رواية غلطه_ليله_عرس🔞 البارت الخامس والسادس والسابع والثامن بقلمي_زينب_ماجد حصريه وجديده على مدونة النجم المتوهج
 |
عمر.. بعد ما كلت لايات ادخلي بالغرفه رحت للكهرباء لكيت طابك الواير ومحتركه الميزانيه كلت استغفر الله بلله هاي وقتها نزعت سترتي والقميص وبقيت بالفانيله الداخليه اصلح
بقيت نص ساعه اصلح بالكهرباء ݘطلتها مؤقت لباجر كملت غسلت اديه باوعت ما كدرت ادخل للبيت تٲنيب الضمير ماكلني احس دا اخون مرتي المتوفيه العبره بصدري
عفت البيت وطلعت رحت افتريت بسيارتي بشوارع بغداد لهناك لفيت ورجعت للبيت دخلت للغرفه والكه مروه مرت مصطفى نايمه بغرفتي كتلها شتسوين هنا ايات وين
مروه.. بعد ما راح مصطفى يشوف الكهرباء تلمست ودخلت الغرفه وتمشيت للسرير وكعدت تانيت مصطفي ماكو والكهرباء طافيه متت من الخوف بقيت ابجي لحد ما نمت
كعدت عله صوت عمر يكولي شتسوين هنا ايات وين كمزت عله حيلي وكتله انته شجايبك لغرفتي مصطفى وين
عمر.. لج بابا هاي غرفتي انتي شتسوين هنا فهميني صيحت
مروه.. والله ما اعرف هوه مصطفى كال ادخلي جوه وراح يسوي الكهرباء ومرجع
عمر.. اني اللي سويت الكهرباء مصطفى اخذ مرته ووو فتحت عيوني استغفر الله ربي طلعت بسرعه دا اروح لغرفة مصطفى
لكيته واكف بالباب بالشورت والفانيله الداخليه ويفرك بشعره ومخلي ايده عله حلكه كتله شدسوي هنا وايات وينها ماكو دا احجي وياه وطلعت ايات من الغرف وشعرها مكفش ومكياجها خربان وتبجي
صارت عيوني بهامتي جريت مصطفى حيييل كتله شنو الصاير فهمني
مصطفى.. عمر والله والله عبالي مروه واخذتها بالضلمه وما ادري والله عبالي مرتي تخبلت ضربته بوكس وكعته بالكاع ونمت فوكاه توليته بوكسيات
ودرت وجهي لايات وهيه تبجي وتلطم لزمتها من شعرها ودخلتها للغرفه نزعت حزامي وكطعتها تكطع قسمت جسمها بالحزام وهيه تتوسل تكولي
ايات.. والله ما ادري عمر والله عبالي انته
عمر.. لج بنت الكلب اني شنو اتفقت وياج قبل الزواج ما اقربلج شلج بهلدروب والله اليوم انهيج ساقطه
ضربتها كتل لحد ما كامت مابيها حيل ترفع ايدها ادافع عن نفسها تركتها وطلعت من الغرفه رفعت الخط وخابرت امي دك التليفون فتحت خط كتلها يمه تجين هسه ومحمد اليوم الا الزم ابنج هذا السڪط وافرغ المسدس براسه
الام.. يمه اسم الله شبيكم
عمر.. كتلج تعااااااااااااي صحت بكل علو صوتي بعصبيه وقفلت الخط
الام.. ولك ابو اعمر كوووم خابرني عمر مشتعل نار يكولي اليوم افرغ المدس براس مصطفى
الاب.. يا ستار ياربي شبيهم تعاركو بليلة عرسهم
الام.. دخل انشوف شبيهم وصلنا للبيت لكيت عمر مخل اديه عله راسه ويفتر ويضرب بالبيبان وعيونه دم كتله ولك يمه شبيك شصاير فهمنه
عمر.. الصاير ابنج النكس ينام ويه مرتي بليلة عرسي
الام.. يمه عزا وصخام ولكم شلون صار هيج فهمونه
عمر.. اسٲلي ابنج السڪط والله اليوم موته عله ايدي والله
الام.. هوه وينه
عمر.. فلت ما ادري دورته ماكو طلع الساقط
الام.. خابرت عله مصطفي كتله هسه تجي للبيت كال انـّ ℳέ ـّيٌ كاعد براس الشارع جاي
الام.. يمه تعزينه ولكم شنكول وشنحجي ابنه اخذ مرت اخوه شنكول ياربي حلها ولا تبلينا ربي بجاه كلمن عنده جاه عندك منين اجت هلمصيبه عليه يمه شنكول لاهلها ما اخذها عمر اخذها اخوه يمه شنكول وشنصخم شلون نركعها
اجه مصطفي ركضت عليه اضرب بيه وهوه يكول يمه والله ما ادري والله عبالي مروه جانت ضلمه وهيه جانت بصفي شمدريني مروه رايحه كاعده وبس ايات واكف جريتها عبالي مرتي
عمر.. اكل خرا سكط بصياح اكو واحد ميميز صوت مرته صارلكم سنه تعرفون بعض ما تعرف صوتها شلونه
مصطفى.. والله ما ميزت بصوتها ما اعرف ما اعرف شصار بيه بوقتها اثوليت انعميت مادري الله جنت شارب ويه جماعتي بيره بس ما ثقلت
عمر.. اكو واحد يشرب ليلة عرسه انته غبي لك اليوم انهيك والله
الام.. باعو باجر اهل البنات يجون بالكم تجيبون سيره لهسالفه
عمر.. والله اخاف ما تقبلين من باجر اروح اطلكها اشفتيني مڪرن واخذ مره نايمه ويه اخوي
الاب.. وشنكول لاهلها اسفين غلطنه ويه بتكم وبعد منريدها ونشمرها بويه غير يصير الدم للركاب استر علينه بويه وخلي مرتك عندك والله يفرجها
عمر.. انتم تحجون صدك شلون تردوني اتقبلها شلووون
الام.. كله منك لو ما عايف البيت وطالع وراجع بنفس الوكت وشايفها مروه مو ايات جان تلاحكت عله المصيبه قبل لتصير ﮨـbⓐṣـس حضرتك عريس وطالع تفرفر بالشوارع
عمر.. ااااااااااها وهسه صار الحق عليه مہۣۙـ﴿ℳø﴾ـہۣۙـو
