رواية عشرة_وعشرو_دقائق البارت الرابع بقلم ياسمينة_الشام_الزهور حصريه وجديده على مدونة النجم المتوهج
 |
اجا يوم الأحد هاد اليوم الي نتظرته وعد بفارغ الصبر لاحتى تروح على مدرسة ادم وتعرف كلشي عم صير مع ابنها وسبب تراجع العلامات عنده وبنفس الوقت كان تفكيرها بادهم كيف حالته عم يتحسن مرتاح كانت مشتته افكارها سحبت حالها من الفرشه وصحت ادم ونزلو على الفطور..
وعد هي وبتمسح تمها بالمنديل: حماتي انا نازله مع ادم على المدرسة بتحبي جبلك شي بطريقي...
ماجد: اي بطريقك مري على الورشة شوفي كرم وخبري كل شهر يبعت مربح الورشة...
كانت وعد منحنيه عم تلبس البوط لأدم: اي حماتي ويمكن مر على المصح واطمن على ادهم..لمعت عيون ماجدة اول ماسمعت بأسم ادهم وتنهدت بحزن: شو عملت يا ادهم فينا عم اشتقلك يا امي كتير..طبطت عليها وعد: ان شاء الله بيتحسن وبيرجع لاعنا بكامل صحته وعافيته..اخدت وعد شنتايتها من على الطاوله ومشيت بتجاه الباب بتسمع صوت نغمة جوالها بتسحب الجوال وبترد...
وعد: الو
سعيد: كيفك مرة اخي شو اخبارك..
وعد رتسمت الضحكه على وجها حسيت عليها ماجدة وعملتلا اشاره بأيدها مين...
وعد: هاد سعيد مرة عمي..كيفك سعيد ايمت راجع..
سعيد: هاد الشهر مرة اخي الحمدلله رح اتخرج من الجامعة الامريكيه ورح انزل فيه لاعنكن طمنيني كيف اخي عم دق على جواله بيطلع مسكر..
بتصمت وعد شوي: الحمدلله منيح بس تجي بتعرف كلشي..ماحبيت وعد تشغل باله وتخبره لوقت يرجع..
سعيد: ماشي مرة اخي بشوفك بخير سلميلي على امي واخي وعلى الازعر ادم...
وعد: بيصل سلفي ماشي سلام...
ماجدة بتتنهد وبتحكي بنبرة حزن:اخخخ كيف بدنا نخبر سعيد مابعرف مارح يتحمل فكرة اخوه بيتعاطا مخدرات...
وعد: لاتشغلي بالك حماتي كلشي رح يكون منيح وانا هلق بستأذن تأخرت بتوصيل ادم..يله ماما قلها باي لاتيته..
ادم بزناخه وضحكه: با با بايييي تيته ...
ماجدة: هههه باي ياروح ستك...
ضهرت وعد من البيت والمطر عم تزخ زخات ناعمه وكانت حاسه براحة كبيره وفرحانه بجية سعيد على البيت وهي ماشيه بشارع بتشوف ولدين من جيل ادم عم يشتمو بعض بملافظ بزيئه بتنصدم وعد من حكين وبتخاف على ادم ثواني وبردد ادم الكلمة الوسخه بدون تفكير وما فاهم معنها بس سمع شي جديده عليه واي طفل بيلقط من العالم الخارجي الكلمات..لما سمعت وعد الكلمة من ادم ماتحملت اعصابها وضربته كف بنص الشارع ونفعلت..
وعد معصبه وعم تطلع بأدم: ماعد بدي اسمع هي الكلمه الوسخة من تمك عم تفهم...هز ادم براسه بالموافقه والدموع على خده وماشي وماسك ايد امه وعم يبكي بصمت ووجهو محمر..لمن اطلعت فيه وعد وشافت الدموع على خده ومتلون وجهو احمر ضمته ومسحتلو دموعو..
وعد: خلص حبيبي لاتبكي بس ماما هديك الكلمه بذيقه مابيحكيها غير ولاد الشوارع والي مو مربايين فيا قلة ادب...
ادم عم يبلع ريقه ووقف بكه: ماكنت بعرف ماما...
هنن وماشيين بيسئلها ادم: ماما ايمت بدنا نروح على بيت جدو.ردت عليه وعم: منشوف ماما اذا زاد معي وقت باخدك..
وصلت وعد على مبنى المدرسه وهي داخله حست بشعور حلو وسترجعت ذاكرتها للماضي لليوم الي دخلت فيه الثانويه تذكرت طموحاتها العاليه واحلامها ورجفة ايدها الي مانتست قدام رهبة الموقف برن الجرس بتسرح وعد بصوت الجرس يلي كان بيعنيلها كتير تذكرت كيف نجبرة تزوج وتمنت للحظه يرجع فيا الزمن للماضي لتدخل مدرستها من جديد..روح الطفوله والنشاط والطموح بعدو عايش جواتها وعم يتغلغل بذاكرتها..صحيت من سرحانها على صوت ادم: ماما انا رح ادخل الصف...
....&&&....&&&........&&&......
تشير الدراسات النفسية إلى أن خلافات الوالدين ومشاجراتهما قد تؤثر سلباً في نفسية الأبناء وفي الحياة الزوجية لأبنائهما مستقبلاً، حيث إن انتقال الصراع الزوجي من جيل إلى آخر ينتج عندما لا يتعلم الأبناء مهارات التحدث وسلوكيات التواصل والتفاهم بسبب مشاهدتهم ومراقبتهم للخلافات التي تحدث بين آبائهم وأمهاتهم وكيف يتعاملون بعضهم مع بعض بشكل سلبي.
جوات الاداره جالسة وعد على الكرسي ومشبكه اديها ببعض وعم تنتظر ثواني وبتدخل المرشده النفسيه على الغرفه..
امل: ميت اهلا وسهلا انسه وعد..مدت وعد ايدها عم تصافح المرشده...اهلين فيكي انسه...
اتجهت امل ورى مكتبها وسحبت الكرسي وقعدت عليه..
امل: بالبدايه بحب طمنك انسة وعد كلشي عم مر فيه ادم بينتهي ابنك بمرحله تكوينيه واي شي ممكن يأثر سلبا عليه وعلى نفسيته واذا اداركتي الوضع من البدايه رح تصلي لاراحة ابنك ورح تلاحظي التغير عليه وتشوفي من المتفوقين بأذن الله..
وعد: بس بحس ابني بالبيت ماعنده خجل او ضعف شخصيه وكلامه مابيوقف ولهجته صحيحه وكامله ماشفت بتقتق بالحكي او لعثمه بحكيه...
امل: تمام ممكن تحكيلي كيف بتتعاملي مع ابنك بالبيت واذا بيتعرض للضرب منك او من ابوه او اي شخص متواجد داخل البيت..
سرحت وعد وتذكرت بهالست سنين كيف ادهم كان يأذي ادم ويضربه وكيف يتهجم على العيله وتذكرت نظرة الخوف بعيون ادم من ابوه...
وعد ودمعه بعينها: اسفه بعتزر..سحبت امل منديل وعطته لاوعد...ولايهمك وقت تتعلق الشغله بولد من ولادنا ما منحسن نسيطر على عواطفنا انا ام وبفهمك...
وعد هي وبتمسح دموعها بالمنديل: كلك ذوق انسه امل اي ابني للأسف كان يتعرض للضرب من قبل ابوه وايام زوجي يصرخ بوجهه ويجمد مكانه وكنت لاحظ عليه بيصفن كتير..
امل بنبرة حزن: لاحول ولاقوة الا بالله طيب شو السبب حتى يتعرض للعنف من الشخص الي لازم يكون سند وامان لأبنه...
وعد: انا زوجي شخص طيب وحنون من وقت الي عرفته بس الله ياخد رفقة السوء الي خلت زوجي شخص مدمن للمخدرات..
امل: لا حول ولاقوة الا بالله وزوجك وين حاليا..
وعد: من يومين خبرت مصح لامعالجة الأدمان عن زوجي وحاليا هو تحت العلاج اليوم يمكن مر شوفه..
امل: اهدي انسة وعد ولاتخافي بفهمك كتير منيح اي امراءة ممكن تمر بحالتك والوقت قدامك اذا حابه ابنك يكون ناجح ويتحسن لازم تربي تربيه سليمه ووببيئة نضيفه بحيث مايتعرض للعنف او الشتم...
وعد: مابعرف شو قلك اليوم انا وجايه على طريق المدرسه سمعت ولاد من جيل ادم عم يشتمو بعض بملافظ سيئه وابني لقط الكلمه فورا وصار يغنيها ماعرفت شو اعمل ماتحملت وضربته وصار يبكي بحرقة قلب حسيت حقد عليي..اجها رد امل فورا:ييي لاحول الله مابصير تضربي انسه وعد فينك ترشدي بالحكي تعلمي الصح من الغلط اتبعي اساليب صحيحه وماترفعي ايدك على ابنك هو بحاجتك مابيحكي كلمة بالمدرسه لأن بخاف من المجتمع والاختلاط بالناس و انتي مصدر الأمان عنده ودائما بيجي يحكيلك هاد دليل ان ادم مابحس بلأمان غير معك...
وعد: كيف فيني طلع ابني من هي الحاله والله البي عم يحترق وماكنت بقصد اضربه بس ماتملكت اعصابي...
امل: انسه وعد نحنا هون عم نعمل جهدنا بس ابنك ادم صعب يتقبل يختلط بحد والخجل عنده عم زيد تدريجيا مع الخوف وحتى متل مافهمت منك بالبيت بيدرس منيح بس بالمدرسه مابجاوب بالورقه غير على بعض الأسئله..
وعد: اي بالبيت كتير شاطر وبسمعله كل يوم...
امل: حسب مافهمت وستنتجت ابنك متعرض للعنف الاسري شايف لقطات يمكن صعب ينساها غير لاتخلقي بعقله لقطات جديده مثال اذا زوجك كان بعنفك قدام ادم المفروض يشوف ابوه عم يحبك والموده بينكن لاينسا اللقطات السيئة وتنمحا من ذاكرته ويتذكر اللقطات الجديده بحياتكن ونفس الشي من ناحية الضرب ابنك لازم يشوف ابوه بصوره منيحه ويتقرب منه ويلاعبه لافتره معينه بدون ضرب وصريخ لاتقوى شخصيته وينمحا الماضي تدريجيا من ذاكرته...
وعد عم تتنهد: بس ابوه بالمصح شو اعمل...
امل: زوجك حاليا بحاله ممتازه افضل حل المصح وتدريجيا رح يسترد عافيته بأذن الله بعد استخراج السم من داخل جسمه وبين فتره وفتره حاولي خدي ادم معك وخلي يحتك بأبوه ويلاعبه..
وعد: ابني كتير بخاف من زوجي مابقرب عليه اول مايشوفه بيتخبا ورايي..
امل: انسه وعد الطفل بيتقرب من ابوه تدريجيا (عامل الطفل ك طفل وليس ك رجل اي بتدرج معه حسب سنه)..ابنك حاليا بالحكي مارح يتجاوب لازم يعتمد على النظر مثال دخلتي المشفى وشفتي زوجك على السرير تقربي منه مازحي وضحكو سوا وتدريجيا ابنك رح يقرب لمن يشوف امه سعيده بيتأكد من سعادته بختلاف لمن يشوف امه عم تبكي وتتعنف بهي الحاله رح يخاف...
وعد: اكيد رح اعمل هيك جد بتشكرك كتير بس ممكن اعرف كيف رح يختلط مع ولاد مدرسته...
امل: ابنك بحاجة احتكاك بالمجتمع الخارجي لاتكتمل الصوره بمخه بالشكل الصحيح حاولي بين فتره وفتره خدي ادم على مكان معين مثلا حديقه لايفرغ شحناته ودائما الحديقه فيا ولاد من مختلف المناطق خلي ابنك يلاعبن ومره على مره رح تكتمل شخصيته وبصير حتى بغيابك بيلعب مع الكل وبروح الخوف والخجل منه تدريجيا...
وعد: جد ريحتي البي الله يريح البك اذا مافي مشكله تعطيني رقمك لاحتى اذا تعرضت لامشكله احكي معك واقدر اتدارك الوضع...
امل بأبتسامه: اكيد انسه وعد وتشرفت فيكي..
----------------------
احيانا ممكن الأنسان يعيش احلا ايام العمر بالحظه غير معينه ينسا الدنيه فيها ويكب الماضي ويامحلا اللحظات الحلوه الي بتجي بشكل مفاجئ وبتغير الحاضر وبتمحي الماضي...
رعدت السما فجأه ومطرت والعالم بلشت تدخل بيوتها والناس تستعجل بمشيتها واقفه وعد بالباحه عم تنتظر ادم ثواني وطلع ادم ولما شاف امه ركض لاعندها فرحان متل اي طفل بيفرح بالمطر وخاصه لما يكون مع نبع الامان والحنان..
ادم: هييي هوب ماما طلعي فوق في ضو..ردت عليه..اي ماما هاد برق..رد ادم هوه وصافن بسما وقطرات المطر عم داعب وجهو الملائكي: ماما ليش مابينزل للأرض...وعد حبيبي الله خلق البرق فوق متل ماخلقنا نحنا بلأرض...
ادم هو وعم يلعب بشعره: ماما وقت موت بطلع لافوق وبصير متل البرق ووقت البرق يموت بينزل عنا.دائما الطفل بيسئل اهله اسئله تعجيزيه ومخه بكون نضيف وبيخترق الخيال بدون حدود.. عقدت وعد حواجبها وحطت ايدها على تم ادم: تف من تمك بعيد الشر عن قلبك لاتحكي هيك ماما بزعل منك..ادم هو وبيلعب مد اصبعه الصغيره بتجاه امه: ماما علقي اصبعك الصغير بأصبعي...لما علقت وعد اصبعها اجها صوت ادم : بوعدك مازعلك مني..بتسمت وعد وضمت ادم يله حبيبي نمشي..
راكبه وعد التكسي ومسنده راسها على الشباك عم تتأمل الطريق المبلل بالمطر وادم عم يرسم الحروف على الشباك وصوت مساحات التكسي عم تروح يمين وشمال ومشغل الشوفير غنية فيروز على الواطي(شايف البحر شو كبير كبر البحر بحبك).. بتوقف عجلات السياره على المكان المطلوب لما بتشوف وعد مبنى مصح علاج الادمان من الشباك بيرجف جسدها وبتفتح باب التكسي وبتحط اجرها على الارض وتنزل..تفضل اخي..يسلمو..بعد مادفعت للشوفير الأجرة بتمسك ايد ادم متجهه على باب المصح...
وعد: يعطيكي العافيه...
موظفة الاستقبال: اهلا وسهلا كيف فيني اخدمك مدام...
وعد: ممكن اعرف كيف صارت صحة المريض(ادهم الحبشي)..
قلبت موظفة الاستقبال صفحات الدفترها عم تبحث عن اسم المريض ووعد عم تتأمل المكان بعيونها كان مكان انيق ومرتب وواسع اجاها صوت الموظفه: اي ادهم الحبشي مريض عنا شو بتقربي حضرتك...وعد بصوت مرتجف: انا زوجته...
موظفة الاستقبال: لو سمحتي تفضلي رتاحي لابين ما نادي الدكتور رأفت عز الدين السهداني المسؤل عن تشخيص حالة زوجك..جلست وعد على الكرسي وادم بيتفتل بالمكان عم يلعب ويدور ثواني وشافت وعد الدكتور والممرضه متجهين عندها وقفت وعد احترام للدكتور واطلقت الترحيب وتبادل رأفت الترحيب معها...
رأفت: حضرتك زوجة المريض ادهم..
وعد: اي انا ممكن اعرف كيف حالته...
رأفت تفضلي رتاحي جلست وعد على الكرسي وجلس الدكتور حدها..
رأفت: اي انسه وعد لحسن الحظ عم نقدر نستخرج السموم من جسم ادهم وخاصة مخدر(الترامدول)يلي ممكن يأدي للوفات وبحييكي على شجاعتك وتسليم زوجك لأيدي الأطباء لانكافح هي الظاهره ونصل بالمريض لاحب الذات والاقلاع عن المحرمات..
وعد: وادهم كيف صحته متقبل العلاج..
رأفت:زوجك والحمدلله عم يتجاوب معنا وعنده عزيمه قويه على ترك الأدمان..رتسمت الابتسامه على شفاف وعد وقت سمعت هاد الخبر...الف الحمدلله يارب طيب دكتور فيني شوفه...
رأفت: اكيد من خطوات علاج المريض الدعم من اهله واقاربه..تعي معي انسة وعد..
نادت وعد ادم ومسكت ايده وتوجهت على غرفة ادهم ولما دخلت شافت ادهم ماسك المشط وعم سرح شعره لاورى ثواني ونتبه ادهم على وعد.وبتسم ونزل ايده وحط المشط على طرف التخت..
ادهم: وعد انتي هون شو جابك..
وعد هيه وبتمشي بتجاه ادهم: هههه اذا بدك برجع وماعد بجي..
ادهم: ماقصدي هيك هههه..هو وبيحكي لمح ابنه ادم واقف على الباب بيطلع فيه من بعيد وماراضي يفوت...
مسكت وعد ايد ادهم وبلشت تتأمله وتدعي يتعافا ويرجع على البيت..
ادهم: كيف امي وصحتها..
وعد: الحمدلله بخير والله كانت حابه تجي تشوفك ..
ادهم: واخي كيفه عم تحكي معه...
وعد: اخوك اليوم جايه من امريكا رح يقعد شهر وبعدها يسافر..
لمعت عيون ادهم وبتسم نبسط كتير بخبر نزلة ادهم من امريكا تنهد تنهيد: شتقت لا سعيد كتير..
ادم كان على الباب عم يتفرج من بعيد لاحديث ابوه وامه بده يفوت وبنفس الوقت خايف لما شافته وعد تذكرت كلام المرشده النفسيه انه ماتجبره على شي بالحكي وتدرج معه بالفعل لايجي لحاله..همست وعد بأدن ادهم: بدك تلاعب ادم..هز ادهم راسه هو وبيطلع بأدم ويبتسم اما ادم كل مايبتسمله ابوه يعمل حاله عم يلعب وانه مو منتبه..
ادهم: شتقت احضن ابني بس بحس ادم مابحبني..نزلت الدمعه من عيون ادهم مسحتله ياها وعد بأيدها وهمسلته..متل مابقلك ساوي وشوف كيف ادم رح يقرب...
وعد بصوت عالي: ادهم خلينا نلعب حاسه حالي ماله..برد ادهم بضحكه: رح حط ايدتيني وبلش عد لاتلاته قبل سحبن وذا لحقتي تضربي وحده بتفوزي اجاه صوت وعد: اي اي يله جاهزه رح تشوف كيف رح فوز..
1-2-3..سحب ادهم اديه بضحكه ههههههه ووعد فارطه ضحك وادم صافن فين من بعيد وبتسم لا اراديا...
وعد هيه وتمسح دموعها النازله من الضحك: يالله يا ادهم صعب حدا يهزمك ويضرب ايدك جد انت شخص قوي وكمان حلو حكتها هي وبتنكشله شعره..كانت وعد بطرف عيونها بتسرق نظرات من ردة فعل ادم...وعد: اي ادهم على فكره لاتصدق حالك ادم بيهزمك لأنه قوي.رد عليها ادهم بضحكة استخفاف وفهمان على وعد لاوين بدها تصل: انا صعب حد يهزمني ياست الحسن لأني قوي...
رفعت حواجبها وعد وطلعت بأدم متفاجئة واشرتله بأيدها: قرب ماما ادم ورجي ادهم المغرور كيف بتهزمه وثبيت انك انت القوي..
ادم اطلع فيا بنظراته الطفوليه ومتردد يفوت وخايف بس لما شاف ابوه بيضحك والضحكه مزينه خده حس وكأن هاد مو ابوه شخص تاني وهادي كتير ومرح اجاه صوت وعد: يله ماما تعال هزمه..شاف ادم الفرحه بعيون امه وقرب ببطئ من وعد الي حملته وحطته بحضنها...
ادهم مد ايده على خد ادم وتحسس خدوده وسرح فيه ومتل كل اب بحب يلاعب ابنه ويشوفه عم يكبر جنبه بدون خوف واحيانا الحماقات الي منرتكبها دون وعي منا بسبب خطأ واحد يمكن اضل مرافقنا طول حياتنا واحيانا ممكن نصلح هاد الخطأ لو ببعض اللحظات الحلوه الي منعيشها...بلش ادم يتقرب من ابوه شوي شوي بالبدايه كان رافض يطلع بعيون ابوه لان هي العيون كانت تذكره بالماضي بس شوي على شوي بلش ادم يضحك ويطلع بعيون ابوه..ادم بضحكه: انا فزت هيييي انا القوي..نكشله ادهم شعراته: انت اقوى مني يابطل من اليوم بدي اطلق عليك اسم(النسر المدمر)..بتسم ادم وطلع بأمه: ماما انا النسر المدمر القوي..يمكن لحظات بسيطه بين اجتماع عيله صغيره دخلت الفرح لاقلوبن كانت وعد شايفه فرحة ادم وثقته بنفسه وادركت ان صعب حد ياخد مطرح حد بتأسيس الاسرة كل انسان بحاجة حنان الام وسند وقوة الاب..ادهم كان فرحان بهاد اليوم كتير هاد اول يوم بيتقرب فيه من ابنه بهالست سنوات كان شخص اناني سيئ عصبي وجامد معظم وقته بنام وبعصب من اقل شغله ماكان حاسس بنعمة العائلة وتأثير الأدمان الي تدريجيا كان عم يقضي على خلايا المخ عنده..قام ادهم من التخت بحماس كبير:
ادهم: مين حابب ياكل بوظه يرفع ايده..بيجيه صوت ادم الحماسي: اناااا انا بدنا بوظه..بتضحك وعد : لكن الشعب كله بطالب ادهم بيك بالبوظه..
ادهم: اذا هيك فلسنا ههههه شخصين منقدر نجبلن بس منن نلحق للشعب...
وعد: اممممم منطلب من النسر المدمر يدعي الله يرزقنا...مسكت وعد ايد ادم: يله ماما ادعي الله يرزقنا ويشفي ابوك ويرجع للبيت..بتسم ادم وتوجه بالدعاء لابوه والرزق...
ادهم: هههه جد عم احكي ثواني بدي حكي الدكتور رأفت وراجع...اتجه ادهم على غرفة الدكتور ودخل..
ادهم: كيفك استاذ رأفت..
رأفت: لك اهلييين بأدهم والله شايف الابتسامه على وجهك وهاد دليل ان الامور بخير..
ادهم: اي والله يادكتور فرحان كتير بوجود عيلتي هنن دعمي وكلشي بهي الحيات ومن بعد اذنك مابعرف كيف فوت بالموضوع..
رأفت: تفضل ادهم نحنا اخوه بدون رسميات..
ادهم: حابب عوض عيلتي على كلشي مر واذا بتسمحلي اليوم اطلع معاهم حابب كتير طعمي ابني بوظه..
رأفت: اكيد وهاد من حقك انت متل اي انسان عادي حقك تطلع وتفوت هاد مانو حبس يا ادهم هاد المكان لايردعك عن وسوسة النفس بتعاطي المخدرات اما اذا عزيمتك قويه خارج هاد المكان فانت من الأن حر...
ادهم: لا دكتور خايف اذا تخرجت ارجع نفس الانسان السيئ وانا كتير حابب كمل العلاج بهاد المكان..نزلت الدمعه من عيون ادهم..بس اليوم حابب قضي مع عيلتي بمكان نضيف وعوض ابني ومرتي على ايام سوده..
قام رأفت من ورى المكتب وتجه عند ادهم وحط اديه على كتفه: الدمعه الي شفتها اليوم بعيونك دليل قوتك وقلبك الطيب وانا حاسس اديشك ندمان...فالرجل الحقيقي يعرف بصلابته وارادته على مواجهة الاحداث وانت الحمدلله عندك اراده قويه.. والمرأة تعرف بعاطفتها وحنانها ورقتها ومرتك وقفت جنبك وماقصرة لاهيك الله قال(لتسكنو اليها)..وبتالي المراءه بتعاني بنقص بصلابه وعواطفها بتغلبها ولاهيك الله قال(الرجال قوامون على النساء)..
ادهم عم يمسح دمعته: معك حق ظلمتها كتير وظلمت ابني..
رأفت: مافي انسان كامل يا ادهم بس اياك ترفع ايدك على الشخص الي الله جعله سكن الك وراحه وطمأنينه خدها نصيحه مني لأخر العمر..
ادهم: معك حق دكتور رأفت وبتشكرك كتير على كلشي حكيته معي.بتسم رأفت : يله لكن عيلتك بحاجتك..اشرلو على الباب وكمل: فيك تطلع وفيك ماترجع بس اهم شي عزيمتك يا ادهم..
عند ماجدة كانت حاسه بشعور غريب والدمعه نازله من عيونها شتاقت لأدهم وسعيد كتير ولمه الحلوه..هي وبتمسح دمعتها بتسمع جرس الباب بتتجه وبتحط ايدها على مقبض الباب وبتفتح..كانت احلا فرحه بحياتها وقت شافت سعيد واقف على الباب وبأيده كياس ومعلق شنتايه ورا ضهره بدون مقدمات وكلام حضنته وغمرته بحبها.حط سعيد الكياس بلأرضيه وحضن امه بشده..كل ابن بحاجه لاحضن اهله للحضن الدافي مهما سافر ودار الدنيه ما رح يلاقي حب وحنان متل حضن العيله الدافيه وحضن امه..
بحديقة واسعه وكبيره العشب مزين اراضيها ريحة المطر ممزوجة بريحة العشب الاخضر والهوى البارد عم لاعب الشجر وكأنها عروس عم تتمايل بخصرها..جالس ادهم على مقعد بالحديقه وماسك ايد وعد.. هل انتي النجوم؟ لا النجوم تظهر وتغيب
هل انت المطر؟ لا المطر بروده من جليد
بل انت حبيبتي فنظري كم انا سعيد
رتسمت الضحكه الممزوجه بالخجل على وجه وعد وقالت..هل انت الارض؟لا فا لأرض تميل
هل انت السماء؟ لا فأنت لست بعيد
بل انت حبيبي وما اجمل النصيب..
ادهم بضحكه: صايره شاعره..ردت وعد: بالحب المجنون بصير شاع..قاطعها ادهم هو وحاطط اصبعه على شفايفها الحمر ودبلت عيونه..هششش بحبك لو ماني بالحديقه كنتي بتعرفي شو سرقة...
ادم كان واقف بعيد عم يلعب بالمراجيح شايف السعاده والضحك بعيون امه وابوه واخيرا دخلت الفرحه بقلوب العيله..
ادهم هو واقف: بدي اخد ادم اشتريله طابه خليكي هون وعد مابطول..
وعد: ماشي حبيبي..
ادهم عم نادي..ادمممم بابا ادم تعال لاهون بدي اشتريلك شغله لمعت عيون ادم ونط من الفرحه وركض عم يهتف..ياسلام..مسك ايد ابوه وماشيين بتجاه المحل كان في عدة محلات العاب واكلات طيبه وقف ادهم بأحد المحلات ونكش ادم ..شو حابب تشتري بابا...ادم واصبعه على شفافه متل كل طفل بهيك لحظات بيحتار: امممم بدي اممم بيجي نظره على طابة لونها ازرق بأشر لأبوه وبقول.بدي هديك الطابه الزرقه بابا..فورا بيسحب ادم المصاري من جيبته..لو سمحت تنزلي هديك الطابه الزرقه..تكرم اخي..ادهم: مابدك اكلات طيبه بابا...ادم سحب كيس بطاطا وبسكوته: اخدت هدول بابا..شاف ادهم عيون ابنه على لعبة رجل ألي وحس ان نفسه فيا..نحنى لاعند ابنه وحط ايدتينو على كتاف ادم: نفسك بهي اللعبه بابا..
ادم: اممم اخدت طابه اجتو ضحكة ادهم: لك بابا يلعن المصاري اذا بتخلي شي بنفس ابني النسر القوي..رفع حاله ادهم ووقف بعد اذنك معلم وهي اللعبه كمان...
راجع ادم عم يركض عند امه..بيجيه صوت ادهم..لك بابا على مهلك لتقع..شافت وعد الطابه ولعبه بأيد ادم واكلات الطيبه وفرحت عيون ابنها ماكانت بتنوصف..
ادهم: شوط يانسر..بظبط ادهم حراسته للمرمى يلي عباره عن حجرتين..
ادم: هيييي كوووول .. بيتجه ادهم لاعند ادم: لك بابا تعال نلم كم ولد معنا هيك غش تخسرني انا زلمه ضعيف وانت قوي بتجيه ضحكة ادم: ههههه طيب بابا جيب ولاد النسر مابخاف..بينكشله شعراته: هيك بدي ياك ياقوي..
بيجمع ادهم كم ولد من الحديقه بشكلو فريق كبير بحددو المرمى بحجاره..ادهم: انا الحكم ممنوع الاعتراض..الولاد: هيييي..بشوف ادم الولاد حوليه وبشكل فريقه بأيده وببلش ياخد وجه على الكل ويلعب..بيجيهن صوت المعلق ادهم: بيمشي النسرررر بالطابه بمرر..لااا..الطابه مع الخصم متجه وضررررربة مرمى لاصالح فريق النسر..كان ادم عم يضحك من تعليق ابوه وحاسس بالحماس ووعد سارحه بأدم والعرق عم يتصبب من جبينه وخصلات شعره النازله وعم يركض متل الطفل...كوووول اللللللله يانسر الللللله ياااااانسر النسررررر يخترق النسررررر يسدد والنسررر يفوز.. ماهذا الارض تنشق والسماء ترتج انها ضربه ساعقه نعم انه النسرررر..بيضحك ادم ضحكة غريبه بدل بشعوره ان ابوه بالغ بالشرح...الطابه دخلة ابطئ من سلحفه والولد الي عم يحرس فاتح اجريه وما منتبه لمن فات الهدف..
واقفين بشارع تحت المطر عند اشارة المرور منتظرين الضو الاحمر بدن يقطعو الشارع سرح ادهم بوجه وعد هو وماسك ايدها..بتعرفي وعد كان احلا يوم بحياتي اليوم حسيت اديش انا كنت اب فاشل وروحت احلا لحظات من عمر ابني..بيجيه صوت وعد..لا تحكي هيك ادهم انت افضل اب شفته بحياتي وادم كتير نبسط اليوم.
ادهم: صحيح اديش الساعه..سحبت وعد جوالها من الجيبه وطلعت بالساعه:عشرة وعشر دقايق
.سقطت الطابه من ايد ادم ودحرجت للشارع وبحركه سريعه سحب ادم ايده من ايد امه وركض يجيبها..ادهم لما بشوف ابنه متجه على الشارع بيصرخ صوت هو وراكض..اداااممم وبسلم ضهره للسياره وبيحمي ابنه..وعد راكضه مصدومه كلشي صار بسرعه كبير....ادهممممممم..
السيارات كانت واقفه وادهم مرمي بأرضية الشارع ماسكه وعد ايد ادهم عم تصحيه ودموعها نازله على خدها وصايبتها نوبة هستريا... فيق ادهم لك قوم منشان الله ادهم ادهممممممم..اما ادم ماوقف بكه حاطط لعبته الرجل الألي بأيد ابوه عم صحيه..ادم ببكه: بابا قوم بس البرق بعيش فوق بسما نحنا بنعيش بلأرض..لما سمعت وعد ادم سحبته لاحضنها وباست راسه وبلشت تبكي بحرقة قلب..
بتوقيت عشرة وعشر دقايق خسرت وعد شخص غالي على قلبها ولي هو زوجها لتصير ارمله وتعيش حيات الارمله وياترى حيات الارمله رح تكون متل حيات باقي البنات ولا المجتمع رح يفرض عليها عادات وتقاليد ويقيد حريتها وشو موقف وعد وكيف رح تكمل حياتها وياترى
رح تتغلب على العوائق ولا للقدر كلام تاني وهاد الي رح نعرفه بكمالة قصتنا...
اردنا الذهاب لكن الى اين نذهب...اشباحهم تطاردنا..ضحكاتهم تضج المكان...رائحتهم مازالت عالقه في ثنايا ارواحنا...نقشناهم في صدورنا ف رحلو بعيدا وغادرو..ندباتهم باتت عالقه تنحت اجسادنا...تركوا داخلنا جراحا لاترممه السنين..جزء مني اختفى اندثر تلاشى..بات ماضي لتمحوه السنين ولكنه في الحقيقه حاضر يخلده قلبي..
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق