رواية عشق ايام الطفوله البارت الحادي والعشرون والثاني والعشرون 21ــ22 بقلم ميرفت محمد حصريه وجديده على مدونة النجم المتوهج
 |
مالك بحيره:امال حور راحت فين قطع تفكيره صوت وصول رساله وكانت الرساله عباره عن صور لحور وسليم وهو ماسك ايديها وقاعدين في الكافيه
نظر مالك للصور بصدمه وعدم تصديق وقرر انه يكلم حور
حور كانت راكبه تاكسي وفي الطريق لسه و بتفكر في كلام سليم قطع تفكيرها رنت تلفونها برقم مالك نظرت حور للتلفون بخوف ليكون مالك عرف وردت
مالك: الو
حور بتوتر: الو انت روحت
مالك: انتي فين ؟
حور بخوف : اانا لسه سايبه عليا دلوقتي وفي الطريق مروحه
مالك: تمام
حور بتوتر: مالك انت كويس؟
مالك بابتسامه حزينه وانكسار: ايوه كويس جداا.. سلام وقفل
حور: هو عرف ولا اي؟ ربنا يستر
حور روحت وخبطت وخالتها فتحت لها
فاطمه: اتأخرتي ليه يابنتي
حور وهي بتدخل: كان ورايا مشوار يا خالتي و... اتصدمت لما لقت مالك قاعد في الصاله
فاطمه: الدكتور مالك قاعد مستنيكي
نظرت حور بخوف لمالك اللي نظراته مكنتش مبشره بالخير
***********************
عند علي وعليا
علي قفل مع مالك ومستغرب ليه مالك صوته اتغير لما عرف انه مع عليا
عليا: مالك ياعلي في حاجه
علي بانتباه: لا مفيش .. بس اي الحلاوة دي
عليا بدلع: عجبتك؟
علي: عجبتني بس
عليا: طب يلا بطل كلام يلا علشان ننزل نشتري فستان الفرح .الفرح بعد بكرا
علي: طيب ياحجه مستعجله علي اي . ونزلوا
علي وعلي قضوا وقت ممتع مع بعض وعليا اشترت فستان جميل بس طبعا رفضت ان علي يشوفه
عليا: انت هتفضل مضايق كده يالولي
علي باستنكار: لولي؟! بدلعي بنت اختك
عليا ضحكت
: دكتور علي
علي بمرح: اوباا اي الصاروخ ده
: انت مش فكرني انا سندي
علي: هو انتي تتنسي بردو
عليا ضر*بته في كتفه بحده: اتلم
علي لعليا وهو ينظر لساني : اي اتعلمي من الحلويات الرقه مش جعفر ده انا كتفي اتخلع
ساندي ضحك: لسه دمك خفيف يادكتور بصراحه انت احلي دكتور شوفته في حياتي
عليا: شكلك مش هتشوفي تاني
ساندي: انت لسه زي ما انتي يادكتورة عليا
عليا: مالي بقا ان شاء الله
علي بهمس : نكديه
عليا المره دي ضربته في بطنه
علي بألم: ااه
ساندي بخضه : مالك ياعلي
عليا بخضه مصطنعه: مالك ياحبيبي
علي بألم وهو ينظر لعليا بغيظ: مفيش
ساندي: طب عن اذنكوا بقا علشان اتأخرت علي اصحابي اكيد هنتقابل تاني يادكتور علي
علي : اكيد
ساندي مشت وعليا نظرت لعلي بدموع ومشت
علي وهو بيجري وراها ومسك ايديها : يخر*بيتك انتي زعلتي
عليا بدموع: سبني
علي: لا طبعا مش هسيبك
عليا: اي اللي جبرك علي النكديه روح ياحبيبي للفرفوشه
علي: النكديه دي في قلبي
عليا وهي بتخبطه في صدره: كداب
علي برفع حاجب : ايدك طولت
عليا بغرور مصطنع: هتعمل اي يعني
علي بخبث : لا هعمل بس مش هنا
عليا بغباء : امال فين
علي بنفاذ صبر : امشي قدامي
عليا: لا انا لسه زعلانه
علي: امممم طب اصالحك ازاي
عليا: معرفش
علي: طب لما تعرفي بقا ابقي حصليني سلام ومشي وسبقها علي العربيه
عليا بصدمه : يخر*بيتك ده سابني استني يالا
( هل هدوم السعاده؟ )
*******************
كانت واقفه وبتحاول تخفي توترها وخوفها
حور بخوف : مالك حبيبي انت بتعمل اي هنا
مالك بجمود:اي مجيش
حور: لا طبعا مش قصدي انا بسأل بس انت مقولتش انك جاي
مالك: هو انتي كنت مع عليا ليه
حور: مش فاهمه
مالك: يعني اي اللي خرجك معاها
حور وهي لم تنظر الي عينه : عادي يامالك
مالك وهو بيقرب منها: زمان واحنا صغيرين كنت اول ما تعملي عمله وتخافي مني كنت بتخافي توريني وشك وتقعدي تبصي علي كل حاجه ما عدا عينيا .عامله اي يا حور ؟
حور بخوف: عامله اي يعني يامالك مش فاهمه ما انا كويسه قدامك اهو
مالك : يعني انتي مش عامله حاجه وخايفه تقوليها ليا
حور سكتت ومردتش جوها رعب من انها تقوله او يكون هو عارف
مالك: يعني انتي كنتي مع عليا
حور مردتش وكانت بتنظر في الارض وكانت بتفرك في ايديها بخوف
مالك بتكمله: بس غريبه يعني انا لسه قافل مع وعلي دلوقتي
نظرت له حور بخوف
مالك: وقالي ان هو مع عليا اصلا وهيخدها وينزلوا .. قعد افكر واقول طب ازاي حور قالت انها مع عليا وعليا اصلا مع علي.. لحد ما جت ليا الصورة دي
طلع مالك فونه وراها الصورة اللي سليم بعته له
حور دموعها نزلت وعرفت ان سليم عمل كده علشان يوقع بينها وبين مالك وان مالك مستحيل يصدقها
مالك: هتفضلي ساكته
حور دموعها كانت بتنزل وساكته
مالك بجمود: تمام ولسه هيمشي
حور ببكاء مسكت ايده وقالت برجاء: مالك اسمعني
مالك : امال انا كنت بعمل اي مانا كنت هسمعك سبت ليكي بدل الفرصه عشره علشان تردي عليا وانا اسمعك سألتك بدل المره عشره .بس هو سؤال هل حتي بعد ما اسمعك هل ده هيغير حاجه
حور ببكاء: ايوه والله هيغير انا مروحتش قبلت سليم علشان بحبه او علشان ما بينا حاجه هو اللي جالي امبارح وطلب مني اني اقبله
مالك قاطعها: ااه وروحتي قابلتيه ما هو ازاي ترافضي له طلب
حور بدموع: مالك ...
مالك بيحاول يخفي دموعه وقال بجمود: للاسف ياحور زمان وعدنا بعض ان مهما يحصل اكيد هنبقا لبعض مهما يحصل واننا هنحارب ونقف في وش اي حد بس شكل ان ده كان كلام اطفال. لما بعدتي في حاجات كتير اتغيرت اولها اننا مننفعش لبعض.انا هعتبر اصلا ان مرجعتيش من السفر هفضل افتكرك بس هفتكر حور الطفله اللي كان عندها خمس سنين مش حور اللي واقفه قدامي دلوقتي.. عن اذنك
مالك مشي وحور انهارت علي الارض وكلامه كله بيتردد في عقلها يعني اي حب حور ومالك خلص يعني اي حبهم ووعدهم كان كلام اطفال مكنتش مصدقه اللي حصل خالتها دخلت عليها خالتها كانت بتسمع الكلام من اوله اخدت حور بالحضن وفضلت تهدي فيها وبتدعي في سرها ان ربنا يهدي الحال بينهم
**************************
عند مالك كان بيسوق عربيته بحزن و دموعه كانت بتنزل مكنش مصدق اللي حصل مش مصدق ان ممكن قصة حبهم تنتهي كده كان ديما بيستناها ترجع علشان يتجوزه ويعيشه حياة سعيده لكن تقريبا الحياة مش عايزه تضحك له اول ما رجعت حور وقصة حبهم انتهت اتمني لو ما كنتش رجعت اصلا وفضل يحبها من غير ما تجرحه وصل بيته وهو حالته مكنتش كويسه
امه اول ما شافته شهقت بخضه: مالك ياحبيبي فيك اي؟
مالك بحزن: مفيش حاجه ياامي انا كويس عن اذنك هنام
سعاد: مالك ياضنايا تعالي اشكيلي
مالك نظر لأمه بحزن نفسه يحكلها بس شئ جواه منعه : معلش ياامي ده اكيد ضغط الشغل هنام وبكرا هبقي كويس
سعاد: ماشي ياحبيبي ربنا يريح بالك ويطيب خاطرك يابني
نظر لها مالك بشبه ابتسامه وطلع
مالك دخل ينام واول ما حط دماغه علي المخده افتكر كل ايامه الحلوه مع حور
(مالك كلام حور طمنه وقال بحب:وحشتيني
حور بصدمه :اي
مالك قرب منها وقال بحب:كنتي خايفه ليه وكنتي عايزه تمشي
حور:كنت خايفه تزعق ليا
مالك:وازعق ليكي ليه
حور:فاكر لما سليم كان بيجي هنا كنت علطول بتتعصب عليا وبنتخانق فاقولت امشي احسن
مالك:لا مش هنتخانق علشان عارفه ان كلامه كله هب*ل ومش حقيقي علشان انتي بتحبيني انا مش كده
حور:طبعا)
( حور بتنهيده:السنين عدت حد كان بفكر ان مالك وحور الاطفال يكبروا ويفضلوا يحبوا بعض
مالك:انهم يكبروا ممكن ماشي متخيلش لكن يفضلوا يحبوا بعض ده اكيد
حور:ياسلام ده المفروض العكس
مالك:لاطبعا الحب عمره ما بيموت وخصوصا بقا حب مالك وحور ده حب خاص
حور ببتسامه:ياسلام
مالك وهو بيقرب منها:امال عندك شك
حور وهي بترجع لورا :اي ده انت بتقرب كده ليه ابعد
مالك:لا
حور:مالك مامتك ولا اختك يدخلوا)
مالك اتنهد بحزن وانكسار ونام
عدا الليل بأوجاعه وحزنه لبعض وفرحه لبعض وحل الصباح الذي يحمل كثر من التوقعات
يتبع
ياترا اي اللي هيحصل حكاية حور ومالك كده خلصت ولا حاجه هتحصل ؟
و سليم هيعرف يخلي حور تحبه ولا لا طب وقمر موقفها هيبقي اي؟
ليلي وصقر هيفضلوا كده وصقر هيعرف يرجع حبه ازاي
توووووقعاتكم👀
#البارت_22
عدا الليل بوجعه وحزنه لبعض وفرحه لبعض اخر
مالك صحي من بدري صلي فرضه ولبس علشان يروح الشغل وكان في حاله من الجمود وفعلا ولا كأن مالك اللي كان منهار امبارح لقا مامته بتحضر الفطار
سعاد ببتسامه: صباح الخير ياحبيبي
مالك وهو يقبل يديها : صباح الخير ياامي
سعاد: بقيت احسن ياحبيبي
مالك وهو بيقعد علشان يفطر: احسن ازاي يعني ياامي
سعاد: يعني ياحبيبي انت كنت امبارح تعبان لما جيت من برا
مالك بجمود : لا ياامي انا مش تعبان انا كويس.. هي ليلي فين
سعاد: ليلي لسه نايمه مش بتنزل الشغل دلوقتي انت اللي نازل بدري مش عارفه اي النشاط ده
مالك: الشغل بقا ياامي
ليلي : صباح الخير
مالك وسعاد: صباح النور
ليلي بغمز : اي يا لوكا الشياكه دي
مالك : انا طول عمري شيك ياحبيبتي
ليلي: ااه انت هتقولي
سعاد: ممكن الشياكه دي علشان ست حور ولا حاجه
مالك بتنهيده: طب انا هنزل بقا عن اذنكم
سعاد: ياحبيبي انت مكملتش اكلك
مالك: معلش ياامي اتأخرت عن اذنكوا ومشي
سعاد لليلي : هو في اي ماله ده كان راجع امبارح حالته ميعلم بيها الا ربنا ودلوقتي نزل من غير ما يفطر هو في اي
ليلي بشرود: مش عارفه ياماما اصل انا امبارح كنت في ...( ليلي سكتت لانها مكنتش عايزه تقول لمامتا انها بتخرج مع صقر لانها هتزعل وهتقول لمالك و اكيد مالك مش هيرضي بكده وهيمنعها تروح الشغل وهي برده مش متأكده هل هي حور ولا حد شبها هي مش عايزه تظلمها لانها متأكده ان حور بتحب مالك ومستحيل تحب غيره)
سعاد: سكتي اي امبارح اي؟
ليلي:لا ياماما ده انا بقول امبارح كان يوم متعب في الشغل برده عن اذنك هقوم البس علشان اروح الشغل
ليلي راحت علشان تلبس وسعاد دعت لأولادها ان ربنا يصلح حلهم
****************
مالك تلقائي راح لبيت حور واستغرب نفسه رايح ليه بس قال ممكن يكون اتعود علشان كل يوم كان بياخدها معاه بس سخر من نفسه وراح علي شغله
مالك قضي يوم متعب في الشغل دخلت عليه الممرضه
الممرضه دكتور مالك
مالك: خير في حاجه
الممرضه : لا بس الدكتور حور مجتش النهارده وفي حالات كتير محتاجينها
مالك بغضب: بدأنا بقا شغل عيال هو مفيش دكتور اطفال في المستشفي غيرها
الممرضه: ايوه يادكتور
مالك : طب بصي هديكي رقمها رني عليها وقوليلها يااما تيجي يااما تقدم استقالتها ونشوف دكتور غيرها
الممرضه اخدت الرقم واتصلت بحور وقالت لها نفس كلام مالك
الممرضه لمالك: الدكتورة حور قالت انها تعبانه النهارده وانها مش هتقدر وان شاء الله هتيجي بكرا
مالك فكر انها قالت كده علشان بتتهرب منه فقال بغضب: الكلام ده لو هيا شغاله في محل بقاله هي دكتور وفي مرضي محتاجنها هنقول لهم معلش اصل الدكتورة بتدلع
الممرضه : ايوه يا دكتور بس هي قالت انها تعبانه وفعلا وصوتها كان تعبان
مالك بقلق : اممم طب اعتذري للمرضي وقولي لهم ان الدكتورة تعبانه ومش هتقدر تيجي
الممرضه: تمام ومشت
مالك بتنهيده حزينه: ااه من ياحور مش عارف ازعل منك همو*ت واجي اطمن عليكي.
★**************★
عند حور
حور بغيظ : ماشي يامالك بقا بتقول لو مجتش المستشفي اقدم استقالتي وهتشوف دكتور غيري ماشي
فاطمه : عامله اي ياحور ياحبيبتي
حور بابتسامه حزينه: كويسه ياخالتو
فاطمه: يارب ديما ... عايزه الحق ياحور
نظرت لها حور بانتباه
فاطمه : انتي اللي غلطانه
حور بندم ودموع: طب مانا عارفه ياعمتو اني غلطانه غلطانه لما قبلت سليم بس انا كنت رايحه علشان اقول له اني بحب مالك وانه يبعد عني
فاطمه: كنت قولي حتي لمالك
حور بانفعال: اقوله اي ياخالتو ده لما بيسمع اسمه بس بيتجن*ن امال بقا لما اقوله انا رايحه اقابله
فاطمه: ياحبيبتي انتي المفروض مكنتيش قابلتيه اصلا ااهو انتي روحتي قابلتيه استفدتي اي غير ان مالك زعل
حور: اهو اللي حصل
فاطمه: طب بصي روحيله واعتذري له
حور ببكاء: ده بيقول ان كل حاجه بنا انتهت يا خالتو بيقول انو هينساني
فاطمه ببتسامه: حب ايه ده اللي يتنسي في يوم ومن اول غلطه مفي الكلام ده هتلاقيه بس علشان زعل منك مش اكتر بكرا روحي شغلك وتتكلم معاه وعرفيه الحقيقه
حور: ماشي يا خالتو
فاطمه: يلا علشان ناكل
حور : يلا
بعد شويه جرس الباب رن حور فتحت ولقت
حور بصدمه:******
★****************★
عند ليلي وصقر
تسنيم : ليلو
ليلي : نعم
تسنيم: صقر بيه عايزك
ليلي: عايزني انا
تسنيم : امال انا
ليلي : متعرفيش عايزني في اي
تسنيم : لا شكلك عملتي مصيبه يانوسه
ليلي بسخريه: ههه خفه لما اروح اشوفه عايز اي
ليلي راحت تشوف صقر وخبطت وسمعت صوته من جوه يسمح لها بالدخول
ليلي: نعم يا صقر بيه
صقر برسميه: تعالي يا ليلي
ليلي قربت منه : نعم
صقر بحب: وحشتيني
ليلي برفع حاجب : والله يعني انت جايبين هنا علشان تقولي كده
صقر : لا طبعا انا عايزه تترجميلي ده
واعطاها ورقه تترجمها
ليلي باستغراب : ده ايطالي
صقر : الله عليكي ترجمهولي بقا
ليلي بسخريه : ايه ده صقر بيه ميعرفش ايطالي
صقر : شوفتي!
ليلي: وهو مفيش غيري في الشركه يعرف ايطالي
صقر : شوفتي !
ليلي : هو اي اللي شوفتي شوفتي اشوف اي ؟
صقر : يلا يا ليلي ترجمي يلا ورايا شغل
ليلي بضيق: طيب
ليلي بدأت تترجم وصقر اصلا مكنش مركز في اللي بتقوله كان كل تركيزه معاها هي هو بيعرف ايطالي بس قال كده علشان تقعد معاه
ليلي لحظت انه مركز معاها ومس مركز في كلامها
ليلي: خير
صقر بعدم فهم: اي؟
ليلي: بتبص ليا كده ليه ركز في اللي بقوله
صقر: يعني اركز والقمر ده كله قاعد قدامي
ليلي وهي بتقوم: طب عن اذنك بقا
صقر باستغراب : رايحه فين
ليلي: لما تخلص تأمل وسرحان هاجي
صقر : خلاص ياحجه اقعدي
ليلي برفض: لا عن اذنك
فجأة الباب فتح دخل حد
: صقور
ليلي: اهي عروسة المولد جت
صقر وهو بيكتم ضحكته: تعالي يا هايدي
هايدي بقرف وهي بتنظر لليلي ويتوجه كلامها لصديق: ازيك ياحبيبي
صقر وهو بينظر لي ليلي بخبث: ازيك يا حبيبتي
هايدي راحت بتجاه صقر وقبلته من خده
ليلي بغيرة: حضرتك مش هنكمل الترجمه
صقر بخبث: مش انتي قولتي هنكمل بعدين
ليلي: مفيش بعدين هنكمل دلوقتي
صقر: براحتك
ليلي وصقر كملوا شغل و ليلي من وقت للأخر كانت تنظر نظرات ناريه وغيره لهايدي اللي كانت بتبادلها النظرات
وصقر فرحان بنظرات ليلي وحاسس ان في امل ان ليلي تسامحه وحس ان هايدي فرصه حلوه علشان يشعل غيرة ليلي
يتبع
توووقعااتكم
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق