو لمنتصر لا وكمان راح يضايق عدي.... اكتر من حاجه وترتها في رساله واحده قامت بسرعه عايزه تلبس وتنزل قوام بس اتفاجأت ووقفت باستغراب لما حست بريحه وحشه جدا
بقت تحاول تلاقي المصدر وبانت علاماات الدهشه والاشمئزاز لما لقت الريحه بالفعل منها كانت هتتقيئ حرفيا
كانت مش فاهمه حاجه هدومها فيها ريحه مش طبيعيه ولسه هتتحرك اتفاجئت بعلبه صغيره على السرير قربت وكانت علبه لمضاد للحشرات وريحته سيئه جدا
غمضت عيونها وضغطت على اسنانها وقالت ....اممم...بدأتها بدري يا اكمل بيه....شكلك حابب تلعب والمصيبه انك متعرفش لعبي
وراحت على الحمام بسرعه لان مفيش وقت عايزه تلحقو قبل ما يبعت الفديو
عند سهيله وقفت بزهول من جملتو والتفتتلو وقالت...انت...انت قولت ايه...هو اي كلام وخلاص عيب كده متتبلاش على الخلق بقى
قال بغضب..انا بقول الحقيقه ...ده مجرم وتاجر ممنوعات ومش من هنا من اسكندريه و
بس قطع كلامو لما سمع نغمة تليفونو مسكو بسرعه واتصدم بشده من اللي شافو
عند فرحه ركبت التاكس وطلعت بخوف علشان تشوف علي ولؤي كان وراها بعربيته وسايب مسافه علشان متشفوش
استغرب جدا لما راحت المستشفى
نزل ودخل وراها وهو مصر يعرف جايه لمين
عند اسيا خلصت في وقت قياسي ونزلت وهيه بتقفل الزراير على السلم من الاستعجال ومن غير ما تمشط شعرها
اكمل اول ماشافها نازله بالطريقه دي ابتسم بخبث واتقدم عليها وقال..والله برافو عليكي.... بقى معقوله اسيا الانصاري يجلها يوم تصحى و تستحمى وتجهز من الصبح كده قبل ما تيجي ٨ حتى صدمتيني
قالت وهيه بتنهج لانها اخدت السلم جري بعتو..انطق بعتو
اكمل ضحك بخبث وقال...اممم اتأخرتي
بقلم....زهرة الربيع
اسيا غمضت عنيها بحزن وغضب لانها ملحقتهوش بس اكمل ابتسم وقال...ميهونش عليا زعل عيونك يا جميل..متقلقيش لسه مبعتوش..بس هبعته حالا يعني مش هتفرق
اسيا ابتسمت بسعاده و قالت بسرعه...بجد...طب..طب بلاش تبعته..احم..انت مش هتستفيد حاجه ..هتبقى هيصه على الفاضي وهتضايق الكل و
قاطعها وقال بسرعه...طالما هضايق الكل...ابقى هستفاد اكيد
كات عايزه تزعق فيه بس حاولت تضبط اعصابها وقالت من بين اسنانها....لو سمحت متعملهاش..منتصر مجنون وهيتخانقو تاني و
اكمل قاطعها وقال ..اشش انتي عارفه ان ميهمنيش بالعكس انا اتمنى انكم تولعو في بعض انتي اكتر واحده عارفه بعزكو قد ايه
اسيا اتنهدت بخنقه وقالت..عارفه والقلوب عند بعضها...ايه المطلوب انجز
اكمل ابتسم بخبث وقال..ايوه كده...مدام وصلتي للمطلوب يبقى نتفاهم وقرب منها قوي وقال بهمس عند ودنها....بدلة الرقص الي اشترتهالك الي لو حماتك كانت عايشه كانت لبستها...هتلبسيها لجوزك يا بنت البشوات وترقصي بيها كمان
اسيا اتسعت عيونها بزهول شديد وهو بصلها بإبتسامة انتصار وقال....وانا باديا دول هحزمك
اسيا بلعت ريقها وهيه بتحاول تسيطر على اعصابها وقالت .لو...احم..لو عملت كده...اضمن منين انك هتمسح الفديو
اكمل ابتسم بخبث وقال...مفيش ضمان ..انتي عارفه اني مليش كلمه..تربية عوالم بقى
بصتلو بغضب وحقد وقالت...تمام يا اكمل انا....
بس قبل ما تكمل اتصدمو بصوت منتصر بيقول بزعيق شديد هو فين...الحييواااان القذر فييييين
اسيا بصت لاكمل بزهول وغضب وقبل ما تنطق منتصر اتقدم عليها بغضب وقال بزعيق...اخوكي الواطييي فيييين انطقووواااا 🏃♀️🏃♀️🏃♀️🏃♀️🏃♀️
يالهههههووووووووي االلي جاي تحفه حرفيا
منتصر هيولعها يا شعب😂🙆♀️🙆♀️🙆♀️
ومتنسوش لؤي ورى فرحه وعايز يجيب اخرها
وسهيله اللي برضو مش مصدقه ابداااااا
تفاعل شديييييييييد علشان ننزل بالجديييييد🥰❤️
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
