رواية رغد الفصل الثالث والرابع حصريه وجديده على مدونة النجم المتوهج للروايات والمعلومات
 |
رواية رغد الفصل الثالث والرابع حصريه وجديده على مدونة النجم المتوهج للروايات والمعلومات
صحيت مفزوعه من النوم علي ايد بتلمس كتفي وببص قدامي لقيت الاستاذ حسان واقف قدامي وبيقول..
_متخفيش متخفيش انا حسان
اخدت نفس وحاولت اسيطر علي أعصابي ومش قادره اتكلم دمي نشف من الخضه.
ولما شافني صعبت عليه ومد ايده ليا وقال.
__ انا اسف بجد يا انسه رغد سامحيني.
بالعافيه حاولت اتمالك اعصابي واهدي ورديت عليه بابتسامه بتعب وقلت
_ وليهمك حصل خير ومسكت ايده وقمت من مكاني وخدني وطلعنا علي الصاله وكانت فيه شنطه علي الانتريه .
شاور بايده عليها وقال وهو مبتسم
_ افتحي الشنطه اللي هناك دي .
استغربت وبصيت عليه .
ضحك وقالي .
_ ايوه مالك مستغربه افتحيها متخفيش
هزيت راسي وروحت عند الشنطه وبدات افتحها ولما فتحتها لقيتها مليانه لبس جديد وواضح لبس من الغالي لانه شيك ومودرن.
بصيت عليه بعد ما خلصت فتحها وبقول لنفسي . معقول الشنطه دي ليا .
بصي وهو مبتسم كالعاده وقال .
_ الشنطه دي واللي فيها بتاعتك هديتي ليكي وكمان في مفاجأه ليكي استني لحظه.
انا من جوايا فرحت اووي لان اللبس شيك جدا وكمان حلو . واستغربت ان في مفاجاه ليا .
سابني ودخل المطبخ ورجع بسرعه ومعاه تورته كبيره ومكتوب عليها اسمي بحبات الفراوله. انا ببص عليه وساكته وهو كمان مبتسم وبص عليا وقالي .
_ كل سنه وانتي طيبه
بسرعه افتكرت التاريخ النهارده وفعلا دي تاريخ عيد ميلادي . يااااه فرحت اووي وكنت عايزه اصرخ من كتر الفرحه. ومقدرتش احبس دموعي وعيطت فعلا .انا اول مره حد يعمل معايا كدا ويفرحني بطريقة المفاجات دي.
ياربي انا بحلم بحلم ، الفرحه مكنتش سيعاني. كنت عايزه اجري عليه زي الطفله واحضنه وابوسه. ولما شافني بعيط قرب مني وحط ايده علي كتفي . اتخضيت منه وبعدت لقيته بيقولي ويقرب مني تاني .
متخفيش يا رغد انا زي والدك وحاوطني تاني وبتلقائيه مني من غير ما احس بنفسي حطيت راسي علي صدره وكلمة زي والدك خلتني اطمن اكثر وانا بحضنه حسيت بوجع فراق بابا ليا وبلحظه دموعي طلعت من زي شلال مياه ملوش نهايه انا حقيقي جوايا وجع وكنت محتاجه حد يطبط عليه ويهتم بيا يقولي مالك فيكي ايه .عايزه اتكلم تعبت من كتمان وجعي مش لاقيه حد يحس بيا من غير ما اقوله محتاج حضن يطبط ويداوي محتاج الايد اللي تتمد وتقولي قومي انا معاكي وسند ليكي .ياااه صعب يكون جواك وجع والاصعب الكتمان فضل يكلمني ويهديني وبدات ارجع لحالتي الطبيعيه بعد عني شوي وقال .
__ كفايه دموع بقي ويلا خلينا نطفي الشمع ونحتفل بيكي.
ابتسمت انا وهديت وولعنا الشمع ورددنا اغنية عيد الميلاد مع بعض وطفينا الشمع وقطعت التورته انا ودخلت المطبخ جبت العصير وقعدنا بصاله . وانا كنت مبسوطه وفرحانه بوجوده شعور ميتوصفش. وكان عندي فضول اعرف عنه كل حاجه !!
سكتت شوي . وطلبت منه يحكيلي عنه شوي . ضحك وبصلي وبدا يحكيلي عنه وعن مراته واولاده. وعرفت انه معاه ثلاث اولاد وبنت وحيده . ابنه الكبير فارس والوسط فادي والاصغر عمرو والبنت هايدي ومجوزه وعايشه مع جوزها والولاد عايشين معاه بالفيلا هو ومراته سميره.
خلص كلامه عن عيلته وقف من مكانه وقال ..
__ صحيح قبل ما امشي خدي المفتاح اللي كان معايا التاني عشان ابطل اخضك وضحك.
مديت ايدي واخدت المفتاح بابتسامه وسابني ومشي .
رتبت الشقه ونظفتها ودخلت اوضتي وكنت مبسوطه اووي من زيارته ليا غيرت هدومي ونمت . وانا بحلم بالوقت اللي قضيته مع الاستاذ حسان وقد اي طلع انسان طيب وكمان محترم كتير .
***
عدي اسبوع علي اليوم دي وانا منتظره اتصال من الاستاذ حسان عشان الوظيفه اللي وعدني بيها .
وجه الاسبوع الثاني وفي نص الاسبوع التاني اتصل يطمن عليا والمكالمه كانت بينا حوالي نص ساعه وبصراحه كنت مكسوفه اقوله امتي هنزل شغل وخصوصا كانت الايام اللي عدت كل كام يوم يبعتلي السواق بتاعه يجبلي معاه طلبات الاكل والشرب واحيانا يبعت معاه فلوس ليا مصروف .
مر علي الحال دي شهر كامل ولسه الوظيفه مش عارفه عنها حاجه. وفي ليله كنت قاعده بفكر اتصل بيه او اروح الشركه عشان اكلمه علي الوظيفه تعبت من القعده في الشقه من غير شغل وانا مشغوله بالتفكير بالاتصال ومتردده والوقت كان متاخر !
فجاه سمعت صوت الباب بيفتح وانا كنت باوضتي . خوفت واترعبت اووي وقلت ببالي دي لو حسان بيه كان اتصل بيه وبعدين اخر مره عطاني المفتاح امال مين دي وازاي الباب اتفتح بسرعه مسكت تليفوني اتصل بحسان استنجد بيه وفجاه باب اوضتي اتفتح . .
رواية رغد الفصل الثالث والرابع حصريه وجديده على مدونة النجم المتوهج للروايات والمعلومات
الجزء الرابع ....
@@ حكاية رغد @@
لما اتفتح باب الشقه ارتبكت وخوفت ومكنتش عارفه اتصرف !!
وفجاه !
باب غرفتي اتفتح وفي لحظه لقيت . واحد
هجم عليا وبايده منديل وحطه علي وشي
ومفيش لحظه وبقيت مغيبه عن الدنيا !!
وصحيت الصبح جسمي مكسر وعندي الم ببطني وهدومي مقطعه ببص حواليه وانا
علي السرير زي المجنونه اي حصل .
لقيت بقع دم علي السرير . انصدمت
وفضلت اصرخ واعيط واعصابي انهارت تمام ومش عارفه مين اللي عمل فيا كدا
مش قادره اتلم علي اعصابي .رجفه وقشعريره اصابتني . الدنيا لفت بيا بلحظه
ومش قادره انطق. هتصرف ازاي والا هقول اي لما حكايتي تتفضح .
انا وقعت في مصيبه كبيره ومش عارفه كمان مين اللي عمل فيا كدا وازاي دخل الشقه
بسهوله دي ؟
حاولت اهدي شوي وافكر استنجد باي حد
خوفت اتصل علي حارس العماره يفضحني
مسكت التليفون وجمعت رقم الاستاذ حسان ..
الوووو يا استاذ حسان الحقني انا بموت الحقني ..
ووقع مني التليفون علي الارض من الرجفه اللي بجسمي. وانا مش عارفه اوقف من العياط..
_ بعد نص ساعه سمعت خبط شديد علي الباب وبحاول اوقف من مكاني ..
الخبط شديد وسامعه صوت حسان بينادي
عليا افتحي يا رغد
افتحي يا رغد انا عمك حسان.
حاولت اتسند علي الحيطه ووقفت
وطلعت من اوضتي وانا مش قادر اتلم علي نفسي وهدومي متقطعه . وفتحت الباب .
دخل بسرعه ملهوف وبص عليا وشكله اتقلب لغضب . اي حصلك ومين عمل فيكي كدا.
انا بعيط ومش قادره اتكلم شاورتله بصباعي علي اوضتي .
دخل بسرعه وطلع من جوه بيضرب كف كف. ازاي حصل دي ؟ وامتي ؟
ومسكني من ايدي بقوه . اتكلمي مين اللي عمل . وازاي دخل هنا ؟
اتمالكت نفسي وبدات احكيله الحكايه من اولها .
خلصت كلامي وهو مستغرب ومزهول من اللي سمعه مني .
طلع تليفونه بسرعه وحطه علي ودنه وقال للشخص اللي بيتصل بيه بعصبيه شديده..
__ تعالي فوق شقتي بسرعه يا موسي بسرعه . وقفل تليفونه ومش مصدق اللي حصل دي .
_ دخلت اوضتي وسمعت صوت حارس العماره بيقوله.
_ خير يا حسان بيه اي حصل .
قرب منه حسان والغضب مالي عيون وشده من قميصه ومسكه جامد.
_ عايز اعرف مين اللي دخل العماره غريب وفتح شقتي . اتكلم
_موسي بيتالم من مسكة حسان ومش قادر ينطق. سابه شويه وقاله اتكلم
بصله موسي بتعب .
والله ما اعرف حاجه يا حسان بيه انا بالليل بنام ومش بشوف مين يدخل العماره
بصله حسان بقهر ونرفزه . ازاي مش عارف مين دخل العماره . وازاي تنام .دي شغلك عارف يعني اي شغلك.
رد بخوف وزعر موسي .
عارف يا بيه بس انا طول اليوم شغال وبتعب لازم انا مش بقدر اتحمل.
_ حسان هز راسه بزهق. انا هوديك في داهيه لو مقولتش مين دخل شقتي.
موسي ماسكه من ايده ووطي يبوسها.
وبخوف رد
_ حرام عليك يا بيه انا صاحب عيال وامي مريضه بصرف عليها . والله ما اعرف حاجه ولا شفت مين دخل شقتك..
_ حسان بينفخ وشايط من الغضب .
بص لموسي بقرف . يلا غور من هنا بسرعه غوور .
موسي جري من قدام حسان..
قرب الاستاذ حسان من اوضتي ووقف قدامي وقال
_ متخفيش انا معاكي وهجيبلك حقك ولو عند مين . عايز ابلغ الشرطه بس مفيش دليل حتي الشقه سليمه ومفيش اثار اي حاجه يبقي اللي دخل هنا شخص نعرفه
يا تري مين ؟
_ بصيت عليه وانا بتالم .
ارجوك وديني المستشفي انا تعبانه.
رد عليا وباين عليه الحزن والضيق.
_متخفيش دقيقه وهيكون عندك هنا دكتور
طلع تليفونه واتصل علي دكتور !!
نص ساعه ووصل دكتور ومعاه ممرضين وكشفوا عليا .
خلص الدكتور الكشف وقال لحسان..
_ احنا لازم ناخدها المستشفي بتعتي معانا يا حسان بيه . ضروري نعمل اشاعات وتحاليل مهما ليها.
_ حسان بصله وهزا راسه بنعم.
ساعدوني الممرضين وغيرت هدومي وطلعنا معاهم.
ركبت العربيه مع حسان وروحنا وراهم المستشفى الخاصه بتاعة الدكتور اللي كشف عليا .
خلصت الكشف وعملت التحاليل والفحوصات . وكان واضح علي وش الدكتور ان في حاجه مش مطمنه في التحاليل والفحص.
_ وقف حسان قدام الدكتور عشان يعرف نتيجه الفحوصات.
لحظه صمت من الدكتور وبص لحسان وقاله... .
تابعوني وتابعو المدونه ليصلكم اشعار بالروايات فور نزولها
انضموا معنا على تليجرام ليصلكم اشعار بالروايات فور نزولها من هناااااا
