رواية الحكايه فيها عشق الفصل العاشر والحادي عشر والثاني عشر بقلم نرمين هاني حصريه وجديده

رواية الحكايه فيها عشق الفصل العاشر والحادي عشر والثاني عشر بقلم نرمين هاني حصريه وجديده 

رواية الحكايه فيها عشق الفصل العاشر والحادي عشر والثاني عشر بقلم نرمين هاني حصريه وجديده 

........فى فيلا ادم.......

.........فى الصالون........

يجلس كل من ادم وكريمة فى الصالون لتقص عليه ما قالته لها شروق وبعد ان انتهت !!!

رمقها ادم بذهول قائلا :

- يعنى جوزها متوفى ؟!!!

كريمة بأسى على حالها قائلة بحزن :

- ايوه ياعينى عليها ....دى لسه صغيره والله على البهدله دى وبنتها كمان مسئولية وهتربيها لوحدها من غير أب يلا ربنا يرزقها باللي يسعدها ويعوضها !!!

رمقها ادم بهدوء قائلا :

- يارب يا امى

تابعت وهى تخبط كف يدها على راسها قائله بتذكر :

- اه صحيح خالتك كانت هنا وطلبت شذى لعمار اى رايك فى الموضوع دا ؟!!!

رمقها بذهول مرددا :

- عمار وشذى !!!!

اومأت براسها بتأكيد قائله بتساؤل :

- ايوا مالك مستغرب ليه ؟!

اعتدل ادم فى جلسته ناظرا لها بجديه ليردف :

- مفيش بس مش المفروض كان كلمنى انا وياخد معاد منى ولا اى؟!!!

رمقته بهدوء قائله :

- ياحبيبى مهى خالتك قالتلى عشان لو البنت مش موافقه ميحصلش احراج ولا حاجه ولو حصل حاجه هيكلمك يحدد معاد معاك قولى بس الاول انت رأيك ايه فى عمار ؟!!

ابتسم آدم قائلا :

- عمار شاب كويس ومحترم وانا اتمناه لاختى معنديش مانع بس المهم رأيها هى اى؟!!!

ابتسمت كريمه باتساع وتمنى قائله :

- هسألها بكره وان شاء الله هتوافق

تنهد قائلا....تمام

رمقته كريمة بخبث وهي ترفع أحدى حاجبيها قائلة :

- قولى بقى عامل اى مع علياء؟!!

رفع احدى حاجبيه وابتسم من زوايا فمه قائلا :

- ولا حاجه

رمقته بعدم فهم :

- يعنى اى بقى ولا حاجه دى؟!!!

ادم بلا مبالاه قائلا :

- يعنى ولا حاجه.... المشكله ان كل واحد فينا بيفكر بطريقه غير التانى مش عارفين نتفاهم لازم كل ما نتقابل نتخانق وبس وانا زهقت بجد !!!

ربتت على كتفه بحنان قائلة :

- ياحبيبى خدها بالحنيه مش بالصوت العالى..... الصوت العالى مش هو اللى بيحل بالعكس دا بيعقد ويزود المشاكل ..... البنت لو فهمتها صح واحده واحده هتعرف مفاتيحها اى هتعرف اللى بيزعلها واللى بيفرحها فبتالى مش هيحصل مشاكل بينكم .....وبعدين علياء امها مش مهتميه بيها ودا دورك بقى تحتويها وتحسسها انها مهمه بالنسبالك عشان تسمع كلامك بلاش يبقى نظامك أوامر وبس عشان متعاندش قصادك فاهمنى ؟!!!

اومأ براسه وهو يتجه نحوها ليقبلها من رأسها قائلا :

- فاهمك ياست الكل يالا تصبحى على خير

وقفت وهى تتوجه معه نحو الدرج قائله :

- وانت من اهله ياحبيبى

وصعدوا الدرج وتوجه كل منهم نحو غرفته !!!

...............................................................

.........فى غرفة شروق ........

تجلس على الفراش ناظره لعشق والدموع تنهمر على وجنتيها بشده قائله بخفوت شديد وهى تلمس على خديها بحنان :

- انا تعبت انا حتى مخدتش الوقت انى ازعل او اتوجع انا عمرى ما كدبت فى حياتى بس غصب عنى انا عارفه انى مش هقدر اتجوز تانى وآمن لراجل فى حياتى ....ثم قالت مبررة ما فعلته ....... انتى اكيد محتجانى زي ما انا محتجاكى !!! اه يعنى انا معملتش حاجه غلط اكيد لو جه الوقت وعرفوا هيسامحونى وانتى هتسامحينى برضو ؟!! انا عملت كدا عشان متشوفيش اللى انا شوفته متحسيش بالاهانه دايما من كل اللى حواليكى ... متحسيش انك مقيدة فى بيتك وعايشه مالكيش اى لازمه ولا اى قرار ؟!! ..... دايما اوامر وزعيق وصوت عالى وغضب وكره..... ثم نظرت لها بقوه واصرار..... عايزاكى تعيشى حياه تانيه تبقى قويه تاخدى حقك متبقيش عايشه فى بيت وهتموتى وتخرجى منه.....

ثم تنهدت بقوه لتردف بعدها....

- عارفه انا طول عمرى نفسى اتجوز عشان بس اطلع من البيت اللى عشت حياتى كلها متهانه فيه ولما لقيت الانسان اللى حبيته وحسسنى ان انسانه فعلا وجعني اكتر من اى حد تانى ، وجعنى لدرجة انى عمرى ما هقدر آمن او احب وانا مش خايفه اتخان انتى الحاجه الحلوه اللى ظهرتلى فى حياتى انتى اللى هتداوى الوجع اللى جوايا هعيش عشان احميكى هكون ليكى ام واب ياعشق ...هقوى بيكى انتى .... انتى وبس !!!

ثم احتضنتها بقوه مغمضه عينيها لتحاول النوم وبعد كثير من التفكير واتخاذ القرارات اللازم اتخاذها غطت فى سبات عميق متمنيه غد افضل وحياه جديده مليئه بالسعاده مع عشق ابنتها !!!

..............................................................

.........فى منزل حمزه !!!..........

.............فى غرفته !!!..........

يجلس على الفراش ناظرا امامه ويبدو عليه الشرود بينما تجلس فتاه بجواره ناظره له بتركيز منتظرة أن يبدأ الحديث معها ولكنه لم يفعل فقررت البدء هى !!!!

- هتفضل متنح كده كتير ؟!

تنهد حمزه ناظرا لها بضيق قائلا بتأفف :

- عايزه اى يامها ؟!!!

رمقته مها بضيق قائله :

- عايزاك تتقدملها يا موكوس بدل القعده دى اللى لا هتودى ولا هتجيب غير الهم وخلاص !!!

حمزه بغضب...... دا على اساس انى مبسوط بيها يعنى !!!

ثم تنهد بحزن شديد ليتابع حديثه

- وبعدين مين قالك انها هتوافق عليا ؟!!!

وقفت مها ناظره له باستهزاء قائله :

- ومتوافقش بيك ليه يا اخويا دا انت ماشاء الله عليك مهندس قد الدنيا وعندك شقه زى الفل يرمح فيها الخيل يبقى ترفضك ليه ان شاء الله

حمزه بطريقه مضحكه.....عشان الفرق اللى بينا مثلا عشر سنين انتى متخيله !!! ..... لا والاحلى انها بتقولى يا ابيه شايفه الوكسه اللى انا فيها ؟!!!

قهقهت مها بشده على طريقته قائله وهى تحاول السيطرة على ضحكاتها :

- ههههههههههههه هى وكسه فعلا ما انت طول عمرك موكوس مش جديده عليك يعنى ؟!!!

رمقها بغضب وهو يزيحها بيديه من امامه قائلا :

- غورى من هنا يامها يالا روحى شوفى جوزك وعيالك !!!

جلست جواره على الفراش لتردف بحزن مصطنع :

- بقى كدا بتطردني من بيت ابويا ياحمزه اخس عليك هو عشان يعنى ابويا وامى ماتوا تعمل فيا كدا !!!

ثم تابعت وهى تهز راسها رافضه حديثه :

- لالالا مش مسمحاك لاء

رمقها بنصف عين وهو يرفع احدى حاجبيه قائلا :

- طبعا جوزك وعيالك عند حماتك تقومى انتى سايباهم وجيالى وتدخلى بالشويتين دول عشان تباتى هنا كالعاده عشان ميحصلش مشاكل مع حماتك مش كدا برضو ؟!!

رمقته بذهول لتتسع عيناها بشده قائله :

- وانت عرفت منين !!!!

ضحك قائلا...... هههههههه مهو دا اللى بيحصل كل مره انتى هبله يا بت ولا ايه ؟!!!

تنهدت بشدة لتردف بخفوت :

- اعمل اى بقى مهو انت عارف انا وحماتي مفيش كميا بينا واحسن حاجه ان الباب فى الباب فقلت اريح دماغى واتجنب المشاكل وبالمره اطمن عليك واعملك اكل لحد ما تريح قلبى وتتجوز بدل عيشتك لوحدك دى اللى قلقانى علطول عليك !!!

نظر لها حمزه وهو يرفع احد حاجبيه ويبتسم من زوايا فمه قائلا بمرح وهو يدفعها من على الفراش :

- لا متقلقيش يا اختى انا تمام اوى سبينى انام بقى شويه عشان عندى شغل الصبح ومتنسيش تعمليلى اكل وتعنيه فى الفليزر الواحد معدته باظت من اكل المطاعم

نظرت له بضيق قائله.....طول عمرك مستغل ماشى يا اخويا يلا تصبح على خير

تنهد وهو يستلقي على الفراش

- وانتى من اهله

واغمض عينه ليفكر فى حياته فعدما توفي والده تولى هو مسئولية شقيقته حتى زواجها ….. ليتعرف بعدها على شذى اخت صديقه ادم ويحبها ولكن كان فرق السن عائق بينهما فهى تعتبره مثل شقيقها ادم وهو يفعل قصارى جهده ليقترب منها ولكن دائما يقابل بالفشل !!!

...............................................................

فى احدى الملاهى الليلية تجلس مجموعة من الشباب لم يجدوا لهم ضابط فإنحلت اخلاقهم .... لاتجد منهم احد واع ... كل مترنح بما فى يده ...عقولهم هاربه اما بالشراب او المخدرات

لتتحدث وهي تضحك ببلاهه و تدخن سيجارتها :

- هههههههه يعني رقيه هى اللى عملت فيكى كدا ؟!!

رمقتها دينا بغضب قائلة وهى تجز على أسنانها بقوه :

- انتى بتضحكى على ايه عجبك شكلى دا !!!

ليتحدث أحد الجالسين معهم ويدعى رامى باستهزاء قائلا :

- ههههههههه ليها حق الصراحه شكلك يضحك وبعدين حتة بت تعلم عليكى كدا

دينا بغضب وهى تنظر لعلياء قائله :

- انتى المفروض تاخديلى حقى على فكرة مش بنت خالتك دى ؟!!!

علياء وهى تدخن سيجارتها قائله بهزيان :

- انا مالى بيها وبعدين انا سمعت ان عمار هيخطب اختها !!!

أظلمت عيناها بغضب لتردف بغل :

- انتى بتقولى ايه ازاى يعنى هو مش المفروض بيحبنى انا ولا اى ؟!!

رفعت احدى حاجبيها قائلة بتهكم :

- دا من امتى وهو بيحبك بقى ما انتى عارفه اخويا دماغ لوحده وبعدين مشيره هانم هى السبب يعنى مش ميت في دباديبها ولا حاجه متخافيش

ضحكت دينا بشر قائله بخفوت :

- اه قولتيلى الحكايه كده طيب حلو اووى مبقاش دينا ان مندمتها على اللى عملته فيا دا وخليتها تبكى بدل الدموع دم !!!

لتشرب علياء سجارتها وتنفث دخانها بملل وتكمل حديثها وهي تقطب حاجبيها بحنق قائله :

- بقولكو ايه فككو من السيرة دى انا عايزه انسى عيلتى كلها اصلا واولهم ادم !!!

ضحك رامي بخبث قائلا :

- اى هو لسه زى ما هو متحكم فيكى وعايز يغير من شكلك ؟!!!

قهقهت بهزيان قائله :

- ههههههههههه تخيل قال ايه عشان ابقى محترمه !! لا وياريت عشان خايف عليا ولا بيحبنى الا بس عشان غرور وانانيه منه وبس ؟!!!

دينا باستهزاء.....طيب ماتسبيه يابنتى وخلاص !!!

تابعت علياء وهى تهز رأسها برفض :

- مينفعش عشان انا بحبه !!!!

رامى برفعة حاجب قائلا بتهكم :

- بتحبيه !!!

اومأت برأسها قائله.....ايوا على الاقل هو اللى بيهتم بيا فى حياتى وبيقف جمبى هو مشكلته بس انه عصبى وانه لسه محبنيش زى ما انا بحبه

ثم قالت بنبره متأففة ...بقولكو ايه انا جايه انسى متنكدوش عليا هطيرو السجارتين اللى فى دماغى !!

رامى وهو يغمز لها بطرف عينيه قائلا :

- طيب ما تسيبك منه وانا سداد واهو ورقتين عرفى ونعيش حياتنا

نظرت لهم بغضب وهي تلقى عليه زجاجة البيره :

- ايه اللى بتقوله دا انت اتجننت ولا ايه انا مسطوله اه بسبب الحشيش بس مش للدرجه دى اتعدل بدل ما اقلب عليك !!!

لتربت دينا على كتفيها قائلة بخبث وهى تعطيها شئ

- فكك منه شكله سكر وخدي جربى الصنف دا

نظرت لما فى يدها لتقول بستياء وهى تبعد يدها من امامها

- قولتلك مش عايزه اشم انا ..... انا أخرى حشيش مليش فى المخدرات !!!

دينا بخبث وهي تغمز باحدى عينيها :

- جربى وصدقينى مش هتندمى

لتنظر علياء لها لعدة دقائق بصمت ثم تأخذ منها لفة المخدرات التى تحتوى على مسحوق ابيض اللون لتبدأ بشمها بتردد لتضع قدمها بدون اراده منها على طريق نهايتها وتبدأ فى ادمان المخدرات !!! ثم تتوجه معهم للرقص تحت الموسيقى الصاخبه حتى الصباح !!!

..............................................................................................................................

ومر الليل بالموجوع على ابنته والمتمنى بغد افضل والعاشق والحيران ليأتى يوم جديد ملئ بالأمل والمفاجئات !!!

..............................................................................................

الفصل الحادى عشر

........فى اليوم التالى......

اندفع الهواء بشده من الشرفه اتجاه الستائر العسليه معيقا ثباتها فى حركه مباغته....ليهدا رويدا رويدا عندما داعب وجنتى النائمه بسلام على فراشها لتفتح عينها بهدوء وتجلس على الفراش لتنظر بجانبها

فترى عشق مازالت نائمه فقبلتها بهدوء ثم توجهت نحو المرحاض لتتوضأ وتصلى فرضها ثم ارتدت اسدالها فوجود ادم فى المنزل يمنعها من الخروج بدون زيها الشرعي !!!

ومن ثم توجهت نحو عشق لتيقظها بحنان أمومي لتقول وهى تلمس على خدها :

- عشق يلا يا حبيبتى قومى !!!

فتحت عشق عيونها قائله بصوت نائم :

- صبيح الخي ( صباح الخير )

شروق وهى تقبلها قائله......صباح العسل والسكر يالا قومى بسرعه عشان نفطر

قفزت عشق بسرعه لتفزع شروق بشده لدرجة كادت ان تقع من على الفراش😂

بينما تابعت عشق وهى تضع يدها حول وسطها :

- ماثى ييا عشان انا اثيا كحانه وعمي كي الاكي بتاحى امبايح هنسل اضيبه اصيا عشان يخم😅👊

( ماشى يالا عشان انا اصلا جعانه وعمر كل الاكل بتاعى كله امبارح هنزل اضربه اصلا عشان رخم )

ضحكت شروق بشده قائله :

- ههههههههههههههههه انتى طالعه مفتريه كدا لمين يابت انتى كله ضرب ضرب اى مفيش تفاهم كدا خالص

هزت راسها قائله وهى تتوجه للمرحاض :

- ييا بقى انتى يسه هتتكيمى وهو هيخيص الاكي اثلا

( يالا بقى انتى لسه هتتكلمى وهو هيخلص الأكل اصلا )

ضحكت شروق حامله اياها لتغسل لها وجهها وتبدل ملابسها ثم تحملها متوجه بها للاسفل

لتقابل ادم فى طريقها فتنظر له بإحراج فيقابل نظراتها بابتسامة قائلا :

- صباح الخير

رمقته شروق بتوتر مصحوب بالاحراج قائله :

- صباح النور

ثم نزلو معا على الدرج ليتوجهو نحو السفره بهدوء قائلين معا :

- صباح الخير

رد الجميع التحيه.....صباح النور

نظرت لهم كريمه ببتسامه.....يلا اقعدوا افطرو

هزوا رؤوسهم وجلسو بهدوء

رقيه وهى تنظر لشروق قائله :

- بقولك يا شوشو ما تيجى نخرج النهارده اهو افرجك على القاهرة

رمقها عمر وهو يضحك باستهزاء قائلا :

- تفرجيها على القاهرة لا ياشيخه

ثم نظر لشروق ليقول وهو يشير بأحدى اصابعه كتحذير :

- انا بقولك بلاش مع رقيه ممكن توديكى قهوه او النادى او الجيم تلعبى بوكس كدا يعنى انتى حره هتبوظلك منظرك !!!😂✋

ضحكت رقيه رغما عنها ملصقه كفها بظهر عنقه :

- بوظتلى برستيجى خالص ياحيوان !!!

عمر وهو يبتعد عنها بخضه قائلا باستياء :

- وانتى ورمتيلي قفايا يا شيخه !!!!🤨😣

الجميع..........ههههههههههههههههههههههه

ضحكت عشق بشده ثم اخرجت له لسانها قائله...

- ههههههههههههه ضيبتك على قفيك هههههههههههههه احس عشان تيكى اكى تانى ياوحيس😜😂

( ههههههههه ضربتك على قفاك هههههههههه احسن عشان تاكل اكلى تانى يا وحش )

الجميع..........هههههههههههههههههههههههههههه

عمر وهو يرمقها بغيظ.....البت دى قلبها اسود اووى !!!

شذى بضحك وهى تنظر لعشق قائله :

- هههههههه دى عسل والله

نظرت لها عشق قائله....

- انتى اللى عثل ويااه ( انتى اللى عسل والله )

الجميع..........هههههههههههههههههههه

وقف ادم قائلا بجديه ......طيب هروح انا المستشفى بقى عاوزين حاجه منى !!!!

نظرت له كريمه قائله :

- لا ياحبيبى ربنا يخليك تسلملنا

ارتدي الجاكيت الخاص به ثم امسك مفاتيحه ليقول وهو يتوجه للخروج :

- طيب يالا السلامو عليكم

ردد الجميع.....وعليكم السلام

بينما كريمه نظرت لشروق قائله وهى تربت على يدها بحب :

- عايزاكى تعتبري نفسك فى بيتك بالظبط وكل اللى هنا اخواتك ماشى ياحبيبتى ؟!!!

ابتسمت لها شروق بحب قائله :

- تسلميلى يا عمتو ربنا يخليكى ليا

وقفت كريمه ناظره لشذى لتقول بأمر :

- تعالى يا شذى على اوضتى عايزاكى فى موضوع

رمقتها شذى والطعام فى فمها قائلة بلامبالاه :

- موضوع اى دا ؟!!!

ضربتها رقيه بقوة فى كتفها قائلة بصوت خافت :

- موضوع عمار ياحيوانه قومى يامفجوعه وتقوليلها موافقه فاهمه🤔😠

شذى بعدم فهم وهى منشغلة فى تناول طعامها :

- موافقه على اى ؟!!

رمقتها رقيه بغضب قائلة وهي تمسكها من شعرها

- قومى كفاية اكل !!!

ضحكت شروق وهى تنظر لرقيه الممسكة بشذى لتردف بذهول :

- اى اللى بتعمليه دا ؟!!😮

رمقتها شذى باسى مصطنع ومن ثم أردفت :

- لا متقلقيش بكره تتعودى رقيه بقى وما ادراكى من تصرفات رقيه !!!

ثم توجهو معا خلف والدتهم

كريمه وهى تجلس على الفراش قائلة لرقيه باستغراب :

- انتى ايه اللى جايبك مع اختك ؟!!

ضحكت رقيه بتوتر :

- لا منا المساعده بتاعتها وبعدين انا عارفه انتى عايزاها فى اى ف جايه بس عشان متلخبطش فى الكلام

رمقتها بعدم فهم قائله :

- كلام اى يابت ؟!!

ابتسمت شذى بتوتر قائله :

- متخديش فى بالك يا ماما وقولى فى اى ؟!!!

رمقتهم كريمة بحنق ثم نظرت لشذى بحنان لتردف :

- عمار ابن خالتك اتقدملك اى رايك ياحبيبتى ؟!!!

نظرت شذى سريعا لرقيه لتقول بتوتر :

- اقول اى هه ؟!!😅🤔

لطمت رقيه على خديها وبرقت عينيها بشده :-

- هارسوح عليا يا شماتة كل العدوين فيا غطينى وصوتى عليا يا اللى انتى شمتانه فيا…. الطم انتى ناويه تشلينى يا بت !!!!

ضحكت كريمة باستغراب قائلة......

- اومال انتى عملتى ايه يا هبله !!!

ثم نظرت لشذى لتتابع حديثها وهى تضيق عينيها بشده :

- وانتى مالك باختك انتى كمان هى اختك اللى هتجوز ولا انتى ؟!!

ابتلعت شذى ريقها بتوتر قائله :

- لا انا هقعد وهى هتتجوز !!!😄

رمقتها كريمة بصدمه شديده......نعم يااختى ؟!!

شذى بلخبطه وهى تفرك كفيها ببعضهم البعض لتحاول التصليح من كلماتها :

-لالالا اقصد انا هتجوز وهى هتقعد بصى ياماما هو حد هيقعد وحد هيتجوز متقلقيش يعنى هنفضى مكان من الاخر كدا !!

ضحكت رقيه بتوتر قائله وهي تضربها على مقدمة راسها بتحذير ...بتهزر ياماما ما انتى عارفاها هبله

نظرت لهم كريمه بحده قائله بتهكم :

- انا مش فاهمه حاجه شذى انتى موافقه على عمار ولا لا ؟!!

نظرت لها شذى بحيرة بينما رمقتها رقيه وهى تجز على اسنانها قائله بخفوت شديد :

- هزى راسك يا حيوانه وقولى اه مش وقت عبط خالص دلوقتى هديكى كف ينسيكى اسمك هزى يازفته😠🙄

اومأت شذى براسها فى سرعه قائله....ايوا

تنهدت رقيه براحه بينما كريمه ابتسمت بشده قائله وهي تتوجه لتحتضنها بحنان :

- تمام ياحبيبتى هتصل بخالتك دلوقتى ونتفق على ميعاد ربنا يتمملك بخير يارب

شذى وهى تنظر لرقيه قائله لنفسها.....ربنا يستر وتعدى على خير !!!!

.............................................................................

................فى شركه ادهم الوحش !!! .........

.....................فى مكتب ادهم !!!..............

يقف أشخاص مفتولي العضلات ينظرون له بتوتر شديد فبعد البحث المستمر لم يستطيعوا العثور على ابنته المفقودة !!!

بينما ادهم ينظر لهم بغضب شديد يكاد يقتلهم بنظرة عينيه المليئه بمزيج من الغضب والوجع والحزن قائلا :

- يعنى اى راحت فين ازاى مش لقينها ؟!!

رمقه احد الرجال قائلا وصوته يشوبه بعض الارتباك :

- يافندم احنا دورنا فى كل المستشفيات والاقسام وكل مكان ممكن تكون فيه مش موجوده حتى رجال الشرطه مش ساكتين !!!

وقف كالاسد مقتربا منهم بصلابه مردفا بصوت مشحون بالغضب :

- انا مالى بالشرطه وزفت انا بنتى مختفيه بقالها يومين ومش لقيها ومحدش فيكو عارف يوصلها يابهايم انتو عايزين تجننونى ازاى يعنى مش لقينها اى الارض انشقت وبلعتها !!!

قال احدهم مبررا...يافندم اصل

قاطعه بغضب قائلا بصوت مرتفع :

- غورو من وشى بدل ما موتكو كلكم ومش هتردد ثانيه برااااااااا كلكو !!!😡

خرجو جميعهم فزعا من هيئته تلك فهو اصبح كالاسد المجروح ويصعب السيطره عليه بينما جلس هو محطما حزينا مشوشا فالاول مره يشعر بالعجز و الندم ولكن هل يفيد الندم الان ؟!!!🤔😣....................................................................................................................................

.........فى جنينة الفيلا...........

يجلس كل من شذى ورقيه وشروق فى شكل دائرى يتجاذبون اطراف الحديث ليتعرفوا على بعضهم البعض فهم اقارب اسما فقط !!!

ضحكت شروق وهى تنظر لرقيه قائله :

- يعنى انتى بتحبيه وهو هيجى يتجوز اختك اى الهبل دا ؟!!

ضحكت رقيه بهدوء قائله :

- لا دى وكسه حررتك بس والله لوريه ؟!! 😂😣

تابعت شذى قائله....والله يابنتى انتى هبله اصلا انا مش عارفه حبتيه امتى وازاى لا وبتغير عليه بطريقه تخوف دى بتعشقه كدا ليه متفهميش !!!

ثم نظرت لشروق قائله :

- انتى عارفه ياشوشو عمار عمره ما اهتم بيها اصلا ولا بينلها اى حاجه وتحسيه كمان واخد مقلب فى نفسه كدا بس جنتل برضه تعرفى بقى حضرتك تقوليلى حبتيه ليه وامتى ؟!!

تنهدت رقيه ناظره لهم بشرود قائله :

- حبيته وبس امتى وازاى معرفش !! بصراحه بس كل اللى اعرفه انى بحبه , لا بعشقه بحس انى مبسوطه اووى وانا معاه او حتى وانا شايفاه من بعيد بهتم بكل تفصيله صغيره بعرفها عنه وبتثبت كدا فى دماغى حتى لو بسيطه..... لو حد قال اسمه غصب عنى بركز فى كل كلمه بتتقال مش عارفة اشمعنى هو بس كل اللى عارفاه انى مبحسش بدا مع حد غيره !!!

*******************************************

لكنكّ لا تُدركُ معنى أن يُحبكَ شخص لمَ ينوِ على ذلك قط ، شخصُ يُبتلى بحبك على حين غفلة منه ، يُصابُ بك فيُحبكَ كأنهُ لم يفعل مُسبقاً

لا تدرك معنى أن يهتم بك شخص رغم أن ظروفه لم تكن تسمح له مُطلقاً ، أن يُقدُم الكثير رغم أنه لا يملك شيء ، أن يُحاولُ ألفا رغم عجزهِ ذاك ، و أن يُعطي كل ما هو في أمسِ الحاجة له

لا تدرك معنى أن يُحبكَ شخص دون أن يملك أدنى إرادة و أقل رغبةُ في ذلك ، أن يُحبك من لم يُفكر يوماً في أن يفعل ، فتُصبحُ الاستثناء الوحيد له ، حتى أن تلك المعتقدات و الأفكار السابقة قد يغضُ البصرُ عنها لأجلك ، يقَدِم التنازلاتِ واحدة تلو الأخرى ، يُحاولُ كثيراً و دائماً ، يهجر كبريائه دوماً ، .

قسماً لن تُدرك معنى أن يُحبكَ من يُجدكَ مُختلفاً رغم أن قواعدهُ لا تقبلُ الإستثناء ، يجدكَ أماناً رغم خوفه ذاك ، يُحبك ولا يملك اسباباً مُرتبةَ و مبرراتُ مُنمقةُ لأن يُحبك ، فقط يُحبك✨❤️.

**************************************************

ضحكت شذى بهيام قائله....اهو دا بقى جعفر لما يحب الله عليكى ياست !!!

فاقت رقيه من شرودها لتلتفت لها ضاربة إياها على كتفيها بقوه قائله :

- يخربيت فصلانك ياشيخه

ضحكت شروق على مشاكستهم قائله بشرود :

- والله انتو الاتنين اهبل من بعض اصلا مفيش حاجه اسمها حب دا اسمه وجع حاجه كدا ليها علاقه بالتعب وبس !!!

اومات شذى برأسها قائله بهيام :

- بس تعب حلو ممتع كدا يااااه نفسى اجرب احب هيييييح

رمقتها رقيه باستهزاء وهي تعتدل في جلستها قائله :

- هييييح ياختى حلوه ..... بالعكس بقى الحب دا يتعب فعلا والمشكله انك متعرفيش تبعدى مهما يحصل وبتشوفي الراجل اللى بتحبيه مفيش زيه على وجه الارض ومهما كانت قوتك بتبقى ضعيفه قدام اللى بتحبيه

رمقتها شروق قائلة بجدية.....حبيبتى الرجاله كلهم زباله مفيش حد فيهم عدل كلهم انانيين خاينين منيلين بنيله مفيش احسن من انك تعيشى كده لوحدك فى راحه بعيد عن وجع الحب لان مفيش راجل بيكتفى بواحدة بس !!

شدى رافضة ما تقوله...لالالا اكيد اللى بيحب بيكتفى باللى بيحبها بس

اومات رقيه مؤكده....فعلا بالظبط كدا

شروق ناظره لهم بستنكار قائله :

- بتهيألك و على فكره الرجاله عموما خاينين البنت اه لما بتحب مبتفكرش غير فى اللى بتحبه اما الراجل ممكن يعرف كذا واحده وفى الاخر يقولك بحبك انتى بس وانتى اللى فى قلبى زباله ياماما حيوانات كلهم !! 😅🖕

ضحكت كل من رقيه وشذى عليها بشده

بينما رمقتها رقيه بدقة قائله وهى تغمز بطرف عينيها :

- شكلك شايله ومعبيه اصل دا كلام حد مجرب ومتعقد من الحب كمان

تنهدت شروق تنهيده حاره قائله....فعلا عشان كدا بحذركم منه عشان جرحه صعب !!!

رمقتها شذى باهتمام قائله :

- طيب ما تحكيلنا انا بحب اووى القصص دى ورقية بقى بتقرأ روايات كتير موس قرايه احكى يمكن تكتب روايه ولا حاجه عن عقد الحب

ضحكت رقيه قائله وهي تعدل نظارتها بفخر :

- ههههههه اتريقى اتريقى بس والله هبقى اجرب موضوع الروايه دا بس فى الاجازه بقى

ثم نظرت لشروق الشارده لتتابع

- احكى بقى ياستى كنتى بتحبى ابو عشق

نظرت لهم بصدمه قائله بتوتر.....هه اه 😳

شذى بضيق.....هو احنا هنسحب منك الكلام ماتحكى يابنتى الله

نظرت لهم لبضع دقائق لترتب كلماتها ثم أردفت بشرود متذكره ما فعله معها حازم

- كان جارى وكنت بحبه جدا بس للاسف اكتشفت انه مكنش بيحبنى وخانى مع صاحبتى

لطمت رقيه على صدرها قائله بغضب :

- الواطى معقول يعنى دونا عن كل البنات ميلاقيش الا صاحبتك !!!

شذى بغيظ......دا اللى فرق معاكى

ضحكت شروق بالم قائله....هههههه والله يابنتى المصايب لا تأتي فرادى لازم بالكوم ماشيه بمبدا عبيله واديله

نظرت لها رقيه باهتمام

- وبعدين عملتى ايه فى الموضوع دا انا عرفت ان هو مات اوعى تكونى انتى اللى قتلتيه ؟!🙄😯

ضحكت شروق بتوتر قائله....ههههههه لالا هو مات لوحده فككو بقى من الموضوع دا مش ناقصة غم

شذى وهى تشير بيدها قائله......طيب انا عايزه اسالك سؤال

تنهدت لتنظر لها باهتمام وتقول.....سؤال اى دا بقى ؟!

شذى....بيوحشك !!! بتحنيله يعنى ؟

لتقاطعها رقيه بغضب...اكيد لا يعنى يخونها ويوحشها ازاى مستحيل طبعا !!!

قاطعتها شروق :

- مين قال كدا بقى بالعكس المشاعر بتفضل موجوده فى القلب غصب عنك بتفضل مستمره مادام حبيتى بجد

نظرو لها بصدمه واعين متسعه بشده قائلين معا :

- نعم ازاى دا ؟!!!

شروق بهدوء....بصو هبسطهالكم الحنين انتى بتحنى لحياتك مع شخص لكلامك معاه مش شرط انك تبقى عايزه ترجعيله .... لاء بتحنى لموقف عشتيه معاه لذكرى كانت بينكم لصوته لضحكته وهكذا .....

قرار الرجوع لشخص دا بيبقى بأيدك انتى لكن الحنين ليه دا مش بيبقى بأدينا.... الحنين دا بيجى فاجئه كدا لوحده على بالك بدون اى مقدمات وبيهدا برضو بدون سبب ...... الحنين صعب بس اقسى انواعه انك تحنى لشخص واجعك وعارفه انك مش هتشوفيه تانى !!!

تابعت رقيه بذهول قائلة..يعنى لو كان عايش كنتى هترجعيله بعد ما خانك ؟!!

شروق وهى تهز راسها رافضه....عمرى ماكنت هرجعله

شذى وهى تنظر لها بحزن قائله :

- شكلك تعبتى فى حياتك كتير بس ازاى لسه قويه كدا يعنى انا عن نفسى اقل حاجه بتأثر فيا ازاى انتى لسه قادرة تقاومى

ابتسمت شروق قائله :

الإيمان بالله انا مؤمنه دايما ان اللى بيحصلي خير وان ربنا هيعوضنى عن كل لحظة وجع عشتها بسنين من الفرحه وبدايتها كانت عشق اللى ابتسامتها بتنسينى حياتى كلها وانتم كمان انى اقابلكم فى وقت كنت ضايعه فيه دى حاجه كبيره اووى ..... طبعا قلوبنا هى السبب فى وجعنا دايما وسعات بنبقى ضعاف اوووى وبنعيط بمجرد ما نفتكر اللى ظلمونا وكسرونا بس اللى متأكده منه ان ربنا هيدينا على قد الوجع دا سعاده وهيجى الوقت اللى استغرب ازاى كنت فاكره ان مفيش امل ان افرح واللى مدينى اليقين دا ربنا لانه حاطني في الموقف وامرنى بالصبر والاحتساب وهو اللى خلق قلبى الضعيف اووى دا وعارف انه مش طيب بس لا دا غلبان اووى كمان وراضى بالفرحه حتى لو هتكون يوم واحد ربنا وعد الصابرين بالبشرى فقال * وبشر الصابرين * ومن لطف ربنا بينا ان الفرحه اللى بعد الوجع بتبقى اضعاف وان وجعنا بيعلمنا درس فى الحياة ومن رحمته بيفرحنا فرحة تنسينا الم الدرس دا !!!

نظرت لها شذى باستغراب شديد لقوه ايمانها وقالت :

- يعنى انتى عمرك ما بتحسى بالضعف ؟!!

هزت شروق رأسها رافضه وتابعت :

- لا طبعا اكيد بضعف كتير بس بستغفر ربنا واقول دايما لنفسى انى قوية وهقدر اعدى الازمه دى والميزه فينا بقى كبنات ان احنا بنعاند دايما , طبعنا كدا فلما تحطى حاجه فى دماغك يبقى لازم ولابد تعمليها ولو استغليتى الموضوع دا بقى لصالحك تقريبا هتحلى مشاكلك كلها

رمقتها رقيه باهتمام .......ازاى دا بقى ؟!!

ابتسمت شروق مكمله :

- يعنى تعاندى مع همومك وتضحكى فى عز وجعك

تقولى لنفسك انك مش هتنكسرى

تقولى انا قويه مش هضعف

لحد ما تصدقى …. كلامك لنفسك بيأثر على تصرفاتك وحياتك على فكره

تعاندي مع أحلامك وتحققيها

تقوليلها يا انا يا انتى

تعاندي مع اى حاجه مزعلاكى

تتمسكى باللى يفرحك وبس

تعاندي مع نفسك

تعاندي مع الدنيا اللى دايما وجعاكى

تعاندي مع كل حاجه عايزه توجعك

صفقت رقيه بشده قائله وهى تطلق صفيرا عاليا :

-الله عليكى ايه الكلام الجامد دا والله يابنتى انتى مكانك مش هنا

ضحكت شذى قائله.......والله انتى عسل ياشروق وكلامك حلو طيب انتى احلامك اى بقى ؟!

تنهدت لتتابع.....انا طول عمرى نفسى اتجوز عشان اسيب مرات ابويا بس اما اتوجعت اكتشفت ان لازم ابقى قويه لوحدى مش لازم اتحوج لراجل يجى الوقت اللى يبعنى فيه لازم احقق حاجه لنفسى .... حلمى دلوقتى انى اربى عشق صح واوفر لها حياه احسن من حياتى ميت مره وانى اشتغل واعتمد على نفسى واللى معرفتش احققه زمان جه الوقت اللى احققه فيه

رقيه باعجاب......احييكى يابنتى والله انتى كدا صح وان كان على الشغل ادم ممكن يشغلك فى اى شركه

رمقتها شروق بفرحه غير مصدقة ما تقوله :

- اى دا بجد !!!

اومات شذى براسها قائله....ايوا يابنتى هو ليه معارف كتير انا حتى عرفت ان ليه واحد صاحبه هيفتح شركه فى القاهره نقوله وتشتغلى فيها

تنهدت شروق وهى تنظر له بسعادة قائلة لنفسها :

- الحمد لله اخيرا الدنيا هتضحكلى !!!

**********************************************************************

اوعى تسيب نفسك لاحزانك 😣

..

ولتعبك وهموم ايامك 😓

..

مهما بلغ حزنك انت تقدر عليه 💪

..

اصل ربك حبيبك عارف سعه نفسك وطاقه تحملك اد ايه

متقولش مبقتش قادر 💔

..

ربك مش بيكلف حد فوق طاقته 😃

..

بس انت بطل شكوى لخلق الله 😂

..

واجرى علي الخالق احكيله همومك ☝

..

وكل مخاوفك وامالك وگل احلامك روح اوام عليه 😍

..

واوعى تستسلم انت قوي بالله 💞

..

واى تعب هتقدر اوام تتغلب عليه 😉

***************************************************

..................................................

فى العياده

يقوم ادم بالاتصال على علياء عدة مرات ليجد هاتفها مغلق فيتنهد بضيق شديد من تصرفاتها

ثم يضغط على عدة ارقام لـ يتصل بصديقه ليبلغه انه قد وجد له الشركه المناسبه فيرد عليه قائلا بصوت حزين

- ايوا يا ادم

عقد آدم حاجبيه فقد شعر بوجود خطب ما فقال باستغراب:

- مالك يابنى فى اى ؟!!!

ادهم بحزن......بنتى مختفيه بقالها يومين😣😥

فزع ادم ...انت بتقول ايه وازاى ماتقوليش ؟!!

قص عليه ادهم ماحدث كاملا

ادم بعتاب :

- معقول انت تتصرف كده وبعدين ذنبها اى بنتك بس يا اخى ؟!!

ثار ادهم قائلا بغضب وهى يجز على اسنانه :

- انا مش ناقص وحياة ابوك اللى فيا مكفينى !!!

هدا ادم قليلا ليتابع حديثه بتساؤل وهو يعقد حاجبيه :

- طيب بلغت الشرطه ؟!!

تنهد ادهم ليتابع ...... طبعا بلغتهم بس للاسف مفيش اى بلاغ جالهم بمواصفاتها انا مش عارف هتكون راحت فين !!!! ..... وازاى خرجت من الفيلا اصلا ؟!!

ادم.... متقلقش ان شاء الله خير وهتلاقيها قريب بأذن الله

ردد بدعاء :

يارب يا ادم انت مش عارف انا بتقطع من جوايا ازاى😥

ادم بلوم..... متعرفش الخير فين واكيد دا درس ليك عشان تقدر النعمه اللى كنت فيها

سمع تنهيداته الحاره عبر الهاتف قبل ان يقول بحزن واسى شديد :

- معاك حق فعلا انا استاهل اللى بيجرالى دا .... بس الاقيها بس وهصلح كل اللى فات

ادم..... ان شاء الله طيب بالنسبه للشركه انا اتفقتلك انا عارف الوقت مش صح بس عشان محدش ياخدها هتعمل اى اجل الموضوع ولا هتتصرف ازاى !!!!

أدهم…

الفصل الثانى عشر

لم تكن قوتنا عظيمة كما بدّت

حتى أنه لم يكن لضعفنا إختيار و لسكوتنا علاقة ب الرِضا ، لمّ تكن تلك العُزلة قرار و لم يكن العِتابُ بغضاً قط .

كانت ملامحُنا لوحةً منقوشةّ بألوانِ كثيرةِ بينما باطِنُها لا يحوي سوى الأبيض والأسود ، فقد كانت منحوتةُ بطريقة تُنافي أصلها ، مزيجُ من الشيءّ و الاشيءِ ، ثورةُ و هدوء في الوقت ذاتِه ، سلامُ خارجيّ و حربُ داخلية لا تسكنُ قط .

كان اللاشيءُ الظاهرُ علينا سبباً للحكمِ باللاشيءِ ذاتِه داخِلياً ، حتى أن أحكامهم كانت محصورةُ بين اللاجدوى حقا و الهدوء التام ، كأننا قد كُنا عالمُ من اللاشيئيةِ بعيد عن أيّةِ مشاعرِ في ذاتِ الوقت الذي كان كل شيء يتضخمُ و يتسعُ بِنا.

كان هدوء ملامِحُنا مرآة كاذِبة كتلك التي في المركباتُ تماماً ، ملامحُ كُتب عليها ان الرؤية و المقاسات التي تُرى لا تعكسُ تلك الحقيقية قط !

لم يكنُ الكثيرُ منهم ليُدركَ بأننا قد نبتسمُ في ذات اللحظة التي تبكيّ بها جميعُ جوارِحنا سوى العينين ، و أننا قد نصمتُ صمتاً يُوازيّ ضجيجُ ثرثرة مشاعُر مُكبلةُ بِنا ، و أننا قدْ نتزنُ بينما نتأرجحُ داخلاً ، و أنه قد نضعفُ بينما تظهرُ علينا قوة صَماء ،

و أننا قد تُسلبُ أرواحنا ، و تختنقُ انفاسنا ، و تتنحى قلوبنا ، بينما يُقال بأننا مازلنا على قيدِ الحياة 🌟.

....................................................................................................................................................................................................................................

…...على الهاتف …….

ادم..... ان شاء الله طيب بالنسبه للشركه انا اتفقتلك انا عارف الوقت مش صح بس عشان محدش ياخدها هتعمل اى اجل الموضوع وﻻ هتتصرف ازاى !!!

ادهم بجديه.....

- انا مش هعرف اسيب مكانى دلوقت كلم حمزه وانا هبعتلكم فلوس واشتروها على ما الاقى بنتى وهبقى اجيبها واجى

ادم......تمام يلا مع السلامه وهتصل كل شويه اطمن انا لو اعرف كنت جيتلك بس عشان امى واخواتى مش هعرف اسيبهم انت عارف

تنهد ادهم ليردف .......عارف ياعم ادعيلى انت بس

ادم.....ماشى ياستا مع السلامه

- سلام

ليستند بمرفقيه على المكتب ويخرج تنهيده حاره حزنا على صديقه وتصرفاته الطائشة التى ادت الى فقدان ابنته ثم يتصل بحمزه قائلا :-

- انت فين يالا

حمزه بملل..... هكون فين يعنى فى الشغل يا بنى

ادهم بجديه.... طيب زوغ وتعالى عايزك ضرورى دلوقت تعالالى العياده

حمزه باستغراب.... فى حاجه ولا اى ؟!!!

قال لينهى المكالمة .... بطل رغى واما تيجى هتعرف

- تمام مع السلامه

ثم خرج من الشركه ليتوجه نحو سيارته ويقودها منطلقا نحو صديقه وقد شعر بالقلق !!!

...............................................................................................................................................................................................................................................

................فى منزل عمار................

تتوجه مشيره نحو غرفة ابنها والسعاده مرسومه على وجهها فبعد ان اتصلت بها اختها لتبلغها بموافقه شذى لا تستطيع التصديق فهذا حلم حياتها وما كانت تخطط له !!!

لترى عمار يجلس على المكتب الخاص به امام اللاب ومندمج بشده !!!!

مشيره وهى تربت على كتفه لتلفت انتباهه وتردف بصوت ملئ بالسعادة :-

- عمار !!!!

رمقها عمار وهو مستمر فى النظر للشاشة قائلا بلامبالاه :-

- خير ياماما فى حاجه ؟!!!

نظرت له بفرحه وهى تمسك يده لينظر لها هو بتساؤل لتردف :-

- شذى وافقت عليك انا لسه قافله مع خالتك دلوقتى😄

قهقه بشده على تصرفات والدته غير مستوعب ما تقوله :-

- ههههههههههههههههههههه بقى كل الفرح دا عشان كدا

ثم قال بفخر ممازحا اياها .... طيب وفيها ايه يعنى وبعدين هى تطول اصلا واحد زى دا انا البنات حواليه قد كدا ..... دول مش بعيد ينتحرو لو عرفو انى هتجوز😂🤚

رمقته بغيظ لتتابع وهى تضربه بقبضة يدها فى كتفه :-

- اتوكس وبعدين اه يا اخويا تطول ونص كمان هى وحشة ولا ايه

ثم قالت بلهفه وهى تتوجه لجلب الهاتف وتعطيه اياه :-

- يالا اتصل ب ادم وحدد معاد معاه بكره علطول احسن يغيرو رايهم

رمقها باستغراب شديد ليقول بابتسامة تهكم :-

- انتى محسسانى انى عنست ومش هلاقى اللى يوافق بيا الا الست شذى

ثم اشار باصبعه كتحذير وهو يغمز لها بطرف عينيه :-

- وبعدين شكلك نسيتى انى رايح عشان اقعد بس مش موافقه على الخطوبه هه🤚

- نظرت له بغضب تحاول السيطرة عليه لتردف ببتسامه مصطنعه :-

- مش ناسيه بس يالا اتصل بيه

اخذ منها الهاتف ليضعه جانبا ويقول وهو يلتفت ل اللاب مره اخرى بلامبالاه :-

- بعدين ياماما انا مش فاضى دلوقتى

غضبت وثارت بشدة لتردف وهى تجز على أسنانها :-

- هو ايه اللى مش فاضى اسمه ايه دا يعنى انا قاعده على اعصابي ل يرفضوا ولما وافقوا عايز تعمل فيها تقيل عمار انت هتتصل دلوقتى يعنى هتتصل😡

اغمض عينيه بنفاذ صبر ليتنهد بضيق وهو يأخذ هاتفه ليقوم بالاتصال با ابن خالته ليتفادى هذا الشجار فهو اتخذ قراره من البدايه بانه قد يذهب ليريح والدته فقط لا غير ذلك ولكنه لم يسمح باتمام هذا الزواج !!!!.( الحكايه فيها عشق تأليف نرمين هانى )

................................................................................................................................................................................................................................................

.

..............فى نفس الوقت .................

..............فى العياده..................

بعد ان قص ادم على حمزه ما قاله له ادهم اتسعت اعينه وفغر فمه غير مصدقا ما يقوله

رمقه حمزه بعدم تصديق :-

- انت بتقول اى معقول اللى عمله الغبى دا يهمل بنته بالشكل دا هو فى استهتار كدا ؟!!!

تنهد آدم.......تفكيره كده وبعدين ما انت عارف انه كان بيحب مراته اد ايه يالا ربنا يرجعله بنته بالسلامه هى ملهاش ذنب فى العك دا

ثم اعتدل فى جلسته ليستند بمرفقيه على المكتب ويتابع حديثه بجديه :-

- المهم الشركه اللى عايز يفتحها هنا انت هتكون المسئول عنها لان انا مليش فى الجو دا وانت عارف فتاخد اجازة بقى ولا تستقيل براحتك زى ما تحب و تيجى تشيل الليله دى على ما هو يظبط اموره ويجى

صدم حمزة ليقول ممازحا :-

- لا ياراجل هاتوها على دماغى انا بقى ...... هو يدبسك وانت تدبسني دا انتو حلوين اووى اهو ماشاء الله عملتوها ازاى دى يا ولاد اللظينه😂😏

ضحك ادم بخفوت ليردف بصرامة......مش وقت اندهاش دا انجز عشان ورانا شغل كتير وانا هساعدك وهعمل اعلان في الجرايد لموظفين مع ان الشركه جاهزه اصلا وصاحبها بيصفى اعماله هنا يعنى كل حاجه فيها كامله انت هتديرها بس على مايجى الموضوع سهل مش صعب !!!

حمزه باستهزاء و طريقة كوميدية وهو يشيح بيده :-

- احلف لا وانا اللى فاكر ان الموضوع صعب ظلمتك والله شوف ياجدع دا انا مفترى اوى على كده بقى ؟!

ضحك ادم .......انت هتولول ماتخلص ياعم خد اجازه النهارده على طول عشان تبدا من بكره الشغل

حمزه وهو يضع قدمه على الاخرى بفخر وجديه :-

- تمام اما نشوف اخرتها معاكم اى ، شللى على ايديكو انا عارف صحاب تغم🤔😂

رمقه آدم باستهزاء وهو يرفع احد حاجبيه :-

- نزل رجلك يازفت

حمزه وهو يعدل ياقته بغرور :-

- باخد وضعى يابنى احنا علينا دلوقت وشركه وبرستيج سيبنى اندمج بقى متبوظش الشغل الله😄🤚

وقبل ان يتحدث ادم يرن هاتفه فينظر له قائلا بضحك :-

- اهلا بالناس اللى مش معبرانا !!!

حمزه بصوت مرتفع.....انت هتظيط ياعم هو حد يعرفك غيري😂🤔

امسك بقلمه بغضب ليلقى عليه قائلا بصوت خافت......اتلم يازفت لظبطك

عمار على الهاتف....انت معايا يابنى

ألقى هو نظرت تحذير اخيره ليقول :-

- معاك اى الاخبار

- تمام الحمد لله كنت عايزك فى موضوع كدا

ابتسم ادم ليقول بخبث فهو يعلم ماذا يريد منه...موضوع اى خير يا ابو نسب ؟!!!

عمار وهو يرمق والدته بحنق ويقول :-

- كنت عايز اتقدم لاختك شذى اى رايك ؟!!!

اتسعت ابتسامته ليقول قبل ان يغلق الهاتف :-

- مستنيكم بعد بكره على العشا سلام ياباشا

حمزه وهو يغمز بطرف عينيه........انا سامع فى عشا وحركات ما اجى معاكم

رمقه ادم بغيظ.......لا يا خفيف دا عشاء عائلى وخطوبه كدا عقبال عندك ولو انى اشك انك هتعملها او فى حد يستحمل غتاتك دى

اندهش وعقد حاجبيه ليردف......هي رقيه جايلها عريس ولا ايه ؟!

ضحك ادم بشده ليقول........ رقيه وعريس دا العريس بيجيلها بتكربه يا بني لا دى شذى

صدم حمزه بشده وقد شعر ان قلبه قد توقفت دقاته ليقول بصوت يكاد يكون مسموع وقلبه ينفطر الما وحزنا

- بتقول شذى ؟!!!

رمقه ادم باستغراب وهو يضيق عينيه بشدة لتحوله هذا وقد شعر بوجود خطب ما......ايوا فى اى يابنى

وقف حمزه سريعا لكى لا ينكشف امام صديقه ليردف بصوت يبدو عليه الحزن برغم من محاولته فى اخفائه وابتسامه كاذبه ارتسمت على شفتيه :

- مفيش هروح انا اخد اجازه عشان نبدا الشغل من بكره سلام

وفر من امامه هاربا من مشاعره وقلبه الذى يبكى الما ووجعا فهل يعقل انها بهذه السهولة ستخطب لغيره !!!

...............................................................................................................................................................................................................................................

.( الحكايه فيها عشق تأليف نرمين هانى )

وفى الميعاد المحدد وقد تم تجهيز كل شئ للزياره من طعام وشراب..... الخ وقد ساعدت شروق زوجة عمها فى اعمال المنزل لترد جزء من معروفها ..... اما بالنسبه ل رقيه وضعت الكثير من الخطط و تأهبت للانتقام ولكنها كانت تشعر بالحزن برغم معرفتها بعدم موافقة اختها الا انها تتألم انه اختار اختها بدلا منها ولكنها تبعد هذا عن ذهنها حتى لا يشعر احدا بها وبما يجول فى خاطرها ..... اما شذى فهى قلقه للغايه من تلك الزياره وزاد قلقها من عدم رد حمزه على اتصالاتها على غير عادته فهى كانت تحتاج الحديث معه حول ما حدث فهو يعتبر صديقها الوحيد ولكنه قرر الابتعاد بعدما علم بعريس الغفله ولم ينتظر ليعرف منها ما حدث !!!!

..........................................................

......................فى فيلا ادم ....................

اجتمع العائلتان فى الصالون يتحدثان فى امور عديده الى ان تحدثت مشيرة بخبث قائله :-

- اى مش نسيبهم يقعدو مع بعضهم شويه ما تيجو نطلع الجنيه

نظرت لها رقيه وهي ترسم ابتسامه مصطنعه على شفتيها :-

- عندك حق والله ياخالتو لازم تسيبوا العرسان يقعدو مع بعض شويه

رمقتها مشيرة بغضب لتقول وهى تجز على أسنانها.......برضه خالتو ؟!!

وقفت كريمه لتفادى هذا الشجار قائله وهى تمسك يد اختها

- يالا بينا ياجماعه نقعد فى الجنينه ونسيبهم مع بعض

الجميع ........تمام

وخرجوا جميعا ماعدا شذى ورقيه وعمار !!!!

عمار وهو ينظر لرقيه باستغراب ويعقد حاجبيه بشده ليردف :-

-انتى مخرجتيش معاهم ليه ؟!!!

جلست رقيه على الكرسى وقامت بوضع يدها على خصرها قائله وهى تﻻعب حواجبها :-

- مفيش كل الحكايه ان الجو هنا طرواه ومفيد لصحتى ولا انت عايزنى اتعب يعني يرضيك اتعب يعنى ياكابتن🤔😄

كتمت شذى ضحكتها بصعوبه على منظر عمار فكان ينظر لها بأعين متسعه فاغرا فاهه يحاول استيعاب ما تتفوه به هذه المجنونه

رمقها عمار باستهزاء.....يا شيخه ﻻ بجد طرواه فعﻻ وهتتعبى كمان

اتسعت ابتسامتها لترد بغمزه ولامبالاه مصتنعه :-

- اه والنيعمه زى مابقولك كده وبعدين انت ايه اللى مضايقك مش فاهمه والله هو انا قاعده فوق دماغك الله🤚

تنهد بنفاذ صبر قائﻻ.....هى مش المفروض دى قعدت تعارف بين العريس والعروسه 😄🤔

هزت راسها تأكيدا على كلامه قائله........الله ينور عليك فعﻻ هى كدا

عمار......يعنى المفروض اقعد انا وشذى لوحدنا !!!

رقيه بحده وغيره شديده.......دا عند امك😡👊

ذهل عمار ليقول....نعم يااختى !!!

تنحنحت رقيه متابعه......بقولك شيل كمك اوعى خيالك يشطح بيك وتفتكر انى بقولك عند امك اللى هى خالتى لالالا انت طلعت سئ الظن ودا مش كويس على البنت اه يااخويا كل شويه بقى تشك فيها لالالا كدا الجوازة تبوظ اهم حاجه الثقه خد بالك

اغمض عينيه بشده محاولة منه التحكم فى اعصابه ليقول :-

- وبعدين !!! دى هتبقى محاضره بقى !!!!

ضحكت رقيه ..........هههههههههه يعنى هو انا اقل منها ولا اى وبعدين ما انت بتقف تشرح لحد ما اتخلى دماغى تلف منى بتكلم انا يعنى ؟!!

شذى لنفسها......استر ياللى بتستر عمار هيطلع نار من بقه لا ولسه اللى جاى أحلى ربنا يستر واعرف اهرب من وسطيهم فى ساعة الصفر

ثار وغضب بشدة......يعنى مش هتسبيبنا لوحدنا ؟!!!

رمقته ببرود شديد ......استغفر الله العظيم انت متعرفش ان اذا اجتمع عمار وشذى كان الشيطان ثالثهما وﻻ اى ؟!!

رقمها بذهول ......نعم شيطان !!!

ضحكت رقيه بشده لتقول من بين ضحكاتها.....

- شوور بس متقلقش انا جبت اللى يصرفه😂🤚

عمار باستهزاء.....جبتنا شيخ كمان ياﻻ نعمل زار هنا عشان الشياطين بالمره😳🤔

اومأت براسها عدة مرات بالرفض لتقول غمزه :-

- هى فكره حلوه بس جبتلك اﻻحسن متقلقش

تنهد عمار ناظرا لها قائلا كمحاوله فى استفزها وهو ينظر لملابسها الشبيهه بملابس الرجال :-

- وجبتى مين بقى يا جعفر ؟!!

أظلمت عيناها بشده وجزت على اسنانها لدرجه كادت أن تحطمها فحاولت السيطره على نفسها قائله بصوت مرتفع :-

- جعفر طيب ...يااااا ريكس

* فهى ادخلته غرفتها بدون معرفة احد بواسطة شذى اختها ليساعدها فى تنفيذ خطتها *

دخل ريكس بسرعه...هو هو هو هو

ففرت شذى سريعا فهي تخاف من الكلاب وبشده🏃‍♀️

ليقف عمار على الكرسى ناظرا له بفزع وتوتر قائلا بلخبطه :-

- يانهارك اسود ايه دا ؟!!😮😵

ضحكت رقيه قائله بلامبالاة وهى تلمس على كلبها :-

- دا ريكس !!!

نظر لها عمار باستهزاء......ياشيخه

رقيه.....اه والله

عمار بلخبطه وهى يتابع حركات ريكس ......اى ريكس دا يعنى ؟!!

رقيه وهى مستمتعه بخوفه قائلة بابتسامه

- كلب والله العظيم انت معندكش خلفيه وﻻ اى وبعدين اى اللى موقفك على الكرسى كدا لعلمك دا تنجيد 100 فى الميه قطن واسأل بره ياعريس😅😉

رمقها بغضب شديد ليقول بنفاذ صبر لكى تبعده من امامه

- خلفية ايه وزفت ايه عندى فوبيا منهم !!!

ضحكت رقيه بخفوت فهى تعلم هذا قائله :-

- ﻻ ياراجل ازاى دا ؟!!😄🤔

عمار وهو يقف على الكرسى مشيرا بيده بغضب فى حركات عشوائيه :-

- دا وقت شرح دا ابعدى الكلب ابن الكلب دا من هنا متستهبليش😡😳

........................................................................

فى الجنينه

يجلسون جميعا يتحدثون غير مدركين ما يحدث فى الداخل !!!!

عشق وهى تقترب لتمسك شعر علياء بقرف قائله :-

- اى القيف دا حد ييون شعيره احمي كدا ياويحشه

( اى القرف دا حد يلون شعره احمر كدا ياوحشه )

نظرت لها علياء بغضب شديد لترفع يدها عليا وتهبط بها على وجنتيها قائلة :-

- ايه قلة الادب دى .....انتى بنت مش متربيه 😡

فتقع عشق ارضا واضعه يدها على وجنتها باكيه بشده😭

لينصدم كل الجالسين من رد فعلها لتنظر لها شروق ووجهها اصبح شديد الاحمرار من كثرة الغضب وصوت بكاء عشق يؤلم قلبها بشده فتقف وتقترب منها وهى تكور يدها مستعده للفتك بها فعشق بالنسبالها خط احمر !!!!

....................................................................

يتبع !!!

حلقه زى الفل اهى ومليانه ضرب نار 😅واستنونا بكره فى المعاد ان شاء الله ومستنيه رأيكم وبلاش تم هه بلاش احسن انده لريكس 🙊😂

يترى اى اللى هيحصل مع رقيه وهتعمل اى فى عمار انا راى تطلبو الاسعاف من دلوقت😳 😂

ويترا شروق هتعمل اى فى علياء واى رد فعل ادم😡👊

ويترا هيحسوا باللى بيحصل فى الفيلا ولا هيسيبو رقيه تخلص على عمار😂😂

وحمزه هيعمل اى اما يعرف اللى حصل 💔🤚

وادهم هيقابل شروق امتى🤔

كل دا هتعرفو قريب😉😌

الفصل الثالث عشر من هنا

بداية الروايه من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا

وكمان اروع الروايات هنا 👇

روايات كامله وحصريه من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