رواية بنات عيسي الفصل الرابع بقلم شيماء الديب حصريه وجديده
ام ابراهيم بعد ماضريت عزيزه بالقلم وملامح الغضب اتمكنت من وشها بصتلها بحده /اولا انا اشرف منك ومن عيلتك كلها،
وعيسي دا من دور ابني االه يرحمه وهو بيعتبرني زي امه ،وبالرغم من كده بقوله ياحاج عيسي عشان دا راجل زار بيت ربنا …هو انتي عشان مش لاقيه حد يحاسبك علي عمايلك الزباله مفكره الناس كلها زيك ياعزيزه …
ثانيا انتي مالك ومال الطبخ اصلا دي مش شغلتك انتي هنا اخرك تكنسي وتمسحي وتنضفي الحمامات ،هو انتي مفكراني مش فاهمه انتي بتدبري لأيه كويس …انتي مفكراني مختومه علي قفايا …اعملي حسابك طول ماانا عايشه وفيا نفس مش هتقدري تنفذي اللي دماغك وفي اللي بتدبريله ياعزيزه
عزيزه شافت عيسي جاي من بعيد فبدأت تعيط وتنزل دموع التماسيح وبأنهيار وصوت عالي/ انتي بتكرهيني كده ليه ،حرام عليكي انتي عاوزه تقطعي عيشي ليه ،هو انا اذنبت اني حضرت لقمه لسي عيسي بدالك عشان عارفه انك تعبانه الفتره دي
عيسي دخل عليهم المطبخ / فين قهوتي ياام ابراهيم …وصوتكم عالي ليه كده …مالك ياعزيزه بتعيطي ليه
أم ابراهيم باارتباك / لا مفيش حاجه يابني انا اسفه اني اتأخرت عليك بالقهوه …حالا هعملها
عيسي بأصرار / مالك ياام ابراهيم ،احكيلي ايه اللي حصل
عزيزه بعياط / كل دا عشان حضرتلك لقمه ياسي عيسي راحت ضربتني واهانتني وزادت في العياط
عيسي بصدمه / ضربتيها ⁉، ردي عليا ياام ابراهيم …ام ابراهيم ساكته ودموعها بس نازله ومش بترد …انا بكلمك ياام ابراهيم ايه اللي حصل
ام ابراهيم بنبره حزينه / اه يابني ضربتها بالقلم …بس…عزيزه قطعت كلامها بسرعه
عزيزه / خلاص ياسي عيسي انا مسمحاها ،ابوس ايدك ماتزعلها …ام ابراهيم دي زي امي وخلطه ومش هتتكرر
عيسي بص لام ابراهيم ومش مرتاح / لينا كلام بعدين ياام ابراهيم …وانتي ياعزيزه بوسي علي راسها وراضيها
عزيزه بحده / بس هي اللي …
عيسي بحده / سمعتي !!
عزيزه باارتباك / حاضر حاضر …وقربت منها وسكت راسها وباستها وهي بتدوس علي اسنانها بالغيظ وبصوت واطي ،حقك عليا ياام ابراهيم
عيسي / انا رايح الشغل ياام ابراهيم وعاوز الغدا بدري …عشان جاي لي ناس وهاجي من الشغل بدري …وخلي بالك من زينه لحد ماارجع
عزيزه بسرعه / متقلقش ياسي عيسي زينه في عيوني الاتنين
ام ابراهيم / حاضر ياحاج …ومشي عيسي …وقربت منها عزيزه اكتر وحطت ايديها علي كتفها ببرود
عزيزه باابتسامه خبيثه وبتمسح دموعها / شوفتي بقي انا طلعت جدعه ومردتش اكبر الموضوع وراضيتك ازاي …اي رايك فيا
ام ابراهيم بغضب / انا عمري ماشوفت ممثله زيك …وزقت ايديها من علي كتفها وراحت علي اوضة زينه
عزيزه ماسكه سكينه في ايديها وبتبصلها ومبتسمه/ متقلقيش ياام ابراهيم اكيد عشان انفذ اللي ف دماغي مش هيكون ليكي وجود في الدنيا وهبعتلك لابنك في الاخره
ام ابراهيم دخلت لزينه اوضتها وشالتها وفضلت تتأمل في ملامحها / هتوحشني ملامحك اللي زي الملايكه يازينه ،ياطيبه يابنت الطيبه … المهم اني هتطمن عليكي اكتر لما تبعدي من هنا وتروحي عند خالتك نورا …واخيرا قلبي هيرتاح
مر الوقت وام ابراهيم خلصت الغدا وعزيزه خلصت البيت كله وكان وصل عيسي البيت
ام ابراهيم شافته وقربت عليه / حمدالله علي السلامه يابني …هنحضر الغدا دلوقتي ولا لسه مش دلوقتي
عيسي / لا شويه كده ،طمنيني علي زينه عامله ايه ،غيرتلها وجهزتيها ،عشان مدير اعمال خالتها والبيبي سيتر زمانهم علي وصول
ام ابراهيم / اه كل حاجه جاهزه ، والله زينه هتفضي علينا البيت
عيسي بنبره حزينه / اعمل ايه بس ما باليد حيلهر،بس باذن الله تشد حيلها بس واجيبها تعيش معايا تاني اتطمني ياام ابراهيم ،المهم قوليلي لو عزيزه مضيقاكي هنا ممكن نمشيها ونشوف غيرها عادي
ام ابراهيم بتطبطب علي كتفه برضا / لا يابني ربنا مايجعلني قطاعة ارزاق ، متقلقش ياعيسي يابني انا بس عطيتها قرصة ودن عشان متتدخلش في اللي ميخصهاش
عيسي / والله انتي طيبه اوي ياام ابراهيم ودايما بتفكريني باامي الله يرحمها …فجأه تليفونه رن لقاها نورا …السلام عليكم اخبارك ايه ياام فارس
نورا باابتسامه/ انا وفارس قاعدين منتظرين بفارغ الصبر وصول الاميره الصغيره
عيسي باابتسامه / يابختكم ياست نورا انتم هتضحكو وانا هقضيها نكد علي ام ابراهيم ،ام ابراهيم فضلت تضحك
نورا بضحك / ههههههه ياعيني علي ام ابراهيم والله هتستحمل كتير منك ياعيسي ،المهم سمير والبيبي سيترعلي وصول ،فجأه جرس الباب رن ،وراحت بسرعه ام ابراهيم تفتح الباب لقيتهم هما
عيسي / اهم وصولو ياام فارس متقلقيش يلا سلام دلوقتي …عيسي قابل الناس واتغدو وعمل معاهم الواجب وجت اللحظه الحاسمه ،دخل يجيب زينه من اوضتها ودخلت وراه ام ابراهيم
واول مااخدها في حضنه انهار بالعياط … عزيزه متابعه الحوار من بعيد ومش فاهمه ايه اللي بيدور او ايه اللي هيحصل
ام ابراهيم بتطبطب علي عيسي / اهدا يابني مش كده البنت هتقوم مفزوعه علي صوتك ، وحد الله كده وهي فتره وهتعدي وترجع لحضنك من جديد ،يلا يابني اطلع اعطيها للناس عشان يلحقوا يرجعو بلدهم
بالفعل طلع عيسي وعطاهم البنت وشافتهم عزيزه من ورا الستاره بزهول / هاااااا بقي كده ،يعني الناس دي جايه تاخد زينه ،يوووه بس علي فين ،انا لازم اعرف التفاصيل ،وتعرفي ليه ياعزيزه مش دا هدفك ،ركزي علي هدفك واهي واحد وانزاح من قدامك ركزي هتخلصي من التاني ازاي …
