رواية ليتك تعلم مابقلبي البارت الثامن والتاسع بقلم الكاتبه أماني سيد حصريه وجديده على مدونة النجم المتوهج للروايات والمعلومات

بعد ما زين خرج من القصر راح مكان فاضي على النيل وفضل يفكر ليه بيقرب من خديجه ليه بيحاول يعلقها بيه وهو عارف من البدايه انها بتحبه عشان كده هو كان بيعملها وحش بس هو ما عندوش مشاعر ليها ليه بيدخلها جوه لعبته عشان يوصل لهدفه ويا ترى لو سلمى ظهرت تاني هل هيقدر يتقبلها هل هيقدر يرجع لها تاني هل قلبه لسه هيفضل يدق ليها بعد ما سبته ومشيت من غير اي اسباب هو مش عارف اذا كان لسه بيحب سلمى ولا لا بس هي وحشاه ونفسه يشوفها عايز يقلها بعدتت ليه ما بقتش معاه ليه فضل يفكر طول الليل واخذ قرار انه لازم يخرج خديجه من لعبته ويسيبها موجوده تفضل شغاله زي ما هي في الشركه وفي القصر من غير ما يحاول يقرب منها هيتعامل معاها زيها زي اي سكرتيره ثانيه موجوده او اي موظفه عنده موجوده ثاني يوم صباح يوم جديد صحيت خديجه صلت فرضها ولبست ونزلت وشافت زين وزين اعملها بشكل طبيعي زي اي موظف لا اعملها وحش ولا عملها حلو بيتعامل معاها بشكل عادي جدا وده خلى خديجه مستغربه جدا بس حمدت ربنا ان هو ما بيعملهاش وحش زي ما كان بيعملها الاول وهي استغربت معاملته ليها دي واتحجج زين ان هو بعد كده يروح الشركه لوحده وان هي لازم تروح الشركه لوحدها عشان ما يطلعش عليهم اشاعات وطبعا خديجه صدقت كلامه وبقت تروح وتيجي من الشركه لوحدها

___________________________________________

عند نور بقى ليها طموح عالي جدا لان اكثر تصميماتها بقت تتنفز ومازن بقى مهتم بيها جدا عشان شايف ان هي مشروع مصممه ناجح جدا جدا جدا وهيعملوا ايفنت قريب جدا جدا وهي هتكون المشرفه عليه واغلبيه التصميمات اللي هتكون في الايفنت ده هتكون خاصه بيها هي فمازن ساب لها مساحه كبيره ان هي تتصرف بطبيعتها داخل الشغل

___________________________________________

داخل القصر

زين كان قاعد في المكتب ودخلت عليه نور

نور : سلام عليكم ازيك يا زين عامل ايه ينفع ادخل

زين : وعليكم السلام ازيك يا نور اه طبعا تعالى

نور : صحيح يا زين فى ايفينت هيتعمل وعايزاك تحضره انا المصممه لاغلبيه اللى هيتعرض وانا اللى ماسكه تحضير الايفنت والمسئوله عن الموديل

زين : بالسرعة دى يا نور ما شاء الله ما شاء الله

نور : اه يا زين انا بطلع كل طاقتى فى الشغل انت عارف ماصدقت انى بعمل حاجه بحبها بعيد عن تحكمات بابا وغير كده مازن بيقولى ان تصميماتى جديده ومختلفه وده اللى هو عايزه وكان بيفكر يعمله الفتره الجايه ولما شاف تصميماتى عجبته اوى عشان كده نفذها على طول

زين انا بحاول اهرب من جلباب باب اللى محبوسه فيه ماصدقت انى خلاص لقيت نفسي

زين: تمام يا نور انا معاكى وهساعدك فى كل اللى انتى عايزاه

نور : حبيبي يا زينو ربنا يخليك ليا

زين : بعد زينو دى امشى مش عايز اشوفك تانى

نور : لا وعلى ايه زين بيه حلو كده

زين: يلا يا بكاشه

نور : صحيح انا هعزم ليان وخديجة يجوا هما كمان

زين : اعزمى مصر كلها يا نور

نور راحت لخديجه وعزمتها وخديجة وافقت وكلمت ليان وليان وافقت واتفقت انها هتروح هى وخديجة الايفنت مع بعض

عدت الايام بدون احداث تزكر الى ان اتى اليوم الموعود اللى هيقلب اغلب الموازين

جه يوم الايفينت وخديجه لبست فتان اسود وجزمه وطرحه ذهبى وليان قابلتها وكانت لابسه فستان احمر وعامله تسريحه مسيبه شعرها وشوز فضى وواصلو الايفنت فى نفس الوقت دخل زين وسليم كان معاه وهما داخلين زين شاف اخر شخص يتوقع ظهوره في الايفينت ده

ياترى زين شاف مين وهيكون رد فعله ايه

خمنوا بقى زين قابل مين وبيعمل ايه 😉😉😉

البارت التاسع

اول ما زين بص قدامه لقى سلمى بتبص له بقرف وبعدين دورت وشها ومشيت استغرب قوي زين من طريقتها يعني هي اللي اختفت وهي اللي بتعمل كده هي اللي بعدت وهي اللي جايه دلوقتي تبص لي بقرف يعني ايه تختفي وتبعد وانا ادور عليها وما لقيهاش بدل ما انا اللي عاتبها وابص لها بكده هي دي بتعمل كده من غير ما يفكر زين خرج بسرعه وراح ورا سلمى

زين : استني عندك هو انت ليه بتبصيلى بالطريقه دي ليه ليكى عين اختفيتي بقالك سنه واكثر وجاي دلوقتي وتبصيلي كده

سلمى: بصيتله بغيظ وشدت ايديها من ايده قالت له اولا انا ما اسمحلكش تتكلم معايا كده ثانيا ما تمسكنيش من ايدى بالطريقه دي ثالثا لما انا اختفيت انت ما دورتش عليا ليه مش يمكن مت مش يمكن اتخطفت انما انت عملت ايه ما عملتش حاجه انت ما عملتش حاجه انت استنيت شويه وبعد كده رحت خطبت نور فاكر نور اللي كنت بتقولي دي اختي اختي حد بيتجوز اخته يا استاذ زين مش نور دي اللي هي خطيبتك دلوقتي اللي انت كنت بتقول لي اختي الصغيره دلوقتي ما بقتش اختك الصغيره دلوقتي خلاص بقت خطيبتك ولسه هتلف وتمشي زين مسكها تاني من ايديها

زين : مين قال لك ان انا ما دورش عليك انا فضلت اكتر من شهرين بدور عليكى ما خليتش حد من صحابك الا لما سالته عليك وما عرفتش اوصل لك ما عرفتش مكانك فين

سلمى: ما دورتش ليه في المستشفيات ما دورتش ليه في الأقسام

انا عايزه اعرفك يا زين بيه فاكر اخر مره شفتك فيها وخرجنا مع بعض وانا مروحه البيت كنت فرحانه بالحاجه اللي احنا جبناها وكنت عماله ابص عليها ومشغوله لقيت عربيه جت خبطتني ما حسيتش بنفسي وما فوقتش غير بعديها بشهرين وبعد كده قعدت فتره ثانيه بتعالج عشان اقدر امشي وارجع زي الاول واول ما خلصت وجيتلك عشان اقولك على اللي حصلى ايه لقيت حضرتك بتخطب اختك فرجعت تانى من مطرح مجيت

زين : طيب ليه مجتيش تكلمينى تفهمى منى حصل ايه وليه خطبتها

نور باباها كان بيضغط عليها في موضوع الارتباط وهى كانت عايزه تخلص السنه اللى فاضللها وتشتغل فى المجال اللى بتحبه وعشان بباها يوفق يسبها تاخد كورسات التصميم عملنا تمثيليه الخطوبه دى لكن انا ونور اخوات وهنفضل اخوات

سلمى بصت وراه وشافت خديجه بصالهم ومركزه معاهم

راحت علت صوتها وسالته

طيب والسكرتيره اللى واخدها معاك فى كل حته دى كمان ايه

زين : انتى متبعانى بقى

عموما يا ستى دى خديجه البنت اللى مامتها كانت طباخه عندنا بعد موت مامتها ماما اصرت انها تفضل معانا وهى اشتغلت مكان مامتها لحد ما خلصت كليه وحاليا شغاله معايا في الشركه وانا مخليها عندى كا نوع من العطف عليها لانها يتيمه ومالهاش لحد

سلمى : قصدك يعنى وجودها عندك عطف عليها

زين : ايوه طبعا

سلمى : يعنى انت لسه بتحبنى يا زينو محبتش حد غيرى

زين : لا طبعا يا سلمى ما حبتش غيرك وما عرفتش احب غيرك وما حاولتش حتى افتح قلبي لحد غيرك لاني مش عايز افتح قلبي لحد غيرك

صحيح يا سلمى انت جايه بتعملي ايه هنا

سلمى : انت عارف اني بحب الموضه جايه اتفرج على العرض واشوف

زين: طب تعالي نروح نقعد على الترابيزه بتاعتنا بدل واقفتنا كده

زين مسك ايد سلمى واخدها عشان يروحوا يقعدوا على الترابيزه بتاعته وطبعا خديجه اول ما سمعت كلامه عيطت واخذت بعضها وكانت خارجه

وهي خارجه قبلت ليان قالت لها مالك يا حبيبتي فيك حاجه

خديجه : اه يا باشمهندسه ضغط واطي جدا مش عارفه اعمل ايه بدور على حاجه اشربها او حاجه حدقه اكلها

ليان خرجتلها زجاجه مياه غازيه اتفضلي اشربي انا دايما بخليها معايا للطوارئ لان الدكتوره قالت لي اول ما ضغطك يوطا المياه الغازيه اكثر حاجه هتساعدك وتخليه يرجع تاني بسرعه فانا دايما بخليها معايا واحده استبن خديجه اخذت منها المياه الغازيه وشربتها وقالتلها بقيت احسن الحمد لله

ليان : طيب الحمد لله تعالى بقى نعد على ترابيزتنا

وهم رايحين يقعدوا على الترابيزه قابلتهم نور في وشهم سالتها خديجه مالك يا نور متضايقه ليه

نور : اصل الموديل المحجبه اللي هتقدم الفقره بتاعه الكولكشن بتاع المحجبين اغمى عليها وما فاقتش ووديناها المستشفى وانا مش عارفه اعمل ايه دلوقتي

خديجه: طيب شوفي حد طيب شوفي حد مين اللي موجودين في الفقره العاديه ويعملوها لك

نور يا ريت كان ينفع يا خديجه لكن للاسف هم المفروض هيطلعوا فقرتين ورا بعض ما اقدرش اديهم الثالثه

وبعدين بصت لخديجه وعينيها وسعت

خديجه اول واخر طلب هطلبه منك لو سمحت يا خديجه انقذي الموقف والبسي انت بدلها واطلعي على المسرح

خديجه: لا طبعا انت بتهزري عايزاني اطلع في وسط الصحافه والناس دي كلها انت اكيد بتهزري

نور : بصت ليليان وقالت لها لو سمحت يا ليان اقنعيها معايا ايه المشكله يا خديجه هو انت طالعه عريانه انت طالعه باللبس بتاعك وهتكوني محجبه كمان بالعكس ده انتى هتشجعي الناس ان هي تلبس حجاب ده انت هتاخدي ثواب

المهم فضلت نور وليان يقنعوا خديجه لحد ما اخيرا خديجه رضخت ليهم وقالت لها تمام وراحت معاها لاوضه اللبس

في الوقت ده سليم راح عند زين ولقاه قاعد مع سلمى واتفاجئ

سليم : ازيك يا زين عامل ايه

زين : بص لسليم بصه معناها هنتكلم بعدين وسلم عليه وقاعدوا منتظرين العرض

داخل البروفات ارتدت خديجه فستان دهبى اللون من اسفل فى كنار كبير من الجوبير لونه نخاسى والاكمام فيها جوبير لونه نحاسي والطرحه لونها نحاسى وعليها تاج كبير لونه دهبي وكان منظرها مبهر جد وخطفت كل العيون وهى داخله المسرح

ياترا خديجه هتعرف تقدم الفقره ولا هترتبك

ياترا رد فعل سليم ايه على رجوع سلمى

ياريت تقولولى تخمينكم وخديجة ناويه تعمل ايه

البارت العاشر من هنا

بداية الروايه من هنا

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇

روايات جديده هتعجبكم من هنا

أجدد وأحدث الروايات من هنا

روايات كامله وحصريه من هنا

روايات ممتعه جداً من هنا

وكمان اروع الروايات هنا 👇