الام.. كلكم غلطانين مابيكم واحد بريئ لان الثول عاميكم من فوك ليجوه مثل مكتلكم باجر يجون اهلهن الصبح كلمه ما اسمع من علسالفه نسدها ولا كٲن صايره
عمر.. دروحووووو عفتهم وطلعت وروحي تريد تطلع من الغضب البداخلي بقيت اضرب بالستيرن مالسياره وابجي مو ما ردت اتزوج عندي صخمت روحي
مصطفى.. رجعت للغرفه لكيت مروه ناطه من البجي درت وجهي منها وخليت ايدي عله راسي وكعدت معقوله اللي نمت وياها ايات مہۣۙـ﴿ℳø﴾ـہۣۙـو مروه واني اكول شعجب هيج متفاعله وياج ومو جامده استغفر الله ربي شلون صار هيج
اجت مروه تضرب عله جتفي وتبجي وتكولي ليش تسوي بيه هيج باوعتلها ودموعي بعيني كتلها والله عبالي انتي خلت راسها بحظني وبقت تبجي درت وجهي ونمت واللي صار كله براسي مدا تروح من بالي طلعت روحي
ايات.. صحيت لكيت روحي مدمايه اريد اكوم ما اكدر من كد الضرب الضربنياه بقيت ابجي واتذكرت بابا وهم بقيت ابجي بالزايد حقه يسوي بيه هيج استاهل علصار ماكو رجال يتحملها
انوب اجت امه بقت تضرب بيه وتكولي انتي الغويتي ابني كتلها والله خاله ما الي ذنب ما اعرف عبالي عمر
الام.. واكو مره متميز صوت رجلها
ايات.. هوه اني رجلي شايفته خطبه بطولها ما سمعني صوته من اعرفه. بقت تحجي وتصيح وتغلط كالت
الام.. تبقين بغرفتج ما اريد اهلج باجر اذا اجو يشوفوج بهلحاله ويعرفون الصار واني ادبرها اكولهم اخذها يتونسون ما يجون لاسبوع
انوب راحت لمروه حذرتها تكول لاهلها الصار نمت وكعدت الصبح دخلت للحمام وجسمي كوه اجر بيه من الوجع مجرح من كل مكان دخلت كعدت جوه الدوش وبقيت ابجي المفروض هذي صباحية عرسي ولازم اكون اسعد وحده بهليوم بس الله حته مكتبلي الفرح بيها
كملت دخلت لغرفتي بقيت بيها سمعت اجو بيت عمو طلعت اباوعهم من فوك ممسموحلي انزل اسلم عليهم سٲلو عليه كالوله عرسان وطلعو يتونسون اسبوع بٲربيل بقيت ابجي وتمنيت لو بابا عايش جان نزلتله ركض واكوله بابا خلصني من ه̷̷َـَْـُذآ الوضع ما اريد اعيش هنا ومتٲكده بابا. لو جان عايش حيصدكني وحيساعدني
ﮨـbⓐṣـس لو حجيت لعمو انـّ ℳέ ـّيٌ نايمه ويه زوج بنته محيسامحني وحيذبحني لان عمو معقد ومتعصب بقيت ابجي بغرفتي راحو
كالو يله انزلي نضفي اتعجبت شنو انضف واني اليوم اول يوم الي عدهم جان اخته تكولي
اسراء.. دكومي لج فوك السوته وتريدنا نخدمها سودتي وجوهنا انتي تدرين
ايات.. واني متقصده والله ما ادري عبالي رجلي ما ميزت الصوت لان اصواتهم متشابها وعمر ابد مشايفته لو متخالطه وياها علمود اميز صوته
اسراء.. اكلي خره وبلا تمسكن كومي يله نضفي تعالي مروه حبيبتي تعالي نكعد نرتاح
ايات.. اسراء مطلقه وعايشه ويه اهلها بس السانها مصيبه قذر بشكل ومؤذي وتحاول تسحب مروه لصفها علمود يشدن ويايه سوه
وفعلا كامن ميلزمن اي شي كله التنضيف والتعب عليه سكتت ومحجيت كمت اشتغل بدون صوت ولا ارادد علمود لا اجيبلي المشاكل
مر اسبوع عله زواجنا وسمعت مصطفى لليوم مماخذ مرته ولا متقربلها بقو اهله يحجون وياها ويصيحون عليه وهوه يكولهم ما اكدر مو بيدي مكاعد اتحمل الوضع. واني اتسمعلهم من فوك
عفتهم وصعدت للسطح جان الجو حلو وصعدت اشتم هوا لان اختنكت من جو البيت . بيتهم جان ركن و متسلط عشارع العام مال صليخ جنت اشوف الناس شلون تمشي وفرحانه والاسواق حلوه والاضويه كمت اباوع وابجي وين جنت ووين صرت شجابني هنا ليش وافقت هوه من البدايه مرادني زوجه شكسرني هيج
ما احس الا ايد اتخلت عله كتفي كمزت ودرت وجهي بسرعه لكيته مصطفى
مصطفى.. اني اسف إ؏ًٍْٓـــًٍِرفٰٰٰ انـّ ℳέ ـّيٌ سبب دموعج وبسبب اللي صار دتبجين
ايات.. ثنينه ما النا ذنب اللي صار غلط ﮨـbⓐṣـس مو مثل كل غلط ما اعرف شلون راح نتجاوزه تعبت
مصطفى.. ما إ؏ًٍْٓـــًٍِرفٰٰٰ اني لعبانه نفسي وما كاعد اكدر اتحمل الموضوع
ايات.. سمعتهم يحجون وياك عله موضوعك انته و مروه ليش لليوم مخلصتو حاجتكم
مصطفى.. صراحه ايات روحي تعلكت بيج ومكاعد اكدر انسى اللي صار للساعه احس لمساتج باديه مكاعد ترحين من بالي
ايات.. 😳انصدمت من اللي حجاه ردت احجي جان سمعت خطوات علدرج هوه بسرعه جرني وختلني وياه وره برج مال طيور فارغ
جانت المسافه قريبه بينه واني مخنزره عيوني ومصدومه من اللي سوها شفت عمر باوع للسطح محد بيه ونزل باوعت لمصطفى دا احجي جان يبوسني دفعته بسرعه وكتله شايف اذا تقربت مني مره ثانيه والله اكلب الدنيا عله راسك
مصطفى.. بس انـّ ℳέ ـّيٌ حبيتج الج ومكاعد اكدر انساج
ايات.. اياك تسمعني هلكلام مره ثانيه والله اوصله العمر انته تحب مروه واللي صار غلط افتهمممممم غلط عفته ونزلت اتلبد شفت ماكو احد دخلت للغرفه وجان اشوف عمر كبالي مخصر اديه وواكف
عمر.. وين جنتي صيحت
ايات.. بالحمام
عمر.. لتجذبين دكيت باب الحمام وفتحته ماكو
ايات.. الحمام الجوه استخدمت مہۣۙـ﴿ℳø﴾ـہۣۙـو الفوك شنو ردت درت وجهي جان شفت طفله نايمه كلت اووووف سبحان الخالق شهلجمال شلتها خليته بحظني باوعتله كتله هذي بنتك
هوه بعده مخصر وخازرني دار وجها وطلع اني بقيت ويه الطفله تكول لعابه طرت من الفرح بيها فتحت عيونها وبس تكول دادا بقيت العب وياها ساعه وهيه الطفله فرحانه
رحت سويتلها سيريلاك ووكلتها جانت جوعانه كولش اكلت ماعون ونص مال اطفال من الجوع شربتها مي وسويتلها ممه ما اخذتها لان شبعانه رحت دخلتها الحمام سبحتها وطلعتها خليتلها بودرت اطفال ولبستها ملابس خفيفه للنوم
ورفعت شعراتها جانت خفيفات وشكر وهيه بيضه وعيونها خضر عله عمر سويتلها شجره براسها طلعت تخبل خليتها عله كتفي نومتها وادك عله ضهرها خفيف الى ان نامت
فرحت بيها حيل نسيت الدنيا ويه الطفله وكٲني ما عندي هموم خلصت نومتها يمي بالسرير وكمت لملمت الغرفه وعطرتها وتمددت يمها انام
جان يدخل عمر فتح الضوه صاح وينها كتله علكيفك هياته نايمه يمي اجه اتقرب منها بقه يبوس بيها كتله حتزعجها بلحيتك خطيه عوفها نايمه خزرني بساع اني من خزرني خفت 😰درت وجهي بسرعه وغطيت راسي بالبطانيه.. يتبع
🌺🌺🌺🌺
غلطه ليله عرس🔞 بقلمي زينب ماجد
البارت_ السادس
عمر.. كملت شغلي بالمكتب كلت خل اروح اشوف ملاك مشتاقلها كومه دخلت للغرفه لكيت الغرفه طافي الضوه بيها بس كلوب احمر مشتغل ونايمين فتحت الضوه
فزت ايات ما اهتميتلها باوعت لسرير ملاك ماكو كتلها وينها بصوت عالي كالتلي علكيفك لتفز هياته نايمه يمي اتقربت وخرت البطانيه منها وبقيت اشتم بيها
باوعت الطفله نضيفه ومشطه وعطرها يخبل اول مره اشم ابنتي عطر حلو بقيت ابوس بيها مشتاقلها جان تكولي عوفها زعجتها بلحيتك خطيه خزرتها بساع دارت وجها وغطت راسها
اني هم شفت صدك انزعجت الطفله عفتها نايمه باوعت الغرفه تشهي نوم اني كل يوم انام جوه ما اريد ابقه يمها وجودها يمي يزعجني
ﮨـbⓐṣـس الغرفه بارده حيييييل تخبل تشهي نوم غيرت ملابسي وطلعت بطانيه من الكنتور ونمت علقنفه اللي بالغرفه وجريت سيار جكلت بيه الشاحنه وكمت اتصفح بومبايلي الى ان نمت
كعدت عله صوت ملاك تبجي وهيه مموجوده اتخبلت رحت شلت ملاك وبقيت اسكت بيها اجت هيه صحت بيها وين جنت وتاركه الطفله ناطه من البجي بصياح
ايات رحت غسلت الممه شُٻيُڪ دا اريد اسويلها ممه يعني طفله شرابها بس حليب صناعي ماعدها غير ممه وحده شلون يصير باجر جيب 3 ممات زجاج
عمر.. اي مو اشتغل عد الخلفوج
ايات.. ما كتلك اشتريلي الي كتله ممه لبنتك😒
عمر.. انطيتها الطفله ورحت رجعت لمكاني اتغطيت واسمعها اتشربها الممه وتغنيلها هيفاء وهبي لما الشمس (تروح و تيجي بدالها انجوم)
صوتها حلو وناعم والطفله سكتت عليه فرحت لان بنتي ارتاحت عدها دائما من تجي تبقى ابيت اهلي تسبي امي واختي سبايا بلبجي هاي اول جيه الها تنام بدون بجي
جنت ناوي اطلك ايات بعد الصار بس قررت اخليها لبنتي احسن اختار راحة بنتي احسن من كرامتي نمت كعدت الصبح لكيتهن ماكو بالفراش والفراش مرتب
نزلت لكيتها مسويه بيض سلك وكاعده تتريك هيه وملاك هيه تاكل البياض وتنطي الملاك الصفار والساعه 8 الصبح محد كاعد من اهلي عفتها وطلعت بدلت ورحت لدوامي
ايات.. ريكت ملاك وغسلتلها وسويتلها ممه ونومتها رجعت للبيت نضفت وسويت ريوك لحد ما كعدو
ومصطفى مضايقني حيل نضراته الي تجذب نضر وامه تتعرك وياه لان ميريد مرته انوب اجت مروه تتعارك وياي تكلي انتي سوست البله خربتي حياتي وبقت تضرب بيه
انوب هيه خابرت عله اهلها وحجت كولشي اني جنت نايمه فوك اني وملاك ما ادري هيه مخابره بيت عمو دكت الباب اسراء كالت عمج يريدج
كمزت من الفرحه لما تكون مهموم وبيت غريب عليك تتمنه تشوف واحد من اهلك نزلت العمو جان يضربني ويكولي اليوم اذبحج كسرتي وجوهنا
وبقه يضرب بيه ومحد منهم اتقدم ودافعلي من عمي كلهم يباوعون نهاني من الضرب لحد ما اجه عمر دفع عمي اني ختلت وره ضهره
عمر.. بٲي حق اتمد ايدك عله مرتي
العم.. انته اطلع من الموضوع اني عمها واني اربيها لساقطه
عمر.. ركضت عليه لزمته من حيل من من صدره وكتله شلون تتجرٲ تكول عله مرتي ساقطه مدامها لحد الان تحت ذمتي لو شمتكون اللي يمسها والله لانعل الخلفوه
. بقيت اتعارك ويه عمها رغم اضوج منها واكرها بس هيه تعتبر مرتي وما اقبل واحد يجي يهينها او يضربها وهيه عله ذمتي اعتبرها اهانه الي .
بقو اهلي يفاككونا اني وعمها الى ان راح انـّ ℳέ ـّيٌ رحت صعدت للمكتب وصحت مصطفى بصوت عالي رج البيت
اجه مصطفى صعدلي بسرعه لزمته من ياخته حيل وجريته وكتله شايف اذا متاخذ مرتك اليوم شسوي بيك والله اطردك من البيت الصار صار وعديته بمزاجي تدري لو حسستني باللي صار انته ما ناسيه شسوي بيك والله امحيك
دفعته وكتله باجر الصبح انتضر خبرك واذا ما بشروني بيك محد يفكك من اديه.
مصطفى.. طلعت روحي مرتي ممتحملها من يوم الصار ولليوم طبيت للغرفه لكيتها متحضره اليه جريت نفس وكعدت
اجت مروه اتقربت مني وكالتلي وين حبنه وين لهفتك اللي جنت طير الدنيا لو شفتني بقت تحجي وياي حاولت اتقربلها ﮨـbⓐṣـس مروه بارده ابد متتفاعل ويايه تكول متقرب الميت
خبصتني خبص ﮨـbⓐṣـس تبجي خاف تتٲذه حته طلعت روحي لحد ما كملنا
ايات.. رحت لغرفتي متٲذايه حيل جسمي يوجعني من ضرب عمي وملاك تبجي بقيت اسكت بيها ماكو سبحتها بوطرتها مشطتلها ما فاد وياها ﮨـbⓐṣـس تبجي دخل عمر كال شبيها كتله متٲذيه من بطنها
عمر.. حته ماكو دكتور هســۣۙـۣۛـ❀ـٰٰهہ واوديها شسويلها
ايات.. حليبها مو زين . هاك الزمها شوي عفتها عنده نزلت طلعت برتقاله اخذت كشرها ثرمته وخليت بجدر وخليت 3 كلاصات مي و7 حبات هيل تانيته يفور لحد ما قل المي صار عله مقدار ممه وحده
صفيت المي وخليته بالممه وخليته بالفريز علمود تبرد انتضرت شوي وطلعتها حرارتها زين خليت عليه شكر وصعدت اخذتها من حظن عمر وشربته الها
شربته كله وارتاحت بقيت مخليتها عله كتفي وامشي بيها لحد ما نامت خليتها علسرير نومتها ونمت كعدت الصبح الساعه السبعه سمعت موبايل عمر يدك كعدته كتله كوم المنبه صارله ساعه يدك
صرخ بوجهي وشعليج انتي من كد ما صوته عالي كعدت ملاك عفته ورحت لملاك سويتلها سيرلاك وكلتها وفتحتلها التلفزيون عله طيور بيبي ونزلت سمعت امه تكول لعمر ابشرك مصطفى ومرته كملو شغلتهم...يتبع
🌺🌺🌺
٧_______٨
غلطة ليله عرس 🔞 بقلمي زينب ماجد
البارت_ 7
عمر.. اجت امي كالتلي ابشرك مصطفى ومرته كملو شغلتهم كتلها صلوات يرادلهم هلهوله من فضت .
رغم ما متٲدي من اللي صار بس لازم احتوي عائلتي وما اخلي غضبي يفرقهم الغلط الصار محد اله ذنب بيه رغم صعوبته ﮨـbⓐṣـس لازم اتجاوزه لاني الچبير بالبيت وابويه رجال جبير لازم اتحمل مسؤليتهم.
ايات.. نزلت سويت ريوك واباوع لعمر شلون يتصرف ويه اخته واهله مثقف لدرجه ومتفهم ﮨـbⓐṣـس ويايه غير انسان.
اجت مروه تغور بيه لان هيه علاقتها تحسنت بزوجها واني ميريدني ما اهتميتلها ﮨـbⓐṣـس بقت ابالي شغله بما انو اني محد بقالي بالدنيا بعد ما عمي تبره مني لازم اكسب ثقة وحب عمر اليه وٲن كان صعب ﮨـbⓐṣـس راح اجرب حظي ما كدامي غير حل وهوه مبين خوش رجال.
نضفت كملت جبت ملاك وكلتها بس خطيه بعدها متٲذايه من بطنها كتله عمر غير حليبها اكو حليب كولش زين جيبه الها اخته من يمها نطت وحجت
اسراء.. شنو عيني تردين تموتين البنيه ممنوع تتسمم بطنها
ايات.. واني مطيتها سم حته تتسمم هوه حليب هذا حليبها مديوالم بطنها دتٲذه
عمر.. حليبها دا اجيب احسن نوعيه واغله شي عوفي
ايات.. بس هوه مو بالفلوس هيه نوعيات واهذي النوعيه اللي دا اكولك عليها احسن متخسر شي لو جبتها عمه جانت تستخدمها لابنها كولش زينه
اخته كامت تصيح تكولي انتي مو امها لتسوين نفسج حنونه عليها ما رديت عليها وباوعت العمر كتله محتخسر شي لو جربته وياها
عمر.. خزرتها كتلج ميتغير سدي الموضوع بصياح
ايات.. سكتت عرفت ميحب ياخذ كلمة مني كدام اهله خاف يكولون خضع لمرته سديت الموضوع واباوع لاسراء والمروه يتضاحكن شلون صيح عليه
كمت رحت لغرفتي وره شوي نزلت شفت عمر يريد يطلع صحت عليه وكف كتله عمر هذا اسم الحليب جيبه للطفله تره متخسر شي بس اليوم انجربه خطيه البنيه تتٲذه
كال ماشي اكتبيلياه بورقه كتبته اله واخذها لليل جنت كاعده ويه اهله بالصاله اجه وخله العلاكه بحضني وصعد لمكتبه
كلهم باوعولي فتحتها لكيت جايب الحليب وحلويات كومه الي ولملاك فرحت وهمه اشتاطو غضب لان غير الحليب مثل ما كتله
اسراء كالت متستخدميه كامت رادت تاخذ الحليب تبديه اني سديت العلاكه و عفتها واخذت ملاك وصعدت بقت تصيح وتسب وتغلط مهتميتلها
رحت للغرفه طلعت كيك وعصير الي ولملاك وكلتها وشربتها وسويتلها مميه من الحليب الجديد مديت رجليه خليت مخده ونومتها عله رجليه اهز بيها ولزمت موبايلي اتصفح بيه
دخل هوه كال هااا نامت كتله اي شكتلك مو كتلك حليبها ميناسبها سكت وراح نام علقنفه باوعتله كتله بكلبي اجيبك للدرب لازم اجيبك 🙄 ونويت ابدي وياه علمود اكسبه لان خوش رجال يستاهل اتعب لحته اكسب رضاه واعرف الصار صعب عليه وديتصرف هيج ﮨـbⓐṣـس الواقع هوه ابد مہۣۙـ﴿ℳø﴾ـہۣۙـو هيج ويه اهله شخص ثاني
نمت كعدت بالسته الصبح اخذت ملابسه كويتهن وخليتله ملابس الداخليه بالحمام وحضرتله الحمام للسبح سمعت صوت المنبه مالته
صعدت ما كعدته لان ينزعج مني قربت المنبه من اذنه هوه كعد نزلت نزل ورايه دخل للحمام اني استغليت دخوله خليت الجاي علنار وسويت بيضه سلك وبيضه عين وجبن خليته بماعون صغير و زيتون ومربى رتبتله الطاوله
طلع جبتله ملابسه مكويه انطيتهياه بدون ما احاجيه وسويت روحي صعدت بس اني دا اراقبه👀 لبس راد يطلع ورجع كعد عطاوله اكل كمل اكل وطلع يااااي هاي او خطوه نجحت بيها 😜
كملت ملاك وتنضيف البيت دخلت النت باوعت الاكلات طلعت قوزي الشام سويتها اله غير اكل البيت تمن ومرك هوه كمت اسوي اكله خاص واعتني بيها شكد ما اكدر
تقربت ال3 الضهر واعرف هوه بهلوقت من يجي كبل للحمام لان الدنيا حاره دخلت الحمام خليتله ملابس داخليه نضيفه وتراك بيتي خفيف طلعت من الحمام شفته دخل سيارته للبيت طلعت مي بارد وكلاص خليته علميز اول مدخل شرب مي وكبل للحمام حسب الخطه 😂 يسسسس درسته عدل😌
خلال ما هوه بالحمام سويتله الاكل وحضرته علطاوله طبعا امه عرك وياي شلون اطبخ واكلفها مواد عله اكله ﮨـbⓐṣـس مهتميت الحجيها بالتالي هوه مسواك البيت والصرف كله من عمر يعني من جيبه ممسويه من جيبهم
طلع من الحمام كتله تتغده هوه عصبي ميتحاجه عفته اعرف مراح يتقبلها مني بس ردت ابينله انو اني مهتمه بيه واني اللي سويتله الاكل اله غير طبخ البيت مو غيري
صعدت ملاك نايمه بسريرها خليت بطانيه علسرير وتمددت اني عل قنفه حته اخليه ياخذ راحته بنومته علسرير وطفيت الضوه الابيض وشغلت الاحمر وعليت المكيف لحته تبرد الغرفه ويرتاح لٲجوائها
دخل هوه باوعلي كاعده علقنفه راح للسرير نام.. ايواااااا يراڪل دنته ماشي حسب الخط صح 😜
نام نزلت سويت داطلي يتحله بيه العصر نزل كعد شوي يم اهله بالصاله اني بديت اكلي الداطلي كملت هوه صعد لمكتبه يشتغل لان هوه اعلامي فشغله يجمع معلومات علنت ويبحث
خليت الداطلي بماعون ورتبته وصعدته اله دكيت الباب وخليت الماعون بدون ما احجي علمود ليتضايق مني لان اعرف لليوم مسامحني علسويته وطلعت
عمر.. كعدت بالمكتب مالتي دا اشتغل دخلت جايبه ماعون مال داطلي رفعت خشمي وبعت ثكل لان ما احب وجودها حواليه بينتلها انو هيه زعجتني هيه ما حجت تركت الماعون وطلعت
بقيت مركز بالابتوب بس ريحة الداطلي موتتني باوعتله اوويلي محمر ومكسب ويدخن من الحراره 😍 كلت يله اذا كلت وحده مراح يبين علماعون هيه مسويته اصابع اصغار كولش يعني لكمه وحده متلوصك
مديت ايدي واكلت وحده ﮨـbⓐṣـس مو طعم يخبل حته اطيب من اللي اكله برا كلت يله ما بيها اشكال لو اكلت الثانيه مراح يبين بالماعون اذا اكلت ثنين وهم اكلت
كمت اشتغل ولان مركز بالابتوب والطعم بحلكي عجبني كمت اخذ واخلي بحلكي لحد ما مديت ايدي اريد اخذ ادور بالماعون طـــ🔨ـــــ﴿🔔﴾ـــــن 😥خلصت الماعون كله😨 والله فشله😢 هســۣۙـۣۛـ❀ـٰٰهہ شتكول عليه مشايف اكل واكلته كله لا وانوب انـّ ℳέ ـّيٌ بايع عليها ثكل 😑وما اريد امدحها شلون هسه اتقيئهن😖
لا عوووع شلعبان نفس يله اعمل نفسك ميت😂 طلعت لكيتها محضره ملابسي مال الطلعه علسرير مكويات وهيه كاعده عله موبايله ومتباوعلي
انتبهت اليوم لاهتمامها انـّ ℳέ ـّيٌ عادت ملابس الطلعه بليل تختلف عن ملابس الشغل اللي اروح بيهن وهيه مناسقتلي تيشيرت فانيله ازرك فاتح ويه بنطرون اسود لبستهن
الله وانوب معطرات بعطري المفضل حته ميحتاج اعطر ﮨـbⓐṣـس اخذت عطر قليل خليت براحة ايدي مسحت وجهي وركبتي وطلعت
ايات.. حلو كله تمام اني سمعت من امه هوه يحب بالغدا اكلات دسمه ﮨـbⓐṣـس علعشه ميحب يثقل ياكل سلطات رحت سويت سلطه سالاد طلعتها علنت وصارت تخبل
وسويتله سمبوسه عل العشا تانيته اجه اول مدخل سيارته رحت رتبت الاكل و المقبلات وخليتها عطاوله وشردت علمود ليشوفني اجه هوه باوع منا منا وكعد اكل
عمر.. رحت لجماعتي بالكوفي تنوست وياهم وكملت لل10 بليل رجعت دائما افوت من باب المطبخ علمود اخلي مفتاح سيارتي بالخانه مال الادويه
باوعت للطاوله لكيت الاكل موجود المن هذا الاكل باوت منا منا ماكو احد يله خفتا وراحه اني اصلا جوعان كعدت اكلت كم سمبوسه واكلت السلطه كلها عجبتني واحب اكل سلطات بليل خفيفه عله معدتي وحته احافظ عله جسمي كملت رحت للمكتب مالتي كعدت علابتوب .
ايات. اليوم بالكامل ماشي كدا👍👀رغم حجي اهله وعركهم وياي وامه ما تقبل اخذ من الثلاجه بكيفي واسوي تتعارك وياي بس متحجي كبال عمر علمود لتبينله هيه تبخل عليه
بس هيه وراه تحجي تصرع راسي بس انـّ ℳέ ـّيٌ خليت نفسي عدهم خرسه وطرشه وعميه كل اهتمامي وفكري لعمر
مصطفي ابد متاركني بحالي يحوم وراي وين مرحت ومن اشوف عمر بمكان ومصطفى يمه ابد ما اتقرب علمود ليشوفني ويشوف مصطفى ويتذكر الصار
بقه اهتمامي بملاك اللي روحي اتعلقت بيها تكول بنتي وعمر اللي هم تعلقت بيه رغم ابد ممنطيني وجه .
حضرت نفسي قبل ميجي للغرفه غسلت وجهي وصففت شعري ورفعته ونزلت خصلات كذلتي ولبست برموده حصر سوده وكيمونه حمره وخليت عطر هادء وطيب وكثرت علمود ينشم👃😁
وكعدت اتانيه صح ما البس ملابس نوم كدامه لان ميريدني بس البس ملابس عاديه مثيره تبرز انوثتي كدامه لحته اثيره شوي دخل وكمت اتحجج امشي بالغرفه كدامه منا ومنا وهوه شوي يسرق النضره ويحاول ميباوع
عمر.. بعد ما كملت شغلي علابتوب رحت للغرفه دخلت مفتوح الضوه وهيه واكفه يم الستلايت ما اعرف كاعد تبحث بس لابسه ملابس تنجبر العين تباوعلها😷
درت نفسي وما ردت احسسها انو اني اهتميت بس الصراحه دكتني😐 صار العرك ينزل وحده والغرفه ثلج احاول ابعد عيني وارجع اسرق النضر الها👀
من ماتت مرتي لليوم ما حسيت بحالي محتاج مرا او محروم ابد ماكو كلبي بعدها مات بس اليوم لاول مره بعد وفاتها احس بنفسي محتاج مره يمي بس سكتت ودرت وجهي ونمت علمود ما اباوعلها
ايات.. حسيت بارتباكه وهذا شي حلو كمت اكرر هلشي وياه يوميه واعتني بيه مثل كليوم بٲدق التفاصيل ﮨـbⓐṣـس هوه ماكو ولا حس ولا تجاوب وياي بعده معاند
بليل ساعه 3 احس بطني انعقجت من الجوع نزلت اخذ تفاحه من الثلاجه دا اطلع ولزم ايدي مصطفى
مصطفى.. كتلج ميحبج ولا راح يحبج ورغم كل اعتنائج بيه مهتملج عوفيه خلاص هوه ما شاريج اني اللي شاريج و احبج
ايات.. جريت ايدي منه حيل وكتله توخر مني لا الم الدنيا عليك ولتكول اتحبني انته متحبني بس حبيت شي خاص بيه ما لكيته بمرتك وهذا ميتسمه حب ابعد عني لا تخليني اكول لعمر عليك والله
مصطفى.. زين جربيني والله اعيشج احله حياة ﮨـbⓐṣـس وافقي هسه نطلع اني وياج تهريب ونروح نسكن بعيد منا ومحد حيشوفنا
ايات.. استغفر الله ياربي لك بابا دووووخر دفعته ومشيت.. يتبع
🌺🌺🌺
غلطه ليله عرس 🔞 بقلمي زينب ماجد
البارت_8
مصطفى.. زين جربيني والله اعيشج احله حياة ﮨـbⓐṣـس وافقي حسه نطلع اني وياج تهريب ونروح نسكن بعيد منا ومحد حيشوفنا
ايات.. استغفر الله ياربي لك بابا دووووخر دفعته ومشيت وصعدت اتمددت علسرير هوه فعلا لليوم حته مكالي شكرا عله كل هذا الاسويه اله واعتنائي بيه باجر لازم اسوي نفسي مريضه علمود احسسه بعتنائي بيه خل اشوف يهتم ويستفقدني لو ما منه امل
نمت الصبح دك الموبايل ب6 الصبح مكمت للسبعه شفته كعد نزل
عمر.. كعدت رحت للحمام استغربت يوميه اكعد ملابسي الداخليه موجوده لالحمام معلكه سكتت ورحت جبت ملابسي وطلعت لكيت هدومي عله حطتهن البارحه ممكويات ضجت جريتهن ولبستهن (زينب ماجد)
رحت للمطبخ ماكو ريوك هاي اليوم شبيها اشو حته منزلت يله يمكن ملاك امتعبتها البارحه واخذتها نومه رحت للدوام وعفتها
ايات.. ردت اسوي نفسي مريضه ﮨـbⓐṣـس صدوك چني مريضه جسمي كله يرجف اريد اكوم ماكو ملاك بقت يمي منزلت عمتي دخلت للغرفه تصيح شلون ما نزلت نضفت عفتها تحجي وما كمت
ما كدرت اكوم ابد خلي مروه واسراء يتعبن نفسهن اليوم شسويلهن بقيت نايمه
عمر.. رجعت من الدوام كتلها يمه وين الغدا مالتي كالت يمه سوينا تبسي اليوم كتلها انـّ ℳέ ـّيٌ ما احب التبسي ايات وين كالت شمدريني بغرفتها شحده اليحجي وياها السانها شطوله
عفت الاكل ورحت نمت حته ما سبحت كعدت العصر جان عندي موضوع اعلامي ودا اجمع عليه معلومات فـ رحت كبل للمكتب مالتي اشتغل
و استفقد حلوياتها يوميه تجيبلي حلاوه شكل خو الجيلاتين بالموز يكتل متت عليه شكد طيب كلت خل اروح اشوفها شبيها يمكن بيها شــّـّ❓ـّـّي رحت لكيت ملاك تبجي وهيه ضامه راسها بالمخده (زينب ماجد)
تخبلت عليها هاي مريضه شبيها شلت ملاك وكعدت علسرير استصعب احجي وياها لليوم الصار ابالي ﮨـbⓐṣـس ما انسه شلون مداريتني واحتوتني اني وبنتي شهر عشنا عيشت ملوك اني وبنتي من وراها
مديت ايدي عله كصتها حرارتها عاليه كتلها ايات شبيج متحجي صحيتها جان تكول مابيه شي ﮨـbⓐṣـس جسمي يوجعني كتلها اخذج للمستشفى كالت لا بس اريد انام
كتلها ارتاحي اني راح اخذ ملاك وانزل بيها جوه طفيت الضوه مال الغرفه وسديتها ونزلت ﮨـbⓐṣـس كلبي ممرتاح عليها حرارتها عاليها كتلها اسراء وين البندول كالت بالخانه مال الادويه بالعلبه الحمره
رحت اخذت شريط البندول وصعدت الها لكيتها تون من الالم كتلها كومي كومي غسلي وهاي حباية بندول هســۣۙـۣۛـ❀ـٰٰهہ تخفض حرارتج
ايات.. فرحت لما شفته معتني بيه بس ما اريد لعبانه روحي فد مره فكتله ما اريد ما اريد بس اريد اناااام جسمي يوجعني كولش
عمر.. اي دكومي اشربيها وهسه يروح الوجع ونامي اخذت الكلاص المي وساعدتها تكعد اول ما رادت تشرب الدوه لعبة نفسها وركضت لحاوية الزبل اللي بالغرفه استفرغت بيها
باوعتلها مصدوم وخليت ايدي عله حلكي كتلها ﮨـbⓐṣـس لا الخايف منه بيج (زينب ماجد)
ايات.. انطيني مي كوه احجي انطاني مي وكالي
عمر.. كومي بدلي بسرعه دا اخذج للمستشفى اشوف شبيج
ايات.. ما اريد مابيه حيل اروح
عمر.. كلت كوووومي لتخليني اصيح كامت بدلت كوه لبست جبتها ولفت شالها ونزلنا دا نطلع شافتها ملاك تخبلت نطت من البجي هيه اخذت ملاك وكعد ولج كومي خل انروح الساعه 8 خل انلحك ؏المستشفى
ايات.. مدا تشوفها دتبجي ما اكدر اعوفها تبجي واروح
اسراء.. احممم صايره حنينه مالج شغل روحي
عمر.. معليج انتي بملاك كومي
ايات.. لتكولي معليج بيها اني معتبرتها بنتي وداعاملها عله هلاساس اذا متريدها تصير بنتي اخذوها انتو ربوها وطلعوني منها
عمر.. استغفر الله ربي امر لله عمي اسراء كومي جيبي عربانة الطفله خل ناخذها ويانه اخذتهن بالسياره وطلعت باوعتها مخليه راسها عله راس ملاك وهيه نايمه بيدها وغافيه عله راسه
ابتسمت حلو منضرهن فعلا تكول امها مو مرت ابوها ويا مرت ابوها حته مو مرت ابوها اوووف ﮨـbⓐṣـس كون ميطلع الخايف منه صدك
وكفت السياره بالكراج نزلت ونزلت العربانه فتحتها وفتحت الباب اليم ايات وصحيتها فزت كتلها وصلنا يله انزلي اخذت ملاك من ايدها نومتها بالعربانه
ومشيت هيه لزمت ايدي ومشت ويايه جانو سره كاعدين علدكتور واسمنا بالاخير كعدت وكعدتها يمي كعدنا ننتضر وشفت واحد كبالنا كاعد يباوع عليها فار دمي خزرته كام بسرعه الولد راح باوعتها هيه صافنه عل الوحه مال الدكتور تقره تحذيرات ارتاحيت ممنتبها
لشوي جان تخلي راسها عله كتفي وغفت بقيت متجمد بمكاني اخاف تكعد ﮨـbⓐṣـس هم شفت واحد يباوعلها استغفر الله ربي شلون بالله وين اضمها حته محد يباوعلها افوور لو واحد باوعلها دمي يحترك (زينب ماجد)
كمت هيه فزت كتله خويه شنو ما ادخلنه كول تشوف وياي طفله ومرتي مريضه كولش ابقه كاعد هنا والقاعه متروسه ناس
كال لا خويه وره ذوله راح يطلعون ادخل بقيت واكف طلعو بسرعه لزمت ايد ايات وشلت ملاك عله جتفي ودخلت نامت علسديه الدكتوره كالت شنو من شنو تشكي
كتلها مريضه و وحراره عدها وبطنها توجعها كالتلي زوجتك هيه كتلها أيٌـ.YESـہٌَ دكتوره نامت وسوتلها سونار جان تباوعلي تكولي هاي بنتك كتلها اي كالت مبروك جايها اخ
بالطريق
كتلها يعني شنو كالت مرتك حامل مابيها شي بس هاي نساوه هسه انطيها علاج وتصير زينه خليت ايدي عله حلكي واباوع لايات كامت تنطي الوان كتمتها بكلبي وكتلها شكرا دكتوره
بس اريد اكوم رجليه ماتن من الصدمه احس راسي راح ينفجر من الغضب اخذت ملاك وامشي بسرعه وهيه تمشي وراي وتكولي اوكف والله ما الي ذنب اوكف
درت الها وكتلها شلون كليلي اشلون اذبحج لو اذبح اخوي النذل فهميني شلون راح اخلص من هلعار شلووووون بقيت اصيح بالكراج
شفت الناس تباوع كتلها اصعدي نتفاهم بالبيت اخذتها طول الطريق هيه تبجي دخلت للبيت بقيت اصيح بعلو صوتي التمو اهلي عليه ونزل مصطفى ومرته
لزمت مصطفى بوكسيات كامو اهلي يتحايدون بيناتنا ويردون يخلصوه من اديه وخرت منه انوب لزمت ايات كطعتها وادفر بيها عسا ولعل الطفل يوكع اخر شي تعبت انهد حيلي عفتهم وطلعت
رحت للمسجد كعدت والشيخ ينعى بقيت ابجي وكتله ربي رحمتك خلصني من هلعار والله بعد مابيه اتحمل
بقيت ابجي بحركه وادعي الله صليت ركعتين وطلعت وصلت للبيت صعدت للغرفه واسمع ملاك ناطه من البجي ركضت عصبي
فتحت الباب ايات مو بالغرفه اخذت ملاك شلتها ورحت ادورها فتحت باب الحمام ولكيتها مغطايه بدمها اتخبلت
ايات.. متت من كالت الدكتوره حامل لزمني عمر شبعني ضرب وممكفيني حيل بيه اني قذره ما استاهل اعيش بقيت اجعص ابطني اطلع من بطني نكستني اطلع ما اريدك
بقيت ابجي فقدت نزلت اخذت سم الحشرات خبطته بالعصير وشربته بس ما تحملته معدتي ورحت للحمام كمت اتقيئ باوعت للموس مال الحلاقه جريته وكصيت اديه ثنينهن كام يحرك الالم بس المه مو اكبر من الم روحي احس بنفسي قذره نكسه شايله ابن حرام الى ان فقدت (زينب ماجد)
عمر.. شفتها ما بقه دم بكلبي من الخوف عليها شمرت ملاك وركضتلها كمت اصرخ ولج يماااااااااا وللكم تعالوووووو الحكوووووووو اجه مصطفى كتله انته وخر من وجهي دمرتني الله لا يبارك بيك من اخ ابعد عني وعن عائلتي ابعدددددددددددددد
لزمته كتل نهيته بوكسيات وهوه يصيح الحك بيها حتمووووت كتله اسكتتتتتتت اطلع من حياتي اطلع كمت اصيح بعلو صوتي اجو اهلي التمو شلتها وركضت للسياره امي صعدت وياي رحت للمستشفى ركض
نزلتها كمت اصيح علحرس ركضو جابو السديه خلوها وركضو بيها للطوارئ بقيت متاني طلع الدكتور كال قطبنا الجروح مال ايدها خسرت دم هوايه وسوينالها غسل معده الضاهر متناوله سم
ﮨـbⓐṣـس للاسف فقدت الجنين كتله شلونها هســۣۙـۣۛـ❀ـٰٰهہ كال الحمدلله بس تصحى وترتاح تكدر تطلع فرحت من كل كلبي رحت دفعت احساب المشفى وصعدت الها لكيتها صاحيه وامي يمها اخذتها وصعدت بالسياره رجعنا للبيت
صعدتها للغرفه وغطيتها ردت اطلع لزمت ايدي وكالت
ايات.. عمر والله مو بقصدي واللي كل الصار خارج عن ارادتي لتتركني مالي غيرك بهلدنيا
عمر.. رجعت اخذتها بحضني وانفجرت بالبجي كتلها ادري والله ادري ما الج ذنب بس موبيدي دا اموت باليوم الف موته من اتذكر الصار ما كاعد اكدر انسى عذريني بس لحد الان ما كادر اتقبلج وانسه الصار ما اكدر
ايات.. مو مهم تتقبلني ﮨـbⓐṣـس لتعوفني وحدي الله يخليك مستعده اتانيك طول عمري وما اتركك
عمر.. ارتاحي هســۣۙـۣۛـٰٰهہ والله كريم طلعت وعفتها مستحيل ما اكدر فد يوم اتقبلها مرا اليه بعد كل اللي صار والمشكله ما اكدر حته اعوفها ملاك بنتي تعلقت بيها حيل تكول امها لان هيه انطتها حنانها ومقصرت وياها
اوووف يربي باوع لحالي تعبت
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق