رواية أشواك_في_القلب الفصل السادس والسابع والاخير بقلم الكاتبة_روان_الشبلاق حصريه وجديده
 |
رجعت نسرين ع البيت وتفاجأت لما ما شافت حنان
نسرين. العما وين بدا تكون راحت
ام نسرين. شوفو يا بنات نحن لازم نرجع على سوريا بأقرب وقت
نسرين. شووو لك شو هالحكي
امي شو عم تخبصي
شو الي بدو يرجعنا على سوريا
ام نسرين. مجبورين نرجع عمك بدو يبيع البيت والارض الي حواليه ورح ياخد الملايين
وقتا ما بظللنا شي لا هون ولا هنيك
نسرين. اي ماحزرتي رجعي لحالك
انا بسوريا مابعيش
ام نسرين. وين رح تظلي
نسرين. ليش ما الك خبر انو عادل طلق حنان
ام نسرين. طلقها الحيوان
ليش طلقها
نسرين. مشان تعرفي انو بنتك ماحدا بيتحملها ولا حدا بطيقها
ام نسرين. بس ليش ليطلقها ناقصني انا ترجع تقهرني بسوريا ماسدقت خلصت من مشاكلها ونقها الي مابيخلص
نسرين. ههههههه
ام نسرين. شبك عم تضحكي
نسرين. مو بس هي رح ترجعلك ومعا ابنا كمان لانو حنان حامل
ام نسرين. الله لا يوفقك يا عادل
ابن هالحرام ماقدر يتحملها مشان هالولد
نسرين. لك مابتنطااق بنتك افهمي بقاا
ام نسرين. وينا هلأ
نسرين. بجهنم شو عرفني
ام نسرين. طيب شو بدي اعمل انا هلأ
لازم نجهز حالنا لنرجع على سوريا
نسرين. قصدك لترجعي انا ما رح ارجع ويكون بعلمك رح نتزوج انا وعادل
ونعيش هون
انتي اذا بدك ترجعي ارجعي مادخلني فيكي وببناتك
ام نسرين. لك ليكون انتي ورا طلاق اختك
نسرين. لا مادخلني بنتك ماحدا بيتحملها
وانا اخدت قراري هلأ لانو ع سوريا مارح ارجع
رجعي بنتك هديك المعقدة حنان
ام نسرين. ومالقيتي غير عادل تزوجيه
عم يضحك عليكي وعلى اختك
عم يتسلا فيكن
نسرين. بحبو وبدي ياه
ام نسرين. لك واختك شو رح يصير فيها وهي حامل
نسرين. عم قلك طلقها ومابدو ياها
وعايشين مع بعض متل الأخوة
ام نسرين. متل الأخوة وحملت منو ماهيك
نسرين. هلأ شو الي بدك ياه انتي
انا وعادل رح نتزوج بتحبي تظلي هون او ترجعي ع سوريا تسطفلي مادخلني فيكن
ام نسرين. واختك الله يغضب عليها وينا هلأ مشان اذا بدنا نرجع ع سوريا يكون معا خبر وتجهز حالا
نسرين. مابعرف اتصلي فيها وشوفي
( بعد مرور ساعتين وحنان عم تمشي بالشوارع ماعم تعرف وين بدا تروح بحالا
واما اتصلت فيها بس ماردت عليها
حاولت حنان تتصل بعمتها وفاء
وردت عليها
وقالتلا انو هي بالشارع وما الها حدا
اجت عمتها بالسيارة واخدتا من المكان الي هي فيه ع بيتها
شافتها مڼهارة وحالتا پتبكي
خلتا تبدل تيابا وتتحمم وبس خلصت
فاتت على الغرفة ولحقتا عمتا
حاولت تفهم منا شو القصة بس حنان ماحكت شي
قالتلا عمتا هلأ رح اتركك لحالك ترتاحي وبعدين بنحكي
ظلت عم تبكي لحتى نامت )
عمتها وفاء ارملة وعندا 3 بنات و 2 اولاد
اولادها صغار وماعندا حدا كبير بالبيت
عاشت 5 سنين بأوروبا ورجعت تستقر بهاد البلد
كانت بتحب حنان كتير هي وصغيرة لكن ام حنان ماكانت تسمحلا انو تقرب منا او تلاعبها
وحتى ماكنت تسمحلا تفوت ع بيتها
وكانت تقلع كل حدا بيقرب لزوجها ومابتستقبلهن ابداً
بعد مرور 3 ساعات فاقت حنان وطلعت من الغرفة وهي عم تبكي
قعدت مع عمتها وحكتلا كل شي صار معن من اول ماطلعو من سوريا لحد اليوم
وقالتلا كل شي صار بين عادل ونسرين
وحكتلا عن عمايل امها وكيف تاجرت فيها
وفاء. معليش باعمتي طولي بالك
لا تبكي ياعمري انتي حامل ومابصير تظلي زعلانة
الله لا يوفقها امك شو انها بنت حرام
لك ونسرين انا عشت بأوروبا خمس سنين بس ماشفت حدا عمل عملتها
بأوروبا ماصارت
معقول اخت تغدر بأختا هيك
انا عم سدق
عقلي ماعم يستوعب
حنان. نسرين اكتر وحدا بخواتي أذتني
پتكرهني وبتحقد علي ومن يوم يوما مابتحبني ولا بتطيقني
بس ماتوقعت منا هالشي ماتوقعت وقاحتها توصل لهالدرجة
لك انا مو بس زعلانة ع الي عملتو فيي انا خاېفة عليها من ڼار جهنم لك الي عملتو اسمو ژنا
ماتركت شي ماعملتو
ژنا وكفر وڠضب الأب
وقاحة وقلة ادب
مافيها لو شغلة منيحة
واخواتي التانين مو احسن منا
وفاء. حسبي الله ونعم الوكيل كلن ترباية امك كيف رح يطلعو يعني
حنان. تعبانة كتير ياعمتي لولا وجودك هون شو كان صار فيي وين كنت بدي روح بحالي
وفاء. لا تخافي حبيبتي انا معك ومارح اتركك ورح تعيشي معي وابنك رح يجي بخير وسلامة ويكبر بينا
ويسترجي حدا يقرب منك
حنان. بس مارح اقدر انسا الي صار معي
لانو كتير بشع كتيررر
وفاء. بعرف والله صعب الي عملتو امك مابينتسا
لك في ام بتصور بنتا وبتبعت الصور لشخص غريب وبتاخد مصاري مقابل الصور
لك لو نسرين الي عملت هيك بقول لساتا صغيرة وتصرفت بدون وعي
ومعليش غلطت ويمكن ټندم اتوب بعدين
بس امك الي سوت هيك
انا بعرفا لأمك من زمان من ايام سوريا
ياما ظلمت ناس وياما ډمرت حياة ناس من غيرتا وحقدا
كل الناس كانو ېخافو من امك ومن عمايلها
حنان. بابا عاش كل عمرو مظلوم معها وماشاف يوم حلو بحياتو
وفاء. ابوكي الله يرحمو ما كان مظلوم
ابوكي كانت شخصيتو ضعيفة
وكان ېخاف من امك
هو الي خلاها تتمادا وتعمل كل هالعمايل
كان يشوف الغلط ويسكت
بحياتو ماحاسبها على شي
تطلع وتفوت على كيفها
وتغلط على امو وخواتو وكانت تنقل حكي وتخبص بين العالم
حتى كانت تسرق والكل عرف بهالشي وحكينا مع ابوكي يوقفها عند حدا
ويقوي شخصيتو شوي
بس ابوكي ماكان يقدر يعمل شي
وكان يهرب منا بالسفر
يظل يسافر واتغرب كل عمرو
ويشتغل ليل ونهار ويبعتلا
يمكن ابوكي كان مسحور
وامك أذت ناس كتير بالسحر
بتعرفي انو امك سحرت عروس وماخلتها تتهنى بعرسها بس لانو العريس ماخطب من بناتها
وسحرت بنت عمتك الاء لأنها نجحت بالبكلوريا وبناتها رسبو وكانو فاشلين بدراستهن
كل شي مو منيح بهالحياة كانت تعملو امك
اخ شو بدي احكيلك لأحكي
لكن ليش هلأ ماحدا بيسأل عنكن انتي واخواتك ولا حدا بيهمو امركن
لانو امك قطعت علاقتكن مع الكل
والي بحاول يتواصل معكن بتسويلو مشاكل وبتفضحو
والناس بس بدا تخلص من شړا
بس كيف هلأ وصلت الشغلة معا انو اتاجر ببناتا
مابكفي كبرت اخواتك ع الغلط وماعرفت تربيهن
حنان. نسرين طالعة متل ماما بكل تصرفاتها واپشع منا كمان
وفاء. انسيهن يا عمتي انسيهن هيك اهل مابيلزموكي
لا بقا تورجيهن وشك
وانا معك رح ادعمك وقف معك وماخليكي تحتاجي حدا
حنان. بس انتي مو مجبورة فيني وبخاف يصير مشاكل معك بسببي
وانتي بتعرفي سمعة ماما بين الناس
وفاء. اذا انتي بنت اخي مو مجبورة فيكي لكن بمين مجبورة
لا تفكري هيك
انتي متل بنتي كتير غالية علي وابنك بس يجي بخير وسلامة رح يعيش ويكبر بينا وبعيد عن اهلك وتربيه ترباية صالحة
حنان. الله يخليلي ياكي ياعمتي طول عمرك حنونة ومحبوبة
وفاء. يلا قومي غسلي وشك وكلي شي لانو لساتك بلا اكل مابصير هيك
ودموعك مابقا بدي شوفن
ورح نبلش حياة جديدة تمام
حنان. تمام
( في بيت ام نسرين )
ام نسرين. اتصلي بأختك شوفي وينا
نسرين. وين بدا تكون يعني اكيد راحت لعند عمتي وفاء هيك قال عادل انو بتكون عندا
ام نسرين. منيح والله لسا اليوم تطلقت وبلش ۏجع الراس بسببها
لك شو اخدا لهنيك
نسرين. طولي بالك لسا بس تاخديها ع سوريا رح تجمعلك هنيك كل قرايبنا ورح تسوي بيتنا مضافة لعماتي واعمامي
ام نسرين. الله يغضب عليها
اكيد انا زنيت فيها حتى طلعت مغضوبة هيك
نسرين. ههههههه
ام نسرين. كلو من عادل ليش ليطلقها يخليها عندو
نسرين. لا تجيبي سيرة عادل
لانو صار الي ورح اتزوجو
ام نسرين. انتي مچنونة تزوجيه
لك عم زبطلك جوازة بيحلمو فيها كل البنات
نسرين. لا شكراً الك
ام نسرين. لك اقنعتو لأبو خالد يجي ويشوفك وانتي انسب شي بين خواتك
انتي الوحيدة الي بتقدري تاخدي منو مصاري وتضحكي عليه بكم كلمة
نسرين. زوجيه لحنان مو هوي بدو ياها
هي ليكا صارت مطلقة
ام نسرين. ليش بترضا الغبية
ولو رضيت مارح نستفيد منا شي
اما انتي بتزوجيه كم شهر وبتاخدي الي بتقدري عليه مشان تأمني مستقبلك وبعدين بتطلقي
وكمان مشان توقفي معنا وتساعدينا
بسوريا مين يصرف علينا
نسرين. مابدي لا تحاولي تقنعيني
ام نسرين. الله لا يوفقك ، ع كل حال رح حاول مع حنان بلكي بترضا
( في بيت وفاء )
وفاء. عملتلك صحن هالفواكه بدك تاكلي كلو
حنان. يسلم ايديكي عذبتي حالك
وفاء. بس اليوم عم دللك هاا
من بكرا بتقوي حالك وبتقومي بتعمليلنا فطور وبتسويلنا قهوة من ايديكي الحلوين
وبتعتبري البيت بيتك
واي شي بدك ياه بس اطلبي
حنان. يخليلي ياكي يارب
وفاء. في كتير اشياء رح نسويها سوا
وفي ببالي مشروع ورح تكوني معي
ورح غيرلك حياتك كلا
بس مو هلأ بعد ما تولدي
حنان. عم تتصل ماما ومابدي رد عليها
وفاء. اعطيني انا برد
حنان. خدي
وفاء. نعم
ام نسرين. وينا بنتي يا حية
وفاء. متل ما انتي ماتغيرتي
ام نسرين. فوراً بس وصلتي سحبتيها للبنت لعندك
وفاء. مابتخجلي انتي
الك عين تسألي عليها بعد كل الي عملتوه فيها
ام نسرين. بنتي بدها ترجع ع البيت غصباً عنك
وفاء. انسيها لحنان هي مابدا ياكن ولا بدا تعرف عنكن شي
حتى رقمها رح تغيرو
ام نسرين. انا ما اتصلت لأحكي معك
وفاء. خدي احكي مع حنان
ام نسرين. اي حنان حبيبتي وينك شو عم تسوي عند الحية عمتك
لك مالقيتي غيرا تروحي لعندا
حنان. ليش عم تتصلي فيني شو بدك
يكون بعلمك هي اخر مكالمة بينا
والحكي الي قالتلك ياه عمتي صحيح
انا مابدي ياكن
اتركوني بحالي مابدي اسمع عنكن شي
ام نسرين. انا واخواتك بدنا نرجع ع سوريا هالكم يوم
هلأ عم جهز اوراق رجعتنا وانتي معنا رح ترجعي
حنان. لا تحلمي انو ارجع معك
عم قلك انسيني عالخالص واعتبري ماعندك هالبنت
ام نسرين. مابقدر اتركك انتي واختك هون
حنان. مين اختي وليش لتتركيها
ام نسرين. نسرين بدا تبقا هون رح تتزوج هي وعادل ، بس لا تخافي رح زوجك احسن منو بألف مرة
حنان. يكتر خيرك والف مبروك تتهنا فيه
ام نسرين. الو .. الو .. الله يغضب عليها سكرت الخط بوشي
حنان. عمتي انا بدي غير رقمي وبدي انساهن
اذا رجعو ع سوريا او ظلو هون ماعد بهموني
وفاء. الي بدك ياه بصير
( بعد مرور كم يوم
ام نسرين جهزت اوراق رجعتها على سوريا
وابو خالد كان عم يبعتلا وماعد ردت عليه
كان بدو يحي مشان يتزوج
ونسرين تزوجت هي وعادل ع السكت
وعاشو سوا بنفس البيت الي كانت فيه حنان
سافرو اهلا لحنان على سوريا ومافي تواصل معن ابداً )
بعد مرور 5 شهور
وفاء كل يوم كانت تطالع حنان من البيت تغير جو وتنبسط
يوم ع الحديقة يوم على مطعم
واخدتا اشترتلا كل شي بيلزما مشان وقت الولادة ومانقصت عليها شي
حنان حست حالا بعالم تاني
كانت كتير مبسوطة
وفرحانة انو خلصت من شړ اما واختا
وكانت عايشة احلى ايام حياتا
نسرين وعادل مبسوطين كتير ببعض
بس كان وضعهن سيئ جداً
فقر بشكل مو طبيعي
حق اكل ما معن وماعد حدا رضي يدنهن مصاري ولا حدا عم يصبر عليهن
عادل. وبعدين يعني
نسرين. شبك
عادل. ليرة مافي بجيبتي وانقطعت من الدخان
والكلب صاحب الدكان ماعم يرضا يديني قال كبر حسابك
نسرين. وانا والله متت من الجوع لقمة اكل بالبيت مافي
عادل. قومي سويلنا اي شي دبريها
نسرين. لك انا رضيانة بأي شي بس مافي
حتى سندويشة زعتر اذا بدنا نسوي مافي
عادل. اي والحل
حتى صاحب البيت عم يهددني بدو يقلعنا صرلي 3 شهور مادفعت
نسرين. ليش ما بتشتغل
عادل. شايفتيني انا خرج شغل يعني
خلص اسكتي ولا تبلش توجعيلي راسي بهالحكي
اتركيني اعرف فكر لشوف شو بدي اعمل
( في بيت وفاء )
وفاء. هي طلع فيكي ولد شو رح تسميه
حنان. ههههه سدقيني مابعرف ، سميه انتي
وفاء. لا انتي امو وانتي بتسميه
حنان. بس انتي فضلك علي وعليه كبير
ومارح انسا الي عملتيه معي
وفاء. مابدي اسمع هالحكي مرة تانية
حنان. متل مابدك
( بعد مرور 4 ساعات )
نسرين. ليش لساتك مانمت
عادل. مو جاييني نوم عم فكر
نسرين. بشو بتفكر
عادل. عم فكر بشغلة كتير كبيرة وبدا تخطيط وبدا قوة قلب
نسرين. شو هالشغلة
عادل. هلأ انتي مو قرفتي من هالحالة الي نحن فيها
مو بتحبي تلبسي احلى شي وتكوني بكامل اناقتك وانوثتك
ليكي شكلك هلأ كيف صايرة بتخوفي
نسرين. لك ايي شو مناسبة هالحكي
طبعاً اكيد بحب كون هيك
عادل. رح قلك شو في ببالي وخليني كمل حكيي للأخير ولا تقاطعيني
بس بدي تفكري منيح وتحسبيها
نسرين اي احكي
عادل. رقم هداك الشخص معك ؟
الي كانت امك تبعتلو صور
نسرين. اي معي بيش عم تسأل
بدك تبعتلو صور الي يعني هههههه صرت متل امي
عادل. لا ، شي اكبر من الصور
نسرين. لك شوو احكي
عادل. رح نحكي معو ونجيبو لهون وعرفك عليه عأساس انك اختي الأرملة
وتزوجيه وناخد منو مصاري قبل مانسوي اي شي
بتظلي معو خمس ايام لحتى كون انا جهزت اوراق رجعتنا ع سوريا
واليوم السادس بفيق من النوم مابلاقيكي
وشو مابتقدري تاخدي منو بهالكم يوم لا تقصري
نسرين. قصدك نتطلق واتزوجو
عادل. لا عم قلك بعرفك عليه عأساس انك اختي الأرملة
بتروحي معو كم يوم لحتى خلص انا الاوراق وجهز كل شي
شو رأيك ؟
يتبع الجزء السابع ..
#أشواك_في_القلب_الكاتبة_روان_الشبلاق
الجزء السابع الأخير
نسرين. يا ابن الحړام كيف خطرلك هيك شي
عادل. فكري منيح المصاري الي رح ناخدن رح نعيش فيهن احلى حياة بسوريا مو احسن مانظل عايشين هيك متل الكلاب واذا رجعنا على سوريا رح نظل بالشارع بيت ماعنا وماحدا بيستقبلنا بسبب عمايل امك
نسرين. لك مستحيل كيف هيك
عادل. مافي شي مستحيل او صعب هني كم يوم وماحدا رح يعرف بهالشي
وبس يفيق ومايلاقيكي بنكون صرنا بسوريا
وبنبعتلو رسالة بنخبرو عن المقلب الي اكلو هههههه
وبنعيش وبنتنعم بهالمصاري
نسرين. مابعرف خاېفة
عادل. لك لا تخافي انا رح زبط كل شي مارح يلحق يحس على شي
نسرين. وبلكي انت بعد ماسويت هيك طلقتني واخدت المصاري
عادل. لك مچنونة انتي لو بدي طلقك كنت طلقتك هلأ واتفقنا انو تزوجيه وعالنص كل شي بتاخديه
بس انا بدي ياكي
ولو مابدي ياكي ماكنت طلقت اختك واخدتك
نسرين. وكيف رح تتواصل معو وشو رح تقلو
عادل. رح اتعرف عليه عادي وبعدين شوي شوي بخبرو عنك واذا كان ناوي يتزوج اكيد هو الي رح يفتح الموضوع معي ويقلي بدي عروس
وانا بقلو جاهزة تعا وبس يجي لهون بنتفق ع كل شي
نسرين. بس اهم شي يكون المبلغ مستاهل الشي الي رح نسويه
عادل. اكيد مابغامر هيك مغامرة مشان كم ليرة
عم قلك حاسب حساب كل شي
نسرين. ايمت رح تحكي معو
عادل. بكرا ، القصة رح تاخد وقت بس اخر شي رح يمشي الحال
نسرين. اي تمام
( في بيت وفاء )
وفاء. بتعرفي حنان عم فكر بشغلة
حنان. شو هي
وفاء. انتي مامعك شهادة مشان هيك لازم تتعلمي شي شغلة
مابتعرفي الأيام شو مخبيتلك
والواحد مابيعرف شو بصير معو
حنان. طيب متل شو
انا مابعرف شي
وفاء. طيب شو هواياتك شو طموحك بشو كنتي تحلمي
حنان. ههههه سدقيني مابعرف ولا مرة خطرلي هيك شي
حنان. طيب نحن لازم نلاقي شغلة تتعلميها تكون سهلة عليكي
وبنفس الوقت تطالعلك مصاري منيح اذا بيوم من الايام احتجتي تشتغلي
حنان. طيب متل شو
وفاء. شو رأيك تتعلمي المكياج وتجهيز العرائس وهيك شغلات
وبس تتعلمي منيح انا بفتحلك صالون وبتصيري تشتغلي
حنان. بس هي الشغلة بدا وقت حتى اتعلم وابني رح يكون صغير مارح اقدر
وفاء. ابنك انا بخليه عندي وبدير بالي عليه
انتي اهم شي تتعلمي
انا عم احكي لمصلحتك
مشان مع الايام ماتحتاجي حدا
ويكون عندك شغلك الخاص فيكي وتقدري تأمني مستقبل ابنك
حنان. بعرف والله انو بدك مصلحتي بس
وفاء. بدون بس ، بعد ولادتك رح شوف احسن الصالونات واحكي معن مشان تتعلمي عندن
حنان. الله لا يحرمني منك
( بعد مرور اسبوع
عادل كان ع تواصل مع ابو خالد ويومياً يحكي معو ويقنعو انو يجي ع هاد البلد
بحجة انو يفتح مشروع هون ورح ينجح وقلو بين المزح والجد
انت تعال ورح زوجك التانية
زواجتك عندي
بلش يقتنع ابو خالد بحكي عادل وقلو اتركني كم يوم اخد قراري )
نسرين. عادل انت متأكد من الي رح نعملو
عادل. اي حياتي اتطمني انتي
والله لعيشك ملكة ومارح ينقص عليكي شي
نسرين. بس نرجع ع سوريا فوراً بنشتري بيت مشان ما نضيع المصاري
عادل. بيت وسيارة وحياتك
نسرين. ههههههه
( بعد 3 ايام حكا ابو خالد مع عادل وقلو انو بكرا رح يوصل ع البلد وبدو ياه يستقبلو
فرح كتير عادل وخبر نسرين )
عادل. اسمعي نسرين لازم نكون مخططين لكل شي
ماعنا وقت بكرا رح يكون هون
نسرين. ليش وين رح تستقبلو
عادل. اول يوم رح جيبو لهون وبتكوني انتي مجهزة العشا بتسوي سفرة طويلة اشكال والوان
خليه يجن وبتلبسي احلى ماعندك وبتزبطي حالك
نسرين. يعني هوي جايي لياكل من اكل البيت خدو على مطعم
عادل. لك مچنونة اول يوم خليه يجي مشان يشوفك ويتعرف عليكي
وانتي بهاليوم لا تقصري بدي ياكي تاخديلو عقلو
وبعدا هوي الي رح يصير يترجانا نطلع معو ويعزمنا ويعطينا مصااري كتير
وانتي تدللي عليه مو فوراً ترضي بأي شي
نسرين. اي خلص تمام
( تاني يوم وصل ابو خالد وحجز بالفندق
وراح ليرتاح كم ساعة
وبعت موقعو لعادل وبعتلو رسالة انو الساعة 7 يجي وياخدو من الأوتيل )
نسرين. هي كل شي صار جاهز
عادل. طيب يلا روحي انتي جهزي حالك يادوب تلحقي
وانا رح روح جيبو
( راح عادل وشاف ابو خالد وسلم عليه وجابو ع البيت
واول مافاتو كانت نسرين مجهزة سفرة العشا
قعدو شوي وفاتت لعندن نسرين )
عادل. بعرفك على اختي نسرين
ابو خالد. اهلا وسهلا .. اهلا وسهلا .. ماشاء الله ، يا ارض احفظي ماعليكي
نسرين. كيفك
ابو خالد. انا بخير الحمدلله
نسرين. مية اهلا وسهلا ، تفضلو ع العشا
( خلصو عشاهن وابو خالد ما شال عيونو عن نسرين كتير عجبتو وسأل عادل عنا
وقلو عادل انو ارملة
فرح كتير ابو خالد وقال لنفسو انو هي البنت الي بتناسبني ورح يكون مبسوط معا
نسرين وقعتو لأبو خالد بنظراتا
وصارت الساعة 1 بالليل وابو خالد ما الو نفس يقوم
تركن عادل خمس دقايق لحالن وفات ع الغرفة
ابو خالد اخد رقم نسرين لحتى يتواصل معها وقلا اي شي بتحتاجيه واي شي بيلزمك من عيوني
خلص سهرتو ابو خالد وهوي طالع من عندن حكا مع عادل كلمتين وقلو انا شفت وضع بيتك تعبان
خود هالمبلغ وخليه معك واي شي بتحتاجو انا جاهز
وقلو انو كتير عجبتو السهرة وانو هوي عازمهن ع المطعم بكرا )
عادل. والله مشي الحال وقعتيه يا نسرين ېخرب بيتك
نسرين. ههههههه
( تاني يوم طلعو سهرو مع ابو خالد ونسرين كانت بكامل اناقتها
وقضو سهرة حلوة كتير وماتركو شي ماحكيو فيه )
ابو خالد. انا عشت 9 سنين بمصر وكان شغلي هنيك ممتاز
وزرت كتير دول
وانا من النوع الي بحب عيش حياتي وانبسط وما احرم حالي من شي
( ظلو كم يوم ع هالحالة سهرات وطلعات سوا
وابو خالد كان ع تواصل مع نسرين ع الموبايل
وفتح معها موضوع الزواج
وهي هاد الي كانت عم تستناه
خبرها ابو خالد انو رح يتزوجها بالسر بدون علم زوجتو الأولى
وانو اذا عرفت زوجتو الاولى رح يخسر كل شي
لانو الاملاك كلا بأسما والمصاري الها
واذا عرفت انو تزوج عليها بتسحب منو كل شي
خاڤت نسرين بعد ماسمعت هالحكي انو ماتقدر تحصل منو شي
قالتلو موافقة بس بشرط
انا بدي امن مستقبلي
وانت شايف فرق العمر بينا
وانا حبيتك وبدي ياك
قلا ابو خالد انو بيشتريلا بيت وبيكتبو بأسما
مارضيت وقالتلو مابدا شي بأسما
اعطيني بحق البيت مصاري وانا بعمل فيهن الي بدي ياه
وافق ابو خالد وقالتلو كمان انو غير حق البيت بدا مصاري لتفتح شغل خاص فيها وتسلا فيه
كمان وافق ابو خالد كلو مقابل انو يتزوجها
وهي حاولت تاخد منو اد مابتقدر
بنفس الوقت عادل جهز اوراق السفر
اتفقت نسرين هي وابو خالد انو يجي ويطلبها من اخوها الي هوي عادل زوجها
وبالفعل اجا ابو خالد وطلب ايدها
وتزوجو واعطاها المصاري الي اتفقو عليهن
وكمان عادل اخدت مصاري من ابو خالد
ابو خالد ما اعطا فرحتو لحدا
حس حالو انو ملك الدنيا بزواجتو من نسرين
لانو قدرت تضحك عليه بحكيها وبحركاتها ودلعها
استأجر ابو خالد شقة كبيرة مفروشة ومجهزة من كل شي
واخد نسرين عليها
وكانت متفقة مع عادل انو تظل معو 3 ايام فقط واليوم الرابع من الصبح بكير بتطلع بدون مايحس عليها
وخلال كم ساعة رح يكونو بسوريا
( في بيت وفاء )
وفاء. طمنيني شو قالتلك الدكتورة
حنان. الحمدلله الجنين وضعو ممتاز
وفاء. اي كتير منيح يلا روحي بدلي تيابك وتعالي ساعديني
حنان. شو عم تعملي لشو كل هالأكل عم تجهزيه
وفاء. جايي لعڼا ضيف اليوم ع العشا
حنان. مين الضيف
وفاء. ابن حمايي خلصت اقامتو بالبلد الي هو فيها
وهلأ حابب يستقر هون ويفتح شغل خاص فيه
وبدو يجي اليوم يشوف اولاد اخوه
حنان. يعني لحالو رح يجي
وفاء. اي لحالو مرتو مټوفية واولادو شباب كبار شي بألمانيا وشي بدول تانية وماعندو بنات
حنان. اي تمام لكن رح غسل واجي ساعدك
( المسا اجا سلفها ل وفاء اسمو ابو رامي وعمرو 51 سنة
تعشو وسهرو سوا وتعرف على حنان
وعرف انو اهلا بسوريا وعايشة مع عمتها
وشاف اولاد اخوه وسلم عليهن وجبلن هدايا )
ابو رامي. كيف قدرتي تتأقلمي بدولة عربية بعد ماعشتي خمس سنين بأوروبا
مو صعب هالشي ؟
وفاء. لا بالعكس اصلاً انا طلعت بس مشان اخد الچنسية واجي استقر بدولة عربية
وقدرت اجمع مبلغ منيح امن فيه مستقبل اولادي وخليهن مايحتاجو حدا
ابو رامي. فتحتي شغل هون شي
وفاء. لا والله لسا
ابو رامي. ليش مو مفكرة تشتغلي يعني
وفاء. لا بالعكس بس عم استنا هالأميرة حتى تقوم بالسلامة لحتى افتح مشروع الي والها ونستفيد انا وياها ونتساعد
ابو رامي. اي مو غلط واذا بتحبي بفتح مشروع انا وانتي شراكة
وفاء. متل شو يعني
ابو رامي. مابعرف انتي شو في ببالك
وفاء. بصراحة انا كنت حابة افتح نادي رياضي للنساء يكون كبير وفخم
او سلسلة مطاعم
ابو رامي. بدك نصيحتي
وفاء. اي اكيد
ابو رامي. بهالأيام وهالظروف هي مافي شي عم يمشي ويشتغل متل الاكل
فكرة المطاعم كتير حلوة ونجاحها مضمون بنصحك فيها
وفاء. هيك قولتك
ابو رامي. اي طبعاً
وفاء. انا كنت حابة نادي مشان حنان تستلمو وتشتغل فيه
هيك صار بدنا شغلة تانية لحنان
وكمان بصراحة المطاعم بدا كتيرر مصاري وانا مو قدرتي هيك
ابو رامي. انا بكون شريكك
بكل الاحوال انا استقريت هون وكنت رح افتح شغل اكيد
وفاء. خلص لكن اتفقنا ان شاء الله
حنان. عمتي انا كتير حبيت فكرة الصالون وتجهيز العرائس
طبعاً اذا ماعندك مشكلة
انا حابة اتعلم وافتح صالون
ابو رامي. اي كتير منيح مو غلط هي الشغلة حلوة ومناسبة لصبية بعمرك
وفاء. وانا هيك رأيي هالشغلة كتير مناسبة الك وبتتعلمي مصلحة
( بعد مرور 3 ساعات
راح ابو رامي )
حنان. بتعرفي عمتي لانو عشت بعيلة كلياتن فيها بيكرهو بعض
صرت استغرب لما شوف حدا حنون وبحب اهلو وعيلتو
اليوم لما شفت ابو رامي اديش فرحان بأولاد اخوه
وشفتو اديش مهتم بمصلحتك وخاېف عليكن
كتير استغربت وعرفت انو الدنيا لسا بخير
وفي ناس كتير منيحة وپتخاف من الله
وفاء. اكيد حبيبتي الدنيا لسا بخير
بس البيئة الي كبرتي انتي وتربيتي فيها كتير بشعة ومنيح الي قدرتي تطلعي منا وانتي نضيفة وما صرتي متل اخواتك وامك
منيح الي خلصتي منن ولا بقا تفكري فيهن
هلأ فكري بس بمصلحتك ومصلحة ابنك ومافي اي شي تاني مستاهل تشغلي حالك فيه
حنان. حكيك مزبوط
( بعد مرور يومين حكا عادل مع نسرين واتفق معا انو تاني يوم السفر وانو تكون جاهزة لكل شي وماتنسا شي )
فاقت بكير تاني يوم نسرين وجهزت حالا
وسړقت كل شي مصاري موجودة بالبيت وطلعت بدون مايحس عليها ابو خالد
التقت بعادل وبعدا سكرت موبايلها
وخلال ساعات كانو بسوريا ومعن كل المصاري الي اخدوها من ابو خالد
حاول كتير ابو خالد يتصل فيها يعرف وينها ماقدر
موبايلا مسكر وموبايل عادل مسكر
راح على بيت عادل يسأل عنو
قلو صاحب البيت انو البيت فاضي والمستأجر سلم البيت
جن ابو خالد وماعرف شو صار
وافكار تاخدو وتجيبو
اتفقد المصاري الي بالشقة ما لقا ولا ليرة
وقتا عرف انو انسرق وانضحك عليه
فكر بس الي صار فيه هوي بقصد السړقة
ومابيعرف انو زواجتو كلا كڈب بكذب
بعد ساعتين وصلتو رسالة من عادل وقلو اختي بتسلم عليك وبتقلك بنتقابل بسوريا وتعيش وتاكل غيرا هههههه واذا حاولت او فكرت تسوي اي شي
رح خبر زوجتك الأولى بكل شي وخليك تخسر كل اموالك
جن ابو خالد بعد الي سمعو وعصب وعرف انو انضحك عليه
لكن عادل ماخبرو بكل الحقيقة
واعتبر ابو خالد الي صار معو سړقة
سكر ع كل القصة وقرر يرجع ع بلدو بدون فضايح وبدون ماتعرف زوجتو الاولى بشي
( بعد مرور شهر كامل )
رجع ابو خالد ع بلدو وكان ندمان كتير
نسرين وعادل عاشو سوا ومبسوطين بالمصاري الي اخدوها من ابو خالد
وماندمو على شي بالعكس كبر ظلمهن وصار يتمادو اكتر
ويغلطو بحق ناس ما الهن ذنب بشي
ونسرين ماشية ع خطا امها
كانت نسخة مصغرة عن امها
( في بيت وفاء )
ابو رامي طلب ايد وفاء للزواج وهي كانت مترددة ومحتارة
وحنان حاولت تقنعها
حنان. بس فهميني ليش مابدك ياه
والله ابو رامي شخص محترم ومنيح وماشفنا منو الا كل خير
وصرلو شهر بينا ماشفنا غلط واحد منو
وفاء. بعرف هالشي ابو رامي مافي متلو انسان طيب وحنون وكريم وبحب اولاد اخوه وبعتبرن اولادو
حنان. لكن وين المشكلة من شو خاېفة انتي
وفاء. لك بعد هالعمر
حنان. لك والله لساتك صغيرة والي بشوفك مابسدق انو عمرك 40 سنة والله مبينة اختي ومن جيلي
وانتي كتير حلوة وبتهتمي بحالك واناقتك
الي بشوفك مستحيل يحطلك عمر اكتر من 30
سدقيني عمتي رح ترتاحي معو
والله مبين عليه كتير بحبك ومبين من تصرفاتو اديش عم يهتم فيكي
وبس بدو رضاكي
وفاء. والاولاد شو رح يصير فيهن وانتي كمان لمين بدي اتركك
حنان. ابو رامي بحب الاولاد كتير بالنهاية هن اولاد اخوه ومجبور فيهن
وهوي قلك بحطك انتي والاولاد بعيوني
وفاء. والله مابعرف خجلانة من اولادو كيف رح قابلهن بيوم من الأيام
حنان. انتي ماعم تعملي شي غلط
ومن حقك تزوجي وتعيشي حياتك مبسوطة ومرتاحة مع رجال منيح بحبك وبدو رضاكي
وفاء. لك هوي طلب ايدي من خمس سنين قبل ما سافر ع اوروبا بس انا رفضت لانو كانت مرتو مټوفية جديد الله يرحما
وخفت من نظرة العالم الي وشو رح يحكو عني
واخترت انو سافر وابعد عنو لحتى ماظل ببالو
بس الواضح انو لسا ما نسيني
ولما عرف انو رجعت ع هي البلد اجا فوراً ونقل كل شغلو ومصالحو لهون
حنان. لك عمتي حرام والله ترفضيه ابو رامي كتير حنون
حتى انا بخاف علي وپتهمو مصلحتي
يعني لا تخافي من شي مارح يجبرك تتركيني وتتركي اولادك
وفاء. يعني قلو انو موافقة ؟
حنان. لك اييي اي هلأ اتصلي فيه وخبريه
( وفاء خبرت ابو رامي انو موافقة تزوجو
كتير فرح بهالخبر لأنو هوي حبها وتعلق فيها
وقاللها انو اولادها رح يحطن بعيونو
اتفقو ع كل شي واتزوجو واستأجرو بيت كبير مفروش من طابقين
الطابق الأول قعدت فيه وفاء وزوجها
والطابق التاني فيه حنان والاولاد
وفتحو شغل سوا
وكانو كتير مبسوطين
وفاء كتير مرتاحة مع ابو رامي وحبتو وتعلقت فيه
ابو رامي كان يعامل حنان متل بنتو لانو ماعندو بنات وماقصر معا بشي )
بعد مرور شهر
ولدت حنان وجابت ولد وطلعت من المشفى وكانت حالتا منيحة
وكتير كانت مبسوطة بأبنا
ابو رامي. ماحدا رح بسميه غيري ايواا
حنان. ههههههه
وفاء. لك بلكي امو في ببالا اسم
حنان. لا عمتي ابداً مافي
وانا بدي عمو ابو رامي هو الي يسميه
ابو رامي. بس مو تصيري تقولي الاسم قديم او مو حلو
ع كيفي رح سميه
حنان. ههههه سميه ع كيفك والأسم الي بتحبو
ابو رامي. ياعيني عليكي ، رح سميه فارس
حنان. كتير حلو الأسم ومناسب حبيتو
وفاء. فعلاً الاسم حلو
( عاشت حنان بينهم وكأنا بنتهم ماحرموها من شي
كانت تطلب وتتمنى
وهي كان بهما بس انو تكون بأمان هي وابنا
حست معن بأهمية العيلة وانو القلوب تكون ع بعضا
وانو مافي شي مستاهل يكرهو بعض ويحقدو ع بعض
وانو الحياة بسيطة وحلوة ومو معقدة متل ما كانت عايشتا مع اهلا
تذكرت شو كانت عمل فيها اما وكيف كانت تعاملها
حنان. كانت دائمة الإساءة الي لفظياً وجسدياً ومعنوياً
ما بتذكر الها ولا موقف منيح طول عمري تشعرني بالعقوق
شو ما عملت معها من وقت الطفولة لحد ما كبرت ولا يمكن الاقيها راضية دائماً عتبانه دائماً غضبانه ع اتفه سبب شتائم دعاوي مشاكل ولا عمرنا عشنا بهدوء ولا عمري كان البيت الي ملجأ أو مكان للسلام دائماً حرب وشغالة ما كان اي شي بالعالم يرضيها مني
أو مودة بيني وبينها
انا من جواتي ماعم انسى الأڈى الي سببتلي ياه
انا مو قادرة أتجاوز أثر اذاها
اخ يا امي شو عملتي فينااا
نزلو دموعها وصارت تبكي
وكان ابنا بحضنا
مسحت دموعها وقالت انا رح كون قوية ومابقى رح اسمح لأي شي بالدنيا يبكيني ويزعلني
والماضي راح وانتهى وهلأ رح بلش حياة جديدة وبداية جديدة مع اهلي الحقيقين الي هن عمتي وعمو ابو رامي
هدول هن اهلي وعيلتي
بعد مرور 7 اشهر
ابن حنان صار كتير غالي على ابو رامي وبحبو وتعلق فيه اكتر شي
وتعلمت حنان شغل الكوافيرة
وفتحولا ابو رامي وعمتها وفاء صالون فخم جداً
وصارت من اشهر الصالونات وصارت تقدر تعتمد ع حالها وتصرف ع ابنها لو احتاجت هالشي
وفاء. الف مبروك ياعمتي
حنان. الله يبارك فيكي والله لا يحرمني منك انتي وعمو ابو رامي 🧡
( النهاية ) رأيكن صبايا بالقصة وشو تعليقكن عليها 🥺
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق