رواية البحث عن محلل البارت الرابع حصريه وجديده على مدونة النجم المتوهج
رواية البحث عن محلل الجزء الرابع حصريه وجديده على مدونة النجم المتوهج
 |
لم يقتنع محسن بان يكون خالد الروش هو الحل
ولم يصبر كثيرا عاد مسرعا الي ام خميس
قال لام خميس الخاطبه
ياريت تشوفي حد تاني غير خالد الروش شكله مش عاجبني ومش مرتاح له
قالت ام خميس
ياستاذ خالدد الروش دا هو اللي اضمنهولك ماتقلقش منه خالص
قالها
طيب فيها ايه لو شوفتي راجل كبير في السن يكون محترم شويه
قالتلو طيب اصبر بقي لما نشوف
قالها
اصبر لامتي يعني
قالتلو
لغايه لما اشوف حد اصل انا بصراحه مش لاقيه غير خالد الروش هو دا كل ماحد يجيني عشان محلل برشحلو خالد الروش
قبل كدا جربت واحد تاني طلع حرامي وسرق الدهب وكانت فضيحه
وجربت واحد تاني كبير مات في ليله الدخله
بص يااستاذ انت اقعد مع خالد الروش واتفق معاه
ودا رقم خالد الروش رن عليه وقابله
لم ينتظر محسن كثيرا رن علي خالد الروش وطلب يقابله علي مقهي قريب من ام خميس
جاء خالد الروش استقبله محسن بترحاب وطلب له شاي
وجلسو يتحدثون
قال محسن
ياخالد انا عايزك تطلع معايا جدع وتعتبرني زي اخوك وتعتبر امال زي اختك وانا مش هقصر معاك اللي انت عايزه هديهولك بس المهم ماتجيش جنب امال او تلمسها
نظر اليه خالد الروش
وقاله
ياباشا والله ماتقلق من ايتها حاجه انا مقدر ظروفك وبعدين ياباشا انا عارف انا بعمل ايه دي مش اول مره
اكون محلل وبعدين انا اعرف الاصول
قال محسن
يعني اطمن انك مش هتيجي جنبها
قاله ياباشا ماتقلقش بس انت فتح دماغك معايا الحياه صعبه اوي والعيشه غاليه
نظر محسن الي خالد الروش وقال
انت يرضيك كام
قال خالد الروش انا باخد عشر تلاف جنيه
قال محسن
انا هديك خمسه قبل الجواز ولما تطلق هديك عشر تلاف جنيه
قال خالد الروش بحماسه
ايوه هو دا الكلام انا تحت امرك ياكبير كدا انا احبك
انصرف محسن وقد اقتنع ان خالد الروش لايهمه سوي المال ومقابل المال لن يلمس امال او يتحرش بها
في اليوم التالي زهب الي بيت امال وقال لوالدها
انا خلاص وافقت علي خالد الروش وهنكتب الكتاب بكره انشاء الله
قال والد امال طيب وهيسكنو فين
قال محسن هيسكنو عندي في الشقه
انا هسيبلهم الشقه اسبوع
قال والد امال طيب وتكاليف الفرح
قال محسن انا هدفع كل حاجه ماتقلقش ياعمي
اتصل محسن بام خميس وقال لها
انا هاجي بكره انا وامال والشهود عشان نكتب الكتاب جهزي المازون
ثم اتصل محسن بخالد الروش ليعلمه
قال خالد الروش لمحسن
اهم يااستاذ محسن تجهزلي لزوم الليله والجواز
قال محسن لزوم ايه خير
قاله يااستاذ محسن كلك نظر
يعني تجهزلي عشي حلو حمام وبط اصل انا مابحبش الفراخ ولازم يكون في التلاجه فاكهه وعصير وي والبرت وبيجامه جديده ونص دسته فنلات ودسته سلبات وكمان ياباشا قاروصتين سجاير مارلبورو وشويه لب وسوداني وفستق وبندق عشان بحب اتسلي وياريت بقي ياباشا تجبلي مكنتين حلاقه جاهزين من النوع الكويس
اتصدم محسن من طلبات خالد الروش
قاله ايه ياعم هو انت طالع رحله ولا هتروح تحارب
قال خالد ياباشا كله من خيرك ولمصلحتك انت اصل انا بكون زهقان من القاعده لوحدي افهم بقي ياباشا
قال محسن
ماشي حاضر اللي انت عايزه
بس يارب تتطلع جدع معايا
تابع القصه
ياترى خالد الروش هيطلع جدع تابع القصه تعلقات كتير
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
0 تعليقات