رواية صديق ماما وشيطاني الفصل قبل الأخير حصريه وجديده على مدونة النجم المتوهج للروايات والمعلومات
 |
بعد ما وصلت شقة مراد
وبخبط علي الباب بصيت قدامي لقيت واحد غريب الا بيفتح الباب
وقفت لحظات لقيت مراد جاي
وبصلي وقال
_ تعالي واقفه ليه !!!
انا اترددت لحظات وبعديها دخلت
واتفاجأ ان جوه كان في أربع أشخاص
والكل قاعدين بيشربوا ويسكرو ،
بصيت لمراد بغيظ وقرف ورايحه اطلع من بره وماشيه ناحيه الباب لقيت مراد مسكني وشدي من إيدي
_ انتي مجنونه !!! رايحه فين
بصيت بغيظ
=ازاي رايحه فين يا مراد ؟ انت مش شايف
عايزني اقعد وسط السكرانين دول ازاي بقي
_ لا انتي فعلا مجنونه وشكلك نسيتي جثة مامتك والمصيبه انك تكوني نسيتي حكم الاعدام اللي عليكي
بصيت عليه ونفسي اكله بسناني .
= لا منستش يا مراد بيه ، بس مش هقعد مع ناس زي دي
_لا هتقعدي وكمان هتعملي اللي نفسهم فيه
= نعم ، انت اتجننت يا مراد . انت شايفني بنت ليل والا واحده من اياهم بتوع الشوراع
قرب مني ومسك ايدي . دفعته وجريت ناحيه الباب وقلتله
=مراد لو قربت مني هصرخ
والم عليك العماره كلها فهمت.
فتحت الباب ومشيت وبكلم نفسي . قد ايه البني آدم اللي اسمه مراد واطي وخسيس هي وصلت يعاملني معاملة بنات الليل وكمان عازم صحابه عليا . معقوله انا بقيت بالقذاره دي وبقي تفكيره فيا كدا ...
ركبت عربيتي ومشيت وروحت لشقتي .
تاني يوم مروحتش الشغل لاني كان الموعد اللي حددته مع رغد عشان نتكلم مع بعض .
رحت المكان اللي قلتلي عليه
كافيه في مكان راقي وسط البلد .
ولما رحت هناك لاقيتها موجوده بنفس المكان اللي قالت عليه ..
دخلت وسلمت عليها وقعدت قدامها علي الطاوله
_ ياريت مكنش اتأخرت عليكي يا مدام رغد
= لا طبعا يا حبيبتي في معادك . انا بس من بدري هنا كنت مع واحده صاحبتي ومشيت
_ تمام . طب كويس متاخرتش عليكي .
بصراحه عشان اكون صريحه معاكي انا طلبت اقابلك عايز اقولك علي موضوع مهم جدا
= اتفضلي اتكلمي سمعاكي
_ علي فكره مراد نيته مش كويسه من ناحيتك ومخبي شر ليكي
بصت رغد عليا وضحكت
= هههههه معقوله يكونش عايز يقتلني مثلا
_ بصراحه ايوه فعلا عايز يقتلك
= هههههه منا عارفه انه عايز يقتلني مهي نوره السكرتيره قالتلي هههههههه
بصتلها وانا مستغربه ومش فاهمه حاجه
_ قصدك ايه ؟ نوره بتشتغل عندك وعنده كمان
= لا طبعا . القصه طويله وبعدين هبقي افهمك
_ لا ارجوكي فهميني ، اي الحكايه . انا تايهه ومش عارفه اي الحكايه .
=طيب يا ستي افهمك ، كل اللي مراد فيه دي ملكي انا اصلا
بس الله يسامحه بابا بعد ما جوزني لمراد خده وسافر بره يخلصوا شغل ولما رجع من بره
اتوفي ومراد الكلب كان مخلي بابا موقع علي عقود بيع المصنع والشركه ومراد طلع الورق بعد وفات بابا ولحد دلوقتي مش عارفين ازاي مراد خلي بابا يعملوا دي كلوا
عشان كدا انا أطلقت من مراد
فهمتي !!
= انا فهمت جزء واحد بس اللي هو ملكك بس في جزء تاني
_ عارفه الجزء التاني ومتخفيش في الحفظ والصون
= قصدك ايه ؟
_ قصدي مامتك صح ، احب اعرفك مامتك بخير وحكتلي الحكايه كلها
_ ازاي . يعني ماما عايشه
= ايوه عايشه . وانا اللي كلمتك من يومين وقلتلك مامتك عايشه ومفيش حد يعرف غيري أنا وأنت ونوره السكرتيره
= طب والسكين اللي ضربتها بيها
_ متخفيش لما نوره والرجاله راحوا ياخدو مامتك طلع الجرح سطحي بس هيا اغمي عليها
ولما نوره اتصلت واستنجدت بيا
اخدت الدكتور الخاص بيا وخليته تابع الحاله وعمل اللازم ومامتك كانت بغيبوبه بس وهيا بخير
احنا دلوقتي بنعمل خطه محكمه علي مراد وقريب هتشوفيه بالبدله الحمره
_ بجد انا مش عارفه اعمل اي هموت من الفرحه ، طيب ممكن اشوف ماما
= ممكن طبعا ، بس لما اتصل عليكي . وعايزه اطمنك هيا بخير متقلقيش عليها
مشيت من عند رغد وانا طايره من الفرح ومش مصدقه اللي بيحصل دي
ركبت عربيتي ومشيت بسرعه علي شقتي
وبعد شويه وصلت ولما طلعت الشقه لقيت ....
تتبع.. الجزء الأخير
اعملوا متابعه لصفحتي عليها جميع الروايات إللي عوزينها من هناااااااا
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
