رواية رقم سبعه الفصل الحادي عشر والثاني عشر والاخير بقلم جمانه السعيدي حصريه وجديده على مدونة النجم المتوهج للروايات والمعلومات
 |
معتز بليلته مارحت للبيت حجزت بلفندق لان بعد ما اتحمل كلام امي
وصلت للشركه الصبح لكيت امي منتضرتني
معتز...خير شكو حت البيت عفته
عهود...هذا الكلام موجه اليه
معتز....استغفر الله ربي ماما افهميني اني ما اكدر فرح خطيه مكسوره
عهود...واحنا موخطيه تعوفنا نفلس ويضيع كلشي وانت تتفرج
معتز...الله يخليج مشاكلنا احنا نحلها فرح مالها علاقه
عهود...لا اله علاقه ونص
الاملاك املاكنا جان عمك يربطنا بيهم وهسه عمك الله يرحمه خلاص كلشي يرجع المكانه
بعدين هي مو بت عمك ليش تكوش على كلشي
معتز..اني ما اكدر اغدر بيها
عهود...هذا اخر كلام عندك
معتز...اي واليوم اخر يوم راح اقدم استقالتي واطلع من هاي الشركه واشوفلي شغل بغير مكان
عهود...زين اسمع هذا التسجيل
لزمت التليفون وفتحته
عهود...هاااا شنو سويت بلشغله الي وصيتك عليها
معتز...كلشي ماشي تمام مثل ما خططنا
عهود...عفيه هذا ابني الي اعتمد علي
معتز...مراح اتعبني وحدا مثل هاي اصلا بكلمتين مني وكعت بلفخ
جمانه السعيدي
معتز...اتفاجئت امي مسجله كلامي
انتي شنو من بشر حتى ابنج تسجلين كلامه
عهود...جنت اسمع هذا التسجيل واني عبالي وراي رجال
اسمع وانتضر اليوم الي تدخل عليه وانت مرجع كلشي المكانه ماجنت متوقعه هاي الحيه هي وامها راح تفر عقلك وتاخذك مني مثل ما اخذت كلشي
هذا اخر انذار اللك لو تحصل منها توكيل وترجع كلشي لو ادزلها هذا التسجيل وساعته خل يفيدك الحب
شوف شلون راح تكلب عليك
معتز...حسبي الله ونعم الوكيل ماجنت متوقع هيج راح تسوين بيه
الي ماجان متوقعه معتز ولايجي على باله فرح واكفه ورا الباب وسمعت تسجيل التليفون
فرح بدلت ونزلت واني فرحانه اخيرا راح ننجمع اني ومعتز بمكان واحد طول هاي الفتره هو مساندني وماتركني باصعب الضروف
بس اني ويا لازم نسكن ويا ماما بعد الزواج لان اني ما اكدر اتركه
ولازم نروح البابا ونكله احنا انخطبنا
واني ويا لازم نكبر هاي الشركه ونطورها للاحسن
وصلت للشركه ولمحت عهود تحجي ويا واسمعها تحجي عليه وكفت ورا الباب
واشوفها طلعت الموبايل وسمعت الي عمري مامتصورته
معتز كل هاي الفتره يضحك عليه يريد الشركه والبيت
مع الاسف تاملت بي خير بس ابن عهود اكيد عليها
معقوله يضحك عليه
انعل ابو الفلوس الي تغير العلاقات الانسانيه
رجعت طلعت من الشركه وشغلت سيارتي واني ما ادري وين اروح
حسيت نفسي اختنكت وكمت اصب عرك
ابد مامصدكه الي سمعته
يمكن احلم
يارب يكون حلم ما اكدر اتحمل الي شفته
جمانه السعيدي
معتز طلعت امي واني قررت اقدم استقالتي وابتعد عن فرح اسافر ورا امجد واشتغل واكون نفسي
بس بيومها فرح اتاخرت عليه اتصل عليها وما ترد ابد
فرح...طبكت السياره وكعدت افكر بلي صار وابجي معقوله
اني احساسي خطء ليش جنت اشوف الحب بعيونه
واحس بلهفه من يشوفني
امي عدها حق من كالت لاتامنيين لابن عهود لازم اطرده من الشركه ومن حياتي كلها مع الاسف الوقت الي خلص واني متوقعته سندي
التليفون يرن معتز جاي يتصل قفلت الجهاز لازم افكر قبل اي تصرف اندم علي
مسحت ادموعي مايستاهل ابجي علي ادموعي اغلى منه
رجعت للشركه اول ما وصلت لاكاني
معتز....صباح الخير وين يمعوده قلقتيني عليج
فرح...قلقت عليه انت متاكد
معتز...اكيد قلقت عليج انتي ماتعرفين معزتج عندي
فرح.....سكتت واني اباوع على بحقد
معتز...شبيج فروحه اليوم وضعج مو تمام ولو اريد احجي وياج بموضوع مهم
فرح.. كل مواضيع ماكو بينا وانت اليوم اخر يوم اللك بلشركه اخذ احسابك واطلع من حياتي كلها
معتز.. ليش فرح شصاير
فرح...اسئل نفسك شصاير وانت تعرف
معتز...اكيد امي اجتج وخربت الدنيا
فرح...بله ما استحيت وانت تضحك عليه ماخجلت من نفسك يا فلوس الي تخلي الواحد يضحك على غيره
مافكرت بيه اني انكسرت كدامك ومن شفتك واكف بصفي كلت خلاص الله عوضني خير راح ابوي واجه مكانه حبيبي
معتز....بس اسمعيني خل احجي وبعدين اي شي تريدي اني مستعد
فرح...شتحجي وشتكول راح تشرحلي الخطه الي خططتها انت وعهود حتى دمرون حياتي
ماهمكم الي صار وياي المهم تاخذون البيت والشركه
اخذهن البيت والشركه والفلوس الي بلمصرف كلشي اخذ ورجعلي سعادتي رجعلي ثقتي بيك
جمانه السعيدي
معتز....اكعدي واسمعيني واني جنت مقرر اليوم اعوف الشركه
فرح.. ليش تعوف الشركه بعدني ماتنازلتك عن الاملاك موهاي خطة امك
معتز....اني راح احجي وانتي اسمعيني وبكيفج تردين تصدكين تردين اجذبين القرار النهائي اللج انتي حره
وبعد ما اكمل كلامي راح اطلع من حياتج للابد لان اني ما استاهللج انتي انسانه كامله من كلشي
واني ما استاهللج بس مامتندم دخلت حياتج
وتعرفت عليج ابد
معتز...بلبدايه اني ما اعرفج والاشايفج وامي جان همه الوحيد ترجع املاكنا الي عدكم حسب رائيها
الي هنه مو املاكنا لان احنا اخذنا حقنا وزياده
ودخلت حياتج واني ناوي استغلج واخذ كلشي باسم الحب
بس من اول مره شفتج واني حالي تغير
ماتوقع راح احبج واتعلق بيج يوم عن يوم اتعلق بيج اكثر واكثر وصرتي جزء مهم بحياتي وما اكدر استغني عنه ابد
وهسه انتي عرفتي كلشي
واني راح اطلع من حياتج لان ما استاهل وحده مثلج ابد
راح اعوف العراق واسافر
مامتندم لان عرفتج انتي احلى شي صار بحياتي
عن اذنج مع السلامه
جمانه السعيدي
فرح...طلع معتز من الشركه ومن حياتي كلها ما اكذب كنت حاسه الصدق بكلامه بس حاقده علي وعلى امه
مو سهل عليه احس اني كل هذا الوكت كنت لعبه وهو يجرب يحبها لو لا
معتز رجعت للبيت واني الدنيا سوده بعيوني كنت اتمنى ملتقي بفرح بغير هاي الضروف
تمنيت لو هي موبت عمي واني ملتقيها صدفه
تمنيت لو ماعدنا هاي الاملاك ونحب بدون طمع
وصلت للبيت وجمعت ملابسي ومستمسكاتي وطلعت وامي تصيح وراي وين رايح تعال
معتز...خربتي كلشي حلو بحياتي وعايفلج كلشي وطالع وبعد ما ارجع ابد
طلعت حجزت بلفندق منا لمن تطلع التاشيره مالتي ورا يوم لحكني بابا وراد يعرف اسباب طلعتي من البيت
حجيتله كلشي بلتفاصيل وطلب يدخل بلموضوع واني رفضت
لو اني بمكان فرح راح اضوج واخذ موقف اكثر منه
صعب تأمن بشخص وتنطي كل ثقتك
وبطلع مخادع
طلعت التأشيره وسافرت ورا امجد
فرح كلش ضجت من موقف معتز انسحب بكل سهوله
ولو الي سوا ابد مو شي قليل
جنت حاسبته احسن انسان التقيت بي
واعتقدت هو الي راح يعوضني عن أي شي فقده
بس مع الاسف
طلع واحد ما يتامن ابد
بقيت اشتغل بلشركه وحدي
اشتغل حتى اضيع وقت حاسه بفراغ مو طبيعي
بعد ما انسحب معتز من حياتي
قررت اروح البيت خالي بلصويره ابقه عدهم كم يوم اغير جوووو
ماما تكول عدهم هواي بنات
اريد اطلع من هاي الحاله الي ملازمتني
رغم اني ابد مارايحه البيت خالي هاي اول مره اروح الهم
للحكايه بقيه تفاعلو بنات حتى انزللكم الاخيرررر
#الثاني عشر #والاخيرررررر
#رقم سبعه
جمانه السعيدي
وصلنا للصويره والترحيب بينا كان موطبيعي بيت بسيط بس نظيف ومرتب طبعا بناتهم الكبار مزوجات والاربعه البقيه موجودات وحسوني الي يحجي وياي واني ما افتهم شنو يكول كلما يكول كلمه اسئلهم شنو يكول
اول مره سلم عليه عرفته سلام لان حرك ايده
وثاني مره كال شي مافهمته اتاري يكول انتي حلوووه
اهله يفهمون كلامه بسهوله بس اني مامتعوده علي وما اعرف كلامه رغم صاير شاب عمرا ١٨ سنه
ضجت علي لان حتى مدرسه واصل ثالث ابتدائي ومبطل خطيه
تغدينا الساعه ثنتين وماما بقت تسولف ويه خالو وخاله سعاد واني دخلت بغرفة البنات ارتاح لان تعبت من الطريق
بنات خالو الي باقيات بلبيت هبه ونجلاء وغفران واسماء
دخلت تمددت وغمضت عيوني تعبانه اكثر شي تعبانه نفسيا من الاحداث الاخيره الي صارت بحياتي توني اريد اغفه وسمعت هبه دخلت تاخذ ملابسها من الكنتور
ولحكتها نجلاء دار حديث بينهن سمعته بلصدفه
هبه...اطلعي شعندج دخلتي ماشوفين فرح نايمه
نجلا...شبيك اريد اباوع عليها شوفيها شكد حلوه
هبه....فرح اختنا وبابا مارادها من انولدت
نجلاء...تحجين صدك
هبه...اي ولله ماقبل حتى يباوع بوجها يوم انولدت اني جنت كاعده يم ماما وسمعت كلشي
نجلاء...هاي الحلوه اختنا ليش مايريدها بابا
هبه....عمه الهام كالتله شوفها حلوه بابا قفل كال ما اريدها روحي اشمريها بلشارع عندي سته واجتني السابعه
شكد توسلت بي عمه الهام وماقبل بعدين عمه كالت اني اخذها واخذتها
جمانه السعيدي
نجلاء...لو بابا قابل بيها جان هسه عايشه ويانه بس هاي احلى من عدنا احنا نضيع يم جمالها
فرح...سمعت هذا الكلام وحسيت الدنيا دارت بيه والنفس ضاع عليه شنو هذا الي جاي اسمعه الهام مو امي عمتي وعمار زوج عمتي
اي يادنيا بعد شضامه الفرح من مصايب اختنكت بلزايد طلعت راسي من الغطى
راسا طلعن البنات حتى لايكعدني مايدرن اني وعيت على اكبر جذبه بحياتي
كمت على طولي وحسيت اكو شي بصدري يوجعني
مدري كلبي شصار بي ياربي شكد بعد اشوف صدمات والى متى هاي الدنيا تلعب بيه
طلعت من الغرفه ولكيت امي مدري عمتي الهام او خالتي مدري امي سعاد وخالي مدري ابوي الي مايريدني كاعدين يسولفون
فرح....بما انتم مجتمعين اليوم بلخير عليكم ممكن تكلولي اني بت منو بت عمار الي جان يعزني اكثر من روحه لوبتك انت الي حتى بوجهي ما باوعت من انولدت عندك ست بنات وخفت من وحده وقررت تشمرها مو مهم مصيرها تموت تعدل اهم شي مايزيد الحمل عليك انت شلون مسلم وتصلي وتصوم وماتعرف ان الطفل من ينولد يجي رزقه ويا
زين انتي ست سعاد لمن ماتردين الخلفه ليش رجعتي حبلتي مره ثانيه لا العفو العفو نسيت هذا ولد مو بنيه
هذا خلفته بيها تميز
ماتستحون بلله عليكم يعني لوما الهام تاخذني جان ماعرفت مصيري شنو هسه ويه اي بشر اني عايشه ويجوز بعدني بلشارع تاكلني الجلاب
مع الاسف انتم اهلي وهمزين عرفت حقيقتكم ترحون فدوه الاسم عمار الي عاملني احسن معامله وهو رجال غريب وانت الي اسمك ابوي تريد تشمرني بلشارع
جمانه السعيدي
الهام...ماما انتي منو كاللج هذا الكلام
فرح...رب العالمين الي رادني اعرف حقيقتكم سحبت جنطتي وصعدت بلسياره بعد ساعه للمغرب شغلت السياره
واني حاسه نفسي ضايعه بلزايد
يوميه اضيع واحير بدربي اول ضيعه مات بابا وثاني ضيعه معتز طلع يضحك عليه والثالثه بيها المنيه مثل مايكولون
ما اعرف شنو مصيري لو المن اني عايشه بهاي الدنيا
هسه عرفت ليش عهود مستكثره عليه البيت والشركه حقه اني مو بتهم ليش عايشه بخيرهم
اسوق سريع واني ماهامني حتلو اموت لان الدنيا ضاكت بعيني حيل
وين اروح ياربي البيتي الي طلع موبيتي لو الهام الي عفته من العصبيه وهي مالها ذنب
رجعت للبيتنا دخلت وكمت اصرخ بصوت عالي اريد هاي الحركه تطلع من كلبي
تمددت وكمت ابجي وما اعرف شسوي
ماطول عهود تعرف حقيقتي اكيد معتز يعرف اني مو بت عمه انت مثلهم معتز هم تضحك عليه
طلعت صفحت عمي خالد على النت وبقيت ادور على الاصدقاء لكيت صفحة معتز صفحه باسمه بلانكليزي
معتز اني يوميه اطلع صفحة فرح واشوفه شناشره على صفحتها اكثر منشوراتها حزينه على فقد الاب ومرات اسئل بابا عليه واعرف اخبارها من بابا اني اول ماوصلت دورت ولكيت شغل محاسب بشركه رغم ما احصل اجور هواي بس الي احصله مكفيني وزايد واجمع منه حتى ادز الاهلي وخصوصا بعد مانباعت العماره وسددو ديونهم بيها
وبقه من الفلوس شي قليل بابا فتح بي محل مواد احتياطيه
وامي اخذت درس لان ولدها ثنينهم بعدو عنها
وبقه البيت خالي عليها وبابا محمله مسولية هذا البعد
جمانه السعيدي
رجعت من الشغل متاخر بليل وجبت وياي اكل سمعت رساله اجتني فتحتها من فرح ابد ماكنت مصدك عيوني قريت اسمها عشر مرات كاتبه انت تعرف
معتز....هلو فرح
فرح...جاوب انت تعرف
معتز...اعرف شنو
فرح...اني موبت عمار
معتز....منو كاللج
فرح...جاوب
معتز...اي اعرف ورجاءء لاتحمليني المسوليه لو انتي بمكاني تكولين انت مو ابنهم
فرح...كلكم جذابين
معتز....لاتضوجين ماكان الخيار بيدج هذا قدرج بعدين انتي ربوج احسن ناس وماقصرو وياج ابد
فرح...كل يوم صدمه وبعد ما اتحمل اكثر
معتز...انتي قويه وهاي الصدمات تقويج اكثر لاتلومين احد على ماضي عبر ونتهى انتي هسه كدامج المستقبل وانتي خططي للجاي مثل ما انتي تردين
فرح...صعبه وحدي اكدر اقاوم
معتز...لا موصعبه انتي بت عمو عمار القويه الي رباها احسن تربيه تردين اضيعين كلشي ويزعل منج بابا عمار
فرح...من كد الصدمات حاسه قواي تعبت واحاسيسي تجمدت
معتز....ليش قررتي تحجين وياي
فرح...احسك اكثر واحد فاهمني ولو غدرت بيه
معتز...لو ما احبج من اول شهر عرفتج جان ارتبطت بيج وكوشت على كلشي كان سهل عليه اقشمرج
بس اني وكعت بحبج الي قيدني وما كدرت انفذ اي شي من الي اجيت علموده
على العموم ممكن نكون اصدقاء واساعدج اذا احتاجيتي اي شي
فرح...لا خلاص ما احتاج اي شي شكرا
معتز شكد جنت مشتاق اسمع صوته وضجت لان حسيته
ضايجه
وفرحت بنفس الوقت لان هي اختارتني حتى تحجي وياي
بقيت احوس ماكدرت انام
الساعه ١٢ دزيتله رساله بعدج كاعده
صرتي احسن ممكن تشربين ليمون قبل لاتنامين
فرح لا تشغل بالك صرت احسن
معتز تصبحين على خير
فرح ثاني يوم ما رحت للشغل خابرت الولد يشتغلون بمكاني لان ماليه خلك
شويه ووصلت ماما الهام للبيت
دخلت ولكتني كاعده
شكد صعب امي العايشه وياها ٢٢ سنه تطلع مو امي
تطلع عمتي
الهام بقيت قلقه اليل كله وبالي مشغول على فرح
رغم اني اتصلت وطمنت عليه
الهام هااا ماما صرتي احسن
فرح عادي صدمه مثل باقي الصدمات شنو الجديد بلموضوع
جمانه السعيدي
للضهر اجاني مسج من معتز
شلون صرتي طمنيني عليج وداز مقطع اغنيه كاظم الساهر كوني ( امراءة خطره)
ضحكت ورديت علي اطمن صرت احسن
بدينا نحجي يوميه اني ومعتز
وعلاقتنا بدت ترجع شويه شويه
رجع الحب الي بينا يقوى ويكبر
ما اكذب كنت فرحانه برجعته بس اكابر ادلل علي
كلما يسئلني سامحتيني اشلع كلبه
وما ياخذ مني حق ولا باطل
الحد ما نزع مني اعتراف بلحب
كام يكمز وما مصدك
طبعا اعترفت بحبي اله بعد ما اتاكدت حبنا خالي من المصالح
رجع بعد سنه كامله من السفر والغربه
جاب عمو خالد واجا خطبني طبعا كانت عندي شروط حتى اوافق على هذا الزواج
اولا نسكن بيت بابا عمار لان ما اكدر اعوف ماما وحدها
وثانيا امه لاتجي ازورنا ولا تدخل بيتنا واذا يريد يشوفها يروح بيتهم يشوفها
واني ومعتز سوينا عرس يخبل ماله مثيل
وساكنين بيت بابا عمار
والشركه وكلشي باسمي وعمار يساعدني بلشغل
شركتنا كبرت وشغلنا صار احسن من قبل بهواي
شكرا للمتابعه الحلوه
دمتم سالمين
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق