رواية حضن عشماوي الفصل الرابع عشر والخامس عشر بقلم الكاتبه حنان حسن حصريه وجديده على مدونة النجم المتوهج
 |
جعفر الي كان بيدعوني لممارسة الرزيلة معاه من شوية ..
وكمان كان بيطلب مني اني اق&تل محمد..
اتفاجئت انه (مطلعش جعفر)
ودا عرفتة لما يمني صاحبتي ورتني صورة جعفر الحقيقي (خطيب منال)
علي الفيس بوك
فا طلبت من يمني انها تاخدني لبيت منال صاحبتها عشان اتأكد من المعلومة بنفسي
وبالفعل خرجنا انا ويمني في الحال و عملنا زيارة لبيت منال
وهناك اتأكدت من منال ان جعفر خطيبها (مات محروق) في السجن من اسبوع
وبعدما ما اتاكدت من المعلومة رحعت علي البيت وانا بكلم نفسي
وحرفيا مبقتش فاهمة حاجة
لما جعفر مات في السجن؟
امال مين الشخص المخيف الي كان مطلع عين اهلي
وكان بيخيرني ما بين اني انام معاه او اق$تل محمد؟
دا اداني اكتر من امارة علي انه هو جعفر؟
التبرير الوحيد للي بيحصل دا
هو ان يكون جعفر لما لقي نفسة اتحبس ..
كلف واحد من المجرمين الي يعرفهم...
عشان يبتزني ويطلع مني بمصلحة
وطبعا المجرم الي انتحل شخصية جعفر
استغل المعلومات الي هو عارفها وخيرني ما بين قتل محمد ومبين اني اقيم معاه علاقة محرمة
وتلاقية كان فاكر اني هخاف اني امسك المسدس واقتل محمد
وهستسهل اقامة العلاقة ياها
لكن الي حصل اني مخوفتش وقتلتة بالمسدس بتاعة
ايوه بالظبط كده
هو دا التوقع المنطقي لسبب وجود منتحل شخصية جعفر
هنا
وبصراحة ارتحت بعدما توصلت للتوقعات دي
لان التوقع دا معناه..
ان جعفر وصاحبة المجرم ماتوا واخدوا السر بتاعي معاهم
للكاتبة..حنان حسن
وفي اللحظة دي
اتنفست بارتياح وحسيت اني اخيرا خلصت من مصدر التهديدات الي كانت منغصة عليا حياتي
وخرجت من غرفتي وروحت وروحت علي غرفة اميرة وانا بغني وسعيدة
ولما لقيتها ساكتة
ومش بتطردني كا العادة
دخلت علي ركن القهوة بتاعها
الي هي عاملاه في غرفتها
وعملت كوبيتين نسكافية
وقدمتة لها
وانا بقولها...عملتلك نسكافية بايدي يا ميرو
فا بصتلي اميرة بغضب
واخدت النسكافية ودخلت علي الحمام وسكبتة في الحوض
وبعدها رجعت تبصلي بغضب
وقالتلي...
يابرودك يا شيخة
بقي بتغني.. وليكي نفس تشربي نسكافية
وعايشة حياتك؟
ومحمد الي ضحي بنفسة عشانك مرمي في الحجز ومش عارفين مصيرة هيكون اية؟
فا رديت وانا ببتسم بهدوء
وقلت..غريبة انك زعلانة علي محمد
الي يشوفك من كام يوم وانتي بتغصييني علي قتل محمد
ميشوفيكيش وانتي محروقة عشانة دلوقتي اوي
فا بصتلي اميرة بعنيها الي مليانة غل
وهددتني
وقالتلي ..
علي فكرة انا ممكن اروح للبوليس حالا
واشهد عليكي واقولهم
انك قتلتي ابويا..
وقتلتي الهجام كمان
وساعتها محمد الي بيضحي بنفسة عشانك..هياخد روحك قبل عشماوي
فا ابتسمت تاني بنفس البرود وانا برد علي اميرة
وقلتلها...
اولا...
متخافيش علي محمد
لان موقفة من القضية معروف وهيخرج براءة في كل الاحوال
وبالنسبة لاعترافك عليا فا انا معرفش حاجة عن الي انتي بتقولية
ولو عندك دليل قدمية
بس خلي بالك اني انا ساعتها مش هسكت
وهسمع محمد التسجيل بتاعك اثناء اتفاقك معايا علي قتلة
للكاتبة ..حنان حسن
في اللحظة دي
التزمت اميرة الصمت
وفضلت تبصلي بغل بدون ما تتكلم
فا غيرت انا الكلام
وانا بحط كوباية النسكافية
علي التربيزة
وقلتلها..
ايه رايك يا اميرة
تعالي نصفي الي بينا ونحاول نعيش حياة هادية بدون منغصات
وانا اوعدك اني هبقي اخت تانية ليكي
فا بصتلي اميرة
وقالتلي..مفيش الكلام دا
احنا بينا دم يا شاطرة
ومسيري هاخد بثأر ابويا
وانا لو منك اخد ديلي في سناني واهرب بجلدي من البيت دا فورا
فارديت بنبرة كلها تحدي
وقلتلها..
بصي يا اميرة
البيت دا دلقوتي بقي بيتي انا
وطالما مش موافقة تعيشي معايا في سلام
يبقي متزعليش من الي جاي
وتركت اميرة في غرفتها
وانا متأكدة ان حقدها وكرهها ليا زادوا اضعاف
لكن برضوا مكنش شاغلني امر اميرة
لانها متعرفش ان الموبيل بتاعي ضاع
ولسة فاكرة اني مازلت ماسكة عليها التسجيلات الي بتدينها
للكاتبة ..حنان حسن
المهم...
رجعت لغرفتي وقفلت علي نفسي بالترباس.. ونمت لاول مرة وانا مرتاحة نفسيا ومطمنة
لكن ...بعدما روحت في النوم
صحيت تاني علي صوت بيهمس في وداني
وبيقولي...انا قرين سعيد
ولازم اخد بثأرة
فا فتحت عنيا بسرعة
واتفاجئت ادامي
بنفس الراجل الي كان منتحل شخصية جعفر
فا قمت قعدت علي سريري
وانا بقول ..اعوذوا بالله من الشيطان الرجيم
وكنت فاكرة نفسي اني بحلم بكابوس مزعج
او يمكن اكون اتأثرت بكلام اميرة فا بحلم بكلامها
لكن الغريبة
اني بعدما استعذت بالله من الشيطان
فضل جعفر المزيف ادامي برضوا
والاغرب انه كان بيردد نفس الجملة
وهو يقرب مني وكأنة بيستعد انه ينقض عليا
فا فضلت اصرخ
واستغيث برجال الامن عشان ينجدوني
واثناء ما كنت برقع بالصوت
دخلت اميرة علي صوت صراخي
وكان خلفها اتنين من رجال الامن الي شغاليين في الفيلا
وفي اللحظة دي
بصيت علي جعفر...
وقلتلهم..
الحقوني الهجام عايز يقتلني
فا فضلوا يبصوا في الاوضة
ويسألوني
ويقولوا...
هو خرج منين بالظبط؟
فا بصتلهم بتعجب
وقلتلهم...
مهو واقف ادامكم اهوه
في اللحظة دي
اتوعدلي جعفر
باشاارة من ايده
وبعدها...
فضل جعفر يرجع بضهرة للخلف
لغاية ما دخل جوه الحائط
وفي لحظة...
اختفي جعفر
فا رجعت اصرخ تاني
واقولهم..الهجام كان هنا
و لسة مختفي في الحيطة حالا
فسا وقفوا يسمعوا كلامي بدهشة
وهما بيمشوا الغرفة بعنيهم
وسالوني تاني
وقالوا..
هو فين الهجام
قلت..
اقسملكم ان الهجام لسة عايش
وكان معايا من شوية
لكن فجاءة
دخل جوه الحيط
للكاتبة..حنان حسن
فا اقتربت مني اميرة
وقالتلي..بطلي تخاريف بقي
وبلاش الكلام الاهبل ده ادام الامن... فضحتينا
فا فضلت اترعش وبصيت لاميرة وانا بعيط
وقلتلها..صدقيني يا اميرة
الهجام الي كان منتحل شخصية جعفر كان هنا
دا حتي قالي انه قرين سعيد جوز امي..
وكان بيهجم عليا عشان يقتلني لكن بمجرد ما انتوا ظهرتوا اختفي جوه الحيطة
بعدما اقسمت لاميرة
طبعا اميرة مصدقتش ولا كلمة من كلامي
وتركتني ورجعت لغرفتها
اما عن رجال المن
فا انتشروا في الفيلا
ومسحوا كل شبر فيها
وللاسف موجدوش اي حد غريب في الفيلا
وفي الليلة دي
انا اتحرم عن عنيا النوم
لغاية الصبح
وبمجرد ما الصبح طلع
لبست وخرجت امشي في الشوارع
لغاية ما جه الوقت الي اقدر اروح فيه للمحامي عشان اخده معايا وانا رايحة لقسم الشرطة
واول ما وصلنا للقسم
دخلت معاه لحضرة الضابط
واول ما حضرة الضابط شافني
سالني
وقالي..ازيك يا ملك
وبدل ما ارد
واقولة...
انا كويسة الحمد لله
استجمعت شجاعتي
وسالتة وانا بتلعثم في الكلام
وقلتلة...هو الهجام مات ولا اتصاب بس؟
فا رد الضابط عليا بسؤال
وقالي...
لية بتسألي السؤال دا يا ملك
فا رديت وانا بلخبط في الكلام
وقلت..عشان عايزة اطمن
لا لا..اقصد .. يعني
عايزه افهم؟
وبسرعة لحقت نفسي وصلحت الكلام
وقلت..
انا عايزة اعرف موقف محمد
في القضية دي ايه
اصل المفروض انكم اخدتوا الهجام بعدما اتصاب
ومش عارفة انتوا لحقتوا الهجام ولا اية؟
لانة لو مات محمد هيتوجه لة ادانة بالقتل
م الاخر
انا عايزة اعرف الهجام مات بالفعل... ولا لسة عايش؟
عشان اعرف محمد تهمتة ايه دلوقتي بالظبط
فا بصلي الضابط
وقالي..
الهجام مات من قبل ما محمد يتصل بينا يا ملك
واحنا متحفظين علي جثتة دلوقتي في المشرحة
فا بلمت والتزمت الصمت
بعدما اتأكدت من الضابط
ان الهجام مات بالفعل
وبعدما رجعت للبيت سردت لاميرة كل الي حصل
فا ردت اميرة
وقالتلي ...
عشان لما اقولك انك مختلة وكنتي بتخرفي تبقي تصدقيني
فا رديت وانا ماسكة راسي
وقلتلها..ايوه فعلا يظهر
ان كل الي انا شوفتة كان تهيؤات
وقبل ما اميرة تفتح معايا اي مواضيع تانية
سمعنا صوت جلبة وضجيج
بالخارج
وبعدها لقينا البواب
جاي يقولنا ان في حريق شب في غرفة الامن الي في الجنينة
فا خرجنا نجري انا واميرة
وشوفنا النار ماسكة في الغرفة بالفعل
ولما سالنا رجال الامن
قالوا انهم شافوا
رجل دخل للغرفة وقفل علي نفسة
ولما حاولوا يفتحوا عليه الباب
ولع في نفسة وفي الغرفة
فا اتصلوا بالمطافي وبالبوليس كمان
وبالفعل وصلت المطافي
وبدوا في اخماد الحريق
وقعدنا انا واميرة ننتظر رجال المطافي
ينتهوا من اخماد الحريق
عشان نشوف جثة الراجل الي شافوه رجال الامن
لكن...النار انطفئت
ومكنش في اي اثر للرجل المزعوم
فا صرخت في رجال الامن
وقلتلهم..
انا بتهمكم بالاهمال
فا رد واحد من رجال الامن
وقالي...
يا فندم احنا كنا بنشوف حاجات كتير غريبة بتحصل في الفيلا بس مكناش بنرضي نقولكم عشان متخافوش
وليالي كتير شوفنا نفس الراجل
الي دخل غرفة الامن وحرق نفسة
وهو بيتجول في الفيلا
لكن كل ما كنا بنوصلة كان بيختفي
فا استفزني التبرير الاهبل الي سمعتة
فا رديت علية بغضب
وقلت...
انت بقي عايزني اصدق الهبل دا؟
انتوا اكيد بتكدبوا
ونسجتوا رواية الراجل الي دخل الغرفة.. واشعل النيران
عشان تداروا علي اهمالكم
فا وافقتني اميرة الراي
وقالت...ايوه فعلا هي كلامها صح
وانا من بكرة هغير طقم الامن بالكامل
ووقفت اميرة تصرخ في وشهم
انا عني انا...
فا كنت بدات اصدق كلامهم
وشكيت يكون الراجل الي بيقولول عليه هو نفسة الهجام
لاني شوفتة بعيني
وهو بيختفي جوا الحيطة
للكاتبة ..حنان حسن
لكن ...
رجعت اكدب ظنوني
وقلت...
ازاي بس الهجام يطلع عفريت
هو في عفريت بيتضرب بالنار وبينزف دم؟
الهجام مات بمجرد ما اخد طلقة في بطنة
يعني العجلم بني ادم عادي
فا اية...؟
في اللحظة دي
لقيت نفسي قربت اتجنن حرفيا
وخصوصا . اني مريت بيوم طويل و مليان بتعب الاعصاب
واخيرا
قررت اريح دماغي
فا تركت اميرة بتوبخ في رجال الامن ...
ورجعت لغرفتي
لاني كنت محتاجة انام
عشان ارحم نفسي من كتر التفكير
وبمجرد ما دخلت غرفتي
استلقيت علي السرير بدون ما اطفي النور
لاني كنت مازلت خايفة بصراحة
المهم...
بعدما انتهيت من قراءة ايات من القران
روحت في النوم
وكنت بتمني
اني اتهني بالنوم لغاية الصبح
لكن...
قومت من النوم مفزوعة تاني علي صوت صراخ
بس المره دي
صحيت علي صوت صراخ
اميرة نفسها
والغريبة ان اميرة كانت بتنادي باسمي
وكأنها كانت بتستغيث بيا
فا ركزت مع الصوت
وكان الصوت جاي من ناحية غرفة اميرة
فا خرجت بسرعة وروحت علي اوضتها
وهناك لقيتها راكعة علي الارض
وهدومها عليها بعض الدماء
والغريبة..
انها كانت مثبتة نظرها لاعلي وكأنها بتبص لحد مش موجود في الاوضة
في اللحظة دي
شعرت بالرعب
فا سألتها بسرعة
وقلت...مالك يا اميرة
انتي بتكلمي مين وبتبصي لمين برعب كده؟
واية الدم الي في هدومك دا
فا ردت اميرة
وقالتلي
سعيد جوز امك
موجود معانا في الاوضة
فا بصيت حواليا
وقلتلها...
سعيد مين الي معانا ؟
سعيد مات من زمان يا اميرة
واحنا لوحدنا في الاوضة
ومفيش معانا اي حد
مالك يا اميرة
انتي تعبانة ؟ولا سخنة ؟
ولا اية؟
فا ردت اميرة وهي مرعوبة
وقالتلي ...سيبك من الاسألة دلوقتي واسمعيني
سعيد عايزني اعترفلك بالحقيقة كلها
وانا ناوية اطيع الاوامر
وعايزة اعترفلك اعتراف خطير
قلت..اعتراف اية؟
فا ردت اميرة
وقالتلي...عارفة مين جعفر الي امرك تزرعي المكرونة... وطلب منك تقتلي محمد... وتولعي في الفيلا كلها؟
فا رديت بمنتهي الفضول
وقلت ..مين؟؟؟
فا ردت اميرة
وقالتلي ...اقعدي يا ملك واسمعيني
لان في حكاية لازم تسمعيها
وبمجرد ما هتسمعي الحكاية هتعرفي
مين هو جعفر
وهتعرفي كمان اية السر في الي بيحصل دلوقتي
وبالفعل قعدت
وبدات اميرة تحكي روايتها
الي عرفت من خلالها فعلا مين هو جعفر
بس المره دي عرفت شخصية جعفر الحقيقية فعلا
وبدات اميرة في سردها للرواية
وقالتلي....
الحكاية بدات لما ........
الجزء الخامس عشر
اخيرا عرفت مين هو جعفر
الي كان مصمم علي انة والد الجنين الي في بطني
بالرغم من اني عمري ما شوفتة
والي طلب مني اكتر من مرة اني احرق الفيلا واخلصة من الناس الي فيها
وشخصية جعفر اتعرفت عليها بعدما استمعت لحكاية اميرة
الي هسردها لكم دلوقتي
واميرة بدات حكايتها وهي بتترعش و مرعوبة من شيئ خفي كانت شايفاة ادامها
وقالتلي ...
سعيد عامر طول عمرة بيجري وراء شهواتة...
وزمان لما كان لسة شاب صغير...
قابل بنت حبها وكان هيتجوزها بالفعل
لكن ..ساعتها البنت الي حبها اعترفت له بانها حامل من راجل غيرة ...
وفهمتة بان الحمل نتج عن عملية اغتصاب هي اتعرضت لها ...
وبمجرد ما سعيد عرف بانها حامل
لغي فكرة زواجة منها
لكن فضل يحبها برضوا..
وحماها من اهلها الي كانوا عايزين يقتلوها
و اخدها عنده في بيتة وعاشت عنده لغاية ما ولدت بالفعل
لكن...يوم الولادة..اتوفت حبيته بعدما تركت له البنت الي ولدتها
ووصيتة عليها
فا قام سعيد بدفن حبيبتة
واحتفظ بالبنت
بعدما قرر يتبني الطفلة..ويكتبها باسمة في اوراق رسمية
لكن بعد كام شهر
سعيد لقي نفسة محتاس بالبنت ومش عارف يرعاها
لوحده
فا قرر سعيد بانة يتجوز
وبالفعل..تزوج سعيد من فتاة اخري
الي هي (ام محمد )
وبرضوا فهم زوجتة ان البنت تبقي بنتة ومن صلبة
والبنت كمان كانت فاهمة انه ابوها
وفضل الحال علي كده سنين
وخلف سعيد من زوجتة الجديدة... محمد...وبعدها انجب فتاة اخري شقيقة لمحمد
وعاشوا الثلاث اطفال في البيت سنين مع بعض
لغاية ما البنت من التبني كبرت وبدات تتحدد ملامح انوثتها... واصبحت انسة
في الوقت دا بدأء سعيد يشوفها علي انها انسة جميلة وبدات نظرتة لها تختلف
ونسي خالص موضوع التبني
وقرر يعيش المتعة مع الانثي الي في بيتة
وعشان يجبرها علي مجاراتة
سرد لها حقيقة الامر
واعترف لها بانة مش ابوها
وخيرها...
ما بين انها توافق بانة يمارس معاها المتعه المحرمة في السر...ويتركها علي اسمة
فا ترثة بعدما يموت
واما ترفض فا يجردها من اسمة ويلقي بيها في الشارع
ويعرف الجميع بانها لقيطة
وفي الوقت دا البنت فكرت
ووجدت بانها لو رفضت اوامره هتترمي في الشارع وهتتغصب علي فعل الابشع من الي هتعملة مع سعيد
بينما لو وافقت فا هتفوز بالعيش في الفيلا وتتمتع بحياة الترف والاهم من دا كلة ان ..بعدما سعيد هيموت هتورثة
وفي اللحظة دي
وافقت البنت علي طلبات سعيد كلها
وابرمت البنت صفقة مع الشيطان
فا امام الناس كانوا يظهروا كا ابنة وابوها ...
اما فيما بينهم فا كانوا عايشين مع بعض في الحرام ويحدث بينهم ما يحدث بين اي زوج وزوجة
وبعد مرور فترة من الزمن
قررت البنت بالتبني انها تفوز بال البيت وعز سعيد لوحدها
وتبقي ست البيت
فا دبرت مكيدة
ووقعت بين سعيد وزوجتة
وفعلا نجحت المكيدة
وتركت زوجة سعيد الفيلا
واخدت اولادها وهربت لخارج البلد
وساعتها البنت افتكرت انها استولت علي البيت لوحدها اخيرا
وفعلا..
عاشت كام سنة في الفيلا
وهي صاحبة الامر والنهي في البيت
والعلاقة المحرمة مستمرة بينها وبين سعيد
لكن...الوضع ده مستمرش
واتاري سعيد كان حابب الوضع القديم
واستهوتة( فكرة ممارسة العلاقة المحرمة بسرية)
اثناء زواجة باخري
وفجاءة البنت
لقيت سعيد راح اتجوز
بس الجوازة الجديدة مكنتش فيها غريمة واحدة لها
دول كانوا اتنين
اصل سعيد اتجوز
واحدة ومعاها بنتها الشابة
وفي اللحظة دي
استوقفت اميرة عن الكلام
وقلتلها..واضح طبعا من قصتك
انك انتي البنت بالتبني
ودا معناه ان سعيد جوز امي مش ابوكي
فا هزت اميرة راسها
وهي بتعترف
وقالتلي...ايوه هي دي الحقيقة
واسكتي بقي عشان اكمل باقي الاعترافات قبل ما سعيد يخلص عليا
فا بصيت في الاوضة علي سعيد..
لكن ملقتش حد
فا استغربت..
وبدون ما اعلق
قلتلها...
ماشي كملي
وفعلا استأنفت اميرة
سردها للحقيقة
وقالتلي..
في ليلة وانا بمر من جنب غرفتك يا ملك
سمعت اصوات عندك بالداخل
فا اتسللت وفتحت الباب عليكي..
ويومها اتفاجئت
بان في علاقة محرمة بتجمع بينك وبين سعيد
واكتشفت ان سعيد بيمارس هوايتة المفضلة معاكي
زي ما بيمارسها معايا بالظبط
فا فكرت اني امسك عليكي ذلة
عشان اطيرك من البيت انتي وامك
لكن...كان لازم يبقي معايا دليل عليكي
فا قررت اني اهكر الموبيل بتاعك
عشان ابقي علي موبيلك
و اسجلك مكالماتك انتي وسعيد
لكن...بعدما ما هكرت الموبيل
بتاعك
اكتشفت انك بتكرهي سعيد
لدرجة انك بتتفق مع بلطجي ..عشان يخلصك منه
ولما سمعت كل المكالمات الي بينك وبين البلطجي
عرفت انك اتعرفتي علية من رقم غريب
باسم غادة الشفعي
..
فا عجبتني الطريقة الذكية الي اتعرفتي بيها علي جعفر البلطجي
وبصراحة... انا ساعتها كنت بتمني الم&وت لسعيد
اكتر منك بمليون مره
لاني كنت قرفت منه ومن ذلة
وكمان كان نفسي اورث بقي واعيش حره
وعشان كده
كنت بتمني ان جعفر يصدق معاكي ويقت&ل سعيد في الميعاد الي اتفق معاكي علية
وانتظرت زيك بالظبط
اني اسمع خبر سعيد
لكن..للاسف
اكتشفت ان جعفر نصب عليكي و اخد منك المقدم
وقفل الخط..ونفض لك
في اليوم دا
انا قررت اكمل خطتك
وبنفس الفكرة الي انتي كنتي ماشية فيها
بس التغير الوحيد
كان... في البلطجي
او بمعني اوضح
قررت استبدل القاتل المأجور بقاتل تاني غيرة
بنفس الخطة
وبسرعة استعنت بفكرتك
واثناء ما كنت بشتري المخ&درات بتاعتي كا العادة
قدرت اجيب رقم واحد هجام
واتصلت بالهجام بالفعل
وكان الاتفاق بيني وبينة...ان الدفع هيكون من خلال الموبيل
وبرضوا بدون ما الهجام يعرفني... ولا يعرف شكلي
وكررت معاه نفس اللعبة
الي عملتيها مع جعفر
بس انا عرفتة علي نفسي
باني..( سعدية الشغالة)
وطلبت منه يقتل سعيد عامر الي بشتغل عنده
وفهمتة..اني بعمل كده بدافع الانتقام
وسهلتلة الامر
ووعدتة باني هعطل الكاميرات
لكن تحسبا ...برضوا
طلبت منه يلبس نقاب وهو داخل للفيلا
وعرفتة...بان الدفع هيبقي فوري
لان الفيلا فيها شيئ وشويات
م الاخر
ثمن الق&تل...
كان المسروقات الي اخدها (بديل جعفر )
من الفيلا
وبالفعل...
نجح بديل جعفر في قتل سعيد
وساعتها انا كنت حققت هدفين
اولهم...اني خلصت من سعيد
والثاني ..هو اني انتحل شخصية جعفر عشان استغلك يا ملك
واخليكي تخلصيني من محمد الي طلعلي فجاءة
وابقي انا بعيد عن اي شبهة
في اللحظة دي
بصيت لاميرة بدهشة
وقلتلها...
يعني علي كده
انا مقتلتش سعيد
و انتي يا اميرة الي قتلتي سعيد جوز امي ؟
ورجعت فكرت تاني
وسالتها
وقلت...بس ازاي بتقولي انك انتي جعفر؟
و جعفر كان بينسب الحمل الي في بطني له
وكمان جعفر كان بيطلب مني اني احتفظ بالحمل
ولية كنتي عايزاني افهم ان الحمل من جعفر؟
ولية كنتي بتطلبي مني احتفظ بالحمل وايه مصلحتك في كده؟
ولية........؟
وهنا وقفتني اميرة
و ردت عليا
وقالتلي ........؟
يتبع
تفاعل كبير علشان الجزء الاخير
واللي مستعجل طلب صداقه او متابعه
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق