رواية أحببت مجرمة الفصل الحادي والعشرون بقلم جهاد محمد حصريه وجديده على مدونة النجم المتوهج
 |
"ليس كل ذهب يلمع وليس كل صديق ينفع"
بعد مرور شهر كانت حالة رزان سيئة دائمًا تستفرغ وكان إياد خرج من المستشفى ومحمود اللي دايما ساكت وسرحان وماسك صورة وعد 😔🥺 صفاء اللي بتعيط على بنتها ومتهمة رزان بقتلها (هي اه مكنتش مهتمة بيهم بس هي في الأول وفي الاخر أم لو حد اتأذى من عيالها طبيعي تزعل عليه)
حنان اللي أول ما عرفت الخبر مكنتش مصدقة وكانت بتعيط من قلبها هي كانت بتعتبرها بنتها كانت دايما تحب جنانها وضحكتها و أسيل اللي طول الوقت بتعيط وحازم جنبها وبيحاول يهديها عشان الحمل..
إياد دخل البيت متأخر كالعادة من بعد موت وعد وعد وهو دافن نفسه في الشغل
حياة:- إياد استنى عايزة اتكلم معاك
اياد:- نعم
حياة:- لامتى لامتى يا ابني هتفضل كده؟؟
اياد:- لحد ما روحلها
حياة:- بعد الشر عليك كده كده يا اياد عايز تسيبني زي حمزة
اياد بتنهيدة:- مش قادر مش قادر اعيش من غيرها كان فاضل شهر على الفرح مش قادر اتخيل انها سابتني يا ماما ده اكيد كابوس أيوا ده كابوس وانا هفوق منه 🥺😭
حياة اخدته في حضنها:- هي في مكان أحسن دلوقتي يا حبيبي
اياد:- معلش يا ماما انا عايز أفضل لوحدي شوية
حياة:- بس يا اياد
اياد:- أرجوكِ يا ماما انا هكون كويس ان شاء الله
حياة سكتت
عند مؤمن كان بيكلم سيف في المكتب
مؤمن:- أنا عايز الشخص ده بأي طريقة أنت فاهم يا سيف
سيف:- طيب ممكن تهدأ حاضر هجيبه دي أختي زي ما أختك يا مؤمن
مؤمن:- أهدأ أي يا سيف الحيوان ده قتل أختي أقسم بالله ما هرحمه
سيف:- هعرف مكانه متخافش
مؤمن رجع البيت كالعادة لقى باباه قاعد في أوضة وعد وماسك صورها من غير ما يتكلم بيبص عليها بس وأمه قاعده بتعيط
مؤمن:-أم محمد
أم محمد:- نعم نعم يا بيه
مؤمن:- ماما وبابا أكلوا
أم محمد بحزن:- لا يا بيه مرديوش يأكلوا
مؤمن:- طيب حضري الأكل وانا جاي
أم محمد:-حاضر حاضر يا بيه
مؤمن طلع ولقى رزان قاعده
رزان قامت تساعده يغير هدومه
رزان:- عامل ايه يا حبيبي
مؤمن:- أنا تعبان اوي يا رزان اول مره أحس بالعجز ده
رزان مسكت ايده:- صدقني فترة وهتعدي انا حاولت اخليهم يأكلوا بس هما رافضين تمامًا
مؤمن اومأ برأسه وقال:- خلاص انا جيت وهتصرف
رزان كانت لسه هتتكلم ولكن حست بألم وطلعت تجري على الحمام تستفرغ
مؤمن جري وراها:- رزان أنتِ كويسة كان بيخبط على باب الحمام وهو قلقان عليها جدا
مؤمن:- رزان يا حبيبتي أنتِ كويسة
رزان طلعت وكان باين على وشها التعب
مؤمن:- أنت كويسة
رزان:- أنا كويسة
مؤمن:- لا أنتِ باين عليكِ التعب تعالي هاخد للدكتورة
رزان:- لا لا أنا كويسة أنزل عشان مامتك وباباك مأكلوش حاجه من بدري
مؤمن:- بس
رزان:-من غير بس يلا وطلعته من الأوضة
طلعت تجرب على الحمام مرة تاني
مؤمن راح لمامته
مؤمن:- يلا يا حبيبتي عشان تأكلي
صفاء:- لا مش قادرة
مؤمن:- يلا ماما عشان خاطري قومي
صفاء قامت معاه بتعب بعد محاولات مؤمن انه يقومها
وراح أوضة وعد لباباه..مؤمن اخد نفس قبل ما يدخل الأوضة
مؤمن راح عند باباه وقعد تحته وهو كان قاعد على السرير
مؤمن:- تفتكر لو كانت موجودة وشوفتك كده كانت هتفرح
محمود:- هي لو كانت موجودة مكنتش هبقى كده اصلا
مؤمن:- هي كانت بتحبك أوي يا بابا معقول تزعلها منك قوم قوم يلا وتعالي عشان تأكل
محمود:- لا روح أنت أنا مش جعان
مؤمن:- طيب عشان خاطري قوم قوم يا بابا
محمود مردش
مؤمن:- طيب لو مش عشان خاطري عشان خاطرها قوم عشان تاخد دواك
محمود قام مع مؤمن ونزل لتحت
مؤمن قعدهم وقعد معاهم بعد شوية جالوا تليفون من سيف
سيف:- أنا لقيتوا لقيتوا يا مؤمن
مؤمن:- طيب انا جاي اهو
مؤمن اتأكد أن أهله أكلوا وباباه اخد الدواء ومشي
مؤمن وصل للمخزن اللي اتفق مع سيف انه هو يجيب الشخص ده في المخزن
مؤمن دخل وكانت عينه سوداء وملامح وشه لا تبشر بالخير
مؤمن نزل ضرب بكل غضب في الشخص ده لحد ما سيف بعدوا عنه
سيف:- أنت كده هتقتلوا مؤمن خلاص
مؤمن مسك الشخص ده من شعره
مؤمن:- مين اللي باعتك مين اللي خلاك تقتل أختي انطق يلا
الشخص:- أنا أنا معرفش أنت بتتكلم عن مين
مؤمن كان لسه هينزل في ضرب ولكن وقفوا سيف
سيف:- سيبه لي انا المره دي
سيف ضربه وكان بيشتمه
لحد ما الواد فقد الوعي
مؤمن بابتسامةخبيثة:- سيبه لحد ما يفوق لأن محضره له مفاجأة
سيف:- أنا هربطه كويس وهخلي الحرس تراقبه كويس اوي
مؤمن:- ماشي
__________________
تاني يوم مليئة بالأحداث الشيقة
رزان قامت وملقيتش مؤمن جنبها عرفت انه راح على الشغل
رزان اتصلت بملك:- ملك عامله ايه
ملك:- الحمد لله أنتِ عامله ايه واللي عندك عاملين ايه طمنيني
رزان:- أنا تعبانة بقالي شهر برجع مش عارفه ليه وهما مفيش حد فيهم بيأكل بحاول أكون بعيدة لأنك زي ما شفتي حالة صفاء هانم
ملك:- تعبانة وبترجعي كل ده ومش راضية تقولي حرام عليكِ يا رزان
رزان:- أنا هكون كويسة
ملك:- انتِ تسكتي خالص انا هلبس وهاجي اخدك للدكتورة واحده كده اعرفها
رزان:- طيب ماشي
ملك كلمت سيف وقالت له انها خارجه مع رزان بس مقلتش انها رايحه للدكتورة عشان مش يقلق ويقول لمؤمن ويقلق هو كمان
ملك وصلت وطلعت على أوضة رزان على طول
رزان وملك راحوا للدكتورة
الدكتورة : حضرتك بتشتكي من ايه؟
رزان:- أنا كل شوية برجع وبحس نفسي قرفانه من كل حاجه
الدكتورة:- طيب الكلام ده بقالوا قد ايه
رزان:- بقاله شهر
الدكتورة:- طيب انا عايزة اتأكد من حاجه وخرجت حاجه من الدرج واديته لرزان
رزان بصت للدكتورة:- تفتكري
الدكتورة:- ليه لا قومي اعمليه وجربي
رزان دخلت وعملت اختبار حمل
طلعت واديته للدكتورة
الدكتورة بابتسامة:- طلع شرطتين
رزان:- يعني ايه
الدكتورة:- يعني الف الف مبروك حضرتك حامل
رزان فرحت جدا وبصت لملك اللي كانت فرحانه لصاحبه عمرها ملك قامت وحضنتها:- الف الف مبروك يا حبيبتي
الدكتورة:- بس احنا لازم نتأكد ونعمل تحليل
رزان:- تمام
رزان وملك راحوا يعملوا تحليل عشان يتأكدوا اخدوا من رزان عينة دم
ملك:- ها يا منة ايه نتيجة التحليل
منة صاحبة ملك:- الف مبروك النتيجة ايجابية يعني حامل
رزان فرحت جدا
رجعت البيت بس الغريبة ان مكنش في حد في البيت تمامًا حنى الخدم مكنوش موجدين
رزان:- يمكن اخدوا اجازة وعمو محمود وصفاء هانم راحوا يطمنوا على حالته عند الدكتور او راحوا المقابر لوعد
رزان طلعت الأوضة وجهزتها بالورود والشموع عشان تقول مؤمن الخبر الحلو ده ولكن مش كل حاجه حلوة بتكمل
مؤمن وسيف كانوا قاعدين وجالهم اتصال من الحرس المكلفين بحراسة الشخص اللي قتل وعد
الحرس قالوا لمؤمن وسيف ان الشخص ده فاق وطلبهم بيقول انه عايز يقول مين اللي قاله يعمل كده
مؤمن وسيف طلعوا اخدوا العربية وراحوا للمخزن
مؤمن:- مين اللي أمرك بده انطق
الشخص:- هقول بس بشرط
مؤمن كان لسه هيضربه ولكن وقفه سيف
سيف:- قول شرطك
الشخص:- تسيبوني امشي
سيف:-ماشي بس اقول مين
الشخص:- هي هي كان اسمها رزان
مؤمن وسيف اتصدموا جدا
مؤمن نزل في ضرب:- أنت مجنون يلا ولا ايه وهي هتستفاد ايه من موتها
الشخص:- معرفش انا قلت كل اللي اعرفه
مؤمن خرج من المخزن بغضب وكان هيطلع العربية بس قبل ما يطلع جاتله رسالة من رقم غريب
بتقول:- مراتك جايبة واحد للقصر بتخونك معاه لو مش مصدق روح واتأكد بنفسك
مؤمن ركب العربية وساق لحد ما وصل للقصر
رزان كانت قاعدة بتجهز السفرة وكان في حد وراها ضربها بالعصايا في دمغها اغمي عليها
شالها وحاطها على السرير
مؤمن دخل في الوقت ده وكان مصدوم من اللي شافه مؤمن مسك الشخص ده وكان بيضربه بكل غضب
رزان بدأت تفوق وكانت بتحط ايدها على رأسها بوجع
مؤمن سابه وهو استغل الفرصة وهرب
مؤمن مسك رزان من ايدها الاتنين جامد وكان بيهزها ليه يا رزان ليه انا حبيتك من كل قلبي ليه تعملي كده ليه تقتليها عملت ليك ايه
رزان مكنتش فاهمه حاجه وكانت بتحط ايدها على دماغها بكل وجع
رزان:-ليه ايه نا مش فاهمه حاجه ومين ده
مؤمن كان كل اللي بيفكر فيه هو كلام الشخص بأن رزان هي اللي قتلت وعد ومنظر الأوضة المتزينة والشخص اللي كان قاعد كانت عينه شديدة السواد من كتر الغضب
مؤمن ضرب رزان بالقلم من شدة القلم رزان وقعت على الأرض
رزان حطت ايدها على بطنها وبدأت تستوعب اللي بيحصل تدريجيا
رزان:- مؤمن أنت فاهم غلط انا معرفش مين ده
مؤمن:- اخرسي يا خاينة كلكم زي بعد كل همكم الفلوس وبس أنتِ شفتي مني كل حب أوعدك بقدر كل الحب اللي حبيته ليكِ هذوقك العذاب
رزان كانت مصدومة جدا من ضربه ليها وكلامه مكنتش مستوعبة ازاي هو يفكر فيها كده لدرجة انها محاولتش تدافع عن نفسها
رزان قامت من غير ولا كلمة طلعت شنطة هدومها وكانت بتلم كل هدومها
مؤمن رمى الشنطة على الأرض
مؤمن:-اي عايزة تروحيله مش هسمحلك حتى طلاق مش هطلقك هخليكِ كده عشان متفكريش انك تروحيله
رزان بغضب:- أنت مجنون مين ده اللي اروحله
مؤمن ضربها للمرة التانية وهي كانت خايفه جدا على الحمل
مؤمن نزل لمستواها:- ايه مش عارفه مين حبيبك
رزان انصدمت من كمية الاتهامات الموجه ليها
رزان:- اوعى تنسى لأني مش هنسى مش هنسى انك اتهمتني في شرفي مش هنسى اك اتهمتني بأني قتلت نفس بريئة مش هنسى وأنت كمان اوعى تنسى
مؤمن خرج من الأوضة بل من القصر كله
رزان تحاملت على نفسها وقامت غيرت هدومها وخرجت من البيت كله
بس قبل ما تخرج لقيت اللي واقفه وبتبص لها بانتصار
صفاء:- قلت لك غني هطلعك من البيت
رزان مردتش عليها
رزان كانت ماشية في الشارع تايهة
ملك وسيف كانوا في العربية بعد ما اخدها مشوار ملك حسة بنغزة في قلبها
سيف:- في ايه أنتِ كويسة
ملك:- لا حسه بألم في قلبي مش عارفه ليه انا مش بيحصلي كده الا لما يكون حد قريب مني اتأذى
سيف نخدتش باله من اللي كان هيخبطها
ملك بصراخ:- سييييف
سيف وقف العربية بسرعة
ملك نزلت من العربية عشان تطمن على البنت ولكن لقيتها رزان وفي حالة سيئة جدا
ملك:- رزان؟ رزان أنتِ بتعملي ايه هنا في الوقت ده
رزان مكنتش بترد عليها كانت في عالم تاني
ملك:- تعالي تعالي
ركبتها العربية وقالت للسيف يطلع على البيت
سيف كان مستغرب من حالة رزان هو متوقعش ان مؤمن يصدق كلام الشخص ده
ملك كانت بتحاول تكلم رزان ولكن هي مكنتش بترد ولا كانت بتعمل اي ردة فعل
ملك وسيف ورزان وصلوا البيت حنان مامت سيف كانت مستغربة اي اللي جابها وايه الحالة اللي هي فيها
ملك دخلتها أوضة من الأوض وطلعت
حنان:- عامله ايه دلوقتي يا بنتي
ملك:- مش كويسة خالص يا ماما من بدري بحاول معاها انها تتكلم او تعيط او تقول ايه حاجه ولكن لا حياة لمن تنادي
حنان:- ربنا يريح قلبها ويحميها ويسعدها
ملك:- يارب
_________________
وعند اياد كان في مهمة وهو كان القائد
كانوا بيضربوا على عصابة خطيرة جدا وفي منهم اللي اتصاب
اياد وهو بيشوف حد مصوب على فهد
اياد جرى واخد الرصاصة في صدره مكانه
فهد:- اياااااد
فهد:- إياد فتح عينك يا غبي أنت ليه عملت كده اياد:- هقابل حبيبتي يا فهد قول لرزان وماما اني بحبهم أوي
فهد:- لا لا اياد انتهت المهمة والمصابين كانوا اتنقلوا للمستشفى
رزان جالها تليفون بحالة اياد
نزلت لتحت
ملك في الوقت ده كانت بتشرب وأول ما شافتها اتفاجأت من هيئتها
ملك:- رزان في ايه
رزان:- اياد اياد اتصاب يا ملك
ملك:- ايه طب استني هصحي سيف ويجي معانا
رزان:- لا انا مش هقدر استني
رزان وصلت للمستشفى وراحت للاستقبال
رزان:- لو سمحت فين الحالة المصابة بطلق ناري اللي جت من شوية
البنت الدور الرابع في غرفة العمليات
رزان طلعت ولقيت فهد واقف على الباب
فهد شافها
فهد:- اخر حاجه قالها انه هيقابل حبيبته وإنه بيحبك أنتِ ومامته
رزان:- أنت بتقول ايه يا فهد انت بتفول عليه
رزان لقيت اياد على السرير
رزان:- هو بس زعلان مني شوية وبصت لاياد صح يا ايدو يا حبيبي
رزان:- أنت عايز تشوف غلاوتك عندنا صح اياد قوم يا حبيبي 😢😭😭😭
متعملش فيا كده أنت مش هتسيبني صح اياد قوم بطل مقالبك دي بالله عليك
رزان:- ايااااااد اياد رد عليااا أنت هتسيبني زي حمزة وبابا طب اقول لماما ايه قوم يا اياد
رزان كانت منهارة جدا دخلت ملك وحنان وكانوا بيحاولوا يقومها
ملك بعياط:- رزان كفاية حرام عليكِ كده
رزان:- لا لا يا ملك هو هيقوم معايا
ملك وحنان كانوا بيشدوها عشان تقوم
رزان:- اياااد رزان من الصدمة اغمي عليها
وعند حياة كانت بتصلي وحست بقبضة في قلبها
حياة:- اه اياد رزان
فرح واللي سمعت صوتها وهي بتتالم:- في ايه يا ماما
حياة:- إياد رزان ولادي فيهم حاجه
فرح:- اهدي بس خير إن شاء الله
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق