جميع الروايات كامله

اعلان اعلى المواضيع

 رواية عشرة وعشرو دقائق البارت الثاني بقلم ياسمينة_الشام_الزهور حصريه وجديده على مدونة النجم المتوهج 

رواية عشرة وعشرو دقائق الفصل الثاني بقلم ياسمينة_الشام_الزهور حصريه وجديده على مدونة النجم المتوهج 

مر شهر كامل على زواج وعد وماشافة الا الحب والاهتمام من ادهم كانت تحس حالها ملكه على عرش قلبو ماتوقعت يسلب منها عقلها وتفكيرها ورغم النكد تبع حماتها والمدايقات وتسميع الحكي كانت وعد مطنشه كلشي وماشايفه بعيونها غير ادهم الحضن الدافي والأمان...

واقفه وعد حد المرايه وعيونها دبلانه عم تتحسس بطنها بأنامل كفها وتحس بشي غريب وتشعور بلأعياء...

وعد بينها وبين حالها: معقول كون مريضه ليش الدوخه ماعم تفارقني لازم خبر حماتي..لا لا شو خبرها سكتي ياوعد ناقصك مشاكل مع حماتك من غير شي بحسها مابطيقني وعاملتني خدامه للبيت..

شارده وعد عم تحكي حالها وفجأه بتحس نفسها بدت تلعي سحبت حالها من الكرسي وركضت على الحمام بسرعه وهي نازله شافتها حماتها ماجده...

ماجده بعصبيه: لك على مهل شو صايبك...

دخلت وعد على الحمام وبدت تتقيئ اكتر من مره وبعدها طلعت من الحمام عم تنشف بالمنديل ودايخه وراسها بيفتل تركت على الكنبايه هيه وعم تتنهد شافتها ماجده وحست ان البنت تعبانه كتير...

ماجده : شبك يابنت شو صاير معك...

وعد هي وتلقط نفسها: مابعرف حماتي الي من البارح حاسه بدوخه قويه ونفسي عم تقلب...

حكت ماجده راسها بأيدها وقعدت على طرف الكنبايه سحبت الهاتف الارضي ودقت لا ادهم..

ماجده: اي امي كيفك ...

ادهم: الحمدلله منشكر الله خير امي في شي...

ماجده هي وبتطلع بوعد: لا امي بس وعد كتير تعبانه تعال خدها على المشفى انا تعبانه مابقدر اخدها..

سكر ادهم الخط فورا وتغيرت ملامح وجهو سحب الجاكيت لايرتدي بوقفو علي..

علي: خير معلم شو صاير... 

ادهم: مافي شي علي انتبه على الورشه لازم اطلع ضروري مرتي تعبانه..

علي: بأمان الله معلم..

ضهر ادهم من الورشه ووقف تكسي وركب وكل الطريق شارد وعم فكر بعد حوالي نص ساعه وقفت التكسي حد البيت ونزل منها...

دخل ادهم البيت مستعجل: امي وين وعد...

ماجده: متسطحه بتختها ست الحسن...

مشي ادهم فورا على الغرفه ودخل وشاف وعد متسطحه وعم تأن...

ادهم: قومي وعد لازم اخدك على المشفى..

وعد بتعب: انا منيحه..

ادهم بعصبيه : مالك شايفه حالتك يله قومي..

سندها ادهم على كتفو وحس ان رح تقع حملها وضهر من الغرفه: امي انا رح اخد وعد على المشفى وراجع..

كانت ماجده قاعده على الصوفايه بتابع الاخبار ومالها مهتمه: اي على خير...

واقف ادهم بالمشفى على باب الغرفه 

صوت الضجه بكل مكان ولاد عم تبكي نساء عم تصرخ من الوجع شباب على النقاله غايبين عن الوعي في حالات كتيره مخطره ناس بين الحياة والموت وناس تحت التراب عم تتمنى ترجع تشوف نور الشمس..ضهرت الممرضه من الغرفه بوقفها ادهم..

ادهم: طمنيني كيف صحتها..

الممرضه بأبتسامه: فيك تدخل الدكتوره جوى طمن البك هيه بخير...

دخل ادهم الغرفه كانت وعد متسطحه والبسمة على وجها وايدها على بطنها...

ادهم هو وبيقعد على حافة التخت: انتي منيحه وعد...

وعد: الحمدلله نحنا مناح..

ادهم بأستغراب: انتو...

اجاه صوت الدكتوره يلي كانت عم تغسل ايدها: اي استاذ ادهم مرتك حامل بشهرها الاول الف مبروك...

رتسمت الابتسامه على وجه ادهم وحط ايدو على بطن وعد: رح صير اب مالي مصدق...

وعد مبتسمه: الحمدلله...

كانت فرحه كبيره لاعروسين جداد مابيعرفو بعض جمعتون الاقدار ان يكونو سوا وفرحة اي ام واب بالطفل الجديد مابتنوصف ودائما الطفل هو يلي بوحد العيله وبقرب الشخصين من بعض وبيزرع المحبة بالعيله...

ضهر ادهم ووعد من المشفى والفرحه على وجوهن وقف تكسي ونطلقو على البيت.. 

دخل ادهم البيت هو وحامل وعد وصوت ضحكن العالي واصل لابره كانت ماجده سهرانه على تلفزيون ولمن شافتن عم يضحكو نزعجت كتير..

ماجده: الدنيه عتمت شايفين هاد وقت ضحك..

طالع سعيد من غرفتو: لك امي الضحك مابيعرف وقت والسعاده لحظه ولازم نستغلها...

ادهم: اي اخي وكيف اذا عيلتنا رح تكبر...

ماجده بأستغراب: رح تكبر؟

ادهم هو وعم حط وعد على الصوفايه: لك اي امي وعد حامل رح تصيري تيته ختيرتي هههه...

سعيد: لك الف مبروك اخي تعال بدي ضمك سبقتني ورح تصير اب...

ادهم: على اساس انت الكبير عقبال ما افرح فيك اخي...

ماجده هيه وضامه ادهم: الف مبروك يا امي واخيرا رح افرح بأبنك يلي رح يحمل اسم العيله..

الكل كان فرحان ومبسوط بالخبر وتأخر الوقت كتير حست وعد حالها تعبانه ونسحبت على غرفتها هي وادهم يلي اول مادخل تسطح على التخت وغفي اما وعد سحبت الكتاب لاحضنها وفي اسئله كتيره بعقلها حابه تلاقي الها جواب..

بدت وعد تقلب بصفحات الكتاب...

صفحة(25)...

الحب سيدتي تضحيه عطاء احترام ود...(اتبحثين عن الحب سيدتي انظري الى ذالك الرجل الذي يتعب من اجل راحة العائله انظري الى تضحياتك من اجل اسعاده واسعاد العائله انظري الى تلك الروابط التي تجمع بينكم على فراش واحد)...كانت وعد عم تطلع بأدهم هو ونايم وتتذكر كيف كان فرحان بحملها ماكانت بتعرف شي عن الحب وشو هو الحب بس كل تصرفات ادهم بدل على الحب وتصرفاتها معو بدل انها بتحبو..واخيرا وصلت لاقناعه ان الحب ممكن يجي بعد زواج..حطت وعد الكتاب بدرج وبلشت تتحسس بأناملها على بطنها وغمضت عيونها وغفيت...

اشرقت الشمس بصباح يوم جديد مجتمعه العيله على الصفره والابتسامه مافارقة وجوهن ثواني وبيندق الباب...

وعد: رح افتح الباب...

سعيد: انا بفتح مرة اخي انتي لازم ترتاحي..

سعيد هو وفاتح الباب: لك ميت اهلا وسهلا تفضلو..

شافت وعد اهلها داخلين من الباب فورا قامت عن الكرسي واتجهت لاعندن...

وعد هي وحاضنه امها: شتقتلك كتير امي...

فتحيه: وانا حبيبتي الف مبروك رح صير ست هههه...

امجد: اي هي اخبار بسمعها من ادهم الصبح الف مبروك بنتي تعي لاضمك...

حضنت وعد اهلها بعد فتره طويله وكانت مبسوطه كتير وعم تشع نور اما حماتها كانت عم ترمقن نظرات مابتسر والكل لاحظ هاد الشي...

ادهم: اي عمي حكيلي كيفك...

امجد: الحمدلله يا ابني..

فتحية: كيفك ست ماجدة...

ماجده بشوفة حال: الحمدلله لاحد اليوم منيحه...

وعد بتطلع بأمها: اي امي حبيبتي شو تشربي..

ادهم: ماتعذبي حالك وعد امي بتعمل القهوة...

اطلعت فيه ماجده وبلشت تردح: لتكون شايف امك خدامه لأعملن قهوة...

سعيد عم ينكش امو ومحرج من تصرفها: لك امي مافيا شي هدول ضيوف ومن العيله خلص انا قايم اعمل قهوة...

فتحية: ماتعذبو حالكن نحنا جايين شوي وماشيين بتمنى مانكون ازعجنا حدى...

ادهم: لا الله يسامحك ازعاج شو حماتي عليي الطلاق مابتطلعو قبل ماتتغدو عنا اليوم..

فتحية: لك ابني والله نحنا جايين نشوفكن ونمشي...

وعد ماسكه ايد امها: الله يوفقك ماما ضلو والله مشتقتلكن خيرات الله..

فتحيه: متل مابدك حبيبتي..

اجا موعد الغدا حضرت فتحيه طبخات طيبه هي ووعد وقضو وقت حلو بالمطبخ واحاديث مابتخلص..

فتحيه عم تمد الصفره: تفضلو ياجماعه ..

ماجدة بقلبها: مفكره ست الحسن البيت بيتها...

ماجده هي وعم تصعد على غرفتها: تغدو انا صدت نفسي...

وعد بهمس: ماما ماتدايقي هيه هيك طبعها حتى على ابنها مسيطره.

فتحيه: ليش ماخبرتيني من قبل بنتي لتكون عم تعذبك...

وعد بصوت خافت هي وعم تحط الصحن على المشمع: لا امي ايام بحس قلبها حنون...

امجد عم يقعود حد الصفره: انتو التنتين حاج همس خلونا نبدا اكل...

ادهم : امانه ماتواخذونا امي شوي طبعها صعب وخاصة ربتنا بلا اب بس اكيد بتحب وعد...

سعيد: بسم الله يله تفضلو...

الكل كان ملتف حولين الصفره عم ياكل وريحة الاكل عبت البيت وسعيد كل الوقت عم يمزح ويضحكون لما عتمت العين بدت زخات المطر تنزل بنعومه اداعب الشوارع والعصافير تتخبى بجحورها

فتحيه على الباب: حبيبتي رح اشتقلك انتبهي على حالك وعلى طفل.

وعد: من عيوني امي ...

امجد وحاطط ايدو على كتف ادهم: مابدي وصيك بوعد يا ابني انتبه عليها وعلى الطفل يلي ببطنها...

ادهم: ماتهكل هم عمي هي بعيوني...

بعد ماتسكر الباب وعم الصمت ارجاء البيت سحب ادهم وعد ع غرفة النوم واتسطح على لتخت وهو عم يتأمل ملامح وعد وعم يرفع خصلات شعرها عن وجها ونظرة الحب الي ماعم تفارق عيون وعد غفي ادهم وهو عم يحس بمشاعر كتير مشاعر مختلطة بالفرح بالحب بالشوق للطفل لصغير الي رح يحلي حياتون الجاية...

هنن ونايمين بحس ادهم على هزة تحت المخده بيصحى وبمد ايدو وبيسحب الجوال بشوف وعد نايمه وغفيانه بينسحب بعيد عنها حتى ماتفيق...

ادهم بهمس: الو اي علي شوفي بنص الليل..

علي هو وبالكزينو وصوت الضجه حوليه: لك معلم الجو كتير حلو مجتمعين انا والشباب خلينا نشوفك...

ادهم: لك علي انا مابحب هيك اماكن وبعدين مرتي حامل وانا لازم اهتم فيا ...

سحب جواد الموبايل من ايد علي: لك تقلان علينا شريك كلو يوم واحد خلينا نحتفل بأبنك الجديد...

كان باين التوتور على ادهم وكل شوي بيطلع بوعد خايف تصحى وجوال بأيدو: خلص ماشي جايه...

علي: هيك ها خلينا نحتفل عم ننتظرك...

قفل ادهم الخط وحط الجوال بجيبتو ومشي لاعند وعد غطاها منيح ولبس جاكيتو ووقف جنب المرايه عم مشط شعرو لاورى ويحكي مع حاله..لك انا شو عم اعمل شو اخدني بنص الليل ع الكزينو واذا مارحت ببلشو الشباب فيي..حط المشط من ايدو والحيره باينه بتفاصيل وجهو وحمل الجاكيت وضهر من البيت..

وصل ادهم للمكان المطلوب صوت الموسيقا العاليه واصله لابرى بلش يتلفت حوليه عم يتأمل المكان بنظرو هو وداخل من الباب بتطلع بنت من الباب عم تتمايل وفاقده توازنها من كمية الشرب وبتخبط فيه بتعتزر منو وبشوفها عم تركب سياره غريبه مع مجهول بوقف ادهم صافن مع حالو..لك انا شو جابني هيك مكان..بيقطع شرود ذهنو صوت علي ماشي لاعندو..

علي هو وعم يتمايل من الشرب: لك اهليييين معلم..

ادهم: ليش شربان هالقد لك علي نحنا مكانا مو هون...

علي هو وعم يستند على كتف ادهم: والله هل مكان بجنن...بيسحب علي ادهم من ايدو..لك تعالللل رح ننبسط..

بيدخل ادهم متردد بشوف الشباب كلها مختل توازنها والبنات عم ترقص بشكل هستريي وهاد يلي ماسك بنت وعم يرتكب الفاحشه علنا وهاد يلي عم يضحك بجنون.بيجي ادهم بدو يمشي ويبعد عن هل مكان بحس بأيد مسكتو..

جواد: لك شبك شريك تزوجت وماعد عطيتنا وش..

ادهم عم حاول يتهرب: لك جواد انا متزوج...

جواد بضحكة خبث: ومين شايفك شريك...

ادهم: شايفني الله لك جواد مابقدر ضل...

جواد هو وساحب ادهم على الطاوله: لك قعود شريك وحاج تستشرف علينا ...

ادهم هو وعم يقعود ويلتفت حوليه وصوت الموسيقا خترقت دماغو: كيف قدرانين على هاد الصوت...

جواد اطلع بعلي وغمزلو: اي هلئ بتعرف كيف متحملين...

سحب علي كيس صغير من الجيبه الورانيه للبنطرون وحطو على الطاوله ومسك حبه بيضه صغيره وقرب الكاسه جنب ادهم..

علي: خود شريك شراب هل حبه رح تغير حياتك..

ادهم: شو هي الحبه..

جواد ولافف اديه على كتف ادهم: لك شراب ولاتسئل رح تعيش بعالم تاني...

ادهم: حبة شو هي..

جواد بخبث:سماع شريك رح يصير عندك طفل وحالتك الماديه سيئه وعم لاحظ عليك عم تتعب وتشتغل اربع خمس ساعات باليوم...

ادهم: معك حق شو بدي اعمل ضهري ماعم يتحمل والمصاريف صعبه ..

جواد: لاهيك شريك هي الحبه رح تخليك فوف فوق تحلق وتشتغل ضعف الشغل بدون تفكير حتى...

علي عم يضحك بهستريا: والله يامعلم جربتها انا وشوفة عينك كيف شغلي تحسن وضهري تمام التمام...

وبعد وسوسة طويله بعقل ادهم وحيره كبيره وتفكير بالطفل والمصاريف اخد الحبه من ايد جواد بدون تفكير بالعواقب وعيونو عمية عن الحق ماعد عرف الرفقه الحقيقيه من التزييف حط الحبه على ضهر لسانو وسحب كاسة المي..اخدت الحبه مجراها كبركان حارق نزول الى المعده ليبدأ حديث الروح...عذرا يانفس لم تميزي في ملامحهم خبث مقصدهم وغدر انيابهم

يسارعو ك الذئاب ليدنسو وجودك وينسو عشرتك

عذرا يانفس لقد اصابك الارهاق لتصبحي شخص اخر متمايل الجسد ضعيف التركيز تقتلع جذورك على الحان صاخبه عذرا يانفس ارتكبت الحماقات بحقك عاكسا صورتي الشيطانيه لأصحو من غمائي مأنب الضمير ومدمن للمخدرات...

ادهم هو وعم يتمايل ويدور اصبعو: ههههه حاسس الدنيه عم تفتل براسي...

جواد: قلتلك شريك هههههه..

اخد علي قنينة الشرب وبلش يغني ويرقص هههه شو هاد لك البنات هون حلوين قاطعو ادهم ..لك هدول بجننو وكتار وبلش يضحك بهستريا ويرقص..اخدت الحبه مفعولها القوي وبدت تصرفات ادهم تتغير ويرقص مع البنات ويغني ويتمايل من تأثير المشروب.

ادهم : يالله شباب تعالو نرقص ليش هيك قاعدين يااااالله شباب لك والله الحياة حلوة ليش هيك ماكنت حس بهالشعور هههههههههه لك علي عم شوف باب الكازينو فرحان وعم يرقص لك ليك ليك شوف الحيط كمان عم يرقص ههههههههههههه

علي: هههههههه شوفو شباب كيف عم يرقص لك والله انه عنده موهبة وعم يطالع مواهبه اول بأول 

الشباب: ههههههههههه 

علي: يالله شباب هلق حليت السهرة ههههههههه ثواني ووقع ادهم على الارض مغمى عليه... 

ادهمممم صحيت وعد من النوم على كابوس مرعب عم تصرخ بأسم ادهم..تحسست الفرشه بأيدها وهب قلبها لما طلعت على مكان ادهم وماكان موجود على التخت بلشت الافكار تاخدها وتجيبها اطلعت بالساعه المعلقه على الحيط كانت عقارب الساعه ع التنتين ونص نسحبت وعد من تختها ولبست الجاكيت ونزلت لاتحت كان البيت عتمه ومافي ضو تأشع ضوت بالقداحه وشقت باب غرفة حماتها يلي كانت عم تشخر وغرقانه بنوم توجهت على غرفة سعيد شقت الباب شوي شافتو نايم والسماعه بأدنيه بلشت تفتل بالبيت وبعد شوي تأكدة ان ادهم خارج البيت سحبت الجوال من جيبتها ودقة على رقم ادهم..يرن يرن وماحد يرد..

وعد وايدها بترجف: لك رد يا ادهم وين رحت..

عند ادهم ماسك علي الجوال وخايف: لك جواد جواد..

جواد ملئح بالفرشه وغميان: امممم شوفي..

علي: لك جوال ادهم عم رن مكتوب مرتي...

جواد عم يئن: رد رد قلها زوجك نايييي نايم عنااا..

علي: لك ادهم كان بالبيت شو قلها كيف طلع..

جواد بضحكه صغيره: هاها العما قديشك جحششش ..وهو وعم يحكي غمي..

علي هو وعم صحي جواد: العما غمي هاد شو اعمل رح اقفل الجوال احسن شي...

رجعت وعد رنت على ادهم طلعلها مغلق حطت جوال على المخده وتسطحت على التخت وحطيت اديها تحت راسها وسرحت..الله يجعلو خير لك وينك يا ادهم...

عند ادهم كان ماسك علي كيس المخدرات وعم يضحك وراسه بيفتل بشوف شخص غريب على احد الطاولات معو شنتايه صغيره وعم يتلفت حوليه ويسحب كياس صغيره من المخدرات ويبيعها لمعت عيون علي ورتسمت بسمة الادمان على وجهو واتوجه لاعند الشخص هو وعم يتمايل سحب كرسي وقعد عليه...

علي: بتبيعني..

فادي: ليش لاء اذا الدفع محرز...

علي هو وعم يحمل الكياس من شنته ويرجع يزتن بشنته: لك شو هاد كل هدوللل...

فادي: احسن نوعيات بالبلد في عندك هاد..سحب فادي كيس صغير من المخدرات..هاد مخدر الاستروكس بيتصدر من الولايات المتحده الامريكيه...

علي بضحكة خبث: بدك تقنعني انو جاي هاد النوع من الولايات المتحده هه...

فادي: لاء هاد النوع تمت الصناعه من دولة مصر بعد تجفيف عشبة البردقوش وخلطها بالمواد الكياتين...

علي بأستغراب: واديش السعر..

فادي: رح احكيلك بصراحه هاد مابينباع غير للأغنياء وبلأحياء الي بتتمتع بالرفاهيه...

علي: ان ن انا مصارييي على قدن عطيني نوع ارخص لكن...

فادي هو وساحب كيس تاني: عندك هاد الكوكايين ارخص بالسعر بيستخرج من نبات الكوكا...

علي: كيف استعمالو...

فادي: عن طريق الشم وفينك تحط بلفافة السيكاره شوي ورح تصير بعالم تاني...

لمعت عيون علي: اتفقنا لكن...

عند وعد حامله الجوال وواقفه على الشباك عم تتأمل بنظرها الشارع على امل يجي ادهم ويطمن قلبها وكل شوي تحمل تحاول ترن ويطلع مغلق..

عند علي كان داخل حمام الكزينو قاعد بشكل قرفصاء وعم يتعاطا الكوكايين عن طريق الشم ..

علي بضحكه: هههه انا وين...

سحب حالو برى الكزينو بدون احساس هو وعم يتمايل بالشوارع دقات قلبو عم تتسارع وكأنها بسباق خيول بين كل دقه ودقه لحن صاخب وكان عم يضحك بهستريا بنص الشارع لما اجت سياره مرسيدس مسرعه وطرقتو وقع علي على ضهرو بلأرض بلش يطلع بالسما والدنيه عم تفتل فيه وسياره كملت طريقها...

علي ببطئ: بدك تاخد روحي يارب..بلش علي يضحك بجنون ثواني والدموع كانت عم تنزل من عيونو على خدو وتختلط بالدم متل اختلاط الكوكايين بجسمو ودقات قلبو بلشت تخبط اكتر..علي:لا مابدي موت ويي وين العالم حد يأسعفني تلفت علي حوليه والدم عم سيل من راسه حط اصبعو ورى راسه وشاف الدم..

علي: يا عالمممم.. بلش علي يصرخ وماحد سامع والدنيه عتمه على امل تمرق شي سياره تأسعفو.حس علي بقبضات القلب عم تتزايد نسبة الكوكايين يلي تعاطها كل مالها تسرع دقات قلبو كلشي داخلو كان عم يتصارع ثواني وحس علي بالروح عم تفارق الجسد ببطئ وتودع الارض نسحبت ايد علي مرميه على الارض ومال وجهو للجنب معلن مفارقة الحياة...

ايتها الروح البشرية انظري الى السماء وجعلي من نظرك تأمل لخلق الله يوما ما سوف ترفرفي عاليا بعيدا فسحقا لملذات الدنيا.فذالك النور المنبعث من الملذات لم يكن نور الأمل بل كان نور جحيمك..

--------------------------------

مجتمعين الناس ببيت علي قاعده امو على الصوفايه ودموعها مانشفت عليه والنسوان حوليها عم طبطبو عليها واقف جواد وادهم على الباب عم يستقبلو الناس الي عم تقدملن التعازي...

فراس: عظم الله اجركم...

ادهم وايدو بأيد فراس: شكر الله سعيكم..

بيسحب ادهم الجوال من الجيبه لايشوف الساعه بلاقي لجوال مغلق بشغلو وبشوف مكالمات كتيره ورسايل من وعد..

ادهم عم حك راسو ويرنلها: بكون نشغل بالها يالله...

وعد بلهفة: الو ادهم وين انت طمني عليك فيك شي..

ادهم: اهدي حبيبتي انا منيح..

وعد عم تسمع صوت قرأن: وين انت ادهم...

ادهم: ببيت رفيقي علي البارح بالليل عطاكي عمرو ...

وعد بنبرة حزن: الله يرحمو يارب..

ادهم: انا مضطر سكر بشوفك المسا...

سكر ادهم الجوال وستند على الحيط والدموع عم تنزل منو رجعت فيه الذاكره لاورى وقت اجاه خبر موت علي كان صحيان من الاغماء عم غسل وجهو بحمام الكزينو بيدخل جواد عليه متوتر والجوال بأيده وبخبره ان شخص غريب اتصل من جوال علي بروحو لامكان الحادث بشوفو علي غرقان بالدم ومتوفي..

جواد: ادهم ادهم وين شارد..

ادهم: مافي شي...

جواد بهمس: زعلان على علي شريك..

ادهم: كان رفيقي بالورشه قضيت ايام حلوه انا وياه...

جواد عم حط اديه على كتف ادهم: الله يصبرك شريك شد حيلك..

كانت وعد نازله على المطبخ تحضر الفطور بتشوف حماتها وسلفها قاعدين على التلفزيون..

وعد: صباح الخير..

سعيد بأبتسامة: يسعد صباحك مرة اخي..

ماجدة: ادهم مافاق...

وعد هيه وعم تقعد على الصوفايه: ادهم من البارح المسا طلع من البيت...

سعيد بأستغراب: لاوين طلع مافي بالعاده..

وعد بنبرة حزن: البارك توفا علي رفيق ادهم بالورشه..

وقع جهاز الريموت من ايد سعيد: لك كيف الله يرحمو يارب لازم البس واطلع فورا اكيد اخي بكون متدمر..

ماجدة: نتظر امي لازم روح معك عزي الست هالة بوفات ابنها...

وعد: جايه انا كمان معكون...

رمقتها ماجده بنظرة حادة: مافي داعي شو اخدك لابيت مابتعرفي...

سعيد: اي وعد انتي حامل بخاف يصرلك شي على الطريق خليكي بالبيت مريحه..

وعد: متل مابدكون..

عند ادهم مانشفو دموعو وحاسس في شي خانقو والغصه بقلبو وقف حد الباب يستقبل الناس بشوف اخوه سعيد وامو نازلين من التكسي بيمشي متل الطفل لاعندن..

سعيد حاضن ادهم: شد حيلك اخي العمر الك...

ادهم هو وبيمسح دموعو: تسلم اخي...

حضنت ماجدة ادهم: خلص امي لاتبكي بعدين بيتعذب بالقبر...

سعيد: الله يرحمو يارب كيف راح بيوم والليله...

ماجدة: رح فوت اكيد الست هالة بتكون منهاره الله يصبرها.. 

واقفه وعد بالمطبخ عم تحضر الطبخ وتلف ورق العنب بتسمع صوت رنين صادر من غرفة سعيد بتدخل الغرفه بكون الجوال على التخت بتسحبو وبترد...

لمياء: الو كيفك حبيبي ليش تأخرة...

وعد: مين معي...

بتصمت لمياء شوي وبعد شوي بترد: انتي مين..

وعد: انا مرة ادهم اخو سعيد...

رتاح البها لمياء : اهلا وسهلا فيكي سعيد وين ليش الجوال معك...

وعد: من الصبح ضهر من البيت هو وحماتي عندون تعزايه ونسي الجوال ان شاء الله المسا بكون بالبيت...

لمياء: عذبتك معي سلام...

سكرت وعد الجوال وشافت الشحن واحد بالميه حطتو على البترينا ووصلتو بالشاحن وراحت على المطبخ تكمل شغلها...

وعد بينها وبين حالها: اكيد سعيد بحب هي البنت كل الكتب الي بمكتبتو عن الحب بس شو السبب ماعم يطلبها غريب..

عتمت الدنيه وعم الظلام وقلة صوت خطوات الناس بالحاره واقفه وعد عم تمد العشا وتجهز كلشي قبل مايجي ادهم ثواني وبيدخل ادهم واهله البيت بتقوم وعد من مكانها متجهة لاعند ادهم بتحضنو والدموع بعيونها..

وعد: العمر الك حبيبي..

ادهم: الله يسلم عمرك وعد...

فايت سعيد على الغرفه يبدل تيابو بيستوقفو صوت وعد: اخي سعيد كنت نسيان جوالك اليوم في بنت دقتلك...

سعيد بحط ايده على راسه وبيهمس: يييي العما على هل نسوه اكيد نشغل بالها.. ماشي يسلم ايدك مرة اخي..

الكل كان حولين الصفره ماحد اله نفس على الاكل بينسحب ادهم على الحمام ياخود دوش وسعيد مشغول بالجوال عم راسل لمياء وماجده حاطه اجر على اجر وعم تابع الأخبار.لما بتشوف وعد الكل مشغول وماحد راضي ياكل بتبلش اضبضب الصفره بالبراد...

بيطلع ادهم من الحمام لافف المنشفه عليه بشوف وعد قاعده على طرف التخت وباين التعب عليها بيمسك ايدها وبيقعد جنبها..

ادهم: تعبانه البي...

وعد: بس شفتك راح التعب والله...

ادهم هو وغامرها: مايحرمني منك..

وعد: مدايقه انك ماتعشيت...

ادهم: والله مالي نفس بس حابب نام كتير تعبان..

بيلبس ادهم البجامه من الخزانه وبيتسطح على التخت حد وعد وبحط ايدو على بطنها..

ادهم: كيفو ابني...

وعد بأبتسامه: ابنك شتقلك كتير هو وامه..

بيذكر ادهم هداك اليوم بالكزينو بتختفي الأبتسامه عن وجهو بيفتل ضهرو عن وعد للأتجاه التاني وشارد حسيت وعد انو ادهم مو على بعضو بتسحب الحرام وبتغطي وبتحط راسها على المخده وبتغفى وادهم بعدو شارد ما حسنان ينام حاسس في شي ناقصه ومر الوقت وهو على هي الحاله

.....&&&&.......&&&&&...........

بتفيق وعد الصبح بكير على رنة الجوال بتفرك عيونها بأيدها وبتحمل الجوال وبترد: الو اهلين امي الحمدلله انتو كيفكن..

فتحية: والله الحمدلله مشتقتلك كيف حملك يا امي...

وعد: الحمدلله امي ادهم ماعم قصر..اطلعت وعد ماشافت ادهم بالتخت..

فتحيه: الف الحمدلله الله يسعدكون...

وعد: ماشي امي سلمي على ابي وبوسيلي اخواتي انا رح سكر برجع بحكيكي..

داخل جواد بكاسة العصير على الصالون: لك اهلين ادهم نورة والله...

ادهم: حاسس بحكه بجلد شو هديك الحبه يلي عطيتني يها هداك اليوم...

جواد بضحكة خبث: كنت عرفان رح تجي لاعندي لاتخاف شايلك كيس على جنب...

ادهم : لك انا اجيت قلك كيف بدي اتخلص منها حاسس حالي تعبان ماعم نام الليل...

جواد هو وعم يرتشف العصير: خود شمه من الكيس شريك ورح تنسا كل تعبك...

ادهم هو ومعصب: علي مات بسبب المخدرات وبسببك...

جواد ببرودة اعصاب: لك علي كان واحد غبي كتر الجرعه وبعدين مات حادث سياره ما من المخدرات..

ادهم: بس هيه المسبب للحادث...

جواد معصب: خلصنا محاضرتك شريك بدك هي الكيس..سحب جواد الكيس من الجيبه وزتو على الطاوله وكمل حكي مابدك هي الباب...

قاعد ادهم على الصوفايه عم يتأمل الكيس وماحس على حاله غير سحب الكيس وحطه بجيبه..

جواد: شايف شريك لك هاد رح ينسيك زعلك على علي ورح يونسك بوحدتك سماع مني ودعيلي بأول شمه...

ادهم: الله ياخدك...

جواد هو وعم يضحك: والقايل...

متجه ادهم على الباب لايضهر بيجيه صوت جواد: مرجعك لاعندي يا ادهم وايمت ماحبيت الكياس بالخدمه هههه...

ادهم بهمس: الله يلعنك واحد غبي...

قاعده وعد بتختها وتعبانه كتير وراسها بيفتل وعم تحكي حالها لما دخل ادهم وشافها ركض فورا لاعندها..

ادهم: انتي منيحه وين امي...

وعد هي وبتتنهد: نزلت من الصبح على السوق...

ادهم: لك وعد ليش عم تتعبي حالك...

وعد: كنت منيحه وفجأه بلش الوجع من سفل ضهري...

ادهم: قومي على المشفى..

وعد: لا انا منيحه رح نام شوي وبصير احسن..

ترك ادهم وعد ترتاح وطلع من الغرفه بهدوء هو وقاعد على الصوفايه ومشغل موسيقا هادية تذكر علي ونسابت الدمعه من عينه مسحها بكف ايدو وسحب كيس المخدرات من الجيبه وتلفت يمين وشمال واديه عم ترجف وحط كمية صغيرة على اصبعو وبلش يستنشق الكوكايين.بعد حوالي ثواني اخد المخدر المفعول وبلشت تفتل الارض بأدهم ويضحك بهستريا ودقات ألبو تتسارع اما وعد فكانت غفيانه على التخت بالغرفه فوق وماحاسه على شي...

مرت الأيام بسرعه كبيره وزاد الأدمان عند ادهم وتغيرت معاملته لاوعد صار شخص تاني عصبي ونكدي وتوصل معه لايضرب وعد معظم وقته شارد وفاقد التركيز ودائما عم ينام ببيت جواد يلي عطاه مختلف انواع المخدرات ترك ادهم الشغل بسبب وجع ضهره وسلم الورشة لاشب صغير بالعمر كانت وعد ملاحظة التغير على ادهم وحاسه في شي غريب دائما راجع على البيت وعيونو دبلانه ومتمايل وفاقد التوازون بيجي بنص الليل بحط راسه وبنام حتى ماعد فكر بالطفل الي ببطنها ايام بيتفاجئ لما وعد تقله قربت اولد ويجاوب ليش انتي حامل..تغيرت شغلات كتيره بحيات وعد حماتها من جهة وادهم من جهة وسعيد يلي كان ممكن يسند وعد بمحنتها من فتره سافر على امريكا يكمل جامعته هنيك ويلي فهمته وعد من حكيه انو بحب بنت عربية الاصل بس ساكنه بأمريكا تعرف عليها على احد مواقع التواصل واهلها لمن عرفو رفضو فكرة سفرها لاهيك طلع يكمل الجامعه هنيك وقرر يستقر بأمريكا وبالعطل ينزل زيارات كان سعيد بنسبه لاوعد الوحيد الي ممكن يوقف معها لاتعرف شو عم صير مع ادهم برات البيت..

الفصل الثالث من هنا

بداية الروايه من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇

روايات كامله وحصريه من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

ادسنس وسط المقال