روايه ليه يازمن الفصل 16/17/18/19/20 بقلم نسرين بلعجيلي حصريه وجديده على مدونة النجم المتوهج
 |
الفصل 16
نوال : رايحه فين يا مجنونه؟
سماح : سيبيني انزل.
نوال: أبوكي تحت، اقعدي خلينا نفكر هانعمل إيه..
تحت عند المعلم....
رحب بالضيوف.
احمد أبو مراد : من غير مقدمات كثير، إحنا جايين نطلب إيد الآنسة فرح لابني مراد.
المعلم : شرفتونا ونورتونا.
أم مراد : اومال فين العروسة؟
رحمه : اقوم اجيبها، هي مكسوفه.
راحت رحمه تجيبها من المطبخ.
رحمه : يلا يا بنتي.
فرح : انا خايفه ومكسوفة اوي
رحمه : الف مبروك يا حبيبتي متتكسفيش ، شيلي صينيه القهوه و ابتدي من اليمين من حماك. ولما تخلصي حطي الصينيه على الترابيزه واقعدي جنب حماتك.
طلعت فرح وقلبها بيدق طبول كثيره من الفرحه والخوف والشوق والحب ومن المفاجأة.
NISRINE BELLAAJILI
دخلت الصالون...
فرح : السلام عليكم.
أم مراد : اللهم صل على سيدنا محمد، ماشاء الله تبارك الله.
المعلم : تعالي يا بنتي قدمي القهوه وسلمي على حماكي.
احمد: باسم الله ماشاء الله، يا زين ما اخترت يابني.
مراد عينيه هاتطلع عليها.
مراد : شكرا يا بابا.
قدمت ليهم القهوه وقعدت جنب تهاني مامت مراد.
احمد : نتكلم في الجد بقا يا معلم.
المعلم : اتفضل يا احمد بيه.
احمد : بلاش ألقاب، قلي بس يا احمد، احنا جايين طالبين إيد بنتك فرح لابننا مراد. وزي ما أنت عارف هو شغال مع علي وهيفتحوا مكتب مع بعض. وعنده عربيه وشقه جاهزه من كل حاجه. يعني مش هانختلف في حاجه. اطلب الشبكه و المهر إلي انتم عايزينوا.
علي : قبل ما نتكلم في التفاصيل دي لازم نسمع رأي العروسه الأول، ونسيبهم يتكلموا مع بعض شويه.
رحمه : عين العقل يا بني.
تهاني : آه، زي ما قالي ابني هما مايعرفوش بعض شخصيا ، وابني حب يدخل البيت من بابه.
رحمه : دا من حسن تربيتكم ليه.
احمد : وتربيتكم كمان يا حاجه، وكفايه اخلاق علي إلي الكل بيشهد بيها.
NISRINE BELLAAJILI
المعلم : الصراحه الحاجه رحمه ماقصرتش في تربيتهم انا كنت مشغول دايما وهي اللي ربتهم وماشاء الله الكل يشهد بأخلاقهم.
احمد : الست الكويسه وبنت الأصول رزق من ربنا.
المعلم : احسن رزق ربنا مايحرمني منها.
علي كان مستغرب كلام ابوه.
علي : قومي يا فرح خذي مراد واقعدوا في البلكونه اتكلموا. والي انت عايزاه هو اللي هيحصل.
فرح قامت ومعاها مراد.
دخلوا البلكونه
مراد : اخيرا هنتكلم مع بعض من غير خوف.
فرح : الحمدلله.
مراد: إنت عارفه إني معجب بيكي او ممكن اقول اني بحبك؟
فرح وشها جاب ألوان.
مراد : موافقه عليا؟؟
فرح: أنا خايفه من اختي سماح اصل هي بتحبك.
مراد : آسف على كلامي، بس اختك
مراهقه و أنانيه، ودا مش حب، وحاجه ثانيه مش عايز نتكلم عليها، خلينا فينا إحنا.
مراد، انا عايز اطلب من ابوكي نكتب كتابنا.
فرح : نكتب كتابنا ؟!!!
مراد : استنيتك سنين ومش عايز ادخل في جو الخطوبه. انا عايز آخذ راحتي معاكي، نتعرف على بعض من غير قيود. نكتب كتابنا ولما نستعد كويس نعمل فرحنا. قلتي إيه؟
فرح : مش عارفه.
مراد : ارجوكي وافقي.
فرح : اللي تشوفه
مراد : الله عليكي وانت مطيعه كدا. فضلوا يتكلموا ونيسيوا نفسهم
لحد ما طلعت ليهم رحمه.
رحمه : يلا يا اولاد.
ادخلوا جوه....
مراد : بعد اذنك يا معلم انا اتفقت مع فرح نكتب كتابنا على طول.
علي : من غير خطوبه ؟
مراد : أظن كده أحسن نتعرف على بعض في إيطار شرعي احسن.
انا جايب دبلتين معايا نعلن خطوبتنا النهارده، واخر الأسبوع نكتب كتابنا في حفله في مسجد ولحد ما نعمل فرح كبير.
علي : انت رأيك إيه يا فرح ؟؟؟
فرح : اللي تشوفوه انا موافقه عليه.
احمد : شكلهم متقفين، خير البر عاجله.
رحمه : وانا شايفه إنه عين العقل.
قرأوا الفاتحة ولبسها الدبله وابتدت الزغاريد.
سمعت سماح الزغاريد وجن جنونها وابتدت تصوت.
نوال : اهدي يا بنتي.
سماح : سامعه خطبها. اوعي من قدامي.
ونزلت تجري علي تحت وفضلت تخبط الباب وهي بتعيط
مسعدة فتحت الباب.
دخلت سماح وهي بتنهج ونوال وراها.
المعلم وقف لما شافها.
NISRINE BELLAAJILI
المعلم : مش قلت ماشوفش وشك انت وعيالك هنا؟
سماح : ليه ؟؟؟ ها علشان بنتك فرح؟؟ هو انا مش بنتك ؟
رحمة : في إيه يا نوال انت وبنتك داخلين علينا كده ؟؟
نوال استغلت الفرصه.
نوال : في إنك ست مفتريه، طول عمرك حاطه المعلم في عبك، وكل الخير ليكي و لعيالك، ونوال كخه هي و عيالها.
المعلم : خذي بنتك واطلعي يا نوال.
نوال : لأ مش طالعه.
احمد : في إيه يا جماعه ما تستهدوا بالله.
فرح كانت بتترعش، مراد لا إراديا مسك ايديها يطمنها.
علي : تعالي معايا يا سماح.
سماح : ابعد عني، انت كمان جايب صاحبك يخطب اختك وانا لأ،
صاحبك دا كان بيشاغلني وخلاني أحبه، وجت اختك السوسه دي اخذته مني.
علي بكل قوته ضربها قلم علشان يفوقها، بس حصل العكس سماح
انهارت وابتدت تعيط وراحت عند مراد.
سماح : إنت بتحبني انا مش هي، انا بحبك ليه خطبتها هي؟؟
تهاني : أستغفر الله العظيم، بتقولي إيه يا بنتي؟
رحمه : نوال خذي بنتك واطلعي بره شقتي.
نوال : حوش حوش على شقتك، انت إيه يا وليه مش بتشبعي؟ عايزه كل حاجه ليكي و لعيالك؟ حتى الي حبته بنتي اخذتيه لبنتك. ليه وافقتي وانت عارفه إن سماح بتحبه.
المعلم : عليا الطلاق بالثلاثه لو ماخدتيش بنتك من هنا مش هيحصل طيب.
نوال : عايز تطلقني يا معلم ؟؟؟
فرح من الخوف اغمي عليها.
مراد : فرح فرح؟؟؟
الكل انتبه على صوته.
رحمه : بنتي يا ناس.
علي راح يجري علي اخته شالها.
مراد : يالا ناخدها علي المستشفى.
الكل راح وفضلت نوال مصدومه هي و بنتها.
نوال : حسبي الله ونعم الوكيل فيك يا فرح يا بنت رحمه.
الوقت دا نانسي كانت واقفه
نانسي : ما تحسبني على بنتك الي بوظت فرحة اختها. قلبك اسود إنت وعيالك.
نوال : وديني وما اعبد لو ما سكتيش أكون جايبه شعرك تحت رجلي.
NISRINE BELLAAJILI
نانسي : لو مرا حره تعالي قربي. عارفه صعبانه عليا بنتك الي اخدت طباعك، دخلتي الوهم في دماغها.
من إمتى مراد كان بيحب بنتك؟؟؟
حرام عليكي يا وليه دخلتي الأوهام في رأسها بدل ما تعقليها.
نوال اخذت بنتها وطلعوا الشقه.
أما في المستشفى...
احمد و تهاني مكانوش فاهمين حاجه خالص بس مش عاجبهم إلي حصل.
احمد : بقولك إيه؟ عقلي إبنك وبلاها الجوازه دي.
تهاني : إنت بتقول إيه؟
احمد : بقول الصح اللي لازم يتعمل. إنت ما شفتيش بجاحة البت وهي مطلعه عينيها وبتقول بتحب إبنك. انت عاوزه إبنك يدخل بين الأخوات، على قلة البنات، إي نعم البنت حلوه و اخلاق بس مش نصيبه.
تهاني : في حاجه غلط في الموضوع، إبنك بيحبها وعملة اختها مش تمام او مجنونه.
في اوضة فرح كانت رحمه قاعده وجنبها المعلم.
رحمه : انفضحنا يا معلم، بنتك كسرت قلب بنتي.
المعلم: استهدي بالله يا رحمه، في حاجه في الموضوع، مايكونش....
رحمه : في إن بنتك قليلة الربايه، طالعه لأمها. الراجل معملش حاجه وبنتك راميه جتتها عليه من غير حيا. ما هي هتجيبه منين؟؟
المعلم : دي تربيتك يا رحمه.
رحمه : تربيتي هي علي وسميرة وفرح، أما كريم وسماح ربنا العالم تعبت فيهم قد إيه، بس هقول إيه الأساس غلط. انت وامهم رميتوهم لي ودلوقتي تقولي تربيتك.
البنت لما طلعت من حضني أهو شفت اللي حصل. البت كانت معايا زي النسمه، بس لما أمها فضلت تزن تطلع تعيش معاها شوف اللي حصل.
المعلم : عندك حق الجوازه كلها اتفشكلت.
رحمه : تف من بؤك، بتقول إيه؟؟
المعلم : بقول اللي لازم يحصل. مش معقوله اجوز فرح لمراد والبت سماح، أستغفر الله، بتحبه. مايرضيش ربنا.
رحمه : ويرضي ربنا انك تكسر قلب بنتي. فرح بتحب مراد و انا مش هفرق بينهم علشان خاطر بنتك، هي اصلا مش بتحبه بس عايزه اللي في إيد اختها. إلا اولادي يا معلم، هاقف ليك ومش هاسكت.
الدكتور طلع..
علي : خير يا دكتور طمنا ؟؟
الدكتور : انهيار عصبي. إيديتها حقنه مهدئه، بكره بإذن الله تصحى وتبقى زي الفل.
مراد : متأكد يا دكتور ؟
الدكتور : آه طبعا جات سليمه. الحمد لله على سلامتها.
علي : يلا أمي روحي ارتاحي.
رحمه : لأ أنا هفضل معاها لحد ماتصحى.
احمد : طيب حمد الله على سلامتها. يلا يا مراد، وجودنا مالوش لازمه.
مراد : روح انت و ماما، انا هفضل هنا.
احمد بعصبيه..
احمد : قلتلك وجودنا مالوش لازمه يلا قدامي.
علي : روح انت، هبقى اطمنك.
مراد استسلم وراح معاهم.
أما علي فراح للمعلم...
علي : عجبتك الفضيحه اللي حصلت؟؟ شايف تربية الست نوال؟
رحمه : مالوش داعي الكلام دا يابني.
علي : لا ليه داعي، اللي جوه دي أختي اللي طول عمرها ساكته ومستحمله، في الآخر تيجي بنت مش متربيه تبوظ فرحتها؟
المعلم : اللي بتتكلم عليها تبقى اختك هي كمان.
علي : اختي هي اللي جوه. من النهارده مش عايز اعرفها. انت ماشفتش أبو مراد كان بيبص علينا ازاي. بنتك فضحتنا، دخلت تكلم راجل غريب تقوله بحبك. ولما خطب اختها كذبت عليه وقالت انه كان بيشاغلها.
المعلم : ما يمكن عندها حق؟
علي : لا انت شفت كل الحوار من أوله، هي اللي دخلت عنده وكلمته، وكمان دخلت من حساب فرح وحبت تشوه سمعتها. شايف وصلت اولادك لفين؟ كريم اللي بقيت اتكسف من اسمه لما طلعته من قسم الشرطة، و بنتك اللي خلت رقبتي قد السمسمه قدام صاحبي وأهله. ماشفتش أبوه قاله قعدتنا مالهاش لازمه؟ دا معناه انهم صرفوا نظر على الجوازه.
المعلم : احسن بردو. ماهو مش معقول.
بقلم نسرين بلعجيلي
علي : هو إيه اللي مش معقول؟؟
المعلم : اختك سماح بتحبه فا ماينفعش يتجوز اختها.
علي : هي نوال عامله ليك إيه؟؟ ماسمعتش كلامها علي أمي؟ الست اللي صانت عشرتك و وقفت جنبك تيجي رقاصه على آخر الزمن تقل أدبها عليها.
المعلم : اللي بتتكلم عليها دي تبقى مرات ابوك في مقام امك.
علي : مايشرفنيش يبقى ليا أم زيها، ماهي شبهك.
رحمه بصريخ...
رحمه : كفايه بقى حرام عليكم.
في شقه مراد....
أحمد : زي ما سمعت انسى البنت دي.
مراد : انت بتقول إيه؟
احمد : بقول اللي لازم يحصل.
أختها بتحبك، يعني غلط إنك تتجوز اختها.
مراد : وانا بحب فرح، سماح دي مجنونه ومراهقه.
تهاني : استهدوا بالله، ربنا يعلم أن فرح دخلت قلبي من ساعة ما شفتها، بس كلام ابوك صح. مش لازم تعمل مشاكل وقطيعه بين الأخوات.
بقلم NISRINE BELLAAJILI
مراد : ماما افهميني، انا بحب فرح من سنين، ماليش دعوه باختها دي. مشاكلهم ملناش علاقة بيها.
احمد : لأ، ليه علاقه، لأنهم اخوات. قلي حتتجوز اختها ازاي؟ هتقطع علاقتها باختها علشانك، يرضيك دا؟
البت متعلقه بيك، احنا مش عايزين مشاكل يابني. دا أبوها كان هيرمي يمين الطلاق، مش عايزين نكون سبب في مشاكل.
مراد : بابا انا بحب فرح من سنين ماليش فيه، واختها دي لا بتحبني ولا حاجه، هي بس زعلت لاني فضلت اختها عليها.
تهاني : روح يابني نام وارتاح و الصباح رباح.
احمد : لا حول ولا قوة إلا بالله العلي العظيم.
سماح كانت في اوضتها بتعيط..
نوال : وبعدهالك يا سماح؟ عاجبك اللي حصل؟
سماح : شفت السوسه فرح عملت إيه؟ خطفته مني وخطبها، لا وعملت نفسها تعبانه واخذوها المستشفى وانا ماحدش عبرني. الله في سماه ما هخليها تتهني بيه.
نوال : هتعملي إيه؟
سماح : اي حاجه ولا انه يتجوزها.
نوال : ولا هيتجوزك وربنا يستر من ابوك.
سماح : البسي له أي حاجه وهزي وسطك هينسي اللي حصل.
نوال : اختشي يا بت عيب.
ثاني يوم...
في المستشفى بعد ما رحمه و المعلم رفضوا يروحوا وفضلوا بايتين في المستشفى.
صحيت فرح.
علي : حمدالله على السلامه.
فرح بدور بيعنيها في الغرفه، شافت امها وابوها نايمين على الكنبه وهما قاعدين.
علي : مش هنا، بس كل شويه يتصل يطمن عليك.
فرح : هو إيه اللي حصل؟ هو انا بحلم؟
علي : حبيبتي اهدي، كل حاجه هتبقى تمام.
فرح : إزاي بس؟ شفت سماح عملت إيه؟
علي : مش مهم.
NISRINE BELLAAJILI
فرح : ازاي؟
علي : مراد بيحبك وانت بتحبيه، ومافيش حاجه هاتوقف في طريقكم. آخر الاسبوع يتكتب كتابكم وانا معاك مش هسيبك، وتطلعي من هنا على شقتي انت و ماما.
صحيت رحمه.
رحمه : حمد الله على السلامه يا بنتي. كده تخضينا عليك؟
علي : قلت لفرح إنكم هتقعدوا معاي في الشقه.
المعلم : حمدالله على السلامة.
علي اتخانق مع ابوه وصمم ياخد فرح ورحمه معاه شقته
المعلم رجع شقة نوال
فتح الباب
المعلم : نوال، يا وليه فينك؟
نوال طلعت تجري من أوضتها.
نوال : حمدالله على السلامة
يا معلم.
المعلم : هو انا مش قولتلك ماتنزليش تحت؟
نوال: أيوه. خطوبة بنتك ومش عايز تقول، قال إيه ضيوف علي.
المعلم : عجبك اللي عملته مقصوفه الرقبه بنتك ؟؟
نوال : مالها بنتي؟
المعلم : هو انت مش واعيه انتوا عملتوا إيه؟؟
نوال : عملنا إيه يعني؟ مش بنتك االي خطفت الراجل؟
المعلم : بنتك قليلة الربايه، انت فضلتي ورايا ونسيتي ولادك.
إبنك المدمن وبنتك اللي بتشاغل صاحب أخوها. ومهما عملت عمرك ما هتكوني زي رحمه، هي ربت عيالها وانت لأ. و إوعي تفكري انك كده هتخليني جنبك هتجوز مره واثنين و ثلاثه، وانت مش ماليه عيني. فاهمه؟ اللي بيني وبينك الولاد.
نوال : يا نهار اسود!!! هو انت لسه ناوي تتجوز؟
المعلم : هاجبلك ضره ولسه بنت بنوت، تقول للقمر قوم وانا اقعد مكانك، اتهدي بقى.
نوال : اقسم بالله لو اتجوزت علي لاكون قتلاك بإيدي. مش كل اللي عملته وتتجوز عليا ثاني، ليه ناقصني إيه؟؟
المعلم : ناقصك العقل، غوري من قدامي جاتك القرف فيكي و في خلفتك السودا.
بقلم نسرين بلعجيلي
Nisrine Bellaajili
يا ترا إيه اللي هيحصل مع مراد و فرح ؟
ونوال وسماح هيعملو ايه؟
ياريت تتفاعلو شويه مع الروايه ابتدا يجيني إحباط خالص
و وحشني التفاعل بتاعكم جدا
الفصل
الفصل 17
فرح من ساعه ما طلعت من المستشفى وهي سرحانه وخاصه ان مراد ماتصلش بيها حست إنه خلاص مابقاش عايزها
دخلت عندها رحمه
رحمه: لسه مش عايزه تاكلي؟
فرح: ماليش نفس يا ماما
رحمه : سيبيها علي الله يا بنتي وقومي اتوضي وصلي صلاه الاستخاره وادعي ربنا كثير لو مراد نصيبك ماحدش يقدر يبعدو عنك حتي اهله وحتي سماح و نوال دا بيبقي رزق و نصيب ربنا كاتبه ليكي بس لازم تتقبلي قضاء و قدر ربنا قومي يا ضنايا وبدل ما انتي قاعده كده تندبي حضك قومي بقى و استغفرى وصلي علشان ترتاحي نفسيا وقبل كل دا كلي شويه علشان تصلبي طولك
وطلعت من الاوضه و سابتها
علي كان قاعد بيتفرج علي التليفزيون
علي: أخبارها إيه؟؟
رحمه مش راضيه تاكل وقاعده بتعيط علي عيني اشوفها كده
هكلم اختك سميره تيجي تتكلم معاها انت عارفها بتحبها قد ايه
علي: فكره حلوه كلميها وانا هروح اجيبها بنفسي
في شقه نوال
كانت قاعده ومتغاظه ان المعلم طلع عند نانسي وسايبها هي
جه كريم
كريم : سلام عليكم هو اللي سمعته صح ؟
نوال : سمعت إيه يا ولا وبعدين كنت بايت فين ومختفي فين؟
كريم : الحمدلله انك اخدت بالك اني مختفي
نوال: ولا انا مش فايقه ليك خالص اتكلم عدل معايا
كريم: امي رحمه راحت فين؟؟
نوال: عند ابنها علي
كريم : يعني اللي سمعته صح
نوال: ماتقول سمعت إيه وخلصنا
كريم: سمعت بخطوبه فرح علي مراد صاحب علي وسمعت كمان ان بنتك نزلت فشكلت الجوازه قال ايه بتحب مراد
نوال: مين قالك الكلام دا؟؟
كريم : ماحدش قالي انا سمعته بودني من ستات الحاره بيتكلموا
الحاره كلها عرفت بنتك عملت ايه
شايفه نتيجه تربيتك ليها
نوال: يا مصيبتي السودا يالهوي سيريتنا بقت علي كل لسان مين هايكون طلع الكلام ده بره
اه مافيش غيرها مقصوفه الرقبه و النبي ما انا سايباها
وطلعت من شقتها علي شقه نانسي
فضلت تخبط كثير لحد ما فتحت الباب
نوال: اه يا كلبه بطلعي كلام علي بنتي وخليتي سيريتها في الحاره كلها
نانسي: استغفر الله العظيم يا وليه انت شكلك اتجننتي خالص
وانا اطلع كلام ليه؟ مصلحتي ايه؟
نوال: لأ ما مصلحتك تعمليلي مشاكل مع المعلم
ناتسي: لا من الناحيه دي اطمني انت لوحدك مشكله مش محتاجه اي تدخل مني
المعلم طلع من الاوضه
المعلم : في إيه علي الصبح كده
نانسي : تعالي يا معلم اشهد بالحق قال ايه انا طلعت كلام علي بنتك سماح في الحاره وانا لا طلعت ولا جيت وما بكلمش حد خالص وكمان موبايلي بايظ وانت قلتلي هتوديه تصلحه يبقي طلعت الكلام أمتي
وفوق كل دا صوتكم كان عالي جدا ومسمع الحاره مش ضروري حد يطلع الكلام
المعلم: هو انت إيه مش بتتهدي أعمل فيكي إيه؟ مش كفايه المصيبه اللي احنا فيها بسببك و سبب بنتك عايزه ايه تاني
نوال: هو في ايه ؟ انت ليه مش طايقني انا وعيالي
المعلم: من عمايلك السودة انا مش فاهم انتي عاوزه ايه؟
توال: لازم تتصرف سيرة البنت بقت علي كل لسان لازم الزفت مراد يجي يخطبها
المعلم: يخطب مين يا مجنونه ؟
نوال: الله في سماه لو مخطبش بنتي مش هتعرف هعمل ايه؟ انا مجنونه وهابه مني اوعي عقلك يقولك انك تجوزه لفرح
المعلم: ارتاحي لا هيتجوز بنتك ولا فرح صرف نظر عن الموضوع ارتاحي بقي
نوال: طبعا اهله مش هيروضوا يجوزوه فرح بعد اللي عملته في اختها
نانسي : حرام عليكي فرح بنت مؤدبه ومحترمه انت كدبتي الكدبه وصدقتيها
نوال: أنت تكتمي خالص مالكيش صالح خالص بيا ولا بعيالي
المعلم: روحي علي شقتك يا وش المصايب ومتخليش شيطاني يطلع عليني فاهمه ؟
نوال: اهو دا اللي انت فالح فيه تزعق ليا بس بس رحمه و نانسي حبايب القلب ماشي يا معلم
ونزلت تحت
كريم دخل عند اخته
سماح: بقولك إيه اقفل النور وخد الباب في إيدك انا مش ناقصه حكم و مواعيظ منك
كريم: ليه عملت في فرح كده؟
سماح: وليه هي عملت فيا كده ؟
كريم: عملت ايه اصلا هو انت هتصدقي نفسك ولا إيه ما طول عمرك بتغيري من فرح طول عمرك بتحسديها ديما بشوف دا من تصرفاتك و عنيكي لما بتشوفيها فرحانه و مبسوطه كل ما تشتري حاجه بتاخديها منها او تروحي تشتري زيها وهي هبله بتتعامل معاكي علي انك اختها الصغيره اللي بتحبها انت واخده طباع نوال في حاجات كثير هي كمان بتحب الحاجه اللي في ايدين غيرها طول عمرها شايفه حياة امنا رحمه وعايزه هي تبقي الكل في الكل
سماح: كل الكلام دا غلط انا عمري ما غيرت من فرح هي اللي الكل في الكل حتي انت بتحبها اكثر مني وعلي علي طول كان بجيب ليها هدايا ولا أبوك اللي بيفتخر بيها انها مهندسه ولا سميره اللي بدلعها ومش بطيقني علي طول كانت بتقولي انت شبهه امك
كريم: سيبك من كل الكلام دا انتي عارفه كويس ان مراد بيحب فرح عايزه تدخلي في النص ليه؟
سماح: لاني بحبه
كريم : بس هو بيحب فرح و عايز يتجوز فرح يبقي نعقل بقي وتسيبيهم في حالهم وخليكي انت كويسه و باركي لفرح
Nisrine Bellaajili
سماح: لا مش هيحصل
كريم: لحد دلوقتي بتكلم معاكي بالأدب وفاهم حالتك النفسيه بس اللي عملتيه غلط انك تقللي من ابوكي و اخوكي قدام صاحبه و اهله اوعي تفكري انهم هيكونوا في صفك لا اللي عملتيه ليه اسم واحد انك قليله الربايه حتي لو بتحبيه كان لازم تسكتي وماتتصرفيش كده بس هقول ايه طالما نزلتي انت و نوال تحت يبقي هي اللي حرضتك تعملي كده
هنا نوال سمعت الكلام
نوال: ومالها نوال يا كريم والله كبرت وبقيت تتكلم
كريم: ما انا كبرت من زمان بس انت مش واخده بالك
نوال: هو فيه أيه يا ولا رحمه وبنتها عاملين ليك ايه؟؟ تيجي عليا انا واختك
شوف علي عمل ايه مع أبوك وخد فرح و امها عنده قال ايه خايف عليهم مني
كريم: احسن حاجه عملها لاني عارفك بتحبي المشاكل وتحبي تاخدي اي حاجه من امي رحمه حتي لو كان عريس بنتها
نوال: إنت اتجننت ايه الكلام دا ؟
كريم: دي حقيقتك اللي لازم تعرفيها انت واحده وحشه اوي
اوعي من قدامي كده
نوال: رايح فين يا ولا؟؟
كريم: رايح اطمن علي امي رحمه وعلي فرح
نوال: يا خبتك الثقيله في عيالك يا نوال
سماح: سيبيه يمشي
نوال: شايفه دماغك المجنونه وصلتنا لفين دا اللي الناس في الحاره مالهمش غير سيرتك
سماح: عارفه
نوال: عارفه ازاي ؟؟
سماح: يوه بقي سيبيني ارتاح
نوال: انطقي يا بت عملت ايه ؟
سماح: مافيش بنت جارتنا ام حسن اتصلت بيا تعرف ليه صوتنا عالي قومت انا حكيت ليها اللي حصل وان فرح اخدت مني حبيبي ولفت عليه هو دا وهي ما كدبتش خبر قالت لامها والباقي انتي عارفاه
نوال: يالهوي منك يا سماح ماخفتيش لا البت تفضحك
سماح: اكيد مش هتفضح امها إنها بطلع كلام في الحاره
نوال: بس ابوكي قال ان مراد صرف نظر من الجوازه وأهله رافضين
سماح : احسن
نوال: مابقتش فاهماكي يا بنت بطني انتي بتحبيه ولا هو عند وبس
سماح : مش مهم تفهمي اقفلي النور واطلعي عايزه انام
في شقه عم محمد
دخل علي بناته الاوضه
عم محمد : قومي يا وداد جهزي نفسك جوزك شويه ويجي ياخدك
زهره: إنت بتقول ايه يا با؟
عم محمد : بقول الصح و اللي لازم يحصل جوزها اتصل بيا واعتذر و كان غصب عنه واحد ابن حرام اداله سيجاره وعمل اللي عمله
زهره: والكلام اللي أمه قالته علي شرف اختي و كلام الجيران إنه مجنون وكان في مستشفي المجانين
عم محمد : دا كلام وبس مافيش دليل
زهره: في إيه يا با بقالك كم يوم مش بتنزل الشغل ولا امي بتروح شغلها
قولت يمكن علشان وداد بس انا حاسه ان الموضوع كبير وانت مش عايز تقول
عم محمد : بت ابعدي عن اختك وخليها تعقل وترجع بيت جوزها
زهره: بالبساطه دي هي رخيصه عندكم للدرجه دي
عم محمد ماحسش بنفسه الا وهو بيضربها بالقلم علي وشها
وداد اتخضت اول مره تشوف أبوها كده و اول مره يمد ايده
عم محمد طلع من الاوضه
عم محمد : فاطمه تعالي ساعدي بنتك تلم هدومها جوزها زمانه جاي
فاطمه دخلت عندهم
وراحت عند وداد وحضنتها
فاطمه : علي عيني يا بنتي بس لازم ترجعي بيتك كلام الناس وحش اوي وانت لسه عروسه
وداد : عارفه ياما هغير هدومي
زهره: انا مش مصدقه نفسي هو ايه الي بيحصل ابويا يضربني علشان خايفه على اختي
فاطمه: لو خايفه بجد علي اختك خليها تروح مع جوزها
زهره: بعد ما اغتصبها ؟ هو انت ماشوفتيش حالتها
فاطمه : يوه بقي ما كفايه كلام لا هيودي ولا هيجيب
زهره : انا خارجه وسايبه لكم البيت مش عايزه اشوف الحيوان دا
فاطمه: يكون احسن برده
زهره لبست ونزلت
وهي في الطريق اتصلت بعلي يقابلها علي الكورنيش
سميره وصلت الشقه ورنت الجرس
رحمه : يا تري مين جاي في الساعه دي
بقلم Nisrine Bellaajili
وقامت لبست الاسدال وفتحت الباب
سميره: إزيك يا ماما عامله ايه؟
رحمه: وحشتيني يا بنتي امال فين اخوكي ؟
سميره: وصلني وراح مشوار حبيبة القلب اتصلت بيه
رحمه: ماعرفتيش منه هي مين؟
سميره : إبنك كاتم علي أسراره شكله خايف عليها من العين
رحمه: نفسي افرح بيه
تعالو يا حبايبي سلموا علي تيته
سميره: فرح فين؟
رحمه: الحمدلله اكلت شويه ونامت
سميره : احكيلي بقي التفاصيل
رحمه ابتدت تحكي ليها كل حاجه
سميره : يا عيني عليكي يا فرح بس ازاي كل دا يطلع من سماح انا مش مصدقه دي متربيه مع فرح وعلى طول مع بعض إيه اللي غير الحال
رحمه: من ساعت ما اختك طلعت تعيش عند امها حالها اتقلب لبسها بقي مسخره ولا المكياج اللي بتحطه وطول اليوم ماسكه التليفون البت مابقتش سماح البنت غلبانه دي واخدة طباع امها
سميره: بس انت اللي غلطانه ايديتيها وش زياده عن اللزوم أما نوال من يوم مادخلت علينا حالنا اتبدل وحال أبويا اتبدل مابقاش شايف غيرها وبقي يتخانق معاكي بسبب ومن غير سبب وهي كانت بتصطاد في الميه العكره من يوم ما شوفنا وشها واحنا في كرب حسبي الله ونعم الوكيل فيها بكرها يا ماما لأنها بوظت حياتنا كنا عايشين كويسين من ساعت مالافت علي أبويا حياتنا اتقلبت
رحمه: دا نصيب يا بنتي
سميره : انا مش فاهمه ليه صبرتي اهو اتجوز كذا مره وكمان اللي جابها دي و قعدها في الشقه فوق شويه وتلاقيها حامل
رحمه: لأ البنت دي غلبانه
سميره : يا ماما انت اللي غلبانه طول عمرك قلبك ابيض
طيب دلوقتي ايه الحل في مشكله فرح؟
رحمه: مش عارفه وخايفه ان اهله يرفضوا انت ماشفتيش وشهم واحنا في المستشفى
سميره: بصراحه يا ماما عندهم حق حيقولوا ايه علينا سماح خلت رقبتنا قد السمسمه
رحمه: بصي انا قلبي مطمن وان شاء الله خير
سميره: يا رب
رحمه: قوليلي عامله ايه مع جوزك؟
سميره : الحمدلله اهو عايشين
رحمه: مالك يا بنتي فضفضي قوليلي
سميره: والله يا ماما مش عارفه محمد متغير شويه بقا موده وحش زعلان علي طول و سرحان ولما اجي اسأله يقولي مشاكل في الشغل وحتي في مصاريف البيت بقي مقصر شويه بس انا عمري ما قولتله حاجه بتصرف من الفلوس اللي معايا
شكل المشروع اللي دخله مع صاحبه مش ماشي كويس
رحمه: ربنا يصلح ليكم الحال ما هو كان موظف في شركه كبيره والحياه كانت ماشيه ايه اللي خلاه يستقيل
سميره؛ محمد طول عمره عايز يعمل شغل لنفسه ومايفضلش شغال تحت رحمة حد وياما اتكلمت ومافيش فايده
بقلم نسرين بلعجيلي
رحمه: خلاص ماتبقيش تسأليه تاني حتلاقيه لوحده يفضفض ليكي ماهو مالوش حد غيرك تشيل همه بعد وفاه أمه الله يرحمها
سميره: الله يرحمها الست دي كانت بركه وطيبه
علي الكورنيش
علي وصل وشاف وش زهره كله احمر وعينها فيها دموع
اول ما شافت علي اترمت في حضنه
ودي كانت أول مره تعمل كده
علي اتفاجئ بتصرفها ده بس حضنها وحاول يطمنها
علي: اهدي يا حبيبتي
زهره اول ماسمعت صوته ابتدت تعيط
علي حس انه في حاجه و فضل يبقي ساكت لحد ما تهدأ
Nisrine Bellaajili
زهره بعدت عنه
زهره : انا آسفه
علي: باستغراب اسفه علي ايه؟
زهره : إني نسيت نفسي واترميت في حضنك في الشارع بس كنت بجد مخنوقه
علي: وانا مبسوط انك كلمتيني واترميتي في حضني من غير قيود انا يا زهرة امانك
زهره : شكرا
علي: تعالي نقعد واحكيلي ايه اللي حصل و خلاكي في الحاله دي
زهره : أبويا
علي : ماله عم محمد
زهرة : ضربني بالقلم ق علي وشي
علي: ضربك !!!!
زهرة : أيوه علشان وقفت قدامه و قولتله هي اختي رخيصه عندك
علي: وانت تقوليلي كده ليه ؟
زهرة: علشان عايز يرجعها لجوزها
علي وهو مش مستوعب
علي: نعم !!!!
زهرة: اه والله مش عارفه ليه عايز يعمل كده
دخل علينا وقالها غيري هدومك و جهزي نفسك علشان جوزك جاي ياخدك بعد كل اللي عمله معاها
عايز يرجعها ليه ؟ انا مش فاهمه ليه بيعمل كده
علي: و اختك كان رد فعلها ايه؟؟
زهرة : وداد سلبيه جدا وعايشه في دور الضحيه ومالهاش رأي
علي: بس ايه اللي يخلي عم محمد يعمل كده ؟ في حاجه غلط
أولا روحتي اتنازلتي عن المحضر اللي كان هايتسجن بيه واختك تطلق منه بكل سهوله وكنا هنثبت إنها كانت بنت بنوت بشهاده الدكتوره اللي راحت ليها مع حماتها وكمان تقرير الطب الشرعي وكان حقها هيرجع
زهرة: أبويا مش بيفكر كده هو خايف علي سمعتها و شرفها
علي: ما احنا كنا اثبتنا إنها بريئه و شريفه و كان هيرفع راسه
بس كده هيخلي الكلام عليها وبعدين ازاي يآمن علي بنته مع واحد مجنون
علي كان منفعل وهو بيتكلم
وهما الاثنين كانوا مش شايفين مين اللي بصورهم فيديو
**************************
ايه حكايه الفيديوهات اللي بتصور ومين وراهم؟
هل تصرف عم محمد مع وداد صح ولا غلط؟
ومصير علاقه فرح و مراد هتكون ايه ؟؟
سيبولي رأيكم
انتم عارفين إني بحب اتناقش معاكم يا احلي فانز راقي و محترم
ممنوع النشر
الفصل 18
فضلت زهرة مع علي لحد ما جاتله مكالمه من الشغل.. خلص المكالمة .
علي : معلش حبيبتي لازم ارجع الشغل، في حاجه مهمه المدير عايزني فيها.
زهرة : مش مشكله.
علي : يلا علشان اوصلك معايا.
زهرة : من غير ما تتعب نفسك هروح لوحدي
علي : آه منك يا زهرة عنيده ومش بتسمعي الكلام، يلا قدامي.
وداد دخلت الشقه وقلبها بيدق طبول من الخوف.
عماد : نورتي بيتك يا عروسه.
وداد : هما الجماعه فين؟
عماد : قصدك على امي؟ هي تحت في شقتها.
وداد : ايوه.
عماد : مالك يابت خايفه مني؟
وداد : الصراحه أيوه.
عماد : ما انا قولتلك ماكنش بمزاجي، و الله غصب عني.
بقلم نسرين بلعجيلي
وداد : بقولك انا لسه تعبانه وممنوع تلمسني.
عماد : بعصبيه يعني إيه؟؟؟
وداد : يعني لسه عندي نزيف وتعبانه.
عماد : اه فهمت، ماشي مش مشكله،
خشي ارتاحي انا نازل شويه وراجع.
وداد دخلت اوضة النوم وافتكرت كل حاجه و ابتدت تعيط كثير.
عماد نزل عند امه.
جمالات : مالك يا ولا ؟؟
عماد : بقولك شوفيلك حل مع المصيبه الي فوق.
جمالات : في إيه هو انتم لحقتوا تتخانقوا؟
عماد : أصلها بتدلع وبتقولي ممنوع تلمسني أصلي لسه تعبانه.
جمالات : يا لهوي عليا وعلى سنيني، هو دا الي نزلك عندي كده، في إيه؟؟ هو انت غشيم ولا حكايتك إيه ؟
ما كل الستات بتتعب كل شهر. وبعدين الي حصل ليها مش سهل، أكيد لسه تعبانه، اصبر.
عماد : حاضر انا خارج حاروح القهوه.
بقلم نسرين بلعجيلي
جمالات : روح وماتتأخرش، واعقل بقي كفايه اللي حصل، واحمد ربنا ان أبوها خاف على سمعته ورجعها لك.
عماد : أيوه أيوه بعد اللي عملوه معايا ولا العذاب اللي شوفته في القسم و العلقه الي اخذتها.
بقلم Nisrine Bellaajili
جمالات : كله من عمايلك. يلا روح مطرح ماكنت رايح وانا طالعه اشوف المحروسه بتاعتك فوق.
عماد خرج و هو بيلعن حظه.
أما جمالات طلعت فوق و فتحت الشقه بالمفتاح.
وداد كانت لسه في الاوضه بتعيط ماحستش الا لما شافت الباب اتفتح عليها و جمالات واقفه بعبايتها الكحلي اللي عليها ترتر كثير بالذهبي.
وداد : إنت دخلتي ازاي؟؟
جمالات : نعم يا اختي ؟ هو إيه اللي دخلت ازاي ؟
وداد : مش قصدي حاجه وحشه، بس عماد خرج وانا ما سمعتش جرس الباب فبسأل عادي.
جمالات : و ارن الجرس ليه وانا معايا المفاتيح؟ يلا هزي طولك بقي وانزلي تحت تروقي الشقه و اشوف عمايل ايديك، اصل النهارده عازمه بناتي و اجوازهم.
وداد : هو عادي كده تفتحي الشقه؟؟
جمالات رفعت صوتها..
جمالات : باقولك إيه؟ من الآخر دي شقة ابني ادخل وقت ما انا عايزه، مش هستنى إذن وحده زيك، يلا حصليني تحت.
وداد : انا لسه تعبانه ومش قادره اعمل حاجه.
جمالات : لا، شغل السهوكه بتاعك ماتعمليهوش عليا، فاهمه ولا مش فاهمه؟
وطلعت وسابت وداد في حيره من أمرها...
علي وصل المكتب وراح مكتب المدير.
كانت هايدي قاعده.
هايدي : اتفضل يا علي.
علي : حضرتك طلبتني في حاجه ؟
المدير : أيوه يا علي، في قضيه مهمه جدا جدا.
علي : حضرتك عارف إني انا ومراد بنفتح مكتب جديد، و حاليا انا باخلص الملفات الي معايا، فماينفعش آخذ قضيه جديده.
المدير : لا، ما الملف معاك.
علي : بتاع مين حضرتك ؟
المدير : بسيوني باشا.
بقلم Nisrine Bellaajili
علي : أيوه حضرتك دا ملف قديم، وهو اصلا خلص كل شغله هنا وانتقل دبي.
المدير : انا عارف ولازم تروح دبي بالكثير آخر الأسبوع.
علي : نعم!!!؟
هايدي : على فكره انا رايحه معاك.
علي : أصلا انا مش موافق اني اسافر لان عندي التزامات. فيه كتب كتاب اختي، وكمان خطوبتي، ازاي عايزني اسيب كل دا واسافر؟
المدير : دا شغل يا علي، وهو طالبك بالاسم. أنا ممكن اسيب ليك القضيه كلها إنسبها لمكتبك، ودا هديه مني علشان الإفتتاح، رغم إني زعلان انك هتسيبني، بس دا مستقبلك ربنا يوفقك فيه.
علي : يا فندم بجد مش هاقدر.
المدير : قولي انا اعمل إيه دا هو طالبك بالإسم.
علي : وليه أنا ؟؟ ما ممكن ترشح اي حد، أو ممكن حضرتك شخصيا تباشر الموضوع.
المدير : ماينفعش لأني شريك معاه في بيزنس، والقضيه خاصه بالبيزنس بتاعنا. على العموم هايدي معاك وهتفهمك كل حاجه.
هايدي كانت مبسوطه جدا إنها هتسافر مع علي ومتحمسه بعد ما أقنعت أبوها.
طلع علي من المكتب تايه مش عارف يعمل إيه.
اتصل بمراد و حكاله على كل حاجه ومراد شجعه إنه يروح لأنها دعايه كويسه لمكتب المحاماة.
رجع الشقه عند امه و فرح وحكي ليهم كل حاجه.
رحمه : مش عارفه اقولك إيه يا بني بس لو دا لمصلحتك سافر.
علي : يا أمي مش عارف هارجع إمتى، والبنت الي انا عايز اخطبها اعمل معاها إيه وانا قولتلها اخر الأسبوع هاجي اخطبك ؟؟
رحمه : هو انت مسافر إمتى ؟؟
علي : بكره بالليل.
رحمه : يا فرح مالك يا بنتي سرحانه ليه ؟
سميره : بس يا علي ماما حتفضل هنا و لا ترجع بيتها؟؟
علي : على فكره مراد بيحاول يقنع اهله. بعد ماكانوا مبسوطين بفرح بس الي عملته سماح لخبطهم ومش عايزين يعملوا مشاكل بين الأخوات.
سميره : عايزه اقول كلام يمكن ما يعجبكمش.
علي : قولي يا سميره.
سميرة : بصوا ومن غير زعل ، كلنا عارفين ان بابا نوال بتعرف تلف دماغه، وطالما انت مسافر ومش عارف هترجع إمتى، من الأحسن يكتبوا كتابهم طالما انت موجود لاننا مانعرفش نوال و سماح بيخططوا لإيه.
علي : هو دا كلام مراد قالي كده.
رحمه :يالهوي!! إيه اللي بتقولوه دا ؟
فرح : علي لو انت موافق انا موافقه. انا تعبت، طول عمري واخذه بالي من سماح وتعبت من غيرتها، واي حاجه في إيدي لازم تاخذها، وكنت باصبر وقول معلش دي أختك الصغيره، بس لحد هنا كفايه. ولازم تعرفوا ان سماح طلعت عليا كلام، وفي بنت من الحاره بعثت ليا فويس نوت بتاعها وهي بتقول إني انا خطفت مراد منها. ولا نوال اللي بيسألها بتأكد كلام بنتها. سمعتي بقت في الأرض، سماح مش بتحب مراد، هي قرأت مذكراتي و عرفت إني معجبه بيه، من هنا ابتدت تكتب ليه.
سميره : يا نهار اسود!! هي بقت كده؟
رحمه : لا حول ولا قوة إلا بالله العلي العظيم.
علي : يبقي خلاص هتصل بيه، لازم نكتب كتابهم قبل ما اسافر، وكلام سميره صح.
هنا رن تليفون رحمه وكانت نانسي،
قامت تكلمها في البلكونه و رجعت عندهم.
سميره : مين كلمك ومش عايزه تردي قدامنا؟؟
رحمه : دي نانسي مرات ابوكم بتقولي إن نوال عامله مشاكل مع ابوكم، والكلام اللي طلع في الحاره.
بقلم نسرين بلعجيلي
علي : خلاص هاقوم اكلم مراد.
سميره : ليه يا ماما بتكلمي نانسي دي؟ هو انت مش جربتي نار نوال؟؟
رحمه : بصي يا بنتي انا باعمل بأصلي، ونانسي دي اصلها طيب لولا الزمن جاي عليها ورماها في طريق ابوكم.
سميره : والله يا أمي مافيش حد طيب زيك.
علي بعد ماكلم مراد..
مراد راح يكلم اهله.
مراد : لو سمحتوا عايز اتكلم معاكم.
احمد : نفس الموضوع؟
مراد : افهمني يا بابا، انا بحبها من زمان وانتم ربيتوني على الصح و الغلط، وكنت بخاف على اختي، علشان كده عمري ماكلمت فرح. دلوقتي انا عايزها، في مشكله، أخوها بكره مسافر دبي في قضيه خاصه بشغلنا، وانا عايز اكتب كتابي عليها قبل مايسافر، لاننا مانعرفش هو هيرجع إمتى، وكمان اخاف استناه وتحصل حاجه تبوظ الموضوع. أبوس إيديكم خليكم معايا، والله سعادتي مع فرح.
تهاني : يابني كنا متفقين كتب الكتاب بعد أسبوع وانت بتقول بكره أخوها مسافر، تيجي ازاي دي ونلحق نعمل إيه؟
مراد : بابا قولي رأيك، انا مش عايز اعمل حاجه وانت مش راضي عنها.
احمد : مش عارف يابني، بس ليه الاستعجال واحنا كنا ناوين نعمل حفله صغيره ونعزم حبايبنا؟.
مراد : الظروف جات كده، نعمل كتب كتاب عائلي.
احمد : وامتي دا وانت بتقول هو مسافر بكره؟
مراد : بالليل. أرجوك يا بابا وافق. نروح عند علي ونكلم ابوه ونجيب المأذون، و بإذن الله نعمل فرح كبير جدا اوعدك.
احمد : إنت شايفه إيه يا تهاني؟
تهاني : خلاص يا احمد، إبنك بيحبها، وافق علشان خاطره.
احمد : على بركه الله، كلمهم و شوف هنعمل إيه؟ ولازم تنزلوا تجيبوا الشبكه، وانا معايا فلوس لشبكة عروستك وخلينا احنا نشوف ترتيب المأذون. بس عايز نتفق مع أبوها الأول مش مع علي. فاهم يابني؟ دي الأصول برضه
مراد : حاضر يا بابا.
في مكتب هايدي كانت في مكالمه مع شخص مجهول..
هايدي : أظن كده انا ماشيه في الاتفاق، وهو وافق يسافر وانا ضيقت عليه الخناق إن السفر.بكره بس انا عايزه كل حاجه تتم في دبي من غير ماياخذ باله.
المجهول : أكيد ماتخافيش، كل حاجه ماشيه زي ما اتفقنا.
هايدي : يارب.
بقلم نسرين بلعجيلي
المجهول : بصراحه مستغرب منك جدا، إزاي عايزه واحد قلبه مع وحده ثانيه ؟؟
هايدي : ممممم! دي حاجه ماتخصكش خالص، وانت كمان عندك نفس الهدف.
المجهول : لا خالص هدفي غير هدفك خالص، المهم نبعد علي الفتره دي، وبشكرك انك لجأتي ليا علشان اساعدك.
هايدي : ما انا عارفه إن علي يهمنا احنا الاثنين، بس أهم حاجه طارق مايعرفش حاجه.
المجهول : لا متخافيش، طارق بره الموضوع، رغم إنه هيبقي مبسوط لو عرف الي هيحصل، أهو بنساعده من بعيد لان الفتره دي مركز معاه خالص وناسي حاجات مهمه.
هايدي : في حاجه أخيره لازم تعرفها، انا عارفه كل الحقيقة، يعني رقبتك بين إيديا لا في يوم تفكر تعمل كده ولا كده.
المجهول : هههه ضحكتيني، عمري رقبتي ماتكون بين إدين حد، وانا معاكي مش ضدك، إتمني بس تكوني قد المهمه. سلام.
بعد ما علي كلم مراد اتصل على أبوه
علي : السلام عليكم.
المعلم : وعليكم السلام يا بني، اختك جري لها حاجه؟
علي: لا هي كويسه، اتمني تكون عرفت بلي عملته مراتك وبنتك انهم خلوا سمعة اختي في الأرض وطلعوا عليها كلام إنها خطفت مراد من سماح.
المعلم : إيه اللي انت بتقوله دا؟
علي : بقول الحقيقة. روح الحاره واسمع بنفسك، وقبل ماتقولي الكلام دا كذب، انا عندي صوت سماح مسجلاه لبنت من الحاره بتحكي ليها كل حاجه. بقولك الليله كتب كتاب فرح على مراد في بيتي عايز تيجي اهلا وسهلا، مش عايز انا أخوها الكبير و هكون وكيلها.
المعلم : إنت اتجننت عايز تجوز اختك وانا لسه عايش؟ وليه الاستعجال دا كإن اختك عامله عمله؟
علي : دا آخر كلام عندي.
المعلم : الله في سماه مايحصل الكلام دا، انت إيه نسيت نفسك ولا إيه؟
علي : أنا حبيت ابلغك وبس لو عايز تيجي انا مستنيك.
المعلم : إنت ليه بتكرهني وعايز تلغيني من حياتك وحياة اخواتك؟؟
علي : لأنك أنت لغيتنا من زمان من حياتك. سلام.
يا ترا المعلم هيعمل إيه؟
ونوال تكون رده فعلها إيه؟
وفعلا مراد هيكتب كتابه على فرح؟
بقلم نسرين بلعجيلي
Nisrine Bellaajili
ليه يازمن
بقلم Nisrine Bellaajili
الفصل 19
المعلم كان مصدوم من طريقة كلام علي ليه ومش عارف يتصرف مع نوال. هو فعلا لاحظ نظرات الناس ليه الصبح، اتاري الكل بيتكلم عليه.
قام وراح شقة نوال.
كانت قاعده بتتفرج على التليفزيون و سماح نايمه في أوضتها.
نوال : إيه دا يا معلم، جيت بدري ؟
المعلم : بدري من عمرك، هو انت مش حاسه بالدنيا؟
نوال : خير في إيه؟
المعلم : والله اللي حصل في البيت الناس بيتكلموا فيه؟
نوال : هو حصل إيه؟
المعلم : أيوه أيوه، اعملي الشويتين دول عليا. يعني مش عارفه؟
نوال : مالك يا خويا داخل بزعابيبك كده؟ و هعرف منين؟ طول اليوم وانا قاعده في بيتي كافيه خيري شري.
المعلم : انت ماحدش يعرفك غيري، انت تطلعي كلام على بنتي فرح إنها خطفت مراد من سماح؟
نوال : مش هي دي الحقيقه؟ شوف انت مين طلع الكلام من بيتك
المعلم : الكلام طالع من عندك انت و بنتك، وبلاش الحوارات دي لأني سمعت صوتك وانت بتكلمي ام حماده. طول عمري عارف إنك أنانيه وكل الي يهمك مصلحتك و الفلوس، حتى ولادك رمياهم لرحمه تربيهم.
Nisrine Bellaajili
نوال : بقولك إيه، مش كل شويه هتمسك عليا الاسطوانه دي. رحمه هي اللي كانت عايزه تربيهم وانا يا خويا كنت صغيره مش عارفه حاجه، وانا لا ليا أم ولا اخت يعلموني ازاي اربي عيالي. والكلام طالع من عندكم انا بس أكدته من حسرتي على بنتي طول عمرك بتفرق بين ولادي وولاد رحمه.
المعلم : انا مش عارف اعمل معاكي إيه؟ أفوق من اللي انا فيه بس، و اللي حصل مش حيعدي على خير، استني بس اللي هايحصل لك.
نوال : هو انت بتهددني ؟
المعلم : أيوه، ها قهر قلبك زي ما قهرتي قلب بنتي.
هنا طلعت سماح..
سماح : وقهرة قلبي أنا ؟ ولا انا مش مهمه عندك ؟
المعلم : إنت زي امك ماعندكيش قلب خالص علشان يتقهر.
ربي عيالك يا نوال.
وطلع وسابهم...
نوال : يا لهوي يالهوي!! انتي سمعت بيقول إيه؟ هايقهر قلبي، دا ناوي يتجوز الرابعه
سماح : دا شكله اصلا متجوز، مستني بس الوقت اللازم علشان يعلن. إصحي بقي وماتبقيش تفكري فيه وفكري ازاي يكتبلك حاجه. بصي ماما رحمه عندها شقتها وكمان راحت شقة علي، احنا لو طردنا ماعندناش مكان نروحه. هي المعلومه وصلتك ولا لأ؟؟ إنت طالعه من القضيه خسرانه كل حاجة، الله اعلم محوشه حاجه ولا لأ.
نوال : يالهوي! إنت كبرتي كدة إمتى؟
سماح : كبرت في الوقت اللي انت بتجري فيه ورا المعلم.
أهل مراد ابتدوا يحضروا نفسهم بعد ما أحمد اتصل بالمعلم و اقنعه، و كمان رحمه اتصلت بيه.
فرح فرحانه جدا جدا. نزلت هي و سميره يجيبوا الفستان وتروح عند الكوافير تعمل ميكاب.
علي اتفق مع المأذون ومع مطعم يبعت الاكل و شوية حلويات، واتفق مع محمد جوز سميره ييجي علشان يكون معاهم.
أما رحمه دخلت تصلي وتقرأ الورد اليومي بتاعها و تدعي ربنا إنه يفرح بنتها ويسعدها و يتمم لها على خير.
بقلم نسرين بلعجيلي
أما وداد تعبت من ترويق الشقه، اللي مكانتش بتعمله في بيتهم بقت تعمله غصب عنها.
تعبت جدا وهي أصلا لسه في فتره نقاهه، قعدت على الكرسي ترتاح في المطبخ.
في نفس التوقيت دخلت جمالات...
جمالات : يا نهار اسود!!! إنت لسه قاعده والمطبخ يقلب والمواعين في الحوض ولسه معملتيش الاكل؟؟
وداد : يا خالتي تعبانه والله، عندي مغص في بطني ولسه مخلصه ترويق الشقه، ارتاح بس واكمل.
جمالات : قومي فزي بلاش دلع ماسخ كده، قال إيه ترتاح!!!
وداد : والله تعبانه، ارتاح بس.
فعلا وداد كان باين عليها التعب وشها أصفر و عرقانه.
جمالات شافت دا وخافت.
جمالات : قومي اطلعي شقتك ارتاحي، انا هكلم مرات البواب تطلع تغسل المواعين دى
وداد قامت بشويش..
وداد : كتر خيرك.
وطلعت وهي مش قادره تمشى.
جمالات في نفسها : استرها يارب، البت شكلها تعبان، أكيد مكانتش بتتغذا كويس ولا بتاكل.
زهره رجعت شغلها وهي فرحانه إنها شافت علي.
سحر : ليكي وحشه يا زهره، عامله إيه؟
زهره : الحمدلله.
سحر : إنت سمعت الكلام اللي داير في الحاره ؟
زهره خافت لا تتكلم على اختها.
زهره : كلام إيه؟
سحر : بيقولوا إن فرح سرقت عريس اختها سماح، كان هيخطبها هي بس فرح لفت عليه.
زهره باندفاع ونسيت نفسها..
زهره : الكلام دا كله كذب. مراد بيحب فرح من لما كان لسه في الجامعه، بس سماح ربنا يسامحها حبت تلف عليه.
الكلام دا كان علي قايله ليها وفهمها الموضوع.
سحر : ومالك بتتكلمي بثقه كده ليه؟ وازاي عرفت اسم العريس؟
زهره : إنت ناسيه إني امي شغاله معاهم وعارفه الكلام دا.
سحر : شوف البت طالعه لأمها.
زهره : اقفلي على الموضوع هي صاحبة مدام وفاء.
زهره ابتدت تشتغل وعقلها مشغول
بحاجات كثيره.
بقلم نسرين بلعجيلي
في بيت عم محمد
فاطمه : زهره راحت الكوافير تشتغل.
عم محمد : عمري ما مديت إيدي على بناتي، بس زهره كلامها بيجرحني. انا فعلا رخصت بنتي.
فاطمه : دا نصيب يا محمد، احنا ناس غلابه هنعمل إيه بس؟
عم محمد : ولسه ياما هنشوف هنعمل إيه في المصيبه الثانيه.
فاطمه : وافق
عم محمد : إنت بتقولي إيه؟
فاطمه : بقول اللي انت عايز تسمعه.
عم محمد : وفكرك زهره هتوافق ؟
فاطمه : لو بتحبنا لازم توافق. إحنا بقالنا سنين هربانين من غلطه عملتها، أهي دلوقتي بنتعاقب بسببها، وهي لو بتحبنا لازم تضحي.
عم محمد : زهره لا يمكن توافق، البت قويه
فاطمه : عمرها ما هتستقوى علينا.
وهما بيتكلموا سمعوا جرس الباب.
فاطمه : مين هيجي لنا دلوقتي؟
عم محمد : خليكي هنا هقوم افتح الباب.
أول ما فتح اتصدم بصاحب البيت واقف.
عم محمد : في حاجه؟
صاحب البيت : السلام عليكم الأول.
عم محمد : وعليكم السلام، معلش ما تاخذنيش.
صاحب البيت : انا جاي اقولك بس ان عايز الشقه على اخر الأسبوع عايز استلمها.
عم محمد : ازاي؟ هو انا اتأخرت في دفع الإيجار ولا عملت مشكله ؟
صاحب البيت : لا بس انا كنت مزنوق شويه وبعت الشقه وصاحبها عايزها
عم محمد : وانا أروح قين انا ومراتي وبنتي؟
صاحب البيت : دي مشكلتك انت، انا جيت ابلغك بس، والراجل اللي اخذ الشقه مقتدر و واصل ممكن يطلعك بالبوليس، فارتب نفسك وشوف ليك مكان ثاني.
عم محمد : لا حول ولا قوة إلا بالله العلي العظيم. الاقيها منين ولا منين؟
لا اله إلا انت سبحانك إني كنت من الظالمين.
دخل الشقه وهو مش قادر ياخذ نفسه من الصدمه.
على بالليل...
في شقة علي كانت كل حاجه جاهزه، وجه كريم، علي كان معترض في الأول بس قلب رحمه الطيب خلاها تحكيله.
كريم : ألف مبروك ويارب يتمم لها كل حاجه على خير.
سميره : يعني مش زعلان على اختك سماح؟
كريم : فرح كمان اختي، وانت كمان اختي، وانا تربيه الست دي وباس ايديها. أنا اكثر واحد اتأذيت من نوال و المعلم، واكثر واحد عارف دماغ نوال
رحمه: عيب يا بني، دي مهما كان امك مايصحش تتكلم عليها
كريم : الأم اللي بتربي مش اللي بتخلف انا بالنسبه ليها مجرد صفقه إنها خلفت الولد علشان يورث.
رحمه : لا حول الله يا رب. يابني إنت كلامك بقى اكبر من عمرك.
كريم : علشان طول الوقت صايع في الشارع.
سميره : ليه يا كريم بقيت كده؟ دا انت كنت زي النسمه، وانت عارف انا بحبك قد إيه.
كريم : وانا والله بحبكم جدا، بس علي من آخر مره واخذ موقف مني
سميره : إنت عارف ليه. أخوك محامي وليه سمعته، ازاي يطلعك من القسم؟
كريم : غصب عني والله.
رحمه : يابني ركز في مستقبلك، خذ السنويه العامه واشتغل مع أبوك
سميره : وليه مايكملش دراسه ويخش الجامعه
كريم انا مش بتاع تعليم.
بقلم Nisrine Bellaajili
علي جه عليهم.
علي : الجماعه وصلوا، كريم انا مش عايز مشاكل لولا أمي كنت طردتك من البيت، أنا لا طايقك ولا طايق امك و اختك.
رحمه : عيب يا علي دا مهما كان أخوك الصغير.
علي : معلش متوتر شويه، وكمان المعلم ما جاش، أقول للناس دي إيه؟
رحمه : خذ اخوك واطلعوا للناس انا هاتصل بيه.
سميره روحي لأختك وماتقوليش ليها حاجه. استرها معانا يارب.
علي استقبل أهل مراد مع كريم
أما رحمه ابتدت تتصل بالمعلم بس مش بيرد، وبعدين التليفون اتقفل
راح عندها علي...
علي : اطلعي للناس بره المعلم قافل تليفونه، بصي يا أمي أنا عملت بأصلي وكلمته، لو ماجاش هانتمم الجوازه وانا ابقى وكيلها، بس لازم تعرفي انكم هاتعيشوا معايا هنا وكفايه إهانه و قله قيمه. لحد كده إنت مش محتاجاه في حاجه بتعذبي نفسك ليه ؟ اطلعي رحبي بضيوفك.
طلعت رحمه عند الضيوف ترحب بيهم..
علي راح عند سميره في المطبخ
علي : شايفه عمايل ابوكي؟ وغلاوة امك لا أطلقها منه. أودي وشي فين من الناس؟ هو ليه بيعمل فينا كده ؟
سميره : اهدا يا حبيبي، الغايب حجته معاه. أبوك مش واعي ولا متعلم، هو بيحبنا بس مش بيعرف يعبر ولا يتصرف. فاكر يوم فرحي كل شويه كان ييجي يحضني من غير كلام. إحساسي بيقولي إنه هايجي. علي عايزه اسألك سؤال و ترد عليا بصراحه؟
علي : قولي سؤالك وانت عارفه إني صريح.
سميره : إنت بتكره ابوك؟؟
علي : اتنهد، في حد بيكره ابوه؟ بس مستاء من تصرفاته ومن طيشه. الناس بتكبر بتعقل، بس هو عايش مراهقه متأخره، وكمان الشغل اللي مبقاش شايفه كويس ضيع محل جدي الله يرحمه، وماقدرتش اقول لماما حاجه، ويمكن عارفه وساكته
سميره : تعرف إن كريم كان عايز يحجر عليه؟؟
علي : بصدمه، بتقولي إيه؟؟
سميره : اوعي تقول حاجه، أنا وعدت ماما بس كريم شايف إن فلوسه رايحه علي الحريم.
علي : في دي عنده حق. بقولك اتصلي بجوزك يروح عنده المحل أو الحاره يحاول معاه، أنا مش عايز اكسر فرحة اختي.
سميره : خلينا نروح نرحب بالضيوف الاول
رحمه : تعالي يا حبيبتي، دي بنتي سميره متجوزه ومعاها بنت و ولد
تهاني : ماشاء الله تبارك الله
سميره : نورتونا بجد
احمد : هو المعلم مش هايجي؟؟
كريم : لا جاي، بس النهارده الشغل في المحل بيبقي كتير ، هيخلص وييجي.
علي بص عليه يفهم ان كان كلامه صح.
بس كريم غمز بعنيه.
بس مراد شافهم وفهم ان المعلم مش موافق وبقى حزين وخايف من رد فعل ابوه
كريم طلع راح البلكونه واتصل على واحد من الشله يشوف المعلم في المحل ولا لأ.
بس اتصدم لما عرف ان المعلم سافر.
علي طلع عنده.
علي : ها طمني ؟
كريم : صاحبي حديده سمع المعلم بيكلم السواق علشان يسافر البلد.
علي: نعم !!!؟؟
كريم : مش فاهم ليه بيعمل فينا كده؟؟ كإننا مش اولاده.
كانوا بيتكلموا في البلكونه وهي جنب بلكونة الاوضة اللي فيها فرح، و للأسف سمعتهم واغمي عليها.
كريم : الحق فرح وقعت.
علي : من غير شوشره روح انده لسميره.
إيه رأيكم في تصرف المعلم؟
و يا ترا احمد أبو مراد هايتمم الجواز ولا لأ؟
ليه يازمن
بقلم نسرين بلعجيلي
Nisrine Bellaajili
الفصل 20
كريم نده على سميره، بس مراد حس إنه فيه حاجه بس مش قادر يقوم من مكانه.
سميره اتخضت لما شافت فرح.
سميره : حصل إيه ؟؟
علي : فوقيها بسرعه قبل ما حد ياخذ باله.
جابت إزازه بيرفيوم وابتدت تفوقها.
كريم : فوقي يا فرح الله يخليكي.
سميره : هاتلي كبايه ميه بسرعه.
علي : نكلم الدكتور ولا ناخذها المستشفى؟؟
سميره : هي بتفوق دلوقتي، هي ما اكلتش النهارده، وطول الوقت تقولي انا خايفه تحصل حاجه.
علي : فرح إنت سامعاني؟؟
فرح: أيوه.
كريم : الحمدلله، خضتيني عليكي.
فرح : هو خلاص كده ؟
سميره : هو إيه اللي خلاص؟
علي : قومي انت ومتقلقيش الكتاب هيتكتب ان شاء الله.
فرح : وأبوك؟
علي : معلش نقولهم جاتله سفريه مستعجله.
سميره : هو سافر؟
كريم : أيوه.
سميره : فهمت ليه محمد مش عايز يقولي ومابقاش بيرد عليا.
و هما بيتكلموا سمعوا جرس باب الشقه.
رحمه قامت فتحت...
لقت المعلم مع العيله وست بتزغرط.
سميره : دي زغروطة عمتي فكريه.
علي : هاطلع اشوف.
طلع علي وفعلا شاف عمته فكريه وعمه حسنين راجل كبير في السن
وبعض اقاربهم من رجالة البلد.
علي : اهلا وسهلا نورتونا.
المعلم : مش معقول كتب كتاب بنتي وأهلها مايحضروش.
علي قرب منه وحضنه.
مراد تنفس الصعداء.
سميره طلعت وفضل كريم مع فرح اللي قامت وقعدت على التسريحه تزبط مكياجها.
كريم : طول عمرك حلوه يا فرح.
فرح : شكرا إنك موجود معايا، ولازم تعرف إني والله ...
كريم : من غير ما تكملي، انا عارفك كويس و عارف أختي كمان، بتمنى لك السعادة...ربنا يفرح قلبك
فرح قامت وحضنت كريم.
فرح : أنا بحبك أوي يا كريم، طول عمرك بتيجي في صفي من واحنا صغيرين وسماح تتخانق معايا.
كريم : لأني كنت عارف إن اختي بتغير منك جدا جدا.
في الصالون الكل مرتاح.
أحمد ابو مراد حس إن الجو متوتر، وخاصه لما كانوا بيسألوا على المعلم وخاف إن ابنه يتحداه و يكتب الكتاب. بس أول ما شاف أهل فرح و المعلم ارتاح.
فكريه : عروستنا فين؟
رحمه : تعالي، هي في أوضتها على ماييجي المأذون.
قامت فكريه معاها.
فكريه : عايزاك في كلمتين على انفراد يا رحمه
.
رحمه : خير ياختي في حاجه؟
راحوا المطبخ.
فكريه : كل دا يحصل وماتتصليش بيا؟؟
رحمه : من غير ماتزعلي مني، ألاقيها منين ولا منين؟
فكريه : احنا اخوات وبنات عم برضوا، اهو أخويا طلع جدع وجه البلد يكبر بينا وعزمنا، وقال لنا عايز يتمم كل حاجه قبل سفر علي.
رحمه : آه يا فكريه، مش عارفه ليه قلبي مش مرتاح لسفر علي.
فكريه : ادعيله ربنا يوفقه، وبعدين ليه عاملين كتب الكتاب هنا في شقة علي ؟
رحمه : دا موضوع طويل.
فكريه : على فكره هو حكالي على مقصوفة الرقبه هي و امها، بس انا مستغربه من برودك يا رحمه، كل دا خوف منها؟؟!! أنا لو منك أعمل ليلة بنتي في بيتي وفي الحاره، وأعلى ما في خيلها تركبه.
رحمه : مش عايزه مشاكل والبت تعبانه مش مستحمله.
فكريه : خير ان شاء الله.
الرجاله كانوا بيتفقوا على كل حاجه، وان الفرح خلال 6 شهور.
وهما بيتكلموا علي قلبه وجعه جدا ومش عارف يعمل إيه.
ولسه مابلغش زهره على سفره، وكان نفسه يكتب كتابه عليها قبل ما يسافر. هو مش مرتاح للسفر ولا مرتاح لهايدي.
مراد : سرحان في إيه؟
علي : في زهرة.
مراد : قلتلها إنك مسافر؟
علي : لا مالحقتش، ومش عارف أعمل إيه، وانا وعدتها آخر الاسبوع آجي اخطبها.
مراد : دي مشكله، ولازم تبقى قد كلمتك. أكيد بلغت أهلها وهما عملوا حسابهم.
علي : إنت شايف انا في مشاكل قد إيه، وشايف المدير عمل عليا ستريس علشان أقدم الملفات قبل ما ابتدي الشغل.
وعارف إنه زعلان إن احنا حانسيبه، وخاصة إن بعض العملاء عايزين يبقوا معايا.
هو بيضحك وبيعمل نفسه متفهم، بس أنا شايف حاجه تانيه. ولا بنته اللي لازقه فيا دى
مراد : خلي بالك لا تشربك حاجه صفرا وتقولك انت ضيعت شرفي اتجوزني هههه..
علي ومراد ضحكوا بجد.
احمد : ضحكونا معاكم.
مراد : لا، افتكرنا حاجه في الشغل.
المعلم : ربنا يوفقكم يارب.
حسنين : أول ما نكتب الكتاب لازم كلنا بربطة المعلم نروح الحاره.
رحمه : بلاش مش عايزين مشاكل.
حسنين : وليه مشاكل؟ احنا مش بنعمل حاجه غلط، بنتا وجوزناها.
أحمد : بصراحه، حضرتك اقنعتني. أنا في الأول و الاخير عايز مصلحة ابني، وماكنتش عايز مشاكل تحصل بين الأخوات.
حسنين : مافيش مشاكل والحمدالله، احنا موجودين هنا. إنت عارف غيرة الحريم، والبت بعافيه شويه مرفوع عنها القلم زي امها، معلش يا كريم يابني.
كريم : عندك حق يا عمي.
حسنين : طالع راجل لأخوك علي الحمد لله.
المأذون وصل..
ابتدت الزغاريط في البيت كله.
طلعت العروسه مع عمتها فكريه،
واتكتب الكتاب.
مراد مكانش مصدق نفسه خالص.
تهاني : الف مبروك عليكم يارب.
فرح : الله يبارك فيكي.
تهاني : بعد إذن الحاجه رحمه قوليلي يا ماما.
رحمه : أكيد طبعا، ما أنت هاتبقي أمها برده.
فكريه : والنبي إنت ست أصيله
تهاني : وانت كمان والله، ما تتصوروش انا فرحانه قد إيه عقبال علي.
فكريه :يا ولا.: أمك بتقول إنك عايز تخطب، يا الله احنا هنا، خير البر عاجله، اخطب قبل ما تسافر.
علي : با ريت يا عمتي.
فكريه : مش هي من الحاره؟ يلا خلينا نفرح و تبقى الفرحة فرحتين.
المعلم : آه والله يابني، وكمان خليت محمد جوز اختك يعمل لينا قعده في الحاره، الكل لازم يعرف.
حسنين : أومال إيه، فرح مش رخيصه عندنا، وإن شاء الله نكون عاملين حسابنا في الليله الكبيره.
سميره : ألف مبروك يا حبيبتي. وقامت حضنتها.
وجه مراد، كان متررد يعمل إيه يحضنها ولا بس يسلم عليها؟؟
في الآخر قرب منها وباس رأسها.
مراد : مبروك يا حبيبتي.
فرح كانت مكسوفه.
فرح : الله يبارك فيك.
المعلم : يلا بينا على الحاره.
رحمه : والله انا مش مرتاحه.
حسنين : ليه يا رحمه؟ هو إحنا بنعمل حاجه غلط ولا إيه؟
لازم نروح، لو فضلنا هنا الناس هتصدق اللي بيتقال. صلي على النبي ويلا.
جهزوا ونزلوا، ركبوا العربيات.
عند طارق كان في مكتبه لحد ما دخلت عنده نرمين.
نرمين : هاي.
طارق : في حاجه؟
نرمين : إيه الاستقبال الوحش دا؟
طارق : لأنك جايه مكتبي في وقت الشغل، ودخلتي على طول، طبعا لازم أسألك لو في حاجه.
نرمين : لأ، أنا بس كنت معديه من هنا وقلت آجي أشوفك واعزمك على الغدا.
طارق : وفري عزومتك، عندي شغل.
نرمين : هو في إيه؟ إنت ليه بتعاملني كده؟ يا اخي انا أخت المرحومه وخالة بنتك.
طارق : نرمين من غير لف و دوران وبلاش تلعبي معايا، انا عمري ما هتجوزك. شوفي حياتك بعيد عني.
نرمين بعصبيه.
نرمين : ليه؟ إيه اللي ناقص فيا ؟ يا أخي انا حبيتك قبل مسك، وانا اللي كنت اعرفك، اتجوزتها هي وانا لأ وانت عارف اني بحبك، هي دلوقتي الله يرحمها.
طارق : علشان كده ماينفعش.
نرمين أنا وانت مختلفين عن بعض. وبعدين بعد مسك انا مش عايز اتجوز، انتوا ليه شاغلين بالكم بيا؟
نرمين : طارق، قلتها لك الف مره، انا بحبك.
طارق : انا آسف، بس قلبي وعقلي مع مسك، حتى لو ماتت هي عايشه جوايا. ارجوكي بلاش تحرجيني وتحرجي نفسك، كفايه كده وشوفي حياتك، إنت حلوه والف واحد يتمناكي.
نرمين فضلت تبص ليه، واخدت شنطتها وطلعت من المكتب.
طارق : لا حول ولا قوة إلا بالله العلي العظيم، ربنا يهديكي.
عند نوال...
دخلت أوضة بنتها..
نوال : يابت قومي شوفي الحاره مقلوبه.
سماح : اوووووه، ماتسيبيني نايمه شويه.
نوال : إنت إيه حكايتك؟ طول اليوم نايمه، ماتقومي.
سماح : أهو قمت، عايزه إيه؟؟
نوال : إنت بتكلميني كده ليه؟
سماح : عايزاني اكلمك ازاي ؟
نوال : يا مصيبتك السودا في عيالك يا نوال. بقولك الحاره مقلوبه كإن في فرح، ماتعرفيش بتاع مين ؟
سماح : انا طول النهار في أوضتي أعرف منين؟؟
نوال : شوفي البت صاحبتك أكيد عارفه، ما امها تعرف اخبار الحاره كلها.
سماح : حاضر، أي أوامر ثانيه ؟؟
نوال : حاخرج من الاوضه قبل ما يحصل لي حاجه.
في عربية علي..
سميره : بقولك يا علي، إيه رأيك نروح نخطب لك الليله؟ استغل الفرصه، عمتي فكريه وعمي حسنين موجودين.
علي : انا لسه ماقلتش ليها إني مسافر، مش عارف هتتقبل الموضوع ولا لأ، بس بجد يا ريت لأني وعدتها آخر الاسبوع آروح اخطبها، وانا ماكنتش اعرف حكاية السفر دي.
سميره : خلاص كلمها وفهمها بالراحه. ولا أقولك؟ روح بيتهم وكلم أبوها، لو وافق اتصل علينا نروح كلنا نطلب إيد ها طالما بتحبها كده، وباين هي كمان بتحبك.
علي : جدا جدا يا سميره هي شبهكم أوي، زي امي أصيله، وهي دي اللي تستحمل حياتي وشغلي.
قوليلي، أخبارك إيه مع محمد؟
سميره : الحمد لله، بس مش عارفه، بقاله فتره مشغول جدا و سرحان ومش راضي يحكي ليا اي حاجه.
Nisrine Bellaajili
علي : استحملي يا سميره، جوزك فاتح مشروع جديد أكيد عنده مشاكل ومش راضي يشغل بالك، او خايفك تقوليله انه كان عندك حق لأنك كنتي رافضه يستقيل من وظيفته.
سميره : بس لو يشاركني همه، طول عمره مستحمل وساكت، بس الصراحه حنين أوي، عوضني حاجات كثير، اهم حاجه مش زي ابوك عينيه فارغه على النسوان. والحمدالله فرح نصيبها حلو مع مراد.
يا علي احنا عشنا أيام سوده، وخاصه ماما كانت بتخبي عليك علشان ماتتخانقش معاه. أصعب حاجه على الست إن جوزها نسونجي. أنا مش عارفه هي ليه مستحمله لحد دلوقتي.
علي : مستحمله لأن جدك اخذ عليها عهد ماتسيبش ابن عمها وهو بيموت. امك مستحمله علشان العهد دا، امك عارفه طباعه وبصراحه انا اتصدمت إنه حضر كتب الكتاب وجاب عمي وعمتي وباقي العيله، شرفنا قدام أهل مراد، إنت ماشفتيش أبوه كان مبسوط قد إيه.
سميره : الحمدلله، يارب يتمم فرحتنا على خير، خايفه لا البت و امها يعملوا لينا فضايح.
علي : انا كلمت كريم يطلع عندهم، يا ينزلوا يشاركونا فرحتنا، يا يبقوا في شقتهم، وانا كمان حطلع عندهم. ماتخافيش كل حاجه هتبقى تمام.
وصلوا الحاره وكل العربيات داخله والفرحه ابتدت تعزف.
محمد كان محضر كل حاجه لما كلمه المعلم. ستات الحاره ابتدوا يزغرطوا و يرقصوا.
نوال راحت البلكونه تبص.
نوال : بت يا سماح تعالي شوفي.
سماح : أيوه البت بتقولي دا كتب كتاب وحده من الحاره وماعرفتش مين، بس امها تعرف وتبلغني.
نوال عينيها طلعوا لما لمحت محمد جوز سميره.
نوال : بصي يابت دا مش جوز سميره؟
سماح : أيوه إيه اللي جابه هنا؟ و واقف هناك ليه؟
نوال : ودي مش عربية المعلم وعربية علي؟
سماح : أيوه.
سماح قلبها كان بيضرب بسرعه و مصدومه، خاصه لما شافت سميره لابسه فستان سواريه وطالعه من عربية علي مع اولادها، وكمان رحمه وفكريه.
نوال أول ماشافت فرح طلعت من العربيه بفستانها ومعاها مراد بالبدله.
نوال : يانهار اسود!!
سماح : يعني إيه؟ هيكتب عليها؟ الله في سماه ما هيحصل، دي تطلع فيها روح. والله لا أقتلها.
وراحت تجري المطبخ طلعت سكينه ونوال بتندب وراها.
إيه اللي هيحصل؟
وسماح ناويه على إيه؟
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق