رواية ليه يازمن الفصل 21/22/23/24/25 بقلم نسرين بلعجيلي حصريه وجديده على مدونة النجم المتوهج
 |
عماد دخل المطبخ عند امه...
عماد : أومال مقصوفة الرقبه فين؟
جمالات : اسكت، البت شكلها مش طبيعي، تعبت كده وشها بقى أصفر كده زي الأموات وعرقت، قلتلها تطلع تستريح لا يحصل ليها حاجه واشيل ذنبها.
عمادة: يوووووووه بقى، هو انا اتجوزت اتهنى ولا اتبهدل.
جمالات : كله منك، لو كنت عاملتها كويس كنت متهني دلوقتي و روحت شهر العسل، بس أقول إيه؟ ربنا يهديك على نفسك، وبقولك إوعى تقرب منها، والاحسن انها تبات هنا، ما انا مش حضمنك تقوم تعتدي عليها.
عماد : و الموضوع ده هيطول على كده ؟؟
جمالات : الله أعلم. يله اطلع هاتها خلينا نتغدي إجواز اخواتك عايزين يروحوا، وبقولك لم نفسك في الكلام معاهم علشان ماتبقاش الأهبل وسطيهم.
عماد : هو في إيه كل شويه تقطميني كده؟؟ انا زهقت والله. أنا طالع بقى.
جمالات : يارب يهديك يابني.
طلع عماد وفتح الشقه.
راح الأوضه، أول مافتح تنح كده وفتح بؤه على المنظر اللي شافه.
وداد من كثر التعب اللي عملته في شقة حماتها، خدت دش ولبست فستان قصير جدا ونامت على السرير و شغلت المكيف.
كان حيلها مهدود جدا، نامت بسرعه.
منظرها دا بالنسبه لعماد مصيبه،
لإنه مش هيقدر يقاوم كل الإغراء اللي هو شايفه.
غصب عنه قرب منها وابتدا يمشي إيديه على جسمها.
عماد : يابنت الإيه، إنت حلوه أوي أوي.
وابتدا يمشي إيديه على جسمها، ونام جنبها على السرير وعينيه كلها شر و شهوه زي الحيوان اللي مايعرفش رحمه.
صحيت مخضوضه، لاقيته قريب من وشها، أول ما شافها فتحت انقض عليها عايز يفترسها، بس وداد افتكرت كل اللي عمله قبل كده وصرخت صرخه كل اللي في العماره سمعها.
حتى جمالات وبناتها اللي طلعوا يجروا على السلم.
عماد عقله كان ملغي، كل اللي بيهمه إنه يوصل اللي هو عايزه تحت أي ظروف.
قطع ليها الفستان وابتدا ينهش في لحمها.
جملات فتحت باب الشقة وراحت تجري على الأوضه اللي كانت مفتوحه.
دخلت لاقته بيفترس في وداد بلا رحمه ولا شفقه بكل وحشية.
جمالات راحت تجري عليه زقته من عليها وشافت وشه احمر وبينهج.
حالته ماكنتش طبيعيه خالص لدرجه هي خافت منه.
وداد هربت بره عريانه وجسمها بيترعش، مسكتها عواطف حضنتها وهي صعبانه عليها، دخلتها اوضة الأطفال.
أما جمالات كانت مصدومه من منظر ابنها.
جوز عواطف و فاطمه طلعوا و ودخلوا.
عماد كان هايج، بقى يضرب في أي حاجه قدامه ومش شايف بيعمل إيه، لدرجه مسك أمه نيمها على السرير.
هو كل اللي كان شايفه جسم ست، مش مهم هي مين
جمالات صرخت....
جمالات : إلحقوني.
من غير تفكير الكل دخل الغرفه واستنكروا الموقف اللي شايفينه.
بسرعه جوز عواطف حاول يمسكه، بس هو متغيب تماما وابتدا يقلع هدومه مستعد يغتصب امه.
فاطمه صرخت وجوزها طردها بره.
عماد ابتدا يقطع جلابية امه اللي لابساها بيحاول يعريها.
جاملات كانت مرعوبه ومش مستوعبه اللي بيحصل ليها خالص.
عبد الغني جوز عواطف ابتدا يشد فيه لحد ما بعده، وجه حسن جوز فاطمه ضربه بالبوكس في وشه.
جاملات ماكنتش قادره تتحرك.
حسن رما عليها الملاية تستر نفسها
ومسكوا عماد دخلوه الحمام.
فاطمه جريت على امها حضنتها وهي بتعيط.
طلع حسن...
حسن : حالته وحشه، لازم نكلم الدكتور.
فاطمه : وهي بتعيط هو عمل حاجه ؟
حسن : اهدي، مالحقش، بس هو لسه هايج. ارجوكي انزلوا تحت كلكم واتصلي بالدكتور اللي متابع حالته.
**************************
نسرين بلعجيلي
طارق رجع البيت كانت امه بتلعب مع سيلا.
طارق : سلام عليكم.
حنان : وعليكم السلام مالك يابني؟
طارق : بصي يا ماما، قولي لبنت اختك تشيلني من دماغها، انا مش فاهم هي مجنونه ولا معندهاش كرامه، ولا إيه حكايتها بالظبط؟
حنان : لا حول ولا قوة إلا بالله العلي العظيم. البت بتحبك من وانتم صغيرين، وانت اتجوزت اختها الله يرحمها، ودلوقت بقى عندها أمل إنها خالة سيلا إنك ممكن تتجوزها.
طارق: أنا لا عايز اتجوزها ولا اتجوز غيرها.
حنان : ربنا يهديك يابني، انا مش هعيش ليك، البنت محتاجه حد يهتم بيها وانت لسه شباب هتفضل من غير ست؟
طارق بعصبيه...
طارق : أنا لسه ماجبتش حقها علشان انساها و اتجوز. ومافيش ست تخليني أنساها، كفايه بقى كلام في الموضوع. لو سيلا بقت حمل عليكي هشوف ليها بيبي سيتر.
حنان : إيه اللي انت بتقوله دا؟ دي بنتي. وبعدين حق إيه اللي عايز تاخده؟ مراتك عملت حادثه والراجل اللي خبطها مات هو كمان.
طارق : إنت ليه مش عايزه تقتنعي إن الحادث كان مدبر والعربيه مكانش فيها فرامل اتقطعت بفعل فاعل واللي عمل معاها الحادثه كان قاصد؟؟
حنان : يابني المحكمه برأت أهل المرحوم وقفلوا الملف على إنه حادثه عاديه ومش جريمه قتل.
طارق : علشان المحامي فاشل معندوش ضمير طلع المتهم بريء بس ورب الكعبه ما انا سايبه ولا حسيب اللي حرمني أنا وبنتي من مسك.
سابها ودخل اوضته وهو متنرفز ومتعصب. افتكر كل حاجه حصلت ليه.
شويكار اتصلت على حنان.
حنان : ألو!
شويكار : أيوه يا حنان، باتصل بيكي علشان إبنك بهدل بنتي، رجعت من بره بتعيط وحالتها حاله.
حنان : وهو كمان رجع متعصب. بصي يا ختي، خلي بنتك تنسى طارق وتشوف حالها وتتجوز، أهو ابن فيروز طالبها للجواز.
شويكار : أعمل إيه يا حنان، هو أنت ماتعرفيهاش؟ دي هي كبرت على حبه، وعلاقتها بقت وحشه مع اختها بسببه. أنا غلطت، مكانش لازم أوافق على جواز مسك من طارق، كسرت بنتي نرمين على حساب اختها، احنا غلطنا.
حنان : دا نصيب ربنا كاتبه انهم يتجوزوا وكانوا بيحبوا بعض.
شويكار : البنت بتروح مني، مش عارفه أعمل إيه معاها.
حنان : ربنا يهديها، بس بالله عليك قوليلها تبعد عن طارق ولا تقرب منه، هو شايط لوحده، قال إيه عايز يجيب حق مسك من اللي عمل الحادثه.
شويكار : مش الراجل مات وقاله إنها هي اللي كانت سايقه بسرعه؟
حنان : طارق مش عايز يقتنع بالكلام دا. اسيبك ادخل اسخن له الأكل.
شويكار قفلت مع حنان وراحت لبنتها
شويكار : اتصلت علي خالتك وقالت إن طارق عايز يفتح قضية مسك. هاسألك لآخر مره، إنت ليك إيد في موتها؟؟
نرمين : إنت اتجننتي؟ كل مره تسألي نفس السؤال ومحملاني ذنب موتها، هو انا قلت لها سوقي بسرعه واخبطي العربيات؟
شويكار : بحملك الذنب علشان اختك ماتت وهي مفكره ان جوزها خانها معاكي وإنه على علاقه بيكي واتخلى عنك واتجوزها علشان يغيظك و رجع ليكي. هي ما شافتش قدامها ونزلت سايقه بسرعه. إنت السبب في كل دا، بس من تصرفاتك بقيت خايفه تكوني انت عايزاها تموت علشان يخلى ليكي الجو مع طارق واداكي بومبه.
اهو هيفتح الملف من ثاني و جديد. إسمعي، إبن فيروز طلب إيدك وانا مواقفه تتجوزي وتغوري من مصر، لأن قلبي مش مرتاح، و لو رفضت هسحب منك العربيه والفيزا، ومافيش فلوس خالص، وهكلم عمك ييجي من البلد يشوفلك صرفه لانى تعبت منك، فاهمه ولا لأ؟
نرمين فضلت باصه حته ثانيه وعقلها في حاجه ثانيه، بس كلام امها خوفها.
*************************
Nisrine Bellaajili
أما في الحاره
الناس مبسوطه جدا وبترقص مع الفرقه.
أما سماح أخذت السكينه وفتحت الباب ونوال مسكتها، و شافوا نانسي لابسه فستان سواريه ونازله بتزغرط كإنها كانت عارفه.
أول ما شافت سماح والسكينة في إيديها نزلت تجري خبطت في علي.
نانسي : إلحق، البت سماح ماسكه سكينه عايزه تنزل تحت.
علي من غير ما يبص عليها طلع يجري، شاف سماح ماسكه سكينه.
علي : علي فين؟
سماح : سيبوني اشرب من دمهم. هقتل أختك اللي خطفت حبيبي. على جثتي يكتب عليها.
علي : ضحك لا ماتخافيش هي بقت مراته على سنة الله ورسوله.
وبعدين، إيه مش خايفه لما تقتليها تخشي السجن؟؟
شايفه تربيتك يا مرات أبويا؟؟
نوال : مالها تربيتي؟؟ شوف انت تربية أختك اللي خطفت الراجل من اختها. الله في سماه لانزل تحت افضحكم.
علي : يعني بتعترفي إنك انت اللي طلعتي كلام على اختي ؟؟؟
نوال : اه انا، ولسه ماشفتوش حاجه. دا انا اطلع عليها كلام وقول انها غلطت معاه وهو ستر عليها علشان تعرفوا تدوسوا عليا انا وعيالي.
المعلم كان طالع السلم وسمع كلامها.
نوال أول ماشفته اتخضت...
المعلم : إنت طالق يا نوال.
نوال صوتت بأعلي صوتها.
نوال : يا لهوي تطلقني ؟
المعلم : ما عدتيش تلزميني بعد اللي عملتيه في بنتي. وانت يا مقصوفة الرقبه، نزلي السكينه دي. اخلص من فرح اختك و اربيكي من أول وجديد.
ودلوقتي خشوا جوه، والله في سماه لو لمحت بس طرف ثوبكم بره الشقه دي، يبقى تطلعوا بره بيتي إنت وهي وتشوفوا تعيشوا فين بعيد عني.
يلاه على جوه.
علي فضل مصدوم إن أبوه طلق نوال اللي كانت بتتحكم فيه وكان بيسمع اي حاجه تقولها، وكان شاكك انها ليها يد كبيره إنه يطلع بره البيت.
المعلم : يلا يابني الناس تحت مش عايزهم يحسوا بحاجه.
نزلوا تحت...
أما نوال كانت مصدومه وبتضرب في نفسها.
نوال : منك لله يا سماح، هو دا اللي كنت عايزاه أبوكي طلقني؟؟ ارتحتي دلوقتي ؟؟
سماح : في إيه؟ محملاني الذنب ليه؟
نوال : علشان وافقتك في جنانك. أهو مراد اتجوز فرح وانا أطلقت. يا شماتة رحمه فيا.
لا، مستحيل يطلقني، لازم يرجعني غصب عنه، انا ضيعت شبابي عليه. ازاي يتخلى عني كده؟ أكيد رحمه هي اللي قالت له.
شايفه دماغك وصلتنا لفين؟ إنت أصلا مش بتحبي مراد، عملتي كده ليه؟
سماح: يا سلام! لما كنت بتملي دماغي إن مراد عريس لقطه و لازم يتجوزني أنا مش فرح، مين كان بيخطط أنا ولا انت؟؟؟
نوال : يا نهار اسود!! هو انت عايزه تتهميني إن أنا اللي خططت مش إنت اللي ضحكت عليا وقولتي إنه كان بيشاغلك وهي خطفته منك.
لا، وكمان الكلام الي طلعتيه عليها. أهو اتجوزها قدام الحاره و بكره تبقى سيرتك على كل لسان انك كذبتي عليها.
علي حاول يتصل بزهره كثير بس هي كانت مشغوله.
مراد قرب من علي.
مراد : علي كنت عايز آخذ إذنك اخرج مع فرح نتعشي بره.
علي : آه طبعا هي مراتك دلوقتي، بس مراد اعتبر كتب الكتاب خطوبه، إوعى تتجاوز حدودك معاها لحد الفرح. أنا واثق فيك وفي أخلاقك و في أختي.
مراد : طبعا متخافش، انا كمان قلت نفس الكلام لي جوز اختي .
علي حضنه.
علي : أنا مبسوط أوي يا مراد، أخيرا اطمنت على اختي معاك.
مراد : الحمد لله قلي انت عملت ايه مع زهره ؟
علي :باتصل كثير مش بترد.
هروح أنا وعمتي فكريه عندهم الليله نطلب إيدها، لو وافقوا بكره الصبح ممكن أكتب عليها او اخطبها، مش عارف، المهم إني اطلع راجل معاها واسافر وانا مرتاح.
تفتكرو نوال هتعمل ايه بعد طلاقها؟
و زهره مشغوله في ايه؟
و ياترا علي هيلحق يخطبها؟
وإيه رأيكم في حاله عماد؟؟
ليه يازمن بقلم نسرين بلعجيلي
NISRINE BELLAAJILI
الفصل 22
استأذن مراد من المعلم و من رحمه واخذ فرح وركبوا العربيه.
المعلم : بقولك إيه؟؟ أنا طلقت نوال.
رحمه: إيه؟!!!!
المعلم : زي ما بقولك، اعترفت إنها طلعت كلام على فرح، ولسه كانت ناويه تشوه سمعتها. انا عملت إيه وحش في الست دي علشان تعمل في بنتي كده؟؟
فكريه أول ما سمعت إنه طلقها فضلت تزغرط.
فكريه : يا ألف انهار أبيض، أهو كده إنت أخويا بحق وحقيقي.
حسنين : ما بنشمتش في خراب البيوت يا فكريه.
فكريه : اسكت إنت مش عارف كهن النسوان عامل إزاي. نوال دي محدش يعرفها قدي.
حسنين : وبعدهالك يا فكريه، عيب كده.
فكريه : عيب وهي تعرف العيب؟ بقولكم إيه خلونا نطلع فوق ونعزم أهل العريس يتعشوا معانا.
المعلم : حاضر يا فكريه، واطلب عشاء يليق بيهم.
تعالي يا نانسي اتعرفي على اختي.
قربت نانسي.
نانسي : ألف ألف مبروك يا حاجه رحمه.
وحضنتها
رحمه : الله يبارك فيكي، وشكرا على اللي عملتيه، جبتي العصاير والحلويات والفرقه كمان.
نانسي : دا كله من خيركم، وبعدين دي فرح بنت الحاجه رحمه والمعلم. يعلم ربنا بحبها قد إيه، وعارفه إنها مش طيقاني بس عذرها معاها ومش زعلانه منها
فكريه : طول عمرك عبيطه يا رحمه
نانسي : إزيك يا حاجه فكريه.
فكريه ردت عليها بطريقه وحشه.
فكريه : لسه ربنا ما اذنش اروح الحج، وفري سلامتك لنفسك.
حسنين : يا فكريه اتقي الله.
ردت
رحمه : نانسي بنت طيبه وبنت أصول.
فكريه : بس علشان رحمه واللي عملتيه مع فرح، هسلم عليكي.
وأخذتها في حضنها لما شافت نوال واقفه في البلكونه بتبص عليهم.
أول مانوال شافتهم اتعصبت وقفلت البلكونه ودخلت جوه.
أهل مراد طالعين علي السلم وفكريه ونانسي ما بطلوش زغاريط.
أما العرسان كانوا فرحانين أوي أوي.
فرح ماكنتش مصدقه إن خلاص حلمها اتحقق، حلمها اللي كانت بتصلي وتدعي ربنا بيه.كانت بتحلم بيوم ما تكون زوجة لمراد كانت عايشه قصة حب لوحدها وكانت بتطلب من ربنا إنه يزرع حبها في قلبه كانت متابعه كل اخباره على الفايسبوك والانتسجرام، وبتبقى مركزه أوي لما علي يتكلم عليه. لما كانوا في بيت علي وقربت تعالج له الكدمات قلبها كان هيطلع من مكانه. لما جات عيونهم فى عيون بعض، ولما قال لها إنت حلوه بقي عندها امل إنه ممكن يكون معجب.بيها سنين وهي بتتعذب بحبه، سنين وهي مستنياه يتكلم، كانت مستنيه المبادره تيجي منه هو.
كان بإمكانها تكلمه هي وتطور علاقتهم، بس كرامتها ماسمحتش ليها تعمل كده. ربنا دبر المشكله اللي حصلت وخلاه يتواصل معاها، الفتره دي هي التزمت بقيام الليل و الدعاء وربنا كان كريم معاها و تقبل دعاها وتمم فرحتها على خير. وهي بتفتكر كل دا دمعه نزلت من عينيها، شافها مراد و وقف العربيه.
مراد : حبيبتي مالك؟
فرح بصت له
فرح : هو احنا بجد كتبنا كتابنا ؟؟
مراد ابتسم لها
مراد : أيوه يا حبيبتي إنتي دلوقتي مراتي.
فرح : حبيبتك؟
مراد : حبيتك من أول يوم شفتك فيه وانت صغيره، وأقسمت إنك تكوني من نصيبي. طول السنين دي وانا بتعذب في حبك، كنت خايف يكون حد في حياتك.
فرح : ليه ماتكلمتش معايا؟
مراد : لأنك غاليه أوي عليا وأخت اخويا وصديقي، و لأنك بنت متربيه ولان عندي أخت بخاف عليها .
أخذت عهد على نفسي أتقدم لك لما اكون جاهز، عايزك مراتي سنين وانا بدعي ربنا انك تكوني من نصيبي.
فرح : وانا كمان كنت بدعي ربنا كل يوم إنه يحط حبي في قلبك، ويخليك تحس بيا. كنت بدعي كثير أوي أوي، وكنت بعيط كثير وفقدت الأمل كثير، و كنت واثقه في ربنا إنه شايل لي حاجه حلوة
مراد : الحمد لله ربنا، استجاب لينا. مش مصدق نفسي، بجد يا فرح بتحبيني من سنين؟ مش مصدق نفسي. أحمدك و اشكرك يا رب.
وقرب منها باس جبينها.
مراد : ربنا استجاب لينا لان نيتنا خير، الحمدلله أنا طاير من الفرحه
فرح : وانا كمان
مراد : بتحبيني يا فرح؟
فرح : بكسوف، أيوه.
مراد : عايز اسمعها منك لو سمحتي.
فرح : بحبك يا مراد.
مراد : و انا بموت فيكي يا أحلى حاجه في حياتي، يا فرحه قلبي يا حبي الأول و الأخير.
مراد قرب منها وحضنها وهمس لها بحب.
مراد : بحبك يا أجمل ما شافت
عيني.
فرح: كل المشاعر دي علشاني ؟
قرب مراد منها خلاها مرتبكه وبتترعش.
أخيرا هي في حضن حبيبها و جوزها. ليالي وهي بتتمني اللحظه دي.
مراد حس بيها، وفاهم إنها خايفه و متوتره لأن دا أول قرب بينهم.
بعد عنها، كان وشها مكسوف جدا، وخدودها بقت حمرا وكانت بتبص لتحت.
مراد رفع وشها
مراد : مكسوفه مني؟
فرح مش عارفه ترد عليه.
مراد : أنا فاهم خوفك و كسوفك، و الحمد لله قربت منك وانت حلالي.
حبيبتي من النهاردة أنا اللي هاوصلك الشغل.
فرح : كنت لسه عايزه اتكلم معاك في الموضوع دا. أنا عايزه اكمل في شغلي ومبسوطه فيه.
مراد : عارف، وانا ماعنديش مشكله في دا. إنت كمان ذاكرتي تعبتي يا أحلى باش مهندسه.
يلا بينا نتعشي علشان اروحك البيت.
فرح : بس مش عارفه ماما هتفضل في الحاره ولا هتروح عند علي.
مراد : هبقي اتصل بيه و أسأله.
أنا حجزت في مطعم هيعجبك أوي أوي، وبكره بإذن الله ننزل نشتري الشبكه.
**************************
بقلم نسرين بلعجيلي
عند وداد... كانت خايفه جدا وخاصة لما شافت انهيار أمه وهي بتعيط، وفهمت إنه حاول يغتصبها.كانت مصدومه وبتترعش.
عبد الغني جوز عواطف إتصل بالدكتور، وكمان دكتوره لجمالات و و وداد و اداتهم حقن مهدئه.
أما الدكتور بتاع عماد، كان مستاء جدا من الحاله اللي وصل لها
الدكتور : للأسف حالته وحشه، و دا دليل إنه مكانش بياخذ العلاج بانتظام. دا غير إن الست الوالده كانت مصره تطلعه من المصحه وهو لسه في مرحلة العلاج. دا عنده أمراض نفسيه وعقد نفسيه، وفي مرض فرط الشهوه الجنسيه. ودا لاحظناه في فتره اقامته عندنا و كان بياخذ له علاج.
حسن : معلش حضرتك ممكن تفسر لينا إيه دا؟
الدكتور: دا مرض نفسي، شهوته عاليه جدا عن المعدل الطبيعي، عنده خلل في الهرمونات الجنسيه
علميا و طبيا اسمه
klüver -Bucy
اضطراب المزاج ثنائي القطب، يعني عنده اضطراب في السلوك الجنسي
ممكن يخف بمساعده بعض الأدوية والانتظام في فتره العلاج.
عبد الغني : بس يا دكتور الحاله دي ممكن تخليه استغفر الله يفكر يأذي أمه؟؟
الدكتور : طبعا لأنه اصلا بيكون معمي نهائي. دا غير الأمراض النفسيه اللي عنده مابتخليهش يركز او يفكر بطريقة سليمه، و دا خطر على اللي حواليه. يعني لو جاتله الحاله أي حد قدامه مش مهم، سواء راجل ولا ست ولا طفل ولا حتى حيوان. المرض دا خطير وخاصة في حالته هو، لأن عقله بيبقي ملغي تماما. وغلط كبير إنه يتجوز لان دا حرام، الزوجه مالهاش ذنب. بخالص العباره دا مرفوع عنه القلم، ازاي يبقى زوج و أب ؟؟؟ دا لا يؤتمن على أي حد. للأسف الست الوالده كانت عارفه دا، بس هي كانت شايفه إننا بنبالغ في تشخيص مرضه،
واهو حصل النهارده.
حسن : وإيه الحل يا دكتور ؟
الدكتور : هو دلوقتي نايم، بعد ما حاول يطلع رغبته الجنسيه بشتى الطرق، ونايم بالمنوم . بس لازم يرجع المصحه لحد ما تتحسن حالته.
عبد الغني : دي مشكله وهو لسه عريس هنقول لزوجته ولا أهلها إيه؟
الدكتور : بعد اللي عمله معاها في ليلة الدخله، دي كانت لازم تطلب الطلاق.
حسن : معلش هو عمل إيه؟؟
الدكتور : اللي فهمته إنكم اجواز اخواته البنات صح؟؟
حسن : صح.
الدكتور : تبقوا ماتعرفوش اللي حصل. هو اعتدي عليها بالضرب و اغتصبها، وعملوا له محضر في الشرطه ، والست جمالات لجئت ليا علشان اتدخل واكتب تقرير على حالة ابنها الصحية علشان تطلعه من الحجز، وانا قلت لها إن التقرير هيكون ضدها مش معاها، و ممكن الزوجه ترفع طلب طلاق للضرر. وكمان ترفع عليكي قضية إنك كذبتي عليهم وخبيتي حالته الصحيه و انك سعيتي في الجوازة دي...رغم انه غير صالح للزواج
في الدول المتقدمه حالته ممنوعه من الجواز ، بس للأسف عندنا في مجتمعاتنا العربيه لسه مش مقدرين خطورة المرض النفسي. حالات كثير متجوزين والزوجه بتدفع الثمن. بس قانونيا ممكن تاخذ حقها، بس مين يعمل كده واحنا مجتمع لسه بيفكر في التقاليد وكلام الناس والعرف اللي ماشين بيه.؟؟
عبد الغني : الموضوع كبير واحنا لازم نتدخل. للأسف لا مراتي ولا مراته قالوا حاجه رغم اننا كنا بنلاحظ تصرفاته الغريبه.
الدكتور : دا لو كانوا فعلا عارفين حالته كويس، لأن الست جمالات بس هي اللي كانت بتزوره.
حسن : كل اللي كنا نعرفه إنه مسافر الخليج يشتغل.
عبد الغني : بس دلوقتي عرفنا ولازم نقرر لان كده حرام. بنت الناس دي نعتبرها أختنا، ولا واحدة مننا حد يرضى لها البهدلة. وبعد اللي حصل واللي عمله في أمه ممكن يعمله مع اخواته البنات او ولادنا لما بيجوا زياره هنا. الوضع خطير، واللي شايفه صح يا دكتور اعمله.
الدكتور : لازم يتنقل للمصحه علشان يكمل العلاج، لحد ما تهدأ حالته، لأن النوبه ممكن ترجع له في أي وقت.
عبد الغني : واحنا موافقين.
حسن : يمكن هما يرفضوا ؟
عبد الغني : هما مين؟
حسن : عواطف و فاطمه وامه.
عبد الغني : بعد.ما خبوا علينا الحقيقه. المره دي لأ، إحنا الرجاله ونقرر بدالهم، لان عيالنا في خطر، واحنا بنساعده يتعالج
الدكتور : على كده ننقله النهاردة ان شاء الله وهو تحت تأثير المنوم، غير كده مش هينفع لأنه مش هيرضى يجي معانا.
عبد الغني : و هو كذالك، احنا موافقين.
*************************
Nisrine Bellaajili
علي حاول كتير يتصل بزهره من غير رد. بعدين قرر يروح لهم البيت
خبط علي الباب..
فتحت له فاطمه.
فاطمه : يا اهلا وسهلا بابن الغاليه.
علي : تسلمي، هو عم محمد موجود؟؟
فاطمه : ليه يا بني خير ..هو تعبان شويه.
علي : ألف سلامه عليه، كنت عايزه في موضوع كده.
فاطمه : خش يا بني البيت بيتك اتفضل.
دخلته جوه الصالون الصغير وراحت نادت جوزها
فاطمه : قوم اصحى، علي ابن المعلم بره مستنيك.
عم محمد : نعم؟ يكونش عرف؟؟
فاطمه : إيش عرفني، قوم.
طلع عم محمد...
عم محمد : نورتنا يا بني.
علي : شكرا يا راجل يا طيب.
عم محمد : خير يابني في حاجه ؟
علي : هي زهره مش موجوده؟؟
فاطمه استغربت إنه بيسأل على بنتها.
فاطمه : يا كبدي، دا هي من الصبح في الشغل، عندهم عرايس كتير النهارده. دي حتى تليفونها نسيته هنا في البيت
عم محمد : في حاجه يا بني؟ و بتسأل على بنتي ليه؟
علي : أنا جاي طالب القرب منك في بنتك.
فاطمه ضربت صدرها.
فاطمه : يا لهوي.
علي نفد وعدو وجا اتقدم يا ترا ليه فاطمه اتخضت؟!
وإيه رأيكم في حاله عماد؟؟
وداد ممكن تعمل ايه؟؟
ليه يازمن بقلم نسرين بلعجيلي
Nisrine Bellaajili
الفصل 23
عم محمد ارتبك ومش عارف يعمل إيه؟
علي: هو فيه ايه شايفكم اتخضيتوا
فاطمه: لا بس المفاجئه كبيره علينا معلش احنا خدامين عندكم فا إزاي عايز تتجوز بنتنا
علي: كلنا خدامين علي لقمة عيشنا ودا مايمنعش اني اتجوز بنتكم
عم محمد : وفين اهلك يابني ؟؟
علي: انت عارف ان انهارده كان كتب كتاب فرح اختي وهما مشغولين بس هما عارفين إني عايز اخطب
عم محمد : يعني المعلم و الست رحمه عارفين انك هنا عندنا؟
علي : ايوه
عم محمد بص لفاطمه
ومقالوش حاجه ولا اعترضوا؟؟
علي: لا و يعترضو ليه؟
عم محمد : والله يا بني مش عارف اقولك ايه
علي: احنا كتبنا كتاب فرح بسرعه لاني مسافر بكرة دبي و مش عارف هرجع امتي فقولت اخطب زهره او اكتب عليها قبل السفر
فاطمه: تكتب عليها؟؟؟
علي: خير البر عاجله لو موافقين اجيب اهلي دلوقتي و المأذون و اكتب عليها
عم محمد: مش بالسرعه دي يابني الأمور ما تتخدش كده
علي: إيه مش موافقين عليا ؟؟
فاطمه: و دي تيجي يابني بس احنا اتفاجئنا شويه
عم محمد : و على كده زهره عارفه انك هنا؟؟
علي: لا متعرفش قولت ايه يا عم محمد ؟
عم محمد : تروح و ترجع بالسلامه يابني
علي: يعني ايه؟
عم محمد : يعني لما ترجع يبقي خير
علي: بس أنا مش عارف هرجع امتي وانا عايز اسافر وانا مطمن وعملت خطوه رسمي
عم محمد: ماانت دخلت من الباب وبينت حسن نيتك
علي: بس مش هرتاح الا لما اكتب كتابي عليها وانا ماعنديش وقت اهلي موجودين وعمي وعمتي جم من البلد ودا احسن وقت
عم محمد: معلش يا بني خليها لما ترجع من السفر
علي: هو ليه انا حاسس انه في حاجه انتم مخبينها عليا او مش عايزيني انا فكرت انكم هتفرحوا
فاطمه: اصل يا بني زهره مقري فتحتها من زمان علي ابن عمها
علي: نعم!!! من أمتي الكلام دا ؟؟
فاطمه: من زمان
علي: بس اللي اعرفه انكم مقطوعين من شجره من ساعة ما دخلتوا الحاره عمرنا ما شوفنا حد من عيلتكم و فين ابن عمها ده ؟؟
فاطمه: في البلد ما احنا كنا بنزورهم وانت شايف الحال والبيت صغير هايجوا فين
علي: بس اسألوا زهره هي عايزه مين؟ وبعدين هي زهره تعرف بحكاية ابن عمها دة
عم محمد : لا يا بني دا كلام رجاله من وهي صغيره و ماينفعش ارجع في كلمتي قدام اهلي
علي: و كمان ماينفعش توقف في وش سعاده بنتك علشان كلمتك وعلشان الكلام دا انا عايز اكتب عليها انهارده
عم محمد: ما ينفعش يابني خليني اعرف اتصرف و اوعدك إنه ان شاء الله يكون خير
علي: عم محمد أرجوك وافق اني اتجوزها وانا هبقي اروح معاك البلد لاهلك واقنعهم بس بالله عليك ما توقفش في طريقنا انا وبنتك بنحب بعض من زمان
فاطمه: بتحبوا بعض؟؟
علي: ايوه بس ربنا يشهد اني من يوم ماعرفتها وانا عايز اتجوزها بس كنت مستني لما اعمل مكتبي والحمدالله المكتب خلص وكمان شقتي جاهزه مش هكلفكم مليم واحد انا بحب زهره و عايزها
عم محمد: وانت عرفتها فين و كنتم بتتقابلوا؟؟
علي: دي بنت الحاره واكيد شوفتها في بيتنا لما كنت لسه ساكن هنا كلامنا كان في التليفون وحتي لو قابلتها بيبقي في مكان عام بنتكم متربيه وتعرف الأصول و هو دا اللي خلاني عايز اتجوزها ويشهد ربنا اني حافظت عليها انا كمان عندي اخواتي البنات وبخاف عليهم وهي زيهم ارجوكم وافقوا
عم محمد: ماشي يا بني بس لما ترجع يبقي اهلا وسهلا بيك انت و اهلك واكتب عليها ماعنديش مشكله
فاطمه: ازاي ؟؟
عم محمد : ما هو بيقولك بيحبوا بعض يعني هما متفقين
فاطمه: وابن عمها ؟؟
عم محمد : مش وقته الكلام دا
علي: طيب لما انت موافق خلينا نتمم كل حاجة
عم محمد : انا قولت اللي عندي يا بني ما تحرجنيش اكثر من كده انا كمان عايز افرح ببنتي
ولو كتبت عليها دلوقتي يا عالم الناس هتسيبنا في حالنا ولا لأ و موضوع وداد لسه ما بردش
علي: رغم اني مش مقتنع بس ماشي انت اديتني كلمه ان زهره ليا
عم محمد : إن شاء الله خير يا بني
علي: طيب عن اذنكم
وطلع علي من عندهم وهو مش مرتاح حاسس ان عم محمد كان بسايره في الكلام
أما عم محمد كان حاطط إيديه علي راسه
فاطمه: هنعمل ايه في المصيبه دي ؟؟
عم محمد : بنتك دايرة علي حل شعرها وعايشه قصه حب مع علي وانتي نايمه علي ودانك
فاطمه: أمتي و ازاي والبت من الشغل للبيت و حتي في إيام الاجازه مش بتخرج خالص
عم محمد: مش عارف دي مصيبه وحلت فوق نفوخنا بقولك إيه خدي الموبايل بتاعها اقفليه وخبيه و لو سألتك قوليلها ما عرفش
فاطمه: لحد أمتي وبعدين لو عرفت ان علي اتقدم ليها هنعمل ايه؟
عم محمد : مش لازم تعرف هو قال انه مسافر بكره يعني هيتصل بيها اكيد انت بقي خبيه وبكره اعملي نفسك تعبانه وتفضل هي معاكي في البيت
فاطمه: ما يمكن عارفه انه مسافر
عم محمد : من كلامه لا وحسك عينك تجيبي السيره لأي حد
فاطمه: يا عيني عليكي يا بنتي في حظك المايل انتي و اختك طالعين ليا حتي في البخت قال ايه اكفي القدره على فمها تطلع البنت لامها
عم محمد: قصدك إيه بالكلام دا ؟؟
فاطمه قامت من جنبه
فاطمه: مش قصدي حاجه
علي رجع البيت عند مامته وكان اهل مراد لسه موجودين
وكانوا بيتعشوا
علي : السلام عليكم
الكل رد السلام
فكريه: تعالي يابني حماتك بتحبك
علي: مش باين
فكريه: خير يا بني روحت لاهل البنت ؟
علي: ايوه روحت بس زي ما روحت زي مارجعت
رحمه: خير يا بني مش موافقين؟؟
علي: مش عارف قال ايه هي مخطوبه لابن عمها ومديين له كلمه
المعلم: معقول يرفضوا ابن المعلم سعد و محامي قد الدنيا وامك الست رحمه كفايه سيريتها الطيبه في الحاره الناس دي مش وش نعمه
ما تقول لينا هي مين و بنت مين ؟
علي: زهره بنت عم محمد
المعلم عينيه كانت هتطلع من مكانهم
المعلم : مين زهره دي؟
رحمه: هي زهره وحده اللي في الحاره بنت فاطمه يا زين مااخترت يا بني والله بنت حلوه و مؤدبه وربنا يشهد عليا من ساعة ما شوفتها في فرح اختها وانا اتمنيتها لك
بس استني ابن عمها مين وهما مالهمش قرايب؟
المعلم : هو انت عايز تتجوز بنت الراجل والست اللي شغالين عندنا؟؟
فكريه: وفيها إيه يا خويا مش الناس كويسين ؟
المعلم : أيوه بس الناس مقامات وعلي محامي كبير لازم يتجوز واحده تشرفه قدام الناس
رحمه: لا يا سعد ايه الكلام ده الناس طيبين وعمرنا ماشوفنا عليهم حاجه و الفقر مش عيب
فكريه: ايوه اهم حاجه ان علي بيحبها
المعلم: وهي يا تري بتحبه؟؟
علي: طبعا انا وهي بنحب بعض من زمان
المعلم: ازاي ؟؟
علي: هو إيه اللي ازاي ؟
المعلم : إنت لسه قايل انكم بتحبوا بعض
علي: ايوه من ساعة ما كنت في الحاره ولما مشيت من هنا فضلت علي تواصل معاها و بصراحه انا قصرت معاها جامد كان لازم اتقدم لها من زمان
تهاني: النصيب يا بني انت وصاحبك كنتوا هارين نفسكم شغل علشان تنجحوا دلوقتي ان الآوان تتجوزوا وتعيشيوا حياتكم
رحمه: آه والله دا يوم المني عندي لما علي يتجوز و الحمدلله زهره بنت كويسه جدا وعارفين أهلها
فكريه: مالك يا سعد كشرت كده ليه؟ البت أخلاقها وحشه؟
المعلم: أعوذ بالله البت عمرنا ما سمعنا عنها حاجه وحشة
فكريه: الحمدلله طب مالك ركبك مية عفريت لما سمعت اسمها
المعلم: كل الموضوع إنها مش مقامه
علي: أنا مش بفكر كده وانا بحبها ميهمنيش الكلام دا بس مش فاهم حكاية ابن عمها
رحمه: ولا انا فاطمه طول عمرها بتقولي انهم مقطوعين من شجره
منين طلع ابن عمها دا
فكريه: بكره نروح لهم انا وانتي وسيبي الموضوع عليا وانت يا بني سافر مرتاح
علي: يارب
*************************
Nisrine Bellaajili
في شقه نوال
قاعده على الكنبه بتندب حظها
كريم طلع الشقه
كريم: السلام عليكم
نوال: جيت يا موكوس كده يابن بطني تحضر كتب كتاب فرح و ماتقوليناش حاجه كاننا غرب دة الوليه مرات ابوك كانت عارفه وانا نوال مش عارفه
كريم نفخ بضيق وهو مش طايق اسلوب امه
كريم: لو كنتي عرفتي كنتي هتعملي ايه؟؟
نوال: كنت وقفت اللي بيحصل انت يا ولا معايا ولا ضدي؟
كريم: انا مع الحق
نوال: بقي انت مع الحق يالي فضايحك ماليه الحاره يالي بقيت مدمن يا وكستك السودة في عيالك يا نوال
كريم بعصبيه
كريم: كويس انك عارفه ان عندك عيال أما بقي حكايه اني مدمن دا بسببك انتي وبسبب انانيتك كل اللي يهمك المعلم و فلوسه
نوال: ما كله راح المعلم طلقني علي اخر الزمن
واختك حابسه نفسها بتعيط وقال ايه عايزه تقتل فرح
كربم: إنتي السبب في كل دة فضلت تملي مخها بكلام فارغ مراد بيحب فرح من زمان وعمر مكان بينهم حاجه و يوم ما كان عايز يكلمها خطبها و كتب عليها انت ضيعتيني و ضيعتي سماح وضيعتي نفسك
لو المعلم طردك هتروحي فين؟؟
دا انت حتي مفيش عندك شقة انت فاكره الهدوم والدهب هاينفعوكي
طول عمرك مضيعه كل حاجه عليه وهو بيتجوز عليكي
نوال: إنت ماتعرفش حاجه انا بحبه حب الدنيا كلها هو أبويا واخويا وكل حاجه هو انقذني من اللي كنت فيه واتجوزني شايله جميله فوق راسي
كريم : اهو انت خسرتي كل حاجه
نوال: لأ ماهو لازم يرجعني غصب عنه لانه لو معملش كده هيتجوز
كريم : ماهو كده كده هيتجوز بس بعد ما طلقك هيتجوز اثنين
نوال: فال الله ولا فالك اسكت بقي ما أنت لو ابني بصحيح تروح تعمل معاه مشكله وتطلب منه يرجعني شايف علي بيعمل ايه علشان خاطر امه
كريم: المعلم مش بيجي بالعند خليه يهدا مع نفسه ما أنتي اكيد عملتي حاجه خلته يطلقك
نوال: كله من اختك مقصوفه الرقبه ضحكت عليا وقالت لي ان مراد كان بيكلمها
كريم: وانتي صدقتيها طبعا اهي كانت بتكدب وكمان شوهت صوره اختها و بعد اللي حصل هي اللي أتشوهت الكل عرف انها كانت بتكدب وهي اللي عايزه تخطف العريس من اختها
نوال: قوم اطمن علي اختك قافله علي نفسها
كريم فضل يخبط الباب
بعدين فتح وصرخ بصوت عالي
كريم : سمااااااااااح
جت نوال اتخضت لما شافت بنتها في الأرض والدم مغرقها
بقلم نسرين بلعجيلي
يا ساتر يا رب سماح عملت ايه في نفسها؟؟
و المعلم اتخض ليه لما سمع اسم زهره؟
وياترا زهره هتعرف ان علي اتقدم ليها ؟
ليه يازمن بقلم نسرين بلعجيلي
Nisrine Bellaajili
الفصل 24
الدكتور اتصل بالمستشفى وجهز كل حاجه لدخول عماد المصحه
وراح معاه حسن و عبد الغني
فاطمه : انا مصدومه اوي من اللي حصل عارفه انه تعبان بس مش للدرجه دي
عواطف: اسكتي لما امك تصحي هنقول لها إيه؟
وبعدين جوزي بص لي نظرات وحشه قوى
فاطمه: و جوزي كمان امك السبب فضلت تقول لنا اوعوا تفضحوا اخوكم لو كانوا عرفوا كانوا منعوا الجوازه دي
عواطف: البنت صعبانه عليا اوي اوي
فاطمه: خايفه من اللي جاي وخايفه من مصاريف المصحه ومؤخرا امك مابقتش تدينا حقنا... كله لعماد الجوازه دي صرفت عليها جامد وانا مش عارفه افاتحها في الموضوع
عواطف: احنا في إيه ولا إيه؟
فاطمه: يا عواطف دي حقيقه امك كل اللي يهمها عماد و بس
حتي المحل في سوق الخضار بي إسمه ومخليه الولا عليوه اللي مشغله و ياعالم بيعمل ايه من ورانا المال السايب يعلم السرقه
وكمان فلوس الأرض عمامك بيبعتوها لها
هو احنا مش لينا حق فيها احنا عايزين بس مبلغ كل شهر
العيال كبرت ومحتاجين مصاريف الحمدلله جوزي مش مقصر بس ليه انا عندي حقي ومش مستفيده بيه لحد أمتي هنفضل ساكتين
عواطف: خلينا بس نشوف المصيبه دى انت شوفتي الجيران كانوا بببصوا علينا ازاي ؟
فاطمه: شفت يا ختي ايه الهم اللي احنا فيه دا يارب
************************
علي حاول كثير يتصل بزهره ولقي موبايلها مقفول استغرب إنها مارجعتش اتصلت بيه و اكيد أهلها بلغوها بزيارته وإنه طلب ايديها
وهو في البلكونه شاف اخته فرح مع مراد وكان مبسوط انه اطمن عليها معاه مراد صاحب عمره وعارف أخلاقه وعارف انه مالوش في الشمال وراجل يعتمد عليه
مراد: ياه الوقت طار بسرعه
فرح: احنا اتاخرنا قوى وانا مش عايزه مشاكل
مراد: مافيش مشاكل انتي مراتي وزي ما قولتلك انا اللي هوصلك كل يوم الشغل وبقيتي مسؤوله مني اي حاجة عايزاها تطلبيها مني
فرح: ربنا يخليك ليا يلا نطلع
وهما علي السلم
سمعوا صريخ نوال اللي رج العماره كلها
علي طلع جري علي شقة نوال فوق والمعلم وراه
رحمه: يا ساتر استر يارب
فكريه : تلاقيها تمثيليه تانيه هو انت ما تعرفيش الاعيبها
علي فضل يخبط بس المعلم فتح الباب بالمفاتيح بسرعة
دخلوا لاقوا كريم واقف بره و حاط إيده علي راسه
علي: في إيه؟؟
كريم بيبص وهو مصدوم و مش قادر ينطق
علي جري علي الأوضه شاف سماح سايحه في دمها وبص لايديها لقاها قطعت شراينها جري عليها شاف نبضها
نوال: بنتي ماتت
علي: لا لسه عايشه لازم نوديها المستشفى بسرعة
المعلم دخل واتصدم من المنظر
علي شالها ونازل بيها في السلم
رحمه أول ما شفتها اتخضت
رحمه: بنتي مالها ؟؟
علي: انتحرت لازم الحقها بسرعه مراد بسرعه وديني في عربيتك
فرح كانت بتترعش
مراد دخلها جوه
مراد: ماما خلي بالك منها هروح مع علي
وطلع يجري
محمد جوز سميره مسك إيد المعلم
محمد: يلا بينا وراهم
نوال: خدوني معاكم
ونزلت سبقتهم علي السلم
لحقت علي و ركبت معاه العربيه
رحمه : استنوا خدوني معاكم
سميره مسكت اختها حضنتها
فرح: انا السبب انا انانيه فكرت في نفسي علي طول كنت بفكر فيها بس المره دي قولت لا
سميره: وحدي الله انت مالكيش ذنب
تهاني: لا حول ولا قوه الا بالله العلي العظيم
نانسي: خدي اشربي اللمون دا يهديكي هي اكيد عملت كده علشان زعلانه لأن المعلم كان قاسي حبتين في الكلام وكمان طلق امها قدامها
احمد: استغفر الله العظيم هو دا اللي كنت خايف منه وانت وابنك مش بتسمعوا الكلام
حسنين: دة نصيب يا بني ماحدش بيهرب من نصيبه بنتنا مكتوبه لإبنك بارادتك او من غيرها ربنا كاتبها له إن في الساعه دي هيحصل كده سماح ليها ربنا لو مكتوب ليها تعيش هتعيش مش مكتوب دة قدرها تعددت الأسباب والموت واحد
فكريه: ماتقولش الكلام دا انت اصلك ماتعرفش البت و امها
حسنين: لمي الدور يا فكريه وادعي البنت تقوم بالسلامه
فكريه: خليني اقوم اشوف الولا كريم مش بينطق ليه وساكت
طلعت له فكريه كان قاعد على الارض وبيعيط
فكريه: يا حبيبي يا ضنايا اهدا كده ربنا معاها
كريم: انا مش راجل ماعرفتش انقذها ولا اشيلها ولا اروح معاهم
فكريه: ماتقولش كده ماهو حسنين وحمى اختك معملوش حاجه يبقي مش رجاله الرجوله مش كده وانت راجل من ضهر راجل الصدمه كانت شديده عليك علشان انت اول واحد شوفتها
كريم: هي ممكن تموت؟؟
فكريه: بعد الشر تف من بؤك ان شاء الله تبقي كويسه
كريم: كله منها انا بكرها سابتها قافله علي نفسها وقعدت تندب علشان طلقها
انا بكرها اوي يا عمتي صحابي بيعايروني بيها بيقولولي يابن الرقاصه امك مالهاش فصل ولا اصل
فكريه: امك مالهاش ذنب إنها ماتعرفش أهلها ولو رقاصه كان غصب عنها وبعدين دول هما كام شهر وبعدين دي حافظت علي نفسها وابوك اتجوزها حتي لو انا مش بطيقها بس الحق يتقال ماحدش يقول حاجه في أخلاقها دي هي مش بتعتب باب العماره الا و المعلم معاها
هي بس سماويه شويه وقلبها كده اسود ومش بتحب الخير لغيرها كده يعني فيها كل العبر بس شريفه يا ولا وبعدين انت بتجرجرني في الكلام وانا ميته في دباديب امك
كريم ضحك
فكريه: اضحك يا ولا الدنيا لسه بخير قوم انزل معايا تحت انا مش هسيبك هنا لوحدك وبعدين عيب نسيب الضيوف تحت
في المستشفى الكل بيجري ودخلوها العمليات بسرعه
نوال: حسبي الله ونعم الوكيل فيكم ضيعتوا بنتي
المعلم: إنت لسه ليكي عين تتكلمي كنتي فين لما بنتك عملت كده؟
علي: مش وقته الكلام دا
رحمه: يارب ارحمنا برحمتك
بعد ساعه وهي في العمليات طلع الدكتور
الدكتور: محتاجين نقل دم بسرعه
علي: أنا أخوها و فصيلتنا واحده
نوال فضلت تبص عليه واستغربت تصرفه
نوال لسه مش مستوعبه إنه اخوها لأنها طول عمرها شايفاه عدو ليها
نوال عايشه في دور الضحيه وان الكل بيكرها والكل عايز ينتقم منها
علي اتبرع لها بدمه
وبعد وقت طلعت سماح من العمليات وطلع الدكتور
الدكتور: الحمدلله البنت بقت كويسه وهي في الافاقه و بعدين ننقلها للاوضة
بس لازم أبلغ البوليس لانها محاوله انتحار
مراد: ممكن يا دكتور عايزك في كلمتين
وغمز لعلي انه هيتصرف
نوال: الحمدلله يارب
مبسوطه يا رحمه المعلم طلقني وبنتي كانت هتموت وابني خدتيه في حضنك دا حتي مجاش يطمن علي اخته
رحمه: لا حول ولاقوة الابالله العلي العظيم ربنا يهدي لك نفسك يا نوال
بعد يوم طويل كل واحد رجع بيته الا نوال فضلت مع سماح
علي اخد دوش ورجع يتصل بزهره و تليفونها مقفول و مش عارف يعمل إيه
اتصلت بيه هايدي
وبلغته ان معاد الطياره اتغير ولازم يسافروا الصبح مش بليل زي ما قالت له
علي زعل لانه مش هيلحق يشوف زهره ولا يروح عندها في شغلها
أما احمد ابو مراد كان نايم علي السرير وحزين
تهاني: مالك بتتقلب ليه ومش عارف تنام ؟
احمد: صدقيني يا تهاني انا حبيت فرح بس في نفس الوقت قلبي مقبوض ومش مطمن العيله دي كلها مشاكل ليه ندخل نفسينا في حوارات مالهاش اول من آخر
كل حاجه كانت غريبه الواضح انهم ماكانوش يعرفوا ان المعلم جاي لكتب الكتاب ودا كان باين من تصرفاتهم
وكمان الكلام اللي بيتقال في الحاره
إبنك طلعت عليه سمعه وحشه انه كان بيشاغل الصغيره وبعدين اتجوز اختها الكبيره
والبنت اللي انتحرت ذنبها في رقبتنا كلنا شكلها بتحب إبنك جدا
وليه فرح تبقي عارفه ان اختها بتحب مراد وتوافق تتجوزه دي انانيه منها ازاي هتعيش كويس وهي عارفه ان في وحده بتتعذب بسببها وكمان حاولت تنتحر وذنب امها إيه تطلق
ولا كلام المعلم علي الطبقيه وان البنت اللي اختارها علي مش مناسبه
ما احنا كمان بنتهم مش مناسبه لينا ليه إبنك يتجوز واحده من الحاره الناس تقول علينا ايه اهلك وأهلي
ولما يعمل الفرح حيكون في الشارع زي النهاردة..؟
لا يا تهاني احنا غلطنا جدا
تهاني كانت بتسمعه و هي عارفه ان جوزها علي حق
تهاني: كلامك صح بس اللي حصل حصل وانت شوفت إبنك هيتجنن عليها
نام يا خويا الصباح رباح واللي فيه الخير يقدمه ربنا
**************************
Nisrine Bellaajili
زهره فضلت تدور علي موبايلها كثير لحد ما زهقت وطلعت السطح تشم هواء وبتفكر ازاي كان كتب اخت علي ومعزمهاش ولا قال لها حاجه
هتعمل ايه في الموبايل وهي مش معاها فلوس تجيب واحد تاني هتكلم علي ازاي
أما محمد وفاطمه قاعدين يخططوا ازاي يقنعوا زهره بالجواز
بس فاطمه ضميرها انبها وحاولت تضغط علي محمد انه يوافق علي علي ويخليه هو يواجهه كل المشاكل
بس محمد كان اناني في تفكيره كل اللي همه ان امره ما يتفضحش بعد كل السنين دي
أبطالنا كل واحد فيهم محتار في مشكلته
حتي المعلم قاعد يفكر في موضوع جواز علي من زهره
أما نانسي كانت بتفكر ازاي تأمن نفسها تسمع كلام امها وتحمل ولا تطلع من الجوازه دي خفيفه وتأمن مستقبلها و مستقبل عيالها
رحمه كانت في دوامه كبيره حزنها علي سفر علي و على فرحه بنتها اللي اتكسرت لتاني مره
ولا علي سماح اللي راقده في المستشفى وخايفه تاخد ذنبها و فعلا هي بتحب مراد ازاي فكرت تنتحر اكيد متعلقه بمراد ومجنونه بيه ولا نوال اللي طلقها المعلم اكيد عملت مصيبه علشان يطلقها
طارق كان في مكتبه في الشقه بيراجع اوراق قضيه وافتكر مسك لما كانت بتزعل لما تشوفه سهران علي قضيه وتيجي تقعد قدامه لحد مايخلص
سأل نفسه ليه مش قادر ينساها و مش قادر يقرب من اي ست تانيه هو راجل وليه متطلباته ليه نسي نفسه ونسي رغباته
هيفضل عايش علي ذكراها لحد أمتي
وعد نفسه انه لازم يزور طبيب نفسي علشان يعالجه او يساعده انه يتخطى الازمه دى
هايدي بقي كانت قلقانه وخايفه من السفريه دي وخايفه ان خطتها تفشل هي عايزه علي واتعودت لما تعوز حاجه بتوصل لها
ابوها بقي كان في مكتبه ومشغول في اتصالاته شكله عنده قضيه كبيره في دبي علشان كده بعت هايدي وعلي
خاصة علي اللي الناس طالبينه بالاسم يا ترى علي هيعرف يقوم بالمهمه دي وهيعمل إيه مع بنته هو مش مفهمها كل حاجه
وكمان خايف عليها من الخطر
يا تري إيه اللي مستني ابطلنا في اللي جاي اكيد كل واحد فيهم حياته هتتقلب وتتشقلب
تجري الرياح بما لا تشتهي السفن
الفصل 25
هايدي و علي وصلوا دبي وراحوا علي فندق 5 نجوم
علي كان مستغرب من كل اللي بيشوفه ودي كانت اول مره يسافر بره مصر
وعرف من الي شافه ان صاحب القضيه رجل أعمال كبير و مهم
هايدي قالتله يقعد في الاستقبال على ما هي تخلص الإجراءات
علي طلع تليفونه حاول يتصل بزهره لسه تليفونها مقفول
اتصل بامه يطمن على سماح و فرح
جت هايدي
هايدي: يلا بينا الحمدلله الجناح بتاعك جنب الجناح بتاعي
وعلى فكره هو صاحب الفندق ده
علي: لو سمحتي يا هايدي ممكن افهم ليه انا؟؟ صاحب القضيه مصري ولا خليجي ولا إيه الحكايه؟؟
هايدي: اهدا يا علي مالك قلقان كده ليه نطلع نرتاح و بليل على العشاء هتفهم كل حاجه
علي: ماشي
ودخل الجناح بتاعه وانبهر بشكل الجناح وكميه الثراء اللي هو شايفه الجناح مجهز على اعلي طراز كانه جناح ملكي
أما هايدي دخلت الجناح واخدت تليفونها اللي كان بيرن
هايدي: ألو ايوه وصلنا
المجهول: كويس كله تمام معاكي؟
هايدي: لحد دلوقتي اه بس هو بيسأل كثير وعايز يعرف كل التفاصيل
انت وعدتني ان مافيش حاجه هتأذيه؟
المجهول: لا متخافيش كله تمام احنا مجهزين كل حاجه علي العشاء
بقولك في اخبار وصلتني انه خطب حبيبته
هايدي : نعم !!!
المجهول: ايوه يوم كتب كتاب اخته على مراد هو راح خطبها
هايدي: بس أنا ماشفتش في ايده دبله؟
المجهول: هو طلب ايديها بس لسه معملوش حفلة الخطوبه
هايدي: اوك طيب ايه المطلوب مني؟
المجهول : ولا حاجه احنا عايزينه يمسك القضيه وبس
هايدي: بس اشمعني علي ؟؟ على فكره هو محامي عادي وانا شايفه انه اصلا مش هيقبل يدافع عن مجرم علي بيحترم مهنته
المجهول: آه علشان كده بيشتغل مع ابوكي ما هو كمان بيحترم مهنته هههههه
وفضل يضحك كثير
هايدي: بابا كان راجل بيحترم مهنته لحد ما انت دخلت حياته الله أعلم ماسكين عليه ايه علشان يقبل بقضاياكم ومن اخر قضيه بابا مابقاش بيترافع في المحكمه بيخلي كل المرافعات للمحاميبن اللي معاه
المجهول: مش وقت الكلام دا اسيبك ترتاحي
قفلت معاه وهي سرحانه وخايفه من اللي جاي
**************************
Nisrine Bellaajili
في بيت جمالات لما صحيت وعرفت إن ابنها دخل المصحه زعلت جدا
عواطف: ياما انت بتعيطي ليه المفروض دا يحصل من زمان
جملات: انا سمعتكم امبارح بتتكلموا علي الورث اكيد عايزين تخلصوا منه علشان تورثوا كل حاجه وتدوها لجوازكم دا بعدكم
فاطمه: ليه يا ما نيتك وحشه احنا والله مفكرناش في كده خالص هو ليه انتي شايفه ان الموضوع سهل كده انتي عارفه لولا دخلنا في اخر لحظه كان هيحصل فيكي ايه؟؟
استغفر الله ياما افهمي بقي ان دا في مصلحته و مهما كان ده اخونا و لو اتكلمنا علي الورث فدا حقنا انت بتدينا ملاليم وكمان مش متابعه الشغل سايباه كله لعليوه الله أعلم هو بيعمل ايه
ليه ما ترجعيش الشغل زي زمان شوفي حالك و رزقك واحنا هنفضل بناتك وتحت طوعك و اجوزانا مش طماعين الحمدلله ومستورين
جمالات : ودوني عند ابني
عواطف: ياما هما مانعين عنه الزياره
و جوزي بيروح له واخد له كل اللي محتاجه
جمالات: آه يا فضيحتك يا جمالات وسط الجيران ولا اجوازكم هيقولوا ايه ؟
كله منها ربنا ياخدها لو كانت سايرته مكانش وصل اللي هو فيه
اه ياني عايزه اموتها
وقامت تجري راحت الاوضه اللي كانت نايمه فيها وداد
ومسكتها من شعرها
جمالات: انت فضحتي ابني ربنا يفضحك انا جوزته علشان يتهني من ساعه ما شوفنا وشك واحنا في المشاكل قومي يابت مابقتش طايقاكي هنا غوري من وشي الساعه دي
ادخلت عواطف علشان تبعدها عنها
عواطف: ياما ابعدي عنها هي معملتش حاجه
وداد بعد ما فاض بيها اتكلمت بصوت عالي وهي بتعيط
وداد : كفايه لحد كده افترا انتي ما بتخافيش ربنا كفايه ضحكتي عليا وجوزتيني إبنك المجنون إعتدي عليا وسكت ورجعت وانت عاملتيني زي الشغاله عندك من غير رحمه ولا شفقه وجايه تلوميني
اساير إبنك ازاي ؟ اعمل حاجه حرام علشان يرتاح دا غير اني تعبانه وممنوع يلمسني انا عامله عمليه ولا انا مش مهمه عندك انا بهيمه اشتريتها لابنك منك الله وحسبي الله ونعم الوكيل فيكي
جمالات : بتتحسبني عليا يابنت الشغاله
وداد: لما انا بنت الشغاله جوزتيني إبنك ليه علشان تداري علي جنانه ومرضه
فاطمه: إنت ازاي تكلمي امي كده؟؟
وداد : وانت عاجبك انها تضربني مش كفايه اللي عمله اخوكي فيا و بهدلني
جمالات دفعت عواطف
ومسكت وداد من شعرها ضربتها طلعت كل الغل اللي كان جواها
فاطمه و عواطف حاولوا يبعدوها عنها
وداد زقت جمالات بكل قوتها وهربت من البيت بجلابيه البيت وحافيه كل اللي يهمها ازاي تطلع من الجحيم ده
وهي بتجري علي السلم كل الجيران كانوا بيبصوا عليها وصعبانه عليهم
وداد فضلت تجري في الحاره لحد ماوصلت بيتهم وابتدت تخبط
اوى اول ما فتحت لها فاطمه الباب
اغمي عليها
فاطمه: فيكي إيه يابت الحقوني
طلعت زهره شافت اختها واقعه علي الباب
جريت عليها بتحاول تفوقها وشافت شكلها مضروب ولابسه عبايه متقطعه وحافيه
شالوها بشويش واخدوها الأوضة وفضلت معاها لحد ما فاقت
عم محمد رجع البيت لما سمع الناس بتتكلم ودخلوا عنده المحل وهو شغال يقولوا له انهم شافوا بنته وداد بتجري في الشارع
عم محمد: في ايه؟
فاطمه: مش عارفه والله يادوب فتحت الباب وقعت
بعد نص ساعه وداد فاقت وبقت مستوعبه إنها في بيتهم وابتدت تعيط
زهره: اهدي بقي واحكي لينا لازم نفهم اللي حصل هو اعتدي عليكي تاني ؟
عم محمد : زهره بلاش تلعبي في دماغ اختك انت اللي خليتيها تهرب في ست محترمه تهرب في الشارع كده انت شايفه نفسك و هدومك المتقطعه الناس هتقول ايه علينا مش كفايه فضحيتك
زهره: إنت بتقول ايه فضيحه ايه دي هو دا اللي ربنا قدرك عليه؟ هو في ايه ؟ انت مش شايف بنتك متبهدله ازاي ؟ كل اللي يهمك كلام الناس
فاطمه: اسكتي انت احنا في حاره كل الناس بتعرف اللي بيحصل
زهره: لا انتوا من امبارح وانتوا مش طبيعين كل اللي يهمكم الناس هوا فين الناس دي واحنا مش لاقيين ناكل ؟ هما فين الناس لما صاحب الشقه بيطردنا هما فين الناس واختي متبهدله وماحدش اخد حقها يا خساره يابابا ضيعت حقها هتقول لربنا ايه؟ .
فاطمه مسكتها من شعرها
فاطمه: إنتي قليله الربايه وانتي الي هتجيبي اجل ابوكي علي ايديكي انت طلعتي قويه لمين انا و ابوكي طول عمرنا ماشين جنب الحيط اللي احنا فيه ده كله بسببك
زهره : اوعي كده بتتشطري عليا انا ماتروحي لحماة بنتك امسكيها من شعرها واعملي فيها كده لا بتبقوا ساكتين وحطين راسكم في الأرض علشان هما معاهم فلوس وأنتم لا
عم محمد كان بيسمع زهره و هو ساكت
فاطمه: اسكتي بقي و كفايه كلام ابوكي مش مستحمل
زهره: لا مش هسكت لان أبويا هو السبب في اللي احنا فيه طول عمره موطي راسه للي يسوي و اللي مايسواش ربنا مخلقناش فقراء بس ابويا عاش الدور راجل غلبان و مسكين محاولش يسعي و يوسع رزقه زي كل الناس من ساعة ما جينا هنا هربانين اوعوا تفتكروا إني كنت عيله ومش فاهمه فاكره لما دخل علينا في عز البرد صحانا وخلانا نهرب من البلد وانت كنت لسه والده وداد من كام يوم هربنا وجينا هنا قعدنا في أوضه فوق السطوح
كل ما اسألكم احنا ماعندناش اهل تقولوا لا أهلنا ماتوا
وكنت بغير لما اشوف بنات الحاره عندهم اعمامهم و أهلهم واحنا لا
فاكره لما ولدتي اخويا الصغير لوحدك علشان مكانش معاه فلوس يديها للدايه ولا يوديكي المستشفي لحد ما مات في بطنك كل اللي أبويا عمله طلع قعد على الكرسي يعيط محاولش يعمل المستحيل ياخدك المستشفي طول عمرك سلبي و بتوطي راسك
اهي النتيجه بنتكم جايه متبهدله
ولا هتعملوا حاجه مش بعيد تمسكوا ايديها وترجعوها للوليه القرشانه و تبوسوا راسها
انا تعبت منكم ومن سلبيتكم عيشتنا في فقر مالناش ذنب فيه
انا مش مسامحاك علي بهدلتنا خلتني اسيب دراستي وانزل اشتغل
فاطمه: اسكتي كفايه حرام عليكي
وداد: خليها تتكلم عندها حق.. تعرفي امه عملت فيا كده ليه علشان عارفه ان ماليش ضهر اتسند عليه ومافيش راجل يحميني من ساعة مارجعت وهي مبهدلاني وانا تعبانه خلتني اروق الشقه الف مره
جوزتوني لواحد مجنون هربان من السرايا الصفرا حاول يعتدي عليا و لما جت امه تبعدني عنه مسك امه عارفين كان عايز يعمل إيه كان عايز يغتصبها قدام الكل مكانش شايف قدامه مين دي دا وحش ومريض
زهره: يا نهار اسود امه!!!!!!
وداد: ايوه امه ودلوقتي هو في المصحه بيقولوا حالته خطيره وامه اول ما صحيت قالتلي انا السبب في اللي حصل لابنها وانا اللي فضحته وفضلت تضرب فيا ماحستش بنفسي غير وانا بهرب منها ومن الجحيم اللي كنت فيه
ايه هترجعوني ليها ابقي شغاله تحت رجليها هي و بناتها ؟؟
فاطمه: غلطانه مكانش ينفع تسيبي شقتك خالص ولا تطلعي كده الناس هتاكل وشنا
زهره: هو انت ام بجد ؟؟؟؟
لا بجد احنا بناتكم و لا لاقيينا في الشارع؟؟
عم محمد : اخرسي شكلي دلعتك ومعرفتش اربيكي ولعلمك بكره كتب كتابك جالك عريس وانا وافقت عليه
زهره: وافقت عليه علي اساس انت اللي هتتجوزه ولا انا
طبعا مش موافقه
فاطمه: هتطلعي من طوعنا يا زهره واسجني ابوكي وخلينا ننام في الشارع نشحت
احنا سنين ضحينا بكل حاجه علشانكم ابوكم تعبان وشغال حمال علشان يصرف علينا وانا شغاله في البيوت
ضحي إنت مره وحده في حياتك والعريس معاه فلوس هيعيشك اميره
زهره: الله الله انتوا طابخينها سوا وعايزيني أوافق
لا أنا مش لعبه في ايديكم ومش هتجوز غير اللي علي مزاجي
عم محمد : و مين اللي علي مزاجك يا زهره؟
زهرة: علي ابن المعلم سعد وطلب مني اخد معاد علشان يجي يتقدم ليا رسمي وعايز يكتب الكتاب واطمنوا مش عايز منكم اي حاجه هو شقته جاهزه وكمان الحاجه رحمه موافقه
عم محمد: علي هو انت ما تعرفيش انه سافر دبي ؟
زهره: سافر ازاي؟
عم محمد : و الله اللي سمعته انه اتجوز بنت المدير بتاعه وسافر يقضي شهر العسل
زهره: اكيد لأ
فاطمه: هو دا اللي حصل امبارح كان كتب كتابه هو و صاحبه علي اخته وبعدها سافر
زهره فضلت مصدومه و تبصلهم
فاطمه: نسيت اديكي موبايليك
طلعته من جيب العبايه
اول مازهرة مسكته زهره فتحت الواتس اب لاقت رساله من علي كاتب فيها
اسف يا زهره انا اتجوزت هايدي بنت المدير بتاعي واحنا في دبي بنقضي شهر العسل
وفي صورته وهو في الطياره و هايدي نايمه علي صدره وحضناه
زهره حست ان الدنيا بتلف بيها مابقتش حاسه بحاجه
غير جملة علي ليها
عمري ما حسيبك يا زهره قلبي
*************************
مش قادره اقول حاجه
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق