رواية القاتله والخائنه ماما الفصل الاول بقلم الكاتب عادل الصعيدي حصريه وجديده في مدونة النجم المتوهج
 |
اترددت كتير وانا بقدم علي شغل في شركة برهام
وخصوصا ان بابا مات وهو بيشتغل فيها ..
بس اللي شجعني
اعمل كدا
الكلمه الا قالها عمي حسن
قبل موته بلحظات
_ ابوكي مات بفعل فاعل قدام عنيا يا موني هاتي حقك باباكي
من يومها والكلمه دي في وداني
وبتتردد في ودني كتير
كنت مستنيه الفرصه الا اخلصها فيها الكليه
واحاول ادخل الشركه دي عشان اعرف
الجاني المجهول الا قتل بابا
وقبل ما اكمل
انا مني وعندي 32 سنه
عايشه انا وماما واخويا نادر في شقه احدي مدن العاصمه ..
صحيت من نومي الصبح
واخدت الشور بتاعي
ومعايا الورق الخاص بيا
ماما كانت مجهزه الفطار زي العاده ..
ماما قاعده علي السفره ومستنيه افطر معاهم وانا كالعاده من ايام الكليه بعمل السندوتش وباكله انا وخارجه
بصتلي ماما بضيق
وقالت ..
القصه كامله بصفحتي
عادل الصعيدي
اقعدي يا بنتي ربنا يهديكي افطري وبعدين انزلي
رديت وقلت
انتي عارفه يا ماما النهارده مقابلة الشغل بتاعي ولازم اكون جاهزه
ردت وقالت
ويا تري برضوا شركة برهام تاني
قلت بهدوء
تاني وتالت يا ماما انا لازم اتعين في الشركه
وخلاص النهارده المقابله
افرحي بقي لقيت شغل .
كانت نظرتها غريبه بعض الشي . مشفتش الفرحه في عنيها والا وشها وقالت ..
ماشي يا حبيبتي لما نشوف اخرت الشركه اللي شاغله دماغك دي
قدمت في شركات كتير بس الشركه بتاعت بابا كانت دايما ماما تعارض اني اشتغل فيها
ولما كنت اسألها كان ردها الوحيد .
مفيش بس مش عايزه افتكر منها حاجه خالص
سبتها ونزلت وركبت تاكسي ووصلت الشركه
وطلعت فوق ومستنيه اقابل مدير الشركه برهام
وبعد وقت من الانتظار عند السكرتاريه
طلعت السكرتيره ونادت عليا وقالت ..
معلش يا انسه
برهام بيه مش فاضي
وتقدري تستلمي شغلك
الاستاذ فايز هعرفك مكتبك بالمصنع ...
فرحت طبعا اووي
ومفيش وقت واخدني الموظف اللي اسمه فايز
وسلمني شغلي في الأرشيف بتاع الشركه
عدي الاسبوع الاول عليا في الشغل وتقريبا
عرفت اغلب الموظفين
وبدأت افهم شغلي بالشركه وبدأت اخد علي الوضع هناك ..
وفي يوم كنت قاعده انا وحبيت اقولها انا ليه كنت مصره علي الشغل بشركة برهام
وقالتلها علي قاله عم حسن قبل ما يموت
واتصدمت من الا قالتله ليا ...
انتي اتجننتي يا مني حسن دي بيخرف ازاي تسمحي لنفسك تتكلمي مع واحد زي حسن دي
رديت عليها بهدوء
بس عم حسن صاحب بابا وعشره ويعتبر هو مربيني مع بابا وانا زي بنته يا ماما
ردت بغضب
يووه خلاص بقي مش عايزه اعرف حاجه
بعد اذنك رايحه انام
سبتني ومشيت واللي انا مستغربه منه
هيا زعلت كدا ليه
وردها كان بغضب وخصوصا لما جبت سيرة عم حسن
انا من زمان وانا صغيره كنت اسمعها هيا وبابا
بيتخانقوا لما يزونا عم حسن البيت
بس مكنتش اعرف ان ماما بتكره عم حسن اووي كدا
اكيد في حاجه انا مش فهماها
او في سر في الحكايه
واكيد هعرف مع الوقت ...
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق