رواية احببتك دون أن أعلم الكاتبه علياء محمد حصريه وجديده وكامله جميع الفصول على مدونة النجم المتوهج
 |
مع بدايه يوم جديد نجد بطلتنا الجميله تستيقظ بنشاط على صوت المنبه وبعدين بتقوم تاخد دش وتقضى فرضها وتلبس وتخرج الى جامعتها وبتقابل مامتها منال التى تبلغ من العمر 47عاما وهى امرأة طيبه القلب بتعشق بنتها جدا لانها وحيدتها
وبتقابل كمان والدها محمد الذى يبلغ من العمر 50عاما بيعشق بنته وزوجته جدا وبيتقابلو على سفره الفطار ......
رنا/صباح الخير يا حلوين
الاب محمد /صباح الفل عليكى يا قلبى ايه مش هتفطرى معانا ولا ايه ؟
رنا/لا يا بابا يدوب الحق المحاضره حضرتك عارف الدكتور مش بيدخل حد بعده
الام منال /طيب خدى السندوتش ده معاكى فى الطريق يا حبيبتى وسلميلى على ريم
رنا/حاضر يا ماما سلام بقى علشان مستعجله
الاب والام /ربنا يوفقك يا حبيبتى يارب
الاب محمد/ياه الواحد ربنا نعم عليه برنا احلى حاجه حصلتلنا فى الدنيا دى والله
الام منال/عندك حق يا حج يارب اشوفها عروسه وكملت فى سرها ويريح قلبك وتتجوزى وتعيشى حياتك مع شخص يستهلك ويحبك بجد وتنسى اللى حصلك
الاب محمد/ ايه يا منال روحتى فين بكلمك بقالى ساعه؟
الام منال/هاه. ولا حاجه يا حج بس نفسى افرح ب رنا قبل ما ربنا ياخد امنته
الاب محمد/بعد الشر عليكى بعدين رنا لسه بتدرس ولسه العمر قصادها وكما بمكر ولا انتى زهقتى منى وعايزه تسيبينى بقى
الام منال/يا خبر يا حج انا اقدر برضو ده انت الخير والبركه انا بس عايزها تفتح قلبها تحب وتتحب زى باقى البنات كدمش فى مخها غير الدراستها وبس
الاب محمد/سيبيها على راحتها هى عارفه مصلحتها كويس
الام منال/حاضر يا حج مقولتليش تحب تاكل ايه على الغدا
الاب محمد/ اى حاجه من ايديك حلوه يا روحى
الام منال بكسوف /بس بقى يا حج متكسفنيش بعدين احنا كبرنا على الحاجات دى
الاب محمد/لا يا ستى احنا لسه شباب بس اللى لو انتى عايزه تكبرى الكبرى لوحدك لكن انا لسه بدرى عليا
الام منال/ضحكت وقالت ربنا يديمك لينا يارب
الاب محمد/ويخليكوا ليا انا كمان يا عمرى كله
__________________
فى مكان تانى فى إحدى العمارات الراقيه كان حازم وريم يجلسوا على سفره ووالدتهم سناء التى بلغت من العمر 50عاما هى اللى كرست حياتها لتربيه اولادها بعد وفاه والدهم اللواء أحمد الدمنهوري وبيكون حازم شاب فى أواخر العشرينات وريم نفس عمر رنا صحبتها على سفره الفطار
الام سناء/ ايه يا حبيبي مكملتش فطارك ليه ؟
حازم/معلش يا ماما هتاخر على شغلى
ريم/وانا كمان همشى علشان رنا متزعلش منى
الام سناء/ماشى يا حبيبتي ابقى سلميلى عليها اوى وحشتينى البت رنا دى محدش بيشوفها
ريم/معلش يا ماما احنا الفتره دى مضغوطين من مشاريع للمذاكره لما نخلص هجبها تشوفك
الام سناء/ماشى يا بنتى ربنا معاكوا يارب
وفى الوقت ده كان حازم بيسمع الكلام وهو ساكت تماما وبعدين قال طيب يالا علشان اوصلك انتى وهى بالمره فى طريقى
ريم /تمام يالا علشان منتاخرش
فى الطريق كانت البنات تحلش فى المقعد الخلفى للسيارة وكان حازم يقودها وكان الصمت يعم المكان إلا أن ريم قطع الصمت وقالت
ريم/متشغل حاجه حازم بدل الملل ده
حازم/احنا ناقصين صداع على الصبح اسكتى احسن
ريم/لا لا شغل بس ومتشغلش بالك
حازم/طيب وبعدين بص لرنا وقال تحبى نشغل حاجه معينه ولا اى حاجه ؟؟
رنا بكسوف/لا عادى مش هتفرق يعنى
ردت ريم وقالت /شغل عمرو دياب هى بتعشقه
حازم/ بجد !!؟؟
رنا /اي ا بحبه اووى
حازم/زى يعنى يظهر أن فى حاجات مشتركه بينا.
رنا/ببسمه خجوله يمكن
شغل اغنيه لعمرو دياب وكانت "تملى معاك" رنا سرحت بالاغنيه وبصت على الطريق وهو فضل يتأملها وهو سايق وكأنه بيغنى ليها هى الاغنيه دى وبعد وقت مش كبير وصلوا للجامعه ونزلوا وهو كمل طريقه لمقر عمله
__________________
داخل جامعه القاهره فى كليه هندسه معماريه فرقه رابعه
كانت تجلس الفتاتان فى المدرج الاول وسجلوا كل كلمه يشرحها الدكتور وبعد انتهاء المحاضره كانوا قاعدين فى كافيتريا بتاعه الجامعة وفجاه دخل عليهم زميل ليهم واسمه امجد وهو صديق ليهم بيعتبرهم اخواته وبيحبهم جدا هما كمان لأن باباه يبقى دكتور بتاعهم وكمان صديق قريب جدا من والد ريم ورنا
امجد/مسا مسا على الحلوين مالكوا فى ايه كشرين ليه كده ؟؟
ريم/ابدا يا سيدى عايزين ننام بس مش اكتر
امجد/وانتى يا رنا مالك فى ايه ؟؟
رنا/مفيش يا امجد تعبانه شويه مش اكتر
امجد /على العموم دكتور مصطفى اللى هو والدى طبعا كان عايزكوا فى موضوع مهم دلوقتى حالا
بصتله رنا باستغراب /موضوع ايه ده؟؟
امجد /معرفش روحولوا وشوفوا
رنا وريم/تمام رايحين
___________________
فى مكتب دكتور مصطفى كان قاعد على مكتبه وزى مقولنا أنه يبقى والد امجد وبيعتبر ريم ورنا زى بناته حدا نظرا لتفوقهم وحب الناس ليهم الباب خبط وكانوا البنات رد وقال اتفضل
د مصطفى ببسمه/ليكوا عندى مفاجاه
رنا/ خير يا دكتور ايه هى المفاجاه
د مصطفى/عميد الكليه اختركوا انتوا الاتنين كأفضل ثنائى لتنفيذ المشروع
ريم/ده احلى خبر سمعته النهارده والله مش كده ولا ايه يا رنا ؟
رنا/ اه اكيد احلى خبر فعلا
د مصطفى/تمام هبلغكوا بكره بالفريق اللى معاكوا والمعادن كمان
رنا وريم/تمام يادكتور تستأذن احنا طيب
وبعد انتهاء اليوم على الجميع وكل واحد راح بيته
ريم حكت لأهلها على كلام الدكتور وكانت فرحانه جدا وطايره من الفرحه كانوا مبسوطين ليها وبعدين استأذن حازم ودخل اوضه نام على ضهره وحط أيده خلف رأسه وابتسم فرح لرنا لانه معجب بيها من زمان ونفسه يعترفلها بحبه بس هو عارف أن هى عندها عمد ثقه فى اى شخص "بس ايه السبب هتعرف بعدين "
وبعدين دخل فى نوم عميق
وعند رنا كانت قد انتهت من دراستها لاقت مامتك بتخبط على الباب والله معاها شاى ليهم هما الاتنين
الام ببسمه/خلصتى يا حبيبتى ولا لسه
رنا/اه خلصت الحمدلله
الام منال/طيب كنت عايزه اكلمك شويه فاضيه
رنا /ايوا طبعا اتفضلى يا ماما خير
الام منال/ مش ناويه بقى تنسى وتكملى حياتك وتتجوزى نفسى افرح بيكى قبل ما موت انا مش هعيشلك العمر كله وابوكى كمان
رنا بصوت مخنوق من البكاء/ حاولت حاولت كتير انى انسى بس مش قادره يا ماما الماضى دايما فى بالى ده خانى معاها عارفه يعنى ايه خانى معاها مع اعز صاحبه ليا كان وخدنى كجسر علشانها أنا مش قادره اثق فى حد خالص وكان رافضه اى علاقه مهما كانت
الام بحنان وهى تحتضنها /الضربه اللى مش بتموت بتقوى يا نا وانتى طول عمرك عاقله وعمرك ما عملت حاجه غلط خالص يا حبيبتي وبعدين انتى قويه وعمرك موقفتى على حد خالص لازم تنسى وتكملى زى ما هو كمل وعاش
رنا بدموع /على رايك هو اتجوز وخلف ولا كانه عمل حاجه انا برضو لازم اكمل مش هوقف حياتى بس محتجاكى معايا يا ماما
الام /انا معاكى يا روحى لحد الاخر المهم فى الاخر تنسى
رنا مسحت دموعها وقالتلها حاضر ودا وعد منى ليكى يا ماما
طبطبت عليها وقالت يالا نامى علشان بكره يومك طويل
ابتسمت لها وقالت عندك حق يا ماما بكره هيبقى يوم جديد عليا
الام بدعم /رنا معاكى يا بنتى وافرح بيكى يارب
وباستها ومشيت ورنا نامت وقررت انها تكمل حياتها ومش هتوقف على حد نهائى وبتدعى ربنا من كل قلبها بده
_________________
تعريف الابطال
حازم (رائد فى الداخليه عنده 28سنه طويل وشعره اسود سواد الليل جسمه رياضى عنده غمازات وعيون عسليه قمحاوى البشرهالبشره )
________________
رنا (بنت جميله فى كليه هندسه فرقه رابعه متوسطه الحجم وطولها160سم عيونها سودا وبيضا اوووى شبه الاطفال والكل بسحبها بسبب جمالها الطفولى ده )
__________________
ريم (نفس سن والقرفه مع رنا عيونها عسليه زى اخوها وطولها 165سم وجسمها متوسط برضو وبيضا وشعرها حرير وتغطيه تحت الحجاب)
باقى الشخصيات هنتعرف عليها فى الاحداث القادمه انشاء الله
الفصل الثانى
روايه/احببتك دون أن أعلم
بقلم/علياء محمد
_______________
وفى صباح يوم جديد على ابطالنا تستيقظ رنا وهى حاسه براحه كبيره لأنها خلاص اخدت قرار بأنها تنسى وتكمل حياتها وتنسى اى حاجه قامت اخدت شاور وقضت فرضها وبتقابل امها منال باباها محمد على سفره الفطار
رنا بابتسامه/صباح الخير يا بابا.صباح الخير يا ماما
الاب محمد/صباح الخير يا حبيبه بابا ايه سر الابتسامه الحلوه دى على الصبح كده ؟؟
الام منال/سيبها على راحتها يا حج بلاش تكسفها ربنا يهنيكى يا حبيبتي يارب
رنا بابتسامه/ربنا يخليك ليا يا ماما انتى وبابا
وبعدين كملوا فطارهم وسط ضحك وسعاده بينهم
________________
وفى بيت حازم بيكون لبس وجهز نفسه علشان يروح مقر شغله ولسه هيفتح الباب بتكون مامته بتنادى عليه
الام سناء/هتنزل من غير فطار ومن غير ما تسلم عليا كده
حازم/لا يا ماما طبعا مقدرش ما اسلمش عليكى ومش هفطر علشان مستعجل معلش المره دى
الام سناء/تمام يا حبيبي خلى بالك من نفسك
حازم/حاضر يا ماما
الام سناء/مع السلامه يا حبيبى
وهو نازل افتكر حاجه ورجع ل مامته وقالها
حازم/ابقى كلمى ريم وقوليلها انى هعدى عليها اجبها بعد الشغل
الام سناء/حاضر يا حبيبى
حازم/تمام عن اذنك بقى
الام سناء/فى حفظ الله وكملت بعد ما نزل ربنا يفرحنى بيك يارب انت واختك
__________________
وفى الجامعه عند البنات بيكونوا بيدرسوا المشروع علشان هتناقشوا فيه مع الدكتور والعميد علشان الامتحانات على الابواب وهما قاعدين دخل عليهم الجروب اللى هيشتغل معاهم وبيكون على رأسهم امجد طبعا زميلهم
امجد بابتسامه/صباح النشاط لسه بنقول يا هادى على الصبح
رنا بابتسامه/صباه النور ايوا لازم نخلص شغلنا بدرى ليه هناجله
ريم/بس انت ليه مع الجروب بتاعنا يا امجد ؟؟؟
امجد بمكر /ليه هو انتى متعرفيش مش انا هبقى معاكوا فى الجروب بتاع المشروع
ريم بصدمه/ بجد !!انت معانا
امجد بضحك على شكلها/اه والله معاكوا
رنا/ طيب حيث كده بقى خد اشتغل على دول لاننا هنموت من التعب
امجد/ايه يا شيخه حيلك حيلك دا انا لسه بتعرف بس مش كده يا رنا ده ربنا بيرحم
رنا بضحك/مالك بس دى لسه البدايه مش اكتر
امجد/كل البدايات حلوه إلا البدايات دى بحب نهايتها بس
رنا بضحك/انت لو اشتغلت هتوصل النهايات اللى بتحبها ومتنساش أن الدكتور مصطفى هو المشرف على المشروع اللى طبعا باباك يا نجم
امجد وهو بيمثل الخضه/لا لا خلاص ربنا يجعل كلامنا خفيف عليكوا وعليه هاتى الورق ربنا على الظالم
ضحكوا البنات عليه وبعدين كملوا الشغل وبعد ما خلص اليوم الدراسى رن حازم على أخته ريم وقالها أنه برا الجامعه
ريم/يالا بينا يارنا حازم مستنى برا
رنا/تمام ماشى بس مش هركب معاكوا
ريم/ليه يا رنا ؟؟؟
رنا/انتى نسيتى أننا هنشترى حاجه المشروع ولا ايه
ريم/تمام خليها بكره
رنا/لا لا خير البر عاجله علشان نخلص بقى
ريم/تمام يالا بينا
وخرجوا من الجامعه لقوا حازم ساند على العربية وماسك فونه وحاطت أيده فى جيبه
ريم ندهت عليه حازم ......
حازم بابتسامه/ازيك يا رنا عامله ايه
رنا بكسوف/الحمدلله بخير وانت عامل ايه؟؟؟
حازم/انا بخير والله
وفضل باصصلها وهى اخدت بالها و اتكسفت بصت فى الارض
ريم/هتفضل هنا مش هنروح ولا ايه
حازم فاق وقال/هاه. اه يالا بينا طيب
رنا/ طيب سلام انا بقى
حازم واختفت الابتسامه/ليه مش هتركبى ؟؟
ريم ردت وقالت/أصلها هتجيب حاجه المشروع بتاعنا
حازم/ مش انتوا مع بعض فى المشروع ؟؟
ريم/ايوا بس هى عايزه تروح النهارده وانا بقولها بكره
حازم/طيب خلاص تعالوا اوديكوا بالمره وانا معاكوا
رنا/بكسوف خلاص خليها وقت تانى
ريم/لا بلاش أعذار هو معانا اهو
رنا تمام يالا بينا طيب
حازم بابتسامه /طيب يالا بلاش نضيع وقت
وبعدين ركبوا ومشيوا وطول الطريق عينيه بترقبها زى الصقر وهى خدت بالها واتكسفت وبصت من الشباك بسرعه وهو انسجم مع الاغنيه وبدأ يدندن معاها لان هى راكبه معاه وسرحان
ريم باستغراب/اول مره تغنى وتبقى مفرفش كده يعنى مالك؟؟
حازم بتوتر/هاه. ابدا مفيش حاجه انسجمت بس مش اكتر اخدت بالها رنا وابتسمت بينها وبين نفسها وبعدين قالت ايه اللى العبط اللى انا فيه ده ؟
حازم بس لأخته بغيظ و حسبن عليها فى سره
ريم/بتقول حاجه يا حازم ؟؟
حازم/لا ابدا انا ساكت
ريم/تمام بحسب
وبعدين اشتروا كل الحاجات اللى عايزنها وكان حازم مش منزل عينه من على ريم وهى كانت مكسوفه جدا بس برضو كشرت وقالت انا قولت هنسى الماضى مش هحب تانى
ريم/انتى بتكلم نفسك ولا ايه؟؟
رنا/هاه لا ابدا خلصتى ؟
ريم/اه يا الله بينا
رنا/ تمام يالا
وكل واحد روح على بيته حازم كان مبسوط اوووى فى كل مره بينجذب ليها زى المغناطيس كل مايفتكرها يضحك اكتر غط فى سبات عميق
وعند رنا فضلت تفكر فيه وتبتسم بعدين قالت نامى يا رنا دى احسن حاجه اتخمدى بقى واسكتى وغطت هى كمان فى نوم عميق وبعد مرور أسبوعين فى جامعه يوم مناقشه المشروع ريم ورنا بيخبطوا على الدكتور مصطفي ودخلوا بس انصدموا ريم ورنا لما شافوا حازم عند الدكتور وكمان العميد وبيضحكوا سوا
ريم/حازم!!!!انت بتعمل ايه هنا؟؟
حازم بص لرنا وقال مفيش كنت بسلم على دكتور سيادة العميد فى حاحه؟؟
ريم/لا ابدا استغربت بس
ورنا كانت مصدومه لأنها كانت بتفكر فيه من لحظات بس خرجت من شرودها على صوت دكتور بيقولوا اقعدى يارنا قعدت وبعدين العميد قال اشرحوا المشروع وبدؤا يشرحوا قدام حازم ودكتور وعميد وكل مبسوط بيهم وطبعا حازم كان إعجابه بيزيد اكتر واكتر وسرحان فيها واللى اخد باله الدكتور وابتسم وسكت وبعدين المشروع خلص وعجب الدكتور والعميد وخلصوا ومشى العميد وهما راحو على غرفه الدكتور حازم لسه مركز معاها وهى اتكسفت وقالت استاذن يا دكتور انا و ريم عندنا محاضره
دكتور مصطفى/ماشى يا رنا مع السلامه سلامى ل باباكى ومامتك
رنا ببسمه/حاضر يا دكتور
الدكتور ضحك وقال لحازم/ايه يا حازم سرحت فى ايه ؟؟
حازم/فاق وقال ها ابدا مفيش
دكتور مصطفى/على اساس انى مش شايف بصاتك ل رنا يواد دا انا اللى مربيك
حازم اتكسف وحط أيده ورا رأسه بحرج وقال/هو انا مكشوف اوووى كده
ضحك دكتور مصطفى/وقال اوووى اوووى كمان شكلك بتحبها من زمان
حازم/اوى والله بس خايف اكلمها وانت عارف ليه طبعا
اتكلم مصطفى بجديه/عارف انت هتقدر لانك قدها وكمان مش هتلاقى زيها فى حته تانيه خالص
حازم/يارب والله ده انا البلد كلها عرفت وهى لا
دكتور بضحك/متخافش بس طول بالك كده متبقاش مدلوق
حازم ضحك/وقال حاضر يارب تبقى من نصيبى يارب
دكتور إنشاءالله عايز افرح بيكوا فى أقرب وقت يالا
حازم بابتسامه انشاء الله عن اذنك بقى
وانتى اليوم على ابطالنا وكل واحد مشغول فى أفكاره رنا اللى بدأت تتعلق بحازم بس بتعند وتقول مستحيل احب/ حازم اللى هيموت وبقولها أنه بيحبها. بس هل للقدر رأى تانى لكلام رنا ؟؟؟؟؟؟
الفصل الثالث
روايه/احببتك دون أن أعلم
بقلم/علياء محمد
________________
عند حازم فى مكتبه كان بيشتغل بس فجاه حد دخل عليه وبيكون كريم وده صاحب عمره وكمان ابن عمه رائد زيه بيعشق ريم اخت حازم بس مش عايز يقولها لحد متخلص علشان متنشغلش عن دراستها بس حازم عارف
كريم/صباح الخير حتى بدرى يعنى النهارده خير
حازم/ابدا بس كان فى شغل كتير قولت اجى اخلصه
كريم/اممم قولتلى يعنى علشان كده بس؟؟
حازم/انت كل حاجه حاشر فيها نفسك كده
كريم بضحك/لا يا عم بس انت شكلك عايز تخرج بدرى علشانها ولا ايه ونها كلامه بغمزه
حازم بابتسامه/ايوا بس عرفت ازاى يا شقى
كريم بضحك/قلب الام بقى
حازم/على العموم مرات عمك عزماك النهارده اوعى تكون ناسى مع عمى ومرات عمى
كريم/والله حماتى دى زى العسل
حازم/قصدك مرات عمك يا جحش مفيش حاجه لسه
كريم/يا سيدى ولا تزعل حماتى المستقبليه
ضحك حازم/روح يا ابنى على شغلك ربنا يهديك
كريم/حاضر يا عم روميو بس يارب ترتاح وتسكت
حازم/الله يكون فى عون ريم من اللى هتشوفه من هبل
كريم/بس اسكت انت بس وهى هتوافق
حازم/طيب غور بقى على شغلك
كريم/طيب براحه متزوقش كده
حازم ضحك عليه وكمل شغله
عند البنات فى الجامعه كانوا بيشرحوا المشروع الدكاتره وعميد الجامعه وكل مبسوط بيهم اوووى وكان دكتور مصطفى فخور بيهم
وكمان خلصوا فتره الامتحانات واخر يوم وهما خارجين
ريم/انا خلصت امتحانات مش مصدقه
رنا/اه الحمد لله كلها سنه ونخلص بقى
ريم/على خير يارب صحيح كانت عايزه اقولك على حاجه
رنا/خير احكى
رنا لسه هتكلم بس دكتور مصطفى ندا عليهم ورحوا ليه
دكتور/انا عازمكم كلكم مع العيلتين بمناسبه انكم خلثتوا الامتحانات وكمان لانى فرحان بيكم جدا على المشروع الجامد بتاعكوا
ابتسموا البنات وقالوا تمام يا دكتور امتى
دكتور/بكره فى النادى
البنات/حاضر عن اذنك ومشيوا
رنا/ما تيجى عندى نسهر مع بعض النهارده؟؟
ريم/لا طبعا كريم جاى النهارده ولازم اروح البيت
رنا/ امم الله يسهلو يا عم
ريم/ضربتها على كتفها وقالت اسكتى بقى
رنا/خلاص خلاص ابقى احكيلى طيب
ريم/تمام مع السلامه
رنا ببسمه/سلام يا روحى
فى بيت ريم كانت بتجهز وحازم كمان جهز ومامته وجهزوا كل حاجه علشان كريم وبعدين جرس رن وفتح حازم وسلم على عمه ومرات عمه وكريم
حازم/اهلا وسهلا أزايك يا عنى أزايك طنط
عمه ببسمه /الله يسلمك يا حبيبى اخبارك انت ايه
حازم/انا بخير
مرات عمه ببسمه/دايما يا حبيبى وسلمت على ام حازم بالاحضان
وبعد سلامات كانوا قاعدين
مرات عمه/اومال فين ريم واحشتنى اوى
ام ريم /بتجهز بس و..... فجاه دخلت عليهم بطلتها اللى خطفت قلب كريم وفضل مسبلها ومتنح فيها سلمت عليهم وجت عنده وابتسمت بكسوف وقالت
ريم/أزايك يا كريم
كريم/متنح وقال بخير طول ما انتى بخير
ابتسمت ونزلت وشها
اخوها قال ايه هتفضل ماسك أيدها كتير ولا ايه؟؟
فاق وقال كريم/احم اسف وهى قاعده وبعدين راحوا على السفره
ومنزلش عينه من عليها طول القاعده وهى هتموت من الكسوف
حازم لاحظ وضربه بخفه وقال/
اتلم ونزل عينك بدل ما لمك
كريم/وانا عملت حاجه؟؟؟
حازم بصله باصه وقال هتتلم ولا لا
كريم/اتزفت خلاص بقى اسكت
حازم/اتكلم عدل بدل ما اعدلك انا
كريم/خلاص بقى اسكت
وبعد فتره كانوا مشيوا وانتهى اليوم علي ابطالنا
وفى يوم العزومه دكتور كان الكل موجود عيله رنا وريم مع وجود حازم طبعا
د مصطفى/اخيرا اتجمعنا بقالنا زمان والله متجمعناش
والد رنا/اه والله عندك حق
وفى الوقت ده كان حازم مركز مع ريم مش معاهم خالص
دكتور/حازم انت مش معانا خالص
حازم/هاه لا ابدا انا بس سرحت شويه
ريم/ايوا كل يوم على الحال ده
دكتور/بتحب ولا ايه يا روميو
الكل ضحك
وحازم اتوتر وقال لا ابدا مفيش حاجه سرحت شويه
ريم/اممم يعنى مش بتحب كده ولا كده قول قول
حازم بصلها بتحزير وقال مفيش حاجه
والد رنا /ربنا نفرح بيك وبريم يا رب
الكل امين يارب ❤️❤️
ام حازم/امين يارب العالمين
دكتور بص ربنا وقال/عقبال يارنوش افرح بيكى يارب
رنا بيسمه/ شكرا يا دكتور
بعدين قامت تتمشى
دكتور /ايه يا رنا رايحه فين؟؟
رنا/هتمشى شويه وجايه على طول
ريم/اجى معاكى؟؟
رنا /تعالى
وهما ماشين كانت ريم سرحانه فرحانه فرنا قالت مقولتلي يعنى ايه اللى حصل امبارح مع كريم
ريم /ايوا صح لازم احكيلك اللى حصل
Flash back 📸 📸
لما كلهم مشيوا كريم فضل واقف عايز يكلم ريم وحازم خد باله وقاله خمسايه ودخلها بدل ما روقك فرح كريم وقاله والله رجوله ضحك حازم ودخل
كريم/كنتى زى القمر النهارده عامله زى الاميره
ريم بكسوف/شكرا يا كريم
كريم/بس شكرا مش بتتقال كده
ريم/باستغراب اومال الزاى
كريم /بتتقال كده
وباسها من شفايفها وبعد فتره مش قليله بعد وهما بياخدا نفسهم بسرعه وساندين جيبنهم على بعض قال كريم ادخلى بسرعه قبل ما اتهور اكتر من كده ياريم
دخلت بسرعه وهو نزل وهى فى الاوضه كانت فرحانه ومكسوفه من اللى حصل
وبعد منت الليل فونها رن وكان هو
فضل يرن وبعدين ردت
هو/ مش بتردى ليه ؟؟
ريم/كنت نايمه
كريم/ احم انا كنت عايز اقولك انا اسف على اللى حصل وكمان انا مش اقصد اعمل كده وو ر رريم انا بصى بقى من غير لف ووران انا بحبك ومن زمان اوووى بس لو يعنى انتى مش بت.....
ريم بسرعه/انا بحبك يا كريم
فرح كريم اوووى وقال أنا هكلمك حازم وفى اقرب وقت هاجى اتقدم انا كنت خايف لتكونى مش بتحبينى
ريم/انا اللى كنت خايفه انك بتحب حد تانى
كريم/ازاى بس اقدر احب غيرك انتى عمرى انا بس كنت مستنى لما تخلص امتحانات مش اكتر
هى/كلها اسبوع وخلاص النتيجه هتطلع
هو ماشى ياقلبى سلام بقى علشان تنامى
هى مع السلامه....
End flash back
رناببسمه/الف مبروك يا ريري
ريم/الله يبارك فيكى يا رنوش عقبالك
رنا /صعب يارنا انى احب حد
ريم/بس لو تحكيلى ايه سبب عدم الثقه فى حد
رنا/ بدموع محبوسه تجربه. تجربه وفشلت بس فوقتنى من الوهم اللى كنت فيه
ريم/طيب هو يعنى انتى بتحبى الشخص ده لحد دلوقتى علشان كده مش قادره تتنسيه
رنا بسرعه/لا ابدا عمرى ما فكرت فيه بس الخيانه والخذلان من شخص قريب بيوجع اووى
ريم كبطبت عليها وقالت انا معاكى متزعليش بقى وفكى عتنكدى علينا هنا كمان
ابتسمت رنا وهى بتمسح دموعها وقالت لا خلاص اهو تمام كده حلو
ريم بضحك اها
ونادوا عليهم وحازم مان ملاحظ الحزن ودموع على رنا وسأل أخته وقالت بعدين والعزومه خلصت وكل واحد روح على بيته وحازم أخته حكتله لانه قالها بكل حاجه اتجاه رنا
وزعل وقرر أنه يخليها تثق فيه وتحبه كمان و عزم على قراره ده
وعند رنا بقت تفكر فى حازم ومامتها دخلتلها
الام/ممكن ادخل ؟
رنا/طبعا اتفضلى
الام/مالك بقى فى ايه
رنا/بصراحه عايزه أسألك سؤال
الام/طبعا اسالى
رنا/هو انا ممكن احب تانى واعيش حياتى
الام/اه طبعا بس لو اديتى لنفسك فرصه انك تعيشى زى باقى الناس وتنسى اللى حصل وتقولى دى تجربه وانك اتعلمتى منها
رنا/سكتت وبعدين قال اصلى بلاحظ ن
الام بمقاطعة/حازم ونظراته صح
رنا بصدمه /صح عرفتى ازاى
قالت /كل حاجه باينه زى الشمس
رنا/خايفه احب تانى
الام/عيب وانا موجوده بعدين حازم ده تربيتى وانا عارفاه بس انتى بس حبى وملكيش دعوه بحاجه اتمتعى بالحب يا رنا الحب ده مش بيجى غير مره واحده بس
لازم تحبى وتعيشى ومال دى تبقى حياه ازاى من غير حب
رنا/يعنى انتى شايفه كده اكمل واللى يحصل يحصل
الام/بيسمه انا مش شايفه غير كده
رنا/شكرا لحضرتك يا ماما
الام /العفو يا روحى يالا نامى بقى تصبحى على خير
رنا ببسمه/وانتى من اهله
وانتهى اليوم على ابطالنا وكل واحد قرر أنه يعيش حياته بطريقته وينسه ماضيه ويكمل عادى
الفصل الرابع
من روايه/احببتك دون أن أعلم
بقلم/علياء محمد
ــــــــــــــــــــــــــــــ
فى بيت رنا الباب خبط ومامتها فتحت لقيتها ريم
ريم/اذايك يا طنط عامله ايه
ام رنا/بخير حبيبتى ادخلى مامتك عامله ايه والواد حازم
ريم بضحك/سيادة الرائد بقى الواد فينك يا حازم تيجى تشوف
ضربتها ام ريم على رأسها وقالت انا اللى مربياه يا حزمه يعنى زى أمه بالظبط
ريم/طبعا يا خالتو انا بهزر اومال فين بنتك
ام رنا/فى الاوضه واعملى حسابك انك هتتغدى معانا معنديش أعذار انا
ريم/ياسلام اهو هو ده الكلام أعذار ايه وكلام فاضى ايه بس وضحكوا وهى دخلت عندها
ريم/مسا مسا يا وحش الكون
ضحكت رنا وقالت/اهلا بسيف الخديوى
ريم/انا تمام انتى عامله ايه
رنا/انا الحمدلله وطنط اخبارها ايه
ريم/الحمدلله تمام كنت عايزه اقولك على حاجه مهمه ونسيت اقولك عليها يوم العزومه
رنا/اه صحيح كنتى هتفولى ايه
ريم طلعت من شنتطها دعوه فرح وقالت تخيلى دعوه مين دى
رنا بضحك بتعتك ولا ايه
ريم/ياريت يا ظريفه دعوه فره رانيا وطاهر (اصحابهم من ابتدائى)
رنا/بفرحه بجد الله اخيرا هيتجوزوا رنا اه الحمدلله
ريم طهما معرفوش يوصلولك بس لما عرفوا أننا مع بعض بعتوهالك
رنا/ فيهم الخير طيب الفرح امتى
ريم/بعد بكره والنعارده عايزين نشترى فساتين وحاحات الفرح
رنا/تمام بعد الاكل ننزل
ريم/وماما وحازم كمان
دق قلب رنا بعنف لما سمعت اسمه وعرفت أنه جاى الفرح وقالت تمام
كلوا واشتروا الحاجه وجه معاد الفرح وكل لبس واتشيك وريم جهزت وحازم قتلهم أنه مستنيهم تحت ونزلوا مامت حازم /عدى على رنا علشان هما جاين معانا
حازم فرح بس مبينش /تمام
وصل عندهم وهما نزلوا وهو مشغل اغانى فى العربيه فجاه خرجت الملاك زى ما هو بيقول عليها لما يشوفها
رنا ظهرت بفستانها الموف الميكب اللى زودها جمال على جمالها
وهو متنح وبعدين قال
حازم/احم يالا نركب علشان منتاخرش
ركبوا وهو قاعد يختفي نظرات ليها بسرعه وهو سابق ووصلوا القاعه ودخلوا الكل فضل متنح وبيبصوت لرنا من جملها وحازم كان عايز يخليها من عيونهم كلهم
وبعدين شافوا زمايلهم من ابتدائى وسلموا عليهم وباركوا للعرايس وخصوصا أنهم كانوا أصحاب اوووى بس الظروف بعدتهم عن بعض
وهما قاعدين دخل عليهم حد وفجاه راح بيسلم على رنا
مدحت/رنا اذايك عامله ايه واحشانا والله عاش من شافك
رنا /معلش مين حضرتك
مدحت/انا مدحت المصرى مش فكرانى ولا ايه
رنا/اه معلش فى ناس كتيره معرفتهاش نسيت بقى معلش
هو بظرات تفحص /بس زى ما انتى متغيرتيش خالص
رنا وفهمت قاصده/اه زى ما انا مبحبش التغير انت عارف
مدحت بنظرات اعجاب واضحه/اه ولسه برضو زى القمر ووو
رنا بمقاطعه وبعض الحده/اظن حضرتك سلمت وانا شكرتك ياريت تشوف حضرتك رايح فين
شعر مدحت بالاحراج فستان ومشى
كل ده حازم متابع كان هيقوم يموته بس سكت وفرح من طريقه رنا فى الكلام
بعد شويه كانت رنا زهقت وقررت تخرج فى الجنينه شويه
وخرج حازم وراها على طول وهى واقفه لاقت اللى بينداه عليها بتبص لاقت زميلها ايام الإبتدائي واللى كان معجب بيها ومازال
على/ اذايك يارنا عامله ايه
رنا/الحمدلله انت عامل ايه
على/انا الحمدلله
رنا/اومال فين خطبتك
على /انا سبتها من زمان يا رنا
رنا/ببعض الاحراج معلش انا اسفه معرفش سبتها
على/وهو مركز عليها انا سبتها واظن انك عارفه السبب ليه
رنا وهو تمثل عدم الفهم/لا معرفش السبب ايه
على/علشان انا بحبك من زمان يا رنا وانتى ولا حاسه
رنا /على اظن انا قلتلك انى مش عايزه ارتبط ولا حتى اعمل حاجه ده شئ يخصنى انا
على/طيب حاولى ادينى فرصة
يمك احاول اصلح اللى حصلك وو
رنا بمقاطعه/على انا بحب حد تانى ياريت تشوف حد تانى غيرى وربنا يوفقك معاها احسن
على بدموع محبوسه فى عينه/تمام يا رنا ربنا يوفقك يارنا ومشى
كل ده وحازم واقف بس مسمعش حاجه خالص وراح لها بكل غضب
حازم/كنتى بتكلم مين وواقفه معاه
رنا/وانت مالك واقفه مع مين
حازم بغضب/لا ليا محدش لى حق يجى جنبك أو يكلمك غيرى فاهمه ولا لا
رنا بصوت عالى/لا مش فاهمه انت مش هتحكمنى
حازم/انتى ليا وبس سامعه ولا لا انتى ليا انا وبس
رنا /لا مش سامعه
حازم/حلو يبقى تتعقبى على كلامك ده
رنا خافت بس مبينتش/عقاب ايه
حازم العقاب ده
وفجاه بأسها من شف...يفها وبعد مده بعد وقال بدموع فى عينه تدل على صدك كلامه وهو بيحاوط وشها بيديه انا بحبك يارنا بجد بحبك اووى
رنا بصدمه فضلت ساكته
حازم/رنا انا مسمعتش ردك ايه
رنا/بدموع انت صدمتنة وو
حازم/انا عارف ان معندكيش ثقه فى حد بس انا بحبك من زمان اووى بجد انا حلمت باليوم اللى اجى اعترفلك فيه بحبى ليكى
رنا/انا مش قادره اثق فى حد وفضلت تعيط
حازم/بس ادينى فرصه اصلح كل حاجه وجعتك وانا والله ما اسيبك ابدا
رنا/هتزهق منى وهتتعب و
حازم/لا لا ابدا انا مصدقت انى اتكلمت معاكى اصلا والله واعترفت سيبيلى نفسك وبس
رنا /يعنى ا
حازم/يعنى ادينى فرصه وانا معاكى لآخر الطريق
رنا/انا الصراحه كنت حاسه انى فى مشاعر ناحيتك بس كنت بكدب فى نفسى و
حازم/لا صدقى نفسك وسيبقى نفسك علشان تعيشى حياتك ونبدا مع بعض
رنا/ببسمه بس انا مش عايزه علاقتنا تبقى فى السر
حازم/ تومر مولاتى ومسك أيدها ودخلوا القاعه وراح عند العريس واخد الميكروفون لانه صحبه
وقال انا اسفه على المقاطعه بي انا بعترف قدام الكل انى بحب رنا اوووى وبعشقها وطلع من جيبه علبه قطيفه زرقه وفيها خاتم ركع لها وقال تقبلى تتجوزينى يا رنا
رنا كانت بتعيط من الفرحه وهزت رأسها وهو لبسها الخاتم وطبعا عيلتها وعائلته كانوا فرحانين جدا واحتفلوا بيهم والفرحه كانت فرحتين وووو
الفصل الخامس والاخير
روايه /احببتك دون أن أعلم
بقلم/علياء محمد
ــــــــــــــ ـــــــــــــــ
فات سنه وكان البنات خلاص على أبواب الامتحانات لآخر سنه ليهم فى الدراسه الجامعيه وبيحضره للمشروع التخرج وحازم كان متابع
كل تحضيرات الفرح ليه مع رنا وكريم برضو مع ريم والبنات فرحانين اوووى بكل حاجه بتحصل
وبعد الانتهاء من الامتحانات خلاص الفرح قرب والبنات بتجهز علشان فرحهم
وبعدين رن حازم علشان يطمن على معشوقته وروح قلبه وهو فرحان
حازم/صباح الجمال والحب عليكى يا قمر
رنا/صباح الخير يا حبيبى
حازم/عامله ايه يا روحى
رنا/الحمدلله بخير وانت
حازم/تمام يا قلبى هانت خلاص كلها اسبوعين وتبقى معايا
ضحكت رنا وقالت/اه اسبوع التخرج واسبوع الفرح ادعيلى ابقى معيده يارب
حازم/إنشاء الله احلى واجمل معيده يا رنوش
رنا/يارب يا قلبى
حازم/طيب سلام دلوقتى
رنا /مع السلامه
فات اسبوع وجه معاد التخرج ل رنا وريم والكل كان موجود
عميد الجامعه كان موجود وبيكرم الطلبه وفى نهايه التكريم
قال/احب اكرم بناتى وطالبات اللى يستحقوا لقب مهندسين بجد البشمهندسه رنا وريم الكل سقف بحراره
وحازم كان فخور بيها اووووى
وبعدها باسبوع جه معاد الفرح فى القاعه كل واحد منزل العروسه وسلمها لعريسها حازم اخد رنا وكان مش مصدق قمه الجمال اللى قدامه
وكريم اللى كان طاير من الفرحه مع ريم
حازم همس ل رنا ايه القمر ده ريم ضحكت ودفنت وشها فى حضنه وهو حضنها
وكريم كان بيتنطط مع ريم
وبعد ما كل عريس راح مع عروسته فى البيت حازم حضن رنا ولف بيها بعدين بس لما لاقاها متوتر قالها /يالا غيرى علشان نصلى وبعدين ناكل قالت تمام
وكريم اول ماوصل حضنها وريم اتكسفت اووى وراح باسها وقالها/كنت مستنى اللحظه دى من زمان معاكى يا حبيبتى
ريم حضنته من كسوفها وبعدين راحوا مع بعض لعالم تانى وسكتت شهرزاد عن الكلام وذهبوا فى عالم لا يعرف غير الحب والعشق فقط
أما عند حازم بعض مخلصوا قالت ممكن تخرج علشان اغير
حازم/تمام
بعدين غيرت ولبست قميص ابيض من الحرير وفتحت الباب وهو شافها وشاف جمالها وشعرهاالكويل اللى مغطى ضهرها حضنها وقالها انتى جميله اوووى
هى ردت وقالت قبل اى حاجه حابه اقولك انى وثقت فيك واديتك قلبى يارب تكون قد الامانه دى
حضنها جامد وقلها إنشاءالله هبقى كل حاجه فى حياتك وبعدين راحوا لعالمهم الخاص
وبعد مرور ست سنين كان تحمل رنا اولادها التؤام وتلعب معاهم لحد ما حازم جه وحضنها من ضهرها باسها وقالها ايه الجمال ده حضنتها وقالت جيت امتى قالها دلوقتى حالا قالت طيب ماما كانت عايزه الاولاد يباته عندها
رد وقال وماله وانا كمان عايزك
فى موضوع مهم جدا
ضحكت وقالت/يا دى المواضيع اللى مش بتخلص
ابتسم/وقال طول ما انا عايش مش هتخلص ابدا ربنا يخليك ليا انتى والاولاد
حضنتها وقال انتى عوضى وحبيبى وعمرى كله
وبعدين شالها وطلعوا الاوضه وووو
❤️❤️النهايه❤️❤️❤️
ولكنك جاءت فى الوقت الذى كنت ارفض فيه الحب احببتك اكثر مما ينبغى❤️❤️❤️❤️❤️❤️❤️
اتمنى تكون عجبتكوا واسفه جدا دا على التاخير عارفه انى بقالى كتير بس والله ظروف واشوفكم مع روايه جديده وابطال جديده كنت مع روايه ❤️احببتك دون أن أعلم❤️
تفاعل حلو بقى على الفصل الاخير وكومنت جميل منكم دمتم سالمين❤️❤️
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق