رواية عمياء وسط الذئاب بقلم محمد طه الفصل الثاني والثالث والرابع والخامس حصريه وجديده على مدونة النجم المتوهج للروايات والمعلومات
 |
رواية عمياء وسط الذئاب بقلم محمد طه الفصل الثاني والثالث والرابع والخامس حصريه وجديده على مدونة النجم المتوهج للروايات والمعلومات
البارت 2
_نهله بجديه... أنا متصلتش..
أنا أصلاً رصيدي خلصان من يومين..
_نور بصدمه... نعم؟!!
اومال مين اللي لسه مكلمني من شويه..
دا هوا نفس صوتك وطريقتك.. لما بتتكلمى
باللغه العربيه..
_نهله تحاول تضايقها أكتر... باللغه العربيه الفصحي
استيقظ وركز واصحى..
وتتكلم بجديه... مش يمكن العفريت اللي..
كان بيكلمك
_نور تخبطها على كتفها... عفريت لما يعفرتك..
انطقي يا بت انتي ولا العفريت... قصدي انتي
ولا مش انتي...
_نهله تضايقها أكتر... لا أنا ولا العفريت..
دا تلاقي الواد المز بتاعك...
وبما إنو معجب بصوتي وطريقتي... فقال يقلدني
_نور... مز إيه يا بت اتلمي... وربنا انتي لو ما كنتي
بنت عمتي.. كان زماني قت*لتك..
أم نور بصوت عالي... يلا يا نور قومي خدي دش
الفطار قرب يجهز...
_نهله... آجي اشطفك يا جميل..
أموت واتح؛رش بيك
_نور وهيا داخله الحمام وبتضحك..
الله يسامحك يا عمتي.. جبتيلي بلوه
يا ريتك كنتي خلفيتها واد...
_نهله تفتح باب الحمام... بردو كان هيموت ويتحرش بيك..
___عند بابا نور ف الشغل _____
_منعم زميل ابوها... مالك يا أبو نور
_ممدوح أبوها... قلقان على نور بنتي اوي
_منعم... ليه خير مالها نور بنتك
_ممدوح... بتحلم حلم وحش والبنت لسه صغيره
_منعم... حلم إيه دا يا أبو نور... وبعدين أنا عايزك
تطمن بيقولو الحلم لو اتحقق.. بيبقى العكس
يعني لو كان بعد الشر حزن... بيبقى فرح
ولو فرح بيبقى حزن..
_ممدوح... مش عارف.. أنا مبقتش عارف اطمنها
دا بالعكس دا أنا خايف أكتر منها..
_منعم... طب احكيلي هيا بتحلم بإيه
_ممدوح... بتحلم إنها بعد الشر بعد الشر.. ما بتشوفش
_منعم... لا اله الا الله بعد الشر عليها
_ممدوح... ادعيها ان ربنا يبعد عنها الشر..
وأولاد الحرام
_منعم... ربنا يحفظها من كل شر..
ويقول ف سره... وتبقى من نصيبي
_ممدوح... بقولك ايه انا همشي بدري النهارده..
عشان عيد ميلادها النهارده
_منعم... كل سنه وهيا طيبه.. عقبال مليون سنه..
طبعآ أنا معزوم
_ممدوح... وانته طيب.. أكيد طبعآ معزوم
__عند نور ف البيت... بعد ما فطرو..وجهزو...
خارجين رايحين لجدتها..
يقابلو جارهم وهما طالعين من البيت
بقلم... محمد طه
___(سالم جارهم 40سنه ومطلق بيشتغل فني
كاميرات مراقبة... وعينه زايغه) ____
_سالم... صباح الخير يا أم نور
_أم نور بتوتر... صباح الخير يا استاذ سالم
_سالم ينظر لنور من تحت لفوق بنظره شه*وه...
صباح الخير يا نور
_نور بكل براءه... صباح الخير يا عمو
_نهله ف سرها... وانا مفيش ليا صباح الخير...
إلاهي ربنا يرزقك بالحلم.. اللي بتحلمو نور
ويتحقق فيك
_سالم... إيه رايحين فين
_أم نور... رايحين عند جده نور
_سالم بفرح... طب كويس ف طريقي هوصلكم
_أم نور... مفيش داعي يا استاذ سالم
متتعبش نفسك...
_سالم بإصرار... لا تعب ولا حاجه اتفضلو
__وهما ف العربيه عنيه ما نزلتش من على نور..
لحد ما وصلو... ام نور تنزل من العربيه...
وسالم بسرعه فتح باب العربية لنور
ونور تشكره...
_سالم... أنا عندي مشوار قريب من هنا...
هخلصه واعدي عليكم... اخدكم وأنا راجع
_أم نور بدأت تضايق من نظرات سالم لنور....
_ام نور... شكرآ يا استاذ سالم.. أبو نور هيعدي علينا
شكرآ تعبناك معانا
_سالم... لا تعب ولا حاجه... أنا تحت أمركم
نهله تحرجه... هوا فيه إيه يا جدو سالم...
يعني لا قولتلي صباح الخير... ولا فتحتلي
باب العربية... ولا بصيت ف خلقتي حتى...
وعنيك ما نزلتش من على نور..
وعمال تبص على جس*مها... هوا فيه حاجه؟؟
_سالم ارتبك و.........
البارت3
_نهله تحرجه... هوا فيه إيه يا جدو سالم..
يعني لا قولتلي صباح الخير.. ولا فتحتلي
باب العربيه... ولا بصيت ف خلقتي حتى...
وعنيك ما نزلتش من على نور...
وعمال تبص على جس*مها... هوا فيه حاجه؟؟!!
_سالم ارتبك ووشه بدأ يجيب الوان...
لأ مفيش حاجه... دي نور دي زي بنتي..
يلا عايزين حاجه.. هستأزنكو انا بقى...
_أم نور بابتسامه... جدعه يا بت يا نهله...
قولتي اللي كان نفسي اقوله
_نور ببراءه... إيه يا جماعه احرجتو الراجل...
وبعدين ما تظنوش فيه الظن الوحش ده..
_نهله... والنبي انتي طيبه يا نور..
وبعدين يا مرات خالي اطمني..
بنتك صاحبتها وقت اللزوم.. بتتحول لأسد...
_أم نور... عشان كده انا مطمنه على نور...
_نور... طب مش ندخل لجدتي بقى.. يلا ماما
وتبص لنهله... خليك ورايا يا أسد العيله
_نهله تقلد صوت الأسد مع ضحكات من القلب
_أبو نور يطلع من الشغل... ويروح على سنتر هدايا
عشان يشتري هديه لنور.. دخل السنتر..
وبدأ يدور على هديه..
فجأه شاف قدامه دب كبير...
وبعدين راح زاويه تانيه من السنتر..
شاف نفس الدب موجود..
كل ما يروح ف زاويه من السنتر...
يلاقي الدب موجود قدامه..
طبعآ ما فكرش كتير واشترالها الدب..
وكان حجمه كبير.. تقريبا ف طول نور...
وكان شكله حلو وكيوت..
بقلم... محمد طه عبد المجيد
___عند جده نور جدتها أم أبوها ___
_نور تجري على جدتها وتترمي ف حضنها
_الجده بحنان... حبيبتي الغاليه بنت الغالي
_نور والدموع بدأت تتجمع ف عنيها...
وحشتيني اوي يا جدتي..
وتبدأ دموع نور بالنزول..
_الجده اتخضت على نور... بنتك مالها يا نرجس..
_نرجس أم نور... الحلم إياها حلمتو تاني إمبارح
_الجده لنور... أنا مش قولتلك يا نور..
طول ما انتي خايفه من الحلم ده..
وبتفكري فيه.. هتحلميه تاني وتالت ورابع
_نور بدموع... مش قادره أنساه يا جدتي وخايفه
_نرجس لسه هتتكلم... شاورت ليها الجده بالسكوت
وبدأت الجده ترقيها...
لحد ما نور نامت ف حضن جدتها
_عند بيت نور أبوها وصل البيت وهوا شايل الدب..
شافه الاستاذ سالم جارهم كان راجع هوا كمان
_سالم... إزيك يا استاذ ممدوح
_ممدوح أبو نور... الله يسلمك يا استاذ سالم
_سالم... إيه الدب الكبير ده
هيا مش نور كبرت على الكلام ده...
والمفروض تجبلها ف جهازها
_ممدوح بابتسامه... أصل النهارده عيد ميلادها
ورحت سنتر الهدايا...
وعجبني الدب ده فجبتو ليها
_سالم بمكر... كل سنه وهيا طيبه... طبعاً أنا معزوم
_ممدوح... وانته طيب اكيد طبعا انته تنورنا
_ويدخل أبو نور شقته... وسالم هوا كمان
كان داخل شقته.. بس افتكر انو لازم
يجيب هديه لنور..
وفضل يفكر يجيب إيه.. لحد ما خطرت...
على باله فكره شيطانيه... وبدأ ف تنفيذها
____عند أبو نور ف الشغل ___
_صاحبه قاعد بيفكر يجيب هديه إيه لنور
_منعم صاحب أبو نور... هتجيب للفرسه دي
إيه يا منعم.. البت صغيره بس جامده..
البت دي لازم تبقى من نصيبك يا منعم...
مينفعش تسيبها لشاب من شباب..
اليومين دول...
الجمال والحلاوة دي... لازم تكون ليا
_____عند جده نور _____
_بعد نور ما صحيت...
نامت حوالي ساعتين ف حضن جدتها..
_جدتها... ها بقيتي كويسه دلوقتي يا قلب جدتك
_نور اخدت نفس وأكن حمل من على اكتافها انشال...
الحمدلله يا جدتي... وانا ف حضنك
أكني بتولد من جديد
_نهله بدأت تحس بغيره... أيوه يا عم والنهارده
عيد ميلادك.. والهدايا هتنزل عليك زي المطره
_جدتها بجديه... قوليلي يا نور..
انتي ليه مقولتيش لحد.. إنك اتجوزتي؟!!
_نرجس انصدمت....
_نهله هتتجنن...
_نور وشها قلب ألوان..
البارت4
_جدتها بجديه... قوليلي يا نور..
انتي ليه مقولتيش إنك اتجوزتي
_نرجس بصدمه وانفعال... انتي بتقولي إيه...
يا حماتي... انتي كبرتي وخرفتي ولا إيه
_الجده بابتسامه عتاب... الله يسامحك يا نرجس..
بس انا هخليكي تبوسي ايدي... وتطلبي إني
أسامحك... وهسامحك عشان أنا بحبك
_نور بذهول... انتي عرفتي ازاي يا جدتي
_نهله بعدم استيعاب... انتي عرفتي ازاي يا جدتي...
هوا دا كل اللي هامك... طب طب امتى وازاي وفين ومين
دا انا ما بفارقكيش لحظه دا انتي بتبقى ف الحمام
ببقى واقفالك على باب الحمام...
أنا هتجنن طب قوليلي أنا سترك وغطاكي
_الجده لنهله بصوت عالي... اسكتي يا بت يا هبله
انتي مش اسمك نهله... انتي اسمك هبله
_نهله ف سرها... الله يسامحك يا جدتي...
أنا مش هرد عليكي... بس لو ذودتيها..
مش هتسلمي من لساني
_الجده بهدوء... نور حبيبه قلب جدتها...
الحلم الوحش بتقولنا عليه..
وتخوفنا معاها وتقلقنا عليها
أما الحلم الحلو... اللي بتتجوز فيه وفرحانه
ومبسوطه تخبيه علينا... ومتقولناش عليه
_نرجس تبلع ريقها وتاخذ نفسها... الله يسامحك..
يا حماتي وقعتي قلبي
_نهله ف سرها... طب اعمل فيها إيه الوليه العجوزه دي..
وربنا دي لو من دوري... كان زماني جايباها تحت رجليا
وبقلعلها شعر راسها شعرايا شعرايا..
القرعه بنت القرعه دي..
وتعلي صوتها.... برافو يا جدتي على مشهد الدراما..
اللي عيشتينا فيه ده... إنتي عظمه
_نور تكرر سؤالها تاني... انتي عرفتي إزاي يا جدتي
انتي كنتي بترقيني ولا كنتي بتقرأي أفكاري
_الجده... لأ.. أنا كنت معزومه ف الفرح اللي حلمتي بيه
عقبال يا رب ما أشوفك عروسه ف الحقيقه
_نرجس تبوس على ايد حماتها... سامحيني والنبي
ما كنت أقصد
_الجده...عارفه ومسمحاكي... يا بت انتي بنتي
_نهله بغيره... طب بالنسبه لبنت بنتك...
مفيش ليها دعوه حلوه زي اللي
دعتيها لنور من شويه
_الجده... وانتي مستعجله على ايه يا هبله يا بنت الهبله
_نهله باستعباط... أنا مش مستعجله عالجواز عالفكره
أنا مستعجله على دعوه حلوه...
يا عجوز انته يا هارشني
_نرجس تستأذن... طب إحنا هنقوم نمشي بقي
زمان أبو نور... رجع من الشغل وقاعد ف البيت لوحدو
_نور لجدتها... مش هتيجي تحضري معايه عيد ميلادي مره
_جدتها... خدي المصحف ده وكل سنه وانتي طيبه...
وبعدين انا مش عايزه أحضر عيد ميلادك...
أنا عايزه آجي يوم فرحك
بقلم... محمد طه عبد المحيد
___ف بيت نور أول ما دخلو البيت ____
_نهله بصوت عالي.... خالووووو...
يا خالو بنتك اتجوزت... بنتك اتجوزت من وراك يا خالو
يا خالووووو... أنا هلطم واصوت بالنيابه
عنك يا خالووووو..
وتاخد نفسها وبصوت هادي... إيه يا خالو مفيش اي رد فعل
_ممدوح بهدوء... أعرف وافهم الأول..
اتجوزت امتى ومين وإزاي..
وبناءآ عليه... هتلاقي رد الفعل
_نهله بغيظ... بناءآ عليه... والنعمه خالي فيلسوف يا جدعان
_نهله عنيها رايحه جايه ف الشقه كلها
أكنها بتدور على حاجه... بس خالها عارف هيا بتدور على إيه
_ممدوح... اللي بتدوري عليه عند نور جوه عالسرير
_نور لسه مذهوله... بابا عالفكره.. أنا هبدأ أخاف من أمك دي
_ممدوح... والله يا بنتي انا كمان بخاف اروح عندها
_نرجس بتلميح.... إيه عامل حاجه وخايف تكشفك...
البارت5
_نرجس بتلميح... إيه عامل حاجه وخايف تكشفك
_نهله وهيا ف اوضه نور بصوت عالي...
ايوه يا مرات خالي متجوز عليكي أربعه
_نرجس بابتسامه... طب قولي تلاته
عشان الكدبه تبقى مبلوعه
_نهله تخرج من الاوضه وشايله الدب... إيه ده يا خالو
_نور بفرحه... الله دا حلو اوي...
شكراً يا بابا يا حبيبي
_ممدوح... كل سنة وانتي طيبة يا قلب بابا
_نهله بغيظ... محدش رد عليا إيه ده
_نور تجري عليها وتاخد منها الدب وتحضنه...
دا أحلى هديه جاتلي ف حياتي..
ربنا يخليك ليا يا بابا
_نهله بعصبيه... بقولك ايه يا مرات خالي..
انتي شايله السكا*كين فين..
عشان الدب ده هيتشق نصين دلوقتي..
النص اللي فوق لنور... والنص اللي تحت يلزمني
_نرجس بصوت واطي... وربنا صدقت جدتك..
لما قالت عليكي هبله
_نهله بتحذير... سمعتك بتقولي ايه يا مرات الخال
_نرجس بابتسامه... بقول إنك جوه البيت هبله...
بس برا البيت جدعه وبميت راجل
_نهله لنور... امك دي هتخلي دم*ي يفور...
تعالي عيزاكي جوه
___نرجس وممدوح ___
_ممدوح... بقولك ايه يا نرجس..
فيه ناس معزومين على عيد الميلاد
_نرجس باستغراب... ناس... ناس مين دول
_ممدوح... منعم زميلي ف الشغل وسالم جارنا
_نرجس... تصدق بالله.. أكتر اتنين ما برتاح ليهم...
وانته ايه اللي خلاك تعزمهم
_ممدوح... والله انا ما عزمتهم هما اللي عزمو نفسهم
_نرجس... إيه العالم البارده دي
_ممدوح... اسمعي يا نرجس... أنا كنت عايز اخد..
رأيك ف موضوع مهم
_نرجس باهتمام... خير يا أبو نور
_ممدوح... أنا عايز اكتب الشقه دي بإسم نور
_نرجس بقلق... ربنا يخليلنا حسك واسمك ف الدنيا...
مالك يا أبو نور متقلقنيش
_ممدوح... خلاص يا نرجس... أنا بكره الصبح هروح....
أسجلها بإسمها.. واللي فيه الخير يقدمه ربنا
بقلم... محمد طه عبد المجيد
___ف اوضه نور ___
_نور وهيا واخده الدب ف حضنها... ها يا هبله...
قصدي يا نهله عايزه إيه
_نهله برومانسيه... فيه 7 شباب كده.. بيلمحولي..
إنهم معجبين بيا
_نور بتريقه... 7 شباب مره واحده..
طب والهبله معجبه بمين فيهم
_نهله تسرح بخيالها... الهبله معجبه بيهم كلهم
_نور تنادي عليها... نهله نهله انتي يا هبله
_نهله بسرحان... عايزه إيه من الهبله
_نور... قومي يا بت كده من جنبي..
عشان أنيم الدب مكانك
_نهله بصدمه... إيه ده انتي هتنامي...
انتي والدب ف سرير واحد
_نور تهزئها... نامت عليكي حيطه...
يا سافله يا قليله الأدب.. اطلعي شوفي..
مرات خالك بتعمل ايه وساعديها
_نهله... إيه ده... وكمان بتطرديني.. طب أقف اتفرج
_نور... مفيش حاجه جنبي اخبطك بيها...
تتفرجي على إيه... يا اللي معندكيش د*م
_نور تنيم الدب جنبها عالسرير وتغطيه
_ عند منعم صاحب ابو نور ف الشغل
كان منعم قاعد بيفكر يجيب هديه إيه لنور
هوا عايز يجبلها حاجه تلفت انتباه نور ليه
_وف نفس الوقت سالم جارهم هوا كمان بيفكر
يجيب إيه كل واحد فيهم عايز يجيب هديه
تلفت انتباه نور بس
_نرجع لنور اللي نيمت الدب جنبها
وهيا كمان نعست ونامت حوالي ساعة
وأول ما فتحت عنيها شافت الدب
قاعد قدامها عالكرسي وف إيدووووو....
تابعوا صفحتي وتابعو المدونه ليصلكم اشعار بالروايات فور نزولها
انضموا معنا على تليجرام ليصلكم اشعار بالروايات فور نزولها من هناااااا
