رواية تحت أمر الحب الفصل الثاني والثلاثون والثالث والثلاثون والرابع والثلاثون والخامس والثلاثون والاخير بقلم الكاتبه شيماء صبحي حصريه وجديده في مدونة النجم المتوهج
 |
اتجه رشاد علي المستشفي وهو مصدوم من كلام اخوه ليه ومش قادر يستوعب ان داليدا مطلعتش حامل كل الوقت دا وكان المرض الوحش بياكل في جسمها!
صوت عمار كان بيتردد في دماغه وهو بيقول:الدكتور شاكك ان عندها سر”طان وقال ان التحاليل والاشعات هيا اللي هتظهر كل حاجه ؟
رشاد قرب من الاستقبال وقال:فين غرفة داليدا؟
البنت بصتله باستغراب وقالت:داليدا مين يا فندم؟
رشاد طلع تيلفونه واتصل بعمار وقال:انتوا في غرفة كام!
عمار قال::.209 …رشاد قفل معاه وبص للبنت وقال:هما في غرفة209
البنت بصت في الكومبيوتراللي قدمها وكتبت رقم الغرفه ولما ظهر بينات الاشخاص اللي فيها قالت:حضرتك تقصد عمار الصاوي ومدام داليدا يوسف ؟
رشاد هز راسه والبنت هزت راسها ليه ووقفت وقالت:اتفضل معايا يا فندم؟
رشاد مشي وراها وهيا اتحركت لداخل قسم الغرف الخاصه وشاورتله علي الغرفة اللي فيها عمار وبعدها مشيت؟
رشاد خبط علي الباب وبعدما عمار فتحله قال بتساؤل: طمني داليدا عامله اي دلوقت؟
عمار قرب من سرير داليدا وهو باصص عليها وقال:مستنينها تفوق علشان الدكتور يبلغها ؟
رشاد ضم حاجبه وقال: بس انتوا هتعرفوها ازاي اكيد الخبر هيكون صعب عليها!
عمار بصله وقال:انا اتكلمت مع دكتور هاني وقالي الافضل اننا نعرفها الحقيقه من الاول علشان كل ما نستهون بالموضوع علشان صدمتها هيقلب ضدها !
رشاد بص علي داليدا بحزن وقال: بس ازاي مكنتش تعرف ان دا مش حمل مش هيا جراحه واكيد فاهمه اعراض المرض دا ؟
عمار بص علي داليدا ودقق في ملامحها ورجع بص لأخوه وقال:مش عارف يا رشاد بس هيا كانت بتخليني احط ايدي علي بطنها علي اساس يعني انها حامل فاكيد مكنتش تعرف انه المرض!
رشاد هز راسه وقال: بس الموضوع غريب اوي مش معقول يعني تبقي حامل وفجاه كده تطلع مش حامل انا مش قادر استوعب مبالك هيا !
عمار اتنهد بتعب واول ما بص عليها لقاها بتفتح عينيها بالراحه قرب منها بلهفه وقال:داليدا؟
داليدا كانت بترمش بتعب واول ما فتحت عينيها شافته واقف قدامها فقالت بحزن:انا فين ؟
عمار مسك ايديها وقال:متقلقيش انتي في المستشفي..
داليدا ضمت حاجبها باستغراب وبصت حواليها شافت انها فعلا في مستشفي ولما لفت الناحيه تانيه لقت رشاد واقف يبص عليها وعلي ملامح وشه الحزن..
حطت إيديها علي السرير وبدات تحرك جسمها علشان تقعد ولاكن عمار وقفها وقال:استريحي يا داليدا انتي محتاجه ترتاحي..
داليدا حركت راسها بالرفض وقالت:مش فاهمه ارتاح ليه انا كويسه وبعدين انا عايزة امشي من هنا انا مبحبش النوم علي السرير دا بالذات؟
عمار هز راسه بتفهم وقال: دي اوامر الدكتور استني بس لما يكشف عليكي الاول ويطمنا وبعدها نشوف لو ممكن تروحي او لا ..
داليدا مكنتش فاهمه ايه اللي بيحصل حواليها ولاكنها اول ما افتكرت اللي حصل معاها امبارح وهجوم الشخص دا عليها قالت بتساؤل :هو ايه اللي حصل امبارح ومين الشخص اللي حط المنديل علي وشي..
عمار بصلها وقال: مفيش حاجه حصلت دي واحده مجنونه كانت عايزاكي تعالجي اخوها؟
ضمت حاجبها بضيق وقالت:المفروض اني اصدق الكلام دا!
عمار اتفاجئ من ردها عليه فكان لسه هيرد عليها رشاد اتكلم وقال:عمار عنده حق يا داليدا دي فعلا بنت مجنونه لما مسكانها قالت انها عملت كده علشان اخوها كان مريض عندك ومن وقت ما انتي سيبتي المستشفي كان رافض حد غيرك يعالجوا وكانت جايه تخطفك يعني علشان تعالجي اخوها بس خلاص احنا اتصرفنا معاها واهم حاجه دلوقت انك بخير؟
داليدا بصتله باستغراب وهزت راسها وقبل ما تقوم كان الدكتور دخل عليهم الاوضه وقال:السلام عليكم
عمار لفله وقال: وعليكم السلام اتفضل يا دكتور؟
الدكتور بص لداليدا وابتسم وقال:حمدلله علي سلامتك يا دكتوره .
داليدا بصت للدكتور وقالت بتساؤل:هو انا كان مالي يا دكتور ؟
الدكتور قرب منها وقال بابتسامه : كنتي واخده مخدر قوي بس الحمدلله انتى دلوقتي بقيتي بخير..
داليدا هزت راسها وقالت:طيب انا متشكره اوي يا دكتور بس انا عايزه امشي لاني مبحبش نومة السرير دا ؟
الدكتور بص لعمار ورشاد وبعدها قال:طيب يا دكتوره بس انا محتاج اتكلم معاكي الاول قبل ما تمشي.
عمار غمض عينيه وبعدها هز راسه للدكتور يكلمها والدكتور قرب منها وقال:بصي يا دكتوره داليدا انا عارف ان اللي هتسمعيه دا هيكون صدمه كبيره عليكي ولاكن انا بطلب منك تستقبليه ك دكتوره مش مريضه.
داليدا هزت راسها وقالت:اتفضل يا دكتور!
الدكتور اخذ نفس وقال:انا الاول عندي ليكي سؤال :لما حضرتك عرفتي انك حامل انتي اللي اكتشفتي بنفسك ولا في دكتور نساء ساعدك!
داليدا :اكتشفت بنفسي ولاكن علشان اتاكد روحت لدكتور !
الدكتور هز راسه وقال:طيب يا دكتوره انا لما كشفت عليكي في القصر لما كنتي متعرضه للمخدر اكتشفت انك مش حامل؟
داليدا ضمت حاجبها باستغراب وقال:مش حامل؟ يعني ايه مش حامل؟
الدكتور قعد علي الكرسي المقابل ليها وقال:في الحقيقه انا شاكك انك مريضه ب بسر”طان الر’’حم وعلشان اتاكد من شكي دا محتاج منك تعملي شويه تحاليل واشاعات علشان نطمن عليكي ولو فعلا موجود نقدر نعالجه من دلوقت لانه لسا في المرحلة الأولي..؟
داليدا فضلت ساكته لحدما الدكتور خلص كلامه فبصت لعمار وقالت: ممكن امشي من هنا يا عمار لو سمحت!
الدكتور بصلها بحزن وقال:انا مقدر صدمتك بس انا عارف انك دكتوره فاهمه وعارفه ان الطب اتقدم بكتير و كل حاجه بق ليها علاج؟
داليدا قامت من علي السرير وقالت: انا اسفه يا دكتور بس الكلام اللي حضرتك بتقوله دا مش منطقي انا سمعت صوت نبض الطفل وكمان ظهرلي شرطتين حُمر في اختبار الحمل ؟
الدكتور مسك ايديها وقال:يا دكتوره اعراض سر”طان الر’’حم بتبقى كل نفس اعراض الحمل وطبيعي ان يظهر شرطتين في الاختبار لان الرحم بداخلة ورم فبالتالي دكتور النساء هيظهرله علي السونار وجود طفل بس انا بقولك الاشاعات والتحاليل هيا اللي هتثبت لو فعلا المرض موجود!
داليدا دموعها نزلت وهيا مش قادرة تصدق كلامه فهزت راسها وقالت:يعني انا مطلعتش حامل كل دا ؟
عمار قرب منها وقال:داليدا اسمعي كلام الدكتور وبعدين انا مش هسيبك وهفضل معاكي لحدما تكوني بخير؟
داليدا بصتله وقالت:يعني انت مصدق كلامه!
الدكتور بص لعمار وقال:انا قولتلك يا عمار باشا انه مش هيكون سهل ابدا عليها لان بصراحه اللي هيا اتعرضتله مش سهل علي اي واحده بس اتمني انكم تاخدوا القرار في أسرع وقت لان كل ما انجزنا هيكون في صالحها ووقتها هنقدر نلحق الرحم قبل ما يتدمرولاكن لو اتاخرنا دا هيقلب ضدها وممكن تدخلي لمرحله تانيه ودي هتكون اخطر !! فـأنا اتمني منك يا دكتوره تفكري كويس وداهيكون قرارك في النهايه؟
الدكتور قال كلامه وخرج من الغرفة وفضلت داليدا واقفه مش مستوعبه اللي سمعته بصت لعمار وقالت:اكيد دي كدبه، اكيد دي مش حقيقه،مش معقول اكون مش حامل!
عمار ضمها لصدره وقال:اهدي يا داليدا انا عارف انك قويه ! وعارف انك قدها بس علشان خاطري فكري في كلام الدكتور !
داليدا اخدت نفسها بصعوبه وبصت علي رشاد اللي واقف ساكت واول ما رشاد بص في عيونها قال:احنا جمبك يا داليدا وهنكون معاكي لحظة بلحظة مش هنسيبك ابدا ارجوكي فكري في كلام الدكتور كويس؟
داليدا بعدت عن عمار وقالت:انا هرجع شقتي انا عايزه اعيش هناك لو سمحت رجعني بيت اهلي انا محتاجه اكون لوحدي؟
عمار بصلها برفض وقال:لا يا داليدا انا قولت مش هتروحي هناك تاني؟
رواية تحت أمر الحب بقلمي شيماء صبحي
داليدا اخدت نفسها بصعوبه وقربت منه وقالت:وانا مش هسمع كلامك تاني متنساش اني قولتلك كده امبارح!
عمار اتنهد وهز راسه وقال:طيب اهدي وخلينا نتفاهم!
داليدا سابته وخرجت وهو قام و خرج وراها ..
كانت بتفكر في كلام الدكتور وبتحط ايديها علي بطنها كانت لسه منفوخه فاول ما ضغطت عليها لقتها لينه فدموعها نزلت بغزاره لان كلام الدكتور صح لان فعلا لو في طفل مكنتش بطنها هتكون لينه بالشكل دا لما ضغطت عليها..
عمار حط ايديه علي ضهرها وحط ايديه التانيه عند رجليها ورفعها وضمها لصدره وقال:مدام مش حابه تروحي القصر عندي مكان هادي اعتقد انه هيعجبك!
داليدا بصت في عينيه وبدات تعيط ،عمار ضمها اكتر لصدره علشان تسند دماغها عليه واول ما داليدا سندت دماغها حضنته جامد وبدات شهقاتها تعلي وكانت بتتكلم وبتقول: انا محتاجه انام مش عايزه اسمع الكلام دا تاني قولي انه كذب!
عمار كان ماشي بيها في المستشفي وعيون الممرضات عليهم وهوا شايلها وكانوا بيهتفوا ولاكن كلامهم مش مسموع ،داليدا كانت ساكته علشان تسمع رده عليها ولاكنه مجاوبش فكملت عياط لحدما هوا كان خرج برا المستشفي وحطها في العربيه وقعد وبعدما اتاكد انها قاعده مرتاحه طلع تيلفونه واتصل علي رشاد وقال:انت مجتش ليه؟
رشاد :انا عربيتي برا خدها امشوا انتوا وانا هحصلكم!
عمار هز راسه وقال:طيب يا رشاد انا هاخد داليدا وهنروح للفيلا الخاصه بتاعتي علشان اعصابها تهدي شويه ولو حصلت اي حاجه ابق بلغني بيها علي التيلفون؟
رشاد:طيب اهم حاجه خلوا بالكوا من نفسكوا!
عمار ابتسم وطمنو وقفل معاه!
اتحركت عربيه عمار وداليدا وفضل رشاد واقف قدام المستشفي بيفكر هيعمل ايه مع زين هل هيبلغه بمرض داليدا ولا هيطلب منه يكمل اتفاقهم ويسافر؟
بعد وقت كبير من التفكير كان لسا رشاد واقف مكانه بدات السماء تنور نور بسيط ،بص رشاد في ساعته لقاها:٥ صباحا قرب من عربيته وركب وبعدها اتحرك في اتجاه القصر؟
وبداخل الفيلا الخاصه بعمار ،كان واقف بيجهز عصير لداليدا علشان اعصابها تهدي وكالعاده داليدا خرجت من اوضتها وقربت منه واول ما شافها قال:خرجتي من الاوضه ليه!
داليدا بصت للعصير اللي جهزه وقالت:انا مطلعتش حامل!
عمار ساب اللي فى ايديه ولفلها وقال:ايوا؟
داليدا بلعت ريقها وقالت:يعني دلوقت مفيش اي حاجه تربطني بيك صح!
عمار ضم حاجبه وقال:مش فاهم انتي عايزه تقولي ايه!
داليدا قربت منه وقالت:عايزه اقول انك مش مجبر تساعدني او تتعب نفسك علشاني ،انت قولت ان أول ما هخلف هطلقني ف دلوقت مفيش طفل يعني..؟
عمار قاطع كلامها بحديه وقال:مش هطلقك يا داليدا ومتجبيش سيرة الطلاق علي لسانك تاني؟
داليدا بصتله وسكتت وهو مسك كوبايه العصير وقال/انا قولت كده علشان انتي اتهمتيني بحاجه انا معملتهاش ولاكن انا اتجوزتك علشان انا بحبك فعلا مش علشان الطفل او علشان في ناس هتأذيكي زي ما كنت قولتلك ،كل الحكايه اني وقعت في حبك من اول ما شوفتك!
داليدا قلبها دق بسرعه من كلامه واعترافه ليها خلاها تنسي كل حاجه حواليها بصتله وقالت:يعني انت بتحبني!
عمار رجع العصير مكانه وقرب منها وقال:لو مش بحبك مكنتش اتجوزتك او بمعني اصح تممت جوازي منك؟
داليدا بلعت ريقها وقالت:بس انت ..؟
اشششش مش عايز اسمع اي حاجه من اللي عدت دي يا داليدا انا عايزك تكوني بخير وبس ارجوكي لو شايفه ان حياتك مش فارقه معايا تبقي غلطانه ،لاني معرفتش معني الحياه غير بوجودك انتي يا داليدا،ولو كنتي حامل او لأ انا اهتمامي الاول والاخير كان ليكي؟
داليدا بصت في عينيه ودمعة نزلت غصب عنها قالت بابتسامه:انا كنت فاكره انا كل اللي فارق معاك هو انك تاخد غرضك ولما كنت فاكره اني حامل وانت عرفت حسيت ان الحمل كان همك أكتر مني ولاكن مجاش في دماغى قبل كده انك بتهتم بيا للدرجادي..؟
عمار قرب منها وحط ايديه علي وشها بحنيه وقال:يمكن عملت حجات كتير وحشه في حياتي بس لما انتي دخلتي حياتي كنت مستعد اتغير علشانك، علشان بس تحبيني ؟
داليدا اخدت نفسها بصعوبها لان قلبها كان بيدق بسرعه وهوا كان بيبص في عينيها بنظرات حلوه فمقدرتش تقاوم اللي بيحصلها وقبل ما تبعد عنه قرب منها عمار وطبع قب”له علي شفا”يفها وبعدما بعد عنها قال:خليكى كويسه علشاني ،علشان لو حصلك حاجه مش عارف هقدر اعيش ولا لأ بس انا واثق اني مش هقدر..؟
داليدا بصتله بحب وهزت راسها ..
عمار رجع مسك كوبايه العصير وحطها عند شفايفها وقال:اشربي علشان تهدي!
داليدا هزت راسها وشربت العصير وهوا كان لسه ماسك الكوبايه رغم انها حطت ايديها علشان تمسكها ولاكنه رفض يبعد ايديه!
داليدا خلصت الكوبايه ومسحت باقي العصير من علي شفايفها وبعدها بصتله وقالت:هو انتوا عملتوا فيها ايه!
عمار بتساؤل:هى مين؟
داليدا:البنت اللي هجمت عليا..!
عمار بص للسقف وسكت وهيا قدرت تفهم من سكوته ان البنت مبقتش عايشه فقالت بصدمه:قت”لتو…!!!
عمار قاطعها وقال:معرفش بس اكيد رشاد اتصرف معاها؟
داليدا هزت راسها وهوا قرب منها وشالها وقال:تعالي علشان نقعد في الجنينه شويه يمكن نقدر نفكر تاني؟
داليدا ابتسمت علي كلامه واول ما وصلوا الجنينه بصت لشكل الورد والشجر وابتسمت لان المنظر دا بيفكرها باليوم اللي وقفت فيه مع مسعد في جنينة المستشفي وفي اليوم دا اخدت قرار بتغير حياتها في انها تتغلب علي عقدتها من دخول غرفة العمليات وبسبب وجود رشاد وقتها مكنتش هتتغلب علي خوفها!!
داليدا بصت لكل الجنينه وغمضت عينيها وكأنها سامعه صوت الطبيعة اللي بتبلغها تتغلب علي المرض دا علشان تقدر تعيش حياتها بسلام!!
عمار كان شايفها وهيا مغمضه عينيها وبتستنشق رائحة الزهور باستمتاع وبعد وقت طويل كانت داليدا بتستجم فتحت عينيها وبصت لعمار وقالت:انا مستعدة ..!
عمار بصلها بتساؤل وقال:مستعدة لأيه!
داليدا: اتعالج؟
عمار ابتسم وقال:كنت واثق انك قويه وطلع عندي حق..؟
داليدا إبتسمت وقربت منه وقالت: خلينا قاعدين هنا شويه المكان هنا حلو..!
عمار هز راسه بابتسامه وقال:طيب خليني اقوم اكلم دكتور هاني وابلغه بموافقتك علشان اعرف منه هنبدأ امتي..
داليدا هزت راسها وعمار وقف ودخل علشان يجيب تيلفونه واول ما سابها داليدا بصت للسماء وقالت بهمس:حاسه ان كل اللي حصلي دا كان في صالحي لان لولا وجود رشاد وقتها مكنتش هتغلب علي كسر عقدتي ولولا وجود البنت دي مكنتش هعرف ان عندي السر”طان!
حمدت ربها ان لولا ترتيباته ليها كانت حياتها هتكون في خطر فعلا ووجود عمار في حياتها كان علشان يحبها بجد ويفضل جمبها؟
انتهي عمار من مكالمته مع الدكتور ورجع لداليدا تاني وقال:الدكتور قال هتروحي بكره علشان تعملي التحاليل والاشعات ف لو بكره مش مناسب انا ممكن اطلب منه نغير الميعاد؟
داليدا هزت راسها بالرفض وقالت:لا لا الميعاد مناسب ..
عمار هز راسه وقرب منها وعلي وشه ابتسامه وهي اول ما مسك ايديها بصتله بابتسامه وبصت للسماء وقالت:الحمدلله علي كل شئ !
اكيد كل حاجه خير ليا بس بصراحه كنت خايفه اوي..
قالت كلامها بتوتر ولاكن لما عمار ضمها ليه حست بالإطمئنان الشديد وسندت راسها عليه!
يتبع بقلمي شيماء صبحي
اتمني من كل شخص كان بيتابع معايا الروايه ووصل لحد هنا (احمد ربنا علي اي حاجه ربنا بيديهالك لأنك فعلا مش عارف الخير فين ولو حسبناها هنلاقي ان إختيار ربنا لينا دايما كان الافضل فـ متزعلش لو لقيت الدنيا مقفله في وشك فجأة لان دا لو مكنش خير ليك مكنش ربنا حطهولك كإختبار ! واعرف دايما انك لما تصبر هتلاقي الابواب المناسبه اتفتحتلك وافتكر دايما الآيه دي
( "وعسى ان تكرهوا شيئاً وهو خيرٌ لكم وعسى ان تحبوا شيئاً وهو شرٌ لكم والله يعلم وانتم لاتعلمون".)
انا حبيت اوصل رساله للجميع بإن إختيار ربنا هيفضل الاحسن لينا حتي لو كان صعب اننا نتقبله ولاكن لما ينتهي هنعرف ان ربنا لطيف جدا بعبادة وهو رحيم بينا وبقلوبنا وربنا أكبر من كل أزمه او ضيق بنمر بيه وان شاء الله كل عُسر وبيجي ورا يُسر❤️ لنا ولكم صلاح الحال ان شاء الله أشوفكم في البارت الجاي وجميعنا في أحسن حال )
#الفصل_33
#تحت_أمر_الحب
#الكاتبة_شيماء_صبحي
في صباح يوم جديد صحي عمار وهو بيبص علي داليدا وعلي ملامحه ابتسامه جذابه ،قرب من شعرها ومسك خصله استنشقها بحب كبير وهو مبتسم ،لمس خدها وهو مبسوط لانه اعترفلها امبارح بمشاعره وفي نفس الوقت كان فرحان ان داليدا اخدت قرار العلاج وفي الوقت اللي حركت داليدا راسها فيه وبأت تفتح عينيها أخد عمار عهد علي نفسه انه هيفضل جمبها وهيكون معاها لحظه بلحظة ومش هيسيبها أبدا ولو طلبوا منه روحه قصاد انها تعيش هيوافق..
داليدا فتحت عينيها واول ما لقته بيبصلها ابتسمت وحطت ايديها علي خده برومانسيه وقالت:صباح الخير..
عمار هز راسه بابتسامه وقال:صباح النور يا حبيبتي بس هو ازاي محدش قالي ؟
داليدا ضمت حاجبها باستغراب وقالت:محدش قالك ايه!
عمار قال وهو بيبصلها بحب كبير واضح في عيونه :انك جميله اوي يا داليدا.
داليدا خجلت من كلامه فهزت راسها وقالت: يعني انت شايفني جميلة!
عمار هز راسه وقال:طبعا أجمل واحده شوفتها في حياتي ومتأكد اني مش هشوف زيك تاني..
داليدا ابتسمت علي كلامه ورفعت حاجبها بمشاكسه وقالت: مش هنقوم بق علشان نشوف ورانا ايه؟
عمار حرك راسه بالنفي وقرب من شفايفها قب”لها بلطافه وبعدها قال:انا مش عايز اقوم من هنا عايز افضل بس أبص في عيونك وابو”سك ؟
داليدا وشها احمر جدا من كلامه فبعدته بإيديها الاتنين عنها وقامت بسرعه جريت لخارج الأوضه ،عمار كان بيبص عليها وبيضحك فرجع بضهره علي المكان اللي كانت نايمه فيه وبص للسقف واخد نفسه براحة وبعدها قام تاني لما لقاها بتنادي عليه..!
في الفندق
صحي زين علي صوت خبط علي الباب ،فتح عينيه بضيق وهو بيبص حواليه ،الباب خبط تاني فقام وهو بيمسح علي وشه وبيقرب من الباب واول ما فتحه لقي رشاد واقف قدامه وبيقول:صباح الخير يا استاذ زين؟
زين غمض عينيه وفتحها تاني وقال:رشاد اتفضل…
رشاد دخل وهو بيبص علي الجناح وبيقول:يارب يكون المكان عجبك..
زين هز راسه وقال:انا متشكر جدا ليك يا رشاد وان شاء الله اردهالك في حاجة كويسه..
رشاد لفله وبصله وقال:انا اللي متشكر انك سمعت كلام داليدا ومشيت ..زين بصله بانتباه وقال: انا مش فاهم ليه اخوك مش عايزني اشوفها تاني انت فاهم يعني ايه ابعد عنها ومكلمهاش تاني..؟
رشاد بصله برفع حاجب وقال:اسمع يا زين الكلام اللي هقلهولك دا كويس ،موضوع الكبير دا خلاص انتهي يعني تقدر تكمل حياتك وانت مطمن..!
زين بصله بفضول وقال:يعني ايه انتهي ؟
رشاد لف جسمه وقال:يعني تقدر تقرأ عليهم كلهم الفاتحة..
زين رفع حاجبه باستغراب وقال:لا حول ولا قوة الا بالله ازاي بس مين اللي خلص عليهم..
رشاد لفله وقال: ميخصكش المهم دلوقت تنفذ اتفاقنا انا قولتلك هخلصك منهم مقابل انك تسافر واتفضل دا شيك بـ2 مليون جنيه تقدر تصرفه قبل ما تسافر من اي بنك المهم دلوقت انك تمشي من البلد ..؟
زين بص للشيك اللي في ايديه وقال:وليه امشي من مصر انت فاكر ان بسفري داليدا هتنساني؟
رشاد ابتسم بسخريه وقال:وانت فاكر ان داليدا هتحميك من الحكومه انت مجرم ؟
زين اتصدم من كلامه فبص تاني للشيك اللي في ايديه واخده منه وقال:اعتبرني سافرت ؟
رشاد بصله من فوق لتحت وقال: دا هيكون اخر كلام ليا معاك بس انا لو شوفتك في مصر تاني مش هيكفيني فيك طلقه ؟
زين لف بجسمه وقرب من السرير أخد علبة السجاير بتاعته وبعدها بص لرشاد وقال:وانا وافقت علي كلامك بس قبل ما امشي عايز اشوف داليدا للمرة الآخيره!
رشاد هز راسه بالرفض وقال:مش هينفع ؟
زين:ليه ؟
رشاد:داليدا مسافره مع جوزها ومعندهاش وقت تشوفك؟
زين بصله وهز راسه وقال:طيب خلوا بالكوا منها علشان هيا ملهاش حد تاني غيري؟
رشاد هز راسه وقال:متقلقش داليدا في آمان طول منت بعيد عنها...؟
زين هز راسه بحزن وخرج من الجناح وفضل رشاد واقف مكانه ومش قادر يستحمل كل اللي بيحصل حواليه..
دخل رشاد للحمام وغسل وشه بمايه ساقعه وبعدها بص للمرايه وقال:ياتري يا داليدا هنسامحيني ولا لأ؟
قال كلامه ونشف وشه بالمناديل وبعدها خرج من الاوضه واتجه للريسيبشن وادالهم المفتاح وبعدها خرج من الفندق وركب عربيته ومشي.؟
وعند زين ركب تاكسي وطلب من السواق يوديه لأقرب بنك من المكان اللي هما فيه والسواق بلغه ان في بنك قريب منهم علي مسافه عشر دقايق ..زين هز راسه وطلب منه يوصله هناك، سواق التاكسي هز راسه بالموافقه وبعدها اتحرك!!
*في منزل دنيا*
صحيت وهيا بتبص في تيلفونها وعلي ملامح وشها القلق قالت بهمس:ياتري انت عامل ايه يا رشاد معقول زعلان مني علي اللي حصل امبارح ؟
جميلة دخلت عليها الأوضه وقالت:ماما ماما انكل رشاد برا..؟
دنيا بصتله بصدمه وقالت:بجد ولا بتصحكي عليا؟
جميله هزت راسها وقالت بابتسامه : بجد برا وحتي هو طلب مني اندهلك علشان عاوزك ضروري..؟
دنيا قامت بسرعه وخرجت من اوضتها متجاهله تماما انها لابسه بيجاما قصيرة وتفاصيل جسم”ها باينه ..!
دنيا قربت من رشاد اللي قاعد مع والدتها وبيتكلموا وقالت بقلق:رشاد انت كويس ، ليه مبترودش علي اتصالاتي من امبارح..؟
رشاد رفع عينيه عليها وأول مشافها واقفه قدامه باللبس دا خفض وجهة بسرعه وقال:ايه اللي انتي لبساه دا يا دنيا؟
دنيا بصت لنفسها وشهقت بصدمه وهيا بتجري علي اوضتها وبتقول:يا نهار اسود؟
دخلت اوضتها بسرعه وهيا بتقول:شافني من غير الحجاب شاف جسمي؟
جميله قالت وهيا واقفه وراها: بس انتي الي خلتيه يشوفك كده يا ماما؟
دنيا بصتله بصدمه وقالت:انتي شايفة ان انا اللي غلطانه،،،جميله ابتسمت وقالت بطفوله:معرفشي.
دنيا بصتلها بغيظ وقربت من الدولاب خرجت منه إسدال ولبسته بسرعه وبعدها خرجت وهيا خجلانه لان رشاد شافها وهيا بشعرها ونص جسم”ها يعتبر باين؟
ام دنيا بصت لبنتها وضحكت وهي بتقول:هي دي بوسي هي دي ملاك الرحمه؟
-ماما؟؟؟ دنيا قالتها وهيا بتبص لأمها بعيون واسعه ولاكن رشاد كان بيبتسم..
رشاد بصلها وقال:تعالي اقعدي انا اللي اسف علشان خليتك تقلقي عليا؟
دنيا قربت منه بخجل وقالت:اهم حاجه انت كويس؟
رشاد بصلها بحب وهز راسه وامها اول ملاحظت انه عايز يقعد مع دنيا لوحدهم قالت :انا هقوم اعملكم عصير!
رشاد بص لمامت دنيا بابتسامه واول ما اتاكد انها خرجت قرب من دنيا ومسك ايديها وقال:دنيا !
دنيا بصتله بانتباه وقالت:نعم!
رشاد بلع ريقه وقال:عندك وقت نتكلم شويه!
دنيا هزت راسها وقالت:ايوا طبعا بس قولي انت كويس..؟
رشاد حرك راسه بالرفض وقال:لا محتاج اتكلم معاكي ..دنيا ابتسمت وهيا بتضغط عليه ايديه وقالت:حابب نروح مكان معين ولا نفضل هنا..
رشاد اخد نفس طويل وقال: لا ممكن نروح مكان نكون فيه لوحدنا ؟
دنيا بصتله بتفكير وبعدها قالت:طيب خليني اقوم اغير هدومي بسرعه ولا اجي معاك بالاسدال؟
رشاد ابتسم وهيا وقفت وقالت بابتسامه:مش هتاخر انت عارفني بجهز في خمس دقايق..
رشاد ابتسم علي طريقتها اللي ديما بتخليه مبسوط فهز راسه ليها وهيا مشيت بسرعه ودخلت أوضتها وقبل ما تقفل الباب شاورتله بابتسامه وغمزتله بمشاكسه..،رشاد ابتسم ورفع ايديه شاورلها وهيا قفلت الباب..
مامت دنيا خرجت وهيا شايلة صينيه عليها كوبيتين عصير قربت منه وقالت:اتفضل يا حبيبي رشاد بصلها بابتسامه واخد كوبايه عصير وقال:شكرا يا ماما !
مامت دنيا ابتسمت وطبطبت بايديها علي كتفه بحنيه وقالت:ربنا يحفظك يا حبيبي .
رشاد ابتسم وهز راسه واخد رشفه من العصير وبعدها قال بابتسامه:تسام ايدك العصير حلو اوي..
مامت دنيا ضحكت وقالت:بس دنيا اللي عملاه..
رشاد ضحك وقال:بس انتي اللي جبتيه ..
مامت دنيا ابتسمت وهو بصلها بكل حب لانه فعلا بيحبها من كل قلبه لانها بتعامله بحنية الأم ودا إحساس هو مفتقدة من سنين..؟
دنيا خرجت وهيا بتحط دبوس الطرحة وبتقول:انا خلصت خلينا نمشي..
رشاد انتبه ليها وهز راسه وبص لمامتها وقال:انا بستأذنك ياماما هاخد دنيا مشوار معايا لانها الوحيده اللي هتقدر تساعدني..
مامتها ابتسمت وقالت:طيب يا حبيبي اهم حاجه خلي بالك منها..
دنيا بصتله وابتسمت وهو بصلها بكل حب وقال:متقلقيش عليها دي في عيوني..
دنيا قربت منه وعلي ملامح وشها حب كبير ليه عيونها كانت بتحكيه ،حط كوبايه العصير علي الصينيه وقال:خلينا نمشي..، دنيا هزت راسها وودعت مامتها وبعدها خرجوا هما الاتنين من البيت؟
*في فيلا عمار*
داليدا كانت واقفة بتجهز الفطار وبتقول:ماشاء الله التلاجة هنا فيها كل حاجة!
عمار قرب منها وضمها ليه وقرب من رقبتها وطبع قب”له بسيطة وقال:اهي دي التلاجه الوحيده اللي عمري مفتحتها..!
داليدا بصتله بإنتباه وقالت:ليه دي حتي باين عليها تفتح النفس اعتقد اني لو قعدت اكل منها سنتين الاكل مش هيخلص..
عمار ابتسم وقال:مش عارف بس عمري مفكرت افتحها حتي ،لان كل مره بجي فيها هنا بنام وتاني يوم علي طول بمشي ..
داليدا هزت راسها وقالت:يعني انا اول ست ادخل هنا وافتح الثلاجة..،عمار ابتسم وهز راسه وقال:في الحقيقه انتي تاني واحده ..
داليدا فتحت عينيها بصدمه وبصتله وهو ابتسم وهو بيقول :بعد الست اللي بتيجي تظبط البيت ..فانتي تبقي تاني واحده..!
داليدا ضحكت علي كلامه وفهمت قاصده وبعدها قالت:طيب ممكن تساعدني بق !
عمار هز راسه ووقف جمبها وقال: طبعا اساعدك في ايه..، داليدا قربت منه وبا”سته بسرعه من خده وقالت:شيل الاكل دا وحطه علي السفره..
عمار ابتسم وهز راسه وقال :بس دا كتير اوي مش شايفه انه كتير عليا اشيله لوحدي ..
داليدا ضمت ايديها لصدرها وقالت:ويا تري بق حضرتك عاوز ايه..
عمار حط صوباعه علي خده التاني وقال:واحده كمان هنا..
داليدا وشها احمر من الخجل وهو بصلها وقال:هاا
هزت راسها وقربت من خده علشان تبو”سه و لاكنه لف وشه بسرعه وخلاها تبو”سه من شفا”يفه..
داليدا كانت مصدومه وهو كان بيضحك علي ريأكشنها فقرب من الاكل وشاله واتحرك للسفره وهيا بصت لبقيت الاطباق وابتسمت وشالتهم ومشيت وراه..!
دنيا نزلت من العربيه أول ما رشاد بلغها انهم وصلوا ..كان مكان هادي جدا عبارة عن حديقة جميله ولاكن متهالكة نوعا ما..
رشاد بص للمكان وقال:تعرفي ان المكان دا مميز اوي بالنسبالي..، دنيا بصتله بإنتباه وقالت:اشمعنا؟
رشاد شاورلها علي ديسك موجود تحت شجره وقال:شايفة الدكة دي..،دنيا هزت راسها وهو كمل كلامه وقال:كنت بقعد عليها وانا صغير لما كنت في ابتدائي كانت مدرستنا بتطلع رحلات للحدائق والملاهي والاهرامات والحجات دي ،وكانت الحديقة دي بنقعد فيها وقت البريك ولما كل الاطفال يروحوا يلعبوا كنت بجي اقعد هنا عارفة ليه..؟
دنيا بصتله بابتسامه وقالت:ليه ؟
رشاد بص للدكه تاني وقال:كان في جنايني شغال هنا بيهتم بالزرع والورود وكان ليه خيمة هنا..شاورلها علي المكان اللي كان فيه الخيمه وبعدها كمل كلامه وقال..:لما كان بيشوفني قاعد علي الدكه لوحدي كان بيجي يقعد جمبي ويتكلم معايا ولما كان يسألني انت كلت كنت أقوله لأ فكان يدخل للخيمه ويطلع ومعاه ساندوتش جبنه ويدهولي ويطلب مني اكله؟
كنت برفض ولاكنه كان بيُصرعليا أكله كنت بوافق وبعدما كنت أكلة كانت تيجي بنته الصغيره وتعيط وتقوله :مين أكل الساندوتش بتاعي ومكنتش بتعيط بطريقه هاديه لأ دي كانت بتصرخ حرفيا!
دنيا ضحكت علي وصفه للبنت وبعدها رشاد كمل بإبتسامه وقال:كنت خايف منها وقتها وبصيت للراجل وقولت بعيني بلاش تعرفها اني أكلت الساندوتش ولاكن هو مفهمنيش وشاورلها عليا وقالها اني أكلته..
دنيا ضحكت وقالت:وهيا عملت ايه معاك ضربتك!
رشاد هز راسه بضحكه وقال:أيوا ولما بدات أعيط رغم إنها كانت أصغر مني بكتير إلا إني كنت خايف منها جداا.. فهيا لما شافتني بعيط وخايف لقيتها سكتت مره واحده ودخلت للخيمه ورجعت تاني وهيا معاها ازازة مايه وبتدهالي وبتقول..؟
دنيا كملت مكانه وقالت:متزعلش مني!
رشاد بصلها بصدمه وقال:فعلا كانت بتقول نفس الجملة دي..!
دنيا ابتسمت وفتحت شنطتها وطلعت منها ساندوتش جبنه وقالت:ومن يومها وهيا بتشيل ساندوتش الجبنه في شنطتها علشان لو لقت حد جعان تديهوله!
رشاد مكنش لسا مستوعب كلامها فقال بصدمه:هو انتي تقصدي ايه..
دنيا ضحكت بقوه وقالت:انا مش قادرة استوعب اني قابلتك تاني!
رشاد شاور عليها وقال:هو انتي تبق فراولة..
دنيا ضحكت وهي بتهز راسها ومن كتر الضحك عيونها دمعت فقالت:يااه اخر مره سمعت الإسم دا قبل ما بابا يموت لأنه هو الوحيد اللي كان بيندهلي بيه..
رشاد هز راسه بعدم إستيعاب وقال:لا بجد متهزريش..،دنيا قربت مسكت ايديه وضحكت وقالت:أنا برضوا أول ما شوفتك حسيت اني قابلتك قبل كده ولاكن متوقعتش انك تكون الحرامي..
رشاد قال بصدمه: حرامي؟
دنيا هزت راسها وقالت:لما كنت بضربك وقتها كنت بقولك يا حرامي سرقت الساندوتش بتاعي..!
رشاد ضحك بخجل وقال:احممم معلشي بق أبوكي اللي ضحك عليا وسابني أواجهك لواحدي..!
دنيا هزت راسها بضحك وقالت:تعالي نقعد علي الدكةً علشان نكمل كلامنا!
رشاد هز راسه بابتسامه ومسك ايديها وقربوا من الدكة اللي كانت مليانه تراب ف دنيا طلعت مناديل وحاولت تشيل اكبر كمية من التراب ولاكن المناديل كانت خلصت وكان لسا في تراب كتير..
رشاد بصلها وهو بيفكر وفجاه قلع جاكت البدلة وحطه علي الدكة وقال:اقعدي..
دنيا بصتله بصدمه:وقالت:بس دا..؟
رشاد هز راسه وقال:مش مشكله اهم حاجه هدومك متتوسخش..
دنيا:طيب وانت..؟
رشاد قعد وهو غير مبالي ان هدومه اتوسخت وقال:مش مهم اقعدي انتي بس !
دنيا ضحكت علي جنونه وقعدت جمبه..
دنيا بصت حواليها وقالت:ممكن اعرف بق انت كنت مختفي ليه..
رشاد بصلها وقال:هو انتي تعرفي انا بشتغل ايه يا دنيا بجانب شركتي.
دنيا قالت بهزار:اكيد طبعا رجل مافيا ودي عاوزه سؤال.؟
رشاد هز راسه باستغراب وقال:دا بجد؟
دنيا هزت راسها وقالت:مش مهم انت شغال ايه المهم انت عامل ازاي..!
رشاد سألها بفضول وقال ال:وهو انا عامل ازاي؟
دنيا بصت لملامحه وابتسمت وقالت:كويس ،كويس اوي لدرجة اني بحبك جدا!
رشاد بص في عيونها اللي بيعشقها وقال:يعني انتي بجد عارفة طبيعة شغلي وموافقه عليها!
دنيا هزت راسها وقالت:عاوزني أقول الحقيقة ولا الكدب!
رشاد:الكدب طبعا!!
دنيا بصتله وضحت وهو هز راسه وقال:أكيد عايز أسمع الحقيقه..
دنيا اتنهدت وقالت:بصراحة يا رشاد انا طول عمري بتمني ان الشخص اللي هيكون أب لولادي لازم يكون مثالي وعندة شخصية ومحترم عايزاه يكون قدوة لأولاده يعني لما أبنه او بنته يشوفوه يقولوا بكل فخر لأصحابهم دا بابا وفي نفس الوقت يقولوا دي ماما نفسي يشوفنا قدوه ليهم ويتفاخروا بينا وبشغلنا وبمركزنا فاهمني؟..!
رشاد بصلها وابتسم وقال:انتي عارفة اني عمري متخيلت في يوم من الأيام اني هحب او هتعلق بشخص للدرجادي ، عشت حياتي بحمي نفسي وبخاف علي اخويا ولاكن عمري مآذيت شخص او قت”لت بس الفتره الأخيرة دي…؟
دنيا حطت إيديها علي شفايفه وقالت: ايا كان اللي حصل ولا اللي عملته ايه مش هيغير حاجه يا رشاد لاني حبيتك زي منت ومش هعرف أكرهك فمدام عملت ذنب ممكن تستغفر ربنا وتطلع حاجه لله رغم اني عارفة ان دي من الكبائر بس مش هعرف اكرهك يا رشاد اكيد اللي ماتوا كانوا يستاهلوا بس دا ميمنعش برضوا انك غلطت..؟
رشاد بصلها وعيونه مليانه دموع وقال:انا ندمان ومستحقر نفسي لدرجه انتي متتخيلهاش بس اللي قت”لتها دي كانت هتق”تل داليدا!!
دنيا فتحت عينيها من الصدمه وقالت:ايه!
رشاد بصلها وقال بحزن:كان في ناس بعتينها تخلص عليها ولحسن الحظ ان عمار صحي ولحقها بس انا مكنتش قادر استحمل اشوف عمار بيتألم لان داليدا كانت في خاله خطر ف..؟
-قولت خلاص يا رشاد..دنيا قاطعة كلامه بصوت عالي وقالت:مش عايزه اسمع التفاصيل دي؟
رشاد بصلها بحزن وقال:انا جبتك هنا علشان اعترفلك بكل اللي حصل لاني مش مسامح نفسي علي اللي عملته خصوصا انك عايزة أبو اولادك يكون كويس ومحترم وقدوه بس انا مش الشخص دا يا دنيا..؟
دنيا دموعها نزلت وقربت منه حضنته وقالت:لا متقولش كده اسكت يا رشاد انت كويس..
رشاد غمض عينيه وضغط علي حضنها بكل حب وقال:اعمل ايه دلوقت مش عارف أسامح نفسي ولا عارف أسيبك لشخص احسن مني قوليلي يا دنيا أعمل ايه ؟
دنيا حطت ايديها علي دماغه ومسحت علي شعره وقالت:اهدي يا رشاد اهدي كل حاجه واكيد ليها حل ..!
رشاد بعد عنها وبص في عيونها وقال: متأكدة؟
دنيا دققت في ملامحه وهزت راسها بالإيجاب..
رشاد اخد نفس طويل وقال:في حاجة أخيره عاوز اقولك عليها بس كل اللي طالبه منك انك متعمليش اي ردة فعل غريبه..
دنيا رفعت حاجبها وهو قال:البنت اللي هجمت علي داليدا دي كانت كتمت نفسها بمخدر فلما اغمي عليها والدكتور كشف عليها اكتشف انها مش حامل وطلع عندها سر”طان في الرحم!
دنيا فضلت تبصتله وساكته وهو كمل وقال:هيا دلوقت عرفت وموافقه علي العلاج فأنا قولت أعرفك علشان لو عاوزه تروحي تطمني عليها ؟
دنيا كانت لسا ساكته فقرب منها وقال:دنيا انتي كويسه؟
دنيا انتبهت ليه وقالت:انت قولت ايه..؟يعني ايه طلعت مش حامل؟
رشاد مسكها من كتفها وقال:دنيا اهدي وافهميني داليدا بخير ولسا في المرحلة الاولي وعمار معاها مش هيسيبها وهيا موافقه علي العلاج يعني واجبنا معاها اننا نشجعها ونقف جمبها مش نعيط فهماني!
دنيا هزت راسها وقالت:صح مش لازم نعيط لازم نقف جمبها ونشجعها تتعالج و!
رشاد هز راسه وهيا وقفت وقالت:خليني اروح اشوفها واطمن عليها؟
رشاد حس انها مش علي طبيعتيها فقربها منه وقال:دنيا انتي كويسه؟
دنيا بصتله وابتسمت وقالت:ايوا وهكون يعني مصدومه او متأثرة باللي سمعته النهاردة..؟
عمار حض”نها وقال:طيب اهدي متخلنيش اندم اني حكيتلك حاجة..
دنيا بعدت عنه وقالت:صدقني انا كويسه بس بفكر هنعمل ايه..،رشاد هز راسه وقال:هنعمل ايه..؟
دنيا حطت ايديها علي وشه وقالت:هنروح لداليدا الاول وبعدها هقولك..؟
#الفصل_34
#تحت_أمر_الحب
#الكاتبة_شيماء_صبحي
وصل رشاد ومعاه دنيا لفيلا عمار ..قرب رشاد ورن الجرس وبص لدنيا واتنهد وبعد ثواني الباب اتفتح وكانت داليدا واول مشافتهم ابتسمت وقالت:اتفضلوا ..
رشاد ابتسملها ودخل ودنيا قربت منها حضنتها وفضلت تعيط وهيا بتقول:الف سلامه عليكي يا حبيبتي ..
رشاد وقف مكانه اول ماسمع صوتها وهيا بتعيط لف بجسمه وبصلها لقاها حاضنه داليدا وعماله تعيط..
داليدا ضمتها أكتر وقالت:اهدي يا دنيا انا كويسه متقلقيش..
دنيا بعدت عنها وقالت:بس أكيد زعلانة علشان البيبي..
داليدا بصتلها وسكتت ولاكنها ابتسمت وهزت راسها وقالت:صحيح انا زعلت بس الحمدلله علي كل حاجه..
دنيا هزت راسها وبصت علي رشاد لقته باصص عليها وساكت رجعت بصت لداليدا وقالت:انتي هتبدأي العلاج امتي .؟
داليدا مسكت ايديها وقالت:هقولك علي كل حاجه بس خلينا ندخل نرتاح بدل ما احنا واقفين كده..
دنيا هزت راسها ومشيت خطوه وداليدا قفلت الباب وقالت:ادخلوا ارتاحوا علي ما انده عمار لانه فوق ..
رشاد هز راسه وقال:خليكي انتي وانا هطلعلوا ..
داليدا هزت راسها وهوا بص علي دنيا بصه أخيرة وطلع لفوق..
داليدا قربت من دنيا وقعدت جمبها وقالت: الدكتور قالي هعمل شويه تحاليل واشعات وان شاء الله لما اعملها هبدأ العلاج علي طول..
دنيا مسكت ايديها وقالت: انا جمبك مش هسيبك أهم حاجه تكوني بخير..
داليدا حضنتها بحب وقالت:ربنا يخليكي ليا ومتحرمش من وجودك ابدا.
دنيا غمضت عينيها براحه وقالت: ولا منك يا داليدا..
داليدا بعدتها عنها وقالت:قوليلي بق فيكي ايه وليه انتي ورشاد بتبصوا لبعض كده..
دنيا اتنهدت وقالت: عرفت انه قت”ل البنت اللي هجمت عليكي دي هو اعترفلي من شويه وبصراحه انا بحبه اوي ومش عارفه المفروض اعمل ايه..
داليدا مسكت ايديها وقالت:بصي يا دنيا انا عارفة انك بتحبيه زي منا بحب عمار بالظبط فهما مش ملايكه دا كان شغلهم بس انا اعرف ان رشاد عمره معمل كده دي اول مره ليه ..
دنيا هزت راسها وقالت:ايوا دي اول مره هو قال انه عملها علشان عمار..؟
داليدا غمضت عينيها واخدت نفس وقالت: بصي يا دنيا عمار وعدني انهم هيبطلوا الشغل دا واكيد رشاد معاه فالقرار دا . وانا اللي هقدر اقوله اننا نتخطي إحنا كمان وهرجع وأقولك ان لولا وجود عمار كان زماني ميته دلوقت فاللي عمله رشاد دا كان دفاع عني ..؟
دنيا بصت للأرض بحزن وسكتت وداليدا قربت منها تاني وقالت:فكري كويس يا دنيا هو بيحبك وانتي كمان بتحبيه فانتي شايفه لو بعدتي عنه هتكوني بخير؟
دنيا هزت راسها وقالت:لأ انا مبقتش اعرف اعيش من غير رشاد دا بق كُل حياتي.
داليدا إبتسمت وقالت:يبق تسامحيه وخلاص هو اللي عمله دا كان دفاع عن النفس زي مبقولك لان البنت كانت بتق”تلني مش بريئه برضوا.
عمار ورشاد كانوا نازلين علي السلم وسامعين كلامهم وعمار بص لاخوه وقال :انت عملت ايه مع زين؟
وشاد :اديتله ٢مليون وطلبت منه يسافر؟
عمار هز راسه وقال:وابن الكبير ورجالته؟
رشاد:بعدت علي والرجاله يخلصوا عليهم..
عمار حط ايديه علي كتف اخوه وقال:هي دنيا مالها؟
رشاد بص عليها وهيا بتبسم وقال:اعترفتلها اني قت”لت البنت اللي هجمت علي داليدا..؟
عمار ضم حاجبه بضيق وقال:ليه عملت كده؟
رشاد :علشان تعرف حقيقتي!
عمار بصله بلوم وقال:حقيقة ايه يا رشاد انت مش مجرم ولا أي واحد فينا مجرم احنا كنا بندافع عن نفسنا ولولا وجودي مع داليدا وقتها كان زمانها هيا اللي ميته يبق اللي احنا بنعمله بنحمي نفسنا؟
رشاد بصله وقال:دا الكلام اللي بنقنع بيه نفسنا يا عمار بس الحقيقه اننا مجرمين وعقابنا السجن..
عمار مسكه من هدومه وقال:انت غلطان كل اللي ماتوا يستاهلوا لأن لو كانوا عايشين كان زمانهم بيأذوا ناس كتير؟
رشاد ثال بغضب:بس محدش طلب منك تق”تلهم في حكومه ولا انت فاكر انك كده بتحمي الناس افهم بق لو فيديوا واحد وقع في ايد الحكومه ليا ولا ليك واحنا بنق”تل حد هيكون مكانا السجن انما تقولي بنحمي نفسنا والناس دي مش حقيقه؟
داليدا ودنيا انتبهوا لصوتهم العالي ووقفوا وهما خايفين النقاش يقلب بخناقه وهما أكيد مش هيقدروا يعملوا حاجه..
دنيا بصت لداليدا بخوف وقالت:هنعمل ايه معاهم..
داليدا قربت من ودنها وهمست بكلام وبعدها قربت من عمار وحضن”ته وقالت:عمار ممكن تهدي..؟
دنيا اول مشافت داليدا حاض”نه عمار ،افتكرت كلامها ليها دلوقت وقربت من رشاد وحض”نته وقالت بصوت هادي:ممكن تهدي علشان انا خايفة..؟
كل واحد فيهم وقف مكانه مش عارف يتحرك ،عمار بص لداليدا ولقاها ضاغطة جامد علي حض”نه وكانت فعلا خايفه ،ورشاد كان بيبص لدنيا ولقاها بتطبطب علي ضهره وبتقول: اهدي علشان انا خايفة؟
رشاد بص لاخوه بلوم وعمار كان بيبصله بنفس النظره وبعد دقايق داليدا ودنيا بعدوا عنهم وبصولهم وداليدا قالت وهيا بتبص في عيون عمار:خلينا نقعد ونتكلم ؟
عمار هز راسه ومشي معاها ودنيا بصت لرشاد في عيونه وقالت:اول مره أشوفك وانت معتصب شكلك يخوف أوي مكنتش اعرف ان الملامح دي شريره أوي كده..
رشاد كان باصص في عيونها وساكت وهيا مسكت إيديه وقالت:مش عاوزه عيالي يخافوا منك خليك هادي دايما..؟
رشاد بصلها بصدمه وهيا هزت راسها وقالت:داليدا قالتلي انك ملكش ذنب وانك كنت بتدافع عنها يعني مش قاصد كده صح..؟
رشاد هز راسه وهيا قالت:خلينا نروح نقعد معاهم علشان لو فضلت تبصلي كده ممكن يغمي عليا من الخوف..
رشاد غمض عينيه وهيا شدته وراها علشان يقربوا من عمار وداليدا!؟
داليدا اول مشافتهم ضربت عمار بخفه علشان يتكلم وهو قال:نورتي البيت يا دنيا ..
دنيا بصتله بخجل وقالت:دا نوركم طبعا..
داليدا خبطته تاني وهو بص لرشاد وقال:نورت يا رشاد ..
رشاد بصله وقال:دا نورك يا أخويا ..!
داليدا خبطته تاني وهو بصلها وقال باستغراب:ايه مخلاص..،داليدا ضمت حاجبها وقالت:إسألهم يشربوا إيه؟
دنيا ورشاد سموعها فابتسموا وعمار بصلها بغيظ وبعدها بصلهم وقال:تحبوا تشربوا ايه..
دنيا ورشاد بصوا لبعض وابتسموا ورشاد قال:ممكن اشرب قهوه ودنيا عصير..
داليدا ابتسمت وقالت:طيب دقايق وهيكون عندكم!
عمار مسكها من دراعها وقال:إستني !!أقعدي ارتاحي وانا هعمل انا..
داليدا بصتله وهزت راسها وقعدت وهو ووقف وبص لرشاد وقال:تعالا ساعدني..
رشاد رفع حاجبه وقال:علشان قهوه؟
عمار هز راسه وقال:ايوه علشان قهوه ويلا قوم!
رشاد بص لدنيا وداليدا وقام قرب منه واتحركوا الاتنين للمطبخ..
دنيا بصت لداليدا وقالت بضحكه:انتي عملتي فيه ايه ؟
داليدا ضحكت وقالت:معملتش حاجه والله يا أختي بس هو من وقت ما اعترفلي بحبه وانا كل ما ابصله يضعف..؟
دنيا ابتسمت بخجل وقالت:يعني هو اعترفلك بحبه !
داليدا هزت راسها وضحكت وقالت:بس انتي عارفه طلع بيحبني اوي..
دنيا ابتسمت وقالت:وانتي يا داليدا طلعتي بتحبيه؟
داليدا غمضت عينيها بابتسامه وقالت:أكيد وفي الفتره الأخيره دي حبه زاد اوي في قلبي..
دنيا ابتسمت وقالت:ربنا يخليكوا لبعض وان شاء الله هتكوني كويسه وتقدروا تجيبوا عيال كتير وتعيشوا في هنا وسعادة،،!
داليدا ابتسمت وقربت منها وقالت:ربنا يخليكي يا دنيا وان شاء الله اشوفك انتي كمان وانتي مع رشاد وعايشين في سعاده ربنا يهديكوا لبعض..
دنيا ابتسمت وقالت:اللهم امين..
رشاد وعمار رجعوا وكل واحد شايل صينيه .
عمار قرب من داليدا وادالها العصير وقال:اتفضلي يا حبيبتي..
داليدا أخدت العصير بابتسامه وقالت:شكرا يا حبيبي..،عمار ابتسم وقعد جمبها ورشاد قرب من دنيا وقرب العصير منها وقال:اتفضلي العصير..
دنيا بصتله وسكتت فبصلها بتساؤل وقال:ايه مش عاجبك العصير..
دنيا ضمت حاجبها وهزت راسها وقالت:انت مسمعتش عمار قالها اتفضلي يا ايه؟
رشاد بص لاخوه ولقاه بيشرب داليدا من العصير بتاعه ومبتسمين فرفع حاجبه ورجع بصلها تاني وقال:بس دي مراته انما احنا لسا مخطوبين لو حابه ا..؟
دنيا اخدت العصير من ايديه وشربته وهو ابتسم لان وشها احمر فقعد جمبها ومسك مج القهوه وبدا يشربه هو كمان…
مر علي وجود رشاد ودنيا ساعتين فوقف رشاد وهو بيبص في ساعته وبيقول:خلينا نمشي بق يا دنيا علشان مامتك متقلقش عليكي؟
دنيا هزت راسها ووقفت وداليدا وعمار بصولهم بانتباه ووقفوا ..دنيا قربت من داليدا وقالت:هبق اجيلك تاني اهم حاجه عرفيني امتي هتبدأي العلاج علشان حابه أكون معاكي!
داليدا ابتسمت وهزت راسها وقالت:حاضر..
دنيا حضنتها بحب وبعدها بعدت عنها وبصت لعمار وقالت:خلي بالك من داليدا يا عمار لانها غاليه عندي اوي..
عمار ابتسم وبص لداليدا وقال:دي في قلبي يا دنيا متخافيش عليها..؟
دنيا ابتسمت وبصت لرشاد اللي شاور لاخوه ولداليدا وقال:طيب هنمشي احنا بق مع السلامه.!
عمار وداليدا قالوا بابتسامه :مع السلامه..!
خرج رشاد ومعاه دنيا والاتنين وقفوا قدام العربيه دنيا قربت منه وقالت: انت كويس..
رشاد هز راسه بالموافقه وقال:الحمدلله!
دنيا هزت راسها وركبت وهو ركب جمبها واتحركوا الاتنين بالعربيه…!
وفي نهاية اليوم اتجه عمار وداليدا للمستشفي علشان التحاليل والاشعات اللي داليدا هتعملها واول ما وصلوا كان الدكتور والممرضات في انتظارهم أخدوا داليدا وجهزوها علشان هتعمل اشاعه وهيا كانت خايفه ولاكن عمار كان موجود معاها وبيطمنها.!
عدي وقت وكانت داليدا خلصت وعملت بقيت التحاليل وكان عمار بيساعدها وبعد مرور ساعتين انتهت داليدا من كل التحاليل والاشعات ودخلت هيا وعمار لمكتب الدكتور.. الدكتور بصلهم وقال: انا هحتاج ساعه اشوف فيها النتيجه فا لو حضرتك حابب تاخد الدكتوره وتخرجوا تشموا هوا برا المستشفي براحتكم..
عمار بصلها وهز راسه وخرجوا الاتنين من مكتبه واتمشوا في المستشفي شويه وبعدها خرجوا في الجنيه ..، داليدا مسكت ايديه وقالت:تفتكر النتيجه هتطلع عاملة ازاي..
عمار بصلها وقال:خلينا نستني وبلاش نتوقع اي حاجه واللي يجيبه ربنا اكيد هيكون خير..
داليدا هزت راسها وسندت براسها عليه براحه وبعد ساعه عمار قال:خلينا نشوف الدكتور هيقول ايه..
داليدا هزت راسها و دخلوا تاني للمستشفي .."
************
وبعد مرور ٥ شهور كان خارج عمار وداليدا من المطار وهما ماسكين في ايد بعض..
(دكتور داليدا اقترح عليها انها تسافر أمريكا علشان تكمل علاجها هناك لان في دكتور هناك شاطر جدا وقدر ينقذ حالات كتير زيها ويخلصهم من المرض الخب"يث دا وقدروا يمارسوا حياتهم بطريقه طبيعيه..)
عمار بصلها بحب وقال:حابه نقضي شهر العسل بتاعنا فين..!
داليدا بصتله وقالت بضحكة خبيثه :بس الدكتور قال نستني كمان شهر ..
عمار كان باين علي ملامحه انه متضايق لانها طول فتره علاجها كانت بترفض انه يقرب منها حتي ولو كانت بو"سه فابتسم بضيق وهز راسه ولاكنها ضمته ليها وقالت بضحك:خلاص موافقه بس بلاش تبصلي كده تاني ..
عمار بصلها بنص عين وقال: ماشي بس مقولتيش هنروح فين..
داليدا لفت وشها بتفكير وقالت:اممم ممكن مثلا …لسا هتكمل ..عمار لقي تيلفونه بيرن وكان رشاد اللي بيتصل بصلها وقال:دا رشاد..
داليدا هزت راسها وهو فتح عليه وقال:اهلا باللي سايبنا مستنينه بقالنا ساعه..
رشاد قال بصدمه:احلف بقالكوا ساعه فعلا..
عمار ضحك وقال:لا لسا واصلين حالا بس انت فين..
رشاد وقف قدامهم بالعربيه وقال:انا هنا..
داليدا بصتله وضحكت وعمار قرب منه وقال بغيظ:الشمس كلت وشي بقالي سا..قصدي خمس دقايق واقف..
رشاد خرج من العربيه وحضنه بفرحه وقال:حمدلله علي سلامتك يا حبيبي ..،عمار ابتسم وضغط علي حضنه جامد وقال:الله يسلمك..
رشاد بعد عنه وبص علي داليدا وفتح ايديه وقال:الف حمدلله علي سلامتك يا داليدا..
عمار مسكه من هدومه قبل ما يقرب منها وقال:رايييح فييين استني سلم بالايد..
داليدا ضحكت علي شكل رشاد وعمار ماسكه من هدومه فقربت منه وسلمت عليه وقالت:الله يسلمك يا رشاد..
رشاد لف لاخوه وقال:حابين تروحوا فين القصر ولا الفيلا..
عمار بص لداليدا وقال :ه لا هنروح القصر..
رشاد هز راسه وقال طيب اركبوا بق وانا هحط الشنط في العربيه ..داليدا ركبت العربيه وعمار ساعد رشاد يحطوا الشنط وبعدها ركبوا الاتنين واتحركوا للقصر …
كانت في إستقبالهم دنيا ومامتها وجميلة واول ما دنيا شافت داليدا قربت منها بفرحه وقالت:حمدلله علي سلامتك يا داليدا وحشتيني أوي..
داليدا ضمتها بحب وقالت:الله ياسلمك يا دنيا انتي اللي وحشتيني أوي..؟
دنيا ابتسمت بحب وبعدها بعدت عنها وقالت:طمنيني الدكتور قالك ايه..داليدا قالت بفرحه:قالي خلاص اقدر أمارس حياتي الطبيعيه تاني بسلام ..
دنيا ابتسمت بفرحه وداليدا قربت من مامت دنيا وسلمت عليها وقربت من جميله وباستها بابتسامه وبعدها قعدوا كلهم في الصالون علشان يرتاحوا ..
وفي الوقت دا جاء لرشاد اتصال من خالته واول ما رد عليها قالت :طمني يا رشاد عمار وداليدا وصلوا.؟
رشاد هز راسه بابتسامه وقال:أيوا يا خالتي الحمدلله لسا واصلين..
كوثر ابتسمت بفرحه وقالت:الحمدلله .
رشاد قال:إستني يا خالتي اديلوا التيلفون تكلميه.
كوثر قالت برفض:لا لا ملوش لازمه قوم افتحلنا الباب بس .. انا وملوك وخطيبها واقفين برا…
رشاد بص حواليه باستغراب وقال:خطيبها
❤️❤️❤️❤️
#الفصل_35
#تحت_أمر_الحب
#الكاتبة_شيماء_صبحي
كوثر بابتسامة:انا وملوك وخطيبها واقفين برا…!
رشاد بص حواليه باستغراب وقال:خطيبها ؟
كل اللي قاعدين بصوله وهو وقف وقرب من الباب وأول ما فتحه ،كانت كوثر واقفه وملوك جنبها ،رشاد بصلهم بإستغراب وقال:إتفضلي يا خالتي بس هو فين خطيبها دا ؟
كوثر دخلت ووراها ملوك وفجأة ظهر زين قدامه وقال:هو أنا مش خطيبها بالظبط بس ماما كوثر قالتلي أطلب ايديها منكم؟
رشاد كان واقف مصدوم وقال:ماما كوثر؟
قال كلامه وهومش مصدق ان زين قدر يوصل لملوك ولخالته ،رشاد قرب منه ومسكه من هدومه وقال بغضب :أنا مش قايلك تسافر ومشوفش وشك تاني ايه اللي رجعك وعرفت خالتي وملوك منين انطق..
زين نزل إيد رشاد وقال بهدوء:بتلومني وانا اللي المفروض ألومك .
رشاد رفع حاجبه وزين بصله وقال:خبيت عليا مرض داليدا وطبعا فاكر اني مش هعرف بس انا مسامحك المرة دي بس علشان هي دلوقت بقت بخير..
رشاد بصله بعين حمرا وزين ابتسم وقال:اهدي بق يا رشاد وبعدين يا جدع انت طلبت مني اختفي وانا اختفيت ولاكن انا فعلا مكنتش أعرف ان ولاد خالت ملوك يبقوا انتوا..
رشاد مسكه من قميصه تاني وقال:وعرفت ملوك منين؟
جه صوت عمار من وراهم وقال:ايه اللي بيحصل هنا ؟
رشاد بص لعمار وشاور علي زين وقال:الاستاذ زين هو خطيب ملوك بنت خالتك !
عمار بصله باستغراب وقال وهو بيبص علي زين :وانت عرفت ملوك منين؟
زين كان جاب أخرة من أسألتهم فقال بصوت عالي:يا داليدا تعالي الحقيني من الناس دي!؟
داليدا أول ماسمعت صوت زين قاما بسرعه وقربت منهم وأول مشافت زين قالت بفرحة:زين ..!
عمار ورشاد كانوا باصين عليها وهيا بعدت عمار وقربت من زين حضنته وقالت بفرحة:وحشتيني أوي يا زين طمني عليك..!
زين بص لعمار بخوف من نظراته وبعدها رجع بصلها وقال:انا كويس اهم حاجه طمنيني عليكي دلوقت بقيتي كويسه !
داليدا ابتسمت وقالت:أنا الحمدلله كويسه !
زين مسح بايديه علي شعرها بحنيه وقال:انا اسف علشان مكنتش معاكي بس الحمدلله انك بقيتي بخير..
داليدا هزت راسها وابتسمت وقربت تاني منه علشان تحضنه ولكن إيد عمار منعتها شدها عليه وقال:مش كفايا بق احضان النهاردة؟
داليدا خجلت من كلامه وضربته علي صدره بخفه وهو بص لزين وقال:ماشي اتفضل يا خطيب ملوك نورت البيت..
زين خاف من نبرة صوته ولاكنه هز راسه ودخل..
رشاد وعمار وداليدا رجعوا تاني للصالون واول ما قعدوا كوثر بصت لداليدا وقالت:طمنيني عليكي يا حبيبتي عاملة ايه دلوقت؟
داليدا بصتلها بابتسامه جميله وقالت:الحمدلله بقيت احسن بكتير..
كوثر هزت راسها وبصت لعمار وقالت:وانت يا عمار عامل ايه.؟
عمار هز راسه وقال:الحمدلله بخير طمنيني عليكوا انتوا الاول؟
ملوك بصت لزين بخجل وابتسمت ابتسامه بسيطه وبعدها كوثر بصت علي زين وقالت:احنا كويسين يا حبيبي الحمدلله ..صحيح نسيت اعرفكم علي..؟
عمار ورشاد قالوا في صوت واحد:زين؟
كوثر هزت راسها وقالت:ايوا زين الظاهر انكوا اتعرفتوا علي بعض بدري..
عمار ورشاد بصوله وقالوا:امال!!! دا باين عليه ابن ناس ومحتررم؟
زين بصلهم وبلع ريقه وقال:ربنا يخليكوا دا من زوقكم..
داليدا بصت لزين وقالت:تعالي اقعد جمبي يا زين علشان انت واحشني.
ملوك رفعت راسها بصدمه وقالت:افندم هو انتي تعرفي زين يا داليدا..، داليدا هزت راسها وقالت:اعرفه أكتر من اي حد دا زين دا نور عيني من جوه..
ملوك بصت لمامتها بصدمه وقالت:انتي سامعه ياماما الكلام دا .
داليدا ابتسمت وهيا بتقول:اي دا هو زين مقالكوش انه يبق أخويا الصغير ولا إيه..؟
كوثر وملوك بصولها بصدمه وقالوا:ايه..
داليدا بصت لزين وبرقتله وهو قال:والله ما كنت اعرف انهم يعرفوكي..؟
كوثر ابتسمت وقالت:هو صحيح مقلناش بس دا شرف كبير لينا يا داليدا اننا نناسبك..
داليدا ابتسمت وقالت:والله دا الشرف لينا احنا .. قالت كلامها وبصت لعمار وقالت بهمس:ايه مش هتقول حاجه..
عمار جز علي سنانه وقال:وهو انتوا سيبتولي حاجه اقولها مخلاص ؟.
رشاد اتكلم وقال:صحيح يا خالتي نسيت اعرفك بمامت دنيا مراتي وبنت اختها الصغيرة..
كوثر بصتلهم يابتسامه وقالت:اهلا وسهلا انا ازاي ما اخدتش باللي لما دخلت..
مامت دنيا ابتسمت وقالت:ولا يهمك يا حبيبتي اهلا بيكي..
كوثر قامت وسامت عليهم وباست الطفله وملوك برضوا وقفت وسلمت عليهم وبعدها زين وقف سلم عليهم ورجعوا قعدوا كلهم تاني..
دنيا قربت من رشاد وقعدت جمبه وقالت بهمس:هو انتوا مش طايقتين زين ليه..
رشاد بص لزين ورجع همسلها وقال:بصراحه مكناش نتوقع انه يبق خطيبها ..
دنيا هزت راسها وقالت:بس زين شاب كويس وبرضوا متنساش انه اخو داليدا يعني لو حست انكم بتعاملوه وحش هتزعل جامد..
رشاد بص لداليدا وشافها وهيا ماسكه ايد زين وبتكلمه فهز راسه ورجع بص لدنيا وهمسلها وقال:عندك حق انا برضوا ميرضنيش داليدا تزعل مني..
دنيا هزت راسها وقالت:عرف اخوك الكلام دا علشان نظراته هتقتل الولد..
رشاد بص لعمار ولقاه باصص لزين بغضب لان داليدا متجاهلة عمار وبتتكلم معاه فقرب منه وقال بهمس:بقولك ايه يا عمار انا شايف اننا نعامله حلو علشان داليدا متزعلش وبعدين متنساش انه يبق نسيبك؟
عمار بصله بغيظ وقال:اعاملة حلو ؟؟دنا عايز اقوم اخلص منه حالا..!
رشاد بصله وابتسم وبعدها رجع وقال لدنيا:قومي اقطعي الحوار اللي بين داليدا واخوها لان لو فضلوا كدا شويه كمان عمار هيقوم يولع في المكان باللي فيه..
دنيا هزت راسها وقربت من داليدا وقالت:داليدا تعالي عوزاكي في كلمه..
داليدا بصتلها وهزت راسها ووقفت ومشيت معاها ورشاد قرب من اخوه وقال:خلينا نتكلم معاهم في الموضوع دا..؟
عمار بصله وقال:موضوع مين؟
رشاد بص بعينيه علي زين وقال :زين وملوك، انا شايف ان خالتك عاوزه تفتح الموضوع بس متردده..
عمار بص لخالته اللي بتبصلهم وفجاه بتبص للارض فهز راسه وقال:صحيح يا خالتي انتي قولتي ان زين عايز يطلب ايد ملوك..
كوثر هزت راسها وقالت:ايوا هو بصراحه جه طلب ايديها مني وانا رفضت ولما سالني عن السبب قولتله انك مسافر ولازم انت اللي تقعد معاه ودا لان ملوك اللي وكلتك بدالي..
عمار بص لملوك وابتسم وبعدها بص لزين وقال بمكر:وانت يا زين شغال ايه..
زين عدل هدومه وبصلهم بجديه وقال:انا عندي شركة سياحة والحمدلله بكسب منها كويس ..،
عمار هز راسه وبص لاخوه وقال:دا عال اوي..
رشاد هز راسه وبص لزين وقال بخبث:وانت بق عندك شقه يازين..؟
زين حرك راسه بالرفض وقال: لا بس أنا عندي فيلا مجهزه ومستنيه بس العروسه تيجي بشنطة هدومها..؟
رشاد بص لعمار وقال:دا عال اوي..
عمار هز راسه وبص لزين وقال برفع حاجب :طيب يا زين ممكن اعرف ايه اللي خلاك تطلب ايد ملوك بالتحديد هيا من وسط كل البنات ..!
زين بص لملوك وقال بحب :بصراحه ملوك بنت محترمه وانا قابلت بنات كتير في حياتي ولاكن في أدبها وإحترامها عمري مشوفت دا غير جما…لها؟
عمار بصله وهز راسه وقال :طيب وانتي ايه رأيك يا ملوك فيه ..،ملوك بصتله بخجل وهزت راسها وقالت: اللي تشوفه يا عمار ؟
عمار ابتسم علي خجلها ورجع بص لزين بجديه وقال:طيب وانت بق عارف ان ملوك مش زي بقيت البنات يعني دي وراها رجاله وبيحبوها وبيخافوا عليها بجد يعني لو فكرت بس..؟
زين قاطع كلامه وقال:صدقني انا بحبها وهشيلها في عيني ولو مش مصدق كلامي انا مستعد انفذ اي حاجه هتقول عليها..؟
ملوك بصت لزين بخجل ورجعت بصت لعمار برجاء وهو بص لكوثر وقال:وانتي ايه رأيك يا خالتي..
كوثر بصت لزين وملوك ورجعت بصت لعمار ورشاد وقالت:أنا رأي من رأيكوا يا ولاد أختي شوفوا انتوا لو هو مناسب ليها ولا لأ..
رشاد شد اخوه عليه وقال:أنا شايف ان ملوك عايزاه وهو برضوا باين عليه انه بيحبها فأنت شايف ايه..
عمار بص لزين بتفكير وبعدها هز راسه وقال وهو بيوجة كلامه لزين :انا هصدقك يا زين ولاكن الايام هتكون بينا ولو بس فكرت تزعلها انت عارف هعم…؟
رشاد قاطع كلام اخوه وتهديده اللي كان هيظهر ان في موضوع قديم بينهم فقال بابتسامه: احنا موافقين وعلي بركة الله نقرأ الفاتحة يا جماعه..
عمار بص لاخوه بغيظ ولاكن رشاد ابتسم وبص وراه وقال بصوت عالي:دنيا ،داليدا تعالوا علشان هنقرأ الفاتحة..
دنيا وداليدا انتبهوا ليه وقربوا بسرعه منهم وهما مبسوطين وأول ما قعدت داليدا قربت من اخوها وقالت بفرحة:الف مبروك يا حبيبي بس قولي هو انت ازاي فتحت شركة سياحة..
زين كح وبص لرشاد وعمار ورجع بصلها وقال:اخدت مبلغ من شخص وبدات بيه والحمدلله الشركة حققت ارباح كويسه ورجعتله فلوسه تاني ..
داليدا لاحظت نظراته لعمار ورشاد ف قدرت تفهم ان الشخص دا أكيد عمار اورشاد فهزت راسها وقالت:طيب يا حبيبي خلينا نقرأ الفاتحة..
الكل ابتسم وبدأوا يقرأوا الفاتحه مع بعض.
زين كان بيبص لملوك بابتسامه وهيا كانت باصه في الأرض بخجل ،بعدما انتهي الكل من قرأءة الفاتحة دخلوا الخدم بالعصير وكوثر زغردت بفرحة وداليدا ودنيا غمزوا لبعض وزغردوا معاها واتقلب القصر فجأه لصوت زغاريد والخدم من فرحتهم للبنت اللي أتقرأ فتحتها بدأوا يزغرطوا هما كمان …
وبعد وقت القصر هدي تاني وعمار وقف وقال:بما اننا لسا راجعين من السفر فاكيد عايزين نرتاح ..
داليدا هزت راسها ووقفت جمبه وهو بص لخالته وقال:وانتي برضوا يا خالتي اكيد محتاجه ترتاحي
كوثر هزت راسها وهو قال لكبيرة الخدم تجهز ثلاث غرف وهيا اتحركت ..
ملوك كانت بتبص لزين وتضحك وهو بيبادلها النظرات..
رشاد كان واقف متابعهم فقرب من زين ومسك ايديه وقال:تعالي يا زين خلينا نتكلم شويه..
زين خاف منه فقال بتعب:ممكن نأجل كلامنا اصلي جاي من سفر وعايز انام..
رشاد رفع حاجبه وكان هيرد عليه ولاكن دنيا اتدخلت وقالت:خلاص يا حبيبي سيبه وتعالي نطلع احنا كمان نرتاح..
رشاد بصلها وابتسم وهيا مسكت ايديه وقبل ما تمشي قالت لمامتها انها هتطلع اوضتها وكملت باهتمام وقالت: لو جميلة عاوزه تنام خلي اي بنت توصلها اوضتها ..
مامتها هزت راسها وبعدها دنيا مشيت مع رشاد وطلعوا علي جناحهم..!
عمار بص لداليدا وقال:انا عايز انام اوي..داليدا مالت عليه وقالت بتعب:وانا كمان..
عمار استأذن من الجميع واخدها وطلعوا هما كمان لجناحهم..
كوثر قربت من بنتها وقالت اطلعي ارتاحي يا ملوك وانت يا زين اطلع ارتاح ..
ملوك بصت لمامتها وقالت بتساؤل:وانتي مش هتيجي ولا ايه يا ماما.؟
كوثر بصت لمامت دنيا وقالت برفض:لا انا هقعد هنا شوية وهطلع متقلقيش..
ملوك هزت راسها ومشيت مع البنت اللي هتوصلها اوضتها وزين مشي وراهم مع الشاب اللي هيوصله اوضته..؟
قعدت كوثر مع مامت دنيا وقالت:انتي بق من هنا .؟
مامت دنيا هزت راسها وقالت:لا انا من منطقة شعبيه بعيده عن هنا بكتير..،كوثر ابتسمت وهزت راسها وقالت:انا برضوا اتربيت في منطقة شعبيه ولاكن مقعدتش فيها كتير وانتقلنا للقصر بتاع والدي..؟
مامت دنيا ابتسمت وقالت:انا اتشرفت جدا بمعرفتك يا مدام كوثر..
كوثر ابتسمت وقالت:وانا كمان يا حبيبتي قوليلي هو انتي عايشة هنا معاهم..!
والدت دنيا هزت راسها بخجل ولاكن كوثر قالت:انا كنت عايشه في الصعيد انا وملوك بس بعدما خلاص هتتجوز أكيد هحس بالوحده فأنا فكرت برضوا مع نفسي وقولت لو أجي اعيش هنا مع الاولاد تفتكري هتكون فكرة حلوه..؟
رواية تحت أمر الحب بقلمي الكاتبة شيماء صبحي
مامت دنيا هزت راسها وقالت:أكيد مهوا رشاد ربنا يصلح حاله لما عرف ان بعدما دنيا هتتجوز هكون لوحدي أصر عليا اجي اعيش هنا معاهم..
كوثر ابتسمت وطبطبت عليها وقالت:ربنا يديكي الصحة يا حاجة انا هطلع انا بق ارتاح بعد اذنك..
مامت دنيا ابتسمت ليها وقالت:اتفضلي براحتك يا حبيبتي ربنا معاكي..
كوثر مشيت من قدامهاوكانت البنت اللي هتعرفها اوضتها ماشيه جمبها وبعدما وصلت لاوضتها قالت بشكر:شكرا يا حبيبتي ..
البنت ابتسمت وقالت:انا تحت أمر حضرتك في اي وقت..
كوثر ابتسمت وهزت راسها والبنت مشيت وسابتها قاعده في الأوضة ..
وفي غرفة رشاد دنيا كانت بتساعده يغير هدومه وهيا بتفكله الجرافته قالت بابتسامه:انت اي رأيك يا رشاد في إسم نور..
رشاد ردد الاسم وبعدها هز راسه وقال:إسم جميل .دنيا ابتسمت وقالت:انت عارف ميزة الإسم دا إيه..،رشاد هز راسه وقال:اايه..؟
دنيا فكت أول زرار من القميص وقالت:انه بيمشي مع البنات والأولاد ..
رشاد هز راسه وقال:ايوا صح بس انتي ليه بتسأليني فجاه عن الاسم دا..
دنيا خجلت جدا منه ونزلت ايديها وقالت بتردد:لا أصلي يعني سمعت انه بيمشي مع الاتنين وكده.؟
رشاد رفع وشها بايديه وقال بابتسامه:يعني دي كل الحكاية..
دنيا بلعت ريقها وقالت بنص ابتسامه:بصراحة لأ هو في حاجة.؟
ر شاد قال بهمس:اممم وايه هيا الحاجة دي..؟
دنيا أخدت نفسها وقالت : انا النهاردة علي الفطار أول ما شميت ريحة البيض قومت رجع"ت فلما ماما عرفت قالتلي يعني ان دي تبق أعراض الحمل للنها عملت كدا لما كانت حامل فيا.. بس انا لسا مش متاكدة يعني من الموضوع..؟
رشاد بصلها وابتسم وقال:يعني انتي..؟
دنيا هزت راسها بالرفض وقالت:انا مش متأكدة لسا يعني ممكن دي مثلا تكون اعراض برد في المعده مهوا انا اعرف يعني الحلات دي ..؟
رشاد كان ملاحظ ترددها الكتير في الكلام وخجلها منه فقرب من خدها وطبع قبلة وقال:خلاص انا هأجل فرحتي لحدما تتأكدي براحتك..
دنيا بصتله بصدمه وقالت:يعني إنت هتفرح..
رشاد بصلها وقال بجديه:ودي محتاجه سؤال برضوا يا دنيا أكيد هفرح وهجيب ناس تفرح كمان..
دنيا بصتله بحب وقالت:بس انت عمرك مقولتلي انك هتفرح لو بقيت حامل ..
رشاد مقدرش يكون جادي معاها أكتر وابتسم علي كلامها وقال:دا طبيعي يا دنيا علشان احنا لسا متجوزين من شهرين وبعدين الحاجات دي انتي بتخجلي منها لما بتكلم فيها صح..؟
دنيا قالت برفض:لا مش بخجل وبعدين انت تقول عادي علشان انت جوزي..؟
رشاد ضحك علي شكل هدودها اللي احمرت فقال بموافقه:طيب بصي بق انا بصراحه نفسي تلبسيلي القمي"""
دنيا حطت ايديها كلها علي بوقه بصدمه وقالت:متكملش..؟
رشاد ضحك علي خجلها وهيا بعدت ايدها وقالت بتذمر:انت بتضحك عليا ..
رشاد قرب منها وشالها لف بيها وقال:خجلك دا اللي بيجنني وبيخليني أعشقك أكتر وأكتر..!
دنيا إبتسمت وهزت راسها وهو نزلها وبا"سها من شفا"يفها بكل حب وقال:انا هكون أسعد إنسان في الدنيا دي علشان انتي هتكوني ام اولادي ودي لوحدها عندي بالدنيا ..!
دنيا قلبها كان بيدق جامد من كلامه فابتسمت وحضن"ته بفرحه وقالت:وانا كمان هكون سعيده انك هتكون ابو اولادي..
رشاد ابتسم وطبطب علي ضهرها بحنيه وقال:بس برضوا مقولتيش رأيك ناوية تلبس؟؟
دنيا بعدت عنه وجريت بسرعه علي الحمام وقفلت الباب وراها وهو فضل يضحك عليها وقال بهمس: هيشتغل الجنان بتاع كُل مره فلازم بق استعد..
قال كلامه وقرب من الباب وخبط عليه وهيا قالت:مين..؟
رشاد:انا..؟
دنيا: انت مين عاوز إيه.؟
رشاد:افتحي الأول وأنا أقولك؟
دنيا برفض:مش هفتح قول الأول؟
رشاد ضحك وقال:طيب انا رشاد وعاوز اتكلم معاكي كزوج وزوجة؟
دنيا وشها أحمر وابتسمت وبعدها قالت:قول كلمة السر الأول؟
رشاد ابتسم وقال:بحبك يا دنيا؟
دنيا هزت راسها وقالت:الكلمة صحيحة ..
رشاد فرك ايديه بحماس وهيا فتحت الباب واول مشافته ضحكت وهو قرب منها حضنها بحب وشالها خرجها برا الحما وقال:هتفضلي مجنونه وانا هفضل مجنون علشان بحبك.. دنيا ضحكت وهوا قرب من شفا"يفها وفي المره دي دنيا اللي قب"لته..؟
وفي غرفة عمار كان نايم من غير ميغير هدومه ف داليدا قربت منه وقالت:عمار قوم غير هدومك..؟
عمار هز راسه بنوم وقال:لا مش قادر..،
داليدا خبطت علي كتفه وقالت برفض:لا قوم انت مش قولت انك عايز و..؟سكت لما استوعبت كلامها؟
عمار قام بسرعه وقال:قولتي ايه؟
داليدا هزت راسها برفض وقالت:انا مقولتش حاجه انا هدخل اغسل وشي.و.
عمار مسك ايديها بسرعه وقال برفض:لا قولتي..
داليدا وشها أحمر من الخجل وقالت:مقولتش حاجه يا عمار صدقني..
عمار هز راسه وساب ايديها وهيا دخلت للحمام وهو قام يغير هدومه..؟
داليدا خرجت بعد دقايق وهيا بتبص عليه ولما ملقتوش علي السرير خمنت انه بيغير هدومه فقربت من الاوضه وقالت:عمار انت خلصت..
مردش عليها فهيا دخلت وشغلت النور وقالت:اي دا امال انت فين..
عمار ظهر من وراها وحضن"ها من ضهرها وقال:انا هنا..
داليدا قلبها فضل يدق جامد وقالت بتوتر:طيب انت مش قولت هتنام..؟
عمار بمشاكسة:لا النوم طار خلاص..
داليدا لفتله وقالت :بس احنا جايين من سفر ولازم نرتاح كام ساعه علي الاقل..؟
عمار هز راسه بالرفض وقال:لا مش عايز انام انا عايز حاجة تانيه.. !
داليا لفت وشها بخجل وهو قبل خدها وقال:مفيش هروب النهاردة يا داليدا انتي عارفه انا صابر بقالي قد ايه..
داليدا ضربته بخجل وهوا شدها عليه وقال: علي فكرة الدكتور قالي بعدما خرجتي من العمليات والكلام دا من شهرين اني استني اسبوعين وبعدها اقرب عادي..؟
داليدا بصتله بصدمه وقالت:والله؟
عمار شدها اكتر عليه وقال:يعني انا كنت عامل نفسي مصدقك وانتي بتكدبي عليا طول الفترة دي وانا علشان بحبك مسامحك بس عاوز تعويض..؟
داليدا بلعت ريقها وقالت :تعويض؟ازاي دا؟
عمار شالها فجأة وهيا شهقت بخضه فقال بخبث:خلاص يا داليدا مفيش هروب انتي المرة دي هتسمعي الكلام وبس ..!
داليدا بغيظ:نزلني يا عمار كده مينفعش؟؟
عمار حرك راسه بالرفض وقرب من شفا"يفها وقبلها بسرعه وقال:انا مبسيبش حقي ابدا وانتي كنتي بتضحكي عليا يبق تستحملي العقاب..؟
داليدا :طيب بس استني خلينا نتفاهم انت هتعمل ايه.. !
عمار خرج من الاوضه وقرب من السرير وقال:الحجات دي مبتتحكاش يا دكتورة الحجات دي بتتعاش بس..؟
#الفصل_الأخير
#تحت_أمر_الحب
#الكاتبة_شيماء_صبحي
في صباح يوم جديد صحيت كوثر بدري زى عدتها ونزلت لتحت وكانوا الخدم بيجهزوا الفطار علي السفرة..بصت حواليها ملقتش اي حد لسا نزل فقربت من واحده من الخدم وقالت:هوا محدش نزل؟
البنت ردت عليها وقالت:لا يا هانم لسا بدري علي نزولهم ولاكن احنا بنجهز بس السفرة وقبل ما بينزلوا بنحط الأكل..
كوثر عزت راسها وقالت:طيب أعمليلي قهوة سادة؟
البنت هزت راسها وقالت:حاضر يا هانم..
كوثر فضلت تبص علي تفاصيل القصر بإعجاب وبعدها قربت من الصالون وقعدت..
بعد نص ساعه صحيت ملوك وقامت تجهز علشان تنزل تحت وبعدها زين صحي وبدأ يجهز والاتنين خرجوا في نفس الوقت..
زين بصلها بابتسامه وقال:صباح الخير.
ملوك بصت في الارض بخجل وقالت:صباح النور..،
زين قرب منها وقال:خلاص احنا بقينا مخطوبين يعني ملوش لازمة الكسوف دا؟
ملوك رفعت عينيها ليه وقالت: انا هنزل علشان او حد شافني معاك ممكن تحصل مشكلة..
دين بصلها بصدمه وقبل ما تمشي مسكها من زين بصلها وقال:استني بس انتي خايفه ليه وبعدين مشكلة إيه اللي هتحصل انتي بقيتي خطيبتي خلاص انتي ناسيه اننا قرينا الفاتحة..؟
ملوك بصت لايديه وبعدتها بسرعه وقالت:انا عارفة انك خطيبي بس انت عارف عادتنا مينفعش اكون معاك لوحدنا وبعدين لو علي مسك ايدي لما نتجوز ابق اعمل اللي انت عايزة ،بصتله بصة اخيره وقالت:انا هنزل زمان امي صحيت ومستنياني تحت..؟
زين فضل واقف مكانوا ومصدوم من كلامها ولاكن بعدما فكر فيه كويس اكتشف ان عندها حق فابتسم ابتسامه خفيفيه ونزل وراها …
خرجت دنيا ورشاد من اوضتهم وقبل ما ينزلوا علي السلم دنيا قالت:شكل ماما وجميله لسا نايمين انزل انت وانا هروح اصحيهم..
رشاد هز راسه بالموافقه ونزل وهيا اتحركت لاوضة مامتها وجميلة وخبطت علي الباب بهدوء واستنت الرد ولما محدش رد عليها فتحت الباب ودخلت..؟
كانت مامتها نايمه وجميلة في حضنها ، فقربت من مامتها وقالت:ماما جميلة اصحوا يلا علشان الفطار..؟
مامتها فتحت عينيها وقالت:حاضر يا حبيبتي..
دنيا بصت لجميله لقتها لسا نايمه فقربت منها وقالت: جميلة يلا اصحي يا حبيبتي..؟
جميله حرجت راسها بنوم وقالت:لا عاوزه انام كمان شويه..،
دنيا ابتسمت وقربت شالتها وقالت:لا لازم تصحي علشان تفطري؟
جميله نامت علي كتفها ودنيا اتحركت للحمام وشغلت المايه واول ما جميلة سمعت صوت المايه فتحت عينيها بسرعة وقالت:لا مش عاوزة اغسل وشي..؟
دنيا ضحكت عليها ومدت ايديها بلتها بشويه مايه وقربت من وشها ومسحت عليها بالراحة وكررت الحركة دي اكتر من مرة علشان تتاكد انها فاقت..
دنيا بصت لوشها لقتها مفتحه عينيها وضمه حواجبها بزعل، فضحكت علي شكلهاوقالت:صباح الفل يا حبيبتي..
جميلة بصتلها وقالت بزعل:ليه صحتيني يا ماما انا كنت عاوزة انام..
دنيا خرجت من الحمام وهيا لسا شايلاها وقالت:علشان كفايا نوم الشمس طلعت خلاص..
مامتها قربت منها وقالت:هاتيها يا حبيبتي انا هغيرلها هدومها وانتي انزلي..
دنيا هزت راسها بالموافقة وطبعت قبلت علي خد جميله وقالت:ماشي يا حبيبتي بس متتأخروش..
مامتها هزت راسها واخدت جميله منها وبعدها دنيا خرجت من اوضتهم وقفلت وراها الباب..؟
في اوضة داليدا كانت صحيت وقالت :مش هتقوم علشان ننزل .؟
عمار هز راسه بنوم وقال: امممم قايم اهو..،
داليدا قامت من علي السرير وقبل ما تتحرك لقته بيشدها تاني وبينيمها جمبه وبيقول:الجميل ماله زعلان ليه علي الصبح كده..؟
داليدا بصتله باستغراب وقالت:وهو انا زعلانه..
عمار هز راسه وهيا بصتله وقالت:لا والله بس انا حلمت بيك بتت”حرش بيا فعلشان كده مش طيقاك؟
عمار فتح عينيه من الصدمة وقال:يا لهوي بعمل ايه دي كارثة اوعي تسكتي وتسيبي حقك..؟
داليدا ابتسمت علي كلامه وقالت:طيب مين هيجبلي حقي بق..؟
عمار قال وهو بيشاور علي نفسه:جوزك طبعا..
داليدا هزت راسها وقالت:طيب جوزي برضوا عمل زيه؟
عمار غمض عينيه وفتحها ورحع بصلها وقال:يعني عاوزه حقك من مين فيهم طيب..؟
داليدا شاورت عليه وقالت:منك انت..
عمار قرب منها ولسا هيبو”سها قامت جريت من قدامه بسرعه ،بص عليها وقال بضحكه:شكلنا هنعمل رياضة علي الصبح؟
قام جري وراها وهيا قفلت الباب عليها بسرعه وضحكت بصوت عالي وقالت:عاوز ايه ؟
عمار :افتحي الباب!
داليدا برفض:لا مش هفتح انت اصلا متح”رش؟
عمار ضحك علي كلامها وقال:انتي شكلك ناسيه ان انا ابق جوزك..،
داليدا ردت:بس انت معملتليش فرح انا ملبستش فستان؟
عمار وقف عند كلامها وفكر وبعدها رد وقال:يعني علشان تعامليني كزوج عاوزه فرح وتلبسي فستان..؟
داليدا هزت راسها وقالت:ايوا طبعا وبعدين دا حلم كل بنت ودا حقي..
عمار هز راسه وقال:طيب افتحي خلينا نتفق..
داليدا هزت راسها وقالت:طيب انا هفتح بس لو عملت اي حركة كدة ولا كده هبلغ البوليس..
عمار هز راسه وقال:متقلقيش وافتحي..
داليدا كانت متردده تفتح الباب ولاكنها اخدت القرار بسرعه وفتحتله الباب وقالت:ها اي رئيك في كلامي؟
عمار قرب منها وقال:دا كلام جميل وانا بحترمه وبصراحة انا كمان نفسي اشوفك طله بالفستان الابيض..؟
داليدا خجلت من كلامه وقالت:يعني انت بجد هتعملي فرح.. !
عمار بصلها بحب وقال:احلي فرح في الدنيا انتي تستاهلي كل حاجة حلوة يا داليدا..؟
داليدا عيونها دمعت بفرحه وقربت منه حضنته بحب وقالت:ربنا يخليك ليا يا عمار انا بحبك أوي..
عمار ضمها جامد ليه وقال: ويخليكي ليا يا حبيبت قلبي بس خليكي في خضني شريه..
داليدا ضحكت وبعدت عنه وقالت:انا اتحمست جداا للموضوع..
عمار بصلها وضحك وقال:حابة نعمل الفرح امتي بق ..
داليدا قلبها دق بفرحه وقالت:مش عارفه بس اكيد هحتاج وقت علشان الفستان والميكب وكمان القاعه اللي هنعمل فيها و..؟
عمار قاطعها وقال:سيبي كل الحجات دي امرها سهل وممكن تخلص في يوم انا بسألك مستعده امتي..
داليدا اخدت نفسها وغمضت عينيها وقالت:احنا في نص الشهر ممكن نعمله اخر الشهر.؟
عمار هز راسه بالموافقة وقرب من جبينها وطبع قبله وقال: اللي تشوفيه يا داليدا انا هعمله اهم حاجة تكوني فرحانه..
داليدا ابتسمت بفرحه وبصتله وقالت:انا مبسوطة اوي..
عمار ضمها ليه وقال:ودا اللي انا عايزه ،عايزك تكوني دايما مبسوطة..
نزلت دنيا وقربت من الصالون وقالت بابتسامه:صباح الخير..؟
كل اللي قاعدين ردوا عليها بابتسامه وقالوا:صباح النور..
دنيا قربت من رشاد وقالت: النهاردة يوم جميل وانا مبسوطة باللمة دي..
رشاد ابتسم وبص لخالته وملوك ولزين وقال:فعلا انا بقيت حاسس اني في وسط اهلي بجد..
دنيا طبطت علي ايديه وابتسمت وهوا قرب من خدها ومسكه بلطف واول ما عينيه جت في عين زين لقاه باصصله ورفع حاجبه رشاد قال بتساؤل:في حاجة؟
زين بعد عينه وبص لملوك اللي قاعده وماسكه في امها ولا كانها هتهرب فابتسملها ورجع بص قدامه تاني وكشر..
بعد وقت نزلت مامت دنيا وجميله وسلموا علي كل اللي موجودين وبعدها داليدا وعمار نزلوا واول ما الخدم لقوا ان كلهم صحوا قربت كبيرة الخدم من عمار وقالت:نجهز السفرة يا عمار باشا؟
عمار بصلها وبص لكل اللي قاعدين وقال:تمام؟
البنت مشيت وشاورت للخدم يجهزوا السفرة بسرعه وبعدها دخلت للمطبخ؟
عمار قعد وجمبه داليدا وهو بيبص علي زين لقاه زعلان وعينيه علي ملوك اللي قاعده جمب مامتها وماسكه ايديها ،فاتكلم عمار بتساؤل وقال:انتي مش قاعدة جمب خطيبك ليه يا ملوك..؟
ملوك انتبهت ليه وقالت:ها ؟
عمار بصلها وهز راسه وقال:بقول مش قاعدة جمب خطيبك ليه ؟
ملوك وشها احمر من الخجل وبصت لزين اللي فجاه ملامحه اتحولت للفرحه وقالت:اصل؟
عمار ابتسم وقال:عادي يا ملوك اقعدي جمبه وبعدين كلها كام يوم وهتكوني مراته متخافيش ..
ملوك بصت لمامتها واللي هزتلها راسها بالموافقه وكانت مبتسمه..
ملوك بصت لزين وبعدها وقفت وقربت منه وقعدت جمبه وهو بص لعمار بصة كلها امتنان وشكر وابتسم وبعدها بصلها وقال:كان لازم تاخدي الإذن يعني علشان تقعدي جمبي؟
ملوك بلعت ريقها من الكسوف وبعدها سكتت؟
بعد دقايق السفرة كانت جهزت والمل قام علشان يفطر وبعد ما فطروا قاموا وقعدوا تاني في الصالون ..؟
عمار بص لخالته وقال:انا شايف انك تفضلي هنا يا خالتي اظن وجودك في الصعيد لوحدك مش هيبق حلو ؟
كوثر هزت راسها وقالت:عندك حق انا كنت بفكر في كده امبارح..!
عمار ابتسم وقال:البيت بيتك يا خالتي ولو الاوضة اللي قاعدة فيها مش مريحة ممكن الخدم يجهزلوك اوضه اكبر..؟
كوثر هزت راسها بالرفض وقالت:لا يا حبيبي انامرتاحه فيها بس انا هروح الصعيد الاول اظبت اموري وبعدها هرجع تاني بس عاوزين نتكلم في جواز ملوك وزين الاول؟
عمار هز راسه وبص لزين وقال:انت بتقول ان عندك فيلتك وجاهزه ف ايه رئيك لو الفرح بق اخر الشهر دا هيكون مناسب ليك ولا ايه؟
زين بص لملوك وقال:انا بالنسبالي مناسب ولاكن ملوك بق مش عارف..؟
عمار بص لملوك وقال:ايه رئيك يا ملوك في الميعاد دا مستعده ليه..
ملوك بصتله وقالت: ايوا ، مناسب!
عمار هز راسه وقال:علي بركة الله ..
زين ابتسم وملوك ابتسمت ووقف عمار وقرب من اخوه وقال: بقولك ايه داليدا عاوزة يتعملها فرح وانا وافقت ..رشاد بصله وقال بصدمة:دنيا برضوا عاوزه يتعملها فرح علشان برضوا احنا دخلنا من غير منعمل..
عمار هز راسه وقال: دول شكلهم متفقين؟
رشاد بص لداليدا وعمار بص لدنيا اللي باصين عليهم ومركزين ف رجعوا بصوا لبعض تاني وعمار قال: اي رئيك بدل ما يكون فرح واحد نخليهم تلاته.. رشاد عجبته الفكره فهز راسه وقال:فكره كويسه بس لازم تعرفهم الاول..؟
عمار هز راسه ورجع تاني قعد جمب داليدا وهيا قالت بتساؤل:كنتوا بتتفقوا علي ايه؟
عمار بصلها وقال:دقايق وهتعرفي..
داليدا بصتله وضمت عينيها بتفكير وبعدها بصت لدنيا ولقت تظراتها ليها بتدل علي علامة استفهام هيا كمان؟؟
عمار بص للكل وقال:بصوا يا جماعه علشان تفهموا ايه اللي هيحصل:فرح زين وملوك مش هيكون فيه عروسه واحدة؟
الكل بصله بانتباه وهو كمل وقال:انا ورشاد هنعمل فرحنا معاهم؟
الكل سكت ولاكن دنيا وداليدا بصوا لبعض وابتسموا بفرحة؟
عمار وقف وقال:يعني كل اللي طالبه منكم لحد اخر الشهر دا تجهزوا نفسكوا ،شوفوا ايه اللي ناقصكم وهاتوه؟
دنيا وقفت وقربت من داليدا وقالت: اي رئيك ننزل نشتري فستاين مع بعض..
داليدا بصت لملوك وقالت:موافقه وهناخد ملوك معانا؟
ملوك بصتلهم وابتسمت وهما قربوا منها وقالوا: يبق اتفقنا؟
عمار بص لاخوه وابتسم وبعدها الاتنين قربوا من زين وشدوه وقفوه وقالوا:واحنا هنجيب البدل ما بعض؟
زين بلع ريقه وقال: بس انا عاوز..؟
عمار ورشاد بصله بغضب وهو هز راسه وقال: موافق..
رشاد بص لاخوه وضحك وزين لما لقاهم بيضحكوا ضحك معاهم والبنات كانوا واقفين وراهم وبيهمسوا بفرحه ومن الوقت دا ابتدت الزغاريد كل يوم تملي القصر لحدما جه يوم الفرح وكان هيتعمل في القصر ..
اكبر شركة تنظيم حفلات كانت هيا اللي مسؤلة عن تنظيم الجنينه وتحويلها لقاعة مخصصة لوجود ثلاث عيرسان؟
المعازيم بدات تحضر وكان الجو مختلف عن اي فرح شافوه قبل كده فكانت الدهشه والاعحاب علي وجوههم وبعدما الاسئلة زادت عن (فين العريس والعروسة)
خرج من بوابه القصر اول كابل وكانوا (زين وملوك ) كان زين لابس بدلة سوداء وملوك فستان ابيض وعليه حجاب وكانت عاملة ميكب سيمبل بارز جمالها الهادي والمميز ..
اول مشافوهم المعازيم سقفوا باعجاب وكانت البنات بتبص علي العروسه وهما معحبين بجمالها الهادي والمميز ..
وبعدما زين وملوك قعدوا دخلوا الكابل الثاني..
وكانوا (رشاد ودنيا )وكان رشاد لابس بدلة رمادية واللي لايقة جدا مع لون عيونه الرماديه وكان شكله مختلف لدرجة ان نص المعازيم كانوا مش مصدقين انه رشاد؟
دنيا كانت لابسه فستان سيمبل جدا ولايق علي شكل جسمها المتناسق وكان الميكب بتاعها سيمبل ولاكن العيون كانت واضحة وجمالها كان مميز عن باقي البنات؟
وبعدما وصلوا لمقعدهم ظهروا الكابل الثالث واللي اول ما دخلوا الكل ابدى اعجابهم الشديد ليهم لانهم مختلفين تماما عن الباقي؟
داليدا كانت لابسه فستان ابيض باكمام طويلة ولاكن مفتوح من الجنب فاتحة صغيرة وكانت سايبه شعرها علي ضهرها ولابسه تاج كان لايق مع شكل تسريحة شعرها وعمار كان لابس بدلة سوداء تقليديه ولاكن بوسامته الشديده جعلته اجمل من يرتدي البدل السوداء ..
وصلوا للمقعد بتاعهم وبعدها وصل المأزون علشان كتب كتاب زين وملوك وكان عمار وكيلها
كان مجهز طاولة وثلاث مراسي قعد المأزون وجمبه عماروفي الجمب التاني دين .. بدأ المازون يكتب الكتاب وملوك واقفه جنب داليدا وماسكه ايديها وفرحانه واول ما المأزون انتهي وبارك ليهم قرب زين منها وحضنها بفرحه وشالها لف بيها وبعدها قرب من عمار حضنه وقال:متقلقش عليها دي في عيني والله..
عمار ابتسم وقال:وانا واثق فيك يا زين؟
زين ابتسم وقرب من اخته حضنها وقال بفرحه: الف مبروك يا داليدا؟
داليدا ضحكت وقالت:وانت الف مبروك يا حبيبي.
زين ضحك وبعدها سلم علي رشاد وحضنه وسلم علي دنيا بالايد ورجع تاني وقف جمب ملوك وبدات الاغاني تشتغل والمعازيم وقفوا علشان يرقصوا مع العريسان ..
كانوا قاعدين في ركن بعيد وبيبصوا عليهم بفرحة
حسناء اخت ملوك وجوزها وبناتها الاتنين..
كانت داخله كوثر مع والدت دنيا وهيا معديه خبطت في طفلة صغيرة جريت فجاه قدامها..
كوثر بصتلها وقالت بخضه:علي مهلك يا حبيبتي!
حسناء وقفت لما انتبهت ان بنتها اختفت من جنبها فاول ما رفعت عينها علشان تشوف الست اللي شيلاها قالت بصدمه:ماما؟
كوثر ما اخدتش بالها ولاكن لما حسناء قربت عليهم قالت بدهشه وهيا مش مصدقة عينيها:حسناء ؟
حسناء من صدمتها مكنتش عارفه تقول ايه بس قربت من بنتها وقالت:انتي كويسه يا حبيبتي..
كوثر بصت للبنت بصدمه وقالت:دي بنتك؟
حسناء بلعت ريقها وبصت لمامتها وقالت:ايوا؟
جوز حسناء وقف لما انتبه انها اتاخرت فاول مشافها واقفه مع واحده ست قرب منها وقال بتساؤل:في مشكلة ولا ايه يا حسناء ؟
حسناء بصتله وقالت:لا يا علي بس البنت كانت مع ..؟
قالت الكلمه وسكتت ف كوثر بصتلها وقالت:دا جوزك؟
حسناء بصت لعلي وهزت راسها وقالت:ايوا يا ماما؟
علي بص علي كوثر وقال بصدمة:انتي بحد والدتها؟
كوثر هزت راسها وعلي اول ماتاكد ابتسم وقال:اتشرفت جدا بيكي..،
حسناء بصت لمامتها وابتسمت وبعدها قربت من بنتها التانيه وشالتها وقالت:دي كوثر بنتي الكبيره وشاورت علي بنتها اللي خبطت في كوثر وقالت:ودي ملوك بنتي الصغيرة..؟
مامت دنيا كانت قعدت هيا وجميله من بدري ولما بصوا غلي موثر وشافوها بتتكلم مع نلس خمنت انهم قرايبها فاستنتها لما تخلص معاهم وتيجي براحتها؟
كوثر ابتسمت اول مشافت احفادها فقربت من بنتها وحضنتها وقالت:كنتي فين كل دا يا بنتي..
حسناء عيونها دمعت وضمتها اكتر وقالت:سامحيني ياماما !
كوثر بعدت عنها وقالت:انا سامحتك من زمان بس انتي اللي مرجعتيش..؟
حسناء:انا اسفه يا ماما؟
كوثر ضمتها تاني وقالت:وحشتيني اوي اوي..
حسناء طبطبت علي ضهرها بحب وقالت:وانتي كمان يا ماما؟
علي كان باصص عليهم ومبتسم فشال ملوك بحب وقال:سلمي علي تيتا يا ملوك ؟
كوثر بعدت عن حسناء وبصت لاحفادها بفرحه وقالت: دول شبهك اوي ؟
حسناء هزت راسها بابتسامه وقالت :ايوا بس كوثر كلها انتي يا ماما؟
كوثر بصت علي موثر الصغيره وشافت فعلا الشبه الكبيره اللي بينهم فقربت منها وشالتها بحب وطبعت قبله علي خدها وقالت:ربنا يحفظهم ليكي من كل شر؟
حسناء ابتسمت وقالت:خلينا نقعد يا ماما بدل ما احنا واقفيت؟
كوثر هزت راسها ورجعوا كلهم قعدوا واول ما حسناء عينيها جت في عين والدتها تاني دموعها اتجمعت في عينيها وكانت علي وشك العياط ..علي وقف واستاذن منهم انه هيروح يسلم علي عمار ورشاد وهيا بصتله بابتسامه وهزت راسها واول ما مشي وسابهم كوثر بصت لبنتها وقالت بتساؤل:هو دا اللي هربتي معاه؟
كوثر هزت راسها بالرفض وقالت:لا انا مشيت لوحدي لان اللي اتحوزته عرفي رفض يعترف بجوازنا ف دا اللي عمار جوزهولي؟
كوثر بصتلها بصدمه وقالت:عمار؟
حسناء هزت راسها وقالت:انا لما هربت روحت للقصر عند عمار وعرفته كل اللي حصل وهو قعدني عنده سنتين لحدما ابويا مات ووقتها طلب من واحد من رجالته اللي هوا علي انه يتجوزني لفتره مؤقته وبعدما اتجوزت علي حملت منه علي طول وبعدها بفتره اكتشفت اني حبيته جدا وهو حبني وقررنا نكما حياتنا مع بعض وننسي اللي فات..؟
كوثر عيونها دمعت وقالت:يعني عمار عارف مكانك من وقتها مخبي عليا؟
حسناء :متظلميهوش ياماما انا اللي طلبت منه يعمل كده علشان عارفة انك مش هتسامحيني؟
كوثر غمضت عينيها بتعب وسكتت.،حسناء قربت منها بقلق وقالت:ماما انتي كويسه؟
كوثر فتحت عينيها وقالت: كويسه؟
حسناء هزت راسها وقالت:خلينا ننسي اللي فات ونبدأ حياة جديدة ،،عمار أصلا كان هيعرفك كل الحقيقع بس بعدما الفرح يخلص ..بس خلاص انتي عرفتي مني كل حاجه فعلشان خاطري سامحيني وسامحيه وخلينا نبدأ حياه جديده وننسي كل اللي فات؟
كوثر بصت لعمار اللي كان فرحان بحزن وبعدها بصت لحسناء وهزت راسها ،حسناء ابتسمت وحضنتها وقالت:خلينا نروح نسلم علي ملوك؟
كوثر مسكتها وقالت:مدام كنتوا هنعرفوني انا وملوك بعد الفرح يبق تستني لما الفرح يخلص..
حسناء هزت راسها بالموافقه وكوثر قامت من جمبها وقربت من ام دنيا وقعدت جمبها من غير ولا ملمه ومامت دنيا بصتلها وقالت:انتي كويسه يا حبيبتي ؟
كوثر هزت راسها بالموافقه وقالت:ايوا؟
الفرح خلص بعد ساعتين والمعازيم ملها مانتزمشيت فدخلوا كلهم للقصر واول ما كل واحد مسك ايد مراته وطالع اوضته صوت كوثر وقفهم لما قالت بصوت عالي مليان غضب :عمار ؟
عمار لفلها باستغراب والكل انتبه لصوتها ولفولها.. كوثر قربت من عمار ومسكته لياقة قميصه وقالت بغضب:انت ازاي تخبي عليا انك عارف مكانها كل السنين دي..؟
عمار بلع ريقه وقال:خالتي ممكن تهدي؟
كوثر بصدمه:اهدي ازاي انت شايفني مجنونه وبشد في شعري؟
عمار نزل ايدها وقال:انا مش قصدي كده يا خالتي بس انا عملت كده علشان..؟
كوثر ضربته بالقلم وكان المل مستغرب اللي عيا عملته فاطلقت داليدا صرخه بتدل علي صدمتها ولاكن كوثر كملت كلامها وهيا متجاهله لصدمتهن وقالت بغضب:علشان انت خاين يا عمار وانا وثقت فيك ولاكن ضيعت ثقتي كلها في الارض انت كذاب يا عمار؟؟
يتبع بقلمي شيماء صبحي ❤️☺️
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق