روايه_الهروب_إلى_المجهول الفصل الخامس والسادس عشر بقلم أروي عادل حصريه وجديده على مدونة النجم المتوهج
 |
رقية ٠٠٠ أنا مش عارفه انتم مخبين عنها ليه ما كده كده هتعرف الخبر منشور على كل مواقع التواصل الاجتماعي
إيلا ٠٠٠ ماتنطقوا بقى فى أيه
هنا قالت رقية بشماتة
رقية ٠٠٠ عمر خطب
قالت كأنه لم تستوعب كلام رقية
إيلا ٠٠٠ عمر مين
رقية ٠٠٠ عمر جوزك
إيلا ٠٠٠ خطب ازاى يعنى
رقية ٠٠٠ استنى هوريكى الخبر و صور الخطوبة كمان
أميرة ٠٠٠ كفاية بقى يا رقية
تجاهلت رقية كلام أميرة .و هى تبحث فى الهاتف عن الخبر ثم قالت
رقية ٠٠٠ أهو اتفضلى شوفى الخبر بنفسك
مسكت إيلا الهاتف بصدمه و ذهول من ما ترى
لبنى ٠٠٠ياريت تكونى ارتحتى كده يا رقية
رقية ٠٠٠ فى ايه كلهم بتبصلى كده ليه . كان لازم تعرف
و احنا معاها عشان نواسيها و نقف جانبها فى ازمتها ..احسن ماتعرف و هى لوحده و تتصدمه
هنا بلعت أيلا ريقها بصعوبة و حاولت تكون هاديه
و طبيعيه عكس ما تشعر به .و بالفعل نجحت فى ذلك و هى تقول
إيلا ٠٠٠ كتر خيرك يا رقية . ده العشم بردوا . بس الموضوع مش محتاج القلق ده كله
رقية٠٠٠ يعنى ايه مش محتاج مش المفروض ده جوزك و تكونى زعلانه ٠٠٠٠
قطعت إيلا عبارتها وقالت
إيلا ٠٠٠ زعل ايه ربنا مايجبش زعل .. الحوار كله اتفاق بينى و بين عمر هو يعمل إللى عايزه . وانا اخد منها الفلوس إللى انا عايزها .. أديكى شايفه معايا فلوس ماكنتش احلم بيها . عندى شقة بأسمى فى أرقى مكان فى الغردقة. و عربية من أحدث موديل يبقى ازعل ليه .
رقية ٠٠٠(بضيق قالت) ماكنتش أعرف أنك ماديه أوى كده
إيلا ٠٠٠ و أديكى عرفتى .يا حبيبتى الحياه كلها مصالح . نفع و استنفع .. دلوقتى أروح اجيب الولاد من لعبة بيت الاطفال
انصرفت إيلا لتأتى للطفلين من لعبة بيت الأطفال الموجود فى المطعم.. بعد ما غادرت إيلا قال لبنى
لبنى ٠٠٠( بغضب قالت ) ياريت تكونى اقتنعتى بردها يا رقية
رقية ٠٠٠ فى ايه يا لبنى مالك بتكلمينى كده
لبنى ٠٠٠ مش عجبك طريقة كلامى و عجبك القرف إللى انتى عملتيه
رقية ٠٠٠( بعصبية قالت) قصدك ايه بكلامك ده
لبنى٠٠٠اقصد انك كنتى مكشوفه أوى .انا عارفه انك بتغيرى من آيلا . بس إللى عملتيه دلوقتى معناه
انك بتكرهيها
رقية ٠٠٠ لبنى احترمى نفسك .و انا هغير منها على ايه انشا الله . فيها ايه احسن منى
أميرة ٠٠٠ قلبها الطيب..و انها لحاد دلوقتى مفهمتش نيتك السوده
رقية ٠٠٠ اميرة انتى كمان هتعومى على عومها
أميرة ٠٠٠ أنا قبل ما نطلع من البيت نبهت عليك انتى بالذات متقوليش حاجه لإيلا .لكن تقولى الطبع غلاب
ياسمين٠٠٠ ايه يا بنات انتم هتتخنقوا.
رقية ٠٠٠ لاء ولا خناق ولا حاجة أنا ماشية
لبنى ٠٠٠ فى داهية
رقية ٠٠٠ تمام يا لبنى حسابى معاكى بعدين
أميرة ٠٠٠ طيب ما تدفعى حساب الاكل إللى انتى اكلتى الأول
هنا غادرت رقية بغضب من غير ما ترد
ياسمين ٠٠٠ وانا كمان ماشيه . ميعاد الشفت بتاعى
أميرة ٠٠٠مع السلامه
ثم انصرفت ياسمين ايضآ
رجعت إيلا بالولاد قالت
إيلا ٠٠٠ ايه ده البنات راحوا فين
أميرة ٠٠٠ الشغل
إيلا ٠٠٠ طيب تعالوا أوصلكم.
لبنى ٠٠٠ أقعدى شويه يا إيلا لسه بدرى
إيلا ٠٠٠ ( بقهر قالت) لاء معلش عايزه أروح
أميرة ٠٠٠ أنا حاسه بيكى . عشان كده ماكنتش عايزه حد يقولك
إيلا٠٠٠ ما انا أكيد كنت هعرف . بعدين عادى .ماهو كده كده كان هيجى الوقت
و نسيب بعض
لبنى ٠٠٠ بس مش معنى انه خطب انه هيسيبك
إيلا ٠٠٠ ليه هو انا هفضل تحت رحمته طول عمرى هو من حقه يتجوز و يخلف و يشوف حياته .و انا أوقف اتفرج عليه
لبنى ٠٠٠ أنتى إللى اختارتى و وافقتى على شروطه الصعبه من الاول
أميرة ٠٠٠ إيلا انا عايزاكى تفكرى كويس
و بعد كده قررى انتى هتعملى ايه
إيلا ٠٠٠ ( بتنهيدة طويله قالت) هحاول .. هحاول
-----------------------------
عندما كانت على وشك تركب سيارتها أمام المطعم شعرت بتقل برأسها لذلك سندت على السيارة
أميرة ٠٠٠ مالك يا إيلا
إيلا ٠٠٠ دوخت فجأة
لبنى ٠٠٠ اكيد ضغطك وطى لما زعلتى
إيلا ٠٠٠ لأ هى الدوخه دى معايا بقالها كام يوم
أميرة ٠٠٠ أكيد رجعتلك الأنيميا تانى
لبنى ٠٠٠ لازم تروحى تعمل تحليل الانيميا
إيلا ٠٠٠ خلاص ياجماعة الموضوع مش مستاهل
أميرة ٠٠٠ يعنى هتقدرى تسوقى العربية
إيلا ٠٠٠ آه عادى انا كويسه
◇◇◇◇◇◇◇◇◇◇□□□□□□□□□□
منزل عمر
=======
بعد ما ناموا الطفلين ذهبت إيلا لغرفتها
هنا لم تعد قادرة على كبت ما تشعر به لذلك أغمضت عينيها و أطلقت العنان لدموعها لكى تعبر على ما بداخلها
مره ساعتين و هى على هذا الوضع لم تكف عن البكاء
لم يهدء الوجع الذى تشعر به
ثم توجهت للمرأه. و نظرت إلى نفسها و شكلها الذى كان فى حاله لا يرثى لها . ذلك سألت نفسها وهى تنظر فى المرأه بصوت عالى وهى تصرخ
إيلا ٠٠٠ أنا ليه عامله فى نفسى كده .. انا كنت عارفه انه هيجى يوم و هيمشى. .... لا لا لا أوعى يا إيلا تكونى حبتى ....لاء أكيد لا انا محبتهوش..
لا مستحيل احب .الحب ده مش للناس إللى زيه ... طيب زعلانه ليه انه خطب .. مايخطب ولا يتجوز هيفرق معاك فى ايه .... فوقى لنفسك عشان خاطر ولادك. انتى أقوى من اى مشاعر واحاسيس كدابه
برغم كلامها لنفسها لتخرج من الحالة التى هى بها إللى انها أصبحت متأكده انها وقعت ضحية للحب هذا العمر
هنا توجهت للفراش و حاولت تنام لكنها فشلت
هنا سمعت صوت فتح باب الغرفة
برغم ما تشعر به من قهر و خيانه إلا أن قلبها ارتجف اول ما شعرت به قريب منها.. لكنها حاولت تتماسك
و طصنعت النوم
عندما أقتربه منها قبلها من جبهتها وقال
عمر ٠٠٠ وحشتينى.. ما كنتش اعرف انى هكون مشتاق ليكى أوى كده.. إيلا. إيلا اصحى
عندما فشل عمر فى ان يجعلها تستيقظ أستلقى بجوارها. و حضنها من ظهرها
◇◇◇◇◇◇◇◇◇◇◇□□□□□□□□□
فى صباح اليوم التالى
أستيقظ عمر من النوم . لم يجد إيلا بجواره. استغرب لانه لأول مرة لم يشعر بها و هى تغادر الفراش ... لذلك نهض يبحث عنها فى الغرفة لكنه لم يجدها ثم بحث عنها فى أركان المنزل لكنه ايضآ لم يجدها ثم قامه بالاتصال بها
لكنها لم تجيب بدء يقلق عليها
ظل ساعتين عمر ينتظر رجوعها للمنزل
هنا سمع صوت فتح الباب
و تدخلت إيلا و الاولاد هنا قال عمر
عمر ٠٠٠ كنتى فين
كريم ٠٠٠ عمر انت جيت امتى
كارما ٠٠٠ عمر شوفت ماما اشترت ليا ايه
عمر ٠٠٠ أه حلوه اوى .. كريم كارما ممكن تدخلوا أوضتكم دلوقتى عايز اتكلم مع ماما
كريم ٠٠٠ حاضر ..يلا كارما
بعد ما انصرفوا الطفلين قال عمر
عمر ٠٠٠ كنتى فين
إيلا ٠٠٠ كنت بشترى هدوم للولاد
عمر ٠٠٠و خرجتى من غير ماتقوليلى
كانت أيلا تعلم ان موجهت عمر أو الاصطدام معه ليس فى صالحها . لذلك جربت معه أسلوب التجاهل أو لامبالاة
إيلا ٠٠٠ عادى يا عمر
عمر ٠٠٠ عادى . ياتره دى أول مره تخرجى من غير ما اعرف . ولا حصل قبل كده
إيلا ٠٠٠ لاء حصل قبل كده . أكيد يعنى الفترة إللى كنت مسافر فيها مش هكون محبوسه فى البيت انا و الولاد
عمر ٠٠٠( بأستغراب قال) أنتى ايه إللى جرالك ايه البرود إللى بتتكلمى بيه ده
إيلا ٠٠٠ سيبك بس من الكلام ده تعالى شوف انا جبتلك ايه
كانت جايبه ليه برفان و ساعة هديه ثم قالت
إيلا ٠٠٠ اتفضل مبروك .. انا قولت ماينفعش تكون خطوبتك. و مراتك ماتجيبش ليك هدية
عمر ٠٠٠ أه كده فهمت . إيلا احنا اتفقنا من الأول ...
قطعت عبارته وقالت
إيلا ٠٠٠ طبعآ طبعآ الاتفاق انا عارفه .من غير
ما تفكرنى. بس حبيت اقول مبروك وبس
عمر ٠٠٠ إيلا ... بلاش الاسلوب ده معايا . و قولى إللى عندك على طول
ابتسمت إيلا وقالت
إيلا ٠٠٠ أنا مش عندى حاجة . عن أذنك أروح اغير هدومى
ثم ذهبت لغرفة النوم وهى بدخلها غضب تحاول السيطرة عليه
دخل عمر خلفها ثم حضنها من ظهرها و قال
عمر ٠٠٠ دى بنت عمى و آنا هتجوزها عشان خاطر بابا
أديكى عرفتى ياريت تقفلى على الموضوع ده خالص متتكلميش فيه تانى . بلاش الهبل إللى عملتى بره ده
إيلا ٠٠٠ على فكره أنا مسألتكش انت حر فى حياتك . ده كان اتفقنا من الأول .بس انا كنت عايزه اعرف ميعاد الجواز .يعنى عشان ارتب حياتى من غيرك.. لأنى اكيد هيبقى ماليش لازمة فى حياتك بعد ماتتجوز
عمر ٠٠٠( قال بتحذير) أنتى مصممه انك تعصبينى مش كده ..
إيلا ٠٠٠ ( قالت ببراءه) هو انا قولت حاجة غلط. و انا مش أخده بالى ..
عمر ٠٠٠ بقولك ايه بلاش شغل الخبث ده معايا أحسنلك .. و بعدين مين قالك ان جوازى هيأثر على حياتك معايا
إيلا ٠٠٠ اه صح ده على اساس انى جماد ماعنديش إحساس مش كده
عمر ٠٠٠ فى يا آيلا انتى مكبره الموضوع ليه
إيلا ٠٠٠ أنت روحت خطبت واحده و آنا على ذمتك
و نشرت الخبر ...و آنا ولا فارقه معاك و كأنى هوا مش موجوده . أد كده انا ماليش اي قيمة فى نظرك
عمر ٠٠٠ إيلا ياريت تقفلى كلام فى الموضوع عشان بجد بدأت أفقد أعصابى
إيلا ٠٠٠ حاضر يا عمر هخرس خالص .. و انت العب بيا زى ما انت عايز
ثم تركته و دخلت الحمام
هنا ألقى بالبرفان و الساعة هدية إيلا على الارض بغضب
بعد خرجت إيلا من الحمام قال عمر بغضب
عمر ٠٠٠ إيلا دى أخر مره اكون بكلم و تسيبنى
و تمشى فاهمه
إيلا ٠٠٠( باللامبالاة قالت) حاضر
اتعصب عمر أكثر من ردها وقال
عمر ٠٠٠ أنتى شكلك عايزانى أرجع أعاملك زى الاول
إيلا ٠٠٠ مش هتفرق عادى
عمر ٠٠٠ طيب طالما مش هتفرق استحملى بقى
هنا اقتربه منها و التقط شفتيها بقبله قويه و عنيف
حاولت إيلا تبعد عنه . ثم قالت بعد أن تركها لتتنفس
إيلا ٠٠٠ ( بخوف قالت) عمر بلاش
عندما رأه عمر خوفها رق قلبه و بدء يقبلها بحب و اشتياق. حاولت إيلا تطصنع الجمود لكنها لم تستطيع
لقد خانها جسدها و أستسلم لمساته التى أصبحت مدمنه عليها
◇◇◇◇◇◇◇◇◇□□□□□□□□□□
فى الفندق فى غرفة ميار
==================
ميار ٠٠٠ انت متأكد يا فطين
فطين ٠٠٠ طبعآ انا عملت زى ما انتى قولتى بعت واحد يراقب البنت .. وهو لسه متصل و قالى انا عمر موجود فى الشقة دلوقتى كمان هو عندها من أمبارح
ميار ٠٠٠ ماشى يا عمر . لما اشوف اخرتها معاك
فطين ٠٠٠ هتعملى ايه
ميار ٠٠٠ ولا حاجة..بس كلنا النهاردة هنروح نسهر عند عمر فى شقته .
فطين ٠٠٠ بس احنا بقالنا فتره طويله مروحناش الشقة دى .
ميار ٠٠٠ و ايه يعنى عادى . ما احنا ياما سهرنا فى الشقة دى لا انت نسيت
فطين ٠٠٠ طيب وعمر مش هيتعصب علينا لما يلاقينا طبين عليه فجأه ..و خصوصآ .ان البنت دى معاه
ميار ٠٠٠ لاء بالعكس عمر طول عمره بيتباهى بعلاقاته مع البنات
فطين ٠٠٠ خلاص يبقى السهره النهاردة عند عمر
فى الشقه
ميار٠٠٠ بس أوعى تقول لمروان لانه ساعتها هيتصل بعمر و يقولو اننا ناوين نسهر عنده
فطين ٠٠٠ تمام .. يلا باااى اشوفك بالليل
◇◇◇◇◇◇◇◇◇◇□□□□□□□□□□
فى المساء
=======
عمر ٠٠٠ خالص بقى يا إيلا .. احنا هنفضل فى النكد ده كتير
إيلا ٠٠٠ و آنا عملت ايه ما انا قاعدة ساكته اهو
عمر ٠٠٠ لأ كده كتير... إنا مش عارف انا ليه صابر عليكى لحاد دلوقتى.. انا أول عمرى ما عملتها مع حد
إيلا ٠٠٠ أنا مش حد انا مراتك
عمر٠٠٠ تصدقى انتى مافيش فايدة فى الكلام معاكى انا اساسآ غلطان انى بحاول اتكلم معاكى بالذوق شكلك اتعودتى ....
قطع عبارته صوت جرس الباب
ثم ذهبت لفتح الباب . أول ما فتحت الباب أتصدمت عندما رأت أمامها ٣ فتيات و شابين يصرخون فى وجهها و يقولون
اصدقاء عمر ٠٠٠ سربرايز عمر
نظرت لهم إيلا بأستغراب لذلك.
إيلا ٠٠٠ انتم مين..
ميار٠٠٠ ( قالت بخبث) انتى اللى مين و بتعملى ايه هنا فى بيت عمر.. اه اكيد انتى الخدامه مش كده
كانت إيلا واقفه وهى ماسكه باب الشقة مش فاهمه ماذا يحدث هنا قال فطين
فطين ٠٠٠ أيه احنا هنفضل وافقين كده ولا ايه
ميار ٠٠٠ أه صح .. انتى وافقه فى وشنا كده ليه وسعى كده
دفعت ميار إيلا و دخلت الشقة وقالت
ميار ٠٠٠ اكيد عمر فى أوضته انا داخل له
توجهت ميار لغرفة النوم أمام إيلا
هنا قالت رودى لإيلا
رودى ٠٠٠ روحى يا شاطره هاتلى أشرب
لم ترد عليها إيلا. بل توجهت لغرفة النوم خلف ميار
غرفة النوم
عمر كان واقف يدخن سيجاره عندما حضنته ميار من الخلف ..ابتسم هو يظن انها إيلا عمر وقال
عمر٠٠٠ أخيرآ عقلتى
ميار ٠٠٠ ليه هو انا كنت مجنونه
عندما سمع عمر صوت ميار لف بسرعة وجهه لها و قال
عمر ٠٠٠ ميار انتى بتعملى ايه هنا
حضنته ميار وهى تقول
ميار ٠٠٠ وحشتنى يا حبيبى
ثم قبلته ميار من خده بحب و عندما كانت على وشك تقبل شفايفه
هنا لمح عمر إيلا التى كانت واقفه مصدومة مما ترى
لذلك بعد عمر ميار عن حضنه . وهو ينظر لإيلا
التى كانت مثل الجثة بوجه شاحب كأن الدماء هربت من جسدها .هى ترى زوجها فى احضان أمرأه غيرها أمام عينها و دون أى خجل
#روايه_الهروب_إلى_المجهول
#الفصل_السادس٠عشر
ميار ٠٠٠ أيه ده ازاى تدخلى علينا أوضة النوم
إيلا ٠٠٠ لما انتى عارفه ان دى أوضة نوم بتعملى ايه هنا
عمر ٠٠٠ (بأرتباك قال)أيلا ميار صديقتى واحنا متعودين على بعض يعنى عادى مافهاش حاجة دى
ميار ٠٠٠ عمر انت بتشرح ليها ليه و مين دى اصلآ
سكت عمر لحظه ثم قال
عمر ٠٠٠ دى إيلا ضيفة عندى فى البيت
صعقت إيلا من وصف عمر لها بأنها مجرد ضيفة
هنا نظرت ميار لإيلا من فوق لتحت بأشمئزاز وقالت
ميار ٠٠٠ أه قولتلى ضيفه ..ياتره دى الضيفة رقم كام
. تعرف يا عمر عمرك ما هتتغير .انت بتغير فى البنات اكتر ما يتغير فى جزمك
شعرت أيلا بألاهانه و الألم من كلمات ميار التى تظنها انها مجرد واحده من رفيقات عمر
هنا نظرت إيلا لعمر وهى تنتظر منه يرد على ميار لكن خاب أملها . عندما ظل عمر صامت لم ينطق بكلمه
هنا قالت ميار
ميار ٠٠٠ على فكره يا عمر الشله كلها معايا هنا تعاله جايين يسلامه عليكم لأنك وجشتهم أوى
ثم مسكت يد عمر وخرجت من الغرفة أمام إيلا التى مازالت واقفه مكانها و كأنها أصابها شلل من ما حدث . لم تكن صدمتها فى كلام ميار لكن صدمتها كان صمت عمر
و لكن كعادة تصنعت القوه و خرجت من غرفة
لكن ما سمعتوا بعد ذلك كان أصعب بكثير
◇◇◇◇◇◇◇◇◇□□□□□□□
عندما خرجت من الغرفة
كانت واقفه أمام الباب الغرفة
حينها سمعت حديث أصدقائه يقولون
فطين ٠٠٠ بقى كده يا صاحبى ترجع من القاهرة من غير حس و لا خبر
عمر ٠٠٠ مين قالكم انى رجعت من القاهرة
نظره فطين لميار وهو لا يعلم بماذا يجيب لذلك قالت
ميار ٠٠٠ ( قالت كاذبة ) فطين كان معدى بالصدفه قدام العمارة شاف عربيتك .. فعرفنا انك رجعت
عمر ٠٠٠ طيب ما أتصلتوش ليه عليا قبل ما تيجوا
ميار ٠٠٠ قولنا نعملك مفاجأه و نيجى نسهر فى الشقه زى زمان.بقالنا كتير ماجناش نسهر هنا .. اهو حتى يبقى تغير
لؤى ٠٠٠ أيه يا عمر انت مدايق اننا جينا نسهر معاك ولا أيه
عمر ٠٠٠ لاء و آنا هدايق ليه . بس ياريت كنتوا قولتوا عشان حتى اعمل حساب لانى معنديش..........
قطع فطين عبارته وهو يقول
فطين ٠٠٠ لاء متشغلش بالك انت انا جايب معايا كل حاجة . عندك البيرة و كونياك
مرام٠٠٠ قولى بس انت عندك مزه ايه
عمر ٠٠٠ هشوف لكم فى ايه هنا
رودى ٠٠٠ هتروح انت بنفسك .... آمال فين البنت
اللى فتحت لينا الباب
ميار ٠٠٠ أه صح ناديها تجيب الكاسات و المزه
لؤى ٠٠٠ صح يا عمر البنت إللى فتحتلنا الباب مش دى البنت إللى شغاله فى الروم سيرفس
فطين ٠٠٠ اه صح مش البنت دى هى إللى كنت عامل عليها رهان مع مروان .. على العموم ياعم مبروك
كان فطين يقصد يباركله انه كسب الرهان واصبحت إيلا من رفيقاته...
اما عمر ظن أنه بيباركله على الخطوبه لذلك قال
عمر ٠٠٠ متشكر عقبالك لم نفرح بيك انت كمان
فطين ٠٠٠ بس انا مقصدش اباركلك على الخطوبه
عمر ٠٠٠ آمال تقصد تباركلى على ايه
فطين ٠٠٠ على الوجه الجديد .. أسمها إيلا مش كده وتعرف انا مصدقتش نفسى لما لقيتها بتفتح الباب
واللهى انا قولت ان ماحدش يقدر يجبها غير عمر القاضى
لؤى ٠٠٠ صح يا عمر انا استغربت أول ما شوفتها
بصراحة شابو ليك بجد برافو .. البنت دى كانت رأسها ناشفه خالص .. انت قدرت عليها ازاى دى
فطين ٠٠٠ اكيد دفعت فيها كتير .بس بصراحه البنت تستاهل
شعر عمر بضيق من كلامهم لذلك قال بعصبية
عمر ٠٠٠ فطين تعرف تسكت و بعدين فى ايه هو انتم جايين تسهروا معايا ولا تتكلموا عليها .
كان كلامهم مثل السكين الذى يغرز فى صدر إيلا التى كانت واقفه تشاهد و تسمع كل ما يحدث بقهر و أسى
هنا رأت ميار أيلا واقف تنظر لهم بغضب لذلك قالت
ميار ٠٠٠ عمر عنده حق أحنا هنضيع سهرتنا فى الكلام عن حاجة متستاهلش
هنا و بضيق فتح عمر زجاجة بيرة و بدأ بشرب منها
لذلك قالت ميار وهى تنظر لإيلا
ميار ٠٠٠ اسمعى يا اسمك ايه انتى هاتى لينا كاسات
هنا أنتبه عمر لآيلا التى كانت واقفه بوجه شاحب غير مستوعب كل ما سمعتوا
كانت تشعر بنار تسرى في سائر جسدها ان أطلقتها سوف تحرق الاخضر و اليابس
لكن كعادتها حاولت أن تظهر عكس ما بداخلها
لذلك قالت وهى تتوجه لغرفة الطفلين
إيلا٠٠٠ أسمى إيلا. إيلا تمام و آنا هنا مش خدامه عندك تمام
لو محتاجه كاسات عشان تشربى القرف ده يبقى هزى طولك و روحى هاتى لنفسك زى الشاطره كده
ميار ٠٠٠ أنتى تطولى تكونى خدامه عندى ده شرف ليكى ..أوعى تكونى نسيتى نفسك.. انتى مش اكتر من واحده كانت شغاله فى الروم سيرفس. يعنى اخرك تمسحى الحمامات ورانا
هنا ضحكوا جميعآ
أما عمر يشعر بأنزعاج لكنه لم يتدخل
هنا قالت إيلا
إيلا ٠٠٠ عندك حق .و كويس انك فكرتينى بنفسى
هنا أبتسمت ميار بخبث وقال
ميار ٠٠٠ خلاص .. يلا روحى هاتى الكاسات
عمر ٠٠٠ ( قال بضيق) إيلا ادخولى انتى جوه
و آنا هجيب الكاسات
إيلا ٠٠٠( بسخريه قالت) لاء و دى تيجى خليك حضرتك مستريح الروم سيرفس هى إللى هتجيب الكاسات
ذهبت إيلا للمطبخ ثم رجعت و معاها الكاسات
هنا اقتربه منها فطين ليأخذ الكاسات منها لكن إيلا منعتوا وقالت
إيلا ٠٠٠ لاء عنك انت انا إللى هصب للهانم
ثم ملأت إيلا الكأس لميار وقالت بشر
إيلا ٠٠٠ اتفضلى يا هانم
مدت ميار يدها لتأخذ الكأس .. لكن إيلا ألقت
ما بداخل الكأس على و جه ميار
هنا أتصدم الجميع من ما فعلتوا ايلا
أما ميار صرخت بغضب وهى تقول لإيلا
ميار ٠٠٠ أيه إللى عملتيه ده يا حيوانه .. انا هربيكى و اعرفك ازاى .....
قطعت إيلا عبارتها وقالت بتحذير
إيلا ٠٠٠ أقسم بالله كلمه تانى و همسح بيكى بلاط الشقه كله .. انا لحاد دلوقتى مش عايزه أوريكى
إللى كانت بتمسح الحمامات ممكن تعمل فيكى
رودى ٠٠٠ لاء ..ده انتى قليلة الأدب . و عايزه
قبل ان تكمل عبارتها نظرت إيلا لها بغضب وقال
إيلا ٠٠٠ مين إللى قليلة الأدب ياروح امك .
هنا توترت رودى من نظرت إيلا و رجعت للخلف وهى تقول بأرتباك
رودى ٠٠٠ أنتى أزاى تجيبى سيرة مامى على لسانك
إيلا ٠٠٠ بت انتى ياريت تخرسى .أحسنلك
أستغرب عمر من أسلوب و طريقة كلام إيلا
لذلك قال
عمر ٠٠٠ إيلا انتى اتجننتى ..ايه إللى حصلك
إيلا ٠٠٠ يا راجل حمدالله على السلام انت لسه فاكر تتكلم
اتعصب عمر من طريقة كلام إيلا. و خصوصآ امام أصدقائه
عمر ٠٠٠ إيلا أنتى نسيتى نفسك ولا ايه
ميار٠٠٠اطرد البنت دى حالآ من هنا بدل ما أطردها انا
إيلا ٠٠٠ اتفضل يا عمر بيه . اطردنى مستنى ايه اسمع كلام الهانم و اطردنى
ميار ٠٠٠ أيه البجاحه دى
إيلا ٠٠٠ قولتلى بجاحة .. غريبة ان واحده زيك بتتكلم على البجاحة. وانتى المثل الحي للبجاحة نفسها
ميار ٠٠٠ لأ بقى احترمى نفسك . احسنلك فاهمة
إيلا ٠٠٠ تعملى ايه يعنى اخرك هاتيه
هنا صرخ عمر فيهم و قال
عمر ٠٠٠ اسكتوا انتم الاتنين
تصنعت ميار البكاء و قالت
ميار ٠٠٠ عمر انت بتزعقلى عشان واحده زى دى
إيلا٠٠٠ بقولك ايه ما بلاش سهوكة البنات دى مش رايقه عليكى حتى
هنا عمر أقتربه من إيلا شدها من ذراعها بقوه
و دخل غرفة النوم و أغلق الباب خلفوا
هنا قالت إيلا
==================
إيلا ٠٠٠ سيب ايدى انت سحبنى وراك كده ليه
عمر ٠٠٠ ( بغضب قال) أيه إللى عملتيه بره ده
آيلا ٠٠٠ المفروض انت إللى تقولى ايه إللى انا سمعتوا بره ده
عمر ٠٠٠ مالكيش فيه . اي حاجة سمعتيها مالكيش فيها
إيلا ٠٠٠ انت ازاى كده . ازاى قادر تسمع أهانات مراتك و انتى عادى كده ..
عمر ٠٠٠ واطى صوتك وانتى بتتكلمى معايا فاهمه
إيلا٠٠٠خايف يسمعوا ان البنت بتاعت الروم سيرفس تبقى مراتك مش كده
مسكها من معصمها بقوة حتى شعرت أن يديها سوف تنكسر من قوة قبضت يده وهو يقول
عمر ٠٠٠ عمر القاضى مابيخافش من حد فاهمه..
كمان انا اعمل إللى انا عايزه انا حره فاهمه
إيلا ٠٠٠ اعمل إللى انت عايزه بعيد عنى مش فى بيتى مش فى أوضتسة نومى
عمر ٠٠٠ لو قصدك إللى حصل من ميار فى أوضة هنا فده عادى بينا
إيلا ٠٠٠ يعنى تحضنك و تبوسك و تقولى عادى
عمر ٠٠٠ أه عادى .. ياريت و بلاش بقى تفكير الرجعى و متخلف ده
إيلا ٠٠٠ تمام يعنى انا لو طلعت دلوقتى بره وحضنت و بوستك صحابك الولاد يبقى عادى .قو........
قبل انا تكمل عبارتها صفعها عمر على وجهها يقوة ثم رماها على الفراش و قال بغضب
عمر ٠٠٠ لو نطقتى بكلمة زى دى تانى اقسم بالله
يا آيلا هقتلك فاهمه
قال جملته و توجه للباب الغرفة و كان على وشك الانصرف حينما قالت إيلا بدموع
إيلا ٠٠٠ إللى مترضهوش على نفسك مترضهوش على غيرك.
سمع عمر ما قالتو إيلا ثم غادر الغرفة لأصدقائه
======================
اول ما خرج من الغرفة قالت ميار
ميار ٠٠٠ راحت فين طردتها مش كده
عمر ٠٠٠( بعصبيه قال) ميار خلاص بقى . انهى الحوار ده
فطين ٠٠٠ فى ايه يا عمر متعصب ليه
عمر ٠٠٠ و انت كمان هتعصبنى ليه
رودى ٠٠٠ كله من البنت بتاعت الروم سيرفس
عمر ٠٠٠(بصراخ قال) انا قولت مش عايز كلام فى الحوار ده تانى فاهمين
ميار ٠٠٠ خلاص يا عمر مدايقش نفسك انت
عمر ٠٠٠ خلاص يا جماعة انا ماليش مزاج للسهر النهاردة
فطين ٠٠٠ ليه بس يا عمر الليل لسه فى أوله
عمر ٠٠٠ قولت ماليش مزاج
ميار ٠٠٠ عمر طيب تعاله نروح نسهر فى البار
مرام٠٠٠ اه يلا يا عمر خلينا نسهر كلنا سوا
فطين٠٠٠خلاص بقى يا عمر يلا نعوض سهرة النهارده
عمر ٠٠٠ تمام يلا بينا
غادروا جميعآ من المنزل
عندما سمعت إيلا صوت فتح و غلق باب المنزل علمت انهم غادروا
لذلك بدأت تصرخ بوجع و قهر ..وهى تتذكر عندما كانت ميار فى أحضان عمر . تتذكر أيضا كلمات أصدقاء عمر عليها . انها كانت مجرد رهان بين عمر و مروان
هنا مسحت إيلا دموعها . هى تقول لنفسها يكفى ما حدث لقد تحملت فى طاقتى لذلك لابد أن انهى هذه العلاقه التى لم تحلب لها غير الإهانات و الوجع
هنا توجهت إلى غرفة الطفلين وقالت
إيلا ٠٠٠ كريم كارما يلا قوموا كريم يلا يا حبيبى اصحى
بصعوبه أستيقظ كريم . انما كارما ظلت نائمة
لذلك حملت إيلا كارما و مسكت كريم و أخذت بعض ملابس الطفلين
و غادرت من المنزل
◇◇◇◇◇◇◇◇◇◇◇◇◇□□□□□□□
فى منزل الفتيات
===========
فتحت أميرة بعد ما سمعت صوت طرق الباب
ثم قالت بأستغراب
أميرة ٠٠٠ إيلا فى ايه .. و اية إللى جاب فى الوقت المتأخر ده
إيلا ٠٠٠ طيب ممكن ادخل بعد كده نتكلم
أميرة ٠٠٠ معلش اتلخبط أدخلى .. ممكن أعرف فى ايه .. و عينك حمره ليه انتى كنتى بتعيطى
إيلا ٠٠٠ هدخل الولاد يناموا الأول بعد كده نتكلم
وضعت الولاد فى الفراش ثم قالت أميرة
أميرة ٠٠٠ ما تتكلمى بقى يا إيلا أعصابى باظت
إيلا ٠٠٠ أنا قررت اسيب عمر
أميرة ٠٠٠ عشان حوار الخطوبة
إيلا ٠٠٠ ( بتنهيدة طويل قالت) ياريت كانت على الخطوبه و بس
أميرة ٠٠٠ آمال فى ايه تانى
حكت إيلا كل ما حدث لأميرة و هى تبكى على حظها التعس
إيلا ٠٠٠ أنا شوفت كتير فى حياتى . بس عمرى ما حسيت بأهانه دى ولا بوجع ده حاسة انى بتقطع من جوايا انا تعبانه أوى .يا اميرة الوجع أكبر منى
هنا خضنتها أميرة وهى تقول
أميرة ٠٠٠ ششش خلاص اهدى . دموعك دى خساره فيه . قومى يلا اغسلى وشك ومتفكريش فيه
إيلا ٠٠٠ ياريت بأيدى .. و آنا اشيله من جوايا
أميرة ٠٠٠ حبتي يا هبله
إيلا ٠٠٠ غصب عنى . والله غصب عنى .. انا معرفش ازاى و امتى حبيته . اعمل ايه فى حظى بقى
أميرة ٠٠٠ خلاص إللى حصل حصل نصيبك كده
إيلا قومى نامى
◇◇◇◇◇◇◇◇◇◇◇□□□□□□□□□
منزل عمر
=======
رجع عمر المنزل الساعة ٤ بعد منتصف الليل
و دخل غرفة النوم كعادة لكنه أستغرب أن إيلا مش موجوده فى الغرفة .ظن انها نايمه فى غرفة الطفلين
و لأنه كان مجهد أستلقى على الفراش و نام
◇◇◇◇◇◇◇◇◇◇◇□□□□□□□□
صباح اليوم التالى
منزل الفتيات ٠
===============
لبنى ٠٠٠ أميرة قالتى على كل حاجة.. قوليلى انتى عامله ايه دلوقتي
إيلا ٠٠٠ أهو عايشه
لبنى ٠٠٠ طيب سيبى الولاد مع ماما و تعالى اعزمك على الفطار
إيلا ٠٠٠ و نبى انتى فايقه و رايقة
لبنى ٠٠٠ يلا بس أسمعى الكلام.
إيلا ٠٠٠ هو انتى مش عندك شغل
لبنى ٠٠٠ النهاردة الجمعة أجازة .. يلا يا إيلا بالله عليكى
إيلا٠٠٠ حاضر
◇◇◇◇◇◇◇◇◇◇◇□□□□□□□□
فى مطعم للمأكولات الشعبيه
===================
لبنى ٠٠٠ فى ايه يا إيلا كولى
قالت بقرف
إيلا ٠٠٠ لأ رايحة الأكل هنا صعبه أوى
لبنى ٠٠٠ لاء رايحة عادية.. بعدين ما انتى بتحبى أكل المطعم ده
إيلا ٠٠٠ مش عارفه حاسة انى عايزه ارجع
لبنى ٠٠٠ تحبى نقوم
إيلا ٠٠٠ ياريت لانى مش طايقه رايحة الأكل
لبنى ٠٠٠ طيب يلا نمشى
انصرفوا من المطعم هنا قالت إيلا
إيلا ٠٠٠ تعالى نتمشى شويه
لبنى ٠٠٠ يلا . قوليلى ناويه تعملى ايه
إيلا٠٠٠ ناويه إبدء حياتى من جديد
لبنى ٠٠٠ و عمر هيسيبك
إيلا ٠٠٠ هيعمل ايه يعنى . انا سيبت له كل حاجة الشقة و العربية و الموبايل و حتى الهدوم إللى اشتراها ليا
لبنى ٠٠٠وانتى يا إيلا هتقدرى تعيشى من غيرو بعد ما اتنيلتى وحبتى
إيلا ٠٠٠ مع الوقت هتعود و هعيش من غيرو. زى ما كنت عايشه قبل ما يظهر فى حياتى
هنا رأت صيدلية أمامها وقالت
إيلا ٠٠٠ أستنى أجيب حاجة من الصيدلية لمعدتى
لبنى ٠٠٠ مالها معدتك
إيلا ٠٠٠ تعبانى بقالها كام يوم شكلى اخده برد فيها
هنا دخلت إيلا الصيدلية وقال للدكتوره
إيلا ٠٠٠ لو سمحتى يا دكتوره عايزه حاجة لمعدتى
الدكتوره ٠٠٠ عندك ايه
إيلا ٠٠٠ عندى ألم فى معدتى .. نفسى غامة عليا وعلى طول عندى احساس انى و عايزه ارجع
الدكتوره ٠٠٠ طيب فى دوخه
إيلا ٠٠٠ أه يا دكتوره
الدكتوره ٠٠٠ أنتى مدام مش كده
استغربت إيلا من السؤال و نظرت إلى لبنى .
بينما لبنى فهمت ما تقصد الطبيب لذلك قالت
لبنى ٠٠٠ أيوه هى متجوزه
هنا سألتها الطبيب بعض الأسئلة الشخصية
وعندما جاوبت عليها إيلا قالت الطبيبه
الدكتوره ٠٠٠ شكلك حامل لان إللى عندك أعراض حمل
إيلا ٠٠٠ لاء مش ممكن انا باخد برشام منع الحمل
الدكتور ٠٠٠ و انتى كنتى بتخدى البرشام منتظمة
إيلا ٠٠٠ آه. بس ممكن نسيته مره أو مرتين بس
الدكتور ٠٠٠ على عموم .. اعملى الاختبار الحمل وشوفى
اخذت أيلا الاختبار و خرجت من الصيدلية بصمت
هنا قالت لبنى
لبنى ٠٠٠ فى ايه يا إيلا صلى على النبى كده
إيلا ٠٠٠ عليه الصلاة والسلام .. تفتكرى انى ممكن اكون حامل ٠٠ لاء . اكيد لاء مستحيل . هى المصايب بتيجى وراه بعضها ليه كده
لبنى ٠٠٠فى ايه يا إيلا انتى عامله فى نفسك كده ليه حتى لو كنت حامل ايه المشكله يعنى
إيلا ٠٠٠ المشكلة ان فى اتفاق. بينى و بين عمر
لو حصل حمل لازم انزلو فورآ
لبنى ٠٠٠ لأ إله إلا الله.٠٠ ايه يابنتى إللى بتقولى ده
وانتى ازاى توافقى على حاجة زى كده
إيلا ٠٠٠ أهو وافقت وخلاص بقى .. ان شاء الله مش هكون حامل ان شاء الله
◇◇◇◇◇◇◇◇◇◇◇◇◇□□□□□□□
فى منزل الفتيات
===========
أول ما دخلت إيلا المنزل ذهبت للحمام فورآ
وعملت الاختبار وعندما ظهرت النتيجة
الدنيا اسودت فى وجهها.. وهى خارجه من الحمام
و ماسكه الاختبار فى يديها و هى تقول و تردد
إيلا ٠٠٠ يا نهار أسود و مهبب .يا نهار أسود و مهبب
يتبع
رأيكم
هل بالفعل إيلا حامل و ماذا سيفعل عمر عندما يعلم
هل هتنفصل إيلا عن عمر
ماء سيفعل عمر عندما يعلم ان إيلا تركت المنزل
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق