سكريبت طبيبتي كامل وحصري على مدونة النجم المتوهج للروايات والمعلومات
 |
"كنت لابسه الهند فرى وبسمع اغانى وماشيه ع البحر فجاءه لقيت الناس متجمعه حوالين حاجه وبما انى اكتر انسان فضولى روحت اشوف اى دا"
=ف اى ي جماعه وسع ي بنى كدا لما اشوف
"عمر ما كنت أتخيل اشوف المنظر ده شاب ضخم اوى والعضلات هتفرقع منه وقمور اوى بس لحظه اى دا هو نايم ف نص الشارع لي "
_ي بنى قوم عايزين نعدى بالعربيه وانت نايم كدا عيب ي بنى احنا ورانا مشاغل
+ي عم اتصل بالشرطه انا طيارتى هتطلع والاخ مش راضى يقوم
_ي بنى قوم بقا
"اللى استغربته أن الشاب باصص للسما وتقريبا مش حاسس باللى حواليه فقربت منه حسيت بحاجه غريبه بتشدنى انى اقرب اكتر"
= ي كابتن طب انت سامعنى "قعدت اشاور قدام وشه بس هو ف عالم تانى"
+لا كدا كتير انا هتصل بالشرطه
=استنى بس انا هتصرف ممكن بس حد يساعدنا ننقله ع الرصيف
_انتى تعرفيه ي بنتى
"اترددت بس حسيت أنه ممكن يقع في مشكله لو سبته ف قررت اساعده"
=لا ي حج بس اكيد مش هنسيبه كدا
"الناس ساعدتنى انقله وقعدت جنبه وحاولت اتكلم معاه بس هو ولا هنا "
=طيب بصلى طيب انا بحاول اساعدك بس انت مش راضى اهو هسيبك وامشي
"فجاءه لقيته بصلى بصه الم وحزن وكسره مش عارفه من اى بس بما انى طبيبه نفسيه ف فهمت نظرته"
=ممكن تقوم معايا "اللى استغربته أنه تجاوب معايا وقام ي اخى تبا لك دا انا بقالى ساعه لما نملت جمبك"
=طيب معاك رقم حد من أهلك طب ارن عليه يجى يساعدك
"بصلى بس مردش بس ع الأقل ف اى رد فعل احسن من الاول "
=طيب تعالى معايا
"دخلنا مطعم وطلبت اكل لانى عندى شغل كمان ساعه ومفطرتش من الصبح بس مش عارفه اعمل فيه اى شكله ابن ناس لابس هدوم نظيفه وبراند يعنى غنى طيب فين اهله فوقت من تفكيرى ع صوت النادل بيحط الاكل "
=طيب بص انا أسمى اسيا دكتوره نفسيه ف لو عندك مشكله انا موجوده ممكن تحكيلى
"لا رد فعل طب ممكن يكون اخرس صح ازاى مفكرتش ف كده طب اى بقا هعمل فيه اى دا"
=طب معاك تلفون طب
"رجع لحالته الاول بيبص من الشباك ومش حاسس باللى حواليه من حالته دى قدرت اعرف أنه مر بمرحله صعبه خلته يفقد الأمل ف كل حاجه حواليه وعايش ميت وبدون تفكير لقيت نفسي بمسك أيده وحطيت له المعلقه علشان يأكل بس بردو لا رد فعل "
=طب بص بقا هتاكل يعنى هتاكل انا لازم امشي كدا هتاخر
"اى دا هو بيعمل اى دا مسك ايدى كانى ههرب منه طيب وبعدين بقا حاولت اشد ايدى بس ولا الهوا ف حاولت اتكلم بهدوء لانى اكتر حاجه بتعصبنى أن حد يتجاوز حدوده معايا "
=طيب سيب ايدى يااخ بص انا لازم امشى عندى شغل وكدا هترفد بسببك وانت خليك هنا انا هحاسب ع الاكل بس انت حاول اوصل لحد من أهلك
"من غير ما انتظر دقيقه كمان كنت خلعت اى الشخص الغريب دا روحت شغلى بس الحمدلله محدش لاحظ انى اتاخرت وانا مروحه بيتى حاسه حد ماشى ورايا بصيت ملقتش حد دخلت بيتى اه صح انا عايشه مع مامتى وابويا متوفى معنديش غير اخت بس متجوزه وعايشه ف الكويت دخلت سلمت ع امى وطلعت انام صحيت ع الساعه1بالليل قومت اقف ف البلكونه شويه بس اى دا احيييه دا بيعمل اى هنا"
البارت التانى
"نزلت اتسحب انا مش عارفه بيعمل اى دا لو حد من الجيران شافه يختاااى يختااى "
=انت بتعمل اى هنا هه وعرفت بيتى منين انت كنت ماشى ورايا
"لا رد ولا رد فعل الله يحرق دا يوم طب هعمل اى دلوقتى "
=ي بنى ابوس ايدك هتلبس لامى مصيبه انت بتعمل اى هنا
_الله الله ي ست اسيا بتارطسينى وجايبه راجل البيت هو علشان ابوكى مات يبقى خلاص تمشى ع حل شعرك
=مم ماما
_اه ماما يختى اللى جايبالها رجاله البيت "وطبعا لان ماما نو تفاهم جابتنى من شعرى"
=ي ماما استنى بس هفهمك
"اى دا اى دا دا طلع جركن مان ومسك ايد ماما ابو حلاوتك ي شيخ"
=هشش أهدى دى ماما وطبيعى لما تلاقى بنتها مع شاب حليوه زيك تعمل كدا "ساب ايد ماما بعد ما كان هيكسرها واى دا ايفون احدث اصدار لا انا نقطه ضغفى الايفون ،مد أيده بالفون وكان كاتب حاجه ف النوت"
$انا اسفه انى بعمل لك مشاكل بس انا معنديش مكان ولا حد اروح له ممكن اقعد عندكم
"قريت الكلام وبصيت له بحزن انا كدا اتاكدت أنه مش بيعرف يتكلم ،ماما خدت الفون منى وقريت الكلام "
_طب ادخلو جوه لما نشوف اى الحوار ده بدل ما الجيران تتفرج علينا مش ناقصين فضايح
"دخلنا البيت وماما قعدت جنبى ع الكنبه وهو ع الكرسى اللى ف وشنا واحب اقولكم أن ماما هتعمل استجواب هالحين"
_شوفى انا ام محترمه اهو وهسمع منك مين ده وبيهبب هنا اى وعرفتى امه منين
=سيبى لامى فرصه علشان اتكلم "حكيت لها اللى حصل وهى بصت له وهو قاعد ع الكرسى باصص قدامه ومش حاسس باللى حواليه "
_طب هنعمل اى مش هينفع يقعد هنا الناس تقول اى علينا"ماما اول لما قالت كدا قام بسرعه وقعد ع الأرض جنب رجلى ومسك ايدى وبصلى بعيون مدمعه "
=طيب ي ماما انا عندى الحل احنا ممكن نقول إنه قريبتا وجاى يقعد كام يوم ونقعده ف شقه جوز اختى اللى فوقينا
"ماما بصتلى بتفكير وهو مترقب الاجابه وعينه مدمعه بجد صعب عليا"
_ماشى بس هما كام يوم وتشوفى حل فاهمه
=فاهمه ي احلى ام
_احلى ام مين البت دى ع العموم قومى حضرى الشقه و نضفيها
=حاضر "وبصيت له" بص انا هعمل حاجه وهاجى علطول متخافش ماشى
"قام وقف وقعد ع الكرسى ورجع لنفس حالته الاوله"
"طلعت نضفت الشقه وشيلت الحاجات الخاصه ف اوضه وقفلت بابها بالمفاتيح نزلت لقيت ماما بتحضر له اكل وهو قاعد على الكرسى بردو لا رد فعل بجد حالته صعبه اوى"
_خد يبنى كل حاجه بسيطه وانتى ي اسيا هاتى بيجاما من بتوع جوز اختك ليه علشان ينام فيها لحد ما نشوف نجيب له هدوم او يلبس من هدوم جوز اختك
=حاضر ي ماما
"جبتله البيجاما ودخلت نمت لانى بجد تعبانه اوى وعندى شغل بكرا كتير ،صحيت تانى يوم ع صوت خبط ع الباب بفتح لقيته ف وشى وهو بيتاوب و بعين شبه مغمضه بس اى الحلاوه دى امريكانى الولا ده "
=صباح الخير .. طب بص بقى خد النوت دى علشان نعرف نتواصل لما اكلمك اكتب فيها ماشى
"خد النوت منى وقعد يكتب وانا براقبه بس بجد اى الحلاوه دى عينه رمادى وشعره اسود طويل شويه ولا غضلاته نفخ دى اكيد "
$صباح النور اسف لو صحيتك من نومك بس انا عطشان ومفيش ميه فوق
=طب تعالى ادخل طب
"جبتله يشرب ودخل قعد ع الكرسى "
=طب بص انا لازم امشى ورايا شغل خليك هنا مع ماما هى هتهتم بيك
"لقيته قام وقف ومسك ايدى بسرعه يبنى مش ههرب مش كدا قلبى الصغير لا يتحمل"
$انتى هتسبينى وهتمشى صح انتى مش عايزانى
= أهدى انا مش هسيبك انا هروح وهاجى علطول
$طب خدينى معاكى
=ياريت بس مش هينفع استنى هنا ومتخافش مش هتاخر
"ساب ايدى ورجع قعد مكانه مش عارفه ليه بيبقى حاجه تانيه معايا المهم جهزت ونزلت ع المستشفى بقيت بحاول ع قد ما اقدر اخلص شغل بسرعه علشان ارجع له الشغل كان كتير بس الحمدلله خلصت وانا نازله من المستشفى لقيته ف وشى لا بجد بقا احيييه انا مش سيبته ف البيت"
(طبعا اى كلام بيقوله هيبقا مكتوب تمام علشان مش هقعد اشرح كل شويه )
# البارت الثالث
=انت جيت هنا ازاى
"كان بيبصلى بعيون مدمعه وشكله حزين ومتالم مش عارفه من اى بس حسيت قلبى انكسر من نظرته"
=طيب تعالى نروح واحكيلى اى مدايقك
"روحنا وطول الطريق وهو حزين ومكتئب"
=ها بقا مالك
"قام جاب النوت وجه قعد جنبى"
$مفيش حاجه انا بس خوفت تمشى وتسبينى
=هو انا مش قلتلك انى مش همشي ابدا ولا هسيبك
"حسيته بيكدب فيه حاجه مخبيها عليا ولازم اعرفها"
$طب انا عايز اشترى هدوم وشويه حاجات ممكن ننزل بكره
=ماشى ي سيدى ننزل بكره الا صحيح انت اسمك اى
$ليث
=لا اسمك جامد علفكره حبيتك خلاص
$وانتى اسمك جميل برضو
=الله يجبر بخاطرك يشيخ
"ابتسم بعد كدا قام وقف وطلع الشقه علشان ينام و كطبيبه نفسيه فهمت انو بيحاول يهرب من حاجه ف النوم"
=ماما انتى فين
_اى ي بنتى عايزه اى
=جعااااانه
_خلاص فضحتينى اى مسروعه
=الله ي ماما مش انا بنتك حبيبتك ولازم تيجى تشوفينى عايزه اى ع العموم حطيلى اكل علشان ادخل ارتاح شويه
"اكلت ودخلت انام لانى بجد اليوم كان مهلك النهارده،صحيت الصبح بس ملقتش ليث ممكن يكون لسه نايم المهم وبما انى النهارده اجازه هاخد ليث وننزل نشترى هدوم زى ما وعدته دخلت اخدت شاور ولبست وطلعت اخبط عليه "
=ليث افتح دى انا اسيا
"فتح الباب بس تحت عينه اسود وعينه حمرا تقريبا كان بيعيط ومنامش طول الليل بس مردتش ابين انى اخده بالى من عينه اللى لسه فيها بواقى دموع علشان ميحسش باحراج"
=اى دا انت لسه ملبستش يلا البس علشان ننزل
$طيب ادخلى على ما البس
=لا انا هستنى تحت ومتنساش النوته علشان نعرف نتواصل
$حاضر مش متاخر
"نزلت شويه و استنيته نزل كان لابس بنطلون اسود وتيشرت اسود و كوتشي ابيض "
=اى الحلوه دى ي واد ي ليث
$دى عينك اللى حلوه بس بلاش واد دى
=طيب ي واد ي ليث هه بقا
"ابتسم والشمس طلعت يخربيت جمال ضحكتك"
=احمم طب يلا
"نزلنا روحنا المول اشترينا هدوم بس الغريبه أنه هو اللى دفع كان معاه كريديت كارد بعدها دخلنا مطعم واتغدينا ودلوقتى احنا مروحيين بس هو أصر اننا ناخدها مشي"
=الجو حلو اوى النهارده
$فعلا الجو حلو بس انتى احلى
"اى دا حد يعمل ف اخو الانسان كدا "
=احمم شكرا ي زوق
"فجاءه واحنا ماشيين شويه رجاله عندها انتفاخ ف العضلات طلعت علينا واى دا أحيييه"
=اى ي كابتن فى حاجه
*احنا مش عايزينك انتى احنا هناخده هو وانتى اتفضلى
=ايوه يعنى هتاخده فين
*عايزينه ملكيش دعوه
"ليث اتعصب وعينه احمرت وراح ضرب الراجل المنفوخ ده بوكس بس بعدها عينك ما تشوف الا النور اتنفخنا ي باشا "
"صحيت بعدها ع صوت راجل بس اعوذ بالله اى دا هو بيبصلى كدا لي"
&ازيك ي ليث اووه نسيت انك مش بتتكلم اخرس يعنى هههه
=علفكره انت راجل قليل الادب و معندكش دم كمان
&اووه قطه شرسه لا المزه دى تخصنى ي ليث زى ما امك كانت تخصنى وابوك اخدها منى
"ليث عينه احمرت وبقا يجز ع سنانه وبقا شكله يخوف بجد"
&اى رايك ي ليث ولا اقولك ي ابن الباشا زى ما كانو بيقولولك ف السجن
=ال السجن
البارت الرابع
=ال السجن لا استنى احييييه
&اى دا هى القطه مكنتش تعرف انك رد سجون
"ليث عينه حمرا ووشه مرعب بطريقه فظيعه وبيبص الراجل بغل، فجاءه دخل شاب ف نفس عمر ليث تقريبا"
*ليث انت انت عايش
&اهلا وسهلا بالأبن البار اى جاى تساعد ابوك
*هه اه ي بابا جاى اساعدك انا خلاص قررت انى ابقى ف صفك دايما
"الولا ده شكله مش غريب عليا بس مش فاكره شوفته فين "
&طيب حلو خدهم ع الاوضه اللى جوه واقفل الباب كويس وخد الرجاله وقفهم ع الباب وانا رايح مشوار وراجع تانى لسه الحساب هيبدأ
"دخلنا اوضه ضلمه جدا وانا اساسا بخاف من الضلمه بس الولا ده بصلنا كأنه بيطمنا ،عدى ساعه واتنين وتلاته ومحدش حاسس بينا بس الباب انفتح مره واحده ودخل الولا ابن الراجل ده وجه حضن ليث وفكنا "
*انا عارف ان ابويا راجل حقير بس الدم عمره ما يبقى مايه ي بن عمى يلا يلا بسرعه علشان نلحق نخرج قبل ما يرجع
"اى دا يعنى الراجل ده عمه لا اكيد في حاجه غلط "
=طب يلا بسرعه ي كابتن
*اى دا دكتوره اسيا انتى مش فكرانى دا انا عمر كنت بتعالج عندك من الاكتئاب
=والله ي بنى الذاكره يدوبك أنجز بقا علشان ابوك هييجى ينفخنا
"طلعنا من المكان القذر ده بس روحنا ع بيت تبع عمر واتصلت لماما تيجى "
_كنتى فين واي اللى حصلك "بتقولها وهى بتعيط"
=أهدى ي ماما انا كويسه والله احنا بس اتختفنا
_ ي نصيبتى وبتوقليلى اهدا كنتى هتروحى منى ي بنت بطنى وتقوليلى أهدى
*ي جماعه اسمعونى بس لازم ي اسيا تفضلوا هنا علشان تبقوا ف امان بابا مش هيسبكم
=ابوك كبر وبيخرف تخيل بيقولى ي مزه
*احم انا اسف بجد انا مش عارف هو بيعمل كدا ليه بس اللى اعرفه انك لازم انتى وليث تتجوزوا علشان تبقى ف ذمه راجل يقدر يحميكى
=نااعم
"ليث مبنش ع وشه اى رد فعل وكان باصص قدامه حسيت زى اول مره اتقابلنا فيها تايهه وحاسس بالألم وبردو معرفتش من اى اكيد الراجل ده ليه علاقه "
*تقريبا هو ده الحل الوحيد ابويا حطك ف دماغه انا هبعت اجيب المأذون اكتبوا الكتاب ولو الأمور انحلت ابقوا اعملوا فرح بعدين
_اى ي اخ انت انا بنتى مش هتتجوز كدا ابدا
*ي مدام بنتك فى خطر ع حياتها بيتوقف ع الجوازه دى
_يعنى اى يعنى انا بنتى مش هتتجوز كدا تتحسب عليها جوازه ف الآخر
$انا هعرف احميها مش لازم اتجوزها
=ليث انت انت بتتكلم
"جريت عليه من غير ما احس وحضنته حضنته جامد كأنه ابنى وخف اخيرا"
$انا اسف حطيتك ف كل ده بس اوعدك انى هحميكى بروحى من غير جواز
=بس انا موافقه اتجوزك
$اي
=بقولك موافقه اتجوزك
$ليه تربطى نفسك بحد حياته بايظه زي عيشي حياتك بعيد عنى
= علشان حاسه انك ابنى ومفيش ام بتسيب ابنها
$بس انا مش ابنك انا هبقا هم وقرف ومش هتتحملى التعب اللى جوايا والمشاكل اللى كل شويه هنبقا فيها
=انا هستحمل
$لي اى يجبرك
=يمكن لانى حبيتك
البارت الخامس
$لحقتى تحبيتى ف الكام يوم دول
=حبيتك وحبيت غموضك حبيت لون عينك حبيت كل حاجه فيك
_ اى ي بت البجاحه دى راعى أن فى كوز دره واقف وراكى احترمى انى امك شويه
=احمم اى دا ماما
*طب ي جماعه بما انكم اتفقتوا خلاص اى اروح اجيب المأذون
_روح ي بنى دى قاعده تقوله بحبك وحبيت كل حاجه فيك وانا واقفه هنستنى اى اكتر من كدا
=الله ي ماما بقا
_وش كسوف اوى انتى
$خلاص بقا ي طنط انتو هتحفلوا ع مراتى
"كلمه مراتى خلت قلبى يدق بعنف وبقيت خايفه حد يسمع صوت دقاته من مجرد كلمه"
_ما انت طلعت بتتكلم اهو امال اى بقا
=كان عنده فقدان نطق موقت ده بيبقى سبب صدمه اتعرض ليها
$خلاص ي جماعه بلاش نتكلم ف الموضوع ده
"بيحاول يتهرب من حاجه بس انا لازم اعرف الراجل اللى اسمه عمه ده عمله اى "
*طب ي جماعه انا هروح اجيب المأذون مش هتاخر
$بنتعبك معانا ي عمر
*دى اقل حاجه اعملها مش كفايه اللى أبويا عمله فيكم انا بجد مش قادر ابص ف وشك من اللى عمله بس انت عارف انا مليش دعوه بيه ولا باللى ييعمله
$روح ي ابن عمى بلاش نفتح ف جرح مش بيتقفل
"دلوقتى اتاكدت أن الراجل ده عمل حاجه ولازم اعرفها بس هستنى لما يبقى حلالي"
=ليث ممكن اتكلم معاك
$اتفضلى عن اذنك ي امى طبعا
_اذنك معاك ي بنى روحوا وانا هدخل اعمل لقمه تاكلوها بس هو المظبخ فين
$اهو ي امى من الناحيه دى
"فضلت ابص ع امى وهى ماشيه لغايه ما أتاكدت أنها مشيت مش عايزه احرجه قدامها"
=ليث انت كمان ثوانى هتبقى جوزى ومش هينفع نبدا حياتنا بأسرار لازم اعرف اى حوار عمك وحوار السجن ده
$هحكيلك كل حاجه بس مش دلوقتى خليها لما ابقى حاسس انى مستعد افتح جراحى تانى رغم أن عمرها ما اتقفلت
=هستنى ي ليث هستنى ابقى سندك ف الحياه والحضن الدافى اللى تحكى فيه كل اللى وجعك
$ربتا يخليكى ليا بجد مش عارف انا من غيرك كنت هروح فين انتى قلبك طيب خلتينى ف بيتك مع انى كان ممكن ابقى حرامى ومع كل غموضى وحزنى والمشاكل اللى هتواجهك معايا حبتينى من قلبك
=روح ي شيخ ربنا يكرم اصلك
$احييه انتى بجد فصيله بقولك كلام حلو تقوليلى يكرم اصلك شيخه تبا لكى
=علفكره انت حرامى
$انا!؟
=اه انا دائما اللى بقول احيه ويقول تبا لك بلاش تسرق كلامى
$يشيخه
=انت بتضحك عليا ليه
$اصلك كيوت اوى وانتى متعصبه
=الله يكرم اصلك
$ردك غير متوقع علفكره
=نحن نختلف عن الاخرون
_يلا ي ولاد الاكل
"قعدنا كلنا وعمر جه مع المأذون وكتابنا الكتاب كمان انا بجد مش مصدقه انى اتجوزت لواحد اعرفه من كام يوم اى السرعه دى بس القلب وما يريد بقا "
$مبروك ي زوجتى العزيزه (قالها وهو بيقبل مقدمه رأسها)
=قره عيني اوى
"اللهم ارحم موتانا وموت المسلمين ربنا يرحمك ي صلاح وي عمار 🖤✨
البارت السادس والاخير
طبيبتى
&انا مش فاهم انت كنت مفكر لما تهربهم مش هعرف اوصلهم لا ي حبيبى انا كنت حاسس انك غدار علشان كدا خليت حد يراقبك ومتخافش قريب اوى هخلص عليه ومحدش هيقف ف طريقى
*لي ي بابا هه لي مش بتحبه لي بتعمل فيه كدا مش كفايه اللى عملته فيه زمان دمرته ودمرت عيلته عايز اى تانى حرام عليك "كان بيقولها بزعيق "
&ههههه كان لازم اعمل كدا طول عمرى جدك كان بيفضله عليا حتى الانسانه الوحيده اللى حبيتها خدها منى
*مش ذنبه أنها حبته ومش ذنبه اللى جدو عمله
&لا ذنبه طول عمره الناس بتحبه وانا لا كل حاجه بيخدها منى
*انت مريض مريض بالغل
(ف جهه اخرى)
"عدى اسبوع ع كتب الكتاب محاولتش افتح معاه موضوع عمه أو السجن علشان مجرحش مشاعره بس الفضول هيموتنى وكمان لازم اعرف الراجل اللى هكمل معاه عمرى مخبى اى عليا"
=احمم ليث
$نعم ي اسيا ادخلى ف الموضوع ع طول
=فاهمنى ي باشا ع العموم انا كنت مستنيه انك تكلمنى ف الموضوع بتاع عمك بس انت مش عايز تفتحلى قلبك وتحكيلى وانا صراحه الفضول هيموتنى
"غمض عينه بالم "
$اوعدك بليل هخلص مشوار مهم واجى احكيلك
=مالك ي ليث انا اسفه لو الموضوع بيزعلك خلاص مش عايزه اعرف
$لازم تعرفى ي اسيا لازم علشان نبدا من الاول صفحه بيضه من غير مشاكل او هم
=لما تبقى قادر تحكى انا هبقى موجوده
"ربنا يستر شكل الحوار كبير "
(عند عم ليث)
&احنا هنستنى هو هينزل من البيت كمان شويه تخبطه بالعربيه عايز الموضوع يبان حادثه عاديه وكمان عايز ف نفس الوقت يطلع رامى يدبح مراته وامها مش عايز اى أثر للعيله دى وياخد باله مش عايز اى دليل علينا
'تمام ي باشا بس بالنسبه للفلوس
&متخافش انا هظبطك
"كل ده تحت مسمع عمر اللى بيراقب أبوه تحسبا لأى حركه غدر منه"
*ي نهار اسود الغل وصل بيك انك تقتله انا لازم اقول ل ليث
"راح عمر ل ليث بس "
*ليث ليث فين ي اسيا
=ليث نزل راح مشوار ف حاجه ولا اى
*ي نهار ابيض طب طب البسي بسرعه قبل ما حد يجى
=حد اى .....ااااه ف اى مين دول
*دول دول احيييه هنموت الله يحرقك
رامى :أهدى ي عمر انا مش جى ااذى حد بس انا جيت علشان نحاول نلحق ليث ابوك بعت حد يقتله وكان بعتنى علشان اخلص ع المدام وامها وكمان عليك بس انت صاحبى
=ليث طب هنعمل اى
"التلفون بيرن ف الوقت ده"
'الو حضرتك الأستاذ ليث عمل حادثه و
=ليث ليث ي عمر عمل حادثه انا لازم اروح
*طب أهدى انا هاخدك ليه
=طب طب يلا بسرعه
"راح عمر واسيا المستشفى "
=دكتور ف مريض جاه من شويه ف حادثه هو فين
'اهدى ي مدام احنا عملنا اللى علينا بس هو دخل ف غيبوبه
=اااه ليث
"اغم عليها والدكتور قال لعمر أن جابها انهيار عصبى "
"عدى اسبوع اسيا كل يوم تقعد جمب ليث وتتكلم معاه وهو نائم مش بيتحرك"
=ليث قوم بقا انا اسيا حبيبتك وحشتنى اوى ي ليث
$ااس يا
=ليث انت صحيت انا هنادى ع الدكتور
$اا استنى
=أهدى بلاش تتكلم انا هجيب الدكتور وهاجى...لو سمحت عايز دكتور ليث فاق من الغيبوبه
'طب يلا ي مدام
"جه الدكتور وكشف ع ليث وقال إن حالته بقت مستقره وهيتنقل اوضه عاديه "
$هو اى اللى حصل ي اسيا
=مش وقته دلوقتى لما نروح بيتنا نبقا نتكلم
$صحيح مامتك فين
=ماما ف البيت كانت بتيجى هنا كل يوم تطمن عليك وتمشي
$امك دى ست طيبه...شوفى الدكتور انا عايز اروح
*احمم ممكن ادخل
=اتفضل ي عمر
*انا عرفت انك فقت جيت اتطمن عليك
$تشكر ي ابن عمى
*انا اسف ي ليث ع اللى أبويا عمله
*ولا يهمك انت ملكش ذنب
*هو ع العموم اتوفى من يومين
$البقيه ف حياتك مات ازاى
*بعد ما اتقبض عليه طلع ليه أعداء ف السجن قتلوه
$متزعلش منى ي عمر بس ربنا بيخلص حقى وحق اهلى منه
*مش زعلان دا كان عايز يقتلنى انا كمان تخيل يقتل ابنه
=احمم عمر بلاش نتكلم ف الموضوع ده هنا لما نروح البيت انا كنت رايحه اجيب الدكتور
*خلاص خليكى انا هروح اخليه يكتب ع إذن خروج
"الدكتور كتب ل ليث ع إذن خروج وليث رجع بيته تانى وعدى اسبوع ودلوقتى لازم نفتح الماضى "
$انا مستعد افتح الماضى واحكيلك ي اسيا
=لو تعبان مش لازم
$لا انا محتاج احكى علشان نقفل الماضى بقا
"نام ع رجلى وغمض عينه وبدأ يتكلم وبيعيط بحرقه "
$كانت عايش انا وامى وابويا ف امان وكنا فرحانين لما اكتشفنا أن امى حامل وهتجيب اخت ليا ماهى كانت حامل ف بنت بس الفرحه مش بتدوم عمى أو اللى كنت فاكره عمى خطفنا انا وامى وابويا و كان عايز ابويا يطلق امى وهو يتجوزها بس امى قاعدت تصرخ وتقول لابويا ميعملش كدا راح عمى فتح بطنها قدام عينى وطلع اختى من بطنها وقطع رقبتها امى كانت ف الثامن وقتها والجنين كان مكتمل قتل طفله مشفتش الدنيا علشان غله وحقده ع ابويا وامى ماتت بعدها جالها نزيف وماتت بردو قدام عينى أما ابويا بقا مات بقهرته عليهم وانا اتهمنى انى سرقت مجوهرات مراته واتحبست سبع سنين مكنتش بتكلم من اللى شوفته جالى حاله نفسيه بقيت اضرب المساجين علشان ادخل الانفرادى واليوم اللى قابلتك فيه ده يوم سنويه موتهم كنت حاسس روحى بتطلع لغايه ما شوفتك شبها ف كل حاجه ف طيبتها حتى الشكل فيكى ملامح منها حسيت نفسي شايف امى قدامى علشان كدا جيت وراكى
=طب وهو عمك عمل كدا لي
$جدى كان بيحب ابويا اكتر وعمى كان دايما بيحقد عليه عمى وابويا كانوا نفس الجامعه وحبوا نفس البنت اللى هى أمى بس هى حبت ابويا واتجوزوا ف الغل وصل بيه لمرحله الجنون وف الاخر طلع عمى مش عمى طلع ابن صاحب جدى ولما صاحبه مات هو اللى رباه بس طلع حقير وناكر للجميل
=هو عمر يعرف كل ده
$عمر يعرف أن أبوه هو السبب انى اتحبس لكن ما يعرفش أن أبوه قتال قتله
=ربنا يرحمهم ياارب
$ياارب المهم احنا عايزين نعمل فرحنا بقا
=لما تخف هنعمل اكبر فرح
$انا عايز أسمى حور علشان تبقى عارفه بس
=وانا عايز أسمى جاسر
$وماله سمى جاسر بس تحبينى انا اكتر منه هه
بعد خمس سنين
=ي جاسر تعالى كل بقا جننت امى
$مالك ي اسيا
=ابنك جنن امى مش راضى يأكل
$جاسر كل واسمع كلام ماما
'بابا ماما عايزه تاكلنى بيوكلى(بروكلى نوع خضار) وانا مش بحبه
$والله ولا انا بس هنعمل اى حكم القوى
=بتقوى عليا الولا ي ليث
$لا والله ي حبيبتى يلا ي جاسر كل أكلك بدل ما امك تاكلنا
=علفكره سمعتك وهتاكل معاه بروكلى عقابا ليك
$لا ي ماما انسي
After 3 minutes
=جاسر خلصت أكلك انت وبابا
'ايوه ي ماما خلصنا
$حسبى الله ونعم الوكيل
=بتقول حاجه ي ليث
$بقول تسلم ايدك ي روحى الاكل تحفه متعملهوش تانى بقا
(النهايه )
ادخلوا بسرعه من هنا 👇👇👇
وكمان اروع الروايات هنا 👇
