رواية انتقام عاشق الفصل الثاني بقلم الكاتبه مارينا علي حصريه وجديده على مدونة النجم المتوهج للروايات والمعلومات
 |
الف مبروك ياسامح
=دنيااا!
أردف بها الاثنين بصدمة بصوت واحد
سهر بارتباك واضح: ان.. انتى ايه الل جابك؟
دنيا بمكر: جيت ابارك لخطيبى وبنت عمى على خطوبتهم ايه أجرمت!
مسكها سامح من ايدها وقال: دنيا امشى من هنا لو سمحتى
زقت دنيا ايده بعنف وقالت
=ايدك دى لو اتدمت تانى هقطعهالك... وبعدين كدة يابيبى انا زعلانة منك مش كنت تعزمنى على خطوبتك اخس عليك
كان سامح لسة هينفعل عليها بس اتحكم فى أعصابه وقال وهو يجز على أسنانه
انتى عايزة ايه يادنيا!؟
سهر بعصبية: انا عارفة هيا عايزة ايه جاية تفضحنى قدام صحابى وعيلتى
دنيا: تؤ عيلتك تبقى عيلتى ياسوسو ألا فين عمو ومرات عمو... عمو... عمو
والد سهر بصدمة: دنيا!... انتى ايه الل جابك
دنيا بسخرية: هو كل الل يشوفنى يقولى دنيا ايه الل جابك مش ده بيتى برضه ياعمو
والد سهر بتوتر: ايوا يابنتى طبعا بيتك ومطرحك... بقولك يابنتى تعالى شوية عايز اتكلم معاكى جوة
لا ياعمو عايز تقول حاجة قول هنا ولا خايف من الناس
سهر بدموع: البنت دى هتفضحنا انا قولتلك انها مش هتسكت اما تعرف اننا اتخطبنا شوفت
والدتها: اهدى بس ياسهر يابنتى
سهر باانفعال: دى ممكن تكسر الحفلة فوق دماغنا يامامى
سامح : انا هتصرف معاها بنت**
وبالفعل مسك سامح ايد دنيا عشان يطردها لكنها زقته وقعته فكل الل كانوا واقفين شافوا وبدأوا يتهامسوا
دنيا: عيب ياسامح اما تبقى خاطب بنت عمى وتيجى تقرب منى
سهر: يقرب من مين انتى اتجننتى هو عشان كان خاطبك ورماكى زى الكل*بة تيجى هنا تتبلى عليه لا ياحبيبتي سامح عمره مااحبك ومش هيرجعلك
دنيا: سامح مين ده الل انا عايزة ارجعله انتى مجنو*نة ده انا حمدت ربنا انه سابنى ولو مكنش هو سابنى كنت هسيبه بس هو سبقنى محدش فى الدنيا يستنضف يبص لواحد زى سامح ده
سامح بعصبية: احترمى نفسك يادنيا احسلك انتى هتنسى نفسك
دنيا: لا الظاهر انك انت الل نسيت نفسك
=عيب ياجماعه المفروض انكم اهل
قالتها واحدة من الحضور
والد سهر: خلاص كفاية انا مش عايز اسمع نفس حد فيكم وانتى يادنيا يلا على بيتك
حبت سهر تحرق دم دنيا فقالت
=طول عمرك بتغيرى منى عشان انا احلى منك وكل واحد كنتى تحبيه كان يحبنى انا حتى سامح حب حياتك سابك وجالى عمرك ماهتلاقى حد يحبك يا.. يابايرة
الكلام ده فعلا حرق دم دنيا وهيا بتفكر ترد حقها ازاى وقعت عينها على شاب كان فى غاية الوسامة ولما بصت على ايده ملقتش دبله عشان كدة وفى قرار سريع منها مسكت ايده وقالت
=مين قال انى بايرة ده يبقى يوسف خطيبى
وبصت للشاب بصت رجاء انه يأيد كلامها
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
متخرجوش كل حاجه عوزينها عندنا واتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق