رواية أحببت مجرمة البارت السادس والسابع بقلم جهاد محمد حصريه وجديده على مدونة النجم المتوهج للروايات والمعلومات
 |
عاملين ايه 🥰 بارت جدييييييد بس قبل ما نبدأ تعالوا نصلي على النبي اللهم صل وسلم وبارك عليك يا حبيبي يا رسول الله 🥰
رزان سمعت صوت هي عارفاه كويس اوي طلعت بسرعة وفعلا طلع هو........
رزان بهدوء:-كارم
كارم:-اهلا ببنت عمي واللي اخده المحل كله ليها
باااااس stop تعالوا اقولكم مين كارم ده
كارم مهران الحديدي ايوة ابن مهران ويبقى اخو ملك كارم شراني جدا وبيحقد على رزان لأنه زي ما هو مفكر انها اخدت المحل بتاع باباه
نرجع لروايتنا
_______________________________
رزان:- ايه اللي جابك يا كارم
كارم بعد ما شاف مؤمن وسيف خارجين على الصوت:- الله الله ايه ده دا في تطورات كمان بص لرزان:- مين دول وبيعملوا ايه في المحل بتاعي
رزان ببرود:- أولا ده مش المحل بتاعك ثانيا دول هنا شغالين معانا
كارم بغيظ مكتوم:- اه شغالين عندنا يعني
ملك بعد ما كانت ماسكة نفسها بالعافية:- هما مش شغالين عندنا على فكرة هي قالت لك شغالين معانا
كارم:- ايه ده هي القطة طلعلها لسان امتى وكان لسه هيقرب منها عشان يمسك ايدها
سيف رغم انه مش فاهم هو بيقول ايه:- أقف عندك وإياك تقرب منها
كارم:- وأنت مالك انت
ملك بسرعة:- ملكش دعوة يا كارم بيه
كارم بعد ما صورله عقله المريض بحاجات مش كويسة:- هو ايه اللي بيحصل من ورايا مين ده عشان تدافعي عنه كده وقدامي هو انتي نسيتي انا ممكن اعمل فيكِ وفيه ايه
ملك:- متقدرش تعمل حاجه
كارم كان لسه هيرد عليها
قالت رزان بغضب:- كارم اخلص واقول جاي ليه
كارم:- جاي اخد المحل بتاعي
رزان ببرود:- ايه ده هو انا مقولتشكش
كارم باستهزاء:- لا مقلتيش
رزان بعد ما دخلت جوا خرجت وهي معاها ورق:- الورق ده عقد شراء المحل من المالك الرسمي :مهران باباك
كارم بجنون:- ايه انتي كدابة مستحيل مستحيل ده يحصل مسك الورق منها وبعد ما اتأكد من الكلام اللي بتقوله مسك ايدها جامد انتي كدابة انا مش هسيبك لازم تموتي زيه لازم وكان مسك رقبتها وبيخنق فيها ولكن لحقها مؤمن وفضل يضرب لحد ما الناس اللي أتجمعت على الصوت العالي شالوه من ايده مؤمن يغضب:- انت زي تمد ايدك عليها ها إياك تمد ايدك عليها مرة تانية
_______________________________
سيف وهو بيشيله من عليه اهدي اهدي يا مؤمن خلاص هيموت في ايدك الناس اخدوا كارم وخرجوا بره المحل
______________________________
رزان وهي مستغربة حالة مؤمن:- انت ليه عملت كده
مؤمن وهو بيهرب في الكلام:- عادي انتِ زي اختي
رزان بحزن:- تمام
وفاجأة دخل كارم بعد ما قدر انه يهرب من الناس:- ايوة انا كده فهمت انتي رفضتيني عشان ده بس انا مش هسمحله انه يتجوزك وياخد كل حاجه ليه
________________________________
رزان بهدوء مريب:- وطي صوتك وانت بتتكلم ده أولا ثانيا انا رفضتك مش عشان اتجوزه هو وبعدين انت مالك اتجوزه ولا لا
كان لسه هيرد ولكن سمع صوت
كارم..........
أحببت مجرمة
جهاد
كارم كان لسه هيرد ولكن سمع صوت وده ما كان إلا صوت مهران
مهران بغضب:- كارم
كارم:- نعم نعم يا حج
مهران بنفس الغضب:- تعالى ورايا
كارم:- بس يا حج
مهران بغضب أكبر:- أنا مبحبش اعيد كلامي
خرج هو و مهران من المحل
رزان وهي بتوجه كلامها للناس يلا كل واحد على مصالحه
الناس بدأت تمشي وهي كملت شغلها ببرود ........بعد نص ساعة خرج كارم من المكتب وهو وشه ما يبشرش بالخير راح عند رزان
(انا مش عارفه هو غاوي مشاكل ليه يابني دي ممكن تقتلك عادي جدا )
________________________________
كارم بحقد:- أوعي تفتكري ان هسيبك تتهني بيه ده بعدك
رزان ببرود:- أعلى ما في خيلك اركبه يا يا ابن عمي
______________________________
خلص اليوم بأحداثه وعند رزان كانت بتتفتكر موضوع البلطجية اللي ضربتهم واللي قالت لمعتز خدهم للمخزن لما اشوف هعمل فيهم ايه Flash Back 📸 دخلت رزان للمخزن ببرود مسكت واحد فيهم من شعره رزان وهي بترمي في وشه مايه عشان يفوق
_____________________________
بعد ما فاق
رزان ببرود:- ها سامعة
الشخص ده وهو بيتكلم بخوف:- والله ما ليا دعوة يا هانم
رزان:- مين اللي قالك تعمل كده
الشخص ده بخوف شديد ورعشه:- هيقتلني يا هانم
رزان بنفاذ صبر:- اخلص احسن وربنا لتشوفوا أيام ما يعلم بيها إلا ربنا من اللي هعملوا فيكم
الشخص وهو بيتهته:- ك ك كارم كارم بيه هو اللي قالي اعمل كده
رزان:- كارم امم تمام وابتسمت بسمة خبيثة خرجت وقالت لمعتز علمهم الأدب وسيبهم وخلي بالك من كارم اليومين دول
معتز: تمام
عودة من Flash Back 📸 الفلاش باك
رزان وهي بتخرج لل البالاكونة عشان تشم هواء ولكن شافت اللي واقف وده ما كان إلا مؤمن
_________________________________
مؤمن باستغراب:- ايه اللي مصحيكي لحد دلوقتي
رزان ببرود:- عادي مجينيش نوم
مؤمن بخبث:- ولا خايفة من كارم
رزان ببرود:- كارم ده اخر شخص ممكن اخاف منه
مؤمن بهدوء:- هو انا ممكن أسألك سؤال
رزان:- اتفضل
مؤمن:- هو مين اللي كان يقصده كارم لما قالك انتي لازم تموتي زيه
رزان:- هو قصده على...........
بس ستوب stop خلص البارت بتاعنا لحد هنا اتمنى انه يكون عجبكم مستنية رأيكم وتوقعاتكم🥰🥰
أحببت مجرمة
Part 7
أحببت مجرمة
جهاد
بارت جديد🥰 بس تعالوا نصلي على النبي اللهم صل وسلم وبارك على سيدنا محمد 🥰
رزان وهي بترد على مؤمن: هو قصده على أخويا
مؤمن باستغراب:- أخوكِ، طيب ايه اللي حصل
رزان مردتش عليه
مؤمن:- تمام مش عايزة تتكلمي
رزان مردتش كمان المرة دي
فضلت بصه على القمر والنجوم بسرحان
مؤمن فضّل أنه يكون ساكت
بعد فترة هما مش عارفين قد ايه
مؤمن:- ادخلي عشان الوقت اتأخر وأنتِ مش بتحبي تتأخري على الشغل
رزان بابتسامة بسيطة ولأول مرة:- تمام
________________________________
في مكان تاني كانت خارجه تتمشي بليل والوقت كان متأخر ودي ما كانت إلا ملك وبعد ما حست إن الوقت اتأخر روحت
بس هي وماشية وقف قدامها كارم
ملك بدهشة:- كارم
كارم بخبث:- اه كارم ايه خايفة
ملك وهي بداري خوفها:- ههه خايفة أنا تغيرت كتير عن اللي كنت تعرفها يا يا كارم
كارم:- الله هي القطة طلعلها لسان امتى
ملك بكره:- دي مش طلعلها لسان بس لا دي كمان بقيت بتخربش
كارم:- الظاهر إن بنت كمال (رزان) طلعتك السماء وبقى ليكِ جناحات بس مفيش مشكلة أنا هأعرف أقص لك جناحتك اللي طلعت دي
كارم كان لسه هيمسكها من شعرها ولكن وقف صوت........
________________________________
عند رزان بعد ما دخلت ومسكت صوره في ايديها فضلت بصلها شوية
رزان بعد مدة:- وحشتوني اوي 🥺 دخلت الصورة مكانها ورمت بجسمها على السرير بصت للسقف و بدأت تفتكر الماضي ..........
__________________________________
وعند مؤمن كان قعد على السرير وبدأ يفكر يا ترى ايه اللي حصل لأخوكِ يا رزان وهل ده متعلق بشغلك في المافيا
______________________________________
عند ملك كان وقف كارم صوت سيف الغاضب
سيف بغضب:- كارم إياك تقرب منها أنا بحذرك
كارم:- بص لملك ايوة بقى وأنا أقول جايبة قوة القلب دي منين
ملك وهي مش فاهمه قصده:- أنت بتقول ايه أنا مش فاهمه
كارم:- أقصد إن كان عندي حق لما قلت إن في حاجه ما بينكم
ملك بصدمة من تفكير أخوها:- أنت بتقول ايه بقى أنت شايف نفسك أخ الأخ المفروض يدافع عن أخته مش زيك لأن ده يبقى راجل
كارم بغضب:- قصدك ايه يا بنت الكلب قصدك إني مش راجل مش كده كان لسه هيهجم عليها
ولكن وقف سيف وهو بيمسكه
سيف بغضب جحيمي:- حذرتك قبل كده من إنك تقربلها ولا أنت مش بتفهم
تفاعل وأنت معدي
كارم لكمه بغضب وهو قاصد يعلي صوته عشان الجيران تسمعه:- يا قليلة الأدب يا زبالة
______________________________
سيف وهو بيرد كلمته و الغضب اتملك منه:- أنت الزبالة مش هي
الناس صحيت على الصوت العالي
كارم وهو بيستغل الموقف:- تعالوا شوفوا البيه بيضربني علشان عايز اعلّم أختي الأدب عشان راجعه متأخره مع البيه
ملك بصدمة:- أنت ايه يا أخي جنسك ايه
سيف وهو بيضربه:- إياك تجيب سيرتها على لسانك
رزان كانت طلعت على الصوت وشافت كل ده من البالاكونة نزلت بسرعة
رزان بصوت عالي:- كارم
رزان:- إياك تجيب سيرت ملك على لسانك أنا بحذرك
كارم: أنتِ السبب أختِ مكنتش كده أكيد أنتِ اللي علّمتيها كل ده
رزان ضربته بالقلم قدام الناس كلها
كارم كان لسه هيضربها ولكن وقفه صوت مهران كارم
كارم:- بابا تعالى تعالى شوف يا حج بنتك المحترمة وهي جايه أخر الليل مع البيه اللي أنت مقعده في بيتنا
مهران ضربه بالقلم
(الله عليك أول مرة تعمل حاجه صح في حياتك😂)
إياك تغلط في بنتي أنا واثق فيها وفي تربيتي بس الظاهر إني معرفتش أربيك (حصل يا حج 😂)
أحببت مجرمة
جهاد
اللهم انصر اخواننا في فلسطين
مهران وهو بيمسك كارم من ايده ويرميه: أنا مش عايز أشوف وشك ده تاني أنت فاهم وإياك تقرب من بنتي
كارم بغضب: أنا مش هسكت على الإهانة دي وبص لملك ورزان وقالهم: استعدوا للي جاي
الناس مشيت ورزان طلعت وراء ملك ، ملك وهي واقفة وراء الباب وبتعيط
رزان بحب: ملك افتحي افتحي يا حبيبتي
ملك فتحت الباب واترمت في حضنها هي أختها وصحبتها من الطفولة
رزان وهي بتمسح دموعها: اش بس أنتِ بتعيطي ليه
ملك: أنتِ شوفتي كارم قال عني ايه قدام الناس أنا عارفه هو مش هيسكت
رزان: وأنتِ خايفة ليه هو ميقدرش يعملك حاجه طول ما انا موجودة
ملك: وهي بتحضنها أنا خايفه اوي يا رزان
رزان: لا متخافيش وبعدين اجمدي كده بس قوليلي أنت خايفه علي سيف
ملك بتوتر: اه لا لا هو بس انقذني يعني وكده
رزان: ماشي يا حبيبتي نامي وفي الصبح نتكلم
رزان طبطبت عليها ونيمتها
وبعد ما خرجت لقيت مامتها (مامت ملك) واقفه
زينب بحزن: هي عامله ايه دلوقت
رزان بحب: هي كويسة
زينب: أنا حاسه بالذنب أنا السبب في إن بنتي تكون بتخاف اوي لو مكنتش سبتها معاه زمان مكنش ده حصل
رزان: اهدي يا زوزو لما أنتِ تبقي كده مين هيقف جنب ملك صدقيني مش هسمحله يقربلها وعد
زينب: ربنا يريح قلبك يا بنتي
رزان بابتسامة: تصبحي على خير
___________________________
تاني يوم الصبح رزان كانت في المحل هي وملك والشباب
جه راجل
الراجل: عايزة كيلو دقيق
رزان: تمام
رزان راحت لقيت مفيش دقيق
رزان: أنا هروح أجيب دقيق من المخزن وجايه
مؤمن لحق بيها
رزان لقيت الدقيق بس كان عالي عليها شوية جابت كرسي و طلعت بس كان طويل اوي
رزان بنرفزة: يوه هو مين اللي حاطه هنا ده
مؤمن وهو بيضحك: انزلي يا قزعة انزلي
رزان بطفولة: متقوليش قزعة
مؤمن وهو بيحاول يكتم الضحكة: طيب انزلي لتوقعي
رزان نزلت ومؤمن ركب على الكرسي بس الدقيق كان طويل هو قدر ان يوصل ايده بس بردو كان طويل الدقيق كان في علبة والغطي مكنش محطوط كويس
___________________________
مؤمن شد العلبة فوقعت عليه واتغطي بالدقيق
رزان فضلت تضحك😂😂
رزان بضحك: يالهوي وفضلت تقلده انزلي انزلي يا قزعة ههههههه😂😂
مؤمن وهو بيقلدها هو كمان: ههههه يا باردة ولكن سرح في ضحكتها هي اول مرة تضحك وغمزتها اللي بانت شعرها الأحمر القرمزي عينها الزرقة اللي شبه السما في صفيانها وشبه البحر الهادي
ملك وسيف جاءوا على الصوت ملك سيف فتحوا الباب وشافوا رزان وهي بتضحك
ملك جريت على رزان بصدمة: ياه بقالي كتير مشفتش ضحكتك
سيف بصدمة أكبر: دي طلعت بتضحك زينا
رزان وقفت عن الضحك وشاورت على مؤمن
___________________________
سيف وملك فضلوا يضحكوا على منظر مؤمن
رزان: روح غير هدومك وانا هشوف لو كان في دقيق تاني ولا لا
___________________________
خلص اليوم بدون أي أحداث تذكر وتاني يوم الصبح بنروح مكان أول مرة نروحه
في قصر كبير أقل ما يقال عنه انه فخم الخدامة كانت طالعة وقفت عند أوضة وخبطت
جالها صوت أنثوي هاديء: مين اللي بيخبط
الخدامة: أنا يا هانم ، الست هانم بتقول حضرتك تنزلي عشان تفطري
وعد: انزلي يا صفية وقوليلهم جاية
وعد قامت بكسل اخدت شاور ونزلت
وعد وهي بتقعد على السفرة: صباح الخير يا بابا يا قمر
محمود لبنته بحب: صباح النور والسرور يا حبيبة قلبي
وقعدت تاكل
صفاء بغضب: الست هانم معندهاش جامعة ولا ايه
وعد باستهزاء: لا احنا في اجازة يا هانم وبعدين من امتى وأنتِ بتهتمي اذا كانعندي جامعة ولا لا
صفاء بتوتر: أنا مش فاضية وأنتِ مش صغيرة عشان اعرفك ان عندك جامعة
وعد بنفس الطريقة: اه مش فاضية فعلا عندك صحابك اللي في النادي واللي بتيجي منه اخر الليل مش كده يا يا ماما
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق