رواية جميله الفصل الاول والثاني بقلم رضوي عماد حصريه وجديده على مدونة النجم المتوهج
 |
هُما ما.توا ازاي
-حاد.ثة عربية اتقلبت بيهم
_ياخبر! ده كويس ان الأميرة الصُغيرة لسة عايشة.
-ده انا زعلانة عليها حتىٰ!، مين هيعتني فيها ويربيها، خصوصًا انها لسة 3سنين يعني مِش مستوعبة حاجة.
_الملك مكنش عنده اخوات ولا حد يورث مملكته، بس الملكة كان عندها أخت اعتقد هي اللي هتربيها.
-بس انا اعرف ان اختها مش بتحبهم، ازاي هتربي البنت الصغيرة دي؟
_جايز قلبها يحن ليها، اكيد مش هتقسىٰ على طِفلة بريئة.
-اتمنىٰ.، استني هي دي اللي بتقولي عليها؟
_ايوا هي تقريبًا
-ملامحها متبشرش بالخير، ربنا يُسترها.
_بقولك ايه احنا ملناش دعوة احنا هنا مُجرد خدم وبس، مش عايزين نترفد مِن وظيفتنا.
-علىٰ رأيك، احنا مش هنبقىٰ احن عليها مِن خالتها.
__________________________
"دخلت القصر واحدة جميلة جدًا، بس فنفس الوقت باين على ملامحها القسوة والكُره، وهي بتتأمل القصر بحقد وفرحة انه بقىٰ ملكها، وبيدخل معاها زوجها اللي باين انه مِن اغنى اغنياء البلد، لكن جشعه مهداش الا لما اخد القصر ده، ابتسم بسخرية وهو بيتأمل الحشد الضخم مِن الخدم والامن وعلامات الحُزن اللي طاغية علىٰ ملامحهم، عدل ياقة قميصه وهو بينادي عليهم بصوت عالي: كُل الموجودين، اتجمعوا قدامي هنا.
اتجمعوا كُل اللي موجودين ووقفوا قدامه وهما باصين في الارض، اما هو بصلهم بتكبر وجدية وقال: طبعًا عارفين الحادثة الفظيعة اللي حصلت، وكمان عارفين ان انا هبقىٰ الملك و" سالي"زوجتي هتبقىٰ الملكة.
بصوا كلهم لبعض بذهول مِن اللي بيقوله، هل هيستولى علىٰ القصر وهيبقىٰ مِلكه، طيب والاميرة الصغيرة ايه مصيرها، وهما ايه مصيرهم، اكمل "فؤاد" وهو بيقول:ليكوا مُطلق الحُرية، عايزين تفضلوا موجودين اهلا وسهلًا، بس تطيعوا اوامري وبس، وملكوش حق التدخل فـ اللي بيحصل، تعملوا شغلكوا وانتو طُرش وعُمي عن اي حاجة بتحصل هنا في القصر، اما الخيار التاني، هو انكو تمشوا، تشوفوا شغل ليكوا فأي حتة تانية، وبرضو ملكوش دعوة باللي حصل احسن ليكو، قرروا دلوقتي انتو عايزين ايه.
بصوا كلهم لبعض وبعدين قالوا انهم هيكملوا، امرهم" فؤاد" بالانصراف، مد ايده لسالي بإبتسامة، مسكت هي ايده وهي بتبص للقصر وهي مُنبهرة بجماله....
____________________________
قاعدة "سالي" قدام المراية وهي بتلبس الخواتم اللي موجودة على التسريحة، بينما "فؤاد " قاعد على الكنبة وهو بيتأمل جمال الاوضة والوانها اللي تبين مدىٰ غِنىٰ الملك اللي كان موجود..
نبس "فؤاد": قولتلك اني هعمل المُستحيل عشان القصر يبقىٰ ملكك، واهو وفيت بوعدي معاكي، قام اتحرك وهو باسط دراعاته وهو بيقول: كُل ده بقى لينا، الفلوس كلها، التُحف، اللقب، الاحترام كُل ده بقى بتاعنا.
قامت" سالي" وقفت قُدامه وربعت ايدها وهي بتقول: بس التمن كان غالي، كان غالي اوي.
حط "فؤاد " ايده فـ جيبه وهو بيقول: بس اخيرًا حقك اتردلك، اخيرًا بقيتي المَلكة.
لفت وشها بعيد عنه: صح بقيت الملكة بس بمو.ت اختي!
بصلها "فؤاد" بإهتمام فكملت: انت اكتر واحد عارف اني مكنتش عايزة كُل ده يحصل، كنت...
قاطعها بإبتسامة: بس انتِ اللي طلبتي انك تكوني ملكة، مكنش عجبك حالنا وكنتي كارهة ان حال اختك يبقىٰ احسن مِن حالك، وبقيتي اهو، ملكة مملكة*******كلها.
تنهدت وقالت: بس مكنتش عايزة ابقىٰ ملكة بالطريقة دي
"فؤاد" بنفس الابتسامة: بالطريقة دي او مِن غيرها، المهم وصلتي للي عايزاه، وانا عملت اللي طلبتيه مِني، انتِ عارفة، مقدرش ارفضلك طلب!
بصتله "سالي" بنظرات خوف وتوتر، قطع نظراتها بُكاء الطفلة اللي نايمة علىٰ السرير، اتجهت ليها سالي وشالتها بين ايديها وهي بتقول: انا منتبهتش ليها ازاي؟
قرب "فؤاد" منها وقال وهو بيهمسلها: مش مهم، المهم دلوقتي الطفلة الجميلة دي.
فضلت "سالي" تطبطب عليها وتملس علىٰ خدها بحنان، لحد ما الطفلة ابتدت تنام مِن تاني، رجعتها على السرير وسمعتها وهي بتقول بصوت ضعيف" ماما"، حطتها سالي بهدوء وهي بتملس علىٰ وشها: من انهاردة انا هبقى ماما يحبيبتي، اوعدك هعمل اي حاجة عشان احافظ عليكي.
وجهت نظرها ناحية"فؤاد": هنسميها ايه؟
"فؤاد"بتعجب: معقولة محدش سماها لحد دلوقتي.
" سالي" بإبتسامة: حتىٰ لو ليها اسم، انا حابة نكون احنا اللي قولنا اسمها اللي هتبقىٰ معروفة بيه
"فؤاد": اعتقد هيبقىٰ لايق عليها
"جميلة".....
التاني"
"كبرت بطلتنا الجميلة، بقت شابة كويسة بتحب الخير للناس، بقت الاميرة" جميلة، اتربت تربية حسنة، تربية مليئة بالحُب، كأنهم بيكفروا عن ذنبهم، لكن السؤال الاهم، لو هي عرفت الحقيقة هتسامحهم ولا لأ؟"
____________________________
سالي: جميلة، يا جميلة
جميلة: ايوا يا ماما فيه حاجة، فيه حاجة تعباكِ؟؟
سالي وهي بتملس علىٰ خدها بحنان: مفيش حاجة يعيون ماما، كُنتي بتعملي ايه؟
جميلة: كُنت موجودة في الجنينة يحبيبتي.
سالي: وكُنتي بتعملي ايه في الجنينة بقىٰ؟
جميلة: كُنت برسم السما، الغيوم شكلها جميل اوي انهاردة.
اكملت وهي بتحتضنها بإيدها: يترىٰ حبيبتي كانت عيزاني ليه؟
ضحكت" سالي "بخِفة وقالت: انهاردة عندنا عشا بسيط كدا مع عيلة الدوق، باباكِ طلب انك تحضري انهاردة، ايه رأيك؟
"جميلة": بس كدا، يا خبر!، ده احنا عيونا لبابا ومراته القمر، الا قوليلي انتِ احلوتي كدا ليه؟
ضحكت" سالي" وضمتها ليها وهي بتربت على ضهرها بحنان.
____________________________
"الهدوم موجودة السرير والرُكنة الموجودة في الاوضة، والطُرح متعوزة بطُرق عشوائية في الاوضة، واقفة وسط كُل ده" جميلة"، وعلى ملامحها غضب طفيف وتوتر، دخلت "سارة" واللي بالمُناسبة هي بنت احدى الخادمات الموجودة في القصر، واللي تُعتبر صديقة واخت لـ"جميلة"، بصت لها بزهق مصحوب بضحكة طفيفة، واتجهت ليها"
سارة: ايه يا بنتي اللي حصل؟، ايه اللي عَمل فـ الاوضة كدا؟؟
جميلة: فاضل ساعتين بس على العشا وانا مِش عارفة البس ايه، ماما قالتلي على العشا قبلها بـ 5 ساعات بس مُتخيلة!!!
سارة وهي بتكتم ضحكتها: يا خبر!، لا ملهاش حق تعمل كدا، بس سؤال، انتِ عملتي ايه في ال3ساعات اللي فاتوا دول؟؟
جميلة: كُنت بشوف اللبس ده، مفيش حاجة عجباني، عندي لبس كتير اوي وانا مُعترفة، بس بجد معرفش البس ايه، يعني مثلا، ده لبسته في العشا مع الدوق اللي جه قبل كدا، ده حضرت بيه الاجتماع اللي كان معمول، ده مِش بحبه، ده.........
قاطعتها "سارة": مِش وقت بُكىٰ على اللبن المسكوب.
بصتلها "جميلة" بإستغراب؛ فتابعت "سارة" وهي بتتوجه للفساتين: قصدي ان فاضل يادوب ساعتين نلحق نخلص فيهم، عندك مثلًا، الفُستان ده، رقيق، لونه لايق على بشرتك، هيدي طابع مَلكي وهو المطلوب، كملت وهي بتمسك حجاب مِن الموجودين: الحجاب ده هيليق على الفُستان، اكملت: الجزمة تبقىٰ مقفولة ومنغير كعب لأن العشا تحت مش فـ حتة بعيدة، وتبقىٰ لون الحجاب، واخيرًا، المكياج، حُطي حاجة رقيقة، لأنك حلوة فـ الاساس يا اميرتي.
ابتسمت "جميلة" وضمتها ليها بسعادة: انا بجد بحبك اوي، معرفش حقيقي مِن غيرك كُنت عَملت ايه.
طلعتها "سارة" مِن حضنها وهي بتقول: العشا الملكي فـ انتظارك يا اميرة.
____________________________
"وصلت عيلة الدوق للقصر الملكي، استقبلهم المَلك والمَلكة، اتجه الدوق وابنه مع الملك لأوضة السُفرة، واتجهت المَلكة مع زوجة الدوق لاوضة تانية"
'خبطت علىٰ الباب واذن لها الدخول، دخلت"جميلة "بـِ طَلتها الساحرة، وهي بتمشي بـ خطوات هادية ورزينة، سلمت علىٰ زوجة الدوق، قعدت علىٰ السفرة يتكلموا لحد ما العشا يجهز"
زوجة الدوق "شادية": حقيقي اسم علىٰ مُسمى يا" جميلة"، كُل مرة بشوفك بنبهر بجمالك اكتر واكتر، انتِ فعلًا محظوظة يا "سالي" ان عندك بنت شبه جميلة.
ابتسمت "جميلة "وشكرتها، اما" سالي" بإبتسامة: عندك حق، حقيقي بنتي "جميلة" مِن النعم اللي ربنا انعمها عليا، حقيقي بحمد ربنا كُل يوم عليها.
شادية بإبتسامة: بالمُناسبة السعيدة دي، حابة اعبر عن اعجابي الشديد لشخصيتها واخلاقها، وأُبدي رغبتي الشديدة انها تكون زوجة ابني المُستقبلية....
يتبع.....
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق