رواية مجنونة المستر الفصل الاول والتاني والتالت بقلم نجلاء فتحي عاشقه الكلمات حصريه وجديده على مدونة النجم المتوهج للروايات والمعلومات
 |
رواية مجنونة المستر الفصل الاول والتاني والتالت بقلم نجلاء فتحي عاشقه الكلمات حصريه وجديده على مدونة النجم المتوهج للروايات والمعلومات
تقف نادين الجميلة فى البلكونة وتشرب شاى بلبن وتتصفح على الفون ثم أنتبهت على سيارة كبيرة لنقل الأثاث أغلقت الفون وأخذت تتابع ما يحدث لكنها لم تعلم أى دور سوف يسكن السكان الجداد فهم فى العمارة المقابلة لها ،أتت الأم وقالت
الأم/ أية الدوشة دى
نادين / سكان جداد فى العمارة إللى قدمنا
الأم/ عريس يعنى
نادين / لا العفش عادى سكان ياماما
الأم/ أدخلى من قصاد الرجالة
نادين / يوةة بقا هما تحت فى الشارع وأحنا فى الرابع
الأم / لسانك الطويل دة هيوقعك فى مشاكل
نادين/ ماما لو سمحتى عايزة أتفرج
الأم بقلة حيرة/ هقول لأبوكى ،،ثم دخلت الشقة
نادين / عادى مش هيعملى حاجة ثم أخذت تفكر أى دور سوف يسكن السكان الجداد وياترى عندهم بنات أممممم🤔
وقطع تفكيرها فتح البلكونة أمامها أتسعت عيناها فى الشقة المقابلة لها سوف تسكن جريت للداخل بسرعة وحمدت الله أن البواب هو إللى فتح أخذت تأخذ غرفتها ذهاب وأياب مش مرتاحة وهنا أتت فى بالها فكرة 💡 نظرت للصالة وجدت الأم مشغولة فى تجهيز الطعام أغلقت باب غرفتها برفق ثم فتحت شباك البلكونة بسيط وأخذت تشاهد ماذا يجرى فى الشقة المقابلة فى ضميرها عايزة تعرف فى بنات تنفع تصاحبهم ولا لا
شاهدت رجال كثيرة وسيدة واحدة كبيرة فى السن فقط وسطهم ثم خرج شاب يدخن فى البلكونة فأغلقت البلكونة بسرعة أنتبة يوسف على الصوت فأنخدع فالشباك مغلق فلم يهتم فهو خرج عندما وجد البلكونة مغلقة ولم يعلم بمن تراقب من وراء الشباك
نادين / يالهووووووى لو شافني وبعدين يكون فرد من السكان الجداد ولا عامل بيطلع العفش ولو الساكن شكلة هيعسكر فى البلكونة وسجارة وراء سجارة تجيب جيوان لا لا إيه إللى أنا بقولة دة شكلى مش أعرف أطلع البلكونة تانى ومش أفتحها خالص أوووف يارب لا
فتحت الأم الباب فأنخضت وأتفزعت نادين
الأم/ قافلة على نفسك لية
نادين / فى أية يا ماما مفيش خصوصية
الأم رفعت حاجبها لأعلى/ البنات ملهومش خصوصية
نادين / لييييييية
الأم/ والله العظيم لو عليتى صوتك تانى هزعلك هو سؤال قافلة على نفسك لية باب وشباك فى الحر إللى أحنا فية
نادين/ عادى
الأم/ أنظبطى
نادين بتوتر/ أصل أصل يا مامتى يا حبيبتى حسيت تخنت شوية قولت أكتم الأوضة فتكون ذى السونة بس كدة
الأم / وكدة هتخسى
نادين/ أيوة
الأم/ ربنا يشفى دماغك هبلة ومتخلفة يارررررب عوض عليا عوض الصابرين
نادين/ بلاش تدعى بضمير بدل متخلفى غيرى يمرمطك ههههه
الأم/ خلعت شبشبها وهوب طار فى وشها فأنحنت نادين للأمام ولم يصيبها وقالت مجتش فيا مجتش فيا ههههههههه
الأم/ خرجت من الغرفة وهى هتنجلط من أفعال بنتها
نادين/ أوووف الحمد لله بلفت ماما بكلمتين ثم فتحت الشباك تانى برفق وجدتة واقف بيتكلم فى الفون فأغلقت الشباك برفق وقالت شكلة هيقرفنا ثم أنشغلت فى الفون
بقلم نجلاء فتحى عاشقةالكلمات
__
【فى الشقة الجديدة 】
الأم/ يوسف يوسف
يوسف/ تعالى أنا فى البلكونة معايا تليفون
الأم/ خلصت
يوسف/ أيوة
الأم/ بتكلم مين
يوسف/ واحد صاحبى بيبارك على الشقة الجديدة وعايز يبعت أختة تساعدك
الأم بفرحة / ومالة
يوسف/ ومالك فرحانة لية نهيت الموضوع مينفعش أختة بنت وصغيرة ومش مرتبطة وأنا شاب وأكيد هكون موجود لا كدة غلط
الأم بلوية بوز/ أتاريك مش عايز تتجوز
يوسف/ مش فاهم
الأم/ يا حبيبى لازم تكلم بنات جايز قلبك يختار واحدة وتتجوزها
يوسف / مش عايز كلام فى الموضوع دة لو سمحتى
الأم/ بس
يوسف/ كفاية سبنا منطقتنا وجينا هنا وبعدين مين هيقبل بواحد زى مش كفاية الأولى
الأم بحزن/ هتتعدل قول يارب
يوسف/ يارب روحى أتعشى مليش نفس
الأم/ هاكل معاك
يوسف/ أمرى لله يلا ناكل
وربنا يقدرنا على فرش الشقة
وأنتهى اليوم
أتى الصباح
نادين/
يتبع
مجنونة المستر
بقلم نجلاء فتحى عاشقةالكلمات
مجنونة المستر
البارت ال٢
بقلم نجلاء فتحى عاشقة الكلمات
________
【فى صباح اليوم التالى 】
فى غرفة نوم نادين
الأم/ نادين نااااادين
أوووف 🐃 نايمة
أتفزعت على صوت مامتها فقالت بكسل/ سبينى أنام
الأم بصوت عالى 🤣/ حرااام عليكى أخوكى مش تعبنى كدة قوووومى أتأخرتى على مدرستك
نادين بضيق/ خلاااااص صحيت أهو يارب يلغوا المدرسة
الأم/ وطى صوتك ،،فاشلة من يومك والله ما أنتى نافعة ثم خرجت تجهز الفطار ،،فهذا حالهم كل يوم
وبعد وقت جهزت نادين وخرجت من غرفتها للصالة وأخذت سندوتش جنبة تاكلة وتشرب مج شاى بلبن
الأم بصوت عالى/ أقعدى وكولى ذى البنى أدمين
الأب بأبتسامة/ سبيها تأكل براحتها كولى يا قلب بابا وأشبعى
نادين وفمها مليان أكل/ تعيش يا غالى كُلك ذوق
الأب/ هههههههههه يلا يابكاشة على المدرسة ،،،، عايز طب سامعة طب يا دكتورة نادين
شرقت نادين وقالت طب أن شاء الله ،،،ثم قالت لنفسها أبقا قبلنى لو مجموعى جاب معهد لاسلكي وأنطلقت للخارج تجرى كالعادة
أما الأم هتنجلط منها فخرجت تشوفها من البلكونة وهى ماشية وتدعو لها بالهداية بقلب أم
【فى شقة يوسف 】
الأم/ مش هتفطر
يوسف/ لا يدوب ألحق الحصة الأولى عايزة يقولوا آيه المدرس الجديد متأخر تؤتؤ أول أنطباع يا ست الحبايب
الأم/ ربنا معاك ويصلح حالك يارب
يوسف بسعادة/ الله الله على الدعوة الحلوة هو دة الكلام ثم طبع قُبلة 😘 على رأسها وأنطلق لعملة بسيارتة التى ورثها من والدة ليست باهظة الثمن لكنها تكفى بالغرض
_____
【فى المدرسه داخل الفصل 】
هدى/ يا نهار وأنتى مالك ساكن ولا بتاع العفش هو يخصك
نادين/ وطى صوتك هوووش،، أنا أنا فضوليه
هدى/ لا دى قلة أدب ميصحش ولا تتجسسوا
نادين بتوتر/ لا بلاش الكلمة دى سميها فضول
وهنا هناك بنت تسمع الحوار وقالت بصوت عالى ،،ألحقوا يا بنات على خضرة الشريفة إللى مقضياها
نادين/ لمى نفسك وأبعدى عنى
البنت/ لا أنتى فتنتى عليا علشان غشيت ودلوقتي سمعتك بتقولى بتتصنتى على جاركم الشاب
نادين/ شهقت وقالت وكمان رامية ودانك ولا فى خصوصية فى البيت ولا هنا محصلش وأثبتى
بثينة/ لااااااا حصل وهدى شاهدة
هدى بكذب / محصلش
بثينة/ طبعا أصحاب يا كدابين ،، يابناااااااات نادين على علاقة بشاب جارهم وأنا شوفتها بعينى معاة أدام المدرسة وهو بيحضنها ،،ثم نظرت ليها بخبث
بدأت البنات تتهامس ف نادين معروف عنها أدبها الشديد
أتنفضت هدى بأعتراض/ كلنا عارفين نادين ولا يمكن نصدق كلام العقربة دى
بثينة/ كلة بكرة يبان وساعتها يا بنات هتعرفوا مين العقربة ثم ضر'بت هدى فى كتفها ،،،،أتغاظت نادين وأقام أشتباك بينهم كبير هما الثلاثة
وبعد وقت تدخلت الدادات والمدرسين وفضوا الأشتباك ثم ذهبوا بيهم لمدير المدرسة الذى
أنصدم من شكلهم ف نادين حجابها الطويل الذى يشبة الخمار غير مرتب وبعض من خصلات شعرها الأمامية ظاهرة وملابسها تراكم عليها التراب وكذلك بثينة وهدى
،،،،،،فقال بغضب/ ممكن أفهم أية الكلام إللى الميس بتقولة دة بتضربوا بعض وهنا المفروض ثانوية عامة ضيوف فى المدرسة أية شغل البلطجة دة
نادين وهدى ببكاء حقيقى/ هى إللى بدأت
بثينة/ لا هما الأول
المدير/ بااااااااس إحضار ولى الأمر ورفد أسبوعين المدرسة للتربية والتعليم والتربية قبل التعليم والشغل إللى حصل دة مش هنا
بثينة ببكاء / نادين تعرف شا٠٠ قطعها المدير وقال مش عايز كلمة زيادة قال بنات قال غورا على فصلكم و بكرة الصبح ولى الأمر يحضر
رجعوا الفصل وكل منهما حزين ومشغول بالهم أزاى يبلغوا أهاليهم أما نادين تدعو الله محدش يعرف بجارهم دة
فى نفس الوقت داخل غرفة المدير يجلس شخص يتابع الحوار من أولة لأخرة لم ينتبة لة البنات لأنة يجلس فى زاوية
يوسف/ لو سمحت بلاش رفد ولا ولى آمر يجى
المدير برفع حاجب/ لسة جاى جديد مكملتش ساعتين ومعترض على كلامى
يوسف/ المفروض هنا مدرسة بنات نحتويهم ونسمعهم ربما فى مشكلة كبيرة سبب العركة
المدير بحزم/ مفيش الكلام دة هنا إللى غلط يتحاسب
يوسف/ مع حضرتك، ،،بس دول سن مراهقة خطر ولو أحنا مش حلينا المشكلة حتى لو تافهة ممكن دماغهم تفكر يأذوا بعض برا المدرسة ،،،الزمن وحش
المدير/ المدرسة مش مسؤلة
وخليك فى حالك ،،ثم قال بسخرية واضح قلبك حنين وهيعجب البنات
يوسف بأنفعال خفيف/ أنا هنا أخ ليهم قبل المستر،،، ثم هدأ وقال لو سمحت ألغى القرار ونعامل البنات بلين نزرع فيهم أسلوب الحوار خلى حضرتك أب ليهم أدخل فى حياتهم وحلها
المدير / باين عليك هتقرفنى أسلوب الوس**** مش عندى
أعترض يوسف / مسمحلكش تغلط دة أسلوب التربية الحديثة
المدير/ كأنى مسمحتش حاجة أنت لسة أول يوم عندى وخلى اليوم يعدى ،،،،ومتأكد مش هتعمر هنا بنظامك الفاشل دة
يوسف بتحدى / الأيام بينا ثم أنطلق لأول حصة فى مدرستة الجديدة
((داخل الفصل))
يوسف / السلام عليكم ورحمة الله وبركاته أنا مستر يوسف مدرس الكمياء هكون معاكم السنة دى بدل المستر إللى كان بيدرس ليكم كل واحدة تعرفنى أسمها
البنات/ ٠٠٠٠٠٠٠
نادين / ٠٠٠٠٠٠
يتبع
مجنونة المستر
______
مجنونة المستر
البارت ال٣
بقلم نجلاء فتحى عاشقةالكلمات
_______
((داخل الفصل))
يوسف/ السلام عليكم ورحمة الله وبركاته أنا مستر يوسف مدرس الكمياء هكون معاكم السنة دى بدل المستر التانى كل واحدة تعرفنى أسمها
البنات/ أنقسموا لأثنين ،، فريق وقع بغرام يوسف لشياكتة ووسامتة والنصف الأخر مش فى دماغة وجودة
نادين/ شهقت ثم وضعت الكتاب على وجهها
أنتبة ليها يوسف وذهب ليها وقال خير معترضة وشهقتى لية
نادين بتوتر/ أصل أصل أنا أنا
يوسف بملل/ أقعدى وركزى معايا
نادين / هو هو حضرتك المستر الجديد
يوسف بأبتسامة/ أيوة ،،،أسمك أيه
نادين / ليه
يوسف/ أوووف بتعرف علي البنات أخلصى
نادين / أسمى نادين
يوسف/ تجاهل الرد وبدأ يتعرف على أسماء البنات وشرح الدرس وأنتهت الحصة ونادين مش مركزة غير فى شئ واحد مدرس الكمياء يسكن أدام شقتها ويوجد غرفة كاشفة غرفتها الخاصة
【فى الفسحة】
هدى/ الفسحة هتخلص كُولى
نادين/ المستر يوسف
هدى/ أشمعنا
نادين/ هو نفس الشخص إللى كلمتك علية الصبح
هدى/ يالهوووى بجد ،،أسمعى حولى تتهربى منة مش ناقصين كلام سمعة البنت أهم
نادين بضيق/ أتهرب لية هو أنا عاملة حاجة غلط دة ساكن عادى أنت فى حالك وأنا فى حالى وبس
هدى/ متأكدة
نادين / أيوة
ومر اليوم لا يوجد فية شئ جديد مر أسبوع ونادين حريصة فى خروجها للبلكونة حتى صوتها العالى جعلتة منخفض ودة أسعد مامتها وبدأت تسمع أغانى رومانسية لماذا لم تعلم ومن الحين لأخر تنظر لبلكونة المستر فى الخفاء وفى مرة من مرات المراقبة الليلية نظرت للساعة وجدتها الثانية بعد منتصف الليل أغلقت الكتاب الذى تذاكر فية ثم تسطحت على السرير أستعداد للنوم ثم نظرت لشباك بلكونتها هوووب طار النوم قفزت وأغلقت نوم الغرفة حتى أصبحت ظلام دامس ثم فتحت الشباك فتحة صغيرة على رؤيتها فقط وجدتة يجلس فى البلكونة ويدخن ركزت مع ملامحة وأستغربت لماذا هو حزين وداخل الفصل الابتسامة مش بتفارق وشة ،،
يوسف/ بحركة غير أرادية وغير مقصودة نظر للبلكونة التى أمامه مغلقة فقال لنفسة كويس مقفولة لو عندهم بنات كانت مشكلة شكلهم شباب بس فهذا ما ظنة لانة بيشوف أخو نادين على طول فقط ولم يعلم بالتى تراقبة طوال الوقت فى الخفاء
رمى السيجارة فى الشارع بعد مأخذ أخر نفس ودخل الشقة ولم ينتبة لفونة الذى سقط فى الشارع دون قصد لانة كان على سور البلكونة خرجت نادين للبلكونة بعد مأطمنت أنة أغلق بلكونتة وشافت فونة فى الشارع أخذت تنظر يمين شمال لا يوجد أحد من المارة أغلقت الشباك وأخذت تفكر تنزل تجيبة وأزاى وعمرها منزلت من وراء أهلها وفى وقت متأخر ذى دة ومين الحين لأخر تنظر للشارع تخشى حد يحصل علية ثم أخذت الجراءة وأرتدت أسدال على ملابسها وخرجت من غرفتها تتسحب وشافت غرفة والدها مغلقة ثم تسحبت لغرفة أخوها وفتحتها وجدتة نايم أخذت نفس وخرجت للشارع جرى أخذت الفون ثم جريت لشقتها ومنها لغرفتها وقلبها يكاد هيقف من الموقف نظرت للفون فى إيدها وبكت ماذا تفعل فأذا وجدة أهلها لديها ماذا تقول أخذت تلطم على وجهها وتقول منك لله يا شيطانى أرتحت كدة ثم تفحصت الفون وجدتة فى كسر فى الأسكرينة فقط،، فقط سقط من الدور الرابع والدور الأول فى غسيل فخفف الصدمة علية ثم أستغربت ليس لدية باس ورد قفزت على السرير وربعت رجليها وتريد تفتح الفون وشئ أخر يرفض بداخلها
(فى غرفة يوسف )
الفون فين يوةةة ثم خرج للبلكونة وعقد حاجبة وقال متأكد سيبتة على السور هنا
نظر للشارع لم يجدة أتعصب ثم دخل غرفتة يبحث عنة وأنتهى اليوم على كدة
فى صباح اليوم التالى
يتبع
الصفحه الرئيسيه للرويات من هنااا
اكتبوا في بحث جوحل( مدونة النجم المتوهج للروايات والمعلومات) تظهر القصص كامله
القراء والمتابعين الغاليييييييين عليا إللي يدخل عندنا ميخرجش كل إللي محتاجينه هتلاقوه من غير تعب ومن غير لف في الجروبات والصفحات موجود في اللينكات بالاسفل 👇👇👇
اللي يخلص قراءه ميسبناش ويمشي أنا بحبكم أدخلوا انضموا معايا علي تليجرام واستمتعوا بقراءه الروايات من اللينكات بالاسفل 👇💙👇❤️👇
انضموا معنا على تليجرام عشان كل متنزل روايه يصلكم اشعار فور نزولها من هناااااا
اعملوا متابعه لصفحتي عليها جميع الروايات إللي عوزينها من هناااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
