رواية حماتي دعاستي الفصل الاول والثاني والثالث والرابع والخامس والسادس بقلم الكاتبه دنيا ثروت حصريه وجديده على مدونة النجم المتوهج للروايات والمعلومات
![]() |
أديها مفتاح شقتنا بلاش ملاوعه
نور : مفتاح اي ياخويا هي أمك بتتحشر في اي مكان لي كان بقرشها!
صالح : وفيها اي يعني دي أمي
نور : اي اللي امي ده بتيجي هي واختك وتفتش في كل حاجه
صالح ضر'بها بالقلم: امي تيجي وجزمتها فوق دماغك هي واختي يانور لاما قسما بالله لاسمع كلامها واجبلك دره من بكره
نور بقر'ف: انا هروح شغلي لو رجعت ولاقيت امك مش هتلاقيني في بيتك ياصالح
... محمد : ياعبير دي شقه الواد احنا ملناش دعوه
مريم : بقولك اي يابابا دي شقه اخويا ونعمل فيها اللي احنا عايزينه
عبير نغز' تها من دراعها :اسكتي يابت . ياراجل مانت عارف انا بنزل اطمن على الشقه واطلع تاني محسسني يعني اني بسرقهم
محمد : بس دول ليهم خصوصه عيب ياعبير انتي تقبلي يحصل فيكي كدا
عبير :حيلك حيلك يامحمد انت بتقارن بنت شوارع بيا انا
محمد : انا مش هخلص منك ولا من بنتك انا نازل
عبير : مع الف سلامه يااخويا
💫💫💫💫💫💫💫💫💫💫💫💫💫💫💫💫💫💫💫
نور : مش عارفه اعمل اي ياساره
ساره : تطلقي منه يانور
نور : انتي عارفه ان حامل ومقولتلهوش يحد دلوقتي
ساره بخبث : عادي نزليه بس متعيشيش مع واحد كدا ابن امه يانور
نور : انا زهقت مش عارفه اعمل اي انا خلاص جبت آخره امه دي مش سيباني في حالي وابني لو جه علي الدنيا برضو مش هتسيبه
في المساء
نور وهي بتفتح باب الشقه وماسكه الفون :وصلت ياماما انا كويسه متقلقيش
فتحت باب الشقه أكياس الخضار وقعت على الأرض من صدمتها!!!!
الثاني
#حماتي_دعاستي
وقعت من ايدها أكياس الخضار قربت على حماتها اللي ماسكه قميص نومها!!!
ايوووه زي مافهمتو قميص نومها!!
نور : انتي اي اللي بتعمليه
عبير : اخص عليكي يانور ازاي تكلميني كدا
نور بهدوء : انا لحد دلوقتي هاديه وجدا كمان وكملت وهي بتجز علي سنانها انتي ماسكه حاجاتي الشخصيه كدا ازااااي
صالح: نور ادخلي اوضتك دلوقتي
نور بزعيق :هو في اييي هو انت خلاص الرجولة معدتش علي بابك امك ماسكه قميصي وعادي كدا خاالص
صالح ضر'بها بالقلم : قسما بالله لو مادخلتي اوضتك تكوني طالق بالتلاته
مريم حطت رجل علي رجل وبتضحك
نور بصتلهم كلهم كأنهم عليها مره واحده مسكت بطنها بدموع : هتندم علي كلامك ياصالح وبالفعل دخلت اوضتها بسرعة
مريم : يااخويا يعني عملت فيك كدا وسايبها عادي تدخل اوضتها
عبير : دي كانت تستحق قطع الرقبه والطلاق علطول
صالح : كملي ياأمي اللي انتي عايزاه واعتبري محصلش حاجه
عبير : حبيب امك انت المهم تبقي خليها ترمي اللون ده عشان مش حلو وبيني وبينك قمصانها كلها تقرف بكره هجيبلك حبه تشكيلة انما اي
صالح : حبيبتي ياأمي متحرمش منك
عبير : يعني عندنا كام صالح ده انا اجبلك من جهاز مريم بس ياحبيبي انت تؤمر والله
💫💫💫💫💫💫💫💫💫💫💫💫💫💫💫💫💫💫💫
اليوم التالي
نور لمت شنطتها وخرجت من الاوضة
صالح :علي فين ياهانم
نور : محتاجه اقعد عند ماما شوية
صالح : ضحكتيني والله انتي ملكيش راجل تستأذني منه ولا اي
نور : تبقي راجل بس الاول بعدين استأذن ياعنيا
صالح ضر'بها بالقلم بقوه لدرجه انها وقعت على الأرض بعد ثواني مسكت بطنها بو'جع شديد : بطني ابنييييي
صالح : ابنك!!!!
الثالث
#حماتي_دعاستي
ياريت اللي في بطنك كان ما'ت كنا استريحنا
نور حطت ايدها علي بطنها بدمو'ع: اطلعي برا
صالح بزعيق : شكلك اتجننتي يانووور قسما بالله كلمه زياده تكوني طالق
نور بضحك : انا والله ماقادره من الضحك انت بجد ازاي راجل ههه
صالح : انا راجل غصب عنك وعن اللي خلفوكي
نور : طب بدل ياخويا الحلفان الكتير طلقني. طلقني وريحني
مريم : لي ياحبيبتي عايزة تربي ابن اخويا فين ان شاء الله
نور : يعني اي!!
صالح بيرمي علي وشها هدومها: يعني اللي في بطنك يتولد الأول بعدين عايزة تغوري في داهيه
نور بتمسك بطنها بر'عب: انا مستحيل اسيب ابني ليكو مستحيل
صالح : البسي ويلا عشان مش فاضيلك بجد
💫💫💫💫💫💫💫💫💫💫💫💫💫💫💫💫💫💫💫💫
في المساء
نور بتصحي من النوم على زغاريط
بتخرج برا اوضتها وهي بتحاول تفوق : هو في اي
عبير : أعوذ بالله مش كنتي في الاوضة
مريم : افرحي يابت هتيجي ضرتك بكره
نور قربت على صالح والدموع متجمعه في عيونها : صالح ده اكيد كدب صح
صالح بجمود: لا
نور بعياط هستيري: لا لا انت اكيد كداب مستحيل تعمل كدا فيا
صالح بضحك : فيكي مبقاش موجود انتي
نور : اومال مقعدني هنا لي مش عشان بتحبني؟
صالح بضحك وسخريه: هههه حب اي يانور انتي قاعده هنا عشان ابني ولا اكتر ولا أقل
نور بقر'ف: انت لو راجل مكنش هتمشي بكلام أمك يابن أمك ومشيت من قدامه بسرعه قفلت الاوضة علي نفسها
💫💫💫💫💫💫💫💫💫💫💫💫💫💫💫💫💫💫💫💫
اليوم التالي.. في المساء
عبير : اي الحلاوة دي والله مافي اجمل من كدا
صالح : تسلمي ياأمي
عبير : شوفت ياواد اختيارات امك بدل النكد اللي جوا دي
في اوضة نور
نور : ايوة ياماما انا لميت الهدوم وخلاص اهو هما يتخمدو واجيلكو ان شاء الله
سهام: ماشي ياحبيبتي خلي بالك من نفسك واللي في بطنك
نور قفلت معاها وخرجت عشان تشوف العروسه اللي امه جايباها
نور: ماتبطلو صداع بقا عايزة اتزفت وانام
مريم : حيلك حيلك ياحبيبتي مش عرسان جداد هما ولا اي
نور بتبص علي العروسه : ماتشيلي ياختى الطرحه ولا مرعوبه مني
شالت الطرحه بكل حقد وغل: واخاف من اي؟!
نور بصدمه شديده ايديها بتتشنج : ساره!!!!!!
الرابع
#حماتي_دعاستي
نور بضحك هستيري :يعني دي المفاجأة بتعملو عليا مسرحية خلاص ياصالح بقا وقربت عليه بتحضنه =يلا مشيهم عشان عايزة انام هههه
صالح بيخرجها من حضنه بقر'ف: مسرحيه اي وزفت اي دي مراتي ساره
نور بعصبيه :مراتك اي وزفت اي دي ساره صاحبتي
عبير : لا لا شكله عقلك فوت اوي عيب كدا اللي بتعمليه
نور قربت على ساره بتمسك ايدها وتحطها علي بطنها: انتي اول واحده عرفت بوجوده جالك قلب ازاي تعملي فيا كدا ده انتي اختي ياساره!!!
ساره بتشد ايدها بغضب: اختي اي خفي ياختي شويه انتي يادوب زميله
نور ضر'بتها بالقلم : وعملتي لي كدا وعشان اي
صالح وقف قصادها : ادخلي على اوضتك يازبا' له لو بأيدي كنت ضر'بتك بس اللي في بطنك بس يتولد واخد حقي تالت ومتلت
مريم بضحك : ادخلي ينور ياحبيبتي عيب كدا التهزيق ده كله
نور بدموع حرقه : ابويا لو كان عايش كان عرفك مقامك وانك مصنتش الامانه ياصالح بيه ودخلت على الاوضة قفلت على نفسها.
صالح قلبه اتعصر بسبب الجملة دي وكان لسه هيروح وراها
عبير وقفته بضحك : يلا ياحبيبي خد عروستك لاوضك اللي مجهزاها ده انهارده صباحيتكو
ساره مسكت ايديه بضحك وكسوف: يلا ياروحي
عبير اخدت مريم من ايديها : مع الف سلامه ياحبيبي
عبير دخلت شقتها كان محمد مستنيهم
محمد : كفايه بقا ياعبير حرام عليكي
عبير : اي ياخويا الكلام ده انت من امتي بقيت حساس كدا
محمد : نور عمرها ماغلطت فينا بس هي اول مادخلت البيت وانتي شربتيها المر حرام بقا
عبير : البت دي مش على هوايا وميغركش اللي هي بتعمله دي بت زبا'له وبكره تتعرف حقيقتها
💫💫💫💫💫💫💫💫💫💫💫💫💫💫💫💫💫💫💫💫
ساره خرجت من الحمام وهي لابسه قميص بيكشف اكتر مابيستر
كان صالح قاعد علي السرير بيفكر في نور وكلامها
ساره قربت عليه رفعت راسه ليها : معقول لسه مغيرتش
صالح اول ماشاف جسمها العاري وشعرها الحرير انجذب عليها وبشده: انتي اي اللي عاملاه ده
ساره قومته وبدأت تخلع زراير قميصه وهي بتبص في عينيه : خد بالك زعلانه منك.
صالح : ولي كدا بقا
ساره رفعت نفسها ليه وبداو يتبادلو القبل وفعلو ماحلل الله لهم..
في الصباح
ساره خرجت بقميص النوم تعمل الفطار كانت نور برا
ساره قربت عليها بكل شماته: انا مشوفتش راجل زيه ولا هشوف يانور انتي متخيله؟!.
نور بدموع محبوسه: ابوس ايديكي امشي وسيبهولي سيبيبه يربي ابنه حرا'م عليكي
ساره كانت في ايديها شاي سخن علي ترابيزه الاكل دلقت حبه علي ايد نور بكل شماته : في عينك يانور
وفجأة سمعت خبط شديد علي الباب وزعيق امة
ساره جريت لبست القميص الطويل وفتحت الباب : في اي ياحماتي
خرج صالح من الاوضة بقلق : في اي ياأمي
عبير قربت على نور.. نور كانت ماسكه ايديها بعياط ووجع من الحرقة
عبير بقر'ف : قولي ياروح امك اللي في بطنك إبن ميييين؟!!
الخامس
#حماتي_دعاستي
أقسم بالله اللي في بطني ابنه من لحمة ود'مه
نور كملت بعياط : حرام عليكي انا مرات ابنك ياشيخه
عبير : انتي خليتي فيها مرات ابني ده انتي واحده بتشربي الوسا'خه شرب
نور كانت لسه هتتكلم صالح وقفها : اي اللي بتقوليه ياأمي دي مراتي وام ابني
ساره بغيظ: متتحمكش كدا ياخويا مش لما نعرف الأول الحقيقه
عبير : مراتك ست الحسن حامل في ولد مش ابنك يابيه
نور بعصبيه وبتكتم وجعها: لا لا كدا كتير انا استحمل اي حاجه إلا شر'فييي
عبير شدتها من شعرها بشده : شرف اي ياام شرف ده لو عندك اصلا
صالح وهو بيبص في الأرض شال ايد امه : بعد اذنك ياأمي متغلطيش في شرف مراتي
نور : اخص علي الدنيا صالح بقا راجل ياناس!!
عبير بغضب شديد : انا مقدرتش استحمل انها حامل اصلا وهي لسه الجوازه مكملتش 6 شهور روحت عملت تحليل مش عارفه اسمه اي كدا
مريم : تحليل DNA ياماما
عبير: ايوة اسماله عليكي هو ده لاقيت اي ياخويا بقا
صالح والشك بيمشي في عروسه وبيقبض علي ايده : لقيتي اي
عبير: الولد اللي في بطنها مش مطابق معاك خالص وان ده ابن واحد تاني
صالح لف راسه لنور كانت واقفه مرعوبه من نظرته والكلام اللي بتسمعه خلاها تتشل بالنطق قرب عليها ومسكها من دراعها جامد : انتي بتخونيني يافا'جره
نور بعياط شديد : متصدقهاش دي كدابة انا مفيش حد لمسني غيرك صدقني ياصالح والله ماحد لمسني غيرك اللي في بطني ابنك قسما بالله
ساره بخبث شديد من وراهم : انا مكنتش عارفه اقولك امبارح عشان دخلتنا بس اللي بتقوله حماتي صح
نور بصدمه وعياط : انتي اي اللي بتقوليه
ساره : الحقيقه ياحبيبتي انتي كنتي بتحكيلي على حبيبك القديم ومكسوفه تقولي لصالح
نور : ده قديم وماااضي
وفجأة ضر'به بالقلم بشده مسكت بطنها من الخوف
نور رجعت تبص في عينيه بدموع محبوسه وترجي: ارجوك نروح نعمل التحاليل تاني وهتعرف ان كل ده كدب والله
صالح مكنش بيسمع ولا شايف كان أعمى تماما بكلام امه اخدها من ايدها ودخلها الاوضة وقفل عليها بالمفتاح
خرج وهو بيبص لامه واخته : بعد اذنكو سيبوني شويه لوحدي
بالفعل نزلو ساره قربت عليه جامد : تعالي اقولك حاجه
صالح بإستغراب : في اي
ساره بتمسك من ايده وتدخلي الاوضة وتقفل الباب بالمفتاح : حاجه سر ياصالح
بتقرب عليه وتزيح هدومها من عليها بهدوء وتقرب عليه اكتر فأكتر
صاالح بتوهان: مش دلوقتي
ساره تمسك ايديها وتحطها علي خصره : لا وقته ووقته ونص ياصالح بترفع رجالها لفوق ويبدأو ماحلل الله لهم...
وفي الجهه الاخري نور كانة قاعده علي السرير بتعيط بإنهيار مش من الحر'ق اللي علي اديها لا اللي في قلبها...
نور بعياط شديد : معقول ده اللي حبيته واتجوزته.!!!؟
اليوم التالي.....
صالح بيفتح باب اوضته ولسه هيخرج ساره تشبثت في ضهره لفته ليها بخبث: هتعمل اي دلوقتي
صالح : اللي انتي عايزاها هيتنفذ وحالا.!!!؟
(بيني وبينكو ساره مش سهله 😂♥️)
السادس
#حماتي_دعاستي
صالح بيفتح باب اوضته ولسه هيخرج ساره تشبثت في ضهره لفته ليها بخبث: هتعمل اي دلوقتي
صالح : اللي انتي عايزاها هيتنفذ وحالا
فتح باب الاوضه بعصبيه لدرجة انها اتفزعت من النوم
صالح ببرود : جهزي نفسك
نور بهدوء وهي بتمسح دموعها اللي مجفتش: خلاص صدقتني ياصالح
صالح : اصدقك عشآن اي انجزي والبسي عشان نعمل أم التحليل
نور بصدمه : يعني اي اي اللي انت بتقوله ده انت اكيد اتجننت
ساره بضحك : مش فاهمة يعني هو انتي دماغك فيها حاجه مانتي اللي طلبتي كدا امبارح
نور بصت عليها من فوق لتحت : اطلعي برا اوضتي يازبا'له
صالح ضر'بها بالقلم بقوه : اللي بتقولي عليها زبا'له تبقي مراتي وشريفه عنك
نور بترجع لورا بدموع محبوسه : شريفه عني!!
صالح : اه ياختي شريفه على الاقل انا اللي لمستها ومحدش بعدي لمسها
نور : طالما شاكك كدا طلقني
ساره بضحك : مالك رجعتي ورا لي خايفه لنكون صح ولا اي
نور قربت لصالح بدموع منكسره :انا موافقه ان اجي معاك بس لو طلع ابنك هتطلقني ومش عايزه اشوف وشك تاني
صالح : ولو مطلعش
نور : مفيش حاجه هتحصل لان هيطلع وهتطلقني وهرتاح منكو
💫💫💫💫💫💫💫💫💫💫💫💫💫💫💫💫💫💫💫💫
محمد : انتي ازاي عايشه كدا ازاي مرتاحه وفي واحد فوق بتتأذي
عبير : انت ياخويا بتدافع عنها كأنها بنتك أقولك اي عشان تعرف انها طلعت زبا'له البت حامل في ابن حرا'م ياراجل
محمد : انا عمري ماصدق كدا انا عارف نور وعارف تربيتها
عبير : شوفت بقا انك طلعت غلط ياخويا اهي ست نور اللي انت واثق فيها حطت راسك في الطين
في الاوضة جوا
مريم في التلفون : اممم بتحبني قد اي
هيثم: قد البحر والسما وكل حاجه ها سامحتيني
مريم بضحك : انا اصلا مسامحاك بس كنت عايزه دلع
هيثم : اي رايك طيب نخرج انهارده
مريم : هو كل يوم خروج انا زهقت اوي
هيثم : طب خلاص تعالي نبات شويه في الشقه واهو نغير جو
مريم : انا قولتلك شقق لا وبعدين مش كل شويه تشوفني الاه
هيثم بخبث شديد : اعمل اي مانتي بتوحشيني.. وكمل بعطف ها قولتي اي هتيجي
مريم بتفكير: هفكر ولو عرفت اخلع من ماما هاجي
هيثم : اتفقنا يامزتي قفل معاها وقعد علي الكرسي وهو بينادي: جيجي حطي الويسكي عايزين نكمل ليلتنا
جيجي وهي بتديله الكاس: خد بالك البت دي مش سهله
هيثم بخبث وضحك : هههه هخليها انا سهله وضيفي عليها رخيصه...
💫💫💫💫💫💫💫💫💫💫💫💫💫💫💫💫💫💫💫💫
بعد مرور ساعتين في المستشفي
صالح : كلها نص ساعه وتظهر الحقيقه
نور : ونعرف مين الكذاب فينا وساعتها مش هتعرف تبص في وش امك تاني
ساره : اعترفي يانور قبل مادكتور يجي يحرجك قدامنا ده انتي حتى بنت
نور اكتفت بنظره ليها
بعد نص ساعه
دخل عليهم الدكتور وفي ايده التحاليل : انا اسف بس التحاليل مش مطابقه نهائيا وبنسبه 99 في الميه الولد مش ابنك
صالح قبض علي ايده بعصبيه كان عنده امل في قلبه انه ابنه بس بعد كلام الدكتور ما'ت
بعد مالدكتور مشي نور قربت عليه تبوس ايده : والله بيكدبو والله ده ابنك اللي في بطني ابنك مش ابن واحد تاني صدقني ياصالح صدقني
وده كله تحت ضحك ساره المكتوم
صالح زقها بعصبيه شديده قرب عليها بغضب وصوت يشبه الافعي: قولتيلي اطلقك لو ابني بس انا مقولتلكيش لو مش ابني هعمل اي
نور بخوف ورعب من عينيه : يعني اي
صالح : انتي مش هتدخلي ولا هتعيشي في البيت ده مراتي وقرب عليها اكتر =هتبقي خدامه لمراتي..!!!!
(الواحد بيكره أشخاص الروايه كلهم بجد 😂😂♥️)
الفصل السابع والثامن والتاسع من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق