expr:class='data:blog.languageDirection' expr:data-id='data:blog.blogId'>

اول عزومة ليا عند خطيبي في العيد حماتي اكلتنا بدل اللحمه بقلم هويدا زغلول حصريه وجديده وكامله جميع الفصول

 اول عزومة ليا عند خطيبي في العيد حماتي اكلتنا بدل اللحمه بقلم هويدا زغلول حصريه وجديده وكامله جميع الفصول

اول عزومة ليا عند خطيبي في العيد حماتي اكلتنا بدل اللحمه بقلم هويدا زغلول حصريه وجديده وكامله جميع الفصول

وقبل ما بدا حكايتي اعرفكم بنفسي انا أسمي سمر عندي 25 سنة لسة مخطوبة


وفي يوم كنت بكلم خطيبي طارق في التليفون وقالي


طارق 

اعملي حسابك ياسمر انك اول يوم العيد هتيجي تتغدى عندنا عشان امي عزماكي وبصراحه حابب 

تكوني موجوده معانا في اليوم ده 


سمر

انت متأكد ان مامتك هي اللي عزماني ياطارق

انا مش عايزه احرج نفسي واكون موجوده في مكان محدش حاببني فيه 


طارق

ااا اه طبعا ياحبيبتي هي اومال يعني انا هجيب الكلام ده من عندي وبعدين هو انتي ليه واخده عن ماما طريقه وحشه اوي كده 


سمر

اصل بصراحة بحس ان مامتك مش بتحبني ياطارق انت مش فاكر لما كنت بكلمها في التليفون وكانت بتكلمني من غير نفس 


طارق

وانتي عرفتي منين بس انها بتكلمك من غير نفس ياسمر دي حتى ماما بتحبك جدا ونفسها يجي اليوم اللي هنتجوز فيه ونعيش معاها هنا في البيت وبعدين يا ستي هو انتي مش عايزه تكوني موجوده معايا في يوم زي ده 


سمر

لا طبعا يا حبيبي انا بحب اكون معاك في 

كل الاوقات 

امممم طيب على العموم اصلا احنا هندبح وابقا اجيب اللحمة واجي لمامتك عشان اديها لها بس انت بقا تقول لبابايا 


طارق

طبعا هاقول له انك جايه عندنا في العيد انا مش هاخدك غصب عنه يعني


سمر

ماشي ياحبيبي طيب انا هقفل دلوقتي عشان لسه فاضل اسبوع على العيد وماما بتنضف من دلوقتي يلا سلام


طارق

ههههه ماشي يامجنونة سلام

ومامته دخلت عليه وقالت له


الحما 

قوم ياطارق اخرج من الاوضة عشان مرات اخوك عايزة تنضفها بصراحه مرات اخوك دي كويسه 

اوي عمري ما هلاقي حد زيها 


طارق

ولما مرات اخويا هتنضف الاوضة انا اروح فين بقا ياماما 


الام

اخرج بره ياعين امك اقعد في الصاله لحد لما هي تخلص انا مصدقت القكي حد يساعدني يا حبيبي


طارق

ماشي صحيح بقولك ايه سمر هاتيجي اول يوم العيد عشان تجيب ليكي اللحمة انا عايزك تقابليها حلو ياماما ارجوكي مش عايزها تحس انك مش طايقها


الام

وهو انا ياحبيبي مش هطيقها ليه بس وبعدين هو انا يعني ليا كلمة عليك رحت وخطبت واحدة انا مش راضية عنها عايز مني اعاملها ازاى مش فاهمة وبعدين يا حبيبي 

هو فيه حد بيجي عند حد اول يوم العيد 


طارق

وانا مش فاهم انتي ليه مش موافقه عليها مع ان سمر وأهلها ناس طيبين جدا ياماما ومش بيطلع منهم اي حاجة غلط


الام

انا كده ياحبيبي مش عايزاهم انا كنت عايزاك تتجوز داليا بنت خالتك واهي كانت هتبقا مننا وعلينا لكن هاقولك ايه بقا انت عامل زي القرع تحب تمد لبرة والبت بتحبك وهتكون شرياك 

يا حبيبي لو بتحبني وافق عليها يا ابني 


طارق 

تاني يا ماما هنتكلم انا عمري ما هفكر 

فيها وبعدين 

انا زي القرع ياماما ربنا يسامحك على العموم مهما تعملي برضو مش هحب غير سمر ولا هتجوز غير سمر


الام

اعمل اللي تعملة بقا انت حر ياطارق انا مليش نفس اتخانق معاك بسببها يابني مش روحت 

خلاص خطبتها من ورايا بلاش تجبرني 

بقي أن احبها الحب مش بالعافيه يا ناس 

هو انت عايز تتكلني لقمه غضب عني 


طارق

ماشي يا أمي اللي تشوفيه وسبها وخرج من الاوضة وجات عندها فريدة مرات اخوه الكبير وقالت لها


فريده 

انا مش عارفة ياماما انتي مزعله نفسك كده ليه بس خلي يتجوزها ولما تجي لك هنا اعملي فيها ما بدالك والمفروض أنها لو بتحبه استحمل

اي حاجه علشان خاطر 


الحما

ده انا مستنية اليوم ده عشان اطلع عنيها عشان تبقا تتجوز ابني غصب عني اوي بجد مش فاهمه 


فريدة

انتي بس اهدي كده ومش عايزاكي تبيني لها أي حاجة خالص وخليكي قدامها كويسة علشان خاطر ابنك 


الحما

يابت يا فريدة ماهو انا مش بطيقها هتعامل معاها حلو ازاى انا قلبي مش جايبني ابدا دي مش بتنزلي من زور اصلا لا والبيه كمان عازمها اول يوم العيد


فريدة

ايه عزمها عندنا هنا في العيد ودي هتاكل ايه بقا ان شاء الله


الحما

هتاكل ايه انا لو عليا احط لها سم واخلص منها

هعمل كده انا بصراحه مش عايزه .رجلها تاخد 

علي هنا قوليلي ي بت اعمل ايه انا مخنوقه منها اوي


فريدة

اهدي يا ماما مش كده متعمليش في نفسك كده انتي ضغطك بيعلي وهي مش هتنفعنا لو انتي جرا حاجة


الحما

طيب اعمل ايه يافريدة دبريني انا عارفه 

انك بتحبني اوي واكيد هتقفي جنبي مش كده 


فريدة

طبعا يا حماتي هو انا ليا غلاوه غيرك 

سبيها بس على العيد كده مايجي انا هاقولك ناكلها ايه ولما تلاقي عدم استقبال كويس منها 


وعندنا في بيتنا ماما قالت لي

ما تخلصي بقا ياسمر عشان يوم الوقفه تكوني فرشتي الشقه عشان اهل ابوكي لما يجو من البلد تبقا الدنيا تمام 


سمر 

ياماما ياحبيبتي العيد لسه فاضل عليه كام يوم انا مش عارفه انتي مستعجله على التنضيف من دلوقتي ليه 


الام 

عشان مانجيش قبل العيد بيوم ولا اتنين ونكون زنقنا نفسنا في الترويق اصل انا عارفاكي كسوله ولو سبتك مش هتعملي حاجة خالص 


سمر 

ليه بقا ياماما ده انا حتى اشطر واحدة في البيت هو انا يعني قصرت معاكي في حاجة اعترفي 


الام 

الشهادة لله عمرك ماقصرتي عشان كده بدعي لك ربنا يكرمك في بيت العدل مع الواد طارق ويسعدكم ربنا ياااارب 


سمر 

يسمع منك ياماما يااارب ياحبيبتي


وجه اول يوم العيد وطارق جه عندنا وبابا كان في الاوضة هو وماما وقالي


الاب 

ماتبعتي اللحمة لحماتك مع طارق ياسمر هو انتي لازم تروحي عندهم انا مبحبش الكلام ده

ي سمر الخروج الكتير وانتي مخطوبه انا مش بحبه 


سمر 

هو انا اصلا بخرج معاه ي بابا وبعدين 

حماتي هي اللي عايزني اروح عندها انهارده واكيد 

مش هعرف اقولها لا اقصد يعني مش حباه 

ازعلها 


الاب 

ي بنتي لو هي عايزه تشوفك تيجي هنا احسن 

انما انتي تروحي انا مش حابب الكلام ده 


الام

وفيها ايه ياراجل ماتسيبها تروح عند حماتها تودي لها اللحمة وبعدين دول عازمنها على الغدا النهاردة عشان كده طارق جاي ياخدها هو مش استأذن منك ياعلي


الاب

ايوه استأذن بس انا مش عارف  انا ليه  امه دي ست كده مش مرتاح لها بصراحه من يوم ما الولد خطب البنت مش بتيجي كتير وانا 

مش عايز احنا اللي نروح عندها 


الام

 ليه بس يا علي وبعدين الواد شاري بنتك وانت نفسك بتقول عليه ابن حلال وبيحب سمر عايز ايه تاني هي هتتجوزة هو ولا هتتجوز امه


الاب

انا بس بقول يعني اني مش بطيقها يلا ربنا يستر على بنتك والست دي تبقا كويسة معاها


الام 

بلاش تكسف الولد المره وانا اوعدك 

هخليها تقولوا مش هينفع خروج بعد كده 


الاب 

ماشي المره دي وبس ولما نشوف اخرتها 

مع العيله دي وبعدها 


خرج لطارق وقاله

هتاخد سمر وترجعها تاني علطول يا طارق متاخرهاش عندكم وخلي بالك منها وانا وافقت 

المره دي وبس انما انا مش بحب الخروج كتير يابني بكره لما تكون مراتك ابقي خدها وروح 

بيها مكان مانت عايز 


طارق

 حاضر ياعمي وبعدين هو حضرتك بتوصيني على سمر دي في عنيا وقلبي دي 


الاب

بس ياواد انت هتسبل لبنتي وانا قاعد احترم نفسك 


طارق بهزار

حاضر ياعمي انا اسف على العموم ياعمي لو حضرتك عايز تيجي معانا وطنط كمان ياريت والله الدنيا كلها هتنور بيكم وفي الوقت ده خرجت 

ماما وقالت 


الام

لا ياحبيبي انا مش هينفع اجي لان اختي جايه ولازم افضل عشان استقبلها انت عارف بقا اول يوم العيد وكله بيبقا زيارات المهم زي 

ما عمك قال ليك لوسمحت بلاش تأخير 


طارق

خلاص تمام ياطنط انتو تطمنوا على سمر في عنيا انا وأهلي كلهم


وفي البيت عند حماتي طلعت لحمة من الفريزر وقالت لفريدة


الحما 

يلا يافريدة اطبخي انا طلعت لك اللحمة من الفريزر تفك وتعمليها وشوفي ناويه تعملي اي جنبها عقبال ما السنيوره تيجي 


فريدة

اي ده كله ياماما هو انتي هتعملي لها الأكل ده كله ليه يعني لا لا طبعا انا هشيل الاكل ده كله واكلها حاجة تانية


الحما

هتاكليها ايه يعني عرفيني


فريدة

بوصي ياماما احنا طبعا ظروفنا على ادنا ماشي ودلوقتي في أيام تانية جاية واللحمة دي تنفعنا في أيام تانية بصي احنا هنحط لها فول وطعمية وكده وبعدين يعني هما دابحين يعني 

اكيد كلت لحمه كتير ولازم كمان تعيش علي قد ظروفنا 


الحما

ايه فول ايه بس يافريدة انتي عايزة طارق يعملي مشكلة انتي عارفه هو بيحبها اد ايه اللي حبها برص دي وبعدين يا بنتي اللي بيقدم بيقدم قيمته مينفعش الكلام اللي انتي بتقولي عليه ده خالص 


فريدة

اسمعي ياماما احنا معندناش الا الاكل ده واللحمة دي هتنفعنا بعد كده وهو مفيش غير كده واذا كان عجبها تاكل مش عجبها عن ما اكلت ولازم تعرفي هي لما تشوف ظروف ابنك وأهله كده هتعمل اي لو بنت اصول زي ما بتقولوا هتعدي الحوار عادي انما بقي لو طلعت بنت مش تمام تقدري تكلمي طارق أنه يسبها وانتي قلبك جامد 


الحما

امممم اما انتي عليكي دماغ يابت يافريدة دماغك سم صحيح بس عايزه اقولك والله حلوه الفكره دي مجتش في دماغي خالص 


فريدة

ههههه بتعلم منك ياحماتي ياحبيبتي ده انا هعمل لكم حته اكل انما ايه يلا ونحمر ليها 

شويه بتنجان كمان خليها تاكل وتتغذا 


ودخلت عندهم انا وطارق وقال لمامتة


طارق 

انا جيت انا وسمر ياماما تعالي سلمي عليها وخرجت حماتي من جوه وقالت لي من غير نفس 


الحما 

اهلا ياسمر عامله ايه نورتي كل سنه وانتي طيبه يا حبيبتي اي ي بنتي اللبس اللي انتي لابسه ده معقول تدخلي الحاره كده 


طارق 

مالو اللبس بس يا ماما وبعدين احنا جاين في اوبر يعني نزلت قدام البيت علي طول 


الحما 

اوبر وهو انت معاك فلوس يا حبيبي لكل 

الكلام ده مش كفايه انك روحت اخدتها من هناك واكيد داخل وشايل وانت رايح 


طارق 

اي يا ماما الكلام ده حماتي بعتا ليكي مع اللحمه الممبار لما عرفت انك بتحبي 


الحما 

اه كتر خيرها با حبيبي شكرا ي سمر يا حبيبتي منوره تعالي ادخلي اقعدي معاك وافقه ليه كده 


سمر

شكرا ياماما ده نورك والله اتفضلي ماما وبابا كانو عايزين يجيوا يجيبوا اللحمه بنفسهم والله بس للاسف عازمين عندنا ناس انهارده وطول 

النهار مش كانو فاضين 


الحما

ايه ده اللحمه بس مش داخله بيت ناس 

يا حبيبتي المفروض تجيبي معاكي طبق حلويات اوكيس فاكهه في ايدك وانتي جايه 


طارق 

اي يا ماما الكلام ده هي بتهزر معاكي اكيد 

يا سمر تعالي اقعدي اي ريحه الاكل الجامده 

دي اكيد انتي اللي عامله الاكل بنفسك 

مش كده يا حبيبتي 


سمر 

اكيد ماما نفسها حلو اوي في الاكل علي الريحه 

الحلوه دي كل سنه انتي طيبه ي قلبي 


الحما 

 امممم طيب وانتي طيبة  طبعا بهزر يا قلبي بس ليه كلفتو نفسكم كده بس وجايبين كمان كيس لاخو طارق لا صارفين وكلفين 


سمر

دي حاجة بسيطة ياماما وبعدين مايجيش من خير طارق


الحما

ابني هو حد زيه في الدنيا راجل مفيش منه ربنا يحفظة ويبارك فيه ويسعد مع اللي قلبي يتمناها له


سمر

مش فاهمة حاجة ياماما


طارق

انا داخل اغير هدومي ياماما وياريت تحضري الغدا لاني جعان جدا واكيد سمر هي كمان جعانة


الحما

طيب انا هدخل المطبخ اشوف فريده كده عملت ايه


ودخلت حماتي المطبخ وقالت لفريدة

هنعمل ايه مع طارق بيقول لك انه جعان ربنا يستر وطارق مش يخلي نهارنا مش فايت 

وعامل يقولي شامم ريحه اكل حلوه وانا مش 

عايزه اقول ليه دي ريحه الجيران 


فريدة 

بقولك ايه ياماما احنا قولنا بقا هي لازم تعيش على اد الظروف بتاعتنا عشان تبقا عارفه انها لما تيجي هنا هتاكل 


الحما 

طيب يلا هاتي الاكل وهما بيتكلمو دخل طارق وقال 


الحما 

ها يا أمي عاملين اكل ايه انتي وفريدة اومال انا مش شامم ريحة اكل خارجه من هنا ليه  هو ليه حاجه ولا اي 


الام

بصراحة كده يا طارق انها مطبخناش حاجة وعاملين فول وطعمية وكده يعني اكل خفيف

انت عارف الظروف اللي احنا فيها ي ابني 


طارق اتعصب وقال

انتي بتقولي ايه يا أمي يعني مفيش غير فول وطعمية اومال اللحمة اللي انا اشتريتها امبارح والخضار وكل حاجة جبتها راحت فين مش فاهم انا


الام

اصل اصل........


فريدة

اصل بصراحة ياطارق انا وماما راحت علينا نومة وصحينا متأخرين ملحقناش نطلع الحاجة من الفريزر وبعدين مالو الاكل ماهو زي الفل اهو فيها لما عروستك تاكل الاكل ده


طارق

انتي بتقولي ايه يا فريدة انتي عايزاني اعزم خطيبتي على فول وطعمية في بيتنا انتي عايزاها تقول علينا ايه يعني ينفع الكلام ده ياماما ينفع


الام

وطي صوتك بس واهدي كده ياحبيبي وبعدين بقا اللي انا اعرفه انها لو بتحبك هتاكل وهتتمسك بيك انما بقا لو الاكل مش عجبها وقالت لها انا ماشية ومكالتش يبقا البيت دي مش عايزاه يبقا مش تستاهلك


طارق

هو انتي يعني جايبها عشان تعملي لها اختبار في قوة التحمل وتشوفيها هتقدر تعيشي معايا على كده ولا لا بس انا عارف ان سمر بتحبني ومهما تعملي ياماما مش هسيبها ولا هي هتسبني

قال كلامه وسابهم وخرج من المطبخ وفريدة قالت


اقطع دراعي ياماما ان مكانت البت دي عامله لابنك عمل بس عمل ايه من اللي هو بالربط جنبها


الحما

يلهوي تفتكري يابت يافريدة ممكن تكون فعلا عماله لابني عمل طيب ده انا اخلي سنتها سودة على دماغها هي واللي جابوها.


وخرج طارق ليا وقالي

منورة ياحبيبتي


سمر

ده نورك ياحبيبي هو في حاجة ياطارق ولا ايه

مامتك سيباني هنا لوحدي والله انا عايزه 

ادخل أسعدها علشان مش تقول 

جايه اكل وبس بس انا مجروحه اوي 


طارق

لا ابدا ياروحي مفيش حاجة خالص بتقولي كده ليه وبعدين البيت بيتك بس مرات اخويا 

معاها في المطبخ وباذن الله كله هيكون 

تمام 


سمر

اصل تقريبا سمعتك بتزعق ولا انا كان بيتهيألي


طارق

ااه اااا اصل بصي بصراحة كده امي ملحقتش تعمل الاكل فا عملت لنا أي حاجة كده على السريع يعني فول وطعمية وجبن وكده فانا اتعصبت عليها وزعقت لها


سمر

طيب وليه ياطارق تعمل كده بس وايه يعني لما الاكل يكون حاجة بسيطة اي حاجة معاك تبقا نعمة ياحبيبي


طارق

ربنا يخليكي ليا يارب ياحبيبتي ولا يحرمني منك ابدا


وبعدها حماتي حطت الاكل هي وفريدة وقالت لي


فريده 

 معلش بقا ياسمر اصل احنا ملحقناش نطبخ النهارده اصل انا صحينا من النوم متأخرين فناكل بقا لقمة كده على ماقسم وبعدين انتي مش غريبة يعني


سمر

مافيش اي مشكلة ياماما ده الاكل ده حتى جميل وبيفتح النفس عن أي حاجة تانية كفاية انك تعبتي نفسك


فريدة

بس على فكرة ياسمر انتي لازم تتعودي على الأكل ده اصلك ها تاكلي منه عندنا هنا كتير اوي

انتي عارفه خطيبك شغال علي قدو يعني 


سمر

وايه يعني يافريدة ده الاكل نعمة اي حاجة في الدنيا نعمة انا عمري ما بصيت لاكل ولا لأي حاجة


فريدة بخبث

اااه طيب كولي كولي شكلها يا ماما عينيها مليانه 


سمر 

والله مش بالاكل 


واكلت انا وطارق وحسيت ان حماتي وفريدة مش طيقبن وجودي بعدها بشوية قولت لطارق

يلا بقا يا طارق عشان ترجعني البيت انت عارف ان بابا قالك منتاخرش


طارق

طيب ياحبيبتي يلا بينا عشان عمي علي مش يضايق مني


ردت حماتي من غير نفس وقالت

ابقي تعالي تاني ياسمر اهو بيتك ومطرحك ياحبيبتي ابقي خلينا نشوفك


سمر

ان شاء الله ياماما


طارق

ان شاء الله المره الجايه سمر هتكون مراتي وهتدخل البيت ده وهي على زمتي


الحما

ااه طيب ومالو يلا مع السلامه

ومشيت انا وطارق وفريدة قالت

هي البيت دي ايه معندهاش دم طيب نعمل ايه تاني عشان تطفشها


الحما

انا غلبت يابت يافريدة الواد ماسك فيها ماسكة منيلة انا ابديت أشك انها عامله له عمل يابت وبعدين هنعمل ايه


فريدة

انتي لسه شاكة بس انا بقا متأكده بس انا عندي حتة فكرة ياماما بس بعدين اقول لك عليها


ورجعت البيت ودخلت لما قالت لي

انتي جيتي ياحبيبتي اومال طارق مطلعش معاكي ليه


سمر

طارق مشي بقا ياماما أصله وراه مشوار فراحه


الام

طيب ياضنايا هااا قولي لي بقا المزغودة حماتك عاملت لك ايه على الاكل اظن بقا اكلتي لحمة عنده


سمر بارتباك 

ايه ااا ااه دي كانت عامله اكل كتير اوي مع ان مكنش فيه حد غيري انا وطارق وهي بس اللي اكلنا


الام

اومال مرات ابنها وابنها كانو فين متغدوش معاكم ولا ايه


سمر

لا اصل ابنها ماكنش موجود ومراتة قالت هتستناه بقولك ايه ياماما انا هدخل الاوضة عشان اريح شويه انا مانمتش من امبارح


الام

ااه طيب ياحبيبتي عقبال كده ماتروحي عندهم تنوري بيتهم ده مع انه ابوكي مش بيحب الوليه امه دي


سمر

يا ماما انا مش عارفه بس هي امه عامله لكم ايه وبعدين انا هتجوز طارق مش امه


الام

والله الواد مؤدب جدا ومحترمة عشان كده هو اللي مصبرنا على الجوازة دي ربنا يهديه يارب دايما


سمر

امين يارب ياماما على فكرة هو قالي انه هيتفق مع بابا علي يوم كتب الكتاب والفرح قريب بقا


الام

طيب ياحبيبتي على خير ان شاء الله مع اني نفسي متبعديش عني ياسمر اصلك هتقطعي بيا انا والله


سمر

ياماما ابعد عنك ايه بس ده انا هبقا عندك علطول ومش هسيبك ياست الكل


الام.

ربنا مايحرمني منك ياحبيبتي يارب


وبعدها طارق اتفق مع بابا علي كتب الكتاب والفرح وعملنا الفرح وطلعت انا وطارق شقتنا وعند حماتي قالت

ااخ ياناري يعني بعد اللي عملته ده الواد يتجوزها برضو انا هيجرا لي حاجة دلوقتي لو البت دي ابني دخل عليها


فريدة

اهدي ياماما متعمليش في نفسك كده هاتتعبي 


رد أسامة اخو طارق وقال لها

انتي عايزة ايه بس ياماما ليه مش عايزه طارق يتجوز سمر


الام

عشان انا كنت عايزة اخوك يتجوز داليا بنت خالتك عشان بنت اختي أولى بيه عن البت المعفنة دي


فريدة

انا عندي فكرة انما ايه هتخلي ابوها يجي دلوقتي ياخدها


الحما

فكرة ايه دي يابت يا فريدة قولي بسرعه


وانا في شقتي كنت بغير هدومي وكان طارق في الصاله مستنيني وجاله تليفون من أمه وقالت له

الو ايوه ياطارق الحقنا يابني انزل بسرعة عشان تودي أسامة اخوك المستشفى


طارق بخصه 

ليه ياماما ايه اللي حصل بس في ايه


الام

اخوك تعبان اوي ياحبيبي وعايزين نوديه المستشفى وانت عارف انا مش هقدر اروح بيه ولازم تكون جنبة


طارق

طيب طيب حاضر انا نازل حالا


خرجت من الاوضة وقولت له

خير ياطارق في ايه انت رايح على فين دلوقتي


طارق

اخويا تعب ياسمر ولازم انزل اروح اوديه المستشفى انتي عارفه مفيش حد غيري في البيت


سمر

طيب ياحبيبي روح وابقي طمني بالتليفون


طارق

حاضر ياحبيبتي معلش ياسمر انا اسف عشان ليلة دخلتنا كده اسيبك


سمر

عادي يا حبيبي المهم تطمن على اخوك يلا بقا انزل بسرعة


ونزل طارق وبعدها لقيت حماتي طالعه تقولي

عجبك كده وش نحس علينا اول ما دخلتي بيتنا وابني راح المستشفى انا قولت انك نحس


سمر

ايه الكلام اللي حضرتك بتقوليه ده ياماما انا نحس ليه هو انا اللي خليتة يتعب ولا ايه


فريدة

 ايوه انتي نحس انا جوزي عمرة ماتعب كده قبل كده 


الحما

اسمعي يابت انتي انتي هتنزلي معايا دلوقتي على تحت عشان تمسحي لي الشقه كلها ااه ما انتي مش هتيجي هنا وتقعدي هانم مش كفاية نحسك علينا


سمر

امسح ايه بس انا لسه عروسة ولسه داخله بيتكم عايزاني من يوم كده أول انزل امسح


الحما

ايوه ياختي اذا كان عجبك يلا يابت قدامي على تحت يلا


ونزلت مع حماتي غصب عني وفعلا اخدت الجردل وفضلت امسح في شقتها وصورتني فيديو وطلعت شقتي فضلت اعيط

ورجع طارق وقالي

مالك ياسمر فيه ايه بتعيطي ليه كده في حد زعلك ولا ايه


سمر

لا مافيش ياطارق انا بس زهقانة شوية انت عملت ايه مع اخوك ومتصلتش بيا


طارق

اخويا كويس الحمد لله طلع شوية مغص وبسيط بس مش اكتر بس انا عايز اعرف مالك 


سمر 

مافيش ممكن تسبني لوحدي النهاردة انا تعبانة ارجوك 


طارق 

خلاص ياسمر هسيبك على راحتك ومش هغصب عليكي في حاجة 


وعند حماتي أسامة قال لها 

اديني عملت زي ما انتو عايزين ايه اللي حصل بقا ياماما 


الام 

اللي حصل اني هبعت الفيديو ده لابو البت دي وهو بقا يتصرف مع بنته اللي جايه هنا تشتغل خدامة 


وفعلا علطول حماتي بعتت الفيديو لبابا اللي لما شافه قال 

ينهار اسود الحقي يا ام سمر شوفي بنتك بتعمل ايه 


الام 

بنتي مالها ياعلي وبصت ماما على الفيديو وقالت 

ايه ده 


الاب 

حماتها باعتته وبتقولي بنتك هتبقي عندي خدامة 


الام 

ايه الكلام ده هى الوليه دي اتجننت ولا ايه هي واخده بنتنا عشان تشتغل عندها وجوزها فين من ده كله ازاى يسيب بنتي في ليله دخلتها تنزل تعمل لامه كده ايه الناس دي 


الاب 

عشان انا قولت الست دي انا مش مرتاح لها وانتي بنتي محدش فيكم صدقني وتقولو لي انها هتتجوزة هو مش امه 


الام 

خلاص بقا ياعلي هنعمل ايه دلوقتي 


الاب 

انا مش هسيب بنتي عند الناس دي دقيقة واحده من دلوقتي انا هاروح اخدها من بيتهم العالم العره دول 


الام 

استني بس ياعلي هتجيب بنتك دلوقتي ازاى بس وهي لسه في دخلتها الناس تقول ايه بس عليها كده بنتك سيرتها هتبقا على كل لسان 


الاب 

انا ميهمنيش كلام الناس انا اهم حاجة عندي بنتي ماتتهانش طول ما انا عايز 


وبعدها بابا جه وخبط علينا وكانت الساعه 6 الصبح وطارق اتخض وقالي

 خير يارب يمكن اخويا حصل له حاجة تاني انا هاشوف مين 


وفتح الباب وقال 

عمي خير ياعمي في ايه حضرتك جاي في وقت زي ده ليه 


الاب 

بنتي فين يا طارق انا جاي عشان اخدها وامشي 


طارق 

تأخذها منين وليه وازاي احنا لسه داخلين امبارح هو في ايه بس ياعمي 


الاب

 قولت لك انا هاخد بنتي وامشي دلوقتي يا طارق وانت هطلقها عشان انا مش مجوزك بنتي عشان تشتغل خدامة للست والدتك 


طارق 

مين قال إنها هتبقي خدامة عند امي ياعمي 


الاب 

هو انت مش دريان بحاجة ولا ايه شوف ده ولا انت مكنتش حاضر 


ساعتها خرجت من اوضتي واترميت في حضن بابا وفضلت اعيط وطارق قال 

ايه ده امتى ده حصل وازاي ماتتكلمي ياسمر حصل امتى 


سمر بتعيط 

لما انت رحت المستشفى مع اخوك مامتك قالت لي اني نحس عليكم ولازم اشتغلها خدامة وصورتي وقالت هتبعت الفيديو لبابا بس انا مرضتش اقول لك 


طارق 

وسكتي ليه ياسمر وليه مش قولتي لي اللي حصل ده 


سمر 

وكنت هتعمل ايه لما اقول لك ياطارق هتتخانق مع مامتك انا ميرضنيش 


الاب 

يلا لمى هدومك عشان نمشي من هنا 


طارق 

حقك عليا ياعمي حقك عليا ياسمر بس عشان خاطري ياعمي مش هينفع تاخد سمر من عندي النهاردة عشان محدش يقول عليها كلمة 


الاب 

انا ميهمنيش كلام حد ياطارق انا اهم حاجة عندي كرامة بنتي محدش يجي جنبها انا هاخد بنتي ونرجع بيتنا ولما تعرف ترد لها كرامتها ابقي تعالي خودها بس مش على بيت امك هنا انا بنتي مش هتعيش معاك في البيت ده 


طارق 

حقك ياعمي انا هاخد شقة برة انشالله حتى بالايجار ومش هخلي بنتك تتهان ابدا 


واخدني بابا علي البيت عندنا وماحدش شفنا من الجيران ورجعت اوضتي وفضلت اعيط وبابا قالي 

متزعليش ياسمر اللي انا عملته ده الصح كان لازم اعمل لك كرامة مع الست امه دي من اول يوم عشان لو كنت سكت كانت هتبهدلك معاها 


سمر 

ربنا يخليك ليا يا بابا ولا يحرمنيش منك ابدا ياحبيبي 


الام 

اخس عليها وليه دون بقا تعمل فيكي كده عشان ايه مش موافقه عليكي ربنا ينتقم منها


الاب

خلاص يام سمر ملوش لازوم الكلام ده بقا بنتنا عندنا هنا ومعانا جوزها حر بقا مع أمه لو مردش كرامتها يبقا ما ينفعناش


وعند طارق نزل على امه زي المجنون وقال لها

انتي ايه اللي انتي عملتي مع مراتي ده يا امي ينفع كده اللي حصل منك ده


الام

عملت ايه ولا هي المحروسة من اول يوم قومتك على امك وخلتك تنزل عايز تتخانق معايا


طارق

لا طبعا ولا هي قومتني عليكي ولا حاجة ده ابوها جه واخدها بعد الفيديو اللي انتي بعتيه له


الام 

ااه ماهو انا كان لازم اعرفه ان بنته هتبقا معانا كده ولا هي جايه عشان تفضل قاعده فوق زي الهانم ومتعملش حاجة ليه


طارق

سمر كانت ناوية تنزل لك من غير انتي ماتطلبي منها ليه بقا الإهانة دي كلها انتي ليه مش عايزاني افرح وانتي عارفه كويس اني بحب مراتي وكنا ناوين نعيش معاكي هنا في امان في شقتي لكن بعد اللي حصل منك ده انا مش قاعد لك في البيت ده دقيقه واحده وهاروح اخد مراتي واعيش في بيت بعيد لوحدينا


الام

ااه قول كده بقا قول ان الهانم وأهلها غصبو عليك انك تسيب شقتك وتروح تسكن في مكان تاني عشان تبقا على هواهم وتسيب امك


طارق

لا مش هما اللي غصبو عليا انا اللي اتحايلت على عمي انه ميخلنيش اطلق مراتي واني انا هاخدها ونعيش بعيد عنك قال لها كده وسابها ومشي


 وحماتي قالت له

روح ياطارق وسيب امك روح امشي ورا العالم دول وامك مش مهمة عندك يابني


ونزل أسامة على صوتها وقال لها

في ايه يا أمي بتزعقي ليه


وهي حكت له كل حاجة وقال لها

انا قولت لك بلاش تمشي ورا كلام فريدة مراتي انتي خلتيني اسمع كلامها واعمل نفسي تعبان عشان تبعدي ابنك عن مراته عشان تجيبي مناخيرها الأرض وفاكرة انك بكده هتكسريها وهي جات على دماغك يا أمي واهو ابنك هيسيبك


الام 

انا مش ناقصه كلامك انت كمان يا اسامة وعايزاك تتكلم مع اخوك وتعقلو 


وفعلا أسامة فضل يتحايل على طارق لكن هو رفض طبعا وبعدها جاب لنا شقه ورحت فيها معاها 


وعند حماتي تعبت جدا


وعند حماتي تعبت جدا ومش بتقدر تمشي على رجلها وفريدة قالت لها 

هو انتي هتفضلي تعبانة كده علطول وبتدلعي بقولك ايه انا خلاص زهقت منك ومن خدمتك انتي قولتي هتجوزي ابنك عشان مراتة تخدمك واهو خد مراتة ومشي من البيت والحمل كله بقا عليا انا لا وكمان اشيلك واحطك في مرضك بصراحة كده كتييير اوي 


الحما 

انتي ازاى يابت تتكلمي معايا كده ازاى انتي اتجننتي ولا ايه 


فريدة 

لا ياحبيبتي ماتجننتش ده عقلت وخلاص فاض بيا بقا ابعتي هاتي مرات ابنك تخدمك ياحبيبتي


الحما 

انتي بتقولي كده دلوقتي وانتي اصلا اللي كنتي عامله زي الحيه اللي بتبخ سمها وانتي اللي قولت لي اني لازم اعمل فيها كده 


فريدة 

ااه ماهو انا كنت فاكرة ان طارق ابنك هيطلقها ويتجوز بنت اختك زي ما انتي كنتي عايزة لكن ده اخد السنيورة بتاعته ومشي من البيت وانا اللي شيلت همك لكن خلاص انا كمان هسيب لك البيت انتي وابنك اشبعو بيه 


وفعلا فريدة مشيت من البيت واسامة بيفكر يطلقها وطارق عرف ان مامته تعبانة وجه وقالي 

انا عايز اقول لك على حاجه يا سمر دلوقتي امي تعبانة ومش بتقدر تتحرك وفريدة سبتها ومشيت وهي كلمتني وبتعيط هو ممكن تروحي تعملي لها حاجة 


سمر 

طبعا ياطارق دي مامتك اشيلها في عنيا الاتنين وبخض النظر على اللي عملته فيا بس عشان خاطرك انت انا مسامحها 


ورحت مع طارق عند حماتي اللي كانت تعبانة فعلا وفضلت اخدمها وقالت لي 

سامحيني يابنتي والله بنت أصول وتستاهلي كل خير حقك عليا ياسمر انا مكنتش اعرف اني هيجي يوم من الايام والاقي اللي بهدلتها هي اللي تشيلني وتخدمني 


سمر 

طبعا انا مش زعلانة منك ابدا ياماما عشان انتي ام جوز حبيبي وانا هنا معاكي هخدمك بعيوني وياريت متحمليش نفسك فوق طاقتها انا عايزاكي تبقى كويسة وترجعي احسن من الاول 


وفعلا مرت الايام وكل يوم حماتي بتحبني عن اليوم اللي قبلة ولما حملت الخبر فرحها جدا هي وطارق 

وعيشنا كلنا في سعاده وانا دلوقتي منتظرة اولد ابني 


وبكده تكون خلصت حكايتي


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺



تعليقات



CLOSE ADS
CLOSE ADS
close