رواية بنت البائعه الحلقه الاولى والثانيه والثالثه والرابعة والخامسة بقلم شيماء منير حصريه وجديده على مدونة النجم المتوهج
 |
الشخصيات
عائلة ااشهاوي
ادهم الشهاوي
ذو الثلاثون عاما شخصيه قويه جاد جدا وخصوصا في عمله يتميز بكول بنيته وجسده الرياضي وعيون الخضراء وشعره الاسود الناعم وبشرته الخمريه
يمتلك شركه كبيره متخصصه في تصميم الملابس وتقوم بعمل عروض ازياءمشهوره
يمتلك هو مصنع لملكيته الخاصه ولكن الشركه تخص العائله ولكن يتصل بشغل الشركه
زهيره الشهاوي
وهي سيده عجوز في 70 من عمرها هي جدة ادهم وتعيش معهم في القصر
امجد عامر الشهاوي
بن عم ادهم ذو 27عام طويل القامه يتميز بالعيون السمراء والبشره البيضاء والشعر الاسود
متزوج من ابنة خالته وتدعى مي
وهي فتاه في منتصف العشرينات تتميز بالعيون اابنيه والشعر الاسود المموج
رائد خالد الشهاوي بن عم ادهم الثاني
شاب في منتصف العشرينات يتميز بالعيون البنيه والشعر البني والبشره البيضاء طويل البنيه هو الاقرب ل ادهم
ليس ذلك فقط بل خطيب اخته سما
سما:فتاه في اوائل العشرينات تدرس في الجامعه في كلية الفنون الجميله تتميز بالشعر اابني والعيون العسليه فتاه طيبه ومحبوبه
هند ابنة عم ادهم واخت امجد فتاه ذات26عاما ذات العيون االعيون ااسوداء والشعر الاسود
إيلاف
بنوته في اوائل العشرينات تدرس في كلية الفنون الجميله ذات العيون الزرقاء لون عيون المياه والبشره البيضاء والشعر الاسودالكاحل كسواد الليل ولكنها تخفيه تحت الحجاب
بنت البائعة
الحلقه الاولى
في قصرا كبير بيدو عليه الفخامه ذو طراز عالى
في الدور الارضي
توجد غرف الخدامين وغرفه اخرى خاصه بالجده التي لاتسطيع صعود السلم ...وغرفة مكتب كبيره
وفي الدور العلوي العديد من الغرف يستقل كل شخص بغرفته
ينزل هو على الدرج يرتدي جاكت من اللون الكحلي وتحته قميص من اللون الابيض وبنطال من نفس لو الجاكت
اقترب من السفره الكبيره
وكان الجميع يجلسون لتناول الافطار
ادهم : صباح الخير
الجميع:صباح النور
اقترب من جدته وقبل يديها بحنو
ادهم وهو ينحي اليها:صباح الخير ياتيتا
زهيره وهي تربت على كتفه صباح الورد ياحبيبي
فك ازرر جاكته وجلس على في مقدمه السفره
وبداء في تناول الطعام
امجد : هو احنا هنعمل ايه في العرض اللي سعد الرفاعي رجع فيه
ادهم بحده وهو ينظر في طبق الاكل اللي قدامه اعتفد الكلام ده مش مكانه هنا يا امجد ده مكانه في الشغل
امجد بتلجلج:ان اقصد...
قاطعه ادهم وهو يشير بيديه خلصنا
ابتلع امجد كلامه بضيق وسكت
هو لايحب ادهم ولكن لايستطيع ان يبوح بذلك لانه يعتبر كبير العيله بعد وفاة ابيه واعمامه ولكن الشئ الوحيد الذي يجبرهم على العيش مع بعض في هذا القصر هو جدتهم اللي طبعا مكتوب بإسمها كل شئ وهي عامله توكيل ل ادهم فقط وهو الوحيد له حق التصرف في اي شئ
تدخل الاخر بخفوت احم طيب انا هعدي انا على المصنع والا ايه؟
ادهم باختصار:اه
رائد:تمام
قام من مكانه وهو يغلق ازرر جاكته استعددا للخروج
قام كل من رائد وامجد فور وقوفه
كاد ان يتحرك من مكانه
ولكن جاءها صوتها
هند:ادهم فكرت في كلامي عشان شغلي
ادهم وهو يديروجهه لها انا قايلك مفيش شغل ياهند
هند برجاء انا عايزه اشتغل معاكم في الشركه عشان خاطري وافق
ادهم:انتي ناقصك حاجه
هند واقتربت ووقفت قدامهم ناقصني الشغل انا من وقت ماخلصت كليه وانا قاعده وزهقت ومليت وبعدين اشمعنا سما هتستغل معاكم اما تخلص كليه
نظرت لها سما الجلسه بضيق فهي دائما ماتقارن نفسها بيها
ادهم:من قالك ان سما هتشتغل سما لسه بتدرس
هند:طيب انا عايزه اشتغل معاكم طالما مش هينفع اشتغل في مكان تاني
ادهم بنفاذ صبر:ماشي اسبوع كده وهشوفلك مكان في الشركه
ابتسمت هند بنصر ماشي هستنى الاسبوع
توجه ادهم خارج القصر وورائه امجد ورائد
هند بفرحه وهي تطنط تلف في مكانها اسبوع وهشتغل ييس
سما بضيق:ماشي بس بلاش تحطني في كل حاجه كده انتي مالك اذا كنت اشتغل والا لا
هند:انا عارفه انك داخله الفنون الحميله عشان هتلاقي بها مكان في الشركه وانتي مش احسن مني
سما :بضيق اكثر يابنتي وانتي مالك بيا متشتغلي هو حد ماسكك بس مدخلنيش في كل حاجه
هند بكيد:مفيش اصلا مقارنه بيني وبيني 7dayوانا هشتغل
ابتسمت سما بسخريه انت فعلا محتاجه7dayوتروحي العباسيه hospetl
هند بضيق :ا�
اهو انتي اللي مجنونه
خرجت عن صمتها بضيق في ايه انتوا الاتنين مش عامللي اي احترام وانا قاعده وسطكم
هند بمكر:هي اللي بدات ياتيتا ومضايقه اني هشتغل
سما بضيق:انا هضايق ليه وبعدين..
قاطعتها زهيره خلاص ياسما انتي كده هتتاخري على جامعتك يلا ياحبيبتي عشان متتاخريش
سما بطاعه واقتربت منها وقبلت يديها حاضر ياتيتا مش عايزه اي حاجه اجبهالك وانا راجعه
زهيره بحنان لاياحبيبتي خودي بالك من نفسك بس
سما:حاضر
وتحركت من مكانها وهي تنظر لهند بضيق
زهيره وهي تقوم من مكانها وتستند على عكازها انا هقوم اصلي الضحى واقراء وردي
ثم اتجهت الى غرفتها
فهي تعبت من كثرة المناوشات كل يوم وكل ساعه بين سما وهند وتعلم ان هند تقارن نفسها دائما بسما وتلتمس لها العذر لان السن متقارب وخصوصا بعدما اتخطبت ل رائد فاعتبرتها هند انها تفوقت عليها في نقطه
اغلقت الباب خلفها وبداءت في اداء صلاتها وهي تجلس على احد الكراسي
في الخارج
نزلت على السلم
مي:ايه الدوشه دي؟
هند بفرح:باركلي ادهم وافق اني اشتغل معاه في الشركه
مي بتعجب بجد وافق؟؟
هند:اه وافق واسبوع وهشتغل
مي:اوعي يكون بيسكنك
هند:لا ادهم لو مش عايزني اشتغل هيقول لا لكن انا عارفه كلمته ووعد
مي:طيب اهي فرصتك عشان تقربي ليه اكتر يبقا هنا وفي الشغل
هند بتفكير:دا كله عايز تخطيط
مي :ايوه بس اصبري هاخد شاور واقعد اخطط انا وانتي
ثم نادت بصوت مرتفع نسبيا ياسعديه سعديه
اقتربت منها سعديه تحت امرك ياهانم
مي:خلي اي حد من البنات يطلع يجهزلي الحمام
سعديه:حاضر ياهانم
.......
انتهت من ارتداء حجابها امام مرأتها الصغيره
رتبت غرفتها البسيطه والتي تتكون من سرير صغير وكمودينو صغير يوضع عليه المنبه وبعض اشيائها الخاصه بها
خرجت من الغرفه بعد أن انتهت من عملها
وجدت والداتها تجهز بعض الاشياء
إيلاف:ايه ياماما هتنزلي بردوه
سميحه:ايوه ياحبيبتي الفطار جاهز في المطبخ افطري الاول قبل ماتنزلي
إيلاف:ياماما انتي كده هتتعبي نفسك انا هدور على شغل تاني
سميحه:هنعمل ايه يابنتي صاحب البيت هيجي يطلب الايجار وانتي عارفه مش هيصبر لحد ماتلاقي شغل انا هنزل اقعد تحت البيت ابيع الحاجه دي اللي ربنا بيرزق بيه بينفع
إيلاف بحزن:بس انتي تعبانه ياماما
سميحه:ما انا كويسه اهوه بطلي انتي قلق بس انا نازله عشان الوقت اتاخر والحق ابيع الحاجه دي بدري
ثم اكملت وهي تتجه الى الخارج متنسيش نفطري
اتجهت إيلاف الى المطبخ الصغير وبداءت في تناول الطعام ولكن خانتها دموعها وهي تصعب عليها والداتها وهي مريضة كنسر ظهر هذا بعد وفاة والداها الذي تبدل حالهم سواء بعد ان كانوا اسره سعيده فوالدها كان يعمل عامل في احد المصانع وكان مرتبه يساعدهم في المعيشه حتى انها تذكرت انا صاحب المصنع هو الذي اختار لها هذا الاسم... ولكن بعد وفاته ليس لهم مصدر دخل فما كان ورائهم شيا غير العمل فوالدتها تبيع المناديل والحلويات امام منزلهم
وهي كانت تعمل بجانب الدراسه في احد المطاعم
ولكن صاحب المطعم في الاوان الاخيره استغنى عنها لعدم تناسب مواعيدها مع العمل
مسحت دموعها وهي تنظر الى هاتفها البسيط الذي بداء بالرنين
ايلاف بصوت متشحرج من اثر البكاء:ايوه ياسما
سما:ايه يابنتي فينك؟
إيلاف :انا هخرج منالبيت اهوه
سما:ماشي متتاخريش مش هدخل المحاضره من غيرك
إيلاف:ماشي مش هتاخر
اغلقت الخط
واستعدت للذهاب الى الجامعه
.......
كان يجلس على كرسي مكتبه الخاص
ويجلس امامه رائد وامجد
رائد متقلقش انا ظبط كل حاجه في المصنع
ادهم:تمام ثم اكمل وهو ينظر ل امجد سعد الرفاعي لو حابب ميخدوش الطلبيه مياخدهاش بس يدفع الشرط الجزائي
امجد :تمام هتصل بيهم وابلغهم
رائد:بس احنا هنعمل ايه بالبضاعه دي كلها
ادهم:انا هتصرف بس سعد الرفاعي ده اخر مره نتعامل معه انا مش بحب الشغل المتردد ده
........
خرجوا من باب المدرج بعد ان انهوا المحاضره
كانت سما تتحدث وإيلاف نستمع لها بصمت
سما:مالك يا إيلاف ساكته ليه؟
إيلاف :عادي مفيش
سما:لا في حاجه صوتك كان متغير في الموبيل بس انا قولت اما اشوفك يمكن مش صح بس شكلك في حاجه
تجمعت الدموع في مقلتيها إيلاف مفيش انا بس مضايقه شويه
سما:لا في حاجه انتي هتخبي على صاحبتك..طنط كويسه؟
إيلاف وهي تقاوم دموعها:اه كويسه
سما وشعرت بالخنقه في كلامها في ايه إيلاف فهميني
إيلاف ودموعها نازله اصل صاحب الكافيه طلب مني مروحشي لان موعده مش متناسبه معايا
سما:الكلام ده من امتى؟
إيلاف:دا تالت اسبوع
سما بتعجب:طيب انتي ليه مقولتليش
إيلاف :مكنتش حابه اتكلم
سما بتفكير بوصي ياإيلاف انا هحاول اشوفلك مكان في الشركه عندنا
الحلقه التانيه
سما بتفكير:بوصي يا إيلاف انا هحاول اشوفلك مكان في الشركه عندنا بس مش متاكده اذا كنت هلاقي والا لا انتي عارفه انتي لسه بتدرسي ودول بيقوا عايزين شهادات خبره
إيلاف بحرج بلاش ياسما متحطيش نفسك في موقف محرج مع اخوكي
سما:عيب عليكي اهي محاوله مش هنخسر حاجه بس انتي متزعليش نفسك وان شاء الله ربنا هيحلها
إيلاف :ان شاء الله ..صحيح كنت بتقولي هند بنت عمك عملت ايه معاكي الصبح
سما بتذكر:اه تعالي اما احكيلك..
.......
في الشركه
ادهم:تمام كويس انك حليت مشكلة المكن
رائد: متقلقش كله بقا تمام وان شاء الله هستلم بعد يومين المكن اللي جاي من بره
ادهم:مش عايز غلطه وخلي امجد يشوف التصاميم الجديده حركوا شويه يا رائد عشان انا لو حركته بنفسي هزعله
رائد :لا سبهولي انا وانا هشوف الموضوع ده
ادهم بضيق :كفايه الشغل بتاع سعد الرفاعى اللي هو ورطنا فيه وفي الاخر ااتدبست انا في الشغل
رائد محاولا لتهدئة ماهو هيدفع الشرط الجزائي يا ادهم
ادهم:انت عارف انه ميفرقش معايا الشوية الفلوس اللي هيجوا منه انا اهم حاجه عندي شغلي يكون في السوق وميتركنش عندي او الج الى اني اصرفه بسعر اقل
رائد: متقلقش انت بس وكل حاجه هتكون تمام
.......
وصلت الى الشقه
لم تجد والداتها ولم تقابلها تحت البيت فعلمت انه ذهبت لمكان اخر لتبيع الاشياء التي معها
تنهدت بضيق
ابدلت ملابسها ودخلت المطبخ وبداءت في تحضير بعض الطعام
سمعت صوت باب الشقه بيتفتح
وجدت والداتها
إيلاف: حمدلله على السلامه ياماما
سميحه بتعب:الله يسلمك يابنتي
اقتربت منها إيلاف بكوب ماء اشربي ده شكلك تعبانه
ثم اكملت بزعل بردوه ياماما تتعبي نفسي وتروحي تلفي بالحاجه
سميحه وهي تجلس مش مشكله يابنتي اهم حاجه اني بعت كل حاجه
إيلاف بأمل ان شاء الله قريب هلاقي شغل
سميحه:اهم حاجه دراستك وبعد كده كل حاجه تهون
إيلاف:لا ياماما وعلاجك والجلساات بتاعتك
سميحه:لا دراستك اهم انا مش ضامنه اعشلك لحد بكره كليتك هي اللي هتنفعك
إيلاف بحزن ربنا يبارك في عمرك ياماما متقوليش كده
سميحه:لا إجمدي ياإيلاف انا مش عايزكي ضعيفه عشان تواجهي الدنيا بقلب جامد
.......
عاد من عمله
توجه الى غرفة جدته كعادته ليسلم عليها
طرق على الباب طرقات خفيفه
جاءه صوتها من الداخل
تعالى يا ادهم
فتح ادهم الباب بابتسامه ايه ده بتعرفني من دقاتي على ااباب
زهيره بابتسامه وهي جالسه على احد الكراسي لا بس انت الوحيد اللي بتسأل عليا
ادهم:ليه بس ياحبيبتي ما احنا كلنا حواليكي
زهيره بتنهيد:من بره بس
ادهم وهو يقترب منها ويجلس القرفصاء امامها اوعي يكون حد مزعلك هنا
زهيره:لا ياحبيبي محدش مزعلني
ثم اكملت مغيره الموضوع انت مش هتفرحني بيك بقا يا ادهم
ادهم بابتسامه وهو مازل على وضعه هوهو كل االي انا فيه ده ومش فرحانه بيا
زهيره :بطل استعباط بقا انت فاهم قصدي كل واحد كون اسره وانت الوحيد اللي زي ما انتي هالك نفسك في الشغل بتعملهم ومش بتعمل لنفسك
ادهم:اهم حاجه شغلي دلوقت وبعد كده اي حاجه تانيه
زهيره:لا حياتك انت اهم
ادهم متاعبا مش يمكن ملاقتش واحده قمر زيك
زهيره:ياسلام الحلووين كتير وبعدين ما تفكر في هند واهي بنت عمك واولى بيك واهو تريحنا من صوتها شويه
انفجر في الضحك لم يستطع كتم ضحكاته وعشان تخلصي منها تدبسني انا فيها وعموما هي اصلا هتيجي الشركه تشتغل وهترتاحي منها شويه
زهيره:ماشي ربنا يهديها المهم فكر في اللي قولتلك عليه
ادهم وهو يقوم من مكانه
لا انا عاجبني حياة العزوبيه
سلام ياقمر جعااان نوم
خرج من الغرفه
توجه الى السلم وصعد الدرج
قابل مي في طريقه
مي بتوتر:مساء الخير
ادهم بابتسامه مزيفه:مساء النور
ثم توجه الى غرفته واغلق الباب
مي بضيق وصوت هامس:اووف مش بطيقك ياشيخ امتى ربنا يتوب علينا بقا
اقتربت هند منها
ايه يابنتي بتكلمي نفسك
مي بضيق:مفيش انتي خارجه؟
هند:اه هروح اشتري شوية حاجات
مي:طيب استني هاجي معاكي هلبس بس
هند:تمام بس متتاخريش
.........
دخلت الشركه بهدوء واستقلت الاسانسير
وتوجهت الى مكتبه
طرقت على الباب
رائد:ادخل
سما بابتسامه:مساء الخير
رائد وهو يقف مكانه بقلق مساء النور
ايه ياسما في حاجه
سما:لا مفيش انت قلقان كده ليه انا بس جايه عايزه منك مساعده
رائد:خير في ايه؟
سما:وحكت له ظروف إيلاف وانها محتاجه شغل
رائد:والله اما اشوف ادهم مقدرش اشغل حد هنا من غير اذنه
سما :طيب هتساعدني وانا بكلمه
رائد :ماشي تعالي يلا
وخرجوا من المكتب متوجهين الى مكتب ادهم
رائد :سمر ادهم بيه جوه
سمر:ايوه يافندم
طرق على الباب بخفه
جاءه صوت ادهم ادخل
رائد ودخل و سما ممسكه في ايده
رائد:فاضي شويه؟
ادهم وهو ينظر اليه هو وسما ولو مش فاضلي افضالك عشان السنيوره اللي ماسكه في ايدك دي
تركت سما يد رائد واقتربت من ادهم واحتضنته
قابلها ادهم الحضن
ابتعدت عنه ببطء
وجلست امامه هي ورائد
ادهم وهو يغلق الاب توب امامه ها خير؟
سما بتوتر خفيف:انا كنت عايزه منك خدمه
ابتسم ادهم بخفه على طريقة حديثها ثم تكلم بمرح حتى يخرجها من توترها ايه النور قاطع عندكم ومش عارفين تدفعوا الفاتوره وحابه اتوسطلكم
ابتسمت سما على حديث اخيه
تكلم ادهم بجديه خفيفه ما تخلصي يابت انتي عايزه ايه وايه المقدمات دي ثم اكمل وهو ينظر لرائد وبعدين جايبه سبع الليل معاكي واسطه والا ايه ادخلي في الموضوع على طول
سردت له سما موضوع ايلاف
فتح ادهم الدرج بجانبه واخرج مبلغ من المال ووضعه امامها دا اللي اقدر اسعدك بيه
نظرت سما الى رائد بخيبة امل
تدخل رائد :احم بس هي مش عايزه فلوس هي عايزه تشتغل
ادهم بسخريه مانت عارف ياحيلتها انا احنا معندناش اماكن والمكان اللي موجود اشتغلت فيه هند
سما وقفت وبتلقائيه صاحبتي اولى لانها محتاجه الوظيفه انما هند دي مش محتاجاها
ادهم بعصبيه خفيفه وهو يخبط بكفيه على المكتب خبطه وقفت على اثرها سمااا هند مش مجرد موظفه دي ليها اسهم في الشركه زي وزيك يعني صاحبة مكان مش زي اي حد
سما تحركت بخوف وراء رائد اللي كان بيشاور ابيده ل ادهم يعني براحهتنهد ادهم بضيق سما انا مش عايز مشاكل خصوصا مع هند وامجد اللي هو اصلا بيتلكك عشان يعمل مشكله وانا صابر عليه
تيتا مش هتتحمل اي مشكله وانا مش مستغني عنها عشان خاطركم هي في كفه وانتم كلكم في كفه فاعقلي كده
ثم اكمل بتحذير
مش عايزك تعملي اي تاتشات نهائي مع هند فاهمه عشان هتزعلي مني
سما بضيق :انا اصلا مش بحب حتى اشوفها
ثم اكملت برجاء المهم دلوقتي هتشغل صاحبتي والا ايه
نظر لها ادهم بنفاذ صبر هو يشير باحد اصابعه هو انتي يابت دماغك دي ايه قافله
نظرت ل سما ل رائد بحزن
رائد :طيب انت مش كنت عايز واحده تساعد سمر ممكن تيجي تساعد سمر في الشغل
سما وهي تقترب من ادهم برجاء ايوه يا ادهم خليها تساعد سمر والله هي شاطره جدا ومتقنه اووي في اي حاجه بتعملها
ادهم بضيق:بت انتي اتعلمتي الرغي فين ..ماشي خليها تيجي بكره واشوف بس دي انترفيوو شغل يعني ممكن تتقبل او تترفض انتي عارفه كويس مستوى الناس اللي بتشتغل عندنا عامل ازاي
سما بسعاده: ان شاء الله فيها القبول بس لاحظ انها طالبه لسه براحه عليها شويه
ابتسم ادهم بخفه على طريقة اخته
ثم تكلم وهو بيفتح الاب توب يلا خودي خطيبك وخلوني اكمل شغلي
خرجوا من غرفة مكتب ادهم
سما بابتسامه:شكرا يا رائد
رائد:انا عملت ايه يعني ياقلبي اهم حاجه اشوف ضحكتك دي
سما:ربنا ميحرمنيش منك
رائد: ولا يحرمني منك ياروح قلبي
......
كانت تجلس في غرفتها
إيلاف وهي تجلس شارده
شكل سما نسيت تكلم اخوها
انا هنزل من بكره اشوف شغل ماما بتتعب اوي وانا مش هتحمل اشوفها كده
فاقت على صوت رنين هاتفها
بصت في الموبيل لقت سما
إيلاف وهي تفتح بسرعه الو
سما:ايوه ياإيلاف عامله ايه؟
إيلاف:الحمدلله وانتي؟
سما:تمام الحمدلله كويسه ..المهم جهزي نفسك بكره عندك انترفيو في الشركه بكره
إيلاف بسعاده بجد؟
سما:اه بجد بكره تجهزي كده على الساعه10 هعدي عليكي
إيلاف :سما انا خايفه اكون تقلت عليكم او حطتك في موقف محرج مع اخوكي
سما بعتاب عيب عليكي يا إيلاف وبعدين ادهم رحب بالفكره جدا
إيلاف :انا مش عارفه اشكرك ازاي ياسما
سما:ياستي مش عايزه شكر عايزه عزومه حلوه كده مع اول مرتب
إيلاف بابتسامه :إن شاء الله
سما:ماشي يلا بقا سلام اشوفك بكره على خير
إيلاف :ماشي سلام
....
تاني يوم إيلاف صيحت من النوم بنشاط وبداءت تستعد عشان تروح الانترفيو....
ياترى ايه اللي هيحصل
وياترى إيلاف هتتقبل والا لا
الحلقه الثالثه
إيلاف فاقت من النوم بنشاط وبداءت تستعد عشان تروح الانترفيوو
حاولت تختار انسب طقم ممكن تروح بيه
إيلاف وهي تبص في المرايه اللبس كان واضح عليه انه متبهدل من كثرة لبسه يلا اهوه كويس هو احسن الموجودين
خرجت من غرفتها
وجدت والداتها تستعد للنزول
إيلاف :ايه ياماما نازله؟
سميحه وهي تنظر لها اه انتي خارجه والا ايه؟
إيلاف:اه رايحه مقابلة شغل
حلو الطقم ده؟
سميحه:اهوه كويس لما نقبض الجمعيه ابقى هاتيلك واحد جديد
إيلاف :مش لو كملنا الجمعيه
سميحه :مالك بقيتي مش متأفله كده ولاتيسوا من روح الله
إيلاف:ونعم بالله مش يأس ولا حاجه ياماما بس من وقت ما صاحب الكافيه استغنى عني بعد ماكان مبسوط بشغلي وقالي اني منفعش اكون موجوده وانا حسيت ان ممكن اي حاجه تتغير في لحظه
ثم تنهدت بضيق حتى الشغل اللي انا رايحه ده ممكن متقبلش لانها مقابله شغل مش وظيفه
سميحه بحنو اتركيها لربك وهو هيقدملك الخير
إيلاف:يااارب
رن هاتفها وكانت سما
إيلاف ووضعت الهاتف على اذنها الو
سما :صباح الخير
إيلاف:صباح النور
سما:جاهزه ياقلبي؟؟
إيلاف:ايوه جاهزه
سما:طيب ماشي ورقه وقلم واكتبي العنوان وانا هكون مستانيكي هناك
إيلاف بتوتر :ماشي بس متتاخريش
سما:متقلقيش انا خلاص هطلع انا ورائد اهوه مسافة الطريق وهكون مستنايكي هناك
إيلاف:تمام قولي العنوان ايه؟
سما:العنوان...... هطلعي الدور التالت
إيلاف:تمام
اغلقت الهاتف
إيلاف:ماما انا همشي بقا عشان متاخرش
سميحه:ربنا يجعل في وشك القبول
إيلاف وهي تضع قبله على وجهها ياارب ياماما دعوه في وقتها
بعد كده نزلت و ركبت تاكسي ووصلت للعنوان اللي قالت عليه
بصت على الشركه من بره بانبهار من حجم المبنى
تقدمت بخطوات الى الداخل
وجدت امامها الاسانسير
تقدم بخطوات اليه
كان احد الاشخاص يتقدم للاستقلال به
مدت رجليها للدخول
ولكن استوقفها كلام العامل اللي واقف على الاسانسير
الاسانسير ده خاص بمدراء يا استاذه اتفضلي حضرتك الاسانسير التاني
نظرت له إيلاف بإحرج وتحركت خطوه للامام لكي تخرج
ولكن توقفت عند سماع صوته مفيش مشكله خليها موجوده
نظرت الى مصدر الصوت
وجدت شخص في قمة اناقته يرتدي بليز من اللون الاسود وتحته تشيرت من اللون الازرق وبنطال من نفس لون البليز وهو الاسود وكان شعره مصفف بعنايه كبيره
فاقت من شرودها على صوت العامل
تحت امرك يااباشا
استقلت الاسانسير معه ضعط هو على الثالث فظلت واقفه ثابته
فجاءه ووتوقف الاسانسير انقطع الكهرباء
ابتلعت ريقها بخوف
نظرت له وجدت يقف بثبات ويضعه يديه في جيبه
إيلاف بخوف في كلامها:الاسانسير وقف
ادهم بجديه خفيفه:هيشتغل دلوقت
إيلاف نظرت له بصمت
وقفت بتوتر كانت خايفه تتاخر على ميعاد المقابله
اخرجت هاتفها اابسيط
وبداءت في إجراء اتصال
ادهم بهدوء:على فكره الاسانسير مش بيبقا فيه شبكه
شعرت بالإحراج فهي لم تركب اسانسير قبل كده اتكسى وجهها بلون الحمره وظلت ناظره في الارض
ابتسم بخفه عليها وعلى خجلها
فجاءه حصلت هزه في الاسانسير
إيلاف ومكنتش مركزه واختل توزنها كانت هتقع
ادهم لحقها بسرعه حاااسبي مالت بجسدها على ذراعه
تقابلت عيونهم للمره الاولى
سرح في زرقيتها عيونها كاللولوء في لمعتها ..بشرتها اابيضاء الصافيه كبشرة الاطفال وخدودها الحمراء التي تزيدها جمالا وانفها الصغيره الحمراء من توترها... وشفاتيها الكرزيتين ظل يتأملها كأنه يتامل لوحه فنيه
شعرت بالخجل من قربه منها حاولت التملص من بين يديه ولكن فشلت
فاق من شروده على صوتها
إيلاف بخوف لو سمحت سبيني
ابتعد عنها بحرج انا اسف
كادت ان تتكلم لكن اخيرا الاسانسير فتح
العامل اللي واقف احنا اسفين ياباشا
لم يرد عليه ادهم وتقدم بخطوات سريعه في اتجاه مكتبه
خرجت إيلاف من الاسانسير وهي تتنفس بسرعه شديده
حاولت تهدئة نفسها
رن هاتفها
إيلاف بتوتر:ايوه سما
سما:انتي فين اتاخرتي كده ليه؟
إيلاف :انا في الدور التالت الاسانسير كان عطل
سما:طيب انا هاجي اخدك خليكي واقفه مكانك
إيلاف:ماشي
شويه وسما جاءت واخدتها
وروحوا عند مكتب ادهم
رائد كان مستنيهم هناك في مكتب السكرتيره
في مكتب ادهم
قعد على الكرسي بإهمال
مسح على شعره بتعب
سمر وهي تضع بعض الاوراق امامه دي العقود اللي حضرتك طلبت اخلصها امبارح
تحممم ادهم واعتدل في جلسته تمام سيبهم واخرجي وابعتلي قهوتي
سمر:حاضر يافندم
وخرجت من المكتب
ذهبت الى مكتبها
وجدت رائد وسما وإيلاف في المكتب
سمر وهي تنظر لهم بتعجب:صباح الخير
الجميع :صباح النور
سمر:اي خدمه؟؟
رائد :ادهم وصل؟
سمر:ايوه وصل
ثم رفعت الهاتف وطلبت قهوه ل ادهم
رائد وهو ينظر لسما وإيلاف طيب يلا ندخل
رائد وطرق على الباب طرقات خفيفه ودخل
دخل وراه سما وإيلاف
رائد:صباح الخير يا ادهم
ادهم وهو ينظر في الورق صباح النور ايه مش المفروض تكون في المصنع دلوقت
نظرت إيلاف ل ادهم بصدمه وبصوت هامس لااا هو ده ادهم
نظرت لها سما باستفهام بتقولي ايه؟
إيلاف :مغيش
رائد :ايوه هروح دلوقت بس انت نسيت والا ايه الانترفيووو
ادهم ورفع رأسه من الورق
ونظر الى رائد
ثم نظر الى سما وتلك التى تقف ورائها تتحاشي النظر اليه
ادهم تلقائيه قام وقف وهو ينظر اليها
انتي؟؟
رائد وسما بصوا على إيلاف
اللى وشها بقا ميت لون
ادهم وهو يجلس بتوتر بيحاول يداريه اقصد انتي اللي هعمل معاكي الانترفيوو
رائد:ايوه دي صاحبة سما
سما وتقدمت خطوات ايوه يا ادهم يلا ابدء معها الانترفيو
ادهم وهو يغلق الملف اللي قدامه ويوجه كلامه لرائد طيب خود خطبتك ويلا بره
سما:طيب ممكن ابقا موجوده مش هتكلم والله يا ادهم
ادهم بعصبيه وهو يضرب على المكتب بكفه سما اخرجي انا مبهزرش هنا
رائد :خلاص خلاص ياسما يلا هنستناها بره
ادهم بضيق:هي هتستنها انت اتفضل شغلك
رائد بإحراج:حاضر
ومسك سما من إيدها عشان يخرجوا
إيلاف ومكنتش عايزه تسيب ايد سما التانيه
سما اشارت لها بعينها متخافيش
خرجت سما ورائد
إيلاف فضلت واقفه مكانها متوتره
ادهم :اتفضلي تعالي اقعدي
إيلاف واقتربت بحذر وجلست امامه على الكرسي
ادهم :ممكن بطاقتك
إيلاف وخرجت من شنطتها البطاقه اتفضل
ادهم وهو ينظر في البطاقه بابتسامه إسمك إيلاف
إيلاف بحرج:اممم
ادهم:بتدرسي في فنون جميله مع سما
إيلاف بتوتر:ايوه
ادهم بابتسامه :اهدي شويه متوتره كده ليه؟ اول مره تشتغلي في مكان
إيلاف:لا اشتغلت في كفايه حوالي شهرين
ادهم كأنه بيحاول يفتح معها حوار وليه سبتيه
إيلاف بحرج عشان صاحب الكافيه لاقى مواعيدي مش مناسبه مع الشغل
ادهم :تمام
رفع الهاتف امامه سمر تعالي عايزك
ثم اغلق الهاتف
واخرج بعض الاوراق من مكتبه
بوصي ياإيلاف انتي هتمضي دلوقت عقد لمدة 6شهور بس يعني اسمه عقد مبدئي ممكن انتي متحبيش الشغل فيكفي انك بعد 6شهور تمشي عادي لكن قبل كده المفروض هيبقا فيه شرط جزائي عشرة الالف جنيه
ايلاف فكرت شويه بس هي مقدمهاش حل غير الموافقه
ماشي تمام اناموافقه بس الدراسه انا بحضر3ايام في الاسبوع هخلص فيهم محاضرات وارجع والايام الباقيه هكون موجوده في ميعاد الشغل
طرقات على الباب
ادهم:ادخل
سمر ودخلت تحت امر حضرتك يافندم
ادهم:إيلاف هتكون مساعدك في الشغل هتحضر 3ايام بس لان الايام التانيه هتكون عندها محاضرات وطبعا مش هتعرف تيجي
ابتسمت ايلاف بخفه على نبله
اكمل ادهم عايزك تعرفيها كل حاجه ودرابيها على كل حاجه
سمر:حاضر يافندم
ادهم:خودي العقد ده هي هتمتضي عليه
ثم وجه كلامه ل إيلاف
عرفي سمر الايام اللي هتبقي موجوده فيها امتى
إيلاف وهي تقف:حاضر بس انا هبداء شغل امتى
ادهم:من دلوقت لو تحبي
إيلاف بابتسامه :تمام
ادهم:تقدروا دلوقتي تتفضلوا
سمر وإيلاف خرجوا من المكتب
كانت سما منتظراها
سما:ها ايه الاخبار
إيلاف بابتسامه:خلاص همضي العقد دلوقت
سما بفرحه:مبروك ياقلبي
إيلاف:شكرا اوي ياسما
سما:بطلي بقا شكر وهبل
إيلاف ومضت العقد وكانت سما واقفه جمبها
جاءت هند عليهم
هند بتعجب:غريبه سما ايه اللي جابك هنا
سما وبصت لهند:وانتي مالك
هند:وانا اقول الشركه مولعه ليه قصدي منوره عشان انتي هنا
سما:لا الحقيقه هي بقت كحل من وقت ما انتي بقيتي فيها
كانت سمر وإيلاف ينظرون لهم في صمت
هند:اصل نور على نور مينفعش
سما:ياشيخه حرام عليكي بتظلمي النور دا انتي عتمه خراب عارفه انتي شبه البومه اه والله
هند بصوت عالي وضيق:والله انتي اللي شبه العقربه انا سايباكي في البيت جايه هنا ليه
سما ببرود انا عند مكتب اخويا انتي اللي كائن لزج وجايه هنا ليه
هند بعصبيه وقد نجحت سما في استفزازها :والله انا ساكته بس عشان احنا في الشركه غير كده كنت جبتك من شعرك
سما بصوت عالى:شعري؟؟! والله دا انتي اللي شعرك شكله مش عجبك وعايزه تشوفيه في ايدي
هند وقربت من سما ومسكتها من ذراعها جامد
سما بصويت وهي تمسك شعر هند بايدها التانيه سيبي دراعي يامتخلفه انتي
هند بتوجع :اما تسيبي انتي شعري الاول
كادت إيلاف ان تدخل
ولكن خروج ادهم من مكتبه
في ايه ايه الصوت العالى ده
ياترى ايه اللي هيحصل
الحلقه الرابعه
إيلاف كانت هتداخل
بس ادهم طلع من مكتبه
ايه الصوت العالي ايه؟
اتفاجاء بشكل سما اللي ماسكه هند من شعرها وهند االي ماسكه سما من شعرها
ادهم بعصبيه وهو يبعد ايد سما عن هند انتوا اتجننتوا انتو الاتنين
سما:هي اللي بداءت الاول
هند:ياسلام انتي االي ملاك اوي الصراحه
هتر ادهم بعصبيه بسس في ايه متعرفوش حاجه عن احترام اللي قداكم ولااا احترام المكان اللي انتوا فيه
ثم وجه كلامه لسما انتي مامشيتش ليه؟
سما:كنت مع إيلاف و..
قاطعها ادهم بعصبيه إيلاف هتشوف شغلها يلا امشي على البيت
نظرت سما في الارض بضيق
ثم وجه كلامه لهند
وانتي سايبه شغلك وطالعه ليه؟
هند بتلجلج كنت جايه اسلم عليك
ادهم:اممم وانتي جايه تقضيها سلامات والا تشتغلي
نظرت هند في الارض بحرج
ادهم بضيقمش عايز اشوف وحده فيكم في المكتب هنا والمهزله الا انتوا عملتهوه دي حسابها في البيت مش هنا
ثم تحدث بنبره اعلى يلااا واقفين ليه
تحرك الاتنين بسرعه وخرجوا من المكتب
اداروجهه وجد سمر واقفه وإيلاف واقفه وراها وبتبص في الارض وواضح عليها التوتر والخوف
ابتسم بخفه عليها
ثم وجه كلامه لسمر تعالوا عايزكم
سمر:حاضر يافندم
سمر اتحركت من مكانها
إيلاف فضلت واقفه على وضعها
سمر وهي تحرك إيلاف بخفه ايه يلا مسمعتش بيقول عايزنا
إيلاف وواضح عليها التوتر:هو على طول بزعق كده اصل انا بخاف من الصوت العالي اصلا
لم تسطتيع سمر كبت ضحكاتها بكره تتعودي ويلا عشان منترفدش انا وانتي
..........
كانت تجلس في قلق وهاتف ابنتها مغلق
سميحه:ياترى اتاخرتي ليه إيلاف
لم تكمل كلامها
حتى سمعت صوت مفاتيح في ااباب
إيلاف بابتسامه مساء الخير
سميحه:مساء النور اتاخرتب كده ليه؟
إيلاف معلش ياماما اصل انا استلمت اول يوم شغل النهارده
سميحه:على طول كده؟
إيلاف:والسعاده ظاهره على وجهها اه ياماما دا بفضل ربنا ثم بفضل داعواتك
سميحه:في شركة اخو صحبتك بردوه؟
إيلاف وهي تنزع حجابها اه ياماما حاجه كده انبهار شكل الشركه من بره بس رهيب تخيلي بقا من جوه حاجه كده جنان
سميحه:ماشي بس خودي بالك من نفسك
إيلاف متقلقيش انا اصلا مش لوحدي انا معايا سمر
وبداءت إيلاف تحكيلها على اللي حصل
سميحه:ربنا يابنتي يكتبلك الخير
إيلاف :ياارب ياماما ادعيلي كده على طوول
.........
كانوا يجلسون على مائدة الطعام يتناولون الغداء
انهى طعامه
ادهم وهو يشير لسما وهند خلصوا اكل وحصلوني على المكتب
ثم توجه الى غرفة المكتب
حركت سما فمها يمينا ويسارا بقلق
اما هند فكانت تكمل طعامها
تسألت الجد بعدم فهم هو في ايه؟
هند بتمثيل الدموع يرضيكي ياتيتا تمسكني من شعري في الشركه
سما بعصبيه:ياسلام بريئه انتي اووي وانتي مش مسكتني من دراعي
ثم اقتربت من زهيره وهي تشير لذراعها شوفتي ايدها معلمه على دراعي ازاي ياتيتا
هند :انتي اللي غلطي وقولتي يابومه
سما:وانتي قولتلي ياعقربه لسانك مش قصير يعني
تكلمت زهيره بعصبيه بس انتي وهي ...هي حصلت تتخانقوا في الشركه كمان انا عايزه يخلصني منكم انتوا الاتنين عشان ارتاح
ثم اشارت الى الخادمه اللي واقفه تعالي يابنتي وصليني ل اوضتي انا مش قادره اتحمل كده
اقتربت منها الخادمه
وذهبتالى غرفتها
.......
كانوا يتحدثون في غرفتهم
مى:انت لازم تكلمه احنا منبقاش لينا فلوس وهو متحكم في كل حاجه كده
أمجد:قولتلك هكلمه بس اصبري
مي:لحد امتى بقا؟
أمجد بعصبيه خفيفه:قولتلك هكلمه ..انتي معاكي كام من فلوس المشروع
مى:مسألش على اللي معايا قوله المشروع هيكلف 10مليون واحنا عايزنهم
أمجد:مش انتي كنتي قولتي معاكي فلوس
مى بعصبيه:دي فلوسي انا هو ملوش فيها اشمعنا هو عنده مصنع خاص بيه
أمجد:المصنع ده وراثه من عمي ملوش دعوه بإملاك جدي
مى بسخريه:وانت عارف منين انت كنت شوفت
أمجد:هحاول اجبلك 5مليون مقدرش اكلمه في اكتر من كده
مى:هو انت خايف منه والا ايه انت زيك زيه على فكره
أمجد بضيق:مي اسكتى شويه بقا قولتلك هجبلك الفلوس
مي:ماشي بس10مش 5
.........
كانوا يجلسون امامه بخوف
ادهم وقفل الاب توب
عايزه اعرف بقا انتوا الاتنين مش هتعقلوا بقا وتبقوا قد سنكم
هند:هي اللي دايما بتستفزني
سما وهي تقف وتضع ايدها في جمبها ملاك انتي اوي يابت
نظر لها ادهم بغضب اترزعي
سما وقعدت بسرعه
اسمعوا انتوا الاتنين انتوا لو اطفال هعقبكم واحرمكم من الشكولاته والا الخروجه
لكن في الحقيقه هو الشكل كبار والعقل اصغر من الاطفال وبما إنه كده فاسمعوا اللي هتغلط فيكوا تتحرم فعلا حتى من الحاجه اللي هي بتحبها مهما كانت مهمه شوفوا بقا انتوا الاتنين ايه الحاجات المهمه االي انتوا مستغنين عنها
نظرت كل واحده فيهم للتانيه بصمت
ادهم:سما اتأسفي ل هند
نظرت له سما بإعتراض
ادهم بجديه:سمااا
سما بضيق:انا اسفه
ادهم لهند اتأسافلها ياهند
هند بضيق هي الاخرى:انا اسفه
ادهم :تمام اتفضلوا يلا وزي ماقولت االي هتعمل تصرف عيالي هتتحرم من اهم حاجه عندها
..........
تاني يوم في الشركه
كانت إيلاف تجلس على المكتب
وبتعمل شغل كلفتها به سمر
سمر:انا هنزل الاداره اخلص الورق ده
إيلاف:ماشي
بعد شويه
اتفاجاءت باللي واقف قدمها
إيلاف بخضه وهي تقف في مكانها اي خدمه؟؟
أمجد:هو انتي مين؟
إيلاف:انا سكرتيره مساعدة سمر
أمجد وهو يتفحصها اه من امتى؟
إيلاف:من امبارح بس
أمجد وهو ينظر لعيونها ويغازلها والقمر ده بيشتغل سكرتيره
إيلاف وهي تتحاشى النظر اليه حضرتك مقولتش عايز ايه؟
أمجد :ايه زهقتي مني؟
كادت إيلاف ان ترد
ولكن سمر كانت جاءت
سمر:مساء الخيراهلا يا امجد بيه اي خدمه
إيلاف افتكرت ان ده امجد اخو هند ابن عم سما اللي حكتلها عنه
أمجد وهو نظره مثبت على إيلاف لا ادهم بيه جوه
سمر:ايوه يافندم
امجد :تمام
واتحرك من مكانه ودخل الى مكتب ادهم
إيلاف قعدت كانت مضايقه من طرقته وخصوصا انها عارفه انه متجوز ليه بيكلمها كده
..........
في مكتب ادهم
ادهم:10مليوون ليه؟؟
أمجد بتوتر: عشان الجيم هيحتاج الالات ومعدات تمنها غالي
ادهم بجديه:انت مقتنع باللي بتقوله دهوالا بتشتغلني
أمجد بضيق:مقتنع مي عايزه تفتح المشروع ده
ادهم:اااه قولتلي مي ..ودا مش مجالنا ولا شغلنا ولابنفهم فيه ولاحتى هنفضى ليه
امجد:ماهي مي هي االي هتشتغل فيه وهتبقا مسؤله عنه
ادهم بعد اقتناع مي؟؟ معتقدش مي في الاخر هدور على حد يباشر لها الشغل
أمجد وهو يقف بعصبيه ماهو بقا مش تحقيق انا ليا فلوس وعايز اخد منها
ادهم وقف بغضب اكبر وطي صوتك واتكلم كويس انت ملكش حاجه طالما دا اسلوبك كل حاجه باسم تيتا واحنا يدوب بنمشي الشغل يعني بنشتغل عندها
أمجد :بس في الاخير بتاعتنا
ادهم: بردوه مش هسمحلك تصرف الفلوس في الهواء
أمجد بضيق :هو انا عيل صغير وانت ولي امري
ادهم:اه لما احس انك بتردد كلام وبس وانا عارف انك مش مقتنع بيه يبقا في نظري عيل
أمجد:بس انا مقتنع
ادهم بنفاذ صبر:تمام سيبني افكر في الموضوع وهرد عليك
..........
عدت الايام
كانت ايلاف بتحضر 3ايام
وكانت بداءت تفهم الشغل
في مكتب ادهم
ادهم بجديه وهو يعطي لسمر بعض الاوراق الشغل ده عايزك تخلصيه بنفسك دلوقت
سمر:حاضر يافندم بعد الاجتماع هخلصه
ادهم:لا بقولك دلوقت انا محتاجه على طول
سمر :طيب والاجتماع
ادهم وهو ينظر ل إيلاف الواقفه بجانبها إيلاف تحضر هي وانتي خلصي الشغل
سمر :حاضر
خرجوا من مكتب ادهم
إيلاف :هو انا هحضر الاجتماع لوحدي
سمر:ايوه وانا مفهماكي كل حاجه
إيلاف:بس انا خايفه اغلط في حاجه
سمر:متخافيش زي مافهمتك خودي الورق اهوه وانا مفهرسه كل حاجه واللي يطلبوه منك خرجيه من الملف
إيلاف بتوتر:ماشي
بعد ساعه في غرفة الاجتماعات
كان يجلس ادهم في المقدمه وعلى يساره أمجد ويمينه رائد
واتنين موظفين مسؤلين عن الحسابات
كانت إيلاف تقف بجانب ادهم
وتحمل بعض الاوراق
وكانوا بيتناقشوا في الشغل والحسابات الخاصه بالشركه
أمجد ل إيلاف روحي هاتيلي قهوه عشان دي بردت
إيلاف كانت هتتحرك من مكانها
ادهم ل إيلاف رايحه فين؟؟
نظرت له إيلاف بصمت
ثم نظر ل أمجد بجديه هي دي شغلتها يا استاذ قوم اطلب في التليفون قهوه حد من الكافيه يجبهالك
أمجد نظر بضيق ل إيلاف اللي توترها زاد اكتر
ووقفت اكتر بجانب ادهم وكأنها بتحاول تتحمى فيه
رائد محاول تهدئة الموقف انا كده كده هطلب ليا هطلبلك معايا
وقام من مكانه ورفع الهاتف الموجود المكتب وطلب قهوه ليه ول أمجد
وبدواء يكملوا شغل تاني
بس امجد كان مضايق من الموقف
طلب ورق من إيلاف فضلت تدور عليه مش لاقيه
اتوترت اكتر
أمجد بعصبيه ممزوجه بالسخريه ايه مش ده شغلك مش عارفه تطلعي الملف
نظرت له إيلاف بصمت وفضلت تدور في الملف تاني
ادهم بعصبيه :انت متتكلمش معها كده دي سكرتيرتي انا وانا االي انتقدها مش انت ماشي؟
نظر له امجد بصدمه من دفعه عنها وهو يرفع حاجبيه بضيق
نظر ل رائد الذي لايقل عنه صدمه من تصرف ادهم
فهو لايحب الاهمال في اي حاجه في الشغل
الصمت هو سيد الموقف
ادهم بهدوء عكس ما في داخله إيلاف هاتي الملف ده
إيلاف والتي كانت على وشك البكاء من الموقف واعطت له الملف
ادهم واخد الملف وطلع منه الورق االي امجد طلبه
ادهم ورمى الورق بإهمال قدام أمجد الورق اهوه شوف عايز ايه منه
واغلق الملف ورجعه تاني ل إيلاف التى اخدته بيد مرتعشه
الحلقه الخامسه
خرج من غرفة الاجتماعات بعد ان انتهى من عمله
توجه الى مكتبه
ادهم:سمر خليهم يجبولي قهوتي
سمر وهي واقفه:حاضر يافندم
اتت بخطوات بطيئه الى المكتب وضعت الملف بهدوء على المكتب امام سمر
نظرت لها سمر بقلق:مالك يا إيلاف
نظرت لها إيلاف بصمت
وجلست على الكرسي
سمر باستفسار:انتي كويسه؟
اشارت لها إيلاف برأسها بالايجاب
سمر:طيب مبتتكلميش ليه؟
رن هاتف المكتب
رفعت سماعة الهاتف
سمر:ايوه يافندم ..حاضر
واغلقت الهاتف
انا هدخل ادهم بيه عايزني
سمر ودخلت جوه
بعد شويه طلعت
سمر:إيلاف قومي يلا روحي
إيلاف وهي تقف مكانها وابتلعت ريقها بخوف ليه هو رفدني
سمر بتعجب:هيرفدك ليه؟ هو بس قال انك تعبتي اوي النهارده في الاجتماع وروحي وتعالي بكره في ميعادك
إيلاف:قالك كده بس؟
سمر بعدم فهم ايه هو في حاجه حصلت انا معرفهاش
إيلاف بتوتر:لا انا بس بسال طيب اساعدك في حاجه قبل ما امشي
سمر:لا خلاص انا هخلص الشغل اللي في ايدي ده وادخله ل ادهم بيه عشان هو محتاجه دلوقت
إيلاف:تمام انا همشي واشوفك بكره إن شاء الله
سمر:إن شاء الله
.......
في مكتب رائد
أمجد بضيق:هي الحكايه
ان شاء الله؟؟
رائد:حكاية ايه؟
أمجد وهو يجلس امامه يعني مش واخد بالك والا بتستعبط
رائد بحده:هو انا فاهم انت بتتكلم عن ايه اصلا
أمجد :البت الجديده دي وايه الحنيه اللي نازلت على ادهم فجاءه في الشغل دا كان كل اجتماع ماسح بسمر وبينا الارض وصوت جايب لعند الاسانسير
رائد :عادي ياعم عشان بس لسه جديده ومش عارفه
أمجد بسخريه:اااه ودي شغلتها ايه اصلا
رائد :بتساعد سمر
امجد بسخريه لاذعه والا ادهم
رائد بحده امجد وضح كلامك
امجد:هو انت يابني كنت نايم في الاجتماع والا ايه انت مكنتش شايف بيعملها ازاي وياخد الملف ويفهمها ويطلع بدلها الورق دا كان فاضل شويه ويقعدها على رجله وياكلها بنفسه
رائد :يابني حرام عليك البت لسه جديده ومش عارفه الشغل وبعدين ظروفها صعبه اوي يا امجد لو عرفتها هتصعب عليك
امجد:وانت ان شاء الله عرفت ظروفها منين؟؟
رائد:ماهي صاحبة سما
امجد:اااه قولتيلي طيب احكيلي بقا بالتفصيل كل حاجه
..........
دخلت الشقه وهي متعبه
وضعت اشيائها بإهمال
لم تجد والداتها فعلمت انها لم تعود من الخارج
رمت نفسها على اقرب كرسي بإهمال
تذكرت ماحدث اليوم
كانت في موقف لاتحسد عليه
وهي تتذكر توترها مره وان تقع الملفات منها مره اخرى
ولكن في وسط كل ذلك ابتسمت بخفه على طريقته معها وهو بيفهمها الشغل
وياخذ الملف ويخرج منه ماهو مطلوب
وعندما طلب من احد العمال الاتيان لها بكرسي وجلست بجانبه فكانت حقا متعبه..
كنت تشعر بالخجل من قربها منه ولكن تشعر ايضا بالامان وخصوصامن نظرات امجد التي كانت قد تشقها نصفين
ظلت تفكر حتى ذهبت في نوم عميق
.........
دخل القصر
كان في قمة تعبه
كاد ان يصعد الدرج ولكن اوقفه صوت جدته
ايه هتطلع من غير ماتسلم عليا
التفت لها ادهم وجدها تجلس وتنظر اليه بابتسامه تراجع للخلف وذهب اليها وقبل يديها بحنان متزعليش انا كنت هجيلك بس كنت مرهق شويه
زهيره:انا عارفه وعشان كده ناديت عليك عشان تطلع ترتاح براحتك بدل ماتطلع وترجع تنزل
وضع ادهم قبله خفيفه على رأسها ربنا ميحرمنيش منك يارب
زهيره ولا يحرمني منك ياحبيبي اطلع ارتاح بقا
ادهم:مش عايزني مني اي حاجه
زهيره:عايزك بس تفكر في اللي قولتلك عليه على الاقل تبقى راجع تعبان زي كده تلاقي صدر حنين تترمي عليه
ابتسم ادهم بقوه على حديثها ثم تحدث وهو يشير اليها هو انا هلاقي احن من ده
زهيره:يعني انا هعيش اكتر من اللي عشته
ادهم :ربنا يديكي العمر الطويل ياتيتا
......
في عرفة امجد ومي
مي بعصبيه:هو بقاله اكتر من شهرين بيفكر
امجد:اصبري بس يامي قولتلك هكلمه
مي :ايوه امتى؟ روح كلمه دلوقت
امجد: مش هينفع انا النهارده متخانق انا وهو في الشغل خليها بكره
ثم اكمل وهو يتجه الى باب الغرفه
انا هنزل دلوقت عايزه اعمل حاجه كده
مي:حاجة ايه؟
امجد:اما اعملها هقولك سلام
واغلق الباب ونزل الى غرفة جدته
..........
خرج من الحمام
وهو يضع البشكير حول وسطه
رم بنفسه على السرير بتعب
ابتسم بخفه عليها تصرفاتها كطفلة في كجي وان تعرف حل المسأله وتخاف ان تكتب الاجابه
الغريب انه يتقبل كل هذا لايعرف من اين جاءه الصبر
يعترف انه لوكان احدا غيرها لكن تصرفه عكس ذلك
تذكرت نظرات عيونها الزرقاء وهي تنظر اليه كمنقذ لها من خوفها
ادهم:ايه الحكايه ياست إيلاف هفضل افكر كده فيكي كتير
......
زهيره:اخيرا فكرت تيجي تقعد شويه معايا
امجد:معلش ياتيتا انتي عارفه الشغل
زهيره:يعني ادهم ورائد مش موجودين في نفس الشغل
امجد بإحراج وهو يقبل يديها معلش ياتيتا حقك عليا
زهيره:ربنا يبارك فيك ياحبيبي
امجد بمكر:والله الواحد مشغول ومش بينام من التفكير
زهيره بتساؤل ليه ياحبيبي
امجد:والله مشغول على هند نفسي ربنا يرزقها بابن الحلال
زهيره:يارب يابني
امجد :هو انتي كلمتي ادهم
زهيره:كلمته بس مش عارفه بيقول حابب حياة العزوبيه
امجد:هو في حد يازوزه بيحب حياة العزوبيه بردوه
زهيره:والله هو قالي كده
امجد بمكر:بصراحه في بنت كده في الشركه شكلها بتلف عليه
زهيره:بتعجب بنت مين دي؟
امجد:سكرتيره جديده كده المهم انا بقول هند مننا وعارفناه
زهيره:والله ياريت مشكلتها في صوتها العالي وادهم مش بيحب الواحده اللي صوتها عالي وعموما انا هتكلم معه تاني
.........
فاقت من نومها على صوت حركه في المطبخ
إيلاف قامت وراحت في إتجاه المطبخ لاقت سميحه بتجهز الاكل
إيلاف:ليه ياماما مصحتنيش
سميحه :مش مشكله دا انتي محستيش بيا وانا داخله كان واضح عليكي انك تعبانه حتى وانتي نايمه
إيلاف:كان يوم متعب في الشغل النهارده
سميحه:لو الشغل بيتعبك بلاشه وركزي في الدراسه
إيلاف :هو يعني معطلني عن الدراسه دا انا بروح3ايام في الاسبوع
ثم اكملت بمرح
ولاكأني صاحبة الشركه
سميحه:اهم حاجه تاخدي بالك من نفسك
إيلاف:متقلقيش عليا ياست ماما بنتك اسد
سميحه:شكلك فايق ومبسوط القايمه النوم تهزري
إيلاف:هو انتي يعني تزعلي اني اكون مبسوطه
سميحه:لا يابنتي دا اسعد وقت عندي انك تكوني مبسوطه
.......
بعد يومين في الجامعه
سما:إيلاف هتيجي حفلة بيرث داي بتاعتي
إيلاف بابتسامه:كل سنه وانتي طيبه ياقلبي
سما:وانتي طيبه ها اعملي حسابك هتيجي
إيلاف:انتي عارفه انه صعب وكمان مش هعرف ارجع متاخر كده
سما:بطلي حجج ولو على رجوعك انا هخلى عمي حسن السواق يرجعك لحد البيت
إيلاف :افهمني بس يا سما ا..
قاطعتها سما انسي ولو عايزاه يجي ياخدك كمان هبعتهولك
إيلاف :لا انا هاجي لوحدي
سما:ماشي هبقا ابعتلك المكان في رساله اصل انا مش عاملاها في القصر
إيلاف:ليه؟
سما:ادهم اخويا مش بيوافق بيقول الحفلات تبقا بره القصر
.........
في القصر
في غرفة الجده
كانت تجلس على الاريكه وينام هو على قدميها
كانت تتخلل باصابعها في شعره
زهيره :ادهم
ادهم:اممم
زهيره:كنت عايزه اتكلم معاك بس بجد شويه
ابتسم ادهم اتكلمي يازوزه بجد
زهيره:انت ليه مش تتجوز هند وتلم شملنا وكمان بدل ما نصيبها في الشركه يروح لحد غريب انت تبقا اولى بيه
ادهم وهو يجلس طيب بذمتك هند دي تنفعني دا انا كان معايا مصيبه وتدبستها في الواد رائد اروح انا بقا ادبس نفسي في مصيبه ابديه لا مفر منها
زهيره :ليه بس هي صوتها عالي شويه
نظر لها ادهم وهو يرفع حاجيبه
زهيره :عالي حبتين بس طيبه واخوها عايز يطمن عليها
ادهم بتساؤل:عايز يطمن عليها ازاي؟؟
زهيره:اصله جالي هنا وكان زعلان وبيقول انه نفسه يجوزها ويطمن عليها مع راجل يقدرها ويحميها
ادهم بانتباه:لا انتي تحكيلي الحوار بالظبط عشان انا نش فاهم
.........
كانت تجلس بين ملابسها
دخلت عليها والداتها
سميحه:انتي مطلعه كل اللبس ده ليه
إيلاف وهي تزفر بضيق مفيش حفلة عيد ميلاد سما بكره وكنت عايزه اروح بحاجه كويسه بس مش لاقيه والفلوس اللي معايا هجيب بها هديه ليها
ثم اكملت وهي تتحرك من مكانها حاولت اتهرب باي طريقه اني مروحش بس هي اصرت اني احضر
سميحه:معلش اهو هنقبض الجمعيه الاسبوع الجاي وابقي اشتري طقم
إيلاف:هي الجمعيه هتسدد ايه والا ايه والا الايجار المتاخر
سميحه:اتركيها لربك
إيلاف وهي ترتبت ملابسها ونعم بالله
.........
تاني يوم إيلاف نزلت عشان تشتري هديه ل سما
واشترت الهديه
وهي راجعه وجدت اتليه عامل عرض بياجر فساتين سهره باسعار رخيصه
اقتربت وسالت وجاتلها فكرة انها تأجر فستان تحضر بيه الحلفه وتبقا ترجعه وبالفعل اختارت فستان من اللون الكشميره صاق كله مساا واحد من فوق لتحت بكم وعليه استرس خفيف من على الصدر ونفسه على الكم وافتكرت انها عندها طرحه من نفس اللون
واخدته وروحت على البيت
.....
جيه وقت الحفله
كانت في قاعه في اوتيل كبير
إيلاف لبست الفستان كان جميل عليها كأنه بتاعها ومتفصل ليها
ولبست الطرحه
سميحه:بسم الله ماشاء الله قمر ياحبيبتي
إيلاف وهي تنظر لنفسها في المرايه:بجد ياماما حلو
سميحه :بقولك قمر
إيلاف بابتسامه :طيب انا همشي بقا عشان اجي بدري
سميحه:ماشي خودي بالك من نفسك
إيلاف:حاضر
وخرجت من البيت واستقلت احد التاكسي
ووصلت الاوتيل
تقدمت بخطوات بسيطه
وصلت عند باب القاعه
الكل كان موجود
و..نكمل الحلقه الجايه
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق