رواية_زواج_أضطرارى بقلم الكاتبة_أروى_عادل الفصل_السابع والثامن حصريه وجديده على مدونة النجم المتوهج
 |
وضعت أروى يديها على فمها بصدمة و صمت
و هنا قال عمر
عمر٠٠انا كدا عرفت الطريقه إللى هتخلينى اسكتك بيها على طول
( كانت أروى مصدومة من قبلة عمر لها )
أروى٠٠ انت ايه اللى عملتوا ده
عمر٠٠ بوستك.. على فكره دى الطريقه اللى هتعمل بيها معاكى من دلوقتى
أروى٠٠ انت مجنون على فكره
(قالت عبارتها ثم ركضت من أمامه بخجل
لذلك أبتسم عمر على خجلها ثم قال
عمر ٠٠ ايه ده انتى طلعتى بتكسفى و وشك بيحمر
قال جملته ثم دخل الحمام
■■■■■■■■■■■■■■■
امل٠٠ أروى هانم الفطار جاهز بره
عمر٠٠ ايشمعنا الفطار بره فى الجنينة
أروى٠٠ انا إللى طلبت منها كده
عمر٠٠ اوكى.. امل القهوة بتاعتى بسرعة
(جالس عمر و أروى لأول مره على الفطار مع بعض
بينما عمر كان ينظر لأروى من الحين للأخر بأبتسامه
أروى٠٠ بتضحك على ايه
عمر٠٠ على شكلنا واحنا بنفطر مع بعض زى المتجوزين بجد
أروى٠٠ انت قولت زى المتجوزين ..كويس انك عارف
عمر٠٠ عارف.. زى ما انا عارف كمان انك انتى إللى مش عايزه نكون زى المتجوزين بجد
أروى٠٠ انت إللى بدأت اهو تتكلم
عمر٠٠ لأ بجد يا أروى ليه وافقت من الأول بالجواز منى وانتى مش عايزه تكملى معايا كزوجه
أروى٠٠ عشان ماكنش عندى رفاهية الإختيار ..
عمر٠٠ كنتى قولتى لا مش محتاجه اختيار
أروى٠٠ قولت و اضربت.. لان احنا معندناش بنات تقول رأيها
عمر٠٠ ده كلام قديم أقوى
أروى٠٠ بس لسه فى ناس فى الصعيد متماسكة بالتقاليد دى
عمر٠٠ بس من معرفتى بشخصيك مش انتى الشخص إللى يسكت حتى لو اضربتى
أروى٠٠ صح ..بس تقدر تقول انت إللى كنت متاح ساعتها
عمر٠٠ متاح هو انا تليفون.. كلامك غريب انا مش فاهم حاجة
أروى٠٠ مش لازمة تعرف كل حاجة
عمر٠٠ لأ بجد محتاج اعرف ممكن
إروى٠٠ ( اخدت نفس طويل ثم قالت) تعرف فى الصعيد يقولوا البنت لابن عمها.. كان المفروض اوافق على واحد من اولاد عمى
عمر٠٠ ليه وافقتى عليا انا.. ابن عمك لأ
أروى٠٠ عشان سبابين .. السبب الاول ان جوازى منك كان بالنسبالى توق النجاه من العيشة فى الصعيد و بهدلت مرات أبويا و خناقتنا إللى
ماكنتش بتخلص .. ده غير تحكمات. جدى وعمامى
عمر٠٠ والسبب التانى
أروى٠٠ انك ماكنتش عايزنى .. انا كنت مفروضه عليك
عمر٠٠وانتى عرفتى منين انى مش عايز اتجوزك
أروى٠٠ وضح واحد زيك امه ابوه بيروحوا عشان يخطبوا له بنت عمره ما شافها كمان مش جاى معهم
عمر٠٠ تقصدى ايه بواحد زى انتى ساعتها ماكنتيش تعرفينى
أروى٠٠ لا أعرفك.. حنان حكيتلى عندك كتير انا جيت البيت ده وانا عارفه طبع كل واحد فيه
عمر٠٠ ايه إللى حنان قالتو ليكى عنى خليكى تفتكرى كده فيا
أروى٠٠ هتزعل
عمر٠٠ انتى هتقولى حاجة تزعلنى.. على عموم قولى على أقل اعرف حنان الله يرحمه كان رأيها ايه فيا
أروى٠٠ انك رجل دنجوان.. بتاع ستات ..كل يوم مع واحد شكل ..رجل الليله واحدة
و الست بالنسبالك ليلة و تعدى
عمر٠٠ يا هو ده كان رأي حنان فيا
أروى٠٠ هو ده مش حقيقة
عمر٠٠ وانتى كمان شايفنى كده
أروى٠٠ هو هيفرق معاك رأيه
عمر٠٠ اه و يهمنى اعرف رأيك فيا
أروى٠٠ عمر انت اول مره شوفتنى قولتلى..احنا هنقضى مع بعض لليلة عمرك ما هتنسيها...
( اخدت نفس طويل ثم قالت ) لليلة يعنى اخرك لليلة واحده حتى مع مراتك
عمر٠٠ انا بعترف انى مش ملاك..و ليا علاقات مع بنات.بس انا عمرى ما أخدة واحد غصب عنها.. غيرك انتى.. انتى الوحيده إللى خدتها غصب عنها ما انك الوحيده إللى من حقى .. بس كنت سكران انا عمرى ما كنت هعمل معاكى كدا لو ماكنتش سكران
أروى٠٠ ممكن بلاش نتكلم فى الموضوع ده
عمر٠٠ براحتك
أروى٠٠ انت مش اتأخرت على الشركة
عمر٠٠ صح انا اتأخرت اوى انا ماشى
أروى٠٠ عمر يوم الخميس إللى جاى شبكة داليا صاحبتى ..كنت عايزه انزل اشترى فستان أحضر بيه الشبكة
عمر٠٠ طبعا.. اتفضلى الفلوس دى لو احتاجتى حاجة تانى كلمنى
أروى٠٠ لا انا كنت بعرفك انى نازله.بس..لكن انا مش عايزه فلوس..انا معايا
عمر٠٠ معاكى من فين .. انتى بتاخدى مصروفك من مين فى البيت
أروى٠٠ مش من حد بس انا معايا
عمر٠٠ ازاى معاكى طالما مش بتاخدى مصروف
أروى٠٠ ماما بتبعتلى فلوس كل شهر
عمر٠٠( بغضب) نعم..بتقولى ايه
أروى٠٠ ايه ما كنت كويس قلبت ليه
عمر٠٠ ليه... انتى على ذمتى يعنى مسؤوله منى مش من امك .. ازاى ماحدش فى الفيلا اخد باله ..ماحدش سألك انتى بتصروفى منين
أروى٠٠ لا ماحدش سألنى
عمر٠٠ ان شاء الله بقى والدتك بتبعتلك فلوس من امتى
اروى٠٠ من حوالى ٦ شهور
عمر٠٠ بتبعت كام
أروى٠٠ ٥٠٠٠ فى الشهر
عمر ٠٠ يعنى ٣٠٠٠٠ .. اتفضلى المفتاح ده
أروى٠٠ مفتاح ايه ده
أروى٠٠ ده مفتاح الخزنه إللى فى الدولاب اللى فى أوضتنا هتاخدى ٣٠٠٠٠ و تبعتيهم لامك
أروى٠٠ طبعا ماينفعش انت عايزنى اقول لماما ايه
عمر ٠٠ قولى ليها انك مسؤوله من راجل
أروى ٠٠ بردوا ماينفعش هتزعل منى
عمر٠٠ ماليش فيه المهم تخدى الفلوس إللى مامتك بعتهلك. بعد كده اعملى بيهم إللى انتى عايزه براحتك .. من هنا و رايح انتى مسؤوله منى فاهمه ..سلام عشان انا اتأخرت
( غادر عمر بينما ظلت أروى تفكر فى كل ما دار بينها و بين عمر
بينما شعر عمر بضيق من رأي أروى به)
■■■■■■■■■■■■■■
بعد مرور بضع ساعات
محل الملابس الجاهزة
٠٠٠٠٠٠٠٠٠٠٠٠٠٠٠٠٠٠٠٠٠٠٠
شهد٠٠ ايه لسه مافيش حاجه عجبتك
أروى٠٠لسه
( هنا رن الهاتف أروى )
أروى٠٠ الو
عمر٠٠ الوو .. ايه روحتى ولا لسه
أروى٠٠ لسه ماجبتش الفستان
عمر٠٠ مافيش حاجة عجبتك
أروى٠٠ لا مافيش بس لسه بدور
عمر٠٠ طيب فى اتيلية إللى بنتعامل معاه ماما وشيرى اكيد هتلاقى حاجه تعجبك هناك
أروى٠٠ قولى على عنوانه و انا اروح
عمر٠٠ انا خلصت شغل ممكن اعدى عليكى و أوديكى الاتيلية
أروى٠٠ انا معايا شهد هتروح معايا مش عايزه اتعبك
عمر٠٠ و لا تعب ولا حاجه انا جاى
أروى٠٠ خلاص مستناك سلام
(انتهت المكالمة )
شهد٠٠( بأبتسامه) ايه
أروى ٠٠ هو ايه إللى ايه
شهد ٠٠ أنا شايفه ان بقى فى اهتمام و أتصالات كل شوية
أروى٠٠ كل ده عشان ه جاى دلوقتى ياخدنى على اتيلية .
شهد٠٠ ده معناه ايه
أروى٠٠ عادى هيكون معناه ايه يعنى ..اكيد مش إللى فى دماغك
شهد٠٠ لا واللهى إللى فى دماغى صح..هو بيحاول بقربلك .بيهتم بيكى
أروى٠٠ فكرك مايروحش بعيد عمر الالفى مش ده تفكيره خالص
شهد٠٠ تراهنى انه بيحبك
أروى٠٠ انتى اكيد اتجننتى... حب و انا و عمر مستحيل
شهد٠٠ انتى عارفه انا عمرى قولت حاجه و طلعت غلط
أروى٠٠ المره دى انتى غلطانه.. عمر مش من النوع إللى بيعرف يحب
شهد٠٠ اسكتى جوزك واصل
عمر٠٠. مساء الخير... أزيك يا شهد
شهد٠٠ انا تمام الحمد لله
عمر٠٠ طيب مش يلا بينا
■■■■■■■■■■■■
فى الاتيلية
٠٠٠٠٠٠٠٠٠٠٠٠٠
صاحبت الاتيليه٠٠ اهلا استاذ عمر اتفضل طلبات حضرتك
(شاور على أروى وقال)
عمر٠٠ أروى المدام ..ممكن تشوفى طلباتها
صاحبت الاتيليه ٠٠ والله انا اول مره اعرف انك اتجوزت. اهلآ مدام أروى ..ممكن اعرف طلباتك
أروى٠٠ عايزه فستان سواريه
صاحبت المحل٠٠طيب ممكن اعرف ايه المناسبة
أروى٠٠شبكة صاحبتى
صاحبت الاتيليه ٠٠ اتفضلى شوفى التشكيلة دى
( عمر تحدث إللى صاحبت المحل وقال بصوت واطى )
عمر٠٠ ياريت يكون الفستان مقفول
( هنا اختارت أروى فستان شيك و بسيط محتشم)
صاحبت الاتيليه ٠٠ اتفضل جربى الفستان
عمر٠٠ انا هستناكى بره
( طلع بره عشان أروى تجرب الفستان وهنا قالت )
صاحبت الاتيليه ٠٠ انا جبتلك كام فستان مقفول ممكن تجربيهم
شهد٠٠ ايشمعنا مقفول
أروى٠٠ اكيد مش هلبس عريان
صاحبت الاتيليه ٠٠ استاذ عمر قالى كدا بردوا
أروى٠٠ قالك ايه
صاحبت الاتيليه٠٠ قالى انه عايز الفستان يكون مقفول
شهد٠٠ واللهى (نظرت بخبث إلى أروى وقالت) ده اسمه ايه بقى
أروى ٠٠ مخك مايرحش بعيد عادى انا فى الآخر اسمى مراته
(هنا اختارت أروى الفستان و طلعت بره عشان تحاسب على الفستان)
أروى ٠٠ الفاتورة لو سمحتى
صاحبت الاتيليه ٠٠ مع الاستاذ عمر
■■■■■■■■■■■■■■■
فى سيارة عمر
٠٠٠٠٠٠٠٠٠٠٠٠٠٠٠
عمر٠٠ ايه رأيكم نروح اي مكان نتغدا فيه
شهد٠٠ لأ معلش انا اتأخرت روحوا انتو
عمر٠٠ وانتى يا أروى
شهد٠٠ اكيد هتروح دى لسه قايل انها جعانه اوى
أروى٠٠ انا امتى قولت كده
(هنا غمزت شهد لأروى وقالت)
شهد ٠٠ اه قولتلى
عمر٠٠طيب اوصلك شهد الأول ..بعدها نروح نتغدا
بعد ما أوصل شهد لمنزلها ذهب عمر إلى مطعم فخم
■■■■■■■■■■■■■■■
فى مطعم فخم على النيل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الجرسون٠٠ اهلا عمر بيه اتفضل
عمر٠٠ شكرا
أروى٠٠ هو يعرفك
عمر٠٠ انا متعود اجى هنا كتير
الجرسون٠٠ طلباتكم
( نظرت أروى الى المنيو فى استغرب هى لأ تعرف معظم الأكلات الموجودة فى المينو هنا فهم عمر وقال)
عمر٠٠ ايه رايك أطلب انا على ذوقى
أروى٠٠ ياريت
( طلب عمر الطعام)
عمر٠٠ عجبك المكان
أروى٠٠ اه فخم بصراحه.. بس بيقدم اكل يصعب عليا فهموا
عمر٠٠ هههه اخدة بالى
( جاء الجرسون يحمل الطعام بدؤوا فى تناول الطعام هنا ظهرت ندا صديقة قديمة لعمر قالت)
ندا٠٠ مش ممكن عمر وحشتنى
(وقف عمر حتى يسلم على ندا لكن ندا قبلة عمر خديه وقالت)
ندا ٠٠تعرف انت وحشنى أد ايه..و قولى جيت امتى من السفر
عمر ٠٠اه بقالى حوالى شهرين
ندا٠٠ انا اخر من يعلم لا انا كدا زعلت منك لازمة تصلحنى لسه فاكر الطريقة إللى بتصلحنى بيها
( نظره عمر إللى أروى بخجل)
أروى٠٠ لأ.. لأ لازم تروح تصليحها
ندا٠٠ مين دى
لا تعب أروى لماذا شعرت بالغضب لا ليس غضب فقط انها نيران تشتعل داخل قلبها لكنها حاولت تكون طبيعيه و هى تقول
أروى٠٠ انا ولا حاجه ٠٠ مجرد مراته
ندا ٠٠ ( بدلع) ايه ده يا عمر انت اتجوزت.
اروى٠٠( بضيق) طيب عن أذنكم انا..
عمر ٠٠ أستنى بس يا أروى
أروى ٠٠ انا همشى عشان تعرف تصلحها براحتك سلام
(مسك عمر ايد أروى وقال)
عمر٠٠ أروى رايحه فين
أورى٠٠ سيب ايدى بدل ما اعملك فضيحه هنا
انا و الأموره إللى عايزاك تصلحها بطريقتك الخاصة
♡♡♡♡♡♡♡♡♡♡♡♡♡♡♡♡♡
#رواية_زواج_أضطرارى
#الكاتبة_أروى_عادل
#الفصل_الثامن
أروى٠٠ سيب ايدى بدل ما اعملك فض،يحة هنا
عمر٠٠ هو ايه إللى حصل
أروى٠٠ سيب أيدى
( افلتت أروى ايدها من عمر طلعت مسرعه من المطعم و عمر وراها لكنه لم يلحق بها و هنا أوقفت أروى تاكسى و ذهبت إلى الفيلا)
■■■■■■■■■■■■■
فى الفيلا
٠٠٠٠٠٠٠٠٠٠٠٠
جاء عمر هو متعصب وبحث عن أروى فى الفيلا لكنه لم يجدها وهنا نادى على أمل
عمر٠٠ امل..امل..
أمل٠٠خير يا عمر٠٠
عمر ٠٠ أروى فين
أمل٠٠ شوفتها مش شويه طالعه فوق فى تراس الفيلا
عمر٠٠ روحى انتى
( طلع عمر كانت أروى جالسه لما تنتبه إلى وجود عمر)
عمر٠٠ لأ رايقه.. ولا على بالك ايه حاجه
(تجاهلت أروى كلامه لذلك ظلت تنظر امامها)
عمر٠٠ انت مش بتردى عليا ليه
(كان بيتحدث بعصبيه)
أروى٠٠ نعم .. فى حاجه
عمر٠٠ أروى .. انا لحد دلوقتي بحاول السيطر على نفسى٠٠ ما تجننيش عليكى. قوليلى ايه إللى عملتيه فى المطعم ده.
أروى٠٠ لا واللهى ..وانت كمان إللى مدايق
عمر٠٠ اتكلمى على طول.. انا تسيبنى فى المطعم تطلعى تجرى..انا اجرى وراكى فى الشارع و انت ما تعبرنيش
شكلك نسيتى نفسك انتى مين وانا مين
أروى٠٠ اه اسفه معلش تقول ايه بقى بنت صعيدية قليلة الذوق ..انا اسفه للمره التانيه ..و المره اللى جايه هفضل واقفه لحد حضرتك ما تصلحها بطريقتكم الخاصه ..عن اذنك
عمر٠٠رايحه فين انا مخلصتش كلامى
أروى٠٠ متهيألى كفاية غلط لحد كده
عمر٠٠ استنى على فكره .. انا مقصدش إللى قولتو انا بس كنت متعصب
أروى٠٠ ساعات العصبيه بتطلع حقيقة إللى جوانا زى ما حصل دلوقتي
عمر٠٠ لأ ..حكاية كلها أنى اديقت من إللى عملتيه فى مطعم ..كان شكلى مش ظريف و انا يجرى وراكى قدام الناس
أروى٠٠ خايف على شكلك قدام الناس... وانا شكلى ايه عادى
عمر٠٠ تقصدى ايه ..و ايه إللى دخل شكلك فى القصه
أروى٠٠ هى دى المشكله انك مش فاهم
عمر٠٠ ممكن تقولى إللى عندك على طول
أروى٠٠ تمام اسمع بقى يا عمر بيه يا الالفى .. خلى قذرتك بعيد عنى تمام .. على أقل مش قدامى
عمر٠٠ انتى قصدك على ندا دى كانت بتهزر
أورى٠٠( بسخريه ) واللهى.. لأ ..يا راجل قول كلام غير ده
عمر٠٠ من غير تريقه
أروى٠٠ ما لازم اتريق ... البنت اخدتك بالأحضان و باستك.. بعدين عايزاك تصالحها..مش باى حاجة و خلاص...لا دى عايزاك تصالحها طريقه إللى هى متعوده عليها منك كنت عايزنى استنا ايه لما تاخدها على السرير
عمر٠٠ انتى اتحننتى اكيد... ده كله كان هزار مش اكتر موضوع انها سلمت عليا و باستنى دى حاجه عاديه
أروى٠٠ يعنى انا لو واحد سلم عليا و باسنى هبقى عادى
عمر٠٠ انا كنت مو،تك ساعتها ...انتى مش زيها
أورى٠٠ إللى ماتقبلوش على نفسك ماتقبلش بيه على غيرك ..عن اذنك
( غادرة أروى تركت عمر يفكر فى ما حدث هو لا يفهم ما سبب الغضب المبالغ فيه من أروى
)
■■■■■■■■■■■■■■
بعد يومين
٠٠٠٠٠٠٠٠٠٠٠
( هدوء فى الغرفة على غير العادة ..أروى مازالت غاضبه من عمر لما تتحدث مع عمر منذ يومين بتحاول تتجاهل وجوده )
عمر٠٠ هتفضلى ساكته كده كتير
أورى٠٠ لو سمحت مش عايزه اتكلم
عمر٠٠ براحتك يا أروى انا كمان همشى من وشك خالص
■■■■■■■■■■■■■■
فى المساء نفس اليوم
فى كافيتريا
٠٠٠٠٠٠٠٠٠٠٠٠٠٠٠٠
مكان تجمع الأصدقاء عمر
عمر جالس على طاولة لوحده قبل ان يأتي حسام
....
حسام٠٠ فى ايه مالك..
عمر٠٠ اتأخرت ليه
حسام٠٠ انت أول ما اتصلت بيا جيت على طول .. فى ايه
عمر٠٠ مخنوق.. اول مره ابقى مش عارف أتصرف ازاى
حسام٠٠ فى ايه لكل ده
عمر٠٠ أروى خلاص هتجننى
حسام٠٠ أروى مراتك
عمر٠٠ امال يعنى هتكون أروى مين
حسام٠٠حصل ايه تانى
عمر ٠٠ اتخنقنا مع بعض
حسام٠٠ وايه الجديد انتم كده على طول
عمر٠٠ لأ المره دى مختلفه عن اى خناقه بينا
حسام٠٠ ليه حصل ايه
( حكى عمر كل حاجة حصلت لحسام ثم قال)
عمر٠٠ هو ده كل إللى حصل قولى انا كده غلطان
حسام٠٠ انت كلك غلط اساسآ
عمر٠٠ انت بتقول ايه
حسام٠٠ بقولك الحقيقه ياعمر انت غلطان..انت عايز واحده زى أروى اتربت على العادات و التقاليد . وعيب و الصح
و الغلط و الأصول عايزها تتقبل ازاى.. ان فى واحده ممكن تحضن و تبوس راجل غريب عنها من غير ما يكون بينهم حاجه غلط.. عمر أروى مراتك رغم كدا ماكنتش عايزاك تلمسها عشان حاسه انك غريب عنها
عمر٠٠( بأسغراب) انت عرفت الموضوع ده منين
حسام٠٠ الليلة اللى كنت سكر،ان فيها لم وصلتك على البيت قولت الكلام ده
عمر٠٠ حد سمعنى بقول كده غيرك
حسام٠٠ رامى سمعك كمان
عمر٠٠ الليلة دى أكبر غلطه عملتها فى حياتى ياريت اقدر الغيها من حياتى خالص
حسام٠٠ ليه حصل ايه تانى فى الليلة دى
عمر٠٠ (اخذ نفس طويل بصعوبة وقال) ولا حاجة انسى ٠٠ يعنى كده من حق أروى تكرهنى اكتر
حسام٠٠ تكرهك مين قال ان أروى بتكرهك..هو انا بردوا إللى هقولك يا عمر.. البنت بتغير عليك يعنى بتحبك..
عمر٠٠ هههه أروى ما بتعرفش تحب..
دى بتتخانق بس
حسام٠٠ تعرف أروى اتبعت مقولة بتقول خير وسيله لدفاع هى الهجوم
عمر٠٠ مش فاهم تقصد ايه
حسام٠٠ افهمك.. كل إللى فى البيت كان بيحسس أروى انها أقل منك..انك اتكرمت عليها لما اتجوزتها .. ده خلها مش حاسه بأمان معك..و عشان تتغلب على الشعور ده بدأت هى بالهجوم عليك..و انت أكدت شعورها ده ..لما قولتلها انتى نسيتى نفسك.. انتى مين وانا مين
عمر٠٠ انا كنت غبي لدرجه دى.. ازاى ما فكرتش فى الكلام ده قبل ما اقوله
حسام٠٠ طول عمرك لما بتتعصب بتجر،ح
عمر٠٠ بس انا ماكنتش عايز اجر،حها
حسام ٠٠ عمر انت بتحبها
عمر٠٠ مش عارف . واللهى شكلى اتنيلت و حبيتها
حسام٠٠ مش ممكن عمر الالفى دنجوان مصر بيحب
عمر٠٠ بس واطى صوتك هتفض،حنى
حسام٠٠ دا انا هنشرها على النت
عمر٠٠ هتتريق بقى امشى أحسن
حسام٠٠ أقعد بس .. هتعمل ايه
عمر٠٠ مش عارف بس لازم نتكلم انا و أروى مع بعض لازم كل واحد يفهم التانى صح
حسام٠٠ يعنى مش هتتعصب عليها لو قالت اي حاجه تدايقك
عمر٠٠ اكيد لأ.. لازم اكون هادي معاها العصبية بتجيب نتيجة عكسيه مع أروى
حسام٠٠ رامى جاى علينا .. ياريت مش تتكلم قصده
رامى٠٠ مساء الخير
عمر٠٠ مساء الخير
رامى٠٠ ايه يا عمر اخبار خناقاتك ايه انت
و أروى
عمر٠٠ اه بقولك ايه.. انا همشى لان مش ناقص تريقة منك انت كمان
رامى٠٠ رايح فين بس
حسام٠٠ سيبو عنده مشوار
■■■■■■■■■■■■■■■■
فى فيلا الالفى
٠٠٠٠٠٠٠٠٠٠٠٠٠٠٠
أروى فى الغرقة اول ما سمعت صوت عمر و هو يفتح باب الغرفة تصنعت النوم
لذلك جلس عمر على كرسى بجوار الفراش
..ثم قال)

عمر٠٠ انا عارف انك صاحيه ممكن تكلم ..اروى أرجوكى
أروى٠٠ عايز ايه يا عمر
عمر٠٠ انا آسف
أروى٠٠ نعم مش سامعه.. بتقول ايه
( كانت مش مسدقة ان عمر الألفى يعتذر منها)
عمر٠٠ انت سمعتى كويس اوى
أروى٠٠ ايه مش قادر تقولها تانى
عمر٠٠ ياستى انا آسف... والله آسف
أروى٠٠ ايه اللى غير رأيك
أروى٠٠ شوفت القصه بعينك انتى .. ساعتها قدرت افهمك
أروى٠٠ من امتى بتفكر بطريقه دى
(اخذ نفس ثم قال)
عمر٠٠ من ساعة ما زعلك بقى يو،جعني
أروى٠٠ انت مش مجبور تقولى الكلام ده على فكره ... خلاص انا مش زعلانه
عمر٠٠ بس ده احساسى بجد ............... ساكته ليه
أروى٠٠ هقول ايه
عمر٠٠ افتحى قلبك ليه.. قوليلى قلبك ده فى ايه
(شاور عمر على قلب أروى و هو يتحدث)
أروى٠٠ بلاش يا عمر
عمر٠٠ بلاش ايه .. اروى لازم نفتح قلوبنا لبعض لازم تتكلمى.. أروى.. انا بحبك
(نظرت أروى الى الارض بخجل وهو تشعر أن قلبها يكاد يقفز من ما قاله عمر
و هنا رفع عمر وجهها لأعلى وهو يقول)
عمر.. بصلى قوليلى حاسه بأيه
(بعدت أروى عن عمر لكن عمر جذابها إليها برفق و قال )
عمر٠٠ أروى الليلة لازم حياتنا مع بعص تتغير .. أروى عشان خاطرى اتكلمى
أروى٠٠ انا خايفه منك
عمر٠٠ منى انا بعد إللى قولتو
أروى٠٠ مش بالكلام ياعمر الحب التزام هتقدر عليه
عمر٠٠ واحنا مع بعض هقدر.....ياستى لو عملت حاجه غلط او تهت منك ابقى راجعنى .و فهمينى غلطى
أروى٠٠ بالله عليك يا عمر ما تلعبش فى دماغى
عمر٠٠ دماغى دى إللى انا نفسى اعرف فيها ايه
(هنا اقترب عمر إلى أروى أكثر لكن هذه المره استسلمت أروى له اغمضت عينيها هنا بدء عمر يقبلها ثم قال عمر لها)

عمر٠٠ أروى لو عايزانى ابعد عنك قوليلى
(هزت أروى رأسها بالموافقه على ما يفعلوا عمر ..
ثم غرقت أروى فى بحر الحب وهى لم تقوى على الانسحاب....)
■■■■■■■■■■■■■■
فى صباح اليوم التالى
٠٠٠٠٠٠٠٠٠٠٠٠٠٠٠٠٠٠٠٠٠٠
استيقظت أروى من النوم على نظرات عمر لها وهو يقول)
عمر٠٠ صباح الخير
أروى ٠٠ صباح الخير
عمر ٠٠ تعرفى انى حاسس ان دى أول لليلة لينا مع بعض .. و كأن امبارح كانت لليلة فرحنا

(اتكسفت أروى و خبأت وشها بين ضلوع عمر)
عمر٠٠ أوعدك يا أروى من النهاردة انتى هتكون أول أولوياتى.. و اهم اهتماماتى..و اغلى من حياتى.. بحبك
أروى٠٠ انا حبى صعب.. هتقدر عليه
عمر٠٠ هقدر يا أروى طول ما انتى معايا
اروى٠٠ بحبك يا مغرور
يتبع
♡♡♡♡♡♡♡♡♡♡♡♡♡♡♡
إللى القاء فى الجزء التاسع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق